فضفضه كلمتين و بس

[الـ مجتاو]

كلام حطه حلقة في ودانك..

- 90٪ من اللي هيقراوا الكلام دا ده عندهم دوالي خصية بدرجات متفاوتة، أنا شخصيا يمكن يبقي عندي دوالي و معرفش

- كونك عندك دوالي فـ ده لا ينقص من رجولتك و فحولتك شيئا

- الدوالي لا تؤثر على قدرتك الجنسية إلا نادرا بتأثيرها "الضعيف" على إنتاج هرمون التستوستيرون و احيانا قليله تؤثر علي انتصاب العضو

- احنا مبنحتاجش نعالج الدوالي إلا في حالتين لا ثالث لهما، يكون عندك وجع شديد أوي مش مستحمل والمسكنات مخففتش، أو تكون عايز تخلف والدوالي هي اللي مانعة الخلفة وحاولت في مكملات ومنفعش، ساعتها بتعمل عملية الدوالي " وممكن جدا ترجع لك تاني بعد سنة "

- بعيدا عن العملية مفيش أي أدوية بتعالج الدوالي، احنا بس بنعالج العرض اللي الدوالي بتسببه وهو إن الحيوانات المنوية بتكون جودتها سيئة.

- الدوالي عبارة عن تضخم وريد أو شوية أوردة في كيس الصفن، فـ لو حسيت بألم في الخصية لما تعمل مجهود، أو لما تقعد، والألم بيختفي لما تنام على ظهرك، أو لقيت الخصية واحدة أصغر بشكل واضح من التانية فـ انت في الغالب عندك دوالي

- ولو زاد الألم وبقى مستمر زور الطبيب لو سمحت..لما تزور الطبيب لو سمحت لو قال لك اعمل العملية أرفض إلا في الحالتين اللي قلتك عليهم فوق.. وعلم عا الدكتور ده لإنه هيبقى انتفاعي معندوش أخلاق مهنية.

- ممكن جدا بدوالي أو من غير دوالي، أنا أو أنت أو كتير مننا بسبب ضعف الغذاء يبقى حيواناته المنوية جودتها ضعيفة .. الحقيقة ده شيء ميخوفش نهائيا.. لإننا ببساطة هنعرف نرفع جودة وعدد وحركة وصحة الحيوانات المنوية بسهولة.. فـ ده مش حوار.

- الدوالي حاجة مبتخوفش.. حافظ على غذائك، والرياضة أو على الأقل اتمشى يوميا لمدة نصف ساعة، والبس بوكسر قطن واسع مش ضيق، وبلاش بناطيل ضيقة

تمت

اضغط لقراءة المزيد...