دة اول موضوع ليا وعندي مشكلة محتاجة ليها حل لو سمحتوا .
انا متجوزة وعندي طفلين الحالة المادية مش اد كدة بس بقول الحمد لله علي كل حال .
بس في مشكلة جوزي دائم السفر ومهمل في حقوقي في الاهتمام منه وانا مش بقصد الجنس يا جماعة اقصد نفسة معايا في البيت انا والاولاد .
حتي لما بيكون معنا مبقاش زي الاول بيهتم بي ولا بتواجدي بالقرب منه زي الاول .
انا جربت كل الطرق وكل حاجة بيحبها عملتها وغيرت من نفسي علي اد ماقدر حتي اللبس وفرت من مصروف البيت واشتريت لبس بيتي جديد اه علي اد الحال بس برضة امكن يغير من نظرته ولهفته ويهتم بيا اكتر .وبرضة محصل نتيجة.
هو مش مقصر معايا في حقوقي الشرعية بس غيابة عن البيت مدة طويلة وكمان قلة الاهتمام بيا غير وقت الفراغ الطويل ليا. عمل معيا مشكلة ووصلني لعرض مشكلتي والدخول هنا معاكم .
معلش يا جماعة انا مش منتظرة علاقة ولا تجريح في شخصي انا محتاجة لو حد عندة راي يقول اغير به من نفسي واخلي جوزي حبيبي يرجع ليا زي الاول .
شكرا لكم
