احكيلك حدوته صغيره وانت تفهم منها
كان في اتنين جيران واحد عنده واي فاي ف بيته والتاني لا ف الجار اللي معندهوش واي فاي راح لصاحبنا قاله ما تديني الباسورد بتاعك وقد كان واستمر الوضع ده سنين وف مره صاحبنا قابل الجار على السلم ف قعدوا يدردشوا مع بعض ف وهما بيتكلموا الجار قال لصاحبنا أنه النتفليكس ده متعه ف صاحبنا بهزار قاله ما تديني الباسورد ياعم زي ما انا مديك باسورد الواي فاي بقالي سنين وبيضحك ف جاله صوت مرات الجار وهي بتقول انا بدفع اشتراك النتفليكس مش عشان اشاركه معاك صاحبنا اتكسف والجار اعتذر منه و قعدوا يدردشوا مع بعض شويه و صاحبنا دخل شقته و بعد شويه غير باسورد الواي فاي بتاعه بعد حوالي نص ساعه كان الجار و مراته قدام باب شقه صاحبنا بيسالوه عن سبب أن الباسورد اللي معاهم مش بيدخل على النت ف الراجل بكل هدوء قالهم انا غيرت باسورد الواي فاي اللي انا بدفع تمنه وانتم عندكم اشتراك النتفليكس اللي بتتدفعوا تمنه ومن ساعتها الجار و زوجته عمرهم ما كلموا صاحبنا بالعكس خدوا منه موقف ومطلعينه غلطان .. الخلاصه والشاهد من القصه
أنه مفيش حاجه واحده على وجه الارض بدون مقابل المشاعر والأحاسيس والحب حتى عبادته بمقابل كل حاجه في الدنيا دي خد و هات تعبده تدخل الجنه تعصاه تدخل النار ف الحالتين مقابل .. بس أن انت عودت غيرك أنه ياخد و متسالهوش مقابل اللي قدمته هتتفاجئ قد ايه الناس بجحه وعينيها واسعه وتاكل الحرام قبل الحلال و تظلم وتشتكي .. ( حافظ على نفسك ) كل شيء له مقابل مفيش حاجه ببلاش
