🙆🏻♀️✋🏻👁️🙍🏻♀️🚨🧿
زمان كنت ببقى مهتمة جدًا بوجود أصدقاء
اللاقيهم معايا دايمًا، وبلا إنقطاع، ومنغيبش عن بعض ابدًا
دلوقتي، وكل ما بكبر
بكتشف إني محتاجة نوع الصداقة اللي أضمن فيه إن الصداقة مستمرة حتى لو مشاغل الدنيا خلِّتنا نغيب عن بعض شهور، وإحنا ثابتين وواثقين إننا لحظة ما هنتلاقى، هنتلاقى بأحضان مفتوحة وإشتياق حقيقي وهنتشارك في اللي بيحصل في حياتنا بمنتهى المحبة والثقة والإنفتاح.
في رأيي الشخصي؛
-حقك تتفق أو تختلف معايا-
أنا بشوف إن الصديق اللي تغيب عنه شوية:
فتلاقيه مبقاش صديق؛
هو أصلاً مكانش صديق!
مرة وأنا طفلة صغيَّرة أوي شخص عزيز عليا قالي كلمة، في وقتها أنبهرت بيها، لكن بقيت كل ما أكبر اتأكد من صحتها.
قالي:
"الصديق الحقيقي، عامل زي الچاكت.
ممكن يفضل في الدولاب شهور؛
لكن لو سقعتي في عز الشتا؛
!!"هتبقى واثقة إنه موجود، وهيدفيكِ
كن صديقا أو لا تكن أبدا
