تسلملي ي قلبي
يسلموو 🙏🏻💐
متقلقش انا منشنت للكبير😂😂😂😂😂😂😂😂😂😂😂
وانت فين الجزء الجديد
انهارده بأذن ****
هستني متتاخرش علينا
حاااضر بأذن **** 🙏🌹🌹
يا جامد أي الحلاوه ديصباح الخير عليكم جميعاً
دي اول مشاركه ليا هنا قصه من تأليفي بتمني تعجبكم
وشكر خاص ل @VARTOLU علي البوستر
نبدأ بقي
الشےخےصےیے۔آتے۔ :۔
شيار: البطله 19 سنه تانيه كليه صيدله .
يمني: مامه شيار 40 سنه ربه منزل بس متعلمه تعليم عالي،
هادي: ابو شیار 42 سنه بيشتغل محاسب ف شركه كبيره ف السعوديه،،،
ادم و نور و مي: صحاب شيار من ابتدائي للجامعه
أيهم البطل:. هيبان صفاته مع الاحداث
___________________________
يمني: شيار..... شياار يابنتي قومي هتتأخري علي الكليه شياار ياربي نومك بقي تقيل اوي شيااااااار
بتفتح شيار عنيها وتبص لمامتها
شيار: ايه يا ماما في ايه بتصحيني ليه
يمني: بصحيكي ليه !!! يابت انتي مش بتشيعي نوم يلا قومي هتتأخري علي المحاضرة
شيار: هي الساعه كام دلوقتي يمني: الساعه 10
بتقوم شيار تنط من ع السرير
شيار بالهووي بتقولي كام دا فاضل اقل من ساعه ع المحاضره
يمني منتي لو بتصحي بسهوله كان زمانك ف الجامعه يلا اخلصي غيري هدومك وانا هعملك النسكافيه
وبتخرج م الاوضه
***بتفضل شيار تجري ف الاوضه وتلف حوالين نفسها وتغير هدومها وتلم حاجتها بسرعه
شیار: ماما انا نازله عيزه حاجه
يمني: استني مش هتشربي النسكافيه
شيار: لا مفيش وقت هبقي اشرب ف الجامعه يلا باي
يمني: باي يا حبيبتي
بيرن فون يمني
يمني: صباح الفل يا حبيبي
هادي: صباح الورد يا قلبي طمنيني عليكي عامله ايه وشيار عامله ايه
يمني: احنا بخير الحمد**** مش ناقصنا غير وجودك يا حبيبي هترجعلنا امتي
هادي: هانت يا حبيبتي قربت اخد الاجازه وكمان عاملك مفاجاه حلوه اوي
يمني: ايه هي
هادي: لو قلتلك مش هتبقي مفاجاه المهم قوليلي شيار عامله ايه وحشتني اوي
يمني: كويسه الحمد لله اهي مهونه عليا غيابك شويه بشقوتها
هادي: هههههههه هي فين اديهاني اكلمها
يمني: لسه نازله الجامعه لو اتصلت من عشر دقايق كنت لقتها
هادي: معلش تتعوض هبقي اكلمها بليل انا هقفل دلوقتي عشان نازل الشغل خلي بالك من نفسك يا حبيبتي ومن
شیار عاوزه حاجه
يمني: عوزه سلامتك ياحبيبي خلي بالك من نفسك
هادي: حاضر يا حبيبتي باي
يمني: باي
_______________
بتوصل شيار الجامعه
نور: ايه يابنتي اتاخرتي كدا ليه
شیار: راحت علیا نومه طمنيني المحاضره بدات
نور: لا لسه خمسدقايق خدي نفسك
شيار: طب كويس اومال فين ادم ومي
نور: بيجيبو حاجه م الكافتريا زمانهم جايين
** وبتبص قدام.. اهم جم
مي : صباحوو يا مزه
ادم: صباحوو ايه اتاخرتي كدا ليه
شیار: صباحوو فل راحت عليا نومه
ادم: نموسيتك كحلي
شیار :بس یااض مش وقت رخامتك يلا عشان نلحق المحاضره
_______________
**بيدخلوا المدرج ويحضروا المحاضرات واما بيخلصوا كل المحاضرات بيمشي ادم عشان عنده مشوار ونور تستأذن البنات وتروح عشان تساعد مامتها ف حاجات
وبيتمشوا شيار ومي مع بعض
شيار: عامله ايه مع ادم
مي: هيجنني يا اوختي عماله المحله بمشاعري ناحيته وهو جبله بس علي مين هوقعوا هوقعوا
شیار :ههههههه اقولك حاجه بصراحه
مي: هااااا
شيار: انا خايفه ع الواد منك
مي: هاهاها يختي حلوه
شیار ههههههه بهزر متزعليش طب انتو لايقين علي بعض اوي وبتمنالكم السعادة يا قلبي
مي: تسلميلي ي روحي
_______________
****بيدخلوا مول سوا ويتمشوا فيه ويتفرجوا ع المحلات فجاه بتحس شيار بالدنيا بتلف بيها وبتقع يغمي عليها
بتترعب مي وتصرخ: شيار.... شيار فوقي مالك يا شيار .
***بیقرب شاب منهم ويشيل شيار
يحطها ع اقرب كرسي والناس بتتلم عليهم
الشاب يا جماعه حد يجيب ميه
بتخرج بنت من محل وتديله ازازه ميه صغيره بيبل ايده ويمشيها علي وش شيار شويه وبتبدا تفوق وتفتح عنيها
مي: شيار انتي كويسه تحبي اوديكي المستشفي
شیار :انا كويسه اهدي متقلقيش انا دخت بس عشان مكلتش حاجه من الصبح
الشاب: الف سلامه عليكي يا انسه
بتبصله شیار ويبان علي وشها الصدمه
شیار: انت.....!
بيبصلها ويبتسم
شیار: هو انا بحلم ولا ايه
بتفرك شيار عنيها وتبصله تاني تلاقيه شخص تاني بتصدم اكثر
الشاب: في حاجه يا انسه انتي تعرفيني
شیار :هاا.... لا لا انا اسفه اتهيقلي انك حد تاني شكرا ليك معلش تعبتك
الشاب: ولا يهمك المهم بقيتي كويسه عن اذنكم وبيسبهم ويمشي
بتفضل شيار سرحانه ومش فاهمه حصل ايه
مي: في ايه يا شيار شكلك مصدومه كدا ليه ومين دا تعرفيه انا مش فاهمه حاجه
شيار: انا لا معرفوش
مي: اومال شكلك مصدومه كدا ليه انتي كويسه
شیار: اه انا بس هروح محتاجه ارتاح
مي: ماشي يا حبيبتي انا هوصلك لحد البيت عشان ابقي مطمنه عليكي
___________________
****بتوصل مي شيار البيت وبتطلع تسلم علي مامتها وتشطف وتغير هدومها وتقعد تاكل مع مامتها
يمني: حبيبتي انتي كويسه
شیار :اه يا قلبي كويسه متقلقيش عليا
یمنی :طب ادخلی ریحی شويه عشان تبقى فايقه اما بابا يكلمك بليل
شیار: حاضر
________________
*****بتدخل شیار اوضتها وتقعد ع السرير تفكر ف اللي حصلها ف المول ومش فاهمه ازاي شافت الشاب شخص وبعدين طلع شخص تاني ومش قادره تفهم حصل ايه وبتنام من كتر التعب والتفكير شويه بتفتح شيار عنيها تلاقي نفسها ف المكان اللي بدات تتعود عليه بقالها اسبوع تقريبا كل متنام تلاقي نفسها ف المكان دا بتفضل تتمشي ف الجنينة ومبهوره بالاشكال الورد الجميله ورحتهم اللي ماليه المكان وبيلفت نظرها الشاب اللي واقف و را شجره بعیده شويه بتجري عشان توصله وبتروح تقف قدامه
شيار: اخيرا لحقتك كل مره عقبال مبوصل مش بلاقيك والمره اللي فاتت يادوب لحقت المحك انت مين
الشاب: ايهم
شيار: يعني ايه
ايهم: اسمي ايهم
شیار :اسمك غريب اوي
ايهم: علي اساس اسمك انتي اللي مش غريب يعني
شيار: وانت تعرف اسمي
ايهم: انا اعرف كل حاجه عنك يا شيار وبالمناسبه انا كنت معاكي ف المول مكنتيش بتحلمي اكيد مش هسمح لحد غيري يقرب منك ويلمسك
شیار: بدهشه بس ازاي وبعدين لقيتك حد تاني هو انت مين وعايز ايه مني وليه كل مبنام بلاقي نفسي ف المكان دا
ايهم: انا مين قولتلك اسمي ايهم وعايز ايه ف انا عايزك انتي وليه كل مبتنامي بتيجي هنا ف انا اللي مختار المكان دا عشان اقابلك فيه ودا عشان انا عارف حبك للخضره والزهور قد ايه
شیار: انا مش فاهمه حاجه
ايهم :احب اعرفك بنفسي انا ايهم ملك الجن
شیار ههههههه لا حلوه يعني مش بتقول انك جني بس لا كمان انت الملك ههههههه حصلنا الرعب يا حضرت
ههههههه
***بيبصلها ايهم ويغضب من تريقتها عليه
***بتبصله شيار تلاقي قدامها بدل شاب وسيم وحش بشع وف ثانيه بيرجع تاني شاب وسيم بتفضل شيار بصاله
ومصدومه
أيهم :اقتنعتی دلوقتی
شیار: يعني انت جن بجد
***بتترعب شيار وبترجع خطوات لورا وبتمتم بصوت مرعوب بكلام كانه ترانيم
بيقطع كلامها وبيكمل هو باقي الترانيم
بتفضل شيار بصاله اوي وفاتحه عنيها جامد من الصدمه وبتقع يغمي عليها
آلجزء آلثآنيـﮯ
بتتصدم شيار اما تلاقي ايهم كمل بدالها الترانيم وبيغم عليها
ايهم: بخضه شيااار
وبيجري عليها يسندها قبل متقع ويقعد تحت الشجره وياخدها ف حضنه
ايهم شياار... شيااار فوقي شياار وبيطبطب علي وشها براحه شياار
بتبدا شيار تفوق وتفتح عنيها وتتنفض اما تلاقيه قريب منها بشكل دا وتقوم تبعد عنه
شيار: ياربي هو الكابوس دا مش هيخلص وبتبص ل ايهم انت مين سمحلك تحضني كدا
ايهم: انتي كويسه؟! انا اتخضيت عليكي
شيار: انت ازاي كملت الترانيم مكاني
ايهم: فين المشكله؟!
شيار: ازاي فين المشكله مش بتقول انك جني يعني مفروض الترانيم تحرقك
ايهم: انا جني مؤمن يعني الترانيم مش هتحرقني انا حافظها كامله
شیار: يا سلام
ايهم: انتي اول مره تعرفي ان في جن مؤمن؟
شيار: لا عارفه
ايهم: اومال مستغربه كدا ليه!
شیار طب انت عايز ايه مني
ايهم: انا بحبك
بتبرطم شيار بصوت واطي يا* يعني يوم ما الاقي واد مز وزي القمر كدا ويقولي بحبك يكون جن يعني البشريه كلها خلصت واللي يحبني جني دا ايه الحظ المهبب دا بس يا*
ايهم: ههههههه ههههههه
شيار: بتضحك علي ايه ياحضرت
ايهم: علي كلامك
شیار: هو انت سمعتني
ايهم: اه
شیار: بس انا كنت بكلم بصوت واطي!
ايهم: انتي لو مكلمتيش خالص هعرف في ايه ف دماغك
شيار: ليه بتقرا افكاري
ايهم: اه
شيار: ف بالها يعني هو سمع تفكيري اماا قولت انه زي القمر!!!
ايهم: ههههههه تصدقي اه
شیار بصدمه : احيييه
ايهم: انا نفسي لو اقضي كل الوقت معاكي زي زمان بس انتي لازم تصحي دلوقتي
شيار: زي زمان يعني ايه مش فاهمه!!
ايهم: بعدين هفهمك اصحي دلوقتي عشان مامتك بقالها شويه بتحاول تصحيكي عشان باباكي عايز يكلمك
وهيتصل بيكي بعد عشر دقايق
شیار: هااا
_________________
يمني: شيار حرام عليكي اصحي شيااااار
بتفتح شيار عنيها وتبص ل مامتها ب استغراب
يمني: ايه يابنتي دانتي لو واخده بنج مش هتنامي بشكل دا بتفضل شیار مبحلقه ف مامتها وساكته وشويه وتفضل
تضحك
يمني: بتضحكي علي ايه؟!
شیار: ههههههه حلمت حته حلم مسخره دانا شويه كمان وكنت هصدق انه بجد ههههههه
يمني: حلمتي ب ايه
شیار حلمت ب وراحت ساكته وافتكرت كلام ايهم مامتك بتصحيكي عشان باباكي هيكلمك بعد عشر دقايق
يمني: مالك يا شيار سرحتي ف ايه؟!
شيار: ماما انتي كنتي بتصحيني ليه؟
يمني: اه فكرتيني باباكي عايز يكلمك وهيتصل بيكي كمان عشر دقايق
شيار: يعني دا مکنش حلم دا کان بجد!!!
يمني: هو ايه اللي بجد؟!
شیار: ف بالها لالا اكيد صدفه
مفيش حاجه یا ماما انا بس مش مركزه هقوم اغسل وشي عقبال ما بابا يتصل
____________________________
بتقوم شيار تغسل وشها وتخرج تلاقي مامتها قدام اللاب توب وبتكلم باباها صوت وصوره بتقعد شیار جمب مامتها
شيار: مسا... مسا ياحج وحشتني
هادي: وانتي كمان وحشتيني اوي طمنيني عليكي عامله ايه وعامله ايه ف الجامعه؟
شیار: کله تمام مش ناقصني غيرك انت هتنزل امتي بقي؟
هادي: قريب يا حبيبتي ان شاء **** تحبي اجبلك ايه معايا؟
شیار: عوزه عروسه
يمني: عروسه! في شحطه ف الجامعه زيك كدا وتطلب عروسه
شیار: خلاص یا یویو متزعليش نفسك هاتلي عريس 😂يمني: بابت اتلمي وبتخبطها ع دماغها
شيار: اي اي خليك شاهد ياحج بتضربني قدامك يرضيك كدا
هادي: ههههههه مفيش فايده فيكي مش هتعقلي ابداا
يمني: شيار ادخلي اوضتك عشان عاوزه اكلم مع بابا ف موضوع
شیار: موضوع بردو ولا بتطرقيني عشان تحبي ف بابا
يمني: انجري يابت ع جوا وبتحدف المخده عليها
بتجري شيار ع اوضتها وهي بتضحك
شيار: ماشي ي ست ماما بس خليكي فكراها
ويتدخل اوضتها
____________________________
هادي: مالك يا يمني حاسس انك قلقانه في ايه؟!
يمني: شيار يا هادي قلقانه عليها
هادي: ليه في ايه؟
يمني: بقالها اسبوع بتنام كتير واجي اصحيها بحس كأنها جسم من غير روح انا خايفه ليكون اللي حصل زمان رجع اثر عليها تاني
هادي: يمكن ارهاق يا يمني متكبريش الموضوع والحوار دا عدا عليه سنين كتير انسي ومتخوفيش نفسك
يمني: حاضر **** يستر
هادي: بس انتي وحشتيني
يمني: ههههههه
______________________________
بتقعد شيار تذاكر ف اوضتها واما بتخلص مذاكره بتحضر الطقم اللي هتنزل الصبح بيه وتنام شويه وبتلاقي نفسها ف
نفس المكان لوحدها
شيار: هو انا كل مانام هاجي هنا
ايهم........ ايهم انت فين.......... ايهم
بتلاقي صوت من وراها
ايهم: انا هنا
بتتخض شيار وتبص وراها
شيار: خضتني
ايهم: معلش مش قصدي
شيار: هو انا كل مانام هلاقي نفسي هنا
ايهم: لو حابه اي مكان تاني فكري فيه هتلاقي نفسك ف المكان دا
شيار: انت ازاي عرفت ان ماما بتصحيني عشان اكلم بابا؟!
ايهم: منا قولتلك اني اقدر اعرف اي حاجه
شیار: انا مش قادره اصدق اللي بيحصل انا اكيد بهلوس
ايهم: انتي عارفه انك مش بتهلوسي واني موجود بجد ولو انتي مش مصدقه مكنتيش فضلتي تتكلمي معايا كدا
شيار............
ايهم: انتي خايفه مني؟!
شيار: لا
ايهم: حاسه ب ايه ناحيتي؟
شیار: حاسه انك مش غريب عليا وكأني اعرفك من زمان مش فاهمه ازاي
ايهم: ف الوقت المناسب هقولك ازاي
شيار: اممم ماشي هو انت قلت لو فكرت ف اي مكان هلاقي نفسي فيه
ايهم: ايوه
بتغمض شيار عنيها وتتخيل نفسها ع شاطئ بحر فاضي وميه زرقا وصافيه بتفتح عنيها تلاقي نفسها ف المكان اللي اتخيلته وايهم جمبها
شيار: وااوو انا بجد مش مصدقه دي حاجه تحفه ههههههه ايهم: تحبي تنزلي الميه؟
شیار: یاریت بس مش بعرف اعوم
ايهم: هاتي ايدك
بتبصله شیار بتردد
ايهم: متخفيش هاتي ايدك
بتمد شیار اديها وبيمسك ايهم اديها وينط بيها ف الميه ويفضل يعوم بيها وهي علي ضهره شويه وبينزلها من علي
ضهره ويوقفها قدامه ويمسكها من وسطها
شیار: انا مش لامسه الارض
ايهم: متخفيش مش عايزك تخافي من حاجه طول ما انتي معايا انا مش هسمح لحاجه تاذيكي
شيار: ليه؟
ايهم: عشان بحبك
بتبصله شیار مش بتعرف ترد
بيبصلها ايهم ويقربها عليه ويحضنها اوي وبيقرب عشان يبوسها
بتحس شيار بتوتر وجسمها كله بيتنفض كل ميقرب منها وقبل ما شفايفه تلمس شفايفها.......
يـﮯتبع
مش ناسيه والقصه مفيهاش اي حاجة جنسيه
ميرسي 🙏🏻💐
تسلملي ❤
تسلملي متحرمش منك 💖💖💖
