آلجزء آلثآلث
قبل ما شفايف ايهم تلمس شفایف شیار بیرن المنبه وبتصحي من النوم
بتفضل قاعده شويه سرحانه فلي بيحصل معاها وبتفتكر اما حضنها وكان هيبوسها بتبتسم
وتستغرب وتكلم نفسها: هو ايه اللي بيحصلي دا انا ازاي حاسه ناحيته بكدا وازاي مش خايفه منه؟! بس انا حساه قريب مني اوي واكني اعرفه من سنين قلبي بيقولي انه مش هيأذيني
بتفوق شيار من افكارها وبقوم تغسل وشها وتلبس هدومها وتجهز للكليه
__________________________
شيار: يويو صباح الفل
يمني: صباح الورد يا قمري صحيتي لوحدك يعني
شیار: كنت ظابطه المنبه بدري شويه عشان الدكتور هيوزع المشاريع النهارده لو اتاخرت شويه بعد الجامعه متقلقيش هخرج مع البنات
يمني: ماشي يا حبيبتي بس خلي بالك من نفسك وابقي كلميني طمنيني عليكي
شیار: حاضر یا ماما وبتبوس دماغ مامتها وتنزل تروح الجامعه
------------------------------
في الجامعه بتلاقي صحابها متجمعين وبتروحلهم
شیار: صباحوو یا شباب عاملین ایه؟
مي ونور: صباحوو امزه
شیار: اومال فین ادم؟
نور: بيصور ورق وجاي
بتلاحظ شيار علامات الحزن علي وش مي
شيار: مالك يا مي ؟
مي: سلامتك
شيار:شكلك مضايقه في ايه؟
مي: مفيش و**** مهیسه شويه بس
شيار: ماشي اهوو ادم جه اهوو
ادم: صباحوو
شيار: صباحوو فل يابرنس
نور: اي يبني كل دا بتصور الورق!
ادم: كان في زحمه شويه،انتو لسه واقفين هنا مدخلتوش ليه؟
مي: مستنينك يلا ندخل
ادم: يلا
وبيدخلوا كلهم المحاضره
_______________________________
بعد المحاضرات متخلص
مي: احسن حاجه عملها الدكتور انو خلانا احنا الاربعه سوا ف المشروع دا
ادم: عندك حق بس يمكن عشان عجبه اوي المشروع اللي قدمناه السنه اللي فاتت
شيار: مادا الطبيعي اصلا احنا اجمد شله ف الدفعه
نور: ههههههه طول عمرنا
بيضحكوا جميعا معاا
ادم: طب يلا نخرج سوا انا عازمكم ع ايس كريم
شیار: حلوه الفكره
ادم هخرج ادور العربيه عقبال متيجو
نور: اوك
بتقف شيار فجأه وهما ماشين
مي: وقفتي ليه؟
شیار: مش لايقه موبايلي شكلي نسيته ف المدرج اسبقوني انتو وانا هجيبو واحصلكم
نور: نستناکی؟
شيار: لالا انا هجيبه ع طول واجي
مي ونور معاا: اوك
بيخرجوا مي ونور يركبوا مع ادم العربيه بتكون ع الرصيف التاني
ادم: فین شیار؟
مي: نسيت فونها ف المدرج هتجيبه وتيجي
_______________________
بتدخل شيار المدرج وبتلاقي فونها وتتصل ب مامتها تعرفها انها خلصت محاضرات و خارجه مع صحابها وهي خارجه م الجامعه وبتعدي الطريق عشان تركب العربيه بيكون في عربيه بتجري بسرعه وبتكون هتخبط شیار بس قبل متلمسها بتحس شيار ب حد بيمسك وسطها ويشدها بعيد عن العربيه بتقع ع الرصيف وقلبها هيقف مع الخضه وبتبص ع اللي شدها
شیار بصدمه : ايهم؟!
بيبصلها أيهم ويبتسم وبيختفي ف ثواني
بينزلوا ادم ومي ونور من العربيه ويجروا ع شيار
ادم بخوف وقلق: شیار انتي كويسه حصلك حاجه؟
شيار: لا الحمد *** انا كويسه
مي: نوديكي مستشفي؟
شیار: لا لا انا كويسه مش مستاهله لولا ايهم كان زمان العربيه خبطتني
نور باستغراب: أيهم مين؟!
شيار: اللي شدني وبعدني عن العربيه
ادم: بس مفيش حد شدك يا شيار انتي وقعتي قبل العربيه متلمسك
شیار: هااا !
مي: شكل كان بيتهيقلك لان مفيش حد كان جمبك اصلا
نور: بس مين ايهم اللي اتهيقلك انو انقذك دا؟ بت انتي بتحبي من ورانا؟!!!
ادم: خلاص بقي مش هنفضل واقفين بنكلم كدا المهم انها كويسه ومحصلهاش حاجه
مي: شيار متخوفيناش عليكي هتفضلي متنحه كدا
شيار: لا مفيش حاجه خلاص يلا بينا
بيروحوا يركبوا العربيه
بتسند شیار دماغها ع الشباك وتسرح
شيار لنفسها معقول انا اتهيقلي انه انقذني بس ازاي انا متاكده اني شفته
بتغمض شيار عنيها وتفتح بتلاقي العربيه فاضيه مش بتلاقي صحابها بتبص ع اللي بيسوق تلاقي ايهم
شيار بصدمه: انت ازاي هنا وصحابي فين؟!
ايهم: متفكريش كتير انا اللي انقذتك
شيار: ازاي ومحدش شافك؟
ايهم: محدش هيقدر يشوفني ولا يسمعني غيرك وافتكري اني دايما حواليكي حتي لو انتي مش شيفاني انا شيفك
وعمري ما هسمح لحاجه تاذيكي يا حبيبتي
شيار: انت ليه مبتردش علي اي حاجه من اسئلتي انا عيزه افهم كل حاجه بتحصل دماغي بدأت تتعب من التفكير
ايهم: كل شئ لي اوان ي اميرتي
مي: شيار.... شيار اصحي وصلنا
بتفتح شيار عنيها وتبص ل مي ب استغراب
شيار: انتو كنتو فين؟!
مي: كنا فين ازاي محنا معاكي اهو انتي نمتي قولنا نسيبك شويه لحد منوصل
بتفضل شيار بصالها وساكته
مي: في ايه ياشيار انتي مش علي بعضك النهارده انا بدات اقلق عليكي
شیار: متقلقيش انا كويسه
بينزلوا كلهم من العربيه ويدخلوا محل ياكلوا ايس كريم ويتمشوا شويه ويقعدوا يضحكوا ويهزروا وبيوصل ادم مي ونور
وبيخلي شيار للاخر لان بيت مي ونور قبل بيتها
ادم: انتي كويسه دلوقتي؟
شيار: الحمد *** ادم كنت عايزه اسالك ع حاجه ممكن
ادم: اكيد اسالی
شیار: ايه احساسك ناحيه مي؟
ادم: اشمعنا!
شيار: عادي قول بس
ادم: عادي زي نور وزي احد من صحابي
شيار: يعني مش بتحس ناحيتها بحاجه اكثر من الصحاب؟
ادم: لو حسيت هبقي اقولك بس ليه بتسالي؟
شيار: مفيش بس متقولش لحد اني سالتك السؤال دا ممكن
ادم: عيب عليكي من امتي بقول حاجه بتقوليهالي يعني وصلنا ابقي طمنيني عليكي اوك
شیار: اوك باي
بتنزل شيار تطلع البيت وبيفضل ادم واقف باصص عليها لحد متطلع
ادم لنفسه: ازاي اقولك ان عيني مش بتشوف بنت غيرك من واحنا صغيرين وانتي مش حاسه بيا انا بحبك انتي ياشيار وبتبان نظره اسي علي وشه وبيسوق العربيه ويمشي
___________________________________
بتدخل شيار البيت وتدور علي مامتها
شیار: ماما انا جيت انتي فين؟
يمني: في المطبخ ياروحي
بتدخل شيار المطبخ ل مامتها وتبوس دماغها
شيار: الجميل محضرلنا اكل ايه
يمني: عملالك مكرونه بشاميل وبانيه
شیار: هيييه تسلم ايدك ياست الكل هروح انا اخد دش عقبال الاكل ميخلص
بتبصلها يمني وتبتسم علي براءه بنتها اللي مهما تكبر بتحسها لسه طفله
يمني: ماشي يا حبيبتي
بتدخل شیار اوضتها تطلع لبس ليها
شیار لنفسها: اممم اخد دش واكل وانام مش عشان وحشني خالص يعني وعيزه اشوفو انا بس مرهقه ومحتاجه انام وبتبتسم وتدخل الحمام تاخد دش واما بتخلص بتقف قدام المرايه وتمسح البخار عنها بتبص لانعكاسها ف المرايه وعنيها تبرق من الصدمه بتشوف بنت بعيون حمرا والدم نازل من عنيها وشعرها اسود بسواد الليل ومنكوش بتترعب شيار ومن الخوف مش بتقدر تستوعب المنظر اللي قدامها ومش بتقدر تكلم
البنت : انا مش جايه ائذيكي انا جايه اقولك كلمتين ابعدي عن ايهم احسنلك وخرجيه من حياتك سمعتي الكلام يبقي كويس ليكي مسمعتيش يبقي متلوميش الا نفسك كلامي مفهوم يا انسيه !!
شيار: وصوتها بيقطع من الخوف : ان ت ي مين؟!
البنت : بحيكي علي جرأتك انك قادره تكلمي معايا انا مرات ايهم
شیار بصدمه: مراته؟!
البنت: انا المره دي حظرتك وبس المره الجايه هحول حياتك ل جحيم فاهمه وبيزيد الدخان جامد ف الحمام وتلاقي
شيار الحنفيات كلها اتفتحت وبتنزل ددمم وبتختفي البنت
بتصرخ شيار جامد من الرعب وعقلها مش بيتحمل خوف اكبر وبتقع يغمي عليها
_______________________________
بتسمع يمني صريخ شيار وبتجري ع الحمام بخوف وتخبط علي الباب
يمني: شيار..... شيااار افتحي شياار انتي كويسه؟
مش بتسمع رد بيزيد قلقها و بتفتح الباب وتدخل بتلاقي شيار واقعه ع الارض وفاقدة الوعي بتقعد جمبها وترفع دماغها ع رجلها
يمني: شيار فوقي ياحبيبتي شيار
بعد شويه بتبدا شيار تفتح عنيها وبتحضن مامتها وهي مرعوبه وتعيط ف حضنها
يمني: اهدي يا قلبي انا معاكي قومي نخرج م الحمام تعالي بتقف شيار ويمني بتسندها وتدخلها اوضتها
يمني: اهدي كدا وقوليلي ايه اللي حصل كنتي بتصرخي ليه؟؟
مش بتحب شيار تخوف مامتها وتقولها الحقيقه
شیار: ابدا انا بس رجلي اتزحلقت ف الصابون ف صرخت وشكلي اما وقعت دماغي اتخبطت ف اغمي عليا
يمني: متاكده ان دا اللي حصل شيار لو مخبيه عليا حاجه قوليها
شیار: ابدا يا حبيبتي هخبي ايه يعني صدقيني دا اللي حصل
يمني: ماشي البسي هدومك وتعالي عشان تاكلي
شیار: حاضر
بتخرج يمني وتسيب شيار لوحدها
يمني لنفسها: انا قلبي مش مطمن حاسه ان تغيرك دا بسببه **** يسترها واكون غلطانه ميكنش رجع تاني
وبتدخل المطبخ تكمل الاكل
بتلبس شيار هدومها وتخرج بتاكل لقمتين مع مامتها وتقوم
يمني: حبيبتي مكلتيش ليه؟
شیار کلت مش قادره اکل اکثر انا هقوم اذاكر
يمني: ماشي يا حبيبتي لو احتجتي حاجه اندهيلي
شیار: حاضر
بتدخل شیار اوضتها وتقعد ع مكتبها وتفتح الكتب بس بتسرح وبتحس ان ايهم مسيطر علي تفكيرها
شيار لنفسها: طب اما هو متجوز عايز ايه مني ليه علقني بيه بس دي غلطتي انا اكمنه مؤمن اتعلقت بيه ونسيت انه من عالم وانا من عالم تاني والعالمين مينفعش يتقابلوا ببعض انا لازم مشفهوش تاني هعتبره حلم وصحيت منه خلاص
بتفضل شیار صاحيه مش بتنام خالص وحاسه بحرب جواها بين قلبها وعقلها
قلبها اللي بيحب أيهم وعقلها اللي رافض وجوده واي علاقه تجمعها بي
______________________________
بيطلع النهار وبتجهز شيار نفسها وبتروح الجامعه وتقعد مع مي
مي: شيار انتي كويسه؟
شيار: اه الحمد ***
مي: بس شكلك تعبانه
شيار: مفيش انا بس منمتش من امبارح
مي: اللي شاغل عقلك ياجميل
شيار: بطلي.. اومال فين نور وادم
مي: نور خالتها جت من البلد امبارح وهترجع بكره ف هتقعد معاها مش هتيجي النهارده
شیار: وادم؟
مي: قال مش هيحضر اول محاضره عشان عنده اجتماع مهم ف الشركه وهيجي ع تاني محاضره
شیار: كويس ان ادم قادر يدير الشركه مع باباه ونفس الوقت بينجح بتفوق ف الجامعه بس اكيد بيتعب اوي
مي: كلامك صح بس دا يثبت انه راجل ويعتمد عليه تعرفي يا شيار انا نفسي اوي احس انه بيحبني ربع ما بحبه
شيار: يا قلبي انتي جميله وتتحبي وانا متاكده مش هيلاقي واحده احسن منك يحبها هو محتاج بس نفتحله عيونه
شويه
مي: ههههههه عندك حق طب يلا بينا المحاضره هتبدا وبعدين نبقي نشوف هنفتح عيونه ازاي
شيار: يلا ي قلبي
___________________________________
مش بتقدر شيار تركز ف المحاضرات من قله النوم وبتحس ب ارهاق وصداع بس بتتحامل علي نفسها وف نص
اليوم بينضم ادم ليهم
بعد المحاضرات
ادم: شیار انتي كويسه؟ شكلك تعبانه
شیار: انا تمام مرهقه شويه بس لو شربت نسكافيه اکید هفوق
مي: نسكافيه ايه انتي بحالتك دي محتاجه قهوه دبل
ادم: لالا مش قهوه هي محتاجه تكييف وسرير وتنام
شیار بخضه: لالا انام لا
بيبصوا ادم ومي لبعض ويبصولها باستغراب
مي: اومال مش هتنامي هتفضلي صاحيه ع طول يعني وبعدين انتي خفتي كدا ليه؟
شیار: انتي كبرتي الموضوع كدا ليه انا اقصد ورايا حاجات اعملها ومش هينفع انام الا اما اخلصها
ادم: طب يلا تعالوا اوصلكوا
شيار: لا وصل مي انا ورايا مشوار اعمله بعدين هروح
مي: تحبي اجي معاكي؟
شيار: لالا روحي انتي مع ادم وانا بليل هكلمك اوك
مي: اوك باي
شیار: بای ، باي ي ادم
ادم: بای
بتركب مي مع ادم العربيه وبيمشوا وشيار بتستني شويه بعد ما يمشوا وتركب تاكسي وتروح
هي مكنش وراها مشوار ولا حاجه بس بتحاول تقربهم من بعض
_____________________________
ادم: وصلنا
بتفضل مي قاعده مش بتنزل
ادم: ايه يابنتي انتي نسيتي بتكو ولا ايه
مي: ادم ممكن اسالك سؤال؟
ادم: اكيد من امتي بتستاذني يعني!!
مي: هو انت في حد ف حياتك؟
ادم: تفتكري هيكون في حد ومش هقولكوا يعني بس ليه السؤال دا؟!
مي: ادم انا بحبك
ادم:...............................
_________________________________
بتروح شيار البيت تسلم علي مامتها وتغير هدومها وتكلم نور ف الفون تطمن عليها وتقعد تتغدي مع مامتها وتدخل اوضتها تقعد تذاكر شويه واما بتتعب بتقعد ع سريرها وتلعب ف فونها
شیار: مش هنام... مش هنام هفضل صاحيه مش هنام
شويه وبتلاقي شيار باب اوضتها اتفتح واتقفل بتبص قدامها تلاقي ايهم
شيار: انت ايه اللي جابك هنا؟!
ايهم: مش عايزه تشوفيني؟!!!
شيار: لا مش عايزه اشوفك وياريت تختفي من حياتي متورنيش وشك تاني
ايهم: في ايه انتي بتكلمي كدا ازاي اصلا
شیار: و*** بجد مش عارف بكلم كدا ليه طب روح اسأل مراتك
ايهم: مراتي!! مراتي مين انا مش متجوز
شيار: انت كداب هي طلعتلي ف الحمام وقالت انها مراتك وحذرتني ابعد عنك او هتاذيني
ايهم: انا مبكدبش قولتلك انا مش متجوز ومتغضبنيش عشان مش عايز اخوفك مني
شیار: ايهم خلاص متجوز او لا دي حاجه تخصك انا وانت مينفعش نبقي مع بعض انت جني وانا انسيه انت مخلوق من نار وانا من طين انا وانت اعداء بالفطره عمر الحب ما هيجمعنا سوا
ايهم: الحب ميعرفش التفرقه اللي قولتيها دي ولو انت مش بتحبيني مكنتيش غيرتي عليا بس صدقيني انا مش متجوز اللي ظهرتلك دي بنت عمي واناا هعرف اعاقبها ازاي عليِ عملته معاكي
شيار: ولو هي مش مراتك ليه قالتلي كدا؟
ايهم: بصي قولتلك ان انا الملك فوزت في حرب السلطه وخدت العرش ولازم يكون ليا ملكه وعشيرتي شافوا ان هي المناسبه ليا بذات انها بتحبني من زمان بس انا رفضت اتجوزها
شيار: ليه؟
ايهم: لاني بحبك انتي انا بحبك من زمان اوي وكنت مستني الوقت المناسب عشان اظهرلك انا عندي استعداد احارب الانس والجن كلهم عشان افوز بيكي بس ف حاله واحده بس
شيار: ايه هي؟
ايهم: تقبليني ف حياتك وتبقي عندك ثقه فيا وتحبيني زي ما بحبك
بتبصله شيار وتفضل ساكته
ايهم: بتحبيني يا شيار؟
بتبصله شيار وتبتسم وتجري عليه تحضنه
شيار: بحبك
بيحضنها ايهم ويلف بيها
بتبص شيار ع الارض تلاقيهم طايرين هما الاتنين
شيار: احنا طايرين انا مش مصدقه احنا طایرین بجد ههههههه
ايهم: تعرفي اني بعشقك ضحكتك دي اول حاجه شدتني ليكي هي هضحكتك
شیار: انت مش هتقولي بقي ليه انا حاسه اني اعرفك من زمان
ايهم: هقولك بس مش دلوقتي
شيار: امتي؟
ايهم: حبيبتي انتي لازم تنامي بقالك يومين صاحيه
شیار: بس انا خايفه انام
ايهم: متخفيش نامي وانا هفضل جمبك
شیار: ماشي
بتنام شيار ع السرير وبيقعد ايهم جمبها وبياخدها ف حضنه بتبصله شيار وتفضل ساكته
ايهم: يلا نامي
شيار: تعرف انا مستغربه اوي مفروض اكون خايفه منك بس انا بحس ب الامان معاك
ايهم: عشان انتي من جواكي متاكده اني مش هاذيكي انا بجد بحبك
شيار: وانا بحبك
بيقرب ايهم منها عشان يبوسها واول ما بيقرب منها .............
يـﮯتبع