في فيلم X لارج أحمد حلمي كان عايز يتجوز دنيا سمير غانم وهو عمل معاها كل حاجه حلوه وفي الاخر سابته علشان كان عنده عيب انو تخين مع انو هو ماسبهاش لما كانت عندها عيوب كتير من ضمنها انها عصبية واستغلاليه وبتاعه طلبات كتير وفعلا سابته علشان العيب ده وكان في أصعب ظروف وكان فعلا محتاجلها جدا.
بس لما بعد عنها عرف ينزل من وزنه ويصلح العيب ده وقدر يثبت انو بيها أو من غيرها قدر ينجح وينزل من وزنه!
ولو تبص بقي في اخر الفليم هتلاقيه بيقولها ..
مش فاكرك عرفيني بنفسك، انتي مين؟
ومتجوزهاش برضوا في الاخر عشان موقفتش جمبه وسابته ومستحملتهووش رغم أنه استحملها وحبها.
الفكره من كل ده
اللي ما واقفش جمبك في فتره احتياجك ده سواء صاحبك او حبيبك فدا محبكش ولا يستاهلك.
الحاجه أما بتيجي متاخره بيبقي ملهاش لازمه.
اعرف قيمة اللي ف ايديك قبل ما يضيع منك ..
