- إنضم
- 31 مايو 2022
- المشاركات
- 1,728
- مستوى التفاعل
- 1,910
- الإقامة
- اعيش وسط بالحمقى
- نقاط
- 49
- الجنس
- ذكر
- الدولة
- Egypt
- توجه جنسي
- ثنائي الميل
اهلا بيكم في سلسلة جديدة وفكرة اجدد وانا متأكد ان محدش فكر فيها قبل كدا . متكبر انا صح 😅 عارف ان الفكرة ممكن تكون مشابهة لمسلسل اللعبةانا مش هكدب عليك هي فعلا الفكرة شبهها بس انا مخدتش الفكرة من المسلسل وكمان هحاول بقدر الامكان ان ميكونش في حاداث متشابهة مع المسلسل باي شكل من الاشكال
المهم اخوياا القارئ الجميل عايزك تفهم ان دارك استورم مش ببعمل قصة غير لما يبقى فيها افكار ورسائل مسخبية في قلب القصة تفيدك في حياتك فوريني شطارتك بقا ويبقى اكتبهالى في الكومنتات
كفاية رغي وتعالي ونخش على الفصل نسيت اقولك القصة دي مش هتبقى فانتازيا اوي زي باقى قصصي والسرد مش هيكون على لسانى هيكون في راوي
الفصل الاول
احداثنا بتدور في دولة مصر الجميلة في المناطق العشوائية اللى كلها فقر وجوع والناس فيها بتكح تراب
عندنا شوية شباب جمال بردو تعالى اعرفك عليهم
1 -هشام 24 سنة عنده اربع اخوة اتنين صباين واتنين بنات [ ميهمكش تعرفهم لما يجو وسط الاحداث هقولك عليهم ] المهم الاب [ سعد ] شغال مدرس دراسات في مدرسة اعدادية بيقبض 4200 جنيه يدوب بتمشي الدنيا ومستورة الحمد لله والام [ ريهام ] ربة منزل وخايطة بتعمل ستاير كدا على الديق في البيت وبتحاول تسند جوزها اللى بتحبه في ظروف الحياة الصعبه وغلاء المعيشة من الاخر ست مصرية اصيلة خلينا في هشام . هشام خريج كلية تربية قسم فيزيا بسبب حبه فيها وكان ناوى يطلع يورث الكار عن ابوه بس كما جرت العادة مفيش تعيين وجاله تكليف اجباري من غير راتب [بمعنى تاني تدريب] في مدرسة ثانوية في منطقة بعيدة عنه مضطر يركب ليها تلات مواصلات يعني بالميت 50 جنيه في اليوم طبعا الموضوع دا عامله ازمه لانه مبيحبش يكون حمل على اهله وفي نفس الوقت ميقدرش ميروحش لانه لو غاب تلات ايام في السنة هيتحول تحقيق وهيدخل في حوارات هو مش قدها فعايش وراضي .
2 - أمير 26 سنة خريح هندسة وزي باقي اخواتنا المهندسين المحترمين [وانا مش قصدى اغلط او ازعل حد فيهم كلهم فوق فوق راسي طبعاً ] كانو فرحانين بكليه الهندسة والباشمهندس راح والباشمهندس جه ودخلوا معجنة خمس سنين فرم ومناهج بتنيك في الطالب نيك وكانوا فاكرين انهم هيتخرجوا يشتغلوا ويبنوا عماير والأشية تبقى معدن ومش هيلاحقوا على الفلوس بس طبعا دي كلها كانت احلام وردية ولما اتخرجوا اتصدموا بالواقع المر انه يا اما يقعد في البيت جنب الست الوالدة يا اما يروح يشتغل مع مكتب براتب تعبان والمكاتب دي بتستغل الطلاب الجداد زي كدا وتديله مرتب تعبان ويقولوله انت بتتعلم واحنا بنديك خبرة المهم عيلة امير بتتكون من اخين 5 سنين توأم واب [ ياسين ] عنده ورشة نجارة على القد كدا ويدوب بتسد الاحتياج والام [ هند ] ربة منزل ومش شغاله ومعندهاش اي دخل ومهتمة ببيتها واولادها وبتحاول بقدر الامكان انها تكون ست بيت شاطرة وتحس انها لها قيمة في البيت او انها بتعمل تغيير .
3 - حسام 17 سنة طالب في مدرسة تانية ثانوي مدلع شوية لانه وحيد امه وابوه بس نفسه يشتري الايفون احدث حاجة وعشان هو مجنون بلعبه ببجي فعايز يكون معاه مبلغ كويس عشان يقدر يشتري حساب غالي في اللعبة عشان يتفشخر بيه قدام اصحابه . الاب [ عبد الحميد ] عامل شغال بدراعه في المحارة وبياخد تقريبا 120 جنيه في اليوم ومتداين ب 18 الف جنيه عشان كان عامل عملية استئصال الزائدة الدودية لمراته واستلفهم عشان يقدر يعملها العملية. الام [ ليلي] ست بيت بتعمل اللى تقدر عليه بس بردوا مش قادرة تشتغل جامد في البيت عشان العملية اللى عملتها فجوزها بشيل معاها في شغل البيت .
كفاية علينا الشخصيات دي مبدأياً والباقى هيجي وسط الاحداث . نبدأ من عند حسام ليلي بتدخل تصحي ابنها عشان يروح المدرسة .
ليلي : قوم ياض يا حسام قوم الساعة بقت تسعة
حسام اتنفض من على السرير لما سمع الساعة ولما بص في الساعة لقاها لسة سبعة فبصلها وقالها : مش هتبطلي الخصلة الطين اللى فيك دي ياما ؟
ليلي : ياض بقولك كدا عشان تقوم وتجهز نفسك ومتتأخرش
حسام : حاضر ياما حاضر اتزفتت اهو قومت . قام وراح طس وشه بشوية ماية وقعد على السفرة وفطر ولبس هدومه وراح على المدرسة وقابل هناك صاحبه سمير
سمير : ياخويا تتحسد مالك جاي النهاردة بدرى يعني
حسام : نفس الحركة باتعت امي اللي بتخيل عليا كل مرة هي اللى صحتنى بدرى
حسام فجأة خد خزرانه على رجله من الاستاذ اللى بيمر في الطابور لما سمعه بيتكلم وبعد ما مشي حسام همس : ياخي بكسمك هيا نقصاك على الصبح ما ابن الشرموطة التاني اهو كان بيتكلم معايا ومشوفتش غيري
المهم طلعوا الفصل وسمير وحسام قعدو مع بعض وسمير قاله : قدرت تتصرف في الفلوس
حسام : معرفتش جيت اسأل اوبيا علهم قالى قوم يبن الشرموطة من جنبي عايز حساب في لعبة ب 10 الاف دولار هجبهملك منين دول مش لما ادفع الديون اللى عليا حق عملية امك
سمير : طب وهتعمل ايه ؟
حسام : اهو مستنيها لما تفرج
المدرس دخل وبدأ يشرح وحسام قعد مبضون ومش فاهم اي حاجة
نسيب حسام وننقل الكاميرا على هشام وهو واقف في القطر ومزنوق زنقة الكللابب زي مابيقولوا وهو قرفان من نفسه وعمال يسب ويلعن في ام اليوم اللى عرف فيه التعليم وبيقول : خدنا ايه احنا من ام التعليم غير البهدلة والمرمطة وقلة القيمة . القطر وقف وهشام نزل وطلع من المحطة وركب توكتوك وصله لحد المدرسة ودخل مضى حضور وسلم على عم محمد بتاع الكانتين وطلع لحد الدور الخامس ولما وصل للفصل كان نفسه اتقطع وقال : يعني مكنتوش تعملوا اصانصير بدل مانتوا بتقطعوا نفس الواحد كدا ، وبعدين بص للعيطان بتاع الدور وشكل المدرسة اللى تحس انها مبنية من القرن اللى فات وقال : منا غبي دا منظر مدرسة يبقا فيها اصانصير دي المروض يعملولها سلم حبل كدا هيبقا ديكور جامد
هشام سرح بخياله ايام ماكان لسة طالب وكان متخيل انه هيتخرج ويروح مدرسة نضيفة وهو لابس كرفتة وواقف في فصل نضيف وبيشرح ل 10 او 20 طالب مش 60 او 70 طالب ، هشام فاق على صوت المشرف وهو بيقوله : واقف كدا ليه يا استاذ هشام مش حضرتك عندك حصة بردوا دلوقتي
هشام : اه ...اه عندي انا رايح اهو عن اذن حضرتك
هشام راح على الفصل وبدأ يشرح للطلاب بطريقته الجديدة عشان يقدر يوصل المعلومة للطلاب واللى فعلا كانوا بيفهموا من طريقته اللى كانت معتمدة على الابداع ولابتكار وان الطلاب يطبقوا اللى اتعلموه عن طريق صنعواي حاجة ممكن تكون معتمدة او يكون اساسها العلم هو فكرة الدرس ودا كان احسن بكتير للطلاب بدل الطريقة العقيمة لباقي المدرسين القدام اللى هو همه يقرأ من الكتاب وخلاص كدا هو عمل اللى بس الطريقة دي مكنش بيحبها اغلب الاهالى لانها كانت بتكلفهم فلوس وبقوا يسبوا ويلعنووا ويدعوا على هشام عشان مخلصلهم فلوسهم المهم بعد ما هشام خلص حصته قعد وفتح الموبايل وكان بيسكرول في الفيس شوية لحد ما لقي اعلان جذب انتباهه وكان نص الاعلان كالتالي " هل تعيش حياة صعبة وتبحث عن الاستقرار والزواج وبناء اسرة ، هل تحلم بإمتلاك احدث واجمل كل شيء ، هل تريد السفر للعمل خارج دولتك ولكن لاتملك ثمن ثتأشيرة السفر كل هذا واكثر يمكن تحقيقه معنا في [HEROK] تستطيع تحقيق احلامك اعلم انك ستغادر الاعلان الان دون ان تقرأ باقي الاعلان لانك قابلت ولو مرة واحدة اعلانات مشابه وفى الاغلب تكون غير صحيحة او بمعنى اخر نصابة لكننا مختلفون صدقنى وكتأكيد عند تسجيل في لعبتنا ستحصل على 10 دولار هدية من الشركة والان دعنى اشرح لك عن ماذا يتكلم هذا الاعلان نحن هننا نعلن لعبة تحديات جديدة والاولى من نوعها لعبه [ إيكليبس Eclips ] وهى عبارة عن تحديات ستطلبها منك اللعبة وعليك القيام بها خلال الوقت المحدد وكل هذا وانت تشغل الكاميرا لتوثيق انك اتممت المهمة ومع كل تحدى ستكمله سيتم ايداع قيمة التحدي في حسابك البنكى واذا خسرت في احدى التحديات سيتم سحب المبلغ مرة اخرى وترك 100 دولار لك كشكر على مجهودك وحده متسابق واحد سيصل الى جائزة 35 مليون دولار وسيمتلك الثروة التى ستحقق له احلامه هيا بادر الان بالتسجيل على اللعبة " هشام قال لنفسه : دا ولا كأنهم يقصدوني طب ما اجرب مش هخسر حاجة واهو مطلبش اي فلوس عشان تشترك في اللعبة معنى كده انهم صادقين فداس على اللينك اللى كان محطوط في الاعلان ودخل على صفحة مكتوب فيها " اهلا بك في لعبة إيكليبس بمجرد نقرك على زر موافقة فانت توافق على الشروط والاحكام وسياسة الخصوصية الخاصة بنا " هشام داس موافق فاتحول لصفحة تانية مكتوب فيها " اضغط على زر تحميل لتحميل وتذبيت اللعبة على جهازك ولكن اللعبة لن تعمل الا اذا قمت بتحميل متصفح( Tor ) فدخل هشام على متجر جوجل بلاي وحمل المتصفح وسجل فيه ولقى اللعبة اتثبتت على الجهاز وبعدين قال لنفسه مش هينفع العب دلوقتي لما اروح ابقى العب .
نسيب عمنا هشام وننقل على بيت امير كانت الساعة 2 الضهر وأمير داخل تعبان ورمى شنطته على الكنبة ورمى نفسه وراها وهو عمال يأفأف وامه جات قعدت جنبه وقالتله : عملت ايه يا حبيبي ؟!
أمير بزعل : كالعادة هنبقى نتصل بيك
هند طبطبت على ضهر ابنها بتحاول تواسيه وقالتله : خير ياحبيبي خير اكيد **** شايلك خير كبير اوى في الاخر بس انت اصبر بس
أمير : ياماما انا بقيت اكره اسمع الكلمة دي انا صبرت كتير اوى ومفيش حاجة مش لاقيى محصول في الاخر ياماما انا بقى عندي 26 سنة وكل يوم بيعدي عليا بينقص من عداد عمري انا نفسي اتجوز واعمل اسرة وبيت هعمل كل دا ازاى وانا لسة باخد مصروفي منك هصبر على ايه ولا على ايه انا كرهت العيشة وكرهت نفسي وحياتي وبقيت حاسس ان اللي حواليها كلهم كارهينني انا تعبت يااماما تعبت وخلاص مبقتش قادر استحمل ، أمير عيط عياط عمره ما عيطه من ايام ما كان لسة في ابتدائي طول عمره كان كتوم ومبيحبش يبين مشاكله لأهله لانه عارف كويس ان اللى فيهم مكفيهم وهو اولى بمشاكله يحلها مع نفسه بس خلاص الانسان مننا بيوصل لمرحلة الانفجار خلاص مبيبقاش قادر يكتم اكتر من كدا يعني اضربلك مثال صغير هات بلونة دلوقتي وحطها في الحنفية وشغل الماية في البداية انت مش هتكون قادر تشوف الماية من ورا البلونة لانها لسة في البداية ومتملتش اوى فجلدها الخارجى قوي ومبيظهرش اللى وراه مع زيادة بقا حجم الماية جوا البلونة بيبدأ جلدها الخارجي يضعف ويظهر اللى وراه وبتبقى شايف حجم الماية كويس جرب بقا كدا تفضل ماسك البلونة ومتشيلهاش مهما حصل من الحنفية ايه اللى هيحصل .... بالظبط كدا هتنفجر كذلك الانسان من هو مجرد بلونة بيتملى ضغوط ومشاكل نفسية وعصبي وضغط شغل وخناقات مع حبيبته ومشاكل بينه وبين اهله وحتى التعليق السلبي اللى ممكن ياخده على بوست على فيسبوك او غيره كل دا عامل زي الماية اللى بتملى البلونة وفي النهاية ان مفرغتش الماية دي من البلونة هتنفجر [ يارب تكون رسالتى وصلتلك] المهم هند خدت ابنها في حضنها وبتطبط عليه وهي مش عارفة تقوله ايه وتواسيه بيه لحد ما بعد فترة هدى وسابها وقام اخد دش ودخل اوضته ومسك تلفونه وشاف نفس الاعلان اللى شافه قبله واقتنع هو كمان فنزل المتصفح ونزل اللعبة واستنا خمس دقايق لحد ما اتثبتت اللعبة ودخل عليها ولقى مكتوب " اهلا بك في لعبة إيكليبس هل تريد ان تكون مشاهد ام لاعب " امير ضغط على لاعب فظهله جملة" يرجى التقاط صورة لك لتأكيد انك من ستقوم بالتحديات " أمير فتح الكاميرا وخد صورة وحطها على اللعبة واتأكدوا منه ودخلوه على اللعبة عن طريق المتصفح لان اللعبة اللى نزلها دي ماهي الا مجرد بوابة للعبة الحقيقية اللى على المتصفح .
نسيب الباشمهندس امير دلوقتي وننقل على حسام اللى رجع البيت عمال يأفأف هو كمان من الحر وزهق المدرسة وقلع الكوتش بتاعه ورمى كل فردة في جنب ودخل اوضته ورمى الشنطة على السرير ورمى جسمه على السرير وفتح تابلت المدرسة بتاعه اللي هو مهكره عشان ابوه مش قادر يجيبله تليفون لان اللي جاي على قد اللي رايح المهم انه فتح انستجرام يبص فيه على شوية صور بتاعت نسوان 😂 فلقى الاعلان قدامه ومن غير تفكير حمل المتصفح واللعبة ودخل عمل نفس اللى عمله أمير من شوية
نرجع لهشام تاني [ معبش هفضل اوديك واجيبك واتعبك انا معايا بس اعتبرها رياضة يا اخي وبنحرق الدهون المتلتلة دي 😂 ] المهم هشام خلص الحصص بتاعته ورجع البيت مع شوية بهدلة وزنقة في المواصلات كدا ورجع البيت مفرهد جد شاور واتغدى وراح على اوضته وقعد على السرير وافتكر اللعبة اللى كان نزلها فدخل فتحها وطبق نفي الخطوات اللى عملوها اللى قبله وظهر قدامة ساعة بتقول ان اللعبة هتبدأ الساعة 8 بليل ودى نفس الساعة اللى ظهرت لحسام وأمير فساب التلفون ونام لحد بليل لما يبقى يشوف اللعبة أمورها ايه
جه الليل على ابطالنا امير وهشام وحسام فتحوا اللعبة وظهرلهم اول تحدي وكان !!
معلش بقا دا فصل على الديق كدا كبداية للقصة وتفهمك الدنيا بس ماشية ازاى وهحاول انى متأخرش في الاجزاء عايزك تسيبلي قلبك كدا وكومنت تشجيع جميل زيك كدا ولو انت مش متابعني او اول مرة تشوفنى انصح تقرأ متسلسلة المتشرد هتعجبك ان شاء ****
بحبكم وبحب مين يحبكم سلااام 🤗❤
اهلا ومرحبا بكم في الجزء الثاني من سلسلة إيكليبيس .... طيب بتشتم ليه طيب مش تستنى لما تسمع مبرراتي 😅 بص هو الصراحة مفيش مبررات تقدر تقول ان المبرر الوحيد انى ملقتش ريتش على القصة فركزت اكتر على قصة المتشرد وقصة فرصة أم لعنة وعشان كدا عايزك تعملى كومنت جميل زيك كدا عشان انا ناوى ادخل بالقصة دي في المسابقات الجاية فعايزك كدا تكون في ضهري ❤😊
الفصل الثاني
وقنا الفصل اللى فات لما الساعة دقت 8 بالظبط وكانوا ابطالنا التلاتة قاعدين مستنيين على نار اول تحدى وظهر ليهم اول تحدى وكان مكتوب لكل واحد جملة مختلفة
نبدأ مع اول واحد وكان هشام واللى نسيت اقولكم انه من ( بولاق) [ عايز اوضح حاجة بس بسيطة لو في خطأ حصل عن غير قصد منى سواء في صفات المكان واهله او مكان معين او ماشابه فعديهالى عشان انا مش من القاهرة اساسا ومعرفش فيها حاجة عشان كدا هتلاقيها عاكة معايا شوية بس هحاول على قد ما اقدر اظبط الدنيا ] تمام نكمل كلامنا ، هشام ظهر عنده على الشاشة اول تحدى وكان مكتوب " عليك الذهاب الى ميدان لبنان خلال 12 دقيقة " وظهر قدامه زرارين واحد مكتوب عليه " قبول التحدي" والتانى " انسحاب" هشام فكر شوية وقال ى طب دا من هنا لميدان لبنان اقل حاجة ربع ساعة بمكنة هعمل ايه ؟ فكر شوية وقال : بس لقيتها الواد سعد تحت معاه مكنة وهو هيوصلني
هشام داس على قبول التحدى وبدأ العد التنازلى وهو راح لابس شبشبه وخد فلوس ونزل جري على تحت ،، ونزل من الدور الرابع جري على السلم وكذا مرة كان هيقع بس ر بنا ستر ومن حسن حظه لقى سعد قاعد على المكنة وبيولع سيجارة
استنا استنا استنا ... هسيبك من غير ما تعرف مين سعد ؟،، سعد 22 سنة شاب قمحاوى وطوله حوالى 170 سنتى ،، سعد في نظر الناس واهل الحارة هو شاب صايع وبايظ ومش مهم ايه اللى خلاه كدا المهم انه بايظ وخلاص ،، طب بالنسبة لينا احنا ؟ دا سؤال تسأله بردو انت عارف اننا ناس عاقلة ومبنحكمش على حد كدا وخلاص غير لما نعرف اسبابه وظروفه ،، سعد كان مراهق في تالتة اعدادي اللى هي في نظر الاهل " السنة المصيرية الاولى " ووالده اتوفى قبل الامتحانات باسبوعين بس ودا اثر على نفسيته جدا لانه كان بيحب ابوه فجاب مجموع وحش دخله مدرسة صنايع وبالتالى مبقاش ليه مستقبل لاننا عارفين ان مدارس الصنايع مش بتطلع حد عشان يتوظف او يلاقي شغل ،، سعد خلص مدرسته وجيسه ودور على اي شغل وكل اللى كان بيلاقي شغل ب1000 في الشهر وحاجات تعبانة متوكلش عيش فبقى شغال كدا تفاريح يشتغل يوم ويقعد عشرة اسف لو طولت عليك تعالى نرجع تانى
هشام جري على سعد وقاله : ولا ياسعد دور المكنة بسرعة ياض ... ونط ركب على المكنة
سعد زعق فيه لانه محافظ على مكنته جدا عشان دي اللى بقياله من ريحة المرحوم : انت يجدع انت مش تخلى بالك وبعدين بتركب المكنة كدا ليه ؟
هشام بص في الموابايل لقى باقي 10 دقايق فقاله : يعم اركب اخلص وهبقا هفهمك اطلع يلا على ميدان لبنان وهديك 100 جنيه بس ب**** عليك قدامنا عشر دقايق بس لازم نوصل قبلها
سعد شاف توتر هشام فدور المكنة بسرعة وطار بيها وهو مفكر ان في حاجة حصلت
عند بالشمهندس أمير جاله التحدى وكان انه ينزل يروح ميدان الساعة في طنطا (امير اساسا من طنطا) في خلال 5 دقايق بس وجايله يدوس قبول التحدى او الانسحاب فقبل التحدي ونزل جري اخد تاكسي على الميدان ووصل في اربع دقايق بالظبط وهو عمال يقول للسواق بسرعة بسرعة ووعده انه هيديله اجرة زيادة ،، وصل امير وحاسب سواق التاكسي ووجه الكاميرا ناحية الساعة اللى في وسط الميدان وقال : اهو الساعة اهى ووصلت في اربع دقايق
العداد اللى كان ظاهر على الشاشة وقف وظهر لأمير جملة على الشاشة " حسنا عزيزي المتسابق الان موعدك مع اول تحدي حقيقي في لعبة إيكليبيس هل انت متأكد من انك لا تريد الانسحاب "
ومكتوب تحتها بخط صغير " بمجرد ضغطك على زر الموافقة لن تتمكن من الانسحاب ولن تتمكن من الخروج من اللعبة الا في حالة الخسارة " داس امير بدون تفكير على زر الموافقة وعمل التطبيق علامة تحميل وظهر قدامه اول تحدى وتحت في علامة عين كدا بتدل على المشاهدين اللى شايفينه وكانو 170 مشاهد وامير بص على التحدي واتصدم !!
عند حسام واللى كان قاعد مستنى اول تحدى على نار واول ما الساعة جات 8 ظهرت الجملة على الشاشة بتقول " عليك التوجه الى ميدان المسلة خلال 7 دقائق " نسيت اقولك ان حسام من بلدي الام بلد البط والكتاكيت 😂(الفيوم) المهم حسام نزل بسرعة وهو عارف انه معاه دقيقتين زيادة فكلم صاحبه سمير ،،
سمير : اي يابو الصحاب مش عوايدك ترن دلوقتي يعني ايه البت نايمة ههههه
حسام : اسمع بميتين امك انت كمان مش ناقصة بضن مش انت ساكن في العبودي ياض
سمير : ايوة بتسأل ليه؟
حسام : انزل بسرعة قابلني عند المسلة انا واقف مستنيك هناك بسرعة .... وقفل السكة في وشه
سمير : استناا... يبن المرا قفل في وشى
سمير لبس هدومه ونزل اخد فلوس ونزل اتمشي لحد المسلة لانها قريبه من حوالى 3 دقايق بس
عند حسام بقا بعد ما خلص المكالمه بص على العداد لقاه باقي 6:19 فوقف تاكسي وقاله : المسلة يسطا بس بسرعة ب**** عليك مقداميش غير خمس دقايق على ميعاد الدرس اجري وهديك اي فلوس
من حسن حظ حسام ان السواق كان شاب ومن النوع اللى بيحب الجري فداس بنزين بغباء وطار على الميدان ووصل في 4 دقايق ونص وحاسبه حسام ووقف وسط الميدان اللى كان زحمة ومليان ناس وطلاب ثانوى واقفين مستنيين المواصلات ودي منطقة مشهورة بمدرسين تالتة ثانوي فالاعداد كبيرة وكل الموجودين تقريبا طلاب المهم حسام نزل ورفع التليفون ناحية المسلة اللى في نص الميدان وقال : اهي المسلة اهي ووصلت في اربع دقايق ونص
طبعا كل اللى كانو حواليه استغربوا وكل اللى كانو في المكان بصوا عليه ولقي سمير جاي نحيته وقاله : بتعمل ايه يبن الجموسة ؟
حسام : اهدى بروح امك دي فيها فلوس هفهمك بعدين
ظهر قدام حسام الجملة اللى ظهرت لأمير وسمير كان بيبص معاه في التليفون وحسام داس موافق فعمل معاه زي امير وظهر التحدي والاتنين بصوا لبعض واستغربوا وسمير قاله : ايه ده فهمنى ؟
حسام : دي لعبة فيها فلوس وبالدولار كمان
سمير : وانت بتصدق الهبل ده ؟
حسام : اديني هشوف دا تحدي سهل اهو لو عملته وعطانى فلوس يبقا تمام لو معطانيش يبقا فشينك وعادي بقا نستعوض **** في الفلوس اللى دفعتها للتاكسي
نرجع لهشام تانى بعد ما ركب مع سعد وسعد كان واخد الطريق سلخ زي مابنقول لدرجة انهم كسروا كذا اشارة وكانو هيعملوا حادثة تفرمهم بس سعد كان مبسوط بده اوى لان الادرنالين ضرب في دماغه ووصلوا اخيرا بعد 11:43 وهشام نزل بسرعة من على المكنة ورفع الكاميرا وبدأ يصور الاماكن عشان يثبت انه في المكان وبينهج والعداد وقف وظهرتله الجملة اللى ظهرت لأمير وحسام ولسه هيدوس موافق جه وراه سعد وبص في التليفون وقاله : ماتقولي بتعمل ايه ياهشام وانا مش عايز منك فلوس
هشام اتوتر : لا مفيش ياسعد انت تاخد فلوسك واعتبرك كنت بتوصلني
سعد : منا كنت هاخد كدا كدا بس انا مفكرك متأخر على ميعاد او حد جراله حاجة لاقدر **** بس لما لقيتك بتطلع التليفون وبتصور المكان يبقا كدا في ان في الموضوع
في نفس اللحظة ظهرت جملة جديدة على شاشة موبايل هشام مكتوب فيها " هل ترغب في دعوة صديقك للعبة " هشام اتصدم وقال : احااا دول مراقبينني .. فكر شوية وقال في نفسه : طب وانا اخليه يشترك ليه وينافسني وكدا اقلل نسبة نجاحي
لسة هيدوس لا ارغب ظهرت جملة صغيرة تحت مكتوب فيها " ان قمت بدعوة صديق الى اللعبه ستحصل على 1000 دولار كمكافئة على دعوة الاصدقاء " هشام قال : طب ماهى حلوة اهى ومن غير اي تحديات فراح دايس موافق فظهرله جملة " عليك ان ترسل رابط اللعبة الى صديقك من هنا "
هشام فهم سعد اللعبة وسعد شبط زي ا لعيل الصغير وقاله : تعدمنى ان ما بعتلي اللعبة دي دلوقتي دي دولارات يابا مش اي حاجة انت عا ف الدولار بكام دلوقتى
هشام بعتله اللعبة واتطلب من سعد انه يفضل في الميدان لكن يبعد بقدر المستطاع عن هشام ولو حد فيهم ساعد التانى هيتم طردهم هما الاتنين خارج اللعبة هبعدوا عن بعض وظهرلهم اول تحدي وكان عادي بالنسبة لسعد بس صعب على هشام !! [ طبعا انت عمال تسب وتشتم فيا دلوقتي عشان مش عايز اقولك ايه هو التحدي 😅 وانا مش هقولك غير حاجة واحدة حسبي ا لله ونعم الوكيل فيك ياكلب يا خسيس( بصوت عادل شكل😂😂) ]
المهم كان نص التحدي اللى ظهر قدام ابطالنا الخمسة كالتالى " التحدى هو ان تفتح الكاميرا الخاصة بهاتفك وتوجهها على البنات في المكان الذي انت فيه ( بشرط ان تكون هذه الفتاة وحيدة ) وسيختار المشاهدون فتاة وعليك عزيزي المتسابق ان تعاكس هذه الفتاة بصوت مسموع لها ولكل من حولها وتوثق رده فعلها ... قيمة التحدي 10 دولار "
نرجع لأمير تانى [ لأبص انا عايزك تكون بتقرأ وانت في ايدك جردل القهوة بتاعك عشان انا هسحل مخك رايح جاي معايا في الشخصيات فوريني بقا هتقدر تفضل مركز ولا لأ 😉]
المهم امير اتصدم من التحدى وده عشان من نوعية الشباب اللى هيا اتربت 7 مرات قبل كدا عارفهم انت النوع ده فكان بالنسباله جريمة كبيرة اووى وفكر فعلا ينسحب بس شيطانه وسوسله : يعني عايز ترجع لحياة المرمطة تانى والبهدلة اللى بتشوفها في اللف على المكاتب عشان بس تتوظف بأي مرتب ؟ عايز تعدى ال30 وانت لسه مكونتش نفسك وبتاخد مصروفك من امك ؟ لو عايز كدا مفيش مشكلة القرار يرجعلك في الاخر
امير كان متردد اوى يعمل ايه وفجأة تلفونه عمل صوت انذار وبص على الشاشة لقي باقي 10 ثوانى عشان يقدر يختار يقبل التحدي ولا يخسر
امير داس على زرار الموافقة وايده بتترعش فظهر قدامه عداد 10 دقايق عشان يخلص التحدي فرفع الكاميرا نحية البنات بس من غير ماياخدوا بالهم وكان في بنت قصيرة معدية قدامه لابسة بنطلون جينز ديق وبلوزة مشجرة وطرحة وردي كانت بنت جميلة جمال يسحر الحقيقة وعدت واحدة تانى لابسة تيشيرت zara اسود وبنطلون جينز ابيض بس سايبة شعرها فالمتسابقين انقسموا نصين بين اللى بيختار دي واللي بيختار دي وطبعا دا من خلال الكومنتات اللى كانت بتظهر وتختفي شبه اللى في لايفات التيك توك كدا فوقف العداد عن العد وظهر على الشاشة زي عمودين لونهم اسود ووردي ومكتوب " سيتم التصويت على اي من الفتاتين يريد المشاهدون " بدأ العمودين ييطلعوا وينزلوا وواحد يسبق والتاني يرجع يسبق تانى لحد ما ثبتوا وانتهى التصويت على 63% من الاصوات عايز البنت المح-جبة و27% عايزين التانية
وظهر جملة " عليك اتمام التحدي على الفتاة المختارة صاحبة الح-جاب الوردى " ورجع العداد يعد تانى
امير راح ناحية البنت وبدأ يمشي وراها وهو متوتر ورافع الكاميرا بيصورها وبعدين راح سابقها بكذا متر كدا وقعد على جنب الطريق في مكان مكنش فيه غيره وهي كان جاية نحيته ومش مدية اهتمام وهو بصلها وقال : العمر لحظة و الاوزعة مش ملاحظة
البنت اتدايقت ووشها كشر بس عشان كانت وحيدة ومفيش غيرها في المكان معملتش حاجه فسرعت خطوتها ومشت ولما بعدت أمير خد نفسه جامد لان قلبه كان هيقف من الخوف وبص على الفون ظهرله علامة صح ومكتوب "تم انجاز التحدي الاول وايداع مبلغ قيمته 10 دولارات في حسابك البنكي والتحدي القادم بعد 25 دقيقة "
اتبعت لأمير رسالة من التطبيق بتاع البنك مكتوب فيها " تم ايداع مبلغ 10 دولارات في حسابك البنكي اي ما يعادل 310 جنيه مصري ... المرسل : مجهول !!
الكلمة دي كانت كفيلة انها توقع قلب امير في رجله هو كدا مش عارف بيتعامل مع مين بالظبط
نروح لحسام واللى كان واقف مع سمير وقاله : انا هعمل التحدي ده ونشوف بقا لو فشنك ولا لأ
رفع حسام التلفون بالراحة وبدأ يدوره على كل البنات اللى موجودين في المكان كله وبعدين بص في التلفون لقى حصل تصويت على على بنت لابسة بنطلون بوي فريند وطرحة سودة ونضارة كانت واقفه وحدها ،، راح حسام نحيتها وخلى سمير يتمشى بعيد عنهم حبه ويصورهم بحيث انه صوتهم يكون واصل للفون والبنت كانت ماشية وهو مشي وراها شوية حوالي خمس دقايق والبنت بدأت تتوتر وتحس بأن في حاجة مش طبيعية وحسام استغل الفرصة وراح مقرب ومشي جنبها وقالها : معلش عايز اسألك سؤال ؟
البنت وقفت وقالتله : نعم عايز ايه ؟ ... وبتمشي ورايا ليه ؟
حسام : انا بس كنت عايز اسألك انتى جارة فيروز ؟
البنت : فيروز مين ؟
حسام : فيروز الفنانة اصلها قالت انا والقمر جيران
البنت اتدايقت ووشها قلب وقالته : يعني موقفنى ومعطلتي عشان تقولى الكلمتين دول
حسام : اه
البنت اتدايقت وراحت رزاعاه كف معتبر وسابته ومشت وسمير قرب نحيته وهو ماسك التليفون بالعرض وبيضحك وقرب من وش حسام وبين العلامة اللى سابها كف البنت وقاله : احمر وع السكين يابطيخ
حسام خد منه التيفون وقاله : ماشي يبن المرة هنتحاسب بعدين
بص حسام على الشاشة لقى علامة صح وتحتها مكتوب " تم تحويل مبلغ 10 دولارات الى محفظتك الالكترونية (فودافون كاش) التحدي القادم بعد 25 دقيقة " واتبعت ليه رسالة من فوافون بتقوله انه اتحوله المبلغ ففرح واتنطط وقال لسمير : شوفت انا كسبت يلا دول 10 دولار بجد يلا دا طلع بجد
سمير : لا دانت كدا لازم تبعتهالى اللعبة دي
في لحظتها تلفون حسام عمل تنة كدا زي بتاعت الاشعارات وظهر جملة ع الشاشة مكتوب فيها " اذا كنت تريد دعوة صديقك ليكون متسابق معنا في اللعبة يمكنك ارسال الرابط له من هنا وستحصل على مكافئة قيمتها 1000 دولار لدعوتك االاصدقاء " طبعا سمير كان باصص فيها وقاله : يبن المحظوظة يافوزى يعني هتاخد 30 الف جنيه كدا من غير ما تعمل حاجة
حسام : هتنق ولا ايه بروح امك .. امسك يلا عشان ابعتلك اللعبة
حسام بعت اللعبة لسمير واتطلب من سمير انه يبعد عن حسام ويعمل اول تحدى تانى وعمله وحسام اتحوله ال1000 دولار واتقابل هو وسمير تانى بعد ما خلص التحدي وقعدوا على كافيه سوا
نرجع لهشام تانى واللى بعد ما بعد عن سعد وظهرله اول تحدي فقال : يعني مجيتوش غير على اكتر حاجة مش فالح فيها وتعملوها تحدي
داس على الموافقة وبدأ يدور التليفون في كل حته وبعدين نزله لقى التصويت تم على ست اربعينية والواضح انها من الطبقة البسيطة كانت لابسة عباية سودة ديقة شوية من عند وسطها وفي منطقة الصدر بس واسعة من اخرها ولابسة حجااب لونه احمر ،، هشام : احاا يعني ملقيتوش غير دي يولاد المرة
التليفون شاشته احمرت وزمر وظهر جملة مكتوب فيها " تم سحب 200 دولار من حسابك لسبك المشاهدين هذا مجرد تحذير في المرة القادمة سيتم طردك من اللعبة "
هشام أفأف : حاضر انا اسف
الشاشة وقتها رجعت طبيعيه تانى وعليها العداد بيعد تنازلي ،، هشام كلم نفسه : طب دي اعاكسها ازاى دي بس
هشام فضل يفكر ويعصر دماغه ومش لاقي طريقة لحد ما لقي الست بدأت تتحرك من المكان وتتمشى في اتجاه فمشي وراها لحد ما بقت لوحدها وهو ماشي وراها وقالها : بالراحة ع الارض عشان مش بتاعتنا
الست مدتش اهتمام وقال في نفسها : اكيد مش قصدي عليا
هشام اتمشى لحد ما بقا جنبها وقال : بيقولوا ان القمر بيبعد عن الارض 385 كليومتر بس انا شايف انه يبعد عنى شبرين بس
الست عرفت ان الكلام عليها فراحت لافه وشها نحيته وزعقتله : انت عيل وسخ ومشوفتش بجنيه رباية عشان بتعاكس واحدة قد امك ،،، وراحت نازله بشنطتها على دماغه وسابته ومشت وهشام حاطط ابده على دماغه بيتوجع وبيقول : اااه يابنت الغشيمة هيا كانت حاطة ايه في الشنطة ناشف كدا
هشام بص على التليفون لقي بيشاه،ه 2300 واحد وكل الكومنات ضحك بس وظهر على الشاشة جمله " تم مكافئتك بإعطائك 50 دولار بدلا من10 لأن ادائك للتحدى اعجب الجمهور " وصل لهشام رسالة من البنك وقتها بتقوله انه تم تحويل 50 دولار الى حسابك اي ما يعادل 1545 جنيه ... المرسل : مجهول !!
نروح لبطلنا الاخير سعد واللى ظهرله التحدى ودور الكاميرا على البنات وبص في التلفون لقي التصويت جه على واحدة سايبة عرها وفيها شبه كبير اوى من سلمى الشيمي في الجسم والوش وكانت لابسة تيشيرد وردي مع بنطلون جينز مفهوش حتة سليمة اساسا وبتاكل لبانة سعد فرح وقال : عليطلاق انتو ناس عسل .. يحلاوتك ياض ياسعد يحلاوتك لما تبقى الحجة دعيالك كدا
سعد راح نحيتها وهو بيصور في السكرته ووقف جنبها وقالها : بالراحة علينا ياصاروخ ياللى يشوفك يدوخ ياللى عليكي رموش مبيرحموش
البنت بصت لسعد وضحكت ضحكة رقيعة فسعد فرح وقال في نفسه: هي هتبقا فلوس وحريم ولا اى ؟
سعد لما لقي البنت كدا فهم علطول انها شمال فقالها: معرفتش اسم القمر انا محسوبك سعد
البنت: اسمي سمية
سعد اخد رقم البنت وطبعا كل ده متصور من تحت لتحت وبعدها سابها ومشي وبص في التليفون ولقي مكتوب " تم اكمال التحدى بنجاح وتم ايداع 10 دولارات محفظتك الإلكترونية "
وظهرله ان التحدي الجاي هيكون خلال 25 دقيقة
نرجع لحسام وسمير اللى كانو قاعدين على كافية نضيف مش قهوة زي عادتهم حقهم بقا ما هما معاهم فلوس وقاعدين فحسام بيسأل سمير : ياترى ياض ياسمير ممكن في يوم من الايام نكسب الفلوس دي ؟
سمير : شوف انا لسه في نسبة شك في دماغى من نحية اللعبة دي اصل بردو ايه اللى هيكسبوا لما يدولك المبالغ الضخمة دي ؟
حسام : ياريتها كانت بركت عليك لما خلفتك .. ياض ياحمار انت مشوفتش المشاهدين اللى بيشوفوا التحديات دي يعني اكيد هما بياخدوا فلوس من الناس مقابل انهم يشتركوا ويتفرجوا
سمير هرش في راسه وهو بيفكر : طيب ماشي اشمعنا احنا انا بردو لسه خايف
حسام : خليك انت كدا وخوفك دا اللى بيضيع الفرص من ايدك انا عن نفسي هكمل في اللعبة دي بأي تمن
سمير : انت كنت قولتلي ان اللعبة دي هيكسب فيها واحد بس صح؟!
حسام : ايوة بس ليه ؟
سمير : ياترى مين اللى هيكسب انا ولا انت ؟ ولا احنا الاتنين هنخسر ويكون في ناس تانية بتلعب وهتكسبنا ؟
حسام : هو الأكيد اننا مش لوحدنا بس عايزين نحاول على قد ما نقدر اننا نكسب ونحافظ على مكاننا
في نفس اللحظة ترن تلفونات كل ابطالنا ويظهر قدامهم على الشاشة التحدي الجديد واللى هيكون !!!
كفاية عليك كدا ممكن اجزاء القصة دي تكون قصيرة شوية عن اجزاء قصص زي المتشرد او فرصة ام لعنة بس دا عشان انا بحاول احافظ ان كل فصل يكون فيه تحدي واحد وهحاول بردو اني اكبر الاجزاء دون التأثير على احداث القصة وحشوها بافكار ملهاش لازمة .... وطبعا متنساش اللايك والكومنت التشجيعي منك عشان اكمل وياعالم ممكن ادخل اكتر في سكة القصص الغير جنسية دي ونحاول نغير شوية في القسم ده ونقلب الموازين كعادة عيلة Dark 😅❤
كان معكم اخوكم Dark storm اشوفك الجزء الجاي
بحبكم وبحب مين يحبكم سلام 🤗❤
المهم اخوياا القارئ الجميل عايزك تفهم ان دارك استورم مش ببعمل قصة غير لما يبقى فيها افكار ورسائل مسخبية في قلب القصة تفيدك في حياتك فوريني شطارتك بقا ويبقى اكتبهالى في الكومنتات
كفاية رغي وتعالي ونخش على الفصل نسيت اقولك القصة دي مش هتبقى فانتازيا اوي زي باقى قصصي والسرد مش هيكون على لسانى هيكون في راوي
الفصل الاول
احداثنا بتدور في دولة مصر الجميلة في المناطق العشوائية اللى كلها فقر وجوع والناس فيها بتكح تراب
عندنا شوية شباب جمال بردو تعالى اعرفك عليهم
1 -هشام 24 سنة عنده اربع اخوة اتنين صباين واتنين بنات [ ميهمكش تعرفهم لما يجو وسط الاحداث هقولك عليهم ] المهم الاب [ سعد ] شغال مدرس دراسات في مدرسة اعدادية بيقبض 4200 جنيه يدوب بتمشي الدنيا ومستورة الحمد لله والام [ ريهام ] ربة منزل وخايطة بتعمل ستاير كدا على الديق في البيت وبتحاول تسند جوزها اللى بتحبه في ظروف الحياة الصعبه وغلاء المعيشة من الاخر ست مصرية اصيلة خلينا في هشام . هشام خريج كلية تربية قسم فيزيا بسبب حبه فيها وكان ناوى يطلع يورث الكار عن ابوه بس كما جرت العادة مفيش تعيين وجاله تكليف اجباري من غير راتب [بمعنى تاني تدريب] في مدرسة ثانوية في منطقة بعيدة عنه مضطر يركب ليها تلات مواصلات يعني بالميت 50 جنيه في اليوم طبعا الموضوع دا عامله ازمه لانه مبيحبش يكون حمل على اهله وفي نفس الوقت ميقدرش ميروحش لانه لو غاب تلات ايام في السنة هيتحول تحقيق وهيدخل في حوارات هو مش قدها فعايش وراضي .
2 - أمير 26 سنة خريح هندسة وزي باقي اخواتنا المهندسين المحترمين [وانا مش قصدى اغلط او ازعل حد فيهم كلهم فوق فوق راسي طبعاً ] كانو فرحانين بكليه الهندسة والباشمهندس راح والباشمهندس جه ودخلوا معجنة خمس سنين فرم ومناهج بتنيك في الطالب نيك وكانوا فاكرين انهم هيتخرجوا يشتغلوا ويبنوا عماير والأشية تبقى معدن ومش هيلاحقوا على الفلوس بس طبعا دي كلها كانت احلام وردية ولما اتخرجوا اتصدموا بالواقع المر انه يا اما يقعد في البيت جنب الست الوالدة يا اما يروح يشتغل مع مكتب براتب تعبان والمكاتب دي بتستغل الطلاب الجداد زي كدا وتديله مرتب تعبان ويقولوله انت بتتعلم واحنا بنديك خبرة المهم عيلة امير بتتكون من اخين 5 سنين توأم واب [ ياسين ] عنده ورشة نجارة على القد كدا ويدوب بتسد الاحتياج والام [ هند ] ربة منزل ومش شغاله ومعندهاش اي دخل ومهتمة ببيتها واولادها وبتحاول بقدر الامكان انها تكون ست بيت شاطرة وتحس انها لها قيمة في البيت او انها بتعمل تغيير .
3 - حسام 17 سنة طالب في مدرسة تانية ثانوي مدلع شوية لانه وحيد امه وابوه بس نفسه يشتري الايفون احدث حاجة وعشان هو مجنون بلعبه ببجي فعايز يكون معاه مبلغ كويس عشان يقدر يشتري حساب غالي في اللعبة عشان يتفشخر بيه قدام اصحابه . الاب [ عبد الحميد ] عامل شغال بدراعه في المحارة وبياخد تقريبا 120 جنيه في اليوم ومتداين ب 18 الف جنيه عشان كان عامل عملية استئصال الزائدة الدودية لمراته واستلفهم عشان يقدر يعملها العملية. الام [ ليلي] ست بيت بتعمل اللى تقدر عليه بس بردوا مش قادرة تشتغل جامد في البيت عشان العملية اللى عملتها فجوزها بشيل معاها في شغل البيت .
كفاية علينا الشخصيات دي مبدأياً والباقى هيجي وسط الاحداث . نبدأ من عند حسام ليلي بتدخل تصحي ابنها عشان يروح المدرسة .
ليلي : قوم ياض يا حسام قوم الساعة بقت تسعة
حسام اتنفض من على السرير لما سمع الساعة ولما بص في الساعة لقاها لسة سبعة فبصلها وقالها : مش هتبطلي الخصلة الطين اللى فيك دي ياما ؟
ليلي : ياض بقولك كدا عشان تقوم وتجهز نفسك ومتتأخرش
حسام : حاضر ياما حاضر اتزفتت اهو قومت . قام وراح طس وشه بشوية ماية وقعد على السفرة وفطر ولبس هدومه وراح على المدرسة وقابل هناك صاحبه سمير
سمير : ياخويا تتحسد مالك جاي النهاردة بدرى يعني
حسام : نفس الحركة باتعت امي اللي بتخيل عليا كل مرة هي اللى صحتنى بدرى
حسام فجأة خد خزرانه على رجله من الاستاذ اللى بيمر في الطابور لما سمعه بيتكلم وبعد ما مشي حسام همس : ياخي بكسمك هيا نقصاك على الصبح ما ابن الشرموطة التاني اهو كان بيتكلم معايا ومشوفتش غيري
المهم طلعوا الفصل وسمير وحسام قعدو مع بعض وسمير قاله : قدرت تتصرف في الفلوس
حسام : معرفتش جيت اسأل اوبيا علهم قالى قوم يبن الشرموطة من جنبي عايز حساب في لعبة ب 10 الاف دولار هجبهملك منين دول مش لما ادفع الديون اللى عليا حق عملية امك
سمير : طب وهتعمل ايه ؟
حسام : اهو مستنيها لما تفرج
المدرس دخل وبدأ يشرح وحسام قعد مبضون ومش فاهم اي حاجة
نسيب حسام وننقل الكاميرا على هشام وهو واقف في القطر ومزنوق زنقة الكللابب زي مابيقولوا وهو قرفان من نفسه وعمال يسب ويلعن في ام اليوم اللى عرف فيه التعليم وبيقول : خدنا ايه احنا من ام التعليم غير البهدلة والمرمطة وقلة القيمة . القطر وقف وهشام نزل وطلع من المحطة وركب توكتوك وصله لحد المدرسة ودخل مضى حضور وسلم على عم محمد بتاع الكانتين وطلع لحد الدور الخامس ولما وصل للفصل كان نفسه اتقطع وقال : يعني مكنتوش تعملوا اصانصير بدل مانتوا بتقطعوا نفس الواحد كدا ، وبعدين بص للعيطان بتاع الدور وشكل المدرسة اللى تحس انها مبنية من القرن اللى فات وقال : منا غبي دا منظر مدرسة يبقا فيها اصانصير دي المروض يعملولها سلم حبل كدا هيبقا ديكور جامد
هشام سرح بخياله ايام ماكان لسة طالب وكان متخيل انه هيتخرج ويروح مدرسة نضيفة وهو لابس كرفتة وواقف في فصل نضيف وبيشرح ل 10 او 20 طالب مش 60 او 70 طالب ، هشام فاق على صوت المشرف وهو بيقوله : واقف كدا ليه يا استاذ هشام مش حضرتك عندك حصة بردوا دلوقتي
هشام : اه ...اه عندي انا رايح اهو عن اذن حضرتك
هشام راح على الفصل وبدأ يشرح للطلاب بطريقته الجديدة عشان يقدر يوصل المعلومة للطلاب واللى فعلا كانوا بيفهموا من طريقته اللى كانت معتمدة على الابداع ولابتكار وان الطلاب يطبقوا اللى اتعلموه عن طريق صنعواي حاجة ممكن تكون معتمدة او يكون اساسها العلم هو فكرة الدرس ودا كان احسن بكتير للطلاب بدل الطريقة العقيمة لباقي المدرسين القدام اللى هو همه يقرأ من الكتاب وخلاص كدا هو عمل اللى بس الطريقة دي مكنش بيحبها اغلب الاهالى لانها كانت بتكلفهم فلوس وبقوا يسبوا ويلعنووا ويدعوا على هشام عشان مخلصلهم فلوسهم المهم بعد ما هشام خلص حصته قعد وفتح الموبايل وكان بيسكرول في الفيس شوية لحد ما لقي اعلان جذب انتباهه وكان نص الاعلان كالتالي " هل تعيش حياة صعبة وتبحث عن الاستقرار والزواج وبناء اسرة ، هل تحلم بإمتلاك احدث واجمل كل شيء ، هل تريد السفر للعمل خارج دولتك ولكن لاتملك ثمن ثتأشيرة السفر كل هذا واكثر يمكن تحقيقه معنا في [HEROK] تستطيع تحقيق احلامك اعلم انك ستغادر الاعلان الان دون ان تقرأ باقي الاعلان لانك قابلت ولو مرة واحدة اعلانات مشابه وفى الاغلب تكون غير صحيحة او بمعنى اخر نصابة لكننا مختلفون صدقنى وكتأكيد عند تسجيل في لعبتنا ستحصل على 10 دولار هدية من الشركة والان دعنى اشرح لك عن ماذا يتكلم هذا الاعلان نحن هننا نعلن لعبة تحديات جديدة والاولى من نوعها لعبه [ إيكليبس Eclips ] وهى عبارة عن تحديات ستطلبها منك اللعبة وعليك القيام بها خلال الوقت المحدد وكل هذا وانت تشغل الكاميرا لتوثيق انك اتممت المهمة ومع كل تحدى ستكمله سيتم ايداع قيمة التحدي في حسابك البنكى واذا خسرت في احدى التحديات سيتم سحب المبلغ مرة اخرى وترك 100 دولار لك كشكر على مجهودك وحده متسابق واحد سيصل الى جائزة 35 مليون دولار وسيمتلك الثروة التى ستحقق له احلامه هيا بادر الان بالتسجيل على اللعبة " هشام قال لنفسه : دا ولا كأنهم يقصدوني طب ما اجرب مش هخسر حاجة واهو مطلبش اي فلوس عشان تشترك في اللعبة معنى كده انهم صادقين فداس على اللينك اللى كان محطوط في الاعلان ودخل على صفحة مكتوب فيها " اهلا بك في لعبة إيكليبس بمجرد نقرك على زر موافقة فانت توافق على الشروط والاحكام وسياسة الخصوصية الخاصة بنا " هشام داس موافق فاتحول لصفحة تانية مكتوب فيها " اضغط على زر تحميل لتحميل وتذبيت اللعبة على جهازك ولكن اللعبة لن تعمل الا اذا قمت بتحميل متصفح( Tor ) فدخل هشام على متجر جوجل بلاي وحمل المتصفح وسجل فيه ولقى اللعبة اتثبتت على الجهاز وبعدين قال لنفسه مش هينفع العب دلوقتي لما اروح ابقى العب .
نسيب عمنا هشام وننقل على بيت امير كانت الساعة 2 الضهر وأمير داخل تعبان ورمى شنطته على الكنبة ورمى نفسه وراها وهو عمال يأفأف وامه جات قعدت جنبه وقالتله : عملت ايه يا حبيبي ؟!
أمير بزعل : كالعادة هنبقى نتصل بيك
هند طبطبت على ضهر ابنها بتحاول تواسيه وقالتله : خير ياحبيبي خير اكيد **** شايلك خير كبير اوى في الاخر بس انت اصبر بس
أمير : ياماما انا بقيت اكره اسمع الكلمة دي انا صبرت كتير اوى ومفيش حاجة مش لاقيى محصول في الاخر ياماما انا بقى عندي 26 سنة وكل يوم بيعدي عليا بينقص من عداد عمري انا نفسي اتجوز واعمل اسرة وبيت هعمل كل دا ازاى وانا لسة باخد مصروفي منك هصبر على ايه ولا على ايه انا كرهت العيشة وكرهت نفسي وحياتي وبقيت حاسس ان اللي حواليها كلهم كارهينني انا تعبت يااماما تعبت وخلاص مبقتش قادر استحمل ، أمير عيط عياط عمره ما عيطه من ايام ما كان لسة في ابتدائي طول عمره كان كتوم ومبيحبش يبين مشاكله لأهله لانه عارف كويس ان اللى فيهم مكفيهم وهو اولى بمشاكله يحلها مع نفسه بس خلاص الانسان مننا بيوصل لمرحلة الانفجار خلاص مبيبقاش قادر يكتم اكتر من كدا يعني اضربلك مثال صغير هات بلونة دلوقتي وحطها في الحنفية وشغل الماية في البداية انت مش هتكون قادر تشوف الماية من ورا البلونة لانها لسة في البداية ومتملتش اوى فجلدها الخارجى قوي ومبيظهرش اللى وراه مع زيادة بقا حجم الماية جوا البلونة بيبدأ جلدها الخارجي يضعف ويظهر اللى وراه وبتبقى شايف حجم الماية كويس جرب بقا كدا تفضل ماسك البلونة ومتشيلهاش مهما حصل من الحنفية ايه اللى هيحصل .... بالظبط كدا هتنفجر كذلك الانسان من هو مجرد بلونة بيتملى ضغوط ومشاكل نفسية وعصبي وضغط شغل وخناقات مع حبيبته ومشاكل بينه وبين اهله وحتى التعليق السلبي اللى ممكن ياخده على بوست على فيسبوك او غيره كل دا عامل زي الماية اللى بتملى البلونة وفي النهاية ان مفرغتش الماية دي من البلونة هتنفجر [ يارب تكون رسالتى وصلتلك] المهم هند خدت ابنها في حضنها وبتطبط عليه وهي مش عارفة تقوله ايه وتواسيه بيه لحد ما بعد فترة هدى وسابها وقام اخد دش ودخل اوضته ومسك تلفونه وشاف نفس الاعلان اللى شافه قبله واقتنع هو كمان فنزل المتصفح ونزل اللعبة واستنا خمس دقايق لحد ما اتثبتت اللعبة ودخل عليها ولقى مكتوب " اهلا بك في لعبة إيكليبس هل تريد ان تكون مشاهد ام لاعب " امير ضغط على لاعب فظهله جملة" يرجى التقاط صورة لك لتأكيد انك من ستقوم بالتحديات " أمير فتح الكاميرا وخد صورة وحطها على اللعبة واتأكدوا منه ودخلوه على اللعبة عن طريق المتصفح لان اللعبة اللى نزلها دي ماهي الا مجرد بوابة للعبة الحقيقية اللى على المتصفح .
نسيب الباشمهندس امير دلوقتي وننقل على حسام اللى رجع البيت عمال يأفأف هو كمان من الحر وزهق المدرسة وقلع الكوتش بتاعه ورمى كل فردة في جنب ودخل اوضته ورمى الشنطة على السرير ورمى جسمه على السرير وفتح تابلت المدرسة بتاعه اللي هو مهكره عشان ابوه مش قادر يجيبله تليفون لان اللي جاي على قد اللي رايح المهم انه فتح انستجرام يبص فيه على شوية صور بتاعت نسوان 😂 فلقى الاعلان قدامه ومن غير تفكير حمل المتصفح واللعبة ودخل عمل نفس اللى عمله أمير من شوية
نرجع لهشام تاني [ معبش هفضل اوديك واجيبك واتعبك انا معايا بس اعتبرها رياضة يا اخي وبنحرق الدهون المتلتلة دي 😂 ] المهم هشام خلص الحصص بتاعته ورجع البيت مع شوية بهدلة وزنقة في المواصلات كدا ورجع البيت مفرهد جد شاور واتغدى وراح على اوضته وقعد على السرير وافتكر اللعبة اللى كان نزلها فدخل فتحها وطبق نفي الخطوات اللى عملوها اللى قبله وظهر قدامة ساعة بتقول ان اللعبة هتبدأ الساعة 8 بليل ودى نفس الساعة اللى ظهرت لحسام وأمير فساب التلفون ونام لحد بليل لما يبقى يشوف اللعبة أمورها ايه
جه الليل على ابطالنا امير وهشام وحسام فتحوا اللعبة وظهرلهم اول تحدي وكان !!
معلش بقا دا فصل على الديق كدا كبداية للقصة وتفهمك الدنيا بس ماشية ازاى وهحاول انى متأخرش في الاجزاء عايزك تسيبلي قلبك كدا وكومنت تشجيع جميل زيك كدا ولو انت مش متابعني او اول مرة تشوفنى انصح تقرأ متسلسلة المتشرد هتعجبك ان شاء ****
بحبكم وبحب مين يحبكم سلااام 🤗❤
اهلا ومرحبا بكم في الجزء الثاني من سلسلة إيكليبيس .... طيب بتشتم ليه طيب مش تستنى لما تسمع مبرراتي 😅 بص هو الصراحة مفيش مبررات تقدر تقول ان المبرر الوحيد انى ملقتش ريتش على القصة فركزت اكتر على قصة المتشرد وقصة فرصة أم لعنة وعشان كدا عايزك تعملى كومنت جميل زيك كدا عشان انا ناوى ادخل بالقصة دي في المسابقات الجاية فعايزك كدا تكون في ضهري ❤😊
الفصل الثاني
وقنا الفصل اللى فات لما الساعة دقت 8 بالظبط وكانوا ابطالنا التلاتة قاعدين مستنيين على نار اول تحدى وظهر ليهم اول تحدى وكان مكتوب لكل واحد جملة مختلفة
نبدأ مع اول واحد وكان هشام واللى نسيت اقولكم انه من ( بولاق) [ عايز اوضح حاجة بس بسيطة لو في خطأ حصل عن غير قصد منى سواء في صفات المكان واهله او مكان معين او ماشابه فعديهالى عشان انا مش من القاهرة اساسا ومعرفش فيها حاجة عشان كدا هتلاقيها عاكة معايا شوية بس هحاول على قد ما اقدر اظبط الدنيا ] تمام نكمل كلامنا ، هشام ظهر عنده على الشاشة اول تحدى وكان مكتوب " عليك الذهاب الى ميدان لبنان خلال 12 دقيقة " وظهر قدامه زرارين واحد مكتوب عليه " قبول التحدي" والتانى " انسحاب" هشام فكر شوية وقال ى طب دا من هنا لميدان لبنان اقل حاجة ربع ساعة بمكنة هعمل ايه ؟ فكر شوية وقال : بس لقيتها الواد سعد تحت معاه مكنة وهو هيوصلني
هشام داس على قبول التحدى وبدأ العد التنازلى وهو راح لابس شبشبه وخد فلوس ونزل جري على تحت ،، ونزل من الدور الرابع جري على السلم وكذا مرة كان هيقع بس ر بنا ستر ومن حسن حظه لقى سعد قاعد على المكنة وبيولع سيجارة
استنا استنا استنا ... هسيبك من غير ما تعرف مين سعد ؟،، سعد 22 سنة شاب قمحاوى وطوله حوالى 170 سنتى ،، سعد في نظر الناس واهل الحارة هو شاب صايع وبايظ ومش مهم ايه اللى خلاه كدا المهم انه بايظ وخلاص ،، طب بالنسبة لينا احنا ؟ دا سؤال تسأله بردو انت عارف اننا ناس عاقلة ومبنحكمش على حد كدا وخلاص غير لما نعرف اسبابه وظروفه ،، سعد كان مراهق في تالتة اعدادي اللى هي في نظر الاهل " السنة المصيرية الاولى " ووالده اتوفى قبل الامتحانات باسبوعين بس ودا اثر على نفسيته جدا لانه كان بيحب ابوه فجاب مجموع وحش دخله مدرسة صنايع وبالتالى مبقاش ليه مستقبل لاننا عارفين ان مدارس الصنايع مش بتطلع حد عشان يتوظف او يلاقي شغل ،، سعد خلص مدرسته وجيسه ودور على اي شغل وكل اللى كان بيلاقي شغل ب1000 في الشهر وحاجات تعبانة متوكلش عيش فبقى شغال كدا تفاريح يشتغل يوم ويقعد عشرة اسف لو طولت عليك تعالى نرجع تانى
هشام جري على سعد وقاله : ولا ياسعد دور المكنة بسرعة ياض ... ونط ركب على المكنة
سعد زعق فيه لانه محافظ على مكنته جدا عشان دي اللى بقياله من ريحة المرحوم : انت يجدع انت مش تخلى بالك وبعدين بتركب المكنة كدا ليه ؟
هشام بص في الموابايل لقى باقي 10 دقايق فقاله : يعم اركب اخلص وهبقا هفهمك اطلع يلا على ميدان لبنان وهديك 100 جنيه بس ب**** عليك قدامنا عشر دقايق بس لازم نوصل قبلها
سعد شاف توتر هشام فدور المكنة بسرعة وطار بيها وهو مفكر ان في حاجة حصلت
عند بالشمهندس أمير جاله التحدى وكان انه ينزل يروح ميدان الساعة في طنطا (امير اساسا من طنطا) في خلال 5 دقايق بس وجايله يدوس قبول التحدى او الانسحاب فقبل التحدي ونزل جري اخد تاكسي على الميدان ووصل في اربع دقايق بالظبط وهو عمال يقول للسواق بسرعة بسرعة ووعده انه هيديله اجرة زيادة ،، وصل امير وحاسب سواق التاكسي ووجه الكاميرا ناحية الساعة اللى في وسط الميدان وقال : اهو الساعة اهى ووصلت في اربع دقايق
العداد اللى كان ظاهر على الشاشة وقف وظهر لأمير جملة على الشاشة " حسنا عزيزي المتسابق الان موعدك مع اول تحدي حقيقي في لعبة إيكليبيس هل انت متأكد من انك لا تريد الانسحاب "
ومكتوب تحتها بخط صغير " بمجرد ضغطك على زر الموافقة لن تتمكن من الانسحاب ولن تتمكن من الخروج من اللعبة الا في حالة الخسارة " داس امير بدون تفكير على زر الموافقة وعمل التطبيق علامة تحميل وظهر قدامه اول تحدى وتحت في علامة عين كدا بتدل على المشاهدين اللى شايفينه وكانو 170 مشاهد وامير بص على التحدي واتصدم !!
عند حسام واللى كان قاعد مستنى اول تحدى على نار واول ما الساعة جات 8 ظهرت الجملة على الشاشة بتقول " عليك التوجه الى ميدان المسلة خلال 7 دقائق " نسيت اقولك ان حسام من بلدي الام بلد البط والكتاكيت 😂(الفيوم) المهم حسام نزل بسرعة وهو عارف انه معاه دقيقتين زيادة فكلم صاحبه سمير ،،
سمير : اي يابو الصحاب مش عوايدك ترن دلوقتي يعني ايه البت نايمة ههههه
حسام : اسمع بميتين امك انت كمان مش ناقصة بضن مش انت ساكن في العبودي ياض
سمير : ايوة بتسأل ليه؟
حسام : انزل بسرعة قابلني عند المسلة انا واقف مستنيك هناك بسرعة .... وقفل السكة في وشه
سمير : استناا... يبن المرا قفل في وشى
سمير لبس هدومه ونزل اخد فلوس ونزل اتمشي لحد المسلة لانها قريبه من حوالى 3 دقايق بس
عند حسام بقا بعد ما خلص المكالمه بص على العداد لقاه باقي 6:19 فوقف تاكسي وقاله : المسلة يسطا بس بسرعة ب**** عليك مقداميش غير خمس دقايق على ميعاد الدرس اجري وهديك اي فلوس
من حسن حظ حسام ان السواق كان شاب ومن النوع اللى بيحب الجري فداس بنزين بغباء وطار على الميدان ووصل في 4 دقايق ونص وحاسبه حسام ووقف وسط الميدان اللى كان زحمة ومليان ناس وطلاب ثانوى واقفين مستنيين المواصلات ودي منطقة مشهورة بمدرسين تالتة ثانوي فالاعداد كبيرة وكل الموجودين تقريبا طلاب المهم حسام نزل ورفع التليفون ناحية المسلة اللى في نص الميدان وقال : اهي المسلة اهي ووصلت في اربع دقايق ونص
طبعا كل اللى كانو حواليه استغربوا وكل اللى كانو في المكان بصوا عليه ولقي سمير جاي نحيته وقاله : بتعمل ايه يبن الجموسة ؟
حسام : اهدى بروح امك دي فيها فلوس هفهمك بعدين
ظهر قدام حسام الجملة اللى ظهرت لأمير وسمير كان بيبص معاه في التليفون وحسام داس موافق فعمل معاه زي امير وظهر التحدي والاتنين بصوا لبعض واستغربوا وسمير قاله : ايه ده فهمنى ؟
حسام : دي لعبة فيها فلوس وبالدولار كمان
سمير : وانت بتصدق الهبل ده ؟
حسام : اديني هشوف دا تحدي سهل اهو لو عملته وعطانى فلوس يبقا تمام لو معطانيش يبقا فشينك وعادي بقا نستعوض **** في الفلوس اللى دفعتها للتاكسي
نرجع لهشام تانى بعد ما ركب مع سعد وسعد كان واخد الطريق سلخ زي مابنقول لدرجة انهم كسروا كذا اشارة وكانو هيعملوا حادثة تفرمهم بس سعد كان مبسوط بده اوى لان الادرنالين ضرب في دماغه ووصلوا اخيرا بعد 11:43 وهشام نزل بسرعة من على المكنة ورفع الكاميرا وبدأ يصور الاماكن عشان يثبت انه في المكان وبينهج والعداد وقف وظهرتله الجملة اللى ظهرت لأمير وحسام ولسه هيدوس موافق جه وراه سعد وبص في التليفون وقاله : ماتقولي بتعمل ايه ياهشام وانا مش عايز منك فلوس
هشام اتوتر : لا مفيش ياسعد انت تاخد فلوسك واعتبرك كنت بتوصلني
سعد : منا كنت هاخد كدا كدا بس انا مفكرك متأخر على ميعاد او حد جراله حاجة لاقدر **** بس لما لقيتك بتطلع التليفون وبتصور المكان يبقا كدا في ان في الموضوع
في نفس اللحظة ظهرت جملة جديدة على شاشة موبايل هشام مكتوب فيها " هل ترغب في دعوة صديقك للعبة " هشام اتصدم وقال : احااا دول مراقبينني .. فكر شوية وقال في نفسه : طب وانا اخليه يشترك ليه وينافسني وكدا اقلل نسبة نجاحي
لسة هيدوس لا ارغب ظهرت جملة صغيرة تحت مكتوب فيها " ان قمت بدعوة صديق الى اللعبه ستحصل على 1000 دولار كمكافئة على دعوة الاصدقاء " هشام قال : طب ماهى حلوة اهى ومن غير اي تحديات فراح دايس موافق فظهرله جملة " عليك ان ترسل رابط اللعبة الى صديقك من هنا "
هشام فهم سعد اللعبة وسعد شبط زي ا لعيل الصغير وقاله : تعدمنى ان ما بعتلي اللعبة دي دلوقتي دي دولارات يابا مش اي حاجة انت عا ف الدولار بكام دلوقتى
هشام بعتله اللعبة واتطلب من سعد انه يفضل في الميدان لكن يبعد بقدر المستطاع عن هشام ولو حد فيهم ساعد التانى هيتم طردهم هما الاتنين خارج اللعبة هبعدوا عن بعض وظهرلهم اول تحدي وكان عادي بالنسبة لسعد بس صعب على هشام !! [ طبعا انت عمال تسب وتشتم فيا دلوقتي عشان مش عايز اقولك ايه هو التحدي 😅 وانا مش هقولك غير حاجة واحدة حسبي ا لله ونعم الوكيل فيك ياكلب يا خسيس( بصوت عادل شكل😂😂) ]
المهم كان نص التحدي اللى ظهر قدام ابطالنا الخمسة كالتالى " التحدى هو ان تفتح الكاميرا الخاصة بهاتفك وتوجهها على البنات في المكان الذي انت فيه ( بشرط ان تكون هذه الفتاة وحيدة ) وسيختار المشاهدون فتاة وعليك عزيزي المتسابق ان تعاكس هذه الفتاة بصوت مسموع لها ولكل من حولها وتوثق رده فعلها ... قيمة التحدي 10 دولار "
نرجع لأمير تانى [ لأبص انا عايزك تكون بتقرأ وانت في ايدك جردل القهوة بتاعك عشان انا هسحل مخك رايح جاي معايا في الشخصيات فوريني بقا هتقدر تفضل مركز ولا لأ 😉]
المهم امير اتصدم من التحدى وده عشان من نوعية الشباب اللى هيا اتربت 7 مرات قبل كدا عارفهم انت النوع ده فكان بالنسباله جريمة كبيرة اووى وفكر فعلا ينسحب بس شيطانه وسوسله : يعني عايز ترجع لحياة المرمطة تانى والبهدلة اللى بتشوفها في اللف على المكاتب عشان بس تتوظف بأي مرتب ؟ عايز تعدى ال30 وانت لسه مكونتش نفسك وبتاخد مصروفك من امك ؟ لو عايز كدا مفيش مشكلة القرار يرجعلك في الاخر
امير كان متردد اوى يعمل ايه وفجأة تلفونه عمل صوت انذار وبص على الشاشة لقي باقي 10 ثوانى عشان يقدر يختار يقبل التحدي ولا يخسر
امير داس على زرار الموافقة وايده بتترعش فظهر قدامه عداد 10 دقايق عشان يخلص التحدي فرفع الكاميرا نحية البنات بس من غير ماياخدوا بالهم وكان في بنت قصيرة معدية قدامه لابسة بنطلون جينز ديق وبلوزة مشجرة وطرحة وردي كانت بنت جميلة جمال يسحر الحقيقة وعدت واحدة تانى لابسة تيشيرت zara اسود وبنطلون جينز ابيض بس سايبة شعرها فالمتسابقين انقسموا نصين بين اللى بيختار دي واللي بيختار دي وطبعا دا من خلال الكومنتات اللى كانت بتظهر وتختفي شبه اللى في لايفات التيك توك كدا فوقف العداد عن العد وظهر على الشاشة زي عمودين لونهم اسود ووردي ومكتوب " سيتم التصويت على اي من الفتاتين يريد المشاهدون " بدأ العمودين ييطلعوا وينزلوا وواحد يسبق والتاني يرجع يسبق تانى لحد ما ثبتوا وانتهى التصويت على 63% من الاصوات عايز البنت المح-جبة و27% عايزين التانية
وظهر جملة " عليك اتمام التحدي على الفتاة المختارة صاحبة الح-جاب الوردى " ورجع العداد يعد تانى
امير راح ناحية البنت وبدأ يمشي وراها وهو متوتر ورافع الكاميرا بيصورها وبعدين راح سابقها بكذا متر كدا وقعد على جنب الطريق في مكان مكنش فيه غيره وهي كان جاية نحيته ومش مدية اهتمام وهو بصلها وقال : العمر لحظة و الاوزعة مش ملاحظة
البنت اتدايقت ووشها كشر بس عشان كانت وحيدة ومفيش غيرها في المكان معملتش حاجه فسرعت خطوتها ومشت ولما بعدت أمير خد نفسه جامد لان قلبه كان هيقف من الخوف وبص على الفون ظهرله علامة صح ومكتوب "تم انجاز التحدي الاول وايداع مبلغ قيمته 10 دولارات في حسابك البنكي والتحدي القادم بعد 25 دقيقة "
اتبعت لأمير رسالة من التطبيق بتاع البنك مكتوب فيها " تم ايداع مبلغ 10 دولارات في حسابك البنكي اي ما يعادل 310 جنيه مصري ... المرسل : مجهول !!
الكلمة دي كانت كفيلة انها توقع قلب امير في رجله هو كدا مش عارف بيتعامل مع مين بالظبط
نروح لحسام واللى كان واقف مع سمير وقاله : انا هعمل التحدي ده ونشوف بقا لو فشنك ولا لأ
رفع حسام التلفون بالراحة وبدأ يدوره على كل البنات اللى موجودين في المكان كله وبعدين بص في التلفون لقى حصل تصويت على على بنت لابسة بنطلون بوي فريند وطرحة سودة ونضارة كانت واقفه وحدها ،، راح حسام نحيتها وخلى سمير يتمشى بعيد عنهم حبه ويصورهم بحيث انه صوتهم يكون واصل للفون والبنت كانت ماشية وهو مشي وراها شوية حوالي خمس دقايق والبنت بدأت تتوتر وتحس بأن في حاجة مش طبيعية وحسام استغل الفرصة وراح مقرب ومشي جنبها وقالها : معلش عايز اسألك سؤال ؟
البنت وقفت وقالتله : نعم عايز ايه ؟ ... وبتمشي ورايا ليه ؟
حسام : انا بس كنت عايز اسألك انتى جارة فيروز ؟
البنت : فيروز مين ؟
حسام : فيروز الفنانة اصلها قالت انا والقمر جيران
البنت اتدايقت ووشها قلب وقالته : يعني موقفنى ومعطلتي عشان تقولى الكلمتين دول
حسام : اه
البنت اتدايقت وراحت رزاعاه كف معتبر وسابته ومشت وسمير قرب نحيته وهو ماسك التليفون بالعرض وبيضحك وقرب من وش حسام وبين العلامة اللى سابها كف البنت وقاله : احمر وع السكين يابطيخ
حسام خد منه التيفون وقاله : ماشي يبن المرة هنتحاسب بعدين
بص حسام على الشاشة لقى علامة صح وتحتها مكتوب " تم تحويل مبلغ 10 دولارات الى محفظتك الالكترونية (فودافون كاش) التحدي القادم بعد 25 دقيقة " واتبعت ليه رسالة من فوافون بتقوله انه اتحوله المبلغ ففرح واتنطط وقال لسمير : شوفت انا كسبت يلا دول 10 دولار بجد يلا دا طلع بجد
سمير : لا دانت كدا لازم تبعتهالى اللعبة دي
في لحظتها تلفون حسام عمل تنة كدا زي بتاعت الاشعارات وظهر جملة ع الشاشة مكتوب فيها " اذا كنت تريد دعوة صديقك ليكون متسابق معنا في اللعبة يمكنك ارسال الرابط له من هنا وستحصل على مكافئة قيمتها 1000 دولار لدعوتك االاصدقاء " طبعا سمير كان باصص فيها وقاله : يبن المحظوظة يافوزى يعني هتاخد 30 الف جنيه كدا من غير ما تعمل حاجة
حسام : هتنق ولا ايه بروح امك .. امسك يلا عشان ابعتلك اللعبة
حسام بعت اللعبة لسمير واتطلب من سمير انه يبعد عن حسام ويعمل اول تحدى تانى وعمله وحسام اتحوله ال1000 دولار واتقابل هو وسمير تانى بعد ما خلص التحدي وقعدوا على كافيه سوا
نرجع لهشام تانى واللى بعد ما بعد عن سعد وظهرله اول تحدي فقال : يعني مجيتوش غير على اكتر حاجة مش فالح فيها وتعملوها تحدي
داس على الموافقة وبدأ يدور التليفون في كل حته وبعدين نزله لقى التصويت تم على ست اربعينية والواضح انها من الطبقة البسيطة كانت لابسة عباية سودة ديقة شوية من عند وسطها وفي منطقة الصدر بس واسعة من اخرها ولابسة حجااب لونه احمر ،، هشام : احاا يعني ملقيتوش غير دي يولاد المرة
التليفون شاشته احمرت وزمر وظهر جملة مكتوب فيها " تم سحب 200 دولار من حسابك لسبك المشاهدين هذا مجرد تحذير في المرة القادمة سيتم طردك من اللعبة "
هشام أفأف : حاضر انا اسف
الشاشة وقتها رجعت طبيعيه تانى وعليها العداد بيعد تنازلي ،، هشام كلم نفسه : طب دي اعاكسها ازاى دي بس
هشام فضل يفكر ويعصر دماغه ومش لاقي طريقة لحد ما لقي الست بدأت تتحرك من المكان وتتمشى في اتجاه فمشي وراها لحد ما بقت لوحدها وهو ماشي وراها وقالها : بالراحة ع الارض عشان مش بتاعتنا
الست مدتش اهتمام وقال في نفسها : اكيد مش قصدي عليا
هشام اتمشى لحد ما بقا جنبها وقال : بيقولوا ان القمر بيبعد عن الارض 385 كليومتر بس انا شايف انه يبعد عنى شبرين بس
الست عرفت ان الكلام عليها فراحت لافه وشها نحيته وزعقتله : انت عيل وسخ ومشوفتش بجنيه رباية عشان بتعاكس واحدة قد امك ،،، وراحت نازله بشنطتها على دماغه وسابته ومشت وهشام حاطط ابده على دماغه بيتوجع وبيقول : اااه يابنت الغشيمة هيا كانت حاطة ايه في الشنطة ناشف كدا
هشام بص على التليفون لقي بيشاه،ه 2300 واحد وكل الكومنات ضحك بس وظهر على الشاشة جمله " تم مكافئتك بإعطائك 50 دولار بدلا من10 لأن ادائك للتحدى اعجب الجمهور " وصل لهشام رسالة من البنك وقتها بتقوله انه تم تحويل 50 دولار الى حسابك اي ما يعادل 1545 جنيه ... المرسل : مجهول !!
نروح لبطلنا الاخير سعد واللى ظهرله التحدى ودور الكاميرا على البنات وبص في التلفون لقي التصويت جه على واحدة سايبة عرها وفيها شبه كبير اوى من سلمى الشيمي في الجسم والوش وكانت لابسة تيشيرد وردي مع بنطلون جينز مفهوش حتة سليمة اساسا وبتاكل لبانة سعد فرح وقال : عليطلاق انتو ناس عسل .. يحلاوتك ياض ياسعد يحلاوتك لما تبقى الحجة دعيالك كدا
سعد راح نحيتها وهو بيصور في السكرته ووقف جنبها وقالها : بالراحة علينا ياصاروخ ياللى يشوفك يدوخ ياللى عليكي رموش مبيرحموش
البنت بصت لسعد وضحكت ضحكة رقيعة فسعد فرح وقال في نفسه: هي هتبقا فلوس وحريم ولا اى ؟
سعد لما لقي البنت كدا فهم علطول انها شمال فقالها: معرفتش اسم القمر انا محسوبك سعد
البنت: اسمي سمية
سعد اخد رقم البنت وطبعا كل ده متصور من تحت لتحت وبعدها سابها ومشي وبص في التليفون ولقي مكتوب " تم اكمال التحدى بنجاح وتم ايداع 10 دولارات محفظتك الإلكترونية "
وظهرله ان التحدي الجاي هيكون خلال 25 دقيقة
نرجع لحسام وسمير اللى كانو قاعدين على كافية نضيف مش قهوة زي عادتهم حقهم بقا ما هما معاهم فلوس وقاعدين فحسام بيسأل سمير : ياترى ياض ياسمير ممكن في يوم من الايام نكسب الفلوس دي ؟
سمير : شوف انا لسه في نسبة شك في دماغى من نحية اللعبة دي اصل بردو ايه اللى هيكسبوا لما يدولك المبالغ الضخمة دي ؟
حسام : ياريتها كانت بركت عليك لما خلفتك .. ياض ياحمار انت مشوفتش المشاهدين اللى بيشوفوا التحديات دي يعني اكيد هما بياخدوا فلوس من الناس مقابل انهم يشتركوا ويتفرجوا
سمير هرش في راسه وهو بيفكر : طيب ماشي اشمعنا احنا انا بردو لسه خايف
حسام : خليك انت كدا وخوفك دا اللى بيضيع الفرص من ايدك انا عن نفسي هكمل في اللعبة دي بأي تمن
سمير : انت كنت قولتلي ان اللعبة دي هيكسب فيها واحد بس صح؟!
حسام : ايوة بس ليه ؟
سمير : ياترى مين اللى هيكسب انا ولا انت ؟ ولا احنا الاتنين هنخسر ويكون في ناس تانية بتلعب وهتكسبنا ؟
حسام : هو الأكيد اننا مش لوحدنا بس عايزين نحاول على قد ما نقدر اننا نكسب ونحافظ على مكاننا
في نفس اللحظة ترن تلفونات كل ابطالنا ويظهر قدامهم على الشاشة التحدي الجديد واللى هيكون !!!
كفاية عليك كدا ممكن اجزاء القصة دي تكون قصيرة شوية عن اجزاء قصص زي المتشرد او فرصة ام لعنة بس دا عشان انا بحاول احافظ ان كل فصل يكون فيه تحدي واحد وهحاول بردو اني اكبر الاجزاء دون التأثير على احداث القصة وحشوها بافكار ملهاش لازمة .... وطبعا متنساش اللايك والكومنت التشجيعي منك عشان اكمل وياعالم ممكن ادخل اكتر في سكة القصص الغير جنسية دي ونحاول نغير شوية في القسم ده ونقلب الموازين كعادة عيلة Dark 😅❤
كان معكم اخوكم Dark storm اشوفك الجزء الجاي
بحبكم وبحب مين يحبكم سلام 🤗❤
