- إنضم
- 5 مايو 2023
- المشاركات
- 119
- مستوى التفاعل
- 213
- نقاط
- 607
- الجنس
- ذكر
- الدولة
- Egypt
- توجه جنسي
- أنجذب للإناث
توقفنا في السلسلة الأولى عند مواجهة عاصي وغالب لرفيق وكشف مخططه والان لنكمل الأحداث والمفاجأت المثيرة ولمن أراد متابعة السلسلة الأولى من هنا
السابقة
مره واحده عاصي وغالب نزلوا المسدسات من علي بعض ووجهوها ناحيه رفيق
رفيق : ( رفع ايديه ) انتوا بتعملوا ايه ؟
عاصي : هنقتلك 😈😈
غالب : ( وهو رافع المسدس علي رفيق ) انت اتكشفت يارفيق وبانت حقيقتك بس للاسف عرفت حقيقتك الو*خه متأخر اوي
بعد ما خسرتني خمس سنين من عمرى وانا فاهم كل شىء غلط
خمس سنين من وقت ما ابويا وامي اتحرقوا في البيت ده وانت مفهمني ان عاصي هو اللي حرقهم وولع فيهم وفي الفيلا .. خمس سنين وانا النار بتاكل فيا من قهرتي علي اهلي وانت مفهمني انك الصاحب الجدع اللي بتقف معاايا وخايف علي مصلحتي
(بدور كانت فوق السطح مره واحده مابقيتش تسمع صوت دوشه تحت ولا حد بيكسر حاجه نزلت بالراحه جدا من علي السلم وبقت تشوفهم وهي من فوق )
عاصي : ( وهو رافع المسدس علي رفيق وبكل غضب ) ليه عملت كده يارفيق .. لييييييه ؟ انا عملتلك ايه ؟ مافيش حاجه كنت بتطلبها مني إلا وكنت بديهالك ؟ كنت دايما معاك في المره قبل الحلوه خونتني ليه ياصحبي 😡
رفيق : ( رفع ايده الاتنين بخبث ) انا .. انا معملتش حاجه انتوا بتقولوا ايه 🥺🥺؟ انتوا اكيد فاهمني غلط
عاصي : ( بضحكه استهزاء) انت لسه هتمثل تاني ما كفايه تمثيل بقي .. مابقاش لايق عليك دور الشخص الكويس اللي عايز مصلحتي خلاص
رفيق : ياجماعه انتوا فاهمني غلط .. انا .. انا مش فاهم حتي انتوا بتقولوا ايه 🥺
عاصي : ( بص لغالب لقاه بيبص عليه رجع بص لرفيق مره تانيه ) احنا ممكن نكون فاهمينك غلط
عاصي : ( بصوت عالي ) هاتها من بره يابني بسرعه
عبد الرحيم ( البودي جارد ) : انت تؤمر ياعاصي بيه
عبد الرحيم طلع بره البيت ودخل وهو معاه الدكتوره هاله وماسكها من دراعها
رفيق : انتي 😳😳
هاله : ( هاله رفعت حاجبها اليمين وربعت ايديها الاتنين ) مستغرب ليه ؟ أيوه انا .. ( ضيقت عنيها بكل غيظ ) انا يارفيق.. انا اللي روحت لغالب وحاكيتله عن كل حاجه وقبضت التمن .. عمرك ما حبتني في يوم ولا هتحبني مهما اعمل عشانك حب فيروزه في قلبك مابيطلعش يبقي ليه افضل باقيه عليك وانت مش باقي عليا وعلي ولادك
رفيق : ( داس علي سنانه ) يابنت ال ...
هاله : من غير غلط يارفيق دي لعبه وزي ما دخلنا في اللعبه دي بالتراضي ادينا برضوا طلعنا منها بس مش بالتراضي
(غالب بص لرفيق )
غالب : وطبعا انت كنت مفكر انك انت اللي لاقيت الولد اللي اخد العربيه من عاصي وباعها
اللي عايز اقولهولك بقي اني لاقيت عربيه عاصي قابلك وعرفت مكانه وجيتله هنا الاول وطول اليوم كنت معاه بعيد عن البيت وحكيتله علي كل حاجه وفرجته كل فيديوهاتك الوس** معايا
رفيق : ( ضحك ضحكه خبيثه وسقف بأيديه مرتين ) لا ده باين النهارده القاعده عليا ولا ايه .. لا طالما الورق اتكشف بقي تعالوا نكشف ورقنا كلنا سوا ..
عاصي : تقصد ايه ؟
رفيق : اقصد ان كلنا في الحكايه دي اشرار ماحدش فينا برىء .. ( لف وبص لعاصي وبقي وشه في وش عاصي ) اوعي تفتكر انك بريء ياعاصي بيه .. يامتعلم يامثقف ياللي الدنيا بتديلك كل اللي انت عايزه من غير حتي ما تطلب
طلعت لاقيت نفسك غني ومعاك فلوس مالهاش عدد والبنات تحت رجليك مجرد ماتشاور الف بنت بتجرى عليك ..
عاصي : ( ضيق عنيه ) معقول الحقد والغيره يخليك تكرهني اوي كده
رفيق : انا عمرى ما كنت بحقد عليك واحنا ايام الجامعه كنت دايما بتمنالك الخير لحد ما اخدت مني الحاجه الوحيده اللي حبيتها في حياتي وهي ( فيروزه )
عاصي: ( باستغراب) فيروزه !!
رفيق: ايوه فيروزه بنت منطقتي ..البنت الوحيده اللي كنت بحبها في حياتي عمرها مابصيتلي لحد ما انت شوفتها وطبعا مافيش بنت تقدر تقاوم سحر عاصي بيه واخدتها من قدامي ومكنتش قادر اتكلم او افتح بوقي في يوم واعترفلها بحبي واقولها علي اللي جوايا
عاصي : انا مش مصدق انت بتحب فيروزه ؟؟
رفيق : مش مصدق ليه هو انا مش بني ادام وعندي قلب زيك وليا حق اني احب ..انا ماحبيتش ولا هحب حد قدها في يوم ..
عاصي : وليه ماقولتليش ؟؟
رفيق : ولما اقولك ( غمز بعنيه ) كنت هتعمل ايه ؟
غالب : (رفع السلاح اكتر علي راس رفيق وزق راسه بالسلاح )
غالب: ( رفع حاجبه اليمين وقال بصوت عالي ) لاااااا حوارتكم دي تصفوها سوا .. لكن انت دلوقتي حالا لازم تقولي انت حرقت ابويا وامي وجدي ليه .. لييييييه حرقتهم كلهم سوا ؟
رفيق : ( لف وشه وهو رافع ايده الاتنين جنبه وضحك ضحكه سخريه ) انا ماحرقتهمش هما اللي ولعوا في بعض ( ضيق عنيه وداس علي سنانه ) الحقد والغل والسواد اللي جوه قلوبهم هو اللي خلاهم يحرقوا في بعض مش اكتر
عاصي : ( بص كده نظره واحد محتار وهو مش فاهم معناه اي الكلام ده )
غالب : تقصد ايه بكلامك ده انا مش فاهم حاجه .. انا كنت راجع من الكليه و كل اللي فاكره ان شوفت عاصي بيهرب من الفيلا وقتها وهي والعه من النار اللي فيها فضلت انادي عليه ماردش عليا وسابني وهرب وبعدها عمل نفسه انه راجع بعربيته وماشافش حاجه
عاصي : انا مكنتش في الفيلا وقت الحادثه انا لاقيتهم بيتصلوا بيا ان الفيلا ولعت جيت اجرى اشوف في ايه ولاقيتك هناك
عاصي وغالب الاتنين بصوا في وقت واحد لرفيق بصه شر 😡😡
غالب : لااااا ما انا نسيت اقولك ياغالب اني انا كنت عارف انك جاي في نفس اللحظه دي ووقتها بقي جيبت واحد ولبسته هدوم عاصي وفي نفس جسمه وانت شوفته من ضهره وهو خارج .. علشان لما ترجع تفتكر ان عاصي هو اللي عمل كده
عاصي : (وهو بيشاور بأيديه بالمسدس بكل غضب ) ليييييييييه قتلتهم ليييييييييييييه ؟
رفيق : ( بكل برود نزل ايديه الاتنين اللي كان رافعها وقرب خطوه من عاصي وبقي يلف حواليه بخطوات بطيئه واتكلم بصوت واطي )
رفيق: متأكد انك عايز تعرف السبب ؟
عاصي : انطق قبل ما اخلص الرصاص ده كله فيك
رفيق : علشان هما اللي قتلوا فيروزه
عاصي : انت بتقول ايه ؟؟
غالب : ( انت كدااااااب ) عاصي هو اللي قتل فيروزه مش هما
عاصي : انا اللي قتلتها بأيدي دي واحده فا"جره وخا"ينه ماتستحقش تعيش
رفيق : اللي بتطعن في شرفها دي انضف خلق **** وماتستحقش الكره اللي في قلبك ده كله من ناحيتها
عاصي : دي كانت معاهم وزي البنات الش"مال دي واكتر .. جايبها من حضن زميلي
رفيق : ومافكرتش لحظه مين اللي وداك الحفله دي ياعاصي بيه .. ارجع بالذاكره كده شويه .. اللي وداك الحفله دي اخوك قاسم اللي مايجوزش عليه الرحمه في يوم ..خطف اختها الصغيره اللي ماتكملش الاربع سنين وهددها بيها انها لو ماعملتش كده وراحت الحفله دي هيق"تلها وقتها فيروزه لبست اللبس ده وراحت معاهم الحفله وعملت نفسها من البنات الشمال دي عشان كانت خايفه علي اختها
وانت مع انك عارف اخلاق فيروزه كويس جيت عليها اكتر وخنقتها بأيديك
عاصي : فيروزه مكانش عندها اخت صغيره فيروزه كانت وحيده
رفيق : كان عندها .. انت البرشام اللي لحس مخك مش اكتر ولسه مارجعتش لعقلك الطبيعي بس بكره لما مفعول البرشام يروح كليا هتفتكر كل حاجه
غالب : انت كداااااااب ابويا لا يمكن يعمل كده ابدا
رفيق : ( لف ضهره وبصله ببرود ) مممممممم بصراحه ابوك مكانش بيفكر ابوك كان عامل زي العصايه بيحركوها وبس اما بقي الدور والباقي علي ماما وجدو اللي كانوا بيخططوا ازاي يخلوا فيروزه تبعد عن عاصي ومالقووش غير الفكره الوس** دي عشان ينفذوها
وانا كشفتهم ولما كشفتهم ما أنكروش بالعكس كانوا فخورين باللي عملوا لحد ما اخدت حق فيروزه بأيدي منهم وولعت الفيلا باللي فيها .. بس كان ناقص حاجه واحده بس واكمل انتقامي وهو عاصي بس لو عاصي الموت هيبقي رحمه لي .. وانا مكنتش عايزه يموت قد ما كنت عايزه يتعذب وانت ساعدتني في ده لما قولتلك ان هو اللي قتلهم عشان خاطر فيروزه وابتديت تساعدني وتمشي وراايا في كل اللي قولتهولك
عاصي : ازاي اخويا يعمل كده ازاااااي
رفيق: وماسألتش نفسك انت ازاي تعمل كده في فيروزه وتصدق عليها حاجه زي كده لاء وكمان ما كتفتش انك تموتها روحت وشردت ابوها وامها الغل والحقد ملوا قلبك واختها الصغيره كبرت وعرفت تجيبك لحد هنا
عاصي : تقصد مين
رفيق بص علي السلم وبدور نازله منه
بدور : ( بتوتر ) انت .. انت بتبص عليا ليه ؟
عاصي : بدور 😳😳
غالب : يابنت ال ...
بدور نزلت من علي السلم ..
بدور : انا .. انا معرفش حاجه انا و**** ما اعرف الراجل ده بيتكلم عن ايه وعمرى ما شوفته
رفيق : كفايه تمثيل بقي يابدور كل حاجه اتكشفت خلاص
بدور : انت بتقول ايه ياراجل انت انا اول مره اشوفك اصلا
عاصي : حتي انتي يابدور
هاله: يانهار اسود هو انتي كمان معاهم غريبه اول مره اعرف
بدور بصت لهاله كده بغيظ وسابتها وراحت لعاصي
بدور : ( راحت لعاصي ووشها بقي في وشه ) عاصي .. عاصي ماتصدقهووش ده كذاب و**** ما اعرفه و**** العظيم اول مره اشوفه .. انا معرفش هو بيقول كده ليه .. انا اول مره اشوفه
(بدور كانت لسه بتكمل كلامها راح رفيق داس علي زرار كان معاه وباب البيت اتفتح واتملي رجاله رفيق وكان عامل حسابه ان ممكن حاجه زي كده تحصل )
هاله ابتدت تتسحب بالراحه اوي من جنبهم لحد ما اتخبت في اوضه ونطت من الشباك وطلعت تجرى
مره واحده عاصي وغالب لاقوا رجاله رفيق عماله تضرب عليهم نار من كل حته غالب طلع مسدس من ورا ضهره بسرعه وجرى يتخبي ورا عامود وعاصي نفس الكلام ورفيق طلع بسرعه فوق السطح عشان يهرب وهو طالع مسك ايد بدور وكان بيشدها معاه
رفيق : يلا يابدور مافيش وقت
( ضرب النار كان شغال وعاصي وغالب كانوا مشغولين بيضربوا نار علي اللي رجاله اللي بتضرب عليهم وصوت ضرب النار في كل حته حرفيا )
بدور : (وهي حاطه ايديها الاتنين علي راسها وموطيه وخايفه مرعوبه )
بدور : أجي معاك فين ياراجل انت معرفكش .. انت عايز مني ايه بقولك سيبني في حالي **** يخربيتك
رفيق راح بص لبدور بغضب
رفيق : يووووووه براحتك بس اعرفي انك هنا هتموتي
رفيق طلع فوق السطح بسرعه وغالب وعاصي بقول يموتوا في رجالته
عاصي بص لقي رفيق بيهرب وبيطلع فوق السطح بص لغالب انه يحمي ضهره غالب فهمه وبقي يحمي ضهر عاصي وعاصي طلع وراه
عاصي بقي يجرى ورا غالب
ومره واحده مسكوا اخيرا ووقعوا في الارض وبقي يضرب فيه ورفيق بقي يضربوا بالبونيه في وشه عاصي كان معاه مسدس الاتنين مسكوا المسدس والاتنين المسدس ما بينهم وكل واحد بيحاول ياخد المسدس من ايد التاني وهما
بيضربوا في بعض مره واحده طلعت رصاصه وصابت واحد فيهم في بطنه عاصي قام بسرعه ورفيق بقي ماسك بطنه والد"م بينزل منها
عاصي : ( وهو واقف وشايف رفيق والدم بينزل منه ) ليه ماقولتليش .. لييييه
رفيق : ( بلع ريقه ) بعد .. بعد ايه ( بياخد نفسه بالعافيه ) فيروزه خلاص ماتت كان لازم تدفع تمن موتها وعذابك لابوها وامها
عاصي : ( داس علي سنانه وبيرفع المسدس في وش رفيق مره تانيه ) راح جه راجل من رجاله رفيق وضرب عاصي علي دماغه من ورا عاصي لف وراه وبقي يضرب فيه بكل وقته لحد ما وقعه في الارض رفيق وقتها بقي بيزحف في الارض لحد ما قام وهو ماسك جرحه ونزل من علي السلم الخشب اللي بيودي علي الشارع التاني وركب عربيته بسرعه وهرب
عاصي بيبص وراه مالقاش رفيق بس قطرات دمه كانت في كل حته
عاصي نط من فوق السطح علي الارض وبقي يقتل رجاله رفيق لحد ما خلص عليهم كلهم وغالب طلع بسرعه لعاصي بره البيت
غالب : هاااا .. قتلت الكلب ده ولا لاء
عاصي : ( رفع حاجبه ) مش عارف .. بس انا اللي متأكد منه ان الكلب ده مايموتش بسهوله
غالب : وبعدين احنا لازم نجيبه
عاصي : ( بيبص لقي بدور متخبيه ورا الكنبه ) قام قدم خطوات بسرعه وشدها من شعرها
بدور : لا لا لا لا لا لا لا .. و**** العظيم انت فاهم غلط انا معرفهووش
عاصي : قوليلنا كنتوا بتتقابلوا فين حالا انتي فاهمه 😡😡
اكيد هو راح المكان اللي كنتوا بتتقابلوا فيه
بدور : ( بدموع وتوسل ) وحياتك عندي ياعاصي ما اعرفه ولا عمرى شوفته في يوم اقسملك ب**** ما اعرفه
غالب : سيبلي البت دي انا هعرف اخليها تنطق ازاي
غالب : ( جه يمسك بدور من ايديها ويشدها عاصي وقف قدامه )
عاصي : سيبهالي انا .. انا هتصرف معاها
غالب : ( وطي راسه باستهزاء ) تحت امرك ياعمي ..اللي تشوفه ياعاصي بيه .. ما هي بت زي دي قريبه حبيبه القلب لازم تتعامل معامله خاصه وانا .. انا مش هعرف انتقم للي قتل ابويا وامي
(عاصي مسك غالب من قميصه بعنف )
عاصي : هجيبه لو في اخر الدنيا هجيبه ماتقلقش
عاصي شد فيروزه من ايدها وركبها العربيه بتاعت غالب وطلعوا علي فيلا غالب
عاصي : ( اول ما وصلوا ) لسه زنزانه ابوك اللي تحت الارض موجوده
غالب : ( رفع حاجبه الشمال ) موجوددده
(عاصي شد بدور وراه ونزلوا تحت الفيلا )
عاصي : هات المفتاح
غالب : خد
عاصي فتح باب الزنزانه ورمي بدور فيها بدور وقعت في الارض وبكل خوف وهي بتعيط
بدور : و**** العظيم .. و**** العظيم ما اعرفه .. انت ليه مش عايز تصدقني ياعاصي ..طيب فكر للحظه انا لو كنت اعرفه كنت انقذتك ليه من الموت ومن البرشام فكر شويه ياعاصي **** يخليك
غالب : ماتصدقهاش دي لو مكانتش تبع غالب هيقول كده ليه ؟
بدور : انا لو كنت تبعه كنت هربت معاه ؟
غالب : انتي مالحقتيش تهربي .. سابك لوحدك عشان هو جبان
بدور : لاء ماحصلش قالي تعالي معايا وانا مارضيتش
غالب : اوعي تخليها تأثر عليك ياعاصي ده صنف كهين
عاصي : ( بصوت عالي ) بسسسسسسسسسسسسس
اخرسوا انتوا الاتنين ( بص لبدور ) مش عايز اسمع صوتك انتي فاهمه
بدور : ( بخوف وهي حاطه ايدها علي بوقها وبتترعش ) ف .. فااا .. فاهمه
عاصي قفل الباب علي بدور
بدور : لا ياعاصي انا بخاف من الضلمه لاء
عاصي قفل الباب وساب بدور ومشي وغالب طلع وراه
غالب : انت هتسيبها كده
عاصي : سيبني دلوقتي ياغالب
غالب : لاء مش هسيبك انت بقيت ضعيف مابقيتش عاصي بتاع زمان الظاهر انك عايز ترجع للبرشام تاني عشان ماتحسش بنفسك وتبقي اقوي من الاول
عاصي : مسك غالب من هدومه وحدفه علي الحيطه وقعه في الارض
عاصي : لما اقولك سيبني يبقي تسيبني انت فاهم 😡😡
غالب : ( وهو واقع في الارض ) اللي تشوفه ياعاصي بيه بس انا عايزك تعرف حاجه انا مش هسيب حق ابويا وامي مهما حصل
عاصي طلع وساب غالب وفتح عربيه من عربيات غالب واخد مفتاحها وساقها ومشي وهو معاه مفتاح فيروزه
وبدور وقتها كانت قاعده في الزنزانه وهي ضمه رجليها وحافيه وبتعيط ومش عارفه تعمل ايه ؟
وغالب طلع بقي بيبص علي صوره امه وابوه ومسك الصوره وبقي يحضنها ما بين ايديه
----------------------------( في نفس الوقت )-------------------------
رفيق نزل من العربيه بتاعته وهو الدم مغرق كل هدومه حرفيا ونزل
من العربيه وهو مش قادر يقف وخبط علي باب في وسط صحرا
واول ما خبط بقي بيخبط جامد مره واحده الباب اتفتح
رفيق : فيروزه .. فيروزه الحقيني
فيروزه : ( بخوف وخضه علي رفيق ) رفيييييييق .. انت كويس انت بخير
رفيق وقع في الارض وبقي مش قادر وفيروزه قعدت في الارض واخدته في حضنها
فيروزه : ( بدموع ) رفيق ماتسبنيش يارفيق
رفيق : ( وهو ماسك جرحه ) متخافيش .. متخ.. متخافيش يافيروزه انا
ماقولتلهومش انك عايشه . كل .. كل حاجه في خطتنا ماشيه .. زي .. زي ما انتي عايزه وهتنتقمي من عاصي .. بس .. بس لوحدك
فيروزه : لا يارفيق ماتقولش كده انا ماليش غيرك
رفيق : انا .. انا عملت زي ما قولتي بالظبط .. وقعتهم في البت اللي معاهم وقولتله انها تبعنا وهو دلوقتي هيكرهها مش .. ( بلع ريقه ) مش هيحبها زي .. زي ما انتي عايزه
فيروزه : سيبك من كل حاجه ماتتكلمش دلوقتي يارفيق
رفيق: انا عارف انك عمرك ما حبتيني بس لو الموت هيخليني
اشوف نظره الخوف عليا دي في عيونك فا انا مبسوط اني هموت ما .. ما .. ما بين ايديكي
مره واحده رفيق غمض عيونه ومات في حضن فيروزه
فيروزه : بقت بتصرخ بأعلي صوتها
فيروزه : رفيييييييييييييييييق 😭😭😭😭
يتبع...
الجزء الثاني
فيروزه وهي قاعده علي ركبها وواخده رفيق في حضنها وهدومها مليانه ددمم بصت في السما وبقت تصرخ بأعلي صوتها
فيروزه : رفييييييييييييييييييييييق 😭😭😭😭
( فيروزه ضمت راس رفيق لحضنها اكتر وبقت تبكي عليه )
فيروزه : قوم يارفيق قوم عشان خاطرى .. ( بتمسح مناخيرها بأيديها ) قوم انا ماليش غيرك في حياتي بعد اللي حصلي مافيش حد خدني في حضنه غيرك كله رماني الا انت رفيق ماتسبنيش ( مسحت عنيها بأيديها وهي مش قادره تبطل بكي ) ما انت مش معقول تبقي موت احنا مش اتفقنا ان احنا هنموت سوا ليه بقي موت وسيبتني لوحدي
فيروزه : ( بصراخ ) رفيييييييق
----------------------------( في نفس الوقت ) ------------------------
عاصي اخد عربيته ومشي ووقف في اعلي منطقه في المقطم وقف عربيته ونزل منها وقفل الباب جامد لدرجه ان باب العربيه كان هيقع من كتر رزعت الباب وقف قدام كابوت العربيه وسند ضهره عليها وبقي يبص علي مصر كلها من فوق طلع سيجارته والولاعه وابتدي ينفخ في سيجارته ويفكر
عاصي : ( في نفسه ) معقول الكلام اللي رفيق ده صح .. معقول قاسم هو اللي عمل كل ده .. لا لا مش ممكن اكيد كداب .. طيب وبدور .. بيقول انها اخت فيروزه بس ازاي فيروزه مالهاش اخوات بنات فيروزه وحيده يبقي اكيد كذاااب انا متأكد
عاصي : ( لسه بيكلم نفسه ) انا قتلت فيروزه من 13 سنه اشمعنى ولع في الفيلا من خمس سنين بس وابتدي يديني البرشام من خمس سنين كان فين الوقت ده كله وكان بيتعامل معايا كويس جدا وكنت دايما ببعده عني هو اتغير من خمس سنين ايه اللي حصل
( عاصي لف وشه وضرب الكابوت بأيديه وهو هيتجن حرفيا مش عارف يعمل ايه )
( عاصي مسك دماغه بأيديه الاتنين ) دماغي مش قادر
عاصي ( لسه تأثير البرشام مارحش منه للاخر ابتدى يترعش وقعد في الارض وجسمه كله متكسر حرفيا )
------------------------( في نفس الوقت ) ------------------------
فيروزه اخيرا فاقت لنفسها وقامت وقفت بلعت ريقها وهي بتبص لرفيق اللي مرمي علي الارض وسايح في دمه
وبصت يمين وشمال ومالقيتش حد معاها فيروزه حرفيا بعيده عن البلد في وسط الصحرا
شدت ايد رفيق وبقت تجر فيه بالعافيه رفيق تقيل عليها
جدا وقعت في الارض من كتر ما مش قادره تشده راحت جابت حاجه تحفر بيها الارض وبقت تضرب الارض وتفحت فيها لحد بعد تعب طويل حفرت الحفره اخيرا وبقت تزق رفيق فيها وتدحرجه في الارض لحد ما وقع في الحفره وبقت تردم التراب عليه وهي بتعيط ودموعها مش راضيه تقف واخيرا خلصت وجابت حته خشبه وكتبت عليها هنا يرقد رفيق (رفيق العمر )
وقتها قعدت تعيط اكتر وهي مش مستوعبه انه مات فعلا وابتدت تفتكر اللي حصل من ١٣ سنه
-------------------------( فلاش باك )-------------------------------
عاصي اول ما شاف فيروزه وهي في الحفله الدم غلي في عروقه مسكها خنقها فيروزه كانت بتبص في عنيه ودموعها نازله منها والبروكه الصفرا اللي كانت لبساها وقعت منها الغريبه انها كانت مستسلمه ومكانتش حتي بتقاوم زي ما تكون عارفه رد فعل عاصي اول ما يشوفها وهي بالمنظر ده
كل اللي كان في الحفله والبنات الشمال اللي كانت موجوده معاها كانت بتصوت وتجرى في المكان وفتحت الباب وطلعوا يجروا رفيق وقتها كان عارف ان قاسم عامل حفله لعاصي دخل ولقي البنات بتصوت وبتطلع تجرى وفيروزه في ايد عاصي مش راضي يسيبها فيروزه وقتها النفس تقريبا شبه انقطع رفيق شاف كده بقي واقف متنح مش مصدق اللي عاصي بيعمله
قاسم : ( ماسك ايد عاصي ) سيبها ياعاصي سيبها البت هتموت في ايدك
عاصي : ( بكل غضب ) سيبني ابعد عني ( وزق قاسم ) فيروزه مابقيتش تنطق ووقعت في الارض
قاسم : ( سمع صوت حد جاي عليهم )يلا ياعاصي يلا لازم نمشي .. اكيد حد بلغ البوليس بسرعه ياعاصي
عاصي مابقاش مصدق نفسه وهو شايف فيروزه في الارض قاسم شده من هدومه وبقي يطلعه بالعافيه
قاسم : ( بص لقي رفيق واقف علي الباب ومصدوم من اللي حصل )
قاسم : رفيق اتخلص من الجثه دي حالا
رفيق : ( بص لقاسم وهو مش مستوعب اللي حصل )
قاسم : فهمت بقولك ايه ياحيوان 😡😡
قاسم اخد عاصي ومشي
وفيروزه كانت مرميه قدام رفيق في الارض
رفيق نزل وبقي قاعد جنبها
رفيق : فيروزه .. فيروزه 🥺
رفيق حط ودنه علي نفسها لقاها مابتتنفسش مسك ايدها لقي فيها نبض بس ضعيف جدا يكاد يكون معدوم حرفيا اخدها بسرعه في عربيته وشالها ووداها لاقرب مستشفي
رفيق : ( وهو شايل فيروزه بقي بيصرخ بأعلي صوته ) رفيق : دكتوووووور .. عايز دكتوووووور بسرعه
الممرضين اخدوا فيروزه منه بسرعه واخدوها تحت جهاز تنفس
الدكتور : حطلها جهاز تنفس اصطناعي بسرعه
شغلي جهاز الكهربائي بسرعه
الممرضه : جابت الجهاز ولسه بتشغله الدكتور مسكه منها وزقها
الدكتور : هاتي بسرعه مافيش وقت
الدكتور اخد منها الجهاز
جرب مره والتانيه في التالته مره واحده بيبص لقي النبض رجع بس علي خفيف
الدكتور : حطوها في غرفه الانعاش بسرعه
الدكتور طلع
رفيق : اي يادكتور طمني فيروزه هتعيش
الدكتور : ( فضل ساكت مابيتكلمش )
رفيق : اتكلم يادكتور عايشه ولا ميته
الدكتور : لسه هنشوف اصبر شويه وكله هيبان
رفيق : ( مسك الدكتور من رقبته ) انت لازم تقولي دلوقتي فيروزه هتعيش ولا لاء
الدكتور : احنا حطينها تحت جهاز التنفس للاسف واضح جدا انها اتخنقت والاكسجين مابقاش واصل للمخ مافيش غير القلب بس هو اللي شغال وضعيف جدا مانقدرش نقول انها ميته بس برضوا مانقدرش نقول انها عايشه
رفيق : يعني ايه مش فاهم
الدكتور : يعني هي عايشه (اكنيليكيا فقط )
رفيق
بعدم فهم ) برضوا مافهمتش تقصد ايه بكلامك ده
الدكتور : يعني لو شيلناها من علي الحهاز هتموت والجهاز هو اللي مخليها عايشه مش اكتر دخلت في غيبوبه شديده والمخ مابقاش يدرك شىء حواليه
رفيق : طيب والعمل يعني مش هتقوم منها
الدكتور : دي حاجه بتاعت **** مانقدرش نسبق الاحداث هي هتفضل علي الجهاز ممكن تفوق بكره وممكن شهر وممكن سنه محدش يعرف حاجه كله عند **** شد حيلك والقرار في الاول والاخر يرجع ليك
رفيق : اوعي تشيلها من علي الجهاز مهما حصل فيروزه هتعيش .. هتعيش انا .. انا متأكد انها هتعيش
تليفون رفيق رن
قاسم : الوو ايوه يارفيق قولي خلصت من الجثه ولا لاء
رفيق : ( والدموع في عنيه وهو كاتم بوقه بايديه عشان مايحسش بصوت عياطه )
رفيق : ايوه خلصت منها
قاسم : ايوه كده عفارم عليك
رفيق كان كل يوم يروح لفيروزه المستشفي عشان يطمن عليها وكان كل جنيه معاه يشتغل بي مع قاسم ياخده ويدفعه في المستشفي لفيروزه كل يوم والامل عنده موجود انها ممكن تفتح عنيها في يوم من الايام
وبعد سبع سنين وهو بيروحلها زي كل يوم وبيجيبلها ورد لقي الممرضه بتجرى عليه وبتفرحه بأن فيروزه فتحت عنيها
رفيق : فيروزه 😍😍
( في الوقت الحالي )
فيروزه كانت قاعده جنب قبر رفيق وبتفتكر اللي حصل وقد ايه رفيق وقف معاها ولولاه مكانتش عايشه لحد دلوقتي
اخدت نفس وطلعته وبقت تقول في نفسها وهي دايسه علي سنانها
فيروزه : و**** لدفعك كل اللي عملته فيا ياعاصي غاالي وهخليك تدوق نفس اللي دوقته طول السنين اللي فاتت
------------------------( في نفس الوقت )--------------------------
ماما احسان : يادي المصيبه يابنتي مالك قاعده كده ليه بس تاني انتي مش خلاص روحتي للي اسمه عاصي ده واتطمنتي عليه
الدكتوره احسان : لا ياامي لاء مالقيتهوش ده ابن اخوه غالب هو اللي شوفته انا ماشوفتش عاصي
ام احسان : طيب ماتروحي لغالب ده الفيلا بتاعته واسألي عنه هناك
الدكتوره احسان : انا فكرت اعمل كده فعلا اصل مالووش حس ولا خبر علي السوشيال ميديا ولا نزل صوره واحده لي من ساعه اللي حصل انا قلقانه عليه اوي يا امي
ماما احسان : لا ماتقلقيش مافيش حاجه ان شاء **** اكيد رجع وغالب ده نسي يقولك انتي مش معاكي رقمه كلميه واطمني علي عاصي منه
الدكتوره احسان : لاء مش معايا هو اللي اخد رقمي مش انا
ام احسان : خلاص اوبقي روحيله واسالي علي عاصي واتطمني عليه
الدكتوره احسان : ما ده اللي انا هعمله
غالب كان ماسك صوره امه وابوه وهو بيبصلها ومش مصدق انهم ممكن يعملوا كده في فيروزه
( بيكلم الصوره بتاعتهم )
غالب: معقول .. معقول انتوا تعملوا كده انا مش مصدق .. لا لا لا لا لا لا ماينفعش .. ماينفعش انا عمرى ماشوفتكم بتتعاملوا بقسوه كده مع حد اكيد رفيق ده كداب .. انا عارف انه كدااااب
غالب مسك كاس الويسكي وبقي بيشرب بشراهه فظيعه
غالب : ( رمي الكاس من ايده في الارض ) كله من بنت الكلب دي هي السبب هي الوحيده اللي تعرف مكانه
غالب قرر انه يروح لبدور وهو شارب ومش شايف قدامه فتح الزنزانه بتاعتها ولقي بدور قاعده في الارض وضمه رجليها وبتعيط
بدور : ( بخوف وعياط ) و**** ما اعرف عنه حاجه و**** ما اعرف مين ده
غالب: ( وهو شارب ومش شايف قدامه ) ما .. ما انا .. مش مش هسيبك الا لما تقولي علي مكانه
غالب بقي بيقلع القميص بتاعه وبيفك زراير القميص
بدور : انت .. انت بتعمل ايه
( بدور قامت وقفت ) ابعد عني ماتلمسنيش
غالب : ( قرب منها وبقي يلمس وشها ) تعرفي انك جميله اوي
بدور : ( زقته بأيديها ) بقولك ابعد عني .. ( بلعت ريقها ) اوعي تقربلي انت فاهم
غالب: بس كده طبعا فاهم .. غالب قرب منها وقطعلها الفستان بدور خبت نفسها بأيديها بسرعه وبقت تبعد عنه لحد ما لاقت حديده في الارض جابتها وضربته بيها علي راسه وغالب كان سايب الباب مفتوح طلعت تجرى غالب مسك راسه وطلع وراها وهو بينادي
غالب : ( بكل غضب وبصوت عالي ) عبد الرحييييييييييييييم
عبد الرحيم طلع الجنينه بسرعه وغالب بقي يجري ورا بدور والدم نازل من راسه
غالب : ( بيبص لعبد الرحيم ) عايزها حيه بنت الكلب دي
عبد الرحيم جرى بسرعه ورا بدور وبدور بتجرى ولسه طالعه علي البوابه في داخله الدكتوره احسان اتخبطت فيها وقعوا هما الاتنين علي الارض
بدور مسكت في احسان وبتستنجد بيها
بدور : الحقيني ابوس ايدك الحقيني
الدكتوره احسان : ( باستغراب ) انتي 😳
بدور : ( بتوتر وماسكه ايديها بخوف ) الحقيني .. الحقيني ابوس ايدك
(الدكتوره احسان قامت )
الدكتوره احسان : ( باستغراب وعصبيه ) في ايه فهميني انا مش فاهمه حاجه
الدكتوره احسان بتبص لاقت غالب جاي بيجرى ورا بدور بسرعه وعبد الرحيم جاي عليهم
الدكتوره احسان وبدور ورا ضهرها
الدكتوره احسان : انت بتعمل ايه وعايز منها ايه
غالب : ( كان سكران ومش حاسس بنفسه حرفيا ) شد الدكتوره احسان من دراعها وبكل غضب
غالب : ( وهو دايس علي سنانه ) انتي ايه اللي جابك هنا 😡
الدكتوره احسان : ( قربت منه وشمت ريحه نفسه لاقيته شارب ابتدت تتعامل معاه بحذر )
الدكتوره احسان : اهدي انت شارب دلوقتي ومش حاسس بنفسك
غالب ( وهو مش متزن ) : وانتي بقي ( غمض عين وفتح التانيه ورفع حاجبه ) اللي .. اللي .. ( ولسه هيكمل كلامه ) مره واحده غالب من كتر ما كان سكران وقع في الارض علي بطنه وبقي مش حاسس بنفسه
عبد الرحيم : ( وطي وبقي يهز غالب من ضهره ) غالب بيه .. غالب بيه اصحي ياغالب بيه فووء
بدور بقت تتسحب هي والدكتوره احسان بالراحه جدا علشان يطلعوا من الڤيلا وعبد الرحييم كان مشغول مع غالب
ولسه هيطلعوا عبد الرحيم اخد باله
عبد الرحيم : ( بكل غضب ) انتوا رايحين فين تعاااااااالوا
عبظ الرحيم مد ايده ومسك الدكتوره احسان من ايديها هي وبدور واخدهم غصب عنهم ووداهم الزنزانه اللي بدور كانت فيها
الدكتوره احسان : ( بتحاول تنزل ايده من عليها ) سيبني ياحيوان انت .. انت بتعمل ايه .. ده انا هخرب بيتك
بدور : ( مستسلمه حرفيا وماشيه مع عبد الرحيم )
الدكتوره احسان : مش تقولي حاجه انتي كمان
بدور : ( وعبد الرحيم بيزقها وبيدخلها الزنزانه ) هقول اي .. ما انا ياما قولت استفادت ايه
عبد الرحيم قفل الباب بالمفتاح
الدكتوره احسان : ( وهي جوه بقت تعلي صوتها ) انا هوديكم.. في داهيه انا هوريكم .. انا هبلغ عنكم البوليس
عبد الرحيم فتح الباب بسرعه وشد الشنطه بتاعت الدكتوره احسان واخد الموبايل بتاعها كسروا قدامها وقفل الباب مره تانيه
الدكتوره احسان : ( بقت واقفه مصدومه ) 😧😧
-------------------------( في نفس الوقت )-------------------------
عاصي كان في المقطم واقف قدام عربيته وماسك دماغه من الصداع اللي هيفرتكها حرفيا
عاصي : اااااااااااه دمااااااغي مش قادر
مره واحده بيبص لقي فيروزه قدامه
عاصي : فيروزه 😧😧
فيروزه رفعت حاجبها وبصيتله من فوق لتحت وابتسمت ابتسامه سخريه ظهرت بجانب شفايفها
عاصي مابقاش مصدق انه شايفها قدامه
فرك عنيه بأيديه وهو مش مصدق انه شايفها بس اول ما فرك عنيه بيبص مالقهاش قدامه لف شمال ويمين وبقي يلف حوالين نفسه انه يلاقيها للاسف مالقهاش
عاصي : ( مسك دماغه ) اطلعي من دماغي بقي يافيروزه .. كفايه .. كفايه السنين دي كلها حرام ..حرااااام
عاصي ركب عربيته وداس بنزين وحط ايده علي الدركسيون ولف العربيه بأقصي ما عنده مره واحده الكوتشيات بقت بتعمل صوت رهيب والعربيه لفت مره واحده وطلع علي الطريق .. وبقي يتصل بغالب
بس غالب مكانش بيرد
عاصي : رد بقي .. رد ياغبي
غالب وقتها كان نايم علي بطنه في الجنينه مغم عليه من كتر الشرب
عاصي بيبص لقي عربيه جايه وراه بأسرع ما عندها في وسط الضلمه وفاتحه الكشاف عالي جدا وبقت ماشيه جنب عاصي .. عاصي لف وشه يمين بيبص لقاها فيروزه وبتبصله اتخض ومره واحده بيبص لقي عربيه جايه في وشه وعماله تضرب كلاكس جامد جدا بص قدامه ومن الربكه حود شمال بسرعه والعربيه اللي قدامه جت يمين عاصي داس علي الفرامل بسرعه وطلع من علي الطريق
الراجل اللي في العربيه اللي كانت جايه قدامه نزل من العربيه بسرعه علشان يشوف عاصي
الراجل : (فتح باب العربيه بتاعت عاصي ) مش تخللي بالك يابني انت كنت هتودينا في داهيه حرام عليك
عاصي : ( وهو مش مستوعب ) ال .. العربيه .. العربيه اللي جنبي راحت فين
الراجل : ( باستغراب ) عربيه جنبك .. مافيش عربيه يابني كانت ماشيه جنبك انت كنت لوحدك
عاصي مسكه من ياقه القميص بتاعته بعنف وطلع من عربيته
عاصي : انت كداااااب .. ( بلع ريقه ) كان .. كان فيه عربيه هنا
الراجل : **** يسامحك يابني بس انا مش كداب لو كان في عربيه جنبك كنت شوفتها
عاصي : يعني ايه .. دي تاني مره اشوفها النهارده .. كل ده تهيوئات
الراجل : تشوف مين يابني
عاصي : ( بعدم تركيز ) ايه .. لا لا ابدا مافيش حد .. مافيش
عاصي ركب عربيته ومشي وهو بيركب
عاصي : انا .. انا اسف
الراجل : ولا يهمك
عاصي لف عربيته ومشي والراجل ركب عربيته ومشي شويه
ووقف عربيته وبقي مستني حد ومره واحده لقي باب العربيه اتفتح
الراجل : بعد كده لو عايزاني في شغل بلاش تخليني اشتغل علي المجنون ده .. ده انا كنت هخبط فيه فعلا كنت زماني ميت
فيروزه : بقولك ايه انت مجرد ممثل مش اكتر وبعدين اللي بتعوزه بتاخده يبقي خلاص
الراجل : ( فرك ايده الاتنين في بعض ) قبضيني بقي
فيروزه طلعت فلوس من شنطتها واديتهاله
فيروزه : خد ياكش يطمر
الراجل : ( رفع حاجبه ) **** مايحرمنا من فلوسك ابدا
الراجل : بس قوليلي انتي عايزه ايه من الراجل ده وحطاه في دماغك اوي كده ليه
فيروزه: وانت مالك انت تنفذ اللي بقولك عليه وبس
( رفعت حاجبها ) اما انت بقي ياعاصي لسه هتشوف مني اللي عمرك ما شوفته
عاصي رجع الڤيلا وهو عمال يدوس كلاكس جامد علي باب الڤيلا البواب فتحله باب الجنينه بسرعه عاصي دخل .. وحط العربيه بتاعته بيبص لقي غالب مرمي في الارض جرى عليه بسرعه
عاصي : غالب .. فوء ياغالب اصحي
عاصي : ( بصوت عالي ) عبد الرحيييييييييم ..
عبد الرحيم جه يجرى
عبدالرحيم : نعم ياعاصي بيه
عاصي : ايه اللي عمل في غالب كده
عبد الرحيم : اصل .. اصل
عاصي : اصل ايه وزفت ايه انطق
عبد الرحيم : شرب لحد ما وقع حاولت اقومه الف مره مارضاش ابدا علشان كده خليته مكانه
عاصي : طيب شيل .. شيل معايا
عاصي اخد غالب ورفعه علي كتفه وقومه من مكانه وطلع بي علي اوضته وحطه علي السرير وجه يمشي
غالب مسك ايده
غالب : مابتسبنيش ياعمي .. خليك معايا
عاصي بصله وابتسم
عاصي : عمي .. بقالك فتره كبيره ماقولتليش ياعمي
غالب : علشان بقالك فتره كبيره ما اخدتنيش في حضنك زي زمان .. فاكر
عاصي : ( ابتسم ) علشان بقالي فتره كبيره مغيب ومش في وعيي
غالب : انا انضحك عليا مكنتش اعرف
عاصي فرد رجله علي السرير ونام جنب غالب
عاصي : كلنا انضحك علينا ياغالب مش انت بس ماتعرفش مين فينا الظالم ومين المظلوم
----------------------------( في نفس الوقت )-----------------------
االدكتوره احسان مع بدور في الزنزانه
الدكتوره احسان : ( قربت من بدور وهي قاعده في الارض ) **** يخربيتك انا ايه اللي جابني في الوقت ده انا كان مالي ومالك اصلا اتحبس معاكي في زنزانه واحده ليه
بدور : حظك كده .. حظك تبقي معايا في زنزانه واحده ولا مايشرفكيش يادكتوره تبقي معايا في مكان واحد
الدكتوره احسان : لاء طبعا مايشرفنيش انا الدكتوره احسان وانتي مهما كان واحده من الشارع مالكيش اهل
بدور : مش ذنبي اني اتولدت في ملجأ
الدكتوره احسان : المهم قوليلي عملتي ايه مع عاصي الخطه بتاعتنا ماشيه تمام
بدور : وهي لو مكانتش ماشيه تمام كنتي زمانك هنا دلوقتي
الدكتوره احسان : برافو عليكي كنت عارفه انك قدها 😈😈
يتبع...
الجزء الثالث
االدكتوره احسان مع بدور في الزنزانه
الدكتوره احسان : ( قربت من بدور وهي قاعده في الارض ) **** يخربيتك انا ايه اللي جابني في الوقت ده انا كان مالي ومالك اصلا اتحبس معاكي في زنزانه واحده ليه
بدور : حظك كده .. حظك تبقي معايا في زنزانه واحده ولا مايشرفكيش يادكتوره تبقي معايا في مكان واحد
الدكتوره احسان : لاء طبعا مايشرفنيش انا الدكتوره احسان وانتي مهما كان واحده من الشارع مالكيش اهل
بدور : مش ذنبي اني اتولدت في ملجأ
الدكتوره احسان : المهم قوليلي عملتي ايه مع عاصي الخطه بتاعتنا ماشيه تمام
بدور : وهي لو مكانتش ماشيه تمام كنتي زمانك هنا دلوقتي
الدكتوره احسان : برافو عليكي كنت عارفه انك قدها 😈😈
بدور : ولا قدها ولا حاجه انا اتبهدلت واتمرمطت اخر مرمطه الفلوس اللي دفعتيها مش كفايه علشان البهدله اللي اتبهدلتها دي كلها علي فكره
الدكتوره احسان: ( ربعت ايدها ورفعت حاجبها ولفت وشها وبصت لبدور ) احنا هنبتدي نطمع ولا ايه ؟
بدور : ولا هنطمع ولا حاجه كل الحكايه اني كنت ممكن اموت الف مره علشان خاطر عاصي بتاعك ده وانتي ولا هنا .. ده انتي كنتي هتسلميني للبوليس بأيديكي
الدكتوره احسان : كنت فاكره لما اعمل كده عاصي هيخلص منك ويبعده عنك واكمل انا معاه بس للاسف طلع العكس خالص واخدك ومشي
بدور : ( سرحت وافتكرت الايام اللي قضتها مع عاصي وابتسمت )
بدور : بس عارفه اللي زي عاصي ده اتظلم في حياته كتييير اوي ويستاهل اللي بتعمليه علشان توصلي لقلبه
الدكتوره احسان : ( سرحت وهي بتتخيل عاصي ) عاصي ده كل حاجه حلوه في الدنيا ويستاهل كل خير
بدور : الا قوليلي انتي متأكده لو قربتي منه هيحبك
الدكتوره احسان : ( بكل تكبر ) اكيد هيحبني لو عرفني وبقي معايا واتكلمنا سوا اكيد هيحبني انا اعرف عن عاصي ده كل حاجه بس للاسف هو ما يعرفش عني اي حاجه
بدور : ( بتنهيده) للدرجه دي بتحبيه ؟
الدكتوره احسان : من اول يوم شوفته فيه لما جه عندنا المستشفي كنت لسه تحت التمرين ولاقيته داخل وشايل عامل من العمال بتوعوا في المصنع وكان مصاب ومارضيش يمشي الا لما يطمن عليه وقتها شوفته زي ما يكون قلبي اتخطف من مكانه ابتديت اعرف عنه كل صغيره وكبيره حاولت اتعرف عليه كتييير ماعرفتش هو اصلا مش شايفني لحد ما عرفت انه كان بيحب بنت اسمها فيروزه وشوفت صورتها وعرفت انها ماتت من ١٣ سنه ومن وقتها وهو مش شايف غيرها
ولما شوفتك صدفه
-------------------------------( فلاش باك) ------------------------
الدكتوره احسان راكبه عربيتها وواقفه في اشاره كان اليوم ده حر جدا والناس مش طايقه هدومها من كتر الحر
التليفون بتاعها كان محطوط علي الكرسي اللي جنبها وبيرن
احسان : ( بطلع منديل علشان تنشف العرق بتاعها ومدت ايدها اخدت الموبايل لاقيته مامتها )
احسان : يووووه ياماما دي المره العاشره اللي تتصلي بيا فيها
ام احسان :-----------------
احسان : بقولك جايه ياماما جايه زحمه مواصلات مش اكتر
ام احسان :_____________
( احسان بتبص لاقيت اللي بيمسح ازاز العربيه )
احسان : امشي انتي كمان مش ناقصه قرف علي الصبح
ام احسان : ________________
احسان : ياماما مش ليكي اكيد مش هقولك انتي مش ناقصه قرف دي البنت اللي بتمسح الازاز
بدور كانت بتمسح ازاز العربيه وراحت وقفت قدام باب احسان
بدور : ممكن اي حاجه افطر بيها ونبي
احسان : ( بعدم اهتمام ) امشي ياشاطره من هنا احسنلك
ام احسان ( في الفون ) : _______________
احسان : ( بعصبيه ) يوووووه ياماما قولتلك مش انتي
احسان قفلت الفون ولفت وشها وبصت لبدور
واول ما شافتها اتصدمت حرفيا الشبه بينها وبين فيروزه كبير جدا زي ما شافت فيروز في الصوره
بدور : انا ماكلتش حاجه من امبارح اي حاجه **** يكرمك علشان جعانه اوي
احسان ( شافتها وهي لسه متنحه في وشها )
بدور : يااستاذه
احسان : _______________
فجأه مره واحده احسان لاقت العربيات كلها بتزمرلها عشان الاشاره فتحت احسان دورت العربيه ومشيت ووقفت بعيد بتبص وراها علشان تبص علي بدور مره تانيه مالقيتهاش
بقت تروح كل يوم المكان ده وتقف عند الاشاره علشان تشوف بدور مره تانيه بس مكانتش بتلاقيها وفي يوم اخيرا بتبص لاقيتها
وجت في دماغها فكره
احسان : ( بتنادي علي بدور ) انتي يااااااا...
بدور : اسمي بدور
احسان : اركبي يابدور
بدور : انتي تعرفيني
احسان : لا معرفكيش بس قريب هعرفك
بدور ركبت مع احسان العربيه واحسان مشيت بالعربيه ووقفوا بالعربيه علي كوبري علي النيل
احسان : تحبي تشتغلي
بدور : احب اوي بس اشتغل ايه
احسان : اللي هقولك عليه .
بدور : وايه هو اللي هتقوليلي عليه
احسان : انتي فيكي شبه كبير اوي من واحد انا بحبه حاولت اتعرف عليه بكل الطرق معرفتش بس انتي انا متأكده انه لو شافك هيفضل معاكي وانتي بقي اللي هتجيبهولي وهتخليني اتعرف عليه ونقرب من بعض
بدور : ممممممممم بس
احسان : بس ايه
بدور : يعني لو بصلي بدل ما يبصلك انتي
احسان : مافتكرش انه يبصلك في يوم انتي عيله بالنسباله
هااا .. قولتي ايه ؟
بدور : هتديني كام
احسان : اللي انتي عايزاه
بدور : اذا كان كده ماشي .. بس قوليلي انتي عايزاني اعمل ايه بالظبط
احسان : مش وقته دلوقتي انا كل اللي هعمله اني هحطك في طريق غالب ابن اخوه هو مهندس وحاولي تروحي معاه البيت وهناك اكيد هتشوفي عاصي وهو لما يشوفك اكيد مش هيسيبك وشوفي الدنيا هتاخدك لأيه ولما نعرف ايه اللي بيحصل تحاولي تجبيه عندي او تعرفينا علي بعض وسيبي الباقي عليا انا
بدور : اذا كان كده ماشي
-------------------------( في الوقت الحالي )------------------------
بدور : وياريتني ماركبت العربيه بتاعت غالب انا روحت خرابه ماروحتش قصر زي ما قولتي
احسان : وانا ايه اللي عرفني انه كان هيحصل اللي حكتيلي عليه ده كله
بدور : انا جيبتهولك لحد عندك في بيتكم وكان مجروح وبرضوا معرفتيش تخليه يعرفك ومافتكرش انه حتي هيكون فاكر شكلك
الدكتوره احسان : ما دي المشكله انا كنت فاكره انه هيشلهالي جميله واني انقذت حياته بس ده ولا الهوى
بدور : وانتي طبعا جايه النهارده علشان تفكريه بيكي
احسان : ايوه .. علشان اطمن عليه وعلشان اللي زيي يليق لواحد زي عاصي انا متعلمه ودكتوره وعندي عياده خاصه بيا ومتأكده انه لو عرفني هيحبني اوي بس هي الفرصه تيجي انه يعرفني مش اكتر
بدور : ( بصت في الارض وهي حزينه واتنهدت) عندك حق اللي زيك يليق للي زيه
احسان : ( ربعت ايدها بكل تكبر ) طبعا اومال انتي فاكره ايه
--------------------------( في نفس الوقت )----------------------
عاصي وغالب كانوا قاعدين مع بعض في اوضه غالب وقاعدين علي السرير
غالب : انت عندك حق محدش فينا يعرف مين الظالم ومين المظلوم في كل اللي بيحصل ده كلنا انضحك علينا من رفيق
عاصي : وليه ماتقولش ان احنا اللي كنا عايزين ينضحك علينا ورفيق مجرد وسيله مش اكتر
غالب : ( قام اتعدل وقعد نص قاعده وضم حواجبه ) تقصد ايه ؟
عاصي : اقصد ان كل واحد كان عايز يغير اللي حصل زمان ورفيق عرف يلعب علي ده .. انت كنت عايز تلوم اي حد علي اللي حصل لامك وابوك وانا مكنتش عايز فيروزه تموت وهو عرف يلعب علي نقط ضعفنا كويس اوي
غالب : بس تفتكر ليه رفيق عمل كل ده ليه كان عايز يخليك تتعذب قدامه بالشكل ده
عاصي : ده اللي لازم هعرفه في يوم لما الاقيه ما هو انا لازم الاقيه في الف سؤال في دماغي محتاجله اجابه
زي .. زي
غالب : زي ايه ؟
عاصي : زي ما انا عايز اعرف ازاي بدور كانت بتشوف ابويا وبتتكلم معاه انا فاكر كويس اول مره دخلت الخرابه كانت بتتكلم معاه مع ان ابويا ميت
غالب : ( بابتسامه ) اااااه ما انا هقولك
عاصي : وانا سامع
غالب : بدور ما تعرفش شكل جدي **** يرحمه وعلشان انت مركب كاميرات في كل حته كان لازم اجيب حد يمثل دور جدي وكان دايما لو تفتكر بيبقي مدي ضهره للكاميرا انت تأثير البرشام عليك كان بيخليك تشوف انه جدي **** يرحمه بس في الكاميرا مكنتش هتشوف كده وهو كان حافظ مكان الكاميرات وكان دايما بيدي ضهره ليها
عاصي: ( بابتسامه صفرا هز راسه من فوق لتحت ) ااااااه انا كده فهمت ..
(غالب مد ايده لعاصي )
غالب : انا عايزك تسامحني علي كل اللي فات احنا في الاخر مالناش غير بعض
عاصي : دلوقتي اللي افتكرت
غالب : انا غلطت بس انت هتغلط اكتر لو ماحطيتش ايدك في ايدي دلوقتي ونقف قدام الدنيا كلها واحنا سوا
عاصي : انت ابن اخويا مهما حصل هتفضل طول عمرك ابن اخويا من دمي ولحمي ياغالب
عاصي مد ايده لغالب وحضنه وغالب بقت دموعه تنزل في حضن عاصي
(عاصي وهو حاضن غالب )
عاصي : قولي عملت ايه مع بدور ؟
غالب : بدور .. مش فاكر اخر مره كنت ( غالب حط ايده علي جبينه )
عاصي : كنت ايه ؟
غالب : كنت عايز اغتصبها
عاصي : ايه تغتصبها 😧😧
(عاصي زق غالب من حضنه بنرفزه وقام وقف من علي السرير )
عاصي : ( بصوت جهورى ) انت بتقول ايه تغتصبها يعني ايه انت اكيد اتجننت 😡😡
غالب : اهدي ياعاصي انا كنت شارب ومش حاسس انا بعمل ايه ؟
عاصي : حتي لو شارب انا نبهت عليك الف مره انك ماتقربش منها انا حطيتها في الزنزانه وقفلت عليها ايه اللي خلاك تفتح عليها الزنزانه ؟ ( مسكه من الياقه بتاعته بغضب ) هااا .. فهمني ؟
غالب : عاصي نزل ايدك انا مابقيتش العيل الصغير بتاع زمان انا كبرت ..
عاصي : مهما كبرت مش هتكبر عليا يا ابن اخويا
غالب : ( حط ايده علي ايد عاصي بغضب) نزل ايدك انا مكنتش في وعيي قولتلك وانا فتحت الزنزانه علشان اعرف منها مكان رفيق مش اكتر معرفش قربت منها ازاي ؟ وليه ؟ الشرب كان مأثر عليا
( عاصي زق غالب ورماه في الارض وبقي يبص لغالب بكل شر )
عاصي : ( بصوت مليان غضب ) هي فييييين دلوقتي ؟
غالب : معرفش .. معرفش .. اخر حاجه ندهت علي عبد الرحيم ووقعت في الارض وماحسيتش بنفسي
عاصي طلع من الاوضه وهو بينادي علي عبد الرحيم
عاصي : ( بصوت عالي ) عبد الرحييييييييييم انت يازفت ياللي اسمك عبد الرحيم
(غالب طلع من الاوضه ومشي ورا عاصي )
عبد الرحيم : ( جاي بيجرى ) نعم .. نعم ياغالب بيه
عاصي : بدور .. بدور فين ؟
غالب : ( واقف ورا ضهر عاصي) مالك خايف عليها كده ليه ؟ انت ناسي انها تبع رفيق وهو قايل كده بعضمه لسانه
عاصي : ( بص وراه لغالب بكل غضب ) انت تسكت خالص مش عايز اسمع صوتك نهائي انت فاهم 😡
غالب : لاء مش فاهم ياعاصي وعايز افهم في ايه بينك وبين البت دي يخليك خايف وهتموت عليها اوي كده .. لو انت متنازل عن حقك انا مش هتنازل عن حق ابويا وامي واللي رفيق عمله فيهم وهعرف من البت دي كل حاجه
عاصي : ( بص لغالب مره تانيه وهز راسه شمال ويمين وداس علي سنانه ) انت مش فاهم حاجه
غالب : (قام وقف ) لو انا مش فاهم فاهمني انت
عاصي : ( مهتمش بكلام غالب ولف وشه ورجع بص لعبد الرحيم بصه غضب ) انت هتقول هي فين ولاااااا...
عبد الرحيم : من غير ولاااااا
عبد الرحيم : من غير ولا يا عاصي بيه انا مش قد غضبك عليا .. انا رجعتها الزنزانه تاني ( مد ايده وكان في ايده المفتاح عشان يديه لعاصي ) ومفتاح الزنزانه اهوه
عاصي شد المفتاح من ايد عبد الرحيم ونزل الزنزانه بسرعه وفتح الباب
بدور واحسان كانوا قاعدين في الزنزانه واول ما شافوا الزنزانه بتتفتح قاموا بسرعه من مكانهم ولأن فستان بدور اتقطع كانت ماسكه الفستان بأيديها علشان تداري صدرها
(واول ما الباب اتفتح )
عاصي : عبد الرحيم افتح النور
عبد الرحيم فتح النور وكان يادوبك لمبه واحده بس في الزنزانه صفرا بتنور حاجه بسيطه
عاصي : ( مكانش شايف احسان اصلا عنيه مكانتش بدور غير علي بدور )
عاصي : بدور انتي كويسه
بدور اول ما شافت عاصي خايف عليها كده عنيها لمعت من الفرحه
عاصي قرب عليها ومسك ايديها
عاصي : ( بخوف عليها ) انتي كويسه حصلك حاجه ؟
بدور : ( ابتسمت ابتسامه خفيفه وهي بتبص لعاصي في عنيه ) اتطمن انا كويسه
احسان شافت النظرات اللي ما بين عاصي وبدور دي مش نظرات عاديه ابدا داست علي سنانها وكانت هتموت حرفيا من الغيظ
احسان : بس انا بقي مش كويسه
(عاصي التفت لاحسان )
عاصي : انتي مين انتي كمان
احسان : انا .. انا الدكتوره احسان .. اللي عالجتك من اصابه ضهررك وانقذت حياتك
عاصي : ( حط بدور ورا ضهره ) وانتي بتعملي ايه هنا ؟
احسان : ( بتوتر ) انا .. انا كنت جايه علشان اتطمن عليك مش اكتر ومره واحده البودي جارد بتاعك اخدني وحطني في الزنزانه هنا انا مش فاهمه ايه اللي حصل وايه المكان الغريب ده ؟
عاصي : ( بص لعبد الرحيم وغالب بغضب ورجع بص لاحسان )
عاصي : اكيد سوء تفاهم مش اكتر
غاالب بص في الارض بسرعه من كتر ما كان مش عارف يعمل ايه ؟ واحسان ممكن تعمل ايه بعد اللي حصل فيها ؟
عاصي : طيب اتفضلي معايا
احسان : علي فين ؟
عاصي : اكيد مش هنسيبك هنا ( بص لغالب ) ولا ايه ياغالب ؟
غالب : ( بص لعاصي ) أه .. اه .. اه اكيد
احسان طلعت من الزنزانه .. ( وجت بدور تطلع عاصي وقف قدامها ) .
عاصي : خليكي انتي يابدور
بدور : ( بصت لعاصي وعنيها بتلمع من الدموع ) و**** ما اعرف اللي اسمه رفيق ده ولا عمرى شوفته في يوم ماتسبنيش هنا ابوس ايدك
غالب : ( بنرفزه ) انتي مش هتطلعي من هنا ابدا الا لما تقولي الحقيقه كلها اوعي تفتكرى دموعك هتأثر فينا يابت انتي .. ده لا انتي ولا عشره زيك يعرفوا يضحكوا علينا
عاصي : ( بزعيق ) غاااااااالب
غالب : ( رفع حاجبه ) نعم
عاصي : ياريت تطلع دكتوره احسان في الفيلا وتضايفها كويس هي عندنا من امبارح اكيد محتاجه ترتاح
غالب : ايوه بسسسس
عاصي : سمعت انا عايز اقولك ايه ؟
غالب : ( بتنهيده ) ايوه سمعت
احسان : ( بأندفاع ) طيب .. طيب وانت
عاصي : ( ضم حواجبه ) أنا ايه ؟
احسان : ( بتوتر ) اقصد.. اقصد مش هتيجي معانا
عاصي : اطلعوا انتوا وانا هاجي وراكم
احسان داست علي سنانها وطلعت مع غالب وعبد الرحيم قفل الباب وراهم وطبعا مفتاح الزنزانه مع عاصي
عاصي قعد في الارض وسند ضهره علي الحيطه وضم رجليه
بدور : ( بخوف ) انت .. انت هادي كده ليه ؟
عاصي : ايه غريبه اني اكون هادي
بدور : ( قربت منه وهي بضم صدرها بأيديها علشان تقفل الفستان وصدرها مش يبان )
بدور : اصل ..( بلعت ريقها ) اصل مش عوايدك تبقي هادي كده
عاصي : ( شاف بدور وهي بضم الفستان بأيديها راح خلع الچاكيت بتاعه )
بدور : لا والنبي انت هتعمل ايه تاني
عاصي : ( غمض عنيه بحنيه وهو بيهز راسه ) قربي يابدور
بدور بقت تقدم رجل وتأخر رجل وهي خايفه
عاصي : ( بزعيق ) بقولك قربي
بدور : ( بخوف ) طيب .. طيب هقرب اهوه
بدور قعدت قدام عاصي وراح عاصي جاب الچاكيت بتاعه ولبسه لبدور بدور استغربت جدا وضمت حواجبها مش فاهمه هو اللي بيعمله عاصي ده بجد
عاصي بقي يزرر لبدور الچاكيت زرار ورا التاني وهي مقربه منه وبتبصله وبتبتسم ومش مصدقه ان ده عاصي اصلا
عاصي : علشان ماتخبيش صدرك تاني بأيديكي
بدور كان شعرها من ورا جوه الجاكيت راح عاصي رفع ايده ولف ايده الاتنين حواليها وطلعلها شعرها بره الچاكيت بدور كانت قريبه منه جدا لدرجه انهم سامعين صوت انفاسهم عاصي بص لملامح بدور وركز فيها اوي ( وبقي يبصلها وأكنه بيشوف فيروزه قدامه ) ومن غير ما يحس رفع ايده بالراحه وبصوابعه بقي يلمس خدها بدور وقتها دقات قلبها بقت تعلى اوي وبقت تاخد نفسها بالعافيه ومره واحده غمضت عنيها لمسه عاصي ليها بتوديها لدنيا تانيه
عاصي : ( وهو بيلمس خدها بأيديه بكل حنيه ) تعرفي اني لسه واخد بالي ان فيكي ملامح من فيروزه
بدور : ( وهي مغمضه عنيها وسرحانه وفي دنيا تانيه اتنهدت وقالت ) قالتلي كده
عاصي : ( نزل ايده بسرعه من عليها وبصوت خشن ) قالتلك!! هي مين دي اللي قالتلك انك شبهها ؟ ( بدور كانت تقصد احسان لما قالتلها انك شبه فيروزه
بدور : ( فتحت عنيها بسرعه وبتوتر وخوف ) اقصد .. اقصد قو.. قولتلي .. ( بلعت ريقها ) قولتلي قبل كده
عاصي : ما حصلش انا اصلا وانا باخد البرشام مكنتش شايفك شبهه كنت شايفك واحده عاديه
بدور : ( بتوتر ) لا لا لا .. كنت .. كنت .. كو .. كو.. كنت
عاصي : كنت ايه انطقي
بدور : ( بتوتر ) ما انا هقول اهوه .. كنت بتقول انك شامم ريحتها فيا وده .. ده السبب اللي خلاك مت .. متموتنيش
عاصي : عندك حق .. انا فعلا كنت شامم ريحتها فيكي بس دلوقتي كمان بقيت اشوف قد ايه انتي قريبه من ملامحها
ودي حاجه مخلياني محتار .. مش عارف اصدقك ولا اصدق رفيق
بدور : ( حطت ايدها علي قلب عاصي بصيتله بابتسامه خفيفه ) صدق قلبك .. وبص في عنيا .. انا عارفه انك بتعرف اللي قدامك اذا كان بيقول الصدق ولا بتكذب من نظره عنيه .. و**** العظيم ما اعرفه وعمرى .. عمرى ما هبيعك للدرجه دي ياعاصي جت قدامي الف فرصه .. بس انا اختارت اني افضل جنبك
عاصي : ( بص في عيون بدور ولقاها بتقول الصدق حس انها فعلا مش تبع رفيق بس نبره صوتها .. ( في حاجه جواها عايزه تقولها ومش قادره وخايفه )
بدور : ( وهي لسه بتبص لعاصي بقت تقول في سرها ) ياريتني عرفتك من بطريقه تانيه غير طريقه احسان لو عرفت في يوم اني دخلت حياتك عشان اقربك من احسان عمرك ما هتسامحني في يوم
عاصي : ( وهو بيبصلها وسارح في عيونها الرمادي الغامق ) نفسي اصدقك .. نفسي اصدق انك مالكيش دعوه بأي حاجه بس حاسس ان في حاجه مستخبيه وراكي اتمني يكون احساسي غلط
------------------------------( في نفس الوقت )----------------------
احسان طلعت الڤيلا هي وغالب
غالب : تشربي ايه ؟
احسان : ( بتوتر وغيظ ) مش .. مش عايزه اشرب حاجه
تفتكر هو طلعنا وعايز بدور ليه ؟
غالب : مش عارف .. ده عاصي يعني ماحدش بيعرف هو عايز ايه ولا بيفكر في ايه ؟
احسان : ( بنرفزه ) انت علي طول كده ماتعرفش حاجه ابدا
غالب : هو في ايه .. يعني ايه معرفش حاجه ابدا تقصدي ايه بكلامك ده
احسان : لا لا ماقصدش انا بس اقصد يعني .. اني حتي لما جيتلك الشركه قولتلي انك ماتعرفش هو فين ولا تعرف عنه حاجه
غالب : ( رفع حاجبه اليمين ) شايفك مهتميه اوي بعاصي
احسان : ( بتوتر وادت ضهرها لغالب ) انا .. انت . انت بتقول ايه لاء طبعا عادي يعني
غالب : اوماااال ايه اللي جابك هنا .. وجيتي كمان الشركه بتسألي عنه
احسان : ما .. ما انا قولتلك مجرد مريض انا عالجته وجايه اسأل عنه
غالب : ( بضحكه استهزاء بكلامها ظهرت بجانب شفايفه ) لا و**** وانتي بقي بتعملي كده مع كل المرضى بتوعك
احسان : ده .. ده مش اي مريض
غالب : ( رفع حاجبه بابتسامه ) مش قولتلك
احسان : اقصد ( بلعت ريقها ) اقصد يعني ان ده عاصي بيه رجل الاعمال المعروف ويمكن يخليني الطبيبه الخاصه بالشركه بتاعته علشان انقذت حياته
غالب : ( بعدم تصديق لكلامها ) قولتيلي بقي
طيب .. وانا هعمل اني مصدقك بس عايز اقولك حاجه
غالب قرب من احسان وكانت مدياله ضهرها قرب من ودنها اكتر واتكلم بهمس
غالب : ( بوشوشه في ودنها ) بلاش تقربي من عاصي .. عاصي اللي بيقرب منه بيتحرق بناره وانتي رقيقه اوي ومش قد النار اللي هتحرقك من عاصي
احسان : ( ماهتمتش بكلام غالب ) هما .. هما اتأخروا تحت اوي كده ليه ؟
غالب : ( ضحك بصوت عالي ) انا قولتلك وبراحتك
-------------------------( في نفس الوقت )--------------------------
عاصي قام ومد ايده لبدور .. بدور مدت ايدها ومسكت ايد عاصي وقومها وقربت منه
بدور : ( بصوت كله حنيه ) باين عليك مصدقني
عاصي : انا مابصدقش حد بسهوله بس همشي ورا احساسي وهصدق انك مش تبع رفيق ..
بدور : وانا هفضل معاك وهبقي زي ضلك لحد ما تلاقي رفيق مره تانيه علشان يأكدلك اني و**** ما اعرفه ووقتها اكيد هيعترفلك هو ليه قال عني كده
عاصي : طيب مش يلا بينا
بدور : (بابتسامه ) وهي بتهز راسها من فوق لتحت
بدور : يلا
بدور طلعت هي وعاصي بره علي الجنينه وداخلين علي الڤيلا عاصي كان ماشي قدامها وبدور وراه بخطوه ومره واحده بدور كانت هتقع راحت مسكت ايد عاصي وبصيتله وضحكت
وعاصي بص وراه وبصلها وابتسملها
في الوقت ده فيروزه كانت بتراقب عاصي من ورا سور الڤيلا
فيروزه : ( بغيظ وهي ضمه ايديها من كتر الغيظ ) معقول .. معقول من بعد ما رفيق قاله انها تبعي بقي بيعاملها بالطريقه دي ولا اكنه قاله حاجه .. ( ضربت بأيديها علي السور ) اتغيرت اوي ياعاصي ده انا قولت هتقتلها اول ما تعرف انها تبع رفيق عشان اخلص منها طلعتلي منين دي
( مسكت دماغها ) دماااغي.. دماااغي هتتفرتك اتصرف ازاي واخلص منها ازاي ؟
فيروزه : ( اخدت نفس وبتكلم نفسها ) اهدي .. اهدي يافيروزه .. طول السنين اللي فاتت دي وانتي مجنناه مش هتيجي حته بت زى دي مالهاش لازمه تبوظ عليكي كل اللي عملتيه السنين اللي فاتت دي لازم تفكرى تعملي ايه علشان تبعديها عنه وترجعي تجننيه من جديد ووقتها يكتبلي كل ثروته وارميه يشحت في الشوارع واردله جزء بسيط من اللي عمله فيا زمان يا انا يا انت ياعاصي وبكره تشوف
فيروزه اخدت العربيه بتاعتها ولفت ومشيت علي بيتها عشان تفكر بهدوء
----------------------------( في نفس الوقت )-----------------------
عاصي وبدور دخلوا الڤيلا
احسان اول ما شافتهم
احسان : ( بزعيق ) ما كان لسه بدرى ياست بدور
عاصي : ( بص لبدور ورجع بص لاحسان ) نعم .. انتي بتكلميها كده ليه ؟
احسان : لا .. لا .. ابدا ماتقصدش
بدور : اصل .. اصل احنا قعدنا طول الليل مع بعض في الزنزانه وحاكيتلها عني كل حاجه وبقينا صحاب وقالتلي انها مش هتمشي من هنا غير رجلي علي رجلها تلاقيها عشان كده مستنياني
احسان : ايوه .. ايوه كده بالظبط ده .. ده اللي حصل
عاصي : بس بدور مش هتمشي من هنا ..
احسان : خلاص اللي تشوفه طبعا
عاصي : ( قرب من احسان ) انا حابب اشكرك علي اللي عملتيه معايا يا دكتوره واتمني ان اللي حصل من غالب تعتبريه غلطه مش اكتر
احسان : ( بصت لعاصي واتنهدت ) ولا أكنه حصل اصلا
عاصي : طيب تمام اوي .. انتي شكلك تعبان ومرهق وماينفعش تمشي بالشكل ده في اوضه فوق تقدرى ترتاحي فيها انتي وبدور وتاخدي شاور وتبقي تمشي اول ما ترتاحي
احسان : انا متشكره اوي ياستاذ عاصي
عاصي : بدور حاولي انتي كمان تاخدي شاور وترتاحي خالص لسه اللي جاي قدامنا كتير عشان نلاقي رفيق واتأكد من كلامك
غالب : انت هتسيبها تقعد معانا كده عادي
عاصي : اسكت انت ياغالب
عاصي : عبد الرحيم خد بدور والدكتوره وطلعهم علي الاوضه الكبيره
عبد الرحيم : تحت امرك ياعاصي بيه
بدور واحسان طلعوا فوق في الاوضه واول ما اتقفل عليهم باب واحد احسان جابت بدور من شعرها
احسان : ( وهي ماسكه بدور من شعرها ) ايه يابت اللي انا شوفته تحت ده .. اوعي يكون عينك من عاصي
بدور : أه .. اه سيبي شعري .. حرام عليكي شعرى هيطلع في ايدك
احسان : و**** العظيم لو ما لميتي نفسك معايا لهعرفك الجنان علي اصوله
بدور : انتي بتقولي ايه .. انتي فاكره ان واحد زي عاصي ده ممكن يبص لواحده زيي .. انا اول مره يتعامل معايا كويس كده معرفش بقي ده شفقه منه عليا ولا علشان شبه حبيبته اللي ماتت .. ( بلعت ريقها ) لكن مافيش غير كده مش اكتر
احسان : ولما هو مافيش غير انه بيشفق عليكي لابسه الچاكيت بتاعه ليه
بدور : علشان فستاني كله متقطع وزي الزفت علشان مابقاش عريانه قدامه وهيعمل معايا كده ومع غيري لو شافها في نفس الموقف مش اكتر
احسان : ( بخبث ) اوعي يابدور .. اوعي يابدور تبصي في يوم لعاصي .. عاصي ده انا بقوم افكر فيه وانام عشان احلم بي
بدور : انا داخله استحمي وماتقلقيش السمك لو حب الطير هيعيشوا فين
بدور سابت احسان ودخلت الحمام علشان تاخد شاور
احسان وقتها قعدت تفكر ازاي ماتسيبش الفيلا وتمشي وتفضل معاهم اطول فتره ممكنه ومره واحده جالها فكره شيطانيه جابت الشنطه بتاعتها وبقت تدور فيها زي المجنونه بتبص طلعت انبوبه فيها نقط ابتسمت ولاقت تفاحه قطعتها اربع حتت وحطت عليها النقط دي علشان تديها لبدور وتاكلها
هي قصدها ان بدور تتسمم بس لكن ما تموتش عشان تفضل في الڤيلا اطول فتره ممكنه وبكده تبقي انقذت عاصي مره وانقذت بدور مره وتزيد غلاوه عند عاصي
بس ياترى بدور هتتسمم بس واحسان هتنقذها علشان تقعد في الفيلا اطول فتره ممكنه ولا احسان مش هتقدر
تنقذها وعاصي هيعرف الحقيقه ده اللي هنعرفه الجزء اللي جاي
الجزء الرابع
بدور سابت احسان ودخلت الحمام علشان تاخد شاور
احسان وقتها قعدت تفكر ازاي ماتسيبش الفيلا وتمشي وتفضل
معاهم اطول فتره ممكنه ومره واحده جالها فكره شيطانيه جابت الشنطه بتاعتها وبقت تدور فيها زي المجنونه بتبص طلعت انبوبه فيها نقط
ابتسمت وداست علي سنانها ورفعت حاجبها اليمين وبصت للانبوبه ولفت وشها علي باب الحمام اللي فيه بدور وابتسمت ابتسامه خبيثه
لفت وشها شمال ويمين علشان تدور علي اي حاجه تحط النقط دي عليها بتبص لاقت تفاحه قطعتها اربع حتت وحطت عليها النقط دي علشان تديها لبدور وتاكلها
هي قصدها ان بدور تتسمم بس لكن ما تموتش عشان تفضل في الڤيلا اطول فتره ممكنه وبكده تبقي انقذت عاصي مره وانقذت بدور مره وتزيد غلاوه عند عاصي
بدور قلعت فستانها ورميته في الارض وكان حرفيا متبهدل اخدت الشاور بتاعها وبقت تدور علي اي حاجه تلبسها مالاقيتش لفت وشها يمين وشمال بتبص لاقت بشكير ابيض متعلق مدت ايدها واخدته ولفته عليها وبقت دراعاتها كلها باينه .. وشعرها المبلول نازل علي عنيها طلعت وهي بتحاول تنشف نفسها
بدور : انا خلصت يا احسان لو حابه تدخلي تستحمي
احسان : ( بقرف ) احسان ايه احسان دي انتي مالك اخدتي عليا اوي كده ليه حد قالك انك هتصاحبيني
بدور : انا ماقصدش
احسان : اسمي الدكتوره احسان ( رفعت حاجبها واتنفست في وش بدور ) ولاء تقصدي انا عارفه الاشكال اللي زيك كويس تمديلهم ايديك يعضوا دراعك
بدور : للدرجه دي انتي شفياني قليله
احسان : انا مش شيفاكي اصلا علشان اشوفك قليله ولا مش قليله
بدور : (بصت في الارض ) طيب يادكتوره احسان حقك عليا
احسان : انا داخله اخد شاور يارب بس ماتكونيش وسختي الحمام بقرفك ده
بدور : ( غمضت عنيها واخدت نفس ودموعها بقت تلمع في عنيها قعدت علي السرير وهي مخنوقه جدا بتبص لاقت التفاح متقطع قدامها وهي جعانه جدا وبقالها فتره ما أكلتش احسان كانت فاتحه باب الحمام ومورباه الباب حاجه بسيطه اوي عشان تشوف بدور هتاكل التفاحه ولا لاء ولسه بدور بتمد ايدها علشان تاخد قطعه من التفاح اللي في الطبق احسان ابتسمت ولسه هتحطها علي بوقها الباب خبط بدور سابت التفاحه وراحت ناحيه الباب
احسان : ( وهي ورا باب الحمام ) يوووه هو ده وقته
بدور فتحت باب الاوضه ويادوبك طلعت راسها من الباب بالجنب كده وخبت بقيت جسمها وهي ماسكه الفوطه اللي لفاها بأيد وماسكه الباب بالأيد التانيه
بدور : مين
عاصي : ( كان ماسك فستان في ايديه ) انا عارف انك معندكيش حاجه تلبسيها علشان كده جيبتلك الفستان ده
بدور : انا .. انا متشكره اوي مش عارفه اقولك ايه .. انا فعلا مكنتش عارفه البس ايه ؟
عاصي : عارف علشان كده جيبتهولك مش عارف اذا كان هييجي مقاسك ولا لاء علشان هو بتاع چيهان والده غالب بس اوعدك اول ما افضي هاخدك وننزل نجيبلك اللي انتي عايزاه
بدور : مش لازم تتعب نفسك
عاصي : ( شاورلها علي الفستان وهو في ايديه ) خدي الفستان
بدور : ( بحركه لا اراديه منها سابت الباب ومدت ايدها اخدت الفستان والباب اتفتح وبقت قدام عاصي بالبشكير عاصي بصلها وقرب منها خطوه بدور بصت كده لعاصي وبصت لنفسها وقفلت الباب بسرعه في وش عاصي وهي معاها الفستان وسندت ضهرها علي الباب وغمضت عنيها وهي بتبتسم واتنهدت تنهيده طالعه من قلبها بجد
عاصي ووشه في الباب بالظبط ابتسم ورجع خطوه لورا ورجع شعره لورا وهو مبسوط
عاصي : ( وهو بينزل علي السلم ) طيب تمام خلصي لبس ومستنيكي علشان نفطر سوا
بدور كانت لسه واقفه ورا الباب ومبتسمه وشاورت براسها فوق لتحت كده بأنها هتنزل من غير ما تتكلم
عاصي : ( حط ايده علي ودنه وهو نازل وبصوت عالي ) ايه مش سامع
بدور : ( بصوت عالي علشان يسمع ) حااااااضر
احسان كانت كل ده بتبص علي بدور من ورا باب الحمام اللي في الاوضه واول ما بدور اتحركت خطوه بعيد عن الباب
احسان قفلت باب الحمام بسرعه
احسان : ( وهي دايسه علي سنانها ) يابنت ال .... و**** لا وريكي
----------------------------( في نفس الوقت )--------------------
فيروزه روحت الڤيلا بتاعتها اللي في وسط الصحرا
وهي مخنوقه من اللي شافته مكفهاش العذاب اللي عذبته لعاصي السنين اللي فاتت دي كلها لسه في نار في قلبها مش عارفه تطفيها
فيروزه : ( بتكلم نفسها ) وبعدين اعمل ايه اسيب بت زي دي تاخده كده وتنسيه مين هي فيروزه بعد السنين اللي فاتت دي كلها
( ضربت بأيديها علي ازاز المكتب بغل وغيظ ) بس.. بس ده كان بيبصلها زي ما كان بيبصلي نظره عنيه ليها مش عاديه .. حتي ضحكته ليها نفس ما كان بيبتسملي بالظبط ( حطت ايدها علي قلبها ) انا ليه حاسه بنار جوايا .. معقول .. معقول بعد اللي. عمله فيا أكون لسه بحبه والنار اللي جوايا دي علشان بغير عليه
لا .. لا .. لاء فوقي يافيروزه انتي مابقتيش البنت الصغيره الضعيفه بتاعت زمان .. ده مايستحقش انك حتي تشفقي عليه .. انا هظهرلك ياعاصي وساعتها هنشوف هتعمل ايه لما تعرف اني لسه عايشه
--------------------------( في نفس الوقت ) ------------------------
غالب : احنا هنقعد مع البت دي علي الفطار
عاصي : اسمها بدور ما سميهاش بت
غالب : هو في ايه ياعاصي انت ليه مصدق اوي كده ان البت دي مش تبع رفيق
عاصي : عشان فيروزه مالهاش اخوات .. وبدور لو كانت عايزه تهرب كانت هربت معاه لما مدلها ايده وقلها تعالي معايا
غالب : ما ممكن تكون بتعمل كده عشان لسه لعبت رفيق ماخلصتش
عاصي : نظره بدور لرفيق وانها مش فاهمه هو بيقول ايه وبيتكلم عن ايه كانت نظره حقيقيه جدا انا شوفتها وبعدين لو تبعه اكيد هيحاول يتواصل معاها .. اهوه نحسسها بالأمان علشان تعرف تتحرك براحتها وتدلنا عليه مع ان واثق انها مش تبعه بس علشان اريحك مش اكتر
غالب : تقصد ان هنحطها تحت المراقبه
عاصي : بالظبط كده
غالب : ماشي وهي لو طلعت مش تبعه تبقي حلال علينا البت اصلها صغيره ومووووووووووز
عاصي : ( قام وقف ومسك غالب من رقبته ) انت بتقول ايه ..
غالب : ( وشه احمرررررر ومش قادر يتكلم ) ع .. عاا .. عااصي .. ه.. هم.. همووت
عاصي : البت دي انقذتني من الموت كذا مره ولو طلعت سليمه ومافيش شك من ناحيتها خالص .. انا ناوي اكافئها علي اللي عملته معايا .. من الاخر البت دي في حمايتي انت فاهمني
غالب : ف .. فا .. فاهمك .. ب.. بس .. نزلني
عاصي نزل ايده وغالب وقع مرمي في الارض
غالب : ( وهو حاطط ايده علي زوره وبياخك نفسه بالعافيه ) انت كنت هتموتني
عاصي : ( وهو مدي ضهره لغالب ) لو عايزنا نرجع زي الاول مع بعض ياغالب البت دي هتبقي في حمايتك وفي حمايتي لحد ما الحقيقه تبان فاهمني يا ابن اخويا
غالب : وانا مش هكسررلك كلمه ياعاصي اللي تشوفه
عاصي : خللي عبد الرحيم يستعجلها هي ما أكلتش حاجه من يومين
غالب : ( بصوت عالي ) عبد الرحييييييييم
--------------------------( في نفس الوقت )--------------------------
بدور كانت في الاوضه بتلبس الفستان اللي جابهولها عاصي وبعدها وقفت قدام المرايه علشان تسرح شعرها
احسان طلعت من الحمام وهي بتنشف شعرها
احسان : اي الشياكه دي كلها
بدور : ( بلعت ريقها ) ده عاصي ... ( لسه هتكمل )
احسان : عارفه سمعت كل حاجه
بدور : اه .. كتر خيره
احسان : مش قولتلك ان عاصي قلبه ابيض وبيشفق علي الناس كلها
بدور : انا عارفه انتي تقصدي ايه ؟ وبتلمحي لايه ؟
احسان : طيب كويس انك عارفه عشان تعرفي حدودك كويس
بدور خلصت تسريح شعرها وحطت المشط علي السرير
لاقت طبق التفاح لسه موجوده ولسه هتقرب علشان تاخد التفاحه احسان ابتسمت راح الباب خبط احسان داست علي سنانها مره تانيه وقالت في سرها
احسان : يادي المصيبه مين تاني
عبد الرحيم : عاصي بيه بيقولكم الفطار جاهز
احسان : احنا نازلين
بدور : انا هنزل وابقي حصليني
احسان : لا ياحلوه رجلي علي رجلك هخلص وننزل سوا
بدور : اللي تشوفيه
احسان خلصت وسرحت شعرها بدور جت تفتح الباب علشان تنزل احسان زقتها من دراعها لورا وخليتها تنزل وراها
احسان : اتأخرنا عليكم
عاصي : لا ابدا
غالب : مش اوي
بدور جت تقعد جنب عاصي علي طرابيزه السفره راحت احسان بصيتلها راحت بدور قعدت جنب غالب
احسان : ڤيلتك حلوه اوي ياعاصي بيه
عاصي : مش احلي من الطبيعه اللي عايشه فيها يادكتوره
احسان : ما بلاش دكتوره دي انا اسمي احسان بس
عاصي : ما بحبش اشيل الالقاب لناس ماعرفهاش
غالب ابتسم وضحك
احسان وشها احمررر
عاصي : مابتاكليش ليه يابدور
بدور : ما انا باكل اهوه
عاصي وغالب واحسان كانوا بياكلوا بالشوكه والسكينه
وبدور مش عارفه تاكل بيهم
غالب حس بكده راح بصلها وبقي يشاورلها تاكل بأنهه شوكه
وبدور بقت تعمل زي ما بيقولها عاصي حس كده وشافها وهي متلغبطه راح طلب من غالب انه يديله العيش
عاصي : غالب هات العيش اللي هناك ده
غالب : ( ابتسم ) واداله العيش
وبقي عاصي ياكل بالعيش وبعد الشوكه والسكينه علي جنب
وبقت بدور تاكل بالعيش زي عاصي
احسان : ( اتغاظت اكتر وخبطت بأيديها علي الطرابيزه ) انا قاااااايمه
غالب : ( بابتسامه ) ايه مروحه
احسان : ( بتوتر ) ايه .. لاء اقصد انا هاروح بالليل علشان لسه تعبانه من اللي حصل انا هطلع فوق ارتاح شويه
ده بعد اذنك طبعا ياعاصي بيه
عاصي : اكيد طبعا اتفضلي
احسان طلعت وهي اتأكدت ان عاصي بدور بالنسباله مش بنت عاديه
غالب : عاصي انا هاروح الشركه وهحاول اشوف اي اخبار عن رفيق
عاصي : تمام وانا هنزل انا وبدور مشوار وهجيلك علي هناك
غالب : تمام
غالب اخد الچاكيت بتاعه من علي الكرسي ومشي
بدور : هانروح فين
عاصي : خلصي أكلك وبعد كده هتعرفي هانروح فين
بدور: انا خلصت
عاصي : بسرعه كده
بدور : اه اكلت و****
عاصي : طيب تعالي معايا
عاصي اخد بدور ووداها مجمع كبير اوي فيه كل حاجه
بدور: ( وهي واقفه قدام المجمع ) احنا .. احنا هندخل هنا
عاصي : اه هندخل هنا
بدور : تعرف ان الامن دايما لما كنت ادخل موول مالووش لازمه كان اول مايشوف شكلي انا والبنات مكانش بيرضي يدخلنا .. كنا دايما بنبص علي البنات اللي بتشترى
هدوم وتاكل وتضحك من بعيد وكنت بتمني اني ابقي زيهم في يوم
عاصي : بس كده وأدي حلمك اتحقق وهتبقي احسن منهم كمان
بدور : ايوه بس الجزمه بتاعتي شكلها وحش اوي
هتكسف ادخل بيها كده وهي مقطعه
عاصي : اقلعي الجزمه
بدور : ( باستغراب ) نعم
عاصي : بقولك اقلعي الجزمه
بدور : ايوه بسسسس .. بس هدخل الموول حافيه
عاصي بصلها واتنهد
بدور : خلاص .. خلاص هقلع الجزمه
بدور قلعت الجزمه وعاصي خد الجزمه ورماها في السله
بدور : جزمتي معنديش غيرها
عاصي وطي وشال بدور ودخل بيها الموول
بدور بقت تفرك برجليها
بدور : عاصي انت بتعمل ايه ياعاصي نزلني الناس بتتفرج علينا
عاصي : ( وهو شايلها وماشي بيها ) تفتكرى واحد زيي يهمه الناس تقول عليه ايه
بدور : ( بقت بتخبط بأيديها علي صدر عاصي) عاصي نزلني علشان خاطرى و**** مكسوفه اوي
عاصي دخل ببدور محل الجزم واللي بتشتغل في المحل جت
البنت : معقول عاصي بيه عندنا اتفضل
عاصي نزل بدور في الارض
عاصي : عايز كل الجزم الحلوه اللي عندك للبنت دي
البنت : بصت لبدور من فوق لتحت
عاصي : ايه مش عجباكي
البنت : لا لا لا ابدا انا ماقولتش حاجه
عاصي : اومال بتبصلها كده ليه
البنت : انا ماقصدش
عاصي : طيب شوفي شغلك حالا
------------------------( في نفس الوقت )-------------------------
غالب راح الشركه
غالب : احمد تعلالي المكتب حالا
احمد : اؤمرني ياغالب بيه
غالب : رفيق عايزك تجيبلي كل حاجه عنه الفتره اللي فاتت كان بيروح فين .. بيقابل مين وبيعمل ايه .. اي معلومه صغيره ممكن تخليني اعرف مكانه تعرفها عنه انت فاهمني طبعا
احمد : اكيد فاهمك ياغالب بيه
غالب : طيب ما تتحرك انت واقف كده ليه ؟
احمد : اصل .. اصل اخر مره رفيق بيه كان سايب كارت ميمورى لو تفتكر حضرتك
غالب : ايوه فاكر
الكارت الميمورى ده رفيق بيه كان بيصور نفسه وهو بيعترف عليك لعاصي بيه بس ثواني كده
احمد شغل الكارت الميمورى علي اللاب توب
بص كده هنا علي الشباك ده في خيال حد في الازاز ورا الكاميرا كان بيصوره لو قربنا بقي الشباك وعملنا زووووم
( احمد بقي بيقرب الصوره الفيديو ) هنلاقي ان الشباك بيودي علي صحرا يعني مش في وسط البلد يعني هو لو مستخبي فعلا بلاش ندور عليه في الاماكن التقليديه هندور عليه في حتت في الصحرا
غالب : يابن الايه ... انت عندك حق فعلا
احمد : اهم حاجه عندي رضاك عليا و****
غالب : ده انا مش بس راضي عنك ده انت هيبقي ليك مكافأه حلوه اوي كمان لو عرفت فين المكان ده بالظبط
احمد : ان شاء **** يافندم
احمد طلع وساب غالب
غالب : و**** ما هسيبك يارفيق الكلب
-----------------------( في نفس الوقت)------------------------------
بدور : دي جزم كتييييير اوي ياعاصي
عاصي : اختاري منها اللي انتي عايزاه واللي تحبيه
بدور : بس كل ده .. ده كتير اوي انا مش عارفه اختار ايه ولا ايه
عاصي: بس كده يبقي خلاص
( عاصي بص للبنت ) يبقي هاتيهم كلهم
البنت : تحت امرك ياعاصي بيه
بدور : ( بفرحه ) انا ماقصدش انا اقصد
عاصي : بس انا بقي اقصد .. كلهم حلوين عليكي
بدور لبست جزمه منهم كعبها كان عالي اوي
بدور : انا عارفه اني قصيره ونفسي ابقي طولك في يوم
بدور كانت بتمشي بالجزمه وهي لسه في المحل علشان تجربها
عاصي : حاسبي هتقعي
بدور مره واحده وقعت بس وقعت في حضنه
عاصي بصلها وابتسم
عاصي : مش قولتلك هتقعي
بدور : مابقعش وانا معاك
اليوم ده كان حلو جدا ومميز لبدور عاصي كان بيلف بيها الموول كله حرفيا جابلها هدوم كتيره اوي وهما ماشيين جابلها ايس كريم وبقت توقع علي نفسها
بدور : انا مش عارفه بيسيح مني ليه
عاصي قرب منها واخد الايس كريم من ايديها وايده لمست ايدها وهو بياخده منها ولحس الايس كريم بتاعها اللي كان واقع علي البسكوته
عاصي : افتكر كده مش هيسيح منك
بدور : بصت كده وهي مش مصدقه ان عاصي اكل من وراها
وفضلت واقفه ومتنحه
عاصي : ( سابها ومشي وهو ماشي ) هتفضلي واقفه ومتنحه كده كتير
بدور انتبهت لنفسها وطلعت تجرى عشان تلحق عاصي
عاصي اخد الحاجه وركب العربيه ورجعوا الڤيلا سوا علي بالليل وهما مبسوطين جدا وكان معاها شنط كتير
عاصي : استني انا هنده علي عبد الرحيم يطلعلك الشنط دي كلها في اوضتك فوق
احسان كانت واقفه في البلكونه وهي ميته من الغيظ
احسان : معلش افرحي دلوقتي وحياتك لا هخليكي تشوفي المووت بعنيكي
غالب جه من بره وهو مخنوق جدا
عاصي : في ايه ياغالب
غالب : مش عارف العربيه اول مره تبوظ مني كده جيت بيها بالعافيه وكانت كل شويه تقف مني في السكه
عاصي : خلاص اوبقي خد عربيتي بكره
لحد ما نشوف فيها اي
غالب : تمام
عاصي : ما انا قولتلك غيرها من بدرى
غالب : انت عايزني اغير عربيه ابويا دي الحاجه الوحيده اللي فضلالي منه
عاصي : طيب اللي تشوفه
غالب : اي الشنط دي كلها
بدور : طيب انا هطلع بقي فوق
عاصي : ماشي اطلعي انتي ارتاحي
بدور طلعت وعاصي جاله تليفون مهم من الشركه
عاصي :الوووووو
اللي بيكلمه :_____
عاصي : انت بتقول ايه وحصل امتي الكلام ده
اللي بيكلمه: _________
عاصي : طيب .. طيب انا جاي بسرعه
عاصي قفل الفون
غالب : في ايه ياعاصي
عاصي : في مخزن في الشركه ولع واتصلوا بالمطافي
غالب : انت بتقول ايه انا جاي معاك
عاصي : لاء خليك انت لازم حد يكون في الڤيلا انت عارف ليه خليك معايا علي تليفون وانا هطمنك
غالب : ماشي اللي تشوفه
عاصي ركب عربيته بسرعه جدا وبقي يسوق زي المجنون
---------------------( في نفس الوقت )------------------------
احسان : اهلا اهلا بالقمر
بدور : انتي بتكلميني انا
احسان : اه طبعا
اتأخرتي كده ليه ده انا حتي قلقت عليكي
بدور بصت وراها كده تشوفها اذا كانت بتكلم حد غيرها
احسان : ايوه يابنتي بكلمك انتي
احسان قعدت علي السرير
احسان : انا عارفه انك فكراني حد اناني وطماع ومش بطيقك بس انا مش كده خالص
بدور : انا ماقولتش كده
احسان بقت تقطع التفاحه لبدور اكتر
خدي يابدور
بدور : لا و**** مش قادره انا اكلت كتير اوي النهارده
احسان : ( بزعل ) كده تكسفي ايدي
بدور : لا لا ماقدرش بدور مدت ايدها وخدت التفاحه
----------------------------
عاصي كان ماشي بالعربيه علي الطريق ومره واحده لقي الطريق وقف وزحمه وفي عربيات كتير لف العربيه بتاعته ودخل في طريق جانبي علشان يوصل بسرعه ومره واحده ظهرت واحده قدامه علي الطريق وعاصي مكانش شايف قدامه من كتر ما كان بيسوق بسرعه مره واحده طلعت قدامه حاول يدوس علي الفرامل مالحقش راح خبطها بالعربيه وقعت قدامه نزل من العربيه علشان يشوف البنت اللي خبطها وهي مرميه قدامه بيبص لقاها فيروزه
عاصي حطها ما بين ايديه
عاصي : فيروزه 😧😧
--------------( في نفس الوقت) ----------------
بدور مدت ايديها واخدت التفاحه من احسان واكلتها ومافيش في ظرف خمس دقايق حست بسكاكين بتتقطع في بطنها
بدور : ااااااه .. مش .. مش قادره بطني .. بطني يا احسان مش قادره
احسان : ( بخبث ) مالك يابدور فيكي ايه
بدور : ااااااااااااه
غالب سمعها من كتر الصريخ في بطنها
غالب طلع الاوضه بتاعتهم بسرعه
غالب : في ايه
احسان : مش عارفه .. مالها مره واحده لاقيتها ماسكه بطنها
غالب : انتي مش دكتوره ماتشوفي مالها بسرعه
احسان : مش معايا الادوات بتاعتي عشان اكشف عليها
بدور وقعت في الارض ومره واحده بقت تطلع رغاوي من بوقها
غالب : الاسعاف احنا لازم نتصل بالاسعاف
احسان : مافيش وقت دي باين عليها حاله تسمم لازم ناخدها نوديها مش هنستني الاسعاف تيجي
غالب شال بدور بسرعه
وحطها في عربيته وجه يشغل العربيه ماكانتش راضيه تدور
غالب : العربيه مش راضيه تشتغل هنعمل ايه دلوقتي
احسان : كلم عاصي شوفه فين خليه ييجي بسرعه هو اكيد ما بعدش عن هنا
غالب اتصل بعاصي اللي كان في نفس اللحظه ماسك فيروزه ما بين ايديه ومش مصدق انه شايفها وهي معاه وكان فاكر التهيوئات رجعتله من تاني
الفون رن
عاصي : طلع الفون من جيبه من كتر ما كان متوتر فتح الفون
ووقع من ايده في الارض وهو لسه بيبص لفيروزه
عاصي : ----------------------
غالب : عاصي انت لازم تيجي حالا بدور بتموت والعربيه مش راضيه تتحرك لازم نوديها المستشفي
عاصي كان سامع اللي غالب بيقوله راحت فيروزه اتكلمت بالعافيه وهي بتحاول تفتح عنيها
فيروزه : ماتسبنيش ياعاصي انا بموووت لازم توديني المستشفي حالا
ياترى عاصي هيودي فيروزه المستشفي الاول وبعد كده يروح لبدور ولا هايروح لبدور ويسيب فيروزه ده اللي
هنعرفه قريب...
الجزء الخامس
غالب : عاصي انت لازم تيجي حالا بدور بتموت والعربيه مش راضيه تتحرك لازم نوديها المستشفي
عاصي كان سامع اللي غالب بيقوله بس حرفيا كان باصص لفيروزه وكان في حته تانيه خالص ومش مصدق اللي بيحصل قدامه
راحت فيروزه اتكلمت بالعافيه وهي بتحاول تفتح عنيها
فيروزه : ماتسبنيش ياعاصي انا بموووت لازم توديني المستشفي حالا
غالب : ( وهو ماسك الفون علي ودنه وبيتكلم فيه ) عاصي .. عاصي انت روحت فين ..
السما مره واحده مطرت وبقت تنزل مطر شديد
غالب : ( بيبص لبدور لقاها طلعت رغاوي اكتر من بوقها ) عاصي رد ياعاصي بسرعه مافيش وقت بس عاصي وقتها مابيردش
عاصي كان واقف قدام العربيه وماسك فيروزه ما بين ايديه وهو مش مصدق انه شايفها رفع ايديه وبقي بضهر صوابعه يلمس ملامحها كان خايف انها تبقي تهيوات والحاله تكون رجعتله من جديد فيروزه وهو بيلمس ملامحها اتنهدت وغمضت عنيها وبقت مش قادره تتحرك
عاصي مره واحده فاق لنفسه واتكلم
عاصي : ( وهو بيهز بأيديه فيروزه والمطره نازله عليهم وبقي مبلول حرفيا ) فيروزه فوقي يافيروزه اصحي .. ما انا مش هسيبك تضيعي مني تاني انا ماصدقت لاقيتك
( تليفون عاصي كان وقتها في الارض قدامه وغالب كان بيتكلم )
غالب : الو .. الو .. رد ياعاصي لازم ترد
عاصي بص للتليفون وساب التليفون مكانه وشال فيروزه بسرعه جدا وركبها العربيه بتاعته وقفل الباب ولف الناحيه التانيه وركب جنبها .. عاصي قرب منها وبقي يحطلها حزام الامان وهو مش مصدق انه شايفها ..
عاصي ساق العربيه بسرعه جدا ومن شده المطره مكانش شايف قدامه شغل مساحات العربيه وطلع علي الطريق مره تانيه وبقي زي المجنون عاوز يوصل للمستشفي بأي طريقه
-------------------------( في نفس الوقت )------------------------
غالب : عاصي مابيردش
احسان : ( خافت لا بدور تموت احسان مش قتاله قتله مهما كان ) وبعدين هنعمل ايه الرغاوي دي بتبين انها حصلها تسمم لازم نلحقها ونعملها غسيل معده فورا .. احنا كده ماقدمناش غير ان احنا نتصل بالاسعاف
غالب : ( بنرفزه ) احنا لسه هنستني الاسعاف تيجي وعلي ماتوديها تكون ماتت
احسان : وبعدين عندك حل تاني
غالب بص شمال ويمين ومره واحده
غالب : ( شال بدور والمطره بتمطر والارض كلها كانت طينه حرفيا شالها وطلع بيها بره الڤيلا )
احسان : ( احسان مشيت ورا غالب بخطوات ) انت رايح فين و هتعمل ايه ؟؟
غالب : ( والمطره كلها جايه عليه ومبهدلاه حرفيا ) هلحقها .. ( بص وراه لاحسان وهو شايل بدور ما بين ايديه ) بدور ماينفعش تموت .. لو ماتت مش هعرف اجيب رفيق الكلب ده تاني ( داس علي سنانه ) علشان كده لازم تعيش
غالب طلع بره الڤيلا واحسان طلعت وراه
وطلع علي الطريق وبقي يحاول يوقف اي عربيه بتيجي قدامه بس للاسف مكانش في اي عربيه راضيه تقف
____________( في نفس الوقت )_____________
عاصي : ( وهو بيسوق بسرعه جدا بقي يبص جنبه لفيروزه )
عاصي : انتي ازاي عايشه .. ( رفع ايده وبقي يبص لايديه ) انا خنقتك بأيديا دوول .. معقول تكوني مكنتيش ميته الفتره اللي فاتت دي كلها
فيروزه : ______________
عاصي : مش مهم .. مش مهم اي حاجه المهم انك عايشه .. المهم اني ماقتلتكيش يافيروزه
____________( في نفس الوقت )______________
غالب لسه شايل بدور ما بين ايديه وبيجرى بيها
احسان : ( بنهجه ) استني ياغالب كده بدور هتموت مش هنلحقها
بس غالب ماسمعش كلام احسان وبقي بيجرى بيها اكتر لحد ما وقف في نص الطريق وهو شايل بدور والمطره في كل مكان ونازله عليهم هما الاتنين ووقف قدام العربيات اللي جايه عالطريق بسرعه جدا
احسان : ( بتنادي علي غالب وهي واقفه بعيد ) بتعمل ايه يامجنون هتموت وتموتها معاك
بس غالب وقتها مكانش بيتحرك وواقف وغمض عنيه
____________( في نفس الوقت )_____________
عاصي اخيرا وصل المستشفي بسرعه ونزل من العربيه ورزع الباب بتاعه ولف وفتح باب فيروزه وشالها ودخل بيها باب الطوارىء بسرعه
عاصي : ( بعلو صوته ) دكتووووووور حد يجيب دكتور بسرعه
الممرضه جابت الترولي
الممرضه : ارجوك حطها هنا بسرعه
عاصي : ( حط فيروزه علي الترولي ومسك ايدها وبقي ماشي معاها )
الممرضه : ارجوك سيب ايدها علشان نقدر نشوف شغلنا
عاصي : مش هقدر .. مش هقدر اسيبها
الدكتور : ارجوك لازم تسيب المريضه علشان اقدر. اكشف عليها
عاصي : ( بنرفزه وصوت عالي ) قولتلك مش هسيبها .. مش هسيبهااااااا .. انا ماصدقت لاقيتها
____________( في نفس الوقت )______________
غالب كان شايل بدور وواقف بيها في نص الطريق وجت عربيه بسرعه جدا اللي سايق مكانش شايف قدامه من كتر المطره ومره واحده داس علي الفرامل العربيه عملت صوت فرمله رهيييييييييبه
احسان : غااااااااالب
وغالب ماتحركش ولا حركه وغمض عنيه وهو مستني يا العربيه تقف يادوسهم وعلي اخر لحظه العربيه وقفت قدامهم
اللي بيسوق : ( نزل وهو متعصب جدا ) انت حيوااااان
غالب ماتكلمش ولا كلمه وفتح باب العربيه التاني وحط بدور
صاحب العربيه : انت بتعمل ايه ياحيوان انت ده انا هوديك في داهيه
غالب وقتها ضربه بالروسيه في راسه خليته يفقد الوعي وركب مكانه واحسان طلعت تجرى ركبت ورا وبقي سايق بأسرع ما عنده واحسان كل شويه كانت تمسك معصم بدور وتحس نبضها
غالب : ( وهو سايق بأسرع ما عنده ) ايه لسه عايشه
احسان : ايوه بس النبض ضعيف لازم نلحقها وبسرعه
غالب حط رجله علي البنزين اكتر وبقي سايق بسرعه كبيره اوي لحد ما اخيرا وصلوا المستشفي
الدكتوره احسان بصت للممرضه : انا الدكتوره احسان ومعايا حاله بتموت. لازم نعملها غسيل معده فورااا
الممرضه: طيب تعالي معايا
غالب كان ماسك بدور ومش راضي يسيبها
احسان : سيبها ياغالب .. سيييييب بدور
غالب : بدور مش هينفع تموووت
احسان : مش هتموت .. مش هخليها تموت
غالب حط بدور علي الترولي واخيرا سابها وبقي شايفها وهي بتبعد عنه وداخله جوه
__________( في نفس الوقت)____________
الدكتور : يا استاذ بقولك لازم تسيبها مش هينفع كده صدقني
عاصي : ( بزعيق ) قولتلك مش هسيبها انت ايه مابتفهمش
غالب سمع صوت زعيق من الجهه التانيه راح يشوف في ايه
بيبص لقاه عاصي غالب جرى عليه
غالب : عاصي بتعمل ايه ؟
عاصي : عايزين ياخده فيروزه مني انا مش هسيبها تضيع من ايدي تاني ياغالب
غالب : ( بعدم فهم ) فيروزه 🙂🙂
عاصي سند علي الحيطه ونزل بضهره علي الارض
غالب قعد وبقي في مستوى عاصي
غالب : عاصي انت رجعتلك التهيؤات تاني .. فيروزه مين اللي مش هتسيبها تضيع منك انا مش فاهم حاجه
عاصي : ( رفع راسه وبص لغالب ) فيروزه ما ماتتش ياعاصي .. فيروزه عايشه
غالب : ( بعدم تصديق ) قوم معايا ياغالب .. قوم معايا علشان خاطرى
عاصي : انت مش مصدقني .. صح ؟
غالب : ( بتوتر ) انا . انا ماقصدش . انا بس
عاصي : انا هخليك تشوفها بعنيك لو مش مصدقني اول ما الدكتور يطلع من عندها
غالب برضوا مكانش مصدق عاصي بصله وابتسم ولسه هيتكلم الدكتور طلع
عاصي : ( بكل لهفه ) ايه .. هي عامله ايه دلوقتي ..
الدكتور : مين فيكم عاصي
عاصي : ( شاور علي نفسه ) انا .. انا عاصي
الدكتور : المريضه مابطلتش مناديه عليك
عاصي : طمني عليها هي عامله ايه دلوقتي
الدكتور : ماتقلقش عليها هي كويسه دلوقتي مجرد خدوش في الراس والدراع بس للاسف رجليها اتشرخت فلازم تتجبس وتقعد في الجبس مش اقل من اسبوعين
عاصي : يعني ايه .. يعني كويسه ولا لاء
الدكتور : يعني هنسيبها ترتاح شويه مع الادويه اللي هندهالها هتبقي كويسه ان شاء ****
عاصي : طيب اقدر ادخلها
الدكتور : اه طبعا تقدر .. بس ارجوك ماتقعدش معاها كتير علشان نسيب المريضه ترتاح
عاصي مشي ودخل الاوضه وغالب مش مصدق انه بيتكلم عن فيروزه لاخر لحظه
واول ما دخل الاوضه غالب اول ما شافها اتصدم
غالب : ( وهو متنح ) دي فعلا فيروزه
عاصي قعد جنب فيروزه علي السرير وفيروزه دماغها متربطه بشاش ودراعها ملفوفه ورجليها اتشرخت
عاصي فضل باصصلها وهو مش عارف يعمل ايه حرفيا ياخدها في حضنه .. ولا يبعد عنها .. ولا يقربها منه مشاعر متلخبطه من واحد متلخبط بس افتكر انها خانته وافتكر يوم الحفله واللبس اللي كانت لبساه راحت ريأكشنات وشه كلها اتغيرت
عاصي : ( بلع ريقه وبص لغالب ) صدقتني دلوقتي
غالب : ( وهو مش فاهم حاجه ) انا كل حاجه اتلغبطت بالنسبالي
غالب : ايوه صدقتك بس .. بس انتي ازاي عايشه ؟
فيروزه: ( ودت وشها الناحيه التانيه وماتكلمتش )
عاصي : يعني انت شايفها زي ما انا شايفها ياغالب
غالب: ايوه ياعاصي دي فيروزه فعلا مش تهيؤات
عاصي : ( بنرفزه وضم حواجبه وريأكشنات وشه اتغيرت ) انتي ازاي ما موتيش ؟
فيروزه : _______________
عاصي : انتي مابتتكلميش ليه ؟ انطقي
فيروزه : __________
عاصي ابتدي يتعصب اكتر وصوته يعلي
فيروزه : ( بهدوء لفت وشها يمين وبصت لعاصي ) عمرك ما تغيرت ياعاصي مهما تعدي عليك السنين عصبي .. وصوتك عالي
عاصي : ( وهو بيشاور علي جبينه ) انا عايز افهم محتاج افهم انتي عايشه ازااااااااي ..
فيروزه : ده كل اللي يهمك .. انك تفهم وبس
عاصي : ( قعد جنب فيروزه ومسكها من ايديها الاتنين وبقي يهز فيها )
عاصي : ( بصوت عالي ) ما انتي لازم تفهميني حالا كل حاجه انتي ماتعرفيش انا عيشت ال ١٣ سنه دوول ازاي ؟
فيروزه : طول عمرك اناني مابتفكرش غير في نفسك وبس طيب ما سألتش نفسك انا عيشت السنين دي كلها ازاي
الممرضه جت تجرى علي الصوت العالي
الممرضه : انت بتعمل ايه يا استاذ..
الامن نادوا الامن بسرعه
غالب : أمن ايه وبتاع ايه سيبها ياعاصي سيبها دلوقتي
عاصي : انا لازم افهم مش هينفع اسيبها ياغالب
غالب : ( وهو ماسك عاصي وبيزق فيه وبيطلعه برا) هتفهم كل حاجه ياعاصي بس مش دلوقتي انا كمان عايز افهم اكتر منك بس كل حاجه وليها وقتها
غالب طلع عاصي بره الاوضه
والممرضه قعدت مع فيروزه ومنعوا اي حد يدخل عليها
غالب وقف بره في الطرقه هو وعاصي
غالب : اهدى ياعاصي مش كده
عاصي طلع سيجاره من جيبه وبقي يدور علي الكبريت في جيوبه مالقاش غالب طلع الكبريت من جيبه وحدفه لعاصي
عاصي ولع السيجاره وكأنه بيطلع فيها كل همه
غالب : انت فاكر اني مش عايز اعرف ازاي هي مماتتش انا زيك ويمكن اكتر منك كمان بس كل حاجه بالعقل
عاصي : عقل .. انا خلاص مابقاش فيا عقل ياغالب مش قادر استوعب
احسان جت وهي بتمد وبتدور علي غالب
احسان : غالب انت كنت فين انا كنت بدور عليك
غالب : ليه ؟ بدور جرالها حاجه ؟
عاصي : بدور .. مالها بدور فيها ايه ؟
غالب : انا كلمتك في الفون وقولتلك انها اكلت حاجه مسممه
عاصي : وازاي ماتقوليش
احسان : احنا كلمناك بس انت .. ( لسه هتكمل )
عاصي : هي فين دلوقتي
احسان : احنا جيبناها المستشفي هنا .. وعملنالها اللازم وهي هتبقي كويسه دلوقتي
عاصي : والتسمم ده جالها من ايه
احسان : اكيد انتوا اكلتوا حاجه بره وانتوا كنتوا سوا منتهيه الصلاحيه عملتلها تسمم
عاصي : مافيش حاجه بدور اكلتها واحنا سوا انا ما اكلتش منها .. اكيد في حاجه تاني هي فين دلوقتي
احسان : في اوضه ١١٧ اتطمن هي بقت .... ( ولسه هتكمل عاصي بص لغالب )
عاصي : خليك هنا ياغالب اوعي تتحرك من هنا خللي بالك من فيروزه لحد ما ارجع
غالب : ماتقلقش مش هتحرك من هنا
احسان : فيروزه 😳
( غالب سابهم ومشي وراح لبدور )
احسان : هو عاصي يقصد مين بفيروزه
غالب : فيروزه دي تبقي حبيبه عاصي القديمه
احسان : هي مش كانت ماتت
غالب : وانتي عرفتي منين بقي انها ماتت
احسان : (بتوتر ) انا . انا سمعت قبل كده يعني انه كان بيحب واحده وماتت
غالب : ( بابتسامه خبيثه رفع حاجبه وبص لاحسان علشان عارف انها معجبه بعاصي ) لاء .. تؤ .. تؤ .. ما ماتتش وطلعت عايشه ..
احسان : ( في سرها ) يادي النصيبه هى ناقصاها هي كمان
غالب : ( حط ايده علي دقنه بخبث ) بس تفتكرى بدور اتسممت ازاي يادكتوره .. ومش معني يعني اتسممت اول ما جت من بره هي وعاصي انا شامم ( ووطي بمناخيره وشم ريحه ايدين احسان ) شامم ريحه مش حلوه علي ايديكي
احسان : ( بتوتر ) انت .. انت تقصد ايه
غالب : ولا حاجه لسه .. لسه لما اتأكد هقولك انا اقصد ايه
احسان : ( في نفسها ) يادي المصيبه انا مش نقصاك انت كمان
عاصى راح لبدور لقاها نايمه وبترتاح
عاصي : ( راح للدكتور ) هي عامله ايه دلوقتي
الدكتور : احنا عملنالها غسيل معده ولحقناها الحمد**** .. بس دي حاله تسمم واضحه
عاصي : تقصد ان حد سمها
الدكتور : مش بعيد.. لسه هنعمل التحاليل اللازمه وهنعرف كل حاجه
عاصي ساب الدكتور و مسك ايد بدور
عاصي : اسف يابدور .. اسف اني ماقدرتش اسمع اي حاجه من اللي قالها غالب في الفون .. انا كنت في دنيا تانيه **** وحده العالم انا كنت في ايه .. انا عارف انك وقفتي جنبي كتير وانقذتيني اكتر واليوم اللي تحتاجيني فيه واحد تاني ينقذك غيري ..
احسان كانت واقفه بره وبتسمع كل اللي قاله عاصي لبدور
ومن كتر التعب فضل ماسك ايد بدور وسند راسه علي ايدها ومن كتر التعب اللي كان فيه غمض عنيه غصب عنه ونام
(احسان وهي واقفه من بره )
احسان : وبعدين هعمل ايه في المصيبه دي عاصي لو عرف ان انا اللي سممتها هتبقي مصيبه .. ( لسه بتكلم نفسها ) بس لاء انا مش هخليه يعرف .. ماينفعش يعرف .. ما انا مش بعد ده كله هخليك تبعدني عنك ياعاصي
غالب وقتها كان قاعد قدام باب الاوضه بتاعت فيروزه
ومره واحده النوم اخده ونام ماحسش بنفسه لحد تاني يوم الصبح
الممرضه : يااستاذ .. يااستاذ ماينفعش تنام هنا
عاصي : ( قام مخضوض ونطق اسم فيروزه ) فيروزه ..
الممرضه : فيروزه مين حضرتك .. انا الممرضه مروه وحضرتك نايم هنا طول الليل وماينفعش كده
عاصي بلع ريقه وبص علي بدور لقاها لسه نايمه
قام من جنبها وراح لاوضه فيروزه لقاها بتحاول تقوم من علي السرير علشان تمشي
عاصي : فيروزه انتي رايحه فين
فيروزه : زي ما انت شايف بحاول امشي ..
عاصي : تمشي تروحي فين هو انا هسيبك تمشي بسهوله كده
فيروزه : عادي ما انت كنت عايز تقتلني بسهوله برضوا كده
عاصي : انتي خونتيني .. عارفه يعني ايه خونتيني .. طلعتي شمال
فيروزه : ( عوجت راسها يمين ) لا و**** وانت بعد السنين دي كلها لسه مصدق الكلام اللي قالهولك اخوك
عاصي : انا صدقت اللي شوفته بعنيا
فيروزه : ( حاولت تقف علي رجليها بس حرفيا رجليها مشروخه ومش قادره تقف عليها قعدت تاني علي السرير )
فيروزه : خلاص يبقي ده اللي حصل طالما انت عايز تصدق كده انت ماتستاهلش حتي اني اقولك ايه اللي حصل
عاصي : اوعي تكوني جايه تأكدي الكلام اللي قاله رفيق وان اخويا هو اللي عمل كل ده
فيروزه : ( بكل برود ) ولا هأكد ولا هقولك اي حاجه ياعاصي و**** ما تستاهل
عاصي : ( اتنرفز اكتر ) اتغيرتي اوي يافيروزه
فيروزه : لو عيشت يوم واحد من اللي انا عيشته كنت عرفت انا اتغيرت ليه
عاصي : كنتي فين السنين دي كلها
فيروزه : ماتستاهلش انك تعرف حاجه قولتلك
عاصي : وانا مش هسيبك تمشي بالسهوله دي بعد السنين دي كلها
فيروزه : يعني ايه .. هتقتلني تاني ما دي اسهل طريقه عندك ( القتل ) فاكر ولا افكرك
----------------( في نفس الوقت ) --------------------
بدور فاقت واحسان دخلت عليها
بدور : انا .. انا فين
احسان : ( برفعه حاجب وهي مربعه ايديها الاتنين ) حمد**** علي السلامه ياست بدور
بدور : ( حطت ايدها علي دماغها وكانت دايخه ) انا .. انا فين وبعمل ايه هنا ؟
بدور ابتدت تفتكر انها بعد ما أكلت التفاحه جالها مغص وقعت في الارض وبقت بطنها تتقطع
بدور : ( التفاحه ) .. وبعد كده بقت تفتكر غالب وهو شايلها وبيجرى بيها علشان ينقذها
بدور :التفاحه اللي اكلتها وغالب اللي جابني هنا
احسان : ايييييييوه مظبوط كده .. اديكي افتكرتي كل حاجه
بدور : انتي اللي سممتيني .. التفاحه كان فيها حاجه
احسان : براڤو عليكي شاطره يابدور .. ماطلعتيش غبيه خالص
بدور : طيب وليه انا عملتلك ايه ؟
احسان : مافيش انتي ماعملتيش حاجه
احسان قربت من بدور ووطت وبقت وشها في وش بدور
احسان : انا بس اخدتك سلم علشان الاقي حجه اقعد بيها اكتر في ڤيلا غالب وعاصي وابقي قريبه من عاصي
بدور : تقومي تسمميني ..
احسان : انا اعمل اي حاجه علشان ابقي جنب عاصي
بدور : ( بعصبيه ) انا هفضحك انا هقول لعاصي ان انتي اللي سممتيني
احسان : ( قامت وقفت وادت ضهرها لبدور ) معنديش اي مشكله قوليلوا .. بس طالما بقي هتقوليلوا يبقي انا كمان هقولوا علي كل حاجه واقولوا انك مادخلتيش عربيه غالب صدفه .. واقوله انك كنتي بتضحكي عليه علشان تجبيه البيت عندي ولولا الاتفاق اللي بيني وبينك والفلوس اللي اخدتيها مني كنتي زمانك رمتيه وسيبتيه من زمان مش شهامه منك ولا جدعنه انك تفضلي جنبه زي ما هو فاكر
بدور : انتي شيطان
احسان : ما هو انا مش هسيبك تاخدي عاصي مني مهما عملتي محدش يقدر ياخد عاصي مني انتي فاهمه لا انتي ولا فيروزه اللي رجعت من الموت دي كمان
بدور : ( باستغراب ) فيروزه 😳😳
----------------( في نفس الوقت ) --------------------
عاصي كان هيتعصب علي فيروزه ولسه هيعلي صوته
غاالب دخل
غالب : صوتكم جايب اخر المستشفي ماينفعش كده
فيروزه : كبرت ياغالب وبقيت راجل
غالب : مافيش حد بيفضل صغير علي طول
عاصي ممكن تطلع بره دلوقتي
عاصي : انت بتقول ايه ؟
غالب : ( ميل علي ودن عاصي بصوت واطي ) اسمع كلامي ارجوك .. خليك واثق فيا
عاصي : ( بتنهيده بص لفيروزه ) انا رايح اشوف بدور فاقت ولا لاء ( عاصي مشي )
غالب : انا عارف ان اللي عمله عاصي مايغتفرش بس برضوا حطي نفسك مكانه
فيروزه : احط نفسي مكانه .. ده كان عايز يقتلني .. حط نفسك انت مكاني
غالب : كل ده كلام هنتكلم فيه بس مش هنا
فيروزه : اومال فين
غالب : ارجعي معانا الڤيلا انتي تعبانه ولازم حد ياخد باله منك
فيروزه : وعاصي بقي هو اللي هياخد باله مني
غالب : مهما قولتي ومهما حاولتي تبيني كرهك لعاصي شايف لمعه في عنيكي وانتي بتبصيله مش عاديه
فيروزه : ( باستنكار ) لمعه .. لمعه ايه ؟
غالب : نفس لمعه عنيكي لما كنتي بتبصيله وهو بيلبسك الدبل انا لسه فاكر نظرتك لي ممكن هو مش شايف ده بس انا شوفتها
فيروزه : ( بتوتر ) لا .. لا .. لا طبعا كل اللي بتقوله ده مش صحيح
غالب : الصح والغلط مش هنقوله دلوقتي كل واحد في الف سؤال عايز يسأله للتاني منكم .. وانا كمان عايز اعرف حاجات كتير منك ومش هنعرف ده الا لما نقعد سوا كلنا انا هجيببلك الكرسي المتحرك علشان مش هتقدرى تمش
ي فيروزه: غالب استني
غالب : ( بص لفيروزه ) عايزاني فعلا استني ؟
فيروزه : ( بصت في الارض واتنهدت وسكتت)
غالب : انا قولت كده برضوا
----------------( في نفس الوقت ) --------------------
بدور : فيروزه انا مش فاهمه حاجه .. فيروزه مين اللي رجعت من الموت
احسان : وانتي مالك مهتمه كده ليه ؟
رفعت حاجبها قولتي ايه لسه برضوا عايزه تقولي لعاصي ان انا اللي سممتك علشان يرميني ويرميكي في الشارع
بدور بصت في الارض وسكتت
احسان : اهوه كده الكلام
بدور : ( بضعف وقله حيله ) والمطلوب مني ايه دلوقتي ؟
احسان : تعرفي عاصي انك عايزاني معاكي في الڤيلا علشان اعالجك
واني انقذتك ولولايا كنتي زمانك ميته دلوقتي
بدور : حاضر اللي تشوفيه
ااحسان : يبقي اتفاقنا واللي حصل ده هيفضل سر ما بينا
وعمر عاصي ما هيعرفه في يوم
ومره. واحده عاصي دخل عليهم
عاصي : بس عاصي خلاص عرف اللي مابينكم يادكتوره
بدور : عاصي 😳😳
يتبع...
الجزء السادس
احسان : يبقي اتفاقنا واللي حصل ده هيفضل سر ما بينا
وعمر عاصي ما هيعرفه في يوم
ومره واحده عاصي دخل عليهم
عاصي : بس عاصي خلاص عرف اللي مابينكم يادكتوره
بدور : عاصي 😳😳
عاصي مسك دراع احسان بغضب
عاصي : قوليلي بقي گل اللي حصل من الاول
احسان بصت لعاصي بخوف
احسان : ( بتوتر وخوف ) أنا .. أنا.. انا مش فاهمه انت بتتكلم عن أيه ؟
عاصي مكانش سمع اي حاجه حرفيا بس سمع اخر حاجه وهو داخل واحسان بتتفق مع بدور ان عاصي مايعرفش اللي بينهم بس كان عاوز يوقعها في الكلام
قرب احسان منه حرفيا وبقي وشها في وشه لدرجه انها بقت سامعه صوت نفسه وهو غضب الدنيا كله علي وشه قرص علي دراعها اكتر احسان نن عنيها بقي رايح جاي ونفسها طالع نازل من الخوف وهي بتبص لملامحه اللي كلها غضب
عاصي : مش سامع صوتك يادكتوره
احسان : اصل .. اصل
بدور قامت من علي السرير بسرعه
بدور : ( وهي بتحاول تفك ايد عاصي من دراع احسان ) سيبها ياعاصي .. سيبها دراعها هيتخلع في ايدك
عاصي ساب ايد احسان بعنف وزق احسان لورا ورفع حاجبه اليمين
عاصي : ( بسخريه ) استاذه بدور اكيد انتي اللي هتحكي الحكآيه من أولها مش كده
بدور بقت حافظه عاصي .. بصيتله في عنيه وعرفت انه ماسمعش حاجه وفهمته علي طول فهمت انه عاوز يوقعهم في الكلام
بدور فضلت بصه لعنيه وساكته
عاصي : ( بنرفزه وصوت عالي ) ماتنطقي
بدور : حاجه ماتخصكش .. حاجه اتفقت عليها انا واحسان ومش عايزينك تعرفها .. اي المشكله في كده ولا انت كل حاجه لازم تدخل فيها وخلاص
عاصي : (مسك ايد بدور ولفها وبقت ايديها ورا ضهرها وبقي ضهرها لازق في صدر عاصي )
عاصي : ( قرب من ودن بدور بهدوء بصوت واطي وبقي يهمس في ودنها وبقي قريب اوي منها وصوت نفسه في ودنها )
عاصي : أنا .. مافيش .. حاجه .. تستخبي عليا يابدور
بدور : عاصي سيب ايدي .. ايدي هتتكسر في ايدك
عاصي : وهكسر عضمك كله لو ما قولتليش مخبيين عني ايه ؟
احسان لما شافت عاصي بيتعامل بالطريقه دي مع بدور ابتسمت ابتسامه شماته ورفعت حاجبها وعرفت ان عاصي لما بيغضب من حد ما بيرحمووش
بدور : خلاص .. ايدي ياعاصي .. سيب ايدي وانا هقولك
عاصي : لاء مش هسيبها .. اخلصي وقولي
بدور : ( داست علي سنانها من كتر الوجع ) ااااااه .. انا .. انا ..( بلعت ريقها )
عاصي : ( بعصبيه ) انتي ايه ( وداس علي ايدها اكتر )
بدور : انا ماتسممتش ياعاصي ..
احسان برقت عنيها وقلبها بقي بيدق كان شويه وهيطلع من مكانه من كتر الخوف
عاصي : تقصدي ايه ؟
بدور: ( بلعت ريقها ) اقصد ان انا .. انا كنت عايزه اموت نفسي اخدت سم وكنت عايزه اموت نفسي
ولما انقذوني اتفقت مع دكتوره احسان انها ماتقولكش اني اخدت سم وان الاكل كان منتهي الصلاحيه مش اكتر
عاصي : ( وهو مش مصدق ) هاااا .. كملي
بدور : بس كده ده اللي حصل
عاصي : ( ساب ايد بدور ) والمفروض اني اصدق صح
احسان : ايوه .. علشان ده اللي حصل
عاصي : وواحده زيك تنتحر ليه ؟ احنا كنا لسه مع بعض وكان عندك كل اللي نفسك فيه مكانش باين عليكي ابدا انك عايزه تنتحرى خالص ده كان اسعد يوم في حياتك
بدور : ( وهي ماسكه ايديها من كتر الالم ) انت مالك انت مش ولي أمرى علشان تسأل في كل حاجه وبعدين فساتينك وهدومك اللي جيبتهالي انا مابقيتش عايزاها ومش عايزه منك حاجه .. ابعد عني خالص .. ولا اقولك انا اللي هبعد من اللحظه دي مالكش دعوه بيا تاني وهطلع من حياتك زي ما دخلتها بالظبط
احسان : ( داست علي سنانها من الغيظ وجريت وقفت قدام بدور ) اهدي يابدور مش كده هاتروحي فين بس
عاصي : وانتي فاكره اني ممكن اسيبك تمشي بسهوله كده ..
بدور : (قربت من عاصي) وانت عايز مني ايه ما خلاص كل حاجه بانت قدامك انا معرفش فين رفيق وانت عارف كويس اني معرفش عنه حاجه سيبني بقي خليني ارجع لحياتي من جديد
عاصي : حياه الشارع اللي كنتي عايشاها
بدور : حياه الشارع دي حياتي وانا راضيه بيها
بدور كانت بتحاول تعمل اي حاجه علشان تقفل الموضوع
بس الظاهر ان عاصي فهم بدور وحفظها خلاص زي ما هي كمان فهمته
---------------------------( في نفس الوقت )-------------------------
غالب كان مع فيروزه في اوضتها وبيحاول يكلمها ويقنعها انها تروح معاهم
غالب : ايه مش يلا بينا
فيروزه : ايوه بس
غالب : مافيش بس انا عارف انك هتيجي معانا
غالب قعد فيروزه علي الكرسي العجل
الدكتور دخل عليهم
الدكتور : ايه هتمشوا بسرعه كده من غير حتي ما تاخدوا الروشته
غالب : اكيد كنا هنستني تكتبلنا علي خروج
الدكتور : عموما هي كويسه مجرد خدوش مش اكتر هاتروح مع الوقت واسبوع او 10 ايام بالكتير وتفك الجبس علشان ده مش كسر ده مجرد شرخ بسيط تقدرى تتحركي وانتي سانده عادي
فيروزه : شكرا يادكتور
غالب طلع فونه واتصل بعاصي
غالب : الووو
عاصي : _________
غالب : اتأخرت كده ليه ؟
عاصي : ____________
غالب : ماتقلقش محصلش حاجه انا هاخد فيروزه وهطلع علي الڤيلا بدور عامله اي دلوقتي
عاصي : _______________
غالب : اوعي تسيبها ياغالب انت فاهم دي اللي هتوصلنا لرفيق
عاصي : _______________
غالب : تمام مش همشي هستناك بره بس ما تتأخرش
عاصي قفل مع غالب الفون وحط الفون في جيبه
عاصي : ( بص لبدور ) يلا اتحركي قدامي
بدور : قولتلك مش همشي معاك
عاصي : ما هو مش بمزاجك هتيجي معايا غصب عنك ولحد ما اتأكد انك مالكيش صله برفيق انتي هتفضلي معايا
عاصي شد بدور من ايدها ومشاها وراه احسان بصيتلها بمعني قوليله حاجه عني
بدور : ( مره واحده وقفت ) طيب خلاص هاجي معاك بس بشرط
عاصي : شرط .. شرط ايه
بدور : انا .. انا لسه تعبانه ولو عايزني فعلا ارجع معاك ياريت احسان تفضل معانا عشان اكمل علاجي
وقتها عاصي اتأكد ان في حاجه بين احسان وبدور ابتسم ابتسامه ظهرت بجانب شفايفه وبصلهم هما الاتنين
عاصي : وانا موافق اكيد مكنتش هسيبها
عاصي طلع بره وكلهم اتقابلوا بره المستشفي وركبوا عربيه عاصي
الخمسه كانوا في العربيه سوا
عاصي كان بيسوق وفيروزه جنبه
وبدور وغالب واحسان ورا طول الطريق محدش فيهم اتكلم ولا كلمه حرفيا كلهم كانوا بيبصوا لبعض مش اكتر وكل واحد فيهم جواه كلام كتير عايز يقوله الاجواء كانت متوتره بشكل رهيب
واخيرا وصلوا الڤيلا عاصي اول ما وصل رزع الباب وراه ونزل جت فيروزه بتنزل ماعرفتش بقت تنزل واحده واحده بالعافيه غاالب نزل علشان يسندها راح عاصي وقف وبحركه لا اراديه منه لما لقاها ضعيفه اوي كده ومش قادره تمشي راح شالها ودخل بيها الڤيلا وبدور مشيت وراه هي واحسان
فيروزه : بتعمل ايه نزلني
عاصي : ___________
عاصي دخل بفيروزه اوضه بس الاوضه دي في الدور الاول وفتح الباب وقعدها علي السرير
عاصي : دي هتبقي اوضتك لحد ما تخفي وترجعي احسن من الاول بس قبل ما تخفي لينا كلام مع بعض
عاصي مشي وساب فيروزه ولسه جاي يطلع من الباب فيروزه ندهت عليه
فيروزه : عاصي
عاصي لف وشه وهو واقف علي الباب وبص لفيروزه
فيروزه : شكرا
عاصي : ارتاحي دلوقتي
احسان كانت بره واقفه وبتاكل في نفسها حرفيا
غالب : بدور انتي كويسه دلوقتي
بدور : ايوه
بدور بصت لعاصي وباهتمامه لفيروزه راحت طلعت اوضتها واحسان طلعت وراها وقفلت الباب
احسان : وبعدين هنعمل ايه دلوقتي في الزفته دي
بدور : دي فيروزه اللي عاصي كان بيحبها زمان
احسان : ( وهي مش واقفه علي بعضها ) ايوه هي
بدور : شكلها حلو اوي
احسان : انتي هبله يابت ولا شكلك كده بقولك دي فيروزه الوحيده اللي دخلت قلب عاصي ومن نظراته ليها واحنا في العربيه بيقول انه مانسهاش ابدا
بدور : هي شكلها طيبه وتتحب
احسان : لاااااا انتي عايزه تفرسيني ولا ايه انتي مش عارفه اني بحبه
بدور : اللي بيحب بجد بيتمني السعاده للي بيحبه حتي لو مكانش معاه وعاصي شاف كتييير اوي ومن حقه يعيش سعيد بقي انا حاسه بعاصي دلوقتي وعارفه ومتأكده هو حاسس بأيه
احسان : وليه مايبقاش سعيد معايا انا
بدور : ( بتنهيده ) علشان بكل بساطه قلبه ما اختاركيش
( في نفس الوقت )
عاصي : غالب الظاهر كنت صح وانا غلط
غالب : ليه في ايه ؟
عاصي : بدور بتكذب عليا .. دخلت عليهن وسمعتها هي واحسان وهي بتقول لبدور مش عايزين نعرف عاصي حاجه عن اتفاقنا .. بس ما قدرتش اعرف ايه هو اتفاقهم للاسف جيت متأخر
غالب : وما سألتهاش
عاصي : اكيد سألتها وحاولت اوقعها في الكلام بس الظاهر ان بدور عرفت اني ماسمعتهمش وقالت اي كلام
غالب : طيب وعرفت منين ؟
عاصي : (بابتسامه خفيفه واتحرك خطوه قدام وادا ضهره لغالب وحط ايديه الاتنين في جيوبه )
عاصي : الظاهر انها فهمتني من نظره عنيا لما بصيتلي في عيوني حسيت انها فهمتني وعرفت اني بحاول اوقعها في الكلام انا عمر ما في حد فهم اللي قبل كده ياغالب بس هي فهمتني
غالب : ولا حتي ( ولسه هيكمل عاصي قطعه في الكلام )
عاصي : ولا حتي فيروزه
غالب : بس تفتكر هما مخبين عنك ايه ؟ واللي مخبيينه عنك لي علاقه برفيق ؟
عاصي : مش عارف ياغالب .. بس هعرف كل حاجه منها وقريب اوي
غالب : طيب انا لازم اروح الشركه من وقت الحريق اللي في المخزن وانت ماروحتش محدش فينا سأل
عاصي : ماشي روح انت وانا هفضل هنا
غالب مشي خطوتين ووقف مره واحده
عاصي : ( ضم حواجبه واستغرب ) وقفت ليه ؟
غالب رجع وحضن عاصي
عاصي ابتسم وغالب فضل حاضنه
غالب : انا اسف .. سامحني علي اللي عملته معاك انا ظلمتك كتيير
عاصي : ( طبطب علي غالب ) وانا مبسوط بالحضن ده واخيرا رجعت في حضن عمك زي زمان
---------------------------------------------
غالب ساب حضن عاصي وركب العربيه وراح الشركه
واول ما طلع
غالب : احمد قولي بسرعه ايه اللي حصل
احمد : ( بكل استغراب ) حصل ايه ياغالب بيه
غالب : الحريقه اللي في الشركه
احمد : حريقه ايه محصلش حريقه ولا حاجه
غالب : حد اتصل بعاصي وقاله ان المخزن بيولع
احمد : ما حصلش ياغالب بيه المخازن بتاعتنا كلها سليمه
غالب : كلها سليمه 🙄🙄
---------------------------------------------
( بالليل )
فيروزه اخيرا طلعت من اوضتها وهي بتتعكز علي عكاز وقعدت بره في الجنينه شويه
عاصي شافها وطلع وراها وقعد جنبها
عاصي : انا مش مصدق اني شايفك تاني بعد مااااا..
فيروزه : تقصد بعد ما خنقتني وهربت
عاصي : ايه اللي حصل يافيروزه
فيروزه : مهتم تعرف
عاصي : ( بلهفه ) جداااا
فيروزه : اللي حصل اني ما موتش وقتها وكان لسه ليا عمر ورفيق هو اللي انقذني بس لفه ايدك حوالين رقبتي خلتني اروح في غيبوبه طويله سبع سنين .. سبع سنين
راحوا من عمرى وانا نايمه علي سرير ومعرفش ايه اللي بيحصل حواليا لحد مافوقت وكان رفيق هو اللي قدامي
عاصي : رفيق !!
فيروزه : ايوه رفيق مستغرب ليه انت موتني ورفيق حياني
عاصي : وبعدين كملي
فيروزه : لما فوقت كنت فاقده الذاكره ما افتكرتش اي حاجه ورفيق بقي يألف عليا قصه انه مايعرفش انا مين واني عملت حادثه بعربيته وجابني المستشفي هنا وبقي يدفع فلوس علاجي وعرض عليا الجواز بس انا موافقتش ماحبتهووش ومكنتش فاهمه وقتها ماحبتهووش ليه ومع رفضي لي اخدني وحبسني في مكان اكتر من اربع سنين .. ومع الوقت افتكرت كل حاجه و رجعتلي الذاكره من جديد وافتكرت كل حاجه ووقتها قعدت معاه بأرادتي لحد ما ..
عاصي : لحد ما ايه ..
فيروزه : لحد ما جالي في يوم وهو مضروب بالنار ودفنته بأيدي وبعدها بقيت ادور عليك في كل حته لحد ما لاقيتك وكنت جيالك اليوم اللي خبطتني فيه بس الظاهر اني مكتوب علي ايدك موتي لتاني مره كنت هتموتني مره بقصد ومره من غير قصد
عاصي : انا مش مصدق رفيق كان خاطفك اربع سنين .. بس ليه ؟
فيروزه : علشان كان بيحبني ومش عايزني ابعد عنه
عاصي : ولما الذاكره رجعتلك ليه قعدتي معاه بمزاجك كنتي حبتيه
فيروزه : لاء بس علشان افتكرت الانسان اللي حبيته كان عايز يقتلني فكنت هاروح لمين وهعمل ايه خلاص الدنيا رجعت اسودت تاني في عنيا
عاصي : يعني رفيق مات
فيروزه : ( وهي متأثره وحاطه وشها في الارض ) ايوه .. مات ومعرفش حتي هو مات ليه ومين اللي قتله
عاصي : ( اتنهد ) خونتيني ليه ؟
فيروزه : (حطت ايدها علي قلب عاصي ) انت عارف كويس اوي اني ماخنتكش ياعاصي وعارف مين اللي دبر كل ده بس للاسف عصبيتك وتهورك خلانا وصلنا لطريق مسدود
عاصي : انتي ماتعرفيش انا كنت عايش من غيرك ازاي .. انا كنت ميت من غيرك بس اتنفس
فيروزه : انا بقي كنت عايشه وماليش حتي الحق اني اتنفس
عاصي قرب من فيروزه وبصلها اكتر
عاصي : لو رجع بيا العمر مكنتش هعمل اللي عملته زمان
فيروزه : لو رجع بيا العمر مكنتش هنفذ كلام اخوك ليا ومكنتش هخاف من تهديده وكنت هاجي اقولك علي كل حاجه
بدور كانت واقفه فوق في البلكونه بتاعت اوضتها وكانت باصه عليهم فيروزه رفعت عنيها لاقت بدور بتبصلهم
راحت قربت من عاصي اكتر ورفعت ايدها ولمست خده
فيروزه : احنا دفعنا تمن غلطتنا من عمرنا
عاصي بص لفيروزه
عاصي : عمرى ما نسيتك ولا لحظه طول السنين اللي فاتت دي انتي دايما كنتي في بالي
فيروزه قربت منه اكتر وحطت راسها علي صدره وابتسمت وهي عارفه ان بدور شيفاهم
بدور غصب عنها بتبص لاقت دمعه نزلت علي خدها وضمت حواجبها وهي مستغربه ورفعت صوابعها ولمست خدها وفركت دموعها اللي في صوابعها بأيديها وهي قلبها واجعها وحطت ايدها علي قلبها من كتر الوجع اللي كان فيه وهي باصه علي فيروزه وهي في حضن عاصي
الجزء السابع
غالب : في .. في ناس جايين علينا من بعيد بس .. بس شكلهم مايطمنش ( اخد نفسه )
بدور سابت غالب وراحتلهم واول ما شافوها راحت ضريوهاعلي راسها وقعت اغم عليها علي طول وراحوا لغالب
غالب : لاء .. لاء . . لاااااااااا
الرجاله دي كانت مخبيه وشها وحطوا لغالب منديل علي وشه في منوم حاول يقاوم ويحرك راسه شمال ويمين بس للاسف ماقدرش يعمل حاجه وبعدها محسش بنفسه وراح في دنيا تانيه حرفيا
السواق اللي كانت بدور جايه معاه بيبص وراه لقى شنطه بدور مرميه علي الكرسي اللي ورا وفيها فلوس ومافيهاش اي حاجه تاني
السواق : ( نفخ من كتر الزهق ) وبعدين بقي ارجعلها شنطتهت ازاي دي
السواق : ( بيكلم نفسه ) ما هو برضوا مكانش ينفع اسيب بنت زي دي تدخل طريق مقطوع زي ده لوحدها انا مارضهاش علي اخواتي
السواق ضميره بقي يأنبه انه يسيب بنت زي دي لوحدها في حته مقطوعه زي دي وقرر انه يرجع ويدخل الطريق بيبص من بعيد لقي بدور واحد شايلها وبيحطها في عربيه نص نقل وبيطلعوا غالب من العربيه وبيشدوا لحد ما طلعووه وحطوه علي العربيه مع بدور السواق خاف بسرعه وجرى بعد عن الطريق
-------------------------( عند عاصي )----------------------
ومع اول شروق شمس
عاصي صحي وبقي ماسك دماغه من كتر الشرب اللي شربه بالليل وهو بيفتح عينه بالعافيه وماسك دماغه مد ايده علي الكومود اللي جنبه مالقاش فونه اتعدل من علي السرير وبقي يفك زراير القميص بتاعه وقلع قميصه وقام من علي السرير ورماه في الارض دخل فتح الدش وحط دماغه تحت الدش وبقي ساند بأيديه الاتنين علي الحيطه واتنهد تنهيده زي ما يكون بيطلع كل همومه في التنهيده دي
-------------------------( في نفس الوقت )----------------------
احسان صحيت في اوضتها وهي مخضوضه علشان افتكرت ان فون عاصي لسه معاها ومحطتهووش مكانه بصت يمين وشمال مالقيتش الفون شالت الكوڤرته من عليها وقامت بسرعه من علي السرير وهي شغاله تدور علي الفون في كل حته في الاوضه زي المجنونه
احسان : ( وقفت للحظه وكلمت نفسها ) هايروح فين الفون ده بس ياربي ( ضيقت عنيها ) بدور ..اكيد بدور هي اللي أخدته
احسان نزلت بسرعه من علي السلالم وهي بدور عليها في الڤيلا ..
احسان : ( بصوت عالي ) بدووووور .. بدوووور
فيروزه طلعت من اوضتها في الدور اللي تحت وهي سانده ضهرها علي الباب رفعت حاجبها وبصت لاحسان
فيروزه : الناس تصحي علي صوت العصافير وعلي كلمه صباح الخير مش صوتك المزعج ده
احسان : ( بصتلها بصت غيظ واتنهدت وهي دايسه علي سنانها)
احسان : ( بضحكه مصطنعه ) صباااااح الخير
فيروزه : هي صحبتك هربت منك ولا أيه ؟
احسان : مش انا اللي اصاحب الاشكال دي
فيروزه : لااااااا و**** ده بجد
احسان بصتلها من فوق لتحت
احسان : انتي عايزه ايه دلوقتي
فيروزه : عايزه اقولك اني شوفتك وانتي بتاخدي فون عاصي امبارح من الجنينه وطلعتي بي فوق
احسان : ( بتوتر ) أنا .. أنا .. م .. معرفش انتي بتتكلمي عن ايه ؟
فيروزه : ( بضحكه خبيثه ) دلوقتي عاصي هيصحي وهو هيعرفك انا بتكلم عن ايه كويس اوي
فيروزه قفلت الباب واحسان نزلت من علي السلم بسرعه وراحت تخبط عليها
احسان : ممكن تفتحي
فيروزه وهي ورا الباب
فيروزه : ( برفعه حاجب ) عايزه ايه ؟
احسان : انا اه .. اخدت الفون بس علشان خفت با الفون يضيع ولا حاجه وماقدرتش اخبط علي عاصي امبارح في اوضته فقولت اول ما اصحي الصبح هديهوله بس صحيت مالقيتش الفون ولا لاقيت بدور الظاهر ان بدور سرقت الفون ومشيت
فيروزه : ( فتحت الباب وبقت وشها في وش احسان )
لااااا .. ياشيخه ده الكلام ده بجد
احسان : اه طبعا بجد بدور دي بنت شوارع اصلا وطول عمرها متربيه في ملاجىء وكمان نصابه وبتنصب علي ناس كتيييير
فيروزه وهي بتاخد احسان علي قد عقلها
فيروزه : قولتيلللي
علي كده بقي يبقي نقول لعاصي ان هي اللي اخدته من الجنينه مش انتي
احسان : (بفرحه ) ياريت .. ياريت تقوليله كده
اصل .. اصل انتي ماتعرفيش عاصي لما بيغضب من حد غضبه وحش
فيروزه : ( حطت ايدها علي رقبتها ) انتي هتقوليلي
-------------------------( في نفس الوقت ) ---------------------------
غالب فتح عنيه لقى نفسه متربط من ايديه ورجليه في عمود وبدور متربطه في نفس العمود وضهره في ضهرها وكانوا في حته زي مخزن كده ومليان براميل وفران بتتحرك ورا البراميل دي والمخزن مافيهووش غير شباك واحد مدخل ضوء بسيط جدا غالب بص شمال ويمين علي المكان كويس وبقي يتكلم بشويش ويحاول يصحي بدور
غالب : بدور .. بدور فوقي .. اصحي
بدور : ________________
غالب : ( بقي يرجع راسه لورا علشان يخبط راس بدور علشان يقومها ويخليها تصحي )
غالب : فوقي يابدور بقي فوقي
بدور اخيرا صحيت
بدور : ( وهي مضيقه عنيها وبتحاول تفتكر اللي حصل امبارح ) احنا .. احنا فين .. وايه اللي جابنا هنا
غالب : انتي نسيتي اللي حصل امبارح وانتي بتحاولي تطلعيني من العربيه الناس اللي طلعوا علينا ( ولسه هيكمل )
بدور : أيوه .. أيوه افتكرت
بدور : طيب والناس دي عايزه منك ايه ؟
غالب : مش عارف .. مش عارف يابدور معرفش عنهم حاجه
بدور : طيب وبعدين هنعمل ايه دلوقتي في المصيبه دي ؟
غالب : انتي ايه اللي جابك .. فين عاصي .. عاصي ماجاش مكانك ليه ؟
بدور : عاصي كان شارب طينه ومكانش حاسس بنفسه فجيت مكانه علشان الحقك
غالب : لاااا وانتي لحقتيني اوي بصراحه
بدور : ( بصوت عالي ) يعني انا الحق عليا اني جيت
غالب : وطي صوتك لا حد يسمعنا ويعرفوا ان احنا صحينا
بدور : طيب واحنا هنفضل متربطين كده لحد امتي ؟
غالب : اسمعيني كويس حاولي تفكي تمسكي ايدي وفكي الحبل من علي ايدي
بدور كانت ضهرها في ضهر غالب بالظبط وايديهم متربطه بالحبل ورا ضهرهم والعمود حديد رفيع ما بينهم كانت تقدر تمسك ايد غالب ابتدت تحرك صوابعها وبقت تحاول تفك الحبل بتاع غالب
غالب : هاااا يابدور عملتي ايه ؟
بدور : بحاول اهوه .. بس مش عارفه ايدي ملفوف عليها الحبل جااامد اوي وبحرك صوابعي بالعافيه
غالب : حاولي اكتر يابدور
بدور : بحاول و**** بحاول
-------------------------------( في نفس الوقت )------------------
عاصي خلص الشاور بتاعه ولبس وفضل يدور علي الفون مالقهووش
عاصي : وبعدين هيكون راح فين ده
عاصي افتكر ان اخر مره نسيه في الجنينه
نزل من علي السلالم بسرعه وهو نازل لقي احسان واقفه قدام باب فيروزه
فيروزه : صباح الخير
عاصي : صباح النور
فيروزه : ( بابتسامه رقيقه ) نازل بسرعه كده ليه ؟
عاصي : ابدا مافيش
عاصي سابهم ومشي وطلع بره وبقي يدور علي فونه
مالقهووش ودخل مره تانيه
احسان : ب .. بتدور علي حاجه
عاصي : فوني مش لاقيه ياريت ترني عليه
احسان : ( بلعت ريقها ) ح .. حااا.. حاضر
احسان جابت فونها وبقت ترن علي فون عاصي ولاقيته انه مقفول
احسان : الفون مقفول ..
عاصي : ( شد فونها من ايدها ) مقفول .. مقفول ازاي يعني ( عاصي حاول يتصل بفونه مره تانيه ولقاه فعلا مقفول )
احسان : مش قولتلك
فيروزه : انا عارفه فونك فين
عاصي : ( ضم حواجبه ) فين ؟
فيروزه : مع بدور ..
عاصي : ( باستغراب ) بدور وايه اللي هيجيب فوني مع بدور
عاصي : ( بقي بينادي علي بدور) بدور .. يابدوووووووور
احسان : بدور مش هنا
فيروزه : اهدى ياعاصي بدور سرقت فونك امبارح وانا شوفتها بعيني بتاخد فونك من الجنينه وطلعت الاوضه واحسان صحيت مالقيتهاش نايمه جنبها ياريت تفتش علي حاجتك وتشوف سرقت ايه كمان قبل ما تهرب وتسيب البيت
عاصي مسك دراع فيروزه جامد اوي كان هيطلع دراعها قي ايديه وداس علي سنانه بكل غضب
عاصي : بدور مش حراميه .. انتي فاهمه .. بدور مش حراميه وأوعي اسمعك تنطقي بكلمه وحشه علي بدور
فيروزه قلقت من كلام عاصي علي بدور واتأكدت ان بدور ليها معزه خاصه في قلب عاصي مش عاديه ووقتها ابتدت تقلق منها اكتر
---------------------------( في نفس الوقت )-------------------------
بدور لسه بتحاول تفك الحبل بتاع غالب ولأن الحبل كان سميك وبيشوك فكان بيجرح أيد بدور وبيخلي ايديها تنزل ددمم
غالب : سرعي ايدك شويه قبل ما الباب يتفتح وحد يدخل علينا
بدور : الحبل تخين جدا وبيشوك ياغالب مش عارفه .. صوابعي بقت تنزل ددمم مش قادره اتحمل
غالب حرك صوابعه ولمس صوابع بدور ولقاها فعلا بتنزل ددمم راح شبك ايدها بأيديه
غالب : خلاص .. خلاص يابدور ماتعمليش حاجه
بدور : ( وهي قلقانه وخايفه) انا اسفه و**** حاولت
غالب : ( وهو بيطمنها ) حضن ايديها اكتر .. بلاش خوفك اللي واضح في صوتك ده اطمني هنطلع من هنا ماتقلقيش
بدور: ازاي بس
غالب بيبص لقى زي حديده قدامه وسنها مشرشر حاول يزحف برجله علشان يوصل للحديده دي بس رجله كانت مجروحه من الحادثه وكان بيحركها بالعافيه لحد ما الجزمه بتاعته لمست طرف الحديده
غالب : بدور .. بدور انا لمست الحديده هحدف الحديده علي ورا حاولي تمسكيها برجلك تمام وبعد كده تزوقيها وتديهاني في ايدي اتفقنا
بدور : تمام اتفقنا بس خللي بالك احدفهالي صح
غالب بقي يمد رجله اكتر وحدف الحديده لبدور وبدور مسكتها وبقت تزقها برجليها لحد ما ماوصلتها لايديها واديتها لغالب وغالب بقي يحاول يفك الحبل بالحديده دي
-------------------------( في نفس الوقت )----------------------------
عبد الرحيم البودي جارد دخل علي عاصي وفيروزه واحسان
عبد الرحيم : عاصي بيه في سواق بيقول انه لقي الشنطه دي في عربيته وان صاحبتها مخطوفه
عاصي بص للشنطه وافتكر ان دي شنطه بدور اللي كان لسه شاريهالها
عاصي : ( بلهفه وخوف ) دي شنطه بدور فين السواق ده بسرعه
عبد الرحيم : بره ياعاصي بيه
عاصي طلع بره في الجنينه بسرعه
عاصي : فين بدور ومخطوفه يعني ايه
السواق : انا هحكيلك كل حاجه يابيه
انا كنت معدي من الشارع ده بالليل قدام الڤيلا بتاعت حضرتك لاقيت صاحبه الشنطه دي بتشاورلي وهي ماسكه التليفون علي ودنها وبتكلم حد وعايزه تلحقه بأي طريقه روحنا طريق مقطوع انا مارضيتش ادخل معاها علشان عارف ان الطريق ده كله لبش يابيه ونزلت هي وسابتني ببص لاقيت الشنطه دخلت الطريق علشان ارجعلها شنطتها لاقيت رجاله بيشلوها هي وواحد تاني في عربيه نص نقل وكان مغم عليهم سيبتهم وجريت يابيه وقولت أجي لنفس المكان اللي ركبت منه وأبلغ صحاب المكان عشان يتصرفوا
عاصي مسكه من رقبته بكل عصبيه من القميص بتاعه
عاصي : وفين المكان ده
سواق التاكسي : هوديك يابيه هوديك للمكان اللي هي نزلت فيه
عاصي بيبص لقي ان غالب كان واخد عربيته راح ركب غربيه غالب واخد السواق ومشي بسرعه
وهما في العربيه
السواق : بالراحه يابيه احنا كده هنعمل حادثه
عاصي : انت تسكت خالص
ماتعرفش كانت بتكلم مين في التليفون
السواق: وانا هعرف منين يابيه هي بتكلم مين
عاصي : اقصد ماقالتش علي اسمه وهي بتتكلم في التليفون
السواق : ( بقي يحط ايده علي جبينه وبيحاول يفتكر ) افتكر كده كانت بتقوله استناني ياغالب انا خلاص جايالك
ايوه .. ايوه يابيه كانت بتقول ياغالب
عاصي : ( ضم حواجبه ) غااااالب
--------------------( في نفس الوقت )-------------------------------
غالب بقي بيحاول يفك نفسه بالحديده لحد ما اخيرا الحبل اتقطع ووطي فك رجله بسرعه
بدور : اخيرا الحمد****
غالب بقي يعرج برجله ولف وبقي يفك ايد بدور ويفك رجلها
بدور : ( بصت علي رجل غالب ) غالب رجلك بتنزل ددمم كتير لازم نوقف الدم ده
غالب : مش وقته دلوقتي يايدور لازم نطلع من هنا
بدور بصت شمال ويمين مالقيتش حاجه راحت قطعت ديل فستانها ووطت علي رجل غالب
غالب : بتعملي ايه يابدور قولتلك مش وقته
بدور : ماينفعش .. ما ينفعش نسيب رجلك تنزف اكتر من كده
بدور بقت تربط رجل غالب بالقماش اللب قطعته من فستانها وضغطت جامد على الجرح
غالب : اااااااه
بدور رفعت وشها لغالب ) معلش علشان الدم يقف
بدور مسكت ايد غالب وحطت دراعه عليها وبقي غالب يسند علي بدور ومره واحده بيبصوا بيلاقوا الباب بيتفتح
بدور بسرعه اخدت غالب واستخبوا ورا البراميل اللي في المخزن
الراجل قرب من العامود واول ما شاف الحبال متقطعه ومرميه طلع المسدس بتاعه وبقي يدور عليهم في المخزن .. المخزن متقفل ومالهووش مخرج غير الباب بدور كانت خايفه جدا ونفسها بقي طالع نازل
غالب حط ايده علي بوقها علشان ماتعملش صوت ومره واحده الفيران اللي حوالين البرميل بقت تتلم حواليهم علشان ريحه الدم اللي نازله من رجلين غالب
والراجل بيقرب منهم اكتر ومره واحده شافهم وبقي قدامهم ورفع المسدس عليهم ولسه بيحط ايده علي الزناد علشان يضرب نار عليهم لقى اللي بيقوله
دكتوره هاله ( الدكتوره النفسيه بتاعت عاصي ) : بلاش تضرب نار عليهم ياعبد القوي دوول ضيوفنا ولازم نكرمهم اخر كرم
غالب : بص وراه وهو مش مصدق
غالب : هاله 😳😳
الدكتوره هاله ( وهي رافعه حاجبها بتبصله بحقد ) : أيوه هاله .. هاله اللي محدش سأل فيها منكم ولا انت ولا عاصي .. هاله اللي افتكرتوها لعبه في ايديكم .. هاله اللي دمرتوا حياتها هي وعيالها
بدور : انا شوفت الست دي فين قبل كده
هاله : ايه نستيني ياقموره .. ولا اييييه ؟
بدور : اااااه افتكرتك انتي كنتي بتكدبي علي عاصي طول السنين اللي فاتت دي كلها
هاله : ( بكل غضب وهي دايسه علي سنانها) عاصي ده شيطااااااان .. عارفه يعني ايه شيطاااااان اذا كان هو أو غالب الاتنين مش بني ادمين
غالب : ( ضم حواجبه ) انا مش فاهم انتي جيبانا هنا ليه ؟
هاله : ( بابتسامه مصطنعه بصتله ووطت جابت الحديده اللي فكوا بيها نفسهم من الارض وبكل قوتها راحت ضربته بالحديده علي وشه غالب وقع في الارض وبقي يحاول يرفع نفسه بأيديه وبقوا كله بقي بيجيب ددمم
بدور : غاااااالب
هاله : عبد القوي امسكها كويس
عبد القوي ( البودي جارد ) : مسك بدور من ايديها الاتنين ومرجع ايديها الاتنين لورا
غالب : ( وهو بيكح وبيتف الدم من بوقه ومش قادر ) انتي .. انتي بتعملي .. بت .. بتعملي كده ليه ؟
هاله : ( وهي بتتوعد لغالب وبتهز راسها فوق وتحت ) قريب .. قريب هتعرف اوي انا بعمل كده ليه
---------------------------( في نفس الوقت)----------------------
عاصي وصل للطريق اللي كان في غالب وبدور
السواق : ( بيشاور لعاصي بأيديه ) أيوه .. أيوه اقف هنا يابيه كانوا هنا امبارح
عاصي : ( وقف بالعربيه بتاعته ونزل بص يمين وشمال لقى الطريق فاضي ) انت متأكد انهم كانوا هنا
السواق : أيوه يابيه متأكد و**** العظيم ده حتي كان في عربيه هنا وكان في اتنين رجاله طلعووه منها والعربيه كانت مقلوبه
عاصي بقي من الحيره هيتجنن حط ايده علي شعره ورجع شعره لورا وهو مش عارف يعمل أيه
عاصي : وبعدين ياترى مين اللي لي يد في الحكايه دي
ممكن فيروزه بتكذب عليا ورفيق عايش ما ماتش
عاصي لسه بيلف ضهره ومن كتر الزهق بيضرب رجله في الارض بيبص لقي موبايله وطي بسرعه و اخد الموبايل من علي الارض وبقي يمسح الشاشه بتاعته لقاه فاصل شحن
ركب عربيته بسرعه وساق العربيه لدرجه انه نسي السواق ومركبهوووش معاه ورجع علي الشركه بتاعته وهو مضايق ومخنوق جدا رمي الچاكيت بتاعه علي كرسي المكتب
عاصي : محموود .. محموووووود
محمود : اؤمرني ياعاصي بيه
عاصي : بسرعه حطلي الفون ده علي الشاحن واول مايفتح معاك .. فاهم اول ما يفتح معاك تجيبهولي فورا
محمود : حاضر .. حاضر
عاصي بقي قاعد وهو مش مبطل تفكير في بدور وياترى ايه اللي حصلها ومش معنى هي اللي تروح لغالب
عاصي : ( بيكلم نفسه ) معقول يكون في حاجه بين بدور وغالب
عاصي : ( حط ايده علي جبينه ) لا لا لا لا لا .. مافتكرش وبعدين انا مالي حتي لو في حاجه ما بينهم انا ايه اللي دخلني ..
عاصي : ( مسح ايديه بوشه ) معقول ياعاصي معقول بتفكر كده وانت عارف ان غالب ابن اخوك في خطر طيب مش معني بتفكر فيها هي اصحي لنفسك ياعاصي دي عيله من دور عيالك
( عاصي اخد نفس وطلعه مره تانيه بالراحه ) وهو مش عارف يعمل ايه جواه مشاعر متلخبطه مش عارف يحدد ايه نوع المشاعر دي
----------------------------( في نفس الوقت )---------------------
احسان كانت قاعده مع فيروزه
احسان : تفتكرى هيحصل ايه والسواق ده بيقول الحقيقه والا بدور بتعمل تمثيليه على عاصي
فيروزه بصتلها كده من فوق لتحت
فيروزه : ( وهي رافعه حاجبها وبتكلمها بقرف ) و**** انتي ادرى بصاحبتك
فيروزه وهي ماسكه العكاز مشيت خطوتين قدام احسان
فيروزه : انتي هنا ليه يا احسان
احسان : يعني أيه مش فاهمه وضحي سؤالك اكتر
فيروزه : ( بصت لأحسان وبقت وشها في وش احسان وبتكلمها بكل تكبر ) مافتكرش ان دكتوره زيك متعلمه .. ومثقفه .. مش فاهمه سؤال بسيط زي ده .. لاء يادكتور انتي فاهمه وفاهمه سؤالي كويس اوي كمان انتي بتحبي عاصي مش كده
احسان : ( بتوتر ) ب .. بح.. بحبه .. اي.. ايه .. ايه اللي انتي بتقوليه ده ؟
فيروزه : لو مكنتيش بتحبيه مكنتيش اتوترتي كده لسؤالي
احسان : انا .. انا بس السؤال مكنش متوقع مش اكتر
فيروزه طبطبت علي كتفها بكل خبث واتنهدت ) طيب واللي يخلي عاصي يحبك تعملي عشانه ايه ؟
احسان : ( بكل لهفه ) بجد .. بجد هتخلي عاصي يحبني
فيروزه : ( ابتسمت ابتسامه خبيثه) يعني بتحبيه اهوه
احسان : ( بلعت ريقها ) أيوه بحبه .. بس انتي هتستفادي ايه لما عاصي يحبني وانتي بتحبيه
فيروزه : انا مابقيتش احب عاصي خالص وهو كمان مشاعره اتغيرت من ناحيتي انا هنا عشان سبب معين في دماغي ولحد ما يحصل السبب ده هفضل هنا
احسان : ازاي ده انا كنت لسه شيفاكم امبارح وهو ( ولسه هتكمل كلامها راحت فيروزه حطت ايدها علي بوقها
فيروزه : ( بكل برود ) هووووووش ماتكمليش عاصي مشاعره من ناحيتي مابقيتش زي زمان والسبب في كده بدور
احسان : انتي بتقولي ايه لا يمكن بقي عاصي بيه يحب بنت من الشارع
فيروزه : مش بالظبط بس مهتم والاهتمام اوقات كتير بيقلب لحب .. صدقيني انا اكتر واحده حافظه عاصي وفهماه كويس اوي
احسان : بدور دي طلعت خطر اوي
فيروزه : (وقفت ورا ضهر احسان ) وحطت ايديها علي كتافها
واتكلمت بهمس في ودنها
فيروزه : علشان كده لازم نخلص منها
احسان : ( نخلص منها .. نخلص منها ازاي
فيروزه : ده اللي هقولهولك لما تحكيلي كل حاجه عن بدور وايه اللي بينكم وقتها بس هنعرف نخلص منها ازاي
احسان : ( ضيقت عنيها ) هحكيلك
-------------------------( في نفس الوقت )---------------------------
غالب كان بيجيب ددمم من بوقه الضربه بالحديده علي وشه مكانتش هينه وفعلا مكانش قادر
بدور : ( وهي دموعها علي خدها وبتعيط عليه )
بدور : قوم ياغالب قوم علشان خاطرى
هاله : ( وهي دايسه علي سنانها وصوتها جايب اخر المكان ) بتعيطي علي ايه .. وعلي مين .. دوول مايستاهلووش .. اذا كان عاصي ولا غالب مايستاهلووش .. دوول لو لاقوكي هتوقفي في طريقهم لحظه واحده ممكن ينسفوكي من علي وش الدنيا لمجرد انك واقفه في طريقهم مابيفكرووش غير في نفسهم وبس اسأليه .. اسأليه عملت ايه في حياتك كويس مش هيعرف يرد عليكي علشان مافيش حاجه كويسه عملها في حياته ابدا
بدور : انا .. انا مش فاهمه هما عملولك ايه ؟
غالب : ( رفع ايده ومسح من جانب شفايفه الدم وبصلها بصه خبيثه ) كل حاجه ياهاله عملتيها اخدتي تمنها .. لولايا انا كنتي زمانك ميته لما عاصي خدك وحبسك في الشقه وانتي عارفه انه مريض نفسي يعني كنتي هتفضلي في الشقه لحد ما تعفني
هاله : كله لمصلحتك كله علشان بس اقولك كل حركه عاصي بيعملها مش اكتر لو مكانش كده كنت زمانك سيبتني لحد ما اموت واتعفن في الشقه ولا كان يهمك كلكم استغلتوني اذا كنت ولا عاصي ولا حتي رفيق ..
غالب : ( حاول يرفع نفسه ويقوم يقف هاله راحت برجليها ضربته في بطنه رجع وقع في الارض تاني )
هاله : خليك مكانك ماتتحركش ..
غالب : انا بعد كده سيبتك
هاله : كداب انت ماسبتنيش انا اللي هربت وانت انشغلت مع رفيق لما هرب .. قولتلك سيبني ولادي محتاجني بقالي اربع ايام معرفش عنهم حاجه وانتوا حابسني قولتلكوا هرجعلكم تاني وانتوا مارحمتونيش ولا رحمتوا عيالي
والنهارده جه دورى اني مارحمكش ابدا ياغالب لا انت ولا عمك
هاله : عبد القوي اقفل الباب كويس ورايا
عبد القوي: تحبي اربطهم
هاله : مالهووش لازمه مافيش مكان يهربوا منه
هاله خرجت وعبد القوي خرج معاها وقفلوا الباب وراهم وبدور بسرعه جريت علي غالب
بدور : انت كويس
غالب : ( هز دماغه شمال ويمين ) لاء .. لاء مش كويس خالص
بدور : طيب تعالي ارفع نفسك معايا
بدور بقت ترفع غالب وخليته يسند ضهره علي صدرها وبقت وقطعت حته تانيه من فستانها وبقت تمسحله الدم من علي وشه
غالب : ( بصلها وهو بيحاول يفتح عنيه بالعافيه وبيبتسم ) انتي .. انتي كده شويه كمان وماتبقيش لابسه حاجه خالص وهنشوف المستخبي كله 😁
بدور : ( زقت غالب من حضنها وزقته وقامت وقفت قدامه ) احنا في ايه ولا في ايه انت كمان
غالب : ( بألم ) اااااه .. انا ناقص انتي كمان
بدور : ما انت شايف احنا في ايه وانت بتقول ايه
غالب : طيب حاولي تشوفي اي حاجه نقدر نهرب بيها من هنا
بدور : تقصد ايه .. ما انت شايف مافيش غير براميل في المخزن والشباك اللي متقفل بالحديد
غالب : طيب شوفي البراميل دي فيها ايه
بدور : ( راحت عند البراميل وفتحتها بتبص لاقت فيها بنزين )
حطت ايدها في البنزين وبتشم ريحته علشان تتأكد
بدور : ده بنزين
غالب : بس يبقي هنموت محروقين
------------------------( في نفس الوقت )-------------------------
محمود : عاصي بيه الفون اتفتح
عاصي: ( قام بسرعه من علي المكتب بتاعه وشد الفون من محمود وفتح الفون )
واول حاجه عملها شاف المكالمات ولان فونه بيسجل كل المكالمات بقي بيسمع اخر مكالمه بين بدور وغالب
عاصي بعد ما سمع المكالمه
عاصي : ( قام وقف من علي المكتب ) وبعدين انا لازم اتصرف
نزل بسرعه وركب عربيته وراح للطريق اللي غالب عمل فيه الحادثه مره واحده وهو سايق بيبص لقى رقم غريب بيتصل بيه
عاصي : الوووو
اللي بيكلمه : اخيرا فتحت تليفونك
عاصي : انت مين
اللي بيكلمه : انا الجواب لكل اسئلتك لو عايز تعرف فين بدور وغالب تعالي علي اللوكيشن اللي هبعتهولك دلوقتي وخللي بالك احنا وراك يعني لو فكرت تكلم البوليس ولا حسينا بحركه غدر منك اعرف انك مش هتشوف لا غالب ولا بدور مره تانيه
عاصي : مش انا خالص اللي يتصل ببوليس عشان يحميه انا عاصي الكابر
اللي بيكلمه : طيب بص وراك ياعاصي الكابر
عاصي بص وراه بيبص لقي عربيه نص نقل ماشيه وراه
اللي بيكلمه : امشي علي اللوكيشن اللي بعتهولك
-------------------------( في نفس الوقت)-----------------------
بدور : هنموت محروقين ايه بس حرام عليك
غالب : ايه بتخافي من الموت
بدور : الموت علينا حق بس مش يوم لما اموت اموت وانا محروقه انا عايزه احقق حلمي الاول
غالب : ( اتعدل في قعدته ) وايه بقي حلمك
بدور : اني اكمل ٣ ثانوي وادخل طب وابقي دكتوره
غالب : دكتوره مره واحده
بدور : ايه حتي الاحلام مستكترنها عليا
غالب : طيب ايه رايك لو طلعنا من هنا يابدور هخليكي تكملي تعليمك
بدور : ( بفرحه ) بجد 😍
غالب : بس مش لما نطلع من هنا الاول
بدور : هنطلع .. صدقني هنطلع
غالب : ازاي
بدور قطعت حته قماشه من فستانها مره تانيه
غالب : يااااادي النصيبه يابنتي كده غلط
بدور : اسكت خالص
بدور حطت حته القماشه اللي قطعتها ما بين القضبان الحديد بتاعت الشباك
غالب : يابنت اللعيبه فهمتك
بدور : تمام انا هستخبي ورا الباب
غالب : ( قام بالعافيه علي رجله ) وانا هوقع برميل من البراميل دي عشان يعمل صوت وهقف تحت الشباك أكنك انتي هربتي وانا بحاول اطلع
بدور : حلو اوي كده يلا اول ما تكون مستعد قولي
---------------------( في نفس الوقت )-----------------------
عاصي : انا وصلت المكان اقف هنا
اللي بيكلمه : ايوه .. بس الاول اطلع من العربيه وارفع ايديك وارمي كل حاجه معاك
عاصي عمل كده فعلا وطلع ونفذ اللي هما عايزينه
بيبص لقى نفسه قدام مصنع مهجور
اللي بيكلمه : ادخل مستني ايه
عاصي دخل المصنع وهو رافع ايديه
-----------------في نفس الوقت----------------
غالب : يلا انا هرمي البرميل
غالب رمى البرميل وبدور وقفت ورا الباب بالظبط البودي جارد فتح الباب و دخل بسرعه وهو بيجري بيبص لقي قماشه من فستان بدور علي السيخ الحديد بتاع الشباك وغالب أكنه بيحاول يهرب البودي جارد جرى بسرعه علي غالب علشان يلحقه وبدور طلعت تجرى بره الباب بتبص حواليها لاقت خرده في كل حته وكلاب بتهوهو عليها
هاله شافتها وهي بتجرى
هاله : امسكوها اياك تهرب منكم
البودي جارد والكللابب بقول يجروا وراها وعاصي كان داخل ورافع ايديه وهاله وقفت ورا ضهره وحطت المسدس علي راسه
هاله : شرفت ياعاصي بيه
عاصي : ( بكل برود ) انتي لسه عايشه 😏
هاله : امسكوه دخلوه جنب غالب جوه
غالب : عاصي
عاصي : غالب انت كويس
هاله : بلاش المشاعر الفياضه دي دلوقتي علشان مش وقتها
عاصي : انتي عايزه ايه
هاله : عايزاك تدوق من نفس الكاس اللي دوقتهوني عايزاه اشوفكم محروقين في النار عايزه اشوف النار وهي بتولع في جسمكم زي ما ولعت في ولادي
غالب : انتي بتقولي ايه ؟
عاصي : انا مش فاهم حاجه
هاله : عبد القوي اربطهم حالا في العامود
عاصي : طلع مسدس صغير من الشراب بسرعه جدا
اللي هيقرب مني هفرتك دماغ امه
هو كل الطير اللي يتاكل لحمه ولا ايه
البودي جارد مسك بدور وجابها وكانت معاه الكللابب
وبدور واقفه والكللابب عماله تهوهو عليها
بدور بصت لغالب : معرفتش اهرب
غالب : شاور براسه كده لبدور بمعني اطمني
هاله : لو مانزلتش المسدس بتاعك دلوقتي حالا هفك الكللابب دي وهخليها تنهش في لحمها
عاصي : ( بكل كبرياء) ماتنهش في لحمها وانا من امتي بيهمني حد غير نفسي وبس
غالب : عاصي انت بتقول ايه
بدور : ( بخوف ) عااصي
هاله شاورت براسها ان البودي جارد يفك كلب واحد بس وعاصي شاف كده بعنيه وعرف ان تهديد هاله فعلا بجد ولسه الكلب هيهجم علي بدور
عاصي : طيب .. طي.. طيب خلاص انا سيبت المسدس اهوه
عاصي نزل المسدس وحدفه برجليه لهاله
عاصي : عايزه ايه ياهاله
هاله: خللي رجالتي تربطك انت وغالب سوا
عاصي بقي مستستلم جدا هو وغالب لأوامر هاله
واتربطوا هما الاتنين سوا
هاله جابت چركن كله بنزين وبقت تكبه حوالين عاصي وغالب وعملت دايره من البنزين وهما جواها
غالب : ( بنرفزه ) ايه السبب لده كله ايه السبب
هاله : لو كنتوا خلتوني اروح واشوف عيالي مكانووش ولعوا في الشقه واتحرقوا هما الاربعه جواها غيبت عن اطفالي اربع ايام والباب مقفول عليهم من بره كانوا من الطبيعي يستخدموا البوتجاز ولأنهم ***** النار كلت المكان وأكلتهم معاها وعلشان كده لازم اشوفكم بتولعوا زي ما هما ولعوا 👿👿
هاله بصت لبدور لاقيتها بتعيط وبتبص لعاصي وغالب
هاله : انا هسيبك تمشي انتي مالكيش ذنب انك تقعي في الاوساخ دوول .. انتي جيتي مع غالب غلط انا عايزاهم هما وبس
بدور : ( زقت ايد الراجل اللي مسكها ) ودخلت الدايره مع عاصي وغالب
بدور : عايزه تحرقيهم يبقي تحرقينا كلنا
عاصي وغالب بصوا لبعض ومابقووش مصدقين اللي بدور عملتوا 😳😳
يتبع...
الجزء الثامن
هاله بصت لبدور لاقيتها بتعيط وبتبص لعاصي وغالب
هاله : انا هسيبك تمشي انتي مالكيش ذنب انك تقعي في الاوساخ دوول .. انتي جيتي مع غالب غلط انا عايزاهم هما وبس
بدور : ( زقت ايد الراجل اللي مسكها ) ودخلت الدايره مع عاصي وغالب
بدور : عايزه تحرقيهم يبقي تحرقينا كلنا
عاصي وغالب بصوا لبعض ومابقووش مصدقين اللي بدور عملتوا 😳😳
عاصي : بتعملي أيه يامجنونه اطلعي بره .. اهربي .. عيشي حيآتك
بدور : وتفتكر لو هربت وطلعت ومابقيتش معاكم هاروح فين
غالب : ( وهو مربوط من ايديه وقاعد هو وعاصي ومربوطين ضهرهم في ضهر بعض ) الحياه لسه قدامك ( شاور علي هاله براسه ) هاله عندها حق احنا مش زي ما انتي فكرانا .. احنا عملنا حاجات كتيير غلط ونستحق عشانها اكبر عقاب
عاصي : (لف وشه يمين عشان يبص لغالب ) ايه اللي انت بتقوله ده يا غالب انت اتجننت احنا ما بنعملش حاجه غلط ولو عملنا يبقي اللي بنعمله فيهم بنعمله عشان هما يستحقوه
هاله : ( ربعت ايدها ورفعت حاجبها وقعدت علي ركبها وبصت لعاصي بكل خبث ) هتفضل زي ما انت عمرك ما هتتغير ياعاصي دايما بتكابر .. دايما بتنكر حقيقتك الكبر في دمك وحتي في اسمك عاصي الكابر .. ( قربت من عاصي ووشها بقي في وشه اوي وميلت راسها حاجه بسيطه )
عشان كده انت تستحق انك تموت ابشع موته ممكن حد يموتها
هاله شاورت براسها لعبد (القوي البودي جارد) علشان يولع الولاعه
غالب. : ( بشخيط وهو دايس علي سنانه )لأخر مره بقولهالك اطلعي من الدايره
بدور دموعها نزلت منها وبصتلهم هما الاتنين
عاصي بصلها وابتسم وشاورلها براسه وهو مغمض عنيه بمعني انها تطلع من الدايره وانها مالهاش ذنب في اللي بيحصل
بدور قربت من هاله
هاله : أيوه كده اعقلي العمر مش بعزئه
بدور: ( حطت وشها في الارض والدموع بقت تنزل من عنيها في الارض وهي مش قادره تشوفهم وهما بيتحرقوا قصاد عنيها وهي واقفه مابتعملش حاجه )
هاله مسكت الولاعه من ايد عبد القوي ولسه هترمي الولاعه علي البنزين بدور بحركه لا اراديه منها دخلت جوه الدايره مره تانيه وحضنتهم هما الاتنين وقعدت علي ركبها وهي بتبصلهم
بدور : ( وهي مبتسمه ودموعها في عنيها ) يانعيش سوا يانموت ( هزت دراعها بأيديها ) يانموت سوا
---------------------------(في نفس الوقت )---------------------
فيروزه : الليل ليل ومانعرفش عن عاصي حاجه لحد دلوقتي
احسان : انا قلقانه عليه اوي
فيروزه : ( بصيتلها كده بصه اشمئزاز منها ) ماتقلقيش علي عاصي .. عاصي ده بسبع ارواح
احسان : انا حاكيتلك كل حاجه عني واني بحب عاصي وحاكيتلك انه جه عندي وانقذته واني بحاول افضل جنبه كل حاجه حرفيا .. بس انتي ماحكتليش اي حاجه عنك
فيروزه : ( بلعت ريقها ) عايزه تعرفي ايه
احسان : نبدأ بالشرخ اللي في رجلك ده
فيروزه : ( ضمت حواجبها ) ماله
فيروزه : مافيش شرخ اصلا يافيروزه انتي ناسيه اني دكتوره وعارفه كويس اوي ان رجلك سليمه
والسبب الوحيد اللي خلاكي تقولي ان رجلك مشروخه هو ان عاصي يجيبك هنا الڤيلا
فيروزه : مممممم لا ده انتي طلعتي ذكيه وبتفهمي بقي
احسان : ماتستهتريش بذكائي زي ما انا عارفه ومتأكده انك لسه بتحبي عاصي .. وحته ان احنا نخلص من بدور دي عجباني تعالي نحط ايدينا في ايدين بعض نخلص منها الاول وبعد كده نشوف هنخلص من بعض ازاي
فيروزه : لاااا طالما كده بقي ( رمت العكاز من ايدها ) يبقي اتفقنا
فون البيت بيرن وفيروزه ردت
فيروزه : الوووو
محمود ( بيشتغل في شركه عاصي ) : الووو كنت لازم اكلم عاصي بيه ضرورى وفونه مقفول من الصبح .
فيروزه : عاصي مش موجود
محمود : وازاي اقدر اوصله في اوراق لازم تتمضي ضرورى
احسان : ( خدت السماعه من فيروزه ) : عاصي احتمال يكون في خطر هو وغالب احنا لازم نوصلهم ضرورى
محمود : طيب ما نبلغ البوليس
فيروزه : ( اتخضت وخافت ) بوليس .. بوليس ايه .. وافرض عاصي عرف يحل مشكلته بنفسه وعرف ان احنا بلغنا البوليس انت عارف هو هيعمل فينا ايه
محمود : طيب .. طيب انا ممكن اتتبع مكان الفون بتاعه حتي وهو مقفول واقدر اعرف هو فين بالظبط
احسان : طيب ومستني ايه اعمل كده بسرعه
محمود : مش هتأخر
احسان قفلت الفون وبصت لفيروزه
ولفت حوالين فيروزه بخطوات بطيئه
احسان : شايفه ان في حد بيخاف من سيره البوليس بس ياترى ليه ؟
فيروزه : ( بلعت ريقها ) انتي .. انتي بتقولي ايه .. انا مابخافش من سيره البوليس
احسان : لاااا و**** .. علي العموم كل حاجه مع الايام هتتعرف ( قربت من ودنها اكتر ) اصل مافيش حاجه بتستخبي
-----------------------( عند عاصي وبدور )-------------------------
هاله : ياااااااه للدرجه دي مستعده تموتي نفسك عشانهم
بدور : ( لفت وشها وبصت لهاله ) سبيهم .. خليكي انتي احسن منهم
هاله لما فقدت اولادها زي ماتكون فقدت عقلها بقت تضحك .. تضحك ضحك هستيرى حرفيا
هاله : ( بقت تبرأ بعنيها والعرق نازل من جبينها وبقت تتكلم وهي بطلع الكلام بالعافيه
هاله : ط .. طا .. طااال.. طالما معندكيش .. ( بلعت ريقها ومسحت العرق من جبينها ) معندكيش م.. مم . مااانع تموتي معاهم .. ت .. تت.. تعالي نلعب لعبه
بدور : ( قامت وقفت ولفت وشها وبصتلها وهي مضيقه عنيها وضامه حواجبها ) لعبه .. لعبت ايه ؟ .
هاله : ( رفعت حاجبها اليمين وقبضت ايديها ) انتي مش عايزاهم يعيشوا
بدور : أيوه .. ( والدموع في عنيها ) أيوه عايزاهم يعيشوا
هاله : يبقي هتعملي ( شاورت بايديها وطلعت 3 صوابع من ايديها ) 3 حاجات لو موافقتيش او معرفتيش تعملي حاجه فيهم يبقي هما هيموتوا وانتي كمان معاهم
بدور من غير تردد : موافقه
هاله : من .. من غ .. غير .. ما .. ما تعرفي
بدور : مش مهم .. مش مهم اعرف المهم ان يبقي. في امل انهم يعيشوا
رفعت صباعها وهي بتشاور لبدور بتوعد
هاله : لو حاولتي تهربي
بدور : مش هحاول و**** .. ما هحاول صدقيني
هاله : ( بصريخ ) عبد القوووووووووي
عبد القوي : اللحمه جاهزه .. زي مافهمتيني
هاله : ( ضحكت ضحكه سخريه وبصت لعاصي ) اصل كنت عارفه انها مش هتسيبكم تموتوا بالساهل
عاصي : ( بنظره توعد وهو مضيق عنيه ) و**** ما هسيب حته في جسمك سليمه ياهاله وموتك هيبقي علي ايدي
هاله : ( وهي بتشاور بايديها وبتسقف ) ايوه كده .. ايوه كده هو ده عاصي بقي
غالب : هتشوفي .. هتشوفي جهنم علي الارض .. واحنا اللي هنحطك فيها
هاله : لا لا ياغالب مكنتش اتوقع منك كده بالراحه علي نفسك شويه ياراجل مش كده
عبد القوي جاب حته لحمه ولفها حوالين رجلين بدور
غالب : انتي بتعملي ايه
هاله : هي مش عايزه تموت معاكم محروقه
انا هخليكم تشوفوها بعنيكم وهي بتموت متاكله ولحمها ما بين سنانهم
غالب : ( داس علي سنانه ) يابت الكلب 😡😡
هاله دخلت جوه الدايره بتاعت البنزين ووطت ناحيه غالب وضربته حته قلم علي وشه
هاله : ( بكل برود ) اهدى شويه ياغالب بيه اللعب لسه هيحلو
هاله راحت ناحيه عاصي الناحيه التانيه
هاله :: شيفاك ساكت يعني ياعاصي بيه مش عايز تقول حاجه
عاصي تف في وش هاله
عاصي : اتفوووووووووو
هاله رفعت ايدها ومسحت التفه من علي وشها وجابت السكينه وحطتها مابين رجلين عاصي ولسه هتغرزها ما بين رجله
بدور : ( بصوت عالي ) انا موافقه .. انا موافقه وهعمل كل اللي انتي عايزاه وغلاوه اطفالك عندك ماتأذيهووش
هاله : ( بصت شمال ناحيه بدور وقامت وقفت ) قدامك 30 ثانيه وهفك الكللابب وراكي
بدور : بصت لغالب وعاصي وابتسمت
هاله : وقتك هيبدأ من دلوقتي .. ( بصوت عالي ) ااااااجرررررى
بدور طلعت تجرى وهاله كانت ماسكه معصم ايدها وبتبص علي الثواني لحد ما عدي 30ثانيه
هاله : عبد القوي سيب الكللابب عليها
الكلبين بقوا يجروا وبقوا يهوهوا عليها وبيدوروا عليها في كل مكان
هاله : (قربت من عاصي ) ياترى هيقطعوا لحمها في قد ايه .. انا بقول مش هتاخد ( ضمت شفايفها ) مممممم دقيقه بالكتير
هاله كانت مركبه كاميرات في كل حته وكانت موصلاه بتاب وبشاشات وراحت مشغله الشاشات
هاله : ( بكل برود ) بص فوقك كده ياعاصي
عاصي وغالب رفعوا عنيهم بيبصوا لقوا بدور في الشاشات وهي بتجرى من الكللابب
غالب : ( في نفسه ) انتي تقدرى يابدور
عاصي : ( في نفسه هز راسه شمال ويمين بحسره ) مش هتطلعي منها غبييييييييه
---------------------------( في نفس الوقت )-----------------------
احسان : هو محمود اتأخر كده ليه احنا بقينا نص الليل ومافيش خبر عن عاصي
فيروزه : ( حبها لعاصي ابتدى يحركها وخافت عليه فعلا ) داست علي شفايفها .. اكيد هيتصل تاني
احسان : لااااا انا هتصل بي هو انا لسه هستني لما هو يتصل
احسان لسه بتقوم عشان تتصل بي لاقت الفون رن
احسان فتحت الفون بسرعه
اخسان : ( بلهفه ) اي يامحمود عملت ايه
محمود: للاسف معرفتش اجيب العنوان بالظبط الحته اللي الفون فيها تقريبا معزوله مافيهاش شبكه او فيها حاجه بتشوش علي الاجهزه مش عارف بس هحاول مره تانيه ليا صديق في شركه الاتصالات لو برضوا معرفناش نجيب الموقع بالظبط هنبلغ البوليس
احسان : قدامك قد ايه
محمود : هكلمه حالا .. واول ما اوصل لحاجه هبلغكم
-----------------------( في نفس الوقت )-------------------------
بدور كانت بتجرى .. بتجرى والكللابب السودا بتجرى وراها لاقت سلم طلعت عليه والكللابب طلعت عليه وراها
السلم مكانش مكتمل لاقت سيخ قدامها مره واحده كان هيدخل فيها
غالب : ( وهو بيشوفها في الشاشات ) خللي بالك يابدور
هاله : ( ضحكت ضحكه صفرا ورجعت بصت للشاشات تاني ) قال يعني هتسمعه
وقفت بسرعه والكللابب هجمت عليها وقعتها في الارض وبقت تشدها من رجليها وتعضها في رجلها الكللابب دي كلاب سعرانه بدور بقت تصرخ من الالم وهي واقعه في الارض وهما بيشدوها من رجلها علي السلم
عاصي : ( والدموع بتلمع في عنيه )مش قولتلك مش هتقدرى
هاله : ( بصت في ساعتها ) ممممممم لاء بس برافو فضلت دقيقه و20 ثانيه وهي بتحاول تهرب منهم انا قولت مش هتاخد منهم 10 ثواني
بدور مره واحده مسكت بأيديها في السيخ وطلعته من السلم وراحت غرزته في راس كلب منهم طلعت السيخ من راسه الناحيه التانيه
الكلب التاني اول ما شاف كده هجم علي بدور اكتر وبقت بدور تزحزح نفسها من علي السلم
ولأنه سلم قديم جدا هما اصلا في مصنع مهجور فمكانش في طرابزين للسلم كانت مجرد سياخ قديمه طالعه علي جانب السلم بدور فضلت تزحزح نفسها بالعافيه لحد ما وقعت من علي السلم هي والكلب للدور اللي تحت وهي بتقع لفت نفسها وبقي الكلب واقع تحتيها دماغه وقعت علي صخره مات ولأن الكلب كبير هي وقعت علي جسمه وهي جسمها صغير ورفيعه اساسا
غالب وعاصي بقوا يبصوا في الكاميرا انها تتحرك مافيش كانت واقعه علي الكلب ووشها في وش الكلب وضهرها للكاميرا
عاصي : قومي يابدور ماتموتيش
هاله : ( بصوت تريقه ) ااااااه ...كانت بنت شجاعه بصراحه انا مش عارفه هو ممكن حد يضحي بنفسه عشان ناس زيكم
مره واحده غالب بقي رافع راسه لفوق وبقي يضحك
هاله رجعت بصت للشاشه مره تانيه لاقت بدور بتحرك صوابعها وبتقوم تقف وماسكه رجليها بالعافيه وهدومها كلها دمها ودم الكللابب بدور رفعت وشها فوق وهي الدم مغرق وشها لاقت كاميرا راحت رفعت صوباعها للكاميرا وابتسمت
هاله : بكل غضب هاتووووووووووووها 😡😡
البودي جاردات طلعت بسرعه علشان تجيب بدور من بره
عاصي ابتسم ابتسامه ظهرت بجانب شفايفه وكان واضح علي وشه الانبساط
اما غالب فكان متنح للشاشه ورافع راسه لفوق ومش مصدق من اللي بدور قدرت تعمله
بدور وقتها كانت تعبانه جدا مسكت في السلم بالعافيه وقعدت علي السلم وبقت تحاول تفتح عنيها بالعافيه من كتر التعب والدم اللي نازل منها
---------------------------------( في نفس الوقت )---------------
احسان كانت رايحه جايه في المكان مش قاعده علي بعضها
فيروزه: ماتقعدي بقي خيالتيني رايحه جايه كل شويه احسان مره واحده ايديها بقت تترعش ومابقيتش قادره تتحكم في نفسها جابت الشنطه بتاعتها وطلعت علبه الدواء وحطت ايدها علي العلبه وبقت تنزل ييجي خمس او ست برشامات سوا وحطيتهم علي بوقها مره واحده وشربت وراهم كوبايه مايه
فيروزه استغربت وضمت حواجبها وشدت عليه الدواء من احسان
فيروزه: ايه اللي انتي بتشربيه ده
احسان: ( مدت ايدها بسرعه علشان تاخد علبه الدواء من احسان ) وانتي مالك انتي حاجه ماتخصكيش
فيروزه بعدت ايديها وهي لسه ماسكه علبه الدواء
فيروزه: يعني ايه وانا مالي مش ممكن تكوني مجنونه وبتتعالجي مثلا واحنا مش عارفين وتخلصي علينا واحد واحد
احسان: ( رفعت ايدها ومدت ايدها اكتر علي فيروزه ) بقولك هاتي العلبه وبطلي سخافه
فيروزه واحسان كانوا بيتخانقوا علي علبه الدوا ومره واحده الفون رن
فيروزه واحسان بصوا للفون بسرعه وجريوا عليه وكل واحده عايزه ترفع سماعه التليفون الاول
بس فيروزه هي اللي لحقت ترد علي الفون الاول
فيروزه: ايه يامحمود عملت ايه ؟
محمود: عرفت العنوان بالظبط بس العنوان ده عنوان مصنع مهجور من سنين
فيروزه: طيب ابعتلي العنوان
محمود: انا بقول نبلغ البوليس احسن
فيروزه: وانا بقول هات العنوان احسن
محمود: اللي انتي شيفاه
فيروزه اخدت العنوان من محمود وندهت علي عبد الرحيم
فيروزه: عبد الرحييييييم
عبد الرحيم: تحت امرك
فيروزه: جهز نفسك وحضر العربيه غاالب وعاصي في خطر وعايزين نطلعهم من العنوان ده
عبد الرحيم: دقيقه واحده والعربيه تكون جاهزه
فيروزه جت تطلع من الڤيلا
احسان: انتي رايحه فين وسيباني لوحدي
فيروزه: خليكي انتي هنا لحد ما نيجي
احسان: ياسلااااااااااااااام وانتي بقي تبقي البطله في عين عاصي صح.. انتي مش هتتحركي من هنا غير وانا رجلي علي رجلك
عبد الرحيم كان مستنيهم بره واحسان فتحت باب العربيه اللي ورا وركبت معاهم بسرعه قبل حتي ما فيروزه تركب ورزعت الباب وراها
--------------------------( في نفس الوقت )---------------------------
بدور كانت قاعده علي السلم وهي حرفيا تعبانه جدا البودي جارد مسكها من دراعها ورفعها وبقي يشدها وراه وهي كانت بتزق بالعافيه في رجلها
عبد القوي زق بدور وقعها في الارض قدام رجلين هاله
غالب اول ما شافووه رماها كده
غالب: ( داس علي شفايفه بغيظ ) و**** لا احرقك حي يا ابن الكلب
هاله بصت لغالب نظره توعد ورجعت وطت وبصت لبدور
هاله: وهي بترفع شعر بدور علي ورا علشان كان علي وشها
هاله: ( بصوت واطي وحنين ) لااااا شاطره يابدور مكنتش اعرف انك قويه كده بس ياترى بقي هتكملي اللعبه للاخر ولاااا ( قامت وقفت ورفعت المسدس علي عاصي وغالب ) ولااا تقولي الحقيقه اللي مخبياها علي حبايبك اللي بتضحي بنفسك عشانهم دلوقتي
غالب استغرب وضم حواجبه وعاصي بقي مش فاهم ايه اللي بيحصل
عاصي: ( بعصبيه وعدم فهم ) حقيقه ايه انا مش فاهم حاجه ؟
هاله وهي بتشاور لعاصي انه يهدى
هاله: اهدى.. اهدي شويه ياعاصي بيه الاموره هتقولكم علي كل حاجه
( بصت لبدور ) تحبي تقولي وتموتي في نظرهم ولا نموتهم احنا ونخلص
بدور: ( رفعت راسها بالعافيه من علي الارض ورفعت عنيها لفوق لهاله )
بدور: انا.. انا عملت كده قبل.. قبل ما اعرفهم
عاصي: ( بعصبيه ) عملتي ايه يابدور ماتنطقي
بدور: أنا.. أنا.. ( بعياط ) مش قادره تتكلم
هاله: احنا هنفضل مستنيينك كتييير ولا أيه
بدور: ( بصت لعاصي ) هتسامحني لو عرفت الحقيقه
عاصي: ( وهو دايس علي سنانه ) انطقي عملتي ايه ؟
بدور: ( بلعت ريقها ) انا.. انا هحكيلك علي اللي حصل
---------------------( في نفس الوقت )----------------------------
عبد الرحيم: احنا كده وصلنا للعنوان وده المصنوع المهجور
فيروزه: طيب اسمع ياعبد الرحيم كويس احنا هندخل الاول قدامك 20دقيقه لو ماطلعناش ادخل ورانا
احسان: ده المفروض هو اللي يدخل قدامنا
فيروزه: اسكتي انتي بقي اسكتي انا عارفه كويس انا بعمل ايه
احسان: ( رفعت حاجبها وهي هتموت من فيروزه ) ماشي
احسان وفيروزه نزلوا من العربيه ودخلوا جوه المصنع المهجور ده ولأن المصنع كان ضلمه جدا فتحوا الكشافات بتاعت الموبايلات بتاعتهم
احسان: انا مش شايفه حاجه خالص
فيروزه: وطي صوتك وامشي ورايا وانتي ساكته وحاسبي الطوب اللي قدامك لا تقعي وتعملي صوت وتفضحينا
---------------------( في نفس الوقت )---------------------------
هاله: ما تحلصينا بقي ياست بدور بقي انتي رضيتي الكللابب تنهش في جسمك ولا انك تقولي لسي زفت الحقيقه
بدور ( بصت لعاصي ): خايفه.. خايفه لا تكرهني
غالب: قولي يابدور.. انطقي
بدور: ( وهي بتعيط ودموعها نازله منها ) انا.. انا مادخلتش العربيه بتاعت غالب صدفه انا كنت براقبه لحد ما جاتلي الفرصه ان.. ان اركب عربيته وادخل الخرابه اللي غالب كان حطك فيها ومفهمك انها قصر
عاصي: ( وهو مضيق عنيه ) وليه عملتي كده ؟؟
بدور: علشان.. علشان كنت عارفه اني شبه فيروزه وكان في حد دافعلي فلوس لما لقاني شبه فيروزه اوي وفهمني اني ادخل عليك بالطريقه دي علشان اجيبك عنده البيت وعلشان مكانش ينفع اسيبك ألا لما اعرفكم علي بعض
عاصي: ( وهو مستغرب ومذهول ) علشان كده كنتي دايما جنبي ووقفتي معايا في كل حاجه وحشه كانت بتحصلي علشان الفلوس مش اكتر
بدور: في الاول كان عشان الفلوس وبس.. بس بعد كده لاء
عاصي: مين اللي كان دافعلك الفلوس دي انطققققققققققي
بدور: مش.. مش هقدر اقول
هاله: لا ياروحي هتقولي ( رفعت مسدسها علي عاصي ) هتقولي ولا تحببببببي ( ولسه هتكمل كلامها )
بدور: لا لاء خلاص هقول..
مره واحده جه بودي جارد ووشوش هاله في ودنها
البودي جارد: ( بهمس في ودن هاله ) في اتنين من اللي كنا بنشوفهم في ڤيلا عاصي واحنا بنراقبهم هنا في المصنع شوفناهم في الكاميرات
هاله: هما وصلوا هاتوهم
البودي جارد طلع بسرعه علشان يمسك احسان وفيروزه
وفعلا مسكهم وجابهم ودخل بيهم
هاله: اهلا.. اهلا شرفتوا ده كده اللعب هيحلو اوي
فيروزه: انتي ياهاله 😳😳
يتبع...
الجزء التاسع
هاله : اهلا .. اهلا شرفتوا ده كده اللعب هيحلو اوي
فيروزه : انتي ياهاله 😳😳
عاصي : انتي تعرفيها
هاله : عززززز المعرفه .. ده كده اللعب كله هيبقي علي المكشوف قربي يا اختي انتي وهي خلينا نكمل لعبتنا
كملي يابدور مين اللي كان دافعلك علشان يزوقك علي عاصي
احسان ابتدت تتوتر وتفرك في صوابعها وبلعت ريقها وكان قلبها من الخوف شويه وهيطلع من مكانه
بدور : احسان .. احسان هي اللي دفعتلي علشان افضل معاك وانك اكيد مش هتأذيني علشان شبه فيروزه وهفكرك بالماضي ولما انت اتصابت كلمتها وخليتك تتعالج عندها وبينت كرهها الشديد ليا قدامك عشان ماتشكش في حاجه
احسان : ( بصوت عالي وصريخ ) كداااااابه .. انا البت دي ماعرفهاش .. ولا عمرى شوفتها الا معاك .. دي .. دي اكيد ياعاصي بتعمل كده عشان توقع ما بينا مش اكتر .. انا لا يمكن اعمل كده ياعاصي
عاصي : ( بصوت عالي ) اخرسي .. اخرسسسسسسسي
عاصي : انا كل اللي حواليا خانوني بس مجاش علي بالي ابدا ان انتي كمان فضلتي جنبي عشان مصلحتك وبس
بدور بصت في الارض ودموعها نازله منها
فيروزه بصت لاحسان بصت شماته وضحكت
غالب : وهي ليه كانت عايزه يعرفها اوي كده يابدور
بدور : دي حاجه تقدر تسالها هي عنها
غالب : ( بص لاحسان ) وانتي بقي مين مسلطك علينا وعايزه تدخلي حياتنا اوي كده ليه ؟
احسان : بقولك دي كدابه انت ليه مش قادر تصدق انا معرفهاش ولا شوفتها قبل كده غير مع عاصي
هاله : ( بزعيق ) عبد القوووووووي
عبد القوي رفع السلاح علي احسان
هاله : اكذبي مره تانيه .. مره تانيه بس وهتلاقي المسدس ده كله في دماغك
احسان : ( رفعت ايديها ) ايه ياعبد القوي بالراحه شويه
هاله : جاوبي علي سؤاله
احسان : مافيش .. مافيش حد مسلطني عليكم كل الحكايه ان انا حاولت كتير الفت انتباهك ياعاصي وانت عمرك ما بصيتلي في يوم من يوم ما جابت العامل اللي اتصاب عندك في الشركه وانا بحلم في يوم انك حتي تعرف اسمي بس انت كنت دايما بتركز في حاجه تانيه علشان كده .. علشان كده ياعاصي اول ما شوفت بدور قولتلها انها تدخل وسطكم وانا عارفه انك لايمكن تأذيها علشان فيها شبه من فيروزه ووقتها واحده واحده كانت هي هتجيبك ليا ولما انت كنت مصاب خليتها تدخل بيك وسط الزرع وتجيبك عندي وتفهمك انك جيت بالصدفه وتشيلهالي جميله وبقيت عارفني وعارف اسمي لاء وكمان قعدت في ڤيلتك علي امل اني اقرب منك في يوم وتحبني
عاصي : ( بكل برود ) وياترى حبيتك .. انا عمرى ما استلطفتك في يوم ولا حتي هتيجي علي بالي لحظه عارفه ليه علشان انتي اقل من انك تيجي علي بالي ولو للحظه واحده
احسان : ( بعياط ) لا ياعاصي ماتقولش كده يا عاصي عشان خاطر **** ماتقولش كده
هاله : نسيبنا بقي من ست احسان وندخل علي الست فيروزه هانم احنا نعتبر اليوم ده يوم الحقيقه الكامله
هاله بقت تضحك ضحك هستيري
هاله : ايوه .. ههههههه.. ايوه صح كده يوم الحقيقه الكامله
الدور عليكي ياست فيروزه اتفضلي قولي اللي عندك
فيروزه : ( بلعت ريقها وبصت لعاصي ) انا .. انا معنديش حاجه عشان اقولها
هاله : ( رفعت المسدس وضربت طلقه تحت رجلين فيروزه بالظبط ) تفتكرى اني مابعرفش انشن الطلقه الجايه في دماغك علي طول
عاصي : انا مستني
فيروزه : اناااا .. اناااااا
عاصي : انتي اييييييييه انطقي
فيروزه : اصل .. اصل ..
هاله : لاااااا .. اصل دي مش هتعرف تبدأ منين ولا منين دي حكايتها حكايه تحبي ابدأ انا انتي اللي خليتي رفيق يقول لغالب يجنن عاصي وانتي صاحبه فكره ان عاصي ياخد برشام هلاوس .. ولا تحبي اقوله ان انتي اللي رميتي نفسك قدام العربيه بتاعته وخليتي حد يتصل بي ويقوله ان الشركه ولعت .. ولا اقولك انا بقي هقوله ان انتي اللي خليتي رفيق انه يقنع غالب ان عمه هو اللي قتل ابوه .. لاء بص بقي ياعاصي دي مهما احكيلك مش هيبقي في وقت بصت في ساعتها وانتوا اخدتوا مني وقت اكتر من اللازم
غالب : معقول انتي يافيروزه .. انتي اللي كنتي بتحركينا زي العرايس اللعبه في ايدك طول السنين اللي فاتت دي كلها
فيروزه : ( بكل حقد وغل ) أيوه انا .. رفيق ده كان مجرد أله بحركها واقوله يعمل ايه ويتحرك ازاي مكانش بيمشي خطوه من غير ما يقولي اعمل ايه .. كان بيحبني وبينفذ كل اوامري
كنت عايزين مني ايه بعد اللي عمك عملوا معايا ولسه كنت داخله بيتكم وانتقامي مخلصش كنت ناويه اجننه اكتر واخليه يتمني الموت علي اللي عمله معايا من سنين فاتت وانا مظلومة من غير حتي ما يسأل عني ولا يتأكد من اللي ابوك قالهوله
عاصي : وايه اللي خلاكي مانتقمتيش اكتر ما انتي دخلتي وسطنا ..
فيروزه : ( بصت في الارض) للاسف لما اخدتني في حضنك زي زمان كل مشاعرى اتحركت من ناحيتك من جديد ياعاصي
عاصي : ( ضحك ضحكه سخريه ) مشاعر .. هو بعد كل اللي حصل ده لسه في مشاعر
عاصي : كلنا .. كلنا بلا استثني اكلنا في بعض كل واحد لمصالحه الخاصه
هاله : ( رفعت المسدس اكتر وبقت عامله زي المجنونه ) خلاص كلكم اتصافيتوا .. كلكم عرفتوا حقيقه بعض .. وانا .. وانا اطفالي اللي ماتوا مين هياخدلي حقهم
هاله : عبد القووووووي
عبد القوي جاب الكبريت وهاله لسه بتولع في البنزين
بدور نطقت بسرعه
بدور : بس .. بس انتي قولتي .. قولتي لو كسبت في اللعبه مش هتموتيهم
هاله بصت وراها بنظره كلها خبث
ووطت ناحيه بدور
هاله : ااااااااه بس انتي لسه مانفذتيش الشرط التالت
بدور : موافقه انفذه انا هعمل اي حاجه انتي عايزاها
هاله مسكت بدور ووقفتها علي رجلها
ورفعت ايدها وخليتها تمسك المسدس
هاله : اختااااااري
بدور : مش فاهمه
هاله : اختاري مين فيهم يعيش ومين فيهم يموت وانتي اللي هتموتيه بأيديكي
بدور : 😳😳😳
يتبع...
الجزء العاشر والأخير
بدور : بس .. بس انتي قولتي .. قولتي لو كسبت في اللعبه مش هتموتيهم
هاله بصت وراها بنظره كلها خبث
ووطت ناحيه بدور
هاله : ااااااااه بس انتي لسه مانفذتيش الشرط التالت
بدور : موافقه انفذه انا هعمل اي حاجه انتي عايزاها
هاله مسكت بدور ووقفتها علي رجلها
ورفعت ايدها وخليتها تمسك المسدس
هاله : اختااااااري
بدور : مش فاهمه
هاله : اختاري مين فيهم يعيش ومين فيهم يموت وانتي اللي هتموتيه بأيديكي
بدور : 😳😳😳 ( بدور بقت تبص لهاله وهي متنحه )
هاله : مالك بتبصيلي كده ليه ؟ مش انتي عايزه تنقذي حد فيهم .. يلا .. الفرصه قدامك ( هاله وقفت ورا بدور وبقت تمسك ايد بدور وبدور ماسكه المسدس )
هاله : ( بقت تحرك ايد بدور وصوبت المسدس ناحيه عاصي )
هاله : ( وهي بتتكلم في ودن بدور بهمس ) ايه رأيك نموت عاصي ونخلص منه ومن شره .. بس .. بس لو موتناه تفتكرى هنخلص منه اصل ده شيطان حتي بعد الموت ممكن يظهرلنا تاني
هاله وهي ماسكه ايدين بدور وبدور ماسكه المسدس بأيديها وأيديها كانت بتترعش
هاله : ( والعرق نازل من جبينها وبتتكلم بالعافيه .. بلعت ريقها ) ولاااا .. ولا نخلي الرصاصه تيجي في قلب غالب اصل .. اصل موته مش هيفرق مع حد
بدور : ( لفت وشها يمين ودموعها نازله من عنيها والخوف مالي قلبها ) انتي .. انتي اكيد مجنونه
احسان : ( وعبد القوي والناس اللي معاه ماسكينها من ايديها وماسكين فيروزه احسان بقت بتحاول تفك ايديها منهم احسان : ( والدموع في عنيها ) بدور .. بدور اوعي تموتي عاصي يابدور .. عاصي لاء .. عاصي لو جراله حاجه مش هعرف اعيش من غيره يابدور
هاله بصت لأحسان ورفعت حاجبها وهي مبتسمه
هاله : وتفتكري ده سبب كافي انك تخليها ماتموتهووش
(هاله بصت لفيروزه ) أاااايه مش عايزه تقولي حاجه انتي كمان يافيروزه
فيروزه بصت في الارض وماتكلمتش ولا كلمه ..
هاله : أنا بقول ان سكاتك ده انك موافقه ان عاصي يموت
طيب ماتيجوا نعمل تصويت ولا انتوا ايه رأيكم
هاله كانت حرفيا مجنونه فقدت عقلها في اللحظه اللي فقدت فيها اطفالها وبقت تضحك بهستريا لحد ما سكتت وبرأت لبدور وبصت لبدور بصت شر
هاله : ( وهي دايسه علي سنانها وبتتكلم بحقد وغل ) اختااااري
بدور رفعت المسدس وخلاص اختارت هتموت مين فيهم ولسه هدوس علي الزناد ودموعها نازله منها والاتنين بيبصولها زي ما يكونوا عايزين يعرفوا هي اختارت مين فيهم وقفت لثواني وغمضت عنيها
هاله راحت شدت المسدس اللي مع عبد القوي ورفعت السلاح لفوق وضربت نار في الهوا
هاله : قدامك 3 ثواني لو ماموتيش حد فيهم هتموتوا كلكم
احسان وفيروزه صوتوا والناس اللي كانت ماسكنهم سابوهم واستخبوا بسرعه اول ما هاله مسكت المسدس من عبد القوي
عبد القوي وقف قدام هاله
عبد القوي : هاتي المسدس يادكتوره هاله
هاله : ( وهي رافعه المسدس عليه ) اامشي من قدامي ياعبد القوي وخللي رجالتك يمسكوهم اوعي تخليهم يهربوا منك انت فاهم
عبد القوي : ( بيحاول ياخد المسدس منها مره تانيه ) بقولك هاتي المسدس
عبد الرحيم دخل بسرعه علي صوت ضرب النار وراح بسرعه علي عاصي وغالب وفكهم
عبد الرحيم اول شخص فكه هو غالب فك ايديه
غالب : خلاص .. خلاص انا هفك رجلي فك عاصي بسرعه
هاله : ( بصريخ وهي بتصرخ في وش عبد القوي ) انت بتعمل اييييييه .. انت ازاي شايفه بيفكهم وواقف قدامي انا وساكت
عاصي : ( قرب من هاله اكتر وبقي يقرب خطوه وهاله تبعد خطوه )
هاله : ابعد ياعاصي ابعد عني بدل ما اقتلك
عاصي : بقي يقرب اكتر .. ( بنظرات خبيثه لهاله واشمئزاز )
عاصي : المسدس اللي في ايدك ده الطلقات اللي في فشنك
هاله : ( لسه ماسكه المسدس ورفعاه علي عاصي ) انت كداب .. انت بتقول كده عشان تنقذ نفسك
عاصي : ( وهو بيقرب من هاله بخطوات بطيئه ) لو مش مصدقاني جربي ( هز راسه يمين وشمال )مش هتخسري حاجه
هاله : ( داست علي سنانها وبكل غيظ داست علي المسدس وبقت تضرب نار علي عاصي طلقه في التانيه في التالته لحد ما السلاح ما تفضلش فيه غير طلقه واحده بس
عاصي : ( بابتسامه سخريه ) تصدقي طلعتي شجاعه ياهاله لاااا بجد ابهرتيني محتاجه سقفه علي شجاعتك دي
هاله : ( رمت السلاح بسرعه من ايدها ) وبقت تصرخ بعلو صوتها انت مابتمتش بالساهل ابداااااااااا
ولسه هتهجم علي عاصي .. راح عاصي بص لعبد الرحيم وعبد القوي راحوا مسكوا هاله بسرعه
هاله : عبد القوي انت معايا ولا معاهم
عبد القوي : انا مع اخويا .. عبد الرحيم ( البودي جارد بتاع غالب )
هاله : انااااا .. انا مش فاهمه حاجه
بدور : يعني ايه
فيروزه ( ابتسمت وفهمت دماغ عاصي )
فيروزه : ( سقفت لعاصي ) يعني عاصي عمل كل اللعبه دي علينا احنا الاربعه علشان يكشف كل واحد مخبي ايه مش اكتر وعرف يلعبها صح علينا كلنا وحتي علي هاله
احسان : يانهار اسود يعني .. يعني انتوا مكنتوش مخطوفين
فيروزه : لا مخطوفين ايه يا احسان عاصي يخطف لكن ما يتخطفش
هاله : يعني ايه فهموني
غالب : انا عرفت باللي حصل لاطفالك وعرفت انك كنتي
بتخططي علشان تقتلينا انا وعاصي وقتها بلغت عاصي باللي حصل وعرفته انتي ناويه علي ايه وبعتنالك وقتها عبد القوي ودخل عليكي بحجه انه يساعدك وفي المقابل تديله فلوس
هاله : وهي لسه مش مستوعبه .. يعني ايه ؟
عاصي : يعني انتي ياهاله كنتي العروسه اللعبه اللي كنا بنحركها من بعيد علشان اخيرا نعرف كل واحد مخبي ايه
-------------------------( فلاش باك ) -----------------------------
فيروزه كانت قاعده هي وعاصي علي المرجيحه وبقت سانده راسها علي صدر عاصي وبدور كانت بتبص عليهم من بلكونه اوضتها ودموعها نازله للاسف اول ما شافتهم كده دخلت جوه واحسان دخلت البلكونه وشافت عاصي وفيروزه وبقت هتتجن فجأه جه تليفون لعاصي
غالب : ايوه ياعاصي انت قاعد لوحدك
عاصي : لاء ..
غالب : طيب ابعد عن اي حد جنبك
عاصي بعد عن فيروزه وكمل كلامه مع غالب
غالب : الشركه ماتحرقتش ولا حاجه ده حد كان قاصد انه يطلعك اليوم ده من الڤيلا
عاصي بص وراه وابتسم لفيروزه وعرف ان وراها حاجه كبيره ولا يمكن هتعترف بيها بسهوله
غالب : هااا .. هنعمل ايه ؟
عاصي : ( لسه بتراقب هاله )
غالب : طبعا وكل حاجه ماشيه تمام وخليت عبد القوي يقع في طريقها وباعت اللي وراها واللي قدامها علشان تديله فلوس وينفذ اللي هي عايزاه منها
عاصي : ( بعد خطوات اكتر وبص وراه مره تانيه )
عاصي : احنا عايزين هاله تعمل كل حاجه احنا عايزينها
غالب : ( قطع كلام عاصي وكمل ) بس تكون فاكره ان هي اللي ماسكه العصايه وبتحركها
عاصي : حلو اوي الكلام ده .. هتنفذ الخطه امتي
غالب : لو حابب اكلم عبد القوي النهارده يقنع هاله انهم ينتقموا مننا النهارده
عاصي : تمام يبقي الليله .. عارف طبعا الخطه
غالب : اكيد .. هتصل بيك وانت مش هترد وواحده منهم هترد عليا بس مين اللي هتيجي تنقذني فيهم
عاصي : احسان .. يافيروزه انا عايز اي واحده فيهم تشوف الذل الاول
غالب : بس فيروزه رجليها مكسوره
عاصي : مممممم مافتكرش .. لو طلع اللي في بالي صح يبقي رجليها مش مكسوره ولا حاجه
غالب : وبالنسبه لبدور
عاصي : لاااا بدور دي سيبها عليا انا .. انا متأكد ان وراها حاجه هي واحسان وهعرفها قريب اوي
فيروزه : ( قربت من عاصي )
عاصي : طيب ياغالب ما تتأخرش
غالب : انا جاي في الطريق
فيروزه : طيب انا هدخل اوضتي بقي
عاصي : ( في نفسه ) ماينفعش تدخلي دلوقتي
فيروزه : تصبح علي خير ..
عاصي : ( داس علي سنانه ) وانتي من اهله
احسان بصت علي عاصي لاقت فيروزه دخلت راحت نزلت بسرعه عاصي مسك الازازه وعمل نفسه أكنه بيشرب منها وسكران طينه احسان نزلت وقربت من عاصي ..
ورفعت ايدها وحاولت تلمس ضهره
عاصي : انتي بتعملي ايه ؟
احسان : انا .. انا كنت عايزه اطمن علي الجرح مش اكتر
عاصي : يوووووه .. سبيني في حالي بقي
عاصي عمل نفسه مضايق وساب فونه في الجنينه واحسان اول ما شافت الفون اخدته علي طول وطلعت الاوضه
عاصي ابتسم ابتسامه خبيثه ودخل علي اوضته
عاصي : ( في نفسه ) تستاهلي اللي هيجرا فيكي يا احسان وخصوصا فقره الكللابب هتخليكي تنطقي بكل حاجه علي طول مخبياها عليا
بس للاسف احسان الوقت ده شربت البرشام المهدىء لما معرفتش تفتح الفون وبدور هي اللي رجعت الفون في اوضه عاصي بدور حاولت تفتح باب عاصي بالراحه جدا عشان عاصي ماياخدش باله وتحط الفون بتاعه جنبه عاصي بسرعه اوي عمل نفسه ان مغمى عليه من كتر الشرب بيبص لقي بدور هي اللي ردت علي غالب مش احسان بس لو كان فاق واخد الفون الخطه كلها كانت هتبوظ وسابها هي اللي تروح الاول عشان تنقذ غالب
بدور ردت علي غالب
بدور : ايوه ياغالب انا خلاص جيالك في الطريق
غالب : استغرب .. بدور .. ( في نفسه هو مش عاصي كان قايل ان احسان يا اما فيروزه هي اللي هتيجي )
عاصي بسرعه اتصل بمحمود السكرتير بتاعه من تليفون البيت
عاصي : الووو يا محمود
محمود : تحت امرك ياعاصي بيه
عاصي : هنفذ النهارده انت عارف هتعمل ايه كويس
محمود : اكيد ماتقلقش هديهم اللوكيشن في المعاد مظبوط
عاصي : عفارم عليك
---------------------( في الوقت الحالي )----------------------------
احسان : وتفتكر ان انا كنت ممكن اعمل ربع اللي بدور عملتوا علشانكم
فيروزه : ما عشان كده كنت مجهزلك الكللابب علشان ينهشوا في لحمك انتي بدالها بس للاسف حظها ان هي اللي جت
هاله : ياولاد الكككككككككككلب
يعني انا كنت مجرد لعبه في ايديكم
عبد القوي : ما انا كنت كل ما اقترح عليكي اقتراح تنفذيه
بدور : يعني انت كنت شايفني وانا ممكن اموت قدامك ياعاصي ومكنتش هتعمل عشاني حاجه
عاصي : وتفتكرى اللي زيك حد يعمل عشانه حاجه
غالب : عاصي انت بتقول ايه
عاصي : اسكت انت خالص
عاصي : كده كل واحد فيكم بان علي حقيقته وعرفت اللي جوه بطونكم كنتوا فاكرين انكم هتستغفلوني كلكم ( بص لهاله ) وانتي كنتي عايزه تموتيني انا .. انتي السبب في موت عيالك مش انا .. انتي اللي بعتي مهنتك وبعتي نفسك لرفيق علشان الفلوس كنتي بتلعبي علي كل واحد شويه علشان خاطر الفلوس وعرفت انك بتسيبي عيالك بالايام والاسابيع بس حظهم انهم ماتوا لما انا حبستك .. ده انتقام **** منك علشان انتي تستاهلي تتعاقبي في الدنيا قبل الاخره
اما انتي ياست فيروزه .. لو كنت انا غلطت مره فا انتي اخدتي حقك وزياده مني لما خلتيني خمس سنين تايه ومش شايف اللي بيحصل قدامي خلتيني عايش زي المجنون بيكي وعمر حقدك وانتقامك ما هيخلص
عاصي : ( بص لاحسان ) الحب مش بالعافيه ياست احسان وعمرى ما هحبك بالطريقه دي
عاصي : اما انتي يابدور كنت فاكرك انك الحاجه الوحيده النضيفه اللي حصلتلي في حياتي .. كنت فاكرك غيرهم كلهم طلعتي اوسخ منهم كلهم برضوا كنتي معايا علشان الفلوس اللي بتدهالك احسان مش اكتر
بدور : ( ضحكه ضحكه ظهرت بجانب شفايفها ) انت صح .. انت عندك حق .. انا حتي كنت هموت نفسي من شويه عشان خاطر فلوس احسان مش اكتر .. انت صح ياعاصي بيه
عاصي : ده ضميرك اللي غصبا عنك لسه في جنب صاحي اللي خلاكي تعملي كده عشان تكفرى عن اللعبه الرخيصه اللي لعبتيها عليا انا وغالب
عاصي : ( اداهم ضهره) وقال للبودي جاردات
عاصي : سيبوهم .. خلوا كل واحده تمشي في طريقها انا هسيبكم تعيشوا المره دي وده علشان غلطت مع كل واحده فيكم وكده نبقي خالصين .. بس لو شوفت واحده فيكم طلعت قدامي مره تانيه ولو حتي بالصدفه هدفنها حيه
البودي جاردات سابتهم وابتدت كل واحده تدي ضهرها لعاصي وتمشي
غالب بقي يبص لبدور وهي ماشيه
غالب : استني يابدور
عاصي : غاااااالب .. تعالي جنبي هنا
غالب : عضه الكللابب لسه في رجليها م هتقدر تمشي ياعاصي
بدور : خليك ياغالب انا هعرف طريقي لوحدي
بدور مشيت هي وفيروزه واحسان وهاله عنيها كلها شر والحقد لسه مالي قلبها
بتبص لاقت الحديده اللي بدور وغالب فكوا ايديهم بيها مسكت الحديده بسرعه وجريت علي عاصي وهو مديها ضهره فيروزه شافتها بسرعه ووقفت قدام عاصي وهاله غرزت الحديده في قلبها مكان عاصي
عاصي : ( مسك فيروزه بسرعه وبقت ما بين ايديه ) فيروزه .. فيروزه .. ليه عملتي كده ليه ؟
عبد الرحيم : طلع المسدس بتاعه بسرعه وضرب نار علي هاله جت رصاصتين في قلبها ووقعت ماتت في وقتها
عاصي : فيروزه .. ردي عليا يافيروزه ..
احسان بسرعه جت على فيروزه ومسكت النبض بتاعها لاقيته ضعيف جدا بقت تضغط الجرح بأيديها عشان توقف النزيف
عاصي : اتصرفففففففي اعملي حاجه
بدور : قربت من فيروزه وهي بتعيط ومش عارفه تعملها ايه
احسان : الجرح .. الجرح عميق الحديده اتعمقت جدا في جسمها
فيروزه : ( بتبص لعاصي وبتبتسم ) عمرى .. عمرى .. ماعرفت اكرهك (خدت نفسها بالعافيه ) في يوم
عاصي : ( والدموع في عنيه ) ليه عملتي كده يامجنونه ليه .. انا ماستهلش .. ماستهلش كل ده ..
فيروزه : ( مع اخر نفس ليها رفعت ايديها وحطت ايدها علي صدر عاصي وبقت تشاور علي قلبه ) عشان .. عشان .. افضل هنا دايما
فيروزه غمضت عنيها وماتت .. ماتت وهي بضحي بنفسها عشانه رغم انها كانت عايزه تنتقم منه بأي طريقه بس برضوا لسه جواها حبه اللي عمره ما طلع من قلبها . ( غريب الحب مين فاهمه )
عاصي : ( اخد فيروزه في حضنه وبقي يبكي عليها ومش مصدق انها ممكن تضحي بروحها علشانه )
غالب بيبص لقي ان في جثتين معاهم ولازم يدفنوا
جثه هاله وجثه فيروزه
احسان بقت تبص للاتنين وهي قلق وخوف الدنيا كله فيها
احسان : وبعدين هنعمل ايه ؟ في المصيبه اللي احنا فيها دي .. ده احنا كده ممكن نروح في ستين داهيه
بدور كانت قاعده في ركن ودموعها نازله منها ومابتتكلمش ولا كلمه وكل جسمها كان بيترعش وبس غالب قرب منها وقعد جنبها ورفع دراعه وحاوطها
بدراعه وضمها لحضنه وقتها بدور رعشه جسمها ابتدت تقف غالب حط ايده علي شعرها وبقي يلمس شعرها بحنيه وياخدها لحضنه اكتر
عبد الرحيم : عاصي بيه .. عاصي بيه احنا لازم ندفن الجثث .. مش هينفع نسيبهم كده
عاصي كان ماسك فيروزه وبيبصلها وبس عبد الرحيم بص وراه لغالب راح غالب شاور لعبد الرحيم براسه انه يحفرلهم القبور بتاعتهم وابتدي عبد الرحيم والبودي جاردات اللي معاه
يحفروا الارض ومافيش علي لسان عاصي غير كلمه انا ماستهلش انك تعملي عشاني كده يافيروزه
عبدالقوي اخد جثه هاله ودفنها الاول وبعدها راح لعاصي
غالب قام من جنب بدور وبدور قامت بالعافيه وهي بتزق في رجليها
غالب : سيبها ياعاصي لازم ندفنها .. لازم نمشي من المكان بأسرع وقت ..
البودي جاردات راحوا عشان يشيلوا فيروزه من حضن عاصي
عاصي : ابعدوا عنها محدش يقرب منها
عاصي شال فيروزه ما بين ايديه وغالب وبدور واحسان ماشيين وراه .. واخيرا حطها في القبر بأيديه وبقي يردم عليها التراب وهو مافيش غير مشهد واحد قدام عنيه وهي بتنقذه وبضحي بروحها عشانه شروق الشمس طلع عليهم وهما الاربعه واقفين علي القبر بدور وغالب واقفين من ناحيه واحسان وعاصي من الناحيه اللي قصادهم وابتدي كل واحد يدي ضهره للتاني ويمشي في طريق.
نهاية السلسلة الثانية وانتظرونا قريبا في السلسلة الثالثة
السابقة
مره واحده عاصي وغالب نزلوا المسدسات من علي بعض ووجهوها ناحيه رفيق
رفيق : ( رفع ايديه ) انتوا بتعملوا ايه ؟
عاصي : هنقتلك 😈😈
غالب : ( وهو رافع المسدس علي رفيق ) انت اتكشفت يارفيق وبانت حقيقتك بس للاسف عرفت حقيقتك الو*خه متأخر اوي
بعد ما خسرتني خمس سنين من عمرى وانا فاهم كل شىء غلط
خمس سنين من وقت ما ابويا وامي اتحرقوا في البيت ده وانت مفهمني ان عاصي هو اللي حرقهم وولع فيهم وفي الفيلا .. خمس سنين وانا النار بتاكل فيا من قهرتي علي اهلي وانت مفهمني انك الصاحب الجدع اللي بتقف معاايا وخايف علي مصلحتي
(بدور كانت فوق السطح مره واحده مابقيتش تسمع صوت دوشه تحت ولا حد بيكسر حاجه نزلت بالراحه جدا من علي السلم وبقت تشوفهم وهي من فوق )
عاصي : ( وهو رافع المسدس علي رفيق وبكل غضب ) ليه عملت كده يارفيق .. لييييييه ؟ انا عملتلك ايه ؟ مافيش حاجه كنت بتطلبها مني إلا وكنت بديهالك ؟ كنت دايما معاك في المره قبل الحلوه خونتني ليه ياصحبي 😡
رفيق : ( رفع ايده الاتنين بخبث ) انا .. انا معملتش حاجه انتوا بتقولوا ايه 🥺🥺؟ انتوا اكيد فاهمني غلط
عاصي : ( بضحكه استهزاء) انت لسه هتمثل تاني ما كفايه تمثيل بقي .. مابقاش لايق عليك دور الشخص الكويس اللي عايز مصلحتي خلاص
رفيق : ياجماعه انتوا فاهمني غلط .. انا .. انا مش فاهم حتي انتوا بتقولوا ايه 🥺
عاصي : ( بص لغالب لقاه بيبص عليه رجع بص لرفيق مره تانيه ) احنا ممكن نكون فاهمينك غلط
عاصي : ( بصوت عالي ) هاتها من بره يابني بسرعه
عبد الرحيم ( البودي جارد ) : انت تؤمر ياعاصي بيه
عبد الرحيم طلع بره البيت ودخل وهو معاه الدكتوره هاله وماسكها من دراعها
رفيق : انتي 😳😳
هاله : ( هاله رفعت حاجبها اليمين وربعت ايديها الاتنين ) مستغرب ليه ؟ أيوه انا .. ( ضيقت عنيها بكل غيظ ) انا يارفيق.. انا اللي روحت لغالب وحاكيتله عن كل حاجه وقبضت التمن .. عمرك ما حبتني في يوم ولا هتحبني مهما اعمل عشانك حب فيروزه في قلبك مابيطلعش يبقي ليه افضل باقيه عليك وانت مش باقي عليا وعلي ولادك
رفيق : ( داس علي سنانه ) يابنت ال ...
هاله : من غير غلط يارفيق دي لعبه وزي ما دخلنا في اللعبه دي بالتراضي ادينا برضوا طلعنا منها بس مش بالتراضي
(غالب بص لرفيق )
غالب : وطبعا انت كنت مفكر انك انت اللي لاقيت الولد اللي اخد العربيه من عاصي وباعها
اللي عايز اقولهولك بقي اني لاقيت عربيه عاصي قابلك وعرفت مكانه وجيتله هنا الاول وطول اليوم كنت معاه بعيد عن البيت وحكيتله علي كل حاجه وفرجته كل فيديوهاتك الوس** معايا
رفيق : ( ضحك ضحكه خبيثه وسقف بأيديه مرتين ) لا ده باين النهارده القاعده عليا ولا ايه .. لا طالما الورق اتكشف بقي تعالوا نكشف ورقنا كلنا سوا ..
عاصي : تقصد ايه ؟
رفيق : اقصد ان كلنا في الحكايه دي اشرار ماحدش فينا برىء .. ( لف وبص لعاصي وبقي وشه في وش عاصي ) اوعي تفتكر انك بريء ياعاصي بيه .. يامتعلم يامثقف ياللي الدنيا بتديلك كل اللي انت عايزه من غير حتي ما تطلب
طلعت لاقيت نفسك غني ومعاك فلوس مالهاش عدد والبنات تحت رجليك مجرد ماتشاور الف بنت بتجرى عليك ..
عاصي : ( ضيق عنيه ) معقول الحقد والغيره يخليك تكرهني اوي كده
رفيق : انا عمرى ما كنت بحقد عليك واحنا ايام الجامعه كنت دايما بتمنالك الخير لحد ما اخدت مني الحاجه الوحيده اللي حبيتها في حياتي وهي ( فيروزه )
عاصي: ( باستغراب) فيروزه !!
رفيق: ايوه فيروزه بنت منطقتي ..البنت الوحيده اللي كنت بحبها في حياتي عمرها مابصيتلي لحد ما انت شوفتها وطبعا مافيش بنت تقدر تقاوم سحر عاصي بيه واخدتها من قدامي ومكنتش قادر اتكلم او افتح بوقي في يوم واعترفلها بحبي واقولها علي اللي جوايا
عاصي : انا مش مصدق انت بتحب فيروزه ؟؟
رفيق : مش مصدق ليه هو انا مش بني ادام وعندي قلب زيك وليا حق اني احب ..انا ماحبيتش ولا هحب حد قدها في يوم ..
عاصي : وليه ماقولتليش ؟؟
رفيق : ولما اقولك ( غمز بعنيه ) كنت هتعمل ايه ؟
غالب : (رفع السلاح اكتر علي راس رفيق وزق راسه بالسلاح )
غالب: ( رفع حاجبه اليمين وقال بصوت عالي ) لاااااا حوارتكم دي تصفوها سوا .. لكن انت دلوقتي حالا لازم تقولي انت حرقت ابويا وامي وجدي ليه .. لييييييه حرقتهم كلهم سوا ؟
رفيق : ( لف وشه وهو رافع ايده الاتنين جنبه وضحك ضحكه سخريه ) انا ماحرقتهمش هما اللي ولعوا في بعض ( ضيق عنيه وداس علي سنانه ) الحقد والغل والسواد اللي جوه قلوبهم هو اللي خلاهم يحرقوا في بعض مش اكتر
عاصي : ( بص كده نظره واحد محتار وهو مش فاهم معناه اي الكلام ده )
غالب : تقصد ايه بكلامك ده انا مش فاهم حاجه .. انا كنت راجع من الكليه و كل اللي فاكره ان شوفت عاصي بيهرب من الفيلا وقتها وهي والعه من النار اللي فيها فضلت انادي عليه ماردش عليا وسابني وهرب وبعدها عمل نفسه انه راجع بعربيته وماشافش حاجه
عاصي : انا مكنتش في الفيلا وقت الحادثه انا لاقيتهم بيتصلوا بيا ان الفيلا ولعت جيت اجرى اشوف في ايه ولاقيتك هناك
عاصي وغالب الاتنين بصوا في وقت واحد لرفيق بصه شر 😡😡
غالب : لااااا ما انا نسيت اقولك ياغالب اني انا كنت عارف انك جاي في نفس اللحظه دي ووقتها بقي جيبت واحد ولبسته هدوم عاصي وفي نفس جسمه وانت شوفته من ضهره وهو خارج .. علشان لما ترجع تفتكر ان عاصي هو اللي عمل كده
عاصي : (وهو بيشاور بأيديه بالمسدس بكل غضب ) ليييييييييه قتلتهم ليييييييييييييه ؟
رفيق : ( بكل برود نزل ايديه الاتنين اللي كان رافعها وقرب خطوه من عاصي وبقي يلف حواليه بخطوات بطيئه واتكلم بصوت واطي )
رفيق: متأكد انك عايز تعرف السبب ؟
عاصي : انطق قبل ما اخلص الرصاص ده كله فيك
رفيق : علشان هما اللي قتلوا فيروزه
عاصي : انت بتقول ايه ؟؟
غالب : ( انت كدااااااب ) عاصي هو اللي قتل فيروزه مش هما
عاصي : انا اللي قتلتها بأيدي دي واحده فا"جره وخا"ينه ماتستحقش تعيش
رفيق : اللي بتطعن في شرفها دي انضف خلق **** وماتستحقش الكره اللي في قلبك ده كله من ناحيتها
عاصي : دي كانت معاهم وزي البنات الش"مال دي واكتر .. جايبها من حضن زميلي
رفيق : ومافكرتش لحظه مين اللي وداك الحفله دي ياعاصي بيه .. ارجع بالذاكره كده شويه .. اللي وداك الحفله دي اخوك قاسم اللي مايجوزش عليه الرحمه في يوم ..خطف اختها الصغيره اللي ماتكملش الاربع سنين وهددها بيها انها لو ماعملتش كده وراحت الحفله دي هيق"تلها وقتها فيروزه لبست اللبس ده وراحت معاهم الحفله وعملت نفسها من البنات الشمال دي عشان كانت خايفه علي اختها
وانت مع انك عارف اخلاق فيروزه كويس جيت عليها اكتر وخنقتها بأيديك
عاصي : فيروزه مكانش عندها اخت صغيره فيروزه كانت وحيده
رفيق : كان عندها .. انت البرشام اللي لحس مخك مش اكتر ولسه مارجعتش لعقلك الطبيعي بس بكره لما مفعول البرشام يروح كليا هتفتكر كل حاجه
غالب : انت كداااااااب ابويا لا يمكن يعمل كده ابدا
رفيق : ( لف ضهره وبصله ببرود ) مممممممم بصراحه ابوك مكانش بيفكر ابوك كان عامل زي العصايه بيحركوها وبس اما بقي الدور والباقي علي ماما وجدو اللي كانوا بيخططوا ازاي يخلوا فيروزه تبعد عن عاصي ومالقووش غير الفكره الوس** دي عشان ينفذوها
وانا كشفتهم ولما كشفتهم ما أنكروش بالعكس كانوا فخورين باللي عملوا لحد ما اخدت حق فيروزه بأيدي منهم وولعت الفيلا باللي فيها .. بس كان ناقص حاجه واحده بس واكمل انتقامي وهو عاصي بس لو عاصي الموت هيبقي رحمه لي .. وانا مكنتش عايزه يموت قد ما كنت عايزه يتعذب وانت ساعدتني في ده لما قولتلك ان هو اللي قتلهم عشان خاطر فيروزه وابتديت تساعدني وتمشي وراايا في كل اللي قولتهولك
عاصي : ازاي اخويا يعمل كده ازاااااي
رفيق: وماسألتش نفسك انت ازاي تعمل كده في فيروزه وتصدق عليها حاجه زي كده لاء وكمان ما كتفتش انك تموتها روحت وشردت ابوها وامها الغل والحقد ملوا قلبك واختها الصغيره كبرت وعرفت تجيبك لحد هنا
عاصي : تقصد مين
رفيق بص علي السلم وبدور نازله منه
بدور : ( بتوتر ) انت .. انت بتبص عليا ليه ؟
عاصي : بدور 😳😳
غالب : يابنت ال ...
بدور نزلت من علي السلم ..
بدور : انا .. انا معرفش حاجه انا و**** ما اعرف الراجل ده بيتكلم عن ايه وعمرى ما شوفته
رفيق : كفايه تمثيل بقي يابدور كل حاجه اتكشفت خلاص
بدور : انت بتقول ايه ياراجل انت انا اول مره اشوفك اصلا
عاصي : حتي انتي يابدور
هاله: يانهار اسود هو انتي كمان معاهم غريبه اول مره اعرف
بدور بصت لهاله كده بغيظ وسابتها وراحت لعاصي
بدور : ( راحت لعاصي ووشها بقي في وشه ) عاصي .. عاصي ماتصدقهووش ده كذاب و**** ما اعرفه و**** العظيم اول مره اشوفه .. انا معرفش هو بيقول كده ليه .. انا اول مره اشوفه
(بدور كانت لسه بتكمل كلامها راح رفيق داس علي زرار كان معاه وباب البيت اتفتح واتملي رجاله رفيق وكان عامل حسابه ان ممكن حاجه زي كده تحصل )
هاله ابتدت تتسحب بالراحه اوي من جنبهم لحد ما اتخبت في اوضه ونطت من الشباك وطلعت تجرى
مره واحده عاصي وغالب لاقوا رجاله رفيق عماله تضرب عليهم نار من كل حته غالب طلع مسدس من ورا ضهره بسرعه وجرى يتخبي ورا عامود وعاصي نفس الكلام ورفيق طلع بسرعه فوق السطح عشان يهرب وهو طالع مسك ايد بدور وكان بيشدها معاه
رفيق : يلا يابدور مافيش وقت
( ضرب النار كان شغال وعاصي وغالب كانوا مشغولين بيضربوا نار علي اللي رجاله اللي بتضرب عليهم وصوت ضرب النار في كل حته حرفيا )
بدور : (وهي حاطه ايديها الاتنين علي راسها وموطيه وخايفه مرعوبه )
بدور : أجي معاك فين ياراجل انت معرفكش .. انت عايز مني ايه بقولك سيبني في حالي **** يخربيتك
رفيق راح بص لبدور بغضب
رفيق : يووووووه براحتك بس اعرفي انك هنا هتموتي
رفيق طلع فوق السطح بسرعه وغالب وعاصي بقول يموتوا في رجالته
عاصي بص لقي رفيق بيهرب وبيطلع فوق السطح بص لغالب انه يحمي ضهره غالب فهمه وبقي يحمي ضهر عاصي وعاصي طلع وراه
عاصي بقي يجرى ورا غالب
ومره واحده مسكوا اخيرا ووقعوا في الارض وبقي يضرب فيه ورفيق بقي يضربوا بالبونيه في وشه عاصي كان معاه مسدس الاتنين مسكوا المسدس والاتنين المسدس ما بينهم وكل واحد بيحاول ياخد المسدس من ايد التاني وهما
بيضربوا في بعض مره واحده طلعت رصاصه وصابت واحد فيهم في بطنه عاصي قام بسرعه ورفيق بقي ماسك بطنه والد"م بينزل منها
عاصي : ( وهو واقف وشايف رفيق والدم بينزل منه ) ليه ماقولتليش .. لييييه
رفيق : ( بلع ريقه ) بعد .. بعد ايه ( بياخد نفسه بالعافيه ) فيروزه خلاص ماتت كان لازم تدفع تمن موتها وعذابك لابوها وامها
عاصي : ( داس علي سنانه وبيرفع المسدس في وش رفيق مره تانيه ) راح جه راجل من رجاله رفيق وضرب عاصي علي دماغه من ورا عاصي لف وراه وبقي يضرب فيه بكل وقته لحد ما وقعه في الارض رفيق وقتها بقي بيزحف في الارض لحد ما قام وهو ماسك جرحه ونزل من علي السلم الخشب اللي بيودي علي الشارع التاني وركب عربيته بسرعه وهرب
عاصي بيبص وراه مالقاش رفيق بس قطرات دمه كانت في كل حته
عاصي نط من فوق السطح علي الارض وبقي يقتل رجاله رفيق لحد ما خلص عليهم كلهم وغالب طلع بسرعه لعاصي بره البيت
غالب : هاااا .. قتلت الكلب ده ولا لاء
عاصي : ( رفع حاجبه ) مش عارف .. بس انا اللي متأكد منه ان الكلب ده مايموتش بسهوله
غالب : وبعدين احنا لازم نجيبه
عاصي : ( بيبص لقي بدور متخبيه ورا الكنبه ) قام قدم خطوات بسرعه وشدها من شعرها
بدور : لا لا لا لا لا لا لا .. و**** العظيم انت فاهم غلط انا معرفهووش
عاصي : قوليلنا كنتوا بتتقابلوا فين حالا انتي فاهمه 😡😡
اكيد هو راح المكان اللي كنتوا بتتقابلوا فيه
بدور : ( بدموع وتوسل ) وحياتك عندي ياعاصي ما اعرفه ولا عمرى شوفته في يوم اقسملك ب**** ما اعرفه
غالب : سيبلي البت دي انا هعرف اخليها تنطق ازاي
غالب : ( جه يمسك بدور من ايديها ويشدها عاصي وقف قدامه )
عاصي : سيبهالي انا .. انا هتصرف معاها
غالب : ( وطي راسه باستهزاء ) تحت امرك ياعمي ..اللي تشوفه ياعاصي بيه .. ما هي بت زي دي قريبه حبيبه القلب لازم تتعامل معامله خاصه وانا .. انا مش هعرف انتقم للي قتل ابويا وامي
(عاصي مسك غالب من قميصه بعنف )
عاصي : هجيبه لو في اخر الدنيا هجيبه ماتقلقش
عاصي شد فيروزه من ايدها وركبها العربيه بتاعت غالب وطلعوا علي فيلا غالب
عاصي : ( اول ما وصلوا ) لسه زنزانه ابوك اللي تحت الارض موجوده
غالب : ( رفع حاجبه الشمال ) موجوددده
(عاصي شد بدور وراه ونزلوا تحت الفيلا )
عاصي : هات المفتاح
غالب : خد
عاصي فتح باب الزنزانه ورمي بدور فيها بدور وقعت في الارض وبكل خوف وهي بتعيط
بدور : و**** العظيم .. و**** العظيم ما اعرفه .. انت ليه مش عايز تصدقني ياعاصي ..طيب فكر للحظه انا لو كنت اعرفه كنت انقذتك ليه من الموت ومن البرشام فكر شويه ياعاصي **** يخليك
غالب : ماتصدقهاش دي لو مكانتش تبع غالب هيقول كده ليه ؟
بدور : انا لو كنت تبعه كنت هربت معاه ؟
غالب : انتي مالحقتيش تهربي .. سابك لوحدك عشان هو جبان
بدور : لاء ماحصلش قالي تعالي معايا وانا مارضيتش
غالب : اوعي تخليها تأثر عليك ياعاصي ده صنف كهين
عاصي : ( بصوت عالي ) بسسسسسسسسسسسسس
اخرسوا انتوا الاتنين ( بص لبدور ) مش عايز اسمع صوتك انتي فاهمه
بدور : ( بخوف وهي حاطه ايدها علي بوقها وبتترعش ) ف .. فااا .. فاهمه
عاصي قفل الباب علي بدور
بدور : لا ياعاصي انا بخاف من الضلمه لاء
عاصي قفل الباب وساب بدور ومشي وغالب طلع وراه
غالب : انت هتسيبها كده
عاصي : سيبني دلوقتي ياغالب
غالب : لاء مش هسيبك انت بقيت ضعيف مابقيتش عاصي بتاع زمان الظاهر انك عايز ترجع للبرشام تاني عشان ماتحسش بنفسك وتبقي اقوي من الاول
عاصي : مسك غالب من هدومه وحدفه علي الحيطه وقعه في الارض
عاصي : لما اقولك سيبني يبقي تسيبني انت فاهم 😡😡
غالب : ( وهو واقع في الارض ) اللي تشوفه ياعاصي بيه بس انا عايزك تعرف حاجه انا مش هسيب حق ابويا وامي مهما حصل
عاصي طلع وساب غالب وفتح عربيه من عربيات غالب واخد مفتاحها وساقها ومشي وهو معاه مفتاح فيروزه
وبدور وقتها كانت قاعده في الزنزانه وهي ضمه رجليها وحافيه وبتعيط ومش عارفه تعمل ايه ؟
وغالب طلع بقي بيبص علي صوره امه وابوه ومسك الصوره وبقي يحضنها ما بين ايديه
----------------------------( في نفس الوقت )-------------------------
رفيق نزل من العربيه بتاعته وهو الدم مغرق كل هدومه حرفيا ونزل
من العربيه وهو مش قادر يقف وخبط علي باب في وسط صحرا
واول ما خبط بقي بيخبط جامد مره واحده الباب اتفتح
رفيق : فيروزه .. فيروزه الحقيني
فيروزه : ( بخوف وخضه علي رفيق ) رفيييييييق .. انت كويس انت بخير
رفيق وقع في الارض وبقي مش قادر وفيروزه قعدت في الارض واخدته في حضنها
فيروزه : ( بدموع ) رفيق ماتسبنيش يارفيق
رفيق : ( وهو ماسك جرحه ) متخافيش .. متخ.. متخافيش يافيروزه انا
ماقولتلهومش انك عايشه . كل .. كل حاجه في خطتنا ماشيه .. زي .. زي ما انتي عايزه وهتنتقمي من عاصي .. بس .. بس لوحدك
فيروزه : لا يارفيق ماتقولش كده انا ماليش غيرك
رفيق : انا .. انا عملت زي ما قولتي بالظبط .. وقعتهم في البت اللي معاهم وقولتله انها تبعنا وهو دلوقتي هيكرهها مش .. ( بلع ريقه ) مش هيحبها زي .. زي ما انتي عايزه
فيروزه : سيبك من كل حاجه ماتتكلمش دلوقتي يارفيق
رفيق: انا عارف انك عمرك ما حبتيني بس لو الموت هيخليني
اشوف نظره الخوف عليا دي في عيونك فا انا مبسوط اني هموت ما .. ما .. ما بين ايديكي
مره واحده رفيق غمض عيونه ومات في حضن فيروزه
فيروزه : بقت بتصرخ بأعلي صوتها
فيروزه : رفيييييييييييييييييق 😭😭😭😭
يتبع...
الجزء الثاني
فيروزه وهي قاعده علي ركبها وواخده رفيق في حضنها وهدومها مليانه ددمم بصت في السما وبقت تصرخ بأعلي صوتها
فيروزه : رفييييييييييييييييييييييق 😭😭😭😭
( فيروزه ضمت راس رفيق لحضنها اكتر وبقت تبكي عليه )
فيروزه : قوم يارفيق قوم عشان خاطرى .. ( بتمسح مناخيرها بأيديها ) قوم انا ماليش غيرك في حياتي بعد اللي حصلي مافيش حد خدني في حضنه غيرك كله رماني الا انت رفيق ماتسبنيش ( مسحت عنيها بأيديها وهي مش قادره تبطل بكي ) ما انت مش معقول تبقي موت احنا مش اتفقنا ان احنا هنموت سوا ليه بقي موت وسيبتني لوحدي
فيروزه : ( بصراخ ) رفيييييييق
----------------------------( في نفس الوقت ) ------------------------
عاصي اخد عربيته ومشي ووقف في اعلي منطقه في المقطم وقف عربيته ونزل منها وقفل الباب جامد لدرجه ان باب العربيه كان هيقع من كتر رزعت الباب وقف قدام كابوت العربيه وسند ضهره عليها وبقي يبص علي مصر كلها من فوق طلع سيجارته والولاعه وابتدي ينفخ في سيجارته ويفكر
عاصي : ( في نفسه ) معقول الكلام اللي رفيق ده صح .. معقول قاسم هو اللي عمل كل ده .. لا لا مش ممكن اكيد كداب .. طيب وبدور .. بيقول انها اخت فيروزه بس ازاي فيروزه مالهاش اخوات بنات فيروزه وحيده يبقي اكيد كذاااب انا متأكد
عاصي : ( لسه بيكلم نفسه ) انا قتلت فيروزه من 13 سنه اشمعنى ولع في الفيلا من خمس سنين بس وابتدي يديني البرشام من خمس سنين كان فين الوقت ده كله وكان بيتعامل معايا كويس جدا وكنت دايما ببعده عني هو اتغير من خمس سنين ايه اللي حصل
( عاصي لف وشه وضرب الكابوت بأيديه وهو هيتجن حرفيا مش عارف يعمل ايه )
( عاصي مسك دماغه بأيديه الاتنين ) دماغي مش قادر
عاصي ( لسه تأثير البرشام مارحش منه للاخر ابتدى يترعش وقعد في الارض وجسمه كله متكسر حرفيا )
------------------------( في نفس الوقت ) ------------------------
فيروزه اخيرا فاقت لنفسها وقامت وقفت بلعت ريقها وهي بتبص لرفيق اللي مرمي علي الارض وسايح في دمه
وبصت يمين وشمال ومالقيتش حد معاها فيروزه حرفيا بعيده عن البلد في وسط الصحرا
شدت ايد رفيق وبقت تجر فيه بالعافيه رفيق تقيل عليها
جدا وقعت في الارض من كتر ما مش قادره تشده راحت جابت حاجه تحفر بيها الارض وبقت تضرب الارض وتفحت فيها لحد بعد تعب طويل حفرت الحفره اخيرا وبقت تزق رفيق فيها وتدحرجه في الارض لحد ما وقع في الحفره وبقت تردم التراب عليه وهي بتعيط ودموعها مش راضيه تقف واخيرا خلصت وجابت حته خشبه وكتبت عليها هنا يرقد رفيق (رفيق العمر )
وقتها قعدت تعيط اكتر وهي مش مستوعبه انه مات فعلا وابتدت تفتكر اللي حصل من ١٣ سنه
-------------------------( فلاش باك )-------------------------------
عاصي اول ما شاف فيروزه وهي في الحفله الدم غلي في عروقه مسكها خنقها فيروزه كانت بتبص في عنيه ودموعها نازله منها والبروكه الصفرا اللي كانت لبساها وقعت منها الغريبه انها كانت مستسلمه ومكانتش حتي بتقاوم زي ما تكون عارفه رد فعل عاصي اول ما يشوفها وهي بالمنظر ده
كل اللي كان في الحفله والبنات الشمال اللي كانت موجوده معاها كانت بتصوت وتجرى في المكان وفتحت الباب وطلعوا يجروا رفيق وقتها كان عارف ان قاسم عامل حفله لعاصي دخل ولقي البنات بتصوت وبتطلع تجرى وفيروزه في ايد عاصي مش راضي يسيبها فيروزه وقتها النفس تقريبا شبه انقطع رفيق شاف كده بقي واقف متنح مش مصدق اللي عاصي بيعمله
قاسم : ( ماسك ايد عاصي ) سيبها ياعاصي سيبها البت هتموت في ايدك
عاصي : ( بكل غضب ) سيبني ابعد عني ( وزق قاسم ) فيروزه مابقيتش تنطق ووقعت في الارض
قاسم : ( سمع صوت حد جاي عليهم )يلا ياعاصي يلا لازم نمشي .. اكيد حد بلغ البوليس بسرعه ياعاصي
عاصي مابقاش مصدق نفسه وهو شايف فيروزه في الارض قاسم شده من هدومه وبقي يطلعه بالعافيه
قاسم : ( بص لقي رفيق واقف علي الباب ومصدوم من اللي حصل )
قاسم : رفيق اتخلص من الجثه دي حالا
رفيق : ( بص لقاسم وهو مش مستوعب اللي حصل )
قاسم : فهمت بقولك ايه ياحيوان 😡😡
قاسم اخد عاصي ومشي
وفيروزه كانت مرميه قدام رفيق في الارض
رفيق نزل وبقي قاعد جنبها
رفيق : فيروزه .. فيروزه 🥺
رفيق حط ودنه علي نفسها لقاها مابتتنفسش مسك ايدها لقي فيها نبض بس ضعيف جدا يكاد يكون معدوم حرفيا اخدها بسرعه في عربيته وشالها ووداها لاقرب مستشفي
رفيق : ( وهو شايل فيروزه بقي بيصرخ بأعلي صوته ) رفيق : دكتوووووور .. عايز دكتوووووور بسرعه
الممرضين اخدوا فيروزه منه بسرعه واخدوها تحت جهاز تنفس
الدكتور : حطلها جهاز تنفس اصطناعي بسرعه
شغلي جهاز الكهربائي بسرعه
الممرضه : جابت الجهاز ولسه بتشغله الدكتور مسكه منها وزقها
الدكتور : هاتي بسرعه مافيش وقت
الدكتور اخد منها الجهاز
جرب مره والتانيه في التالته مره واحده بيبص لقي النبض رجع بس علي خفيف
الدكتور : حطوها في غرفه الانعاش بسرعه
الدكتور طلع
رفيق : اي يادكتور طمني فيروزه هتعيش
الدكتور : ( فضل ساكت مابيتكلمش )
رفيق : اتكلم يادكتور عايشه ولا ميته
الدكتور : لسه هنشوف اصبر شويه وكله هيبان
رفيق : ( مسك الدكتور من رقبته ) انت لازم تقولي دلوقتي فيروزه هتعيش ولا لاء
الدكتور : احنا حطينها تحت جهاز التنفس للاسف واضح جدا انها اتخنقت والاكسجين مابقاش واصل للمخ مافيش غير القلب بس هو اللي شغال وضعيف جدا مانقدرش نقول انها ميته بس برضوا مانقدرش نقول انها عايشه
رفيق : يعني ايه مش فاهم
الدكتور : يعني هي عايشه (اكنيليكيا فقط )
رفيق
بعدم فهم ) برضوا مافهمتش تقصد ايه بكلامك ده الدكتور : يعني لو شيلناها من علي الحهاز هتموت والجهاز هو اللي مخليها عايشه مش اكتر دخلت في غيبوبه شديده والمخ مابقاش يدرك شىء حواليه
رفيق : طيب والعمل يعني مش هتقوم منها
الدكتور : دي حاجه بتاعت **** مانقدرش نسبق الاحداث هي هتفضل علي الجهاز ممكن تفوق بكره وممكن شهر وممكن سنه محدش يعرف حاجه كله عند **** شد حيلك والقرار في الاول والاخر يرجع ليك
رفيق : اوعي تشيلها من علي الجهاز مهما حصل فيروزه هتعيش .. هتعيش انا .. انا متأكد انها هتعيش
تليفون رفيق رن
قاسم : الوو ايوه يارفيق قولي خلصت من الجثه ولا لاء
رفيق : ( والدموع في عنيه وهو كاتم بوقه بايديه عشان مايحسش بصوت عياطه )
رفيق : ايوه خلصت منها
قاسم : ايوه كده عفارم عليك
رفيق كان كل يوم يروح لفيروزه المستشفي عشان يطمن عليها وكان كل جنيه معاه يشتغل بي مع قاسم ياخده ويدفعه في المستشفي لفيروزه كل يوم والامل عنده موجود انها ممكن تفتح عنيها في يوم من الايام
وبعد سبع سنين وهو بيروحلها زي كل يوم وبيجيبلها ورد لقي الممرضه بتجرى عليه وبتفرحه بأن فيروزه فتحت عنيها
رفيق : فيروزه 😍😍
( في الوقت الحالي )
فيروزه كانت قاعده جنب قبر رفيق وبتفتكر اللي حصل وقد ايه رفيق وقف معاها ولولاه مكانتش عايشه لحد دلوقتي
اخدت نفس وطلعته وبقت تقول في نفسها وهي دايسه علي سنانها
فيروزه : و**** لدفعك كل اللي عملته فيا ياعاصي غاالي وهخليك تدوق نفس اللي دوقته طول السنين اللي فاتت
------------------------( في نفس الوقت )--------------------------
ماما احسان : يادي المصيبه يابنتي مالك قاعده كده ليه بس تاني انتي مش خلاص روحتي للي اسمه عاصي ده واتطمنتي عليه
الدكتوره احسان : لا ياامي لاء مالقيتهوش ده ابن اخوه غالب هو اللي شوفته انا ماشوفتش عاصي
ام احسان : طيب ماتروحي لغالب ده الفيلا بتاعته واسألي عنه هناك
الدكتوره احسان : انا فكرت اعمل كده فعلا اصل مالووش حس ولا خبر علي السوشيال ميديا ولا نزل صوره واحده لي من ساعه اللي حصل انا قلقانه عليه اوي يا امي
ماما احسان : لا ماتقلقيش مافيش حاجه ان شاء **** اكيد رجع وغالب ده نسي يقولك انتي مش معاكي رقمه كلميه واطمني علي عاصي منه
الدكتوره احسان : لاء مش معايا هو اللي اخد رقمي مش انا
ام احسان : خلاص اوبقي روحيله واسالي علي عاصي واتطمني عليه
الدكتوره احسان : ما ده اللي انا هعمله
غالب كان ماسك صوره امه وابوه وهو بيبصلها ومش مصدق انهم ممكن يعملوا كده في فيروزه
( بيكلم الصوره بتاعتهم )
غالب: معقول .. معقول انتوا تعملوا كده انا مش مصدق .. لا لا لا لا لا لا ماينفعش .. ماينفعش انا عمرى ماشوفتكم بتتعاملوا بقسوه كده مع حد اكيد رفيق ده كداب .. انا عارف انه كدااااب
غالب مسك كاس الويسكي وبقي بيشرب بشراهه فظيعه
غالب : ( رمي الكاس من ايده في الارض ) كله من بنت الكلب دي هي السبب هي الوحيده اللي تعرف مكانه
غالب قرر انه يروح لبدور وهو شارب ومش شايف قدامه فتح الزنزانه بتاعتها ولقي بدور قاعده في الارض وضمه رجليها وبتعيط
بدور : ( بخوف وعياط ) و**** ما اعرف عنه حاجه و**** ما اعرف مين ده
غالب: ( وهو شارب ومش شايف قدامه ) ما .. ما انا .. مش مش هسيبك الا لما تقولي علي مكانه
غالب بقي بيقلع القميص بتاعه وبيفك زراير القميص
بدور : انت .. انت بتعمل ايه
( بدور قامت وقفت ) ابعد عني ماتلمسنيش
غالب : ( قرب منها وبقي يلمس وشها ) تعرفي انك جميله اوي
بدور : ( زقته بأيديها ) بقولك ابعد عني .. ( بلعت ريقها ) اوعي تقربلي انت فاهم
غالب: بس كده طبعا فاهم .. غالب قرب منها وقطعلها الفستان بدور خبت نفسها بأيديها بسرعه وبقت تبعد عنه لحد ما لاقت حديده في الارض جابتها وضربته بيها علي راسه وغالب كان سايب الباب مفتوح طلعت تجرى غالب مسك راسه وطلع وراها وهو بينادي
غالب : ( بكل غضب وبصوت عالي ) عبد الرحييييييييييييييم
عبد الرحيم طلع الجنينه بسرعه وغالب بقي يجري ورا بدور والدم نازل من راسه
غالب : ( بيبص لعبد الرحيم ) عايزها حيه بنت الكلب دي
عبد الرحيم جرى بسرعه ورا بدور وبدور بتجرى ولسه طالعه علي البوابه في داخله الدكتوره احسان اتخبطت فيها وقعوا هما الاتنين علي الارض
بدور مسكت في احسان وبتستنجد بيها
بدور : الحقيني ابوس ايدك الحقيني
الدكتوره احسان : ( باستغراب ) انتي 😳
بدور : ( بتوتر وماسكه ايديها بخوف ) الحقيني .. الحقيني ابوس ايدك
(الدكتوره احسان قامت )
الدكتوره احسان : ( باستغراب وعصبيه ) في ايه فهميني انا مش فاهمه حاجه
الدكتوره احسان بتبص لاقت غالب جاي بيجرى ورا بدور بسرعه وعبد الرحيم جاي عليهم
الدكتوره احسان وبدور ورا ضهرها
الدكتوره احسان : انت بتعمل ايه وعايز منها ايه
غالب : ( كان سكران ومش حاسس بنفسه حرفيا ) شد الدكتوره احسان من دراعها وبكل غضب
غالب : ( وهو دايس علي سنانه ) انتي ايه اللي جابك هنا 😡
الدكتوره احسان : ( قربت منه وشمت ريحه نفسه لاقيته شارب ابتدت تتعامل معاه بحذر )
الدكتوره احسان : اهدي انت شارب دلوقتي ومش حاسس بنفسك
غالب ( وهو مش متزن ) : وانتي بقي ( غمض عين وفتح التانيه ورفع حاجبه ) اللي .. اللي .. ( ولسه هيكمل كلامه ) مره واحده غالب من كتر ما كان سكران وقع في الارض علي بطنه وبقي مش حاسس بنفسه
عبد الرحيم : ( وطي وبقي يهز غالب من ضهره ) غالب بيه .. غالب بيه اصحي ياغالب بيه فووء
بدور بقت تتسحب هي والدكتوره احسان بالراحه جدا علشان يطلعوا من الڤيلا وعبد الرحييم كان مشغول مع غالب
ولسه هيطلعوا عبد الرحيم اخد باله
عبد الرحيم : ( بكل غضب ) انتوا رايحين فين تعاااااااالوا
عبظ الرحيم مد ايده ومسك الدكتوره احسان من ايديها هي وبدور واخدهم غصب عنهم ووداهم الزنزانه اللي بدور كانت فيها
الدكتوره احسان : ( بتحاول تنزل ايده من عليها ) سيبني ياحيوان انت .. انت بتعمل ايه .. ده انا هخرب بيتك
بدور : ( مستسلمه حرفيا وماشيه مع عبد الرحيم )
الدكتوره احسان : مش تقولي حاجه انتي كمان
بدور : ( وعبد الرحيم بيزقها وبيدخلها الزنزانه ) هقول اي .. ما انا ياما قولت استفادت ايه
عبد الرحيم قفل الباب بالمفتاح
الدكتوره احسان : ( وهي جوه بقت تعلي صوتها ) انا هوديكم.. في داهيه انا هوريكم .. انا هبلغ عنكم البوليس
عبد الرحيم فتح الباب بسرعه وشد الشنطه بتاعت الدكتوره احسان واخد الموبايل بتاعها كسروا قدامها وقفل الباب مره تانيه
الدكتوره احسان : ( بقت واقفه مصدومه ) 😧😧
-------------------------( في نفس الوقت )-------------------------
عاصي كان في المقطم واقف قدام عربيته وماسك دماغه من الصداع اللي هيفرتكها حرفيا
عاصي : اااااااااااه دمااااااغي مش قادر
مره واحده بيبص لقي فيروزه قدامه
عاصي : فيروزه 😧😧
فيروزه رفعت حاجبها وبصيتله من فوق لتحت وابتسمت ابتسامه سخريه ظهرت بجانب شفايفها
عاصي مابقاش مصدق انه شايفها قدامه
فرك عنيه بأيديه وهو مش مصدق انه شايفها بس اول ما فرك عنيه بيبص مالقهاش قدامه لف شمال ويمين وبقي يلف حوالين نفسه انه يلاقيها للاسف مالقهاش
عاصي : ( مسك دماغه ) اطلعي من دماغي بقي يافيروزه .. كفايه .. كفايه السنين دي كلها حرام ..حرااااام
عاصي ركب عربيته وداس بنزين وحط ايده علي الدركسيون ولف العربيه بأقصي ما عنده مره واحده الكوتشيات بقت بتعمل صوت رهيب والعربيه لفت مره واحده وطلع علي الطريق .. وبقي يتصل بغالب
بس غالب مكانش بيرد
عاصي : رد بقي .. رد ياغبي
غالب وقتها كان نايم علي بطنه في الجنينه مغم عليه من كتر الشرب
عاصي بيبص لقي عربيه جايه وراه بأسرع ما عندها في وسط الضلمه وفاتحه الكشاف عالي جدا وبقت ماشيه جنب عاصي .. عاصي لف وشه يمين بيبص لقاها فيروزه وبتبصله اتخض ومره واحده بيبص لقي عربيه جايه في وشه وعماله تضرب كلاكس جامد جدا بص قدامه ومن الربكه حود شمال بسرعه والعربيه اللي قدامه جت يمين عاصي داس علي الفرامل بسرعه وطلع من علي الطريق
الراجل اللي في العربيه اللي كانت جايه قدامه نزل من العربيه بسرعه علشان يشوف عاصي
الراجل : (فتح باب العربيه بتاعت عاصي ) مش تخللي بالك يابني انت كنت هتودينا في داهيه حرام عليك
عاصي : ( وهو مش مستوعب ) ال .. العربيه .. العربيه اللي جنبي راحت فين
الراجل : ( باستغراب ) عربيه جنبك .. مافيش عربيه يابني كانت ماشيه جنبك انت كنت لوحدك
عاصي مسكه من ياقه القميص بتاعته بعنف وطلع من عربيته
عاصي : انت كداااااب .. ( بلع ريقه ) كان .. كان فيه عربيه هنا
الراجل : **** يسامحك يابني بس انا مش كداب لو كان في عربيه جنبك كنت شوفتها
عاصي : يعني ايه .. دي تاني مره اشوفها النهارده .. كل ده تهيوئات
الراجل : تشوف مين يابني
عاصي : ( بعدم تركيز ) ايه .. لا لا ابدا مافيش حد .. مافيش
عاصي ركب عربيته ومشي وهو بيركب
عاصي : انا .. انا اسف
الراجل : ولا يهمك
عاصي لف عربيته ومشي والراجل ركب عربيته ومشي شويه
ووقف عربيته وبقي مستني حد ومره واحده لقي باب العربيه اتفتح
الراجل : بعد كده لو عايزاني في شغل بلاش تخليني اشتغل علي المجنون ده .. ده انا كنت هخبط فيه فعلا كنت زماني ميت
فيروزه : بقولك ايه انت مجرد ممثل مش اكتر وبعدين اللي بتعوزه بتاخده يبقي خلاص
الراجل : ( فرك ايده الاتنين في بعض ) قبضيني بقي
فيروزه طلعت فلوس من شنطتها واديتهاله
فيروزه : خد ياكش يطمر
الراجل : ( رفع حاجبه ) **** مايحرمنا من فلوسك ابدا
الراجل : بس قوليلي انتي عايزه ايه من الراجل ده وحطاه في دماغك اوي كده ليه
فيروزه: وانت مالك انت تنفذ اللي بقولك عليه وبس
( رفعت حاجبها ) اما انت بقي ياعاصي لسه هتشوف مني اللي عمرك ما شوفته
عاصي رجع الڤيلا وهو عمال يدوس كلاكس جامد علي باب الڤيلا البواب فتحله باب الجنينه بسرعه عاصي دخل .. وحط العربيه بتاعته بيبص لقي غالب مرمي في الارض جرى عليه بسرعه
عاصي : غالب .. فوء ياغالب اصحي
عاصي : ( بصوت عالي ) عبد الرحيييييييييم ..
عبد الرحيم جه يجرى
عبدالرحيم : نعم ياعاصي بيه
عاصي : ايه اللي عمل في غالب كده
عبد الرحيم : اصل .. اصل
عاصي : اصل ايه وزفت ايه انطق
عبد الرحيم : شرب لحد ما وقع حاولت اقومه الف مره مارضاش ابدا علشان كده خليته مكانه
عاصي : طيب شيل .. شيل معايا
عاصي اخد غالب ورفعه علي كتفه وقومه من مكانه وطلع بي علي اوضته وحطه علي السرير وجه يمشي
غالب مسك ايده
غالب : مابتسبنيش ياعمي .. خليك معايا
عاصي بصله وابتسم
عاصي : عمي .. بقالك فتره كبيره ماقولتليش ياعمي
غالب : علشان بقالك فتره كبيره ما اخدتنيش في حضنك زي زمان .. فاكر
عاصي : ( ابتسم ) علشان بقالي فتره كبيره مغيب ومش في وعيي
غالب : انا انضحك عليا مكنتش اعرف
عاصي فرد رجله علي السرير ونام جنب غالب
عاصي : كلنا انضحك علينا ياغالب مش انت بس ماتعرفش مين فينا الظالم ومين المظلوم
----------------------------( في نفس الوقت )-----------------------
االدكتوره احسان مع بدور في الزنزانه
الدكتوره احسان : ( قربت من بدور وهي قاعده في الارض ) **** يخربيتك انا ايه اللي جابني في الوقت ده انا كان مالي ومالك اصلا اتحبس معاكي في زنزانه واحده ليه
بدور : حظك كده .. حظك تبقي معايا في زنزانه واحده ولا مايشرفكيش يادكتوره تبقي معايا في مكان واحد
الدكتوره احسان : لاء طبعا مايشرفنيش انا الدكتوره احسان وانتي مهما كان واحده من الشارع مالكيش اهل
بدور : مش ذنبي اني اتولدت في ملجأ
الدكتوره احسان : المهم قوليلي عملتي ايه مع عاصي الخطه بتاعتنا ماشيه تمام
بدور : وهي لو مكانتش ماشيه تمام كنتي زمانك هنا دلوقتي
الدكتوره احسان : برافو عليكي كنت عارفه انك قدها 😈😈
يتبع...
الجزء الثالث
االدكتوره احسان مع بدور في الزنزانه
الدكتوره احسان : ( قربت من بدور وهي قاعده في الارض ) **** يخربيتك انا ايه اللي جابني في الوقت ده انا كان مالي ومالك اصلا اتحبس معاكي في زنزانه واحده ليه
بدور : حظك كده .. حظك تبقي معايا في زنزانه واحده ولا مايشرفكيش يادكتوره تبقي معايا في مكان واحد
الدكتوره احسان : لاء طبعا مايشرفنيش انا الدكتوره احسان وانتي مهما كان واحده من الشارع مالكيش اهل
بدور : مش ذنبي اني اتولدت في ملجأ
الدكتوره احسان : المهم قوليلي عملتي ايه مع عاصي الخطه بتاعتنا ماشيه تمام
بدور : وهي لو مكانتش ماشيه تمام كنتي زمانك هنا دلوقتي
الدكتوره احسان : برافو عليكي كنت عارفه انك قدها 😈😈
بدور : ولا قدها ولا حاجه انا اتبهدلت واتمرمطت اخر مرمطه الفلوس اللي دفعتيها مش كفايه علشان البهدله اللي اتبهدلتها دي كلها علي فكره
الدكتوره احسان: ( ربعت ايدها ورفعت حاجبها ولفت وشها وبصت لبدور ) احنا هنبتدي نطمع ولا ايه ؟
بدور : ولا هنطمع ولا حاجه كل الحكايه اني كنت ممكن اموت الف مره علشان خاطر عاصي بتاعك ده وانتي ولا هنا .. ده انتي كنتي هتسلميني للبوليس بأيديكي
الدكتوره احسان : كنت فاكره لما اعمل كده عاصي هيخلص منك ويبعده عنك واكمل انا معاه بس للاسف طلع العكس خالص واخدك ومشي
بدور : ( سرحت وافتكرت الايام اللي قضتها مع عاصي وابتسمت )
بدور : بس عارفه اللي زي عاصي ده اتظلم في حياته كتييير اوي ويستاهل اللي بتعمليه علشان توصلي لقلبه
الدكتوره احسان : ( سرحت وهي بتتخيل عاصي ) عاصي ده كل حاجه حلوه في الدنيا ويستاهل كل خير
بدور : الا قوليلي انتي متأكده لو قربتي منه هيحبك
الدكتوره احسان : ( بكل تكبر ) اكيد هيحبني لو عرفني وبقي معايا واتكلمنا سوا اكيد هيحبني انا اعرف عن عاصي ده كل حاجه بس للاسف هو ما يعرفش عني اي حاجه
بدور : ( بتنهيده) للدرجه دي بتحبيه ؟
الدكتوره احسان : من اول يوم شوفته فيه لما جه عندنا المستشفي كنت لسه تحت التمرين ولاقيته داخل وشايل عامل من العمال بتوعوا في المصنع وكان مصاب ومارضيش يمشي الا لما يطمن عليه وقتها شوفته زي ما يكون قلبي اتخطف من مكانه ابتديت اعرف عنه كل صغيره وكبيره حاولت اتعرف عليه كتييير ماعرفتش هو اصلا مش شايفني لحد ما عرفت انه كان بيحب بنت اسمها فيروزه وشوفت صورتها وعرفت انها ماتت من ١٣ سنه ومن وقتها وهو مش شايف غيرها
ولما شوفتك صدفه
-------------------------------( فلاش باك) ------------------------
الدكتوره احسان راكبه عربيتها وواقفه في اشاره كان اليوم ده حر جدا والناس مش طايقه هدومها من كتر الحر
التليفون بتاعها كان محطوط علي الكرسي اللي جنبها وبيرن
احسان : ( بطلع منديل علشان تنشف العرق بتاعها ومدت ايدها اخدت الموبايل لاقيته مامتها )
احسان : يووووه ياماما دي المره العاشره اللي تتصلي بيا فيها
ام احسان :-----------------
احسان : بقولك جايه ياماما جايه زحمه مواصلات مش اكتر
ام احسان :_____________
( احسان بتبص لاقيت اللي بيمسح ازاز العربيه )
احسان : امشي انتي كمان مش ناقصه قرف علي الصبح
ام احسان : ________________
احسان : ياماما مش ليكي اكيد مش هقولك انتي مش ناقصه قرف دي البنت اللي بتمسح الازاز
بدور كانت بتمسح ازاز العربيه وراحت وقفت قدام باب احسان
بدور : ممكن اي حاجه افطر بيها ونبي
احسان : ( بعدم اهتمام ) امشي ياشاطره من هنا احسنلك
ام احسان ( في الفون ) : _______________
احسان : ( بعصبيه ) يوووووه ياماما قولتلك مش انتي
احسان قفلت الفون ولفت وشها وبصت لبدور
واول ما شافتها اتصدمت حرفيا الشبه بينها وبين فيروزه كبير جدا زي ما شافت فيروز في الصوره
بدور : انا ماكلتش حاجه من امبارح اي حاجه **** يكرمك علشان جعانه اوي
احسان ( شافتها وهي لسه متنحه في وشها )
بدور : يااستاذه
احسان : _______________
فجأه مره واحده احسان لاقت العربيات كلها بتزمرلها عشان الاشاره فتحت احسان دورت العربيه ومشيت ووقفت بعيد بتبص وراها علشان تبص علي بدور مره تانيه مالقيتهاش
بقت تروح كل يوم المكان ده وتقف عند الاشاره علشان تشوف بدور مره تانيه بس مكانتش بتلاقيها وفي يوم اخيرا بتبص لاقيتها
وجت في دماغها فكره
احسان : ( بتنادي علي بدور ) انتي يااااااا...
بدور : اسمي بدور
احسان : اركبي يابدور
بدور : انتي تعرفيني
احسان : لا معرفكيش بس قريب هعرفك
بدور ركبت مع احسان العربيه واحسان مشيت بالعربيه ووقفوا بالعربيه علي كوبري علي النيل
احسان : تحبي تشتغلي
بدور : احب اوي بس اشتغل ايه
احسان : اللي هقولك عليه .
بدور : وايه هو اللي هتقوليلي عليه
احسان : انتي فيكي شبه كبير اوي من واحد انا بحبه حاولت اتعرف عليه بكل الطرق معرفتش بس انتي انا متأكده انه لو شافك هيفضل معاكي وانتي بقي اللي هتجيبهولي وهتخليني اتعرف عليه ونقرب من بعض
بدور : ممممممممم بس
احسان : بس ايه
بدور : يعني لو بصلي بدل ما يبصلك انتي
احسان : مافتكرش انه يبصلك في يوم انتي عيله بالنسباله
هااا .. قولتي ايه ؟
بدور : هتديني كام
احسان : اللي انتي عايزاه
بدور : اذا كان كده ماشي .. بس قوليلي انتي عايزاني اعمل ايه بالظبط
احسان : مش وقته دلوقتي انا كل اللي هعمله اني هحطك في طريق غالب ابن اخوه هو مهندس وحاولي تروحي معاه البيت وهناك اكيد هتشوفي عاصي وهو لما يشوفك اكيد مش هيسيبك وشوفي الدنيا هتاخدك لأيه ولما نعرف ايه اللي بيحصل تحاولي تجبيه عندي او تعرفينا علي بعض وسيبي الباقي عليا انا
بدور : اذا كان كده ماشي
-------------------------( في الوقت الحالي )------------------------
بدور : وياريتني ماركبت العربيه بتاعت غالب انا روحت خرابه ماروحتش قصر زي ما قولتي
احسان : وانا ايه اللي عرفني انه كان هيحصل اللي حكتيلي عليه ده كله
بدور : انا جيبتهولك لحد عندك في بيتكم وكان مجروح وبرضوا معرفتيش تخليه يعرفك ومافتكرش انه حتي هيكون فاكر شكلك
الدكتوره احسان : ما دي المشكله انا كنت فاكره انه هيشلهالي جميله واني انقذت حياته بس ده ولا الهوى
بدور : وانتي طبعا جايه النهارده علشان تفكريه بيكي
احسان : ايوه .. علشان اطمن عليه وعلشان اللي زيي يليق لواحد زي عاصي انا متعلمه ودكتوره وعندي عياده خاصه بيا ومتأكده انه لو عرفني هيحبني اوي بس هي الفرصه تيجي انه يعرفني مش اكتر
بدور : ( بصت في الارض وهي حزينه واتنهدت) عندك حق اللي زيك يليق للي زيه
احسان : ( ربعت ايدها بكل تكبر ) طبعا اومال انتي فاكره ايه
--------------------------( في نفس الوقت )----------------------
عاصي وغالب كانوا قاعدين مع بعض في اوضه غالب وقاعدين علي السرير
غالب : انت عندك حق محدش فينا يعرف مين الظالم ومين المظلوم في كل اللي بيحصل ده كلنا انضحك علينا من رفيق
عاصي : وليه ماتقولش ان احنا اللي كنا عايزين ينضحك علينا ورفيق مجرد وسيله مش اكتر
غالب : ( قام اتعدل وقعد نص قاعده وضم حواجبه ) تقصد ايه ؟
عاصي : اقصد ان كل واحد كان عايز يغير اللي حصل زمان ورفيق عرف يلعب علي ده .. انت كنت عايز تلوم اي حد علي اللي حصل لامك وابوك وانا مكنتش عايز فيروزه تموت وهو عرف يلعب علي نقط ضعفنا كويس اوي
غالب : بس تفتكر ليه رفيق عمل كل ده ليه كان عايز يخليك تتعذب قدامه بالشكل ده
عاصي : ده اللي لازم هعرفه في يوم لما الاقيه ما هو انا لازم الاقيه في الف سؤال في دماغي محتاجله اجابه
زي .. زي
غالب : زي ايه ؟
عاصي : زي ما انا عايز اعرف ازاي بدور كانت بتشوف ابويا وبتتكلم معاه انا فاكر كويس اول مره دخلت الخرابه كانت بتتكلم معاه مع ان ابويا ميت
غالب : ( بابتسامه ) اااااه ما انا هقولك
عاصي : وانا سامع
غالب : بدور ما تعرفش شكل جدي **** يرحمه وعلشان انت مركب كاميرات في كل حته كان لازم اجيب حد يمثل دور جدي وكان دايما لو تفتكر بيبقي مدي ضهره للكاميرا انت تأثير البرشام عليك كان بيخليك تشوف انه جدي **** يرحمه بس في الكاميرا مكنتش هتشوف كده وهو كان حافظ مكان الكاميرات وكان دايما بيدي ضهره ليها
عاصي: ( بابتسامه صفرا هز راسه من فوق لتحت ) ااااااه انا كده فهمت ..
(غالب مد ايده لعاصي )
غالب : انا عايزك تسامحني علي كل اللي فات احنا في الاخر مالناش غير بعض
عاصي : دلوقتي اللي افتكرت
غالب : انا غلطت بس انت هتغلط اكتر لو ماحطيتش ايدك في ايدي دلوقتي ونقف قدام الدنيا كلها واحنا سوا
عاصي : انت ابن اخويا مهما حصل هتفضل طول عمرك ابن اخويا من دمي ولحمي ياغالب
عاصي مد ايده لغالب وحضنه وغالب بقت دموعه تنزل في حضن عاصي
(عاصي وهو حاضن غالب )
عاصي : قولي عملت ايه مع بدور ؟
غالب : بدور .. مش فاكر اخر مره كنت ( غالب حط ايده علي جبينه )
عاصي : كنت ايه ؟
غالب : كنت عايز اغتصبها
عاصي : ايه تغتصبها 😧😧
(عاصي زق غالب من حضنه بنرفزه وقام وقف من علي السرير )
عاصي : ( بصوت جهورى ) انت بتقول ايه تغتصبها يعني ايه انت اكيد اتجننت 😡😡
غالب : اهدي ياعاصي انا كنت شارب ومش حاسس انا بعمل ايه ؟
عاصي : حتي لو شارب انا نبهت عليك الف مره انك ماتقربش منها انا حطيتها في الزنزانه وقفلت عليها ايه اللي خلاك تفتح عليها الزنزانه ؟ ( مسكه من الياقه بتاعته بغضب ) هااا .. فهمني ؟
غالب : عاصي نزل ايدك انا مابقيتش العيل الصغير بتاع زمان انا كبرت ..
عاصي : مهما كبرت مش هتكبر عليا يا ابن اخويا
غالب : ( حط ايده علي ايد عاصي بغضب) نزل ايدك انا مكنتش في وعيي قولتلك وانا فتحت الزنزانه علشان اعرف منها مكان رفيق مش اكتر معرفش قربت منها ازاي ؟ وليه ؟ الشرب كان مأثر عليا
( عاصي زق غالب ورماه في الارض وبقي يبص لغالب بكل شر )
عاصي : ( بصوت مليان غضب ) هي فييييين دلوقتي ؟
غالب : معرفش .. معرفش .. اخر حاجه ندهت علي عبد الرحيم ووقعت في الارض وماحسيتش بنفسي
عاصي طلع من الاوضه وهو بينادي علي عبد الرحيم
عاصي : ( بصوت عالي ) عبد الرحييييييييييم انت يازفت ياللي اسمك عبد الرحيم
(غالب طلع من الاوضه ومشي ورا عاصي )
عبد الرحيم : ( جاي بيجرى ) نعم .. نعم ياغالب بيه
عاصي : بدور .. بدور فين ؟
غالب : ( واقف ورا ضهر عاصي) مالك خايف عليها كده ليه ؟ انت ناسي انها تبع رفيق وهو قايل كده بعضمه لسانه
عاصي : ( بص وراه لغالب بكل غضب ) انت تسكت خالص مش عايز اسمع صوتك نهائي انت فاهم 😡
غالب : لاء مش فاهم ياعاصي وعايز افهم في ايه بينك وبين البت دي يخليك خايف وهتموت عليها اوي كده .. لو انت متنازل عن حقك انا مش هتنازل عن حق ابويا وامي واللي رفيق عمله فيهم وهعرف من البت دي كل حاجه
عاصي : ( بص لغالب مره تانيه وهز راسه شمال ويمين وداس علي سنانه ) انت مش فاهم حاجه
غالب : (قام وقف ) لو انا مش فاهم فاهمني انت
عاصي : ( مهتمش بكلام غالب ولف وشه ورجع بص لعبد الرحيم بصه غضب ) انت هتقول هي فين ولاااااا...
عبد الرحيم : من غير ولاااااا
عبد الرحيم : من غير ولا يا عاصي بيه انا مش قد غضبك عليا .. انا رجعتها الزنزانه تاني ( مد ايده وكان في ايده المفتاح عشان يديه لعاصي ) ومفتاح الزنزانه اهوه
عاصي شد المفتاح من ايد عبد الرحيم ونزل الزنزانه بسرعه وفتح الباب
بدور واحسان كانوا قاعدين في الزنزانه واول ما شافوا الزنزانه بتتفتح قاموا بسرعه من مكانهم ولأن فستان بدور اتقطع كانت ماسكه الفستان بأيديها علشان تداري صدرها
(واول ما الباب اتفتح )
عاصي : عبد الرحيم افتح النور
عبد الرحيم فتح النور وكان يادوبك لمبه واحده بس في الزنزانه صفرا بتنور حاجه بسيطه
عاصي : ( مكانش شايف احسان اصلا عنيه مكانتش بدور غير علي بدور )
عاصي : بدور انتي كويسه
بدور اول ما شافت عاصي خايف عليها كده عنيها لمعت من الفرحه
عاصي قرب عليها ومسك ايديها
عاصي : ( بخوف عليها ) انتي كويسه حصلك حاجه ؟
بدور : ( ابتسمت ابتسامه خفيفه وهي بتبص لعاصي في عنيه ) اتطمن انا كويسه
احسان شافت النظرات اللي ما بين عاصي وبدور دي مش نظرات عاديه ابدا داست علي سنانها وكانت هتموت حرفيا من الغيظ
احسان : بس انا بقي مش كويسه
(عاصي التفت لاحسان )
عاصي : انتي مين انتي كمان
احسان : انا .. انا الدكتوره احسان .. اللي عالجتك من اصابه ضهررك وانقذت حياتك
عاصي : ( حط بدور ورا ضهره ) وانتي بتعملي ايه هنا ؟
احسان : ( بتوتر ) انا .. انا كنت جايه علشان اتطمن عليك مش اكتر ومره واحده البودي جارد بتاعك اخدني وحطني في الزنزانه هنا انا مش فاهمه ايه اللي حصل وايه المكان الغريب ده ؟
عاصي : ( بص لعبد الرحيم وغالب بغضب ورجع بص لاحسان )
عاصي : اكيد سوء تفاهم مش اكتر
غاالب بص في الارض بسرعه من كتر ما كان مش عارف يعمل ايه ؟ واحسان ممكن تعمل ايه بعد اللي حصل فيها ؟
عاصي : طيب اتفضلي معايا
احسان : علي فين ؟
عاصي : اكيد مش هنسيبك هنا ( بص لغالب ) ولا ايه ياغالب ؟
غالب : ( بص لعاصي ) أه .. اه .. اه اكيد
احسان طلعت من الزنزانه .. ( وجت بدور تطلع عاصي وقف قدامها ) .
عاصي : خليكي انتي يابدور
بدور : ( بصت لعاصي وعنيها بتلمع من الدموع ) و**** ما اعرف اللي اسمه رفيق ده ولا عمرى شوفته في يوم ماتسبنيش هنا ابوس ايدك
غالب : ( بنرفزه ) انتي مش هتطلعي من هنا ابدا الا لما تقولي الحقيقه كلها اوعي تفتكرى دموعك هتأثر فينا يابت انتي .. ده لا انتي ولا عشره زيك يعرفوا يضحكوا علينا
عاصي : ( بزعيق ) غاااااااالب
غالب : ( رفع حاجبه ) نعم
عاصي : ياريت تطلع دكتوره احسان في الفيلا وتضايفها كويس هي عندنا من امبارح اكيد محتاجه ترتاح
غالب : ايوه بسسسس
عاصي : سمعت انا عايز اقولك ايه ؟
غالب : ( بتنهيده ) ايوه سمعت
احسان : ( بأندفاع ) طيب .. طيب وانت
عاصي : ( ضم حواجبه ) أنا ايه ؟
احسان : ( بتوتر ) اقصد.. اقصد مش هتيجي معانا
عاصي : اطلعوا انتوا وانا هاجي وراكم
احسان داست علي سنانها وطلعت مع غالب وعبد الرحيم قفل الباب وراهم وطبعا مفتاح الزنزانه مع عاصي
عاصي قعد في الارض وسند ضهره علي الحيطه وضم رجليه
بدور : ( بخوف ) انت .. انت هادي كده ليه ؟
عاصي : ايه غريبه اني اكون هادي
بدور : ( قربت منه وهي بضم صدرها بأيديها علشان تقفل الفستان وصدرها مش يبان )
بدور : اصل ..( بلعت ريقها ) اصل مش عوايدك تبقي هادي كده
عاصي : ( شاف بدور وهي بضم الفستان بأيديها راح خلع الچاكيت بتاعه )
بدور : لا والنبي انت هتعمل ايه تاني
عاصي : ( غمض عنيه بحنيه وهو بيهز راسه ) قربي يابدور
بدور بقت تقدم رجل وتأخر رجل وهي خايفه
عاصي : ( بزعيق ) بقولك قربي
بدور : ( بخوف ) طيب .. طيب هقرب اهوه
بدور قعدت قدام عاصي وراح عاصي جاب الچاكيت بتاعه ولبسه لبدور بدور استغربت جدا وضمت حواجبها مش فاهمه هو اللي بيعمله عاصي ده بجد
عاصي بقي يزرر لبدور الچاكيت زرار ورا التاني وهي مقربه منه وبتبصله وبتبتسم ومش مصدقه ان ده عاصي اصلا
عاصي : علشان ماتخبيش صدرك تاني بأيديكي
بدور كان شعرها من ورا جوه الجاكيت راح عاصي رفع ايده ولف ايده الاتنين حواليها وطلعلها شعرها بره الچاكيت بدور كانت قريبه منه جدا لدرجه انهم سامعين صوت انفاسهم عاصي بص لملامح بدور وركز فيها اوي ( وبقي يبصلها وأكنه بيشوف فيروزه قدامه ) ومن غير ما يحس رفع ايده بالراحه وبصوابعه بقي يلمس خدها بدور وقتها دقات قلبها بقت تعلى اوي وبقت تاخد نفسها بالعافيه ومره واحده غمضت عنيها لمسه عاصي ليها بتوديها لدنيا تانيه
عاصي : ( وهو بيلمس خدها بأيديه بكل حنيه ) تعرفي اني لسه واخد بالي ان فيكي ملامح من فيروزه
بدور : ( وهي مغمضه عنيها وسرحانه وفي دنيا تانيه اتنهدت وقالت ) قالتلي كده
عاصي : ( نزل ايده بسرعه من عليها وبصوت خشن ) قالتلك!! هي مين دي اللي قالتلك انك شبهها ؟ ( بدور كانت تقصد احسان لما قالتلها انك شبه فيروزه
بدور : ( فتحت عنيها بسرعه وبتوتر وخوف ) اقصد .. اقصد قو.. قولتلي .. ( بلعت ريقها ) قولتلي قبل كده
عاصي : ما حصلش انا اصلا وانا باخد البرشام مكنتش شايفك شبهه كنت شايفك واحده عاديه
بدور : ( بتوتر ) لا لا لا .. كنت .. كنت .. كو .. كو.. كنت
عاصي : كنت ايه انطقي
بدور : ( بتوتر ) ما انا هقول اهوه .. كنت بتقول انك شامم ريحتها فيا وده .. ده السبب اللي خلاك مت .. متموتنيش
عاصي : عندك حق .. انا فعلا كنت شامم ريحتها فيكي بس دلوقتي كمان بقيت اشوف قد ايه انتي قريبه من ملامحها
ودي حاجه مخلياني محتار .. مش عارف اصدقك ولا اصدق رفيق
بدور : ( حطت ايدها علي قلب عاصي بصيتله بابتسامه خفيفه ) صدق قلبك .. وبص في عنيا .. انا عارفه انك بتعرف اللي قدامك اذا كان بيقول الصدق ولا بتكذب من نظره عنيه .. و**** العظيم ما اعرفه وعمرى .. عمرى ما هبيعك للدرجه دي ياعاصي جت قدامي الف فرصه .. بس انا اختارت اني افضل جنبك
عاصي : ( بص في عيون بدور ولقاها بتقول الصدق حس انها فعلا مش تبع رفيق بس نبره صوتها .. ( في حاجه جواها عايزه تقولها ومش قادره وخايفه )
بدور : ( وهي لسه بتبص لعاصي بقت تقول في سرها ) ياريتني عرفتك من بطريقه تانيه غير طريقه احسان لو عرفت في يوم اني دخلت حياتك عشان اقربك من احسان عمرك ما هتسامحني في يوم
عاصي : ( وهو بيبصلها وسارح في عيونها الرمادي الغامق ) نفسي اصدقك .. نفسي اصدق انك مالكيش دعوه بأي حاجه بس حاسس ان في حاجه مستخبيه وراكي اتمني يكون احساسي غلط
------------------------------( في نفس الوقت )----------------------
احسان طلعت الڤيلا هي وغالب
غالب : تشربي ايه ؟
احسان : ( بتوتر وغيظ ) مش .. مش عايزه اشرب حاجه
تفتكر هو طلعنا وعايز بدور ليه ؟
غالب : مش عارف .. ده عاصي يعني ماحدش بيعرف هو عايز ايه ولا بيفكر في ايه ؟
احسان : ( بنرفزه ) انت علي طول كده ماتعرفش حاجه ابدا
غالب : هو في ايه .. يعني ايه معرفش حاجه ابدا تقصدي ايه بكلامك ده
احسان : لا لا ماقصدش انا بس اقصد يعني .. اني حتي لما جيتلك الشركه قولتلي انك ماتعرفش هو فين ولا تعرف عنه حاجه
غالب : ( رفع حاجبه اليمين ) شايفك مهتميه اوي بعاصي
احسان : ( بتوتر وادت ضهرها لغالب ) انا .. انت . انت بتقول ايه لاء طبعا عادي يعني
غالب : اوماااال ايه اللي جابك هنا .. وجيتي كمان الشركه بتسألي عنه
احسان : ما .. ما انا قولتلك مجرد مريض انا عالجته وجايه اسأل عنه
غالب : ( بضحكه استهزاء بكلامها ظهرت بجانب شفايفه ) لا و**** وانتي بقي بتعملي كده مع كل المرضى بتوعك
احسان : ده .. ده مش اي مريض
غالب : ( رفع حاجبه بابتسامه ) مش قولتلك
احسان : اقصد ( بلعت ريقها ) اقصد يعني ان ده عاصي بيه رجل الاعمال المعروف ويمكن يخليني الطبيبه الخاصه بالشركه بتاعته علشان انقذت حياته
غالب : ( بعدم تصديق لكلامها ) قولتيلي بقي
طيب .. وانا هعمل اني مصدقك بس عايز اقولك حاجه
غالب قرب من احسان وكانت مدياله ضهرها قرب من ودنها اكتر واتكلم بهمس
غالب : ( بوشوشه في ودنها ) بلاش تقربي من عاصي .. عاصي اللي بيقرب منه بيتحرق بناره وانتي رقيقه اوي ومش قد النار اللي هتحرقك من عاصي
احسان : ( ماهتمتش بكلام غالب ) هما .. هما اتأخروا تحت اوي كده ليه ؟
غالب : ( ضحك بصوت عالي ) انا قولتلك وبراحتك
-------------------------( في نفس الوقت )--------------------------
عاصي قام ومد ايده لبدور .. بدور مدت ايدها ومسكت ايد عاصي وقومها وقربت منه
بدور : ( بصوت كله حنيه ) باين عليك مصدقني
عاصي : انا مابصدقش حد بسهوله بس همشي ورا احساسي وهصدق انك مش تبع رفيق ..
بدور : وانا هفضل معاك وهبقي زي ضلك لحد ما تلاقي رفيق مره تانيه علشان يأكدلك اني و**** ما اعرفه ووقتها اكيد هيعترفلك هو ليه قال عني كده
عاصي : طيب مش يلا بينا
بدور : (بابتسامه ) وهي بتهز راسها من فوق لتحت
بدور : يلا
بدور طلعت هي وعاصي بره علي الجنينه وداخلين علي الڤيلا عاصي كان ماشي قدامها وبدور وراه بخطوه ومره واحده بدور كانت هتقع راحت مسكت ايد عاصي وبصيتله وضحكت
وعاصي بص وراه وبصلها وابتسملها
في الوقت ده فيروزه كانت بتراقب عاصي من ورا سور الڤيلا
فيروزه : ( بغيظ وهي ضمه ايديها من كتر الغيظ ) معقول .. معقول من بعد ما رفيق قاله انها تبعي بقي بيعاملها بالطريقه دي ولا اكنه قاله حاجه .. ( ضربت بأيديها علي السور ) اتغيرت اوي ياعاصي ده انا قولت هتقتلها اول ما تعرف انها تبع رفيق عشان اخلص منها طلعتلي منين دي
( مسكت دماغها ) دماااغي.. دماااغي هتتفرتك اتصرف ازاي واخلص منها ازاي ؟
فيروزه : ( اخدت نفس وبتكلم نفسها ) اهدي .. اهدي يافيروزه .. طول السنين اللي فاتت دي وانتي مجنناه مش هتيجي حته بت زى دي مالهاش لازمه تبوظ عليكي كل اللي عملتيه السنين اللي فاتت دي لازم تفكرى تعملي ايه علشان تبعديها عنه وترجعي تجننيه من جديد ووقتها يكتبلي كل ثروته وارميه يشحت في الشوارع واردله جزء بسيط من اللي عمله فيا زمان يا انا يا انت ياعاصي وبكره تشوف
فيروزه اخدت العربيه بتاعتها ولفت ومشيت علي بيتها عشان تفكر بهدوء
----------------------------( في نفس الوقت )-----------------------
عاصي وبدور دخلوا الڤيلا
احسان اول ما شافتهم
احسان : ( بزعيق ) ما كان لسه بدرى ياست بدور
عاصي : ( بص لبدور ورجع بص لاحسان ) نعم .. انتي بتكلميها كده ليه ؟
احسان : لا .. لا .. ابدا ماتقصدش
بدور : اصل .. اصل احنا قعدنا طول الليل مع بعض في الزنزانه وحاكيتلها عني كل حاجه وبقينا صحاب وقالتلي انها مش هتمشي من هنا غير رجلي علي رجلها تلاقيها عشان كده مستنياني
احسان : ايوه .. ايوه كده بالظبط ده .. ده اللي حصل
عاصي : بس بدور مش هتمشي من هنا ..
احسان : خلاص اللي تشوفه طبعا
عاصي : ( قرب من احسان ) انا حابب اشكرك علي اللي عملتيه معايا يا دكتوره واتمني ان اللي حصل من غالب تعتبريه غلطه مش اكتر
احسان : ( بصت لعاصي واتنهدت ) ولا أكنه حصل اصلا
عاصي : طيب تمام اوي .. انتي شكلك تعبان ومرهق وماينفعش تمشي بالشكل ده في اوضه فوق تقدرى ترتاحي فيها انتي وبدور وتاخدي شاور وتبقي تمشي اول ما ترتاحي
احسان : انا متشكره اوي ياستاذ عاصي
عاصي : بدور حاولي انتي كمان تاخدي شاور وترتاحي خالص لسه اللي جاي قدامنا كتير عشان نلاقي رفيق واتأكد من كلامك
غالب : انت هتسيبها تقعد معانا كده عادي
عاصي : اسكت انت ياغالب
عاصي : عبد الرحيم خد بدور والدكتوره وطلعهم علي الاوضه الكبيره
عبد الرحيم : تحت امرك ياعاصي بيه
بدور واحسان طلعوا فوق في الاوضه واول ما اتقفل عليهم باب واحد احسان جابت بدور من شعرها
احسان : ( وهي ماسكه بدور من شعرها ) ايه يابت اللي انا شوفته تحت ده .. اوعي يكون عينك من عاصي
بدور : أه .. اه سيبي شعري .. حرام عليكي شعرى هيطلع في ايدك
احسان : و**** العظيم لو ما لميتي نفسك معايا لهعرفك الجنان علي اصوله
بدور : انتي بتقولي ايه .. انتي فاكره ان واحد زي عاصي ده ممكن يبص لواحده زيي .. انا اول مره يتعامل معايا كويس كده معرفش بقي ده شفقه منه عليا ولا علشان شبه حبيبته اللي ماتت .. ( بلعت ريقها ) لكن مافيش غير كده مش اكتر
احسان : ولما هو مافيش غير انه بيشفق عليكي لابسه الچاكيت بتاعه ليه
بدور : علشان فستاني كله متقطع وزي الزفت علشان مابقاش عريانه قدامه وهيعمل معايا كده ومع غيري لو شافها في نفس الموقف مش اكتر
احسان : ( بخبث ) اوعي يابدور .. اوعي يابدور تبصي في يوم لعاصي .. عاصي ده انا بقوم افكر فيه وانام عشان احلم بي
بدور : انا داخله استحمي وماتقلقيش السمك لو حب الطير هيعيشوا فين
بدور سابت احسان ودخلت الحمام علشان تاخد شاور
احسان وقتها قعدت تفكر ازاي ماتسيبش الفيلا وتمشي وتفضل معاهم اطول فتره ممكنه ومره واحده جالها فكره شيطانيه جابت الشنطه بتاعتها وبقت تدور فيها زي المجنونه بتبص طلعت انبوبه فيها نقط ابتسمت ولاقت تفاحه قطعتها اربع حتت وحطت عليها النقط دي علشان تديها لبدور وتاكلها
هي قصدها ان بدور تتسمم بس لكن ما تموتش عشان تفضل في الڤيلا اطول فتره ممكنه وبكده تبقي انقذت عاصي مره وانقذت بدور مره وتزيد غلاوه عند عاصي
بس ياترى بدور هتتسمم بس واحسان هتنقذها علشان تقعد في الفيلا اطول فتره ممكنه ولا احسان مش هتقدر
تنقذها وعاصي هيعرف الحقيقه ده اللي هنعرفه الجزء اللي جاي
الجزء الرابع
بدور سابت احسان ودخلت الحمام علشان تاخد شاور
احسان وقتها قعدت تفكر ازاي ماتسيبش الفيلا وتمشي وتفضل
معاهم اطول فتره ممكنه ومره واحده جالها فكره شيطانيه جابت الشنطه بتاعتها وبقت تدور فيها زي المجنونه بتبص طلعت انبوبه فيها نقط
ابتسمت وداست علي سنانها ورفعت حاجبها اليمين وبصت للانبوبه ولفت وشها علي باب الحمام اللي فيه بدور وابتسمت ابتسامه خبيثه
لفت وشها شمال ويمين علشان تدور علي اي حاجه تحط النقط دي عليها بتبص لاقت تفاحه قطعتها اربع حتت وحطت عليها النقط دي علشان تديها لبدور وتاكلها
هي قصدها ان بدور تتسمم بس لكن ما تموتش عشان تفضل في الڤيلا اطول فتره ممكنه وبكده تبقي انقذت عاصي مره وانقذت بدور مره وتزيد غلاوه عند عاصي
بدور قلعت فستانها ورميته في الارض وكان حرفيا متبهدل اخدت الشاور بتاعها وبقت تدور علي اي حاجه تلبسها مالاقيتش لفت وشها يمين وشمال بتبص لاقت بشكير ابيض متعلق مدت ايدها واخدته ولفته عليها وبقت دراعاتها كلها باينه .. وشعرها المبلول نازل علي عنيها طلعت وهي بتحاول تنشف نفسها
بدور : انا خلصت يا احسان لو حابه تدخلي تستحمي
احسان : ( بقرف ) احسان ايه احسان دي انتي مالك اخدتي عليا اوي كده ليه حد قالك انك هتصاحبيني
بدور : انا ماقصدش
احسان : اسمي الدكتوره احسان ( رفعت حاجبها واتنفست في وش بدور ) ولاء تقصدي انا عارفه الاشكال اللي زيك كويس تمديلهم ايديك يعضوا دراعك
بدور : للدرجه دي انتي شفياني قليله
احسان : انا مش شيفاكي اصلا علشان اشوفك قليله ولا مش قليله
بدور : (بصت في الارض ) طيب يادكتوره احسان حقك عليا
احسان : انا داخله اخد شاور يارب بس ماتكونيش وسختي الحمام بقرفك ده
بدور : ( غمضت عنيها واخدت نفس ودموعها بقت تلمع في عنيها قعدت علي السرير وهي مخنوقه جدا بتبص لاقت التفاح متقطع قدامها وهي جعانه جدا وبقالها فتره ما أكلتش احسان كانت فاتحه باب الحمام ومورباه الباب حاجه بسيطه اوي عشان تشوف بدور هتاكل التفاحه ولا لاء ولسه بدور بتمد ايدها علشان تاخد قطعه من التفاح اللي في الطبق احسان ابتسمت ولسه هتحطها علي بوقها الباب خبط بدور سابت التفاحه وراحت ناحيه الباب
احسان : ( وهي ورا باب الحمام ) يوووه هو ده وقته
بدور فتحت باب الاوضه ويادوبك طلعت راسها من الباب بالجنب كده وخبت بقيت جسمها وهي ماسكه الفوطه اللي لفاها بأيد وماسكه الباب بالأيد التانيه
بدور : مين
عاصي : ( كان ماسك فستان في ايديه ) انا عارف انك معندكيش حاجه تلبسيها علشان كده جيبتلك الفستان ده
بدور : انا .. انا متشكره اوي مش عارفه اقولك ايه .. انا فعلا مكنتش عارفه البس ايه ؟
عاصي : عارف علشان كده جيبتهولك مش عارف اذا كان هييجي مقاسك ولا لاء علشان هو بتاع چيهان والده غالب بس اوعدك اول ما افضي هاخدك وننزل نجيبلك اللي انتي عايزاه
بدور : مش لازم تتعب نفسك
عاصي : ( شاورلها علي الفستان وهو في ايديه ) خدي الفستان
بدور : ( بحركه لا اراديه منها سابت الباب ومدت ايدها اخدت الفستان والباب اتفتح وبقت قدام عاصي بالبشكير عاصي بصلها وقرب منها خطوه بدور بصت كده لعاصي وبصت لنفسها وقفلت الباب بسرعه في وش عاصي وهي معاها الفستان وسندت ضهرها علي الباب وغمضت عنيها وهي بتبتسم واتنهدت تنهيده طالعه من قلبها بجد
عاصي ووشه في الباب بالظبط ابتسم ورجع خطوه لورا ورجع شعره لورا وهو مبسوط
عاصي : ( وهو بينزل علي السلم ) طيب تمام خلصي لبس ومستنيكي علشان نفطر سوا
بدور كانت لسه واقفه ورا الباب ومبتسمه وشاورت براسها فوق لتحت كده بأنها هتنزل من غير ما تتكلم
عاصي : ( حط ايده علي ودنه وهو نازل وبصوت عالي ) ايه مش سامع
بدور : ( بصوت عالي علشان يسمع ) حااااااضر
احسان كانت كل ده بتبص علي بدور من ورا باب الحمام اللي في الاوضه واول ما بدور اتحركت خطوه بعيد عن الباب
احسان قفلت باب الحمام بسرعه
احسان : ( وهي دايسه علي سنانها ) يابنت ال .... و**** لا وريكي
----------------------------( في نفس الوقت )--------------------
فيروزه روحت الڤيلا بتاعتها اللي في وسط الصحرا
وهي مخنوقه من اللي شافته مكفهاش العذاب اللي عذبته لعاصي السنين اللي فاتت دي كلها لسه في نار في قلبها مش عارفه تطفيها
فيروزه : ( بتكلم نفسها ) وبعدين اعمل ايه اسيب بت زي دي تاخده كده وتنسيه مين هي فيروزه بعد السنين اللي فاتت دي كلها
( ضربت بأيديها علي ازاز المكتب بغل وغيظ ) بس.. بس ده كان بيبصلها زي ما كان بيبصلي نظره عنيه ليها مش عاديه .. حتي ضحكته ليها نفس ما كان بيبتسملي بالظبط ( حطت ايدها علي قلبها ) انا ليه حاسه بنار جوايا .. معقول .. معقول بعد اللي. عمله فيا أكون لسه بحبه والنار اللي جوايا دي علشان بغير عليه
لا .. لا .. لاء فوقي يافيروزه انتي مابقتيش البنت الصغيره الضعيفه بتاعت زمان .. ده مايستحقش انك حتي تشفقي عليه .. انا هظهرلك ياعاصي وساعتها هنشوف هتعمل ايه لما تعرف اني لسه عايشه
--------------------------( في نفس الوقت ) ------------------------
غالب : احنا هنقعد مع البت دي علي الفطار
عاصي : اسمها بدور ما سميهاش بت
غالب : هو في ايه ياعاصي انت ليه مصدق اوي كده ان البت دي مش تبع رفيق
عاصي : عشان فيروزه مالهاش اخوات .. وبدور لو كانت عايزه تهرب كانت هربت معاه لما مدلها ايده وقلها تعالي معايا
غالب : ما ممكن تكون بتعمل كده عشان لسه لعبت رفيق ماخلصتش
عاصي : نظره بدور لرفيق وانها مش فاهمه هو بيقول ايه وبيتكلم عن ايه كانت نظره حقيقيه جدا انا شوفتها وبعدين لو تبعه اكيد هيحاول يتواصل معاها .. اهوه نحسسها بالأمان علشان تعرف تتحرك براحتها وتدلنا عليه مع ان واثق انها مش تبعه بس علشان اريحك مش اكتر
غالب : تقصد ان هنحطها تحت المراقبه
عاصي : بالظبط كده
غالب : ماشي وهي لو طلعت مش تبعه تبقي حلال علينا البت اصلها صغيره ومووووووووووز
عاصي : ( قام وقف ومسك غالب من رقبته ) انت بتقول ايه ..
غالب : ( وشه احمرررررر ومش قادر يتكلم ) ع .. عاا .. عااصي .. ه.. هم.. همووت
عاصي : البت دي انقذتني من الموت كذا مره ولو طلعت سليمه ومافيش شك من ناحيتها خالص .. انا ناوي اكافئها علي اللي عملته معايا .. من الاخر البت دي في حمايتي انت فاهمني
غالب : ف .. فا .. فاهمك .. ب.. بس .. نزلني
عاصي نزل ايده وغالب وقع مرمي في الارض
غالب : ( وهو حاطط ايده علي زوره وبياخك نفسه بالعافيه ) انت كنت هتموتني
عاصي : ( وهو مدي ضهره لغالب ) لو عايزنا نرجع زي الاول مع بعض ياغالب البت دي هتبقي في حمايتك وفي حمايتي لحد ما الحقيقه تبان فاهمني يا ابن اخويا
غالب : وانا مش هكسررلك كلمه ياعاصي اللي تشوفه
عاصي : خللي عبد الرحيم يستعجلها هي ما أكلتش حاجه من يومين
غالب : ( بصوت عالي ) عبد الرحييييييييم
--------------------------( في نفس الوقت )--------------------------
بدور كانت في الاوضه بتلبس الفستان اللي جابهولها عاصي وبعدها وقفت قدام المرايه علشان تسرح شعرها
احسان طلعت من الحمام وهي بتنشف شعرها
احسان : اي الشياكه دي كلها
بدور : ( بلعت ريقها ) ده عاصي ... ( لسه هتكمل )
احسان : عارفه سمعت كل حاجه
بدور : اه .. كتر خيره
احسان : مش قولتلك ان عاصي قلبه ابيض وبيشفق علي الناس كلها
بدور : انا عارفه انتي تقصدي ايه ؟ وبتلمحي لايه ؟
احسان : طيب كويس انك عارفه عشان تعرفي حدودك كويس
بدور خلصت تسريح شعرها وحطت المشط علي السرير
لاقت طبق التفاح لسه موجوده ولسه هتقرب علشان تاخد التفاحه احسان ابتسمت راح الباب خبط احسان داست علي سنانها مره تانيه وقالت في سرها
احسان : يادي المصيبه مين تاني
عبد الرحيم : عاصي بيه بيقولكم الفطار جاهز
احسان : احنا نازلين
بدور : انا هنزل وابقي حصليني
احسان : لا ياحلوه رجلي علي رجلك هخلص وننزل سوا
بدور : اللي تشوفيه
احسان خلصت وسرحت شعرها بدور جت تفتح الباب علشان تنزل احسان زقتها من دراعها لورا وخليتها تنزل وراها
احسان : اتأخرنا عليكم
عاصي : لا ابدا
غالب : مش اوي
بدور جت تقعد جنب عاصي علي طرابيزه السفره راحت احسان بصيتلها راحت بدور قعدت جنب غالب
احسان : ڤيلتك حلوه اوي ياعاصي بيه
عاصي : مش احلي من الطبيعه اللي عايشه فيها يادكتوره
احسان : ما بلاش دكتوره دي انا اسمي احسان بس
عاصي : ما بحبش اشيل الالقاب لناس ماعرفهاش
غالب ابتسم وضحك
احسان وشها احمررر
عاصي : مابتاكليش ليه يابدور
بدور : ما انا باكل اهوه
عاصي وغالب واحسان كانوا بياكلوا بالشوكه والسكينه
وبدور مش عارفه تاكل بيهم
غالب حس بكده راح بصلها وبقي يشاورلها تاكل بأنهه شوكه
وبدور بقت تعمل زي ما بيقولها عاصي حس كده وشافها وهي متلغبطه راح طلب من غالب انه يديله العيش
عاصي : غالب هات العيش اللي هناك ده
غالب : ( ابتسم ) واداله العيش
وبقي عاصي ياكل بالعيش وبعد الشوكه والسكينه علي جنب
وبقت بدور تاكل بالعيش زي عاصي
احسان : ( اتغاظت اكتر وخبطت بأيديها علي الطرابيزه ) انا قاااااايمه
غالب : ( بابتسامه ) ايه مروحه
احسان : ( بتوتر ) ايه .. لاء اقصد انا هاروح بالليل علشان لسه تعبانه من اللي حصل انا هطلع فوق ارتاح شويه
ده بعد اذنك طبعا ياعاصي بيه
عاصي : اكيد طبعا اتفضلي
احسان طلعت وهي اتأكدت ان عاصي بدور بالنسباله مش بنت عاديه
غالب : عاصي انا هاروح الشركه وهحاول اشوف اي اخبار عن رفيق
عاصي : تمام وانا هنزل انا وبدور مشوار وهجيلك علي هناك
غالب : تمام
غالب اخد الچاكيت بتاعه من علي الكرسي ومشي
بدور : هانروح فين
عاصي : خلصي أكلك وبعد كده هتعرفي هانروح فين
بدور: انا خلصت
عاصي : بسرعه كده
بدور : اه اكلت و****
عاصي : طيب تعالي معايا
عاصي اخد بدور ووداها مجمع كبير اوي فيه كل حاجه
بدور: ( وهي واقفه قدام المجمع ) احنا .. احنا هندخل هنا
عاصي : اه هندخل هنا
بدور : تعرف ان الامن دايما لما كنت ادخل موول مالووش لازمه كان اول مايشوف شكلي انا والبنات مكانش بيرضي يدخلنا .. كنا دايما بنبص علي البنات اللي بتشترى
هدوم وتاكل وتضحك من بعيد وكنت بتمني اني ابقي زيهم في يوم
عاصي : بس كده وأدي حلمك اتحقق وهتبقي احسن منهم كمان
بدور : ايوه بس الجزمه بتاعتي شكلها وحش اوي
هتكسف ادخل بيها كده وهي مقطعه
عاصي : اقلعي الجزمه
بدور : ( باستغراب ) نعم
عاصي : بقولك اقلعي الجزمه
بدور : ايوه بسسسس .. بس هدخل الموول حافيه
عاصي بصلها واتنهد
بدور : خلاص .. خلاص هقلع الجزمه
بدور قلعت الجزمه وعاصي خد الجزمه ورماها في السله
بدور : جزمتي معنديش غيرها
عاصي وطي وشال بدور ودخل بيها الموول
بدور بقت تفرك برجليها
بدور : عاصي انت بتعمل ايه ياعاصي نزلني الناس بتتفرج علينا
عاصي : ( وهو شايلها وماشي بيها ) تفتكرى واحد زيي يهمه الناس تقول عليه ايه
بدور : ( بقت بتخبط بأيديها علي صدر عاصي) عاصي نزلني علشان خاطرى و**** مكسوفه اوي
عاصي دخل ببدور محل الجزم واللي بتشتغل في المحل جت
البنت : معقول عاصي بيه عندنا اتفضل
عاصي نزل بدور في الارض
عاصي : عايز كل الجزم الحلوه اللي عندك للبنت دي
البنت : بصت لبدور من فوق لتحت
عاصي : ايه مش عجباكي
البنت : لا لا لا ابدا انا ماقولتش حاجه
عاصي : اومال بتبصلها كده ليه
البنت : انا ماقصدش
عاصي : طيب شوفي شغلك حالا
------------------------( في نفس الوقت )-------------------------
غالب راح الشركه
غالب : احمد تعلالي المكتب حالا
احمد : اؤمرني ياغالب بيه
غالب : رفيق عايزك تجيبلي كل حاجه عنه الفتره اللي فاتت كان بيروح فين .. بيقابل مين وبيعمل ايه .. اي معلومه صغيره ممكن تخليني اعرف مكانه تعرفها عنه انت فاهمني طبعا
احمد : اكيد فاهمك ياغالب بيه
غالب : طيب ما تتحرك انت واقف كده ليه ؟
احمد : اصل .. اصل اخر مره رفيق بيه كان سايب كارت ميمورى لو تفتكر حضرتك
غالب : ايوه فاكر
الكارت الميمورى ده رفيق بيه كان بيصور نفسه وهو بيعترف عليك لعاصي بيه بس ثواني كده
احمد شغل الكارت الميمورى علي اللاب توب
بص كده هنا علي الشباك ده في خيال حد في الازاز ورا الكاميرا كان بيصوره لو قربنا بقي الشباك وعملنا زووووم
( احمد بقي بيقرب الصوره الفيديو ) هنلاقي ان الشباك بيودي علي صحرا يعني مش في وسط البلد يعني هو لو مستخبي فعلا بلاش ندور عليه في الاماكن التقليديه هندور عليه في حتت في الصحرا
غالب : يابن الايه ... انت عندك حق فعلا
احمد : اهم حاجه عندي رضاك عليا و****
غالب : ده انا مش بس راضي عنك ده انت هيبقي ليك مكافأه حلوه اوي كمان لو عرفت فين المكان ده بالظبط
احمد : ان شاء **** يافندم
احمد طلع وساب غالب
غالب : و**** ما هسيبك يارفيق الكلب
-----------------------( في نفس الوقت)------------------------------
بدور : دي جزم كتييييير اوي ياعاصي
عاصي : اختاري منها اللي انتي عايزاه واللي تحبيه
بدور : بس كل ده .. ده كتير اوي انا مش عارفه اختار ايه ولا ايه
عاصي: بس كده يبقي خلاص
( عاصي بص للبنت ) يبقي هاتيهم كلهم
البنت : تحت امرك ياعاصي بيه
بدور : ( بفرحه ) انا ماقصدش انا اقصد
عاصي : بس انا بقي اقصد .. كلهم حلوين عليكي
بدور لبست جزمه منهم كعبها كان عالي اوي
بدور : انا عارفه اني قصيره ونفسي ابقي طولك في يوم
بدور كانت بتمشي بالجزمه وهي لسه في المحل علشان تجربها
عاصي : حاسبي هتقعي
بدور مره واحده وقعت بس وقعت في حضنه
عاصي بصلها وابتسم
عاصي : مش قولتلك هتقعي
بدور : مابقعش وانا معاك
اليوم ده كان حلو جدا ومميز لبدور عاصي كان بيلف بيها الموول كله حرفيا جابلها هدوم كتيره اوي وهما ماشيين جابلها ايس كريم وبقت توقع علي نفسها
بدور : انا مش عارفه بيسيح مني ليه
عاصي قرب منها واخد الايس كريم من ايديها وايده لمست ايدها وهو بياخده منها ولحس الايس كريم بتاعها اللي كان واقع علي البسكوته
عاصي : افتكر كده مش هيسيح منك
بدور : بصت كده وهي مش مصدقه ان عاصي اكل من وراها
وفضلت واقفه ومتنحه
عاصي : ( سابها ومشي وهو ماشي ) هتفضلي واقفه ومتنحه كده كتير
بدور انتبهت لنفسها وطلعت تجرى عشان تلحق عاصي
عاصي اخد الحاجه وركب العربيه ورجعوا الڤيلا سوا علي بالليل وهما مبسوطين جدا وكان معاها شنط كتير
عاصي : استني انا هنده علي عبد الرحيم يطلعلك الشنط دي كلها في اوضتك فوق
احسان كانت واقفه في البلكونه وهي ميته من الغيظ
احسان : معلش افرحي دلوقتي وحياتك لا هخليكي تشوفي المووت بعنيكي
غالب جه من بره وهو مخنوق جدا
عاصي : في ايه ياغالب
غالب : مش عارف العربيه اول مره تبوظ مني كده جيت بيها بالعافيه وكانت كل شويه تقف مني في السكه
عاصي : خلاص اوبقي خد عربيتي بكره
لحد ما نشوف فيها اي
غالب : تمام
عاصي : ما انا قولتلك غيرها من بدرى
غالب : انت عايزني اغير عربيه ابويا دي الحاجه الوحيده اللي فضلالي منه
عاصي : طيب اللي تشوفه
غالب : اي الشنط دي كلها
بدور : طيب انا هطلع بقي فوق
عاصي : ماشي اطلعي انتي ارتاحي
بدور طلعت وعاصي جاله تليفون مهم من الشركه
عاصي :الوووووو
اللي بيكلمه :_____
عاصي : انت بتقول ايه وحصل امتي الكلام ده
اللي بيكلمه: _________
عاصي : طيب .. طيب انا جاي بسرعه
عاصي قفل الفون
غالب : في ايه ياعاصي
عاصي : في مخزن في الشركه ولع واتصلوا بالمطافي
غالب : انت بتقول ايه انا جاي معاك
عاصي : لاء خليك انت لازم حد يكون في الڤيلا انت عارف ليه خليك معايا علي تليفون وانا هطمنك
غالب : ماشي اللي تشوفه
عاصي ركب عربيته بسرعه جدا وبقي يسوق زي المجنون
---------------------( في نفس الوقت )------------------------
احسان : اهلا اهلا بالقمر
بدور : انتي بتكلميني انا
احسان : اه طبعا
اتأخرتي كده ليه ده انا حتي قلقت عليكي
بدور بصت وراها كده تشوفها اذا كانت بتكلم حد غيرها
احسان : ايوه يابنتي بكلمك انتي
احسان قعدت علي السرير
احسان : انا عارفه انك فكراني حد اناني وطماع ومش بطيقك بس انا مش كده خالص
بدور : انا ماقولتش كده
احسان بقت تقطع التفاحه لبدور اكتر
خدي يابدور
بدور : لا و**** مش قادره انا اكلت كتير اوي النهارده
احسان : ( بزعل ) كده تكسفي ايدي
بدور : لا لا ماقدرش بدور مدت ايدها وخدت التفاحه
----------------------------
عاصي كان ماشي بالعربيه علي الطريق ومره واحده لقي الطريق وقف وزحمه وفي عربيات كتير لف العربيه بتاعته ودخل في طريق جانبي علشان يوصل بسرعه ومره واحده ظهرت واحده قدامه علي الطريق وعاصي مكانش شايف قدامه من كتر ما كان بيسوق بسرعه مره واحده طلعت قدامه حاول يدوس علي الفرامل مالحقش راح خبطها بالعربيه وقعت قدامه نزل من العربيه علشان يشوف البنت اللي خبطها وهي مرميه قدامه بيبص لقاها فيروزه
عاصي حطها ما بين ايديه
عاصي : فيروزه 😧😧
--------------( في نفس الوقت) ----------------
بدور مدت ايديها واخدت التفاحه من احسان واكلتها ومافيش في ظرف خمس دقايق حست بسكاكين بتتقطع في بطنها
بدور : ااااااه .. مش .. مش قادره بطني .. بطني يا احسان مش قادره
احسان : ( بخبث ) مالك يابدور فيكي ايه
بدور : ااااااااااااه
غالب سمعها من كتر الصريخ في بطنها
غالب طلع الاوضه بتاعتهم بسرعه
غالب : في ايه
احسان : مش عارفه .. مالها مره واحده لاقيتها ماسكه بطنها
غالب : انتي مش دكتوره ماتشوفي مالها بسرعه
احسان : مش معايا الادوات بتاعتي عشان اكشف عليها
بدور وقعت في الارض ومره واحده بقت تطلع رغاوي من بوقها
غالب : الاسعاف احنا لازم نتصل بالاسعاف
احسان : مافيش وقت دي باين عليها حاله تسمم لازم ناخدها نوديها مش هنستني الاسعاف تيجي
غالب شال بدور بسرعه
وحطها في عربيته وجه يشغل العربيه ماكانتش راضيه تدور
غالب : العربيه مش راضيه تشتغل هنعمل ايه دلوقتي
احسان : كلم عاصي شوفه فين خليه ييجي بسرعه هو اكيد ما بعدش عن هنا
غالب اتصل بعاصي اللي كان في نفس اللحظه ماسك فيروزه ما بين ايديه ومش مصدق انه شايفها وهي معاه وكان فاكر التهيوئات رجعتله من تاني
الفون رن
عاصي : طلع الفون من جيبه من كتر ما كان متوتر فتح الفون
ووقع من ايده في الارض وهو لسه بيبص لفيروزه
عاصي : ----------------------
غالب : عاصي انت لازم تيجي حالا بدور بتموت والعربيه مش راضيه تتحرك لازم نوديها المستشفي
عاصي كان سامع اللي غالب بيقوله راحت فيروزه اتكلمت بالعافيه وهي بتحاول تفتح عنيها
فيروزه : ماتسبنيش ياعاصي انا بموووت لازم توديني المستشفي حالا
ياترى عاصي هيودي فيروزه المستشفي الاول وبعد كده يروح لبدور ولا هايروح لبدور ويسيب فيروزه ده اللي
هنعرفه قريب...
الجزء الخامس
غالب : عاصي انت لازم تيجي حالا بدور بتموت والعربيه مش راضيه تتحرك لازم نوديها المستشفي
عاصي كان سامع اللي غالب بيقوله بس حرفيا كان باصص لفيروزه وكان في حته تانيه خالص ومش مصدق اللي بيحصل قدامه
راحت فيروزه اتكلمت بالعافيه وهي بتحاول تفتح عنيها
فيروزه : ماتسبنيش ياعاصي انا بموووت لازم توديني المستشفي حالا
غالب : ( وهو ماسك الفون علي ودنه وبيتكلم فيه ) عاصي .. عاصي انت روحت فين ..
السما مره واحده مطرت وبقت تنزل مطر شديد
غالب : ( بيبص لبدور لقاها طلعت رغاوي اكتر من بوقها ) عاصي رد ياعاصي بسرعه مافيش وقت بس عاصي وقتها مابيردش
عاصي كان واقف قدام العربيه وماسك فيروزه ما بين ايديه وهو مش مصدق انه شايفها رفع ايديه وبقي بضهر صوابعه يلمس ملامحها كان خايف انها تبقي تهيوات والحاله تكون رجعتله من جديد فيروزه وهو بيلمس ملامحها اتنهدت وغمضت عنيها وبقت مش قادره تتحرك
عاصي مره واحده فاق لنفسه واتكلم
عاصي : ( وهو بيهز بأيديه فيروزه والمطره نازله عليهم وبقي مبلول حرفيا ) فيروزه فوقي يافيروزه اصحي .. ما انا مش هسيبك تضيعي مني تاني انا ماصدقت لاقيتك
( تليفون عاصي كان وقتها في الارض قدامه وغالب كان بيتكلم )
غالب : الو .. الو .. رد ياعاصي لازم ترد
عاصي بص للتليفون وساب التليفون مكانه وشال فيروزه بسرعه جدا وركبها العربيه بتاعته وقفل الباب ولف الناحيه التانيه وركب جنبها .. عاصي قرب منها وبقي يحطلها حزام الامان وهو مش مصدق انه شايفها ..
عاصي ساق العربيه بسرعه جدا ومن شده المطره مكانش شايف قدامه شغل مساحات العربيه وطلع علي الطريق مره تانيه وبقي زي المجنون عاوز يوصل للمستشفي بأي طريقه
-------------------------( في نفس الوقت )------------------------
غالب : عاصي مابيردش
احسان : ( خافت لا بدور تموت احسان مش قتاله قتله مهما كان ) وبعدين هنعمل ايه الرغاوي دي بتبين انها حصلها تسمم لازم نلحقها ونعملها غسيل معده فورا .. احنا كده ماقدمناش غير ان احنا نتصل بالاسعاف
غالب : ( بنرفزه ) احنا لسه هنستني الاسعاف تيجي وعلي ماتوديها تكون ماتت
احسان : وبعدين عندك حل تاني
غالب بص شمال ويمين ومره واحده
غالب : ( شال بدور والمطره بتمطر والارض كلها كانت طينه حرفيا شالها وطلع بيها بره الڤيلا )
احسان : ( احسان مشيت ورا غالب بخطوات ) انت رايح فين و هتعمل ايه ؟؟
غالب : ( والمطره كلها جايه عليه ومبهدلاه حرفيا ) هلحقها .. ( بص وراه لاحسان وهو شايل بدور ما بين ايديه ) بدور ماينفعش تموت .. لو ماتت مش هعرف اجيب رفيق الكلب ده تاني ( داس علي سنانه ) علشان كده لازم تعيش
غالب طلع بره الڤيلا واحسان طلعت وراه
وطلع علي الطريق وبقي يحاول يوقف اي عربيه بتيجي قدامه بس للاسف مكانش في اي عربيه راضيه تقف
____________( في نفس الوقت )_____________
عاصي : ( وهو بيسوق بسرعه جدا بقي يبص جنبه لفيروزه )
عاصي : انتي ازاي عايشه .. ( رفع ايده وبقي يبص لايديه ) انا خنقتك بأيديا دوول .. معقول تكوني مكنتيش ميته الفتره اللي فاتت دي كلها
فيروزه : ______________
عاصي : مش مهم .. مش مهم اي حاجه المهم انك عايشه .. المهم اني ماقتلتكيش يافيروزه
____________( في نفس الوقت )______________
غالب لسه شايل بدور ما بين ايديه وبيجرى بيها
احسان : ( بنهجه ) استني ياغالب كده بدور هتموت مش هنلحقها
بس غالب ماسمعش كلام احسان وبقي بيجرى بيها اكتر لحد ما وقف في نص الطريق وهو شايل بدور والمطره في كل مكان ونازله عليهم هما الاتنين ووقف قدام العربيات اللي جايه عالطريق بسرعه جدا
احسان : ( بتنادي علي غالب وهي واقفه بعيد ) بتعمل ايه يامجنون هتموت وتموتها معاك
بس غالب وقتها مكانش بيتحرك وواقف وغمض عنيه
____________( في نفس الوقت )_____________
عاصي اخيرا وصل المستشفي بسرعه ونزل من العربيه ورزع الباب بتاعه ولف وفتح باب فيروزه وشالها ودخل بيها باب الطوارىء بسرعه
عاصي : ( بعلو صوته ) دكتووووووور حد يجيب دكتور بسرعه
الممرضه جابت الترولي
الممرضه : ارجوك حطها هنا بسرعه
عاصي : ( حط فيروزه علي الترولي ومسك ايدها وبقي ماشي معاها )
الممرضه : ارجوك سيب ايدها علشان نقدر نشوف شغلنا
عاصي : مش هقدر .. مش هقدر اسيبها
الدكتور : ارجوك لازم تسيب المريضه علشان اقدر. اكشف عليها
عاصي : ( بنرفزه وصوت عالي ) قولتلك مش هسيبها .. مش هسيبهااااااا .. انا ماصدقت لاقيتها
____________( في نفس الوقت )______________
غالب كان شايل بدور وواقف بيها في نص الطريق وجت عربيه بسرعه جدا اللي سايق مكانش شايف قدامه من كتر المطره ومره واحده داس علي الفرامل العربيه عملت صوت فرمله رهيييييييييبه
احسان : غااااااااالب
وغالب ماتحركش ولا حركه وغمض عنيه وهو مستني يا العربيه تقف يادوسهم وعلي اخر لحظه العربيه وقفت قدامهم
اللي بيسوق : ( نزل وهو متعصب جدا ) انت حيوااااان
غالب ماتكلمش ولا كلمه وفتح باب العربيه التاني وحط بدور
صاحب العربيه : انت بتعمل ايه ياحيوان انت ده انا هوديك في داهيه
غالب وقتها ضربه بالروسيه في راسه خليته يفقد الوعي وركب مكانه واحسان طلعت تجرى ركبت ورا وبقي سايق بأسرع ما عنده واحسان كل شويه كانت تمسك معصم بدور وتحس نبضها
غالب : ( وهو سايق بأسرع ما عنده ) ايه لسه عايشه
احسان : ايوه بس النبض ضعيف لازم نلحقها وبسرعه
غالب حط رجله علي البنزين اكتر وبقي سايق بسرعه كبيره اوي لحد ما اخيرا وصلوا المستشفي
الدكتوره احسان بصت للممرضه : انا الدكتوره احسان ومعايا حاله بتموت. لازم نعملها غسيل معده فورااا
الممرضه: طيب تعالي معايا
غالب كان ماسك بدور ومش راضي يسيبها
احسان : سيبها ياغالب .. سيييييب بدور
غالب : بدور مش هينفع تموووت
احسان : مش هتموت .. مش هخليها تموت
غالب حط بدور علي الترولي واخيرا سابها وبقي شايفها وهي بتبعد عنه وداخله جوه
__________( في نفس الوقت)____________
الدكتور : يا استاذ بقولك لازم تسيبها مش هينفع كده صدقني
عاصي : ( بزعيق ) قولتلك مش هسيبها انت ايه مابتفهمش
غالب سمع صوت زعيق من الجهه التانيه راح يشوف في ايه
بيبص لقاه عاصي غالب جرى عليه
غالب : عاصي بتعمل ايه ؟
عاصي : عايزين ياخده فيروزه مني انا مش هسيبها تضيع من ايدي تاني ياغالب
غالب : ( بعدم فهم ) فيروزه 🙂🙂
عاصي سند علي الحيطه ونزل بضهره علي الارض
غالب قعد وبقي في مستوى عاصي
غالب : عاصي انت رجعتلك التهيؤات تاني .. فيروزه مين اللي مش هتسيبها تضيع منك انا مش فاهم حاجه
عاصي : ( رفع راسه وبص لغالب ) فيروزه ما ماتتش ياعاصي .. فيروزه عايشه
غالب : ( بعدم تصديق ) قوم معايا ياغالب .. قوم معايا علشان خاطرى
عاصي : انت مش مصدقني .. صح ؟
غالب : ( بتوتر ) انا . انا ماقصدش . انا بس
عاصي : انا هخليك تشوفها بعنيك لو مش مصدقني اول ما الدكتور يطلع من عندها
غالب برضوا مكانش مصدق عاصي بصله وابتسم ولسه هيتكلم الدكتور طلع
عاصي : ( بكل لهفه ) ايه .. هي عامله ايه دلوقتي ..
الدكتور : مين فيكم عاصي
عاصي : ( شاور علي نفسه ) انا .. انا عاصي
الدكتور : المريضه مابطلتش مناديه عليك
عاصي : طمني عليها هي عامله ايه دلوقتي
الدكتور : ماتقلقش عليها هي كويسه دلوقتي مجرد خدوش في الراس والدراع بس للاسف رجليها اتشرخت فلازم تتجبس وتقعد في الجبس مش اقل من اسبوعين
عاصي : يعني ايه .. يعني كويسه ولا لاء
الدكتور : يعني هنسيبها ترتاح شويه مع الادويه اللي هندهالها هتبقي كويسه ان شاء ****
عاصي : طيب اقدر ادخلها
الدكتور : اه طبعا تقدر .. بس ارجوك ماتقعدش معاها كتير علشان نسيب المريضه ترتاح
عاصي مشي ودخل الاوضه وغالب مش مصدق انه بيتكلم عن فيروزه لاخر لحظه
واول ما دخل الاوضه غالب اول ما شافها اتصدم
غالب : ( وهو متنح ) دي فعلا فيروزه
عاصي قعد جنب فيروزه علي السرير وفيروزه دماغها متربطه بشاش ودراعها ملفوفه ورجليها اتشرخت
عاصي فضل باصصلها وهو مش عارف يعمل ايه حرفيا ياخدها في حضنه .. ولا يبعد عنها .. ولا يقربها منه مشاعر متلخبطه من واحد متلخبط بس افتكر انها خانته وافتكر يوم الحفله واللبس اللي كانت لبساه راحت ريأكشنات وشه كلها اتغيرت
عاصي : ( بلع ريقه وبص لغالب ) صدقتني دلوقتي
غالب : ( وهو مش فاهم حاجه ) انا كل حاجه اتلغبطت بالنسبالي
غالب : ايوه صدقتك بس .. بس انتي ازاي عايشه ؟
فيروزه: ( ودت وشها الناحيه التانيه وماتكلمتش )
عاصي : يعني انت شايفها زي ما انا شايفها ياغالب
غالب: ايوه ياعاصي دي فيروزه فعلا مش تهيؤات
عاصي : ( بنرفزه وضم حواجبه وريأكشنات وشه اتغيرت ) انتي ازاي ما موتيش ؟
فيروزه : _______________
عاصي : انتي مابتتكلميش ليه ؟ انطقي
فيروزه : __________
عاصي ابتدي يتعصب اكتر وصوته يعلي
فيروزه : ( بهدوء لفت وشها يمين وبصت لعاصي ) عمرك ما تغيرت ياعاصي مهما تعدي عليك السنين عصبي .. وصوتك عالي
عاصي : ( وهو بيشاور علي جبينه ) انا عايز افهم محتاج افهم انتي عايشه ازااااااااي ..
فيروزه : ده كل اللي يهمك .. انك تفهم وبس
عاصي : ( قعد جنب فيروزه ومسكها من ايديها الاتنين وبقي يهز فيها )
عاصي : ( بصوت عالي ) ما انتي لازم تفهميني حالا كل حاجه انتي ماتعرفيش انا عيشت ال ١٣ سنه دوول ازاي ؟
فيروزه : طول عمرك اناني مابتفكرش غير في نفسك وبس طيب ما سألتش نفسك انا عيشت السنين دي كلها ازاي
الممرضه جت تجرى علي الصوت العالي
الممرضه : انت بتعمل ايه يا استاذ..
الامن نادوا الامن بسرعه
غالب : أمن ايه وبتاع ايه سيبها ياعاصي سيبها دلوقتي
عاصي : انا لازم افهم مش هينفع اسيبها ياغالب
غالب : ( وهو ماسك عاصي وبيزق فيه وبيطلعه برا) هتفهم كل حاجه ياعاصي بس مش دلوقتي انا كمان عايز افهم اكتر منك بس كل حاجه وليها وقتها
غالب طلع عاصي بره الاوضه
والممرضه قعدت مع فيروزه ومنعوا اي حد يدخل عليها
غالب وقف بره في الطرقه هو وعاصي
غالب : اهدى ياعاصي مش كده
عاصي طلع سيجاره من جيبه وبقي يدور علي الكبريت في جيوبه مالقاش غالب طلع الكبريت من جيبه وحدفه لعاصي
عاصي ولع السيجاره وكأنه بيطلع فيها كل همه
غالب : انت فاكر اني مش عايز اعرف ازاي هي مماتتش انا زيك ويمكن اكتر منك كمان بس كل حاجه بالعقل
عاصي : عقل .. انا خلاص مابقاش فيا عقل ياغالب مش قادر استوعب
احسان جت وهي بتمد وبتدور علي غالب
احسان : غالب انت كنت فين انا كنت بدور عليك
غالب : ليه ؟ بدور جرالها حاجه ؟
عاصي : بدور .. مالها بدور فيها ايه ؟
غالب : انا كلمتك في الفون وقولتلك انها اكلت حاجه مسممه
عاصي : وازاي ماتقوليش
احسان : احنا كلمناك بس انت .. ( لسه هتكمل )
عاصي : هي فين دلوقتي
احسان : احنا جيبناها المستشفي هنا .. وعملنالها اللازم وهي هتبقي كويسه دلوقتي
عاصي : والتسمم ده جالها من ايه
احسان : اكيد انتوا اكلتوا حاجه بره وانتوا كنتوا سوا منتهيه الصلاحيه عملتلها تسمم
عاصي : مافيش حاجه بدور اكلتها واحنا سوا انا ما اكلتش منها .. اكيد في حاجه تاني هي فين دلوقتي
احسان : في اوضه ١١٧ اتطمن هي بقت .... ( ولسه هتكمل عاصي بص لغالب )
عاصي : خليك هنا ياغالب اوعي تتحرك من هنا خللي بالك من فيروزه لحد ما ارجع
غالب : ماتقلقش مش هتحرك من هنا
احسان : فيروزه 😳
( غالب سابهم ومشي وراح لبدور )
احسان : هو عاصي يقصد مين بفيروزه
غالب : فيروزه دي تبقي حبيبه عاصي القديمه
احسان : هي مش كانت ماتت
غالب : وانتي عرفتي منين بقي انها ماتت
احسان : (بتوتر ) انا . انا سمعت قبل كده يعني انه كان بيحب واحده وماتت
غالب : ( بابتسامه خبيثه رفع حاجبه وبص لاحسان علشان عارف انها معجبه بعاصي ) لاء .. تؤ .. تؤ .. ما ماتتش وطلعت عايشه ..
احسان : ( في سرها ) يادي النصيبه هى ناقصاها هي كمان
غالب : ( حط ايده علي دقنه بخبث ) بس تفتكرى بدور اتسممت ازاي يادكتوره .. ومش معني يعني اتسممت اول ما جت من بره هي وعاصي انا شامم ( ووطي بمناخيره وشم ريحه ايدين احسان ) شامم ريحه مش حلوه علي ايديكي
احسان : ( بتوتر ) انت .. انت تقصد ايه
غالب : ولا حاجه لسه .. لسه لما اتأكد هقولك انا اقصد ايه
احسان : ( في نفسها ) يادي المصيبه انا مش نقصاك انت كمان
عاصى راح لبدور لقاها نايمه وبترتاح
عاصي : ( راح للدكتور ) هي عامله ايه دلوقتي
الدكتور : احنا عملنالها غسيل معده ولحقناها الحمد**** .. بس دي حاله تسمم واضحه
عاصي : تقصد ان حد سمها
الدكتور : مش بعيد.. لسه هنعمل التحاليل اللازمه وهنعرف كل حاجه
عاصي ساب الدكتور و مسك ايد بدور
عاصي : اسف يابدور .. اسف اني ماقدرتش اسمع اي حاجه من اللي قالها غالب في الفون .. انا كنت في دنيا تانيه **** وحده العالم انا كنت في ايه .. انا عارف انك وقفتي جنبي كتير وانقذتيني اكتر واليوم اللي تحتاجيني فيه واحد تاني ينقذك غيري ..
احسان كانت واقفه بره وبتسمع كل اللي قاله عاصي لبدور
ومن كتر التعب فضل ماسك ايد بدور وسند راسه علي ايدها ومن كتر التعب اللي كان فيه غمض عنيه غصب عنه ونام
(احسان وهي واقفه من بره )
احسان : وبعدين هعمل ايه في المصيبه دي عاصي لو عرف ان انا اللي سممتها هتبقي مصيبه .. ( لسه بتكلم نفسها ) بس لاء انا مش هخليه يعرف .. ماينفعش يعرف .. ما انا مش بعد ده كله هخليك تبعدني عنك ياعاصي
غالب وقتها كان قاعد قدام باب الاوضه بتاعت فيروزه
ومره واحده النوم اخده ونام ماحسش بنفسه لحد تاني يوم الصبح
الممرضه : يااستاذ .. يااستاذ ماينفعش تنام هنا
عاصي : ( قام مخضوض ونطق اسم فيروزه ) فيروزه ..
الممرضه : فيروزه مين حضرتك .. انا الممرضه مروه وحضرتك نايم هنا طول الليل وماينفعش كده
عاصي بلع ريقه وبص علي بدور لقاها لسه نايمه
قام من جنبها وراح لاوضه فيروزه لقاها بتحاول تقوم من علي السرير علشان تمشي
عاصي : فيروزه انتي رايحه فين
فيروزه : زي ما انت شايف بحاول امشي ..
عاصي : تمشي تروحي فين هو انا هسيبك تمشي بسهوله كده
فيروزه : عادي ما انت كنت عايز تقتلني بسهوله برضوا كده
عاصي : انتي خونتيني .. عارفه يعني ايه خونتيني .. طلعتي شمال
فيروزه : ( عوجت راسها يمين ) لا و**** وانت بعد السنين دي كلها لسه مصدق الكلام اللي قالهولك اخوك
عاصي : انا صدقت اللي شوفته بعنيا
فيروزه : ( حاولت تقف علي رجليها بس حرفيا رجليها مشروخه ومش قادره تقف عليها قعدت تاني علي السرير )
فيروزه : خلاص يبقي ده اللي حصل طالما انت عايز تصدق كده انت ماتستاهلش حتي اني اقولك ايه اللي حصل
عاصي : اوعي تكوني جايه تأكدي الكلام اللي قاله رفيق وان اخويا هو اللي عمل كل ده
فيروزه : ( بكل برود ) ولا هأكد ولا هقولك اي حاجه ياعاصي و**** ما تستاهل
عاصي : ( اتنرفز اكتر ) اتغيرتي اوي يافيروزه
فيروزه : لو عيشت يوم واحد من اللي انا عيشته كنت عرفت انا اتغيرت ليه
عاصي : كنتي فين السنين دي كلها
فيروزه : ماتستاهلش انك تعرف حاجه قولتلك
عاصي : وانا مش هسيبك تمشي بالسهوله دي بعد السنين دي كلها
فيروزه : يعني ايه .. هتقتلني تاني ما دي اسهل طريقه عندك ( القتل ) فاكر ولا افكرك
----------------( في نفس الوقت ) --------------------
بدور فاقت واحسان دخلت عليها
بدور : انا .. انا فين
احسان : ( برفعه حاجب وهي مربعه ايديها الاتنين ) حمد**** علي السلامه ياست بدور
بدور : ( حطت ايدها علي دماغها وكانت دايخه ) انا .. انا فين وبعمل ايه هنا ؟
بدور ابتدت تفتكر انها بعد ما أكلت التفاحه جالها مغص وقعت في الارض وبقت بطنها تتقطع
بدور : ( التفاحه ) .. وبعد كده بقت تفتكر غالب وهو شايلها وبيجرى بيها علشان ينقذها
بدور :التفاحه اللي اكلتها وغالب اللي جابني هنا
احسان : ايييييييوه مظبوط كده .. اديكي افتكرتي كل حاجه
بدور : انتي اللي سممتيني .. التفاحه كان فيها حاجه
احسان : براڤو عليكي شاطره يابدور .. ماطلعتيش غبيه خالص
بدور : طيب وليه انا عملتلك ايه ؟
احسان : مافيش انتي ماعملتيش حاجه
احسان قربت من بدور ووطت وبقت وشها في وش بدور
احسان : انا بس اخدتك سلم علشان الاقي حجه اقعد بيها اكتر في ڤيلا غالب وعاصي وابقي قريبه من عاصي
بدور : تقومي تسمميني ..
احسان : انا اعمل اي حاجه علشان ابقي جنب عاصي
بدور : ( بعصبيه ) انا هفضحك انا هقول لعاصي ان انتي اللي سممتيني
احسان : ( قامت وقفت وادت ضهرها لبدور ) معنديش اي مشكله قوليلوا .. بس طالما بقي هتقوليلوا يبقي انا كمان هقولوا علي كل حاجه واقولوا انك مادخلتيش عربيه غالب صدفه .. واقوله انك كنتي بتضحكي عليه علشان تجبيه البيت عندي ولولا الاتفاق اللي بيني وبينك والفلوس اللي اخدتيها مني كنتي زمانك رمتيه وسيبتيه من زمان مش شهامه منك ولا جدعنه انك تفضلي جنبه زي ما هو فاكر
بدور : انتي شيطان
احسان : ما هو انا مش هسيبك تاخدي عاصي مني مهما عملتي محدش يقدر ياخد عاصي مني انتي فاهمه لا انتي ولا فيروزه اللي رجعت من الموت دي كمان
بدور : ( باستغراب ) فيروزه 😳😳
----------------( في نفس الوقت ) --------------------
عاصي كان هيتعصب علي فيروزه ولسه هيعلي صوته
غاالب دخل
غالب : صوتكم جايب اخر المستشفي ماينفعش كده
فيروزه : كبرت ياغالب وبقيت راجل
غالب : مافيش حد بيفضل صغير علي طول
عاصي ممكن تطلع بره دلوقتي
عاصي : انت بتقول ايه ؟
غالب : ( ميل علي ودن عاصي بصوت واطي ) اسمع كلامي ارجوك .. خليك واثق فيا
عاصي : ( بتنهيده بص لفيروزه ) انا رايح اشوف بدور فاقت ولا لاء ( عاصي مشي )
غالب : انا عارف ان اللي عمله عاصي مايغتفرش بس برضوا حطي نفسك مكانه
فيروزه : احط نفسي مكانه .. ده كان عايز يقتلني .. حط نفسك انت مكاني
غالب : كل ده كلام هنتكلم فيه بس مش هنا
فيروزه : اومال فين
غالب : ارجعي معانا الڤيلا انتي تعبانه ولازم حد ياخد باله منك
فيروزه : وعاصي بقي هو اللي هياخد باله مني
غالب : مهما قولتي ومهما حاولتي تبيني كرهك لعاصي شايف لمعه في عنيكي وانتي بتبصيله مش عاديه
فيروزه : ( باستنكار ) لمعه .. لمعه ايه ؟
غالب : نفس لمعه عنيكي لما كنتي بتبصيله وهو بيلبسك الدبل انا لسه فاكر نظرتك لي ممكن هو مش شايف ده بس انا شوفتها
فيروزه : ( بتوتر ) لا .. لا .. لا طبعا كل اللي بتقوله ده مش صحيح
غالب : الصح والغلط مش هنقوله دلوقتي كل واحد في الف سؤال عايز يسأله للتاني منكم .. وانا كمان عايز اعرف حاجات كتير منك ومش هنعرف ده الا لما نقعد سوا كلنا انا هجيببلك الكرسي المتحرك علشان مش هتقدرى تمش
ي فيروزه: غالب استني
غالب : ( بص لفيروزه ) عايزاني فعلا استني ؟
فيروزه : ( بصت في الارض واتنهدت وسكتت)
غالب : انا قولت كده برضوا
----------------( في نفس الوقت ) --------------------
بدور : فيروزه انا مش فاهمه حاجه .. فيروزه مين اللي رجعت من الموت
احسان : وانتي مالك مهتمه كده ليه ؟
رفعت حاجبها قولتي ايه لسه برضوا عايزه تقولي لعاصي ان انا اللي سممتك علشان يرميني ويرميكي في الشارع
بدور بصت في الارض وسكتت
احسان : اهوه كده الكلام
بدور : ( بضعف وقله حيله ) والمطلوب مني ايه دلوقتي ؟
احسان : تعرفي عاصي انك عايزاني معاكي في الڤيلا علشان اعالجك
واني انقذتك ولولايا كنتي زمانك ميته دلوقتي
بدور : حاضر اللي تشوفيه
ااحسان : يبقي اتفاقنا واللي حصل ده هيفضل سر ما بينا
وعمر عاصي ما هيعرفه في يوم
ومره. واحده عاصي دخل عليهم
عاصي : بس عاصي خلاص عرف اللي مابينكم يادكتوره
بدور : عاصي 😳😳
يتبع...
الجزء السادس
احسان : يبقي اتفاقنا واللي حصل ده هيفضل سر ما بينا
وعمر عاصي ما هيعرفه في يوم
ومره واحده عاصي دخل عليهم
عاصي : بس عاصي خلاص عرف اللي مابينكم يادكتوره
بدور : عاصي 😳😳
عاصي مسك دراع احسان بغضب
عاصي : قوليلي بقي گل اللي حصل من الاول
احسان بصت لعاصي بخوف
احسان : ( بتوتر وخوف ) أنا .. أنا.. انا مش فاهمه انت بتتكلم عن أيه ؟
عاصي مكانش سمع اي حاجه حرفيا بس سمع اخر حاجه وهو داخل واحسان بتتفق مع بدور ان عاصي مايعرفش اللي بينهم بس كان عاوز يوقعها في الكلام
قرب احسان منه حرفيا وبقي وشها في وشه لدرجه انها بقت سامعه صوت نفسه وهو غضب الدنيا كله علي وشه قرص علي دراعها اكتر احسان نن عنيها بقي رايح جاي ونفسها طالع نازل من الخوف وهي بتبص لملامحه اللي كلها غضب
عاصي : مش سامع صوتك يادكتوره
احسان : اصل .. اصل
بدور قامت من علي السرير بسرعه
بدور : ( وهي بتحاول تفك ايد عاصي من دراع احسان ) سيبها ياعاصي .. سيبها دراعها هيتخلع في ايدك
عاصي ساب ايد احسان بعنف وزق احسان لورا ورفع حاجبه اليمين
عاصي : ( بسخريه ) استاذه بدور اكيد انتي اللي هتحكي الحكآيه من أولها مش كده
بدور بقت حافظه عاصي .. بصيتله في عنيه وعرفت انه ماسمعش حاجه وفهمته علي طول فهمت انه عاوز يوقعهم في الكلام
بدور فضلت بصه لعنيه وساكته
عاصي : ( بنرفزه وصوت عالي ) ماتنطقي
بدور : حاجه ماتخصكش .. حاجه اتفقت عليها انا واحسان ومش عايزينك تعرفها .. اي المشكله في كده ولا انت كل حاجه لازم تدخل فيها وخلاص
عاصي : (مسك ايد بدور ولفها وبقت ايديها ورا ضهرها وبقي ضهرها لازق في صدر عاصي )
عاصي : ( قرب من ودن بدور بهدوء بصوت واطي وبقي يهمس في ودنها وبقي قريب اوي منها وصوت نفسه في ودنها )
عاصي : أنا .. مافيش .. حاجه .. تستخبي عليا يابدور
بدور : عاصي سيب ايدي .. ايدي هتتكسر في ايدك
عاصي : وهكسر عضمك كله لو ما قولتليش مخبيين عني ايه ؟
احسان لما شافت عاصي بيتعامل بالطريقه دي مع بدور ابتسمت ابتسامه شماته ورفعت حاجبها وعرفت ان عاصي لما بيغضب من حد ما بيرحمووش
بدور : خلاص .. ايدي ياعاصي .. سيب ايدي وانا هقولك
عاصي : لاء مش هسيبها .. اخلصي وقولي
بدور : ( داست علي سنانها من كتر الوجع ) ااااااه .. انا .. انا ..( بلعت ريقها )
عاصي : ( بعصبيه ) انتي ايه ( وداس علي ايدها اكتر )
بدور : انا ماتسممتش ياعاصي ..
احسان برقت عنيها وقلبها بقي بيدق كان شويه وهيطلع من مكانه من كتر الخوف
عاصي : تقصدي ايه ؟
بدور: ( بلعت ريقها ) اقصد ان انا .. انا كنت عايزه اموت نفسي اخدت سم وكنت عايزه اموت نفسي
ولما انقذوني اتفقت مع دكتوره احسان انها ماتقولكش اني اخدت سم وان الاكل كان منتهي الصلاحيه مش اكتر
عاصي : ( وهو مش مصدق ) هاااا .. كملي
بدور : بس كده ده اللي حصل
عاصي : ( ساب ايد بدور ) والمفروض اني اصدق صح
احسان : ايوه .. علشان ده اللي حصل
عاصي : وواحده زيك تنتحر ليه ؟ احنا كنا لسه مع بعض وكان عندك كل اللي نفسك فيه مكانش باين عليكي ابدا انك عايزه تنتحرى خالص ده كان اسعد يوم في حياتك
بدور : ( وهي ماسكه ايديها من كتر الالم ) انت مالك انت مش ولي أمرى علشان تسأل في كل حاجه وبعدين فساتينك وهدومك اللي جيبتهالي انا مابقيتش عايزاها ومش عايزه منك حاجه .. ابعد عني خالص .. ولا اقولك انا اللي هبعد من اللحظه دي مالكش دعوه بيا تاني وهطلع من حياتك زي ما دخلتها بالظبط
احسان : ( داست علي سنانها من الغيظ وجريت وقفت قدام بدور ) اهدي يابدور مش كده هاتروحي فين بس
عاصي : وانتي فاكره اني ممكن اسيبك تمشي بسهوله كده ..
بدور : (قربت من عاصي) وانت عايز مني ايه ما خلاص كل حاجه بانت قدامك انا معرفش فين رفيق وانت عارف كويس اني معرفش عنه حاجه سيبني بقي خليني ارجع لحياتي من جديد
عاصي : حياه الشارع اللي كنتي عايشاها
بدور : حياه الشارع دي حياتي وانا راضيه بيها
بدور كانت بتحاول تعمل اي حاجه علشان تقفل الموضوع
بس الظاهر ان عاصي فهم بدور وحفظها خلاص زي ما هي كمان فهمته
---------------------------( في نفس الوقت )-------------------------
غالب كان مع فيروزه في اوضتها وبيحاول يكلمها ويقنعها انها تروح معاهم
غالب : ايه مش يلا بينا
فيروزه : ايوه بس
غالب : مافيش بس انا عارف انك هتيجي معانا
غالب قعد فيروزه علي الكرسي العجل
الدكتور دخل عليهم
الدكتور : ايه هتمشوا بسرعه كده من غير حتي ما تاخدوا الروشته
غالب : اكيد كنا هنستني تكتبلنا علي خروج
الدكتور : عموما هي كويسه مجرد خدوش مش اكتر هاتروح مع الوقت واسبوع او 10 ايام بالكتير وتفك الجبس علشان ده مش كسر ده مجرد شرخ بسيط تقدرى تتحركي وانتي سانده عادي
فيروزه : شكرا يادكتور
غالب طلع فونه واتصل بعاصي
غالب : الووو
عاصي : _________
غالب : اتأخرت كده ليه ؟
عاصي : ____________
غالب : ماتقلقش محصلش حاجه انا هاخد فيروزه وهطلع علي الڤيلا بدور عامله اي دلوقتي
عاصي : _______________
غالب : اوعي تسيبها ياغالب انت فاهم دي اللي هتوصلنا لرفيق
عاصي : _______________
غالب : تمام مش همشي هستناك بره بس ما تتأخرش
عاصي قفل مع غالب الفون وحط الفون في جيبه
عاصي : ( بص لبدور ) يلا اتحركي قدامي
بدور : قولتلك مش همشي معاك
عاصي : ما هو مش بمزاجك هتيجي معايا غصب عنك ولحد ما اتأكد انك مالكيش صله برفيق انتي هتفضلي معايا
عاصي شد بدور من ايدها ومشاها وراه احسان بصيتلها بمعني قوليله حاجه عني
بدور : ( مره واحده وقفت ) طيب خلاص هاجي معاك بس بشرط
عاصي : شرط .. شرط ايه
بدور : انا .. انا لسه تعبانه ولو عايزني فعلا ارجع معاك ياريت احسان تفضل معانا عشان اكمل علاجي
وقتها عاصي اتأكد ان في حاجه بين احسان وبدور ابتسم ابتسامه ظهرت بجانب شفايفه وبصلهم هما الاتنين
عاصي : وانا موافق اكيد مكنتش هسيبها
عاصي طلع بره وكلهم اتقابلوا بره المستشفي وركبوا عربيه عاصي
الخمسه كانوا في العربيه سوا
عاصي كان بيسوق وفيروزه جنبه
وبدور وغالب واحسان ورا طول الطريق محدش فيهم اتكلم ولا كلمه حرفيا كلهم كانوا بيبصوا لبعض مش اكتر وكل واحد فيهم جواه كلام كتير عايز يقوله الاجواء كانت متوتره بشكل رهيب
واخيرا وصلوا الڤيلا عاصي اول ما وصل رزع الباب وراه ونزل جت فيروزه بتنزل ماعرفتش بقت تنزل واحده واحده بالعافيه غاالب نزل علشان يسندها راح عاصي وقف وبحركه لا اراديه منه لما لقاها ضعيفه اوي كده ومش قادره تمشي راح شالها ودخل بيها الڤيلا وبدور مشيت وراه هي واحسان
فيروزه : بتعمل ايه نزلني
عاصي : ___________
عاصي دخل بفيروزه اوضه بس الاوضه دي في الدور الاول وفتح الباب وقعدها علي السرير
عاصي : دي هتبقي اوضتك لحد ما تخفي وترجعي احسن من الاول بس قبل ما تخفي لينا كلام مع بعض
عاصي مشي وساب فيروزه ولسه جاي يطلع من الباب فيروزه ندهت عليه
فيروزه : عاصي
عاصي لف وشه وهو واقف علي الباب وبص لفيروزه
فيروزه : شكرا
عاصي : ارتاحي دلوقتي
احسان كانت بره واقفه وبتاكل في نفسها حرفيا
غالب : بدور انتي كويسه دلوقتي
بدور : ايوه
بدور بصت لعاصي وباهتمامه لفيروزه راحت طلعت اوضتها واحسان طلعت وراها وقفلت الباب
احسان : وبعدين هنعمل ايه دلوقتي في الزفته دي
بدور : دي فيروزه اللي عاصي كان بيحبها زمان
احسان : ( وهي مش واقفه علي بعضها ) ايوه هي
بدور : شكلها حلو اوي
احسان : انتي هبله يابت ولا شكلك كده بقولك دي فيروزه الوحيده اللي دخلت قلب عاصي ومن نظراته ليها واحنا في العربيه بيقول انه مانسهاش ابدا
بدور : هي شكلها طيبه وتتحب
احسان : لاااااا انتي عايزه تفرسيني ولا ايه انتي مش عارفه اني بحبه
بدور : اللي بيحب بجد بيتمني السعاده للي بيحبه حتي لو مكانش معاه وعاصي شاف كتييير اوي ومن حقه يعيش سعيد بقي انا حاسه بعاصي دلوقتي وعارفه ومتأكده هو حاسس بأيه
احسان : وليه مايبقاش سعيد معايا انا
بدور : ( بتنهيده ) علشان بكل بساطه قلبه ما اختاركيش
( في نفس الوقت )
عاصي : غالب الظاهر كنت صح وانا غلط
غالب : ليه في ايه ؟
عاصي : بدور بتكذب عليا .. دخلت عليهن وسمعتها هي واحسان وهي بتقول لبدور مش عايزين نعرف عاصي حاجه عن اتفاقنا .. بس ما قدرتش اعرف ايه هو اتفاقهم للاسف جيت متأخر
غالب : وما سألتهاش
عاصي : اكيد سألتها وحاولت اوقعها في الكلام بس الظاهر ان بدور عرفت اني ماسمعتهمش وقالت اي كلام
غالب : طيب وعرفت منين ؟
عاصي : (بابتسامه خفيفه واتحرك خطوه قدام وادا ضهره لغالب وحط ايديه الاتنين في جيوبه )
عاصي : الظاهر انها فهمتني من نظره عنيا لما بصيتلي في عيوني حسيت انها فهمتني وعرفت اني بحاول اوقعها في الكلام انا عمر ما في حد فهم اللي قبل كده ياغالب بس هي فهمتني
غالب : ولا حتي ( ولسه هيكمل عاصي قطعه في الكلام )
عاصي : ولا حتي فيروزه
غالب : بس تفتكر هما مخبين عنك ايه ؟ واللي مخبيينه عنك لي علاقه برفيق ؟
عاصي : مش عارف ياغالب .. بس هعرف كل حاجه منها وقريب اوي
غالب : طيب انا لازم اروح الشركه من وقت الحريق اللي في المخزن وانت ماروحتش محدش فينا سأل
عاصي : ماشي روح انت وانا هفضل هنا
غالب مشي خطوتين ووقف مره واحده
عاصي : ( ضم حواجبه واستغرب ) وقفت ليه ؟
غالب رجع وحضن عاصي
عاصي ابتسم وغالب فضل حاضنه
غالب : انا اسف .. سامحني علي اللي عملته معاك انا ظلمتك كتيير
عاصي : ( طبطب علي غالب ) وانا مبسوط بالحضن ده واخيرا رجعت في حضن عمك زي زمان
---------------------------------------------
غالب ساب حضن عاصي وركب العربيه وراح الشركه
واول ما طلع
غالب : احمد قولي بسرعه ايه اللي حصل
احمد : ( بكل استغراب ) حصل ايه ياغالب بيه
غالب : الحريقه اللي في الشركه
احمد : حريقه ايه محصلش حريقه ولا حاجه
غالب : حد اتصل بعاصي وقاله ان المخزن بيولع
احمد : ما حصلش ياغالب بيه المخازن بتاعتنا كلها سليمه
غالب : كلها سليمه 🙄🙄
---------------------------------------------
( بالليل )
فيروزه اخيرا طلعت من اوضتها وهي بتتعكز علي عكاز وقعدت بره في الجنينه شويه
عاصي شافها وطلع وراها وقعد جنبها
عاصي : انا مش مصدق اني شايفك تاني بعد مااااا..
فيروزه : تقصد بعد ما خنقتني وهربت
عاصي : ايه اللي حصل يافيروزه
فيروزه : مهتم تعرف
عاصي : ( بلهفه ) جداااا
فيروزه : اللي حصل اني ما موتش وقتها وكان لسه ليا عمر ورفيق هو اللي انقذني بس لفه ايدك حوالين رقبتي خلتني اروح في غيبوبه طويله سبع سنين .. سبع سنين
راحوا من عمرى وانا نايمه علي سرير ومعرفش ايه اللي بيحصل حواليا لحد مافوقت وكان رفيق هو اللي قدامي
عاصي : رفيق !!
فيروزه : ايوه رفيق مستغرب ليه انت موتني ورفيق حياني
عاصي : وبعدين كملي
فيروزه : لما فوقت كنت فاقده الذاكره ما افتكرتش اي حاجه ورفيق بقي يألف عليا قصه انه مايعرفش انا مين واني عملت حادثه بعربيته وجابني المستشفي هنا وبقي يدفع فلوس علاجي وعرض عليا الجواز بس انا موافقتش ماحبتهووش ومكنتش فاهمه وقتها ماحبتهووش ليه ومع رفضي لي اخدني وحبسني في مكان اكتر من اربع سنين .. ومع الوقت افتكرت كل حاجه و رجعتلي الذاكره من جديد وافتكرت كل حاجه ووقتها قعدت معاه بأرادتي لحد ما ..
عاصي : لحد ما ايه ..
فيروزه : لحد ما جالي في يوم وهو مضروب بالنار ودفنته بأيدي وبعدها بقيت ادور عليك في كل حته لحد ما لاقيتك وكنت جيالك اليوم اللي خبطتني فيه بس الظاهر اني مكتوب علي ايدك موتي لتاني مره كنت هتموتني مره بقصد ومره من غير قصد
عاصي : انا مش مصدق رفيق كان خاطفك اربع سنين .. بس ليه ؟
فيروزه : علشان كان بيحبني ومش عايزني ابعد عنه
عاصي : ولما الذاكره رجعتلك ليه قعدتي معاه بمزاجك كنتي حبتيه
فيروزه : لاء بس علشان افتكرت الانسان اللي حبيته كان عايز يقتلني فكنت هاروح لمين وهعمل ايه خلاص الدنيا رجعت اسودت تاني في عنيا
عاصي : يعني رفيق مات
فيروزه : ( وهي متأثره وحاطه وشها في الارض ) ايوه .. مات ومعرفش حتي هو مات ليه ومين اللي قتله
عاصي : ( اتنهد ) خونتيني ليه ؟
فيروزه : (حطت ايدها علي قلب عاصي ) انت عارف كويس اوي اني ماخنتكش ياعاصي وعارف مين اللي دبر كل ده بس للاسف عصبيتك وتهورك خلانا وصلنا لطريق مسدود
عاصي : انتي ماتعرفيش انا كنت عايش من غيرك ازاي .. انا كنت ميت من غيرك بس اتنفس
فيروزه : انا بقي كنت عايشه وماليش حتي الحق اني اتنفس
عاصي قرب من فيروزه وبصلها اكتر
عاصي : لو رجع بيا العمر مكنتش هعمل اللي عملته زمان
فيروزه : لو رجع بيا العمر مكنتش هنفذ كلام اخوك ليا ومكنتش هخاف من تهديده وكنت هاجي اقولك علي كل حاجه
بدور كانت واقفه فوق في البلكونه بتاعت اوضتها وكانت باصه عليهم فيروزه رفعت عنيها لاقت بدور بتبصلهم
راحت قربت من عاصي اكتر ورفعت ايدها ولمست خده
فيروزه : احنا دفعنا تمن غلطتنا من عمرنا
عاصي بص لفيروزه
عاصي : عمرى ما نسيتك ولا لحظه طول السنين اللي فاتت دي انتي دايما كنتي في بالي
فيروزه قربت منه اكتر وحطت راسها علي صدره وابتسمت وهي عارفه ان بدور شيفاهم
بدور غصب عنها بتبص لاقت دمعه نزلت علي خدها وضمت حواجبها وهي مستغربه ورفعت صوابعها ولمست خدها وفركت دموعها اللي في صوابعها بأيديها وهي قلبها واجعها وحطت ايدها علي قلبها من كتر الوجع اللي كان فيه وهي باصه علي فيروزه وهي في حضن عاصي
مره واحده احسان جت من ورا ضهر فيروزه وهي بتقول
احسان : بتعملي ايه هنا في الوقت ده ؟
بدور بسرعه جدا مسحت دموعها قبل ما احسان تشوفها
بدور : ( بتوتر ) أيه .. لا .. لا .. ابدا .. مابعملش حاجه
ولسه جايه تقفل الستاره احسان شافت فيروزه وعاصي وهما قاعدين سوا راحت مدت ايدها وبعدت بدور عن الطرابزين وبقت بدور وراها
احسان قربت من طرابزين البلكونه وبصت تحت لاقت فيروزه وعاصي وهما سوا داست علي سنانها من الغيظ وضربت بأيديها علي الطرابزين من كتر غيظها ودخلت جوه الاوضه
بدور قعدت علي السرير ولسه هتشد الكوڤرته علشان تتغطى بيها وتنام احسان شدت الكوڤرته من ايد بدور ورمتها في الارض
احسان : ( بزعيق ) اييييييه انتي هتنامي وتسبيني كده لوحدي
بدور اتعدلت في قعدتها علي السرير وفضلت ساكته ما باتتكلمش
احسان : هو انا بكلم نفسي ولا ايه ماتنطقي
بدور : ( وهي باصه في الارض وجايبه اخرها حرفيا ) طيب عايزاني اعمل ايه ؟ كفايه بقي يادكتوره .. كفايه
عاصي ما بيحبكيش ولا هيشوف حد في يوم غير فيروزه بطلي محاولاتك دي علشان مهما حصل هتفشل الحب عمره ما كان كده
احسان : وانتي بقي ياتربيه الملاجئ اللي هتعرفيني الحب ازاي
بدور : انا ممكن فعلا اكون تربيه ملاجئ بس تربيه الملاجئ اوقات بتبقي احسن من تربيه ناس كتيييير
احسان : ( بكل غضب ) قصدك ايه 😡😡
بدور : مش قصدي حاجه بلاش تطلعي غضبك عليا سبيني انام
بدور وطت واخدت الكوڤرته مره تانيه من علي الارض وغطت نفسها بيها وغطت وشها كمان وبقت دموعها تنزل منها وهي تحت الغطا وتحط ايديها علي بوقها لا احسان تسمع صوت عياطها
احسان : نامي نومه تاخدك عشان ارتاح منك ان شاء ****
( داست علي سنانها وقفلت عنيها) اما انتي بقي ياست فيروز حسابك معايا بعدين
-----------------------------( في نفس الوقت )------------------------
عاصي كان لسه قاعد هو وفيروزه في الجنينه وجاله فون من غالب
عاصي : الووو
غالب : ايوه ياعاصي في حاجه غلط
عاصي : في ايه ياغالب ما تنطق
غالب : لو في حد جنبك ياريت تبعد شويه
عاصي بص لفيروزه وابتسم وقام من جنبها فيروزه لاحظت انه مش عايزها تسمعه وهو بيتكلم في الفون فبعدت عنه
عاصي مشي قدام
عاصي : تمام اتكلم
غاالب : في حاجه بتحصل احنا مش فاهمينها انا لسه جاي من الشركه ومكانش في حريق ولا أي حاجه ده حد اتصل بيك وقالك كده عشان كان عايزك تطلع من الڤيلا الوقت ده بالذات
عاصي : ( وقتها الفون كان علي ودنه وبص وراه لفيروزه وهو مضيق عنيه )
غالب : الووو .. الووو عاصي سكت ليه ؟
عاصي : ( رجع اتكلم في الفون ) افتكر ان انا عارف مين اللي كان عايزني اطلع من الڤيلا في الوقت ده
غالب : طيب ماتقول
عاصي : ( رفع حاجبه اليمين بتنهيده ) لما اتأكد الأول وتعالي انت بسرعه
غالب : انا في الطريق
غالب كان راكب عربيته ورمي الفون جنبه وبقي سايق بأسرع ما عنده
عاصي : ( بص لفيروزه وقرب منها وحاول يبتسم ومايبينلهاش حاجه )
فيروزه : ( بتوتر وهي بتبلع ريقها ) ايه حصل حاجه ولا ايه ؟
عاصي : ( رفع حاجبه مع ابتسامه صفرا ) ايه .. هو انتي شايفه ان ممكن يحصل حاجه ؟
فيروزه : مممم لاء اصل هيحصل أيه ؟
عاصي : ماتشغليش بالك باللي هيحصل دلوقتي انا عايزك ترتاحي خالص لحد ما تخفي وتبقي احسن من الاول كمان
فيروزه شافت في عنين عاصي انه عاوز يقول حاجه وبقت دماغها تودي وتجيب
فيروزه : ( بتوتر ) طيب .. طيب انا هقوم بقي علشان انا تعبانه اوي
عاصي : طيب تصبحي علي خير
فيروزه قامت وبقت تمسك في العكاز بتاعها علشان رجلها لحد ما دخلت الاوضه وهي خايفه مووت لا يكون عاصي حس بحاجه او يشك فيها
وفضل عاصي في الجنينه مستني غالب احسان رجعت بصت تاني علي عاصي من الطرابزين بتبص لاقيته لوحده فرحت جدا ونزلت بسرعه علشان تروحله
احسان : الجو حلو اوي النهارده
عاصي بصلها من فوق لتحت ومسك الكاس بتاعه من جنبه واداها ضهره
احسان : ( قربت من خطوه وبقت ورا ضهره بالظبط ) انت مش عايز تكلمني
عاصي : وانتي مش ناويه تسبيني في حالي
احسان : للدرجه دي انا تقيله علي قلبك
عاصي : انتي لو كنتي تقيله علي قلبي مكنش زمانك واقفه هنا دلوقتي
احسان قربت من ضهر عاصي اكتر وحاولت تلمس ضهره بأيديها
عاصي بعدها وزقها بايديه
عاصي : انتي بتعملي ايه ؟ انتي اتجننتي
احسان: أنا .. انا كنت بطمن علي الجرح مش اكتر .. الجرح اللي لولا وجودي مكنتش زمانك عايش دلوقتي
عاصي : انا عارف انك انقذتيني بس برضوا عارف ان ماينفعش ان كل شويه تفكريني انك انقذتيني
احسان : انا .. انا ماقصدش انت زعلت مني ( ورفعت ايديها وجت تلمسه )
عاصي : ( بعصبيه ) يووووه ابعدي عني بقي
عاصي سابها ودخل علي اوضته
احسان بتبص لاقت فون عاصي سايبه علي الطرابيزه اللي في الجنينه اخدت الفون وطلعت علي الاوضه بتاعتها هي وبدور علي امل انها تعرف تفتحه
عاصي وقتها دخل اوضته وهو دماغه عماله تفكر وشاكك في فيروزه فضل يشرب .. يشرب لحد ما نام وراح في النوم خالص ومبقاش حاسس بنفسه
احسان وهي ماسكه الفون بتاع عاصي حاولت كذا مره انها تعرف الباسورد بتاعه مافيش مره في التانيه برضوا مافيش
احسان : ( اخر ما زهقت ) يووووووه وبعدين بقي
بدور : ( كانت نايمه رفعت الغطا من عليها ) ايه .. في ايه
احسان : مش عارفه افتح فون عاصي
بدور : انتي مجنونه عاصي لو عرف ان فونه معاكي مش هيرحمك
احسان : ما انا لازم اعرف افتح الفون عايزه اعرف اسراره عايزه اقرب منه اكتر
بدور : انتي حره انا قولتلك وخلاص
احسان من كتر ما كانت مخنوقه علشان مش عارفه تفتح الفون طلعت البرشام بتاعها من شنطتها وشربته مهدىء بيهدي اعصابها وفضلت تشرب برشامه ورا التانيه لحد ما نامت
----------------------------------(في نفس الوقت )------------------
غالب كان سايق بسرعه كبيره جدا بيبص لقي قدامه شجره كبيره في نص الطريق زي ما يكون حد حاططها بالقصد حود الدركسيون بسرعه حاول يتفاداها وداس علي الفرامل بسرعه بس لانه كان بيسوق بسرعه اوي لقي نفسه خبط فيها والعربيه اتقلبت مره واحده وهو جوه العربيه والعربيه مقلوبه والدم نازل من جبينه بقي يمد ايده بالعافيه علشان يجيب الفون بتاعه من جنبه وايده بتترعش ومتبهدله ددمم واتصل علي عاصي
فون عاصي وقتها كان مع احسان وبقي يرن بدور قامت علي صوت الرنه
بدور : ( وهي ماسكه الفون وبتهز في احسان ) احسان .. احسان اصحي غالب بيتصل **** يخربيتك فوقي هنعمل ايه في الفون ده
احسان :___________
بدور : (بتكلم نفسها ) وبعدين هعمل ايه دلوقتي ياربي
بدور نزلت بالراحه جدا علي اوضه عاصي ودخلت اوضته لاقيته نايم وبقت تحاول تمشي علي طراطيف صوابعها علشان عاصي مايحسش بيها ولسه هتحط الفون علي الكومود اللي جنب عاصي لاقيت الفون رن مره تانيه حاولت تقفل الصوت عشان عاصي مايصحاش ويلاقيها في اوضته راحت فتحت المكالمه بالغلط ووقتها سمعت غالب وهو بيتكلم بالعافيه وبيقول
غالب : ( وهو مش قادر يتكلم وبيطلع الكلمه بالعافيه )
غالب : ألو.. ألو .. الحقني .. الحقني ياعاصي
بدور بسرعه حطت الفون علي ودنها
بدور : ( بقلق وخوف ) غالب فيك ايه ..
غالب : الحقيني يابدور انا عملت حادثه وات .. ( بلع ريقه ) اتقلبت بالعربيه ..
بدور : ( بخوف ) طيب .. طيب انت فين دلوقتي
غالب : هبعتلك اللوكيشن تعالي .. تعالي بسرعه
غالب بعت اللوكيشن لبدور علي تليفون عاصي
بدور : اصحي ياعاصي .. اصحي بسرعه
بدور حاولت تصحي عاصي بس عاصي كان شارب وسكران ومش حاسس بنفسه مسكت صوباعه وفتحت الفون بالبصمه وطلعت بسرعه ووقفت تاكسي وبقت ماشيه علي اللوكيشن اللي غالب باعتهولها وفي نفس الوقت كانت علي الفون معاه
غالب : ( لسه بيكلم بدور في الفون ) انا .. انا شامم ريحه بنزين
بدور : بنزين .. بنزين ايه يانهار اسود
بدور : غالب ماتقفلش الخط خليك معايا حاول تطلع من العربيه ياغالب
غالب حاول يحرك رجله بس للاسف ماقدرش رجله كانت محشوره ومش قادر يطلعها
غالب : مش .. مش قادر يابدور رجلي محشوره
بدور : بسرعه شويه يا اسطى **** يخليك
السواق : انا ماشي بأسرع ما عندي و**** يا انسه
بدور : طيب غالب خليك مكانك انا جايالك علي طول
السواق دخل الطريق اللي كان في غالب بص من بعيد لقي الشجره المرميه علي الطريق
السواق : انا مش هقدر ادخل هنا يا انسه
بدور: ادخل يا اسطا وهديك اللي انت عايزه
السواق : انا مش مستغني عن روحي الطريق ده بتاع قطاع الطرق ولو دخلنا هنروح فيها احنا نبلغ البوليس وهما ييجوا يتصرفوا
بدور : ( نزلت من العربيه بسرعه ورزعت الباب وراها ) بوليس .. بوليس ايه ده لحد ما البوليس ييجي يكون مات ..
بدور نزلت وجريت علي الطريق بقت تجرى تجرى وهي لسه معاها الفون لحد ما اخيرا شافت العربيه المقلوبه
بدور : انا خلاص شوفت العربيه ياغالب وقفلت الخط ووطت وبقت تحاول تفتح باب العربيه وهي مقلوبه بتبص لاقت البنزين بيتسرب من العربيه وشويه وهتنفجر
بدور بقت تشد في غالب من درعاته ولانه كان تقيل جدا مكانتش عارفه تطلعه ووقعت في الارض
غالب بص قدامه
غالب : في .. في ناس جايين علينا من بعيد بس .. بس شكلهم مايطمنش ( اخد نفسه )
بدور سابت غالب وراحتلهم واول ما شافوها راحت ضريوهاعلي راسها وقعت اغم عليها علي طول
وراحوا لغالب
غالب : لاء .. لاء .. لاااااا
يتبع...
الجزء السابع
غالب : في .. في ناس جايين علينا من بعيد بس .. بس شكلهم مايطمنش ( اخد نفسه )
بدور سابت غالب وراحتلهم واول ما شافوها راحت ضريوهاعلي راسها وقعت اغم عليها علي طول وراحوا لغالب
غالب : لاء .. لاء . . لاااااااااا
الرجاله دي كانت مخبيه وشها وحطوا لغالب منديل علي وشه في منوم حاول يقاوم ويحرك راسه شمال ويمين بس للاسف ماقدرش يعمل حاجه وبعدها محسش بنفسه وراح في دنيا تانيه حرفيا
السواق اللي كانت بدور جايه معاه بيبص وراه لقى شنطه بدور مرميه علي الكرسي اللي ورا وفيها فلوس ومافيهاش اي حاجه تاني
السواق : ( نفخ من كتر الزهق ) وبعدين بقي ارجعلها شنطتهت ازاي دي
السواق : ( بيكلم نفسه ) ما هو برضوا مكانش ينفع اسيب بنت زي دي تدخل طريق مقطوع زي ده لوحدها انا مارضهاش علي اخواتي
السواق ضميره بقي يأنبه انه يسيب بنت زي دي لوحدها في حته مقطوعه زي دي وقرر انه يرجع ويدخل الطريق بيبص من بعيد لقي بدور واحد شايلها وبيحطها في عربيه نص نقل وبيطلعوا غالب من العربيه وبيشدوا لحد ما طلعووه وحطوه علي العربيه مع بدور السواق خاف بسرعه وجرى بعد عن الطريق
-------------------------( عند عاصي )----------------------
ومع اول شروق شمس
عاصي صحي وبقي ماسك دماغه من كتر الشرب اللي شربه بالليل وهو بيفتح عينه بالعافيه وماسك دماغه مد ايده علي الكومود اللي جنبه مالقاش فونه اتعدل من علي السرير وبقي يفك زراير القميص بتاعه وقلع قميصه وقام من علي السرير ورماه في الارض دخل فتح الدش وحط دماغه تحت الدش وبقي ساند بأيديه الاتنين علي الحيطه واتنهد تنهيده زي ما يكون بيطلع كل همومه في التنهيده دي
-------------------------( في نفس الوقت )----------------------
احسان صحيت في اوضتها وهي مخضوضه علشان افتكرت ان فون عاصي لسه معاها ومحطتهووش مكانه بصت يمين وشمال مالقيتش الفون شالت الكوڤرته من عليها وقامت بسرعه من علي السرير وهي شغاله تدور علي الفون في كل حته في الاوضه زي المجنونه
احسان : ( وقفت للحظه وكلمت نفسها ) هايروح فين الفون ده بس ياربي ( ضيقت عنيها ) بدور ..اكيد بدور هي اللي أخدته
احسان نزلت بسرعه من علي السلالم وهي بدور عليها في الڤيلا ..
احسان : ( بصوت عالي ) بدووووور .. بدوووور
فيروزه طلعت من اوضتها في الدور اللي تحت وهي سانده ضهرها علي الباب رفعت حاجبها وبصت لاحسان
فيروزه : الناس تصحي علي صوت العصافير وعلي كلمه صباح الخير مش صوتك المزعج ده
احسان : ( بصتلها بصت غيظ واتنهدت وهي دايسه علي سنانها)
احسان : ( بضحكه مصطنعه ) صباااااح الخير
فيروزه : هي صحبتك هربت منك ولا أيه ؟
احسان : مش انا اللي اصاحب الاشكال دي
فيروزه : لااااااا و**** ده بجد
احسان بصتلها من فوق لتحت
احسان : انتي عايزه ايه دلوقتي
فيروزه : عايزه اقولك اني شوفتك وانتي بتاخدي فون عاصي امبارح من الجنينه وطلعتي بي فوق
احسان : ( بتوتر ) أنا .. أنا .. م .. معرفش انتي بتتكلمي عن ايه ؟
فيروزه : ( بضحكه خبيثه ) دلوقتي عاصي هيصحي وهو هيعرفك انا بتكلم عن ايه كويس اوي
فيروزه قفلت الباب واحسان نزلت من علي السلم بسرعه وراحت تخبط عليها
احسان : ممكن تفتحي
فيروزه وهي ورا الباب
فيروزه : ( برفعه حاجب ) عايزه ايه ؟
احسان : انا اه .. اخدت الفون بس علشان خفت با الفون يضيع ولا حاجه وماقدرتش اخبط علي عاصي امبارح في اوضته فقولت اول ما اصحي الصبح هديهوله بس صحيت مالقيتش الفون ولا لاقيت بدور الظاهر ان بدور سرقت الفون ومشيت
فيروزه : ( فتحت الباب وبقت وشها في وش احسان )
لااااا .. ياشيخه ده الكلام ده بجد
احسان : اه طبعا بجد بدور دي بنت شوارع اصلا وطول عمرها متربيه في ملاجىء وكمان نصابه وبتنصب علي ناس كتيييير
فيروزه وهي بتاخد احسان علي قد عقلها
فيروزه : قولتيلللي
علي كده بقي يبقي نقول لعاصي ان هي اللي اخدته من الجنينه مش انتي
احسان : (بفرحه ) ياريت .. ياريت تقوليله كده
اصل .. اصل انتي ماتعرفيش عاصي لما بيغضب من حد غضبه وحش
فيروزه : ( حطت ايدها علي رقبتها ) انتي هتقوليلي
-------------------------( في نفس الوقت ) ---------------------------
غالب فتح عنيه لقى نفسه متربط من ايديه ورجليه في عمود وبدور متربطه في نفس العمود وضهره في ضهرها وكانوا في حته زي مخزن كده ومليان براميل وفران بتتحرك ورا البراميل دي والمخزن مافيهووش غير شباك واحد مدخل ضوء بسيط جدا غالب بص شمال ويمين علي المكان كويس وبقي يتكلم بشويش ويحاول يصحي بدور
غالب : بدور .. بدور فوقي .. اصحي
بدور : ________________
غالب : ( بقي يرجع راسه لورا علشان يخبط راس بدور علشان يقومها ويخليها تصحي )
غالب : فوقي يابدور بقي فوقي
بدور اخيرا صحيت
بدور : ( وهي مضيقه عنيها وبتحاول تفتكر اللي حصل امبارح ) احنا .. احنا فين .. وايه اللي جابنا هنا
غالب : انتي نسيتي اللي حصل امبارح وانتي بتحاولي تطلعيني من العربيه الناس اللي طلعوا علينا ( ولسه هيكمل )
بدور : أيوه .. أيوه افتكرت
بدور : طيب والناس دي عايزه منك ايه ؟
غالب : مش عارف .. مش عارف يابدور معرفش عنهم حاجه
بدور : طيب وبعدين هنعمل ايه دلوقتي في المصيبه دي ؟
غالب : انتي ايه اللي جابك .. فين عاصي .. عاصي ماجاش مكانك ليه ؟
بدور : عاصي كان شارب طينه ومكانش حاسس بنفسه فجيت مكانه علشان الحقك
غالب : لاااا وانتي لحقتيني اوي بصراحه
بدور : ( بصوت عالي ) يعني انا الحق عليا اني جيت
غالب : وطي صوتك لا حد يسمعنا ويعرفوا ان احنا صحينا
بدور : طيب واحنا هنفضل متربطين كده لحد امتي ؟
غالب : اسمعيني كويس حاولي تفكي تمسكي ايدي وفكي الحبل من علي ايدي
بدور كانت ضهرها في ضهر غالب بالظبط وايديهم متربطه بالحبل ورا ضهرهم والعمود حديد رفيع ما بينهم كانت تقدر تمسك ايد غالب ابتدت تحرك صوابعها وبقت تحاول تفك الحبل بتاع غالب
غالب : هاااا يابدور عملتي ايه ؟
بدور : بحاول اهوه .. بس مش عارفه ايدي ملفوف عليها الحبل جااامد اوي وبحرك صوابعي بالعافيه
غالب : حاولي اكتر يابدور
بدور : بحاول و**** بحاول
-------------------------------( في نفس الوقت )------------------
عاصي خلص الشاور بتاعه ولبس وفضل يدور علي الفون مالقهووش
عاصي : وبعدين هيكون راح فين ده
عاصي افتكر ان اخر مره نسيه في الجنينه
نزل من علي السلالم بسرعه وهو نازل لقي احسان واقفه قدام باب فيروزه
فيروزه : صباح الخير
عاصي : صباح النور
فيروزه : ( بابتسامه رقيقه ) نازل بسرعه كده ليه ؟
عاصي : ابدا مافيش
عاصي سابهم ومشي وطلع بره وبقي يدور علي فونه
مالقهووش ودخل مره تانيه
احسان : ب .. بتدور علي حاجه
عاصي : فوني مش لاقيه ياريت ترني عليه
احسان : ( بلعت ريقها ) ح .. حااا.. حاضر
احسان جابت فونها وبقت ترن علي فون عاصي ولاقيته انه مقفول
احسان : الفون مقفول ..
عاصي : ( شد فونها من ايدها ) مقفول .. مقفول ازاي يعني ( عاصي حاول يتصل بفونه مره تانيه ولقاه فعلا مقفول )
احسان : مش قولتلك
فيروزه : انا عارفه فونك فين
عاصي : ( ضم حواجبه ) فين ؟
فيروزه : مع بدور ..
عاصي : ( باستغراب ) بدور وايه اللي هيجيب فوني مع بدور
عاصي : ( بقي بينادي علي بدور) بدور .. يابدوووووووور
احسان : بدور مش هنا
فيروزه : اهدى ياعاصي بدور سرقت فونك امبارح وانا شوفتها بعيني بتاخد فونك من الجنينه وطلعت الاوضه واحسان صحيت مالقيتهاش نايمه جنبها ياريت تفتش علي حاجتك وتشوف سرقت ايه كمان قبل ما تهرب وتسيب البيت
عاصي مسك دراع فيروزه جامد اوي كان هيطلع دراعها قي ايديه وداس علي سنانه بكل غضب
عاصي : بدور مش حراميه .. انتي فاهمه .. بدور مش حراميه وأوعي اسمعك تنطقي بكلمه وحشه علي بدور
فيروزه قلقت من كلام عاصي علي بدور واتأكدت ان بدور ليها معزه خاصه في قلب عاصي مش عاديه ووقتها ابتدت تقلق منها اكتر
---------------------------( في نفس الوقت )-------------------------
بدور لسه بتحاول تفك الحبل بتاع غالب ولأن الحبل كان سميك وبيشوك فكان بيجرح أيد بدور وبيخلي ايديها تنزل ددمم
غالب : سرعي ايدك شويه قبل ما الباب يتفتح وحد يدخل علينا
بدور : الحبل تخين جدا وبيشوك ياغالب مش عارفه .. صوابعي بقت تنزل ددمم مش قادره اتحمل
غالب حرك صوابعه ولمس صوابع بدور ولقاها فعلا بتنزل ددمم راح شبك ايدها بأيديه
غالب : خلاص .. خلاص يابدور ماتعمليش حاجه
بدور : ( وهي قلقانه وخايفه) انا اسفه و**** حاولت
غالب : ( وهو بيطمنها ) حضن ايديها اكتر .. بلاش خوفك اللي واضح في صوتك ده اطمني هنطلع من هنا ماتقلقيش
بدور: ازاي بس
غالب بيبص لقى زي حديده قدامه وسنها مشرشر حاول يزحف برجله علشان يوصل للحديده دي بس رجله كانت مجروحه من الحادثه وكان بيحركها بالعافيه لحد ما الجزمه بتاعته لمست طرف الحديده
غالب : بدور .. بدور انا لمست الحديده هحدف الحديده علي ورا حاولي تمسكيها برجلك تمام وبعد كده تزوقيها وتديهاني في ايدي اتفقنا
بدور : تمام اتفقنا بس خللي بالك احدفهالي صح
غالب بقي يمد رجله اكتر وحدف الحديده لبدور وبدور مسكتها وبقت تزقها برجليها لحد ما ماوصلتها لايديها واديتها لغالب وغالب بقي يحاول يفك الحبل بالحديده دي
-------------------------( في نفس الوقت )----------------------------
عبد الرحيم البودي جارد دخل علي عاصي وفيروزه واحسان
عبد الرحيم : عاصي بيه في سواق بيقول انه لقي الشنطه دي في عربيته وان صاحبتها مخطوفه
عاصي بص للشنطه وافتكر ان دي شنطه بدور اللي كان لسه شاريهالها
عاصي : ( بلهفه وخوف ) دي شنطه بدور فين السواق ده بسرعه
عبد الرحيم : بره ياعاصي بيه
عاصي طلع بره في الجنينه بسرعه
عاصي : فين بدور ومخطوفه يعني ايه
السواق : انا هحكيلك كل حاجه يابيه
انا كنت معدي من الشارع ده بالليل قدام الڤيلا بتاعت حضرتك لاقيت صاحبه الشنطه دي بتشاورلي وهي ماسكه التليفون علي ودنها وبتكلم حد وعايزه تلحقه بأي طريقه روحنا طريق مقطوع انا مارضيتش ادخل معاها علشان عارف ان الطريق ده كله لبش يابيه ونزلت هي وسابتني ببص لاقيت الشنطه دخلت الطريق علشان ارجعلها شنطتها لاقيت رجاله بيشلوها هي وواحد تاني في عربيه نص نقل وكان مغم عليهم سيبتهم وجريت يابيه وقولت أجي لنفس المكان اللي ركبت منه وأبلغ صحاب المكان عشان يتصرفوا
عاصي مسكه من رقبته بكل عصبيه من القميص بتاعه
عاصي : وفين المكان ده
سواق التاكسي : هوديك يابيه هوديك للمكان اللي هي نزلت فيه
عاصي بيبص لقي ان غالب كان واخد عربيته راح ركب غربيه غالب واخد السواق ومشي بسرعه
وهما في العربيه
السواق : بالراحه يابيه احنا كده هنعمل حادثه
عاصي : انت تسكت خالص
ماتعرفش كانت بتكلم مين في التليفون
السواق: وانا هعرف منين يابيه هي بتكلم مين
عاصي : اقصد ماقالتش علي اسمه وهي بتتكلم في التليفون
السواق : ( بقي يحط ايده علي جبينه وبيحاول يفتكر ) افتكر كده كانت بتقوله استناني ياغالب انا خلاص جايالك
ايوه .. ايوه يابيه كانت بتقول ياغالب
عاصي : ( ضم حواجبه ) غااااالب
--------------------( في نفس الوقت )-------------------------------
غالب بقي بيحاول يفك نفسه بالحديده لحد ما اخيرا الحبل اتقطع ووطي فك رجله بسرعه
بدور : اخيرا الحمد****
غالب بقي يعرج برجله ولف وبقي يفك ايد بدور ويفك رجلها
بدور : ( بصت علي رجل غالب ) غالب رجلك بتنزل ددمم كتير لازم نوقف الدم ده
غالب : مش وقته دلوقتي يايدور لازم نطلع من هنا
بدور بصت شمال ويمين مالقيتش حاجه راحت قطعت ديل فستانها ووطت علي رجل غالب
غالب : بتعملي ايه يابدور قولتلك مش وقته
بدور : ماينفعش .. ما ينفعش نسيب رجلك تنزف اكتر من كده
بدور بقت تربط رجل غالب بالقماش اللب قطعته من فستانها وضغطت جامد على الجرح
غالب : اااااااه
بدور
رفعت وشها لغالب ) معلش علشان الدم يقف بدور مسكت ايد غالب وحطت دراعه عليها وبقي غالب يسند علي بدور ومره واحده بيبصوا بيلاقوا الباب بيتفتح
بدور بسرعه اخدت غالب واستخبوا ورا البراميل اللي في المخزن
الراجل قرب من العامود واول ما شاف الحبال متقطعه ومرميه طلع المسدس بتاعه وبقي يدور عليهم في المخزن .. المخزن متقفل ومالهووش مخرج غير الباب بدور كانت خايفه جدا ونفسها بقي طالع نازل
غالب حط ايده علي بوقها علشان ماتعملش صوت ومره واحده الفيران اللي حوالين البرميل بقت تتلم حواليهم علشان ريحه الدم اللي نازله من رجلين غالب
والراجل بيقرب منهم اكتر ومره واحده شافهم وبقي قدامهم ورفع المسدس عليهم ولسه بيحط ايده علي الزناد علشان يضرب نار عليهم لقى اللي بيقوله
دكتوره هاله ( الدكتوره النفسيه بتاعت عاصي ) : بلاش تضرب نار عليهم ياعبد القوي دوول ضيوفنا ولازم نكرمهم اخر كرم
غالب : بص وراه وهو مش مصدق
غالب : هاله 😳😳
الدكتوره هاله ( وهي رافعه حاجبها بتبصله بحقد ) : أيوه هاله .. هاله اللي محدش سأل فيها منكم ولا انت ولا عاصي .. هاله اللي افتكرتوها لعبه في ايديكم .. هاله اللي دمرتوا حياتها هي وعيالها
بدور : انا شوفت الست دي فين قبل كده
هاله : ايه نستيني ياقموره .. ولا اييييه ؟
بدور : اااااه افتكرتك انتي كنتي بتكدبي علي عاصي طول السنين اللي فاتت دي كلها
هاله : ( بكل غضب وهي دايسه علي سنانها) عاصي ده شيطااااااان .. عارفه يعني ايه شيطاااااان اذا كان هو أو غالب الاتنين مش بني ادمين
غالب : ( ضم حواجبه ) انا مش فاهم انتي جيبانا هنا ليه ؟
هاله : ( بابتسامه مصطنعه بصتله ووطت جابت الحديده اللي فكوا بيها نفسهم من الارض وبكل قوتها راحت ضربته بالحديده علي وشه غالب وقع في الارض وبقي يحاول يرفع نفسه بأيديه وبقوا كله بقي بيجيب ددمم
بدور : غاااااالب
هاله : عبد القوي امسكها كويس
عبد القوي ( البودي جارد ) : مسك بدور من ايديها الاتنين ومرجع ايديها الاتنين لورا
غالب : ( وهو بيكح وبيتف الدم من بوقه ومش قادر ) انتي .. انتي بتعملي .. بت .. بتعملي كده ليه ؟
هاله : ( وهي بتتوعد لغالب وبتهز راسها فوق وتحت ) قريب .. قريب هتعرف اوي انا بعمل كده ليه
---------------------------( في نفس الوقت)----------------------
عاصي وصل للطريق اللي كان في غالب وبدور
السواق : ( بيشاور لعاصي بأيديه ) أيوه .. أيوه اقف هنا يابيه كانوا هنا امبارح
عاصي : ( وقف بالعربيه بتاعته ونزل بص يمين وشمال لقى الطريق فاضي ) انت متأكد انهم كانوا هنا
السواق : أيوه يابيه متأكد و**** العظيم ده حتي كان في عربيه هنا وكان في اتنين رجاله طلعووه منها والعربيه كانت مقلوبه
عاصي بقي من الحيره هيتجنن حط ايده علي شعره ورجع شعره لورا وهو مش عارف يعمل أيه
عاصي : وبعدين ياترى مين اللي لي يد في الحكايه دي
ممكن فيروزه بتكذب عليا ورفيق عايش ما ماتش
عاصي لسه بيلف ضهره ومن كتر الزهق بيضرب رجله في الارض بيبص لقي موبايله وطي بسرعه و اخد الموبايل من علي الارض وبقي يمسح الشاشه بتاعته لقاه فاصل شحن
ركب عربيته بسرعه وساق العربيه لدرجه انه نسي السواق ومركبهوووش معاه ورجع علي الشركه بتاعته وهو مضايق ومخنوق جدا رمي الچاكيت بتاعه علي كرسي المكتب
عاصي : محموود .. محموووووود
محمود : اؤمرني ياعاصي بيه
عاصي : بسرعه حطلي الفون ده علي الشاحن واول مايفتح معاك .. فاهم اول ما يفتح معاك تجيبهولي فورا
محمود : حاضر .. حاضر
عاصي بقي قاعد وهو مش مبطل تفكير في بدور وياترى ايه اللي حصلها ومش معنى هي اللي تروح لغالب
عاصي : ( بيكلم نفسه ) معقول يكون في حاجه بين بدور وغالب
عاصي : ( حط ايده علي جبينه ) لا لا لا لا لا .. مافتكرش وبعدين انا مالي حتي لو في حاجه ما بينهم انا ايه اللي دخلني ..
عاصي : ( مسح ايديه بوشه ) معقول ياعاصي معقول بتفكر كده وانت عارف ان غالب ابن اخوك في خطر طيب مش معني بتفكر فيها هي اصحي لنفسك ياعاصي دي عيله من دور عيالك
( عاصي اخد نفس وطلعه مره تانيه بالراحه ) وهو مش عارف يعمل ايه جواه مشاعر متلخبطه مش عارف يحدد ايه نوع المشاعر دي
----------------------------( في نفس الوقت )---------------------
احسان كانت قاعده مع فيروزه
احسان : تفتكرى هيحصل ايه والسواق ده بيقول الحقيقه والا بدور بتعمل تمثيليه على عاصي
فيروزه بصتلها كده من فوق لتحت
فيروزه : ( وهي رافعه حاجبها وبتكلمها بقرف ) و**** انتي ادرى بصاحبتك
فيروزه وهي ماسكه العكاز مشيت خطوتين قدام احسان
فيروزه : انتي هنا ليه يا احسان
احسان : يعني أيه مش فاهمه وضحي سؤالك اكتر
فيروزه : ( بصت لأحسان وبقت وشها في وش احسان وبتكلمها بكل تكبر ) مافتكرش ان دكتوره زيك متعلمه .. ومثقفه .. مش فاهمه سؤال بسيط زي ده .. لاء يادكتور انتي فاهمه وفاهمه سؤالي كويس اوي كمان انتي بتحبي عاصي مش كده
احسان : ( بتوتر ) ب .. بح.. بحبه .. اي.. ايه .. ايه اللي انتي بتقوليه ده ؟
فيروزه : لو مكنتيش بتحبيه مكنتيش اتوترتي كده لسؤالي
احسان : انا .. انا بس السؤال مكنش متوقع مش اكتر
فيروزه
طبطبت علي كتفها بكل خبث واتنهدت ) طيب واللي يخلي عاصي يحبك تعملي عشانه ايه ؟ احسان : ( بكل لهفه ) بجد .. بجد هتخلي عاصي يحبني
فيروزه : ( ابتسمت ابتسامه خبيثه) يعني بتحبيه اهوه
احسان : ( بلعت ريقها ) أيوه بحبه .. بس انتي هتستفادي ايه لما عاصي يحبني وانتي بتحبيه
فيروزه : انا مابقيتش احب عاصي خالص وهو كمان مشاعره اتغيرت من ناحيتي انا هنا عشان سبب معين في دماغي ولحد ما يحصل السبب ده هفضل هنا
احسان : ازاي ده انا كنت لسه شيفاكم امبارح وهو ( ولسه هتكمل كلامها راحت فيروزه حطت ايدها علي بوقها
فيروزه : ( بكل برود ) هووووووش ماتكمليش عاصي مشاعره من ناحيتي مابقيتش زي زمان والسبب في كده بدور
احسان : انتي بتقولي ايه لا يمكن بقي عاصي بيه يحب بنت من الشارع
فيروزه : مش بالظبط بس مهتم والاهتمام اوقات كتير بيقلب لحب .. صدقيني انا اكتر واحده حافظه عاصي وفهماه كويس اوي
احسان : بدور دي طلعت خطر اوي
فيروزه : (وقفت ورا ضهر احسان ) وحطت ايديها علي كتافها
واتكلمت بهمس في ودنها
فيروزه : علشان كده لازم نخلص منها
احسان : ( نخلص منها .. نخلص منها ازاي
فيروزه : ده اللي هقولهولك لما تحكيلي كل حاجه عن بدور وايه اللي بينكم وقتها بس هنعرف نخلص منها ازاي
احسان : ( ضيقت عنيها ) هحكيلك
-------------------------( في نفس الوقت )---------------------------
غالب كان بيجيب ددمم من بوقه الضربه بالحديده علي وشه مكانتش هينه وفعلا مكانش قادر
بدور : ( وهي دموعها علي خدها وبتعيط عليه )
بدور : قوم ياغالب قوم علشان خاطرى
هاله : ( وهي دايسه علي سنانها وصوتها جايب اخر المكان ) بتعيطي علي ايه .. وعلي مين .. دوول مايستاهلووش .. اذا كان عاصي ولا غالب مايستاهلووش .. دوول لو لاقوكي هتوقفي في طريقهم لحظه واحده ممكن ينسفوكي من علي وش الدنيا لمجرد انك واقفه في طريقهم مابيفكرووش غير في نفسهم وبس اسأليه .. اسأليه عملت ايه في حياتك كويس مش هيعرف يرد عليكي علشان مافيش حاجه كويسه عملها في حياته ابدا
بدور : انا .. انا مش فاهمه هما عملولك ايه ؟
غالب : ( رفع ايده ومسح من جانب شفايفه الدم وبصلها بصه خبيثه ) كل حاجه ياهاله عملتيها اخدتي تمنها .. لولايا انا كنتي زمانك ميته لما عاصي خدك وحبسك في الشقه وانتي عارفه انه مريض نفسي يعني كنتي هتفضلي في الشقه لحد ما تعفني
هاله : كله لمصلحتك كله علشان بس اقولك كل حركه عاصي بيعملها مش اكتر لو مكانش كده كنت زمانك سيبتني لحد ما اموت واتعفن في الشقه ولا كان يهمك كلكم استغلتوني اذا كنت ولا عاصي ولا حتي رفيق ..
غالب : ( حاول يرفع نفسه ويقوم يقف هاله راحت برجليها ضربته في بطنه رجع وقع في الارض تاني )
هاله : خليك مكانك ماتتحركش ..
غالب : انا بعد كده سيبتك
هاله : كداب انت ماسبتنيش انا اللي هربت وانت انشغلت مع رفيق لما هرب .. قولتلك سيبني ولادي محتاجني بقالي اربع ايام معرفش عنهم حاجه وانتوا حابسني قولتلكوا هرجعلكم تاني وانتوا مارحمتونيش ولا رحمتوا عيالي
والنهارده جه دورى اني مارحمكش ابدا ياغالب لا انت ولا عمك
هاله : عبد القوي اقفل الباب كويس ورايا
عبد القوي: تحبي اربطهم
هاله : مالهووش لازمه مافيش مكان يهربوا منه
هاله خرجت وعبد القوي خرج معاها وقفلوا الباب وراهم وبدور بسرعه جريت علي غالب
بدور : انت كويس
غالب : ( هز دماغه شمال ويمين ) لاء .. لاء مش كويس خالص
بدور : طيب تعالي ارفع نفسك معايا
بدور بقت ترفع غالب وخليته يسند ضهره علي صدرها وبقت وقطعت حته تانيه من فستانها وبقت تمسحله الدم من علي وشه
غالب : ( بصلها وهو بيحاول يفتح عنيه بالعافيه وبيبتسم ) انتي .. انتي كده شويه كمان وماتبقيش لابسه حاجه خالص وهنشوف المستخبي كله 😁
بدور : ( زقت غالب من حضنها وزقته وقامت وقفت قدامه ) احنا في ايه ولا في ايه انت كمان
غالب : ( بألم ) اااااه .. انا ناقص انتي كمان
بدور : ما انت شايف احنا في ايه وانت بتقول ايه
غالب : طيب حاولي تشوفي اي حاجه نقدر نهرب بيها من هنا
بدور : تقصد ايه .. ما انت شايف مافيش غير براميل في المخزن والشباك اللي متقفل بالحديد
غالب : طيب شوفي البراميل دي فيها ايه
بدور : ( راحت عند البراميل وفتحتها بتبص لاقت فيها بنزين )
حطت ايدها في البنزين وبتشم ريحته علشان تتأكد
بدور : ده بنزين
غالب : بس يبقي هنموت محروقين
------------------------( في نفس الوقت )-------------------------
محمود : عاصي بيه الفون اتفتح
عاصي: ( قام بسرعه من علي المكتب بتاعه وشد الفون من محمود وفتح الفون )
واول حاجه عملها شاف المكالمات ولان فونه بيسجل كل المكالمات بقي بيسمع اخر مكالمه بين بدور وغالب
عاصي بعد ما سمع المكالمه
عاصي : ( قام وقف من علي المكتب ) وبعدين انا لازم اتصرف
نزل بسرعه وركب عربيته وراح للطريق اللي غالب عمل فيه الحادثه مره واحده وهو سايق بيبص لقى رقم غريب بيتصل بيه
عاصي : الوووو
اللي بيكلمه : اخيرا فتحت تليفونك
عاصي : انت مين
اللي بيكلمه : انا الجواب لكل اسئلتك لو عايز تعرف فين بدور وغالب تعالي علي اللوكيشن اللي هبعتهولك دلوقتي وخللي بالك احنا وراك يعني لو فكرت تكلم البوليس ولا حسينا بحركه غدر منك اعرف انك مش هتشوف لا غالب ولا بدور مره تانيه
عاصي : مش انا خالص اللي يتصل ببوليس عشان يحميه انا عاصي الكابر
اللي بيكلمه : طيب بص وراك ياعاصي الكابر
عاصي بص وراه بيبص لقي عربيه نص نقل ماشيه وراه
اللي بيكلمه : امشي علي اللوكيشن اللي بعتهولك
-------------------------( في نفس الوقت)-----------------------
بدور : هنموت محروقين ايه بس حرام عليك
غالب : ايه بتخافي من الموت
بدور : الموت علينا حق بس مش يوم لما اموت اموت وانا محروقه انا عايزه احقق حلمي الاول
غالب : ( اتعدل في قعدته ) وايه بقي حلمك
بدور : اني اكمل ٣ ثانوي وادخل طب وابقي دكتوره
غالب : دكتوره مره واحده
بدور : ايه حتي الاحلام مستكترنها عليا
غالب : طيب ايه رايك لو طلعنا من هنا يابدور هخليكي تكملي تعليمك
بدور : ( بفرحه ) بجد 😍
غالب : بس مش لما نطلع من هنا الاول
بدور : هنطلع .. صدقني هنطلع
غالب : ازاي
بدور قطعت حته قماشه من فستانها مره تانيه
غالب : يااااادي النصيبه يابنتي كده غلط
بدور : اسكت خالص
بدور حطت حته القماشه اللي قطعتها ما بين القضبان الحديد بتاعت الشباك
غالب : يابنت اللعيبه فهمتك
بدور : تمام انا هستخبي ورا الباب
غالب : ( قام بالعافيه علي رجله ) وانا هوقع برميل من البراميل دي عشان يعمل صوت وهقف تحت الشباك أكنك انتي هربتي وانا بحاول اطلع
بدور : حلو اوي كده يلا اول ما تكون مستعد قولي
---------------------( في نفس الوقت )-----------------------
عاصي : انا وصلت المكان اقف هنا
اللي بيكلمه : ايوه .. بس الاول اطلع من العربيه وارفع ايديك وارمي كل حاجه معاك
عاصي عمل كده فعلا وطلع ونفذ اللي هما عايزينه
بيبص لقى نفسه قدام مصنع مهجور
اللي بيكلمه : ادخل مستني ايه
عاصي دخل المصنع وهو رافع ايديه
-----------------في نفس الوقت----------------
غالب : يلا انا هرمي البرميل
غالب رمى البرميل وبدور وقفت ورا الباب بالظبط البودي جارد فتح الباب و دخل بسرعه وهو بيجري بيبص لقي قماشه من فستان بدور علي السيخ الحديد بتاع الشباك وغالب أكنه بيحاول يهرب البودي جارد جرى بسرعه علي غالب علشان يلحقه وبدور طلعت تجرى بره الباب بتبص حواليها لاقت خرده في كل حته وكلاب بتهوهو عليها
هاله شافتها وهي بتجرى
هاله : امسكوها اياك تهرب منكم
البودي جارد والكللابب بقول يجروا وراها وعاصي كان داخل ورافع ايديه وهاله وقفت ورا ضهره وحطت المسدس علي راسه
هاله : شرفت ياعاصي بيه
عاصي : ( بكل برود ) انتي لسه عايشه 😏
هاله : امسكوه دخلوه جنب غالب جوه
غالب : عاصي
عاصي : غالب انت كويس
هاله : بلاش المشاعر الفياضه دي دلوقتي علشان مش وقتها
عاصي : انتي عايزه ايه
هاله : عايزاك تدوق من نفس الكاس اللي دوقتهوني عايزاه اشوفكم محروقين في النار عايزه اشوف النار وهي بتولع في جسمكم زي ما ولعت في ولادي
غالب : انتي بتقولي ايه ؟
عاصي : انا مش فاهم حاجه
هاله : عبد القوي اربطهم حالا في العامود
عاصي : طلع مسدس صغير من الشراب بسرعه جدا
اللي هيقرب مني هفرتك دماغ امه
هو كل الطير اللي يتاكل لحمه ولا ايه
البودي جارد مسك بدور وجابها وكانت معاه الكللابب
وبدور واقفه والكللابب عماله تهوهو عليها
بدور بصت لغالب : معرفتش اهرب
غالب : شاور براسه كده لبدور بمعني اطمني
هاله : لو مانزلتش المسدس بتاعك دلوقتي حالا هفك الكللابب دي وهخليها تنهش في لحمها
عاصي : ( بكل كبرياء) ماتنهش في لحمها وانا من امتي بيهمني حد غير نفسي وبس
غالب : عاصي انت بتقول ايه
بدور : ( بخوف ) عااصي
هاله شاورت براسها ان البودي جارد يفك كلب واحد بس وعاصي شاف كده بعنيه وعرف ان تهديد هاله فعلا بجد ولسه الكلب هيهجم علي بدور
عاصي : طيب .. طي.. طيب خلاص انا سيبت المسدس اهوه
عاصي نزل المسدس وحدفه برجليه لهاله
عاصي : عايزه ايه ياهاله
هاله: خللي رجالتي تربطك انت وغالب سوا
عاصي بقي مستستلم جدا هو وغالب لأوامر هاله
واتربطوا هما الاتنين سوا
هاله جابت چركن كله بنزين وبقت تكبه حوالين عاصي وغالب وعملت دايره من البنزين وهما جواها
غالب : ( بنرفزه ) ايه السبب لده كله ايه السبب
هاله : لو كنتوا خلتوني اروح واشوف عيالي مكانووش ولعوا في الشقه واتحرقوا هما الاربعه جواها غيبت عن اطفالي اربع ايام والباب مقفول عليهم من بره كانوا من الطبيعي يستخدموا البوتجاز ولأنهم ***** النار كلت المكان وأكلتهم معاها وعلشان كده لازم اشوفكم بتولعوا زي ما هما ولعوا 👿👿
هاله بصت لبدور لاقيتها بتعيط وبتبص لعاصي وغالب
هاله : انا هسيبك تمشي انتي مالكيش ذنب انك تقعي في الاوساخ دوول .. انتي جيتي مع غالب غلط انا عايزاهم هما وبس
بدور : ( زقت ايد الراجل اللي مسكها ) ودخلت الدايره مع عاصي وغالب
بدور : عايزه تحرقيهم يبقي تحرقينا كلنا
عاصي وغالب بصوا لبعض ومابقووش مصدقين اللي بدور عملتوا 😳😳
يتبع...
الجزء الثامن
هاله بصت لبدور لاقيتها بتعيط وبتبص لعاصي وغالب
هاله : انا هسيبك تمشي انتي مالكيش ذنب انك تقعي في الاوساخ دوول .. انتي جيتي مع غالب غلط انا عايزاهم هما وبس
بدور : ( زقت ايد الراجل اللي مسكها ) ودخلت الدايره مع عاصي وغالب
بدور : عايزه تحرقيهم يبقي تحرقينا كلنا
عاصي وغالب بصوا لبعض ومابقووش مصدقين اللي بدور عملتوا 😳😳
عاصي : بتعملي أيه يامجنونه اطلعي بره .. اهربي .. عيشي حيآتك
بدور : وتفتكر لو هربت وطلعت ومابقيتش معاكم هاروح فين
غالب : ( وهو مربوط من ايديه وقاعد هو وعاصي ومربوطين ضهرهم في ضهر بعض ) الحياه لسه قدامك ( شاور علي هاله براسه ) هاله عندها حق احنا مش زي ما انتي فكرانا .. احنا عملنا حاجات كتيير غلط ونستحق عشانها اكبر عقاب
عاصي : (لف وشه يمين عشان يبص لغالب ) ايه اللي انت بتقوله ده يا غالب انت اتجننت احنا ما بنعملش حاجه غلط ولو عملنا يبقي اللي بنعمله فيهم بنعمله عشان هما يستحقوه
هاله : ( ربعت ايدها ورفعت حاجبها وقعدت علي ركبها وبصت لعاصي بكل خبث ) هتفضل زي ما انت عمرك ما هتتغير ياعاصي دايما بتكابر .. دايما بتنكر حقيقتك الكبر في دمك وحتي في اسمك عاصي الكابر .. ( قربت من عاصي ووشها بقي في وشه اوي وميلت راسها حاجه بسيطه )
عشان كده انت تستحق انك تموت ابشع موته ممكن حد يموتها
هاله شاورت براسها لعبد (القوي البودي جارد) علشان يولع الولاعه
غالب. : ( بشخيط وهو دايس علي سنانه )لأخر مره بقولهالك اطلعي من الدايره
بدور دموعها نزلت منها وبصتلهم هما الاتنين
عاصي بصلها وابتسم وشاورلها براسه وهو مغمض عنيه بمعني انها تطلع من الدايره وانها مالهاش ذنب في اللي بيحصل
بدور قربت من هاله
هاله : أيوه كده اعقلي العمر مش بعزئه
بدور: ( حطت وشها في الارض والدموع بقت تنزل من عنيها في الارض وهي مش قادره تشوفهم وهما بيتحرقوا قصاد عنيها وهي واقفه مابتعملش حاجه )
هاله مسكت الولاعه من ايد عبد القوي ولسه هترمي الولاعه علي البنزين بدور بحركه لا اراديه منها دخلت جوه الدايره مره تانيه وحضنتهم هما الاتنين وقعدت علي ركبها وهي بتبصلهم
بدور : ( وهي مبتسمه ودموعها في عنيها ) يانعيش سوا يانموت ( هزت دراعها بأيديها ) يانموت سوا
---------------------------(في نفس الوقت )---------------------
فيروزه : الليل ليل ومانعرفش عن عاصي حاجه لحد دلوقتي
احسان : انا قلقانه عليه اوي
فيروزه : ( بصيتلها كده بصه اشمئزاز منها ) ماتقلقيش علي عاصي .. عاصي ده بسبع ارواح
احسان : انا حاكيتلك كل حاجه عني واني بحب عاصي وحاكيتلك انه جه عندي وانقذته واني بحاول افضل جنبه كل حاجه حرفيا .. بس انتي ماحكتليش اي حاجه عنك
فيروزه : ( بلعت ريقها ) عايزه تعرفي ايه
احسان : نبدأ بالشرخ اللي في رجلك ده
فيروزه : ( ضمت حواجبها ) ماله
فيروزه : مافيش شرخ اصلا يافيروزه انتي ناسيه اني دكتوره وعارفه كويس اوي ان رجلك سليمه
والسبب الوحيد اللي خلاكي تقولي ان رجلك مشروخه هو ان عاصي يجيبك هنا الڤيلا
فيروزه : مممممم لا ده انتي طلعتي ذكيه وبتفهمي بقي
احسان : ماتستهتريش بذكائي زي ما انا عارفه ومتأكده انك لسه بتحبي عاصي .. وحته ان احنا نخلص من بدور دي عجباني تعالي نحط ايدينا في ايدين بعض نخلص منها الاول وبعد كده نشوف هنخلص من بعض ازاي
فيروزه : لاااا طالما كده بقي ( رمت العكاز من ايدها ) يبقي اتفقنا
فون البيت بيرن وفيروزه ردت
فيروزه : الوووو
محمود ( بيشتغل في شركه عاصي ) : الووو كنت لازم اكلم عاصي بيه ضرورى وفونه مقفول من الصبح .
فيروزه : عاصي مش موجود
محمود : وازاي اقدر اوصله في اوراق لازم تتمضي ضرورى
احسان : ( خدت السماعه من فيروزه ) : عاصي احتمال يكون في خطر هو وغالب احنا لازم نوصلهم ضرورى
محمود : طيب ما نبلغ البوليس
فيروزه : ( اتخضت وخافت ) بوليس .. بوليس ايه .. وافرض عاصي عرف يحل مشكلته بنفسه وعرف ان احنا بلغنا البوليس انت عارف هو هيعمل فينا ايه
محمود : طيب .. طيب انا ممكن اتتبع مكان الفون بتاعه حتي وهو مقفول واقدر اعرف هو فين بالظبط
احسان : طيب ومستني ايه اعمل كده بسرعه
محمود : مش هتأخر
احسان قفلت الفون وبصت لفيروزه
ولفت حوالين فيروزه بخطوات بطيئه
احسان : شايفه ان في حد بيخاف من سيره البوليس بس ياترى ليه ؟
فيروزه : ( بلعت ريقها ) انتي .. انتي بتقولي ايه .. انا مابخافش من سيره البوليس
احسان : لاااا و**** .. علي العموم كل حاجه مع الايام هتتعرف ( قربت من ودنها اكتر ) اصل مافيش حاجه بتستخبي
-----------------------( عند عاصي وبدور )-------------------------
هاله : ياااااااه للدرجه دي مستعده تموتي نفسك عشانهم
بدور : ( لفت وشها وبصت لهاله ) سبيهم .. خليكي انتي احسن منهم
هاله لما فقدت اولادها زي ماتكون فقدت عقلها بقت تضحك .. تضحك ضحك هستيرى حرفيا
هاله : ( بقت تبرأ بعنيها والعرق نازل من جبينها وبقت تتكلم وهي بطلع الكلام بالعافيه
هاله : ط .. طا .. طااال.. طالما معندكيش .. ( بلعت ريقها ومسحت العرق من جبينها ) معندكيش م.. مم . مااانع تموتي معاهم .. ت .. تت.. تعالي نلعب لعبه
بدور : ( قامت وقفت ولفت وشها وبصتلها وهي مضيقه عنيها وضامه حواجبها ) لعبه .. لعبت ايه ؟ .
هاله : ( رفعت حاجبها اليمين وقبضت ايديها ) انتي مش عايزاهم يعيشوا
بدور : أيوه .. ( والدموع في عنيها ) أيوه عايزاهم يعيشوا
هاله : يبقي هتعملي ( شاورت بايديها وطلعت 3 صوابع من ايديها ) 3 حاجات لو موافقتيش او معرفتيش تعملي حاجه فيهم يبقي هما هيموتوا وانتي كمان معاهم
بدور من غير تردد : موافقه
هاله : من .. من غ .. غير .. ما .. ما تعرفي
بدور : مش مهم .. مش مهم اعرف المهم ان يبقي. في امل انهم يعيشوا
رفعت صباعها وهي بتشاور لبدور بتوعد
هاله : لو حاولتي تهربي
بدور : مش هحاول و**** .. ما هحاول صدقيني
هاله : ( بصريخ ) عبد القوووووووووي
عبد القوي : اللحمه جاهزه .. زي مافهمتيني
هاله : ( ضحكت ضحكه سخريه وبصت لعاصي ) اصل كنت عارفه انها مش هتسيبكم تموتوا بالساهل
عاصي : ( بنظره توعد وهو مضيق عنيه ) و**** ما هسيب حته في جسمك سليمه ياهاله وموتك هيبقي علي ايدي
هاله : ( وهي بتشاور بايديها وبتسقف ) ايوه كده .. ايوه كده هو ده عاصي بقي
غالب : هتشوفي .. هتشوفي جهنم علي الارض .. واحنا اللي هنحطك فيها
هاله : لا لا ياغالب مكنتش اتوقع منك كده بالراحه علي نفسك شويه ياراجل مش كده
عبد القوي جاب حته لحمه ولفها حوالين رجلين بدور
غالب : انتي بتعملي ايه
هاله : هي مش عايزه تموت معاكم محروقه
انا هخليكم تشوفوها بعنيكم وهي بتموت متاكله ولحمها ما بين سنانهم
غالب : ( داس علي سنانه ) يابت الكلب 😡😡
هاله دخلت جوه الدايره بتاعت البنزين ووطت ناحيه غالب وضربته حته قلم علي وشه
هاله : ( بكل برود ) اهدى شويه ياغالب بيه اللعب لسه هيحلو
هاله راحت ناحيه عاصي الناحيه التانيه
هاله :: شيفاك ساكت يعني ياعاصي بيه مش عايز تقول حاجه
عاصي تف في وش هاله
عاصي : اتفوووووووووو
هاله رفعت ايدها ومسحت التفه من علي وشها وجابت السكينه وحطتها مابين رجلين عاصي ولسه هتغرزها ما بين رجله
بدور : ( بصوت عالي ) انا موافقه .. انا موافقه وهعمل كل اللي انتي عايزاه وغلاوه اطفالك عندك ماتأذيهووش
هاله : ( بصت شمال ناحيه بدور وقامت وقفت ) قدامك 30 ثانيه وهفك الكللابب وراكي
بدور : بصت لغالب وعاصي وابتسمت
هاله : وقتك هيبدأ من دلوقتي .. ( بصوت عالي ) ااااااجرررررى
بدور طلعت تجرى وهاله كانت ماسكه معصم ايدها وبتبص علي الثواني لحد ما عدي 30ثانيه
هاله : عبد القوي سيب الكللابب عليها
الكلبين بقوا يجروا وبقوا يهوهوا عليها وبيدوروا عليها في كل مكان
هاله : (قربت من عاصي ) ياترى هيقطعوا لحمها في قد ايه .. انا بقول مش هتاخد ( ضمت شفايفها ) مممممم دقيقه بالكتير
هاله كانت مركبه كاميرات في كل حته وكانت موصلاه بتاب وبشاشات وراحت مشغله الشاشات
هاله : ( بكل برود ) بص فوقك كده ياعاصي
عاصي وغالب رفعوا عنيهم بيبصوا لقوا بدور في الشاشات وهي بتجرى من الكللابب
غالب : ( في نفسه ) انتي تقدرى يابدور
عاصي : ( في نفسه هز راسه شمال ويمين بحسره ) مش هتطلعي منها غبييييييييه
---------------------------( في نفس الوقت )-----------------------
احسان : هو محمود اتأخر كده ليه احنا بقينا نص الليل ومافيش خبر عن عاصي
فيروزه : ( حبها لعاصي ابتدى يحركها وخافت عليه فعلا ) داست علي شفايفها .. اكيد هيتصل تاني
احسان : لااااا انا هتصل بي هو انا لسه هستني لما هو يتصل
احسان لسه بتقوم عشان تتصل بي لاقت الفون رن
احسان فتحت الفون بسرعه
اخسان : ( بلهفه ) اي يامحمود عملت ايه
محمود: للاسف معرفتش اجيب العنوان بالظبط الحته اللي الفون فيها تقريبا معزوله مافيهاش شبكه او فيها حاجه بتشوش علي الاجهزه مش عارف بس هحاول مره تانيه ليا صديق في شركه الاتصالات لو برضوا معرفناش نجيب الموقع بالظبط هنبلغ البوليس
احسان : قدامك قد ايه
محمود : هكلمه حالا .. واول ما اوصل لحاجه هبلغكم
-----------------------( في نفس الوقت )-------------------------
بدور كانت بتجرى .. بتجرى والكللابب السودا بتجرى وراها لاقت سلم طلعت عليه والكللابب طلعت عليه وراها
السلم مكانش مكتمل لاقت سيخ قدامها مره واحده كان هيدخل فيها
غالب : ( وهو بيشوفها في الشاشات ) خللي بالك يابدور
هاله : ( ضحكت ضحكه صفرا ورجعت بصت للشاشات تاني ) قال يعني هتسمعه
وقفت بسرعه والكللابب هجمت عليها وقعتها في الارض وبقت تشدها من رجليها وتعضها في رجلها الكللابب دي كلاب سعرانه بدور بقت تصرخ من الالم وهي واقعه في الارض وهما بيشدوها من رجلها علي السلم
عاصي : ( والدموع بتلمع في عنيه )مش قولتلك مش هتقدرى
هاله : ( بصت في ساعتها ) ممممممم لاء بس برافو فضلت دقيقه و20 ثانيه وهي بتحاول تهرب منهم انا قولت مش هتاخد منهم 10 ثواني
بدور مره واحده مسكت بأيديها في السيخ وطلعته من السلم وراحت غرزته في راس كلب منهم طلعت السيخ من راسه الناحيه التانيه
الكلب التاني اول ما شاف كده هجم علي بدور اكتر وبقت بدور تزحزح نفسها من علي السلم
ولأنه سلم قديم جدا هما اصلا في مصنع مهجور فمكانش في طرابزين للسلم كانت مجرد سياخ قديمه طالعه علي جانب السلم بدور فضلت تزحزح نفسها بالعافيه لحد ما وقعت من علي السلم هي والكلب للدور اللي تحت وهي بتقع لفت نفسها وبقي الكلب واقع تحتيها دماغه وقعت علي صخره مات ولأن الكلب كبير هي وقعت علي جسمه وهي جسمها صغير ورفيعه اساسا
غالب وعاصي بقوا يبصوا في الكاميرا انها تتحرك مافيش كانت واقعه علي الكلب ووشها في وش الكلب وضهرها للكاميرا
عاصي : قومي يابدور ماتموتيش
هاله : ( بصوت تريقه ) ااااااه ...كانت بنت شجاعه بصراحه انا مش عارفه هو ممكن حد يضحي بنفسه عشان ناس زيكم
مره واحده غالب بقي رافع راسه لفوق وبقي يضحك
هاله رجعت بصت للشاشه مره تانيه لاقت بدور بتحرك صوابعها وبتقوم تقف وماسكه رجليها بالعافيه وهدومها كلها دمها ودم الكللابب بدور رفعت وشها فوق وهي الدم مغرق وشها لاقت كاميرا راحت رفعت صوباعها للكاميرا وابتسمت
هاله : بكل غضب هاتووووووووووووها 😡😡
البودي جاردات طلعت بسرعه علشان تجيب بدور من بره
عاصي ابتسم ابتسامه ظهرت بجانب شفايفه وكان واضح علي وشه الانبساط
اما غالب فكان متنح للشاشه ورافع راسه لفوق ومش مصدق من اللي بدور قدرت تعمله
بدور وقتها كانت تعبانه جدا مسكت في السلم بالعافيه وقعدت علي السلم وبقت تحاول تفتح عنيها بالعافيه من كتر التعب والدم اللي نازل منها
---------------------------------( في نفس الوقت )---------------
احسان كانت رايحه جايه في المكان مش قاعده علي بعضها
فيروزه: ماتقعدي بقي خيالتيني رايحه جايه كل شويه احسان مره واحده ايديها بقت تترعش ومابقيتش قادره تتحكم في نفسها جابت الشنطه بتاعتها وطلعت علبه الدواء وحطت ايدها علي العلبه وبقت تنزل ييجي خمس او ست برشامات سوا وحطيتهم علي بوقها مره واحده وشربت وراهم كوبايه مايه
فيروزه استغربت وضمت حواجبها وشدت عليه الدواء من احسان
فيروزه: ايه اللي انتي بتشربيه ده
احسان: ( مدت ايدها بسرعه علشان تاخد علبه الدواء من احسان ) وانتي مالك انتي حاجه ماتخصكيش
فيروزه بعدت ايديها وهي لسه ماسكه علبه الدواء
فيروزه: يعني ايه وانا مالي مش ممكن تكوني مجنونه وبتتعالجي مثلا واحنا مش عارفين وتخلصي علينا واحد واحد
احسان: ( رفعت ايدها ومدت ايدها اكتر علي فيروزه ) بقولك هاتي العلبه وبطلي سخافه
فيروزه واحسان كانوا بيتخانقوا علي علبه الدوا ومره واحده الفون رن
فيروزه واحسان بصوا للفون بسرعه وجريوا عليه وكل واحده عايزه ترفع سماعه التليفون الاول
بس فيروزه هي اللي لحقت ترد علي الفون الاول
فيروزه: ايه يامحمود عملت ايه ؟
محمود: عرفت العنوان بالظبط بس العنوان ده عنوان مصنع مهجور من سنين
فيروزه: طيب ابعتلي العنوان
محمود: انا بقول نبلغ البوليس احسن
فيروزه: وانا بقول هات العنوان احسن
محمود: اللي انتي شيفاه
فيروزه اخدت العنوان من محمود وندهت علي عبد الرحيم
فيروزه: عبد الرحييييييم
عبد الرحيم: تحت امرك
فيروزه: جهز نفسك وحضر العربيه غاالب وعاصي في خطر وعايزين نطلعهم من العنوان ده
عبد الرحيم: دقيقه واحده والعربيه تكون جاهزه
فيروزه جت تطلع من الڤيلا
احسان: انتي رايحه فين وسيباني لوحدي
فيروزه: خليكي انتي هنا لحد ما نيجي
احسان: ياسلااااااااااااااام وانتي بقي تبقي البطله في عين عاصي صح.. انتي مش هتتحركي من هنا غير وانا رجلي علي رجلك
عبد الرحيم كان مستنيهم بره واحسان فتحت باب العربيه اللي ورا وركبت معاهم بسرعه قبل حتي ما فيروزه تركب ورزعت الباب وراها
--------------------------( في نفس الوقت )---------------------------
بدور كانت قاعده علي السلم وهي حرفيا تعبانه جدا البودي جارد مسكها من دراعها ورفعها وبقي يشدها وراه وهي كانت بتزق بالعافيه في رجلها
عبد القوي زق بدور وقعها في الارض قدام رجلين هاله
غالب اول ما شافووه رماها كده
غالب: ( داس علي شفايفه بغيظ ) و**** لا احرقك حي يا ابن الكلب
هاله بصت لغالب نظره توعد ورجعت وطت وبصت لبدور
هاله: وهي بترفع شعر بدور علي ورا علشان كان علي وشها
هاله: ( بصوت واطي وحنين ) لااااا شاطره يابدور مكنتش اعرف انك قويه كده بس ياترى بقي هتكملي اللعبه للاخر ولاااا ( قامت وقفت ورفعت المسدس علي عاصي وغالب ) ولااا تقولي الحقيقه اللي مخبياها علي حبايبك اللي بتضحي بنفسك عشانهم دلوقتي
غالب استغرب وضم حواجبه وعاصي بقي مش فاهم ايه اللي بيحصل
عاصي: ( بعصبيه وعدم فهم ) حقيقه ايه انا مش فاهم حاجه ؟
هاله وهي بتشاور لعاصي انه يهدى
هاله: اهدى.. اهدي شويه ياعاصي بيه الاموره هتقولكم علي كل حاجه
( بصت لبدور ) تحبي تقولي وتموتي في نظرهم ولا نموتهم احنا ونخلص
بدور: ( رفعت راسها بالعافيه من علي الارض ورفعت عنيها لفوق لهاله )
بدور: انا.. انا عملت كده قبل.. قبل ما اعرفهم
عاصي: ( بعصبيه ) عملتي ايه يابدور ماتنطقي
بدور: أنا.. أنا.. ( بعياط ) مش قادره تتكلم
هاله: احنا هنفضل مستنيينك كتييير ولا أيه
بدور: ( بصت لعاصي ) هتسامحني لو عرفت الحقيقه
عاصي: ( وهو دايس علي سنانه ) انطقي عملتي ايه ؟
بدور: ( بلعت ريقها ) انا.. انا هحكيلك علي اللي حصل
---------------------( في نفس الوقت )----------------------------
عبد الرحيم: احنا كده وصلنا للعنوان وده المصنوع المهجور
فيروزه: طيب اسمع ياعبد الرحيم كويس احنا هندخل الاول قدامك 20دقيقه لو ماطلعناش ادخل ورانا
احسان: ده المفروض هو اللي يدخل قدامنا
فيروزه: اسكتي انتي بقي اسكتي انا عارفه كويس انا بعمل ايه
احسان: ( رفعت حاجبها وهي هتموت من فيروزه ) ماشي
احسان وفيروزه نزلوا من العربيه ودخلوا جوه المصنع المهجور ده ولأن المصنع كان ضلمه جدا فتحوا الكشافات بتاعت الموبايلات بتاعتهم
احسان: انا مش شايفه حاجه خالص
فيروزه: وطي صوتك وامشي ورايا وانتي ساكته وحاسبي الطوب اللي قدامك لا تقعي وتعملي صوت وتفضحينا
---------------------( في نفس الوقت )---------------------------
هاله: ما تحلصينا بقي ياست بدور بقي انتي رضيتي الكللابب تنهش في جسمك ولا انك تقولي لسي زفت الحقيقه
بدور ( بصت لعاصي ): خايفه.. خايفه لا تكرهني
غالب: قولي يابدور.. انطقي
بدور: ( وهي بتعيط ودموعها نازله منها ) انا.. انا مادخلتش العربيه بتاعت غالب صدفه انا كنت براقبه لحد ما جاتلي الفرصه ان.. ان اركب عربيته وادخل الخرابه اللي غالب كان حطك فيها ومفهمك انها قصر
عاصي: ( وهو مضيق عنيه ) وليه عملتي كده ؟؟
بدور: علشان.. علشان كنت عارفه اني شبه فيروزه وكان في حد دافعلي فلوس لما لقاني شبه فيروزه اوي وفهمني اني ادخل عليك بالطريقه دي علشان اجيبك عنده البيت وعلشان مكانش ينفع اسيبك ألا لما اعرفكم علي بعض
عاصي: ( وهو مستغرب ومذهول ) علشان كده كنتي دايما جنبي ووقفتي معايا في كل حاجه وحشه كانت بتحصلي علشان الفلوس مش اكتر
بدور: في الاول كان عشان الفلوس وبس.. بس بعد كده لاء
عاصي: مين اللي كان دافعلك الفلوس دي انطققققققققققي
بدور: مش.. مش هقدر اقول
هاله: لا ياروحي هتقولي ( رفعت مسدسها علي عاصي ) هتقولي ولا تحببببببي ( ولسه هتكمل كلامها )
بدور: لا لاء خلاص هقول..
مره واحده جه بودي جارد ووشوش هاله في ودنها
البودي جارد: ( بهمس في ودن هاله ) في اتنين من اللي كنا بنشوفهم في ڤيلا عاصي واحنا بنراقبهم هنا في المصنع شوفناهم في الكاميرات
هاله: هما وصلوا هاتوهم
البودي جارد طلع بسرعه علشان يمسك احسان وفيروزه
وفعلا مسكهم وجابهم ودخل بيهم
هاله: اهلا.. اهلا شرفتوا ده كده اللعب هيحلو اوي
فيروزه: انتي ياهاله 😳😳
يتبع...
الجزء التاسع
هاله : اهلا .. اهلا شرفتوا ده كده اللعب هيحلو اوي
فيروزه : انتي ياهاله 😳😳
عاصي : انتي تعرفيها
هاله : عززززز المعرفه .. ده كده اللعب كله هيبقي علي المكشوف قربي يا اختي انتي وهي خلينا نكمل لعبتنا
كملي يابدور مين اللي كان دافعلك علشان يزوقك علي عاصي
احسان ابتدت تتوتر وتفرك في صوابعها وبلعت ريقها وكان قلبها من الخوف شويه وهيطلع من مكانه
بدور : احسان .. احسان هي اللي دفعتلي علشان افضل معاك وانك اكيد مش هتأذيني علشان شبه فيروزه وهفكرك بالماضي ولما انت اتصابت كلمتها وخليتك تتعالج عندها وبينت كرهها الشديد ليا قدامك عشان ماتشكش في حاجه
احسان : ( بصوت عالي وصريخ ) كداااااابه .. انا البت دي ماعرفهاش .. ولا عمرى شوفتها الا معاك .. دي .. دي اكيد ياعاصي بتعمل كده عشان توقع ما بينا مش اكتر .. انا لا يمكن اعمل كده ياعاصي
عاصي : ( بصوت عالي ) اخرسي .. اخرسسسسسسسي
عاصي : انا كل اللي حواليا خانوني بس مجاش علي بالي ابدا ان انتي كمان فضلتي جنبي عشان مصلحتك وبس
بدور بصت في الارض ودموعها نازله منها
فيروزه بصت لاحسان بصت شماته وضحكت
غالب : وهي ليه كانت عايزه يعرفها اوي كده يابدور
بدور : دي حاجه تقدر تسالها هي عنها
غالب : ( بص لاحسان ) وانتي بقي مين مسلطك علينا وعايزه تدخلي حياتنا اوي كده ليه ؟
احسان : بقولك دي كدابه انت ليه مش قادر تصدق انا معرفهاش ولا شوفتها قبل كده غير مع عاصي
هاله : ( بزعيق ) عبد القوووووووي
عبد القوي رفع السلاح علي احسان
هاله : اكذبي مره تانيه .. مره تانيه بس وهتلاقي المسدس ده كله في دماغك
احسان : ( رفعت ايديها ) ايه ياعبد القوي بالراحه شويه
هاله : جاوبي علي سؤاله
احسان : مافيش .. مافيش حد مسلطني عليكم كل الحكايه ان انا حاولت كتير الفت انتباهك ياعاصي وانت عمرك ما بصيتلي في يوم من يوم ما جابت العامل اللي اتصاب عندك في الشركه وانا بحلم في يوم انك حتي تعرف اسمي بس انت كنت دايما بتركز في حاجه تانيه علشان كده .. علشان كده ياعاصي اول ما شوفت بدور قولتلها انها تدخل وسطكم وانا عارفه انك لايمكن تأذيها علشان فيها شبه من فيروزه ووقتها واحده واحده كانت هي هتجيبك ليا ولما انت كنت مصاب خليتها تدخل بيك وسط الزرع وتجيبك عندي وتفهمك انك جيت بالصدفه وتشيلهالي جميله وبقيت عارفني وعارف اسمي لاء وكمان قعدت في ڤيلتك علي امل اني اقرب منك في يوم وتحبني
عاصي : ( بكل برود ) وياترى حبيتك .. انا عمرى ما استلطفتك في يوم ولا حتي هتيجي علي بالي لحظه عارفه ليه علشان انتي اقل من انك تيجي علي بالي ولو للحظه واحده
احسان : ( بعياط ) لا ياعاصي ماتقولش كده يا عاصي عشان خاطر **** ماتقولش كده
هاله : نسيبنا بقي من ست احسان وندخل علي الست فيروزه هانم احنا نعتبر اليوم ده يوم الحقيقه الكامله
هاله بقت تضحك ضحك هستيري
هاله : ايوه .. ههههههه.. ايوه صح كده يوم الحقيقه الكامله
الدور عليكي ياست فيروزه اتفضلي قولي اللي عندك
فيروزه : ( بلعت ريقها وبصت لعاصي ) انا .. انا معنديش حاجه عشان اقولها
هاله : ( رفعت المسدس وضربت طلقه تحت رجلين فيروزه بالظبط ) تفتكرى اني مابعرفش انشن الطلقه الجايه في دماغك علي طول
عاصي : انا مستني
فيروزه : اناااا .. اناااااا
عاصي : انتي اييييييييه انطقي
فيروزه : اصل .. اصل ..
هاله : لاااااا .. اصل دي مش هتعرف تبدأ منين ولا منين دي حكايتها حكايه تحبي ابدأ انا انتي اللي خليتي رفيق يقول لغالب يجنن عاصي وانتي صاحبه فكره ان عاصي ياخد برشام هلاوس .. ولا تحبي اقوله ان انتي اللي رميتي نفسك قدام العربيه بتاعته وخليتي حد يتصل بي ويقوله ان الشركه ولعت .. ولا اقولك انا بقي هقوله ان انتي اللي خليتي رفيق انه يقنع غالب ان عمه هو اللي قتل ابوه .. لاء بص بقي ياعاصي دي مهما احكيلك مش هيبقي في وقت بصت في ساعتها وانتوا اخدتوا مني وقت اكتر من اللازم
غالب : معقول انتي يافيروزه .. انتي اللي كنتي بتحركينا زي العرايس اللعبه في ايدك طول السنين اللي فاتت دي كلها
فيروزه : ( بكل حقد وغل ) أيوه انا .. رفيق ده كان مجرد أله بحركها واقوله يعمل ايه ويتحرك ازاي مكانش بيمشي خطوه من غير ما يقولي اعمل ايه .. كان بيحبني وبينفذ كل اوامري
كنت عايزين مني ايه بعد اللي عمك عملوا معايا ولسه كنت داخله بيتكم وانتقامي مخلصش كنت ناويه اجننه اكتر واخليه يتمني الموت علي اللي عمله معايا من سنين فاتت وانا مظلومة من غير حتي ما يسأل عني ولا يتأكد من اللي ابوك قالهوله
عاصي : وايه اللي خلاكي مانتقمتيش اكتر ما انتي دخلتي وسطنا ..
فيروزه : ( بصت في الارض) للاسف لما اخدتني في حضنك زي زمان كل مشاعرى اتحركت من ناحيتك من جديد ياعاصي
عاصي : ( ضحك ضحكه سخريه ) مشاعر .. هو بعد كل اللي حصل ده لسه في مشاعر
عاصي : كلنا .. كلنا بلا استثني اكلنا في بعض كل واحد لمصالحه الخاصه
هاله : ( رفعت المسدس اكتر وبقت عامله زي المجنونه ) خلاص كلكم اتصافيتوا .. كلكم عرفتوا حقيقه بعض .. وانا .. وانا اطفالي اللي ماتوا مين هياخدلي حقهم
هاله : عبد القووووووي
عبد القوي جاب الكبريت وهاله لسه بتولع في البنزين
بدور نطقت بسرعه
بدور : بس .. بس انتي قولتي .. قولتي لو كسبت في اللعبه مش هتموتيهم
هاله بصت وراها بنظره كلها خبث
ووطت ناحيه بدور
هاله : ااااااااه بس انتي لسه مانفذتيش الشرط التالت
بدور : موافقه انفذه انا هعمل اي حاجه انتي عايزاها
هاله مسكت بدور ووقفتها علي رجلها
ورفعت ايدها وخليتها تمسك المسدس
هاله : اختااااااري
بدور : مش فاهمه
هاله : اختاري مين فيهم يعيش ومين فيهم يموت وانتي اللي هتموتيه بأيديكي
بدور : 😳😳😳
يتبع...
الجزء العاشر والأخير
بدور : بس .. بس انتي قولتي .. قولتي لو كسبت في اللعبه مش هتموتيهم
هاله بصت وراها بنظره كلها خبث
ووطت ناحيه بدور
هاله : ااااااااه بس انتي لسه مانفذتيش الشرط التالت
بدور : موافقه انفذه انا هعمل اي حاجه انتي عايزاها
هاله مسكت بدور ووقفتها علي رجلها
ورفعت ايدها وخليتها تمسك المسدس
هاله : اختااااااري
بدور : مش فاهمه
هاله : اختاري مين فيهم يعيش ومين فيهم يموت وانتي اللي هتموتيه بأيديكي
بدور : 😳😳😳 ( بدور بقت تبص لهاله وهي متنحه )
هاله : مالك بتبصيلي كده ليه ؟ مش انتي عايزه تنقذي حد فيهم .. يلا .. الفرصه قدامك ( هاله وقفت ورا بدور وبقت تمسك ايد بدور وبدور ماسكه المسدس )
هاله : ( بقت تحرك ايد بدور وصوبت المسدس ناحيه عاصي )
هاله : ( وهي بتتكلم في ودن بدور بهمس ) ايه رأيك نموت عاصي ونخلص منه ومن شره .. بس .. بس لو موتناه تفتكرى هنخلص منه اصل ده شيطان حتي بعد الموت ممكن يظهرلنا تاني
هاله وهي ماسكه ايدين بدور وبدور ماسكه المسدس بأيديها وأيديها كانت بتترعش
هاله : ( والعرق نازل من جبينها وبتتكلم بالعافيه .. بلعت ريقها ) ولاااا .. ولا نخلي الرصاصه تيجي في قلب غالب اصل .. اصل موته مش هيفرق مع حد
بدور : ( لفت وشها يمين ودموعها نازله من عنيها والخوف مالي قلبها ) انتي .. انتي اكيد مجنونه
احسان : ( وعبد القوي والناس اللي معاه ماسكينها من ايديها وماسكين فيروزه احسان بقت بتحاول تفك ايديها منهم احسان : ( والدموع في عنيها ) بدور .. بدور اوعي تموتي عاصي يابدور .. عاصي لاء .. عاصي لو جراله حاجه مش هعرف اعيش من غيره يابدور
هاله بصت لأحسان ورفعت حاجبها وهي مبتسمه
هاله : وتفتكري ده سبب كافي انك تخليها ماتموتهووش
(هاله بصت لفيروزه ) أاااايه مش عايزه تقولي حاجه انتي كمان يافيروزه
فيروزه بصت في الارض وماتكلمتش ولا كلمه ..
هاله : أنا بقول ان سكاتك ده انك موافقه ان عاصي يموت
طيب ماتيجوا نعمل تصويت ولا انتوا ايه رأيكم
هاله كانت حرفيا مجنونه فقدت عقلها في اللحظه اللي فقدت فيها اطفالها وبقت تضحك بهستريا لحد ما سكتت وبرأت لبدور وبصت لبدور بصت شر
هاله : ( وهي دايسه علي سنانها وبتتكلم بحقد وغل ) اختااااري
بدور رفعت المسدس وخلاص اختارت هتموت مين فيهم ولسه هدوس علي الزناد ودموعها نازله منها والاتنين بيبصولها زي ما يكونوا عايزين يعرفوا هي اختارت مين فيهم وقفت لثواني وغمضت عنيها
هاله راحت شدت المسدس اللي مع عبد القوي ورفعت السلاح لفوق وضربت نار في الهوا
هاله : قدامك 3 ثواني لو ماموتيش حد فيهم هتموتوا كلكم
احسان وفيروزه صوتوا والناس اللي كانت ماسكنهم سابوهم واستخبوا بسرعه اول ما هاله مسكت المسدس من عبد القوي
عبد القوي وقف قدام هاله
عبد القوي : هاتي المسدس يادكتوره هاله
هاله : ( وهي رافعه المسدس عليه ) اامشي من قدامي ياعبد القوي وخللي رجالتك يمسكوهم اوعي تخليهم يهربوا منك انت فاهم
عبد القوي : ( بيحاول ياخد المسدس منها مره تانيه ) بقولك هاتي المسدس
عبد الرحيم دخل بسرعه علي صوت ضرب النار وراح بسرعه علي عاصي وغالب وفكهم
عبد الرحيم اول شخص فكه هو غالب فك ايديه
غالب : خلاص .. خلاص انا هفك رجلي فك عاصي بسرعه
هاله : ( بصريخ وهي بتصرخ في وش عبد القوي ) انت بتعمل اييييييه .. انت ازاي شايفه بيفكهم وواقف قدامي انا وساكت
عاصي : ( قرب من هاله اكتر وبقي يقرب خطوه وهاله تبعد خطوه )
هاله : ابعد ياعاصي ابعد عني بدل ما اقتلك
عاصي : بقي يقرب اكتر .. ( بنظرات خبيثه لهاله واشمئزاز )
عاصي : المسدس اللي في ايدك ده الطلقات اللي في فشنك
هاله : ( لسه ماسكه المسدس ورفعاه علي عاصي ) انت كداب .. انت بتقول كده عشان تنقذ نفسك
عاصي : ( وهو بيقرب من هاله بخطوات بطيئه ) لو مش مصدقاني جربي ( هز راسه يمين وشمال )مش هتخسري حاجه
هاله : ( داست علي سنانها وبكل غيظ داست علي المسدس وبقت تضرب نار علي عاصي طلقه في التانيه في التالته لحد ما السلاح ما تفضلش فيه غير طلقه واحده بس
عاصي : ( بابتسامه سخريه ) تصدقي طلعتي شجاعه ياهاله لاااا بجد ابهرتيني محتاجه سقفه علي شجاعتك دي
هاله : ( رمت السلاح بسرعه من ايدها ) وبقت تصرخ بعلو صوتها انت مابتمتش بالساهل ابداااااااااا
ولسه هتهجم علي عاصي .. راح عاصي بص لعبد الرحيم وعبد القوي راحوا مسكوا هاله بسرعه
هاله : عبد القوي انت معايا ولا معاهم
عبد القوي : انا مع اخويا .. عبد الرحيم ( البودي جارد بتاع غالب )
هاله : انااااا .. انا مش فاهمه حاجه
بدور : يعني ايه
فيروزه ( ابتسمت وفهمت دماغ عاصي )
فيروزه : ( سقفت لعاصي ) يعني عاصي عمل كل اللعبه دي علينا احنا الاربعه علشان يكشف كل واحد مخبي ايه مش اكتر وعرف يلعبها صح علينا كلنا وحتي علي هاله
احسان : يانهار اسود يعني .. يعني انتوا مكنتوش مخطوفين
فيروزه : لا مخطوفين ايه يا احسان عاصي يخطف لكن ما يتخطفش
هاله : يعني ايه فهموني
غالب : انا عرفت باللي حصل لاطفالك وعرفت انك كنتي
بتخططي علشان تقتلينا انا وعاصي وقتها بلغت عاصي باللي حصل وعرفته انتي ناويه علي ايه وبعتنالك وقتها عبد القوي ودخل عليكي بحجه انه يساعدك وفي المقابل تديله فلوس
هاله : وهي لسه مش مستوعبه .. يعني ايه ؟
عاصي : يعني انتي ياهاله كنتي العروسه اللعبه اللي كنا بنحركها من بعيد علشان اخيرا نعرف كل واحد مخبي ايه
-------------------------( فلاش باك ) -----------------------------
فيروزه كانت قاعده هي وعاصي علي المرجيحه وبقت سانده راسها علي صدر عاصي وبدور كانت بتبص عليهم من بلكونه اوضتها ودموعها نازله للاسف اول ما شافتهم كده دخلت جوه واحسان دخلت البلكونه وشافت عاصي وفيروزه وبقت هتتجن فجأه جه تليفون لعاصي
غالب : ايوه ياعاصي انت قاعد لوحدك
عاصي : لاء ..
غالب : طيب ابعد عن اي حد جنبك
عاصي بعد عن فيروزه وكمل كلامه مع غالب
غالب : الشركه ماتحرقتش ولا حاجه ده حد كان قاصد انه يطلعك اليوم ده من الڤيلا
عاصي بص وراه وابتسم لفيروزه وعرف ان وراها حاجه كبيره ولا يمكن هتعترف بيها بسهوله
غالب : هااا .. هنعمل ايه ؟
عاصي : ( لسه بتراقب هاله )
غالب : طبعا وكل حاجه ماشيه تمام وخليت عبد القوي يقع في طريقها وباعت اللي وراها واللي قدامها علشان تديله فلوس وينفذ اللي هي عايزاه منها
عاصي : ( بعد خطوات اكتر وبص وراه مره تانيه )
عاصي : احنا عايزين هاله تعمل كل حاجه احنا عايزينها
غالب : ( قطع كلام عاصي وكمل ) بس تكون فاكره ان هي اللي ماسكه العصايه وبتحركها
عاصي : حلو اوي الكلام ده .. هتنفذ الخطه امتي
غالب : لو حابب اكلم عبد القوي النهارده يقنع هاله انهم ينتقموا مننا النهارده
عاصي : تمام يبقي الليله .. عارف طبعا الخطه
غالب : اكيد .. هتصل بيك وانت مش هترد وواحده منهم هترد عليا بس مين اللي هتيجي تنقذني فيهم
عاصي : احسان .. يافيروزه انا عايز اي واحده فيهم تشوف الذل الاول
غالب : بس فيروزه رجليها مكسوره
عاصي : مممممم مافتكرش .. لو طلع اللي في بالي صح يبقي رجليها مش مكسوره ولا حاجه
غالب : وبالنسبه لبدور
عاصي : لاااا بدور دي سيبها عليا انا .. انا متأكد ان وراها حاجه هي واحسان وهعرفها قريب اوي
فيروزه : ( قربت من عاصي )
عاصي : طيب ياغالب ما تتأخرش
غالب : انا جاي في الطريق
فيروزه : طيب انا هدخل اوضتي بقي
عاصي : ( في نفسه ) ماينفعش تدخلي دلوقتي
فيروزه : تصبح علي خير ..
عاصي : ( داس علي سنانه ) وانتي من اهله
احسان بصت علي عاصي لاقت فيروزه دخلت راحت نزلت بسرعه عاصي مسك الازازه وعمل نفسه أكنه بيشرب منها وسكران طينه احسان نزلت وقربت من عاصي ..
ورفعت ايدها وحاولت تلمس ضهره
عاصي : انتي بتعملي ايه ؟
احسان : انا .. انا كنت عايزه اطمن علي الجرح مش اكتر
عاصي : يوووووه .. سبيني في حالي بقي
عاصي عمل نفسه مضايق وساب فونه في الجنينه واحسان اول ما شافت الفون اخدته علي طول وطلعت الاوضه
عاصي ابتسم ابتسامه خبيثه ودخل علي اوضته
عاصي : ( في نفسه ) تستاهلي اللي هيجرا فيكي يا احسان وخصوصا فقره الكللابب هتخليكي تنطقي بكل حاجه علي طول مخبياها عليا
بس للاسف احسان الوقت ده شربت البرشام المهدىء لما معرفتش تفتح الفون وبدور هي اللي رجعت الفون في اوضه عاصي بدور حاولت تفتح باب عاصي بالراحه جدا عشان عاصي ماياخدش باله وتحط الفون بتاعه جنبه عاصي بسرعه اوي عمل نفسه ان مغمى عليه من كتر الشرب بيبص لقي بدور هي اللي ردت علي غالب مش احسان بس لو كان فاق واخد الفون الخطه كلها كانت هتبوظ وسابها هي اللي تروح الاول عشان تنقذ غالب
بدور ردت علي غالب
بدور : ايوه ياغالب انا خلاص جيالك في الطريق
غالب : استغرب .. بدور .. ( في نفسه هو مش عاصي كان قايل ان احسان يا اما فيروزه هي اللي هتيجي )
عاصي بسرعه اتصل بمحمود السكرتير بتاعه من تليفون البيت
عاصي : الووو يا محمود
محمود : تحت امرك ياعاصي بيه
عاصي : هنفذ النهارده انت عارف هتعمل ايه كويس
محمود : اكيد ماتقلقش هديهم اللوكيشن في المعاد مظبوط
عاصي : عفارم عليك
---------------------( في الوقت الحالي )----------------------------
احسان : وتفتكر ان انا كنت ممكن اعمل ربع اللي بدور عملتوا علشانكم
فيروزه : ما عشان كده كنت مجهزلك الكللابب علشان ينهشوا في لحمك انتي بدالها بس للاسف حظها ان هي اللي جت
هاله : ياولاد الكككككككككككلب
يعني انا كنت مجرد لعبه في ايديكم
عبد القوي : ما انا كنت كل ما اقترح عليكي اقتراح تنفذيه
بدور : يعني انت كنت شايفني وانا ممكن اموت قدامك ياعاصي ومكنتش هتعمل عشاني حاجه
عاصي : وتفتكرى اللي زيك حد يعمل عشانه حاجه
غالب : عاصي انت بتقول ايه
عاصي : اسكت انت خالص
عاصي : كده كل واحد فيكم بان علي حقيقته وعرفت اللي جوه بطونكم كنتوا فاكرين انكم هتستغفلوني كلكم ( بص لهاله ) وانتي كنتي عايزه تموتيني انا .. انتي السبب في موت عيالك مش انا .. انتي اللي بعتي مهنتك وبعتي نفسك لرفيق علشان الفلوس كنتي بتلعبي علي كل واحد شويه علشان خاطر الفلوس وعرفت انك بتسيبي عيالك بالايام والاسابيع بس حظهم انهم ماتوا لما انا حبستك .. ده انتقام **** منك علشان انتي تستاهلي تتعاقبي في الدنيا قبل الاخره
اما انتي ياست فيروزه .. لو كنت انا غلطت مره فا انتي اخدتي حقك وزياده مني لما خلتيني خمس سنين تايه ومش شايف اللي بيحصل قدامي خلتيني عايش زي المجنون بيكي وعمر حقدك وانتقامك ما هيخلص
عاصي : ( بص لاحسان ) الحب مش بالعافيه ياست احسان وعمرى ما هحبك بالطريقه دي
عاصي : اما انتي يابدور كنت فاكرك انك الحاجه الوحيده النضيفه اللي حصلتلي في حياتي .. كنت فاكرك غيرهم كلهم طلعتي اوسخ منهم كلهم برضوا كنتي معايا علشان الفلوس اللي بتدهالك احسان مش اكتر
بدور : ( ضحكه ضحكه ظهرت بجانب شفايفها ) انت صح .. انت عندك حق .. انا حتي كنت هموت نفسي من شويه عشان خاطر فلوس احسان مش اكتر .. انت صح ياعاصي بيه
عاصي : ده ضميرك اللي غصبا عنك لسه في جنب صاحي اللي خلاكي تعملي كده عشان تكفرى عن اللعبه الرخيصه اللي لعبتيها عليا انا وغالب
عاصي : ( اداهم ضهره) وقال للبودي جاردات
عاصي : سيبوهم .. خلوا كل واحده تمشي في طريقها انا هسيبكم تعيشوا المره دي وده علشان غلطت مع كل واحده فيكم وكده نبقي خالصين .. بس لو شوفت واحده فيكم طلعت قدامي مره تانيه ولو حتي بالصدفه هدفنها حيه
البودي جاردات سابتهم وابتدت كل واحده تدي ضهرها لعاصي وتمشي
غالب بقي يبص لبدور وهي ماشيه
غالب : استني يابدور
عاصي : غاااااالب .. تعالي جنبي هنا
غالب : عضه الكللابب لسه في رجليها م هتقدر تمشي ياعاصي
بدور : خليك ياغالب انا هعرف طريقي لوحدي
بدور مشيت هي وفيروزه واحسان وهاله عنيها كلها شر والحقد لسه مالي قلبها
بتبص لاقت الحديده اللي بدور وغالب فكوا ايديهم بيها مسكت الحديده بسرعه وجريت علي عاصي وهو مديها ضهره فيروزه شافتها بسرعه ووقفت قدام عاصي وهاله غرزت الحديده في قلبها مكان عاصي
عاصي : ( مسك فيروزه بسرعه وبقت ما بين ايديه ) فيروزه .. فيروزه .. ليه عملتي كده ليه ؟
عبد الرحيم : طلع المسدس بتاعه بسرعه وضرب نار علي هاله جت رصاصتين في قلبها ووقعت ماتت في وقتها
عاصي : فيروزه .. ردي عليا يافيروزه ..
احسان بسرعه جت على فيروزه ومسكت النبض بتاعها لاقيته ضعيف جدا بقت تضغط الجرح بأيديها عشان توقف النزيف
عاصي : اتصرفففففففي اعملي حاجه
بدور : قربت من فيروزه وهي بتعيط ومش عارفه تعملها ايه
احسان : الجرح .. الجرح عميق الحديده اتعمقت جدا في جسمها
فيروزه : ( بتبص لعاصي وبتبتسم ) عمرى .. عمرى .. ماعرفت اكرهك (خدت نفسها بالعافيه ) في يوم
عاصي : ( والدموع في عنيه ) ليه عملتي كده يامجنونه ليه .. انا ماستهلش .. ماستهلش كل ده ..
فيروزه : ( مع اخر نفس ليها رفعت ايديها وحطت ايدها علي صدر عاصي وبقت تشاور علي قلبه ) عشان .. عشان .. افضل هنا دايما
فيروزه غمضت عنيها وماتت .. ماتت وهي بضحي بنفسها عشانه رغم انها كانت عايزه تنتقم منه بأي طريقه بس برضوا لسه جواها حبه اللي عمره ما طلع من قلبها . ( غريب الحب مين فاهمه )
عاصي : ( اخد فيروزه في حضنه وبقي يبكي عليها ومش مصدق انها ممكن تضحي بروحها علشانه )
غالب بيبص لقي ان في جثتين معاهم ولازم يدفنوا
جثه هاله وجثه فيروزه
احسان بقت تبص للاتنين وهي قلق وخوف الدنيا كله فيها
احسان : وبعدين هنعمل ايه ؟ في المصيبه اللي احنا فيها دي .. ده احنا كده ممكن نروح في ستين داهيه
بدور كانت قاعده في ركن ودموعها نازله منها ومابتتكلمش ولا كلمه وكل جسمها كان بيترعش وبس غالب قرب منها وقعد جنبها ورفع دراعه وحاوطها
بدراعه وضمها لحضنه وقتها بدور رعشه جسمها ابتدت تقف غالب حط ايده علي شعرها وبقي يلمس شعرها بحنيه وياخدها لحضنه اكتر
عبد الرحيم : عاصي بيه .. عاصي بيه احنا لازم ندفن الجثث .. مش هينفع نسيبهم كده
عاصي كان ماسك فيروزه وبيبصلها وبس عبد الرحيم بص وراه لغالب راح غالب شاور لعبد الرحيم براسه انه يحفرلهم القبور بتاعتهم وابتدي عبد الرحيم والبودي جاردات اللي معاه
يحفروا الارض ومافيش علي لسان عاصي غير كلمه انا ماستهلش انك تعملي عشاني كده يافيروزه
عبدالقوي اخد جثه هاله ودفنها الاول وبعدها راح لعاصي
غالب قام من جنب بدور وبدور قامت بالعافيه وهي بتزق في رجليها
غالب : سيبها ياعاصي لازم ندفنها .. لازم نمشي من المكان بأسرع وقت ..
البودي جاردات راحوا عشان يشيلوا فيروزه من حضن عاصي
عاصي : ابعدوا عنها محدش يقرب منها
عاصي شال فيروزه ما بين ايديه وغالب وبدور واحسان ماشيين وراه .. واخيرا حطها في القبر بأيديه وبقي يردم عليها التراب وهو مافيش غير مشهد واحد قدام عنيه وهي بتنقذه وبضحي بروحها عشانه شروق الشمس طلع عليهم وهما الاربعه واقفين علي القبر بدور وغالب واقفين من ناحيه واحسان وعاصي من الناحيه اللي قصادهم وابتدي كل واحد يدي ضهره للتاني ويمشي في طريق.
نهاية السلسلة الثانية وانتظرونا قريبا في السلسلة الثالثة
