سؤال ايه الحل لو حقي ممكن يضيع عشان مليش في كتر الكلام والمناهدة

[Slinder Man]

أنا من الشخصيات اللي ملهاش في الكلام الكتير ومبعرفش اتكلم وممكن يكون ليا مثلا حق لكن لأني مليش في
شغل الكلام ممكن الطرف التاني بيعرف يلف ويدور وفعلا يضيع حقي لمجرد اني مليش في الكلام الكتير وغالبا
بقوم أضرب اللي قدامي في نص الكلام لما بلاقيه بيكذب أو بيلاوع أو بيلف بالكلام وانا مش عارف أجاريه
رغم ان الحق معايا

اضغط لقراءة المزيد...

 

[مملول]

الغضب بيخليك ما تفكرش ودايما هتاخد خطوة غالبا هتغرقك
افتكر دا خلل عندك ولازم دايما تفكر نفسك بيه
الهدوء فى المواقف دى انسب حل ، و بما انك حابب تقوم تكسره على كذبه ، يبقي وسط هدوءك شوية استفزاز من اللى يخليه يبتدى هوا يمسك فيك

 

[𝔼𝕝 𝕄𝕆𝕂ℍ....]

خد حقك بدماغك

 

[مجنونة مطرقعة]

لو مش عارف تكسب بالكلام ... اكسب بالاستفزاز .

استفز الي ادامك لحد ما هو يغلط وفي الحاله دي لو ضربت يبقى معاك حق وتطلع بأقل الخسائر مش انت الي تطلع غلطان بس عدم ضبط النفس.

 

[J U B A]

اتعلم

 

[DOCTOR AMR]

أنا من الشخصيات اللي ملهاش في الكلام الكتير ومبعرفش اتكلم وممكن يكون ليا مثلا حق لكن لأني مليش في
شغل الكلام ممكن الطرف التاني بيعرف يلف ويدور وفعلا يضيع حقي لمجرد اني مليش في الكلام الكتير وغالبا
بقوم أضرب اللي قدامي في نص الكلام لما بلاقيه بيكذب أو بيلاوع أو بيلف بالكلام وانا مش عارف أجاريه
رغم ان الحق معايا

كنت بتكسف اتكلم لما كنت صغير و حقي دايماً كان بيضيع
لحد ما واحد نصحني بحاجتين
أول حاجة اني مكونش كتير الكلام علشان مكونش كتير الغلط
تاني حاجة اني مهما كنت متدايق او أياً كانت حالتي لازم احسبها قبل ما اخد اي خطوة

صدقني انا محدش دخل في حوارات زي ما انا دخلت .. بس الفكرة اني دايماً كنت ببقا الطرف الصح تخيل بقا ان ممكن مشكلة كبيرة تخلص بالأسلوب

مش كل حاجة بتيجي بالدراع .. انت ممكن بدماغك تخليه يلف حوالين نفسه و محدش يقولك انت غلط

 

[DOCTOR AMR]

لو مش عارف تكسب بالكلام ... اكسب بالاستفزاز .

استفز الي ادامك لحد ما هو يغلط وفي الحاله دي لو ضربت يبقى معاك حق وتطلع بأقل الخسائر مش انت الي تطلع غلطان بس عدم ضبط النفس.

الست دي بتقول كلام زي الفل