بائع الورد اليتيم الجزء الثاني

[خاضع لاقدام النساء]

مع بدايه الجزء الثاني من بائع الورد اليتيم هتلاقي مغامرات كتير لخالد هيمر بيها و لي خالد عايز يسافر


.في بداية يوم جديد لخالد يصحي من النوم في السابعه صباحا ليقوم بعمله اليومي ولاكن هذا اليوم مختلف لانه دخل في قصه حب من اول نظره

_خالد:- صباح الخير يا حلوه تقدري تكملي فطار زي ما انتي لحد ما بص على الشغل الجديد

-قمر:- صباح الورد ياعم الحلو قولتلك اسمي قمر و بعدين شايف انك داخل محل ناس بخيله اتفضل أفطر معايا و هنشوف الشغل مع بعض

_خالد:- للاسف انا مش بفطر دلوقتي انا قبل ما بنزل من البيت بشرب قهوه و بنزل

- قمر:- طيب يا خالد اتفضل المحل محلك

لف خالد في المحل و بيكتب الطالبات اللي يشتريها لشغله

- قمر:- اتفضل القهوة يا خالد انا عملتها علي الريحه زي ما انا بحبها

_ خالد:- اه قهوتي علي الريحه متشكر تعبتك اتفضلي دا الشغل بتاع انهارده

شخص مجهول داخل بيزعق بصوت عالي لقمر

- قمر :- انت بتزعق لي و مين حضرتك اصلا

انا امبارح اتصلت وصيت علي بوكيه ورد معين و كنت واخد معاد بعد المغرب

- قمر:- طيب و الكلام دا ميتقلش بصوت واطي ملوش لازمه اللي عملته دا

انتي هتعلميني اتكلم ازاي يابت انتي فين صاحبه المحل دا

_خالد:- بقلك اي انا ساكت ليك و قولت دا هيحترم نفسه لاكن انت زوتها اوي اتفضل اطلع بره و صاحبه المحل بتيجي بعد الظهر و اياك تيجي قبل كدا و تعمل مشاكل

انا عارفك يا خالد باشا عنيه ليك هامشي احترام ليك بس ليا كلام تاني معاك بعدين

_ خالد:- وانا ميشرفنيش اني اعرفك يلا اتفضل الباب مفتوح

طيب انا انهارده هعرفك انك تتشرف بيا ولا لا سلام

- قمر:- انا حاسه اني سببت لك مشكله و انت ملكش ذنب

_خالد:- لا ولا مشكله ولا حاجه بس انا مستغرب هو يعرفني منين هو مش المفروض بيتسجل عندكم اسامي الزبائن اللي بتوصي علي طلب

-قمر:- اه فعلا دا نظام المحل عندنا بس انا الكشف مليان هعرف مين دا ازاي

بتدخل هند و بتشوف علامات الغضب علي قمر و خالد

-هند:- في اي يا قمر عملك حاجه الجدع دا

- قمر:- لا خالص يا ماما بس حصل موضوع قبل ما تيجي بربع ساعة و خالد اتصدر و شكله وقع في مشكله بسببنا
.قمر حكت لوالدتها الموضوع

-هند:- اولا انا بتاسف ليك . ثانيه انت موقعتش نفسك في مشكله بس انت الشخص اللي كلمته بطريقه دي ممكن يوديك ورا الشمس لو شاور بس . انا هتواصل معاه حالا و احاول اهدي الموضوع

_ خالد:- ولي حضرتك تهدي الموضوع انا اللي أدخلت لأن الاستاذ داخل يزعق و غلط في بنت حضرتك مكنش ينفع اسكت و أنا أقدر احل مشاكلي بنفسي و ياريت بعد كدا تخلي بالك من بنتك لأن محدش كان عارف ممكن الشخص دا يعمل اي لو انا مكنتش موجود..

قمر بعد اذنك محتاج الفواتير اللي اخت بيها شغل و شوفيلي حسابي كام

-هند:- طيب انت حر شيل بقا اللي هيحصل لك منه

-قمر:- اتفضل يا خالد الفواتير و كدا انت اللي ليك باقي من الفلوس بتاعه امبارح اتفضل و راجع حسابك

خالد اخد الفواتير و الفلوس و الشغل من غير ما يتكلم و طلع علي محل عم حسن

"في المحل عند عم حسن"

-حسن:- اهلا باللي جايب لنفسه المشاكل مع ناس هو مش قدها

_خالد:- مشاكل اي يا عم حسن في اي

-عم حسن:- جالي رساله من شخص مهم من عشر دقايق و بيشتكي منك

"محتوي الرساله"
عم حسن صاحب اهم محل في المكان انا معتز غالي اكيد عارفني كويس انهارده ابني كان في محل هند معتصم و كان هناك بالصدفه خالد الشب اللي اعرف انك مربيه و ميعرفش غيرك خالد دا زعق ل ايمن ابني وطرده من محل هند معتصم ابني عارف خالد و عارف شغله و متكلمش معاه بس واضح أن خالد حب يعمل بطل قدام بنت هند ووقع نفسه في مشاكل مع ابني انا بعتلك الرساله عشان تخلي خالد باشا يخلي باله من نفسه

_خالد:- مين معتز غالي دا عشان يكون عارفني و عارفك كدا

-حسن:- دا مساعد مدير أمن القاهرة و فاضل كام شهر و يبقي هو مدير الأمن يا بيه تقدر تقلي رايح لي هناك و لي تدخل في حاجه انت ملكش دعوه بيها

خالد قال لعم حسن كل حاجه بالتفصيل

-حسن:- طيب هتعمل اي يا بني انت مش قد الناس دي و اصلا هند معتصم دي مفيش من وراها حاجه عدله

_ خالد:- انا رايح مكان شغلي ياعم حسن ولو حد داس ليا علي طرف أن عارفني مفيش غير دراعي اللي بتعامل بي و الكبير كبير علي نفسه

*راح خالد مكان شغله بتاع امبارح عشان يقابل البنت بتاعه امبارح غزل

"لكل مشكله حل بالعقل و لاكن خالد متربي علي أخذ الحق بالدراع و القوي خالد ملوش أصحاب بس اللي يعرفه خالد كتير و ناس مهمة في المكان و من حسن حظ خالد اول زبون في يومه يكون عضو في مجلس الشعب و دا اهم من معتز غالي ميه مره"

صباح الخير يا خالد يابني طمني علي احوالك و شغلك

_ خالد:-كله تمام يا باشا اول ما بشوف حضرتك بس ببقي كويس

. اتفضل طلب حضرتك مجهزه و دي باظه صغيره نوعها حلو هديه مني لحضرتك

يابني انا كفايه وجهك البشوش دا و معاملتك اللي الكل بيحلف بيها في المجلس و الكل مستعد يعملك اي حاجه بس انت دماغك ناشفه

_خالد:- يا باشا انا يشرفني التعامل مع حضرتك و جميع الناس في المجلس بس حضرتك عارف لو معملتش الجنيه من تعبي مش هبقي مرتاح و كلها شهر مسافر اشتغل بره

طيب بص علي شان وقتي و مينفعش اقف كتير هنا دا كرت في رقم المكتب بتاعي لما تخلص يومك ترن علي المكتب هيبعت ليك عربيه تاخدك لحد مكتبي على شان في موضوع لازم نتكلم في مع بعض

"طبعا انتم اعزائي القراء مستغربين ازاي شب واقف في شارع بيبع ورد و يقف له عضو في مجلس الشعب يشتري منه و كمان يتكلم معاه و يطلبه في مكتبه بس بلاش استغراب دا تقريبا نص المكان عارفين خالد بائع الورد اليتيم لأن معامله خالد مع الناس و طريقه البيع و زوقه الراقي خلي الكل يحبه و بقي معروف و بدل ما الناس تروح المحلات بتروح له هو"

و كدا بيخلص الجزء التاني و مستني رائي الناس انا مش اول مره اكتب قصص بس اول مره انزل

اتمني من اداره المنتدي دمج الأجزاء مع بعضها لأن قصتي متسلسلة و شكرا

اضغط لقراءة المزيد...

 

[العاشق]

فين باقي القصه