الجدة بإنفعال : دا مش وقت الكلام دا اجلي كلامك دا بعدين!
مايا بإنفعال : بس ...
الجدة بحدة : قولت اجليه !
كانت انظار الجميع موجهه نحو ما يجري علي المنصة ..
اليكس بإنفعال : تيتا انت بتقسي علي ماما كدا ليه !!
ميرا بقلق : صحيح انا مش عارفه ايه االي بيحصل ، بس انتي بتقسي عليها اوي..
الجدة بغضب : متتدخلوش في امور الكبار ، انتو متعرفوش حاجة !!
فتفاجأ اليكس وميرا بصراخ جدتهما عليهما ونظر اليكس بحقد نحو رين ظنا منه انه السبب وكان يلومه علي ما يحدث ، تدخل كيد وتوجه نحو سايتو
وقال بإنزعاج وحاول اخفاء غضبه : عاوز اكلمك !
سايتو ابتسم ومد يده لمصافحة كيد : اولا ارحب بك فقد مر وقت طويل قبل ان نلتقي ، وسأكون سعيدا بالحديث معك ولكن من كان يظن انك ستطلب مني ذلك !
كيد بسخرية : مفيش داعي تتعامل بلطف ، الكل عارف انك ثعلب ماكر !
احد الأساتذة بإنفعال : انتبه لكلامك يا كيد انت نسيت بتكلم مين ؟!!
سايتو اشار بيده للمعلم ليسكت ، ثم نظر نحو كيد وقال : اظنني اعرف ماذا تريد ، بأي حال لنذهب ونتحدث
كيد نظر نحو رين ثم نظر نحو سايتو وقال ببرود: رين هييجي هو كمان امي لازم تشرح ليه اللي هيحصل من هنا ورايح!!
سايتو ابتسم ثم اغمض عينيه لثواني ثم فتحها و وضع يده تحت ذقنه وقال : لديه دروس يجب ان يحضرها لذا لما لا تؤجل……
كيد ابتسم بسخرية ثم تحولت نظراته الي نظرات جادة وقال : دروسك القيمة دي ممكن تستني لكن في حااجات مينفعش تستني!!
سايتو تنهض ثم ابتسم وقال: لا بأس هذه المرة فقط ، ذلك لانك شخص عزيز علي !
كيد ابتسم بسخرية ثم قال بغضب : كنت هصدقك لو مكنتش اعرف انهي نوع من الناس انت !
الجدة نظرت نحو ابنها ثم قالت لتزيل غضبه : خلينا نمشي دلوقت ، في حاجات كتير عاوزه اقولها لرين
توجهت الجدة نحو رين وامسكت يده وقالت بحنان: لو تعرف قد اي كنت خايفة عليك ، يلا نمشي هشرح ليك كل حاجة..
مايا بإنفعال : امي !! بعد المحاضرات هاجي ليكي ، لازم تشرحيلي كل حاجة !!!!!
الجدة ببرود : مش مضطرة اعمل كدا ، ملكيش علاقة بإبن اخوكي !!
مايا بغضب: امي !! بطلي تعملي كدا !!
كايتو تقدم ووضع يده علي كتف مايا فإستدارت مايا ونظرت اليه بنظرات حزن وعتاب كمن يلومه علي ما يحدث
كايتو بغضب: انتي مضطرة تشرحي ايه اللى بيحصل ، هنيجي ، ومن حقنا نعرف ايه اللى بيحصل !!
الجدة بسخرية : من حقك ؟ انت مين اصلا وبصفتك اي ؟! ملكش دعوة برين بأي شكل من الأشكال!
شيرو بسخرية : ايوة يا كايتو ياحبيبي ، انت ملكش علاقة بالموضوع ، لان الموضوع ميخصش عائلة والكر ، يخص كيد وعيلته ف متتدخلش !
كايتو بغضب: خليك برا الموضوع مش نقصاك انت كمان !!
سايتو : ليهدأ الجميع الآن ، كيد تفضل معي الس مكتبي واخبرني بقرارك ، والجدة خذي رين واشرحي له ولكن لا تفكري في اخذه بعيدا !!
الجدة بإنزعاج: مش هعمل حاجة زي دي اصل انا عارفه انهي نوع من الأشخاص انتو !!
سايتو ابتسم وقال: يسعدني ذلك !
وغادر الجميع ، بقي الاساتذة والطلاب
عدا عن مايا ، كايتو ، كيريتو ، كاراما ، الذين غادروا لينقلوا الاخبار الي كبير عائلة والكر ( جد رين) اراد اليكس وميرا اللحاق بهم لكن كايتو منعهم وامرهم بالبقاء في الصف
يوكي كان جالسا والقلق يسيطر عليه وشعر بالحزن والخوف ، قلق من ان يأخذوا رين بعيدا ، فنهض من مكانه دون ان يطلب الاذن
فسأله الاستاذ بإستغراب : في حاجة ؟
يوكي لم يجبه تجاهله وغادر ، ظل الطلاب ينظرون بإستغراب اليه
اليكس كان غاضبا جدا
وظل يفكر : هو اي دا ! ولي امي كانت بتبكي ، وتيتا متعصبة اوي كدا ! ، حتي بابا كان بيتصرف بطريقة غريبة ، والولد دا حاسس ان ف حاجة وراه ! ، نظراته ل امي كانت نظرات غضب وكره ، ونفس الشيء مع بابا ، ممكن يكون في حاجة حصلت في الماضي معرفهاش ؟ ، مش عاجبني الوضع دا ، بكره كدا لازم اعرف كل حاجة ، لو امي مقالتليش هروح اسأل الواد دا بنفسي !!
ميرا في نفسها: زي ما توقعت ، ماما وبابا يعرفوه لأن رد فعلهم غريب ! ، لو اهلى مقالوش ليا هدور في الموضوع دا بنفسي !!
في غرفة سايتو
كان جالسا علي كرسيه مبتسما واضعا يده اسفل ذقنه ومسندا يده علي مكتبه بينما كيد جالس علي الاريكة لا يفصل بينهما سوي مكتب
سايتو ابتسم وقال: اذا ماذا تريد مني ؟
كيد تنفس بعمق محاولا تهدئة غضبه وشابكا يديه واضعا قدم فوق قدم ثم قال بإنزعاج : وجودي هنا ملوش علاقة باللي حصل في الماضي ، فمهما حصل انا مش هغفر اللى حصل وقتها !
سايتو ابتسم وقال : اعلم ذلك ، ولذلك لم اتوقع قدومك مجددا ، ولكنك اتيت ومن تلقاء نفسك ، هل يستحق رين كل هذا !
كيد ابتسم وانزل قدميه وقال : ايوة لانه ابني يستحق اني اضحي بحياتي عشانه !
سايتو ابتسم وقال: اليس ابن كايتو ؟ كيف انتهي به الامر ابنا لك ؟!
كيد ببرود لكن بنبرة غاضبة : التافه الرخيص الاناني ، مهتمش غير بنفسه واتخلي عن رين عشان سمعته وسمعة عيلته ، والشخص اللي ربي رين هو انا ، عشان كدا هو ابني انا ! وقدام الكل هقول كدا ، ومش هكرر كلامي ، رين ابني وهحميه بنفسي ، عشان كدا جيت هنا عشان اقولك اني كسرت الختم اللي عملته من ١٦ سنة ، وقوتي رجعت دلوقت ، وعاوز انضم للمدرسة !!
سايتو ضحك بصوت عالي وقال : لا اصدق ذلك فبمعرفتي بك فهناك تتمة للموضوع !!
كيد ابتسم بسخرية وقال: مكنتش اعرف انك عارفني اوي كدا ! ، ايوة في تتمة للموضوع ، هفضل هنا لغااية ما رين يقدر يسيطر علي قوته ووقتها هختم قوتي وقوته ونمشي !
سايتو بإنزعاج قليلا : حقا انت تريد اخذه اذا ! لنقل انني موافق وننتظر ماذا يخبيء المستقبل ! بالمناسبة بالنسبة للطلاب..
كيد ابتسم مقاطعا سايتو : ايوة ينطبق الامر عليهم هما كمان ، وعلي امي ، هنمشي بعد سنة ورين هيعيش معانا في بيتنا القديم على الجزيرة خلال السنة دي
سايتو ارجع جسده للخلف واستند علي الكرسي وقال : اين والدك ؟!
كيد ابتسم بثقة وقال : كان عاوز يجي بس احنا طلبنا منه يفضل في القرية
سايتو ابتسم مخفيا انزعاجه : حقا ؟! بأي حال مرحبا بك هنا ارجو ان تستمتع بالبقاء ولكن سؤال اخير قبل ان تغادر انت تعرف ماهي قوة رين صحيح ؟
كيد ابتسم بثقة وقال : ايوة استخدمت الكرة اللى بتكشف القوي !
سايتو : اذا انت تدرك ان قوته مميزة جدا صحيح ؟!
كيد ابتسم بثقة : ايوة بس مش هغير رأيي!!
سايتو بإنزعاج : انه يملك قوة والديه!!
ابتسم بسخرية واتبع قائلا
عفوا الذان كانا من المفروض ان يكونا والديه مما يعني انه الوحيد في الجزيرة بهذه الصفة !
كيد بغير اهتمام : يعني ؟
سايتو تنهد ونهض من كرسيه وتوجه نحو النافذة و وضع يديه خلف ظهره وقال : تعلم كم من النادر وجود شخص بقوة هجينه تحمل نوعين من القوة صحيح ؟ !!
كل من علي الجزيرة يملك نوعا واحد بما فيهم انا وانت الا هو !
-خلال هذه المحادثة وصل جاسوس لعائلة والكر وبدأ يسترق السمع فسمع التالي-
كيد بغضب نهض من مكانه وقال : يعني اي ؟؟ قراري مش هيتيغير متحاولش !!
سايتو تنهد بإنزعاج واستدار ونظر نحو كيد وقال: حسنا! هذا الكلام سابق لآوانه عموما استمتع بوقتك هنا ان احتجتم الي اي شيء أخبرني وتذكر ان قوة رين مميزة جدا لذا يجب ان تكون حذرين من الذين يسعون خلفه لذا انا اريد حمايته فقط !
كيد بسخرية: شكرا علي لطفك بس خليك بعيد وكل حاجة هتبقي تمام !
غادر كيد المكان وكان غاضبا جدا من رؤية سايتو فهو يلومه علي كل ما حدث في الماضي والحاضر وتوجه نحو مكان والدته ورين فقد اراد محادثة رين فقد اشتاق اليه كثيرا ولم ينتبه لوجود ذلك الشخص الذي كان يسترق السمع ..
.
.
.
.
.
.
في منزل عائلة والكر
الجد وهو كبير عائلة والكر جالس في غرفة كبيرة ا وبها اثاث فاخر جدا وجالس حوله افراد عائلته وبقربه ابنائه كايتو وكاراما وكيريتو وبقربهم زوجاتهم ويجلس امامهم باقي افراد العائلة
وقرب الباب يقف الرجل الذي كان يسترق السمع وقد اخبرهم بكل ما سمع ..
احد افراد العائلة: سيدي ماذا سنفعل ؟! لا يمكننا تركهم يحتفظون به!!
رجل آخر : اجل سيدي وجوده في عائلتنا سيرفع كثيرا من شأننا ، فسايتو كان يتحدث عن قوته كما لو انها امر مهم يجب ان نأخذه ونعرف قوته !
العم كاراما : الكلام اسهل من الفعل ، احنا اللى اتخلينا عنه لما فكرناه من غير قوة ،انت متخيل حجم الكره والحقد اللى جواه تجاهنا !! انت مشوفتش نظراته ل كايتو ومايا ، انا حسيت انه كان بيتمني يقتلع قلوبهم ويرميها للكلاب !!
حزنت مايا من هذا الكلام وخفضت رأسها بحزن وكانت علي وشك البكاء
رجل من العائلة: هذا كله بسبب كايتو ومايا لو لم يتخليا عنه ما كنا في هذه المشكله!
غضب كايتو من هذا الكلام وكان على وشك الرد ولكن مايا سبقته ونهضت من كرسيها وضربت الطاولة بقوة ونظرت نحو الجميع بحقد وقالت بصراخ : ذنبي ؟ ، ذنبي انا ؟!! ، مين اللى قعد يقول لازم نقتله وانه عار علينا ؟ مين اللى قال لازم نرميه ومش هنعترف بيه ؟ انا صح ؟ مين اللى مدالوش فرصه انه يفتح عينيه ويشوف عيلته حتي ؟! انا بردوا صح ؟! كل اللى في المكان دا مذنبين ، وانا اولكم عشان سمحت لأمثالكم انهم يبعدوني عن ابني !!
كايتو محاولا تهدئتها : مايا اقعدي !
مايا بغضب نظرت نحو زوجها بحقد وقالت : اقعد!!! انت نسيت انك كنت عاوز تقتله !!! انت مش احسن منهم في حاجة بالعكس انت اوسخ منهم كلهم !!
بدأت بالبكاء فنهض كايتو وحاول تهدئتها فظلت تضرب صدره بيدها وتقول بإنفعال : انت السبب ! مكنش ينفع تتخلص منه ! انت ابوه لكن معندكش احساس ! ازاي قادر تواجه نفسك بعد اللى عملته دا ! انت حتي مسمحتش ليا اني ازوره او اشوفه او حتي اسأل عنه، حرمتني منه ، حرمتني من ابني وحتة مني ! من غير اي احساس !
كايتو امسكها بقوة وقال بغضب : اهدي !!
الجد ضرب الارض بعصاه ونطق وقال : دا مش وقت نلوم بعضنا فيه ، لازم نرجعه بأي طريقة للعيلة ، كايتو ومايا هعتمد عليكم في الموضوع دا !!
كايتو : حاضر يا بابا ادينا شوية وقت !
مايا والدموع بعينيها نظرت بغضب ودفعت يد زوجها وغادرت بغضب دون قول اي كلمة ، ظل الجميع ينظر نحوها ..
الجد تنهد وقال: مراتك شكلها بتلومنا علي اللي حصل ، اتصرف معاها خصوصا انه مع والديها هنحتاجها !
كايتو : هتصرف ، اسمحلي امشي دلوقتي !
الجد : تقدر تمشي ، وانتو كمان ، هتتصرف العيلة الاصل في الموضوع
انصرف الجميع وكل شخص كان يخطط بطريقته الخاصة ..
بعد ان غادرت مايا صادفها اليكس وميرا
اليكس كان ينظر نحو والدته الغاضبة كان تول مره يراها غاضبة هكذا ، بلع ريقه بصعوبة ، و استجمع شجاعته وقال : ماما ممكن اكلمك في حاجة ؟
مايا تنهدت وحاولت الا تبدي غضبها وقالت : اسفة ياحبيبي بس تعبانة دلوقت !
ميرا بقلق : ماما في ايه ؟ هو الموضوع بسبب الطالب الجديد ؟
اليكس بإنزعاج : من ساعة ما وصل والكل متضايق ، انا بكرهه بجد حتي من غير ما اعرفه !!
مايا نظرت بغصب نحو ابنها ولاول مرة صرخت قائلة : وانت تعرف هو عاني قد ايه!!! ، الكل متضايق !!!! ، الاوساخ دول بما فيهم انا وابوك دمرنا حياته بدون اي ذنب يذكر ، هو معملش حاجة ، استحق نفس المعاملة بتعاتكم ، ولكن بدون اي ذنب يذكر اتحرم من كل حاجة ، بسبب انانية ابوك وضعفي ..
بدأت بالبكاء بصوت مرتفع وقالت من بين شهقاتها : بسبب ..كوني عديمة ، الفائدة كان هو بيعاني ، بسبب ان ابوك مبيفكرش غير ... غير ف اسمه هو كان بيعاني .. واتحرم...اتحرم من كل حاجة ... متتجرأش وتقول انك بتكرهه عشان انت متعرفش عنه اي حاجة نهائيا ولا عاني ازاي وقد اي ، والوحيد اللى يستحق الكره والغضب تجاهنا هو رين ومحدش مننا يحق ليه دا ، كل عيلة والكر مذنبين !!!
بقي ابنها وابنتها ينظران اليها في صدمة وكأنهما لا يصدقان ما يسمعان
كايتو بإنفعال : بطلي الكلام دا احنا كنا مفكرين ان.....
مايا قاطعته بصراخ: كفاية بقي كفاية اسكت !! ، مش عاوزه اشوفك ولا اسمع صوتك ، انتي بتحسسني بالقرف اما اشوفك غور من وشي!! ، معندكش ضمير ولا احساس ولا قلب ، انت مش حاسس بأي تأنيب ؟ معندكش احساس انت ايه ياخي !!
وغادرت راكضة بسرعة والدموع تنزل علي وجنتيها دون توقف ...
بينما كايتو واقفا في مكانه في صدمة ، فزوجته التي لطالما اطاعته هاهي الآن غاضبة وتصرخ في وجهه !
واليكس وميرا ينظران بقلق واستغراب لكل ما يحدث..
كان كايتو غارقا في تفكير عميق ، وضغط علي يديه واسنانه بغصب ثم استدار ورحل تاركا الصغيرين في حيرة
ميرا بقلق : ماما تقصد اي ؟!! هو يبقي اخونا ؟!!
اليكس بإنزعاج انزل رأسه للأسفل وضغط علي يديه بقوة : انا مش هستني اكتر هروح اتحقق بنفسي !
.
.
.
.
.
في مكان آخر علي الجزيرة
في منزل كبير
كان رين والجدة هناك
الجدة بحنان نظرت نحو المنزل وقالت : اي رأيك ياحبيبي في البيت ؟ دا كان بيتنا من زمن
رين بإستغراب : تيتا هو احنا اغنياء ؟
الجدة ضحكت بمرح وقالت : ايوة ، تلاقيك بتسأل نفسك ليه عايشين في بيت صغير ، السبب هو ان احنا حبينا نعيش حياة بسيطة خالية من المشاكل ، عشان كدا اخترنا الطريقة دي ، تعال ندخل باقي الغرف ، وهقولك علي كل اللى عاوز تعرفه ...
بقيا يتجولان ورين كام ينظر حوله بينما الجدة كانت تزيل قطع القماش التي كانت تغطي بها الاثاث..
رين سأل بفضول : جدو فين ؟ وايه اللي هيحصل من هنا ورايح ؟
الجدة توقفت عن المشي ونظرت الي رين وامسكت يده وقالت : تعال نقعد في الاوضة دي وهقولك علي كل حاجة ، في ناس مستنينا هناك !!
رين بإستغراب: ناس !!!!!!
الجدة ابتسمت وقالت : هتعرف لما ندخل ، يلا
وسحبته من يده وكانت متحمسه جدا لتريه ما بالداخل كطفل ذاهب الي مدينة الملاهي
وضع رين يده علي المقبض وفتحه ببطيء وحين دخل توسعت عيناه بسبب المفاجأة وقبل ان يقول اي شيء كانت لونا تحتضنه وتبكي وتقول بإنفعال : وحشتني ياغبي ! ، ازاي تمشي كدا من غير ما تقول اي حاجة!؟
ابتسم رين وبرقت عيناه بسعادة وتقدم نحوه جاك وميشيل وقال جاك بسعادة : عدي وقت طويل ومتقابلناش صحيح ؟ ياتري وحشناك ولا !؟
ابتعدت لونا الى الخلف وهي تشعر بالحرج
ابتسم رين وكان علي وشك البكاء فوضع جاك يده علي رأس رين ومسح شعره بلطف
فقال رين : وحشتوني جدا بجد ! ، انا مبسوط اوي انكم بخير ..
ووضع رأسه علي كتف جاك
ابتسم الجميع لرويته سعيدا هكذا
ولكن فجأة ابعد رين يده عن رأس جاك وقال بإستفهام : ثانية بس ، المدرسة دي محدش بيدخلها غير أصحاب القوي ، انتو ازاي دخلتوا ؟؟
الجدة نظرت نحو رين ثم ابتسمت وقالت : نسيت اقولك لن عيلتنا من اصحاب القوي وبنمتلك قوي احنا كمان ، انا بملك قوة دفاعية بتتمثل في تكوين الدروع ، وجدك بيملك قوة ختم القوي وكسر الختم ، بحيث الشخص ميقدرش يستعملها الا بعد ما يكسر الختم ، وبالطريقة دي قدرنا معيش بعيد عن المشاكل ، لان قوة خالك هجومية ، وقوته بتتمثل في انه بيقدر يكون ثقب اسود يسحب اي حاجة بما في ذلك طاقة الشخص اللي قدامه ، زائد مهارته عالية جدا في المبارزة واستخدام السيوف ، وهو من ضمن اقوي ١٠ مقاتلين مع كورو ، عشان كدا جدك ختم قوته وعشنا في القرية !
رين بحماس : كنت عارف ان خالى جامد ، بس متوقعتش انه يكون للدرجادي ، بس ثانية طب ولونا وجاك وميشيل ؟
لونا بخجل : انا بقدر اشوف المستقبل عن طريق احلامي وقوتي هي التنبؤ ، فاكر لما قولتلك اني شوفت شيرو بس مش فاكرة فين ؟
رين اومأ برأسه ايجابا ثم ظل مترقبا بفضول لما ستقوله لونا
لونا اكملت : كنت شوفته في الحلم ، وكان شايلك وواخدك بعيد ، يعني شوفت اللي حصل في الغابة ، بس مقدرتش افتكر انا شوفته فين ، اسفه لو كنت افتكرت مكنش كل دا حصل..
رين ابتسم وقال: متعتذريش دا مش ذنبك ، طيب وجاك وميشيل!
جاك ابتسم لرين وقال بينما هو مستند علي الحائط شابكا ذراعيه معا : بالنسبة ليا ، تقريبا ابويا كان بيمتلك قوة ، لكنه كان عاوز يعيش حياة مستقرة هو كمان ، فطلب من جدك انه يختم قوته وقوتي انا كمان اول ما اتولدت ، عشان منقعش في المشاكل ، بس لما قولتله عن رغبتي في اني اجيلك واساعدك قالي اني ممكن اختار كريقي زي ما انا عاوز وانه هيستناني ارجع ، وقوتي هي التحكم في الجليد !
ميشيل توجه نحو النافذه وتحدث دون ان ينظر : بالنسبة ليا ، انت فاكر ازاي اتقابلنا صح ؟ في الليلة دي كنت هربت من بيتي ، لاني كنت الوحيد اللي بيمتلك قوة ، لس عيلتي كانت بتكره اصحاب القوي الخارقة ، وكانو بيعاملوني وحش جدا ، فهربت وقتها وجدك لقاني ، وبعد ما عرف اللي حصلي ، عرض عليا اني اختم قوتي واعيش في القرية ، وقتها جابني البيت مكان ما قابلتك وبعدها قررت اني افضل ، وجدك اداني البيت اللي بعيش فيه دلوقت بس....
صمت للحظات ، كان رين علي وشك الاعتذار لانه ذكره بأمر مؤلم دون ان يقصد لكن قبل ان يفعل استدار ميشيل وهو يبتسم بسعادة
وقال : اول صديق ليا واقع في مشكلة ، عشان كدا قررت اني استعملها ، على قد ما كرهتها لانها تلسبب في معاناتي ، على فد ما انا ممتن لوجودها لانها السبب في اني اقدر اساعدك ، بالمناسبة قوتي هي التحكم في الاشباح ، اقدر اصنع اشباح تهاجم اعدائي و بردوا بقدر امتلك وحوش
رين ابتسم وقال : انا بمتلك افضل عيلة في العالم ، انتم كلكم وكلارا وخالي ومينا وكارورا اغلي ما املك ، انا مستعد اعمل اي شيء عشان تفضلوا بخير !
جاك ابتسم وقال : واحنا كمان ، هنفضل معاك ، بالنسبة لكارورا ومينا وكلارا مقدروش يجوا ، عشان كدا قالولنا نقولك انهم هيكونوا في انتظارك وبيعبتولك سلامهم
رين بقلق : طيب ازاى هنمشي ، ولو كان جدي بيقدر يختم القوي لي ميختمش قوتنا دلوقت ؟!
نظرت الجدة اليه وقالت : قوتك خرجت عن السيطرة ولازم تسيطر عليها عشان تقدر تختمها ، عشان كدا هتقعدوا انتو ال ٤ هنا سنة تتدربوا كويس عشان تقدروا تتحكموا فيها ، وبعد كدا هخلي جدك يختمها ليكم وليا انا وخالك ، ونرجع للبيت وقتها
ابتسم رين بسعادة : هتدرب على قد ما اقدر عشان ارجع في اسرع وقت !!
الخال : هتحتاح تبذل جهد كبير عشان تقدر تعمل كدا
رين بسعادة: خالو !!
وتوجه نحوه وقام بمعانقته فوضع الخال يده علي رأس رين وقال بحنان : وحشتني ، انت بخير ؟!
رين دفن رأسه في صدر خاله وقال: وانتو كمان وحشتوني ، وكنت حاسس بالوحدة رغم ان يوكي حاول يساعدني ولكن كنت حاسس بالوحدة
الخال بإستفهام : يوكي ؟! مين ؟!
رين نظر نحو خاله وقال : اوه نسيت اقولكم ، يوكي يبقي ابن الرئيس سايتو ، لكن لطيف وطيب بجد ،ساعدني كتير جدا ، عاوز اعرفكم عليه !!
جاك ابتسم وقال : لو كان صاحبك ف مفيش مشكلة !
الخال تنهد ثم ابتسم وقال: رغم اني مبطيقش ابوه ،بس مفيش مشكلة عاوز أقابله عشان اعرف اذا كان خطير ولا لا
سمعوا طرقا علي الباب
فقال رين بإستغراب : انتو مستنيين حد ؟
الخال : لا استنوا هنا هشوف مين
ذهب الخال وتوجه نحو الباب وقام بفتحه فبدت عليه ملامح الاستغراب والتفاجأ بقي ينظر الي الطارق لفترة
ثم قال بإستغراب بينما يقف كيد امام الباب كمن يحاول منعه من الدخول ورؤية من بالداخل : ازيك ياخالو !
الخال بقيت ملامحه هادئه بينما عقله منشغل في سبب مجيء اليكس وقال : اهلا ، عاوز ايه ؟
اليكس التسم وقال : ممكن ادخل ؟
الخال ىفع احد حاجبيه وقال : ليه عاوز تدخل ؟ في حاجة عاوزها من هنا ؟
اليكس ابتسم وقال : وايه الغريب ف اني ازور جدتي وخالي بعد وقت طويل عدي ومشوفتهمش فيه !
الخال ابتسم وقال : البيت لسه مش نصيف تعالي بعدين لما ننضفه
اليكس تنهد وظهرت عليه ملامح الانزعاج وقال: انت عارف سبب وجودي صح ، مفيش داعي للتظاهر
الخال نظر بنظرات جادة وقال : معرفش ، انا مستغرب وجودك ، توقعت نتس كتير تيجي لكن انت متوقعتش ، جاي لي ؟
اليكس بإنزعاج : عاوز اقابل الواد اللى اسمه رين دا !!
الخال تحولت نظراته الباردة الي نظرات تهديد وقال : عاوز ايه منه !!؟
اليكس انتبه لنظرات خاله وشعر بالخوف قليلا ولكنه اخفي ذلك وقال : عاوز اسأله عن شوية اسأله ، زي مثلا هو مين ، وليه اهلي متعصبين جدا كدا من ساعة ما وصل ، وامي قصدها ايه بانه اتظلم وحرم من كل شيء بسبب عيلتنا !
الخال بغضب : اسمعني يا اليكس ، انت ابن اختي وامرك يهمني ، عشان كدا هحذرك ، متضايقش رين بالاسئلة دي ، روح واسأل اهلك الزبالة عن اللى عملوه لو اتسببت بالألم لرين بأي شكل من الاشكال هكون انا اللي هيدفعك التمن واضح ؟!!
اليكس ابتسم بسخرية وقال : يعني هو ابنك فعلا !
الخال بثقة: ايوة هو ابني !
اليكس ببرود : عاوز اشوفه ! ، على الاقل قوله كدا ولو رفض همشي !
الخال بإنزعاج : متزنش....
كان الخال قد تأخر فذهب رين اليه ليسأله عن ما يريد ان يأكله
رين : خالو احنا هنجهز الغداء عاوز ت.....
توسعت عينا اليكس من رؤية رين عن قرب فقد كان الشبه كبير جدا والأهم من ذلك هو أنه نادي كيد ب خالي
اليكس بغضب: اي دا ؟ انت مش قولت انه ابنك !!!!!!
الخال بغضب نظر نحو اليكس بإنفعال وقال : تعلم الادب!! متعليش صوتك وتصرخ ف وجهي! اهلك معرفوش يربوك !! ويعلموك ازاي تتكلم مع اللى اكبر منك !!
اليكس تراجع للخلف وقال : اسف ، بس ارجوك قولي مين الشخص دا واي قصته!
رين كان ينظر نحو اليكس بصدمه ، لكن سرعان ما تبدلت ملامحه الي حزن عميق واخفض رأسه بحزن ، انتبه الخال لذلك وشعر بالغضب من اليكس
كان علي وشك ان يوبخ اليكس ولكن رين سبقه وقال : خالي هو اللي رباني ، عشان كدا هو ابويا!!
اليكس تنهد وقال : طيب جاوبني علي السؤال دا وارجوك بصراحة ، هل انت اخويا ؟!!
رين تنهد بعمق وقال بحزن بعد ان اغمض عينيه : لا ، خالي هو ابويا وهو مش والدك ، ازاي هنكون اخوات ؟ عيش حياتك زي ما انت ومتدخلش نفسك في مشاكل انت في غني عنها !!
جاءت الجدة واتسعت عيناها : اليكس ايه اللى جابك هنا ؟
اليكس بغضب تجاهل جدته ووجه كلامه ل رين بإنفعال : انت مفكر اني هلف ضهري واعمل نفسي مش واخد بالى من اللي بيحصل ؟؟؟؟!
رين بغضب : خلاص روح واسأل اهلك الزبالة رغم اني بشك انهم هيقولولك حاجة بس متحاولش تشبع فضولك حتي لو كنت هتتسبب ف انك تؤذي غيرك !!!
الخال ضغط علي يديه وقال لاليكس : لازم تمشي يلا
اليكس فهم ان خاله يريده ان يغادر وايقن ان رين لن يضيف اي شيء جديد لذا قال : متفكرش ان الموضوع خلص لحد هنا ، انا مش هقف غير لما اعرف كل حاجة !!
ميرا بحماس : ازيك يخالو ازيك يتيتا ! وازيك يارين ، اسمك رين صح ؟ ، اسفة لو اخويا سبب ازعاج ، ممكن اشارك معاكم في الغداء ؟ متغدناش مع بعض من زمان !!
الخال بإستغراب : من امتي وانتي هنا ؟
اليكس بإنزعاج: لي جيتي ورايا !!؟
ميرا ابتسمت وقالت : مجيتش وراك ، بس كان عندي شوية اسئلة ، بس واضح انها بتضايقه ، فهتغدي معاهم وامشي !
الخال كان على وشك الرفض فهو لم يرد لرين ان يختلط بهم ولكن فجائه رين بقوله : مفيش مشكلة تقدروا تتغدوا معانا !
الخال بقلق استدار نحو رين وقال بقلق : بس !!
رين ابتسم وقال مطمئنا : متقلقش هكون بخير
يوكي ظهر من بين المنازل وقال بإرتباك : مش هتمانع لو انضميت ليكم صح ؟
رين ابتسم بسعادة وقال : يوكي ، اهلا بيك اتفضل !
نظر نحو خاله وقال : خالو دا يوكي ، اللى انا قولتلك عليه مفيش مشكلة لو اتغدي معانا صح ؟
تاخال تنهد وابتسم وقال: مفيش مشكلة
كان سبب قبول رين هو انه كان لديه فضول لمعرفة اخوته فهم ليسوا ملومين علي ما حدث خصوصا التوأمان الذان لم يعرفا بوجوده
اليكس بإنزعاج : انا همشي !
يوكي وميرا دخلا للداخل حيث كان يوجد اصدقاء رين فعرفهم بيوكي وعرفت ميرا بنفسها
جاك في نفسه : دي اخت رين التوأم ، شبهه جدا فعلا
لونا كانت تحدق بميرا في فضول وقالت في نفسها : ياتري جت لي ؟ ، وليه بتتصرف وكإن مفيش حاجة حصلت ؟ حاسه انها بتخطط لحاجة !
ميشيل بإنزعاج في نفسه: الولا اللى اسمه يوكي دا رخم جدا ، والبت دي شبه رين اوي ، هيكون بخير وهي موجودة ؟
رين ابتسم لهم وقال : هروح احضر الغداء مع تيتا خليكم هنا واتعرفوا على بعض
يوكي ابتسم وقال لرين : شكلك مبسوط جدا !
ووجه نظره نحو جاك والاخرين ثم قال بإبتسامة : رين كان دايما يتكلم عنكم ومقدرش ينساكم شكله بيحبكم اوي !!
جاك بإبتسامة : وهو كمان وحشنا جدا ، احنا عيلة في النهاية !!
ميرا بحماس : ياتري ازاي بقيتوا عيلة ؟ انتم مع بعض من وانتو صغيرين ؟
لونا بإنزعاج قالت في نفسها : شكلها بتحقق معانا لازم انتبه واركز معاها!
جاك ابتسم وقال : ايوة مع بعض من واحنا صغيرين !
ميشيل بإنزعاج: في سبب للسؤال دا ؟
ميرا بإرتباك : اسف هو سؤالي ضايقكك ؟
جاك ابتسم وقال لها : ولا يهمك ، هو بيتضايق علي حاجات تافهة ، ليه منغيرش الموضوع ؟ ، مثلا اتكلمي عنك وعن عيلتك !
ميرا بقلق : عيلتي ؟ طيب انا من عيلة والكر وانا اصغر فرد فيها ، عندي اخ توأم و ٥ اخوات اكبر مني ، وعندي عمان وعمه وابن عم وابن عمه والداي لطيفان جدا وقويان
جاك بإنزعاج : اعتقد ان كدا كفاية !
لقد اوقفها جاك لانها قالت انهما لطيفان وان سمع رين ذلك فبالتأكيد سيسبب له ذلك الالم
خلال ذلك كان الغداء جاهز تقريبا والجدة والخال خرجا قليلا للقاء بعض الاشخاص وبقي رين يكمل اعداد الطعام
فسمع طرقا علي الباب
فترك ما بيده وقام بتجفيف يده بالمناديل وتوجه نحو الباب لفتحه
وبمجرد ان فتحه اتسعت عيناه بصدمة
ثم ما لبثت انت تحولت الى نظرات حقد وغضب وضغط رين علي يده بقوة
شديدة ولم يكن الطرف الآخر اقل صدمة فقد ظل يحدق برين
بنظرات غامضة ثم تمالك نقسه٥
وقال ببرود : فين الجدة وكيد ؟
رين تجاهله حيث كان الغضب والحقد هو الشيء الوحيد الذي يسيطر عليه ويمليء عقله
كيف لا والذي امامه هو والده الذي
تخلي عنه...!!!؟
يتبع.........
متسلسلة منقول فانتازيا وخيال عودة المنبوذ [ الوريث ] | السلسلة الثانية | - حتى الجزء الثامن 18/3/2023
متسلسلة منقول فانتازيا وخيال ورثـة السماوات (للكاتب رائد الأمين) _ حتى الجزء الثاني عشر 9/5/2023
مكتملة واقعية رواية الجريمة الغامضة - أربعة عشر جزء 24/2/2024
مكتملة منقول الذئب القاسي [أسود مملكة الراوي] (للكاتبة فاطمة عمارة) | السلسلة الثالثة | ـ اثنان وأربعون جزء 31/10/2023