قصه مشوقهانا كنت قولت لناس كتير هبهرك و قولت لناس استني التقيل جاي و مكنش حد عارف انا كنت ناوي علي اي و كمان الكل كان فاكر ان كلامي بهزار زي ما اتعودتو مني لكن المرة دي بجد و مش هزار عارف ليه طبعا محدش عارف علشان انا نفسي معرفش😂😂و علشان كدا قررت ابدأ بقصة الكل هيقولي قصة يا هرم اقوله اه ياعم قصة هوا انا اكتع ولا انا قليل دا انا هرم بردو 😂😂المهم انا حبيت ابدء و الفكرة معايا من بدري و الاحداث كلها في دماغي بس مكنش ليا نفس اكتب حاجة بعيد عنك يا ضنايا جالي قرفة😂 انا هعمل بداية القصة ناو علشان الكل يقول رأيه و ان كنت هقرر اكمل ولا لا و مع العلم القصة غير متوقعة و احداثها كثير جدا و ياريت الكل يركز و يجيب كباية الشاي او القهوة و فضيلي نفسك علشان الجزئية الي هتعديها هترجع تدور عليها تاني و كفاية رغي بقي و نقول يلا بينا✌✌
مقدمة القصة :
(الهدوء لا يعني عدم القدرة على الحديث، أو ضعف في الشخصية، بل بالعكس فهو يدل على القوة والوعي والمقدرة على التحدث في الوقت المناسب، وهو من أجمل الصفات التي يمكن أن يتحلّى بها الإنسان)
يجلس شاب في شقة في احدي مدن القاهرة و
واقف في البلكونة بيشرب فنجان قهوة و في
نفس الوقت تسلل اشخاص ملثمين لداخل الشقة
و هجمو علي الشخص دا و حاولو يوقعوه من
البلكونة و بدا يحاول انه يدافع عن نفسه ولكنهم
كانو اكثر قوةوعدد ولم يتحمل اكثر بعد الاصابات
الكتيرة التي تعرض لها و قف قدامه شخص ملثم
و قلع القناع واندهش الشاب (و كانت علي وجهة
علامات الصدمة و الدهشة)وقال للشاب انا رجعت
تاني؟؟
رد الشخصعليه وقاله: و انت اول واحد هبدا بيه
(و ضحك ضحكة عالية ساخرة )
و قاله الشاب : انت ازاي عايش (علي وجهة
علامات الغضب )
مكملش كلامه و قالهم ارموووه و شالوه و رموه
من البلكونة و سقط من ارتفاع 9 ادوار و فقد
الحياه
(طبعا هتقولي اي ياعم هرم انت بتشتغلنا ولا اي و اي شغل المافيا دا هقولك اتقل يا برنس الي جاي اجمد هههههه)
تنتقل الاحداث في احد الاماكن الحساسة بالدولة
يتحرك احد الضباط و يرتدي بدلة سودة و قميص
ابيض و كرفتة سوداء و في طرقة طويلة و يحمل
ملف اسود مكتوب عليه هام من المستوي الاول
و في نهاية الطرقة باب مكتب
خبط و دخل المكتب
فريد : تمام يا فندم في كارثة حصلت ولازم اعرض الامر علي سعادتك ولا يحتمل التأجيل
اللواء جمال : يجلس علي كرسي المكتب و مدي
ضهره للباب و مولع سجارة و في ايده فنجان
القهوة و لف وشه لفريد و بكل هدوء و وقار راح
حاطط فنجان القهوة علي المكتب و طفي
السجارة و قله اقعد يا فريد و اهدي و كل كارثة
و ليها حل
فريد : يا فندم الي كنا فاكرين اننا خلصنا عليه
رجع تاني
اللواء جمال : تقصد مين ؟؟ و يبدو علي وشه ملامح الهدوء
فريد : اقصد ابو سفيان يا فندم
اللواء جمال : بملامح هادئة تكاد تصل للبرود ولكن
بداخله بركان من الغضب عندما سمع اسم
ابو سفيان (هنعرف لي بعدين )
رد و قاله : ازاي يفضل عايش دا تم تصفيته في العملية ليل
فريد : دا الملف بتاعه و العمليات الي عملناها ضده
و اخر عملية تم تصفيته فيها فعلا لكن حضرتك تم
تصفية احد اعضاء المجموعة 702و حضرتك
عارف انهم اتعزلو كلهم بعد اختفاء القائد بتاعهم
اللواء جمال : حاول توفير الحماية الكاملة لباقي
اعضاء المجموعة و حطهم تحت حراسة مشددة
بدول علمهم علشان منعملش ليهم مشاكل او
اضطربات في حياتهم الجديدة
فريد : تمام يا فندم و قاله استأذنك هروح مكتبي
ولو في جديد هبلغ حضرتك و استأذن و راح علي
مكتبه
وجلس اللواء جمال يفكر هل أبو سفيان رجع بجد
و هل فعلا راجع ينتقم انا لازم احافظ علي ولادي
حتي لو هضحي بنفسي علشانهم و طلع تليفونه و
اتصل علي شخص و قاله قابلني في المكان z
ياا تري اي المكان z و مين الشخص الي كلمه و مين المجموعة 702 و مين القائد بتاعهم
كل دا هنعرفه في أجزاء القصة
و اتمني انكم تقولو رأيك علشان أقرر ان كنت اكمل ولا لا
(أخوكم هرم )
لكن عباره انت كتبتها اعتقد انهاا غلط
( تنتقل الاحداث في احد الاماكن الحساسه بالدول )
وكمان ثبتها بالزي الذي كان لابسه الضابط
( بدله سوده وقميص ابيض وكرفته سوده )
هذه الاماكن الحساسه الي يرتدون هذه الملابس هي جهات سياديه حساسه ... يعني الافضل تقول واهتمت الجهات المعنيه بخصوص كذا وكذا واسرد قصتك من دون ذكر وصف لهذه الجهه ومن دون ذكر اي زي رسمي ( ملابس )
