مكتملة منقول عمو عمو | السلسلة الثالثة | _ احدي عشر جزء 21/8/2023

[hkshk]

السلسلة الأولى
السلسلة الثانية
أهلا بكم في السلسلة الثالثة "الاخيرة"، توقفنا في نهاية السلسلة الثانية عند موت كل من فيروزه وهالة ودفنهما والأن إلى الجزء الأول من السلسلة الثالثة التي ستكون مختلفة تماما عن ما سبق، حيث سيكون السياق بعيدا عن الأكشن ونقترب قليلا من الرومانسية
قراءة ممتعة

-------------------------------------------------------------------------
​

عاصي شال فيروزه ما بين ايديه وغالب وبدور واحسان ماشيين وراه .. واخيرا حطها في القبر بأيديه وبقي يردم عليها التراب وهو مافيش غير مشهد واحد قدام عنيه وهي بتنقذه وبضحي بروحها عشانه شروق الشمس طلع عليهم وهما الأربعة واقفين على القبر
بدور وغالب واقفين من ناحيه واحسان وعاصي من الناحيه اللي قصادهم وابتدي كل واحد يدي ضهره للتاني ويمشي في طريق
بدور مشيت وكانت بتزق في رجلها بالعافية ومكانتش بتتكلم ولا كلمة حرفيا ومصدومه الدم كان نازل من رجليها وماسكه نفسها بالعافية
احسان بعد اللي حصل قدامها زي ما تكون اتولدت من جديد وفضلت ماشية على الشارع لحد ما لاقت تاكسي على الطريق وركبته ومشيت
عاصي ركب عربيته ومشي بأسرع ما عنده وهو سايق وحاطط ايده على دركسيون العربية وبقى بيبص على الدم اللي في أيده كل شوية وبقي يضرب بأيديه على الدركسيون بكل عزمه ومش مصدق ان كل ده حصل.
غالب وبدور طالعه من المصنع نده عليها
غالب : بدور
بدور : ( ماشيه بتزق في رجلها ومكنتش سامعه حد من كتر الصدمة اللي هي فيها واللي شافته )
غالب بقى بيمد علشان يلحق بدور وما بينه وما بينها خطوتين
غالب : بدور ردي عليا ( غالب مسك دراع بدور ووقفها )
غالب : بدور ردي
شدها له وقربها منه وبقى وشها في وشه
بس بدور كانت بصه في الارض ومش رافعه عنيها لغالب
بصوابع ايديه حط ايده علي دقنها ورفعلها وشها خلاها تبصله في عنيه
غالب : هاتروحي فين ليكي مكان تروحي
بدور : ( هزت راسها بمعني ايوه )
غالب : طيب هتمشي ازاي وانتي كده ورجلك اللي بتنزل ددمم دي تعالي... تعالي معايا هوصلك في طريقي للمكان اللي رايحاه اتفقنا
بدور : ( شاورت براسها فوق لتحت بمعني انها موافقه ) بدور ركبت العربيه مع غالب... عبد الرحيم بقى بيسوق وغالب قاعد جنبه وبدور وراه
الصمت كان في العربيه رهيب وغالب كان بيبص لبدور من المرايا وشايف الدموع نازله منها من غير حتي ما تعيط وبيبص تحت لقى الدم علي رجلها نزل اكتر الجرح ما بيقفش
غالب : عبد الرحيم وقف العربيه
عبد الرحيم : في حاجه ياغالب بيه
غالب ( بزعيق ) بقولك وقف العربية
عبد الرحيم داس على الفرامل مره واحده لدرجه ان بدور راسها خبطت في الكرسي اللي قدامه
غالب نزل بسرعه وبقي يفك زراير قميصه وقلع القميص بتاعه وقطعه نصين وبقي يربط رجل بدور
غالب : هاتي رجلك يابدور
بدور : _______________
غالب مد ايده ورفع رجل بدور وبقي يربطلها الجرح
غالب : انا هحاول اوقف الدم اللي بينزل ده لحد ما نروح المستشفى
غالب : اطلع على المستشفى ياعبد الرحيم
عبد الرحيم : تحت امرك ياغالب بيه
عبد الرحيم طلع على المستشفى واول ما وصلوا غالب نزل بسرعه ونزل بدور من العربية
غالب : هتقدري تمشي
بدور : ( هزت راسها فوق لتحت ) ايوه
غالب حط ايد بدور على كتفه عشان يسندها وايده تانية على وسطها ولسه هتمشي
بدور كانت رجلها خلاص جابت اخرها مش عارفه تقف عليها حرفيا راحت وقعت في الارض وغالب لحقها
غالب : خللي بالك
غالب قوم بدور مره تانية
غالب : انتي كويسه
بدور : ( بعياط ) لاء .. لاء ياغالب مش كويسة
غالب وطي ورفع بدور وشالها ما بين ايديه
غالب : ما تقلقيش هتبقي كويسة
بدور : غالب نزلني
غالب : ( راح علي الريسيبشن وبدور ما بين ايديه ) فين الدكتور ..
الممرضة: ياريت تحطها على الترولي واحنا هنقوم باللازم
الممرضات جم بسرعه واخدوا بدور وغالب نزلها بالراحة اوي من على دراعه والدكتور دخل علشان يكشف عليها
-------------------------------( في نفس الوقت )---------------------
احسان روحت البيت في الارياف عند اهلها وهي متبهدله من ددمم فيروزه
احسان اول ما خبطت امها فتحتلها
ام احسان : ( وهي مخضوضه ) احسان ايه اللي عمل فيكي كده 😳😳
احسان : ( اترمت في حضن مامتها وبقت تبكي .. تبكي من غير كلام )
ابو احسان : في ايه يابنتي ما تقلقناش عليكي ودم مين ده اللي على هدومك
احسان : ( وهي بتعيط ) ماتقلقش عليا يابابا ده مش دمي
ابو احسان : اومال ددمم مين ده يابت انطقي
احسان ده ددمم مريضه جت عندنا في المستشفى كانت عامله حادثة بس للاسف مالحقنهاش
ام احسان : ادخلي يابنتي .. ادخلي غيرى هدومك وخوديلك دش وان شاء **** خير و**** يرحم اللي ماتت ويحسن إليها
احسان دخلت البيت ومامتها بقت تسندها وهي في حضنها ودخلتها الحمام
ام احسان : ادخلي .. ادخلي يابنتي وهجيبلك غيارك حالا
احسان دخلت وقفلت الباب عليها وقعدت في الارض وبقت تفتكر انها كانت ممكن تموت في اي لحظه وبقت تشوف في خيالها نظرات فيروز لعاصي ووقت ما كانوا
بيدفنوها احسان مهما كانت فهي بني ادمه عندها مشاعر والموقف اللي حصل قدامها صحي ضميرها اللي كان ميت من سنين قلعت هدومها
ونزلت تحت الدش وبقي ددمم احسان نازل من ايديها في الارض وكل ماتشوف الدم وهو نازل كانت بتبكي اكتر واكتر
---------------------( في نفس الوقت )------------------------------
عاصي كان سايق العربيه زي المجنون مش عارف يروح فين او ييجي منين كل حاجة وحشة عاملها كانت بتعدي قدام عنيه كل الشر اللي عمله في حياته
كان بيفتكره وبقي يحاسب نفسه علي كل غلطاته ولو كانت هاله قتلته وبقي مكان فيروزه تحت التراب ياترى الناس هتفتكره بأيه كان زمانه ادفن ومشيوا وسابووه
وكان هيقابل **** بكل الذنوب دي ازاي
عاصي وقف مره واحده بعربيته في المقطم في مكانه اللي بيرتاح فيه وقرر انه يغير حياته بس المره دي لازم يحسبها صح
مره واحده بيبص لقي اذان الفجر بيأذن وبيسمع كلمه **** اكبر ..
حس ان **** بيديله فرصه تانية انه يعيد حساباته في الدنيا ويصلح كل اللي عمله زمان
------------------------( في نفس الوقت )-----------------------
غالب كان قلقان جدا علي بدور
الدكتور طلع من عندها
غالب : طمني يادكتور هي عامله اي
الدكتور : انا وقفتلها النزيف بس العضه اللي اتعضتها مكانتش سهله وباين انه كلب مسعور لازم تاخد حقنه يوميا عشان تكون كويسة
غالب : تمام يادكتور
الدكتور مشي من هنا وغالب لسه هيدخل لبدور بقي يخبط على الباب
غالب : بدور
بدور فتح الباب بيبص
غالب : بدور 😳😳
غالب بقي بيدور على بدور في الاوضة مالقهاش
طلع بسرعه سأل الممرضة
غالب : بدور فين .. بدور راحت فين
الممرضة : بدور مين يافندم
غالب : بدور اللي كانت في اوضه 307
الممرضه : هي مش في اوضتها
غالب : لاء طبعا اومال انا بسألك عليها ازاي .
الممرضة : لحظه واحدة هسأل الريسيبشن تحت
الممرضة رفعت السماعة وكلمت الريسيبشن
الممرضة : الحالة اللي في اوضة 307 مش موجوده في اوضتها
الريسيبشن :_____________
الممرضة : تمام
الممرضة قفلت السماعة وبصت لغالب
الحالة سابت المستشفي من خمس دقايق
غالب : ( بغضب ) انتي بتقولي ايه ؟
الممرضة : اللي سمعته .. لسه سايبه المستشفى حالا
غالب بسرعه جدا راح على الاسانسير عشان يلحق بدور راح لقاه مشغول بقى يدوس على الزراير بتوتر جدا
بس مكانش بيقف راح نزل على السلالم بسرعه جدا وطلع بره المستشفى وبقى يبص شمال ويمين يدور عليىبدور مالقهاش
غالب راح على العربية بسرعة
غالب : عبد الرحيم ماشوفتش بدور
عبد الرحيم : لا ياغالب بيه ما شوفتهاش .
غالب بقى يضرب على الكاوتشات بتاعت العربية برجليه الاتنين من كتر الغضب ولف وراح فتح باب العربية من ناحيه السواق وساق العربية ومشي
----(في نفس الوقت )-----
احسان وهي في الحمام وبتستحمى
احسان بتبص جنبها لاقت امواس باباها بيستخدمها عشان الحلاقه طلعت موس من الامواس دي ومسكته ومدت معصم ايديها وهي اليأس كان متملكها جداااا
ولسه هتحط الموس على معصم ايدها لاقت مامتها بتخبط عليها
ام احسان : ( وهي بتخبط على باب الحمام ) افتحي يا بنتي بقى بقالك كتيير جوه
احسان : ________________
ام احسان فيكي ايه مابترديش عليا ليه ؟
احسان : ______________
ام احسان : احسان انتي كويسه ؟
احسان: _______________
ام احسان : لو ما ردتيش عليا حالا هفتح الباب عليكي
احسان : ( ماسكه المووس وحطاه على معصم ايديها ودموعها نازله منها ) ____________
ام احسان : لااااا انا هفتح الباب بقى وانتي حره
ام احسان بتفتح الباب لاقيتها قافله عليها الباب من جوه
ام احسان : ( بقت بتخبط جامد جدا على الباب ) انا هخلي ابوكي يكسر الباب
ولسه هتمشي لاقت احسان فتحت الباب وهي لابسه البورنس بتاعها وشعرها كله مبلول
احسان : مافيش داعي تكسرى الباب انا فتحت
ام احسان : ( بخضه ) مالك يابنتي طمنيني عليكي حرام عليكي مش كده قلبي واجعني عليكي
احسان دخلت اوضتها ومامتها وراها وقعدت على سريرها
احسان : خوديني في حضنك يا امي خوديني في حضنك وبس ..
ام احسان : تعالي يابنتي .. تعالي في حضن امك
احسان اترمت في حضن امها وهي بتبكي وكان باين جدا ان قلبها كان موجوع جدا من اللي حصل
------------------------------( ( في نفس الوقت ))------------------
عاصي كان في المقطم ومره واحده سمع اذان الفجر
وحس ان **** بيديله فرصه تانيه عشان يكفر عن ذنوبه اللي عملها زمان وركب عربيته وراح الجامع ولسه هيدخل
الشيخ : بتعمل ايه يابني
عاصي : انا .. انا هدخل اصلي
الشيخ : وهو في حد يدخل بيت **** بالجزمه بتاعته
عاصي : انا .. انا
الشيخ : انت اول مره تدخل جامع
عاصي : ( شاور براسه فوق وتحت بمعني. ) ايوه
الشيخ : طيب اقلع جزمتك وادخل اتوضا وهتلاقيني مستنيك هنا
عاصي قلع جزمته ودخل الحمام ووطى على الحنفيه وبقى يشوف الناس اللي حواليه بتتوضى ازاي وبقى بيتوضى زيهم
وابتدى يغسل ايديه من ددمم فيروزه ويمسح على وشه بالمايه زي ما يكون بالوضوء ده بيغسل ذنوبه كلها طلع بره
وسمع الشيخ بيقيم الصلاه ووقف ورا الشيخ وبقى بيصلي معاهم وهو بيركع بقى بيحاول يتكلم مع **** بس مش عارف يقول ايه ولا ايه كان في قلبه كلام كتير عايز يقوله
واخيرا الشيخ خلص الصلاه وعاصي قعد وسند ضهره على عمود من عمدان الجامع والشيخ كان لسه هيطلع من الجامع راح رجع في كلامه ووقف قدام عاصي وبصله
الشيخ : سيبها على **** يابني .. وكله هيتحل توكل على الذي لا يغفل ولا ينام
عاصي : تفتكر الندم ممكن يفيد ياشيخنا
الشيخ : ( بتنهيده قعد وربع قدام عاصي ) الندم اول علامات التوبه انك تندم على اللي كنت بتعمله زمان دي اول خطوه لبدايه التوبه يابني
عاصي : وتفتكر التوبه تنفع للي زيي
الشيخ : التوبه تنفع لكل الناس طول ما احنا عايشين والنفس خارج مننا
عاصي : ( بص في الارض ) انا كلي معاصي ياشيخنا .. انا عاصيت **** كتيييير حتى اسمي له نصيب من المعاصي اللي عملتها
الشيخ : ليه انت اسمك ايه ؟
عاصي : عاصي
الشيخ : (ابتسم .. ابتسامه خفيفه ) اسمك حلو ياعاصي وعشان كده عايزك تعرف ان **** عارف اللي جوه قلبك دلوقتي ايه .. قرب من ربك وكل ذنوبك هتتمحي
ده هو الغفار... الرحمن... الرحيم
الشيخ طبطب علي كتف عاصي وسابه ومشي وهو ماشي
الشيخ : اتمنى اشوفك هنا تاني
عاصي سند راسه على العمود ورجع راسه لورا وغمض عنيه واول ما غمض عينه جه في خياله فيروزه وهي بتتقتل قدامه
دمعه نزلت من عنيه وهو مغمض عيونه من كتر التعب وقتها ماحسش بنفسه وراح في النوم ونام
------------------------------------------
بدور رجعت لبنات الشارع اللي جت منه وأول ما شافوها مابقووش مصدقين
عفاف : معقوله بدور كنتي فين المده دي كلها
سهام : لااااا .. وشك ولا وش القمر يابت
تغريد : وش القمر ايه انتوا مش شايفينها عامله ازاي
مالك يابدور ومال رجلك واي الدم اللي مالي جسمك ده
بدور : ( مدت ايدها لتغريد ) اسنديني ياتغريد عشان مش قادره اقف
تغريد : تعالي .. تعالي اقعدي هنا
بدور قعدت جنب تغريد
سهام : ايه ده انتي رايحه فين.. بقي بعد ما تسبينا الشهور دي كلها راجعالنا وانتي بمنظرك ده انتي مابتفتكرناش غير في القرف بس
بدور : ( ضمت حواجبها ) تقصدي ايه انا مش فاهمه حاجه ؟
سهام : استعبطي يابت استعبطي ابراهيم حكالنا علي كل حاجه وقالنا انك بقيتي مع بيه كبير اوي وكمان معاه عربيه تقوليش مرسيدس الا قوليلي يابت يابدور عرفتيه منين ده
بدور : ( اتنهدت وسكتت )
تغريد : يوووه ما تسبيها في حالها بقي انتي مالك بيها انتي مش شيفاهه عامله ازاي
سهام : طيب اسمعي ياروح امك بقي لو عايزه ترجعي تقعدي معانا في الخرابه هنا من بكره هترجعي تقفي في اشاره المرور احنا هنا مش فاتحنها سبيل ياعنيا
بدور : ماتقلقيش عارفه ده كويس
تغريد : قومي .. قومي معايا يابدور تعالي اتشطفي وغيري هدومك دي ..( بدور قامت مع تغريد وبقت تغريد تسندها )
تغريد: انا لسه جايبه حته فستان من واحدة كانت واحدة بتشحتهم حلو اوي مايغلاش عليكي
تغريد وبدور مشيوا وادوا ضهرهم لعفاف وسهام
سهام : ( وهي حاطه ايدها علي دقنها ورافعه حاجبها ) البت دي وراها حاجه كبيره .. بكره اعرف ايه هي
عفاف : هيكون وراها ايه يعني تلاقي بيه من البهوات بتاعت اشاره المرور اخدها واخد منها اللي هو عايزه ولما زهق منها رماها
سهام : ( غمزت بعنيها ) تؤ.. بدور ماتفرطش في نفسها بسهوله كده .. اكيد حاجه تاني هي اللي خليتها جايه ومتشلفطه ( متبهدله ) كده
تغريد : اقلعي .. اقلعي هدومك يابدور
بدور بقت تقلع هدومها وتغريد بقت تجيب المايه من الجردل وتغسل جسم بدور من الدم اللي عليه وعلي شعرها
ومره واحده بدور ماقدرتش تتحمل اكتر من كده وانهارت من العياط
تغريد : ( سابت الكوز اللي في ايديها بسرعه ) مالك .. مالك ياحبيبتي .. بدور اترمت في حضن تغريد وبقت تعيط وبس
تغريد : طيب اهدي .. اهدي ماتحكيش حاجه .. باين عليكي شايله ومعبيه عيطي .. عيطي يمكن وقتها ترتاحي
----------------------( في نفس الوقت )------------------------------
عاصي كان نايم بيبص لقي المؤذن بيأذن لأذان الضهر قام مخضوض بسرعه وبص حواليه وافتكر انه نام في الجامع
قام بسرعه واخد الچاكيت بتاعه وطلع بره الجامع ورجع الڤيلا
اول ما دخل فتح الباب ورمي المفاتيح علي الكرسي
وكان غالب مستنيه
غالب : عاصي كنت فين كل ده
عاصي : ليه
غالب : هو ايه اللي ليه .. انا كنت قلقان عليك
عاصي : اقلق علي نفسك ماتقلقش عليا
غالب : بعد اللي حصل كان لازم اقلق عليك
عاصي : انا كويس
عاصي جه يطلع علي السلم
غالب : بدور مش لاقيها ..
عاصي : ( بتنهيده ) والمطلوب
غالب : انت بتتكلم جد .. البت دي كانت هتموت نفسها علشانا احنا الاتنين .. عملت حاجات ماكنتش اتوقع انها تعملها
عاصي : فيروزه ماتت علشاني وانا مستحقش ده ..
غالب : بس بدور لسه عايشه .. بدور مش زي اي حد ياعاصي
عاصي حط ايده علي طرابزين السلم وادا ضهره لغالب وبقي بيطلع السلم وهو بيقول
عاصي : ولا فيروزه كانت زي حد
غالب : ( بقي بيعلي صوته وعاصي بيبعد عنه) بس احنا لازم نلاقي العايشه.. الميته ادفنت تحت التراب
عاصي : الميته ادفنت ودفنت روحي معاها
عاصي دخل اوضته ورزع الباب وراه
غالب من عصبيته لقي فاظه قدامه راح رماها بكل ما فيه
غالب : يوووووووووووه
------------------------------
تغريد : مش ناويه تحكيلي بقي ايه اللي حصل معاكي يابدور
بدور : انا مش قادره اتكلم حاسه اني وانا بتكلم روحي هاتروح مني
تغريد : اوعي تكوني حبيتي واللي حبتيه هو اللي عمل فيكي كده
بدور : ( بضحكه سخريه ) وهما اللي زينا ينفع يحبوا
تغريد : ومانحبش ليه هو اللي زينا ماعندهمش قلب ولا ايه
بدور : لاء عندنا .. بس مافيش حد ممكن يحبنا ويبادلنا نفس المشاعر ياتغريد
تغريد : طيب قوليلي بقي حصل معاكي ايه والجرح اللي في رجلك ده من ايه
بدور : هحكيلك ياتغريد هحكيلك علي كل حاجه
بدور حكت كل حاجه لتغريد من لحظه ما شافت احسان لحد اللي حصل لفيروزه
تغريد : ( ضربت علي صدرها بايديها من الخضه والخوف ) يانهار ابيض وماتت 😳😳
بدور : ايوه ودفناها كمان
تغريد : وبعدين ايه اللي حصل
بدور : كل واحد فينا راح لطريق ورجع لحياته وانا كمان رجعت للشارع اللي جيت منه
تغريد : اسمعيني يابدور احنا صحيح مالناش اهل يسالوا علينا وتربيه ملاجئ بس احنا احسن من الناس دي بكتيىر
غالب وعاصي دوول شر ماشي علي رجلين تعالي يابنت الناس نرجع لحياتنا وحاولي تكملي في اللي نفسك فيه وكملي في المدرسه زي ما بتحلمي
انتي فاضلك سنه واحده وتخلصيها واهي المدارس خلاص كلها كام يوم وتفتح بدور ارجعي يابنتي وبصي لنفسك ومستقبلك
بدور : ( بكل يأس ) مستقبل هو اللي زينا ليهم مستقبل
تغريد : ( بكل يأس ) على رأيك انتي عندك حق
سهام : ( بشخيط ) ماتناموا بقي صدعتوا راسنا عندنا بكره الصبح شغل بدرى .. فاكره شغلنا ياست بدور ولا نستيه
بدور : فكراااااه .. مانستهووش
تاني يوم بدور رجعت تاني في اشارات المرور وتنزل تاني الشارع وغالب كان كل يوم بيدور علي بدور ومش عارف يوصلها وعاصي حابس نفسه في اوضته ما بيطلعش
واحسان مش راضيه تروح شغلها ولا تطلع من بيتها الايام عدت علي كل واحد فيهم وكأنها سنين
غالب دايما كان بيحاول يخبط على عاصي علشان يطلعه من اوضته
غالب : افتح بقي ياعاصي فات 10 ايام على اللي حصل ارجوك افتح الباب
عاصي : ماحدش يدخل مش عايز اشوف حد
غالب : محتاج الاقي بدور ومش هلاقيها غير بمساعدتك
عاصي : معرفش عنها حاجة .. معرفلهاش عنوان معرفش
غالب بص في الارض واليأس اتملكه
لحد ما في يوم
------------------------------------------------
عاصي قعد في اوضته كالعاده وهو قاعد بيبص لقي عبد الرحيم بيخبط عليه
عبد الرحيم : عاصي بيه
عاصي : في ايه
عبد الرحيم : في شيخ تحت وبيقول انه عايزك
عاصي استغرب ..
عاصي : شيخ .. شيخ مين .
عاصي نزل تحت لقاه الشيخ اللي قابله في الجامع
عاصي : ( باستغراب ) انت .. انت
الشيخ : انا عارف انت تلاقيك بتقول عرف عنواني منين
عاصي : ايوه فعلا
الشيخ : انا لاقيت المحفظه بتاعتك في الجامع وفيها مبلغ مالي كبير استنيتك تيجي تاخدها بالايام وانت ما جيتش لحد ما قررت انا اللي اجيلك واديهالك بنفسي
وشوفت من البطاقه العنوان بتاعك
عاصي : ( بابتسامه وهو بياخد المحفظه من ايد الشيخ ) ياااااه انا قاعد في اوضتي طول الفتره اللي فاتت دي وما اخدتش بالي اصلا انها ضايعه
الشيخ : للدرجه دي .. دي فيها فيزا كارد وفلوس وبطاقه ازاي ما اخدتش بالك
عاصي : الهم اللي شايله فوق كتافي مخليني حتى ناسي نفسي
الشيخ : وناسي تحلق دقنك كمان
عاصي : ( حط ايده علي دقنه وبص وراه في المرايه ) فعلا دقني طولت
الشيخ : وتفتكر انك تطول دقنك وتحبس نفسك في اوضتك ده هيحللك مشاكلك
عاصي: وتفتكر ايه اللي هيحللي مشاكلي
الشيخ بص حواليه وشاف النعم الكتير اللي **** مديها لعاصي
الشيخ : انت في نعمه محدش يحلم بيها ..قرب من **** .. واتصدق على الغلابه وحقق حلمهم .. اتبرع للمستشفيات .. غير حياه ناس كتير للاحسن
في ناس بتضيع كل يوم خليك انت سبب في حياتهم تبقي احسن .. كتييير بيتمنى يبقى عنده ربع اللي عندك ولما تعمل اللي بقولك عليه
هتلاقي **** شرح قلبك وزال همك وخفف ذنوبك واهم حاجه ماتنساش الصلاه
عاصي وقتها ( سرح ) وافتكر بدور وانه بأيديه يكفر عن ذنوبه فيها
الشيخ : انا ماشي يابني مش عايز مني حاجة
عاصي : على فين
الشيخ : على بيت **** ..
عاصي : استنى هوصلك
الشيخ : زي ما جيت هاروح
عاصي : اسمك ايه
الشيخ : لما تجيني تاني هقولك
الشيخ ساب عاصي ومشي
وعاصي بقي يفكر في بدور زي ما يكون كلام الشيخ فوقه من اللي كان فيه مووت فيروزه كان صعب عليه قعد على المرجيحه اللي في الجنينه وبقى يفكر بالساعات في اللي حصل
غالب جه وقعد جنبه
غالب : اخيرا طلعت من اوضتك
عاصي : احسان
غالب: مش فاهم مالها احسان
عاصي : احسان هي اللي تعرف مكان بدور فين
غالب : بس انا مش معايا عنوان احسان ولا اعرف حتي بتشتغل فين وحاولت اتصل بيها كتييير تليفونها مقفول
عاصي : انا عارف بيتها فين تعالي معايا
غالب : ايه اللي غير رأيك كده
عاصي : هتيجي ولا ارجع في كلامي
غالب: لا لا انا جاي
عاصي ركب العربيه وغالب ركب جنبه وراحوا لاحسان بيتها
ام احسان : ( بتفتح الباب ) عاصي بيه
عاصي : احسان فين ياحجه
ام احسان : جوه ياعاصي بيه من ساعه ما جت من عندك اخر مره وهي حابسه نفسها في اوضتها
عاصي : طيب ممكن ادخلها
ام احسان بصت كده يمين وشمال وهي مش عارفه ترد عليه تقوله ايه
ام احسان : طيب .. طيب بلاش تدخل علشان مافيش راجل في البيت انا هندهالك ماتزعلش مني يابني احنا بلد ارياف
عاصي : حصل خير احنا مستنيها
ام احسان ندهت على احسان
ام احسان : عارفه مين بره يا احسان
احسان :___________
ام احسان : ده عاصي .. عاصي يا احسان بره
احسان : عاصي 😳
احسان طلعت بسرعه
احسان : اهلا .. اهلا اتفضلوا .. ادخل ياعاصي بيه اتفضل ياغالب
عاصي : تعرفي تلبسي وتيجي معانا
غالب : بس بسرعه يا احسان
احسان : ليه هو في حاجه حصلت
عاصي : هحكيلك كل حاجه في الطريق
احسان : عاصي بيه انا ..
عاصي : انا مسامحك يا احسان .. مسامحك علي اي حاجه عملتيها معايا
احسان : ( بفرحه ) انت بتتكلم بجد
عاصي : اكيد ودلوقتي لازم نلاقي بدور انتي اكيد عارفه مكانها
احسان : ( بلهفه ) انا اعرف الاشاره اللي بتقف فيها دايما
غالب : طيب يلا بسرعه مستنيه ايه
احسان دخلت لبست بسرعه وركبت معاهم العربية
احسان : انا متشكره اوي انك سامحتني ياعاصي بيه
واتمني كمان بدور تسامحني على اللي حصل مني ليها
غالب : ادينا هانروحلها وانا متأكد انها هتسامحك
احسان : ايوه الاشاره اللي بتقف فيها بدور اهيه
غالب : ايه اللي اللمه اللي هناك دي
احسان : ايه عربيه البوكس دي
غالب : ( بيشاور بصباعه ) مش دي بدور اللي واخدنها في عربية البوكس اللي هناك دي
احسان : يانهار اسود دي هي
يتبع...















الجزء الثاني

احسان : ايوه الاشاره اللي بتقف فيها بدور اهيه
غالب : ايه اللي اللمه اللي هناك دي
احسان : ايه عربيه البوكس دي
غالب : ( بيشاور بصباعه ) مش دي بدور اللي واخدنها في عربيه البوكس اللي هناك دي
احسان : يانهار اسود دي هي 😳😳
عاصي : خليكم انتوا هنا انا هنزل اشوف واخدنها ليه ؟
عاصي نزل من العربيه ولسه هيقرب منها البوكس اتحرك وبدور كانت راكبه من ورا شافت عاصي وهو جاي عليها
بدور : ( باستغراب ) عاصي 😳
غالب شاف عربيه البوكس بتتحرك ركب مكان عاصي بسرعه وساق العربيه وراح لعاصي ..
عاصي فتح باب العربيه وركب بسرعه جنب غالب
عاصي : خليك ماشي ورا البوكس بسرعه ياغالب
غالب بقي ماشي ورا البوكس عشان يشوفهم رايحين قسم ايه
بدور بقت تحاول تشوفهم وهي في البوكس لاقيتهم ماشيين وراها بالعربيه
تغريد : ايه بتبصي علي ايه ؟
بدور : أيه .. لا لا ابدا ولا حاجة
سهام : اومال مالك مش على بعضك ليه يعني هى اول مره نركب عربيه البوكس ولا خلاص العيشة مع الاكابر نسيتك عيشتنا
بدور: ( بزهق ) ماطلعيني من دماغك بقى
غالب : ( وهو ماشي ورا بدور بالعربية ) ياترى عملت ايه؟
احسان : اكيد تحري أو .. أو
عاصي : او ايه ..
احسان : يعني .. اقصد .. انت عارف اللي حصل في الايام اللي فاتت دي
عاصي : تقصدي انهم عرفوا اللي حصل في المصنع
احسان : ممكن ليه لاء انتوا ناسيين ان هاله كانت حاطه كاميرات في كل حته
غالب : وماقبضووش علينا احنا كمان ليه ؟
عاصي : الكاميرات كلها اتفرغت في وقتها .. والفيديوهات اللي فيها بتثبت برائتنا مش ادانتنا
هو اكيد تحري .. انا متأكد
البوكس وصل القسم ووقف قدامه وبدور نزلت من البوكس وهي بتبص وراها وبتدور عليهم بعنيها
غالب وقف العربية بسرعة ونزل منها هو وعاصي واحسان
عاصي راح لبدور بسرعة
وقف قدام بدور ووشه في وشها
عاصي : ماسكينك في ايه ؟
بدور : وانت مالك ؟
احسان : ( بعتاب ) بدور انتي بتقولي ايه ؟
بدور : بقول وهو ماله هو اصلا ايه اللي جايبه هنا ؟
امين الشرطة : يلا يا اختي انتي وهي خلصونا
بدور : ( بصت لامين الشرطة ) ياريت كلنا نخلص بقى
عاصي نفخ وحط ايده على وشه بزهق
عاصي : اللهم طولك ياروح
غالب : اهدى شوية ياعاصي
غالب : ( بص لأمين الشرطة ) هي ممسوكه في ايه ؟
امين الشرطه : تحري وكل شويه نلم منهم شوية ( بص لبدور وصحابها ) يلا قدامي
عاصي بص لغالب راح غالب شاور براسه كده من فوق لتحت لغالب راح فهم هو عاوز ايه
( غالب اخد أمين الشرطة على جنب )
عاصي بص لبدور ومسكها من دراعها جامد وبقى يشدها وراه واخدها على جنب
عاصي : انتي ازاي تتكلمي معايا بالطريقه دي انتي اتجننتي
بدور زقت ايدين عاصي وبعدت خطوه ورا
بدور : سيب ايدي وماتشدنيش وراك انا مش حماره عشان تشدني وراك كده
عاصي : انا الحق عليا اني جاي انتشلك من القرف اللي انتي فيه
بدور : ومين قالك اني عايزه واحد زيك ينتشلني من القرف ده وبعدين القرف اللي مش عاجبك ده اهون الف مره من انك ترجع تاني بكل سهولة
ويبقى ليك فضل عليا الحاجة اللي تيجي منك انا مش عايزاها
احسان كانت واقفه بعيد وبتسمع اللي بيحصل ما بين عاصي وبدور
عاصي عصبي جدا
عاصي : ( بعصبيه وهو دايس على سنانه ) انتي ازاي واحده زيك تتكلم معايا بالطريقه دي
بدور : اللي زيي مابقيتش عايزه اللي زيك خلاص علشان كده مابقاش يهمني لا غضبك ولا عصبيتك ولا حتى بقيت اخاف منك
عاصي : ( بصوت عالي ) لاااااا انتي زودتيها اوي
عاصي من كتر عصبيته كان عايز يولع في بدور حرفيا
رفع ايده ولسه هيمد ايده عليها
احسان ندهت على غالب
احسان : غاااااااالب
غالب راح بسرعة وقف ما بين عاصي وبدور
غالب : عاصي نزل ايدك انت بتعمل ايه ؟
احسان راحت لبدور
احسان : بدور اهدي شويه مش كده
بدور : انا مش عايزه اشوف الاتنين دوول تاني خالص
غالب : بدور انتي بتقولي ايه
بدور بصت لغالب وسابته ومشيت وراحت لأمين الشرطة
بدور : هو انتوا مش هتحبسونا زي كل مره لحد ما يبانلنا صاحب ولا ايه
أمين الشرطة بص للفلوس اللي في ايده اللي ادهاله غالب
أمين الشرطة : لااااا ما انتي خلاص ماجتيش في البوكس معانا
سهام بصت لبدور والغيظ واكلها
سهام : يابنت المحظوظة
امين الشرطه : يلا يابت انتي وهي قدامي
امين الشرطه اخد بقيت البنات ودخل القسم
تغريد : ( بصت وراها لبدور ) بدور ماتسبنيش
بدور : ( مشيت خطوه قدام وهي بتزق في رجليها من عضه الكلب )
تغريد : ماتقلقيش هطلعك من هنا
بدور بصت لاحسان
بدور : ياريت تضمنيها يا احسان .. تغريد كويسه اوي
غالب : انا هضمنها ماتقلقيش
بدور : لاااااء انا قولت احسان ولو يا احسان مش عايزه تضمنيها خلاص براحتك
احسان : اكيد هضمنها بس عندي شرط
بدور : اي هو
احسان : انا هدخل اضمنها وانتي استنيني في عربيه عاصي لحد ما اضمنها
بدور : لاء مش هركب العربية دي تاني
احسان : خلاص يبقي خللي صاحبتك في الحبس لو عايزه
بدور فكرت شوية
بدور : ماشي بس اول ما تطلع همشي
عاصي : ( بعصبيه ) انا مستني في العربية
عاصي سابهم وراح عربيته
واحساان دخلت هي وغالب علشان يضمنوا تغريد
بدور : ( بقت تبص علي العربيه وعاصي فيها ومحتاره تدخل ولا لاء
( بلعت ريقها وهي بتبص لجرحها اللي في رجليها )
الجرح اللي في رجليها كان حرفيا ملتهب مكانتش مهتمه بجرحها والمفروض انها تغير عليه كل يوم وتاخد حقنه يوميا
وبعد تفكير اخيرا دخلت وركبت العربية وقعدت من ورا وهي بتقفل الباب راحت رزعته جامد
عاصي : بالراحه شويه على الباب
بدور : ( لفت وشها يمين وبصت على الشباك وماردتش على عاصي )
عاصي : مش سواق الهانم انا عشان تقعدي ورا
بدور : __________________
عاصي : ( بقي يحاول يخلي بدور تتكلم بأي طريقه عايز يقولها انا عارف اني غلطت وبحاول اصلح غلطي معاكي عايز يعرفها انه بيحاول يتغير
ولسه هيتكلم قال عكس اللي جواه حرفيا وكمان بطريقه بارده ومستفزه للاسف
عاصي : ( بغضب ) ايه اللي جابك مش قولتي انك مش هتركبي العربيه تاني
عاصي ( ضم حواجبه وبقي يقول في نفسه ) ايه اللي انا قولته ده
ولسه هيتكلم عشان يصلح اللي قاله
بدور : ( ردت بسرعه ) علشان صحبتي جوه وانا وعدت احسان اني هركب العربية علشان تدخل تجيبها
ولو مش عاجبك انا ممكن اخرج منها عادي
عاصي : ( هز كتفه ) لااا عادي خليكي .. ( ومره واحده قال ) بس ماتنطقيش كلمه تاني الا لما تبقي قدها
بدور : ( بعصبيه ) تصدق عندك حق انا مكانش ينفع اركب العربية وخصوصا معاك وان ش**** تغريد ما طلعت اصلا
بدور طلعت من العربية ورزعت الباب وراها
عاصي : ( ضرب بايديه علي جبينه ) انا ايه اللي قولته ده .. ( بيكلم نفسه ) انت مابتعرفش حاجه ياعاصي عن جبران الخاطر ابدا ..
عاصي نزل وراها عشان يصلح اللي قاله
عاصي : بدور .. بدور استني
بدور كانت بتمد برجليها بالعافيه ولان رجليها مجروحه كانت بتتحرك عليها بالعافيه من غير ما تاخد بالها كان في بلاطه متشاله قدامها رجليها اتكعبلت وكانت هتقع
عاصي لحقها و مسكها من دراعها ولفها لي .
قرب بدور من عاصي بيخليها تتوتر و تتنفس بسرعه جدا لدرجه ان جسمها كله بيترعش كان في نظره طويله حلوه اوي ما بينهم وهي باصه في عنيه
لحد ما مره واحده فاقت لنفسها وبقت بصوت واطي وبصت في الارض وهي بتحرك راسها شمال ويمين حاجه بسيطه
بدور : عايز ايه .. عايز مني ايه ياعاصي
عاصي : انا عايز اقولك .. ( بلع ريقه ) عايز اقول ان
بدور : ( رفعت وشها وبصت لعاصي في عنيه مره تانيه ) بدور : انك ايه ؟
عاصي لسه هينطق
احسان وغالب جم ومعاهم تغريد
غالب : مالكم واقفين كده ليه ؟
عاصي ساب بدور .. وبدور اتنهدت ورجعت خطوه لورا وبعدت عن عاصي
تغريد : انا متشكره اوي يابدور
بدور : تعالي .. تعالي علشان اسند عليكي
احسان بصت لجرح بدور
احسان : جرحك متلوث يابدور لازم تغيري عليه يا اما كده هتفضلي عارجه طول عمرك
بدور : ( ضحكه بسخريه ) يلا علشان الناس تتعاطف معايا وانا بشحت في الاشاره
غالب : بدور ايه اللي بتقوليه ده
بدور : بقول اللي بيحصل ياغالب بيه هي مش دي الحقيقه
غالب : ( قرب من بدور ) اسمعيني يابدور انا قررت انا وعاصي انك تبقي واحدة مننا
بدور : ( باستغراب ) وده من ايه ان شاء **** ... وليه ؟
ده انتوا كنتوا لسه من كام يوم بس هتموتوني .. مكانش في قلوبكم شويه رحمه ليا .. محدش فكر فيكم يوقف اللعبه القذره اللي كنتوا بتعملوها
وانا الكللابب بتجرى ورايا وكانت بتنهش في لحمي .. افرضوا مكنتش قدرت عليهم وقتها كنت زماني ميته ياغالب بيه
احسان : بدور استني .. احنا كلنا غلطنا وكلنا بنحاول نصلح اللي عملناه
بدور : أه .. وقولتوا تكفروا عن سيئاتكم في الغلبانه اللي زيي وتشفقوا عليا .. لا شكرا ( بصت لعاصي وأكنها بتوجهلوا الكلام لي )
وفروا شفقتكم لغيري ممكن يصدقوا في يوم ان عندكم رحمه لكن انا .. انا عارفه الوش الحقيقي لكل واحد فيكم كويس اوي
عاصي : يعني هو انتي اللي كنتي ملاك ما انتي كمان دخلتي علينا بالكذب وكنتي متفقه مع احسان علي كل حاجه
بلاش تعيشي دور مش دورك يابدور
بدور : أنا اه اتفقت مع احسان اني ادخلها حياتكم .. بس من لحظه ما دخلت حياتك وعرفتك ياعاصي معملتش حاجه تأذيك بالعكس انا ساعدتك كتير
اذا كان مره من غالب او فيروزه انا حتي حميتك من نفسك وكان عندي استعداد اموت نفسي عشان .. ( بصت لغالب )
عشان تعيشوا بس انتوا مكانش عندكم رحمه بيا في يوم
عاصي اتنهد وداس علي سنانه من الغيظ
بدور : ( مدت ايدها لتغريد عشان تسندها ) يلا ياتغريد
بدور لسه بتديهم ضهرها
القماشه اللي محطوطه علي جرحها اتفكت وبقت تنزل ددمم
احسان : ( راحت لبدور ) استني علشان خاطرى هغيرلك علي الجرح وبعدها امشي علي طول
بدور : ( باستهزاء ) من امتي الحنيه دي يادكتوره احسان .. سبحان **** هو كان لازم حد فينا يموت علشان تبقي بني ادمه
احسان : مالووش لازمه الكلام ده دلوقتي يابدور
بدور : عندك حق انا مابقاش حاجه ليها لازمه خلاص .. انا ماشيه
بدور سندت علي تغريد ومشيت وادتهم ضهرها وبعدت عنهم خطوات قدام
عاصي بص علي رجليها لقي الدم بينزل منها والجرح ملتهب جدا
داس علي سنانه وبكل عصبيه مشي وراها
غالب : عاصي هتعمل ايه ياعاصي ع
عاصي ماردش علي غالب وراح لبدور من غير ولا كلمه راح شالها ورفعها ما بين ايديه
بدور : ( وعاصي شايلها ) عاصي انت اتجننت انت بتعمل ايه
نزلني .. بقولك نزلني احسن و**** العظيم اصوت واللم عليك الناس
غالب : ( ابتسم وهو شايف عاصي شايل بدور )
عاصي حط بدور في العربيه في الكرسي اللي قدام
بدور بقت عايزه تنزل من العربيه راح عاصي دخل جسمه وبقي بيحطلها حزام الامان بدور بقت تضربه بأيديها في صدره
بدور : ( بغضب ) نزلني حالا بقولك ..
عاصي بقي بيقفل حزام الامان لبدور
بدور : ( بكل عند ) انت يعني فاكر اني مش هعرف افكه
عاصي راح برء بعنيه لبدور ومبقاش يتكلم وهو وشه في وشها ومبقاش يتكلم
بدور اول ما شافته كده خافت منه وجابت ورا
بدور : طيب .. طيب خلاص خلاص مش هفكه 🥺
عاصي لف الناحيه التانيه وركب العربيه مكان السواق
وغالب وتغريد واحسان ركبوا ورا
تغريد : احنا رايحين فين
عاصي بصلها في المرايه وكان علي اخره حرفيا
بدور شاورتلها علي شفايفها بأنها تسكت خالص وبقت فاهمه ان كده خلاص عاصي جاب الاخر ولو اتكلمت كلمه تانيه ممكن يموتها فيها
عاصي مره واحدة فرمل ووقف قدام المستشفى اللي بتشتغل فيها احسان ونزل شال بدور ونزلوا كلهم
احسان : عاصي وديها الطوارئ انا جيالها حالا
بدور قعدت علي السرير واحسان كانت بتجيب الادوات الطبية بتاعتها وهي بتشيلها الشاش اللي عليها لانه بقاله مده فكان متبهدل حرفيا وكان لازق في الجرح
بدور : أه .. أه مش قادره
بدور كانت بتتوجع من الألم
غالب قام ومسك ايدها وبدور سندت راسها على صدره
عاصي شافهم كده اتنهد وطلع بره الاوضه طلع سيجارته وولعها وبقي ينفخ فيها
بيبص لقى تغريد واقفه مستنياهم بره
تغريد : تعرف انك بالظبط زي ما بدور وصفتك ليا
عاصي نفخ الدخان بتاع سيجارته في وش تغريد وقعد علي كرسي جنب تغريد
عاصي : ( بلع ريقه وضم حواجبه وبقي عاوز يعرف بدور قالت ايه عنه بس غروره ماخلهووش يسأل السؤال ده )
عاصي : ( بكل برود ) بجد
تغريد : اه بجد
عاصي بص قدامه
تغريد : مش عايز حتي تعرف هي قالت عنك ايه
عاصي : مايهمنيش اعرف ..
تغريد ابتسمت وبصيتله اكتر وبقت تترجاه
تغريد : خللي بالك علي بدور يابيه .. بدور مش زينا مكانش ليها عيشتنا دي كان ليها اب وام زمان وكانت بنت ناس اوي بس الزمن جه عليها بزياده ..
ماتخلهاش ترجع الشارع تاني مهما حصل انا همشي بقي وهسيبها معاك أمانه
عاصي : رايحه فين
تغريد : ( قامت وقفت ) رايحه للمكان اللي ماليش غيره واتولدت فيه
انا عارفه وواثقه انك مش هترجعها تاني للشارع عشان كده بوصيك عليها
عاصي : ايوه بس لو بدور سألت عنك
تغريد : هي عارفه اني مش هفضل معاها .. وهي ماينفعش تاخدني معاها
سلام ياعاصي بيه
عاصي كان لسه قاعد علي الكرسي ومره واحده سمع صوت بدور وهي بتتوجع من الالم
بدور : كانت ماسكه ايد غالب ومغمضه عنيها
أه .. أه بالراحه ونبي يا احسان بالراحه مش قادره
احسان : معلش يابدور الشاش للاسف ماسك في الجرح جامد وانا بحاول اطلعه من رجلك هحطلك بنج موضعي عشان ماتحسيش بي
عاصي قرب من بدور
عاصي بص لايد غالب اللي حاضنه ايد بدور
عاصي : ( بعصبيه ) غالب انا عايزك بره
غالب : طيب انا جاي
غالب طلع بره
غالب : في ايه ياعاصي
عاصي مبقاش لاقي حاجه يقولها لغالب
عاصي : ممممم لا ابدا انا .. انا بس كنت ..كنت .
غالب : كنت ايه ياعاصي في ايه
عاصي افتكر حوار تغريد
عاصي : اه .. اصل البنت اللي اسمها تغريد دي مشيت وماردتش تفضل معانا
غالب : طيب وبعدين اكيد بدور هتضايق انك سيبتها تمشي
عاصي : تضايق بقي ولا ما تضايقش مش مهم
غالب : متشكر ياعاصي
عاصي : علي ايه
غالب : علي انك عرفت تجيب بدور المستشفي انا بصراحه معملش الحركه دي
عاصي : حركه ايه
غالب : يعني اني اشيلها غصب عنها واجيبها عشان تتعالج
عاصي: ( كان واقف قدام الباب وراح بص عليها وابتسم ) سيبك منها دي هبله وماتعرفش مصلحتها فين
احسان : بس ياستي كده خلصنا خلاص والحقنه لازم تاخديها في ميعادها يابدور ماتنسيش
عاصي : خلاص خلصتي
احسان : اه كده تمام اوي بس اهم حاجه تخليها تاخد الادويه اللي هكتبلك عليها ياعاصي
احسان مدت ايدها بتدي الروشته لعاصي
راح غالب مسك الروشته منها وقطعها
احسان : قطعت الروشته ليه ؟
غالب : علشان انتي هتبقي معاها وهتابعيها لحد ما تبقي كويسه
بدور : أيوه بس انا مش هاروح ( ولسه هتكمل )
عاصي : ما تخرسي بقي شويه
اسمعي يابنت الناس انا حاسس بالذنب باللي عملته معاكي برضاكي غصب عنك هتتعالجي من رجلك انا وغالب السبب في اللي حصلك علشان كده هنعالجك
وهنصبر عليكي وبعد ما تتعالجي انتي حره ليكي مطلق الحريه انك ترجعي مطرح ما جيتي
عاصي كان بيبص لبدور بنظره غضب .. وبدور كمان كانت بصاله وبالرغم من انها كانت خلاص الدموع بتلمع في عنيها من عصبيه عاصي عليها كل شوية
الا انها اتمالكت نفسها ومعيطتش
غالب شاف كده
غالب : طيب ..انا .. انا رايح اجيب الكرسي العجل
غالب جاب الكرسي العجل وقعد بدور عليه
وعاصي طلع علشان يجيب العربية
احسان مشيت وراحت لعاصي ووقفته
احسان : عاصي لو مش حابب اني اروح معاكم انا ممكن
عاصي : ( قطعها في الكلام ) انا لو مكنتش عايزك تيجي معانا مكنتش هسمحلك تيجي يااحسان
احسان : متأكد
عاصي : اكيد
احسان : طيب انا هجيب حاجتي وهاجي وراكم
غالب وهو ماشي ببدور وبيزق الكرسي العجل
غالب : ماتزعليش من عاصي يابدور .. عاصي بيحاول يتغير بس اديله فرصة
------------------------------------------------
واخيرا رجعوا الڤيلا
احسان بتقعد بدور على السرير
احسان : ارتاحي يابدور ..
بدور : انتي بجد هتبقي كويسه معايا كده علي طول يا احسان
احسان : اكيد .. وبجد نفسي تسامحيني علي اي حاجه حصلت مني وتفتحي قلبك للدنيا من اول وجديد ممكن يابدور
بدور : ياريت اصدق ان اللي بيحصل معايا ده بجد
احسان : ( قامت وبتقفل الستاير بتاعت الاوضه ) مش غريبه انك ما تسأليش عن تغريد صحبتك
بدور : (هزت راسها شمال ويمين ) لاء مش غريبه انا كنت عارفه ومتأكده انها مش هتيجي معايا .. وهي كمان عارفه اني عارفه كده
احسان : طيب ليه ده المفروض تكون فرحانه انها هتعيش في مكان احسن
بدور : تغريد دي حكايتها حكايه هبقي احكيهالك بعدين
احسان : طيب نامي دلوقتي والصباح رباح اتفقنا
احسان نامت جنب بدور وبدور بقت طول الليل تتقلب شمال ويمين مش عارفه تنام حرفيا اخر ما زهقت بقت تتسند علي الحيطه ونزلت تحت في الجنينه عشان تشم شويه هوا
وقعدت علي المرجيحة وهي بتبص على السما وكانت سرحانه جدا بتبص لاقت اللي جه من وراها وخضها
بدور من الخضه صوتت
بدور : ااااااااه
غالب : ايه .. بالراحه يابنتي ايه الصويت ده كله
بدور خدت نفس وحطت ايدها علي صدرها من الخضة
بدور : غالب خضتني
غالب : انتي اللي كنتي سرحانة بزياده ..كنتي سرحانة في ايه ( غالب قعد جنب بدور )
بدور: ولا حاجة
غالب : وليه مانمتيش لحد دلوقتي
بدور : مجاليش نوم قولت اجي اقعد في الهوا شويه
غالب : انا حاسس انك مش مرتاحه وانتي هنا يابدور بس انا عايز اقولك حاجة
غالب : عاصي كان عنده حق يابدور في اللي قاله .. احنا غلطنا معاكي .. وافتكر اني بقيت ادور عليكي الايام اللي فاتت دي علشان فعلا حاسس بالذنب ناحيتك
خلينا نعالجك وتبقي احسن من الاول ممكن وقتها ارتاح.
انا من ساعة اللي حصل في المصنع وانا مش بنام يا بدور ولو لسه حاسه انك بعد ما تبقي كويسه انك عايزه تبعدي اكيد محدش هيغصبك علي حاجة ..
انا عايزك ترتاحي مش اكتر وعلي فكره في مفاجئة انا ناوي اعملها معاكي لو قررتي تقعدي معانا هنا علي طول
بدور : ايه هي المفاجئة دي
غالب : وتفتكرى هتبقي مفاجئة لو قولتهالك
بدور وغالب فضلوا يتكلموا سوا طول الليل وعاصي كان في اوضته وبقي يسمع صوت ضحك بدور
طلع من بلكونته لقاها قاعده هي وغالب على المرجيحه وبدور كانت مبسوطة اوي مع غالب وضحكتها كانت من قلبها بجد عاصي بص كده ومره واحده حس انه
مضايق بقي يبص عليهم من البلكونة وبقي ينفخ في سيجارته وهو مخنوق جاب الكاس وبقي يشرب كاس ورا التاني لحد ما من كتر ما بيضغط بأيده علي الكاس ..
الكاس اتكسر في ايده ووقع منه عمل صوت بدور وغالب بصوا وراهم وشافوه
بدور : عاصي 🥺😳
عاصي اخد نفس ودخل جوه في اوضته
غالب : ( قام وقف وبص لبدور ) خليكي انتي هنا يابدور انا هطلع اشوف في ايه؟
بدور : استناني هطلع معاك
غالب : لااا خليكي انتي علي بال ما تقومي وتطلعي فيها ساعه
غالب طلع لعاصي وبقي يخبط علي باب أوضته
غالب : عاصي .. عاصي انت كويس
عاصي : ___________
غالب : عاصي افتح الباب
عاصي فتح الباب بأيديه المتعوره وبتنزل ددمم وبقت اوكرة الباب عليها دمه
غالب : عاصي ايه اللي اتكسر ده .. ( بص لأيده ) ايدك .. ايدك ياعاصي خللي بالك
غالب بسرعه راح ناحيه الكومود وفتح الدرج وبقي يجيب شاش وقطن عشان يضمد جرح عاصي
غالب : هات ايدك ياعاصي ( ولسه هيمسك ايد عاصي )
عاصي : سيب ايدي
غالب: اسيب ايدك يعني ايه .. ايدك كلها ددمم
عاصي : ( كان شارب وزق غالب لورا ) قولتلك سيب ايدي انت ايه مابتفهمش
بدور وقتها سمعت زعيق عاصي من تحت استغربت وقامت وقفت وبقت بتبص علي البلكونه بتاعتهم من تحت
غالب : ( بصوت عالي ) عاصي انت بتزقني هو في ايه ؟
بدور سمعت صوت غالب هو كمان بيزعق
راحت بقت تتسند برجليها وبقت تطلع علي السلالم واحده واحده وطلعت اوضه عاصي
ولاقت الباب مفتوح ( موارب كده ) وقفت ورا الباب وبقت تسمع عاصي وغالب بيقولوا ايه
عاصي : ( بزعيق ونرفزه ) بقي مش عارف في ايه ؟
غالب : ما تتكلم ياعاصي هي فزوره ما تنطق
عاصي : ( بكل غيظ ) قاعد تحت وعمال تضحك مع السنيوره وصوتك جايب لحد هنا عندي
غالب : ( استغرب ) : طيب وايه المشكله انت ايه اللي مضايقك اني قاعد انا وبدور وبضحك يعني
عاصي : ( بلع ريقه واتوتر وراح جاب كاس تاني وبقي يملاه من الازازه رفع الكاس وشربه علي بوق واحد )
عاصي : انت .. انت ناسي ان فيروزه لسه ميته .. و.. و..
غالب : وايه ياعاصي ماتنطق
عاصي : وماينفعش .. ماينفعش ابدا اللي انتوا بتعملوه ده
غالب : عاصي انت مش لاقي حاجه تقولها ولا ايه ..
عاصي : ( بكل غيظ ) من الاخر كده انا مش عايزك تقرب من البت دي مره تانيه دي بنت شوارع وانت ابن ناس يعني هي من طبقه وانت من طبقه تانيه خالص
وبعدين البت دي قاعده هنا لسبب معين وانت عارفه كويس فبلاش الضحك والمرقعه دي طول الليل انت فاهم ولا لاء
غالب : ( بلوم وعتاب ) هو ده تفكيرك انت لسه ماتغيرتش ياعاصي حتي بعد مووت فيروزه
بدور كانت بتسمع كلام عاصي ودموعها نازله منها بس حطت ايدها على بوقها عشان ماتعملش صوت ويسمعوها وبالأيد التانيه مسحت دموعها
عاصي : اتغيرت بقي ولا ماتغيرتش دي حاجه بتاعتي انا عمك واكبر منك واللي اقولك عليه تعمله انت فاهم .
غالب : انا هعمل اللي انا عايزه وشايفه صح لحد ما في يوم تتغير من جواك بجد انا حاسس ان اليوم ده هييجي .. وهييجي قريب اوي كمان
عاصي وقتها مسك الازازه وحطها على بوقه حرفيا وكان شارب قبلها وسكران طينه
غالب جه يطلع عاصي رمى الازازه وراه
غالب رزع الباب وراه
بدور بسرعه جت تتحرك عشان غالب مايشوفهاش بس من جرحها كانت بتمشي بتعرج فغالب شافها علي طول
غالب : بدور .. انتي هنا من امتى
بدور : ( بلعت ريقها وبقت متوتره ) انا .. انا.. ماقصدش اني اتجسس عليكم و**** بس
( مره واحده بدور وغالب سمعوا صوت حاجه بتتهبد جوه )
بدور : اي الهبد ده
غالب خاف علي عاصي وفتح الباب مره تانيه بسرعه لقى عاصي واقع من كتر الشرب على الارض وايده مليانه ددمم من جرح الكاس
بدور دخلت
غالب حاول يقوم عاصي من مكانه ويرفعه على دراعه بس عاصي تقيل جدا
بدور : في ايه ماله
غالب : مش عارف بس باين انه شارب كتير ومزودها اوي
ارفعي معايا يابدور
بدور راحت من الناحيه التانيه لعاصي وبقت ترفعه مع غالب من دراعه ورفعوه هما الاتنين سوا وحطوه علي السرير
بدور بصت على ايد عاصي لاقيتها كلها ددمم
بدور : هو ايه ده .. مال ايده
غالب : انا هجيب قطنه وشاش وانضفهاله دلوقتي
غالب جاب القطن والشاش وبدور قعدت علي طرف السرير جنب عاصي ومدت ايدها عشان تاخد القطن والشاش من غالب
بدور : هات ياغالب انا هنضفهاله
غالب اداها الحاجه وبدور مسكت ايد عاصي وطلعتله الازازاه اللي كانت في ايديه بالراحه جدا
وبصت لغالب
بدور : ممكن شويه مايه
غالب : اه طبعا
غالب جاب ازازه مايه ووقف قدام بدور
وقعد نص قاعده قدامها وبقي ماسك شفشأ المايه وبدور بقت تحط القطنه في المايه وتمسح ايد عاصي من الدم
غالب : وهو باصص لبدور ابتسم
غالب : انتي ازاي كده
بدور : رمت القطنه في الزباله واخدت قطنه تانيه
بدور : ( بعدم فهم ) ازاي ايه ؟
غالب : ازاي قاعده وبتنصفيله جرحه رغم انك سمعتي اللي قاله عنك
بدور : ( ابتسمت ) وحطت ايد عاصي على رجلها وشاورت علي المرهم اللي علي الكومود
بدور : ( حاولت تتجاهل كلام عاصي وماتردش ) ممكن المرهم اللي جنبك ده
غالب جابلها المرهم .. وهو بيديها المرهم
غالب : ماجاوبتنيش يعني
بدور : ( بتنهيده وهي بتمد ايدها بتاخد المرهم ) علشان اللي زيي اتعودوا يسمعوا اوحش من كده بكتييييير ياغالب بيه ومافيش قدامهم غير انهم يسكتوا وبس ..
تفتكر انا كان ينفع اتكلم وارد عليه ..
غالب : اكيد طبعا ينفع مش غلط فيكي
بدور : ( ضحكه ضحكه سخريه وحطت المرهم علي جرح عاصي ) المشكله انه مغلطش .. المشكله انه قال الحقيقه
انا فعلا بنت شوارع .. ايه الغلط اللي قاله كل كلمه قالها عني صح وده اللي ماقدرش اتكلم فيه كلمه واحده
غالب بدور صعبت عليه جدا
غالب : ايوه بس
بدور : من غير بس .. ( بكل يأس ) من غير بس ياغالب بيه
بدور : ( نزلت ايد عاصي من علي رجلها ) انا كده خلصت
بدور قامت وقفت
بدور : تصبح علي خير ياغالب بيه
ادت ضهرها لغالب ولسه هتمشي
غالب : انا هقدملك في المدرسه يابدور
بدور : ( بصت تاني لغالب ) انت بتقول ايه
غالب : اللي سمعتيه .. هقدملك في المدرسه اللي وعدتك بيها ومش أي مدرسه هوديكي مدرسه خاصه بيتعلم فيها انضف ناس في المجتمع كله
بدور : هههههه بطل هزار ممكن ( ادته ضهرها ومشيت )
غالب : انا مابهزرش انا بتكلم جد
بدور : كلامك الجد ده في حد ذاته هزار قال انا اتعلم في مدرسه خاصه في وسط ناس نضيفه ده في حد ذاته هزار
بدور قفلت الباب ومشيت ودخلت اوضتها لاقت احسان نايمه وقتها
بدور : احسان .. احسان ادخلي شويه
احسان : ( صحيت وفتحت عنيها بالعافيه ) انتي لسه صاحيه يابدور
بدور : انا هنام اهوه
غالب وقتها كان لسه في اوضه عاصي
وطي وبص لعاصي وهو نايم وبقي يكلمه
غالب : انا مش هسمحلك تأذي البت دي تاني ياعاصي
-----------------------( تاني يوم الصبح )--------------------------
احسان فاقت وفتحت الستاير بتاعت الاوضه ونور الشمس ملى الاوضه
بدور : (وهي حاطه ايديها علي وشها من الشمس ) اي ده اقفلي الستاير يا احسان لسه بدرى
احسان : قومي ياكسلانه .. بقيت الساعه عشره
بدور : هقوم اعمل ايه بس دلوقتي
احسان : غالب صاحي من بدرى وفي المطبخ بيعمل الفطار يلا قومي عشان نساعده
بدور حطت المخده علي وشها مره تانيه
احسان : لو ماقومتيش هقول لعاصي انك مش راضيه تقومي
بدور سمعت كلمه عاصي من هنا قامت بسرعه جدا ووقفت ومن خوفها نسيت وجع رجليها
واول ماوقفت
بدور : أه رجلي
احسان : ( بقت تضحك ) للدرجه دي بتخافي منه
بدور : يعنب انتي اللي مابتخافيش
احسان : مابقيتش اخاف يابدور .. مابقيتش اخاف غير من اللي خلقني وبس
بدور : اتغيرتي يا احسان
احسان : اتمني اني اكون اتغيرت فعلا
احسان : ويلا بقي بسرعه عشان نساعد الغلبان اللي في المطبخ ده عشان اديكي الحقنه وتاخدي الدوا واروح علي شغلي
بدور واحسان نزلوا تحت
بدور : ايه ريحه الشياط دي
غالب كان لابس مريله المطبخ وحاطط علي راسه الطقيه بتاعت الشيف
غالب : لااااا شياط ايه .. انتي لسه شوفتي حاجه ده انا هعملكم عجه تاكلوا صوابعكم وراها
احسان : لا لا بجد انا شامه ريحه شياط
احسان بسرعه شالت الغطا والطاسه كلها بقت تطلع دخان
غالب بسرعه مسك الطاسه وشالها من علي النار وحطها تحت الحنفيه
بدور واحسان بصولوا كده وهما متنحين
غالب : انا حاولت
احسان : طالما مابتعرفش تعمل اكل دخلت المطبخ ليه
اقعد بقى واتعلم
غالب : تحت امرك ياباشا
عاصي صحي من النوم وهو شامم ريحه الدخان
عاصي : اي الريحه دي
احسان : ده غالب كان هيولع فينا مش اكتر
عاصي : حصل ايه
بدور : محصلش عشر دقايق ويكون الفطار جاهز
عاصي : لاء انا مش هفطر
طلع سيجاره من جيبه وولعها وهو مكشر .. ودخل المطبخ وبقي يدور علي الكنكه علشان يعمل فيها قهوه
غالب محمود اتصل بيه من المكتب
غالب : الووو
محمود : ___________
غالب : طيب .. طيب انا جاي حالا
غالب : انا لازم امشي
عاصي : في حاجه
غالب : حاجه بسيطه .. ماتشغلش بالك
عاصي : طيب هشرب القهوه واجي وراك
احسان بصت في ساعتها
احسان : انا اتأخرت اوي علي المستشفي غالب ينفع تاخدني في سكتك تطلعني علي الشارع
غالب : اه طبعا تعالي
احسان مشيت هي وغالب وبقت بدور واقفه في المطبخ وبقت واقفه متوتره وكل شويه تبص لعاصي
عاصي كان واقف بيعمل القهوه بتاعته
وحطها في الفنجان
ولسه بيلف علشان يخرج من المطبخ بدور كانت في وشه راحت القهوه اتكبت في الارض
بدور : انا .. انا اسفه و**** ماكانش قصدي
دقيقه واحده هعملك غيرها
عاصي : لاء مش عايز ..
بدور : ( بتوتر وهي بتلم القهوه اللي وقعت علي الارض ) اديني دقيقه واحده مش اكتر ده انا هعملها في ثو ( ولسه بتكمل كلامها )
عاصي : ( ضرب ايدها لفوق وهي ماسكه الكوبايه راحت الكوبايه وقعت منها اتكسرت وقلها بصوت عالي وهو غضبان )
عاصي : قولتلك مش عايز انتي ايه مابتفهميش
بدور : ( اتخضت جدا وخافت ورجعت خطوه لورا وهي قعدت في الارض ودموعها نزلت منها )
عاصي : ( بيبص لقي الازاز بتاع الكوبايه اللي كانت في ايد بدور في الارض وبدور سانده علي الازاز )
عاصي : ( بص كده اتنفس واتنهد ) قومي يابدور ..
بدور كانت باصه في الارض وبتعيط
عاصي : قومي يابدور هتتجرحي من الازاز
بدور : بدور جسمها كله كان بيترعش وبصه في الارض ونفسها طالع نازل
عاصي وطي وبقي قاعد قدامها نص قاعده .
رفع ايده وكان عايز يطبطب عليها ويلمس شعرها وخلاص كان لسه هيلمسها حاجه منعته من انه يقربلها
داس علي شفايفه واتنهد ومسكها من دراعها وقومها بالعافيه
عاصي : انا مش بقول قومي
بدور قامت من علي الارض وعاصي طلعها بره وقعدها علي كرسي السفره
وجابلها كوبايه مايه
عاصي : ( وهو مادد ايده ) اشربي
بدور : مش .. مش عايزه
عاصي : بقولك اشربي
بدور اتفزعت ومدت ايدها واخدت منه كوبايه المايه
عاصي : انا .. انا مش .. مش عارف انا قايم عصبي النهارده مالها مكانش قصدي اصرخ فيكي كده
بدور : _____________
عاصي : قعد علي ركبه قدام بدور وبدور بصه في الارض وشعرها كله جاي على وشها راح عاصي مد ايده .. ورفع شعرها على ورا ورفع وشها بأيديه
بدور انا عصبي شويه ممكن تحمليني
بدور : بصيتله وعنيها جت في عنيه وهزت راسها هزه خفيفه من فوق لتحت بمعني أه هتحملك
_____________________________________
احسان نزلت من عربيه غالب
احسان : متشكره اوي ياغالب
غالب : علي ايه لو عايزاني اجي اخدك اتصلي بيا
احسان : تمام اتفقنا
غالب مشي بالعربيه واحسان افتكرت
ضربت بأيديها علي جبينها
احسان : أأأخ .. نسيت ادي الحقنه لبدور المفروض معاد الحقنه دلوقتي
احسان اتصلت بعاصي
عاصي كان لسه قاعد مع بدور
عاصي : الووو ايوه يااحسان
احسان : _____________
عاصي : اه بعرف ادي حقن بس ليه
احسان : ( بص لبدور وقام وقف واداها ضهره ) حقنه ايه يا احسان اللي اديهالها انتي اتجننتي
احسان : __________________
عاصي : اغيرلها علي الجرح ماشي .. تاخد دواها بس مش لدرجه اني اديها حقنه يا احسان
احسان : __________________
عاصي : لايمكن طبعا قال اديها حقنه قال
احسان :____________________
عاصي : ( بص للفون ) انتي بتقفلي السكه في وشي انا يا احسان
عاصي لف ضهره وبص لبدور
بدور : ( قامت من علي الكرسي وهي بترجع خطوه لورا ) هو اللي انا سمعته ده صح
عاصي : ( شاور براسه وهو بيبتسم ) اقلعي 😈😈
بدور : ----------------------------
يتبع...
















الجزء الثالث

عاصي لف ضهره وبص لبدور
بدور : ( قامت من علي الكرسي وهي بترجع خطوه لورا ) هو اللي انا سمعته ده صح
عاصي : ( شاور براسه وهو بيبتسم ) اقلعي 😈😈
بدور وقفت وبقت تدوس علي رجلها اكتر وترجع خطوات لورا وهي بتبصله
بدور : عاصي ..عاصي انت بتبصلي كده ليه
عاصي كان كاتم الضحكه جواه بالعافيه
بدور : عاصي انت اكيد ما بتتكلمش جد .. صح ياعاصي قول انت اكيد بتهزر
عاصي بقي يبص علي بدور وكان نفسه يضحك علي شكلها بس كان بيكتم ضحكته وبصلها بصه خبيثه
عاصي : ( رفع حاجبه ) وانا من امتي بهزر يابدور
بدور : لاااا ما انا اكيد مش هخليك تديني حقنه اكيد احسان اتجننت عاصي لف وشه وجاب العلاج بتاعها وبقي يحط العلاج في السرنجه
عاصي بصلها وهو رافع السرنجه في ايده
عاصي : ( بصوت عالي ) انتي لسه ماقلعتيش
بدور : لاااااا ما انا لا يمكن اخليك تديني الحقنه
بدور بسرعه طلعت اوضتها وقفلت عليها الباب بالمفتاح
عاصي بقي يخبط علي الباب ..
عاصي : افتحي الباب يابدور .. ( وهو بيخبط قلها بخبث ) بقووووولك افتحي
بدور : __________
عاصي : بدور افتحي الباب يا اما هكسره ..
بدور : لاء مش هفتح
عاصي : يوووه انا مش فاضي للدلع بتاعك ده .. انتي هتاخدي الحقنه ولا لاء
بدور : قولت لاء مش هاخدها .
عاصي : ( عاصي كان حابب جدا نظره العصيان اللي في عيون بدور وخوفها من انه يديها الحقنه وهو ورا الباب ) ما هو انتي هتاخديها يعني هتاخديها انتي فاهمه ولا لاء
قدامك دقيقه واحده لو مافتحتيش هكسر الباب
بدور بلعت ريقها وبقت واقفه وبصه علي الباب ومستنيه تشوف عاصي هيعمل ايه
عاصي : الدقيقه عدت انتي اللي جنيتي علي نفسك
عاصي برجله ضرب الباب مره واحده راح الباب اتفتح بيبص مالقاش بدور في الاوضه
ابتسم اكتر بصوت وهز راسه شمال ويمين وهو مبتسم من خوف بدور انها تاخد الحقنه منه
صوت بدور ونفسها طالع نازل منها من الخوف من عاصي عشان مايدهاش الحقنه كان مسموع اوي عاصي بص شمال عرف انها جوه الدولاب مره واحده الدولاب
اتفتح بدور غمضت عنيها جاامد اوي ولاقيت اللي مسك ايدها وطلعها من الدولاب
احسان : ( باستغراب ) انتي بتعملي ايه هنا يابدور 😳😳
بدور : احسان 😳😳
-------------------------------( في نفس الوقت )----------------------
غالب راح الشركه دخل مكتبه واول حاجه عملها كلم محمود
غالب: محمود
محمود : تحت امرك ياغالب بيه
غالب : عايزك تدورلي علي مدارس ثانوي تكون انترناشيونال عايز احسن وأغلى مدرسة في القاهرة
محمود : ( باستغراب ) مش فاهم هو حضرتك تقصد ايه بالظبط
غالب : اقصد اللي سمعته يلا ماتضيعش وقت
هي المدارس قدامها قد ايه وتبدأ
محمود : اقل من اسبوع ياغالب بيه
غالب : يااااه اسبوع بس
محمود : ايوه
غالب : طيب عايز اسامي المدارس علي مكتبي في خلال ساعة واحدة
محمود : حاضر يافندم
غالب : ( بيكلم نفسه) ان شاء **** هحاول اعوضك عن اللي شوفتيه في حياتك يابدور
غالب اخد الفون من جنبه واتصل بعاصي
عاصي وقتها كان في اوضته قدام مرايته بيلبس قميصه
وبيزرر زراير القميص بيبص لقي الفون بيرن
عاصي : ايوه ياغالب
غالب : ______________
عاصي : ( رفع ايده وبص في ساعته ) انا خلاص قدامي نص ساعة واكون عندك مش هتأخر
غالب : _______________
عاصي : اكيد عارف ان الاجتماع النهارده قولتلك مش هتأخر
غالب : ________________
عاصي : تمام .. تمام يلا سلام اشوفك هناك
عاصي قفل الفون مع غالب
وكمل لبسه
شد الچاكيت بتاع البدله وهو نازل رفع الجاكيت وبقي يلبسه بيبص لقي الباب موارب بتاع اوضه احسان وبدور وبقي يسمع بدور وهي بتقول
بدور : بس انتي ازاي جيتي هنا تاني يا احسان هو انتي مكنتيش مشيتي
احسان : لاء مشيت وافتكرت انك ما اخدتيش الحقنه
كلمت عاصي ولما رفض عرفت انه مش هيديكي الحقنه قفلت الفون بسرعه حتى وهو بيتكلم واخدت تاكسي وجيت بسرعه عشان اديكي الحقنة
بدور : ( وهي حاطه ايدها علي قلبها ) الحمد**** انك جيتي اصل انا كنت خايفه اوي لا عاصي هو اللي يديني الحقنة
احسان : انا رجعت لاقيته بيكسر باب الاوضة هو ايه اللي حصل
بدور : كان عايز يديني الحقنة بالعافية وانا مكنتش راضية 🥺🥺
احسان : ( وهي بتضحك ) ياعبيطه اكيد كان بيهزر معاكي اكيد مش هيديكي الحقنه وهو عارف اني جايه اديهالك
بدور : بتتكلمي بجد 😳😳
احسان : ايوه بجد هو لما قالي انا لايمكن اديها الحقنة قولتله خلاص انا جايه اديهالها هو تلاقيه بيهزر معاكي مش اكتر
بدور : هزار رخم اوي وهو مابيعرفش يهزر زي الناس العاديه ابدا
عاصي كان واقف ورا الباب وهو بيسمع بدور ابتسم وقال في نفسه
عاصي : ( بيقول في نفسه ) كنت زمان يابدور .. كنت زمان بضحك واهزر زيي زي اي حد بس دلوقتي نسيت شكل الضحك ازاي
احسان : طيب يلا بقي .. يلا عشان انت اتأخرت اوي
خليني اديكي الحقنه عشان ارجع المستشفي بسرعه
ارفعي هدومك
بدور لسه بترفع هدومها عاصي بقي يتكلم بصوت عالي وهو ماشي
عاصي : اديها الحقنه يا احسان وانا مستنيكي تحت عشان اوصلك
بدور بسرعه نزلت هدومها وبصت وراها 😳😳
----------------------( في نفس الوقت)--------------------------
محمود : جيبت لحضرتك اسامي مدارس انترناشونال كويسه جدا
غالب : حط الملف هنا
محمود حط الملف علي المكتب
محمود : تؤمرني بحاجه تاني يافندم
غالب : تفتكر مدرسة انترناشونال تستقبل بنت تعليمها عادي عربي
محمود : و**** يافندم اللي اعرفه انك لو اتبرعت للمدرسه او اديت المدير شيك علي بياض هيتغاضي عن اي حاجه وهيقبلها المدارس اللي زي دي بتبقي تجاره اهم حاجه الدفع عندهم
غالب : انت عندك حق طيب انا هديك بيانات لبنت اسمها بدور عايزك تخلصلها ورقها كله وقدملها في احسن مدرسه لسنه تدخل تالته ثانوي علي طول
محمود : اللي تشوفه ياغالب بيه
غالب : انا معتمد في الحكايه دي عليك يامحمود
محمود : اعتبرها خلصت ياغالب بيه
-----------------------------------------
احسان ادت لبدور الحقنه
عاصي كان بيزمر تحت بعربيته لاحسان
احسان : انا نازله بقي يابدور مش عايزه حاجه
بدور : معقول خلصتي
احسان : ايه ايدي خفيفه
بدور : جداا انا ماحسيتش بيها
احسان : تسلميلي .. انا هنزل بقي لا عاصي يتعصب عليا وانتي عارفه عاصي وعصبيته
بدور : انتي هتقوليلي عارفاها طبعا
احسان جت تمشي
بدور ندهت عليها
بدور : احسان هتيجي امتي ..
احسان : يعني علي بالليل ٩ او عشره بالكتير
بدور : تحبي تاكلي حاجه معينه علي العشا
احسان : ( بصت لبدور بابتسامه ) اللي ييجي منك ياقمر انا هاكله
احسان ادت. ضهرها لبدور ومشيت
عاصي : ( وهو قاعد في العربيه بيتكلم بعصبيه ) ساعه علي ما تنزلي
احسان : ( بلعت ريقها ) لو .. لو حابب تمشي امشي وانا هاروح المستشفي لوحدي
عاصي : (ضرب بايديه علي الدركسيون ) لا و****
احسان : ( اتخضت واتفزعت )
عاصي : يعني انا استناكي كل ده وفي الاخر تقوليلي لو عايز تمشي امشي
احسان : انا .. ( بتوتر ) انا .. انا ماقصدش انا اقصد ( قطع كلامها )
عاصي : ولا تقصدي مايهمنيش
احسان بصت قدامها وماتكلمتش
عاصي دور العربيه ومشي
واحسان كل شويه تبصله بتوتر وتلف وشها بسرعه مره تانيه
عاصي : عايزه تقولي حاجه
احسان : لا لاء .. مش عايزه
عاصي : شايف انك اتغيرتي في معاملتك لبدور
احسان : شايفه ان كلنا بنتغير مش انا بس
عاصي : انا عارف اني عصبي زياده عن اللزوم
احسان : ( ابتسمت ) معلش واحده واحده هتبطل عصبيتك ان شاء **** بس انت حاول مش اكتر
عاصي : تفتكرى ينفع
احسان : اللي بيبقي عايز حاجه بيعملها .. بس المهم ان يبقي عندك اراده وتحاول تغير اسلوبك مش اكتر
عاصي : ( اتنهد بعصبيه ) ليه اسلوبي مش عاجب حضرتك
احسان : لا لا لا انا ماقصدش اكيد عاجبني
عاصي : ( بص قدامه في وش احسان ودي كانت اول مره يبصلها في وشها والشمس كانت جايه علي عنيها بيبص لقي لون عنيها عسلي فاتح مع اشعه الشمس كانت عنيها لونها تحفه )
عاصي : تعرفي اني اول مره اخد بالي من لون عيونك انتي لون عيونك عسلي فاتح
احسان : ( بتوتر ورجعت شعرها لورا ) اه .. اه ع.. عسلي
عاصي : الا قوليلي يادكتوره انتي عندك كام سنه
احسان : 29 سنة
عاصي وقف قدام المستشفي بتاعت احسان
احسان : انا متشكره اوي يااستاذ عاصي
عاصي : تحبي اخللي السواق يفوت عليكي وانتي مروحه
احسان : لا ابدا مافيش داعي انا هخلص واركب تاكسي علي طول
عاصي: علي راحتك
عاصي داس بنزين مره واحده ومشي وراح الشركه
واحسان اتنهدت وهي بتبتسم وغمضت عنيها ومبسوطه اوي ان عاصي اول مره يتكلم معاها بطريقه حلوه هي المره دي ودخلت وهي مبسوطه جدا
دكتوره اميره ( صاحبه احسان ): اي مالك
احسان : ( وهي مبتسمه ) : في ايه مالي
دكتوره اميره : شايفه الفرحه هتنط من عنيكي حصل ايه
مخليكي مبسوطه كده .
احسان : ( بفرحه ) ايه ده بجد باين عليا
الدكتوره اميره : جداااااااا
احسان سرحت شويه مع نفسها
دكتوره اميره : اييييه نحن هنا روحتي فين
احسان : ( ( فاقت من سرحانها ) لا لا ابدا مافيش تعالي .. تعالي عندنا عمليه النهارده خلينا نركز فيها
---------------------(في الشركة)-----------------------------
عاصي راح لغالب الشركه
غالب كان قاعد علي مكتبه واول ما شاف عاصي داخل عليه قام ووقف
غالب : اتأخرت كده ليه
عاصي : مافيش كنت بوصل احسان
غالب : احسان انا مش كنت لسه موصلها
عاصي : حوار كبير هبقي احكيهولك بعدين
غالب غمز لعاصي بعنيه
غالب : طب ايه
عاصي : ( ابتسم وزق غالب بأيديه بهزار ) طيب ايه .. ايه
غالب : احسان .. ( غمزله مره تانيه بعنيه ) اخبارها ايه
عاصي : لا لا لا مافيش الكلام ده
غالب : ممممم ماشي ياعم
عاصي : ماتخلينا في شغلنا بقي الاجتماع قدامه ايه
غالب : هما جوه ومستنيينك
عاصي : طيب يلا بينا
-------------------------( في نفس الوقت )------------------------
بدور كانت في الڤيلا وكانت بتعمل العشا عشان لما كلهم ييجوا يلاقوا العشا جاهز
وبقت تفتح اليوتيوب كل شويه وبقت تنفذ اللي موجود بالظبط واخيرا خلصت بتبص لاقت الساعه داخله علي تسعه بالليل
قلعت المريله وطلعت الديك الرومي من الفرن
وحطيته علي السفره وحطت شمع علي السفره وحضرت اربع اطباق علي السفره وبقت مستنياهم ييجوا واول واحد فتح الباب كان غالب
ولقي بدور عامله الاكل ومجهزه السفره
بدور : اتأخرتوا كده ليه
غالب : ايه الاكل اللي انتي عملاه ده كله ده شكله حلو
عاصي دخل ورا غالب راح غالب بص وراه وبقي بيكلم عاصي
غالب : ايه رايك في الاكل ياعاصي مش شكله حلو
عاصي : ( بص للاكل بنظره سريعه ) اه ..
بدور : اه .. تقصد ايه بأه
عاصي : اقصد انه مش بطال
غالب جه يمد ايده علي الاكل
بدور : استني احسان هي زمانها جايه
احسان جت من وراهم
احسان : انا جيت اهوه
بدور : ( بابتسامه ) اتأخرتي اوي
احسان : حقك عليا بس العمليه بتاعت النهارده كانت صعبه اوي
عاصي : ( بص لاحسان) وعملتي ايه ؟
احسان : ( بصت لعاصي ) انا .. الحمد**** .. العمليه نجحت والطفله هتبقي زي الفل
عاصي ابتسملها
عاصي : طيب مش يلا بقي عشان ناكل
احسان : اه .. اه يلا
غالب بص لاحسان وهي بتبص لعاصي وابتسم
بدور وقتها اتضايقت ودخلت المطبخ
غالب : مش يلا بقي يابدور عايزين ناكل بتعملي ايه في المطبخ
بدور : ( خدت نفس ) انا .. انا جايه ( بدور طلعت من المطبخ وكان معاها اطباق ) انا كنت بجيب الاطباق
احسان : اطباق ايه يابنتي ما الاطباق معايا اهيه
بدور : ( ضمت حواجبها كده وهي مش مصدقه انها نسيت انها حاطه الاطباق علي السفره )
بدور : اه .. اه انا اسفه الظاهر اني نسيت
بدور قعدت علي السفره وبقت تقطع من الديك الرومي وتدي لكل واحد في طبقه وماديتش عاصي
احسان : انتي نسيتي تدي عاصي يابدور
بدور : اه .. اه اسفه نسيت
عاصي بص كده لاحسان
عاصي : وانا مش محتاج حد يديني يا احسان انا عندي ايدين ( عاصي بص لبدور بغيظ )
بدور : لا لا ثانيه واحده بدور وقفت جنب عاصي وبقت تقطعله في طبقه وبعدها قربت منه اوي وهو قاعد وبصيتله وعاصي كمان بصلها كانت نظره حلوه اوي منه لبدور
بدور قعدت مكانها وبقوا كلهم ياكلوا وبيتكلموا كل واحد حصل ايه في يومه ما عادا عاصي اللي ما اتكلمش ولا كلمه
بدور كانت قاعده في وش عاصي واخيرا بصتله وقالت
بدور : وانت ياعاصي عملت ايه في يومك
عاصي : ( بصلها وسكت )
بدور : ( بلعت ريقها واتحرجت وكملت اكل )
غالب حاول يدارى علي كسفه بدور لما عاصي ماردش عليها
غالب : تعرفي يابدور انا عملت ايه النهارده
بدور : عملت ايه
غالب : قدمتلك في المدرسه
عاصي : ( بعصبيه ) مدرسه 😡😡
غالب : ( بص لعاصي)
غاالب : ايوه مدرسه ياعاصي مالك اتعصبت كده ليه ؟
عاصي : ( رمي المعلقه اللي كان ماسكها في ايده علي السفره وهو متوتر ) لا .. لا ابدا ( ودي وشه شمال ناحيه احسان ) وايه يعني اللي هيخليني اتعصب
غالب : مش عارف حاسس انك اتعصبت كده مره واحده بدون سبب
عاصي: مافيش كل الحكايه انك اتصرفت من دماغك مش اكتر
غالب : انا شايف ان الموضوع مايهمكش عشان اقولك لا انا ولا انت لينا رأي فيه بدور بس هي اللي هيبقي ليها رأي في الموضوع ده ( غالب بص لبدور ) ولا ايه يابدور ..
بدور : ( بصت لعاصي وهي شايفه في عيون عاصي الرفض ) انا .. انا
بدور كانت حاطه ايدها علي السفره راحت احسان حطت ايديها علي ايدين بدور وطبطبت علي ايديها
احسان ( بكل لطف ) : ماتتوتريش يابدور قولي اللي جواكي انتي مش بتقولي انك امتحنتي سنه تانيه وطلعتي من الملجأ ومعرفتيش تكملي سنه تالته ونفسك تكمليها
بدور : ( بابتسامه وهي بتبص لاحسان ) ايوه نفسي جدا .
احسان : طيب ايه المشكله بقي
بدور رفعت راسها وبصت لعاصي
عاصي بصلها وقام بنرفزه
غالب : كمل اكلك ياعاصي انت ما اكلتش
عاصي : ( مسح ايده في الفوطه الصغيره ورماها علي السفره ) انا خلاص اكلت
عاصي مشي ودخل علي اوضه المكتب بتاعته
عاصي بقي بيكلم نفسه
عاصي : ( بيكلم نفسه ) طيب وانت ايه اللي مضايقك ياعاصي ان بدور تدخل المدرسه ما تدخل وانت مالك
( لف وشه وبص ناحيه الشباك واتنهد ) اوعي تكون مضايق ان غالب هو اللي قدملها مش انت .. ( رجع كلم نفسه ) لا لا لا وانا هضايق من حاجه زي دي ليه وانا مالي
بص لنفسه في المرايه اللي قدامه وهو بيقول لنفسه
لا تكون اتضايقت ان ممكن لما غالب يحقق لبدور حلم عمرها بأنها تكمل تعلمها تحبه وياخد مكان في قلبها وخصوصا انه بيعاملها كويس وانت لاء
قام وقف وهو مضايق من نفسه
عاصي : ( وهو متنرفز ) طيب ما تحبه ولا حتي يحبها انت مالك .. اوعي تفكر في بدور في يوم انت اتجننت دي قد عيالك بص لشعرك اللي شاب دي طفله لسه ماتمتش ال ١٨ سنه
لا لا لا اكيد لاء اكيد انت اتضايقت بس علشان لو بدور هتدخل المدرسه معني كده انها هتقعد معانا لحد ما تخلص تعليمها مش هتمشي لما رجليها تخف
ونخلص منها ايوه كده انت صح اكيد انت اتضايقت عشان كده مش اكتر ما هو مش ممكن يكون حاجه غير كده
غالب وهو علي السفره بيكلم بدور
غالب : ماتضايقيش نفسك يابدور هو عاصي كده مابيعرفش يعبر عن اللي جواه مش اكتر بس هو غير كده خالص و****
بدور : ( ابتسمت ) انت ليه بتحسسني اني معرفهووش ياغالب
احسان : طيب ايه هترجعي المدرسه خلاص
بدور : ياريت طبعا ده حلم عمرى و****
غالب : وحلم عمرك هيتحقق خلاص وهتكملي تعليمك انا هسحب ورقك من المدرسه اللي كنتي فيها وانتي في الملجأ وهقدملك ورقك في مدرسه تليق بيكي
وحاولي تركزي في مذاكرتك وبس وانا واثق انك هتحققي اللي بتحلمي بيه
بدور ( بفرحه ) : انا بجد .. بجد مش عارفه اقولك ايه ياغالب
غالب : ولا اي حاجه .. ماتقوليش حاجه يابدور قوليلي اسمك بالكامل مش اكتر وكنتي في ومكان الملجأ بتاعك بالظبط
بدور: اسمي بدور عبد الرحمن محمد السيد مخلوف
والملجأ كان في حي الازبكية
بدور ابتدت تدي العنوان بالظبط لغالب وكانت هتموت من الفرحة اليوم ده حرفيا
وطلعوا اوضتهم
احسان وهي نايمه علي السرير
احسان : مش هتنامي بقي يابدور
بدور : انتي عايزه تنامي بدرى اوي كده ليه خليكي معايا النهارده
احسان : (مدت ايدها علي الكومود وعنيها فيها النوم ومسكت المنبه بتبص لاقت الساعه ٣ بالليل ) انتي بتهزري يابدور يابدور السااعه ٣ بعد نص الليل حرام عليكي
انا عندي مستشفي بكره الصبح بدرى
بدور : يعني مصممه تنامي
احسان : اه و**** هموت وانام اقفلي النور بقي عشان خاطرى
بدور : طيب .. طيب هقفله اهوه
بدور نامت علي السرير حاولت تتقلب يمين وشمال مش كان جايلها نوم حرفيا ومره واحده حست بالعطش
فتحت الباب ونزلت تحت عشان تشرب الانوار كانت مطفيه دخلت المطبخ وبتفتح التلاجه عشان تجيب ازازه مايه ونور التلاجه بس هو اللي كان منور جابت الازازه ولسه بتشرب
لاقت اللي واقف جنبها والدنيا ضلمه حرفيا بدور رجعت المايه من بوقها وشرقت من الخضه
بدور : ( بقت تكح جامد جدا )
عاصي : ايه شوفتي عفريت
بدور : ( لسه بتكح ومش قادره تاخد نفسها من كتر ما كانت بتشرء )
عاصي داس علي سنانه وقرب منها جابلها ازازه المايه
عاصي : اشربي
بدور : اخدت كوبايه المايه منه وبقت تشرب لحد ما بقت كويسه
بدور : انت ايه .. مش تقول انك هنا
عاصي : ( عاصي قرب منها خطوه وبقت بدور ترجع خطوه ورا ) ( بيتكلم ببطىء) المفروض بقي .. اني اخد الاذن منك قبل ما اتحرك في بيتي
بدور : ( وهي بترجع لورا ) انا .. انا ماقولتش كده
عاصي قرب من بدور اكتر لحد ما بدور خبطت في الرخامه بتاعت المطبخ وبقت سانده بكف ايديها الاتنين علي الرخامه وضهرها لازق في الرخامه
عاصي : ( بصوت واطي وبهمس وهو بيقرب منها اكتر ووشه في وشها) اومال قولتي ايه .. هااا
بدور : ( من كتر ما كان عاصي مقرب منها حاولت تبعد بوشها الناحيه التانيه وكانت بتننفس بصوت عالي اوي )
عاصي : ( رفع شعر بدور من علي وشها وحطه ورا ودنها وبكل لطف قلها ) ايه .. مالك بتتنفسي بصوت عالي اوي كده ليه رفع ايده وبصوابعه
بقي يلمس شفايفها لمس شفايفها اللي فوق الاول وبصوباعه لمس شفايفها اللي تحت
بدور : غمضت عنيها وقلبها بقي بيدق بسرعه جدا لدرجه ان عاصي سمع صوت دقات قلبها
لمس رقبتها بالراحه اوي وبقي بينزل علي صدرها وحط ايده علي قلبها وبقي يحس بنبضات قلبها
بدور وقتها جسمها كله اترعش
عاصي : ( قرب شفايفه من ودنها وقلها بهمس ) مالك بتترعشي كده ليه ؟
بدور : ( بتنهيده وبصوت واطي وحنين ) انا مابقيتش عارفاك مش قادره افهمك .. لسه من شويه كنت مش طايق تبص حتي في وشي ودلوقتي بتقرب مني ..
عاصي نزل بأيده بالراحه علي ضهر بدور ولف ايده حوالين وسطها وقربها لي اكتر
عاصي : عشان .. ( مره واحده عاصي بقي عنده زغوطه ) عشان انتي مابتفهميش بقي بيضرب بأيده علي قلبه ولا بتحسي بحد
عاصي قرب شفايفه من شفايف بدور ولسه هيلمس شفايفها بدور شمت ريحه الخمرا من بوقه رفعت ايدها لورا بسرعه وبقت تحسس علي الحيطه علشان تفتح النور
واول ما النور اتفتح بدور بتبص لاقت عاصي ماسك ازازه ويسكي في ايده وعنيه حرفيا مش شايف بيها وراح سند براسه علي كتفها وراح في دنيا تانيه
بدور : ( بتزقه بالراحه بايديها كده ) عاصي .. عاصي فوق ياعاصي
عاصي : ( ساند راسه علي كتف بدور ومش حاسس بنفسه )
عاصي :__________________
بدور : ( هزت راسها شمال ويمين كده وهي مخنوقه جدا )
بدور : ( في نفسها ) وانا اللي افتكرت انك ممكن تحس باللي جوايا في يوم
تعالي .. تعالي ياعاصي
بدور بقت تحاول ترفع عاصي وتحط ايديه علي كتفها عشان تدخله اوضته بس للاسف كان تقيل عليها جدا ومره واحده وهي بترفعه الازازه اللي كان ماسكها
وقعت في الارض عملت صوت عالي اوي
بدور : يادي النصيبه وبعدين
الازاز كان في الارض بتاع الازازه في كل حته
غالب صحي مره واحده علي الصوت وقام
بيبص لقي بدور واقفه في النص وماسكه عاصي
غالب : في ايه يابدور وماله عاصي
بدور بتبص علي رجل غالب لاقيته مش لابس شبشب
بدور : ماتجيش الناحيه دي الازاز في كل حته رجلك هتتجرح من الازاز
غالب : ااه اصل .. اصل انا قومت بسرعه علي الصوت مالحقتش البس حاجه
غالب لبس شبشبه وشال عاصي من بدور ودخله اوضته وقفل الباب وعليه وطلع
غالب : ( وهو بيقفل باب اوضه عاصي ) عاصي ضايقك تاني يابدور
بدور : لا لا لا .. ابدا ماضايقنيش ولا حاجه انا بس نزلت اشرب لاقيته في المطبخ وكان شارب
غالب: امتي يبطل شرب بقي
بدور : ( بتنهيده ) مافتكرش اللي زي عاصي ممكن يبطل شرب في يوم
بدور : ( طلعت اول سلمتين ) انا هطلع انام مش عايز حاجه
غالب : اه هكلمك بكره عشان تجيلي المكتب لما اخلص
بدور : ليه في حاجه
غالب : هقولك لما تجيلي بكره
بدور : طيب تمام تصبح علي خير
غالب : وانتي من اهل الخير يارب
-------------------------( تاني يوم الصبح )-------------------------
عاصي صحي وهو ماسك دماغه وبقي يفتكر اللي حصل امبارح بينه وبين بدور بس بيفتكر حاجات بسيطه اوي
عاصي : ياترى كنت بحلم .. قطع تفكيره دخول بدور عليه
بدور : الفطار جاهز
عاصي : ( كان مدي بدور ضهره واول ما سمع صوت بدور لف وشه وبصلها )
عاصي : مش هفطر
بدور : ليه ..
عاصي : من غير ليه مش عايز افطر وخلاص
بدور : ( ابتسمت ابتسامه ظهرت بجانب شفايفها ) انت كده رجعت لطبيعتك
عاصي : تقصدي ايه 😏
بدور : ولا حاجه
غالب : نزل قدام بدور وهو بيحط الكرافته علي القميص
بدور ماتنسيش اول ما اكلمك تلبسي علي طول وهبعتلك السواق ياخدك عشان تقابليني
عاصي طلع بسرعه
وفتح الباب
عاصي : تقابلك فين
غالب : هتقابلني بره
عاصي : بره اللي هو فين يعني وبعدين انت ناسي ان عندنا شغل النهارده
غالب : لاء مش ناسي علشان كده انا فايق بدرى وهخلص اللي ورايا وهاخد بدور وننزل
احسان طلعت من اوضتها وشافت غيرت عاصي علي بدور
اتنهدت وبصت في الارض ومشيت
بدور : انتي كمان مش هتفطرى يا احسان
احسان ( بحزن ) لاااا يابدور ماليش نفس افطرى انتي
كل واحد فيهم راح علي شغله
وبدور وقتها كانت كل شويه تشوف الساعه كام علشان كانت متحمسه جدا انها تروح لغالب
واخيرا الفون رن
بدور : الووو
غاالب :___________
بدور : ايوه .. ايوه انا هلبس حالا
غالب : __________
بدور : تمام هستني السواق
بدور لبست والسواق جالها
السواق وقف قدام مدرسه كبيره جدا وشكلها حلو اوي بدور بتبص لاقت غالب مستنيها
غالب : ايه رايك في مدرستك الجديده
بدور : ( وهي مش مصدقه ) دي مدرستي انا
غالب : اه وهنطلع نعمل مقابله دلوقتي
بدور : ( بخوف ) مقابله والمقابله دي عباره عن ايه
غالب : هيسألوكي شويه اسأله مش اكتر وهتستلمي اليونيفورم بتاعك
بدور : ايوه بس لو سألوني اسئله ومعرفتش اجاوب عليها
غالب : ماتقلقيش انا مجهز كل حاجه هتطلعي مع محمود دلوقتي
بدور : ( مسكت ايد غالب ) وانت رايح فين ماتسبنيش
غالب : للاسف يابدور كنت عايز احضر معاكي بس عندي شغل كتير جدا النهارده
محمود : مانقلقيش يا انسه بدور انا موجود معاكي دي كلها اجراءات روتينينه مش اكتر
بدور : هزت راسها بالموافقه
غالب : خلصي وروحي علي طول وانا هحصلك علي البيت
بدور : طيب ياغالب
بدور دخلت علي المدرسه ومعاها محمود وقابلت المدير هناك
واول مادخلت وهي بتعمل الانترڤيو لاقت ولد زي القمر دخل عليها وفتح الباب من غير اي استئذان
بدور كانت قاعده ولابسه لبسها العادي جدا
الولد بصلها من فوق لتحت بتستهزاء
الولد ( وهو بياكل لبانه وجايب شعره علي جنب وفاتح القميص لحد صدره ) ايه ده يابابي هي مدرستنا هتلم ولا ايه
المدير ( والده ) : انت بتقول ايه ياكريم .. وانت ايه اللي دخلك من غير استئذان
كريم : بابي انا جاي. عشان محتاج فلوس ضرورى
المدير : ( والد كريم ): اطلع بره علي الحسابات خد اللي انت عايزه
كريم طلع وهو بيبص لبدور من فوق لتحت
المدير : انا اسف جدا علي اللي حصل
محمود : ياريت نخلص الاجراءات بسرعه من فضلك
بدور استلمت اليونيفورم وروحت وهي فرحانه جدا ولبست اليونيفورم ومش راضيه تقلعه الا لما غالب ييجي عشان تورهوله
واخيرا سمعت صوت عربيه جايه من بره
بصت من البلكونه بتاعت اوضتها ونزلت جري علي السلالم وفتحت الباب لغالب
بدور : ( بفرحه ) ايه رايك 😍
غالب : **** .. حلو اوي اوي يابدور
عاصي دخل من ورا غالب
عاصي : قصير اوي اوي يابدور
عاصي بصلها وسابها وطلع اوضته
بدور : ( بصت لاحسان ) تفتكرى قصير يا احسان
احسان : هو مش قصير بس طالما عاصي قال قصير يبقي نزلي الچيبه شويه
بدور نزلت الچيبه شويه
بدور : طيب وكده
غالب : كده انتي احلي واحلي واعملي حسابك الباص هييجي ياخدك من قدام البيت كل يوم
بدور : ماشي
بدور اليوم ده مانامتش حرفيا وبقت مستنيه الباص ييجي بفارغ الصبر والباص جه فعلا واخد بدور
وبقي بيزمر من تحت
اخدت شنطتها ونزلت بسرعه
غالب : بدور استني
بدور : اتأخرت اوي علي المدرسه
غالب : نسيتي ساندوتشاتك
بدور : **** ما يحرمني منك
عاصي وهو جاي من ورا غالب خبط كتفه في كتف غالب
عاصي : مش يلا بقي اتأخرنا احنا كمان
غالب : تمام هطلع العربيه علي طول
بدور طلعت علي الباص وبقت تبص لعاصي من الشباك وبتبتسم ابتسامتها حلوه بجد
وعاصي كان واقف قدام عربيته وبيبصلها والباص اتحرك ومشي
دخلت المدرسه حرفيا كانت مصدومه من كل حاجه بتشوفها عالم جديد عليها البنات مختلفين جدا هناك كل واحده الشعر وريحه برفانها تحفه ..
كل واحده ليها طريقتها ومشيتها وكلهم بيتكلموا بالانجليش وبس وهي ماشيه في الطرقه وبدور علي فصلها لاقت اللي خبط في كتفها وقعلها الشنطه والكتب
بدور : مش تفتح
كريم كان لابس نضاره شمس قلع نضارته حاجه بسيطه وبقي يبصلها من فوق لتحت
كريم : ناقص اللي زيك كمان يتكلموا
بدور : اللي زيي يعني ايه ..
كريم : انتي عارفه كويس اللي زيك هما مين .. باين عليكي اوي انك مش طبقتنا ..
بدور رفعت الكتب بتاعتها وحطتها في الشنطه وجت تمشي كريم وقف قدامها
كريم : انا لسه ماخلصتش كلامي
بدور : وانا مش جايه هنا عشان اقف معاك واسمع كلامك عن اذنك
بدور سابته ومشيت وراحت علي فصلها وكريم دخل وراها كل ما كانت تيجي تقعد علي ديسك يبص لواحده زميلته علي طول تروح تاخد الديسك اللي بدور هتقعد عليه
كل اللي في ال class بيسمعوا كلام كريم حرفيا
بدور مابقيتش لاقيه مكان تقعد عليه
وفي الاخر كله قعد وكان في ديسك فاضي ورا بدور راحت علشان تقعد عليه كريم راح شاور لزميلته ميرا
ميرا حطت شنطتها علي الديسك بسرعه
بدور : ممكن تشيلي شنطتك
ميرا : طيب يرضيكي شنطتي تبقي علي الارض واللي زيك يبقي قاعد علي ديسك
الكل في ال class بقي بيضحك عليها الا بنت واحده
كانت بدور صعبانه عليها اوي
الmiss دخلت واول ما دخلت سألت بدور
ال miss: انتي واقفه ليه
بدور : مافيش مكان اقعد فيه
ال miss: ازاي بقي ياريت تشيلي شنطتك ياميرا
ميرا : وان ماشيلتهاش هتعمليلي ايه
الmiss: ارجوكي شيلي شنطتك
ميرا : ممممممم افكر
ال miss: وبعدين
ميرا نفخت في وش بدور وشالت شنطتها وبصت لكريم وضحكت
الmiss: بصت لبدور
اسمك ايه
بدور : اسمي بدور
الmiss: شرفتي يابدور
هنبدأ درسنا النهارده ......
---------------------( في نفس الوقت)----------------------------
غالب : محمود تعلالي
محمود : ايوه ياغالب بيه
غالب : ياريت الاقي طباخ في اسرع وقت يكون في الڤيلا عندنا النهارده عايز لما كلنا نتجمع علي الغدا يكون الغدا جاهز
محمود : عندي ماتقلقش
عاصي : انا مروح
غالب : بدرى كده لسه ماجاتش الساعة 2
عاصي : حاسس اني تعبان شويه
غالب : سلامتك تمام هخلص واحصلك
الجرس رن وجه معاد المرواح
بدور وهي ماشية
لقت اللي بتنادي عليها
بدووووور .. بدووور
بدور بصت وراها لاقت اللي بتمد ايدها عشان تسلم عليها
هاي انا سجده
بدور : وانا بدور
سجده : ماتزعليش من اللي حصل من كريم وميرا هما كده اي حد جديد يدخل المدرسه لازم يعلموا عليه
بدور : انا ماليش دعوه بيهم
وعلي فكره انا شوفتك انتي الوحيده اللي ماضحكتيش عليا في واحنا جوه الظاهر انك مش زيهم
سجده : الحمد**** ولا عمرى هبقي منهم
بدور وسجده كانوا ماشيين وطلعوا بره المدرسه ولسه هيركبوا الباص كريم وميرا جم بسرعه عليهم وكريم بيسوق العربيه وفرمل مره واحده قدام بدور
بدور من الخوف كان خلاص هيدوسها راحت وقعت في الارض وهدومها اتبهدلت
كريم : مش تخللي بالك
بدور : انت قليل الذوق
العربيه كانت من النوع اللي السقف بتاعها مفتوح
ميرا قعدت علي باب العربيه وهي بتضحك وبتستهزأ ببدور
ميرا : احنا الظاهر السنه دي هنتسلي جامد اوي 😂😂
كريم وميرا مشيوا وبدور روحت البيت وهي بتعيط وهدومها متبهدله حرفيا عاصي شافها وهي داخله الفيلا
عاصي : مالك بتعيطي من ايه
بدور : ابدا مافيش وسابته ومشيت
كل يوم بقت تروح المدرسه وكل اللي في المدرسه بأمر من كريم وميرا كان بيتنمر عليها
جه وقت الغدا جابت الاكل بتاعها ومكانش في حد من الطلبه راضي يقعدها جنبه
ولما سجده كانت تييجي تقعد معاها او تناديها ميرا كانت تبص للبنات كانوا بيروحوا يقعدوا جنب سجده بسرعه علشان ماتلاقيش مكان تقعد فيه
الايام عدت علي كده وكل يوم بدور تيجي معيطه حرفيا
غالب شافها كده وكل مايسألها فيكي ايه هي او احسان مكانتش بترد
غالب : ( فتح عليها اوضتها وهي بتعيط ) ( بنرفزه) ما هو اقسم ب**** لو ماقولتيلي مالك يابدور لا هيبقالي تصرف تاني معاكي انتي فاهمه 😡😡
وقتها بدور انهارت وحكت كل حاجه لاحسان وغالب وعاصي كان هيموت ويعرف مالها فكان بيسمع اللي بتحكيه من ورا الباب
غالب : ( بنرفزه ) وماقولتيش ليه من الاول بقالك اكتر من شهر في المدرسه ماقولتيش ليه
بدور : اديك عرفت هتعمل ايه يعني
غالب : هتعرفي انا هعمل ايه ؟
تاني يوم
غالب : قومي يابدور روحي مدرستك
بدور : لاء مش عايزه
غالب شدها من دراعها بقولك روحي مدرستك انتي فاهمه ولا لاء
بدور : طيب خلاص رايحه
بدور راحت المدرسه بتاعتها وكالعاده التنمر عليها شغال وجت الميس بتاعتهم وهي بتشرح لاقت اللي بيخبط علي الباب
المستر : في طالب جديد جاي
معاكم النهارده وهيبدأ من دلوقتي
الميس : اهلا وسهلا بيه
الطالب دخل بدور بتبص لاقيته غالب لابس لبس المدرسه وماسك الشنطه ولابس سلسله وكان قمر .. قمر
يعني البنات كلها كانت بتبصله وهو داخل من كتر جماله
بدور بصيتله ومابقيتش مصدقه انه غالب
قعد وراها ورمي شنطته علي الارض وهمس في ودن بدور
بدور : غالب انت بتعمل ايه هنا
غالب : انا مش قولتلك هتصرف
ابتدوا يكملوا الحصه .. وبقت البنات كلها تبص وراها عشان يبصوا علي غالب وهو مكانش معبر ولا واحده فيهم شويه كده لاقوا الباب بيخبط للمره التانيه
والمس بتعرف عن استاذ جديد جه عشان يدرسلهم السنه دي
المس : احب اعرفكم بمستر الcamestry مستر عاصي اللي هيديكم السنة دي بدل مستر عمر لانه استقال فجأة وان شاء **** تبقي سنة سعيدة علينا كلنا
بدور وغالب بيبصوا لاقوا عاصي
بدور وغالب في نفس واحد : عاصي 😳😳

















الجزء الرابع
المس : احب اعرفكم بمستر الcamestry مستر عاصي اللي هيديكم السنه دي بدل مستر عمر لانه استقال فجأة وان شاء **** تبقي سنة سعيدة علينا كلنا مره واحدة الباب اتفتح وبخطوات بطيئة دخل عليهم
بدور وغالب بيبصوا لاقوا عاصي
بدور وغالب في نفس واحد : عاصي 😳😳
عاصي عنيه بقت تدور علي بدور في ال class لحد ما لقاها اول ما شافها لقاها متنحه ومابقيتش عارفه هو ايه اللي بيحصل ..
بدور ( تبص قدامها تلاقي عاصي تبص وراها تلاقي غالب)
غالب بص لعاصي واتصدم انه موجود ونفس الكلام لعاصي بقي يبص لغالب وهو مش فاهم هو بيعمل ايه هنا التلاته كانت نظراتهم لبعض رهيبه كل واحد نظرات عنيه مليانه اسئله لدرجه ان ال class كله لاحظ نظراتهم لبعض لحد ما اخيرا سجده قطعت النظرات اللي ما بينهم دي
سجده : ( قربت من بدور وبصوت واطي ) انتي تعرفي المستر الجديد يابدور هو والمز اللي ورانا ده
بدور مكانتش لفت راسها وبصت وراها لغالب وكان غالب سامع سؤال سجده ضم حواجبه وهو مستني ردها وعايز يعرف بدور هتقول ايه
بدور : ( بصت قدامها وبصت لعاصي وبكل زعل وغيظ قالت )
بدور : لاء ماعرفهومش
غالب : ( استغرب انها قالت كده بس سكت وماتكلمش )
عاصي : احب اعرفكم بنفسي .. انا مستر عاصي مدرس مؤقت بدل مستر عمر
ميرا : ( وهي بتبصله وحاطه ايديها علي خدها بتنهيده )ياريتك تبقي على طووووول
عاصي : ( ضم حواجبه وسألها ) بمعني ايه ..
ميرا : ( قامت وقفت وهي سانده بأيديها الاتنين علي الdesk وبتتكلم بدلع بمعنى انك لو حابب تبقي موجود علي طول مش بشكل مؤقت انا ممكن اكلم بابي ( شاورت بكتفها ) يخليك هنا دايما
عاصي : ( ابتسملها ) شكراااا .. بس انا لو حابب ابقي موجود بشكل دايم مش هستنى كلمة بابي واتفضلي اقعدي
بدور لفت وشها وبصت لميرا وهي متغاظه منها جدا داست على سنانها وبقت تبص لميرا من فوق لتحت
سجده : ( بهمس)انتي مش واخده بالك من حاجه يابدور
بدور : ( كانت باصه لعاصي وبس ) ________________
بدور : روحتي فين
بدور : ايه .. انا .. هاروح فين يعني معاكي اهوه
لينا ( زميله بدور في ال class وتبع ميرا دايما كل شويه كانت تبص لورا لغالب )
لينا : مستر ممكن اقعد ورا بليز
عاصي : والسبب
لينا : عندي طول نظر ما بشوفش من قدام لازم اقعد ورا ( وبصت لغالب وابتسمت ) عشان اقدر اشوف كويس
عاصي : ( رفع حاجبه وفهم انها عايزه تقعد جنب غالب )
بس معايا مش هتحتاجي تشوفي
لينا : ( باستغراب ) نعععععععم
عاصي : اقصد هتسمعي اكتر ما تشوفي اتفضلي اقعدي
لينا قعدت وهي مضايقه لأن عاصي احرجها قدام زمايلها وبصت لميرا وكريم وكريم شاورلها براسه كده انها تقعد دلوقتي وتهدا
عاصي ابتدا يشرح الlesson اللي عليهم وبقت بدور مستغربه جدا من مهاره عاصي في الشرح وغالب ابتسم لعاصي وهو بيشرح لأنه عارف كويس اوي عاصي كان شاطر قد ايه زمان
-----------------------------( في نفس الوقت )-----------------------
احسان رجعت من المستشفي بدرى اليوم ده
طلعت اوضتها وبقت تلم هدومها من الدولاب
واخيرا خلصت واخدت شنطتها ونزلت وهي ماشيه ولسه هتفتح الباب لاقت باب اوضه عاصي مفتوحه بصت علي الطباخ لاقيته في المطبخ ومش واخد باله دخلت اوضته وقعدت علي سريره وبصت علي صورته اللي على الكومود بتاعه اخدت صورته وهي بتبصلها ودموعها نزلت منها وبقت تكلم الصوره
احسان : ( بتكلم نفسها وبتبص للصوره ) انا عارفه انك مابتحبنيش ولا هتحبني في يوم ياعاصي انت قولتهالي قبل كده الحب عمره ما كان بالعافية انا عملت كل حاجه وأي حاجه عشان تشوفني .. مكنتش اتصور في يوم اني ممكن اتحول لشخص مغرور مش شايف حاجه ولا شايف حد في الدنيا دي غيرك وبعد كل ده برضوا ماشوفتنيش... انا شايفه نظراتك لبدور عامله ازاي... كان نفسي في يوم تبصلي نفس النظره اللي بتبصهالها ياعاصي ( مسحت دموعها من علي خدها بأيديها ) وقالت بس يلاااا... معلش كل واحد بياخد نصيبه من اللحظه دي انا هطلعك خالص من حياتي عشان اقدر اعيش ياعاصي انا مش عارفه اعيش طول ما انا شيفاك قدامي ( باست الصوره واخدتها في حضنها )
احسان : هتوحشني .. هتوحشني اوي ياعاصي
حطت الصوره علي الكومود مره تانيه ولمست بأيديها علي سريره وطلعت قفلت الباب وراها وهي طالعه عبد الرحيم شافها
عبد الرحيم : دكتوره احسان بتعملي ايه في اوضه عاصي بيه
احسان : ( اتوترت) انا .. انا .. كنت .. ( بلعت ريقها ) كنت بس فاكره انه جوه فكنت عايزاه مش اكتر
عبد الرحيم : عاصي بيه مابيجيش دلوقتي
( بص جنبها لقى شنطتها ) ايه الشنطه دي انتي ماشيه ولا ايه يادكتوره ؟
احسان : ايوه افتكر كفايه كده بدور خفت وبقت كويسه وانا لازم ارجع بيتي الشهر اللي بقعده في القاهرة خلص واهلي كده هيبدأوا يسألوا عني
عبد الرحيم : طيب تحبي اقول حاجه لعاصي بيه لما يرجع ويسأل عنك
احسان : ( بابتسامه حزينه) لا لا ابدا ماتقولهووش حاجه مافتكرش انه حتي هياخد باله اني مش موجوده
وبقي بس سلملي على غالب وعلى بدور
احسان مشيت وعبد الرحيم حطلها شنطتها في التاكسي وروحت بيتها
-------------------------( في نفس الوقت )----------------------------
جرس ال break ضرب
بدور خدت شنطتها ونزلت وهي مخنوقه جدا من اللي عاصي وغالب عملوه وطلعت بره ال class
غالب مشي وراها وطلع وراها الطرقه وبقي بينادي عليها
غالب : بدور .. بدوور استني
بدور بصت وراها لاقيته جاي عليها راحت مدت اكتر ودخلت حمام البنات وقفلت الباب في وش غالب
غالب : ( وهو متغاظ منها ) بقي كده يابدور ماشي
لينا : ( جت ورا غالب بكل دلع ) اي ده انت بتعمل ايه هنا
( قربت منه وضربت بأيديها بحنيه علي كتفه ) مش ناوي تقول
غالب : مممممم مافتكرش اني اعرفك حتي عشان اجاوبك
لينا : ( مدت ايدها لغالب ) بس كده مافيش مشكله نتعرف انا لينا .. لينا البشاري
وانت غالب الطالب الجديد معانا هنا ( داست علي شفايفها بسنانها ومدت ايدها مسكت السلسله اللي في رقبه غاالب وقربت غالب من السلسله بتاعته ليها )
لينا : أيه رايك مش بذمتك مافيش اسهل من كده تعارف
غالب نزل ( ابتسم ابتسامه بسيطه ونزل ايد لينا من عليه )
غالب : فعلا مافيش ارخص من كده تعارف
غالب ساب لينا ومشي وبقي مستني بدور في قاعه ال break اللي بياكلوا فيها
-----------------------------( بفي نفس الوقت )---------------------
عاصي طلع من ال class ورايح علي قاعه المدرسين اللي بيجتمعوا فيها
ميرا جريت وراه
ميرا : مستر عاصي .. مستر عاصي
عاصي : في حاجه
ميرا : ( بدلع وهي بتبص في عنيه ) حبيت اشكرك علي شرحك للlesson النهارده حقيقي دي اول مره افهم ال camestry بالمنظر ده
عاصي سابها ومشي
ميرا : ( مشيت وراه وهي بتمد عشان تحصله ) انت مش مصدقني .. انا مش بكذب ابدا .. انا اصلا ما بعرفش اكذب
عاصي : تمام المعلومه وصلت حابه تقولي حاجه تانيه
ميرا : ( وهي مبتسمه وبتبص لعاصي بانبهار ) تؤ.. تؤ .. مابقيتش عايزه اقول حاجه تاني خلاص
عاصي ساب ميرا ومشي وهو بيدور علي بدور
ميرا : ( بتكلم نفسها ) يخربيت تقلك .. بس علي مين وحياتك لا اجيبك
لينا : بتكلمي نفسك ولا ايه
كريم : لاااا هي كده لما بتشوف حد ويدخل مزاجها حالها بيتلخبط كده زي ما انتي شايفه
لينا : شوفتوا غالب اللي جه جديد
كريم: ماله ده كمان
لينا : جمدااااان يابني جمداااااان
كريم : لاااا انتوا اتهبلتوا خالص انتوا نسيتوا بدور ولا ايه ؟
ميرا : ( ضربت بأيديها علي جبينها ) أأأأخ تصدق عاصي نساني نفسي مش بدور بس
كريم : البت دي لازم تسيب المدرسه وفي اسرع وقت انتوا فاهمني طبعا
ميرا : ( رفعت حاجبها ) مابقاش ميرا الا لما اخليها تقول حقي برقبتي
ميرا : هي فين دلوقتي
كريم : اكيد في قاعه ال break
لينا : لا لا لا انا لسه شايفاهه داخله الbath room
كريم : ( شاور لميرا ) تمام مش هوصيكي بقي
ميرا راحت هي ولينا علي ال bath room
واول ما دخلوا بصوا علي الحمامات من تحت لقوا رجلين بدور
ميرا : ( وهي بتعلي صوتها عشان بدور تسمع )
ميرا : مدرستنا لمت اوي ياميرا انا مش فاهمه بنات ايه اللي من الشوارع دي اللي تدخل مدرستنا وتقعد معانا لاء وكمان تبقي قريبه مننا
انا بخاف لا اتعدي ويكون فيها حشرات وكمان جراثيم البنات دي بشرتهم بتبقي معديه جدا
بدور اول ما سمعت ان ميرا عرفت انها جايه من الملجأ قلبها بقي يدق جامد جدا وبقت مستغربه عرفت منين
لينا : ( وهي بتحط روچ قدام المرايه ) ايه ده بتتكلمي جد بقي بدور تربيه شوارع وعرفتي منين
ميرا : باين اوي علي شكلها انتي مش واخده بالك بتسرح شعرها ازاي وريحه شعرها مقرفه اوي يالينا ولا بتمسك الاكل بتاكله بطريقه بشعه .. بشعه جدا يالينا
اللي زي دي لازم تعرف مستواها كويس وان احنا حاجه وهي حاجه تانيه خالص
بدور كانت في الحمام مسكت خصل شعرها وبقت تشم في شعرها وتلمس خدها ماتلاقيش حاجه عليها
دموعها نزلت منها وميرا سمعتها وهي بتعيط
ميرا : ( ابتسمت اول ما سمعت بدور بتعيط ) احنا هنفضل نتكلم عن الزباله دي كتير ولا ايه
يلا .. يلا بينا عشان مانتأخرش يالينا
لينا وميرا طلعوا من الحمام وبدور فتحت الباب وبقت تبص لشكلها في المرايه بدور عاديه هي مابتهتمش بنفسها فعلا بس مش للدرجه اللي هما بيتكلموا بيها عليها
فتحت الحنفيه وبقت تمسح دموعها .. وراحت القاعه لاقت سجده مستنياها هناك
سجده : بدور تعالي انا جيبتلك غداكي معايا
بدور قعدت وعنيها كانت حمراااا جدا
سجده : مالك يابدور انتي كنتي بتعيطي
بدور: لا لا ابدا مافيش مكنتش بعيط ولا حاجه
غالب كان قاعد في الطرابيزه اللي قدامها .. وبيبصلها وكان هيموت ويعرف ايه اللي حصل معاها بس بدور مكانتش مدياله فرصه
بدور : طيب يلا كلي بقي انا مش راضيه أكل الا لما تيجي تاكلي وناكل سوا
بدور: انا فعلا جعانه اوي
بدور لسه هتمد ايدها بتبص لاقت ميرا ولينا وكريم والبنات اللي علي الطرابيزه اللي جنبهم بيبوصلها وبيضحكوا عليها افتكرت كلام ميرا وهي بتتريق علي طريقه اكلها
بدور: ( بعدت الاكل بأيديها ) لا لا.. انا .. انا خلاص مش جعانه
سجده : انتي كنتي لسه بتقولي انك جعانه يابدور
ميرا جت ومعاها كوبايه عصير وقربت من بدور
ميرا : ايه ده انتي مش هتاكلي النهارده يابدور
بدور : لاء مش جعانه
ميرا : طيب ولا عطشانه
ميرا رفعت كوبايه العصير اللي معاها وكبتها علي راس بدور كلها كل اللي كان في القاعه حرفيا بيضحك وكريم كان بيشاور علي بدور وميت علي نفسه من الضحك
غالب اول ما شاف كده قام جرى وراح بسرعه وقف قدام بدور ومسك ميرا من دراعها كان هيكسر ايديها
ميرا : سيبني .. سيب ايدي ياحيوان
بدور : غالب سيبها
كريم بسرعه راح وقف قدام غاالب وجاب ميرا وراه وحطها ورا ضهره
كريم : لما تحب تمد ايدك مدها علي اللي قدك
غالب : وانت بقي اللي قدي
كريم : وقد عشره زيك كمان
غالب : بس كده طب خد
غالب ضرب كريم حته روسيه في راسه جابته الارض وقع في ساعتها علي الارض ودماغه جابت ددمم .
ميرا : قوم اقف ياكريم اوقف ماتسيبهووش
كريم وقف وبقي كريم وغالب في النص والطلبه عملوا ما دايره حواليهم وكله بقي يطلع موبايلاتهم وبيصوروا اللي بيحصل
كريم ضرب غالب بالبونيه بس غالب رجع ورا مره في التانيه
غالب مسك كريم من ايده وتناله ايديه وهو ايديه متنيه
راح ضارب راس كريم علي الطرابيزه مره في التانيه كريم راسه اتفتحت اكتر
ومناخيره بقت تجيب ددمم كريم ضرب غالب برجليه ما بين رجل غالب الضربه دي خلت غالب يبعد ويرجع ورا اتنين من صحاب كريم مسكوا ايد غالب
كل واحد ماسك ايد وكريم قرب من غالب وبقي يضربوا بالبونيه في بطنه ضربه في التانيه بقي غالب بيتألم مش قادر
ولسه كريم بيرفع ايده مره تانيه عشان يضرب غالب راح عاصي مسك ايد كريم وضم ايده جوه ايديه وشويه وكان هيعصر ايد كريم في ايديه ونزل ايد كريم جنبه
غالب اول ما شاف كده راح ضرب الولد اللي كان ماسكه من ايديه في بطنه وجاب الولدين دوول في الارض وبقي يضرب برجليه في بطنهم هما الاتنين لحد ما وقعوا في الارض خالص
وقتها عاصي كان لسه ماسك ايد كريم وكريم بقي راكع في الارض مش قادر
من كتر ما ايده خلاص هتتكسر في ايد عاصي .. عاصي كان دايس علي سنانه وبكل غيظه كان بيعصر ايده المدير جه بسرعه وهو شايف ابنه ايده هتتكسر في ايد عاصي
المدير : مستر عاصي .. مستر عاصي ارجوك
بدور : ( بصوت واطي سيبه ياعاصي سيبه ) غالب قرب من كريم بسرعه لقى الواد عروقه هتطلع منه وعاصي نظراته لكريم حاده وصعبه جدا راح غالب فك ايد عاصي بالعافيه من كريم
كريم اول ما ايده اتشالت من ايد عاصي بقي ماسك ايده ومبقاش قادر
المدير : مستر عاصي ارجوك ياريت تحصلني علي المكتب
ميرا اول ما شافت كده وشافت قد ايه عاصي مابيهزرش بصتله نظره اعجاب اكتر وكلهم راحوا علي مكتب المدير وقتها
المدير دخل وعاصي دخل وراه الاول
المدير : عاصي بيه احنا مااتفقناش علي كده
عاصي : وماتفقناش برضوا ان ابنك يضرب ابن اخويابالطريقه دي
المدير : عاصي بيه احنا منعرفش ان غالب يبقي ابن اخوك ولو نعرف كنا اتعاملنا معاه بطريقه تانيه خالص .. هو جه قدم
في المدرسه علي انه منقول من مدرسه تانيه لو نعرف اكيد هيبقي لينا معامله خاصه معاه
المدير : بس بستأذنك دوول كلهم اولاد مع بعض ماينفعش انت كمدرس تدخل ابدا ما بينهم
عاصي : ( ضرب بأيديه علي المكتب ) لما تبقي تعرف تربي اولادك الاول وقتها بس تبقي تيجي تقولي اذا كان ينفع او ماينفعش
عاصي : انا اديتك شيك تكتب فيه اللي انت عايزه علشان حاجه معينه في دماغي واول ما اتأكد ان الحاجه دي بقت في
امان وقتها هسيب المدرسه وانا مرتاح وطول ما انا هنا حذارى ثم حذارى تقولي اعمل ايه ومعملش ايه فاهمني
المدير : ( باصص عاصي ومابيتكلمش )
عاصي: ( بكل غضب ضرب مره تانيه بأيديه علي الطرابيزه )
عاصي : بقولك فااااااااهمني
المدير : ( بخوف ) فاهمك .. فاهمك ياعاصي بيه
عاصي طلع ورزع الباب وراه وكل الطلبه شايفينه وهو طالع والمدير قاعد علي مكتبه مش مصدق البلوه السودا اللي جابها لنفسه عاصي مش سهل
الطلبه اللي اتخانقت كلهم كانوا واقفين بره منهم بدور وميرا وغالب وكريم السبب في المشكله دخلوا class فاضي زي عقاب ليهم
وانهم هيقعدوا ساعات زياده في ال class ده بعد ساعات المدرسة
واول ما دخلوا بيبصوا لقوا اللي مستنيهم جوه 😳😳
مس فريده المسؤوله عن شؤون الطلبه
مس فريده : ياريت تتفضلوا تقعدوا
غالب بص لمس فريده وابتسم
كانت لابسه skirt قصيره وشعرها طويل وكيرلي لونه كستنائي غالب بصلها نظره اعجاب وهو مبسوط بجمالها كانت حلوه بجد
مس فريده : اتفضلوا اقعدوا وكل واحد قعد علي ديسك ألا غالب كان واقف وهو بيبصلها ومبهور بجمالها
مس فريده لاحظت نظرات غالب ليها وانه مش شايل عنيه من عليها
مس فريده : ( بصت لغالب ) افتكر اني قولت تقعدوا
غالب : ( وهو بيبصلها نظرات غير عاديه ) طيب وانتي
مس فريده : وانا ايه
غالب : مش هتقعدي .. اصل ما ينفعش اقعد وتبقي واحده زي القمر زيك واقفه
بدور : ( بصت كده لغالب واتضايقت )
مس فريده ابتسمت ابتسامه خفيفه
مس فريده : ماتقلقش كلنا هنقعد سوا النهارده عشان نحل المشكله اللي حصلت دي ونتكلم فيها لحد ما نلاقي حل يراضي جميع الاطراف
غالب : ( غمزلها بعنيه ) لو انتي اللي هتحلي المشكله يبقي انا متراضي من دلوقتي
بدور داست علي رجل غالب برجليها
غالب : اااااه .. ( بص لبدور )
بدور شاورتله براسها انه يقعد
غالب قعد وفضل مركز مع مس فريده
مس فريده : ( بقت بتكلمهم كلهم ) احب اوضح اول حاجه 3 حاجات مهمه جدا عشان نقدر نكمل سوا كلنا السنه دي
ابتدت مس فريده تتكلم معاهم
------------------------( في نفس الوقت )-------------------------
المدير : ( نده للفراش ) ياريت تناديلي مستر عاصي
الفراش راح لعاصي
الفراش : مستر عاصي المدير عايز حضرتك
عاصي بص كده للفراش من فوق لتحت
عاصي : ( بكل برود ) بس انا مابروحش لحد
ياريت تبلغه ان عاصي مابيروحش لحد ابدا
الفراش رجع تاني مره للمدير وبلغه باللي عاصي قاله
المدير : طيب امشي انت دلوقتي
المدير راح لعاصي وهو مضايق جدا
المدير : انا كنت حابب نتكلم لوحدنا في المكتب عشان كده ناديت عليك يامستر عاصي
عاصي : اتفضل .. في حاجه
المدير : انا بعلن اعتذارى مره تانيه علشان اللي حصل وعشان نصلح اللي حصل ده في رحله عملناها للاولاد وهيكونوا كلهم فيها سوا
اتمني ان حضرتك تيجي معاهم وتشوف بنفسك مدى تفاهم الاولاد في الرحله دي سوا وانا اضمنلك ان غالب ابن اخو حضرتك هيكون مبسوط معانا جدا
عاصي : ( فكر في بدور وانها لو طلعت الرحله دي ازاي يقدر يخليها تتأقلم مع الطلبه اللي معاها )
عاصي : فكره مش بطاله
المدير : اهم حاجه ان حضرتك ماتكونش زعلان مننا ولا من اللي عمله ابني احنا هنحاول نصلح كل حاجه
عاصي : طيب لما نشوف
----------------------------( في نفس الوقت )--------------------
مس فريده لسه بتتكلم معاهم كلهم
مس فريده : اخر حاجه بقي عايزه اقولهالكم احنا شايفين ان الجو مكهرب اوي بينكم وحاسه ان في فريقين في المدرسه
ايه رايكم نغير الجو ده
كريم : ( بتكبر ورفعه حاجب ) والجو ده ممكن يتغير ازاي
مس فريده : انتوا عارفين ان المدرسه عامله رحله لواحه سيوه هنعمل cambing ( تخييم ) هناك وهنعيش حياه البدويه بالظبط هنغمل خيم بنفسنا وقدامنا المايه والصحرا
وبس هنفصل عن حياه التكنولوچيا وهنقفل موبايلاتنا تماما هنعمل اكلنا بأيدينا
ميرا : ( قامت وقفت وهي مش عاجبها الكلام ) ودي رحله دي فين ال fun في كده
مس فريده : ما هو ده برضوا مش هيمنع من ان احنا بالليل هيبقي في حفلات و d.g ورقص وحاجات تانيه اكتر تخليكم تفهموا بعض اكتر ونقرب كلنا من بعض هااا قولتوا ايه
كريم : انا لا يمكن ابقي مع واحده زي دي ( شاور براسه علي بدور ) في مكان واحد
غالب زق الdesk بتاعه لورا برجليه
وقام وقف وهو كله غضب
غالب : ومالها دي بقي ان شاء **** مش عجباك في ايه
لينا : ( وقفت قدام غالب ) وانت مالك بدافع دايما عنها كده ليه هي تقربلك واحنا مانعرفش
غالب بص لبدور .. بدور سكتت وبقت تشاورله براسها انه مايقولش انه يعرفها
غالب : ( داس علي سنانه ونفخ من كتر زهقه وشد الچاكيت بتاع المدرسه بتاعه من علي الكرسي ومشي )
مس فريده : غالب .. غالب ارجوك استني
مس فريده: ( بصت لكريم ) انت ايه اللي قولته ده باباك عايزك لازم تبقي تروحله ضروري
مس فريده مشيت ورا غالب
مس فريده : استني ياغالب .. غالب استني ( مدت ايدها عشان تمسك دراعه وتوقفه )
غالب : ( زق ايدها ورجعها لورا وكانت هتقع )
غالب : ( وقف ولحقها قبل ما تقع ومسكها من ايديها )
مس فريده : يرضيك كده كنت هقع
غالب : انا اسف مكانش قصدي
مس فريده : ماينفعش تمشي ياغالب دلوقتي
غالب : انا اعمل اللي انا عايزه مافيش حد يقدر يقولي اعمل ايه ومعملش ايه
مس فريده : للدرجه دي بدور غاليه عليك ومابتستحملش عليها كلمه وحشه
غالب : ( بتردد ) ايه .. ايه اللي انتي بتقوليه ده
مس فريده : واضح جدا انها غاليه عليك بدليل ان النهارده اول يوم ليك وعملت كل ده عشانها ..
غالب : انا .. انا معرفهاش اصلا
مس فريده : انا معرفش انت ليه بتنكر انك تعرفها ودي حاجه مش هدخل فيها .. بس لو فعلا عايز بدور تتأقلم علي المدرسه وتندمج معاكم ومع الطلبه الباقيين ولازم كلكم تروحوا الرحله دي مره واحده بيبصوا لقوا الجرس رن
غالب : افتكر كده اقدر امشي
غالب ومس فريده كانوا واقفين في الطرقه والكل ابتدا يطلع من الفصول
(غالب جه يمشي )
مس فريده : فكر في اللي قولتهولك ياغالب
غالب شاور براسه كده وهو ماشي بالموافقه
ومشي ركب عربيته وساق عربيته بأسرع ما يمكن ومشي
بدور اخدت الشنطه بتاعت غالب معاها لانه نسيها وركبت الباص وهي في دماغها الف سؤال
غالب اول ما روح فتح الباب بالمفتاح ورمي المفتاح علي الكرسي بيبص لقي عاصي واقف مستنيه
غالب : طبعا انت مستنيني وعايز تسألني نفس الاسئله اللي هموت واسألهالك
عاصي : كنت بتعمل ايه هناك
غالب : انا اللي عايز اعرف انت اللي كنت بتعمل ايه هناك لاء ومدرس كمان مستر عاصي
انت مش كنت سيبت المهنه دي من زمان يامستر .. استني كده .. انت ماشتغلتهاش اصلا وقررت انك تمسك شركات جدي مع ابويا **** يرحمه
ايه اللي خلاك ترجع وتبقي مستر عاصي من جديد
عاصي : مافتكرش ان انت ممكن تحاسبني علي حاجه انا بعملها المفروض انا اللي اسألك سؤال زي ده طالب ياغالب بقيت طالب كده مره واحده كلت من عمرك 6 سنين مره واحده
بدور دخلت وهي سامعه كلامهم هما الاتنين
رمت الشنطه بتاعت غالب في الارض وهي متنرفزه جدا وبقوا التلاته واقفين في الصاله تحت وعاملين زي مثلث
بدور : افتكر ان المفروض انا اللي اسأل السؤال ده ليكم انتوا الاتنين انتوا بتعملوا ايه في مدرستي .. وازاي قدرت ياغالب تبقي طالب في المدرسه من جديد وليه وعشان ايه ده كله
غالب : اني ابقي في المدرسه دي حاجه سهله جدا مجرد اني ازور شويه ورق واقدم اني جاي من مدرسه تانيه مافيهاش اي مشكله ..
مش قصه يعني وبعدين هيكون ليه .. عشانك طبعا لما كل يوم تيجي معيطه وحزينه من اللي بيحصل معاكي اكيد مش هقف اتفرج عليكي انا كنت ممكن اربي العيال دي من بره
بس انتي حتي مارضتيش تقولي مين دوول مجرد شويه عيال بضايقك وبس فكنت لازم ادخل المدرسه واعرف مين بيضايقك عشان اوقفه عن اللي بيعمله
بدور : ووقفتهم
غالب : هوقفهم .. والدليل اللي حصل النهارده
بدور ( بصت لعاصي ) : وانت ياعاصي بيه زورت ايه
عاصي : ( سابها ومشي وهو ماشي وادالها ضهره ) مافيش حاجه تجبرني اني اشرحلك انا دخلت المدرسه ازاي
بدور : حتي علي الاقل اعرف ليه .. وقفت قدام عاصي
ليه عملت كده ياعاصي
عاصي : طول ما انتي قاعده هنا ومعانا هتبقي تحت حمايتي يابدور مش اكتر
بدور : ( ابتسمت وبصت لعاصي وعاصي بصلها واتنهد كانت في نظره طويله وحلوه اوي ما بينهم قطع النظره دي وعبد الرحيم داخل عليهم وبيقول )
عبد الرحيم : الدكتوره احسان مشيت النهارده وسابت الڤيلا ياعاصي بيه
بدور : ( بصت شمال لعبد الرحيم ) مشيت .. مشيت راحت فين
عبد الرحيم : روحت .. روحت بيتها
غالب : ليه هو حد زعلها
عبد الرحيم : معرفش و**** ياغالب بيه هي ماقالتليش حاجه
عاصي : انا داخل اوضه المكتب لازم اخلص شويه حاجات
بدور : ( راحت لغالب ) احنا هنسيب احسان تمشي
غالب : (هز كتافه ) انا مش عارف هي مشيت ليه ؟ تقريبا مارتاحتش معانا
غالب لسه بيتحرك راحت الكدمه اللي في وشه وعلي عنيه وجعته
بدور : اقعد .. اقعد لما امسحلك الدم اللي علي شفايفك ده
غالب : لا لا مالووش لزوم انا هاروح اغير
غالب طلع اوضته وقلع قميص المدرسه اللي كان لابسه ورماه علي سريره ولسه بيغير لقي الباب بيخبط
غالب : ادخل
بدور دخلت لاقت غالب لابس بنطلون بس من غير القميص من فوق
بدور : انا .. انا اسفه .. مكنتش اعرف انك بتغير هدومك
غالب : ادخلي يابدور انا لسه ماغيرتش
بدور جابت شاش وقطن ومعاها مطهر
غالب : ( بص للي في ايديها ) برضوا مصممه
بدور : ايوه الدم اللي علي شفايفك وحوالين عنيك ازرق .. ممكن تقعد بقي
غالب : ماشي ياستي قعدت
غالب قعد علي الكرسي وبدور قعدت علي ركبها قدامه
وبقت تمسحله الدم اللي علي شفايفه
بدور : مكانش لي لازمه اللي عملته ده كله ياغالب
غالب : يعني كنتي عايزاني اتفرج عليه وهو بيهزقك
بدور : طيل ما انا ممكن ارد يعني هو انا مش فيا لسان الحكايه وما فيها اني عايزه اعدي السنه دي بأي طريقه من غير مشاكل
مش اكتر المشكله انهم بيفضلوا يتكلموا انجليش علي طول وانا ما بفهمش نص كلامهم .. مابحبش ابان قدام غيري اني جاهله ومابعرفش اتكلم زيهم فبسكت وبعدين عرفت ان لو اجتهدت ممكن اخد منحه للجامعه بمصاريفها وكل حاجه ومش اضايقك تاني بمصاريفي وهمي بس كل ده مش هيتحقق لو كنت بعمل مشاكل انت مركزه في دراستي وبس
غالب : ( مسك ايد بدور وهي بتحطله القطنه علي شفايفه وقام وقف وبدور وقفت معاه )
غالب : ( بعتاب ) انتي بتقولي ايه يابدور .. انتي لا يمكن تكوني هم عليا ابدا .. وبعدين كفايه اللي عملتيه علشاني انا وعاصي وانا بردلك جميلك مش اكتر وبعدين تعالي هنا انتي مش عايزه تعرفي العيال دي ان احنا نعرف بعض ليه
بدور : ( ادت غالب ضهرها وبتحط القطنه علي الكومود ) ابدا علشان مش عايزه اعتمد علي حد عايزه اعتمد علي نفسي وبس وعشان مايقولوش ماعرفتش تدافع عن نفسها جابت حد يدافعلها
بدور لسه بتتكلم وبتدي وشها لغالب مره واحده اتكعبلت في شنطته اللي في الارض غالب لحقها ومسكها من ايديها وشدها لي
وقربها منه وبأيديها التانيه سندت علي صدره
غالب بصلها وابتسم وبدور بصيتله وقربت منه واول ماحست بقربها منه بعدت عنه علي طول
غالب : ( وهو مبتسم وبيبصلها ) ايه مش تخللي بالك ..
بدور : اصل .. مكنتش واخده بالي من الشنطه
بدور وشها احمر حرفيا
غالب : اي ده انتي بتتكسفي ولا ايه
بدور : لاء طبعا هتكسف من ايه يعني .. انا ماشيه
غالب : ( وهو بيضحك يبقي بتتكسفي ) بدور اخدت الفوطه من علي السرير ورمتها عليه
بدور : قولتلك لاء مش بتكسف اصلا
بدور مشيت وفتحت باب الاوضه وقالت على فكرة احنا لازم نروح لاحسان
غالب : و**** عارف انك هتقولي كده .. احنا فعلا لازم نروح ناخدها
بدور : تفتكر عاصي هيوافق ييجي معانا
غالب : مممممم افتكر انه يوافق بس لو انتي اللي طلبتيه منه ده... عاصي بعد اللي عمله عشانك النهارده افتكر انه بيعزك اوي
بدور : تفتكر
غالب : اكيد يابنتي .. بيعزك جدا كمان زي ما بيعزني بالظبط انتي زي بنته
بدور : ( باحباط ) زي بنته
غالب : اه طبعا
بدور : طيب .. انا هاروح اقوله ويارب يوافق
بدور نزلت لعاصي
بدور : ( خبطت علي الباب ) تسمحلي ادخل
عاصي : مش فاضي دلوقتي
بدور : مش هاخد من وقتك كتير
عاصي : في ايه
بدور : احسان ..
عاصي : انا ماقولتلهاش تسيب البيت
بدور: بس احسان ليها كرامه انا خفيت ومابقيتش محتاجلها هتقعد تعمل ايه تاني
عاصي : طيب ما فعلا هتقعد تعمل ايه تاني
بدور : انا فاهماك بس .. لازم تحس ان احنا عايزينها معانا
احسان اتغيرت اوي ياعاصي
عاصي : ( شاور بأيديه ) والمطلوب
بدور : تيجي معانا نروح نجيبها .. او حتي نسأل هي مشيت ليه
انا متأكده ان دي حاجه هتفرحها جدا .. وماتنساش ان احسان انقذتك قبل كده من الموت
عاصي : ااااه لما كنتوا عاملين لعبه عليا انتوا الاتنين
بدور : مالهووش لازمه الكلام ده دلوقتي
عاصي : موافق بس بشرط
بدور : ايه هو
عاصي : رحله المدرسه لازم تطلعيها
بدور : ( باستغراب ) ليه يعني
عاصي : ( بصوت عالي وهو متنرفز ) عشان انا قولت كده
بدور : ( بخوف ) طيب .. طيب موافقه
عاصي : وانا موافق اني اروح معاكم
-----
احسان روحت بيتها اخيرا ودخلت اوضتها
ام احسان : مالك يا احسان فيكي ايه يابنتي
احسان : ابدا يا امي مافيش
ام احسان : مابقتيش عجباني ابدا يا احسان
احسان : معلش ممكن تسبيني لوحدي شويه
ام احسان : يابنتي انا خايفه عليكي
احسان : ارجوكي يا امي محتاجه اقعد لوحدي
ام احسان طلعت وابتدت احسان تفتح شنطتها وتطلع هدومها تحطها في دولابها
ومره واحده من غير ما تحس لاقت دمعه نازله منها مسحت بصوابعها دموعها وبقت مستغربه من ان الدمعه دي نزلت منها وقتها اتنهدت وعرفت ان قلبها هو اللي بيبكي من كتر الحزن اللي جواها ومره واحده قعدت علي سريرها وفرضت ضهرها علي السرير وغمضت عنيها زي ما تكون مستنيه حد يخبط عليها وفي نفس اللحظه سمعت صوت خبط الباب فتحت وهي مش مصدقه انها شايفاه قدامها بصلها ومن غير ما تتكلم ولا كلمه حط صوباعه علي شفايفها
عاصي : انا عارف انك اتحملتيني كتير وعارف انك فاكره اني مش حاسس باللي في قلبك من ناحيتي
( قرب منها وحط ايده علي شفايفها وهو بيبص في عنيها العسلي الفاتح )
عاصي : انا بس عايزك تصبري عليا احسان .. اصبري عليا وانا هشيلك جوه عنيا 😍
احسان ابتسمت وبقت مش مصدقه ان عاصي جالها البيت مخصوص
احسان : ( بفرحه ) عاصي .. عاصي انت هنا فعلا
مره واحده احسان صحيت علي صوت امها وهي بتنادي عليها
ام احسان : احسان .. احسان اصحي في ناس جاينلك بره
احسان بصت شمال ويمين وهي بدور علي عاصي في الاوضه وبعدها عرفت انها غصب عنها نامت علي السرير وان عاصي كان حلم مش اكتر اتنهدت بحزن وسرحت مع نفسها
ام احسان : يابنتي سرحتي في ايه بقولك في ناس عايزينك بره
احسان : ناس .. ناس مين دوول
ام احسان : مش هتصدقي
احسان : ( بزهق ) يووووه يا امي مابتقولي بقي
ماما احسان : بدور .. وغالب وعاصي
احسان : ( بفرحه ) انتي بتتكلمي بجد 😍
ماما احسان : اه و**** بره زي ما بقولك كده
احسان : طيب اقرصيني كده لا يطلع ده حلم هو كمان
بدور دخلت عليهم
بدور : تحبي اقرصك انا 😁
احسان : هو .. هو عاصي بجد معاكي بره
بدور : ايوه بره مكانش ينفع ابدا تسبينا كده فجأه
احسان : اصل .. اصل
بدور : من غير اصل ولا حاجه قومي البسي يلا عشان هما مستنيينك بره
احسان : ( قامت من علي السرير ) انا جايه حالا 😍
احسان طلعت وسلمت علي عاصي وغالب
احسان : ده شرف ليا انكم تيجوا النهارده لحد هنا
عاصي : مكانش ينفع نسيبك تمشي كده من غير ما نعرف السبب ايه
احسان : مهمتي وخلصت مافتكرش ان في حاجه تاني اقعد عشانها
غالب : لاء طبعا في .. ان احنا كلنا نكون سوا .. افتكر ان احنا نكون سوا ده اكبر سبب انك تقعدي عشانه معانا
بدور : ايوه بس
غالب : مافيش بس واعملي حسابك في رحله كلنا طلعنها لواحه سيوه
وانتي هتطلعي معانا عشان كلنا نغير جو سوا
بدور : فكره حلوه اوي
احسان بصت لعاصي
عاصي : ياريت تكوني موجوده يا احسان
احسان : ( بابتسامه ) اكيد هبقي موجوده ياعاصي 😊
يتبع...

الجزء الخامس

غالب : مافيش بس واعملي حسابك في رحلة كلنا طلعنها لواحه سيوه وانتي هتطلعي معانا عشان كلنا نغير جو سوا
بدور : فكره حلوه اوي
احسان بصت لعاصي
عاصي : ياريت تكوني موجوده يا احسان
احسان : ( بابتسامه ) : اكيد هبقي موجوده ياعاصي 😊
عاصي : طيب احنا لازم نمشي
ام احسان : ماتستنوا شويه ابو احسان زمانه جاي ونتعشا سوا
غالب : للاسف مافيش وقت ( بابتسامة ) ورانا مدرسه بدرى
احسان : مدرسة .. مدرسة ايه اللي وراك ياغالب
غالب : لااااا دي حكايه طويلة هبقي احكيهالك بعدين
اعملي حسابك عاصي هيعدي عليكي بعربيته علشان تروحوا الرحله سوا
عاصي بص لغالب كده وضم حواجبه
غالب : صح ياعاصي هتفوت على احسان
عاصي : ( ماتكلمش ولا كلمه ) ____________
احسان لاحظت كده ردت بسرعه
احسان : لا لاء بلاش اتعبه معايا انا هبقي اجيلكم بس ابعتولي العنوان
عاصي : مافيش تعب يا احسان ولا حاجه هبقي اكلمك تحضري نفسك
احسان : ( بابتسامه ) اللي تشوفه 😊
عاصي مشي هو واحسان وبدور وركبوا العربية سوا وعاصي فضل سايق مابيتكلمش ولا كلمه
بدور بتبص لاقت الزريبة اللي كانت مستخبيه فيها هي وعاصي
بدور : ( بصت لعاصي بابتسامه ) فاكر الزريبة دي
عاصي : ( بلوم ) اه فاكرها لما ابن اخويا ضربني بالنار في بضهرى اكيد فاكرها
غالب : انت مابتنساش ابدا
عاصي : انا بسامح بس مابعرفش انسى
غالب بص ناحيه الشباك وودي وشه الناحية التانية
بدور : هو ده بس اللي انت فاكره ياعاصي
عاصي : سرح وافتكر وقتها قد ايه هو وبدور كانوا قريبين من بعض ابتسم ابتسامة خفيفة وبص لبدور في المراية بدور بصتله
وهي كمان ابتسمت ورجعت ضهرها لورا وبقت وودت وشها الناحية التانية واتنهدت وبقت تبص من الشباك
------------------------( في نفس الوقت ) ------------------------
ميرا راحت الڤيلا لكريم فتحت باب اوضته لاقيته قاعد على نايم على سريره ولابس البنطلون بس من غير التي شيرت ونايم علي بطنه
بتبص لاقت شفشأ مايه علي الكومود اللي جنبه جابته وكبت المايه كلها عليه وهو نايم
كريم قام وهو مفزوع والمايه كلها عليه وعلى السرير
كريم : ( بعصبية وهو مش مستوعب ) انتي اتجننتي ولا ايه .. ايه اللي انتي بتعمليه ده يامجنونة
ميرا : ما هو ماينفعش بعد اللي قولتهولي في الفون ده تسيبني كده وادخل عليك الاقيك نايم ولا في دماغك
كريم : ( هز راسه شمال ويمين وهو مخنوق جدا من ميرا قام من على السرير وشد فوطة من جنبه وبقي بينشف وشه من المايه )
ميرا : ماتنطق الكلام اللي قولتهولي في الفون ده بجد
كريم : ايوه بجد
ميرا : يعني بدور تبقي بنت شوارع فعلا زي ما كنت متوقعة ومتربية طول عمرها في الملجأ
كريم : ما قولت ايوه . ايوه . ايه اغنيهالك
ميرا : وازاي ابوك وافق بواحدة زي دي تبقي معانا في المدرسة
كريم : ما ابويا ما يعرفش
ميرا : ( قعدت علي الكرسي وحطت رجل على رجل وضمت حواجبها باستغراب )
ميرا : اومال انت عرفت منين
كريم: لااااا دي بقي مصادرى الخاصة
ميرا : ( بنرفزه ) كريم انجز .. عرفت منين
كريم : طيب خلاص ماتتنرفزيش اوي كده في واحدة جت وحاكتلي عنها كل حاااجة .. وباين عليها ايه ... شايله منها كتييير ومن وقتها
وانا مش طايق واحدة زي دي تبقي معانا وفي وسطنا كده عادي
ميرا : مين الست دي
كريم : لااا لحد هنا ومش هينفع اقولك
ميرا : ومش هينفع ليه ؟
كريم : ( بص في الارض ) ليا اسبابي الخاصة .. المهم هنخلص من البت دي ازاي
ميرا : ماتقول لابوك على حقيقتها
كريم : ماينفعش .. وحتى لو قولتله مافتكرش انه هيطلعها من المدرسة ده قابض ومتكيش من واحد اسمه محمود مش عارف ايه كده ..
هو لو مكانش قابض كان دخل واحدة مابتعرفش لغه زي دي المدرسة بتاعتنا
ميرا : طيب وبعدين هنسيبها في وسطنا كده
كريم : لاااا ما احنا هنطلع الرحلة اللي قالت عليها مس فريدة
وهناك هنخليها تقول حقي برقبتي وهي اللي هتسيب المدرسة بمزاجها
ميرا : ( غمزت لكريم ) وانا معاك في الرحله دي
---------------------------( في نفس الوقت) ----------------------
عاصي روح الڤيلا ونزل من عربيته وهو بيقول
عاصي : ياريت تجهزوا نفسكم بكره بدرى عشان الرحله دي
غالب : تمام اوي انا هاروح مشوار وهاجي علي طول
بدور : رايح فين
غالب : رايح اجهز نفسنا للرحله دي
بدور : مش فاهمه
غالب : لما أجي هفهمك
غالب ركب عربيته ومشي
وعاصي طلع علي اوضته
بدور دخلت المطبخ وكانت جعانه جدا ما اكلتش حاجه من الصبح
حضرت العشا وخبطت علي عاصي
بدور : انا عملت العشا لو حابب تتع... ( لسه هتكمل كلامها عاصي قطعها في الكلام )
عاصي : مش جعان
بدور ( بتنهيده ) : بس انت مكلتش حاجه من الصبح
عاصي : ( بصلها ) مافتكرش ان دي حاجه تخصك .. أكل او ما اكلش دي حاجة تخصني انا
بدور : ( اتحرجت ) ممممم ايوه صح انت عندك حق انا اسفة
بدور طلعت ولسه هتقفل الباب وراها
بدور : ( بنبره صوت حاده ) لاء انا مش اسفة ..
انت بتعمل كده ليه .. ليه كل ما احاول اتكلم معاك كلمه واحدة بتصدني دايما .. دايما مكشر في وشي .. عمرك حتي ما بتبتسم قدامي دايما بتشخط فيا وتحرجني وتزعق فيا وبس
انا محتاره ساعات افكر للدرجة دي بتكرهني .. وارجع اقول لنفسي طيب لو بيكرهك مخليكي عنده في بيته كل ده لية ؟
لو علشان الجرح اللي سببتهولي فا انا خفيت خلاص .. ممكن يكون شفقة صح .. اكيد بتشفق عليا ياعاصي
بدور قربت من عاصي اكتر ووقفت قدامه ووشه في وشها بالظبط
بدور : ( ودموعها بتلمع في عنيها ) جاوبني .. خليني ارتاح انا بفكر في اليوم الف مرة .. ليه بتعاملني المعامله دي ياعاصي ليه ؟
عاصي : ( في نفسه وهو باصص في عنيها ) عشان خايف .. خايف اقرب منك اكتر.. احبك اكتر يابدور..
خايف يقوله عاصي الكابر اتعلق ببنت قد ولاده .. خايف يبانلك اللي جوايا .. علشان كده دايما ببعدك عني
بدور : انطق ياعاصي ساكت ليه ؟
عاصي فاق من سرحانه وهو بيكلم نفسه وباصص في عنيها
اداها ضهره عشان مايبصش في عنيها ويضعف
عاصي : تقدرى تقولي شفقة مش اكتر
بدور : ( بصوت حزين ) ولما هي شفقة ايه اللي خلاك تسيب شغلك ومكانك وسط شركاتك وتبقي المدرس بتاعي ياعاصي دي كمان شفقة
عاصي : ( مسكها من دراعاتها الاتنين وبقي يهز فيها جامد ) قولتلك الف مره طول ما احنا الاتنين عايشين تحت سقف واحد انتي في حمايتي وهعمل اي حاجة عشان احميكي مش اكتر
بدور : ( رفعت ايدها وبقت تحاول تنزل ايد عاصي من علي كتافها وعاصي كان ضاغط جدا بأيديه الاتنين على دراعاتها
بدور : ( بدور بقت بتلمس ايد عاصي بحنيه ) عاصي .. عاصي دراعي ياعاصي .. انت بتوجعني
عاصي نزل ايده بالراحه من علي دراع بدور وبدور بقت بتنزل ايديه من عليها وهي لسه ماسكه ايديه
رفعت ايدها وهي ماسكه ايديه وحطتها علي قلبها
بدور : ( وهي بتبص في عنيه وبتتكلم من قلبها بجد ) رغم انك بتقول انك بتشفق عليا بس قلبي ده بيقولي انك بتكذب عليا .. معرفش احساسي صح ولا غلط بس هو ده اللي انا حساه ..
تصبح على خير
بدور سابت عاصي ومشيت وعاصي ابتسم وبقي مش مصدق حس ان بدور ممكن تكون بتبادله نفس شعوره ومش قادرة تقوله باللي هي حاسه بي وحس انه لازم ينادي عليها ويقولها اللي جواه
راح بسرعه عشان يفتح باب اوضته وينادي عليها بيبص لقي حد بيخبط ابتسم وقال
عاصي : بدور
فتح الباب وهو بينطق اسمها ومبسوط
بيبص لقاه غالب
غالب : اي ده انت كنت مستني بدور ولا ايه
عاصي : ( كشر مره واحده اول ما لقاه غالب ) لا لا ابدا
غالب : اومال كنت بتنطق اسمها ليه
عاصي : ( بتوتر ) ابدا .. اصلها كانت بتقول انها عملت العشا
غالب : ايوه فعلا العشا علي السفره تحت تعالي عشان نتعشا وكمان عشان اوريك انا جيبت ايه لبدور
عاصي : وانت تجيبلها ليه ..
غالب : ايه ياعاصي في ايه .. ايه السؤال ده
عاصي : انا مش عايز اتعشا
غالب : انت حر .. انا مش فاهم انت متعصب ليه ؟
غالب نزل علي السلالم وهو نازل بدور كانت مستنياه علي السفرة
بدور : ايه مش هياكل
غالب : لاء مش عايز ياكل ومش فاهم متعصب ليه ؟
بدور : ماتزعلش منه
غالب: طيب يلا كلي بقي عشان اوريكي الهدوم اللي جيبتهالك
بدور : ( ابتسمت لغالب ) انا بجد مهما اشكرك علي اللي بتعمله معايا مش هوفيك حقك
غالب : ايه جو الرومانسيات ده مابياكلش معايا ( قعد علي السفرة ) يلا بس ناكل عشان اشوف الهدوم عليكي بس يارب ذوقي يعجبك
بدور ابتسمت وهي بتقول
بدور : اكيد هيعجبني ☺️
--------------------------------( في نفس الوقت)------------------
ام احسان : بتعملي ايه يا احسان
احسان : زي ما انتي شايفه بحضر شنطتي .. انتي مش سمعتي ان عاصي هييجي ياخدني بكره
ام احسان : طيب وابوكي هنقوله ايه .. هنقوله انك طالعه رحله مع سي عاصي
احسان : ( قعدت امها على السرير وهي مبتسمة ) لاء طبعا ياماما اوعي تقوليله كده
ام احسان : اومال هنقوله ايه بس
احسان : عادي ياماما جالي حالة مستعجلة او اي حاجة ماتقلقيش هعرف اتصرف
ام احسان : يابنتي كفيانه كذب على الراجل وبعدين انا حاسه انك بتتعلقي في حبال دايبه .. عاصي ده حباله دايبه يا احسان
احسان : انا عارفة .. بس انتي متخيله ايه اللي بيحصل عاصي هييجي ياخدني بكره وهقضي طول مده السفر معاه ممكن وقتها يتكلم معايا .. يعرفني .. يقرب مني ارجوكي يا امي دي فرصة كنت مستنياها من زمان واهي اخيرا جت ارجوكي ماتضيعييش الفرصه دي من ايدي يا امي عشان خاطرى
احسان بقت تبوس ايد مامتها وتبوس دماغها
احسان : هااا قولتي ايه ياست الكل
ام احسان : خللي بالك على نفسك يا احسان
احسان : لاااا من الناحية دي اطمني انتي مخلفه راجل
ادعيلي انتي بس **** يحنن قلبه عليا
ماما احسان : **** ينولك اللي في بالك يابنتي
--------------------------------( في نفس الوقت)------------------
بدور لبست الهدوم اللي غالب جابهالها
بدور : أيه رايك
غالب: يابنتي انا مابجيبش حاجه وحشه اساسا ..
بدور : ( بفرحه ) يعني حلو عليا
غالب : ( بصلها وبص لجمالها واول مره ياخد باله انها حلوه اوي كده ) بصراحه هو حلو عشان انتي لبساه
بدور اتحرجت
بدور : طيب انا .. انا هدخل بقي عشان اشيل الهدوم دي في الشنطه عشان اصحي بكره بدرى
غالب : طيب يابدور تصبحي علي خير.
بدور جت تمشي راحت وقفت قدام غالب
غالب : في حاجه يابدور
عايزه تقولي حاجه
بدور : بصراحه اه ..كنت بس عايزاك توعدني انك ماتتخانقش في الرحله مهما حصل ممكن ياغالب
غالب : ايوه بس لو حد ضايقك انا ممكن
بدور حطت ايدها علي شفايف غالب عشان مايكملش كلامه
بدور: ارجوك بلاش ياغالب انا رايحه الرحله دي عشان اندمج وسطهم واقدر اكمل السنه دي معاهم من غير اي مشاكل ..
عشان خاطرى اوعدني انك مش هتعمل اي مشكله هناك
غالب مسك ايد بدور ونزلها بالراحه من علي شفايفه
غالب : ( بابتسامه ) طالما انتي عايزه كده يبقي اللي تشوفيه
بدور ابتسمت
بدور : اه وحاجه كمان
غالب : ماتقلقيش مش هقول لحد اني اعرفك وهتعامل معاكي هناك طبيعي جدا في حاجه تاني
بدور : ( بتنهيده وهي مبتسمه ) تصبح علي خير
-------------------------( تاني يوم الصبح )-------------------------
غالب : وهو بيشيل شنطه
يلا كله جاهز
عاصي : ( وهو نازل من علي السلم ) انا هاروح اخد احسان
غالب : تمام وانا هاخد معايا بدور
بدور : لاء انا هاروح المدرسه بتاكسي احسن
غالب : عشان برضوا مايعرفوش انك معايا
بدور : ايوه ما انت عارف
غالب : تمام
غالب ركب عربيته وراح المدرسه وبدور ركبت تاكسي وعاصي راح لاحسان
عاصي : الوو
احسان : _________
عاصي : جاهزه يا احسان
احسان :______________
عاصي : تمام انا هاجي اخدك بس ياريت تكوني جاهزه
بدور وغالب راحوا المدرسه وركبوا الاتوبيس من هناك
وفي اللي راح من الطلبه بعربيته
عاصي وهو قدام بيت احسان
عاصي : اتأخرت عليكي
احسان : لا لا ابدا ماتأخرتش
عاصي : طيب يلا اركبي
احسان ركبت العربيه مع عاصي وكانت حرفيا طايره من الفرحة
ووصل الجميع للمكان المخصص
مس فريده : غالب ياريت تساعدني في نزول الشنط
غالب بصلها وابتسم وغمزلها
غالب : من عيوني
مس فريده بقت تكلم كل الطلبه
مس فريده : الرحله هتكون 3 ايام زي ما كلنا عارفين بس اللي عايزه اعرفهولكم اكتر ان هي اكتر من انها تكون رحله
فهي هتبقي مشقه عليكم بمعني ان احنا هنعمل كل حاجه هنا بأيدينا ..
ميرا وكريم مره واحده جم بعربيتهم وكريم لف الدركسيون جامد العربيه لفت حوالين نفسها وبقي في تراب في الهوا بقت بدور تكح منه
كريم : ( نزل من عربيته ورزع الباب وراه هو وميرا )
ميرا : بس انا مابعرفش اعمل حاجه بأيدي ابدا دايما الشغالين بتوعنا هما اللي بيعملوها ( بصت لبدور ) الشغلانه دي ليها ناسها
بدور اتنهدت وداست علي سنانها وسكتت
عاصي جه من وراهم بعربيته
ورزع باب عربيته وهو مضايق من كلام ميرا
عاصي : ( بصوت عالي ) الرحله دي مش رحله عاديه احنا جيبنا الطلاب اللي اهليهم ماعرفووش يربوهم كويس ( وبص لميرا ) عشان احنا بقي نربيهم يعني الرحله دي هتبقي رحله اعتماد علي النفس اكتر من انها تكون ترفيهيه
رفع صوته اكتر علشان الكل يسمع وبقي بيشاور بصوباعه
1- هنعمل اكلنا بأيدينا
2- هننصب الخيم بتاعتنا
3- هنحترم بعض وهنتعاون كلنا سوا
عاصي بص لكريم وبقي وشه في وش كريم
حد عنده اعتراض
كريم : ( مسك ايده وبقي يحسس عليها )
هز راسه يمين وشمال من غير ما يتكلم بمعني لاء
عاصي : تمام كده يلا كله يبدأ الشغل ياريت كله ينزل الخيم من الاتوبيس وهنقسم الخيم لتمن مجموعات اربعه شباب واربعه بنات
غالب بص لكريم وابتسم ابتسامه شماته كده وكل الولاد قلعوا القمصان بتاعتهم وبقوا ينصبوا الخيم ..
وابتدا غالب يتعرف علي معظم الطلبه التانيين
ثائر : بالراحه .. بالراحه انت كده شايل كتير هات اشيل معاك
غالب : لا انا تمام اوي حصلني انت بالباقي
ثائر مد ايده : انا ثائر
غالب : وانا غالب
ثائر : عارفك طبعا انت من اول يوم دخلت فيه المدرسه وانت اسمك مسمع في المدرسه كلها
غالب : مش للدرجه دي
غالب مشي وثائر مشي وراه
ثائر : للدرجه دي جدا كمان ☺️
سجده : بدور تعالي معايا انتي هتبقي معايا في خيمتي
بدور : طيب انا هنادي لاحسان واجي معاكي علي طول
بدور جت تنادي علي احسان بتبص لاقيتها واقفه مع عاصي
احسان : هات اخدها منك وانت شوف هتجيب حطب منين
عاصي : تمام بس تقيله عليكي
احسان : لا ابدا مش تقيله ولا حاجه
احسان اخدت العصيان اللي بيثبته بيها الخيمه من عاصي ولسه هتمشي بيهم كانوا تقال عليها جدا وقعت بيهم ماقدرتش تشيلهم
عاصي راحلها بسرعه وشالهم منها ومسك ايدها عشان يقومها من علي الرمله
عاصي : (وهو ماسك ايد احسان ) مش قولتلك تقال عليكي مابتسمعيش الكلام
احسان قربت منه اكتر ومسكت ايديه ليها خلت قلبها كان هيطلع من مكانه
بدور كانت وراهم وشيفاهم اول ما شافت عاصي ماسك ايد احسان اتضايقت جدا وزعلت وراحت لسجده
سجده : مالك يابدور فيكي ايه
بدور : هيكون فيا ايه يعني ولا حاجه تعالي نكمل نعمل الخيمه بتاعتنا
كل اللي موجود كان بيعمل الخيم وبيحضر نفسه وبيحط حاجته
والليل دخل عليهم وابتدوا يولعوا نار في كل مكان بشويه حطب والدى جي ابتدي يشغل اغاني وكله كان بيرق
احسان : مالك يابدور فيكي ايه .. مش ناويه تطلعي مع صحابك
بدور : لاء ازاي .. ( بدور ندهت علي احسان ) احسان
احسان : نعم يابدور
بدور : خللي بالك علي عاصي
احسان : مش فاهمه
بدور : مش مهم
بدور طلعت مع سجده وابتدت تندمج مع اللي حواليها
بدور : قوليلي بقي كل اللي هنا دوول مين علشان انا محتاجه اتعرف علي الكل هنا
سجده : تمام بصي ياستي
( شاورت علي كريم وميرا )
سجده : في الاول طبعا انتي عارفه كريم ابو ددمم تقيل وميرا اللي معاه دي طبعا
بدور : اكيد طبعا عرفاهم
بدور بتشاور علي ولد ماشي
بدور : ومين ده
سجده : لاااا ده ماتحاوليش تعرفيه اصلا دايما ماشي لوحده وتحسي انه عنده توحد
كريم شاف بدور
كريم : بدور هناك اهيه
ميرا : ماتقلقش شيفاهه .. انا مستنيه اللحظه المناسبة عشان اعرفها قيمتها الحقيقية
كريم : بس هي مالها احلوت اوي النهارده كده ليه
ميرا : لا و****
الكل كان متجمع في الصحرا وحوالين النار بيرقصوا وغالب جه ومعاه ثائر اللي اتعرف عليه واتنين كمان معاه وكانوا جايين ناحيه بدور
بدور : هما مين اللي مع غالب دوول
سجده : ممممم ده بقي ثائر حبيبي
سجده ابتسمت وراحت لثائر
سجده : اتأخرت كده ليه
ثائر : غالب هو اللي اخرني
واحد من اللي مع غالب اول ما شاف بدور حب يتعرف عليها
واول كلامه معاها
تعرفي يابدور انك شبه جدتي اوي ( قرب منها ) وكنت بحبها اوي
غالب اول ما شافوه بيقرب منها ضم حواجبه وقطعه في كلامه
وحب يعرف نفسه لبدور قدام الكل زي ما اتفقوا .
غالب : غالب الكابر وافتكر اسمي مايتنسيش
بدور : لا لا .. لا يمكن يتنسي
مره واحده ميرا جت ووقفت قدام غالب
ميرا : غالب مكنتش اعرف انك هتيجي
غالب بص لبدور
ميرا : ( رفعت حاجبها وبصت لبدور ) اي ده انتي هنا .. بدور اللي مانعرفش جاتلنا منين ..
قوليلي ايه رايك في حياه الاغنياء بعد ما كنتي طول عمرك عايشة في الشارع
غالب اتضايق راحت بدور بصيتله انه مايتخانقش معاها
غالب : ( داس علي سنانه ) انتي ليه مؤذية اوي كده
كريم وقف قدامه بسرعة
كريم : وانت ليه دايما بدافع عنها اوي كده
غالب : انا مش عايز اعمل مشكلة
كريم : بس انا بقي عايز
جه ثائر عشان يتخانق مع كريم
غالب : استني انا مش هعمل مشكلة
مره واحده بتاع ال dg ابتدي يتكلم في المايك وهو بيقول
يلا ياشباب المتعه هتبتدي ياريت نتجمع هنا حالا
الكل وقف في النص وابتدوا يفتحوا can bera ويشربوا
وعاصي بقي واقف من بعيد وكان بيبص علي بدور وهي في وسط اصحابها وبتندمج معاهم وهو ده اللي كان عايزه مش عايزها تبقي وحيدة وسابهم ومشي وبقي يتمشي لوحده
غالب راح لبدور
غالب: ياريت ماتقفيش مع سجده كتير
بدور : ليه
غالب : هي علي طول مع ثائر وثائر حواليه شباب كتير
بدور : بتخاف عليا
غالب بصلها كده
غالب : مش عارف
لينا جت بسرعه واخدت غالب من بدور وشدته عشان يرقص معاها وبعد عنها بدور وقتها اتمشت في الصحرا بعيد عنهم وبقت تمشي لوحدها
فضلت تمشي لحد ما لاقت بحيرة صغيرة تحفة جدا والمايه بتاعتها صافية اوي والملح حوالين البحيرة بطريقة غير طبيعية بصت شمال ويمين مالقيتش حد حواليها والمكان فاضي خالص قلعت هدومها بره وبقت من غير هدوم خالص ونزلت البحيره وبقت تعوم فيها وهي مبسوطه جدا غمضت عنيها وبقت سايبه نفسها للمايه ومره واحده سمعت صوت وراها اتعدلت بسرعه ونزلت جسمها كله في المايه
بدور: مين ..
بصت شمال ويمين مالقيتش حد
ادت ضهرها للصوت ولسه هتطلع بتبص وراها لاقت عاصي وراها في المايه معاها
عاصي : ( بصوت حنين ) طيب ينفع تنزلي في مكان زي ده لوحدك بالليل وانتي عريانه كده
بدور : عاصي 😳😳
بدور : ( خبت صدرها بأيديها الاتنين بسرعه ونزلت جسمها كله في المايه وبقت تتكلم وهي متوتره )
بدور: انت .. انت بتعمل ايه هنا
عاصي : ( بابتسامه بسيطه ) ردي عليا .. ينفع حد يعمل اللي انتي عملتيه ده
بدور : ( بدور شافت ابتسامه عاصي ابتدت ترتاح شويه وتهدي ) اصل .. اصل ..
عاصي: ( رفع ايديه وحط في ايديه شويه مايه وبقي بينزل مايه علي شعر بدور .. بدور وقتها غمضت عنيها وميلت رقبتها لورا وهي مغمضه ومبتسمه ابتسامه قمر زيها
عاصي مره تانيه اخد في ايده شويه مايه ورفع ايده وبقي بينزل المايه علي وش بدور وهي مغمضه وقطرات المايه بقت تنزل علي رموشها وخدودها
كأنها حبات لؤلؤ بتنزل علي خدها فتحت عنيها بالراحه اوي وهي بتبص لعاصي ورموشها التقيله اللي كانت حبات المايه بتنزل منها ..
عاصي شاف بدور كده ماقدرش يمسك نفسه اكتر من كده مره واحده وهو باصص في عنيها رفع صوابعه وبقي يرجعلها خصل من شعرها جايه علي جبينها علي ورا
بدور قرب عاصي منها بيخليها تروح في حته تانيه خالص اتنهدت تنهيده طالعه من قلبها بجد عاصي لمس رقبتها بكل حنيه وقربها منه وهو بيبص لملامحها
نظرته ليها مش نظره عاديه نظره عاشق بيعشق من قلبه بجد .. مره واحده وهو بيبص في عنيها بدور داست علي شفايفها بسنانها حاجه بسيطه
عاصي نزل بنظره علي شفايفها وبدور غمضت عنيها وهي بتتمني انه يبوسها ويعترفلها بحبه ليها ..
بدور وهي مغمضه عنيها كان عاصي بيلمس بأيده علي شعرها وبيقربها اكتر منه ميل راسه وكانت شفايفه خلاص هتلمس شفايفها
بدور : ( وهي لسه مغمضه عنيها ) بتحبني ؟
عاصي ابتسم وقلبه دق اوي للكلمه دي وبدور كانت مستنيه تسمع رده وقلبها اكاد اجزم اني شويه وكان هيطلع من مكانه مره واحده عاصي بيبص لقي فلاش ابيض بينور ..
بدور كانت مغمضه عنيها ومكنتش حاسه بنفسها اصلا عشان كده ما اخدتش بالها من الفلاش عاصي بسرعه جدا نزل راس بدور تحت المايه واول ما نزل راسها في المايه
مابقيتش فاهمه هو في ايه ؟
عاصي بص شمال ويمين بسرعه حواليه لقي اللي بيجرى من بعيد ساب بدور وبقي يعوم بسرعه لحد ما طلع علي الشط ولف من الناحيه التانيه عشان يلحقه ويمسكه
بدور : ( بدور طلعت راسها من المايه وبقت تنادي علي عاصي وهو بيجرى ) عاصي .. عااااصي هو في ايه ...عااااصي
بس عاصي طبعا ماردش عليها
بدور بصت شمال ويمين مالقيتش حد طلعت ولبست هدومها بسرعه جدا وفي لحظه عاصي كان اختفي من قدامها ومبقاش موجود ورجعت لوحدها لمكان التخييم بتاعهم وهي بتسأل نفسها هو ايه اللي حصل
---------------------------( في نفس الوقت )----------------------
احسان كانت بتدور على عاصي بتبص لاقت مس فريده قدامها
احسان : هاي ازيك .. ماشفتيش عاصي
مس فريده : هاي لا و**** ماشفتهووش .. ممممم انا شوفتك قبل كده اعتقد انك جايه مع مستر عاصي في عربيته صح كده
احسان : ( بابتسامه ) ايوه انا
مس فريده : اكيد انتي مراته صح ..
احسان : ( اتحرجت وبصت في الارض وهي مبتسمه ) ممم
مس فريده : انا اسفه اني بسأل بس عاصي من وقت ما اشتغل في المدرسه وهو منغلق جدا علي نفسه ومانعرفش حتي اذا كان مرتبط او لاء
احسان : يشتغل في المدرسه .. انا مش فاهمه حاجه
مس فريده : هو مش انتي مراته ازاي ماتعرفيش انه بيشتغل معانا في المدرسه
احسان : ( فهمت بسرعه انه بقي في المدرسه عشان بدور )
ممممم لالا انا مش مراته احنا مجرد اصدقاء مش اكتر
مس فريده : انا اسفه مكنتش اعرف هو عاصي متجوز
احسان : ( بغضب ) لاء مش متجوز
مس فريده : ( بابتسامه ) okay
احسان اخدت نفس عميق واتنهدت بتبص لاقت بدور جايه وشعرها مبلول
احسان : كنتي فين يابدور
بدور : ( بتوتر ) انا .. انا كنت بتمشي شويه مش اكتر
احسان : واللي بيتمشي شعره بيبقي مبلول كده
بدور : ااه .. ااه اصل كان في بحيره حلوه اوي نزلت فيها شويه
احسان : كنتي لوحدك ولا كان معاكي حد
بدور : ( بتوتر وهي بتودي وشها الناحيه التانيه ) اه .. اه طبعا لوحدي
احسان عرفت ان بدور بتكذب عليها عشان ماتجرحهاش
مره واحده ال d.g وقف وقرروا انهم يلعبوا كلهم لعبه سوا
غالب شاف بدور جه عليها
غالب : بدور كنتي فين
بدور اول ما شافته ابتسمت وأكنها كانت عايزه اي حد يبعدها عن احسان عشان ماتجرحش احسان اكتر من كده
بدور: ( بابتسامه ) غالب انا موجوده بس انت اللي مشغول معاهم
غالب مد ايده لبدور ومسك ايدها
غالب : طيب تعالي معانا
بدور : هنروح فين
غالب : ( شد بدور وراه راحت بدور بصت وراها لاحسان ) اسفه يا احسان هسيبك بقي
احسان : طيب يابدور
غالب راح لسجده وثائر وكلهم كانوا واقفين ومره واحده عملوا دايره كلهم سوا وجابوا ورقه
كوتشينه وبيحطوها علي شفايفهم وكل واحد بيمرر ورقه الكوتشينه دي للتاني بس بشفايفه واذا ورقه الكوتشينه وقعت من شفايفه وهو بيمررها للتاني شفايفهم بتتلاقي
بدور وقفت وهي شايفه اللي بيحصل
جه صاحب ثائر اللي كان بيعاكس بدور وقف جنبها
فارس : اي رأيك لو وقفت جنبك
غالب مد ايده بسرعه وحط بدور ورا ضهره
غالب : طيب ايه رأيك بقي لو انا اللي وقفت جنبك 😡😡
بدور : شافت غالب ابتدى يتحول علي الوش التاني راحت لمست دراعه بأيديها
بدور : غالب اهدى انت وعدتني
فارس شاف الشر في عنين غالب راح رجع خطوه ورا وشاف مكان تاني
غالب : تعالي هنا انتي هتقفي في النص بيني انا وسجده انتي فاهمه
بدور : اهدى طيب فاهمه
اللعبه ابتدت وبقي كلهم واقفين في دايره حوالين بعض وبيمرروا ورقه الكوتشينه بشفايفهم بدور بقت تاخدها من غالب وتديها لسجده سجده
وهي بتديها لثائر بشفايفها وقعت منهم وشفايفهم اتلاقوا ..
والكل بقي يصفرلهم والاتنين طلعوا من الدايره غالب بص جنب بدور لقي اللي مكان سجده بنت زيها وابتدوا اللعبه من جديد وهكذا
عاصي رجع للخيمه بتاعته وهو هدومه كلها مليانه مايه واطراف البنطلون كلها رمله لازقه فيها من المايه احسان بصيتله كده فهمت علي طول انه كان مع بدور
دخل وغير هدومه .. وبعدها طلع من خيمته وهو بيبص شمال ويمين علي بدور
احسان عنيها لمعت والدمعه كانت خلاص شويه وهتنزل من عنيها بس اتماسكت واتنهدت واخدت can bera من طالبه واقفه وبقت تشربه
ومع انها اول مره تشرب بس كانت عايزه اي حاجه تنسيها الوجع اللي في قلبها قعدت علي صخره بعيده وبقت تشرب لوحدها
عاصي بقي يدور علي بدور لحد ما لقاها بتلعب معاهم وكان شايفها من بعيد قرب منها بيبص لقاها بتقرب من غالب وبتاخد منه ورقه الكوتشينه
عاصي اول ما شاف كده اتضايق جدا .. بدور مهما كان صغيره ومش عارفه ومش فاهمه عاصي بيحبها قد ايه ؟
عاصي الدم غلي في عروقه واول ما شافها كده قرب منها ولسه كان عايز يجيبها من شعرها لقي احسان وقفت قدامه
احسان : مش هينفع ياعاصي
مش هينفع تخلي الطلبه كلهم يتفرجوا عليك والحب باين في عنيك ليها اوي كده
عاصي قبض علي ايديه وداس علي سنانه والغل كله كان باين علي وشه احسان شدته من ايده
احسان : بص حواليك ياعاصي .. كل المدرسين والطلبه واقفين
عاصي مشي بعيد مع احسان ورجع في كلامه
بدور : غالب انا زهقت من اللعبه دي
غالب : انا كمان زهقت مع اني كان نفسي المس شفايفك بس ماليش حظ المره. دي
بدور : غالب انت علي طول كده
بدور وغالب مشيوا سوا
غالب : يعني ايه علي طول كده مش فاهمك
بدور : يعني علي طول بتعاكس اي حد .. ده انت ناقص تعاكس احسان
غالب : ليه انتي شوفتيني عاكست مين
بدور : مس فريده مثلا
غالب: مس فريده من النوع اللي يتمشي معاها .. تهزرى معاه .. كلمتين حلوين علي ضحكه حلوه اكتر من كده لاء
بدور : طيب ولينا اللي لزقالك
غالب : لينا دي للمزاج لما يبقي ليا مزاج لحاجه ابقي روحلها مش اكتر
بدور : للدرجه دي البنات سهله اوي كده معاك
غالب : ممممم مش كلهم في واحده مغلباني شويه
بدور : بقي غالب في بنت تغلبه ده حتي عيب علي اسمك
وياتري بقي بتحبها
غالب : ( وهو بيقرب من بدور وبيبص في عنيها ) ممممم مش عارف بس كل اللي اعرفه ان لو حد قرب منها ببقي عايز ادفنه مكانه
بدور حست انه بيتكلم عنها اتوترت
بدور : طيب .. طيب انا لازم امشي اصل تعبانه اوي هاروح ارتاح شويه في الخيمه
غالب : ايه هتنامي
بدور : اه بجد تعبانه اوي من الصبح وانا مانمتش
غالب : طيب يابدور تصبحي علي خير
بدور وهي رايحه الخيمه بتاعتها عنيها كانت بتدور علي عاصي في كل حته
بدور : ( دخلت الخيمه بتاعتها وبقت تكلم نفسها ) ياترى سيبتني ومشيت ليه ؟ ممكن عشان سألته اذا كان بيحبني ولا لاء
وبقت تفتكر اللي حصل ما بينهم وهو قريب منها ولما ايديه لمست خدودها وشفايفها غمضت عنيها وبقت بصوابعها تلمس شفايفها المكان اللي عاصي لمسها فيه
وهي بتتنهد ومبسوطه اوي ان عاصي حاسس بيها ضربت بأيديها علي المخده اللي هي بتنام عليها وهي فرحانه جدا وكانت مستنيه النهار يطلع بفارغ الصبر عشان تشوفه ويتكلموا سوا
احسان وعاصي كانوا قاعدين مع بعض علي الصخره بعيد اوي ومكانش في حد معاهم وابتدت كل الطلبه تدخل علي الخيمه بتاعتهم وطفوا النار اللي كانوا مولعينها
احسان : ( وهي قاعده علي الصخره وبتشرب وبتبص للسما )
احسان : ( وابتدت تسكر وماتحسش بنفسها ) الحب ده غريب اوي .. مين فاهمه
عاصي : فعلا عندك حق .. فعلا الحب غريب اوي
احسان : قولتلها انك بتحبها
عاصي : ( كان ماسك ازازته وبيشرب منها ) لاء ماقولتلهاش
احسان : وليه ماقولتلهاش ..
عاصي : ( حط الازازه علي بوقه ) كنت هقول بس حصل حاجه كده خلتني اسيبها وامشي
احسان : طيب وناوي تعترفلها امتي
عاصي : مش لما هي كمان بتحبني ولا لاء
احسان : ( وهي بتضحك والازازه في ايديها ضربت علي كتف عاصي ) وانت في حد ما يحبكش
عاصى : وهو شارب ومش شايف قدامه ابتسم
عاصي: اتحب انا .. هاااا
احسان : عليك شخصيه كده .. وبترسم نفسك قدام الكل بس ايه ليك هيبه مش موجوده عند حد
عاصي : انا مكنتش كده الاول
احسان : ليه حساك خايف انك تقولها انك .. هىء .. بتحبها
عاصي : انا كبيييييييييير اوي عليها
احسان : بس هي بتحبك
وانا كمان بحبك .. هههههه .. وفيروزه كمان كانت بتحبك
عاصي: لاااا .. انتي باين عليكي سكرتي انتي بتشربي ايه
بص كده لقاها can bera ضحك
عاصي: ههههههه انتي سكرتي من دي .. انتي اول مره تشربي ولا ايه اومال لو شربتي من اللي معايا بقي هيحصلك ايه ؟
عاصي بيبص لقي احسان راحت في النوم وراسها علي كتفه
عاصي: ( وهو مش قادر يفتح عينه ) اي ده انتي نمتي
اخدها وهو اصلا بيطوح وبقي ساندها علي كتفه وبتتحرك معاه بالعافيه دخلها خيمته
وهو اصلا مش حاسس بنفسه ونيمها مكانه عاصي لما بيشرب مابيحسش بنفسه
وهي نايمه قعد جنبها ومره واحده اتخيل انها بدور قرب منها ولمسها وهي نايمه واحسان مكانتش حاسه بنفسها واتجاوبت معاه
طلع عليهم النهار تاني يوم ومع اول خيط شمس احسان صحيت بتبص لاقت نفسها نايمه جنب عاصي من غير هدوم
صوتت بسرعه واخدت الملايه وغطت بيها نفسها وفي ددمم جنبها
عاصي صحي بسرعه بيبص لقي احسان عريانه جنبه وبتعيط وهو كمان عريان
عاصي : احسان 😳😳
يتبع...

الجزء السادس

عاصي صحي بسرعه بيبص لقي احسان عريانه جنبه وبتعيط وهو كمان عريان
عاصي : احسان 😳😳
عاصي بسرعه بص جنبه لقي التي شيرت بتاعه لبسه بسرعه ولبس بنطلونه
عاصي : ( بتوتر ) ازاي .. ازاي ده حصل ( رجع شعره لورا وبقي ماسك دماغه وقرب من احسان وكانت لسه عريانه مالبستش يادوبك رافعه ملايه عليها
عشان تداري صدرها وعماله تعيط
عاصي مسك احسان من دراعاتها الاتنين بكل قوته وهو بيهز فيها
عاصي : ازااااي .. ازاااي ده حصل انطقي
احسان والدموع مغرقه عنيها معرفش و**** ما عرف ..
عاصي : ( ساب احسان وقام وقف ) انا .. انا مش فاكر حاجة عاصي بيبص بنظره تحت لقي ددمم علي الملايه غمض عنيه وضرب بأيديه علي جبينه
عاصي : ( وهو دايس علي سنانه ) ياااادي المصيبه .. يادي المصيبه
عاصي ساب احسان وطلع بره الخيمه وضرب برجله في صخره قدامه وأكنه بيطلع كل غضبه علي الصخره دي
ميرا طلعت من خيمتها بتبص لاقت عاصي بيضرب رجله في الصخره ومخنوق جدا طلعت فونها علي طول وبقت تصوره وهو غضبان اوي كده
-----------------------------( في نفس الوقت )----------------------
بدور كانت مانامتش طول الليل حرفيا وبتلبس هدومها
سجده قامت من النوم وهي بتتاوب وبتفتح عنيها بالعافيه
سجده : ( فتحت عنيها واتعدلت في قعدتها ) ايه يابنتي اللي مصحيكي بدرى اوي كده هي الساعه كام
بدور : ( بفرحه ) انا مانمتش اصلا
سجده : وايه اللي مخليكي مانمتيش .. سجده ربعت رجلها وابتسمت
سجده : قوليلي بقي انا شايفه فيكي حاجه متغيره من امبارح
بدور : ( ابتسمت وهزت راسها من فوق لتحت ) ممم بصراحه اه
سجده : ( بابتسامه ) ايوه بقي .. من غير ما تحكيلي
كده احنا مش اصحاب
قوليلي مين هو .. ولا استني انا عارفه مين
بدور استغربت وضمت حواجبها كده
بدور : عرفتيه منين
سجده : باينه جدا يعني ده كفايه نظراته ليكي وكمان باين انه بيغير عليكي
بدور : بجد ونبي ياسجده 😍
سجده : طبعا بجد انتي مش شايفه هو بيدافع عنك ازاي وعمل ايه مع فارس لما كان هيقف جنبك في اللعبه
بدور : ( ضمت حواجبها بعدم فهم ) انتي تقصدي مين
سجده : غالب طبعا هو في غيره
بدور : ( ابتسمت وهزت راسها كدخ يمين وشمال ) انتي اكيد بتهزرى بقي
غالب يعجب بيا انا .. لاء وكمان بيغير عليا بطلي هبل .. غالب مافتكرش ان غالب ممكن يبقي جد معايا في يوم وبعدين غالب غالي عندي جدا بس
مش بالطريقه اللي تقصديها وانا متأكده ان انا كمان بالنسباله مش زي ما انتي فاهمه خالص
سجده : معني كده ان في حد تاني غير غالب
بدور : ( ووشها بينور من الفرحه ) أيوه 😍
سجده : ( مسكت ايد بدور بكل حماس ) طيب مين قوليلي بسرعه
بدور : ممممم مش هينفع بس اول ما اتأكد مع اني بقيت متأكده خلاص بس اول ما اسمعها منه انه بيحبني هقولك هو مين علي طول
سجده : ( تنحت كده ) هو انتي عامله كل ده والفرحه اللي بتنط من عنيكي دي وهو اصلا لسه ماقالكيش انه بيحبك
بدور : ( بابتسامه وهي سرحانه وبتفتكر نظراته ليها وقربه منها ردت عليها بصوت ناعم وبحنيه وهي حاضنه نفسها بأيديها )
ساعات الحب مابيبقاش محتاج كلام عشان نحسه .. نظره العين بتفضحنا وده اللي حسيته وشوفته من نظره عنيه ليا امبارح اه لسانه مانطقهاش بس عنيه فضحته
سجده : ياسيدي .. ياسيدي **** يفرحك دايما يابدور
بدور : ويوفقك انتي كمان مع ثائر ياسجده انتي تستاهلي كل خير و****
سجده : طيب ايه مش هاتروحيلوه ولا ايه
بدور : ( بابتسامه ) اكيد هاروحله ( قامت وقفت ) .. بس قوليلي حلوه كده
سجده : ما شاء **** عليكي زي القمر
بدور طلعت بره الخيمه عشان تروح لعاصي خيمته
عاصي مكانش عارف يفكر حرفيا كان عامل زي المجنون
جه في باله غالب بسرعه
عاصي : الوووو
غالب : _________
عاصي : تعلالي حالا
غالب : __________
عاصي : ( بعصبيه ) بقولك تعالالي حالا في الخيمه بتاعتي انت ايه مابتفهمش
غالب : ________________
عاصي دخل مره تانيه الخيمه لقي احسان قاعده بتعيط
عاصي: ( بعصبيه ) انتي لسه مالبستيش
احسان : ( ودموعها مغرقه وشها من الدموع ) هلبس ..
عاصي بصلها كده اخد نفس وحاول يهدي نفسه
عاصي : طيب ياريت تلبسي بسرعه
انا هطلع واستناكي لحد ما تلبسي عاصي لسه هيطلع بره الخيمه
غالب دخل عليه
غالب : في ايه ياعاصي جايبني علي ملا وشي كده ل... ( لسه هيكمل بيبص لقى احسان وهي مخبيه نفسها بالملايه وبتعيط وشاف بقعه الدم اللي علي الملايه)
غالب: ( ضم حواجبه باستغراب ) يعني ايه الكلام ده
احسان : ( بعياط ) ارجوكم اطلعوا بره عايزه البس هدومي
غالب وعاصي طلعوا بره الخيمه
غالب : اوعي يكون اللي انا فهمته ده صح
عاصي : ( بصوت واطي عشان احسان ماتسمعش ) انا مش فاهم .. مش فاهم ايه اللي حصل ياغالب ..
احنا كنا سوا وكنت شارب بس احنا كنا قاعدين علي صخره مش فاهم ايه اللي حصل بعد كده صحيت الصبح لاقيت نفسي بالمنظر ده وهي جنبي وبتعيط
غالب : طيب تعالي .. تعالي نتكلم في حته بعيده شويه عشان ماتسمعناش
غالب وعاصي مشيوا قدام شويه وبدور جت ودخلت الخيمه
بتبص لاقت احسان بس كانت لبست هدومها احسان اول ما شافتها خبت الملايه بسرعه
بدور : ( باستغراب ) احسان .. احسان انتي بتعملي ايه .. في .. في خيمه عاصي
احسان : مممممممم انا .. انا بس كنت ..
بدور : ( بذهول ) كنتي ايه يا احسان
غالب بسرعه جه ورا بدور
غالب : ( هرش بأيده علي جبينه ) كانت نايمه هنا ياستي .. شربت كتير امبارح ومكانتش حاسه بنفسها خالص راحت دخلت خيمه عاصي بالغلط
بدور : طيب وعاصي نام فين 🥺
غالب: نام عندي طبعا في خيمتي .. يعني هيكون نام فين
بدور اخدت نفسها وزي ما تكون ارتاحت اول ما سمعت الكلمه دي
بدور : ( بابتسامه ) طيب هو فين عاصي
غالب : بره هتلاقيه عند البحيره
بدور : طيب انا ريحاله
بدور راحت لعاصي البحيره وهي قلبها بيدق جامد اوي ووشها كان منور من الفرحه عاصي كان مديها ضهره
خبطت علي ضهره بصوابعها وهي مبتسمه والبراءه كلها في عنيها
بدور : كنت فين من امبارح ☺️ فضلت ادور عليك مره واحده اختفيت
عاصي : (لف و بصلها وبص في عنيها وابتسم ابتسامه بسيطه لملامحها البريئه بدور ابتسمت وكانت مستنيه رده مره واحده جه في باله منظر احسان
وهي نايمه جنبه ملامح وشه كلها اتغيرت)
عاصي : كنتي بدوري عليا ليه ؟
بدور : ( بابتسامه ) يعني .. انت مشيت مره واحده مالقيتكش قدامي .. فكنت اكيد هدور عليك وخصوصا بعد اللي حصل امبارح
عاصي : ( اخد نفس واتنهد واداها ضهره مره تانيه وبقت واقفه وراه بخطوه واحده ) وهو ايه بقي اللي حصل ما بينا امبارح
بدور : عاصي ماتهزرش .. انت عارف كويس ايه اللي حصل ما بينا امبارح
عاصي : ( رجع بصلها وبص في عنيها مره تانيه بس المره دي بصلها نظره حاده ) لاء مش عارف وياريت تعرفيني
بدور : عاصي .. البحيره .. امبارح .. انا وانت
عاصى: اااااااه .. يااااه انتي لسه فاكره ده كان بالليل .. بيقوله كلام الليل مدهون بزبده .. سمعتي المثل ده قبل كده
وبعدين انتي نسيتي اني مشيت وسيبتك .. لما مشيت ده مفهمتيش اني مشيت عشان حاجه معينه
بدور : ( باستغراب وهي مش فاهمه ) حاجه زي ايه انا مش فاهمه حاجه
عاصي: مافهمتيش انك مادخلتيش مزاجي .. وانك اقل بكتير اني حتي اقضي معاكي ليله ..
حسيت انك رخيصه اوي وماينفعش انا عاصي الكابر يقضي ليله مع واحده بالرخص ده
بدور كانت بتسمع كلام عاصي وهي مش مصدقه انه بيقولها الكلام ده
عاصي لف حواليها وهو بيكمل كلامه وبقي واقف وراها بالظبط وقرب من ودنها وبقي يقولها والدمعه شويه هتنزل من عنيه
عاصي : ماتنسيش نفسك يابدور .. مش عاصي الكابر اللي يتنازل في يوم ويفكر في واحده زيك .
بدور مره واحده لفت وشها و بصيتله ودموعها نازله منها ومن غير ما تحس نزلت بالقلم علي وشه ضربته بكل ما فيها من قوه ..
عاصي : ( كان حاطط ايده في جيوبه وماتهزش بلع ريقه وغمض عنيه )
بدور : ( بعياط وهي صوتها بيطلع بالعافيه ) انا صحيح ماليش اهل .. وصحيح طول عمري متربيه في ملجأ بس
عمرى .. عمرى ما كنت رخيصه ولا حد لمسني قبلك ياعاصي في يوم .. انا ماشوفتش منك غير القسوه وبس ورغم كده حبيتك ..
حبيتك حب لو فضلت عمرك كله تدور علي حد يحبك قدي مش هتلاقي ياعاصي
انا .. انا عملت عشانك كتير .. بس انت ماتستاهلش ( شاورت بأيديها علي قلبه بقوه ) عمر قلبك ده .. ما حس بيا في يوم ..
( مسحت بأيديها دموعها من علي خدها ) بس وحياه الحب اللي حبيتهولك لا هطلعك من قلبي ..
وهخليك تعيش اللي انا عيشته وتحس بكسره قلبي اللي اكاد اجزم اني سمعت صوت قلبي وهو بيتكسر دلوقتي
كم انا غبيه
بدور التفتت وادت ضهرها لعاصي ومشيت عاصي ماتكلمش ولا كلمه كان بيسمعها وبس غمض عنيه بيبص لقى في دمعه نازله منه
اخد نفس بسرعه ومسح دموعه ولف ورجع بص للبحيره مره تانيه
بدور رجعت خيمتها وجابت الشنطه وبقت تلم هدومها
سجده : ايه يابدور عملتي ايه احكيلي
بدور : ( دموعها مكانتش راضيه تقف )
سجده : بتعيطي ليه في ايه .. احكيلي
بدور : ( بتهته في الكلام لاقت نفسها بتعيط اكتر ) انا .. انا بحاول ابطل عياط بس مش عارفه
( مسحت بأيديها مره تانيه علي عنيها عشان تبطل عياط بس دموعها كانت بتنزل اكتر )
انا .. انا مش عارفه .. مش عارفه ابطل عياط انا عايزه ابطل عياط بس مش
عارفه ( بصوت من قلبها بجد صوتها بقي عالي اوي ) مش عارفه .. و**** مش عارفه ياسجده مش عارفه
سجده قامت بسرعه واخدت بدور في حضنها
سجده : طيب اهدي .. اهدي ب**** عليكي اهدي
بدور اترمت في حضن سجده وبقت تعيط وبس
غالب راح لاحسان الخيمه
عاصي : قومي عشان هنمشي
غالب : علي فين ياعاصي
احسان : هانروح فين
عاصي : هاروحك بيتك ..
احسان : ايوه بس ..
عاصي : ( بعصبيه ) بقولك قومي
احسان قامت وجابت شنطه هدومها
غالب : عاصي انت هتعمل ايه
عاصي : خللي بالك علي بدور .. بدور امانه في رقبتك ياغالب
غالب : انا مش فاهم حاجه
عاصي : لحد ما انا افهم اللي بيحصل زي ما قولتلك بدور امانه في رقبتك
عاصي اخد احسان وركبوا العربيه بتاعته وراحوا علي مصر
غالب راح لبدور الخيمه بتاعتها لقاها في حضن سجده وبتعيط
غالب : بدور بتعيطي ليه
سجده : مش فاهمه في ايه
بدور وقتها اول ما شافت غالب اترمت في حضنه وبقت جواه حرفيا
غالب اول ما بدور اترمت في حضنه جسمه كله قشعر
اتنهد وغمض عنيه ورفع ايديه وضمها لي اكتر وكان هاين عليه يخبيها ما بين ضلوعه ويحطها جوه قلبه مش في حضنه وبس
بدور : ( وهي بتعيط ) ماتسبنيش ياغالب .. انا ماليش غيرك
ماتسبنيش خليني دايما معاك
غالب : فهميني في ايه .. عرفيني بتعيطي ليه
بدور : ( رفعت راسها وبصيتله ) انا محتجالك اوي .. محتجالك وبس .. اوعدني .. اوعدني انك مش هتسيبني في يوم
غالب : ( بابتسامه ) اوعدك يابدور 😊
-----------------(في نفس الوقت)---------------------
عاصي كان راجع باحسان علي مصر وهما في العربيه
مكانووش بيتكلموا ولا كلمه حرفيا عاصي كان سايق بسرعه رهيبه من غير حتي مايبصلها كان باصص للطريق وبس غير الدبرياچ وزود بنزين اكتر
احسان : بالراحه شويه ياعاصي احنا كده هنتقلب بالعربيه
العربيه بتاعت عاصي كانت مفتوحه من غير سقف واحسان كان شعرها بيطير لورا من كتر ضغط الهوا الشديد
بتبص لاقت عاصي دخل في الصحرا وبعد عن الطريق بتاعه
احسان : ( بخوف ) انت .. انت بتعمل ايه ياعاصي .. احنا .. احنا رايحين علي فين
عاصي مكانش بيرد عليها ومره واحده بيبص وراه لقي شجره علي بعد 500 متر في الصحرا لف الدركسيون بسرعه رهيبه
والكاوتشات بقت تعمل صوت رهيب والرمله طالعه منها واحسان كانت خايفه جدا من عاصي واللي بيعمله ومش فاهمه هو بيعمل ايه ؟

مره واحده بقي قدام الشجره وبينه وبينها اقل من 500متر
داس بنزين اكتر وزود وبقي رايح للشجره عشان يخبط فيها
احسان : ( بخوف ) انت هتعمل ايه .. انت هتعمل ايه
احنا كده هنموت .. هنموت ياعاصي هنمووووووووت
عاصي : ( كان اول مره ينطق من ساعه ما طلعوا علي الطريق ) انا مش فاكر من اللي حصلت وانتي هتحكيلي كل حاجه حالا يا اما
( وهو بيدوس بنزين برجلهاكتر وبيزود السرعه اكتر ) يا اما العربيه دي هتبقي تربتك النهارده
( لف وشه يمين ناحيتها وقلها بزعيق وغضب الدنيا كله علي وشه ) انتي فاااااهمه 😡😡
احسان: ( بعياط ووشها ده بقي احمرررر) و**** ما اعرف .. و**** ما اعرف ياعاصي
عاصي سرع العربيه اكتر
عاصي : اخر فرصه قدامنا اقل من 100 متر
قولي الحقيقققققه
احسان : ( بزعيق وهي بتعيط ) معررررررفش و**** ما اعرف .. انزل ياعاصي سيب العربيه وانزل نط من العربيه ياعااااصي نط انت مش مهم انا ..
عاصي اول ما سمعها قالت الكلمه دي وهما خلاص اصلا مافيش ما بينهم وما بين الموت خطوه داس فرامل في وقتها العربيه كانت خلاص هتخبط في الشجرة
وقفت علي اخر لحظه الفوانيس اتكسرت واتخبطت حاجه بسيطه من قدام
عاصي نزل من العربيه ورزع الباب ولف ناحيه احسان وفتحبها بابها ونزلها
احسان من كتر الخوف اللي كانت فيه انها كانت خلاص هتموت مابقيتش قادره تقف علي رجلها عاصي مسكها من ايديها عشان ينزلها راحت قعدت علي ركبها
عاصي وهو بيبص لاحسان ومصدوم من اللي سمعه
عاصي : انتي ازاي كنتي عايزاني انط من العربيه مع اني كنت هموتك
احسان : عشان .. عشان لو جرالك حاجه انا مش هعرف اعيش .. ماينفعش اعيش .. و**** ياعاصي ما اعرف اعيش حياتي مش مهمه قد ما حياتك انت مهمه
احسان : ( بعياط والدموع مغرقه عنيها ) بس وحياه **** اللي اغلي من كل شىء ما اعرف ايه اللي حصل ياعاصي ..
اخر حاجه فكراها ان احنا كنا قاعدين علي الصخره كنا سوا وتقريبا حطيت راسي علي كتفك ببص لاقيت نفسي تاني يوم معاك في خيمتك بالمنظر ده
( وهي بتشهق من العياط ومناخيرها بتنزل مايه ) دي مش لعبه مني .. انا خلاص مابقيتش عايزه حاجه من الدنيا كلها غير اني اشوفك مبسوط معايا او مع غيري
ومسكت في عاصي وسندت عليه وقامت وقفت
احسان : اوعي تفتكر للحظه اني عملت كده عشان تتجوزني غصب عنك .. انا عارفه ياعاصي ان مافيش حاجه بتعملها غصب عنك ..
والحب مش بأيدينا انا ماخترتش احبك زي ما انت ماخترتش تحب بدور
وماتقلقش خالص انا دكتوره وعارفه كويس ازاي ارجع بنت تاني .. ( بتمسح مناخيرها بايديها ) انت نفسك لو قولتلي نتجوز عشان تستر عليا انا مش هوافق
( شاورت علي قلبه بأيديها ) علشان ده مش ملكي وعمره في يوم ما هيكون ملكي انا عارفه انه ملك بدور .. بدور وبس واوعدك انك من اللحظه دي مش هتشوفني تاني ..
ارجوك روحني .. وانا هتحمل المسؤوليه كلها لوحدي ابعد انت خالص اللي حصل لا كان بأيدي ولا بأيدك )
عاصي : ( اتأثر جدا بكلام احسان رفع ايده ومسحلها دموعها بأيديه بس ماتكلمش معاها ولا كلمه )
عاصي : اركبي يا احسان
عاصي لف وركب واحسان ركبت جنبه
ومحدش فيهم نطق ولا فتح بوقه بأي حاجه
واخيرا وصلها بيتها
احسان : ( فتحت الباب ونزلت ) مع السلامه ياعاصي
عاصي : ( هز دماغه من فوق لتحت كده وماردش عليها ومشي احسان فضلت واقفه وهي بتبص عليه لحد ما اختفي من قدامها خالص )
قعدت قدام بيتها ومكانتش حابه تدخل البيت عشان اهلها مايشوفهاش وهي بالحاله دي
--------------------(في نفس الوقت)-------------------
بدور كانت قاعده قدام البحيره وبتفتكر اللي حصل هناك
وكانت بعيده عن الكل تماما
غالب جه وقعد جنبها
غالب : مش ناويه بقي تقوليلي مالك
بدور : ( مسحت دموعها بسرعه ) مافيش .. مافيش حاجه
غالب : والدموع اللي بتمسحيها دي كل شويه سببها ان مافيش برضوا
بدور : غالب ارجوك انا حقيقي مش عايزه احكي حاجه
غالب : علي راحتك يابدور انا مش هغصب عليكي في حاجه
بدور : غالب انا كنت عايزه اقولك حاجه وياريت بعد اذنك توافقني علي اللي هقولهولك
غالب : عايزه تقولي ايه يابدور
بدور : انا مش هينفع ارجع معاك الڤيلا مره تانيه
غالب : ( باستغراب ) ليه في ايه؟
بدور : من غير حاجه قعدتي معاكم ملهاش لازمه
غالب : طيب ومدرستك
بدور : ( بتنهيده ) مافتكرش ان هي كمان ليها لازمه خلاص .. انا اصلا دخولي المدرسة دي. كان غلط من الاول
انا اللي زيي عمرها ما هتبقي حاجه في يوم ..
غالب : ومين بقي اللي هيسيبك تنفذي الهبل اللي في دماغك ده يابدور
اسمعيني كويس كلنا بييجي علينا لحظات يأس بتخلينا عايزين نسيب كل حاجه ومش قادرين نكمل .. بس لو عملنا كده واستسلمنا هنفضل نندم طول عمرنا
ان احنا مكملناش ده حلمك لازم تتمسكي بي يابدور مهما كان الضغوط حواليكي .. وبكره تقولي غالب قال
لما اشوفك حاجه كبيره اوي ودكتوره قد الدنيا ( بهزار ) بس يارب بقي ساعتها تتواضعي وتكلمينا
بدور : ( ابتسمت وبصت لغالب ) انا بجد مش عارفه اقولك ايه ؟
غالب : ولا اي حاجه .. عايزك توعديني انك مش هتستسلمي ابدا مهما حصل وتعافري عشان توصلي للي نفسك فيه
بدور : ( ابتسمت وسندت راسها علي صدر غالب وغالب رفع ايده بالراحه جدا واخدها في حضنه وهو مبتسم )
--------------------------(عند عاصي)----------------------
عاصي روح الڤيلا بتاعته
(بكل عصبيه )
عاصي : ( بصوت عالي ) عبد الرحييييييم
عبد الرحيم : ( جه بسرعة وهو بيجرى )
عبد الرحيم : اؤمرني ياعاصي بيه
عاصي : حضرلي الموتوسيكل بسرعه
عبد الرحيم : ده بقاله زمن ماطلعش ياعاصي بيه وكمان مافيهووش بنزين من ساعه اخر مره حضرتك امرت بكده
عاصي : ( مسكه من الياقه بتاعته ) اتصرف يابني ادم نص ساعه الاقيه قدامي
عبد الرحيم : حاضر .. حاضر ياعاصي بيه
عاصي دخل المكتب وهو بيفتكر كلام بدور لي وقد ايه كانت قلبها اتكسر منه
وفي نفس الوقت افتكر احسان وهي قاعده علي ركبها وبتعيط وهي بتقوله انها مالهاش اي ذنب في اللي حصل وقد ايه كان مصدقها ..
رجع راسه لورا وهو دماغه هتنفجر منه ومش قادر يفتكر اللي حصل مره واحده لقي مسيچ جياله علي موبايله من رقم غريب علي الواتساب
فتح الرساله بيبص لقي مكتوب فيها
ماشفتش في سرعتك وانك تطلع من المايه بالسرعه دي انا لولا الحظ ساعدني وركبت عربيتي كنت زماني تحت ايدك بس هنقول ايه بقي **** بيحبني .. اصل انا اتحب اوي
عايزك تشوف الصوره دي كويس ووقتها افتكر ان انت اللي هتكلمني
عاصي فتح الصوره بيبص لقي بدور في الصوره في المايه وهي عريانه وعاصي كان قدامها ولأنهم كانوا باصين لبعض فكان عاصي باين في الصوره بس من ضهره
لكن حظ بدور الاسود كانت باينه جدا في الصوره
اللي باعتله الرساله كان لسه بيكتب
افتكر ان لو بعت الصوره دي لحد من المدرسه عند بدور ويوزعها علي الطلبه كلهم تفتكر بدور هيبقي موقفها ايه ؟
بنت لوحدها في البحيره ومع راجل غريب .. الطلبه هيقولوا عليها ايه ؟ فكر فيها وانا هكلمك تاني
عاصي بسرعه لسه هيكتبله انت مين وعايز ايه ؟ اتعملوا بلوك من علي الواتساب
اتصل بالرقم بسرعه بيبص لقاه غير موجود بالخدمه من عصبيته مسك الفون وحدفه في الحيطه كسره 100 حته
حط ايده علي وشه وهو غضب الدنيا كلها علي وشه زي ما تكون المصايب مابتجيش غير ورا بعض
عبد الرحيم : الموتوسيكل جاهز ياعاصي بيه
عاصي طلع بسرعه واخد الموتوسيكل وبقي يسوق بسرعه جدا وراح مكان مخصص للقتال الحر صاحب المكان اول ما شافووه
صاحب المكان : عاصي بيه عاش من شافك
عاصي : ( بغضب ) حضرلي مكان معاك
صاحب المكان : بس كده من عنيا المكان نور بوجودك
عاصي قلع التي شيرت بتاعه ولبس القفازات بتاعته وابتدت تتعمل دايره حواليهم وكل الموجودين اول ما عرفوا ان عاصي رجع وهيلعب المراهنات زادت وكله بقي يراهن علي عاصي
واتعملت دايره حواليهم وابتدوا يحطوا بنزين علي الدايره دي
صاحب المكان : النهارده اللعبه مالهاش حدود ياقاتل يامقتول من غير اي شروط
الكل ابتدي يشجع وصوت اللي موجودين في المكان وهما بيشجعوا عاصي كان عالي اوي ورغم كده عاصي مكانش سامع ولا شايف حد غير بدور وهي قدامه بيتخيلها في كل مكان
مره واحده الراجل جاب خشبه كبيره متولعه بالنار وحطها علي البنزين وابتدت الدايره تبقي كلها نار وابتدي القتال
عاصي ابتدي القتال بطريقه صعبه جدا لما بيتعصب مابيشوفش قدامه ابتدي يضرب فيه . . يضرب فيه بكل قوته
وكأنه بيطلع غضبه كله عليه
----------------( في نفس الوقت )-------------------
بدور وغالب الليل ليل عليهم و رجعوا الخيمه مره تانيه
ميرا شافتهم وهما جايين وكانت قاعده هي وكريم
ميرا : هتبعتلها الصوره امتي ؟
كريم : مش دلوقتي شويه كده
ميرا : انا مش فاهمه انت ليه مش راضي تبعتلي الصوره ؟
كريم : وانا مجنون عشان ابعتهالك وتبعتيها للطلبه كلهم وابقي كل اللي بخططله يروح كده طيب انتي واحده متهوره ومابتفكريش لكن انا لاء انا مش زيك
ميرا : احنا مش عايزينها تطلع من المدرسه وخلاص فضيحه زي دي تخليها تسيب المدرسه في وقتها
كريم : طيل وليه مااستغلش الوضع ده اسوء استغلال
ميرا : ازاي يافالح
كريم : انتي عارفه مين اللي معاها في الصوره ده
ميرا : لاء طبعا هو انت راضي تقولي وبعدين ده انت مصوره من ضهره هعرفه ازاي يعني ؟
كريم : ده مستر عاصي 😁
ميرا : ( بذهول ) يابنت ال ... مستر عاصي مره واحده
كريم : شوفتي بقي
ميرا : طيب وبعدين هتعمل ايه ..
كريم : بعتله رساله وهطلب منه فلوس طبعا عشان مافضحش بدور
ميرا : طيب ما ممكن يقولك ماتفضحها ومش هيديلك حاجه واهي واحده من الشارع بيقضي معاها يوم وخلاص
كريم : ممممممم مافتكرش وعلي العموم هنشوف .. لما اطلب منه فلوس هيعمل ايه ..
ميرا : ده انت طلعت دماغ و****
كريم : عيب عليكي تلميذك 😉
-------------------------------(في نفس الوقت)--------------------
بدور دخلت الخيمه مع سجده
سجده : بدور عامله ايه دلوقتي
غالب : ماتقلقيش عليها افتكر انها بقت كويسه دلوقتي صح يابدور
بدور : ( ابتسمت ابتسامه يادوبك ظهرت علي شفايفها بالعافيه وهزت راسها فوق وتحت ) ايوه
غالب : طيب انا هسيبك دلوقتي وياريت تنامي وترتاحي شويه عشان عندنا سفر بكره الصبح
بدور اتنهدت وسكتت ونامت علي جنبها وحضنت نفسها ومن غير ما تعيط لاقت الدموع بتنزل منها من غير ما تحس
مسحت دموعها مره بايديها وغمضت عنيها وحاولت تنام
غالب طلع بره
لينا : ( حطت ايدها علي كتف غالب ) غالب فينك مش باين من الصبح
غالب : ( نزل ايد لينا من علي كتفه ) تعبان .. تعبااان وعايز انام
لينا : انت بتعاملني كده
غالب : ( بقرف بصلها من فوق لتحت ) عشان انتي تمامك كده
غالب سابها ومشي
لينا راحت لميرا
ميرا : انتي برضوا لسه بتجرى ورا غالب
لينا : (بغيظ ) مش شايفني ياميرا .. مش شايفني قدامه خالص مش عارفه ليه بيعاملني واكني واحده رخيصه مالهاش قيمه ودايما مع اللي اسمها بدور دي
ميرا : الصبر .. بكره يعرف حقيقتها وهيجيلك بس كله بالصبر
لينا : ( بفرحه ) بجد ياميرا
ميرا : ( اديتها بوسه علي الهوا ) بجد ياقلب
تاني يوم كل الطلبه كانت بتحضر نفسها عشان يسافروا
غالب ركب جنب بدور وثائر وسجده سوا
وطبعا لينا وكريم وراهم واول ما وصلوا القاهره
ميرا : ايه مش ناوي تبعت الصوره بقي
كريم : ممممممممممم كريم عمل تليفون
ميرا : بتكلم مين
كريم : هبعت الصوره لحد يبعتلها الصوره من رقمه
ميرا : وماتبعتلهاش من رقمك ليه
كريم : انتي عبيطه ياميرا ما كده هتعرف ان ده انا ولو عاصي عرف انا مين مش هيسيبني.. وحياه دراعي اللي كان هيكسره في ايده لا اخليه يلف حوالين نفسه
بدور اتبعتتلها الصوره علي الواتساب بس هي مافتحتش المسيج
ميرا : مافتحتش المسيج
كريم : انتي قلقانه ليه اكيد هتفتحها
ميرا : كان نفسي اشوف رد فعلها هيبقي عامل ازاي اول ما تشوفها
كريم : ههههه مالناش نصيب
------------------------------( عند عاصي)--------------------
عاصي روح البيت تاني يوم وهو وشه متخرشم ومش شايف قدامه فك القماشه اللي كان حاططها علي ايده
ودخل المكتب علي طول جاب الخط بتاعه من الفون اللي اتكسر وحطه في فون جديد
وبقي مستني الاتصال يجيله بفارغ الصبر بيبص لقي بدور داخله عليه هي وغالب بدور اول ما شافته شافت وشه وهو متخرشم غصب عنها خافت عليه
لسه هتسأله مالك في ايه راحت رجعت في كلامها وبقت بصاله وهو كمان بقي يبصلها وبس
غالب : في ايه بتبصوا لبعض كده ليه
بدور : انا طالعه اوضتي
عاصي : تعالي ياغالب عايزك
غالب : تليفونك كان مقفول ليه من امبارح اتصلت بيك كتير كان مغلق
عاصي : سيبك من ده كله
غالب : ايه اللي في وشك ده انت عملت حادثه ولا ايه ؟
عاصي : لاء
غالب : يبقي رجعت تلعب تاني
عاصي :سيبك مني .. عملت ايه مع بدور .. هي كويسه
غالب : بس لو تقولولي حصل ايه ما محدش راضي يفهمني حاجه
عاصي سكت وبقي يبص للفون مستني رساله
غالب : طيب علي الاقل قولي عملت ايه مع احسان .. هي اللي عملت اللعبه دي مش كده
عاصي : ( بص في الارض بكل اسف ) للاسف لاء
غالب : انت متاكد
عاصي : ايوه متأكد
غالب : طيب وبعدين هتعمل معاها ايه .. هتسيبها كده
عاصي : لسه ما اخدتش قرار
غالب : احسان بتحبك .. وطالما انت متأكد ان مالهاش ذنب في اللي حصل يبقي ماينفعش تسيبها كده
عاصي : عارف .. بس حاجه واحده اللي مخليني مش مطمن
غالب : ايه هي
عاصي : انا بفتكر كل حاجه لما بصحي .. ان ش**** لو حاجات بسيطه .. الا الحكايه دي مش فاكر اني قربتلها من اساسه
غالب : تلاقيك تقلت في الشرب شويه ولا حاجه
عاصي : مش عارف
غالب تليفونه رن
غالب : الوو
محمود: _______
غالب : ايوه تليفونه كان مقفول
محمود : ------------&
غالب : خلاص انا جاي حالا
بدور طلعت اوضتها وبقت توضب دولابها
واخدت شاور ولبست البورنس بتاعها ولسه بتسرح شعرها لاقتلاالرساله اتبعتتلها تاني
الفون كان علي الكومود فتحت الرساله المره دي
بتبص لاقت الصوره بتاعتها وعاصي من ضهره ومكتوب عليها
شكلك حلو اوي وانتي في المايه ياريتني كنت عرفت اصورك كلك علي بعضك
يلا معلش الجيات اكتر من الريحات
بس تفتكرى لما صورك تتبعت لكل المدرسه ويشوفوكي وانتي بالمنظر ده هيبقي شكلك ايه قدامهم
وياريت تسلميلي علي مستر عاصي 😁
بدور بصت كده وبقت مصدومه من اللي شافته
وهي بترجع لورا عشان تقعد علي السرير خبطت في الطرابيزه الازاز بتاع الطرابيزه اتكسر بقت من كتر الصدمه ماشيه علي الازاز وهي مش عارفه تعمل ايه
عاصي سمع الازاز وهو بيتكسر بالمنظر ده طلع بسرعه لبدور وفتح عليها الباب لقاها ماسكه الفون وهي بتعيط
عاصي : حاسبي .. حاسبي يابدور رجلك
بدور مكانتش بتتكلم كانت ساكته وبس وماسكه الفون وبترفع ايديها بتوريله الصوره
عاصي شاف الصوره وداس علي الازاز برجليه وشالها رفعها طلعها من الازاز وقعدها علي السرير
عاصي مسك ايديها
عاصي : ماتقلقيش كل حاجه هتتحل
ماتقلقيش يابدور
كريم فونه رن
كريم : الووو
اللي بتكلمه : بعت الصوره
كريم : ايوه بعتها
اللي بتكلمه : اول ما تروح المدرسه تبعت الصوره لكل الطلبه
وتفضحها وتخليها تسيب المدرسه حالا
كريم : لاء مش هيحصل كده الا لما اخد حقي من عاصي
اللي بتكلمه : انت مالك بعاصي انت تسمع اللي بقولك عليه وبس
كريم : مش هتعرفي تهدديني والصور اللي بتهدديني بيها .. بليها واشربي مايتها انتي دلوقتي محتجاني
بدور وهفضحها وهخليها ترجع الشارع تاني بس لما ادفع عاصي تمن اللي عمله فيا .. كده الكلام خلص سلام يا دكتوره احسان
احسان : اه ياكريم الكلب 😡😡

الجزء السابع
كريم: مش هتعرفي تهدديني والصور اللي بتهدديني بيها.. بليها واشربي مايتها انتي دلوقتي محتجاني
بدور وهفضحها وهخليها ترجع الشارع تاني بس لما ادفع عاصي تمن اللي عمله فيا.. كده الكلام خلص سلام يا دكتوره احسان
احسان: اه ياكريم الكلب😡😡
احسان قفلت الفون من هنا وبقت هتموت من هنا
وبعدين الواد ده ممكن يوديني في ستين داهيه ويبوظ كل اللي عملته في الشهور اللي فاتت دي كلها
فكرى ازاي تخلصي من الواد ده بسرعه يا احسان فكرى قبل ما كل حاجه تبوظ 🤦🤦
قعدت علي السرير بتاعها وهي عقلها عمال يودي ويجيب
ومره واحده اخدت البرشام المهدىء بتاعها علشان تهدي شويه وتعرف تفكر وابتدت تفتكر كل اللي حصل
--------------------------( فلاش باك )------------------------------
احسان وعاصي وبدور وغالب قاعدين علي السفره
غالب: انا خلاص هقدملك في مدرسه يا بدور
بدور: بفرحه بجد ياغالب😍
عاصي: مدرسه ايه دي اللي قدمتلها فيها
احسان: ( في سرها ) كمان بنت الشوارع دي هتروح مدرسه
بكره تتنطط علينا بنت الملجأ دي
بدور: ( بتبص لاحسان ) انا مش مصدقه
احسان: ( بابتسامه جميله وفرحه عشان بدور ) انتي تستاهلي كل خير يابدور
عاصي قام من علي الاكل وهو متنرفز ومشي
وبعدها تاني يوم احسان راحت المستشفي وغالب وصلها
وهما في العربيه
احسان: انا مبسوطه جدا انك فكرت في بدور ياغالب
غالب: دي اقل حاجه اقدر اعملها علشان بدور بعد اللي حصل
احسان حبت تعرف معلومات عن المدرسه بتاعت بدور من غالب بس بطريقه مش مباشره عشان مايحسش بحاجه
احسان: غالب ياريت ماتقدمش لبدور في مدرسه عاديه.. ياريت نقدملها في مدرسه خاصه ولو علي التكاليف انا ممكن ادفع معاك ويبقي النص بالنص
غالب: انتي بتقولي ايه يا احسان.. اكيد يعني مش هوديها مدرسه عاديه ولا حتي خاصه انا وديت بدور احسن مدرسه في القاهرة
دي مدرسه انترناشوينال واظن انا مش هستخصر حاجه في بدور
احسان: بجد طمنتني.. هي فين المدرسه دي ؟
غالب قلها اسم المدرسه ومكانها بالظبط
ووصل احسان المستشفي ومشي واول ما نزلت من العربيه
يابنت ال... وحياه امي ماهخليكي تقعدي فيها متهنيه ولو للحظه واحده بقي حته عيله زي دي تاخد عاصي مني ده انا ما صدقت خلصت من فيروزه هتطلعيلي انتي بس علي مين
احسان ابتدت تروح المدرسه عشان تعرف مين اللي في المدرسه وهل ممكن حد يقدر يساعدها في المدرسه دي ولا لاء
ومن حظها انها وهي بتراقب الطلاب بتاعت المدرسه لاقت كريم وهو بيمشي بره المدرسه بعد ما طلعوا وبيتلفت حواليه وخايف لا حد يشوفوه
مشي في حته بعيده ومشيت وراه لحد ما قابل واحد وهو بيديله كياس صغيره فيها هيروين وكريم بيديله الفلوس
احسان طلعت الفون بتاعها بسرعه واستغلت الفرصه وصورته وبعدها دخل عربيته ومكانش شايف حد لانه فعلا كان تعبان ودماغه مش فيه..
طلع شويه من البودرة وحطها علي ايديه وبقي يشم فيها واحسان كل ده كانت بتصوره فيديو ومشي بالعربيه بتاعته ومشيت وراه بسرعه بعربيتها
ووقتها روح ڤيلته بس كان ناقص حاجه هي حتي ماتعرفش اسمه ايه
نزلت من عربيتها وسألت حارس الامن اللي واقف علي باب الڤيلا ..
احسان: سلام عليكم
الامن: وعليكم السلام
احسان: العربيه اللي لسه داخله دي دلوقتي مش ده استاذ احمد
الامن: لا لا ده كريم بيه اين حسين المنزلاوي بيه
احسااان: اااااه افتكرت ايوه هو يااااه ده كبر خالص اصل اخر مره شوفته كان صغير اوي
الامن: تحبي اديله خبر
احسان: ( بتوتر ) لا لا لا.. اصل هو تلاقيه جاي تعبان ولا حاجه.. بس لو تقدر تديني رقمه يبقي عملتلي خدمه كبيره اوي
الامن: ممممم لا و**** ماقدرش اديكي رقمه لو حابه انا ممكن اديله خبر ان في حد عايزه
احسان طلعت 500جنيه من شنطتها ومسكت ايد بتاع الامن وحطيتها في ايديه
احسان: طيب وكده
الامن: لااااا.. اذا كان كده ماشي انا خدامك لو عايزه تعرفي اي حاجه تاني انا في الخدمه
احسان: ابوه يبقي مين.. وتاريخ عيلته كلها
ابوه كريم ده يبقي صاحب مدارس انترناشونال في القاهره راجل اعمال بس كبير اوي
ابتدى بتاع الامن يحكلها كل حاجه عن كريم وبعد ما عرفت المعلومات الكافيه
ابتاع الامن اداها رقم كريم واستنت علي بالليل وهي نايمه جنب بدور استنت لما بدور نااامت خالص واتسحبت من جنبها وبعتتله رساله علي الواتساب فيها الفيديو ده
كريم شاف الفيديو بقي هيتجن
كريم: ( بيكتب علي الواتساب ) انت مين وعايز ايه ؟
احسان ( بتبعتله ) شكلك حلو اوي وانت بتشم..
كريم: هتعمل ايه بالفيديو ده
احسان: لما نتقابل هقولك علي كل حاجه بكره تكون في كافيه الفردوس هبعتلك اللوكيشن تكون هناك الساعة 8 وخللي بالك الفيديو ده مش هيبقي معايا
انا بس مع ناس كتييير لو فكرت تقل بأصلك معايا
احسان راحت وقابلت كريم
كريم: عايزه كام
احسان: اقعد بس.. اقعد ياراجل خلينا نتفاهم هو انا لو كنت عايزه فلوس كنت نزلت قابلتك
كريم: اومال عايزه ايه
احسان: في طالبه جديده معاكم اسمها بدور
كريم: مالها دي ؟
احسان: عايزاها تكره المدرسه باللي فيها.. عايزاها كل يوم تيجي كارهه نفسها ماتعرفش تذاكر.. ولا تفكر من كتر اللي هتعمله فيها
كريم: وليه ده كله ؟
احسان: من غير اسئله كتيييير انت تعمل اللي بقولك عليه وبس
كريم: وانا ايه اللي يضمني بعد ما اعمل اللي انتي عايزاه ماتهددنيش تاني بالفيديو اللي معاكي
احسان: من غير ضمانات انا كلمتي ضمان بس اللي اقدر اقولهولك ان كل ما تخليها تسيب المدرسه اسرع كل ما هبعد عنك اسرع
كريم: ومش معني انا اللي اختارتيني
احسان: حظك.. انت اللي وقعت في سكتي مش اكتر
كريم: ماشي اللي انتي عايزاه بس بعد ما انفذلك اللي انتي عايزاه لو لاقيت حركه غدر منك انا مش هرحمك
احسان: ( حضنت نفسها بأيديها الاتنين ) يامامي ابعد عيونك الشريره دي عني عشان بخاف.. ( ضحكت ضحكه سخريه )
ماتخافش انا ماليش اي مصلحه معاك غير ان البت دي مستقبلها مايكونش له ملامح
------------(يوم الرحلة)-------------
احسان وعاصي وبدور راحوا الاحسان البيت
بدور: انتي لازم تطلعي معانا الرحله
غالب: اكيد لازم عشان نبقي سوا احنا الاربعه
احسان: انا بس مش عايزه عاصي يكون مضايق
عاصي: اكيد مش هضايق ولا حاجه
احسان في الرحله كانت عنيها دايما علي عاصي وبدور
لاقت عاصي مشي الاول وبعدي بدور علي طول
احسان: الو.. ايوه ياكريم عايزاك تمشي ورا بدور بسرعه
كريم: ____________
احسان: يا اخي ضايقها.. هددها انها لو ماطلعتش من المدرسه هتكب علي وشها مايه نار اعمل اي حاجه
كريم: ___________
كريم مشي ورا بدور من بعيد بيبص لقاها قلعت هدومها ودخلت البحيره
كريم: يخربيت جمالك
كريم وقتها طلع فونه علي طول ولسه هيصورها بيبص لقي عاصي جاي من بعيد ارتبك وخاف الفون وقع منه من كتر خوفه ساب الفون واستخبي عشان عاصي مايشفهووش
وقتها بدور سمعت صوت حد بتبص شمال ويمين مالقيتش حد وبعدها عاصي شافها ونزل المايه معاها وابتدوا يتكلموا
كريم اتسحب بالراحه جدا وراح اخد الفون وكان ورا عاصي ووقتها صور الصوره دي وجاب عاصي من ضهره وكانت بدور هي اللي باينه في الصوره
واول ما الفلاش طلع عاصي جرى وراه بسرعه خاف وجري مالحقش يصور اكتر من صوره
كريم اول ما رجع المخيم
كريم: ( وهو بيبص للصوره وبيضحك ) بسسسسسس انا كده فهمت انتي بتكرهي بدور اوي كده ليه ياست احسان.. انتي اكيد بتحبي عاصي وحياه امي لالعبكم كلكم علي الواحده
احسان بعدها شافت عاصي وهو جاي من بعيد وعنيه بطلع شرار عشان بدور بتلعب معاهم ومع غالب في اللعبه ولسه هايروح وقفت قدامه وهي ماسكه can bera وقعدوا سوا علي الصخره

والcan مكانش فيه بيرا ولا حاجه احسان كانت حاطه جواه مايه وعملت نفسها سكرانه قدام عاصي وعاصي اول ما بقي يشرب وحست انه خلاص سكر..
حطيتله قرص منوم في المشروب بتاعه وعملت نفسها نايمه علي كتفه وقتها عاصي اخدها علي الخيمه بتاعته وهو مش شايف قدامه وبقي بيتخيلها قدامه بدور
وهي نايمه ولسه هيقرب منها راح في دنيا تانيه ونام
احسان وقتها عورت نفسها ما بين وخلت الدم ده يقع علي الملايه وقلعت عاصي وقلعت هي كمان واستنته لما يصحي واول ما ابتدي يصحي عملت نفسها بتعيط
وهي مش مصدقه اللي حصل
------------------------------( في الوقت الحالي )-------------------
احسان كانت قاعده علي السرير وبتفتكر ودموعها نازله منها
امها دخلت عليها
ام احسان: احسان.. يابنتي مالك كف **** الشر بتعيطي ليه ؟
احسان لاحظت ان دموعها نازله منها
مسحت دموعها بسرعه بايديها
احسان: لا لا ابدا ماليش..
ام احسان: اومال بتعيطي ليه.. عاصي زعلك في حاجه تاني
احسان: ( بلعت ريقها وهي بتهز راسها شمال ويمين ) لا ياماما مازعلنيش.. بس انا بحبه.. بحبه اوي ياماما.. مش قادره..
مش قادره اشوفه مع حد غيري وافضل ساكته عاصي لو مبقاش ليا انا ممكن اموت
ام احسان: ( بنرفزه ) يابنتي حرام عليكي كفايه ضيعتي عمرك كله وانتي مستنيه حتي يبصلك
احسان: واضيع عمرين علي عمرى عشان ابقي معاه ولو ليوم واحد ( طلعت برشام المهدئات بتاعها وبقت تحط علي ايدها وتحطه علي بوقها وهي ايديها بتترعش ومش مالكه نفسها )
ام احسان: انتي رجعتي تاني يابنتي للبرشام ده
احسان: ومش هبطله الا لما اشوف دبله عاصي في ايدي
ام احسان: انتي اتجننتي خالص يابنتي ده عمره ما كان حب ابدا
احسان: انا بعمل اللي عليا وانا متأكده اني هكسب في الاخر 😈
--------------------------( في نفس الوقت )------------------------
عاصي شاف الصوره وداس علي الازاز برجليه وشالها رفعها طلعها من الازاز وقعدها علي السرير
عاصي مسك ايديها
عاصي: ماتقلقيش كل حاجه هتتحل
ماتقلقيش يابدور
بدور: زقت ايدها من ايد عاصي
بدور: ( ودموعها نازله منها ) هنعمل ايه هنتصرف ازاي ؟
عاصي: ( قعد جنبها علي السرير وقرب منها ودت وشها يمين وبصيتله وشعرها المبلول نازل علي عنيها عاصي رفع ايده وهو بيبص لملاحها وبيتأملها وبيبص في عنيها
عاصي: مش عايزك تشيلي هم حاجه خالص يابدور انا هحل كل حاجه
بدور: انت ليه مش مستغرب هي الصوره اتبعتتلك زي ما اتبعتتلي
عاصي: ايوه
بدور: ( قامت وقفت من مكانها بغضب ) وازاي ماتقوليش حاجه زي دي ؟
عاصي: ( قام وقف قصادها ) عشان مش شايف.. مش شايف اي حاجه تخليكي قلقانه كده.. الموضوع ده انا هحله.. ومكانش ليكي لازمه اصلا انك تعرفي
بدور: ( بصوت عالي ) كماااااان.. كمان قررت اني ماليش لازمه اني اعرف طبعا ما انت وشك مش باين في الصوره لكن انا اللي باينه فخلاص مافيش اي مشكله عندك..
انا اصلا عمرى ما كنت مهمه عندك عشان تقلق عليا..
عاصي: انتي شايفه كده
بدور: انت قولت كده..
عاصي: ( اتنهد واداها ضهره ) انا عارف انا قولت ايه كويس مش محتاج تفكريني
بدور: وانا عمرى ما هنسي في يوم اللي انت قولتهولي
وبعد اذنك مش عايزاك تدخل في حوار الصوره ده نهائي انا هعرف اتصرف فيه.. وماتقلقش ياعاصي بيه.. محدش هيعرف ان انت اللي معايا في الصوره
عاصي قرب منها وبقي وشه في وشها
عاصي: ( بزعيق ) انتي غبييييه انتي فاكره اني خايف لا حد يعرف ان انا اللي معاكي في الصوره
بدور: ( بغضب ) اكيد.. انت طول عمرك مابتخافش غير علي نفسك وبس ولو هتتصرف في الموضوع ده فعشان كده وبس خايف علي سمعتك مش اكتر
عاصي: ( اتغاظ جدا من بدور وداس علي سنانه وقبض بأيديه وقرب منها ) انتي واحده غبيه وماتستاهليش حتي اني اخاف عليكي ولو عايزاني اطلع فعلا من موضوع الصوره ده انا هطلع
بدور: ياريت ومش عايزه اشوفك اصلا قدامي
عاصي بعد عنها وفتح الباب واداها ضهره
عاصي: تمام وانا لو بشوفك بتموتي قدامي هقف اتفرج عليكي من بعيد كان لسه هيقفل الباب وراه بدور داست علي رجلها راحت الازازه دخلت في رجلها اكتر
بدور: ( بوجع ) اااااااه
عاصي اول ما سمعها بتتوجع نسي اللي كان لسه قايله من لحظه ورجع بسرعه وبكل لهفه عليها
عاصي: مالك فيكي ايه
بص علي رجليها لقي فيها الازازه
عاصي: ارفعي رجلك..
بدور: لاء ابعد عني
عاصي: (بغضب ) بقولك ارفعي رجلك
بدور خافت من عاصي ورفعت رجلها عاصي وطي بسرعه وبقي يشيل الازازه من رجل بدور
بدور: ( لمست بصوابعها علي كتفه ) بالراحه ياعاصي بالراحه
عاصي: معلش خلاص هتطلع اهيه
بدور بصت لعاصي وهو بيشيلها الازازه من رجليها وابتسمت
بدور: ( في سرها ) معقول انت مش شايفني وشايفني قليله في نظرك اوي كده.. طيب خوفك وقلقك عليا اللي بشوفه في عنيك ده ايه ياعاصي
عاصي طلع منديل من جيبه وحطه علي التعويره
عاصي: استني ماتتحركيش هجيب حد ينضف الازاز ده كله لسه بيطلع من الاوضه
بدور: انت مش قولت لو شوفتني بموت قدامك مش هتعملي حاجه ليه مهتم دلوقتي ياعاصي
عاصي: ( في سره ) عشان بحبك ياغبيه بحبك اوي
عاصي: ( ماردش علي سؤالها ) انا نازل وهطلعلك حد ينضف الاوضه
بدور غمضت عنيها واتنهدت وبلعت ريقها وسكتت وهي كان نفسها يجاوبها علي سؤالها
عاصي نزل تحت لقي فونه بيرن
عاصي: الوووو
اللي بيكلمه: افتكر انا سيبتك فتره كفايه انك تفكر مع نفسك ولو بدور غاليه عندك هتدفع اللي هقولك عليه
عاصي: ومين قالك انها غاليه عندي
اللي بيكلمه: هنعرف اذا كانت غاليه عندك فعلا ولا لاء
لما بكره الصبح صورتها تبقي في كل حته علي النت والمدرسه وفي ايد كل طالب ولما يعرف قد ايه هي جسمها جميل ومعاها راجل في المايه كمان يعني مش لوحدها
عاصي: عايز كام
اللي بيكلمه: ايوه كده شوفت بقي طلعت غاليه عندك ازاي ؟
عاصي: اخلص انا معنديش وقت
اللي بيكلمه: مش كتير 2 مليون جنيه بس
عاصي: نععععم انت بتقول ايه
اللي بيكلمه: بقول اللي سمعته وكلمه تانيه هزود المبلغ
عاصي: وايه اللي يضمني بعد ما اديك الفلوس ماتنزلش صورتها برضوا
اللي بيكلمه: مممممم مافيش ضمانات انا راجل كلمتي واحده
قدامك اسبوع تكون حضرت المبلغ سلام ياعاصي بيه
كريم كام حاطط منديل علي الفون ومغير صوته عشان مايعرفهووش وفي ساعتها بيطلع الخط وبيكسره علي طول
ميرا: ( كانت واقفه جنبه ) لااااا استاذ 😅
كريم: انتي لسه شوفتي حاجه😁😁
عاصي: يابن ال..... ورحمه امي ما هسيبك
عاصي اتصل بغالب
عاصي: الوو
غالب: ________
عاصي : ايوه ياغالب اتاخرت كده ليه
غالب:_____________
عاصي: تمام انا مستنييك
غالب: _____________
-------------------( في نفس الوقت )--------------------
غالب: محمود الاوراق دي تخلص في اقرب وقت ممكن
محمود: حضرتك بقالك فتره ياغالب بيه انت وعاصي بيه مابتجووش الشركه وبتخلص الاوراق بالليل ممكن اعرف السبب
غالب: ( خبط بأيديه علي كتفه بالراحه وابتسم ) شويه كده وكل حاجه هترجع لأصلها
غالب نزل من الشركه وركب عربيته وهو ماشي علي الطريق بيبص لقي محل شيك جدا ولفت نظره فستان علي المانيكان لونه لون الدهب
بالظبط اول ما شافه ابتسم وشافه في خياله علي بدور ابتسم ونزل من العربية
غالب: لو سمحت كنت عايز اشترى الفستان ده
البنات اللي في المحل بقوا يبصوا لغالب ويبتسموا
البنت: مقاس اي من فضلك
غالب: مممممم بقي يبص للبنت اللي جنبه اللي كانت بتشتري مقاس دي.. نفس مقاس الانسة اللي هناك دي.
البنت: حاضر ثانيه واحده
غالب اخد الفستان وابتسم وكان محطوط في عليه شيك جدا وملفوفه عليها فيونكه حمرا
اخد الفستان وحطه في العربيه من ورا وهو بيفكر هيقول ايه لبدور وهو بيدهولها
غاالب دخل الڤيلا.. ومعاه العلبه اللي فيها الفستان
عاصي: ( كان في المكتب بتاعه ) غاالب انت جيب
غالب: خبي العلبه بسرعه ورا الركنه
غالب: ( بلع ريقه ) اه.. اه جيت
عاصي: طيب تعالي عايزك
غالب: مالك ياعاصي فيك ايه ؟
عاصي: فاكر الراجل اللي جيبته قبل كده اللي بيقدر يعرف مكان رقم الفون حتي وهو مقفول
غالب: ايوه فاكره اللي عرفنا منه طريق هاله قبل كده
عاصي: بالظبط
عاصي: محتاج رقم فونه ضرورى
غالب: ايه اللي بيحصل معاك ياعاصي
عاصي: ولا حاجه
غالب: انت بتخبي عليا
عاصي: حاجه بسيطه وهحلها قريب
غالب: طيب ما نحلها سوا.. قولي انا ابن اخوك ماتخبيش عني حاجه
عاصي مكانش عارف يقول ايه لغالب مش عايز يعرفه انه كان مع بدور في الصوره
عاصي: شويه اوراق ضايعين من الشركه وواحد بيهددني بيهم
غالب: اوراق ايه.. فهمني
عاصي: يووووه.. صفقه كانت مضروبه ومنتهيه الصلاحيه ووقعت في ايده
غالب: احنا كده هنروح في داهيه
ازاي ماتقوليش حاجه زي كده.. احنا لازم نتصرف طلباته ايه
عاصي: 2 مليون
غالب: ياااااابن الكلب وهتدفعهم
عاصي: اكيد بس لازم نضمن انه مايكونش عامل منهم نسخ تانيه
غالب: انا هتصرف ماتقلقش اديني الرقم اللي بيكلمك منه
عاصي اداله الرقم وغالب اخده ولسه هيطلع
عاصي: ( نده عليه ) غاااالب
غالب: نعم ياعاصي
عاصي: من بكره هاتروح المدرسه مع بدور.. خللي بالك منها لحد ما اخلص الموضوع اللي معايا ده
غالب: يعني انت هترجع الشركه
عاصي: اكيد لازم واحد مننا يخللي باله منها
غالب: تمام اللي تشوفه
غالب طلع وقفل الباب وراه
واخد الفستان وطلع لبدور
خبط بالراحه الاول علي الباب مالقاش بدور بترد
فتح الباب بالراحه جدا وحط العلبه علي السرير بيبص لقي بدور في البلكونه ومدياله ضهرها وقاعده علي الكرسي
غالب ابتسم واتسحب بالراحه جدا وطلع وقفل الباب وهو بيقفل الباب عمل صوت جامد شويه من غير ما يقصد بدور بصت وراها ودخلت من البلكونه
وشافت العلبه علي السرير اول ما شافتها افتكرت ان الفستان من عاصي فرحت جدا وفتحت العلبه لاقيتها فستان.. افتكرت انه بيصالحها بالفستان ده..
ابتسمت وبقت تحط الفستان علي جسمها وبتبص لنفسها في المرايه.. وهي فرحانه جدا بي وبقت تدور حوالين نفسها ومره واحده اتنهدت لاقت اللي بيخبط علي الباب
بدور: عاصي 😍
فتحت بسرعه الباب وهي فكراه هو
غالب : شايف ان الفستان عجبك
بدور : ( بعد ما كانت مبتسمه ووشها بيضحك الابتسامه بقت تختفي من علي وشها ) هو .. هو انت اللي جيبته
غالب: انتي كنتي عايزه حد تاني يحيبهولك
بدور : ( بلعت ريقها وضمت حواجبها ) لا لا ماقصدش
اتنهدت بالراحه
بدور : متشكره .. متشكره اوي ياغالب
غالب : انا لاقيتك مضايقه من وقت ما كنا في الرحله .. اول ما شوفت الفستان ده .. عرفت ان حاجه البنات اللي بتفرح بيها جيبتهولك
قولت يمكن تطلعي زي البنات اليومين دوول اللي بيفرحوا بالحاجات دي 😊
بدور : ( بابتسامه ) اكيد هفرح وبجد فرحت بي اوي و**** .
بدور : واقف علي الباب ليه تعالي ادخل
بدور حطت الفستان علي السرير وقعدت هي وغالب في البلكونه علي الكنبه الصغيره وبقوا يبصوا للسما
بدور : اي ده شايف اللي بيتحرك فوق ده .
غالب : اه شايفه .. تعرفي ده اسمه ايه
بدور : شوفته مره زمان وانا صغيره البنات واحنا في الملجأ كنا صغيرين اوي كانوا بيقولوا اللي بيتحرك ده اارواح اهالينا الميتين
وكنت بقعد استناهم بالساعات طول الليل ومانمش عشان اشوفهم بس مكانووش بييجوا تاني حصلت مره وبس
غالب : ( بابتسامه ) وكنتي بتصدقي 😂😂
بدور : اه ما انا كنت هبله وبصدق اي حاجه 😅
غالب : طيب ولما كبرتي
بدور : ( بابتسامه ) عرفت انها اسمها شهب ..
غالب : عارفه بقي اهلي انا كانوا بيقولوا ايه لما شوفنا الشهب زمان
بدور : بيقولولك ايه ؟
غالب: كانوا بيقولولي اول ما تشوفها اتمني امنيه علي طول وانت متأكد انها هتتحقق
بدور : بجد ياغالب وهتتحقق فعلا
غالب : تيجي نجرب احنا مش خسرانين حاجه
بدور: (غمضت عنيها ) واتمنت امنيه
( فتحت عنيها ) ولسه جايه عشان تقول لغالب هي اتمنت ايه
غالب : ( حط صباعه علي شفايفها وهو بيبص في عنيها وبصوت حنين وابتسامه رقيقه ) هوووووش ماينفعش تقولي اتمنيتي ايه عشان امنيتك تتحقق
بدور : ( ابتسمت وبعدت عنه شويه ) احم .. تمام مش هقول
غالب : لقاها بعدت عنه ووشها احمررر جدا ابتسم وبعد عنها خطوه ورجع بص للسما مره تانيه اليوم ده هما الاتنين فضلوا يتكلموا طول الليل في اي حاجه
وكل حاجه لحد ما النوم اخدهم وناموا من غير ما يحسوا وبدور سندت علي كتف غالب ..
وغالب سند راسه علي راسها وشروق الشمس طلع عليهم وصحيوا مع صوت المنبه اللي بدور ظبطاه
بدور اول ماسمعت صوت المنبه
بدور : ( صحيت مفزوعه ) المدرسه .. انا اتأخرت علي المدرسه 😳😳
غالب : طيب .. طيب اهدي البسي بسرعه وانا كمان هلبس ونروح سوا
بدور: انت برضوا لسه هتيجي معايا
غالب : لحد ما ميرا وكريم يبعدوا عنك خالص انا هفضل معاكي
بدور : طيب ووو .. احم .. اقصد ..
غالب : تقصدي عاصي
بدور : اه .. لسه برضوا هيعمل فيها استاذ .
غالب : لاء في حاجه مهمه حصلت معانا ولازم نفضلها الايام اللي جايه
بدور ركبت مع غالب العربيه بتاعته وراحت المدرسه بتاعتها وغالب كان دايما بيبقي جنبها ومابيسمحش لحد يقرب منها حرفيا
ميرا : ( وهما في البريك وبياكلوا بقت تبص لغالب وبدور )
ميرا : وبعدين ده زي ضلها .. هو مش بيسيبها ابدا
كريم : استني .. هبعتلها مسيج دلوقتي اخليها تتلفت حواليها
كريم طلع الخط وبعتلها مسيج منه
كريم : ايه هو انتي مش سايبه حد ابدا ماترسيلك علي بر عاصي ولا غالب
اعملي حسابك كلها اقل من يومين لو ما تنفذش المطلوب صورك هتبقي في كل مكان
بدور شافت المسيچ من هنا وبقت تبص وراها في كل حته وقدامها
غالب : مالك يابدور
بدور : لا لا مافيش
غالب : وشك اتقلب مره واحده
بدور : ابدا ماحصلش حاجه انا كويسه ماتقلقش عليا
بدور روحت هي وغالب وغالب وصلها لحد البيت
بدور : ايه مش هتدخل ..
غالب : لاء ورايا حاجه مهمه لازم اعملها
بدور دخلت بسرعه وبدور علي عاصي وفتحت عليه باب المكتب
بدور : انا عرفت مين اللي. صورنا ياعاصي
عاصي: ( بكل برود ) عرفتي منين
بدور : ( بخوف ) هو حد معايا في المدرسه بعتلي مسيج ان انا دايما مع غالب في المدرسه معنى كده انه كان شايفني
عاصي : اهدي انا عارف طبعا انه اكيد معاكي في المدرسه .. ماتقلقيش انا مش ساكت خالص
بدور مره واحده ابتدت تحس بوجع
عاصي : مالك يابدور فيكي ايه ؟
بدور : ( حست بحاجه بتنزل منها وعرفت انها البريوت ) انا .. انا لازم امشي
بقت ترجع بضهرها لورا
عاصي : مالك بتمشي كده ليه
بدور : ( وهي دايسه علي سنانها ومش قادره ) هو انا لو طلبت منك طلب هتنفذهولي
عاصي : بدور انتي كويسه
بدور: ارجوك غمض عينك
عاصي : ولو ما غمضتش
بدور : ( بتوسل ) ارجوك
عاصي : انا مش فاضي للعب العيال ده
بدور مسكت بطنها اكتر ومابقيتش قادره حرفيا عاصي عرف علي طول هي عندها ايه
عاصي : ممممممم تمام فهمت انا هديكي ضهرى
عاصي اداها ضهره وبدور طلعت بسرعه من المكتب ودخلت الحمام
عاصي ابتسم ابتسامه حلوه اوي وهز راسه يمين وشمال ورجع شعره لورا
فضل مستني ربع ساعه ان بدور تطلع من الحمام مافيش عدت نص ساعه وساعه كمان برضوا مافيش فايده
بعدها قرر انه لازم يخبط عليها في الحمام
عاصي : بدور انتي كويسه
بدور :________
عاصي : بدور ردي عليا
بدور : _________
عاصي : لو ماردتيش عليا هكسر الباب
بدور : لا لا لا اوعي تكسره
عاصي : في ايه ..
بدور : اصل .. اصل
عاصي فهم
عاصي : خلاص ماتقوليش استنيني انا جاي حالا
عاصي نزل وركب عربيته وراح الصيدليه
عاصي : لو سمحت كنت عايز
الدكتوره : اتفضل تحت امر حضرتك
عاصي : محتاج حاجه البنات
الدكتوره : ممكن توضح اكتر
عاصي : ممممم الحفاضات .. الشهريه بتاعت البنات
الدكتوره : ااااه ثواني يافندم بس تحبها تكون ( لسه هتكمل)
عاصي : من غير ما احبها هو انا لسه هحبها اي حاجه
الدكتوره : تحت امرك
عاصي رجع لبدور وخبط عليها
عاصي : افتحي يابدور
بدور : لاء
عاصي : ( بشخيط ) بقولك افتحي
بدور فتحت الباب بالراحه جدا عاصي مد ايده واداها الالويز
بدور خدته وكانت مكسوفه جدا وعاصي نزل تحت
بدور طلعت ولبست هدومها ووجع بطنها كان شديد جدا دخلت علي السرير وهي ماسكه بطنها
دخل عليها وهو معاه حاجه سخنه
عاصي : انا .. انا قولت اعملك حاجه سخنه عشان ..عشان
بدور : شكراااا
عاصي بص لبدور راحت بدور بصيتله وابتسمت
عاصي ضم حواجبه وطلع
عاصي وهو نازل من علي السلم ( يعني لازم تعملها حاجه سخنه ) هتقول عليك ايه دلوقتي
بدور شربت الحاجه السخنه ونامت من كتر التعب
وعاصي فتح الباب عليها بالراحه عشان يطمن عليها من بعيد
--------------------------------------
غالب : ( جه) جيبتلك قرار امه
عاصي : تمام عرفت هو مين
غالب: عيل من الاحياء الشعبيه ده عنوان بيته
عاصي : لاء مش هو
غالب: مش فاهم يعني ايه مش هو
عاصي متاكد انه حد من المدرسه
عاصي : هو بيستخدم الواد ده كارت مش اكتر يستخبي وراه
غالب: وليه متأكد اوي كده
عاصي : يوووه اهوه متأكد وخلاص ياغالب
عاصي : اعمل حسابك المقابله كمان يومين عشان نديله الفلوس
غالب : وانا جاهز ماتقلقش
عاصي : مش قلقان
الايام عدت وجه معاد المقابله
عاصي : ( شد المسدس بتاعه )
غاالب: انا عملت اللي قولتلي عليه
عاصي وغالب ركبوا العربيه وراحوا المكان اللي اتفقوا عليه زي مصنع مهجور
عاصي : اوعي تنزل من العربيه انت فاهم
غالب : عاصي انت بتقول ايه
عاصي : اللي سمعته انا معرفش انا داخل علي ايه
غالب: ايوه بس
عاصي : مش عايز كلام كتير
عاصي نزل ومعاه شنطه الفلوس وحد اتصل بي
عاصي : الووو
اللي بيكلمه : هتلاقي عربيه سودا هتقف قدامك دلوقتي هتركبها حالا وتمشي معاهم من سكات
عاصي بيبص لقي عربيه وقفت قدامه فتحوا
ابوابها ومره واحده اخدوا عاصي معاهم عاصي كان مستسلم تماما وعايز يعرف مين اللي صوره
وهما في العربيه وهي ماشيه
عاصي : بس انت باين عليك انك ابن بلد مش بتاع مدارس وحوارات
اللى راكب معاه : ومين قالك بقي اني انا بتاع مدارس احنا رايحين للي صورك ياباشا
مره واحده العربيه وقفت .
عاصي بيبص لقي اللي واقف قدامه شاب وباين عليه بلطجي
عاصي : بس برضوا مش انت اللي صورتنا
كريم طلع من النص مابين الاتنين اللي واقفين وسقف لعاصي
كريم : لا ذكي يامستر عاصي
انا برضوا قولت انك اكيد هتبقي عارف ان حد من المدرسه هو اللي صورك انت والاموره بدور
عاصي : الفلوس عندك اهيه الصوره تتمسح وبكده يبقي خلصنا
كريم : لو علي الفلوس يبقي خالصين بس حق ايدي اللي كنت هتكسرها في ايديك دي مين هيدفع تمنها
عاصي : تقصد ايه
كريم : اقصد ان زي ماكنت هتكسر ايدي انا بقي هكسرلك ايدك
عاصي : ( بص لكريم بغيظ )ومين قالك اني ممكن اخليك تعمل حاجه زي كده انت ناسي اني عرفتك
كريم : وانت ناسي اني معايا الصوره يعني اي حركه غدر في اي وقت هنشرها في اي وقت
ايدك ياعاصي بيه
عاصي : بس ده مش هيحصل لو علي جثتي
كريم: يبقي انت اللي اخترت
كريم طلع المسدس اللي معاه ورفعه علي عاصي
عاصي مسك ايد كريم ولفها واخد منه المسدس وبقي ضهر كريم لازق في صدر عاصي الاتنين البلطجيه اللي معاه واحد منهم جه يضرب عاصي بالنار راح ضرب كريم في صدره
غالب جه من ورا وهو بيضرب نار في الهوا
البلطجيه جريوا بسرعه وركبوا العربيه ومشيوا
غالب : ( جه بسرعه عند عاصي )كريم .. ايه اللي جاب كريم هنا..
عاصي حس علي نبض كريم لقاه لسه في الروح
عاصي : شيل معايا بسرعه شيل
غالب اخد شنطه الفلوس واخد كريم ومشيوا بالعربيه
غالب : هنعمل بي اي ده
عاصي : هنحطه قدام مستشفي بسرعه
غالب : انت مجنون ولو فاق
عاصي : مش هيقدر يقول حاجه انا مسجله كل حاجه صوت وصوره بالكاميرا اللي معلقها في قميصي بس المهم انه مايموتش
غالب : انا هتجن انت ازاي بتقول ان في حد بيهددك بورق للشركه وكريم هو اللي بيهددك
عاصي : ( بعصبيه ) تفتكر ده وقته
عاصي وغالب وصلوا كريم المستشفي وسابوه قدام الباب ومشيوا وهناك الممرضات شافته واخدوا بسرعه
عاصي اليوم ده مانامش طول الليل
غالب : احنا لازم نسأل عليه
عاصي : اسأل عليه من بعيد واعرف ايه الاخبار
غالب راح وبقي بيسأل من بعيد لبعيد
وعرف انه عايش بس دخل في غيبوبة
غالب : هنعمل ايه ده دخل في غيبوبه
عاصي : ولا حاجه هنفضل نسأل عليه من بعيد ولما يفوق من الغيبوبه هيبقي لينا كلام تاني معاه
------------------------------------------
احسان : فات اكتر من 20 يوم وعاصي ما سألش عني ولا حتي قال عملتي ايه
احسان : ( بتكلم نفسها ) وبعدين ما انا مش بعد كل ده هسكت واسيبه يضيع من ايدي
احسان : ( جاتلها فكره ) ايوه هي دي
ما هو مافيش حل غير كده
--------------------------
بدور وهي رايحه المدرسه
بدور : انت عملت ايه مع اللي بيبعت الصور ياعاصي
عاصي : هو في حد بيبعتلك حاجه تاني
بدور : لاء مافيش
غالب : طيب وفي حد بيضايقك في المدرسه
بدور : لاء خالص من وقت ما كريم اختفي الكل ملهي في الحوار ده حتي ميرا مابتجيش وبدور عليه
غالب : ممممممم تمام دي حاجه كويسه
بدور : انا مش فاهمه حاجه
غالب : ( بص لعاصي ) و**** انا اللي مافاهم حاجه
-----------------------
عاصي بيبص لقي فونه رن
عاصي : الووو
اللي بيكلمه : حضرتك استاذ عاصي
عاصي : ايوه انا
اللي بيكلمه : معانا حاله انتحار رمت نفسها من علي النيل والناس انقذتها علي اخر نفس وقبل ما ترمي نفسها
سابت شنطتها وتليفونها وعرفنا نوصل لحضرتك من خلال رقم حضرتك علي تليفونها مش حضرتك زوجها متسجل بكده
عاصي : انتي بتكلمي عن مين
اللي بيكلمه : عن احسان .. احسان عبد الغفور
عاصي : احسان 😳😳
عاصي ساب بدور وغالب وركب عربيته بسرعه
غالب : انت رايح فين ياعاصي
عاصي : ارجوكي ابعتيلي العنوان بسرعه
عاصي راح المستشفي وبقي يدور علي احسان
راح الريسيبشن
عاصي : ارجوكي جاتلكم حاله انتحار النهارده
الممرضه : ايوه اللي رمت نفسها من علي الكوبري
عاصي : ايوه هي
الممرضه : اوضه 507
عاصي راح الاوضه بسرعه وهو مش مصدق انها رمت نفسها من في النيل
بيبص لقي متركبلها اجهزه والممرضه معاها
ومغم عليها
عاصي : هي عامله ايه دلوقتي
الممرضه : الحمد**** قدرنا ننقذها علي اخر لحظه واللي جابها هنا هو اللي شافها وهي بتنتحر انقذناها هي والجنين اللي في بطنها
عاصي : جنين 😳😳
الممرضه : مالك اتخضيت كده ليه هي مش المدام متجوزه
وحضرتك جوزها اللي كلمته في التليفون هي مسمياك زوجي علي التليفون بتاعها عشان كده اتصلت بحضرتك
الحمد**** انه تليفونها ضد المايه مكناش عرفنا نوصل لحد من اهلها
عاصي : ( بلع ريقه ) ايوه .. ايوه انا جوزها
عاصي دخلها وهي اول ما شافته عملت نفسها متفاجئه
احسان : عاصي .. انت .. انت عرفت منين اني هنا
عاصي : هووووش .. انتي حامل يا احسان
احسان : ( بعياط ) انا .. انا مكنتش عايزه اقولك ؟
حاولت انزله بس ماقدرتش . ماقدرتش اقتل روح ياعاصي و**** ما قدرت ( وهي بتمسح دموعها ) .. ومعرفتش ابقي حامل وانت عارف اهلي هيقتلوني
قولت اخلص الدنيا كلها مني بس الظاهر كده ان لسه ليا عمر علي الدنيا ياعاصي ..
عاصي : احسان بطلي عياط ممكن
احسان : مش عارفه اعمل ايه مش عارفه انا قولتلك انك مش هتشوف وشي تاني بس و**** انا ما اعرف انك جاي..
عاصي : انا عارف اني بقالي شهر ما سألتش عنك بس ده مش عشان اني بهرب من المسؤوليه بس حقيقي كان في حاجات شغلاني عنك
احسان : انت مالكش ذنب اللي حصل ده غصب عنك
بس انا من يوم ما عرفت اني حامل وانا مش قادره اقتل ابنك . ومش قادره اعيش من غير أب لي ..
احسان كانت بتعيط قدام عاصي بطريقه فظيعه عاصي رفع ايده واخدها في حضنه
عاصي : تتجوزيني يا احسان
احسان اول ما سمعت الكلمه دي قلبها كام بيرقص من الفرحه
احسان : بصت لعاصي بس انت مابتحبنيش
عاصي : مش مهم .. انا مش هسمحلك تقتلي ابني .. انا عارف اني مش هينفع اسيبك بعد اللي عملته معاكي يمكن الاول مكانتش بحس بحد . .
ولا عندي رحمه بحد بس دلوقتي لاء .. دلوقتي لاء يا احسان
احسان : وانا موافقه .. موافقه اتجوزك ياعاصي 🥺
عاصي غمض عنيه وقلبه بيتقطع حرفيا .. وفي نفس الوقت مش هيسمح ان ابنه يبقي ابن حرام
الايام عدت اكتر واحسان طلعت من المستشفي وعاصي مقالش اي حاجه لغالب ولا بدور ولا حتي كان بيروح الڤيلا
وطلب احسان من والدها ووالدها رحب جدا
احسان : عاصي نفسي كتب كتابنا يبقي في الڤيلا ده لو ينفع بعد اذنك ماينفعش خلاص
عاصي : ( اتنهد ) اكيد ينفع
عاصي رجع الڤيلا وهو بيكلم غاالب
غالب: هو في ايه ياعاصي انت مختفي ليه بقالك كام يوم
عاصي : كنت مسافر
بدور : يارب تكون بخير دي اهم حاجه
عاصي : انا بخير
عاصي اتنهد ومبقاش عارف يقول الخبر قدام بدور
واخيرا اتكلم
عاصي : النهارده كتب كتابي علي احسان وياريت تجهزوا نفسكم لكتب الكتاب
غالب : انت بتقول ايه ياعاصي انت اتجننت
بدور سمعت الكلمه دي واكن في حد جاب سكينه تلمه وحطها في قلبها
بدور : از.. از.. ازاي انا مش فاهمه حاجه
عاصي : مش مهم تفهموا
عاصي طلع اوضته وساب بدور وغالب وهو مصدومين وبدور وقتها ماقدرتش تقف علي رجليها وقعت في الارض وقعدت من كتر الصدمه
عاصي طلع اوضته وبقي يضرب ايده في الحيطه وهو مش عارف يعمل ايه .. ما هو مش هيسمح ان احسان تنتحر وتقتل ابنه اللي في بطنها زي ما مفهماه
ومره واحده المأذون جه واحسان لابسه الفستان الابيض بتاعها وكانت زي القمر وعاصي لبس بدلته وقعد
وبدور كل ده زي ماتكون مشلوله ما بتتحركش من مكانها لحد ما سمعت المأذون وهو بيقول
المأذون : عاصي الكابر تقبل ان احسان عبد الغفور تكون زوجتك في السراء والضراء
بدور وقتها قلبها كان هيطلع من مكانه ووقفت قدام عاصي من بعيد
وبقت تشاورله براسها انه مايقبلش ودموعها نازله منها قدامه وهو عنيه لمعه والدمعه كانت هتنزل منه نفسه يقول لاء بس مش قادر
عاصي : اخيرا شفايفه اتحركت
عاصي : اقبل
يتبع...

الجزء الثامن

المأذون : عاصي الكابر تقبل ان احسان عبد الغفور تكون زوجتك في السراء والضراء
بدور وقتها قلبها كان هيطلع من مكانه ووقفت قدام عاصي من بعيد وبقت تشاورله براسها انه مايقبلش ودموعها ناز منها قدامه وهو في عنيه لمعه والدمعة كانت هتنزل منه نفسه يقول لاء بس مش قادر
عاصي : اخيرا شفايفه اتحركت
عاصي : اقبل
المأذون : احسان عبد الغفور تقبلي تكون زوجه لعاصي الكابر في السراء و الضراء
احسان بصت لبدور وبقت عينها في عنين بدور وكانت نظرتها كلها انتصار... كانت بتتكلم من خلال نظرات عنيها لبدور ورفعت حاجبها وابتسمت لبدور
احسان : ( بابتسامه عريضه ماليا وشها ) اقبل
المأذون : اتفضلي امضي هنا
المأذون : اتفضل امضي انت كمان يااستاذ عاصي
بدور وقتها دموعها نزلت منها ماقدرتش تمسك دموعها اكتر من كده غالب بص جنبه لبدور وشاف دموع عنيها وهي بتبص لعاصي
وعاصي بيبصلها ومانزلش عينه من عليها واضح جدا انها بتحب عاصي استغرب وضم حواجبه من عياط بدور وبعدها بص في الارض واتنهد وسكت او ممكن يكون فهم
عاصي : ( في نفسه وهو باصصلها وهي بصاله ) غصب عني يابدور .. ياريتني ما كنت عرفتك في يوم
بدور : ( في سرها وهي باصه لعاصي ) ليه .. انت حتي مابتحبهاش
مره واحده بدور طلعت اوضتها وهي بتجرى علي السلم ودخلت اوضتها ورزعت الباب وراها وبقت تحط ايديها الاتنين علي بوقها عشان تكتم صوت عياطها عشان مايسمعوهاش
عاصي اول ما المأذون خلص قام وقف وبص لاحسان
عاصي : افتكر ان الكتاب انكتب ياريت اهلك يروحوا .. انا هخللي عبد الرحيم يوصلهم
المأذون اول ما سمع كده
المأذون : ( لم الدفتر بتاعه ولم حاجته ) طيب استأذن انا بقي .
ابو احسان : انت بتطردنا
عاصي : سميها زي ما تسميها بس ياريت نخلص من الليله دي
احسان : حاضر .. حاضر هما هيمشوا دلوقتي
ابو احسان : ( بغضب ) انتي بتقولي ايه يابت انتي
ام احسان : ( بصت لابو احسان ) خلاص ياراجل عرايس وعايزين يقعدوا لوحدهم
ام احسان : ( باست احسان من خدها وهي بتبوسها قالتلها في ودنها بصوت واطي ) صبرتي ونولتي
احسان ابتسمت لماماتها واهلها مشيوا من الڤيلا عاصي سابها ودخل اوضه المكتب
احسان فتحت باب المكتب علي عاصي
احسان : ( بصوت واطي وباصه في الارض ) انا مهما شكرتك علي اللي عملته معايا مش هيوفي حقك عليا ياعاصي انت سترتني ..
( حطت ايدها علي بطنها وبصت علي بطنها ) وكمان انقذت ابنك واديتله فرصه انه يعيش علي وش الدنيا
عاصي : اللي حصل ده ذنبنا احنا الاتنين مش ذنب اللي في بطنك خالص هو مالهووش ذنب يدفع تمن غلطتنا
احسان : عاصي انا ( لسه هتكمل كلامها ) عااصي قاطعها في الكلام
عاصي : افتكر ان اليوم كان مرهق اوي النهارده ياريت تدخلي اوضتك
احسان : حاضر .. اللي تشوفه
احسان ادت ضهرها لعاصي وابتسمت ودخلت علي اوضه عاصي
غالب دخل علي عاصي اول ما احسان طلعت
غالب : وطالما انت مابتحبهاش كده .. اتجوزتها ليه؟
عاصي : سيبني دلوقتي ياغالب
غالب : انا بقيت سايبك في حاجات كتير ياعاصي لو تاخد بالك وبقيت تخبي عليا حاجات اكتر وانا شغال بعديلك واعديلك لحد ما خلاص زهقت من كتر ما انا مش عارف اعديلك ايه ولا ايه
عاصي : ( بنرفزه ) انت عايز ايه دلوقتي ياغالب
غالب : عايز اعرف اتجوزتها ليه .. ماتقنعنيش انك حاسس بالذنب من اللي حصل ما بينكم في الرحله وعشان كده جيت علي نفسك واتجوزتها
عاصي : ( اتنهد وادا ضهره لغالب وحط ايده في جيبه )
غالب : طالما سكت يبقي انا عندي حق .. والظاهر برضوا انك مش ناوي تحكيلي حاجه زي حكايه كريم لما كدبت عليا وقولتلي انه مجرد ورق للشركة حد بيهددك بي ومافتكرش ان كريم لي دعوه بالشركه من اساسه .. بس انا برضوا عديتها بمزاجي
عاصي : ( بنرفزه وصوت عالي ) سيبني دلوقتي ياغالب
غالب : انا هسيبك خالص ياعاصي مش دلوقتي وبس
غالب خرج ورزع الباب وراه
عاصي غمض عنيه مع رزعه الباب واخد نفس طويل ورمي نفسه وقعد علي كرسي المكتب وهو حاطط ايديه علي جبينه زي ما يكون كل حاجه بيخسرها من حواليه وبقي بيخسر اقرب الناس له ( بدور وغالب )
غالب طلع من الڤيلا وهو مضايق جدا من اللي شافه بعد ما اتأكد من نظرات بدور انها بتحب عمه ركب عربيته وبقي بيسوق بأسرع ما عنده وعمل صوت بالكوتشيات لدرجه انها طلعت شراره نار ولف الدركسيون ومشي
غالب بقي يسوق زي المجنون ومش عارف اصلا هو رايح فين بقي برجله الشمال يدوس علي البنزين اكتر ومؤشر السرعه يزيد اكتر واكتر وهو ماشي علي الطريق كل شويه ومن غير ما يحس يفتكر نظرات بدور لعاصي وهو بيكتب الكتاب ومره واحده من كتر ما كان ما مضايق جدا... بقي بيضرب الدركسيون بأيديه بكل عصبيه عايز يطلع غضبه كله وكل اللي جواه ومره واحده بيبص لقي نفسه في طريق طويل فيه زرع من الجانبين... وقف العربية علي جنب ونزل منها ورزع الباب ولف يمين ناحية الزرع ولقي ان رجليه مابقيتش شيلاه وسند بضهره على العربيةورجع رقبته لورا وبقي ينزل بركبه لحد ما قعد على الارض وبقى ساند ضهره على كاوتش العربية وقعد في الارض مره واحدة ولقى دموعه نازله منه
حط ايده علي خده ومسح دموعه وفهم وقتها قد ايه هو بيحب بدور رجع راسه لورا وبقي يخبط دماغه في جنب العربيه وهو مضايق جدا ومخنوق
-----------------(في نفس الوقت)----------------
احسان دخلت اوضه عاصي وهي مش مصدقه حرفيا اللي بيحصل وبقت تلف حوالين نفسها في الاوضه من الفرحه وقعدت علي سريره ومسكت الصوره بتاعته من علي الكومود وهي بتكلم الصوره
احسان : ( بفرحه ) اخيرا .. اخيرا ياعاصي بقيت ليا .. اخيرا بقيت معايا وجنبي .. اخيرا الحلم اللي حلمت بي من سنين اتحقق .. 😍
احسان : ( مره واحده افتكرت بدور ) بس البت دي مش هينفع تقعد هنا اكتر من كده لو فضلت هنا عاصي هيفضل يحبها لازم ابعده عنها
عشان اخليه ينساها خالص ويفضي ليا بقي وللي في بطني بصت شمال مره واحده وافتكرت
احسان : ( لسه بتكلم نفسها ) اللي في بطنك انتي صدقتي نفسك ولا ايه يا احسان انتي هتكذبي الكذبه وتصدقيها ولا ايه .. انا لازم اتصرف في الحكايه دي بسرعه لازم اخللي عاصي ينام معايا في اقرب وقت لازم احمل منه بأي طريقه يا اما كل اللي عملته ده هيروح وهيعرف اني بكذب عليه
احسان : ( لسه بتكلم نفسها ) يارب ما اكون نسيت النقط فتحت شنطتها بسرعه بتبص لاقت الدوا..
هو مش دواء علي قد ما في نسبه مخدرات تخلي اللي ياخده يعمل كل حاجه وهو مش مركز
احسان : ( مسكت النقط وداست علي شفايفها ) اهوه ده بقي اللي هيخليك ماتركزش اذا كنت بنت او لاء ياعاصي 😈
-------------------( في نفس الوقت )-------------------
ميرا كانت قاعده في اوضتها وكانت لينا عندها
ميرا : اختفاء كريم ده وراه حاجه انا متاكده ان بدور وعاصي هما السبب انه اختفي فجأه كده مره واحده
احنا ماسيبناش حته غير لما دورنا عليه فيها فات اكتر من اسبوع واحنا مانعرفش هو فين دلوقتي
لينا : ( قعدت علي السرير وهي بتحط مونكير وكان عندها لا مبالاه )
لينا : انتي بقالك اكتر من اسبوع تقولي الكلمتين دوول وكل ما اسالك ايه اللي دخل بدور وعاصي في اختفاء كريم مابترديش انا مش فاهمه حاجه
ميرا : احنا لازم نروح بيت كريم ..
لينا : ده ليه بقي ان شاء ****
ميرا : اكيد هلاقي حاجه هناك انا عايزاها ومحتاجاها اوي قومي يلا
لينا : ( باستغراب ) علي فين
ميرا: يوووووه .. انا هاروح لوحدي
ميرا نزلت واخدت عربيتها وراحت ڤيلا كريم
ميرا : ايه ياعمو ماوصلتووش لأي جديد
والد كريم : لا ياميرا ماوصلناش لأي حاجه .. زي ما تكون الارض انشقت وبلعته انا دورت عليه في كل حته وبلغت البوليس ..
بس للاسف مالووش اثر .. دورت عليه في كل المستشفيات اسمه مش موجود وموبايله مقفول
ميرا : ان شاء **** خير يا اونكل ماتقلقش علي كريم اكيد هنوصله
والد كريم : اتمني من ساعه ما والدته ماتت وانا ماليش غيره في الدنيا
ميرا : ممممم انا عارفه انه مش وقته يا اونكل بس لو تسمحلي كريم كان واخد مني مذكرات وكان في بينا مشروع بنعمله وكل ده اكيد في شنطته وفي اوضته تسمحلي اجيبهم
والد كريم : تحبي اجيبهملك انا
ميرا : لالالا يا اونكل انا عارفه مكانهم فين .. انا دايما ببقي مع كريم انت عارف وعارفه مكانهم
والد كريم : اتفضلي اطلعي ياميرا ده بيتك
ميرا : متشكره اوي
ميرا طلعت اوضه كريم وقفلت علي نفسها الباب وبقت تدور علي ال many lap top بتاع كريم .. كريم دايما بيشيل فيه كل حاجه عنه وأي حاجه مش عايز حد يعرف عنها حاجه
حتي باباه نفسه مايعرفش ان كريم عنده many lap top ده غير ال lap الاصلي بتاعه
ميرا فضلت تدور في الاوضه كلها مالقيتش حاجه فتحت الادراج والدولاب ودورت ما بين الهدوم بصت تحت السرير
برضوا مافيش لفت حوالين نفسها واخيرا زهقت من التدوير وقعدت علي السرير وهي بتاكل في ضوافرها
ميرا : ياترى حاطت اللاب توب فين ياكريم ياترى فين بس
مره واحده بتبص لاقت تحت رجليها مفتاح صغير افتكرت وهي داخله علي كريم بالصدفه و فتحت الباب عليه فجأه
لاقيته واقف قدام التسريحه واول ما شافها جه يحط المفتاح في جيبه من التوتر المفتاح وقع من ايده في الارض كانوا مفتاحين واحد وطي كريم جابه والتاني كان نسخه عليه
ميرا بتبص لاقت النسخه اللي وقعت منه ووقفت قدام المرايه بتاعت التسريحه وبقت تخبط عليها عشان تشوف اذا كان في اي فراغ او حاجه مالقيتش ضربت بأيديها علي التسريحة من كتر غيظها وهي بتضرب بأيديها حست بفراغ .. شالت الازازه بسرعه لاقت الازاز ده زي غطا لدرج سري فتحته بالمفتاح ولاقت جواه مخدرات كتير
ودولارات ولاقت اللاب توب فتحته بسرعه وبقت تدور علي صوره بدور وهي بدور عليها لاقت لينا وهي نايمه مع كريم وكريم مصورها من غير ما تعرف
ميرا : يابنت ال .. بقي كده يالينا وماتقوليش
ميرا فتحت اكتر لاقت صورها هي كمان عريانه وهي بتغير هدومها في حمام المدرسه عشان حصه السباحه
ميرا : ( بكل غضب وغيظ ) يابن ال... طيب وحياه امك ما هسيبك ياكريم الكلب بس لما اشوفك
مره واحده فتحت الصور التانيه اخيرا ابتسمت
ميرا : اخيرا لاقيت صورتك يابدور 😈😈
ميرا اخدت اللاب ومشيت علي طول
----------------------------------------------------
بدور كانت لسه في اوضتها ومش مستوعبه اللي حصل حرفيا قعدت علي سريرها وهي بتعيط واخيرا اخدت القرار
بدور : انا مش هقدر اقعد في المكان ده ثانيه واحده بعد كده
قامت مسحت دموعها وفتحت دولابها وجابت شنطتها وبقت تلم هدومها من الدولاب وتحطها في الشنطه بتاعتها
وهي ( مخنوقه جدا وبنرفع الشنطه وترميها في الارض تاني ووقعت كل هدومها علي الارض وماقدرتش تكتم وجعها اكتر من كده ولاقت نفسها بتعيط بصوت عالي وبقت تقول
بدور : ( بعياط ووجع) ليييييييه .. ليه ياعاصي ليييييييه
عاصي سمع صوت بدور وهي حرفيا بتصوت
احسان كمان سمعت الصوت وجت تفتح الباب لاقت عاصي طلع يجرى بسرعه علي بدور علي السلم
دخلت بسرعه وقفلت الباب عليها قبل ما عاصي يشوفها
احسان : ماشي يابدور ليكي يوم
عاصي طلع ووقف قدام باب اوضه بدور رفع ايده ولسه هيخبط عمض عينه وفي حاجه منعته
بدور كانت جوه الاوضه رايحه جايه في الاوضه ومره واحده قلبها دق حست بقرب عاصي منها بصت علي الباب ولسه هتفتح الباب وحطت ايدها علي الاوكره راحت غمضت عنيها
وادت ضهرها للباب وهي بتقعد في الارض ونازله بضهرها علي الباب
بدور : ( بتكلم نفسها بصوت عالي بعياط ) انسيه بقي انسيه ده مايستاهلش
(عاصي سمعها )
وحس انها قعدت علي الباب لف ضهره وقعد علي الباب هو كمان وبيقول في نفسه
عاصي : انا عارف اني ماستهلش .. بس اوعي تنسيني يابدور .. عشان انا عمرى ما هعرف انساكي ارجوكي ماتنسانيش
بدور من كتر التعب والعياط غمضت عنيها وضمت رجليها بأيديها ونامت في الارض علي جنبها جنب الباب
عاصي حس ان بدور ماقامتش وعرف انها نامت فضل مستنيها لحد ما نامت خالص وراحت في النوم وقام وقف فتح الباب بالراحه جدا لقي بدور نايمه علي جنبها دخل بالجنب وهيو بيتسحب بالراحه اوي وشالها كانت نايمه زي البيبي ما بين دراعاته حطها علي السرير بالراحه جدا وقعد جنبها وهو بيملس علي شعرها الدهبي بالراحه اوي وبيبص لملامحها
عاصي : ( بيكلم نفسه وهو بيبص علي ملامحها ) انا بقيت بكره نفسي عشان انا السبب في عذابك يابدور .. انا مش عايز أأذيكي بس كل خطوه بخطيها انتي اول واحده بتتأذي فيها يابدور .. انا مش عايزك تتأذي تاني .. أي حد بيقرب مني بيتأذي انا مؤذي بشكل رهيب .. بس انتي اخر واحده ممكن أأذيها وانا متعمد يابدور كل حاجه بتحصل .. بتحصل غصب عني مش اكتر ياريت تسامحيني
عاصي جه يقوم من جنب بدور .. راحت بدور لفت ونامت علي جنبها وبقت حاطه ايدها علي وسط عاصي
وحضناه من غير ما تحس عاصي ابتسم ومسحلها الدمعه اللي نازله من عنيها نايمه وقرب منها اكتر وميل راسه وباسها من جبينها
وقام بالراحه من جنبها .. وقفل الباب وراه
----------------------------------------------
احسان قلعت هدومها ولبست الروب الابيض ومستنيه عاصي يدخل عليها في اي وقت ومحضره ازازه الشمبانيا والنقط جنبها ..
واول ما سمعت عاصي نازل من علي السلم قلعت الروب بسرعه وبقت بقميص النوم وفردت شعرها كانت جميله اوووووي
ومره واحده سمعت خطوات عاصي وهو رايح علي اوضه المكتب ومادخلش عليها ( داست علي سنانها وخبطت برجليها في الارض وطلعت نامت علي السرير وهي بتفكر في عاصي )
وعاصي نام علي الكنبه اللي في اوضه المكتب وهو بيفكر في بدور
-----------------------------------------------
غالب وقتها من كتر زعله كان لسه قاعد ماتحركش من مكانه جنب العربيه وميل راسه ونام وهو بيفكر في بدور
كلهم الاربعه الحب معذبهم ومافيش واحد روحه ولا قلبه مرتاح فيهم
الصبح طلع وغالب اول ما شروق الشمس جه علي وشه ابتدي يقلقه ورفع ايده عشان يبعد اشعه الشمس من علي عنيه بص شمال ويمين
واتعدل في قعدته بيبص لقي نفسه نايم في الشارع افتكر انه فضل طول الليل علي الحال ده واستغرب جدا من نفسه انه زعله يخليه مايحسش بنفسه وينام في الشارع .. قام بسرعه ونفض ايديه من التراب وركب عربيته وساقها ومشي
------------------------(في نفس الوقت)------------------------
بدور قامت من نومها مخضوضه وهي علي السرير لفت وشها ناحيه اليمين .. الناحيه اللي كان قاعد فيها عاصي بتبص مالقيتهووش جنبها .. نزلت وشها لتحت وكان شعرها الدهبي نازل علي وشها هزت راسها شمال ويمين ورجعت شعرها لورا وفكرت ان وجود عاصي جنبها امبارح ده حلم مش اكتر هي كانت حاسه بيه .. بس من كتر تعبها وعياطها وقلبها الموجوع تعبها اتغلب عليها وماقدرتش تفتح عنيها وافتكرت ان اللي حصل ده كان حلم مش اكتر وقامت من علي سريرها ولمت هدومها اللي كانت واقعة في الارض وحطيتها في شنطة ولبست لبس المدرسه بتاعها وبقت مستنيه اتوبيس المدرسة وهي مقرره انها هتبعد عن عاصي نهائي
غالب جه واول ما دخل طلع علي السلم ودخل اوضته من غير ما يفتح بوقه بكلمه مع حد فيهم
بدور كانت نازله علي السلم ومعاها شنطتها وغالب طالع علي السلم غاالب طلع وحتي مابصلهاش حرفيا ومن غير قصده خبط في كتفها شنطه هدومها وقعت منها بدور بصيتله وغالب بصلها وبص علي الشنطه وعرف انها هتسيب البيت وحتي ماقلهاش رايحه علي فين بص قدامه وكمل طريقه وطلع علي اوضته بدور استغربت من تصرف غالب بس كملت في طريقها ..
احسان فتحت باب اوضتها ولاقت بدور ماسكه الشنطه وماشيه قفلت الباب بالراحه وأكنها ماتعرفش انها ماشيه
احسان : يااااه من غير مجهود اخيرا بقي عندك ددمم
بدور ركبت ال bus بتاعها وغالب كان واقف في بلكونه اوضته وهو شايف بدور وهي بتركب ال bus كان جواه صراع رهيب عايز يقولها استني ماتمشيش وفي نفس الوقت مش قادر
( وهما في bus المدرسه )
سجده : ايه الشنطه اللي معاكي دي يابدور
بدور : انا مش هرجع البيت مره تانيه خلاص
سجده : طيب علي الاقل فهميني ايه اللي حصل
بدور : (ماقدرتش تمسك دموعها اكتر من كده ) عاصي .. عاصي اتجوز ياسجده .. اتجوز خلاص
سجده : تقصدي مستر عاصي بتاعنا
بدور : ايوه
سجده : هو مستر عاصي هو ده اللي انتي بتحبيه وكنتي بتعيطي عشانه في الرحله
بدور: ايوه هو
سجده : انا فعلا مش فاهمه حاجه .. احنا صحاب بس انتي مش بتحكيلي اي حاجه وانا مابرضاش اضغط عليكي عشان ماضيقكيش
بدور : انا حاسه اني محتاجه احكي كل حاجه لو ماحكيتش وطلعت اللي جوايا حاسه اني هتخنق
سجده : طيب احكيلي انا سمعاكي
بدور ابتدت تثق في سجده وتحكيلها علي كل حاجه
سجده : انتي حكايتك ولا الافلام اقسم ب**** بس تحسي ان فيها مغامره انا بحسدك يابنتي
بدور : ( بنرفزه ) انتي بتهزرى ياسجده
سجده : ( مره واحده ال bus وقف ) طيب حطي شنطه هدومك تحت رجلينا بسرعه ام قردان جت
بدور : ( ام قردان مين ) ميرا هو في غيرها .. بسرعه بس قبل ما تشوفها وتعمل عليكي حوار
بدور مسحت دموعها وخبت الشنطه تحت رجليها هي وسجده علي طول
ميرا : ( وقفت قدام بدور وسجده وسندت ايدها علي الكرسي )
ميرا : ( بنظره خبيثه ) بدووور .. اي ده انتي هنا
بدور : لاء انا هناك 😏
ميرا لفت راسها لورا وبصت للينا
ميرا : الحقي يالينا دي بدور بنت الملاجىء بتهزر
بدور : ( بنرفزه ) انا مش هنكر اني اتربيت في الملجأ .. بعد ما اكتشفت ان تربيه الملاجىء احسن بكتير من تربيتك
كل اللي في ال bus بصوا لميرا وبقوا يضحكوا عليها
ميرا بصت شمال ويمين لاقيتهم كلهم بيبصوا عليها وبيضحكوا
ميرا : ( برئت عنيها لبدور ) انتي بتقولي ايه ؟ انتي اكيد اتجننتي
بدور : انا اتجننت فعلا .. بس عشان كنت بسكت لوحده زيك اللي زيك ماينفعش نسكتلهم اكتر من كده
ميرا : اللي زيي هيورى اللي زيك ازاي يتكلم مع اسياده بعد كده
ميرا من غيظها جت رفعت ايدها ولسه هتضرب بدور بالقلم راحت سجده وقفت ومسكت ايدها
سجده : افتكر ان مالووش لزوم الحكايه تكبر اكتر من كده ياميرا سيبي بدور في حالها وطلعيها من دماغك احسنلك
سجده سابت ايد ميرا وميرا داست علي سنانها واتنفست بغيظ وقعدت علي الكرسي بتاعها
لينا : ( قاعده جنب ميرا ) هو اللي حصل دلوقتي ده بجد
ميرا : البت دي ماينفعش نسكت عليها اكتر من كده
لينا : انا معاكي في اي حاجه هتعمليها 😈
---------------------( في نفس الوقت)---------------------------
عاصي صحي من النوم وهو ماسك رقبته لانها وجعته جدا من نومه الكنبه
فتح باب المكتب واحسان حست انه هيدخل الاوضه بتاعته راحت قلعت هدومها بسرعه ودخلت الحمام
عاصي دخل مكانش فايق حرفيا دخل اوضته وفتح باب الحمام بتاعه احسان عملت نفسها مخضوضه وبقت تداري جسمها
عاصي : ( بص في الارض بسرعه ) اسف .. نسيت انك بقيتي معايا في الاوضه
احسان : ( وهي بتحاول تخبي جسمها بأيديها ) انا اللي اسفه ..
عاصي اداها ضهره ولسه هيطلع
احسان : عاصي ممكن البرنس من عندك
عاصي : اه .. اه اكيد
اخد البورنس ومد ايديه لورا عشان يديها البرنس احسان وقعته
عاصي بص لاحسان وشافها راحت احسان قربت منه اكتر ووطت اخدت البورنس ولمست ايد عاصي
عاصي بسرعه راح زق ايد احسان وبصلها من فوق لتحت
عاصي : انتي اتجننتي .. انتي هنا عشان حامل مش اكتر ولا اقل .. اوعي خيالك المريض يصورلك ولو للحظه ان ممكن تحصل ما بينا علاقه مهما حصل
احسان : ( ضمت حواجبها وهي مخنوقه جدا ) عاصي انا مراتك
عاصي : انتي هنا عشان بصلح غلط حصل غصب عني وعنك مش اكتر وعشان خاطر اللي في بطنك انا ممكن اعمل اي حاجه مهما حصل .. فهماني يا احسان
احسان : ( بلعت ريقها وبعدت خطوه عن عاصي ) فهماك .. فهماك ياعاصي
عاصي طلع من عند احسان وهو مخنوق جدا
-----------------------------------------------------
غالب لبس ونزل من علي السلم وهو بيحط الكراڤت علي الياقه وماسك الچاكيت بتاعه في ايده
عاصي : كنت فين من امبارح
غالب : مافتكرش يهمك
عاصي : ازاي مايهمنيش .. انت ابن اخويا
غالب : اديك قولتها انا ابن اخوك مش ابنك انت مش مسؤول عني
عاصي : انت بتعمل كده ليه ؟
غالب : انت اللي ابتديت مش انا ياعاصي بيه .. انت اللي بتخبي عني حاجات كان لازم اعرفها من زمان ..
( رفع صوته في وش عاصي بنرفزه وبقي يشاور بصباعه لعاصي ) انت اللي خلفت الوعد اللي بينا .. انت ياعاصي مش انا ..
لو كنت بتحكيلي ( شاور بصباعه علي قلب عاصي ) اللي جوه قلبك مكنتش انا دلوقتي بقيت كده
غالب ساب عاصي ومشي وخبطه في دراعه وهو ماشي
عاصي : ( بصوت عالي ) غااالب استني ..
غالب فتح الباب وركب عربيته ومشي
-----------------------( في نفس الوقت )------------------------
ال bus وصل المدرسه
سجده : استني ماتنزليش دلوقتي خليهم كلهم ينزلوا الاول
بدور : ليه ؟
سجده : عشان ماحدش يشوف الشنطه اللي معانا هيكون ليه يعني
بدور استنت لما كله نزل واخدوا الشنطه بتاعت بدور
بدور : هنحط الشنطه فين دلوقتي
سجده : استني
سجده بصت شمال ويمين وخبوا الشنطه بتاعت بدور في مكان بعيد .ودخلوا المدرسه
سجده : هاتروحي فين بعد المدرسه
بدور : لسه معرفش هاروح فين
سجده : طيب ما تيجؤ تقعدي معايا .. انتي عارفه انا ماليش اخت بنت وانتي هتبقي اختي
بدور : طيب واهلك هيقولوا ايه ؟
سجده : ( بابتسامه ) لاااا انتي بتهزرى هما اهلي اصلا فاضيلي عشان يقولوا .. انا بشوف ماما وبابا في المناسبات مش اكتر
بدور : بس انا خايفه اتقل عليكي
سجده : ماتقوليش كده يابدور انتي اختي
بدور : انا مش عارفه اقولك ايه .. هما كام يوم مش اكتر علي ما دبر امورى
بدور وسجده دخلوا سوا الclass وابتدوا يومهم سوا
------------------------(في نفس الوقت)------------------------
غالب دخل الشركه
محمود : نورت الشركه ياغالب بيه ؟
غالب : ( بنرفزه ) ايه نورت الشركه دي محسسني اني بقالي سنين ماجيتش الشركه بتاعتي
محمود : انا اسف ماقصدش ياغالب بيه اناااا..
غالب : انت ايه .. انت ماتنطقش تاني
محمود : ( اتكسف وبص في الارض مره واحده الباب اتفتح وعاصي دخل عليهم )
عاصي : ( طبطب بأيديه علي كتف محمود ) اطلع انت دلوقتي يامحمود
محمود : حاضر يااستاذ عاصي
عاصي : ( بهدوء ) اي اللي مغيرك كده ؟
غالب : بعد كل اللي بيحصل ده .. وانت لسه بتسأل ايه اللي مغيرني .. انت مش حاسس بنفسك ياعاصي بيه
عمال تخبي عني كل حاجه بتحصل معاك واقول مش مشكله بكره ييجي يحكيلي .. اسيبه براحته خليه هو اللي يحكي ..
وفجأه الاقيك اختفيت واتجوزت احسان وانت اصلا مابتحبهاش وكل ما حد يقرب منك مابتقولش غير انا حر .. لاء انت مش حر انا من حقي اعرف ايه اللي بيحصل معاك
عاصي : طيب ما انت عارف اتجوزت احسان ليه ؟
غالب : ماتحاولش تقنعني ابدا عشان نمت معاها .. ما انت عملتها قبل كده كتيييير قبل فيروزه وعادي ومكنتش بتحط في بالك .. ايه الجديد اللي اتغير المره دي
عاصي : طيب مافكرتش لحظه انا ليه بقيت مع فيروزه وتوبت ومابقيتش اعرف حد غيرها في يوم طول السنين اللي كانت معايا فيها ومابصيتش لحد غيرها
غالب : ( ضم حواجبه ) مش فاهم تقصد ايه ؟
عاصي : ( بندم ) اقصد ان قبل ما اعرف فيروزه .. عرفت بنت ووثقت فيا .. حبتني من قلبها بجد وانا شغلت عقلها وقلبها كانت بنت بسيطه معايا في الكليه كانت سنه اولي وانا كنت سنه تالته وفضلت وراها لحد ما خليتها تجيلي وعملت معاها زي ما بعمل مع اي حد بس البنت دي كانت غيرهم .. وطلعت حامل طبعا وقتها كنت لسه صغير ومش عايز اشيل اي مسؤوليه البنت حاكتلي انها حامل وانا بكل نداله سيبتها ورميتلها شويه فلوس وقولتلها تنزله عمرى ما هنسى نظراتها ليا وقد ايه هي ندمانه انها عرفتني .. بعدها بأسبوعين اكتشفت انها انتحرت ورمت نفسها من فوق عمارتهم وقتها اهلها مكانوش عارفين السبب ولحد دلوقتي محدش يعرف هي انتحرت ليه ؟
انا دخلت في حاله اكتئاب واحساس بالذنب فظيييع ان انا السبب في موتها وبقيت اشوفها واشوف خيالها قصاد عيني في كل مكان
وبعدها شوفت فيروزه واختارت فيروزه من نفس الطبقه اللي البنت دي كانت منها زي ما اكون بكفر علي اللي عملتوا فيها في فيروزه
واخلصتلها ومعرفتش غيرها وحبيتها .. ولما حصل مع احسان نفس اللي حصل مع البنت دي .. اليوم اللي كلمتني فيه احسان انتحرت
وهي برضوا شايله ابني في بطنها بس المره دي مكانش ينفع اني اسيبها تموت نفسها كان لازم اجي علي نفسي ياغالب واتجوزها
عشان ابني اللي في بطنها وعشان ماتفكرش في الانتحار مره تانيه مكانش عندي وقت حتي اني افكر كل اللي فكرت فيه ان احسان ماتنتحرش وبس
غالب قعد علي الكرسي وهو مصدوم
غالب : يعني احسان حامل 😳😳
عاصي : ( بلع ريقه وهو بيسند علي كرسي المكتب وبيقعد )
عاصي : ايوه حامل 😔
غالب : وليه ماقولتليش ليه اختفيت مره واحده ؟
عاصي : كل حاجه جت بسرعه .. كنت خايف لا تعمل في نفسها حاجه فضلت معاها في المستشفي وروحتها وخطبتها من اهلها ومافيش وقت حتي اني اخطبها اتفقنا علي كتب الكتاب علي طول عشان شهور الحمل واهلها مايكتشفوش بطنها
غالب : انا .. انا مش عارف اقولك ايه
عاصي : ماتقولش قضى اخف من قضى
غالب : وبدور عارفه الحكايه دي
عاصي : بدور مش لازم تعرف كل ده ياغالب .. بدور لسه صغيره والمستقبل قدامها كبير ..
غالب : فهمتك ياعاصي .. فهمتك
طيب وكريم ايه علاقته بيك
عاصي : الحكايه دي بالذات اللي مش هينفع اقولهالك دلوقتي بس اكيد هتعرفها في يوم
غالب اتنهد وبص في الارض
غالب : علي راحتك ياعاصي .. علي راحتك خالص
-------------------( في نفس الوقت )----------------------------
سجده روحت هي وبدورالبيت
بدور : ياااااه دي كلها ڤيلتكم
سجده : اه .. ايه رايك
بدور : حلو اوي اوي ياسجدة ده اكبر من ڤيلا عاصي وغالب
سجده : بجد .. طيب تعالي بقي اوريكي اوضتك
سجده طلعت هي وبدور وبقت توريها اوضتها
سجده : ايه رايك عجبتك
بدور : انا بجد مش عارفه اقولك ايه ؟
سجده : ولا اي حاجه .. احنا من دلوقتي بقينا اخوات مش بس صحاب
عاصي روح الڤيلا بتاعته وبقي كل شويه يبص علي باص المدرسه بتاع بدور بس مابيجيش بص في ساعته لقاها داخله علي خمسه
غالب جه والاكل اتحط علي السفره
عاصي : ( بقلق ) بدور لسه ماجاتش لحد دلوقتي وهو باصص علي الباب
غالب : ( اتنهد ) مافتكرش انها هتيجي تاني ياعاصي
عاصي : ( لف وبص لغالب ) انت بتقول ايه ؟
غالب : بدور سابت البيت ومشيت
عاصي : ازاي وعرفت منين
غالب : شوفتها وهي نازله النهارده وهي معاها شنطه هدومها
احسان : ( وهي قاعده علي السفره ) معقول ياغالب تشوفها وهي معاها شنطه هدومها وماتمنعهاش تمشي
عاصي : انت ازاي تسيبها تمشي
غالب : انت عارف وانا عارف كويس ان ماينفعش بدور تقعد هنا بعد اللي حصل .. بدور بتتعذب كل ما تشوفك ياعاصي وانت عارف ده كويس
عاصي : يعني نسيبها كده .. نسيبها ترجع تاني للشارع
غالب : معرفش هي مش صغيره هي عارفه كويس هي بتعمل ايه
غالب قام من علي السفره ومشي طلع اوضته
عاصي نزل وراح بسرعه لاشاره المرور اللي بدور بتقف فيها مالقهاش هناك بيبص لقي تغريد صحبتها
عاصي : ( بينادي علي تغريد ) تغريد .. تغريد
تغريد : ( باستغراب ) عاصي بيه
عاصي : فين بدور
تغريد : بدور معاك ياعاصي بيه
عاصي : يعني ماجاتش الخرابه تاني النهارده
تغريد : ابدا ماجاتش خالص
عاصي : طيب خدي الكارت بتاعي لو جت في اي وقت اتصلي بيا علي طول بس لو عرفت انها عندك وبتكدبي عليا مش هرحمك
تغريد : بدور لو جت ياعاصي بيه انا مش هخليها ترجع تاني لحياتنا دي ماتقلقش هتصل بيك علي طول
عاصي مشي وبقي دماغه هتنفجر من كتر التفكير
عاصي : ياترى روحتي فين يابدور .. ياترى هتكوني فين دلوقتي بس
عاصي نزل من العربيه بتاعته وسند علي الكابوت وهو بيفكر فيها ياترى اكلت .. ياترى هتنام فين .. ياترى هي مع مين دلوقتي
مره واحده افتكر سجده
عاصي : سجده .. اكيد هي معاها دلوقتي بس عنوانها ايه انا لازم اعرف عنوانها ما انا مش هستني لبكره اكيد عشان اروحلها المدرسه
عاصي : جت في باله مس فريده افتكر انه معاها رقمها
طلع فونه وبقي يدور علي رقمها لحد ما لقاه
عاصي : ايوه يامس فريده
مس فريده : __________
عاصي : كنت محتاج طلب ضرورى تنفذيه
مس فريده : _____________
عاصي : محتاج عنوان سجده الكاشف ضروري
مس فريده :_____________
عاصي : مافتكرش اني لازم اقولك ليه .. انا محتاجه وبس
مس فريده : ___________
عاصي : تمام هستني منك نليفون وانا عارف ومتأكد انك هتقدرى تجيبي عنوانها
------------------------------( في نفس الوقت )---------------------
سجده بتنام علي السرير والنوم في عنيها
سجده : مش هتنامي بقي يابدور
بدور: انا مش جايلي نوم انا ينفع استحمي دلوقتي
سجده : هههه اسمها اخد شاور يابنتي
بدور : ينفع ولا لاء
سجده : طبعا ينفع الحمام اخر الطرقه علي ايدك اليمين
بدور اخدت هدومها واخدت الشاور بتاعها وكل شويه تحس ان حد بيفتح عليها الباب تبص وراها ماتلاقيش حد قلبها دق بسرعه اوي وخافت
بدور : في حد هنا
( ماحدش كان بيرد )
---------------------------
مس فريده : ايوه يامستر عاصي جيبتلك عنوان البيت
عاصي :___________
مس فريده : الزمالك ڤيلا الكاشف ( وملته العنوان بالتفصيل )
عاصي : ____________
مس فريده : مافيش تعب ولا حاجه
عاصي راح العنوان بتاعها بسرعه جدا وكان متلهف جدا انه يلاقيها هناك
عاصي راح الڤيلا والخدامه فتحتله
عاصي : عايز اقابل سجده ضرورى
الخدامه : نقولها مين
عاصي : قوليلها مستر عاصي
سجده اول ما سمعت الاسم نزلت بسرعه لعاصي
سجده : ( بتمد ايدها ) اهلا يامستر عاصي نورت
عاصي : فين بدور
--------------------------------
الڤيلا كانت كبيره جدا
بدور قفلت الدش بالراحه جدا والحمام كان كبير فتحت الباب المخصص للدش
بدور : ( بلعت ريقها ) مين ولفت البشكير علي صدرها وشعرها المبلول كان بينزل مايه علي كتفها
فتحت الباب بالراحه وطلعت علي الطرقه عشان تروح الاوضه وبتبص لاقت شاب قدامها اشقر
بدور : ( اتخضت ) انت مين
الشاب : ( بنظره خبيثه لجسمها ) افتكر ام المفروض انا اللي اسأل انتي اللي مين وبتعملي ايه في بيتي الشاب ده كان بيقدم خطوات من بدور
بدور : ( وهي بترجع خطوات لورا ) بيتك
الشاب : ايوه بيتي
بدور خبطت ضهرها في الحيطه والشاب بقي قدامها واقف مافيش بينهم وما بين بعض مسافه
قرب من وشها وشم ريحتها
الشاب : تعرفي انك حلوه اوي
بدور : ( ودت وشها الناحيه التانيه ) ابعد عني ماتقربليش
بس الشاب ده قرب منها اكتر ولسه هيبوسها بدور ضربته برجليها ما بين رجليه الشاب وطي بضهره ووشه احمرررر وبدور نزلت من علي السلالم بتجرى وخايفه جدا ومره واحده بتبص لاقت عاصي قدامها
بدور : عااااصي
وهي بتجرى من غير ما تحس اترمت في حضنه وأكنها ما بتلاقيش الامان في الدنيا دي كلها غير في حضنه هو وبس
عاصي اخدها في حضنه اكتر وضمها لي وغمض عنيه وهو مطمن انها معاه
بدور : ( مره واحده حست بنفسها ) انت .. انت بتعمل ايه هنا وبعدت عنه خطوه ورا
عاصي : ( بص علي السلم ) بتجرى من مين يابدور
بدور : انا حره .. مجنونه .. بجرى لوحدي انت ايه اللي جابك عايز مني ايه
عاصي : هتيجي معايا .. هتروحي بيتك
بدور : ده مش بيتي .. وعمره ما كان بيتي انا ماشوفتش في البيت ده غير الذل والاهانه ومش مستعده ارجع للذل والاهانه مره تانيه
عاصي : ( بص لسجده )
سجدة : ممممم طيب انا هسيبكم دلوقتي تنكلموا سوا
بدور مسكت البشكير بأيديها اكتر ورفعته علي صدرها اكتر
عاصي : بدور .. روحي البسي هدومك وتعالي معايا
بدور: قولتلك مش هاجي ابعد عني بقي انت عايز مني ايه
عاصي : مش هينفع اسيبك هنا ..
بدور : انا مرتاحه هنا الف مره من اني اكون هناك معاك
عاصي : يوووووه انتي الكلام مش جايب معاكي نتيجه
عاصي مسك بدور من دراعها وزقها وراه
بدور : سيبني ياعاصي سيبني ( بدور زقت ايديها من ايدين عاصي )
بدور : ( بتحدي ) عايزني ارجع معاك
عاصي : ( بنرفزه ) ياريت
بدور : تقولي ليه .. ليه بتخاف عليا .. ليه قلقان اني سيبت البيت ومشيت .. ليه دورت عليا
بدور: لو قولتلي .. وجاوبتني وقتها بس هرجع معاك
عاصي : ( وقتها اداها ضهره وماتكلمش غمض عنيه وسكت واتنهد )
بدور : ( بابتسامه سخريه ) كنت عارفه ان معندكش اجابه عشان كده انا عمرى ماهرجع معاك في يوم
عاصي : ( وهو لسه مديلها ضهره ) اللي يريحك يابدور المهم تكوني بخير عاصي طلع فلوس من جيبه وحطها علي الكرسي
عاصي : الفلوس دي لو عوزتي حاجه
عاصي فتح الباب ومشي
بدور دموعها نزلت منها واخدت الفلوس بكل غيظ وطلعت اوضتها وفتحت بلكونه الاوضه بتاعتها لاقت عاصي بيركب عربيته المفتوحه
رمت الفلوس عليه من البلكونه وبكل غيظ قالتله
بدور : ( بصوت عالي وعياط ) انا عمرى ما كنت محتاجه منك فلوس ياعاصي .. انا بكرهك عارف يعني ايه بكرررررررهك
عاصي سمع الكلمه دي وزي مايكون في خنجر دخل جوه قلبه رفع عنيه لفوق والفلوس اللي رمتها بدور بتنزل عليه ركب عربيته
ومشي وماتكلمش ولا كلمه وهو مخنوق جدا انه للدرجه دي وصل بدور للمرحله دي
سجده : اهدي يابدور اهدي مش كده ادخلي .. ادخلي البسي حاجه يابدور ماينفعش كده
بدور لبست بيچامتها وهي بتعيط
سجده : انسيه يابدور حاولي تنسيه
بدور : ( بعياط ) مش قادره و**** مش قادره
مره واحده لاقت الشاب الاشقر بيخبط عليهم
سجده : رائد .. انت جيت
رائد : ( بيبص لبدور ) انا هنا من زمان من قبل ما الاموره صحبتك تاخد شاور
سجده : انتوا اتقابلتوا
بدور : ( مسحت دموعها بأيديها ) أيوه .. اتقابلنا
سجده : ( شمت ريحه رائد ) رائد انت شارب صح
رائد : اي المشكله يعني .. ما اشرب عندك مشكله في كده
سجده : رائد روح نام احسنلك والصبح لينا كلام تاني
رائد : استني بس
سجده قفلت الباب في وش رائد
سجده : ده رائد اخويا بلوه حياتي اوعي يكون عمل معاكي حاجه
بدور: لا لا ابدا مافيش حاجه
سجده : طيب حاولي تنامي دلوقتي ممكن يابدور
بدور قفلت الاباچوره اللي جنبها وسجده نامت معاها وفضلت طول الليل تحاول تنام مافيش تتقلب شمال ويمين برضوا مانامتش لحد ماطلع عليهم الصبح
قامت بدرى لبست هي وسجده وراحت المدرسه
بس اليوم ده كان يوم حرفيا مختلف دخلت المدرسه بتبص لاقت كل الطلبه بيبصوا في موبايلاتهم وبيبصولها وبيضحكوا وبيتكلموا عنها
سجده : هو في ايه ؟
بدور بتبص لاقت بوستر كبير متعلق بصورتها هي وعاصي لما كانوا في الرحله وطبعا عاصي من ضهره
سجده بصت كده وتنحت للصوره
ميرا : مش هتقوليلنا مين اللي كان معاكي يابدور
لينا : لاااا بس شكله جااااامد ضهره بيقول كده
كل الطلبه بقوا يضحكوا عليها
والولاد بقوا ييجوا ويقربوا منها
واحد من الطلبه : علي كده لو عايز اقضي معاكي ليله هتديهاني free ولا لازم ادفع فلوس
الطلبه كلهم بقوا يضحكوا وبدور حست ان الدنيا بقت بتلف بيها رمت شنطتها في الارض وكل الطلبه كانوا وراها وبيحدفوها بالورق وبيضحكوا عليها
ميرا وقفت قدامها وهي مربعه ايديها ورفعه حاجبها وبتبتسم بشماته
ميرا : عشان تعرفي انتي مقامك ايه ياست بدور
انتي ماينفعش تتحديني في يوم ..
بدور مكانتش شايفه قدامها وخلاص كانت هتقع من طولها بتبص لاقت اللي مسكها من وسطها وحضنها من ضهرها
بدور لفت وشها وبصتله لاقته غالب بصلها وابتسم ابتسامه بسيطه وقربها منه اكتر اللي هو اطمني انا معاكي
حطها ورا ضهره وبص لكل الطلبه اللي كانت واقفه ولف وبص لبدور وركع علي ركبته
غالب : ( قدام الكل ) انا عارف اني غلطت لما نزلت معاكي المايه من غير ما تعرفي واقتحمت خصوصياتك .. انا عارف اني مكانش ينفع اعمل كده ..
انتي كنتي لوحدك وكنتي مطمنه اني محدش موجوده .. بس انا اللي كنت غبي لما شوفتك ووقتها بعدتي عني بس كانت الصوره اتاخدت
حد عايز يشوه صورتك ( بص لميرا ) وانتي انضف من ناس كتيييير .. قلع خاتم فضه من ايده كان لابسه
غالب : انا مالحقتش اجيبلك خاتم بس اتمني انك تقبلي تكوني شريكه حياتي يابدور ..
الكل بص كده لغالب وميرا ولينا كانوا هيتجنوا والكل كان بيبص مستني يشوف بدور هتقبل ولا لاء
بدور عشان تدارى علي الصوره واللي حصل دموعها نزلت منها وشاورت براسها من فوق لتحت
بدور : موافقه .. ( بابتسامه ) موافقه
غالب قام ولبسها الخاتم بتاعه واخدها في حضنه وابتسم
الكل شاف كده وابتدوا يمشوا كل واحد علي الclass بتاعه وقدر غالب. يخرس كل حد فيهم
غالب اخد بدور ورجعوا الڤيلا
واول ما دخلوا كان مشبك ايديه بأيد بدور
غالب بص لعاصي واحسان
عاصي بص علي ايد غالب وبدور وهو مش مصدق
غالب : بدور من اللحظه دي بقت خطيبتي
عاصي : 😳😳
يتبع...

الجزء التاسع
غالب : بدور من اللحظه دي بقت خطيبتي
عاصي : 😳😳
عاصي وقتها كان متنح وبس وباصص علي ايد بدور وغالب اللي متشبكه في بعض
احسان بصت لعاصي كده وشافت وشه اتغير ازاي ماتكلمش ولا كلمه مكانش بينطق اصلا
احسان : ( اتصنعت البسمه ) مبرووووك ..( قربت من غالب وبدور واخدت بدور بالحضن ) الف الف مبروك ياغالب .. الف مبروك يابدور فرحتلكم اوي من كل قلبي
عاصي دخل المكتب بتاعه ورزع الباب وراه وماتكلمش معاهم ولا كلمه هي دي شخصيه عاصي مع انه قلبه بيتقطع من جواه بس لا يمكن يبين اللي في قلبه ابدا ولا يبان ضعيف في يوم
غالب شد بدور وراه وطلعها اوضتها ودخل وقفل الباب وراه وهو بيزقها من ايدها
بدور : ( بصيتله كده 🥺) انا عارفه انت بتقول عليا ايه دلوقتي نظرات عنيك ليا بتبين اللي جواك حتي لو ما اتكلمتش
غالب : ( بنرفزه ) مافتكرش ان يهمك اقول ايه او ماقولش ايه عنك ..
بدور : ازاي بقي اكيد يهمني انت ماتعرفش انت غالي عندي ازاي ياغالب انا عمرى ما هنسالك اللي عملته معايا النهارده
غالب : وانا عمرى ما هنسي اللي انتي عملتيه فيا النهارده ( قرب منها بنرفزه ) انتي عارفه انتي عملتي فيا ايه .. دبحتيني بسكينه تلمه أكلت قلبي أكل ..
الصوره اتبعتت النهارده علي جروب المدرسه وبقت مع كل الطلبه انا لما شوفتها اتبعتتلي مابقيتش مصدق .. انتي يابدور .. انتي تعملي كده .. انا عارف انك بتحبيه ..
بس مكنتش افتكر ابدا ان توصل بيكي الدرجه انك تعاشريه
بدور : محصلش و**** ما حصل ياغالب ..
غالب : ( ابتسم ابتسامه ظهرت بجانب شفايفه ) مابقاش يهمني حتي اذا كان حصل حاجه مابينكم ولا لاء يابدور خلاص ..
وماتقلقيش انتي مش خطيبتي ولا حاجه .. انا عارف انك مش عايزاني ومابتحبنيش انا عملت كده بس عشان اطلعك من الموقف اللي كنتي فيه مش اكتر قدامهم ..
وعشان احميكي من احسان رغم انها بتتكلم عنك حلو جدا قدامنا بس نظراتها ليكي كلها حقد وغل .. اول ما كل حاجه تتنسي الكل هيعرف ان احنا سيبنا بعض
بس لحد الوقت ده انتي خطيبتي قدام الكل
غالب فتح باب الاوضه وجه يطلع
بدور ( قدمت خطوه ودموعها بتلمع في عنيها ) : انا حاسه اني جرحاك بس مش فاهمه ليه ؟
غالب : ( وقف قدام الباب ومديها ضهره ) عشان انتي مابتفهميش يابدور
غالب مشي وقفل الباب وراه
--------------------------( في نفس الوقت )------------------------
ميرا كانت في اوضتها ولينا معاها وهي بتقلع تي شيت المدرسه
ميرا : ( بغيظ ) يعني ايه .. يعني بدور الزفت دي طلعت منها كده .. لاء وكمان الكل افتكر انهم بيحبوا بعض جدا وبقوا مثال ل love story في المدرسة
انتي متخيله الكل اتعاطف معاهم جدا انا هتجنن البت دي كل ما نعمل معاها حاجه تتهبب وتطلع منها زي الشعره من العجينه اعمل فيها ايه دي اخلص منها ازاي
ميراا: ( رمت التي شيرت بتاع المدرسه علي السرير بكل غيظ )
ميرا: اااااه ياكريم ياريتك كنت هنا
لينا : يعني خلاص غالب كده ضاع مني وفضل بنت الشوارع دي عليا .. ماليش دعوه اتصرفي احنا لازم نخليه يسيبها بأي طريقه ياميرا
ميرا : لاء طبعا انتي اتجننتي وانا هسيبها كده
لينا : ( بفرحه ) بجد يعني ممكن تعملي معاها حاجه تاني
ميرا : طبعا حفله ال ( pram) ( تتويج ملك وملكه السنه النهائيه بالمدرسه ) قربت ووقتها هعرفها مقامها من اول وجديد
لينا : طيب وافرض مجاتش ال pram هنعمل ايه
ميرا : مافتكرش اكيد هتيجي وغالب هو اللي هيجيبها عشان يأكد للكل انه بيحبها وهو اللي كان معاها في الصوره
لينا : طيب ما غالب هو اللي معاها في الصوره اومال هيكون مين غيره
ميرا : ده انتي عبيطه اوي مش غالب طبعا هو عمل كده بس عشان بيحبها ويحميها مش اكتر
لينا : مش غالب .. اومال مين اللي معاها 😳😳
ميرا : هقولك قريب اوي 🤨
------------------------( في نفس الوقت )------------------------
سجده راحت لبدور الڤيلا
سجده : هاي انا سجده صاحبه بدور في المدرسه
احسان : اه .. اه اهلا بيكي اتفضلي هي فوق في اوضتها
احسان ( في نفسها ) هي نقصاكي انتي كمان 😏
سجده طلعت لبدور اوضتها واحسان دخلت الاوضه بتاعتها وهي بتبص لنفسها في المرايه وحطه ايدها علي بطنها
احسان : وبعدين اعمل ايه .. الايام بتجرى وبطني لازم تكبر لو ماكبرتش عاصي هيلاحظ وهيعرف كل حاجه ده ممكن وقتها يدفني حيه ..
ويطلعني من الڤيلا ويبعدني عنه ( لفت وشها وبصت شمال ) لاء يبعدني عنه يعني ايه ؟ انا ماصدقت اني بقيت مراته
( رجعت بصت لنفسها في المرايه ) ما هو لو مانمش معايا في اقرب وقت هتبقي مصيبه انا لازم احمل منه بأي شكل
( بتكلم نفسها ) طيب ولو مارضاش .. ومعرفتيش تخليه يقرب منك هتستسلمي يا احسان هتخليه يعرف الحقيقه وتخلي بدور تاخده منك
مره واحده نطقت واتكلمت بصوت عالي
احسان : لاء .. لاء ده علي جثتي لو حكمت احمل من واحد تاني ولا اني اسيبك تضيع مني ياعاصي 😡😡
---------------------(في نفس الوقت)------------------------
سجده خبطت علي باب بدور
سجده : ممكن ادخل
بدور فتحت الباب واول ما شافت سجده ابتسمت
سجده : عامله ايه دلوقتي انا جيت عشان اطمن عليكي غالب اخدك من وسطنا كلنا مره واحده ومحدش قدر يمنعه قولت وانا مروحه هعدي عليكي
بدور : ( حضنت سجده ) تعبتي نفسك وجيتي انا بجد متشكره اوي ياسجده
سجده : ماتبطلي بقي كلمه متشكره كل شويه دي قوليلي اتكلمتي انتي وغالب
بدور : ايوه .. غالب مضايق اوي من اللي حصل جواه جرح كبير وحاسه ان انا السبب في الجرح ده ياسجده
سجده : ومش عارفه بقي هو مجروح ليه
بدور : لاء .. هو .. بصي انا عارفه ان الصوره تضايق بس هو ليه مضايق اوي كده
سجده : انتي مابتحسيش يابدور .. قولتلك قبل كده غالب باين عليه انه بيحبك محدش يقبل علي نفسه انه يحط نفسه في موقف زي كده الا لو كان بيحب .. غاالب بيحبك يابدور بس انتي مش حاسه .. او حبك لعاصي مخليكي عاميه مش شايفه مين بيحبك بجد ..
بدور : ( بصدمه ) معقوله غالب بيحبني انا 😳
سجده : ومش معقوله ليه . وبعدين عايزاه يعمل معاكي ايه تاني عشان يبينلك انه بيحبك .. اللي بيحب بجد بيعمل عشان اللي بيحبه كل حاجه حتي لو مقالهاش يابدور
بدور : ( لسه بتستوعب ) غالب 😳😳
----------------------(في نفس الوقت)---------------------------
غالب دخل لعاصي المكتب ورمي الفون في وش عاصي وهو مطلع الصوره بتاعته هو وبدور
غالب : هو ده بقي اللي كنت مخبيه عليا
كنت مع بدور .. انا عرفتك من ضهرك علي طول
عاصي : (كان مدي ضهره لغالب) اسكت ياغالب
غالب : ولو ماسكتش هيحصل ايه ؟
عاصي : ( لف وشه وبص لغالب وضرب بأيديه الاتنين علي المكتب بكل غضب ) هتندم ياغالب هتشوف الوش القديم بتاع عمك عاصي بس ساعتها من غير ما اخد برشام
ساعتها بس هوريك وشي الحقيقي
غالب : ( بصله واتكلم بهدوء) كل ده عشان شوفتني ماسك ايديها .. للدرجه دي بتحبها
عاصي : مالووش لازمه الكلام ده ياغالب ..
غالب : اومال ايه اللي لازمه .. فهمني .. انت في الرحله كنت معاها وبرضوا مع احسان بس الفرق بينا وبين احسان ان احسان طلعت حامل وهي لاء
عاصي اتنرفز جدا ومسك غالب بكل عصبيه من الياقه بتاعته وخبط ضهره في الحيطه
عاصي: ( بنرفزه وعصبيه ) لاء بدور لاء بدور غيرهم كلهم .. انا ماقدرش اقرب لبدور انا بخاف اقرب منها بخاف عليها اكتر من نفسي ..
واللي بيحب حد ما بيأذهووش وانا لا يمكن أأذيها بالطريقه دي .. يعلم **** اني مالمستش شعره منها كان نفسي فيها بس في الحلال
وربنا ما أرادش بس مش هسمحلك انك تقول عليها كلمه وحشه في يوم او تجرحها في يوم
عاصي كان بيقول الكلام ده وكان الكلام ده طالع صادق من قلبه بجد
غاالب بص في عنيه وعرف انه مابيكذبش نزل ايد عاصي من عليه بنرفزه ومشي من قدامه فتح الباب ومشي ركب عربيته وراح night club
عاصي وقتها غمض عنيه وهو واقف وحاسس ان ايديه متكتفه مش عارف يعمل حاجه كل حاجه حواليه بتبعده عن بدور اكتر وبتقربه من احسان اكتر واكتر
غمض عنيه وهو بيقعد علي الكنبه وقبض ايديه وبقي بيضرب بأيديه علي قلبه
عاصي : ( وهو بيضرب علي قلبه بأيديه ) گفايه كده كفايه وجع لحد كده كفايه ..مابقيتش متحمل خلاص .. مش قادر اشوفوا وهو معاها ( دموعه لمعت في عنيه ) و**** ما قادر
--------------------------(في نفس الوقت) ----------------------
سجده : الوو ايوه ياثائر انا خلاص اهوه نازله من عند بدور
ثائر :_____________
سجده : بجد.. بتهزر يعني انت تحت
ثائر :_____________
سجده : ياريت ياثائر بدور مخنوقه بجد ..( بصت لبدور ) ماتقلقش هنزلها معايا
ثائر: __________
سجده : لا لا مش هنتأخر هننزل علي طول
سجده : بدور ثائر عازمنا علي فسحه حلوه اوي هتعجبك جدا و****
بدور : لا لا ياسجده ماليش نفس لأي حاجه و****
سجده : ما هو اصل مش بمزاجك .. هتنزلي معانا يعني هتنزلي ولو ماجتيش معايا هزعل منك ومش هكلمك تاني انتي حره
بدور : سجده انا مش عايزه ازعلك بس و**** ما قادره
سجده : ( بزعل ) براحتك
(شالت شنطتها ) انا ماشيه
بدور : طيب خلاص ماتزعليش انا جايه معاكي بس عشان خاطرى بلاش نتأخر
سجده : ايوه كده البسي بسرعه يلا
بدور نزلت مع سجده غصب عنها وركبت العربيه مع ثائر
سجده : ( بصت لثائر ) عملت اللي قولتلك عليه
ثائر : ( هز راسه فوق وتحت ) ماتقلقيش كله تمام
ثائر وسجده راحوا نفس ال night club اللي غالب فيه
بدور : انا مابحبش الاماكن دي
سجده : ( من كتر صوت ال D.G العالي قربت ودنها من بدور
ايه مش سامعه عالي صوتك شويه
بدور : (بدور بصوت عالي وهي بتتكلم في ودن سجده ) بقووووولك مابحبش الاماكن دي
سجده : ( قلعت الچاكيت بتاعها وبقت بال top الحماله ) ليه .. دي حلوه اوي ..
ثائر بيبص لقي غالب علي البار بيشرب كاس ورا التاني وفي بنت سانده ايديها علي كتفه وواقفه معاه
ثائر : ( مد ايده وسلم تسليم five لغالب ) اي يا bro شايل هم الدنيا علي دماغك ليه ؟
غالب : اتأخرت كده ليه ؟
ثاير بص للبنت اللي مع غالب وغمزلها
ثائر : اخلعي انتي دلوقتي
البنت مشيت
غالب : ( وهو ماسك كاس التيكيلا شربه علي بوق واحد ورزع الكاس علي ال bar بص للي واقف علي ال bar وشاورله بأيديه انه يحطله تيكيلا تاني )
اللي واقف علي البار لسه هيملا الكاس ثائر حط ايده علي الكوبايه
ثائر : افتكر كفايه كده
غالب : كفايه ليه .. احنا جايين عشان نشرب وننسي
ثائر : ( شاور لغالب انه يبص وراه ) طيب بص وراك كده .. ( غالب بص لقاه بدور واقفه بعيد مع سجده ومش واخده بالها خالص من غالب )
ثائر : واذا كنت اللي بتحاول تشرب عشان تنساهم مش عايزين ينسوك
غالب : ايه اللي جابها هنا
ثائر : دي حاجه بقي انت اللي تسألهالها مش حابب اهي بدور معانا واعتبر نفسك انك ماشوفتهاش
ثائر ساب غالب ومشي راح لسجده ومسك ايد سجده ووطي باس ايديها وهو بيتمايل علي اغاني ال D.G وسجده مسكت ايده ودخلوا يرقصوا سوا مسكها من وسطها وقربها له ..
وبقي يخليها تلف وسجده كانت بتضحك مع ثائر ومبسوطه اوي
بدور كانت بتبص عليهم وهي مبسوطه اوي بحبهم اتنهدت وغمضت عنيها وابتسمت وغالب كان بيبص عليها من بعيد وهو على البار وبيراقب حركاتها ونظرتها لسجده وثائر ومرة واحدة بتبص لاقت واحد مسكها من ايدها وعايز يرقص معاها
بدور : اسفه مابعرفش
بدور حاولت تشيل ايديها منه قربها لي اكتر
الشاب : هعلمك
بدور : مش عايزه .. سيبني .. سيب ايدي
مره واحده غالب اول ما شاف كده مسك الازازه اللي كانت علي البار كسرها علي البار وراح للولد ده ونزل ايده من علي بدور وحط الازازه المكسوره علي رقبته
غاالب: ( بغضب ) هي مش قالتلك مش عايزه ..
هااااا ..
ال D.G وقف والناس بطلت رقص وكل حاجه وقفت الولد الازازه كانت غرزه في رقبته ورقبته نزلت ددمم
بدور : ( بزعيق وخوف علي غالب ) سيبه ياغالب .. سيبه معملش حاجة
البودي جاردات بتاعت ال night club جت بسرعه من ورا غالب ومسكوه من ايديه
غالب : ( بصوت عالي ونرفزه ) أوعي .. اوعي محدش يلمسني
غاالب رمي الازازه اللي كانت في ايده في الارض ومسك بدور من ايديها وشدها وراه وطلعوا من المكان بسرعة
غالب : اركبي
بدور : اهدي ياغالب انت متعصب اوي مش هينفع تسوق وانت في الحاله دي
غالب : ( بزعيق ) بقولك اركبي
بدور : حاضر .. حاضر هركب
غالب ساق العربيه بسرعه جدا
بدور شافت سرعه غالب كان بيجرى زي المجنون ماتكلمتش جابت حزام الامان ولبسته وبقت ماسكه في الايد بتاعت الباب وبصه قدامها وهما ماشيين بسرعه جدا
بدور : خللي بالك ياغالب .. حاااسب .. حااااااااااااسب
غالب : 😳😳
غالب بص قدامه بسرعه وحط رجله بسرعه علي الفرااامل والعربيه عملت صوت فرمله فظييييعه جدا وبدور مكانتش لحق تلبس حزام الامان ومن كتر الفرمله دماغها اتخبطت في التابلوه وجبينها نزل ددمم
غالب : ( بخوف ولهفه علي بدور ) بدور .. بدور انتي كويسه
بدور ضمت حواجبها وحطت ايديها علي جبينها بتبص لاقت ددمم نازل منها
بدور : ( بخوف ) انا .. انا كويسه شوف البنت اللي كانت بتعدي الطريق الاول
بدور وغالب فتحوا الابواب بتاعت العربية بسرعة ونزلوا للبنت لاقوها مرمية قدام العربية
بدور جريت عليها بسرعة .. ووطت قعدت علي ركبها جنب البنت
بدور : انتي كويسه
البنت فتحت عنيها بالعافيه وكانت زي ما تكون بتشوف قدام عنيها خيالات رفعت ايديها وابتسمت لبدور اول ما شافتها
البنت : ( بتتكلم بالعافيه ) معقول .. ( اتنفست بالعافية ) غرير .. انتي عايشه ماموتيش
بدور : ( استغربت ) غرير .. غرير مين
غالب : انتي تعرفيها ..
بدور : اول مره اشوفها
غالب وطي وشال البنت
بدور : هتعمل ايه
غالب : هكون بعمل ايه هوديها المستشفي طبعا
غالب حطها في العربيه من ورا
بدور : غالب بص هناك كده
غالب بيبص لقي عربيه حمرا الببان بتاعتها مفتوحه جه يتحرك عشان يروح للعربيه
بدور: غالب ماتروحش لا يكون فيها حد ولا حاجه
غالب : اكيد دي عربيتها لازم نعرف اي حاجه عنها
بدور : ( بصت لغالب بخوف ) البنت دي كانت مرميه علي الطريق لما احنا جينا .. اكيد في حد اذاها انا خايفه عليك
غالب : ( بص لبدور وابتسملها) بتخافي عليا بجد
بدور : ( بابتسامه ووشها احمر وبقت متوتره ) اكيد
غالب: ماتخافيش انا هاجي علي طول
غالب مشي مسافه 30 متر قدام
بدور دخلت العربيه بتاعت غالب وركبت من قدام
بصت وراها وسمعت البنت مره تانيه
البنت : (وهي مش قادره تفتح عنيها بتخطرف بالكلام كانت بتقول ) غرير .. غرير .. انتي ماموتيش ياغرير
بدور بقت مستغربه مين غرير دي بصت قدامها مره تانيه علي غالب
غالب بقي بيدور علي اي حاجه في العربيه علشان يعرف مين البنت دي
بيبص لقى شنطتها ولقي المفتاح بتاع العربيه موجود قفل العربيه واخد المفتاح وشنطتها وراح لبدور وركب عربيته وساق العربيه
بدور : ايه لاقيت حاجه تثبت هي مين
غالب : ( ادا الشنطه لبدور ) خدي افتحي الشنطه دي وشوفي اي حاجه نعرف بيها شخصيتها
غالب بقي سايق وبدور بقت تطلع اللي في الشنطه
بدور : ( طلعت البطاقه ومسكاها وبتقراها )
بدور : اسمها جنه عادل الشرشابي هنعمل ايه دلوقتي
غالب : اكيد هنوديها المستشفي يابدور مش هنعمل حاجه غير كده ( لف وشه شمال لبدور ) مالك قلقانه ليه ؟
بدور : خايفه لما نروح المستشفي يفتكروا ان احنا خبطناها بالعربيه
غالب : ( ابتسم ) ماتقلقيش هي مش مخبوطه بعربيه ولا حاجه مافيش اي اصابات في جسمها لما تفوق هنعرف منها كل حاجة
غالب وصل المستشفى وشال البنت وبدور كانت معاه ودخلوها المستشفي بسرعة والبنات الممرضات اخدوها بسرعه وابتدى الدكتور يكشف عليها
الدكتور اول ما طلع
غالب : اي يادكتور طمنا
الدكتور : واضح ان في شخص اتعدي عليها بالضرب وكمان البنت واضح عليها علامات الادمان هي تقربلكم
بدور : لا لا لا .. احنا لاقيناها مرميه في وسط الطريق ولولا ستر **** كنا هندوسها بس **** ستر ولحقناها
الدكتور: احنا هنركبلها محاليل وشويه وهتفوق وتقدر تطلع من المستشفي بس نصيحه لو عايزين تكملوا الخير اللي بتعملوه ده للاخر اعرفوا مين اهلها وبلغوهم ان البنت لازم تتعالج
غالب : ان شاء **** يادكتور
الدكتور : انا كده لازم اعمل محضر باللي حصل ده اعتداء بالضرب ولازم اللي عمل كده ياخد جزاؤه
غالب : اللي يريحك طبعا انا معنديش اي مشاكل
الدكتور: اتمني انك تكون هنا كمان ساعتين بالكتير تكون البنت فاقت
بدور : ان شاء ****
غالب طلع من المستشفي وبدور طلعت وراه
بدور : هنستناها تفوق ولا هنروح
غالب : لو حابه اروحك مافيش مشاكل
بدور : انا حابه اتكلم معاك شويه ممكن
غالب : ( هز راسه فوق وتحت ) ممكن
--------------------- ( في نفس الوقت )--------------------------
عاصي : ( وهو في المكتب بيسأل نفسه ) معقول كريم يكون فاق وهو اللي نشر الصوره وانا هفضل اسأل نفسي كده كتييير انا لازم اروح اشوفه اذا كان فاق من الغيبوبه ولا لاء
عاصي دخل الاوضه لقي احسان بتعيط وللاسف ماهتمش
احسان : ( لاقت انه مش همه مسحت دموعها بسرعه ) ممكن اعرف رايح فين
عاصي : مافتكرش يهمك
احسان : يهمني باعاصي صدقني يهمني
عاصي : ( اتنهد وقعد علي الكنبه ) احسان .. ارجوكي انا فيا اللي مكفيني ومش ناقص وجع دماغ زيادة
احسان : ( وقفت قدام عاصي ) انا ماطلبتش منك انك تحبني بس بص للي في ايديك بلاش تجرى ورا حاجة مش هتحصل بدور خلاص اتخطبت لغالب وانت واتجوزتني وقريب اوي هيبقي معانا بيبي .. ( مسكت ايد عاصي وحطيتها علي بطنها ) انا عارفه انك متجوزني غصب عنك بس علي الاقل اديني فرصة .. فرصة تعرف انا قد ايه بحبك.. ( عاصي شال ايده من علي بطن احسان واداها ضهره وابتدي يطلع لبسه طيب... طيب .. بلاش عشان بحبك وابنك اللي جاي علي وش الدنيا مش محتاج يطلع يلاقي اب وام حواليه
عاصي : انا اتجوزتك بس عشان خاطر اللي في بطنك وعشان ماشيلش ذنبك لما كنتي عايزه تنتحرى بس اكتر من كده مش هقدر اديكي يا احسان ده اللي عندي
عاصي اخد هدومه وبيفتح الباب ولسه هيطلع
احسان : بدور .. كل ده عشان بدور .. لو ماكنتش بدور موجوده كان هيبقالي فرصه معاك صح ياعاصي
عاصي : ( وقف علي الباب وهو مديها ضهره ) بس بدور موجوده يا احسان ( رزع الباب ومشي في وش احسان )
احسان : ( بغيظ وحقد ) كله منك يابدور الكلب 😡😡
عاصي لبس في اوضه المكتب واخد عربيته وراح المستشفي عشان يتأكد اذا كان كريم فاق او لاء
واول ما راح بيبص لقي كريم لسه في الغيبوبه واستغرب جدا
عاصي : ( بيكلم نفسه ) لما كريم لسه في الغيبوبه ياترى مين اللي بعت الصوره 🤔
-------------------------( في نفس الوقت )-------------------------
غالب وبدور وقفوا علي النيل وبيبصوا للنيل
غالب : عايزه تقولي ايه يابدور
بدور : ( بدور لفت وشها يمين وبصت لغالب .. بلعت ريقها )
عايزه اقولك اني متشكره علي كل حاجه عملتها معايا في يوم .. كل ما بحتاجك بلاقيك جنبي دايما .. حتي حلم اني اكمل تعليم حققتهولي ..
اول ما بقع في مشكله بلاقيك دايما في ضهرى .. محدش عمل معايا زي ما انت عملت ياغالب والمشكلة اني بدل ما اردلك اللي انت عملته معايا بجرحك من غير ما اقصد .. انا مش عايزه اجرحك .. ورغم كده بجرحك .. انت .. انت فاهم انا عايز اقولك ايه .. انا عايزه اقولك حاجات كتيير جوايا بس خايفه لا تفهمني غلط
غالب : ( ابتسم لبدور وبص لملامحها الجميله) المشكله اللي بجد اني فاهمك صح .. فاهمك صح جدا
غالب : انتي عرفتي اني بحبك .. بس انتي مابتحبنيش .. وعشان كده حاسه بالذنب من ناحيتي عشان حاسه اني بتعذب منك صح يابدور
بدور : انا حبيت واحد معملش معايا ربع اللي عملته عشاني وهو مايستاهلش .. اديني فرصه .. خليك جنبي .. عرفني اني غلطانه .. ماتسبنيش .. انا ماينفعش اخسرك انت بالذات ياغالب .. انا بس محتاجه شويه وقت مش اكتر ..
غالب : ( ادا بدور ضهره وهو متنرفز ) انا مش فاهمك يابدور يعني ايه عايزاني ابقي البديل لحد ما تنسيه .. طيب ولو مانستهووش ساعتها هتقوليلي مع السلامه
بدور وقفت قدام غالب ورفعت ايدها ولمست خده بصوابعها وبصت في عنيه وهو كمان بقي يبصلها
بدور : ( بنبره صوت هاديه وكلها حنيه وكلام طالع من قلبها بجد ) انت عمرك ما كنت البديل .. انا اللي كنت عاميه ومش شايفه مين اللي بيحبني ومين اللي بيكرهني .. انا بتمني منك فرصه مش اكتر .. ممكن موضوع الصوره دي حصلت وانك تتقدملي قدام الكل حصل عشان اعرف قد ايه انت بتحبني واعرف انا كمان قد ايه انت غالي عندي . ارجوك خليك جنبي خصوصا الايام دي انا محتجاك دلوقتي اكتر من اي وقت
غالب : دي اخر فرصه ليكي معايا يابدور بس المره دي لو خسرتيني مش هبقي جنبك حتي لو صديق
بدور : ( اتنهدت ) موافقة
-------------------------( في نفس الوقت )-------------------------
ميرا كانت نايمه علي السرير وحاطه اللاب علي بطنها و بتقلب في لاب كريم بكل زهق بتبص لاقت فولدر مكتوب عليه احسان
فتحت الفولدر لاقت صور احسان ومكالمات ما بينها وبين كريم وصور ليها وهي في الرحله معاهم
ميرا استغربت
ميرا : اللاه .. مش دي اللي كانت مع مستر عاصي في الرحله
ياترى كريم مصورها ليه ؟
ميرا ابتدت تسمع الريكوردات والتسجيلات اللي كان حاططها كريم لاحسان وهي بتقوله يعمل ايه .. وكل حاجه عن بدور
ميرا : يابنت ال .. هو انتي بقي اللي كنتي بتقولي كل حاجه لكريم عن بدور ( رفعت حاجبها اليمين ) احنا كده بقي لازم نتقابل في اسرع وقت
كريم كان كاتب كل حاجه عن احسان في الفولدر ده هي مين وبنشتغل فين حتي رقم فونها
ميرا خدت رقم فونها وابتسمت ابتسامه خبيثه
ميرا : ده احنا كده هنلعب لعب حلو اوووووي 😈😈
--------------------( في المستشفى ) --------------------------
البنت لما فاقت بقت تبص شمال ويمين بتبص لاقت نفسها في مستشفي والمحاليل متعلقه في ايديها
جنه : انا فين .. وغرير .. غرير راحت فين
الممرضه : انتي جيتي هنا وكان مغم عليكي وانا معرفش بتتكلمي عن مين
جنه : مين اللي جابني هنا .. انطقي
الممرضه : شاب وبنت هما اللي جابوكي وقالوا انهم لاقوكي مرميه علي الطريق وباين من الكدمات اللي في وشك وفي جسمك ان في اكتر من شخص اعتدى عليكي بالضرب
جنه : الموبايل .. موبايلي فين
جنه بقت تبص شمال ويمين بدور علي موبايلها
الممرضه : انتي جيتي من غير موبايل
جنه بقت تشيل الكالونه من ايديها بسرعه جدا وبقت تدور في جيوبها بتبص لاقت الموبايل
طلعت الموبايل بسرعه واتصلت علي مامتها
جنه : الووو
ام جنه: انتي فين ياجنه حرام عليكي غايبه بقالك 3 ايام
جنه : سيبك من الكلام ده دلوقتي ..
ام جنه : في ايه ياجنه مالك
جنه: غرير .. غرير عايشه ماماتتش
ام جنه : انتي جرا لمخك حاجه ولا ايه .. غرير ماتت من 6 شهور واحنا اللي دفناها بأيدينا انتي من كتر شرب الهباب اللي بتشربيه ده لحس مخك ولا ايه
جنه : بقولك اقسم ب**** ما ماتت غرير عايشه .. دي .. دي كانت قدامي انا شوفتها
ام جنه : اومال مين اللي ماتت قدامك وهي بتشرب جرعه زياده .. هااا .. انطقي
جنه : معرفش .. ( مسكت دماغها ) انا هتجنن
ام جنه : تروحي علي البيت حالا كفايه شرب القرف اللي بتشربيه ده
ام جنه قفلت الفون في وشها
جنه : ( بتكلم نفسها ) معقول .. معقول كنت بتخيلها بس ازاي ده انا لمستها بأيديه دوول
الظاهر شربت كتييير المره دي
جنه لبست الچاكيت بتاعها وجت تمشي
الدكتور : انتي لسه ماخلصتيش المحلول بتاعك
جنه : انا عارفه مصلحتي كويس
جنه طلعت من المستشفي ولسه هتوقف تاكسي بتبص لاقت غالب وبدور جايين من بعيد
وقفت استخبت بسرعه ورا عربيه
غالب : جايين بخصوص الحاله اللي كنا جايبنها هنا من شويه
الممرضه: للاسف فاقت ومشيت ومارضيتش حتي تفضل لحد ما المحلول يخلص
بدور : افتكر ان احنا كده عملنا اللي علينا
غالب : ( بص للممرضه ) متشكر اوي
غالب ركب العربيه هو وبدور وجنه وقفت تاكسي بسرعه
جنه : ( بتشاور للتاكسي ) تااااكسي .. تااااكسي
جنه : امشي ورا العربيه السودا دي يا اسطا بسرعه
-------------------------( في نفس الوقت )-------------------------
عاصي ركب عربيته وهو في دماغه الف سؤال لما اتأكد ان كريم لسه في المستشفي
وصل البيت بيبص لقي غالب وبدور نازلين من العربيه سوا
غالب : هتنامي علي طول
بدور : ايوه .. كان يوم مرهق اوي وتعبت اوي النهارده
عاصي وقف بعربيته قدام عربيه غالب
عاصي : ( بزعيق ) غاااالب انا عايزك
بدور بصت لعاصي وبلعت ريقها وبعدها حطت وشها في الارض
جنه نزلت من التاكسي وهي بتراقبهم من بعيد
غالب : ادخلي انتي يابدور
جنه : بدور .. بدور مين
بدور دخلت وغالب دخل ورا عاصي
جنه عرفت العنوان وركبت التاكسي مره تانيه ومشيت
غالب وعاصي قفلوا اوضه المكتب عليهم واحسان طلعت من اوضتها وبقت تتنصت عليهم
غالب : معاك ياعاصي اتفضل
عاصي : انا روحت المستشفي بتاعت كريم وعرفت انه لسه قي غيبوبه معني كده ان في حد تاني هو اللي بعت الصور مش كريم
غالب : حد تاني .. حد تاني زى مين
عاصي : معرفش وافتكر ان ده اللي لازم نعرفه الايام اللي جايه
غالب : وهنعرف ازاي
عاصي : انا هتصرف ..
غالب : تمام وانا معاك في اي حاجه بعد كده تخص بدور
عاصي اول ما سمع كده بلع ريقه وقبض ايديه وداس علي سنانه من الغيظ
بس ماقدرش يتكلم ولا كلمه
غالب : انا لازم اطلع دلوقتي عشان ارتاح محتاج مني حاجه
احسان اول ما سمعت كده راحت بسرعه دخلت علي اوضتها
احسان : يعني علي كده مش كريم اللي بعت الصوره .. وكريم في غيبوبه في مستشفي عشان كده دايما تليفونه مقفول بس ياترى مين اللي بعت الصوره
موبايل احسان رن
احسان : الوووو .. مين
ميرا :_________
احسان : انتي مين وعايزه ايه
ميرا :____________
احسان : مكالمات ايه اللي معاكي وفيها صوتي انا معرفش انتي بتتكلمي عن ايه
ميرا :______________
احسان : بس انا مش عايزه اخلص منها ولا حاجه
ميرا :_______________
احسان : طيب .. طيب خلاص هقابلك .. حددي المعاد والمكان وانا هجيلك
اح-------------------------( في نفس الوقت )-------------------------
بدور فضلت تتقلب شمال ويمين ماعرفتش تنام وهي بتفكر في الكلام اللي قالته لغالب .. وفي نفس الوقت مش قادره تشيل عاصي من تفكيرها غصب عنها بتفكر فيه
نزلت المطبخ عملتلها مج هوت شيكولات وكانت الدنيا برد اوي
مسكت الفون بتاعها لاقت جروب الدفعه كله بيتكلم عنها هي وغالب علي الواتساب
فضلت تقرا الشات ان في منهم مصدق انه فعلا خطبها وفي اللي بيكذب ده وانه عمل كده بس عشان يطلعها من الموقف اللي كانت فيه وبيقولوا عليها كلام وحش اوي
وفي الاخر قرات البنات وهما بيقولوا لو فعلا غالب اللي كان معاها في الصوره فأكيد هييجي معاها حفله ال pram بتاعت المدرسه
ولو مجاش يبقي هو اصلا ما بيحبهاش (الكلام علي بدور) كان وحش بجد وبدور كانت مندمجه جدا في الشات ودموعها بتلمع في عنيها
وهي مندمجه اوي كده لاقت اللي بيقولها
عاصي : بتعيطي ليه ؟
بدور من الخضه وقعت الهوت شيكولات السخن علي نفسها والمچ وقع اتكسر منها
عاصي : خللي بالك
عاصي جرى عليها بسرعه وهو خايف عليها جدا
بدور كانت لابسه چاكيت عاصي بسرعه قلعها الچاكيت
بيبص لقي جسمها احمر من الحرقان
عاصي : تعالي معايا
بدور : انا هبقي كويسه .. جت بسيطه
عاصي شد بدور بسرعه واخدها معاه ودخلوا المطبخ
عاصي : اقعدي هنا
بدور : ايوه بس
عاصي : بقولك اقعدي
بدور قعدت علي الكرسي وعاصي راح علي التلاجه فتح الفريزر وطلع مكعبات تلج
ومسك دراع بدور وبقي يحطلها التلج علي دراعها
عاصي جاب كرسي وقعد في وش بدور بالظبط وهو ماسك مكعب التلج مسك دراع بدور وبقي يمرر مكعب التلج عليه
عاصي : دلوقتي هتبقي كويسه
بدور : ( قرب عاصي منها بيخلي ضربات قلبها تزيد اوي بلعت ريقها وبقت بتتكلم وهي متوتره ) ما.. مافيش .. مافيش لزوم ياعاصي انا كويسه
عاصي: تحبي ابعد عنك
عاصي جه يقوم ويسيب دراعها راحت بدور بكل لهفه بأيديها التانيه لمست ايديه اللي حطتها علي دراعها وبقت ايديها علي ضهر ايديه
بدور : ( بكل توتر ) لاء .. لاء خليك .. اقصد .. يعني .. ( ضمت حواجبها ) ممممم براحتك .. ( بلعت ريقها واخدت نفس) ياريت تمشي انا كويسه
عاصي شاف توتر بدور لما بيبقي قريب منها ..
عاصي : ( قعد ومامشيش وكمل تمرير مكعب التلج علي دراعها ) شوفتي ايه في الفون خلاكي بتعيطي كده يابدور
بدور : مافتكرش ان دي حاجه تخصك
عاصي : ( بكل هدوء ) ليه بتقولي كده
بدور : عشان فعلا حاجه ماتخصكش
عاصي : ( بكل حنيه ) تفتكرى ان في حاجه تخصك وماتخصنيش
بدور : ( ودت وشها الناحيه التانيه ) عاصي رفع ايديه التانيه وحط ايده علي دقنها ولف وشها بأيديه بهدوء
عاصي : تفتكرى كده يابدور
بدور : ( زقت ايديها من ايده ) ابعد عني ماتقربش مني .. انت بني ادم مش طبيعي انا مافيش حاجه تخصني تخصك ابدا ياعاصي انت خلاص اتجوزت ..
اتجوزت وسيبتني وعرفتني اني اقل من انك حتي تقضي معايا يوم وروحت اتجوزت احسان عشان دكتوره وليها اهل قدام الناس دي تبقي مراتك اللي الكل بيحترمها
وفي نفس الوقت مافيش مانع ابدا انك تبقي معايا في الخفي وابقي عشيقتك عادي .. انت فاكر اني ممكن اسمح بحاجه زي كده .. ده لا يمكن يحصل ابدا ..
انت عمرك ما عملت عشاني حاجه في يوم ولا هتفكر تعمل ياعاصي حتي موضوع الصوره غالب هو اللي طلعني منه مش انت مع انك وعدتني انك هتتصرف (ولسه بتكمل كلامها )
بدور مره اترعشت من السقعه
راح عاصي بسرعه قرب منها ولف الچاكيت بتاعه عليها واخدها في حضنه من غير ولا كلمه خلاها تطلع كل اللي جواها
بدور اول ماقربت منه حست بالامان اللي مابتحسهووش مع حد غيره
من غير ما تحس حطت راسها علي صدره وعاصي ضمها لي اكتر وغمض عنيه دقات قلبه بدور سمعتها وهي حاطه ودنها علي صدره
كانت بدق بشكل سريع كان قلبه شويه وهيطلع من مكانه من كتر ما هو حاسس ببدور وحبها جوه قلبه
بدور رفعت ايديها بتضرب بأيديها علي صدر عاصي
بدور : ( بدموع ) انت ليه بتعمل فينا كده ياعاصي .. ليه ..
عاصي : _________
بدور رفعت ايديها الاتنين وهي جوه حضنه وبقت تضرب بأيديها علي صدره
ليه ياعاصي ليه .. انا بكرهك .. عارف يعني ايه بكرهك ..
بدور زقت عاصي وطلعت في اوضتها وعاصي ماقدرش يقولها اسبابه اوقات كتير كان دايما بيقول انه هيسيبها تعيش حياتها بس لما بيشوفها مابيقدرش يبعد عنها
بدور دخلت اوضتها ورمت نفسها علي سريرها وهي حاضنه نفسها بأيديها وفضلت تعيط لحد ما نامت
وعاصي دخل اوضته وهو ندمان انه قرب منها
------------------------( تاني يوم الصبح ) -------------------------
غالب : ( بيخبط علي بدور )
غالب : بدور انتي لسه نايمه
بدور صحيت علي صوت غالب فاقت بسرعه وفتحتله الباب
بدور : لا لاء انا صحيت خلاص
غالب: شوفتي اللي بيتقال علي جروب الدفعه
بدور : ( بحزن ) ايوه شوفت
غالب : احنا لازم نروح الحفله دي
بدور : يعني لازم
غالب : ماقدمناش حل غير كده يابدور
بدور : طيب ياغالب
غالب : ياريت ماتروحيش المدرسه الايام دي وهنروح وقت الحفله علي طول
-------------------------( في نفس الوقت )-------------------------
احسان راحت تقابل ميرا
احسان : انتي عايزه مني ايه
ميرا : انا عايزه اعرف مكان كريم فين
احسان : وانا هعرفلك منين
ميرا : اتصرفي اعملي اي حاجه .. وبدور لازم تخلصيني منها انتي فاهمه
احسان : انتي ازاي تكلميني بالطريقه دي
ميرا : طلعت الريكوردات اللي متسجله بصوت احسان
ميرا : ايه رايك تحبي مستر عاصي يسمع الريكوردات دي
احسان: ( بخوف ) لاء ابوس ايدك انا ما صدقت انه يتجوزني
ميرا : ( باستغراب ) يتجوزك انتي اتجوزتي عاصي 😳
احسان : ايوه .. اتجوزته ..
ميرا : تمام .. افتكر انك عايزه تحافظي علي جوازتك من عاصي يبقي لازم تقوليلي فين كريم انا متأكده ان عاصي يعرف طريقه لان اخر مره كريم قالي انه هيقابل عاصي
احسان : كل اللي اعرفه ان كريم في مستشفي في غيبوبه لكن معرفش عنوانها
ميرا : انتي لازم تعرفيلي اسم المستشفي بأي طريقه
نيجي بقي لبدور .. انا هيبتي راحت في المدرسه بسببها انا عايزاها تختفي من علي وش الدنيا
احسان : انا عايزاها تختفي اكتر منك بس ازاي وهنعمل ايه
ميرا : في حفله المدرسه بكره عايزين نزلها قدام الكل نخليها تكره نفسها وتكره حياتها كلها وانتي هتساعديني في كده
احسان : ازاي بس انا لو حد شافني في المدرسه هاروح في داهيه
ميرا : اتصرفي .. انتي مش مرات عاصي وعاصي بما انه مدرس في المدرسه لازم يحضر تعالي معاه
احسان : ايوه بس
ميرا : ( ضربت بأيديها علي الطرابيزه ) انا قولت اللي عندي وانتي براحتك بقي
ميرا مشيت وسابت احسان في الكافيه واحسان دماغها بقت تودي وتجيب
----------------------------( تاني يوم وقت الحفله )---------------
غالب بقي يلبس البدله بتاعته وبيسرح شعره وكان حرفيا زي القمر
وبدور بقت تلبس فستانها الدهبي وحطت ميكب خفيف وعملت تسريحه بسيطه جدا وكانت زي القمر حرفيا
احسان : انت مش هاتروح الحفله بتاعت بدور ياعاصي
عاصي : لاء مش رايح
احسان : انا زهقانه اوي وانت مش عايزني ارجع الشغل عشان الحمل وانا كنت عايزه اروح معاهم
عاصي : وانا ماقولتش لاء عايزه تروحي .. روحي معاهم
غالب نزل من اوضته وكان بالقميص والكراڤت الاسود بتاعه وبقي مستني بدور
احسان لبست
احسان : غالب ممكن تاخدني معاك
غالب : ايوه بس
احسان : ارجوك .. انا بجد مخنوقه وهاروح اغير جو مش اكتر
غالب : تعالي .. براحتك
احسان اتنهدت وماصدقت غالب وافق
غالب كان مستني بدور تنزل ومره واحده بيبص لقاها نازله من علي السلم ولابسه الفستان بتاعه اللي جايبهولها وكانت حرفيا زي القمر
اول ما بصلها تنح من جمالها ابتسم ابتسامه جميله اوي وهو رافع راسه وبيبصلها وهي نازله من علي السلم
عاصي وقتها كان واقف ورا غالب بس بعيد شويه وكان بيبص الناحيه التانيه اول ما لقاها نازله وشافها لف وشه وبصلها
وابتسم ابتسامه حلوه اوي وكل نظرات وشه بتعبر عن اعجابه بيها وبجمالها
بدور راحت لغالب وقربت منه غالب من كتر جمالها شدها لي وباسها من خدها
عاصي اول ما شاف كده نظرات الغيره كانت باينه عليه جدا الغيره اكلت قلبه اكل بدور لفت وشها وبصيتله راح هو ودا وشه الناحيه التانيه علي طول
ومش قادر يتحكم في نفسه اكتر من كده
غالب : يلا يابدور
بدور : يلا ياغالب
غالب وبدور واحسان ركبوا العربيه وراحوا الحفله
وعاصي من كتر غيرته وغيظه وانه متكتف مش عارف يعمل حاجه بقي بيكسر كل حاجه حواليه مره واحده فتح الباب بتاع الڤيلا وركب عربيته وبقي بيسوق مش عارف رايح فين
مره واحده لقي نفسه بيفتكر بوسه غالب لبدور بقي بيعيط بهيستريا دموعه مش راضيه تقف بقي بيضرب بالدركسيون بأيده وهو مخنوق جدا
ومره واحده قال
عاصي : ( بعلو صوته ) اااااااااااااه .. وقتها قلبه اللي كان بيصرخ من الوجع
-------------------------( في نفس الوقت )-------------------------
بدور وغالب دخلوا الحفله
غالب : مش هتدخلي معانا يا احسان
احسان : اه طبعا بس هدخل وراكم .. يعني عشان تبقوا براحتكم
غالب : علي راحتك
غالب قبل ما يدخل الحفله
غالب : بدور ياريت تلبسي الخاتم ده انا ماجبتلكيش خاتم عشان الكل يصدق
بدور : ( بابتسامه ) طيب مش هتلبسهولي
غالب ابتسم ومسك ايد بدور ولبسها الخاتم بتاعه
بدور : اكيد جيبت دبله معاك
غالب : اكيد بس انا اللي هلبسها مش انتي اللي هتلبسهالي
لما ابقي مقتنع انك عايزاني البس دبلتك من قلبك بجد وقتها بس هقلعها واخليكي تلبسهاني
بدور ابتسمت وبصت في الارض ودخلوا الحفله سوا واول ما دخلوا سوا سجده جريت عليها
سجده : اي الجمال ده زي القمر يابدور
بدور : انتي اللي قمر اصلا
سجده : كويس انك جيتي انتي وغالب كده هتخرسي الكل
بدور : تفتكرى
سجده : اكيييد يابنتي
ميرا : ( وهي ماسكه كان بيرا في ايديها ) بدووور .. ايه الجمال ده
بدور استغربت وبصت لغالب
لينا : ( قربت من غالب وباسته من خده ) طالع زي القمر ياغالب
غالب : شكرا ليكي
ميرا راحت لبتاع الدي جي قالتله كلام في ودنه
بتاع الدي جي
ودي اول مره تحصل في ال high school اتنين يتخطبوا وهما لسه في المدرسه نهني اصغر عروسين معانا ونحب نخليهم يرقصوا اول رقصه ليهم
الكل سقفلهم وغالب وطى ومد ايده بابتسامه قدام الكل
غالب : تسمحيلي بالرقصه دي
بدور : ( ابتسمت ابتسامه خجل جميله اوي ومدت ايدها وابتدت ترقص هي وغالب وقربت منه اوي ووغالب كان مبسوط من قرب بدور منه بجد
ميرا فونها بيرن لاقيتها احسان
ميرا : انتي فين
احسان : ________
ميرا : طيب .. طيب انا طلعالك
ميرا طلعت لاحسان
احسان : انا جيت عايزه مني ايه بقي
ميرا : هتكلمي بدور في الفون تقوليلها انك اتقفل عليكي باب غرفه تغيير الملابس بتاعت حمام السباحه ولازم تروح تفتحلك
احسان : وبعدين هتعملي ايه
ميرا : مالكيش دعوه انتي بقي انا نفسي تبقي لوحدها في مره وبدور مش هتتحرك غير عشانك انتي او سجده .. وسجده عمرها ما هاساعدني في حاجه
احسان : طيب .. طيب هعمل كده
الرقصه خلصت وميرا رجعت بسرعه للحفله
ميرا : جاهزه يالينا
لينا : طبعا جاهزه
ميرا : ابعدي غالب عن بدور بسرعه
لينا : غالب ممكن كلمه بعد اذنك
غالب : في ايه يالينا
لينا : مش هاخد من وقتك كتييير
غالب مشي مع لينا
احسان اتصلت ببدور
بدور : ايوه يا احسان
احسان: _________
بدور : طيب اهدي . اهدي انا جايه هفتحلك الباب
بدور بتبص مالقيتش غالب جنبها طلعت تجرى بسرعه علي الاوضه بتاعت تغيير الملابس واول ما فتحت الباب
بدور : احسان انتي كويسه
بتبص لاقت اللي بيضربها علي راسها من ورا بدور فقدت الوعي علي طول
ميرا : دخلها .. دخلها بسرعه يافارس
فارس : انا من ساعه ما شوفتها وانا نفسي فيها
ميرا : اهي جاتلك علي الطبطاب 😂
ميرا : اطلعي انتي بره يا احسان ..
احسان طلعت من الاوضه وفارس بقي بيقلع بدور هدومها
واحسان كانت بتبص عليهم من الشباك الازاز بتاع الباب بتبص لاقت ميرا جايبه كاميرا وبتصور بدور وفارس بيقلعها ابتسمت وفي نفس الوقت خافت من شر ميرا وفكرت ازاي تخلص منها عشان ما تأذيهاش بسرعه راحت فكرت وراحت لغالب
احسان : غالب محتاجه مفتاح عربيتك نسيت شنطتي جواها
غالب : اداها المفتاح بتاع عربيته
غالب : ماشوفتيش بدور
احسان : لاء ماشوفتهاش
احسان بسرعه اخدت المفتاح وهي عارفه ان دايما غالب بيسيب چركن بنزين في عربيته احتياطي اخدت الچركن بسرعه ورجعت لميرا مره تانيه وهي مشغوله مع بدور وبتصورها وفارس بيبوسها ويحضنها وقعت البنزين في الارض وولعت في الاوضه وقفلت عليهم الباب بالمفتاح
فارس بيبص لقي الاوضه كلها مولعه هو وميرا واحسان بقت تبص عليهم من الازاز الصغير بتاع الباب
ميرا : ( بقت تخبط علي الباب ) افتحي البااااب افتحي البااااااب
فارس حاول يكسر الازاز بس الازاز من نوع العازل للصوت ومابيتكسرش بعدها احسان عشان مايبانش انه خريق مفتعل جابت الكبريت وبقت تولع في اليفط ودخلت الحفلة وولعت في ستارة والطلبة اول ما شافوا الستارة بتولع بقوا يطلعوا يجروا اول ما طلعوا من الحفلة لقوا الطرقه كلها مولعه .. مولعه حرفيا والنار كان في كل حته اللي قدرر يهرب هرب وغالب كان بيدور علي بدور في كل مكان
-------------------------( في نفس الوقت )-------------------------
عاصي كان في عربيته ومش عارف يروح فين مره واحده بيبص لقي نفسه قدام المدرسه نزل من عربيته ولقي الكل طالع بيجرى والنار مولعه في المدرسه دخل يجرى بسرعه
غالب بقي يدور علي بدور في كل مكان مش لاقيها
وميرا كانت لسه في الاوضه هي وفارس... غالب وهو بيجرى وبيدور علي بدور خبط في عاصي
عاصي : ( بخوف ) فين بدور ياغالب
غالب : معرفش .. معرفش
عاصي : يعني ايه ماتعرفش
الدخان بقي في كل مكان وميرا خلاص هيغم عليها من النار وخلاص هتستسلم بتبص لاقت فارس وقع في الارض والنار مسكت فيه ..
جابت خزانه وميلتها واتحامت فيها ومن حظ بدور انها كانت واقعه تحتها
بس الخزانه كده كده خشب والنار هتاكلها
غالب مكانش قادر يتنفس
عاصي : اطلع بره ياغالب بسرعه
غالب: ( وهو خلاص هيغمي عليه ) وبدور
عاصي : انا هتصرف بسرعه اطلع بره مافيش وقت
غالب طلع وعاصي بيبص لقي النار مولعه في الاوضه فضل يكسر باب الاوضه برجليه ولان كانت خلاص اكلت الباب اتفتح معاه
عاصي : حط ايده علي وشه من كتر النار
عاصي : بدووووور ... بدوووور
عاصي شال الخزانه لقي بدور تحتها شالها بسرعه ولقي ميرا خلصانه خالص مسكته من رجله
ميرا: ماتسبنيش
عاصي شال بدور وطلعها بره بسرعه وشيلها لغالب
عاصي : امسك ياغالب خللي بالك منها
غالب : ( شال بدور وهي مغم عليها ) رايح فين
عاصي ماردش عليه ودخل مره تانيه في النار وجاب ميرا شالها بس للاسف النار المره دي اكلت المكان اكل وهو شايلها وخلاص هيطلع بيها وقعت على عنيه خشبه والنار مولعه فيها ونزلت كمان علي خد ميرا
عاصي كمل مشي بس مكانش قادر يفتح عنيه لحد ما طلع بره ونزل ميرا من ايديه وهو مش قادر وقعد وبيبص لقى الدنيا بقت سودا في عنيه
الاسعاف جت واخدوا كل المصابين وبدور معاهم وكانت فاقده الوعي تماما
احسان طبعا هربت ورجعت البيت اكنها ماتعرفش حاجه وميرا اتحجزت في المستشفي ودخلت ضمن الحروق لان نص وشها اتحرق من الخشبة
الدكتور بيحط اللمبه الصغيرة على عنين عاصي
الدكتور : شايف دي
عاصي : لاء
مش شايف اي حاجة قدامك
عاصي : قولت لاء
الدكتور: للاسف انت اصبت بالعمى
غالب : العمى 😳😳
يتبع....

الجزء العاشر

الدكتور بيحط اللمبة الصغيرة على عنين عاصي
الدكتور : شايف دي
عاصي : لاء
مش شايف اي حاجه قدامك
عاصي : قولت لاء
الدكتور: للاسف انت اصبت بالعمى
غالب : العمى 😳😳
عاصي ضم حواجبه ومبقاش مصدق كان قاعد علي الشازلونج قام وقف من عليه ومسك الدكتور من البالطو بتاعه
عاصي : ( بغضب ) انت بتقول ايه .. بتقول ايييييه انت 😡
غالب : ( حط ايده علي ايد عاصي وبيحاول يفك ايده من علي الدكتور ) سيبه ياعاصي سيبه هو مالهووش ذنب
عاصي زق الدكتور ومبقاش عارف يعمل ايه... جه يمشي رجله اتخبطت في الكرسي ووقع في الارض
غالب : ( جري عليه بسرعه ) عااااصي
غاالب وطى بسرعه وجه يقوم عاصي .. عاصي زقه بعصبيه
عاصي : ( بزعيق وغضب ) سيبني .. سيبننننني ابعد عني .. مش عايز حد معايا ..
عاصي قام وقف وبقي واقف في نص الاوضة وهو بيشاور بأيديه ومش شايف حاجة قدامه حرفيا
غالب : عاصي .. عاصي خليني امسك ايديك .. خليني اقعدك على الكرسي
عاصي : ( بزعيق وغضب ) أبعدوا عنننننننني ..
عاصي ابتدي يكسر كل حاجه في العيادهة اللي في المستشفى والدكتور طلع بسرعة عشان ينادي الامن
غالب : طيب .. طيب انا هسيبك .. هسيبك براحتك ياعاصي
غالب طلع وقفل الباب على عاصي وبتوع الامن جم بسرعة
غالب : ( واقف علي الباب ) محدش يقرب من الاوضة دي .. اي تصليحات على حسابي .. بس لو حد قرب من الباب ده مش هرحمه انتوا فاااهمين 😡😡
عاصي ابتدي يرفع ايده ويحسس على الحيطة لحد ما لمسها وقعد في الارض وهو بيحاول يستوعب اللي حصله
--------------------------( في نفس الوقت )-----------------------
ميرا فاقده الوعي ونص وشها محروق
العمليات بسرعة
لينا : اخبارها اي يادكتور
الدكتور : حاله حروق من الدرجه التالتة هندخل بجراحة فورا اهلها فين
لينا : انا كلمتهم هما في الطريق على وصول
سجده : ( بتوتر ) وو .. وبدور .. وبدور اخبارها ايه
الدكتور : حالتها ايه
سجده : بدور كان مغم عليها وراسها كلها كانت جايبه ددمم وو.. ( ولسه هتكمل )
الدكتور : تقدرى تسألي عليها في القسم ( ج )
هنا قسم الحروق
سجده بسرعه راحت سألت في الريسيبشن عليها بتبص لاقت غالب واقف قدام الباب ومابيتحركش
سجده : ( بخوف ولهفه ) غالب .. غالب فين بدور .. غالب انطق بدور جرالها حاجه
غالب رفع وشه لسجده وهو حرفيا تايه مش مصدق اللي حصل لعاصي ومره واحده افتكر بدور
غالب : بدور .. بدور كويسه .. لاء .. لاء مش كويسه انا اخر مره سيبتها في عربيه الاسعاف وجيت هنا مع عاصي قسم الرمد
سجده : طيب تعالي معايا بيقولوا انها في قسم ( ج )
غالب : ( بص للامن ) محدش يدخل الاوضه دي دلوقتي خااالص انتوا فاهمين
غالب وسجده راحوا يدوروا على بدور
--------------------------( في نفس الوقت )---------------------------
ام جنه فتحت عليها باب اوضتها
ام جنه : ما كفايه بقي نوم ياجنه نايمه من امبارح من وقت ما جيتي
جنه : ( حطت المخده علي وشها وهي نايمه علي السرير ) وهفضل نايمه كده لحد ما تصدقيني
ام جنه : اصدقك في ايه بس
جنه : أن غرير عايشه ورحمه ابويا عايشه ياماما صدقيني عشان خاطري
ام جنه : يعني اصدقك انتي واكدب عنيا واحنا شيفينها وهي بتدفن قصاد عنينا
جنه : ( قامت اتعدلت في قعدتها ) طيب اسمعيني كويس انتي شوفيها ولو مش مصدقاني اعملي اللي انتي عايزاه انا عارفه عنوان بيتها ساكنه في ڤيلا حلوه اوي
ام جنه : انتي يابت ياجنه بتتكلمي جد ومش شاربه حاجه
جنه : و**** العظيم ما شاربه حاجه .. انتي عارفه احنا لو روحنا قولنا لأيناس هانم الخبر ده وفعلا طلعت بنتها عايشه هتعمل معانا ايه ؟؟
بعد ما طردتنا من الثرايا بتاعتها ومنعت عننا كل حاجه
ام جنه : ما عندها حق .. البت غرير كانت كويسه مشيتوا انتوا وهي في سكه شماال اللي بيروح فيها مابيرجعش وهي وحيده امها مارجعتش من وقتها
جنه : ( مسحت بصوابعها علي مناخيرها ) يا امي دي اعمار .. اعمار ما انا بشرب اهوه وزي الفل
ام جنه : انتي يابت عايزه تجننيني ياما نفسي تبطلي الهباب اللي بتشربيه ده .. حرام عليكي نفسك
جنه : يوووووه احنا بقي هنسيب حوار غرير ونمسك في حوارى انا
ام جنه : عمرى ما قدرت عليكي في يوم
جنه : ولا هتقدرى .. هاااا .. تحبي تيجي معايا ولا ايه ؟ عشان تشوفيها ولما تتأكدي ان هي .. نبلغ ايناس هانم علي طول واكيد هي هتكافئنا
ام جنه : مع اني مش مقتنعه بس خليني ورا الكداب
جنه قامت باست مامتها
جنه : ياحبيبتي ياماما 😍
--------------------------( في نفس الوقت )---------------------------
احسان قاعده في اوضتها وهي ولا على نار ولا على بارد
احسان : ياترى ايه اللي حصل .. ياترى لحقوهم ولا لاء
ازااااي .. ازااااي تعملي كده يا احسان .. حبك لعاصي عماكي خلاكي تحرقي وتقتلي انتي مش كده ولا عمرك كنتي كده
( طلعت شنطتها واخدت برشام المهدئات حطت 3 حبات علي ايديها وشربتهم مره واحده علي بوقها مدت ايدها علي الكومود
وايديها بتترعش من الخوف فتحت الازازه والمايه بتقع منها من كتر رعشه ايدها وشربت البرشام وهي مش قادره تتمالك اعصابها
احسان : مكانش ينفع تعملي كده .. لو بدور نجيت ولا ميرا وعاصي عرف حاجه هاتروحي في ستين داهيه يا احسان .. عاصي مش هيرحمك
احسان : وانا هفضل قاعده كده مش عارفه ايه اللي حصل
انا لازم اتصل بغالب
احسان جابت الفون من جنبها واتصلت بغالب
الفون فضل يرن
---------------------------
سجده : قسم ( ج ) ( بتشاور بأيديها ) اهوه ياغالب
غالب : ( بيبص لقي بدور متعلقلها تنفس اصطناعي )
غالب : هي عامله ايه يادكتور
الدكتور : ( لسه هيتكلم فون غالب رن غالب طلع الفون من جيبه بيبص لقاها احسان غالب كنسل وقفل الفون
----------------------
احسان : ( وهي قاعده في اوضتها وبتاكل في ضوافرها من كتر التوتر اللي هي فيه )
احسان : بيكنسل عليا .. يبقي ماتت اكيد بدور ماتت
---------------------
الدكتور : للاسف الحاله مضروبه علي دماغها ضربه شديده جدا خليتها فاقده الوعي تماما ودخلت في غيبوبه مؤقته .. ده غير كميه الدخان اللي استنشقتها .. وده ضر عندها جهاز التنفس
غالب : ( بخوف وعصبيه ) يعني ايه يعني مش هتفوق
سجده : اهدي ياغالب مش كده
الدكتور : احنا بنعمل اللي علينا والباقي علي **** بس الغيبوبه اللي هي فيها مؤقته وده خبر كويس انها ممكن تفوق في اي وقت ادعولها ان شاء **** خير
غالب مبقاش عارف يلاقيها منين ولا منين عاصي واتعمي وبدور ياتقوم منها ياماتقومش
سجده : غالب خليك قوي ان شاء **** خير
غالب قعد علي الكرسي وهو منهار حرفيا كل حاجه حواليه بتدمر
ثائر جه
ثائر : ( بخوف علي سجده ) سجده انتي كويسه
سجده اول ما شافت ثائر جريت عليه وحضنته وعيطت في حضنه
سجده : ( بعياط ) انا كويسه لحقت اطلع من الحفله بسرعه .. بس بدور هي اللي مش كويسه
ثائر بص لغالب
ثائر : بدور قويه وهتقوم منها
غالب حط ايده علي دماغه وبقي ساكت حرفيا مش عارف يعمل ايه ؟
الممرضه : قعدتكم هنا مالهاش لازمه خالص اول ما تفوق او يحصل اي جديد هنتصل بيكم فورا
ثائر : قوم ياغالب .. قوم معايا
غالب : مش هينفع اسيبها لوحدها
ثائر : قعدتك مالهاش اي فايده خالص هنا .. روح ارتاح ومن الصبح بدرى كلنا هنبقي عندها
غالب وقتها افتكر عاصي قام بسرعه وساب ثائر وسجده وراحله
--------------------------( في نفس الوقت )---------------------------
عاصي كان قاعد في الاوضة وهو بيحاول يفعص في عنيه عاوز يرجع يشوف مش متقبل فكرة انه فعلا فقد البصر
غالب فتح الباب بالراحه جدا
عاصي : ميييين محدش يفتح الباب ..
غالب : ده انا ياعاصي ارجوك سيبني ادخل
غالب دخل وقفل الباب وراه
غالب : عاصي مش هينفع تقعد هنا علي طول لازم نمشي
عاصي : انا ماتعميتش .. انا مابقيتش اعمي ياغالب اكيد في حاجه غلط
غالب : اكيد دي حاجة انا متاكد منها احنا هنعرضك علي احسن دكاترة عيون ولو حكمت تسافر بره هتسافر بره .. بس ماينفعش قعدتك كده ياعاصي ارجوك لازم نقوم نمشي
عاصي اتنفس وحس النفس اللي بياخده في المكان ده بيخنقه وقام وقف لكن جه يمشي اتكعبل
غالب : خللي بالك
عاصي : انا .. انا كويس
غالب : اكيد انت كويس بس مافيش مانع انك تتعب في يوم اسند عليا ياعاصي .. اسند على ابن اخوك
عاصي استسلم وسند على غالب وركبوا العربية وغالب جه يطلع
عاصي : ماتروحنيش باغالب مش عايز حد يشوفني وانا ضغيف وفي الحاله دي
غالب : عاصي انت بتقول ايه وحد زي مين لو تقصد بدور انت اه انقذتها بس بدور في غيبوبه وفي المستشفي دلوقتي
عاصي : انا عارف ده كويس سألت الدكتور عنها قبل ما اسأل على نفسي
غاالب ابتسم وبص قدامه
غالب : يبقي مافيش غير احسان
عاصي : ايوه .. مش عايزك تعرف اي حد عني حاجة... غالب اوعي تعرف حد اني اتعميت
غالب : عاصي احنا لازم كلنا نبقي جنبك
عاصي : ( بغضب ) اسمع كلامي انت فاهم
غالب : خلاص ياعاصي اهدى اللي يريحك هانروح على فين دلوقتي
عاصي : على شقتي القديمة اللي في البرج
غالب : اللي تشوفوه ياعاصي
غالب وصل عاصي الشقه وجه يقعد معاه
عاصي : انت هتعمل ايه
غالب : هقعد معاك اكيد
عاصي : مش عايز حد يبقي معايا وأي حد يسألك عني قولوا معرفش عنه حاجة
غالب : عاصي
عاصي : ارجوك ريحني .. وابقي خللي البواب يطلعلي عشان يجيبلي طلباتي وياريت تمشي دلوقتي
عاصي عنيد وغالب عارفه كويس
غالب : اللي يريحك اكيد
غالب مشي ووصي البواب على عاصي
---------------------( في نفس الوقت )------------------------------
جنه : اهووه هو دي الڤيلا اللي دخلت فيها
ام جنه : انتي متأكده ان دي الڤيلا
جنه : اكيد ياماما هي و****
ام جنه دخلت الڤيلا واحسان فتحتلها
احسان : مين حضراتكم
جنه : مساء الخير
احسان : مساء النور
جنه : احنا كنا جايين نقابل غرير
احسان : غرير .. غرير مين
جنه : غرير البنت اللي دخلت هنا امبارح
احسان : مافيش حد هنا اسمه غرير
جنه : طيب .. طيب البنت اللي شعرها اصفر دهبي وبيضا وعنيها لون الزيتوني كده الاوصاف دي ماشوفتهاش قبل كده احسان عرفت انها بتتكلم عن بدور
احسان : ممممم لاء معرفهاش
جنه : انتي متأكده
احسان : قولتلك ايوه
ام جنه : كسفتينا .. ( بصت لاحسان ) احنا اسفين اوي
احسان : لاء عادي وقفلت الباب في وشهم
جنه : الست دي بتكذب
ام جنه : انتي تسكتي خالص .. انتي فاهمه
جنه ومامتها لسه هيمشوا بتبص لاقت غالب داخل بالعربيه
جنه : اهوه .. اهوه الشاب ياماما اللي وداني المستشفي وكانت ومعاه غرير
جنه جريت عليه
جنه : مش فاكرني
غالب : مممم ايوه فاكرك البنت اللي كانت علي الطريق
جنه : بالظبط مش انت كان معاك غرير
غالب : مين غرير
جنه : يادي النيله البنت ام شعر دهبي وعنيها مايله لزتوني
غالب : تقصدي بدور
جنه : بدور مين انا اقصد غرير
غالب : دي بدور مش غرير
جنه : مش مهم المهم هي فين
غالب : انتي تعرفيها
جنه : طبعا دي صاحبه عمرى وبنت ايناس هانم .. مامتها لو شافتها هتفرح اوي
غالب : انتي متأكده انها هي
جنه : متأكده جدا ارجوك .. ارجوك عرفني مكانها
غالب : للاسف مش هينفع
جنه : ليه في ايه ؟
غالب : بدور في غيبوبه من امبارح وفي المستشفي
جنه : ارجوك نروحلها لازم نروحلها
ام جنه مابقيتش مصدقة غالب وصلهم للمستشفي فعلا وراحوا لبدور وام جنه اول ما شافتها مابقيتش مصدقه تنحت وبس
جنه : صدقتيني بقى ياماما ان غرير عايشة
ام جنه : صدقتك .. صدقتك ياجنه
غالب : انا مش فاهم حاجه هي كانت ماتت
ام جنه : ايوه ماتت من 6 شهور ودفناها بأيدينا انا معرفش هي ازاي لسه عايشه
يتبع...
انتظرونا والفصل الأخير ويا ترى هي فعلا بدور والا غرير ومين غرير دي واية حكايتها؟!!!!!

الجزء الحادي عشر - الأخير

غالب : بدور في غيبوبه من امبارح وفي المستشفي
جنه : ارجوك نروحلها لازم نروحلها
ام جنه مابقيتش مصدقة غالب وصلهم للمستشفي فعلا وراحوا لبدور وام جنه اول ما شافتها مابقيتش مصدقه تنحت وبس
جنه : صدقتيني بقى ياماما ان غرير عايشة
ام جنه : صدقتك .. صدقتك ياجنه
غالب : انا مش فاهم حاجة هي كانت ماتت
ام جنه : ايوه ماتت من 6 شهور ودفناها بأيدينا انا معرفش هي ازاي لسه عايشه
جنه طلعت الفون بتاعها بسرعه واتصلت بأيناس هانم
جنه : الووو ايناس هانم انا جنه ارجوكي ماتقفليش الفون
ايناس هانم :______________
جنه : بنتك عايشه وقدامي اهيه في المستشفي
ايناس هانم :_______________
جنه : لو مش مصدقاني هصورهالك وابعتلك صورتها علي الواتساب حالا تعالي شوفيها هي في مستشفي *******
ايناس هانم قفلت في وش جنه الفون وهي مش مصدقه كلام جنه
جنه بعتتلها الصوره علي الواتساب وبدور نايمه علي السرير
ايناس هانم اول ما شافت صورتها الفون وقع من ايديها وعنيها دمعت نزلت بسرعه وأمرت السواق يروح علي عنوان المستشفي اللي فيها بدور واول ما نزلت من العربيه كانت جنه مستنياها وطلعتها بسرعه علي اوضه بدور واول ما شافتها من ورا الازاز رجليها خانتها مابقيتش قادره تقف
ايناس هانم : بدوووور 🥺🥺
غالب مسك ايناس هانم من ايديها وسندها وقعدها علي كرسي
جنه : بدور .. بدور مين
ايناس هانم : بدور بنتي 🥺🥺
جنه : ( بغباء ) هي غرير طلع اسمها بدور
غالب : اهدي .. اهدي ممكن تفهميني ايه اللي حصل
ايناس هانم : مش قبل ما اعرف بنتي ايه اللي جرالها وهتبقي كويسه ولا لاء
غالب ابتدي يحكي لايناس هانم كل اللي حصل من وقت ما قابل بدور لحد النهارده
ايناس هانم : يعني ياربي يوم ما اشوفها .. اشوفها وهي بتموت انا فضلت ادور عليها سنين .. سنييين مالهاش عدد وعمرى ما وقفت البحث عنها
غالب : ممكن تفهميني ايه اللي حصل
مكنتش بخلف العيب كان من والدها ولأني كنت بحبه اوي ما تخلتش عنه فضلنا نحارب عشان نخلف سافرنا كل حته ممكن نلاقي فيها علاج لوالدها لحد ما **** كرمنا بالحمل بعد 25 سنه .. حملت وانا كبيره كان عندي 45 سنه يوم ما جيبتهم وعرفت انهم توأم ولدتهم بره مصر وجيبت غرير وبدور ولما كملوا سنة ونص قررنا ان احنا نرجع مصر واستقرينا هنا
والد بدور اخدها في مره وخرجوا يتفسحوا وكان عايز ياخد غرير معاها بس غرير كانت تعبانه اليوم ده وماقدرتش تخرج معاهم باباها عمل حادثه حد داسوا بالعربية وهما بيعدوا الطريق وللاسف ما وقفش وبدور تاهت وماعرفنلهاش طريق فضلت ادور عليها اكتر من 10 سنين وباباها جاله زهايمر ونسيها ونسي اللي حواليه ومات وانا يأست من التدوير عليها لحد ما اختها التوأم ماتت من ست شهور
غالب : بس ازاي كانت عارفه ان اسمها بدور وهي عندها سنه ونص
ايناس هانم : السلسله الدهب بتاعتها كان عليها اسمها معرفش ايه اللي حصل بعد كده بس اكيد اللي رباها معاه عرف اسمها من السلسله
بنتي لازم تعيش .. انا مش هسيبها . مش هسيبها لحظه واحد الا لما تبقي كويسه
غالب وقف وبص لبدور من ورا الازاز وابتسم
غالب : واخيرا **** هيعوضك عن كل اللي شوفتيه معانا يابدور .. ( بابتسامه وهو بيبصلها ) انا كده اتطمنت عليكي خلاص .. مابقتيش محتجاني 😊
----------------------------------------------
غالب روح الڤيلا واول مادخل
احسان : ( بلهفه ) انتوا فين ياغالب من امبارح قلقتوني عليكم .. عاصي مابيردش وانت بتكنسل عليا .. ( بلعت ريقها ) حتي .. حتي بدور .. ما .. ما بتردش
غالب : ( بابتسامه برود ) وانتي كنتي فين من امبارح يا احسان بعد ما اخدتي مفاتيح عربيتي
احسان : ( بلعت ريقها ) روحت .. روحت علي طول حسيت بصداع فروحت
غالب : واللي يحس بصداع يسيب العربيه مفتوحه والمفتاح في الباب ويمشي ولا ييجي يديني المفتاح الاول
احسان : هو في ايه ياغالب قولتلم كنت حاسه بصداع .. هو حصل حاجه ولا ايه
غالب : ابدا ماحصلش اي حاجه هيحصل ايه يعني
احسان استغربت ان غالب ماحكلهاش عن الحريق
احسان : طيب ماتعرفش عاصي فين
غالب : لاء معرفش .. عاصي مامشيش معانا وبتصل بي فونه مقفول
جه يطلع علي السلم
احسان : وبدور .. بدور راحت فين
غالب : ( كمل طلوع علي السلم وهو مديها ضهره ) هتقعد عن سجده مابقاش ليها مكان وسطنا
احسان ماصدقتش ولا كلمه من اللي غالب قالها
احسان : اه ياغالب الكلب بس طالما ماقاليش حاجه يبقي مابيتهمنيش بحاجه اكيد
غالب كان كل يوم يروح لعاصي البيت ويقعد معاه ويروح يطمن علي بدور في المستشفي وعلاقته بايناس هانم كل يوم تزيد ويبقي لي مكانه في قلبها
كان بيحكيلها كل حاجه عن بدور وهما قاعدين معاها ايناس هانم مكانتش بتسيبها لحظه مستنيه انها تفوق في اي وقت وبعدها يطلع على عاصي وعلى الشركة
غالب: بس ياعاصي وده اللي حصل امها فعلا ست محترمه جدا ومن عيله كبيره اوي
عاصي : صاحبتها مكذبتش لما قالت ان بدور مش زيهم
غالب : صحبتها مين
عاصي : تغريد قالت قبل كده ان بدور مش زيهم وانها بنت ناس
غالب : طيب وهي عرفت منين
عاصي : مش عارف .. ما سألتش وقتها افتكرت انها بتقول اي كلام وخلاص عشان اهتم ببدور
غالب : عاصي انت اكيد بتهزر علي الاقل كنت اسأل
عاصي : ما سألتش .. ومعرفش ما سألتش ليه وقتها
احنا لازم نروح لتغريد دي .. ونعرف منها عرفت منين بدور عمرها ما قالت انها بنت ناس ابدا ولا تعرف اهلها
عاصي : اللي انت شايفه
غالب : عاصي يلا عشان ده معاد الدكتور
عاصي :وهيقول ايه الدكتور المره دي
غالب : عاصي ماتفقدش الامل ارجوك احنا لازم نروح للدكتور
غالب مسك ايد عاصي وراحوا للدكتور سوا
الدكتور : لسه هناخد شويه وقت للعلاج
وبعدها هنقرر اذا كنا هنعمل عمليه ولا لاء
غاالب: لو في عمليه احنا ممكن نعملها
الدكتور : للاسف عاصي بيه محتاج زرع قرنيه جديده ودي لازم نلاقيله متبرع ليها انا بجد اسف
عاصي : روحني ياغالب
غالب : استني ياعاصي
غالب : بقولك روحني انت فاهم 😡
غالب رجع عاصي البيت واول ما دخل شقته قفل الباب في وش غالب وقعد علي الباب وفضل يبكي .. ويفتكر كل الذنوب اللي عملها زمان وان ده انتقام **** .. وان **** يمهل ولا يهمل
---------------------------------------
ميرا : ابتدت تفوق وتبقي احسن
الدكتور : ميرا هنبدأ نشيل الشاش من علي وشك وهنشوف النتيجه بس مهما كانت النتيجه ماتنسيش ان في عمليات تجميل ولسه في أمل انك ترجعي زي الاول واحسن
ميرا كان قلبها بيدق جدا من الخوف واول ما الدكتور فكلها الشاش اللي علي وشها لينا اتفزعت
ميرا : ايه .. في ايه وشي ماله
ميرا نتشت المرايه من ايد الدكتور وشافت شكلها في المرايه بقت تصرخ وتصوت
والده ميرا : اخدتها في حضنها
والده ميرا : مانقلقيش مش هنسكت هترجعي احسن من الاول عمليات التجميل هترجعك حلوه من جديد
ميرا وهي في حضن مامتها
ميرا : لا ياماما انا مش هرجع طبيعيه تاني خلاص . انا السبب في كل ده .. انا اللي عملت كل ده انتقام **** مني
انا جوايا شر لانسانه معملتش معايا حاجه وحشه في يوم **** قلبه عليا وعلي وشي عشان كل ما ابص في المرايه افتكر اللي عملته فيها .. ميرا بقت تبكي بهستريا وطلعت من المستشفي وقررت تحكي كل حاجه لعاصي
ميرا بقت تداري نص وشها بشعرها
وراحت لغالب الڤيلا بتاعته وفضلت مستنياه قدام الڤيلا لحد ما طلع منها عشان هي عارفه ان احسان جوه
ميرا : غالب
( سابها ومشي )
غالب : عايزه ايه ياميرا
ميرا : ارجوك استني ماتمشيش انا لازم اقابل مستر عاصي بأي طريقه
غالب : معرفلهووش طريق
ركب عربيته وميرا وقفت قدام ازاز الشباك بتاعه
ميرا : حتي لو قولتلك اني عارفه مين اللي عمل حريق المدرسه واتسبب في اللي حصلي وحصل لبدور
غالب : 😳😳
--------------------------( في نفس الوقت )---------------------------
بدور مره واحده ابتدت تفوق وتحرك راسها شمال ويمين
سجده : بدور .. بدور .. ( بصت لايناس هانم دي بتتحرك )
ايناس هانم بصيتلها والدموع في عنيها وهي مش مصدقه
ان بنتها رجعت لحضنها من تاني
بدور اول ما شافت سجده ابتسمت ومالقيتش ولا عاصي ولا غالب حواليها
ايناس هانم : حمد**** علي السلامه يابدور ☺️
بدور : انتي مين
سجده : دي والدتك يابدور
بدور : والدتي 😳😳
--------------------------( في نفس الوقت )---------------------------
غالب راح هو وميرا لعاصي البيت
عاصي : انت جايب حد معاك ياغالب
غالب : ايوه دي ميرا
عاصي : انت اتجننت
ميرا : ارجوك اسمعني .. انا مكنتش اعرف انك اتعميت وانت بتنقذني انا عمر ما حد عمل معايا اللي انت عملته
انا هردلك الجميل اللي عملته معايا اسمع كده... ميرا فتحت اللاب توب وابتدت تسمع عاصي كل حاجه حصلت ما بين احسان وكريم وعرف كل بلاويها وبعدها قفلت اللاب توب
ميرا : هي السبب في الحريقه دي .. انا كنت .. كنت عايزه أأذي بدور وربنا أذاني انا .. انا وشي اتحرق وبقيت مشوهه مش اكتر واحسان هي السبب انا قولتلك كل حاجه بصدق عشان اخلص ضميري يمكن ارتاح
عاصي قعد علي الكرسي وهو مستعجب .. وابتسم ماتكلمش ولا كلمه عاصي اتكسر مابقاش عاصي القوي بتاع زمان
غالب : عاصي هتعمل ايه
عاصي : سيبني لوحدي دلوقتي ياعاصي
غالب : بس لازم تفهمني .. احنا لازم نوقفها عند حدها
عاصي : ( بكل هدوء ) اكيد .. بس العداله هتاخد مجراها وكله بالقانون ..
عاصي حس بكميه وجع جواه رهيبه وغالب نزل مع ميرا
ودموعه نزلت منه ولاول مره اتوضا وصلي في حياته كانت اللحظه دي وبقي يبكي في الصلاه يبكي وهو ساجد وكان بيقول انت منتقم جبار يارب كشفت كل اللي جوه قلوبهم سواد وحقد اديت لكل واحد حقه من الغل والحقد اللي كانوا جواه وانا اولهم .. غلي وحقدي عماني اني اشوف حقيقه احسان كل اللي عملته زمان اتردلي دلوقتي .. انا راضي يارب .. راضي بحكمك وقضائك
----------------------------------
ميرا : غالب ممكن اطلب منك طلب
غالب : عايزه ايه ياميرا
ميرا : انا عرفت ان كريم في غيبوبه ارجوك عايزه اعرف اسم المستشفي اللي هو فيها
غالب ادا اسم المستشفي لميرا بيبص لقي رقم بدور بيتصل بي ..
غالب فرح جدا اول ما شاف رقمها ورد علي الفون ولقاها بترد عليه
غالب : ( بكل فرحه ) انا جاي .. جاي حالا
غالب راح لبدور وهو في قمه سعادته حرفيا
بدور : ( بفرحه ) غالب
غالب : بدور .. انا .. انا مش مصدق ..
غالب اخد بدور في حضنه وهو مبسوط اوي انها قامت
بدور : سجده حاكتلي انك كل يوم كنت بتجيلي وماسبتنيش ابدا
غالب : وتفتكرى ينفع اسيبك يابدور
بدور : ماينفعش .. مش هتبقي غالب اللي عرفته
بدور كانت عايزه تسأل عن عاصي
وغالب شاف كده في عنيها راح فتح موضوع بسرعة
غالب : والدتك يابدور . . هي فين
بدور : ( بفرحه ) نزلت تحت بتدفع الحساب هكمل علاجي في البيت عندها مش عايزاني اقعد هنا ولا دقيقه تاني
غالب : اخيرا هتستقري وهتكملي تعليمك ومحدش هيعؤف يكلمك بعد كده
بدور : تفتكر .. تفتكر هرتاح بعد اللي شوفته ياغالب
غالب : اكيد .. اكيد يابدور
بدور : هو .. هو عا.. ( لسه هتكمل ) غالب مسك فونه بسرعة وأكنه بيتكلم في الفون
غالب : بدور انا لازم امشي
بدور : غالب رايح فين
غالب : هانروح من بعض فين هجيلك تاني اكيد اول ما تروحي
غالب مشي
سجده : ريحي نفسك بقي يابدور ما سألش عنك وما جاش طول الفتره اللي فااتت مافيش غير غالب بس هو اللي بيسأل عنك يابدور غالب بس هو اللي معاكي وفي ضهرك ايه مش كفايه بقي
بدور: ( بلعت ريقها ) عندك حق .. عندك حق ياسجده
--------------------------( عند عاصي )------------------------
غالب : انا عايز اقولك ان بدور .. بدور فاقت
عاصي : ( قلبه دق بسرعه رهيبه لما عرف انها فاقت ) كده طيب الحمد لله
غالب : بس كده
عاصي : مستني مني اقولك ايه
غالب : من حقها تعرف اللي حصلك
عاصي : وانا من حقي اني معرفش حد حاجة عني .. بدور لسه صغيرة والمستقبل قدامها كبير ايه اللي يخليها تعيش مع واحد ضرير زيي... انا عارف انك بتحبها وانا عارف كويس انك هتسعدها وهتعيشها احسن من اي حد... هتخاف عليها وتحبها... وتحافظ على النعمة اللي في ايدك
غالب : ولو سألتني عنك
عاصي : قولها سافر .. مش مهتم اي حاجة .. اي حاجة ياغالب بس المهم توعدني انك مش هتقولها عني اي حاجة تانية في يوم... لو عرفت انها عرفت اني اتعميت هختفي من حياتك خالص ومش هتعرفلي طريق اوعدني ياغالب
غالب :______
عاصي : بقولك اوعدني
غالب : اوعدك ياعاصي
غالب: واحسان هتعمل معاها ايه
عاصي : احسان .. احسان دي لسه دورها جاي 😡😡
غالب مشي وعاصي دخل نام رغم انه بيوصي غالب عليها بس برضوا خايف عليها
عاصي بقي عنده رضا باللي بيحصل بطريقة فوق الطبيعية ومن كتر التفكير نام وهو بيفكر في غالب وبدور وبقى يحلم بيهم
----------------------------------
المأذون : مدي ايدك يابنتي لعريسك
بدور : ( بتوتر ) ح.. حاا .. حاضر ياعم الشيخ
غالب : ( شد ايد بدور بالعافيه ناحيته ومسك ايدها كان هيعصرها في ايديه )
غالب : ( وهو بيدوس علي سنانه ) مدي ايدك ياعروسة
المأذون : قولي ورايا يابنتي زوجتك نفسي
بدور : ( بتوتر ) زو.. زو جتك نفسي
غالب : ( قبل ما المأذون يتكلم وهو دايس علي سنانه وغضب الدنيا كلها في عنيه ) وانا قبلت زواجك ياعرووووووسة
عاصي رفع المنديل من علي ايد بدور وغالب واخد المنديل مسح بي عرقه
عاصي : الف مبروك ياعروسة
بدور : (وقفت قدام عاصي وهي الدموع بتنزل منها ) انت جوزتني لغالب بالغصب وانا عمرى ما هسامحك
غالب : تعالي قدامي
غالب ( شد بدور من دراعها وطلعها الاوضة وهو بيفتح باب الاوضة ) ادخلي
بدور : ارجوك ياغالب ارحمني
غالب : ( وهو رافع حاجبه اليمين ) ما هي دي الرحمه بعينها يابدور 😈😈
عاصي مره واحده قام من الحلم وهو مفزوع
عاصي : لاء .. لاء لا ياغالب ما تأذيهاش .. ماتأذيهاااش
عاصي مره واحدة سمع صوت بدور وهي بتقول
بدور : محدش هيأذيني طول ما انت جنبي ياعاصي ❤️
عاصي : بدور 😳😳
بدور : ايوه بدور
عاصي : ( قام من علي السرير) ايه اللي جابك
بدور : اعمل حاجه عشاني ياعاصي .. ماتسبنيش اضيع من ايدك
عاصي : ( ادا ضهره لبدور ) مابقاش ينفع خلاص
بدور : لو انت عايزه ينفع . هينفع .. انت عمرك ما عملت حاجة عشاني انا مستنياك ياعاصي .. مستنياك
بدور طلعت من باب الاوضة عاصي مشي وراها والغريبة انه كان شايفاها .. طلع بره في الصالة مالقهاش دور عليها في كل الشقه مره واحده اختفت بقي ينادي عليها في كل مكان
عاصي :بدووور .. بدوور .. ( بيتلفت حوالين نفسه ) روحتي فين .. بدووووور
عاصي مره واحده بقي بينطق اسم بدور وهو نايم وبقي يحرك رقبته شمال ويمين علي المخدة ومرة واحدة فاق من نومه وهو بينطق اسمها
عاصي : بدوووووور
اخد نفس عمييييق وعرف انه اصلا مكانش قام من النوم وكل اللي حصل ده كان حلم وبدور ماجاتلهووش ولا حاجة... ابتسم ورفع ايده وبقي يحسس على السرير لحد ما لقى العصاية اللي بيمشي بيها وقعد على الكنبه وبقي يحسس علي الكومود بيدورالسجاير بتاعته والولاعه واخد نفس من سيجارته وهو بيتخيل بدور قدامه مع ابتسامتها الرقيقه فجأه غصب عنه قال
عاصي : وحشتيني يابدور .. وحشتيني اوي
---------------------( في نفس الوقت ) -----------------------------
احسان : انت ليه مقعدني كل ده هنا ياغالب .. انا عايزه اروح عند اهلي
غالب: دي اوامر عاصي .. هو اللي قايلي اوعي احسان تتحرك من الڤيلا
احسان : ايوه بس ده انا كده محبوسه ولا ايه
غالب : ( بكل برود ) محبوسه ليه طلباتك وبتجيلك .. وافتكر ان عبد الرحيم واخد باله منك كويس اوي عايزه ايه تاني
احسان : عايزه اشم شويه هوا .. عايزه اخرج .. عايزه اشوف الناس واشوف اهلي
غالب : عاصي خايف عليكي من الحركه الكتيييير انتي عارفه عشان البيبي اللي في بطنك يا احسان .. ولا انتي نسيتي انك حامل ..
ده اللي في بطنك ده عاصي ضحى عشانه بحاجات كتييير ولا نسيتي
احسان : ( بغضب ) وهو فين عاصي من ساعه الحفله وهو اختفي مابقاش موجود .. حتي هدومه ما اجاش اخدها
غالب : قولتلك قبل كده ان عاصي مسافر في شغل وخلاص ماتقلقيش كلها بكره او بعده بالكتييير وراجع من السفر
احسان : ( بتوتر ) غالب .. غالب لو في حاجه انا عملتها غلط وانت مضايق مني فيها قولي
غالب : ( ابتسم وقال في نفسه وهو باصصلها بغيظ ) حاجه واحده بس غلط يابنت ال ...
احسان : مالك بتبصلي كده ليه
غالب : لا لا لا ابدا مافيش .. انتي ماعملتيش اي حاجه غلط يا احسان كل الحكايه انه خايف علي البيبي مش اكتر احسان انا لازم اسيبك وانزل دلوقتي
احسان : طيب ياغالب
-------------------------( في نفس الوقت )----------------------
ايناس هانم : هااا .. ايه رايك يابدور
بدور : ( بحزن ) حلوه الفيلا
ايناس هانم : انتي مش فرحانه انك اخيرا لاقيتي اهلك
بدور : ( بابتسامه بسيطه ) لاء طبعا ما تقوليش كده اكيد فرحانه يا ايناس هانم
ايناس هانم : ايه ايناس هانم دي انا امك
بدور : اعذريني انا طلعت عالدنيا وعمرى ما قولت الكلمه دي لحد في يوم .. عشان كده لساني مش متعود عليها
ايناس هانم : انا مقدره ده يابنتي .. وعشان كده انا هصبر واخليكي علي راحتك لحد ما اسمعها منك
تعالي .. تعالي اوريكي اوضتك
بدور طلعت مع مامتها ودخلت اوضتها ولاقت صور متعلقه علي الحيطه وفيها واحده نسخه منها
بدور : ( شاورت بصباعها علي الصوره ) دي تبقي ..
ايناس هانم : ايوه دى تبقي غرير نسخه منك .. **** اداني اتنين بس عمركم ما اتجمعتوا في حضني سوا لما **** اخدها مني رحعك انتي ليا
بدور : **** يرحمها
( شاورت علي الصوره التانيه )
بدور : طيب وده مين
ايناس هانم : ده باباكي **** يرحمه
بدور : مات ازاي
ايناس هانم: بالزهايمر .. كان عنده مرض وراثي ورثه من جده مش من باباه شيخوخه مبكره.. صاحبها زهايمر ..
اول مره ابتدى ينسي فيها يوم ما عمل الحادثه واتصاب برجله وانتي كنتي معاه الناس اتصلت بالاسعاف وسألته معاك حد .. في حد معاك ..
وانتي كنتي جنبه ماتعرفش عليكي والاسعاف جت وشالته ولما كان في المستشفي افتكر ان انتي كنتي معاه بقي بيصرخ بأعلي صوته بدور بنتي... بس كنتي خلاص روحتي من بين ايدينا يابنتي وفضلت الحاله دي تجيله علي فترات بعيده .. وابتدينا نعالجه بس الزهايمر مالووش علاج كان بياكل دماغه اكل .. كان يفتكرنا كل يومين .. تلاته خمس دقايق بالكتير ويرجع مره تانيه مايعرفناش عشنا علي الحال ده سنين لحد ما **** افتكره .. وعشت انا علي ذكراه
بدور عيونها لمعت والدموع بقت في عنيها
بدور : **** يرحمه
ايناس هانم : مش هتحكيلي اي حاجه عنك
بدور : عايزه تعرفي ايه ؟
ايناس هانم : غالب باين عليه مهتم بيكي اوي وماسبكيش لحظه واحده وانتي في المستشفي كان بيجيلك كل يوم
افتكر ان انتوا مخطوبين .. علي ما اظن
بدور : ( باستغراب ) ليه بتقولي كده
ايناس هانم : بسبب الدبله اللي في ايدك .. هو كمان لابس زيها
بدور : ( بصت في صوابعها وافتكرت انه لبسها دبله قبل ما تدخل الحفله ابتسمت وبصت لمامتها )
بدور : دي حكايه طويله هبقي احكيهالك بعدين
ايناس هانم : طيب يابنتي علي راحتك .. اسيبك تنامي بقي
بدور : تصبحي علي خير
----------------------------(في نفس الوقت)--------------------
غاالب راح لعاصي
غالب : ( فتح الباب بالمفتاح اللي معاه لقي عاصي قاعد في الصاله علي الركنه وبيشرب السيجاره بتاعته )
غالب : ايه اللي مصحيك لحد دلوقتي
عاصي : ( ههه) وانت ايه اللي جايبك دلوقتي
غالب : مافيش معرفتش انام في الڤيلا نزلت ركبت عربيتي لاقيت نفسي جيت علي هنا
عاصي : بتفكر في بدور
غالب ( شد السيجاره من ايد عاصي وحطها في بوقه واخد نفس وطلعه من مناخيره )
غالب : زي ما انت ما بتفكر فيها ..
عاصي : ( بعصبيه قام وقف ) ومين قالك اني بفكر فيها ياغالب .. قولتلك انا خلاص مابقيتش انفع انا لا يمكن اخليها تفضل جنبي في يوم بدافع الشفقه ابدا ياغالب .. خليك مع بدور .. صدقني هتحبك .. ده اذا ماكنتش بتحبك دلوقتي
غالب : ( قام وقف وبقي واقف ورا عاصي )
غالب : انت متأكد من اللي انت بتقوله ده
عاصي : يووووه .. خلينا فيك انت ايه اللي جايبك دلوقتي بجد
غالب : احسان .. كل ما بتشوفني بتنزل فيا ( س .. ج ) احنا مش هنخلص منها بقي
عاصي : ( رفع حاجبه بصوت كله شر وخبث ) انا سايبها تتعذب .. سايب التفكير ياكل عقلها
عاصي وهو بيقول الكلام ده كانت فعلا احسان ماسكه دماغها ورايحه جايه من التفكير
عاصي : زمانها بتسأل نفسها الف سؤال .. ياترى بدور راحت فين .. ولو عاصي عرف
احسان في نفس الوقت كانت فعلا بتسال نفسها نفس السؤال
احسان : ( بتسال نفسها ) ياترى لو عاصي عرف باللي عملته سايبني ليه كل ده
عاصي : ( بيكمل كلامه مع غالب ) هتفكر تهرب وهتلم شنطتها
احسان : انا لازم اهرب .. ما هو مش هينفع اقعد هنا اكتر من كده
احسان لمت شنطتها ولسه هتخرج
في نفس الوقت
عاصي بص لغالب
عاصي: انت مأمن الڤيلا كويس زي ما قولتلك
غالب : اكيد انا جيبت بودي جاردات هي ماتعرفش عنهم حاجه ده طبعا غير عبد الرحيم
احسان في نفس اللحظه اخدت شنطتها وطلعت ولسه بتفتح الباب
عبد الرحيم : عايزه اي حاجه يادكتوره احسان
احسان : انتوا حابسني هنا ولا ايه انا عايزه اخرج
عبد الرحيم : ماعندناش اوامر انك تطلعي من الڤيلا
احسان : انا هوديكوا في ستين داهيه انتوا خاطفني هنا .. انا الدكتوره احسان
عبد الرحيم قفل الباب ودخل احسان جوه
غالب : طيب تفتكر بعد ما تخلي عقلها يودي ويجيب هيحصل ايه
عاصي : دي بقي لعبتي انا .. هخليها تنهار قدامي وتعترف بكل حاجه
تعالي انا عايزك توديني الڤيلا
عاصي وغالب نزلوا وركبوا عربيه غالب وهما في طريقهم
غالب : هي احسان مش ممكن تبلغ البوليس انها محبوسه ومش عارفه تطلع من الڤيلا
عاصي : مافتكرش .. عشان هتخاف من فكرة البوليس وخصوصا الوقت ده
انت هتنفذ اللي قولتلك عليه بالحرف الواحد
غالب : اكيد ما تقلقش
غالب دخل عاصي الڤيلا وعاصي لبس نضاره سودا علي عنيه
وعبد الرحيم فتح الباب بالراحه جدا ودخل عاصي علي مكتبه
عاصي : عبد الرحيم زي ما قولتلك
عبد الرحيم : حاضر ياعاصي بيه
عبد الرحيم : رزع الباب وراه جامد اوي عشان احسان تسمع ان حد دخل الڤيلا طلعت من اوضتها ودخلت اوضه المكتب وهي ماسكه علبه الدوا بتاعتها
وعاصي بقي قاعد علي الكرسي ومديها ضهره
احسان : ( اول ما شافت عاصي اتوترت جدا بلعت ريقها وقلبها بقي يدق جامد اوي )
عاصي : بالراحه يا احسان سامع صوت دقات قلبك من هنا
احسان : ( لفت الروب بتاعها عليها وقفلته) ممممم دقات قلبي .. ايه .. ( اخدت نفس) ايه اللي بتقوله ده ياعاصي ..
عاصي : هههه ( رفع حاجبه ) اخبار حملك ايه ؟
احسان : انت .. انت كنت فين
عاصي : ( بكل هدوء ) بسألك اخبار حملك ايه
احسان : كويس .. مع .. مع اني .. ك. . كگ .. كنت .. تت.. تعبانه شويه
عاصي : لا الف سلامه ..
عاصي : عملتي كده ليه يا احسان
احسان : عملت ايه
عاصي مره واحده قام وقلع النضاره وبصلها ( وبكل غضب ضرب بأيديه علي المكتب بصوت عالي ) عمتييييييييني
احسان : ( اول ما شافت لون عيون عاصي اتصدمت ) عاصي .. انت اتعميت .. ده ازاي
عاصي بقي ماشي بالراحه ورا صوتها وبيحاول يتماسك عشان مايقعش قدامها
عاصي: ( بكل غضب ) قبل ماتعمي عنيا عميتي حقيقتك عني .. انا ازااااي صدقتك ده انتقام **** مني ..
اني اصدق واحده زيك واقع في فخها انا عمرى ما صدقت حد ولا وثقت في حد بس انتي تمثيلك .. تمثيلك كان بارع ( عاصي قرب منها اكتر ومسكها من دراعها وبقي بيضغط علي دراعها )
عاصي : ( بصوت عالي بغضب ) : لييييييييه .. عملتي كل ده لييييه انطقي
احسان : (بدموع ) انا معملتش حاجه عاصي انت فاهم غلط .. انت بتجيب الافكار دي منين
عاصي : ( بصوت جحودي ) تااااااني .. هتكدبي تااااني
عاصي : ( بصوت عالي ) عبد الرحيييييييم ..
عبد الرحيم : جاهز ساعتك
عبد الرحيم حط فلاشه في اللاب توب وبقي يسمع احسان كل المكالمات بتاعتها مع كريم وحتي مع ميرا لان ميرا سجلتلها هي كمان
احسان بقت تسمع الريكوردات ومره واحده بقت تتسحب بالراحه من اوضه المكتب عايزه تطلع عبد الرحيم وقف وراها وقفل الباب عليهم
عاصي : ( بتوعد ) اكدبي مره كمان .. مره واحده بس وحياه اغلي ما عندي .. لا ادفنك حيه مكانك
احسان : ( بنبره شر ) ايوه .. ايوه انا عملت كل ده ياعاصي ومستعده اعمل اكتر من كده مستعده اشوه سمعه بدور .. مستعده اقتل.. احرق .. ادمر اي حاجه تاخدك مني في يوم انت ليا .. ليا انا وبس ..
عاصي : زي ما حرقتي المدرسه .. زي ما عمتيني .. زي ما قتلتي بدور
احسان : ( بدموع ) انا احرق اي حاجه .. احرق المدرسه واقتل بدور .. واموت نفسي كمان ولو امي وابويا وقفوا قدامي عشان يبعدوني عنك هموتهم عشان ابعدهم عن طريقي ولا انهم يبعدوني عنك .. انا بحبك ياعاصي .. عارف يعني ايه بحبك انت عمرك ما حبيت بجد
عاصي : تقومي تقتلي ناس بريئه مالهاش ذنب عارفه كام طالب اتحرق في المدرسه .. عارفه اني اتعميت وانا جوه المدرسه
احسان : مكانش قصدي .. مكانش قصدي اني احرق المدرسه انا كنت عايزه اخلص من ميرا وبدور مره واحده جاتلي فكره اني احرق المدرسه ( قربت من عاصي ) انا عمرى ما فكرت يوم أأذيك .. عمرى ما حبيت غيرك .. انا مقدرش أأذيك و**** ما اقدر أأذيك .. سامحني ياعاصي .. انا عمرى ما هسيبك هفضل جنبك ان ش**** ابقي خدامه تحت رجلك بس ماتبعدنيش عنك
عاصي ( ضم حواجبه كده باستغراب ) انتي مريضه
احسان : عندك حق انا مريضه بيك .. انت مرضي وانت برضوا دوايا ياعاصي
عاصي قعد علي الكرسي وبقي مش مصدق ان ممكن حد يحب حد حب التملك ده
غالب مره واحده فتح الباب
غالب : كده تماااام كده كل كلمه اتصورت صوت وصوره
البوليس جه وأخد احسان زي ما عاصي كان متفق مع غالب واعترفها كله كان موجود ومتصور واحسان وقتها سكتت زي ما تكون حصلها ذهوول من اللي حصل كل حاجه اتطربقت فوق دماغها مره واحده كل حاجه بنتها اتهدت في لحظه
--------------------------(في نفس الوقت )---------------------
سجده راحت لبدور الڤيلا
سجده : عامله ايه دلوقتي يابدور
بدور : الحمد**** بقيت احسن بكتييير
سجده : يارب دايما
بدور : ماتعرفيش الحريقه اللي في المدرسه حصلت ازاي
سجده : معرفش انا مره واحده لاقيت الحريقه جايه من الطرقه واحنا كنا في القاعه ومالقتكيش موجوده غالب سألني عليكي والدخان كان مالي القاعه قولتله معرفش روحتي فين
مره واحده اختفيتي .. بعدها ماشفتهووش الا وهو شايلك بره ما بين ايديه وبيدخلك عربيه الاسعاف
بدور : غريبه
سجده : ايه الغريبه فيها
بدور : معرفش بس لما اتضربت كانت الضربه شديده اوي بس حسيت بحد شايلني مره واحده في وسط النار والدخان فتحت عيني بالعافيه لأقل من لحظه ببص لاقيته عاصي مكانش غالب
سجده : تااااني عاصي انتي مافيش فايده فيكي ابدا .. لا ياحبيبتي ده كان غالب .. مش عاصي وعلي العموم اسأليه انتي مش هتخسري حاجه
بدور : تعالي نروحله
سجده : دلوقتي
بدور : ايه المشكله
سجده : شايفه انه لسه بدرى اوي انا قولت اعدي عليكي قبل ما اروح المدرسه
بدور : طيب تعالي نلحقه قبل ما يروح الشغل
سجده : طيب انا هوصلك واروح علي المدرسه تمام
بدور : ماشي تمام
----------------------------( عند عاصي)--------------------
غالب : مالك ياعاصي
عاصي : ابدا مافيش
غالب : تحب تقعد في الجنينه شويه في الهوا
عاصي : لاء خليني هنا احسن
غالب : ماتقفلش علي نفسك ياعاصي مش نهايه الدنيا صدقني
عاصي : ( ابتسم ) افتكر انك اتأخرت عن الشركه
غالب : ممممم ماشي همشي انت بقي
غالب طلع بعربيته من هنا وبدور وصلت الڤيلا بعده بخمس دقايق
بدور : ( بتبص لاقت باب الڤيلا مفتوح غالب مقفلهووش وراه )
بدور : ( بتنادي عليه ) غاااالب .. غااااالب
عاصي سمع صوت بدور اتوتر بسرعه ولبس النضاره السودا بتاعته وبقي كل ما يمشي بيقع من كتر توتره لحد ما وصل للبلكونه فتح الستاره بسرعه ومسك فنجان الشاي ووقف في البلكونه وادا بدور ضهره
بدور دخلت علي عاصي لاقيته موجود اتصدمت اول ما شافته
بدور : عااصي .. عاصي انت هنا
عاصي ( اتنهد واخد بوق من فنجان القهوه بكل هدوء ) اومال هكون فين
بدور : اصل .. اصل غالب قالي .. انك مسافر
عاصي : لاء مش مسافر
بدور : طيب وغالب كدب عليا ليه
عاصي : ( بكل برود ) انا كنت مسافر ورجعت بقالي يومين
بدور : يومين .. يومين وما سألتش حتي عني
عاصي كان بيتعمد يخفي وشه عن بدور ويديها ضهره اكتر
عاصي : واسأل عنك ليه .. ( حط ايده علي جبينه ) ااااااه .. اه .. اه .. افتكرت
عرفت انك كنتي تعبانه عشان الحريق اللي حصل في المدرسة علي العموم سلامتك
بدور : بس كده .. اخرى معاك كلمه سلامتك
عاصي : ( ضحك ضحكه ظهرت بجانب شفايفه ) اومال عايزاني اعملك ايه تاني .. انا مش مهتم عشان حتي اسأل عنك اللي بيسأل ده واحد بيبقي مهتم باللي بيسال عنه لكن انا مش مهتم بيكي وعمرى ما اهتميت بيكي في يوم قولتهالك مره وهقولهالك تاني انتي اقل من اني حتي اقضي معاكي يوم .. بدور انا متأخر عن الشركه اوي لو في حاجه ياريت تقوليها بسرعه عشان حابب امشي
بدور : ( كانت مصدومه ) بصيتله وابتسمت
عاصي : لا ياعاصي .. مابقاش في حاجه عايزه اقولها خلاص .. مابقاش في بينا كلام ممكن يتقال في يوم .. انت خساره في اللي زيك حتي المعاتبه والخصام... بدور طلعت من الڤيلا وهي بتعيط وعاصي مسك فنجان الشاي اللي في ايده ورماه في الحيطه بكل غيظ وقعد في الارض وهو بيبكي علي بدور اللي ضاعت منه خلاص وعمرها ما هترجعله تاني ابدا
بدور مشيت من هنا وغالب نسي ياخد معاه ورق مهم الشركه رجع عشان يجيبه دخل المكتب ولقي عاصي قاعد في الارض والازاز حواليه
غالب : ( بخضه ) في ايه ياعاصي .. حصلك ايه
عاصي : ( مسح دموعه بسرعه ) مافيش .. مافيش حاجه مكنش قصدي الفنجان وقع من ايدي
غالب : فداك ياعاصي قوم .. قوم معايا
----------------------------------------------
بدور روحت الڤيلا وهي دموعها علي خدها واول ما شافت مامتها اترمت في حضنها
ايناس هانم : بتعيطي ليه يابدور غالب زعلك
بدور : ( بدموع ) غالب .. غالب ده احسن حد في الدنيا انا ماستهلش واحد زيه في يوم
ايناس هانم : ليه بتقولي كده يابنتي .. ده انتي الف مين يتمناكي وغالب باين عليه انه ابن حلال وبيحبك
ايناس هانم بقت تكح .. تكح جاامد
بدور : ماما فيكي ايه
ايناس هانم : مممممم ابدا .. ابدا يابنتي انا كويسه مافييش اي حاجه هاتيلي بس الدوا بتاعي من اوضتي
بدور جريت جابت الدوا لمامتها بسرعه وادتهولها
بدور : دوا ايه ده ياماما
ايناس هانم : ( بتوتر ) ده .. ده الدوا الكحه ماتشغليش بالك انتي بالحاجات دي .. اهم حاجه تتصالحي انتي وغالب ولو مزعلك انا اصالحكم علي بعض
بدور : لا ابدا مش متخاصمين ولا حاجه
ايناس هانم : يارب ماتتخاصموا ابدا يابنتي اللي زي غالب ده راجل يعتمد عليه مش هتعرفي تلاقي زيه ابدا اليومين دوول
بدور : ( بابتسامه ) عندك حق ياماما
ايناس هانم : ايه رايك تنامي في حضني واقرالك روايه
بدور : ياريت انا بحب اوي اقري روايات
ايناس هانم : عندي روايه حلوه اوي بقراها من علي النت اسمها الجميله والوحش تحبي اقرهالك
بدور : ( بابتسامه ) ياريت
ايناس هانم فضلت تقرا لبدور الروايه لحد ما نامت وسابتها ومشيت من جنبها بالراحه بس في الحقيقه بدور مانامتش
و اتصلت بغالب
---------------------------( في نفس الوقت )---------------------
غالب كان ماسك عاصي وبيقعدوا علي الكنبه
غالب فونه رن بيبص لقاها بدور
غالب : دي بدور
قعد عاصي وفتح الاسبيكر
غالب : ايوه يابدور عامله ايه
بدور : الحمد**** ياغالب .
غالب : ايه اللي مصحيكي بدرى كده
بدور ماردتش علي سؤال غالب وقالتله
بدور : غالب ممكن اسألك سؤال
غالب : اكيد
بدور : قبل الحريقه واحنا في الحفله احسان اتصلت بيا وقالتلي تعاليلي في اوضه تغيير الملابس .. بس لما روحت مالقيتهاش هناك وحد خبطني علي راسي انا كنت مشوشه جدا وقتها
بس كنت حاسه ان كان في حد شالني وانقذني
وقتها .. بس .. بس كنت
غالب : كنتي ايه يابدور
بدور : كنت عايزه اعرف مين اللي انقذني وقتها
غالب بص لعاصي وسكت عاصي شاور براسه لغالب انه اوعي يقولها ان هو اللي انقذها وبقي يشاورله بصباعه علي غالب انه يقولها ان هو اللي انقذها
غالب : ( بصوت بشويش اوي ) لاء .. لاء اكيد مش هقولها ان انا اللي انقذتها واكدب عليها
بدور : غالب .. غالب سكت ليه
عاصي : ( بقي يشاور لغالب ) انه لازم يقولها ان هو اللي انقذها وبقي يترجاه
غالب : لا لا ابدا ماسكتش
بدور : اومال روحت فين
غالب : معاكي
بدور : مين ياغالب اللي انقذني
غالب : انا .. انا يابدور اللي انقذتك
عاصي وقتها اتنهد وقعد علي الكنبه
بدور : انا بجد متشكره ياغالب .. متشكره علي كل حاجه بتعملها معايا .. انا مستهلش منك كل ده ..
سجده حاكتلي ان النار كانت مولعه في المدرسه كلها ورغم كده انت ماخوفتش علي نفسك ودخلت في وسط النار دي وانقذتني وماهمكش حياتك
غالب : ( وهو حزين انه كذب عليها ) دي حاجه بسيطه يابدور
بدور : فاكر لما قولتلي انك مش هتخليني البسك الدبله الا لما اكون مقتنعه من جوايا اني عايزه البسهالك
غالب : اكيد فاكر
بدور: انا دلوقتي بس متأكده من جوايا اني اول ما اشوفك انا اللي هلبسك الدبله ياغالب
غالب : بدور انتي بتقولي ايه
بدور : بقول اللي كان لازم اقوله من زمان .. قولتلك اديني فرصه وانا خلاص اخدت فرصتي وعرفت ان لو لفيت الدنيا كلها مش هلاقي حد يحبني زي ما انت بتحبني ياغالب
عاصي سمع الكلمه دي من غير ما يحس دموعه نزلت منه مسح دموعه بسرعه قبل ما غالب يشوفوه وقام دخل اوضته
غالب قفل مع بدور ودخل لعاصي
غالب : عاصي
عاصي : هو ده الصح ياغالب مش قولتلك انها اكيد حبتك .. انت تستاهل كل خير عشان كده تستاهل بدور
عاصي حضن غالب وغالب بقي بيدمع في حضنه
وبدور قفلت الفون من هنا ومامتها سمعتها وهي مبتسمه
ايناس هانم : الف مبروك يابنتي .. الف .. الف مبروك
ايناس هانم حضنت بدور
وبدور عيونها دمعت
-----------------------------------------
غالب لبس بدلته وكان زي القمر حرفيا
غالب : كان نفسي تكون معايا .. انا مش عارف ايه اللي غير رايها مره واحده
عاصي : عشان تلاقيها اتأكدت من مشاعرها ناحيتك وعرفت انها بتحبك
غالب : طيب تفتكر ليه سألتني مين اللي انقذها ولو كنت قولتلها ان انت اللي انقذتها كانت هتغير رايها
عاصي : يوووه انت اسألتك كتييير كده ليه .. افرح ياغالب نسي بدور كل حاجه وحشه شافتها في حياتها وافرح بحبك انت كمان يا ابن اخويا
غالب ابتسم واخد عاصي في حضنه
واشترى بوكيه ورد وعلبه شيكولاه وراح اتقدم لبدور
بدور وقتها كانت زي القمر ومامتها كانت فرحانه اوي بيها
بدور : ( بصت لغالب بابتسامه ) انا بلبسلك الدبله بكل ارادتي ياغالب ☺️
بدور لبسته الدبله وسجده بقت تزغرط وثائر حضن غالب
ورقصوا هما الاتنين slow سوا
غالب : بدور عاصي كان عايز ييجي بس
بدور حطت ايدها علي شفايف غالب
بدور : مش عايزه اعرف .. مش عايزه اعرف عنه اي حاجه .. مابقاش يهمني اذا كان ييجي او ما يجيش
بدور حضنت غالب وغالب اخدها في حضنه ومامتها كانت فرحانه من قلبها بجد غالب مكانش بيسيب بدور لحظه وجت الامتحانات كان بيذاكرلها وبيوديها الامتحان ويجيبها والايام عدت وهما سوا وجه معاد ظهور النتيجه وهما مستنيينها تنزل علي النت
بدور : ( بتوتر ) ايه نزلت
غالب : لسه يابدور قالوا هتنزل الساعه 2 بالظبط اصبري شويه
ايناس هانم : اهدي شويه يابدور انتي اكيد ناجحه
بدور : مش قادره ياماما مش قادره
غالب : الموقع فتح
غالب حط رقم الجلوس بتاع بدور وطلعت جايبه 98 بقت تنط من الفرحة ومش مصدقه نفسها
غالب اخدها في حضنه وبقي فرحان جدا لفرحتها
بدور راحت بسرعه لحضن مامتها وبعدها تليفون غالب رن
عاصي : بدور عملت ايه ياغالب
غالب : ( بعد شويه عن بدور ) جابت 98 ياعاصي
عاصي : مبروك ياغالب انا كنت واثق انها هتحقق حلمها
بدور : بتكلم مين ياغالب
غالب : ابدا دي مكالمه شغل
بدور مرة واحده بتبص لاقت مامتها بتكح جامد اوي
بدور: ( بخضه ) مالك ياماما فيكي ايه
ام بدور وقعت في الارض اغم عليها
بدور : ماما .. مااااما
غالب اتصل بالاسعاف بسرعه وراحوا المستشفي
بدور اتصلت بالدكتور بتاع مامتها
وقالها تجيب مامتها علي مستشفي السرطان واداها العنوان
بدور : ( بصدمه ) سرطان 😳😳
الدكتور استلم ام بدور وحجزلها اوضه
غالب : خير يادكتور في ايه طمني
الدكتور : ايناس هانم للاسف عندها سرطان علي الرئه وصل للمرحله الرابعه وخصوصا بعد ظهور بدور مامتها ماحبيتش تبان قدامها انها تعبانه وبتموت عشان كده بطلت تيجي تاخد الكيماوى وقصرت في علاجها
بدور : ( بصدمه ) انت بتقول ايه ؟ انت اكيد بتخرف
غالب : اهدي يابدور
بدور : راحت لمامتها وهي نايمع علي السرير
بدور : ماما .. ماما الكلام ده بجد ياماما
ايناس هانم : مكنتش عايزه اقولك يابنتي انا ايامي معدوده عالدنيا بس مش مشكله كفايه ان **** ماحرمنيش من اني اشوفك والمسك قبل ما اموت .. انا كنت عارفه من بدرى ان اللحظه دي هتيجي بس مكنتش عارفه انها هتيجي بالسرعه دي ..
ايناس هانم مسكت ايد غالب ومسكت ايد بدور
ايناس هانم : نفسي احضر فرحكم قبل ما اموت .. نفسي اطمن علي بدور وهي في بيتك قبل ما اموت ياغالب
غالب : غالب بعد الشر عليكي يا ايناس هانم ماتقوليش كده
ايناس هانم : حققولي امنيتي قبل ما اموت ياولاد ده كل اللي بطلبه منكم
بدور : حضنت مامتها وبقت تعيط وقلبها انكسر يوم فرحتها بنتيجتها
غالب : هنتجوز .. هنتجوز في اقرب وقت
------------------------------------------------
غالب روح البيت وحكي لعاصي اللي حصل ..
عاصي : ( قام وقف وهو ماسك عصيته وقلبه مولع نار ) يعني خلاص هتتجوزوا
غالب : ايوه الخميس الجاي
عاصي : انا كمان .. انا كمان مسافر الخميس اللي جاي
غالب : مسافر .. مسافر علي فين
عاصي : اي مكان انا كده اطمنت عليك انت وبدور وهحاول اشوف زرع قرنيه في المانيا .. هستني متبرع وهستني دورى هناك
غالب : وافرض مافيش ده انت ممكن تستني بالسنين
عاصي : ومالوا وانت ورايا ايه غير اني استني
غالب : ماتقلقش انا هسكن مع بدور مش هجيبها هنا .. مش هخليها تشوفك وانت بالحاله دي ابدا ياعاصي
عاصي : الحكايه مش ان بدور تشوفني .. بس انا هبقي مرتاح وانا في المانيا هحاول ابدأ حياه جديده
---------------------------------------------
سجده : واااااوو بصي .. بصي الفستان ده يابدور هيبقي تحفه عليكي
بدور : ( بلا مبالاه ) اه كويس
سجده : ( راحت لفستان تاني ) ياخراااابي علي الجمال طيب بصي ده
بدور : برضوا حلو
سجده : مالك يابدور فيكي ايه .. مش فرحانه ليه
بدور : انا .. لا لا ابدا فرحانه
سجده : مش باين يعني
بدور: كل الحكايه بس عشان زعلانه علي ماما وده مأثر فيا اوي
سجده : **** يشفيها .. ده طبعا حاجه اساسي تزعلي عشانها بس انا حاسه انك زعلانه عشان هتتجوزي بسرعه .. ولا اوعي تكوني لسه بتفكرى في عاصي
بدور : ( باستغراب ) عاصي ليه بتقولي كده
سجده : معرفش بس دي مش فرحة واحده بتتجوز واحد بتحبه دي واحده عايزه ترضي امها وبس
بدور : لا لا .. خالص غالب بيحبني وانا مش هلاقي حد يحبني زيه
--------------------( يوم الفرح )---------------------------------
غالب بيجهز نفسه للفرح
غالب : كان نفسي تكون معايا ياعاصي
عاصي : وانا كان نفسي احضر فرحك يا ابن اخويا واشهد علي عقد جوازك بس هنعمل ايه ما باليد حيله
غالب : انا مضايق حاسس ان بدور مش فرحانه دايما سرحانه ومش معايا خالص
عاصي : اكيد عشان مرض مامتها
غالب : انا مش عايز اتجوزها غصب عنها ساعات بفكر اقولها انك انت اللي انقذتها وضحيت ببصرك عشانها
عاصي : ( بعصبيه ) اوعي .. اوعي تفكر تقولها حاجه زي كده
غالب : بس انا مش مبسوط لو كنت قولتلها واختارتني انا بعد ما تعرف اللي انت عديت بي واللي حصلك واللي عملته عشانها وقتها بس كنت هبقي مبسوط لكن دلوقتي حاسسس اني كداب .. هبني حياتي علي كدبه
عاصي : اسمعني ياغالب بدور بتحبك .. وحتي لو قولتلها كانت اكيد اختارتك اتوكل علي **** النهارده فرحك .. افرح .. وفرحها معاك .. انا همشي الساعه 12 ادعيلي لما نتقابل تاني اكون فتحت ولاقيت متبرع
غالب : انا مش هسيبك هجيلك دايما
عاصي : ( بتهيده) عارف .. عارف يابن اخويا
غالب مشي وعاصي بقي بيحضر شنطته بمساعده عبد الرحيم
--------------------------( في نفس الوقت)----------------------
ايناس هانم : بسم **** ما شاء **** زي القمر يابدور
بدور : ماما اقعدي ماتقفيش
ايناس هانم : سبيني النهارده اعمل اللي انا عايزاه يابدور .. سبيني افرح بيكي يابنتي
بدور نزلت دموعها منها
ايناس هانم : انتي بتعيطي
بدور : لا ابدا دي دموع الفرحه مش اكتر
ايناس هانم : **** يكتر افراحك ياحبيبتي
غالب كان مستني بدور بره مشيت علي الممر وكان كبير العيله بتاعتها بيوصلها لعريسها ..
والضيوف من علي الجانبين غالب كان واقف مستنيها ومديها ضهره والورد كان بيتحدف عليها من الناحيتين من المعازيم خبطت بصوابعها علي ضهره اتلفت وبصلها وكانت حاطه وشها في الارض رفع الطرحه من عليها وباسها من جبينها بص علي ملامحها لقاها حزينه .. هي عايزاه بس قلبها رافض حد يدخل جواه غير عاصي
المأذون : ( نده علي بدور باسم باباها الحقيقي ) بدور انور محمود التهامي تقبلي غالب الكابر زوجا ليكي في السراء والضراء
بدور بلعت ريقها وسكتت ماتكلمتش واتنهدت
المأذون : بدور .. هل تقبلين غالب الكابر زوجا ليكي في السراء والضراء
سجده : ( بصوت واطي ) يلا يابدور
بدور : نعم .. اقبل
كلهم سقفوا
غالب بصلها كده وابتسم
المأذون : غالب الكابر .. هل تقبل بدور انور محمود التهامي زوجه لك في السراء والضراء
غالب :________
المأذون : هل تقبل
غالب : ( بابتسامه وهو باصص لبدور ) لاء ماقبلش
كل المعازيم اللي كانوا قاعدين وماما بدور استغربوا وكله بقي يتكلم والقاعه كلها الصوت بقي عالي اوي فيها
بدور : غالب
غالب : انتي مابتحبنيش يابدور .. انتي عمرك ماحبتيني وده اللي انا شايفه قدامي دلوقت .. انا ما انقذتكيش .. عاصي هو اللي انقذك .. عاصي اتعمي هو بينقذك .. وماحبش انك تبقي معاه وهو في الظروف دي
بدور وقفت مصدومه لثواني وافتكرت لما كان لابس نضاره سودا في البلكونه
غالب : لو كنت شوفت في قلبك ذره حب ليا مكنتش ضيعتك من ايدي
بدور دمعت وبصت لغالب
بدور : غالب انا بحبك بس .. بس
غالب : عارف .. عارف انك بتحبيني بس مش حب حبيبه لحبيبها ..
بدور : ( اتنهدت ) انا كنت حاسه قلبي كان بيقولي ان في حاجه غلط
غالب : مش وقته دلوقتي الحقيه عاصي مسافر ..
ماما بدور : عاصي مين يابدور
بدور : بعدين ياماما بعدين
غالب : تعالي انا هوصلك له
بدور طلعت بسرعه ودخلت الاوضة بتاعت تغيير الملابس غيرت هدومها وراحت لغالب ركبت معاه العربيه
بقت بتشيل المكياچ وهي في العربيه وبتتكلم
بدور : ليه ماقاليش ليه
غالب : اعرفي منه هو كل حاجه هو لسه في الڤيلا هيسافر كمان ساعه
بدور : غالب انا مش عارفه اقولك ايه .. مهما قولت
غالب : بلاش الكلام ده يابدور .. عاصي بيحبك بجد عشان كده كان بيضحي بحبه عشان انتي تبقي سعيده .. اللي بيحب بيضحي وانا حبيتك بجد .. بس مكنتش هبقي سعيد وانتي في قلبك حد غيري
غالب وقف قدام الڤيلا
غالب : الحقيه جوه
بدور نزلت من العربيه وعاصي كان في الڤيلا وماسك ازازه الويسكي وعمال يشرب .. يشرب بشراهة عايز ينسي ان بدور هيلمسها حد غيره .. هتبقي مع غالب طول العمر .. كل ما يتخيل بدور في حضن حد تاني قلبه يتاكل من كتر الوجع
مره واحده سمع صوت بدور
بدور : عاصي فين ياعبد الرحيم
عبد الرحيم : ( باستغراب ) بدور هانم
بدور زقت عبد الرحيم ودخلت
عاصي بسرعه رمي الازازه ومسح دموعه وقام وقف بيدور علي النضاره وعمال يحسس علي المكتب
راحت بدور قربت منه واديتهاله
بدور : بتدور علي دي
عاصي خبي وشه بسرعه عشان ماتشوفش عنيه
بدور : بيقولوا انك اتعميت ومابقيتش تشوف
عاصي : ( بلع ريقه وحاول يتماسك قدامها ) هاتي النضاره يابدور
بدور : انت مش اعمي البصر بس انت اعمي القلب كمان .. قلبك ماحسش بحبي ليك في يوم
عاصي : بدور مابقاش ينفع الكلام ده خلاص
بدور : ومين انت عشان تقرر ان مابقاش ينفع خلاص ايه اللي يخليك تاخد قرار مش قرارك .. طيب حتي كنت تخيرني افضل معاك ولا لاء بعد اللي حصلك .. انا عرفت كل حاجه غالب حكالي عن احسان واللي عملته معاك مافكرتش في يوم تقولي .. كنت هقف جنبك .. كنت هسامحك بس عمرى ما كنت هبعد عنك
عاصي : ( ادا وشه لبدور وبكل ندم ) مكنتش عايزك تشيلي طاقه فوق طاقتك ايه اللي يخليكي تتحملي واحد زيي وانتي لسه صغيره .. ليه تعيشي مع واحد اعمى ما شوفتيش منه يوم حلو
بدور : ( بعياط وقهره ) عشان بحبك .. بحبببببك ياعاصي بحبك ..
بقت تضربه بأيديها علي صدره اللي بيحب .. بيتحمل اللي بيحبه كله علي بعضه بقرفه .. بمشاكله .. بالحلو اللي فيه والوحش اللي جواه .. بحبك .. ( بعياط وبتضرب علي صدره اكتر وهي منهاره ) مش عارفه اعيش من غيرك . افهم بقي افهم ارجوك افهم
عاصي مره واحده مسك ايدين بدور ووقف ايديها من ضربه
واخدها في حضنه ضمها جامد اوي لحضنه قربها منه وشويه وكان هاين عليه يخبيها بين ضلوعه من جوه مره واحده قرب منها
عاصي : بحبك يابدور وماحبيتش قدك في يوم بحبك ومكنتش اعرف ان الحب اللي بجد صعب اوي ومتعب اوي كده .. بحبك .. بحبك اوي
بدور اول مره تسمع الكلمه دي من عاصي زي مايكون قلبها اتروى لما سمعت الكلمه دي منه بصتله وقربلها وشفايفهم اتلاقت وكانت اول مره شفايفهم تتلاقي هي المره دي
---------------------بعد (40 سنة)-------------------------
في مستشفى لدار المسنين والرعاية الصحية
اتنين العمر جري بيهم وبقوا عواجيز
راجل عجوز لابس نضاره بيقرا من كتاب وست عجوزه بتسمعله
الست العجوزة : هااا وبعدين ايه اللي حصل
الراجل العجوز : بس واتجوزوا وعاشوا اسعد حياه ممكن حد يشوفها في يوم
الست العجوزة : قصه غريبة جدا
الراجل العجوز : عندك حق
الست العحوزة : وعاصي فضل اعمى ولا عمل العملية
الراجل العجوز: لما بدور رجعت لمامتها حاكيتلها على عاصي وقالتلها قد ايه هي بتحبه وماما بدور قبل ما تموت وصت انها تتبرع بالقرنية بتاعتها لعاصي اول ماتموت ومن حظ عاصي ان القرنية بتاعتها كانت مطابقة لعاصي
الست العجوزة : سبحان **** يعني هو فتح دلوقتي ياترى الناس دي لسه عايشه ولا ميته
الراجل العجوز : لسه عايشين
الست العجوزه : بس انا صعبان عليا غالب اوي
راح فين وعمل ايه ؟ اتجوز ولا لاء ؟
غالب بقي راجل عجوز اوي جه هو واولاده واحفاده
غالب : ولا حاجه اتجوز وخلف وعاش حياته
الست العجوزه : انت مين
غالب : انا واحد قرا القصة دي قبل كده
الست العجوزة : هو كلكم عارفين القصة دي الا انا .. انا مش عارفه ليه حاسه اني عارفه القصه دي قبل كده زي ما اكون عيشتها
الراجل العجوز : طيب ما تيجي ندخل جوه عشان الجنينه هنا بقت برد اوي
ابن الراجل العجوز ( اخده علي جنب ) : بابا .. ماما عاملة ايه دلوقتي لسه مافتكرتش اي حاجة ولا عرفت انت مين
عاصي: انا بحكيلها قصتنا كل يوم وعلي اخر اليوم بتفتكرني اقل من خمس دقايق وترجع تنساني من جديد
ابن عاصي : ايوه بس يابابا مش هينفع كده انت بتتعب نفسك طول اليوم عشان تفتكرك خمس دقايق
عاصي : ولو قعدت احكيلها قصتنا شهور من غير ما تفتكرني مش هزهق ولا همل كفايه عليا دقيقه تفتكرني فيها
ابن عاصي : انا بحبك اوي يابابا
عاصي حضن ابنه واداله اچنده تانيه
عاصي : امسك دي
ابن عاصي : اي دي يابابا
عاصي : الاچنده التانيه دي فيها كل حرف عيشته انا وامك بعد ما اتجوزنا لحد اللحظه دي .. فيها حياتكم وعيشتوا ازاي والمشاكل اللي قبلتني انا وامك وقصه حب غالب والحلو والوحش كل حاجه لو موت ابقي اقراها من بعدنا
ابن عاصي : ( بعد الشر عليك)
عاصي دخل علي بدور اوضتها
لقي بدور بتبصله جامد اوي وهي مش مصدقه
بدور : القصه اللي كنت بتحكيهالي دي .. دي قصتنا .. قصتنا احنا ياعاصي
عاصي : اخد بدور في حضنه اخيرررررررا
اخيرااا يابدور
بدور : انا . انا .. انا مريضه ياعاصي وانت لسه جنبي
عاصي : وافضل جنبك طول العمر يابدور
بدور حضنت عاصي واخدته في حضنها وبقت تعيط
وناموا هما الاتنين علي السرير سوا
بدور : لو مابقيتش افتكرك خالص ياعاصي هتعمل ايه
عاصي : اليوم اللي مش هتفتكريني فيه مش هنبقي عايشين فيه
بدور : بحبك ياعاصي
عاصي : بحبك يابدور
عاصي وبدور ناموا سوا وغمضوا عنيهم سوا وهما ماسكين ايد بعض ماسابووش بعض لحظه طول الاربعين سنه بدور ورثت مرض باباها الشيخوخه المبكره وصاحبها الزهايمر وعاصي عمره ماسابها في يوم وكرس حياته بس في خدمتها ناموا وهما الاتنين ماصحيووش تاني .. اجسامهم فارقت ارواحهم بس هيتقابلوا من جديد في عالم غير عالمنا ودنيا غير دنيتنا... الممرضة دخلت عليهم لاقيتهم قابلوا وجه كريم... بلغت ابنه بأنهم ماتوا سوا وهما ماسكين ايد بعض دمع واول حاجة عملها دخل مكتب عاصي وفتح الأچنده وابتدا قرايه اللي حصل ❤️
تمت

اضغط لقراءة المزيد...

 

[Âmmâřking]

بداية موفقة استمر يامعلم وماتتاخرش علينا بالجيد

 

[darkangile]

هههههههههههههههههههههههههههههههههههههههههه
اقلعى وش كده على طول
هى هتاخد الحقنه فين

 

[Ali_12]

زعلتني بقالك يوم منزلتش جزء

 

[hkshk]

زعلتني بقالك يوم منزلتش جزء

موجود يا باشا هو اتاخر شوية بس
تحياتي

 

[ki1inG]

تم إضافة الثاني و الثالث

 

[rafefq]

هههههههههههههههههههههههههههههههه مستر عاصى خطيرة الفكرة

 

[Ali_12]

مبدع يا صديقي

 

[ki1inG]

تم إضافة الرابع

 

[Eden 123]

تم اضافة الجزء الخامس

 

[BASM17 اسطورة القصص]

تم أضافة الجزء السادس

 

[Ali_12]

يابنت الصايعه يا احسان

 

[Mahmoud ss]

يا بنت الوسخه يا احسان
حقيقي قصه في منتهى الجمال و الروعه يسطا
ارجوكي اوعي توقف تنزل في القصه دي

 

[rafefq]

احسان احسان الربش

 

[Elpopa]

سلسله لة الأولى
السلسلة الثانية
أهلا بكم في السلسلة الثالثة "الاخيرة"، توقفنا في نهاية السلسلة الثانية عند موت كل من فيروزه وهالة ودفنهما والأن إلى الجزء الأول من السلسلة الثالثة التي ستكون مختلفة تماما عن ما سبق، حيث سيكون السياق بعيدا عن الأكشن ونقترب قليلا من الرومانسية
قراءة ممتعة

-------------------------------------------------------------------------
​

عاصي شال فيروزه ما بين ايديه وغالب وبدور واحسان ماشيين وراه .. واخيرا حطها في القبر بأيديه وبقي يردم عليها التراب وهو مافيش غير مشهد واحد قدام عنيه وهي بتنقذه وبضحي بروحها عشانه شروق الشمس طلع عليهم وهما الأربعة واقفين على القبر
بدور وغالب واقفين من ناحيه واحسان وعاصي من الناحيه اللي قصادهم وابتدي كل واحد يدي ضهره للتاني ويمشي في طريق
بدور مشيت وكانت بتزق في رجلها بالعافية ومكانتش بتتكلم ولا كلمة حرفيا ومصدومه الدم كان نازل من رجليها وماسكه نفسها بالعافية
احسان بعد اللي حصل قدامها زي ما تكون اتولدت من جديد وفضلت ماشية على الشارع لحد ما لاقت تاكسي على الطريق وركبته ومشيت
عاصي ركب عربيته ومشي بأسرع ما عنده وهو سايق وحاطط ايده على دركسيون العربية وبقى بيبص على الدم اللي في أيده كل شوية وبقي يضرب بأيديه على الدركسيون بكل عزمه ومش مصدق ان كل ده حصل.
غالب وبدور طالعه من المصنع نده عليها
غالب : بدور
بدور : ( ماشيه بتزق في رجلها ومكنتش سامعه حد من كتر الصدمة اللي هي فيها واللي شافته )
غالب بقى بيمد علشان يلحق بدور وما بينه وما بينها خطوتين
غالب : بدور ردي عليا ( غالب مسك دراع بدور ووقفها )
غالب : بدور ردي
شدها له وقربها منه وبقى وشها في وشه
بس بدور كانت بصه في الارض ومش رافعه عنيها لغالب
بصوابع ايديه حط ايده علي دقنها ورفعلها وشها خلاها تبصله في عنيه
غالب : هاتروحي فين ليكي مكان تروحي
بدور : ( هزت راسها بمعني ايوه )
غالب : طيب هتمشي ازاي وانتي كده ورجلك اللي بتنزل ددمم دي تعالي... تعالي معايا هوصلك في طريقي للمكان اللي رايحاه اتفقنا
بدور : ( شاورت براسها فوق لتحت بمعني انها موافقه ) بدور ركبت العربيه مع غالب... عبد الرحيم بقى بيسوق وغالب قاعد جنبه وبدور وراه
الصمت كان في العربيه رهيب وغالب كان بيبص لبدور من المرايا وشايف الدموع نازله منها من غير حتي ما تعيط وبيبص تحت لقى الدم علي رجلها نزل اكتر الجرح ما بيقفش
غالب : عبد الرحيم وقف العربيه
عبد الرحيم : في حاجه ياغالب بيه
غالب ( بزعيق ) بقولك وقف العربية
عبد الرحيم داس على الفرامل مره واحده لدرجه ان بدور راسها خبطت في الكرسي اللي قدامه
غالب نزل بسرعه وبقي يفك زراير قميصه وقلع القميص بتاعه وقطعه نصين وبقي يربط رجل بدور
غالب : هاتي رجلك يابدور
بدور : _______________
غالب مد ايده ورفع رجل بدور وبقي يربطلها الجرح
غالب : انا هحاول اوقف الدم اللي بينزل ده لحد ما نروح المستشفى
غالب : اطلع على المستشفى ياعبد الرحيم
عبد الرحيم : تحت امرك ياغالب بيه
عبد الرحيم طلع على المستشفى واول ما وصلوا غالب نزل بسرعه ونزل بدور من العربية
غالب : هتقدري تمشي
بدور : ( هزت راسها فوق لتحت ) ايوه
غالب حط ايد بدور على كتفه عشان يسندها وايده تانية على وسطها ولسه هتمشي
بدور كانت رجلها خلاص جابت اخرها مش عارفه تقف عليها حرفيا راحت وقعت في الارض وغالب لحقها
غالب : خللي بالك
غالب قوم بدور مره تانية
غالب : انتي كويسه
بدور : ( بعياط ) لاء .. لاء ياغالب مش كويسة
غالب وطي ورفع بدور وشالها ما بين ايديه
غالب : ما تقلقيش هتبقي كويسة
بدور : غالب نزلني
غالب : ( راح علي الريسيبشن وبدور ما بين ايديه ) فين الدكتور ..
الممرضة: ياريت تحطها على الترولي واحنا هنقوم باللازم
الممرضات جم بسرعه واخدوا بدور وغالب نزلها بالراحة اوي من على دراعه والدكتور دخل علشان يكشف عليها
-------------------------------( في نفس الوقت )---------------------
احسان روحت البيت في الارياف عند اهلها وهي متبهدله من ددمم فيروزه
احسان اول ما خبطت امها فتحتلها
ام احسان : ( وهي مخضوضه ) احسان ايه اللي عمل فيكي كده 😳😳
احسان : ( اترمت في حضن مامتها وبقت تبكي .. تبكي من غير كلام )
ابو احسان : في ايه يابنتي ما تقلقناش عليكي ودم مين ده اللي على هدومك
احسان : ( وهي بتعيط ) ماتقلقش عليا يابابا ده مش دمي
ابو احسان : اومال ددمم مين ده يابت انطقي
احسان ده ددمم مريضه جت عندنا في المستشفى كانت عامله حادثة بس للاسف مالحقنهاش
ام احسان : ادخلي يابنتي .. ادخلي غيرى هدومك وخوديلك دش وان شاء ** خير و** يرحم اللي ماتت ويحسن إليها
احسان دخلت البيت ومامتها بقت تسندها وهي في حضنها ودخلتها الحمام
ام احسان : ادخلي .. ادخلي يابنتي وهجيبلك غيارك حالا
احسان دخلت وقفلت الباب عليها وقعدت في الارض وبقت تفتكر انها كانت ممكن تموت في اي لحظه وبقت تشوف في خيالها نظرات فيروز لعاصي ووقت ما كانوا
بيدفنوها احسان مهما كانت فهي بني ادمه عندها مشاعر والموقف اللي حصل قدامها صحي ضميرها اللي كان ميت من سنين قلعت هدومها
ونزلت تحت الدش وبقي ددمم احسان نازل من ايديها في الارض وكل ماتشوف الدم وهو نازل كانت بتبكي اكتر واكتر
---------------------( في نفس الوقت )------------------------------
عاصي كان سايق العربيه زي المجنون مش عارف يروح فين او ييجي منين كل حاجة وحشة عاملها كانت بتعدي قدام عنيه كل الشر اللي عمله في حياته
كان بيفتكره وبقي يحاسب نفسه علي كل غلطاته ولو كانت هاله قتلته وبقي مكان فيروزه تحت التراب ياترى الناس هتفتكره بأيه كان زمانه ادفن ومشيوا وسابووه
وكان هيقابل **** بكل الذنوب دي ازاي
عاصي وقف مره واحده بعربيته في المقطم في مكانه اللي بيرتاح فيه وقرر انه يغير حياته بس المره دي لازم يحسبها صح
مره واحده بيبص لقي اذان الفجر بيأذن وبيسمع كلمه **** اكبر ..
حس ان **** بيديله فرصه تانية انه يعيد حساباته في الدنيا ويصلح كل اللي عمله زمان
------------------------( في نفس الوقت )-----------------------
غالب كان قلقان جدا علي بدور
الدكتور طلع من عندها
غالب : طمني يادكتور هي عامله اي
الدكتور : انا وقفتلها النزيف بس العضه اللي اتعضتها مكانتش سهله وباين انه كلب مسعور لازم تاخد حقنه يوميا عشان تكون كويسة
غالب : تمام يادكتور
الدكتور مشي من هنا وغالب لسه هيدخل لبدور بقي يخبط على الباب
غالب : بدور
بدور فتح الباب بيبص
غالب : بدور 😳😳
غالب بقي بيدور على بدور في الاوضة مالقهاش
طلع بسرعه سأل الممرضة
غالب : بدور فين .. بدور راحت فين
الممرضة : بدور مين يافندم
غالب : بدور اللي كانت في اوضه 307
الممرضه : هي مش في اوضتها
غالب : لاء طبعا اومال انا بسألك عليها ازاي .
الممرضة : لحظه واحدة هسأل الريسيبشن تحت
الممرضة رفعت السماعة وكلمت الريسيبشن
الممرضة : الحالة اللي في اوضة 307 مش موجوده في اوضتها
الريسيبشن :_____________
الممرضة : تمام
الممرضة قفلت السماعة وبصت لغالب
الحالة سابت المستشفي من خمس دقايق
غالب : ( بغضب ) انتي بتقولي ايه ؟
الممرضة : اللي سمعته .. لسه سايبه المستشفى حالا
غالب بسرعه جدا راح على الاسانسير عشان يلحق بدور راح لقاه مشغول بقى يدوس على الزراير بتوتر جدا
بس مكانش بيقف راح نزل على السلالم بسرعه جدا وطلع بره المستشفى وبقى يبص شمال ويمين يدور عليىبدور مالقهاش
غالب راح على العربية بسرعة
غالب : عبد الرحيم ماشوفتش بدور
عبد الرحيم : لا ياغالب بيه ما شوفتهاش .
غالب بقى يضرب على الكاوتشات بتاعت العربية برجليه الاتنين من كتر الغضب ولف وراح فتح باب العربية من ناحيه السواق وساق العربية ومشي
----(في نفس الوقت )-----
احسان وهي في الحمام وبتستحمى
احسان بتبص جنبها لاقت امواس باباها بيستخدمها عشان الحلاقه طلعت موس من الامواس دي ومسكته ومدت معصم ايديها وهي اليأس كان متملكها جداااا
ولسه هتحط الموس على معصم ايدها لاقت مامتها بتخبط عليها
ام احسان : ( وهي بتخبط على باب الحمام ) افتحي يا بنتي بقى بقالك كتيير جوه
احسان : ________________
ام احسان فيكي ايه مابترديش عليا ليه ؟
احسان : ______________
ام احسان : احسان انتي كويسه ؟
احسان: _______________
ام احسان : لو ما ردتيش عليا حالا هفتح الباب عليكي
احسان : ( ماسكه المووس وحطاه على معصم ايديها ودموعها نازله منها ) ____________
ام احسان : لااااا انا هفتح الباب بقى وانتي حره
ام احسان بتفتح الباب لاقيتها قافله عليها الباب من جوه
ام احسان : ( بقت بتخبط جامد جدا على الباب ) انا هخلي ابوكي يكسر الباب
ولسه هتمشي لاقت احسان فتحت الباب وهي لابسه البورنس بتاعها وشعرها كله مبلول
احسان : مافيش داعي تكسرى الباب انا فتحت
ام احسان : ( بخضه ) مالك يابنتي طمنيني عليكي حرام عليكي مش كده قلبي واجعني عليكي
احسان دخلت اوضتها ومامتها وراها وقعدت على سريرها
احسان : خوديني في حضنك يا امي خوديني في حضنك وبس ..
ام احسان : تعالي يابنتي .. تعالي في حضن امك
احسان اترمت في حضن امها وهي بتبكي وكان باين جدا ان قلبها كان موجوع جدا من اللي حصل
------------------------------( ( في نفس الوقت ))------------------
عاصي كان في المقطم ومره واحده سمع اذان الفجر
وحس ان **** بيديله فرصه تانيه عشان يكفر عن ذنوبه اللي عملها زمان وركب عربيته وراح الجامع ولسه هيدخل
الشيخ : بتعمل ايه يابني
عاصي : انا .. انا هدخل اصلي
الشيخ : وهو في حد يدخل بيت **** بالجزمه بتاعته
عاصي : انا .. انا
الشيخ : انت اول مره تدخل جامع
عاصي : ( شاور براسه فوق وتحت بمعني. ) ايوه
الشيخ : طيب اقلع جزمتك وادخل اتوضا وهتلاقيني مستنيك هنا
عاصي قلع جزمته ودخل الحمام ووطى على الحنفيه وبقى يشوف الناس اللي حواليه بتتوضى ازاي وبقى بيتوضى زيهم
وابتدى يغسل ايديه من ددمم فيروزه ويمسح على وشه بالمايه زي ما يكون بالوضوء ده بيغسل ذنوبه كلها طلع بره
وسمع الشيخ بيقيم الصلاه ووقف ورا الشيخ وبقى بيصلي معاهم وهو بيركع بقى بيحاول يتكلم مع **** بس مش عارف يقول ايه ولا ايه كان في قلبه كلام كتير عايز يقوله
واخيرا الشيخ خلص الصلاه وعاصي قعد وسند ضهره على عمود من عمدان الجامع والشيخ كان لسه هيطلع من الجامع راح رجع في كلامه ووقف قدام عاصي وبصله
الشيخ : سيبها على **** يابني .. وكله هيتحل توكل على الذي لا يغفل ولا ينام
عاصي : تفتكر الندم ممكن يفيد ياشيخنا
الشيخ : ( بتنهيده قعد وربع قدام عاصي ) الندم اول علامات التوبه انك تندم على اللي كنت بتعمله زمان دي اول خطوه لبدايه التوبه يابني
عاصي : وتفتكر التوبه تنفع للي زيي
الشيخ : التوبه تنفع لكل الناس طول ما احنا عايشين والنفس خارج مننا
عاصي : ( بص في الارض ) انا كلي معاصي ياشيخنا .. انا عاصيت **** كتيييير حتى اسمي له نصيب من المعاصي اللي عملتها
الشيخ : ليه انت اسمك ايه ؟
عاصي : عاصي
الشيخ : (ابتسم .. ابتسامه خفيفه ) اسمك حلو ياعاصي وعشان كده عايزك تعرف ان **** عارف اللي جوه قلبك دلوقتي ايه .. قرب من ربك وكل ذنوبك هتتمحي
ده هو الغفار... الرحمن... الرحيم
الشيخ طبطب علي كتف عاصي وسابه ومشي وهو ماشي
الشيخ : اتمنى اشوفك هنا تاني
عاصي سند راسه على العمود ورجع راسه لورا وغمض عنيه واول ما غمض عينه جه في خياله فيروزه وهي بتتقتل قدامه
دمعه نزلت من عنيه وهو مغمض عيونه من كتر التعب وقتها ماحسش بنفسه وراح في النوم ونام
------------------------------------------
بدور رجعت لبنات الشارع اللي جت منه وأول ما شافوها مابقووش مصدقين
عفاف : معقوله بدور كنتي فين المده دي كلها
سهام : لااااا .. وشك ولا وش القمر يابت
تغريد : وش القمر ايه انتوا مش شايفينها عامله ازاي
مالك يابدور ومال رجلك واي الدم اللي مالي جسمك ده
بدور : ( مدت ايدها لتغريد ) اسنديني ياتغريد عشان مش قادره اقف
تغريد : تعالي .. تعالي اقعدي هنا
بدور قعدت جنب تغريد
سهام : ايه ده انتي رايحه فين.. بقي بعد ما تسبينا الشهور دي كلها راجعالنا وانتي بمنظرك ده انتي مابتفتكرناش غير في القرف بس
بدور : ( ضمت حواجبها ) تقصدي ايه انا مش فاهمه حاجه ؟
سهام : استعبطي يابت استعبطي ابراهيم حكالنا علي كل حاجه وقالنا انك بقيتي مع بيه كبير اوي وكمان معاه عربيه تقوليش مرسيدس الا قوليلي يابت يابدور عرفتيه منين ده
بدور : ( اتنهدت وسكتت )
تغريد : يوووه ما تسبيها في حالها بقي انتي مالك بيها انتي مش شيفاهه عامله ازاي
سهام : طيب اسمعي ياروح امك بقي لو عايزه ترجعي تقعدي معانا في الخرابه هنا من بكره هترجعي تقفي في اشاره المرور احنا هنا مش فاتحنها سبيل ياعنيا
بدور : ماتقلقيش عارفه ده كويس
تغريد : قومي .. قومي معايا يابدور تعالي اتشطفي وغيري هدومك دي ..( بدور قامت مع تغريد وبقت تغريد تسندها )
تغريد: انا لسه جايبه حته فستان من واحدة كانت واحدة بتشحتهم حلو اوي مايغلاش عليكي
تغريد وبدور مشيوا وادوا ضهرهم لعفاف وسهام
سهام : ( وهي حاطه ايدها علي دقنها ورافعه حاجبها ) البت دي وراها حاجه كبيره .. بكره اعرف ايه هي
عفاف : هيكون وراها ايه يعني تلاقي بيه من البهوات بتاعت اشاره المرور اخدها واخد منها اللي هو عايزه ولما زهق منها رماها
سهام : ( غمزت بعنيها ) تؤ.. بدور ماتفرطش في نفسها بسهوله كده .. اكيد حاجه تاني هي اللي خليتها جايه ومتشلفطه ( متبهدله ) كده
تغريد : اقلعي .. اقلعي هدومك يابدور
بدور بقت تقلع هدومها وتغريد بقت تجيب المايه من الجردل وتغسل جسم بدور من الدم اللي عليه وعلي شعرها
ومره واحده بدور ماقدرتش تتحمل اكتر من كده وانهارت من العياط
تغريد : ( سابت الكوز اللي في ايديها بسرعه ) مالك .. مالك ياحبيبتي .. بدور اترمت في حضن تغريد وبقت تعيط وبس
تغريد : طيب اهدي .. اهدي ماتحكيش حاجه .. باين عليكي شايله ومعبيه عيطي .. عيطي يمكن وقتها ترتاحي
----------------------( في نفس الوقت )------------------------------
عاصي كان نايم بيبص لقي المؤذن بيأذن لأذان الضهر قام مخضوض بسرعه وبص حواليه وافتكر انه نام في الجامع
قام بسرعه واخد الچاكيت بتاعه وطلع بره الجامع ورجع الڤيلا
اول ما دخل فتح الباب ورمي المفاتيح علي الكرسي
وكان غالب مستنيه
غالب : عاصي كنت فين كل ده
عاصي : ليه
غالب : هو ايه اللي ليه .. انا كنت قلقان عليك
عاصي : اقلق علي نفسك ماتقلقش عليا
غالب : بعد اللي حصل كان لازم اقلق عليك
عاصي : انا كويس
عاصي جه يطلع علي السلم
غالب : بدور مش لاقيها ..
عاصي : ( بتنهيده ) والمطلوب
غالب : انت بتتكلم جد .. البت دي كانت هتموت نفسها علشانا احنا الاتنين .. عملت حاجات ماكنتش اتوقع انها تعملها
عاصي : فيروزه ماتت علشاني وانا مستحقش ده ..
غالب : بس بدور لسه عايشه .. بدور مش زي اي حد ياعاصي
عاصي حط ايده علي طرابزين السلم وادا ضهره لغالب وبقي بيطلع السلم وهو بيقول
عاصي : ولا فيروزه كانت زي حد
غالب : ( بقي بيعلي صوته وعاصي بيبعد عنه) بس احنا لازم نلاقي العايشه.. الميته ادفنت تحت التراب
عاصي : الميته ادفنت ودفنت روحي معاها
عاصي دخل اوضته ورزع الباب وراه
غالب من عصبيته لقي فاظه قدامه راح رماها بكل ما فيه
غالب : يوووووووووووه
------------------------------
تغريد : مش ناويه تحكيلي بقي ايه اللي حصل معاكي يابدور
بدور : انا مش قادره اتكلم حاسه اني وانا بتكلم روحي هاتروح مني
تغريد : اوعي تكوني حبيتي واللي حبتيه هو اللي عمل فيكي كده
بدور : ( بضحكه سخريه ) وهما اللي زينا ينفع يحبوا
تغريد : ومانحبش ليه هو اللي زينا ماعندهمش قلب ولا ايه
بدور : لاء عندنا .. بس مافيش حد ممكن يحبنا ويبادلنا نفس المشاعر ياتغريد
تغريد : طيب قوليلي بقي حصل معاكي ايه والجرح اللي في رجلك ده من ايه
بدور : هحكيلك ياتغريد هحكيلك علي كل حاجه
بدور حكت كل حاجه لتغريد من لحظه ما شافت احسان لحد اللي حصل لفيروزه
تغريد : ( ضربت علي صدرها بايديها من الخضه والخوف ) يانهار ابيض وماتت 😳😳
بدور : ايوه ودفناها كمان
تغريد : وبعدين ايه اللي حصل
بدور : كل واحد فينا راح لطريق ورجع لحياته وانا كمان رجعت للشارع اللي جيت منه
تغريد : اسمعيني يابدور احنا صحيح مالناش اهل يسالوا علينا وتربيه ملاجئ بس احنا احسن من الناس دي بكتيىر
غالب وعاصي دوول شر ماشي علي رجلين تعالي يابنت الناس نرجع لحياتنا وحاولي تكملي في اللي نفسك فيه وكملي في المدرسه زي ما بتحلمي
انتي فاضلك سنه واحده وتخلصيها واهي المدارس خلاص كلها كام يوم وتفتح بدور ارجعي يابنتي وبصي لنفسك ومستقبلك
بدور : ( بكل يأس ) مستقبل هو اللي زينا ليهم مستقبل
تغريد : ( بكل يأس ) على رأيك انتي عندك حق
سهام : ( بشخيط ) ماتناموا بقي صدعتوا راسنا عندنا بكره الصبح شغل بدرى .. فاكره شغلنا ياست بدور ولا نستيه
بدور : فكراااااه .. مانستهووش
تاني يوم بدور رجعت تاني في اشارات المرور وتنزل تاني الشارع وغالب كان كل يوم بيدور علي بدور ومش عارف يوصلها وعاصي حابس نفسه في اوضته ما بيطلعش
واحسان مش راضيه تروح شغلها ولا تطلع من بيتها الايام عدت علي كل واحد فيهم وكأنها سنين
غالب دايما كان بيحاول يخبط على عاصي علشان يطلعه من اوضته
غالب : افتح بقي ياعاصي فات 10 ايام على اللي حصل ارجوك افتح الباب
عاصي : ماحدش يدخل مش عايز اشوف حد
غالب : محتاج الاقي بدور ومش هلاقيها غير بمساعدتك
عاصي : معرفش عنها حاجة .. معرفلهاش عنوان معرفش
غالب بص في الارض واليأس اتملكه
لحد ما في يوم
------------------------------------------------
عاصي قعد في اوضته كالعاده وهو قاعد بيبص لقي عبد الرحيم بيخبط عليه
عبد الرحيم : عاصي بيه
عاصي : في ايه
عبد الرحيم : في شيخ تحت وبيقول انه عايزك
عاصي استغرب ..
عاصي : شيخ .. شيخ مين .
عاصي نزل تحت لقاه الشيخ اللي قابله في الجامع
عاصي : ( باستغراب ) انت .. انت
الشيخ : انا عارف انت تلاقيك بتقول عرف عنواني منين
عاصي : ايوه فعلا
الشيخ : انا لاقيت المحفظه بتاعتك في الجامع وفيها مبلغ مالي كبير استنيتك تيجي تاخدها بالايام وانت ما جيتش لحد ما قررت انا اللي اجيلك واديهالك بنفسي
وشوفت من البطاقه العنوان بتاعك
عاصي : ( بابتسامه وهو بياخد المحفظه من ايد الشيخ ) ياااااه انا قاعد في اوضتي طول الفتره اللي فاتت دي وما اخدتش بالي اصلا انها ضايعه
الشيخ : للدرجه دي .. دي فيها فيزا كارد وفلوس وبطاقه ازاي ما اخدتش بالك
عاصي : الهم اللي شايله فوق كتافي مخليني حتى ناسي نفسي
الشيخ : وناسي تحلق دقنك كمان
عاصي : ( حط ايده علي دقنه وبص وراه في المرايه ) فعلا دقني طولت
الشيخ : وتفتكر انك تطول دقنك وتحبس نفسك في اوضتك ده هيحللك مشاكلك
عاصي: وتفتكر ايه اللي هيحللي مشاكلي
الشيخ بص حواليه وشاف النعم الكتير اللي **** مديها لعاصي
الشيخ : انت في نعمه محدش يحلم بيها ..قرب من **** .. واتصدق على الغلابه وحقق حلمهم .. اتبرع للمستشفيات .. غير حياه ناس كتير للاحسن
في ناس بتضيع كل يوم خليك انت سبب في حياتهم تبقي احسن .. كتييير بيتمنى يبقى عنده ربع اللي عندك ولما تعمل اللي بقولك عليه
هتلاقي **** شرح قلبك وزال همك وخفف ذنوبك واهم حاجه ماتنساش الصلاه
عاصي وقتها ( سرح ) وافتكر بدور وانه بأيديه يكفر عن ذنوبه فيها
الشيخ : انا ماشي يابني مش عايز مني حاجة
عاصي : على فين
الشيخ : على بيت **** ..
عاصي : استنى هوصلك
الشيخ : زي ما جيت هاروح
عاصي : اسمك ايه
الشيخ : لما تجيني تاني هقولك
الشيخ ساب عاصي ومشي
وعاصي بقي يفكر في بدور زي ما يكون كلام الشيخ فوقه من اللي كان فيه مووت فيروزه كان صعب عليه قعد على المرجيحه اللي في الجنينه وبقى يفكر بالساعات في اللي حصل
غالب جه وقعد جنبه
غالب : اخيرا طلعت من اوضتك
عاصي : احسان
غالب: مش فاهم مالها احسان
عاصي : احسان هي اللي تعرف مكان بدور فين
غالب : بس انا مش معايا عنوان احسان ولا اعرف حتي بتشتغل فين وحاولت اتصل بيها كتييير تليفونها مقفول
عاصي : انا عارف بيتها فين تعالي معايا
غالب : ايه اللي غير رأيك كده
عاصي : هتيجي ولا ارجع في كلامي
غالب: لا لا انا جاي
عاصي ركب العربيه وغالب ركب جنبه وراحوا لاحسان بيتها
ام احسان : ( بتفتح الباب ) عاصي بيه
عاصي : احسان فين ياحجه
ام احسان : جوه ياعاصي بيه من ساعه ما جت من عندك اخر مره وهي حابسه نفسها في اوضتها
عاصي : طيب ممكن ادخلها
ام احسان بصت كده يمين وشمال وهي مش عارفه ترد عليه تقوله ايه
ام احسان : طيب .. طيب بلاش تدخل علشان مافيش راجل في البيت انا هندهالك ماتزعلش مني يابني احنا بلد ارياف
عاصي : حصل خير احنا مستنيها
ام احسان ندهت على احسان
ام احسان : عارفه مين بره يا احسان
احسان :___________
ام احسان : ده عاصي .. عاصي يا احسان بره
احسان : عاصي 😳
احسان طلعت بسرعه
احسان : اهلا .. اهلا اتفضلوا .. ادخل ياعاصي بيه اتفضل ياغالب
عاصي : تعرفي تلبسي وتيجي معانا
غالب : بس بسرعه يا احسان
احسان : ليه هو في حاجه حصلت
عاصي : هحكيلك كل حاجه في الطريق
احسان : عاصي بيه انا ..
عاصي : انا مسامحك يا احسان .. مسامحك علي اي حاجه عملتيها معايا
احسان : ( بفرحه ) انت بتتكلم بجد
عاصي : اكيد ودلوقتي لازم نلاقي بدور انتي اكيد عارفه مكانها
احسان : ( بلهفه ) انا اعرف الاشاره اللي بتقف فيها دايما
غالب : طيب يلا بسرعه مستنيه ايه
احسان دخلت لبست بسرعه وركبت معاهم العربية
احسان : انا متشكره اوي انك سامحتني ياعاصي بيه
واتمني كمان بدور تسامحني على اللي حصل مني ليها
غالب : ادينا هانروحلها وانا متأكد انها هتسامحك
احسان : ايوه الاشاره اللي بتقف فيها بدور اهيه
غالب : ايه اللي اللمه اللي هناك دي
احسان : ايه عربيه البوكس دي
غالب : ( بيشاور بصباعه ) مش دي بدور اللي واخدنها في عربية البوكس اللي هناك دي
احسان : يانهار اسود دي هي
يتبع...















الجزء الثاني

احسان : ايوه الاشاره اللي بتقف فيها بدور اهيه
غالب : ايه اللي اللمه اللي هناك دي
احسان : ايه عربيه البوكس دي
غالب : ( بيشاور بصباعه ) مش دي بدور اللي واخدنها في عربيه البوكس اللي هناك دي
احسان : يانهار اسود دي هي 😳😳
عاصي : خليكم انتوا هنا انا هنزل اشوف واخدنها ليه ؟
عاصي نزل من العربيه ولسه هيقرب منها البوكس اتحرك وبدور كانت راكبه من ورا شافت عاصي وهو جاي عليها
بدور : ( باستغراب ) عاصي 😳
غالب شاف عربيه البوكس بتتحرك ركب مكان عاصي بسرعه وساق العربيه وراح لعاصي ..
عاصي فتح باب العربيه وركب بسرعه جنب غالب
عاصي : خليك ماشي ورا البوكس بسرعه ياغالب
غالب بقي ماشي ورا البوكس عشان يشوفهم رايحين قسم ايه
بدور بقت تحاول تشوفهم وهي في البوكس لاقيتهم ماشيين وراها بالعربيه
تغريد : ايه بتبصي علي ايه ؟
بدور : أيه .. لا لا ابدا ولا حاجة
سهام : اومال مالك مش على بعضك ليه يعني هى اول مره نركب عربيه البوكس ولا خلاص العيشة مع الاكابر نسيتك عيشتنا
بدور: ( بزهق ) ماطلعيني من دماغك بقى
غالب : ( وهو ماشي ورا بدور بالعربية ) ياترى عملت ايه؟
احسان : اكيد تحري أو .. أو
عاصي : او ايه ..
احسان : يعني .. اقصد .. انت عارف اللي حصل في الايام اللي فاتت دي
عاصي : تقصدي انهم عرفوا اللي حصل في المصنع
احسان : ممكن ليه لاء انتوا ناسيين ان هاله كانت حاطه كاميرات في كل حته
غالب : وماقبضووش علينا احنا كمان ليه ؟
عاصي : الكاميرات كلها اتفرغت في وقتها .. والفيديوهات اللي فيها بتثبت برائتنا مش ادانتنا
هو اكيد تحري .. انا متأكد
البوكس وصل القسم ووقف قدامه وبدور نزلت من البوكس وهي بتبص وراها وبتدور عليهم بعنيها
غالب وقف العربية بسرعة ونزل منها هو وعاصي واحسان
عاصي راح لبدور بسرعة
وقف قدام بدور ووشه في وشها
عاصي : ماسكينك في ايه ؟
بدور : وانت مالك ؟
احسان : ( بعتاب ) بدور انتي بتقولي ايه ؟
بدور : بقول وهو ماله هو اصلا ايه اللي جايبه هنا ؟
امين الشرطة : يلا يا اختي انتي وهي خلصونا
بدور : ( بصت لامين الشرطة ) ياريت كلنا نخلص بقى
عاصي نفخ وحط ايده على وشه بزهق
عاصي : اللهم طولك ياروح
غالب : اهدى شوية ياعاصي
غالب : ( بص لأمين الشرطة ) هي ممسوكه في ايه ؟
امين الشرطه : تحري وكل شويه نلم منهم شوية ( بص لبدور وصحابها ) يلا قدامي
عاصي بص لغالب راح غالب شاور براسه كده من فوق لتحت لغالب راح فهم هو عاوز ايه
( غالب اخد أمين الشرطة على جنب )
عاصي بص لبدور ومسكها من دراعها جامد وبقى يشدها وراه واخدها على جنب
عاصي : انتي ازاي تتكلمي معايا بالطريقه دي انتي اتجننتي
بدور زقت ايدين عاصي وبعدت خطوه ورا
بدور : سيب ايدي وماتشدنيش وراك انا مش حماره عشان تشدني وراك كده
عاصي : انا الحق عليا اني جاي انتشلك من القرف اللي انتي فيه
بدور : ومين قالك اني عايزه واحد زيك ينتشلني من القرف ده وبعدين القرف اللي مش عاجبك ده اهون الف مره من انك ترجع تاني بكل سهولة
ويبقى ليك فضل عليا الحاجة اللي تيجي منك انا مش عايزاها
احسان كانت واقفه بعيد وبتسمع اللي بيحصل ما بين عاصي وبدور
عاصي عصبي جدا
عاصي : ( بعصبيه وهو دايس على سنانه ) انتي ازاي واحده زيك تتكلم معايا بالطريقه دي
بدور : اللي زيي مابقيتش عايزه اللي زيك خلاص علشان كده مابقاش يهمني لا غضبك ولا عصبيتك ولا حتى بقيت اخاف منك
عاصي : ( بصوت عالي ) لاااااا انتي زودتيها اوي
عاصي من كتر عصبيته كان عايز يولع في بدور حرفيا
رفع ايده ولسه هيمد ايده عليها
احسان ندهت على غالب
احسان : غاااااااالب
غالب راح بسرعة وقف ما بين عاصي وبدور
غالب : عاصي نزل ايدك انت بتعمل ايه ؟
احسان راحت لبدور
احسان : بدور اهدي شويه مش كده
بدور : انا مش عايزه اشوف الاتنين دوول تاني خالص
غالب : بدور انتي بتقولي ايه
بدور بصت لغالب وسابته ومشيت وراحت لأمين الشرطة
بدور : هو انتوا مش هتحبسونا زي كل مره لحد ما يبانلنا صاحب ولا ايه
أمين الشرطة بص للفلوس اللي في ايده اللي ادهاله غالب
أمين الشرطة : لااااا ما انتي خلاص ماجتيش في البوكس معانا
سهام بصت لبدور والغيظ واكلها
سهام : يابنت المحظوظة
امين الشرطه : يلا يابت انتي وهي قدامي
امين الشرطه اخد بقيت البنات ودخل القسم
تغريد : ( بصت وراها لبدور ) بدور ماتسبنيش
بدور : ( مشيت خطوه قدام وهي بتزق في رجليها من عضه الكلب )
تغريد : ماتقلقيش هطلعك من هنا
بدور بصت لاحسان
بدور : ياريت تضمنيها يا احسان .. تغريد كويسه اوي
غالب : انا هضمنها ماتقلقيش
بدور : لاااااء انا قولت احسان ولو يا احسان مش عايزه تضمنيها خلاص براحتك
احسان : اكيد هضمنها بس عندي شرط
بدور : اي هو
احسان : انا هدخل اضمنها وانتي استنيني في عربيه عاصي لحد ما اضمنها
بدور : لاء مش هركب العربية دي تاني
احسان : خلاص يبقي خللي صاحبتك في الحبس لو عايزه
بدور فكرت شوية
بدور : ماشي بس اول ما تطلع همشي
عاصي : ( بعصبيه ) انا مستني في العربية
عاصي سابهم وراح عربيته
واحساان دخلت هي وغالب علشان يضمنوا تغريد
بدور : ( بقت تبص علي العربيه وعاصي فيها ومحتاره تدخل ولا لاء
( بلعت ريقها وهي بتبص لجرحها اللي في رجليها )
الجرح اللي في رجليها كان حرفيا ملتهب مكانتش مهتمه بجرحها والمفروض انها تغير عليه كل يوم وتاخد حقنه يوميا
وبعد تفكير اخيرا دخلت وركبت العربية وقعدت من ورا وهي بتقفل الباب راحت رزعته جامد
عاصي : بالراحه شويه على الباب
بدور : ( لفت وشها يمين وبصت على الشباك وماردتش على عاصي )
عاصي : مش سواق الهانم انا عشان تقعدي ورا
بدور : __________________
عاصي : ( بقي يحاول يخلي بدور تتكلم بأي طريقه عايز يقولها انا عارف اني غلطت وبحاول اصلح غلطي معاكي عايز يعرفها انه بيحاول يتغير
ولسه هيتكلم قال عكس اللي جواه حرفيا وكمان بطريقه بارده ومستفزه للاسف
عاصي : ( بغضب ) ايه اللي جابك مش قولتي انك مش هتركبي العربيه تاني
عاصي ( ضم حواجبه وبقي يقول في نفسه ) ايه اللي انا قولته ده
ولسه هيتكلم عشان يصلح اللي قاله
بدور : ( ردت بسرعه ) علشان صحبتي جوه وانا وعدت احسان اني هركب العربية علشان تدخل تجيبها
ولو مش عاجبك انا ممكن اخرج منها عادي
عاصي : ( هز كتفه ) لااا عادي خليكي .. ( ومره واحده قال ) بس ماتنطقيش كلمه تاني الا لما تبقي قدها
بدور : ( بعصبيه ) تصدق عندك حق انا مكانش ينفع اركب العربية وخصوصا معاك وان ش**** تغريد ما طلعت اصلا
بدور طلعت من العربية ورزعت الباب وراها
عاصي : ( ضرب بايديه علي جبينه ) انا ايه اللي قولته ده .. ( بيكلم نفسه ) انت مابتعرفش حاجه ياعاصي عن جبران الخاطر ابدا ..
عاصي نزل وراها عشان يصلح اللي قاله
عاصي : بدور .. بدور استني
بدور كانت بتمد برجليها بالعافيه ولان رجليها مجروحه كانت بتتحرك عليها بالعافيه من غير ما تاخد بالها كان في بلاطه متشاله قدامها رجليها اتكعبلت وكانت هتقع
عاصي لحقها و مسكها من دراعها ولفها لي .
قرب بدور من عاصي بيخليها تتوتر و تتنفس بسرعه جدا لدرجه ان جسمها كله بيترعش كان في نظره طويله حلوه اوي ما بينهم وهي باصه في عنيه
لحد ما مره واحده فاقت لنفسها وبقت بصوت واطي وبصت في الارض وهي بتحرك راسها شمال ويمين حاجه بسيطه
بدور : عايز ايه .. عايز مني ايه ياعاصي
عاصي : انا عايز اقولك .. ( بلع ريقه ) عايز اقول ان
بدور : ( رفعت وشها وبصت لعاصي في عنيه مره تانيه ) بدور : انك ايه ؟
عاصي لسه هينطق
احسان وغالب جم ومعاهم تغريد
غالب : مالكم واقفين كده ليه ؟
عاصي ساب بدور .. وبدور اتنهدت ورجعت خطوه لورا وبعدت عن عاصي
تغريد : انا متشكره اوي يابدور
بدور : تعالي .. تعالي علشان اسند عليكي
احسان بصت لجرح بدور
احسان : جرحك متلوث يابدور لازم تغيري عليه يا اما كده هتفضلي عارجه طول عمرك
بدور : ( ضحكه بسخريه ) يلا علشان الناس تتعاطف معايا وانا بشحت في الاشاره
غالب : بدور ايه اللي بتقوليه ده
بدور : بقول اللي بيحصل ياغالب بيه هي مش دي الحقيقه
غالب : ( قرب من بدور ) اسمعيني يابدور انا قررت انا وعاصي انك تبقي واحدة مننا
بدور : ( باستغراب ) وده من ايه ان شاء **** ... وليه ؟
ده انتوا كنتوا لسه من كام يوم بس هتموتوني .. مكانش في قلوبكم شويه رحمه ليا .. محدش فكر فيكم يوقف اللعبه القذره اللي كنتوا بتعملوها
وانا الكللابب بتجرى ورايا وكانت بتنهش في لحمي .. افرضوا مكنتش قدرت عليهم وقتها كنت زماني ميته ياغالب بيه
احسان : بدور استني .. احنا كلنا غلطنا وكلنا بنحاول نصلح اللي عملناه
بدور : أه .. وقولتوا تكفروا عن سيئاتكم في الغلبانه اللي زيي وتشفقوا عليا .. لا شكرا ( بصت لعاصي وأكنها بتوجهلوا الكلام لي )
وفروا شفقتكم لغيري ممكن يصدقوا في يوم ان عندكم رحمه لكن انا .. انا عارفه الوش الحقيقي لكل واحد فيكم كويس اوي
عاصي : يعني هو انتي اللي كنتي ملاك ما انتي كمان دخلتي علينا بالكذب وكنتي متفقه مع احسان علي كل حاجه
بلاش تعيشي دور مش دورك يابدور
بدور : أنا اه اتفقت مع احسان اني ادخلها حياتكم .. بس من لحظه ما دخلت حياتك وعرفتك ياعاصي معملتش حاجه تأذيك بالعكس انا ساعدتك كتير
اذا كان مره من غالب او فيروزه انا حتي حميتك من نفسك وكان عندي استعداد اموت نفسي عشان .. ( بصت لغالب )
عشان تعيشوا بس انتوا مكانش عندكم رحمه بيا في يوم
عاصي اتنهد وداس علي سنانه من الغيظ
بدور : ( مدت ايدها لتغريد عشان تسندها ) يلا ياتغريد
بدور لسه بتديهم ضهرها
القماشه اللي محطوطه علي جرحها اتفكت وبقت تنزل ددمم
احسان : ( راحت لبدور ) استني علشان خاطرى هغيرلك علي الجرح وبعدها امشي علي طول
بدور : ( باستهزاء ) من امتي الحنيه دي يادكتوره احسان .. سبحان **** هو كان لازم حد فينا يموت علشان تبقي بني ادمه
احسان : مالووش لازمه الكلام ده دلوقتي يابدور
بدور : عندك حق انا مابقاش حاجه ليها لازمه خلاص .. انا ماشيه
بدور سندت علي تغريد ومشيت وادتهم ضهرها وبعدت عنهم خطوات قدام
عاصي بص علي رجليها لقي الدم بينزل منها والجرح ملتهب جدا
داس علي سنانه وبكل عصبيه مشي وراها
غالب : عاصي هتعمل ايه ياعاصي ع
عاصي ماردش علي غالب وراح لبدور من غير ولا كلمه راح شالها ورفعها ما بين ايديه
بدور : ( وعاصي شايلها ) عاصي انت اتجننت انت بتعمل ايه
نزلني .. بقولك نزلني احسن و**** العظيم اصوت واللم عليك الناس
غالب : ( ابتسم وهو شايف عاصي شايل بدور )
عاصي حط بدور في العربيه في الكرسي اللي قدام
بدور بقت عايزه تنزل من العربيه راح عاصي دخل جسمه وبقي بيحطلها حزام الامان بدور بقت تضربه بأيديها في صدره
بدور : ( بغضب ) نزلني حالا بقولك ..
عاصي بقي بيقفل حزام الامان لبدور
بدور : ( بكل عند ) انت يعني فاكر اني مش هعرف افكه
عاصي راح برء بعنيه لبدور ومبقاش يتكلم وهو وشه في وشها ومبقاش يتكلم
بدور اول ما شافته كده خافت منه وجابت ورا
بدور : طيب .. طيب خلاص خلاص مش هفكه 🥺
عاصي لف الناحيه التانيه وركب العربيه مكان السواق
وغالب وتغريد واحسان ركبوا ورا
تغريد : احنا رايحين فين
عاصي بصلها في المرايه وكان علي اخره حرفيا
بدور شاورتلها علي شفايفها بأنها تسكت خالص وبقت فاهمه ان كده خلاص عاصي جاب الاخر ولو اتكلمت كلمه تانيه ممكن يموتها فيها
عاصي مره واحدة فرمل ووقف قدام المستشفى اللي بتشتغل فيها احسان ونزل شال بدور ونزلوا كلهم
احسان : عاصي وديها الطوارئ انا جيالها حالا
بدور قعدت علي السرير واحسان كانت بتجيب الادوات الطبية بتاعتها وهي بتشيلها الشاش اللي عليها لانه بقاله مده فكان متبهدل حرفيا وكان لازق في الجرح
بدور : أه .. أه مش قادره
بدور كانت بتتوجع من الألم
غالب قام ومسك ايدها وبدور سندت راسها على صدره
عاصي شافهم كده اتنهد وطلع بره الاوضه طلع سيجارته وولعها وبقي ينفخ فيها
بيبص لقى تغريد واقفه مستنياهم بره
تغريد : تعرف انك بالظبط زي ما بدور وصفتك ليا
عاصي نفخ الدخان بتاع سيجارته في وش تغريد وقعد علي كرسي جنب تغريد
عاصي : ( بلع ريقه وضم حواجبه وبقي عاوز يعرف بدور قالت ايه عنه بس غروره ماخلهووش يسأل السؤال ده )
عاصي : ( بكل برود ) بجد
تغريد : اه بجد
عاصي بص قدامه
تغريد : مش عايز حتي تعرف هي قالت عنك ايه
عاصي : مايهمنيش اعرف ..
تغريد ابتسمت وبصيتله اكتر وبقت تترجاه
تغريد : خللي بالك علي بدور يابيه .. بدور مش زينا مكانش ليها عيشتنا دي كان ليها اب وام زمان وكانت بنت ناس اوي بس الزمن جه عليها بزياده ..
ماتخلهاش ترجع الشارع تاني مهما حصل انا همشي بقي وهسيبها معاك أمانه
عاصي : رايحه فين
تغريد : ( قامت وقفت ) رايحه للمكان اللي ماليش غيره واتولدت فيه
انا عارفه وواثقه انك مش هترجعها تاني للشارع عشان كده بوصيك عليها
عاصي : ايوه بس لو بدور سألت عنك
تغريد : هي عارفه اني مش هفضل معاها .. وهي ماينفعش تاخدني معاها
سلام ياعاصي بيه
عاصي كان لسه قاعد علي الكرسي ومره واحده سمع صوت بدور وهي بتتوجع من الالم
بدور : كانت ماسكه ايد غالب ومغمضه عنيها
أه .. أه بالراحه ونبي يا احسان بالراحه مش قادره
احسان : معلش يابدور الشاش للاسف ماسك في الجرح جامد وانا بحاول اطلعه من رجلك هحطلك بنج موضعي عشان ماتحسيش بي
عاصي قرب من بدور
عاصي بص لايد غالب اللي حاضنه ايد بدور
عاصي : ( بعصبيه ) غالب انا عايزك بره
غالب : طيب انا جاي
غالب طلع بره
غالب : في ايه ياعاصي
عاصي مبقاش لاقي حاجه يقولها لغالب
عاصي : ممممم لا ابدا انا .. انا بس كنت ..كنت .
غالب : كنت ايه ياعاصي في ايه
عاصي افتكر حوار تغريد
عاصي : اه .. اصل البنت اللي اسمها تغريد دي مشيت وماردتش تفضل معانا
غالب : طيب وبعدين اكيد بدور هتضايق انك سيبتها تمشي
عاصي : تضايق بقي ولا ما تضايقش مش مهم
غالب : متشكر ياعاصي
عاصي : علي ايه
غالب : علي انك عرفت تجيب بدور المستشفي انا بصراحه معملش الحركه دي
عاصي : حركه ايه
غالب : يعني اني اشيلها غصب عنها واجيبها عشان تتعالج
عاصي: ( كان واقف قدام الباب وراح بص عليها وابتسم ) سيبك منها دي هبله وماتعرفش مصلحتها فين
احسان : بس ياستي كده خلصنا خلاص والحقنه لازم تاخديها في ميعادها يابدور ماتنسيش
عاصي : خلاص خلصتي
احسان : اه كده تمام اوي بس اهم حاجه تخليها تاخد الادويه اللي هكتبلك عليها ياعاصي
احسان مدت ايدها بتدي الروشته لعاصي
راح غالب مسك الروشته منها وقطعها
احسان : قطعت الروشته ليه ؟
غالب : علشان انتي هتبقي معاها وهتابعيها لحد ما تبقي كويسه
بدور : أيوه بس انا مش هاروح ( ولسه هتكمل )
عاصي : ما تخرسي بقي شويه
اسمعي يابنت الناس انا حاسس بالذنب باللي عملته معاكي برضاكي غصب عنك هتتعالجي من رجلك انا وغالب السبب في اللي حصلك علشان كده هنعالجك
وهنصبر عليكي وبعد ما تتعالجي انتي حره ليكي مطلق الحريه انك ترجعي مطرح ما جيتي
عاصي كان بيبص لبدور بنظره غضب .. وبدور كمان كانت بصاله وبالرغم من انها كانت خلاص الدموع بتلمع في عنيها من عصبيه عاصي عليها كل شوية
الا انها اتمالكت نفسها ومعيطتش
غالب شاف كده
غالب : طيب ..انا .. انا رايح اجيب الكرسي العجل
غالب جاب الكرسي العجل وقعد بدور عليه
وعاصي طلع علشان يجيب العربية
احسان مشيت وراحت لعاصي ووقفته
احسان : عاصي لو مش حابب اني اروح معاكم انا ممكن
عاصي : ( قطعها في الكلام ) انا لو مكنتش عايزك تيجي معانا مكنتش هسمحلك تيجي يااحسان
احسان : متأكد
عاصي : اكيد
احسان : طيب انا هجيب حاجتي وهاجي وراكم
غالب وهو ماشي ببدور وبيزق الكرسي العجل
غالب : ماتزعليش من عاصي يابدور .. عاصي بيحاول يتغير بس اديله فرصة
------------------------------------------------
واخيرا رجعوا الڤيلا
احسان بتقعد بدور على السرير
احسان : ارتاحي يابدور ..
بدور : انتي بجد هتبقي كويسه معايا كده علي طول يا احسان
احسان : اكيد .. وبجد نفسي تسامحيني علي اي حاجه حصلت مني وتفتحي قلبك للدنيا من اول وجديد ممكن يابدور
بدور : ياريت اصدق ان اللي بيحصل معايا ده بجد
احسان : ( قامت وبتقفل الستاير بتاعت الاوضه ) مش غريبه انك ما تسأليش عن تغريد صحبتك
بدور : (هزت راسها شمال ويمين ) لاء مش غريبه انا كنت عارفه ومتأكده انها مش هتيجي معايا .. وهي كمان عارفه اني عارفه كده
احسان : طيب ليه ده المفروض تكون فرحانه انها هتعيش في مكان احسن
بدور : تغريد دي حكايتها حكايه هبقي احكيهالك بعدين
احسان : طيب نامي دلوقتي والصباح رباح اتفقنا
احسان نامت جنب بدور وبدور بقت طول الليل تتقلب شمال ويمين مش عارفه تنام حرفيا اخر ما زهقت بقت تتسند علي الحيطه ونزلت تحت في الجنينه عشان تشم شويه هوا
وقعدت علي المرجيحة وهي بتبص على السما وكانت سرحانه جدا بتبص لاقت اللي جه من وراها وخضها
بدور من الخضه صوتت
بدور : ااااااااه
غالب : ايه .. بالراحه يابنتي ايه الصويت ده كله
بدور خدت نفس وحطت ايدها علي صدرها من الخضة
بدور : غالب خضتني
غالب : انتي اللي كنتي سرحانة بزياده ..كنتي سرحانة في ايه ( غالب قعد جنب بدور )
بدور: ولا حاجة
غالب : وليه مانمتيش لحد دلوقتي
بدور : مجاليش نوم قولت اجي اقعد في الهوا شويه
غالب : انا حاسس انك مش مرتاحه وانتي هنا يابدور بس انا عايز اقولك حاجة
غالب : عاصي كان عنده حق يابدور في اللي قاله .. احنا غلطنا معاكي .. وافتكر اني بقيت ادور عليكي الايام اللي فاتت دي علشان فعلا حاسس بالذنب ناحيتك
خلينا نعالجك وتبقي احسن من الاول ممكن وقتها ارتاح.
انا من ساعة اللي حصل في المصنع وانا مش بنام يا بدور ولو لسه حاسه انك بعد ما تبقي كويسه انك عايزه تبعدي اكيد محدش هيغصبك علي حاجة ..
انا عايزك ترتاحي مش اكتر وعلي فكره في مفاجئة انا ناوي اعملها معاكي لو قررتي تقعدي معانا هنا علي طول
بدور : ايه هي المفاجئة دي
غالب : وتفتكرى هتبقي مفاجئة لو قولتهالك
بدور وغالب فضلوا يتكلموا سوا طول الليل وعاصي كان في اوضته وبقي يسمع صوت ضحك بدور
طلع من بلكونته لقاها قاعده هي وغالب على المرجيحه وبدور كانت مبسوطة اوي مع غالب وضحكتها كانت من قلبها بجد عاصي بص كده ومره واحده حس انه
مضايق بقي يبص عليهم من البلكونة وبقي ينفخ في سيجارته وهو مخنوق جاب الكاس وبقي يشرب كاس ورا التاني لحد ما من كتر ما بيضغط بأيده علي الكاس ..
الكاس اتكسر في ايده ووقع منه عمل صوت بدور وغالب بصوا وراهم وشافوه
بدور : عاصي 🥺😳
عاصي اخد نفس ودخل جوه في اوضته
غالب : ( قام وقف وبص لبدور ) خليكي انتي هنا يابدور انا هطلع اشوف في ايه؟
بدور : استناني هطلع معاك
غالب : لااا خليكي انتي علي بال ما تقومي وتطلعي فيها ساعه
غالب طلع لعاصي وبقي يخبط علي باب أوضته
غالب : عاصي .. عاصي انت كويس
عاصي : ___________
غالب : عاصي افتح الباب
عاصي فتح الباب بأيديه المتعوره وبتنزل ددمم وبقت اوكرة الباب عليها دمه
غالب : عاصي ايه اللي اتكسر ده .. ( بص لأيده ) ايدك .. ايدك ياعاصي خللي بالك
غالب بسرعه راح ناحيه الكومود وفتح الدرج وبقي يجيب شاش وقطن عشان يضمد جرح عاصي
غالب : هات ايدك ياعاصي ( ولسه هيمسك ايد عاصي )
عاصي : سيب ايدي
غالب: اسيب ايدك يعني ايه .. ايدك كلها ددمم
عاصي : ( كان شارب وزق غالب لورا ) قولتلك سيب ايدي انت ايه مابتفهمش
بدور وقتها سمعت زعيق عاصي من تحت استغربت وقامت وقفت وبقت بتبص علي البلكونه بتاعتهم من تحت
غالب : ( بصوت عالي ) عاصي انت بتزقني هو في ايه ؟
بدور سمعت صوت غالب هو كمان بيزعق
راحت بقت تتسند برجليها وبقت تطلع علي السلالم واحده واحده وطلعت اوضه عاصي
ولاقت الباب مفتوح ( موارب كده ) وقفت ورا الباب وبقت تسمع عاصي وغالب بيقولوا ايه
عاصي : ( بزعيق ونرفزه ) بقي مش عارف في ايه ؟
غالب : ما تتكلم ياعاصي هي فزوره ما تنطق
عاصي : ( بكل غيظ ) قاعد تحت وعمال تضحك مع السنيوره وصوتك جايب لحد هنا عندي
غالب : ( استغرب ) : طيب وايه المشكله انت ايه اللي مضايقك اني قاعد انا وبدور وبضحك يعني
عاصي : ( بلع ريقه واتوتر وراح جاب كاس تاني وبقي يملاه من الازازه رفع الكاس وشربه علي بوق واحد )
عاصي : انت .. انت ناسي ان فيروزه لسه ميته .. و.. و..
غالب : وايه ياعاصي ماتنطق
عاصي : وماينفعش .. ماينفعش ابدا اللي انتوا بتعملوه ده
غالب : عاصي انت مش لاقي حاجه تقولها ولا ايه ..
عاصي : ( بكل غيظ ) من الاخر كده انا مش عايزك تقرب من البت دي مره تانيه دي بنت شوارع وانت ابن ناس يعني هي من طبقه وانت من طبقه تانيه خالص
وبعدين البت دي قاعده هنا لسبب معين وانت عارفه كويس فبلاش الضحك والمرقعه دي طول الليل انت فاهم ولا لاء
غالب : ( بلوم وعتاب ) هو ده تفكيرك انت لسه ماتغيرتش ياعاصي حتي بعد مووت فيروزه
بدور كانت بتسمع كلام عاصي ودموعها نازله منها بس حطت ايدها على بوقها عشان ماتعملش صوت ويسمعوها وبالأيد التانيه مسحت دموعها
عاصي : اتغيرت بقي ولا ماتغيرتش دي حاجه بتاعتي انا عمك واكبر منك واللي اقولك عليه تعمله انت فاهم .
غالب : انا هعمل اللي انا عايزه وشايفه صح لحد ما في يوم تتغير من جواك بجد انا حاسس ان اليوم ده هييجي .. وهييجي قريب اوي كمان
عاصي وقتها مسك الازازه وحطها على بوقه حرفيا وكان شارب قبلها وسكران طينه
غالب جه يطلع عاصي رمى الازازه وراه
غالب رزع الباب وراه
بدور بسرعه جت تتحرك عشان غالب مايشوفهاش بس من جرحها كانت بتمشي بتعرج فغالب شافها علي طول
غالب : بدور .. انتي هنا من امتى
بدور : ( بلعت ريقها وبقت متوتره ) انا .. انا.. ماقصدش اني اتجسس عليكم و**** بس
( مره واحده بدور وغالب سمعوا صوت حاجه بتتهبد جوه )
بدور : اي الهبد ده
غالب خاف علي عاصي وفتح الباب مره تانيه بسرعه لقى عاصي واقع من كتر الشرب على الارض وايده مليانه ددمم من جرح الكاس
بدور دخلت
غالب حاول يقوم عاصي من مكانه ويرفعه على دراعه بس عاصي تقيل جدا
بدور : في ايه ماله
غالب : مش عارف بس باين انه شارب كتير ومزودها اوي
ارفعي معايا يابدور
بدور راحت من الناحيه التانيه لعاصي وبقت ترفعه مع غالب من دراعه ورفعوه هما الاتنين سوا وحطوه علي السرير
بدور بصت على ايد عاصي لاقيتها كلها ددمم
بدور : هو ايه ده .. مال ايده
غالب : انا هجيب قطنه وشاش وانضفهاله دلوقتي
غالب جاب القطن والشاش وبدور قعدت علي طرف السرير جنب عاصي ومدت ايدها عشان تاخد القطن والشاش من غالب
بدور : هات ياغالب انا هنضفهاله
غالب اداها الحاجه وبدور مسكت ايد عاصي وطلعتله الازازاه اللي كانت في ايديه بالراحه جدا
وبصت لغالب
بدور : ممكن شويه مايه
غالب : اه طبعا
غالب جاب ازازه مايه ووقف قدام بدور
وقعد نص قاعده قدامها وبقي ماسك شفشأ المايه وبدور بقت تحط القطنه في المايه وتمسح ايد عاصي من الدم
غالب : وهو باصص لبدور ابتسم
غالب : انتي ازاي كده
بدور : رمت القطنه في الزباله واخدت قطنه تانيه
بدور : ( بعدم فهم ) ازاي ايه ؟
غالب : ازاي قاعده وبتنصفيله جرحه رغم انك سمعتي اللي قاله عنك
بدور : ( ابتسمت ) وحطت ايد عاصي على رجلها وشاورت علي المرهم اللي علي الكومود
بدور : ( حاولت تتجاهل كلام عاصي وماتردش ) ممكن المرهم اللي جنبك ده
غالب جابلها المرهم .. وهو بيديها المرهم
غالب : ماجاوبتنيش يعني
بدور : ( بتنهيده وهي بتمد ايدها بتاخد المرهم ) علشان اللي زيي اتعودوا يسمعوا اوحش من كده بكتييييير ياغالب بيه ومافيش قدامهم غير انهم يسكتوا وبس ..
تفتكر انا كان ينفع اتكلم وارد عليه ..
غالب : اكيد طبعا ينفع مش غلط فيكي
بدور : ( ضحكه ضحكه سخريه وحطت المرهم علي جرح عاصي ) المشكله انه مغلطش .. المشكله انه قال الحقيقه
انا فعلا بنت شوارع .. ايه الغلط اللي قاله كل كلمه قالها عني صح وده اللي ماقدرش اتكلم فيه كلمه واحده
غالب بدور صعبت عليه جدا
غالب : ايوه بس
بدور : من غير بس .. ( بكل يأس ) من غير بس ياغالب بيه
بدور : ( نزلت ايد عاصي من علي رجلها ) انا كده خلصت
بدور قامت وقفت
بدور : تصبح علي خير ياغالب بيه
ادت ضهرها لغالب ولسه هتمشي
غالب : انا هقدملك في المدرسه يابدور
بدور : ( بصت تاني لغالب ) انت بتقول ايه
غالب : اللي سمعتيه .. هقدملك في المدرسه اللي وعدتك بيها ومش أي مدرسه هوديكي مدرسه خاصه بيتعلم فيها انضف ناس في المجتمع كله
بدور : هههههه بطل هزار ممكن ( ادته ضهرها ومشيت )
غالب : انا مابهزرش انا بتكلم جد
بدور : كلامك الجد ده في حد ذاته هزار قال انا اتعلم في مدرسه خاصه في وسط ناس نضيفه ده في حد ذاته هزار
بدور قفلت الباب ومشيت ودخلت اوضتها لاقت احسان نايمه وقتها
بدور : احسان .. احسان ادخلي شويه
احسان : ( صحيت وفتحت عنيها بالعافيه ) انتي لسه صاحيه يابدور
بدور : انا هنام اهوه
غالب وقتها كان لسه في اوضه عاصي
وطي وبص لعاصي وهو نايم وبقي يكلمه
غالب : انا مش هسمحلك تأذي البت دي تاني ياعاصي
-----------------------( تاني يوم الصبح )--------------------------
احسان فاقت وفتحت الستاير بتاعت الاوضه ونور الشمس ملى الاوضه
بدور : (وهي حاطه ايديها علي وشها من الشمس ) اي ده اقفلي الستاير يا احسان لسه بدرى
احسان : قومي ياكسلانه .. بقيت الساعه عشره
بدور : هقوم اعمل ايه بس دلوقتي
احسان : غالب صاحي من بدرى وفي المطبخ بيعمل الفطار يلا قومي عشان نساعده
بدور حطت المخده علي وشها مره تانيه
احسان : لو ماقومتيش هقول لعاصي انك مش راضيه تقومي
بدور سمعت كلمه عاصي من هنا قامت بسرعه جدا ووقفت ومن خوفها نسيت وجع رجليها
واول ماوقفت
بدور : أه رجلي
احسان : ( بقت تضحك ) للدرجه دي بتخافي منه
بدور : يعنب انتي اللي مابتخافيش
احسان : مابقيتش اخاف يابدور .. مابقيتش اخاف غير من اللي خلقني وبس
بدور : اتغيرتي يا احسان
احسان : اتمني اني اكون اتغيرت فعلا
احسان : ويلا بقي بسرعه عشان نساعد الغلبان اللي في المطبخ ده عشان اديكي الحقنه وتاخدي الدوا واروح علي شغلي
بدور واحسان نزلوا تحت
بدور : ايه ريحه الشياط دي
غالب كان لابس مريله المطبخ وحاطط علي راسه الطقيه بتاعت الشيف
غالب : لااااا شياط ايه .. انتي لسه شوفتي حاجه ده انا هعملكم عجه تاكلوا صوابعكم وراها
احسان : لا لا بجد انا شامه ريحه شياط
احسان بسرعه شالت الغطا والطاسه كلها بقت تطلع دخان
غالب بسرعه مسك الطاسه وشالها من علي النار وحطها تحت الحنفيه
بدور واحسان بصولوا كده وهما متنحين
غالب : انا حاولت
احسان : طالما مابتعرفش تعمل اكل دخلت المطبخ ليه
اقعد بقى واتعلم
غالب : تحت امرك ياباشا
عاصي صحي من النوم وهو شامم ريحه الدخان
عاصي : اي الريحه دي
احسان : ده غالب كان هيولع فينا مش اكتر
عاصي : حصل ايه
بدور : محصلش عشر دقايق ويكون الفطار جاهز
عاصي : لاء انا مش هفطر
طلع سيجاره من جيبه وولعها وهو مكشر .. ودخل المطبخ وبقي يدور علي الكنكه علشان يعمل فيها قهوه
غالب محمود اتصل بيه من المكتب
غالب : الووو
محمود : ___________
غالب : طيب .. طيب انا جاي حالا
غالب : انا لازم امشي
عاصي : في حاجه
غالب : حاجه بسيطه .. ماتشغلش بالك
عاصي : طيب هشرب القهوه واجي وراك
احسان بصت في ساعتها
احسان : انا اتأخرت اوي علي المستشفي غالب ينفع تاخدني في سكتك تطلعني علي الشارع
غالب : اه طبعا تعالي
احسان مشيت هي وغالب وبقت بدور واقفه في المطبخ وبقت واقفه متوتره وكل شويه تبص لعاصي
عاصي كان واقف بيعمل القهوه بتاعته
وحطها في الفنجان
ولسه بيلف علشان يخرج من المطبخ بدور كانت في وشه راحت القهوه اتكبت في الارض
بدور : انا .. انا اسفه و**** ماكانش قصدي
دقيقه واحده هعملك غيرها
عاصي : لاء مش عايز ..
بدور : ( بتوتر وهي بتلم القهوه اللي وقعت علي الارض ) اديني دقيقه واحده مش اكتر ده انا هعملها في ثو ( ولسه بتكمل كلامها )
عاصي : ( ضرب ايدها لفوق وهي ماسكه الكوبايه راحت الكوبايه وقعت منها اتكسرت وقلها بصوت عالي وهو غضبان )
عاصي : قولتلك مش عايز انتي ايه مابتفهميش
بدور : ( اتخضت جدا وخافت ورجعت خطوه لورا وهي قعدت في الارض ودموعها نزلت منها )
عاصي : ( بيبص لقي الازاز بتاع الكوبايه اللي كانت في ايد بدور في الارض وبدور سانده علي الازاز )
عاصي : ( بص كده اتنفس واتنهد ) قومي يابدور ..
بدور كانت باصه في الارض وبتعيط
عاصي : قومي يابدور هتتجرحي من الازاز
بدور : بدور جسمها كله كان بيترعش وبصه في الارض ونفسها طالع نازل
عاصي وطي وبقي قاعد قدامها نص قاعده .
رفع ايده وكان عايز يطبطب عليها ويلمس شعرها وخلاص كان لسه هيلمسها حاجه منعته من انه يقربلها
داس علي شفايفه واتنهد ومسكها من دراعها وقومها بالعافيه
عاصي : انا مش بقول قومي
بدور قامت من علي الارض وعاصي طلعها بره وقعدها علي كرسي السفره
وجابلها كوبايه مايه
عاصي : ( وهو مادد ايده ) اشربي
بدور : مش .. مش عايزه
عاصي : بقولك اشربي
بدور اتفزعت ومدت ايدها واخدت منه كوبايه المايه
عاصي : انا .. انا مش .. مش عارف انا قايم عصبي النهارده مالها مكانش قصدي اصرخ فيكي كده
بدور : _____________
عاصي : قعد علي ركبه قدام بدور وبدور بصه في الارض وشعرها كله جاي على وشها راح عاصي مد ايده .. ورفع شعرها على ورا ورفع وشها بأيديه
بدور انا عصبي شويه ممكن تحمليني
بدور : بصيتله وعنيها جت في عنيه وهزت راسها هزه خفيفه من فوق لتحت بمعني أه هتحملك
_____________________________________
احسان نزلت من عربيه غالب
احسان : متشكره اوي ياغالب
غالب : علي ايه لو عايزاني اجي اخدك اتصلي بيا
احسان : تمام اتفقنا
غالب مشي بالعربيه واحسان افتكرت
ضربت بأيديها علي جبينها
احسان : أأأخ .. نسيت ادي الحقنه لبدور المفروض معاد الحقنه دلوقتي
احسان اتصلت بعاصي
عاصي كان لسه قاعد مع بدور
عاصي : الووو ايوه يااحسان
احسان : _____________
عاصي : اه بعرف ادي حقن بس ليه
احسان : ( بص لبدور وقام وقف واداها ضهره ) حقنه ايه يا احسان اللي اديهالها انتي اتجننتي
احسان : __________________
عاصي : اغيرلها علي الجرح ماشي .. تاخد دواها بس مش لدرجه اني اديها حقنه يا احسان
احسان : __________________
عاصي : لايمكن طبعا قال اديها حقنه قال
احسان :____________________
عاصي : ( بص للفون ) انتي بتقفلي السكه في وشي انا يا احسان
عاصي لف ضهره وبص لبدور
بدور : ( قامت من علي الكرسي وهي بترجع خطوه لورا ) هو اللي انا سمعته ده صح
عاصي : ( شاور براسه وهو بيبتسم ) اقلعي 😈😈
بدور : ----------------------------
يتبع...
















الجزء الثالث

عاصي لف ضهره وبص لبدور
بدور : ( قامت من علي الكرسي وهي بترجع خطوه لورا ) هو اللي انا سمعته ده صح
عاصي : ( شاور براسه وهو بيبتسم ) اقلعي 😈😈
بدور وقفت وبقت تدوس علي رجلها اكتر وترجع خطوات لورا وهي بتبصله
بدور : عاصي ..عاصي انت بتبصلي كده ليه
عاصي كان كاتم الضحكه جواه بالعافيه
بدور : عاصي انت اكيد ما بتتكلمش جد .. صح ياعاصي قول انت اكيد بتهزر
عاصي بقي يبص علي بدور وكان نفسه يضحك علي شكلها بس كان بيكتم ضحكته وبصلها بصه خبيثه
عاصي : ( رفع حاجبه ) وانا من امتي بهزر يابدور
بدور : لاااا ما انا اكيد مش هخليك تديني حقنه اكيد احسان اتجننت عاصي لف وشه وجاب العلاج بتاعها وبقي يحط العلاج في السرنجه
عاصي بصلها وهو رافع السرنجه في ايده
عاصي : ( بصوت عالي ) انتي لسه ماقلعتيش
بدور : لاااااا ما انا لا يمكن اخليك تديني الحقنه
بدور بسرعه طلعت اوضتها وقفلت عليها الباب بالمفتاح
عاصي بقي يخبط علي الباب ..
عاصي : افتحي الباب يابدور .. ( وهو بيخبط قلها بخبث ) بقووووولك افتحي
بدور : __________
عاصي : بدور افتحي الباب يا اما هكسره ..
بدور : لاء مش هفتح
عاصي : يوووه انا مش فاضي للدلع بتاعك ده .. انتي هتاخدي الحقنه ولا لاء
بدور : قولت لاء مش هاخدها .
عاصي : ( عاصي كان حابب جدا نظره العصيان اللي في عيون بدور وخوفها من انه يديها الحقنه وهو ورا الباب ) ما هو انتي هتاخديها يعني هتاخديها انتي فاهمه ولا لاء
قدامك دقيقه واحده لو مافتحتيش هكسر الباب
بدور بلعت ريقها وبقت واقفه وبصه علي الباب ومستنيه تشوف عاصي هيعمل ايه
عاصي : الدقيقه عدت انتي اللي جنيتي علي نفسك
عاصي برجله ضرب الباب مره واحده راح الباب اتفتح بيبص مالقاش بدور في الاوضه
ابتسم اكتر بصوت وهز راسه شمال ويمين وهو مبتسم من خوف بدور انها تاخد الحقنه منه
صوت بدور ونفسها طالع نازل منها من الخوف من عاصي عشان مايدهاش الحقنه كان مسموع اوي عاصي بص شمال عرف انها جوه الدولاب مره واحده الدولاب
اتفتح بدور غمضت عنيها جاامد اوي ولاقيت اللي مسك ايدها وطلعها من الدولاب
احسان : ( باستغراب ) انتي بتعملي ايه هنا يابدور 😳😳
بدور : احسان 😳😳
-------------------------------( في نفس الوقت )----------------------
غالب راح الشركه دخل مكتبه واول حاجه عملها كلم محمود
غالب: محمود
محمود : تحت امرك ياغالب بيه
غالب : عايزك تدورلي علي مدارس ثانوي تكون انترناشيونال عايز احسن وأغلى مدرسة في القاهرة
محمود : ( باستغراب ) مش فاهم هو حضرتك تقصد ايه بالظبط
غالب : اقصد اللي سمعته يلا ماتضيعش وقت
هي المدارس قدامها قد ايه وتبدأ
محمود : اقل من اسبوع ياغالب بيه
غالب : يااااه اسبوع بس
محمود : ايوه
غالب : طيب عايز اسامي المدارس علي مكتبي في خلال ساعة واحدة
محمود : حاضر يافندم
غالب : ( بيكلم نفسه) ان شاء **** هحاول اعوضك عن اللي شوفتيه في حياتك يابدور
غالب اخد الفون من جنبه واتصل بعاصي
عاصي وقتها كان في اوضته قدام مرايته بيلبس قميصه
وبيزرر زراير القميص بيبص لقي الفون بيرن
عاصي : ايوه ياغالب
غالب : ______________
عاصي : ( رفع ايده وبص في ساعته ) انا خلاص قدامي نص ساعة واكون عندك مش هتأخر
غالب : _______________
عاصي : اكيد عارف ان الاجتماع النهارده قولتلك مش هتأخر
غالب : ________________
عاصي : تمام .. تمام يلا سلام اشوفك هناك
عاصي قفل الفون مع غالب
وكمل لبسه
شد الچاكيت بتاع البدله وهو نازل رفع الجاكيت وبقي يلبسه بيبص لقي الباب موارب بتاع اوضه احسان وبدور وبقي يسمع بدور وهي بتقول
بدور : بس انتي ازاي جيتي هنا تاني يا احسان هو انتي مكنتيش مشيتي
احسان : لاء مشيت وافتكرت انك ما اخدتيش الحقنه
كلمت عاصي ولما رفض عرفت انه مش هيديكي الحقنه قفلت الفون بسرعه حتى وهو بيتكلم واخدت تاكسي وجيت بسرعه عشان اديكي الحقنة
بدور : ( وهي حاطه ايدها علي قلبها ) الحمد**** انك جيتي اصل انا كنت خايفه اوي لا عاصي هو اللي يديني الحقنة
احسان : انا رجعت لاقيته بيكسر باب الاوضة هو ايه اللي حصل
بدور : كان عايز يديني الحقنة بالعافية وانا مكنتش راضية 🥺🥺
احسان : ( وهي بتضحك ) ياعبيطه اكيد كان بيهزر معاكي اكيد مش هيديكي الحقنه وهو عارف اني جايه اديهالك
بدور : بتتكلمي بجد 😳😳
احسان : ايوه بجد هو لما قالي انا لايمكن اديها الحقنة قولتله خلاص انا جايه اديهالها هو تلاقيه بيهزر معاكي مش اكتر
بدور : هزار رخم اوي وهو مابيعرفش يهزر زي الناس العاديه ابدا
عاصي كان واقف ورا الباب وهو بيسمع بدور ابتسم وقال في نفسه
عاصي : ( بيقول في نفسه ) كنت زمان يابدور .. كنت زمان بضحك واهزر زيي زي اي حد بس دلوقتي نسيت شكل الضحك ازاي
احسان : طيب يلا بقي .. يلا عشان انت اتأخرت اوي
خليني اديكي الحقنه عشان ارجع المستشفي بسرعه
ارفعي هدومك
بدور لسه بترفع هدومها عاصي بقي يتكلم بصوت عالي وهو ماشي
عاصي : اديها الحقنه يا احسان وانا مستنيكي تحت عشان اوصلك
بدور بسرعه نزلت هدومها وبصت وراها 😳😳
----------------------( في نفس الوقت)--------------------------
محمود : جيبت لحضرتك اسامي مدارس انترناشونال كويسه جدا
غالب : حط الملف هنا
محمود حط الملف علي المكتب
محمود : تؤمرني بحاجه تاني يافندم
غالب : تفتكر مدرسة انترناشونال تستقبل بنت تعليمها عادي عربي
محمود : و**** يافندم اللي اعرفه انك لو اتبرعت للمدرسه او اديت المدير شيك علي بياض هيتغاضي عن اي حاجه وهيقبلها المدارس اللي زي دي بتبقي تجاره اهم حاجه الدفع عندهم
غالب : انت عندك حق طيب انا هديك بيانات لبنت اسمها بدور عايزك تخلصلها ورقها كله وقدملها في احسن مدرسه لسنه تدخل تالته ثانوي علي طول
محمود : اللي تشوفه ياغالب بيه
غالب : انا معتمد في الحكايه دي عليك يامحمود
محمود : اعتبرها خلصت ياغالب بيه
-----------------------------------------
احسان ادت لبدور الحقنه
عاصي كان بيزمر تحت بعربيته لاحسان
احسان : انا نازله بقي يابدور مش عايزه حاجه
بدور : معقول خلصتي
احسان : ايه ايدي خفيفه
بدور : جداا انا ماحسيتش بيها
احسان : تسلميلي .. انا هنزل بقي لا عاصي يتعصب عليا وانتي عارفه عاصي وعصبيته
بدور : انتي هتقوليلي عارفاها طبعا
احسان جت تمشي
بدور ندهت عليها
بدور : احسان هتيجي امتي ..
احسان : يعني علي بالليل ٩ او عشره بالكتير
بدور : تحبي تاكلي حاجه معينه علي العشا
احسان : ( بصت لبدور بابتسامه ) اللي ييجي منك ياقمر انا هاكله
احسان ادت. ضهرها لبدور ومشيت
عاصي : ( وهو قاعد في العربيه بيتكلم بعصبيه ) ساعه علي ما تنزلي
احسان : ( بلعت ريقها ) لو .. لو حابب تمشي امشي وانا هاروح المستشفي لوحدي
عاصي : (ضرب بايديه علي الدركسيون ) لا و****
احسان : ( اتخضت واتفزعت )
عاصي : يعني انا استناكي كل ده وفي الاخر تقوليلي لو عايز تمشي امشي
احسان : انا .. ( بتوتر ) انا .. انا ماقصدش انا اقصد ( قطع كلامها )
عاصي : ولا تقصدي مايهمنيش
احسان بصت قدامها وماتكلمتش
عاصي دور العربيه ومشي
واحسان كل شويه تبصله بتوتر وتلف وشها بسرعه مره تانيه
عاصي : عايزه تقولي حاجه
احسان : لا لاء .. مش عايزه
عاصي : شايف انك اتغيرتي في معاملتك لبدور
احسان : شايفه ان كلنا بنتغير مش انا بس
عاصي : انا عارف اني عصبي زياده عن اللزوم
احسان : ( ابتسمت ) معلش واحده واحده هتبطل عصبيتك ان شاء **** بس انت حاول مش اكتر
عاصي : تفتكرى ينفع
احسان : اللي بيبقي عايز حاجه بيعملها .. بس المهم ان يبقي عندك اراده وتحاول تغير اسلوبك مش اكتر
عاصي : ( اتنهد بعصبيه ) ليه اسلوبي مش عاجب حضرتك
احسان : لا لا لا انا ماقصدش اكيد عاجبني
عاصي : ( بص قدامه في وش احسان ودي كانت اول مره يبصلها في وشها والشمس كانت جايه علي عنيها بيبص لقي لون عنيها عسلي فاتح مع اشعه الشمس كانت عنيها لونها تحفه )
عاصي : تعرفي اني اول مره اخد بالي من لون عيونك انتي لون عيونك عسلي فاتح
احسان : ( بتوتر ورجعت شعرها لورا ) اه .. اه ع.. عسلي
عاصي : الا قوليلي يادكتوره انتي عندك كام سنه
احسان : 29 سنة
عاصي وقف قدام المستشفي بتاعت احسان
احسان : انا متشكره اوي يااستاذ عاصي
عاصي : تحبي اخللي السواق يفوت عليكي وانتي مروحه
احسان : لا ابدا مافيش داعي انا هخلص واركب تاكسي علي طول
عاصي: علي راحتك
عاصي داس بنزين مره واحده ومشي وراح الشركه
واحسان اتنهدت وهي بتبتسم وغمضت عنيها ومبسوطه اوي ان عاصي اول مره يتكلم معاها بطريقه حلوه هي المره دي ودخلت وهي مبسوطه جدا
دكتوره اميره ( صاحبه احسان ): اي مالك
احسان : ( وهي مبتسمه ) : في ايه مالي
دكتوره اميره : شايفه الفرحه هتنط من عنيكي حصل ايه
مخليكي مبسوطه كده .
احسان : ( بفرحه ) ايه ده بجد باين عليا
الدكتوره اميره : جداااااااا
احسان سرحت شويه مع نفسها
دكتوره اميره : اييييه نحن هنا روحتي فين
احسان : ( ( فاقت من سرحانها ) لا لا ابدا مافيش تعالي .. تعالي عندنا عمليه النهارده خلينا نركز فيها
---------------------(في الشركة)-----------------------------
عاصي راح لغالب الشركه
غالب كان قاعد علي مكتبه واول ما شاف عاصي داخل عليه قام ووقف
غالب : اتأخرت كده ليه
عاصي : مافيش كنت بوصل احسان
غالب : احسان انا مش كنت لسه موصلها
عاصي : حوار كبير هبقي احكيهولك بعدين
غالب غمز لعاصي بعنيه
غالب : طب ايه
عاصي : ( ابتسم وزق غالب بأيديه بهزار ) طيب ايه .. ايه
غالب : احسان .. ( غمزله مره تانيه بعنيه ) اخبارها ايه
عاصي : لا لا لا مافيش الكلام ده
غالب : ممممم ماشي ياعم
عاصي : ماتخلينا في شغلنا بقي الاجتماع قدامه ايه
غالب : هما جوه ومستنيينك
عاصي : طيب يلا بينا
-------------------------( في نفس الوقت )------------------------
بدور كانت في الڤيلا وكانت بتعمل العشا عشان لما كلهم ييجوا يلاقوا العشا جاهز
وبقت تفتح اليوتيوب كل شويه وبقت تنفذ اللي موجود بالظبط واخيرا خلصت بتبص لاقت الساعه داخله علي تسعه بالليل
قلعت المريله وطلعت الديك الرومي من الفرن
وحطيته علي السفره وحطت شمع علي السفره وحضرت اربع اطباق علي السفره وبقت مستنياهم ييجوا واول واحد فتح الباب كان غالب
ولقي بدور عامله الاكل ومجهزه السفره
بدور : اتأخرتوا كده ليه
غالب : ايه الاكل اللي انتي عملاه ده كله ده شكله حلو
عاصي دخل ورا غالب راح غالب بص وراه وبقي بيكلم عاصي
غالب : ايه رايك في الاكل ياعاصي مش شكله حلو
عاصي : ( بص للاكل بنظره سريعه ) اه ..
بدور : اه .. تقصد ايه بأه
عاصي : اقصد انه مش بطال
غالب جه يمد ايده علي الاكل
بدور : استني احسان هي زمانها جايه
احسان جت من وراهم
احسان : انا جيت اهوه
بدور : ( بابتسامه ) اتأخرتي اوي
احسان : حقك عليا بس العمليه بتاعت النهارده كانت صعبه اوي
عاصي : ( بص لاحسان) وعملتي ايه ؟
احسان : ( بصت لعاصي ) انا .. الحمد**** .. العمليه نجحت والطفله هتبقي زي الفل
عاصي ابتسملها
عاصي : طيب مش يلا بقي عشان ناكل
احسان : اه .. اه يلا
غالب بص لاحسان وهي بتبص لعاصي وابتسم
بدور وقتها اتضايقت ودخلت المطبخ
غالب : مش يلا بقي يابدور عايزين ناكل بتعملي ايه في المطبخ
بدور : ( خدت نفس ) انا .. انا جايه ( بدور طلعت من المطبخ وكان معاها اطباق ) انا كنت بجيب الاطباق
احسان : اطباق ايه يابنتي ما الاطباق معايا اهيه
بدور : ( ضمت حواجبها كده وهي مش مصدقه انها نسيت انها حاطه الاطباق علي السفره )
بدور : اه .. اه انا اسفه الظاهر اني نسيت
بدور قعدت علي السفره وبقت تقطع من الديك الرومي وتدي لكل واحد في طبقه وماديتش عاصي
احسان : انتي نسيتي تدي عاصي يابدور
بدور : اه .. اه اسفه نسيت
عاصي بص كده لاحسان
عاصي : وانا مش محتاج حد يديني يا احسان انا عندي ايدين ( عاصي بص لبدور بغيظ )
بدور : لا لا ثانيه واحده بدور وقفت جنب عاصي وبقت تقطعله في طبقه وبعدها قربت منه اوي وهو قاعد وبصيتله وعاصي كمان بصلها كانت نظره حلوه اوي منه لبدور
بدور قعدت مكانها وبقوا كلهم ياكلوا وبيتكلموا كل واحد حصل ايه في يومه ما عادا عاصي اللي ما اتكلمش ولا كلمه
بدور كانت قاعده في وش عاصي واخيرا بصتله وقالت
بدور : وانت ياعاصي عملت ايه في يومك
عاصي : ( بصلها وسكت )
بدور : ( بلعت ريقها واتحرجت وكملت اكل )
غالب حاول يدارى علي كسفه بدور لما عاصي ماردش عليها
غالب : تعرفي يابدور انا عملت ايه النهارده
بدور : عملت ايه
غالب : قدمتلك في المدرسه
عاصي : ( بعصبيه ) مدرسه 😡😡
غالب : ( بص لعاصي)
غاالب : ايوه مدرسه ياعاصي مالك اتعصبت كده ليه ؟
عاصي : ( رمي المعلقه اللي كان ماسكها في ايده علي السفره وهو متوتر ) لا .. لا ابدا ( ودي وشه شمال ناحيه احسان ) وايه يعني اللي هيخليني اتعصب
غالب : مش عارف حاسس انك اتعصبت كده مره واحده بدون سبب
عاصي: مافيش كل الحكايه انك اتصرفت من دماغك مش اكتر
غالب : انا شايف ان الموضوع مايهمكش عشان اقولك لا انا ولا انت لينا رأي فيه بدور بس هي اللي هيبقي ليها رأي في الموضوع ده ( غالب بص لبدور ) ولا ايه يابدور ..
بدور : ( بصت لعاصي وهي شايفه في عيون عاصي الرفض ) انا .. انا
بدور كانت حاطه ايدها علي السفره راحت احسان حطت ايديها علي ايدين بدور وطبطبت علي ايديها
احسان ( بكل لطف ) : ماتتوتريش يابدور قولي اللي جواكي انتي مش بتقولي انك امتحنتي سنه تانيه وطلعتي من الملجأ ومعرفتيش تكملي سنه تالته ونفسك تكمليها
بدور : ( بابتسامه وهي بتبص لاحسان ) ايوه نفسي جدا .
احسان : طيب ايه المشكله بقي
بدور رفعت راسها وبصت لعاصي
عاصي بصلها وقام بنرفزه
غالب : كمل اكلك ياعاصي انت ما اكلتش
عاصي : ( مسح ايده في الفوطه الصغيره ورماها علي السفره ) انا خلاص اكلت
عاصي مشي ودخل علي اوضه المكتب بتاعته
عاصي بقي بيكلم نفسه
عاصي : ( بيكلم نفسه ) طيب وانت ايه اللي مضايقك ياعاصي ان بدور تدخل المدرسه ما تدخل وانت مالك
( لف وشه وبص ناحيه الشباك واتنهد ) اوعي تكون مضايق ان غالب هو اللي قدملها مش انت .. ( رجع كلم نفسه ) لا لا لا وانا هضايق من حاجه زي دي ليه وانا مالي
بص لنفسه في المرايه اللي قدامه وهو بيقول لنفسه
لا تكون اتضايقت ان ممكن لما غالب يحقق لبدور حلم عمرها بأنها تكمل تعلمها تحبه وياخد مكان في قلبها وخصوصا انه بيعاملها كويس وانت لاء
قام وقف وهو مضايق من نفسه
عاصي : ( وهو متنرفز ) طيب ما تحبه ولا حتي يحبها انت مالك .. اوعي تفكر في بدور في يوم انت اتجننت دي قد عيالك بص لشعرك اللي شاب دي طفله لسه ماتمتش ال ١٨ سنه
لا لا لا اكيد لاء اكيد انت اتضايقت بس علشان لو بدور هتدخل المدرسه معني كده انها هتقعد معانا لحد ما تخلص تعليمها مش هتمشي لما رجليها تخف
ونخلص منها ايوه كده انت صح اكيد انت اتضايقت عشان كده مش اكتر ما هو مش ممكن يكون حاجه غير كده
غالب وهو علي السفره بيكلم بدور
غالب : ماتضايقيش نفسك يابدور هو عاصي كده مابيعرفش يعبر عن اللي جواه مش اكتر بس هو غير كده خالص و****
بدور : ( ابتسمت ) انت ليه بتحسسني اني معرفهووش ياغالب
احسان : طيب ايه هترجعي المدرسه خلاص
بدور : ياريت طبعا ده حلم عمرى و****
غالب : وحلم عمرك هيتحقق خلاص وهتكملي تعليمك انا هسحب ورقك من المدرسه اللي كنتي فيها وانتي في الملجأ وهقدملك ورقك في مدرسه تليق بيكي
وحاولي تركزي في مذاكرتك وبس وانا واثق انك هتحققي اللي بتحلمي بيه
بدور ( بفرحه ) : انا بجد .. بجد مش عارفه اقولك ايه ياغالب
غالب : ولا اي حاجه .. ماتقوليش حاجه يابدور قوليلي اسمك بالكامل مش اكتر وكنتي في ومكان الملجأ بتاعك بالظبط
بدور: اسمي بدور عبد الرحمن محمد السيد مخلوف
والملجأ كان في حي الازبكية
بدور ابتدت تدي العنوان بالظبط لغالب وكانت هتموت من الفرحة اليوم ده حرفيا
وطلعوا اوضتهم
احسان وهي نايمه علي السرير
احسان : مش هتنامي بقي يابدور
بدور : انتي عايزه تنامي بدرى اوي كده ليه خليكي معايا النهارده
احسان : (مدت ايدها علي الكومود وعنيها فيها النوم ومسكت المنبه بتبص لاقت الساعه ٣ بالليل ) انتي بتهزري يابدور يابدور السااعه ٣ بعد نص الليل حرام عليكي
انا عندي مستشفي بكره الصبح بدرى
بدور : يعني مصممه تنامي
احسان : اه و**** هموت وانام اقفلي النور بقي عشان خاطرى
بدور : طيب .. طيب هقفله اهوه
بدور نامت علي السرير حاولت تتقلب يمين وشمال مش كان جايلها نوم حرفيا ومره واحده حست بالعطش
فتحت الباب ونزلت تحت عشان تشرب الانوار كانت مطفيه دخلت المطبخ وبتفتح التلاجه عشان تجيب ازازه مايه ونور التلاجه بس هو اللي كان منور جابت الازازه ولسه بتشرب
لاقت اللي واقف جنبها والدنيا ضلمه حرفيا بدور رجعت المايه من بوقها وشرقت من الخضه
بدور : ( بقت تكح جامد جدا )
عاصي : ايه شوفتي عفريت
بدور : ( لسه بتكح ومش قادره تاخد نفسها من كتر ما كانت بتشرء )
عاصي داس علي سنانه وقرب منها جابلها ازازه المايه
عاصي : اشربي
بدور : اخدت كوبايه المايه منه وبقت تشرب لحد ما بقت كويسه
بدور : انت ايه .. مش تقول انك هنا
عاصي : ( عاصي قرب منها خطوه وبقت بدور ترجع خطوه ورا ) ( بيتكلم ببطىء) المفروض بقي .. اني اخد الاذن منك قبل ما اتحرك في بيتي
بدور : ( وهي بترجع لورا ) انا .. انا ماقولتش كده
عاصي قرب من بدور اكتر لحد ما بدور خبطت في الرخامه بتاعت المطبخ وبقت سانده بكف ايديها الاتنين علي الرخامه وضهرها لازق في الرخامه
عاصي : ( بصوت واطي وبهمس وهو بيقرب منها اكتر ووشه في وشها) اومال قولتي ايه .. هااا
بدور : ( من كتر ما كان عاصي مقرب منها حاولت تبعد بوشها الناحيه التانيه وكانت بتننفس بصوت عالي اوي )
عاصي : ( رفع شعر بدور من علي وشها وحطه ورا ودنها وبكل لطف قلها ) ايه .. مالك بتتنفسي بصوت عالي اوي كده ليه رفع ايده وبصوابعه
بقي يلمس شفايفها لمس شفايفها اللي فوق الاول وبصوباعه لمس شفايفها اللي تحت
بدور : غمضت عنيها وقلبها بقي بيدق بسرعه جدا لدرجه ان عاصي سمع صوت دقات قلبها
لمس رقبتها بالراحه اوي وبقي بينزل علي صدرها وحط ايده علي قلبها وبقي يحس بنبضات قلبها
بدور وقتها جسمها كله اترعش
عاصي : ( قرب شفايفه من ودنها وقلها بهمس ) مالك بتترعشي كده ليه ؟
بدور : ( بتنهيده وبصوت واطي وحنين ) انا مابقيتش عارفاك مش قادره افهمك .. لسه من شويه كنت مش طايق تبص حتي في وشي ودلوقتي بتقرب مني ..
عاصي نزل بأيده بالراحه علي ضهر بدور ولف ايده حوالين وسطها وقربها لي اكتر
عاصي : عشان .. ( مره واحده عاصي بقي عنده زغوطه ) عشان انتي مابتفهميش بقي بيضرب بأيده علي قلبه ولا بتحسي بحد
عاصي قرب شفايفه من شفايف بدور ولسه هيلمس شفايفها بدور شمت ريحه الخمرا من بوقه رفعت ايدها لورا بسرعه وبقت تحسس علي الحيطه علشان تفتح النور
واول ما النور اتفتح بدور بتبص لاقت عاصي ماسك ازازه ويسكي في ايده وعنيه حرفيا مش شايف بيها وراح سند براسه علي كتفها وراح في دنيا تانيه
بدور : ( بتزقه بالراحه بايديها كده ) عاصي .. عاصي فوق ياعاصي
عاصي : ( ساند راسه علي كتف بدور ومش حاسس بنفسه )
عاصي :__________________
بدور : ( هزت راسها شمال ويمين كده وهي مخنوقه جدا )
بدور : ( في نفسها ) وانا اللي افتكرت انك ممكن تحس باللي جوايا في يوم
تعالي .. تعالي ياعاصي
بدور بقت تحاول ترفع عاصي وتحط ايديه علي كتفها عشان تدخله اوضته بس للاسف كان تقيل عليها جدا ومره واحده وهي بترفعه الازازه اللي كان ماسكها
وقعت في الارض عملت صوت عالي اوي
بدور : يادي النصيبه وبعدين
الازاز كان في الارض بتاع الازازه في كل حته
غالب صحي مره واحده علي الصوت وقام
بيبص لقي بدور واقفه في النص وماسكه عاصي
غالب : في ايه يابدور وماله عاصي
بدور بتبص علي رجل غالب لاقيته مش لابس شبشب
بدور : ماتجيش الناحيه دي الازاز في كل حته رجلك هتتجرح من الازاز
غالب : ااه اصل .. اصل انا قومت بسرعه علي الصوت مالحقتش البس حاجه
غالب لبس شبشبه وشال عاصي من بدور ودخله اوضته وقفل الباب وعليه وطلع
غالب : ( وهو بيقفل باب اوضه عاصي ) عاصي ضايقك تاني يابدور
بدور : لا لا لا .. ابدا ماضايقنيش ولا حاجه انا بس نزلت اشرب لاقيته في المطبخ وكان شارب
غالب: امتي يبطل شرب بقي
بدور : ( بتنهيده ) مافتكرش اللي زي عاصي ممكن يبطل شرب في يوم
بدور : ( طلعت اول سلمتين ) انا هطلع انام مش عايز حاجه
غالب : اه هكلمك بكره عشان تجيلي المكتب لما اخلص
بدور : ليه في حاجه
غالب : هقولك لما تجيلي بكره
بدور : طيب تمام تصبح علي خير
غالب : وانتي من اهل الخير يارب
-------------------------( تاني يوم الصبح )-------------------------
عاصي صحي وهو ماسك دماغه وبقي يفتكر اللي حصل امبارح بينه وبين بدور بس بيفتكر حاجات بسيطه اوي
عاصي : ياترى كنت بحلم .. قطع تفكيره دخول بدور عليه
بدور : الفطار جاهز
عاصي : ( كان مدي بدور ضهره واول ما سمع صوت بدور لف وشه وبصلها )
عاصي : مش هفطر
بدور : ليه ..
عاصي : من غير ليه مش عايز افطر وخلاص
بدور : ( ابتسمت ابتسامه ظهرت بجانب شفايفها ) انت كده رجعت لطبيعتك
عاصي : تقصدي ايه 😏
بدور : ولا حاجه
غالب : نزل قدام بدور وهو بيحط الكرافته علي القميص
بدور ماتنسيش اول ما اكلمك تلبسي علي طول وهبعتلك السواق ياخدك عشان تقابليني
عاصي طلع بسرعه
وفتح الباب
عاصي : تقابلك فين
غالب : هتقابلني بره
عاصي : بره اللي هو فين يعني وبعدين انت ناسي ان عندنا شغل النهارده
غالب : لاء مش ناسي علشان كده انا فايق بدرى وهخلص اللي ورايا وهاخد بدور وننزل
احسان طلعت من اوضتها وشافت غيرت عاصي علي بدور
اتنهدت وبصت في الارض ومشيت
بدور : انتي كمان مش هتفطرى يا احسان
احسان ( بحزن ) لاااا يابدور ماليش نفس افطرى انتي
كل واحد فيهم راح علي شغله
وبدور وقتها كانت كل شويه تشوف الساعه كام علشان كانت متحمسه جدا انها تروح لغالب
واخيرا الفون رن
بدور : الووو
غاالب :___________
بدور : ايوه .. ايوه انا هلبس حالا
غالب : __________
بدور : تمام هستني السواق
بدور لبست والسواق جالها
السواق وقف قدام مدرسه كبيره جدا وشكلها حلو اوي بدور بتبص لاقت غالب مستنيها
غالب : ايه رايك في مدرستك الجديده
بدور : ( وهي مش مصدقه ) دي مدرستي انا
غالب : اه وهنطلع نعمل مقابله دلوقتي
بدور : ( بخوف ) مقابله والمقابله دي عباره عن ايه
غالب : هيسألوكي شويه اسأله مش اكتر وهتستلمي اليونيفورم بتاعك
بدور : ايوه بس لو سألوني اسئله ومعرفتش اجاوب عليها
غالب : ماتقلقيش انا مجهز كل حاجه هتطلعي مع محمود دلوقتي
بدور : ( مسكت ايد غالب ) وانت رايح فين ماتسبنيش
غالب : للاسف يابدور كنت عايز احضر معاكي بس عندي شغل كتير جدا النهارده
محمود : مانقلقيش يا انسه بدور انا موجود معاكي دي كلها اجراءات روتينينه مش اكتر
بدور : هزت راسها بالموافقه
غالب : خلصي وروحي علي طول وانا هحصلك علي البيت
بدور : طيب ياغالب
بدور دخلت علي المدرسه ومعاها محمود وقابلت المدير هناك
واول مادخلت وهي بتعمل الانترڤيو لاقت ولد زي القمر دخل عليها وفتح الباب من غير اي استئذان
بدور كانت قاعده ولابسه لبسها العادي جدا
الولد بصلها من فوق لتحت بتستهزاء
الولد ( وهو بياكل لبانه وجايب شعره علي جنب وفاتح القميص لحد صدره ) ايه ده يابابي هي مدرستنا هتلم ولا ايه
المدير ( والده ) : انت بتقول ايه ياكريم .. وانت ايه اللي دخلك من غير استئذان
كريم : بابي انا جاي. عشان محتاج فلوس ضرورى
المدير : ( والد كريم ): اطلع بره علي الحسابات خد اللي انت عايزه
كريم طلع وهو بيبص لبدور من فوق لتحت
المدير : انا اسف جدا علي اللي حصل
محمود : ياريت نخلص الاجراءات بسرعه من فضلك
بدور استلمت اليونيفورم وروحت وهي فرحانه جدا ولبست اليونيفورم ومش راضيه تقلعه الا لما غالب ييجي عشان تورهوله
واخيرا سمعت صوت عربيه جايه من بره
بصت من البلكونه بتاعت اوضتها ونزلت جري علي السلالم وفتحت الباب لغالب
بدور : ( بفرحه ) ايه رايك 😍
غالب : **** .. حلو اوي اوي يابدور
عاصي دخل من ورا غالب
عاصي : قصير اوي اوي يابدور
عاصي بصلها وسابها وطلع اوضته
بدور : ( بصت لاحسان ) تفتكرى قصير يا احسان
احسان : هو مش قصير بس طالما عاصي قال قصير يبقي نزلي الچيبه شويه
بدور نزلت الچيبه شويه
بدور : طيب وكده
غالب : كده انتي احلي واحلي واعملي حسابك الباص هييجي ياخدك من قدام البيت كل يوم
بدور : ماشي
بدور اليوم ده مانامتش حرفيا وبقت مستنيه الباص ييجي بفارغ الصبر والباص جه فعلا واخد بدور
وبقي بيزمر من تحت
اخدت شنطتها ونزلت بسرعه
غالب : بدور استني
بدور : اتأخرت اوي علي المدرسه
غالب : نسيتي ساندوتشاتك
بدور : **** ما يحرمني منك
عاصي وهو جاي من ورا غالب خبط كتفه في كتف غالب
عاصي : مش يلا بقي اتأخرنا احنا كمان
غالب : تمام هطلع العربيه علي طول
بدور طلعت علي الباص وبقت تبص لعاصي من الشباك وبتبتسم ابتسامتها حلوه بجد
وعاصي كان واقف قدام عربيته وبيبصلها والباص اتحرك ومشي
دخلت المدرسه حرفيا كانت مصدومه من كل حاجه بتشوفها عالم جديد عليها البنات مختلفين جدا هناك كل واحده الشعر وريحه برفانها تحفه ..
كل واحده ليها طريقتها ومشيتها وكلهم بيتكلموا بالانجليش وبس وهي ماشيه في الطرقه وبدور علي فصلها لاقت اللي خبط في كتفها وقعلها الشنطه والكتب
بدور : مش تفتح
كريم كان لابس نضاره شمس قلع نضارته حاجه بسيطه وبقي يبصلها من فوق لتحت
كريم : ناقص اللي زيك كمان يتكلموا
بدور : اللي زيي يعني ايه ..
كريم : انتي عارفه كويس اللي زيك هما مين .. باين عليكي اوي انك مش طبقتنا ..
بدور رفعت الكتب بتاعتها وحطتها في الشنطه وجت تمشي كريم وقف قدامها
كريم : انا لسه ماخلصتش كلامي
بدور : وانا مش جايه هنا عشان اقف معاك واسمع كلامك عن اذنك
بدور سابته ومشيت وراحت علي فصلها وكريم دخل وراها كل ما كانت تيجي تقعد علي ديسك يبص لواحده زميلته علي طول تروح تاخد الديسك اللي بدور هتقعد عليه
كل اللي في ال class بيسمعوا كلام كريم حرفيا
بدور مابقيتش لاقيه مكان تقعد عليه
وفي الاخر كله قعد وكان في ديسك فاضي ورا بدور راحت علشان تقعد عليه كريم راح شاور لزميلته ميرا
ميرا حطت شنطتها علي الديسك بسرعه
بدور : ممكن تشيلي شنطتك
ميرا : طيب يرضيكي شنطتي تبقي علي الارض واللي زيك يبقي قاعد علي ديسك
الكل في ال class بقي بيضحك عليها الا بنت واحده
كانت بدور صعبانه عليها اوي
الmiss دخلت واول ما دخلت سألت بدور
ال miss: انتي واقفه ليه
بدور : مافيش مكان اقعد فيه
ال miss: ازاي بقي ياريت تشيلي شنطتك ياميرا
ميرا : وان ماشيلتهاش هتعمليلي ايه
الmiss: ارجوكي شيلي شنطتك
ميرا : ممممممم افكر
ال miss: وبعدين
ميرا نفخت في وش بدور وشالت شنطتها وبصت لكريم وضحكت
الmiss: بصت لبدور
اسمك ايه
بدور : اسمي بدور
الmiss: شرفتي يابدور
هنبدأ درسنا النهارده ......
---------------------( في نفس الوقت)----------------------------
غالب : محمود تعلالي
محمود : ايوه ياغالب بيه
غالب : ياريت الاقي طباخ في اسرع وقت يكون في الڤيلا عندنا النهارده عايز لما كلنا نتجمع علي الغدا يكون الغدا جاهز
محمود : عندي ماتقلقش
عاصي : انا مروح
غالب : بدرى كده لسه ماجاتش الساعة 2
عاصي : حاسس اني تعبان شويه
غالب : سلامتك تمام هخلص واحصلك
الجرس رن وجه معاد المرواح
بدور وهي ماشية
لقت اللي بتنادي عليها
بدووووور .. بدووور
بدور بصت وراها لاقت اللي بتمد ايدها عشان تسلم عليها
هاي انا سجده
بدور : وانا بدور
سجده : ماتزعليش من اللي حصل من كريم وميرا هما كده اي حد جديد يدخل المدرسه لازم يعلموا عليه
بدور : انا ماليش دعوه بيهم
وعلي فكره انا شوفتك انتي الوحيده اللي ماضحكتيش عليا في واحنا جوه الظاهر انك مش زيهم
سجده : الحمد**** ولا عمرى هبقي منهم
بدور وسجده كانوا ماشيين وطلعوا بره المدرسه ولسه هيركبوا الباص كريم وميرا جم بسرعه عليهم وكريم بيسوق العربيه وفرمل مره واحده قدام بدور
بدور من الخوف كان خلاص هيدوسها راحت وقعت في الارض وهدومها اتبهدلت
كريم : مش تخللي بالك
بدور : انت قليل الذوق
العربيه كانت من النوع اللي السقف بتاعها مفتوح
ميرا قعدت علي باب العربيه وهي بتضحك وبتستهزأ ببدور
ميرا : احنا الظاهر السنه دي هنتسلي جامد اوي 😂😂
كريم وميرا مشيوا وبدور روحت البيت وهي بتعيط وهدومها متبهدله حرفيا عاصي شافها وهي داخله الفيلا
عاصي : مالك بتعيطي من ايه
بدور : ابدا مافيش وسابته ومشيت
كل يوم بقت تروح المدرسه وكل اللي في المدرسه بأمر من كريم وميرا كان بيتنمر عليها
جه وقت الغدا جابت الاكل بتاعها ومكانش في حد من الطلبه راضي يقعدها جنبه
ولما سجده كانت تييجي تقعد معاها او تناديها ميرا كانت تبص للبنات كانوا بيروحوا يقعدوا جنب سجده بسرعه علشان ماتلاقيش مكان تقعد فيه
الايام عدت علي كده وكل يوم بدور تيجي معيطه حرفيا
غالب شافها كده وكل مايسألها فيكي ايه هي او احسان مكانتش بترد
غالب : ( فتح عليها اوضتها وهي بتعيط ) ( بنرفزه) ما هو اقسم ب**** لو ماقولتيلي مالك يابدور لا هيبقالي تصرف تاني معاكي انتي فاهمه 😡😡
وقتها بدور انهارت وحكت كل حاجه لاحسان وغالب وعاصي كان هيموت ويعرف مالها فكان بيسمع اللي بتحكيه من ورا الباب
غالب : ( بنرفزه ) وماقولتيش ليه من الاول بقالك اكتر من شهر في المدرسه ماقولتيش ليه
بدور : اديك عرفت هتعمل ايه يعني
غالب : هتعرفي انا هعمل ايه ؟
تاني يوم
غالب : قومي يابدور روحي مدرستك
بدور : لاء مش عايزه
غالب شدها من دراعها بقولك روحي مدرستك انتي فاهمه ولا لاء
بدور : طيب خلاص رايحه
بدور راحت المدرسه بتاعتها وكالعاده التنمر عليها شغال وجت الميس بتاعتهم وهي بتشرح لاقت اللي بيخبط علي الباب
المستر : في طالب جديد جاي
معاكم النهارده وهيبدأ من دلوقتي
الميس : اهلا وسهلا بيه
الطالب دخل بدور بتبص لاقيته غالب لابس لبس المدرسه وماسك الشنطه ولابس سلسله وكان قمر .. قمر
يعني البنات كلها كانت بتبصله وهو داخل من كتر جماله
بدور بصيتله ومابقيتش مصدقه انه غالب
قعد وراها ورمي شنطته علي الارض وهمس في ودن بدور
بدور : غالب انت بتعمل ايه هنا
غالب : انا مش قولتلك هتصرف
ابتدوا يكملوا الحصه .. وبقت البنات كلها تبص وراها عشان يبصوا علي غالب وهو مكانش معبر ولا واحده فيهم شويه كده لاقوا الباب بيخبط للمره التانيه
والمس بتعرف عن استاذ جديد جه عشان يدرسلهم السنه دي
المس : احب اعرفكم بمستر الcamestry مستر عاصي اللي هيديكم السنة دي بدل مستر عمر لانه استقال فجأة وان شاء **** تبقي سنة سعيدة علينا كلنا
بدور وغالب بيبصوا لاقوا عاصي
بدور وغالب في نفس واحد : عاصي 😳😳

















الجزء الرابع
المس : احب اعرفكم بمستر الcamestry مستر عاصي اللي هيديكم السنه دي بدل مستر عمر لانه استقال فجأة وان شاء **** تبقي سنة سعيدة علينا كلنا مره واحدة الباب اتفتح وبخطوات بطيئة دخل عليهم
بدور وغالب بيبصوا لاقوا عاصي
بدور وغالب في نفس واحد : عاصي 😳😳
عاصي عنيه بقت تدور علي بدور في ال class لحد ما لقاها اول ما شافها لقاها متنحه ومابقيتش عارفه هو ايه اللي بيحصل ..
بدور ( تبص قدامها تلاقي عاصي تبص وراها تلاقي غالب)
غالب بص لعاصي واتصدم انه موجود ونفس الكلام لعاصي بقي يبص لغالب وهو مش فاهم هو بيعمل ايه هنا التلاته كانت نظراتهم لبعض رهيبه كل واحد نظرات عنيه مليانه اسئله لدرجه ان ال class كله لاحظ نظراتهم لبعض لحد ما اخيرا سجده قطعت النظرات اللي ما بينهم دي
سجده : ( قربت من بدور وبصوت واطي ) انتي تعرفي المستر الجديد يابدور هو والمز اللي ورانا ده
بدور مكانتش لفت راسها وبصت وراها لغالب وكان غالب سامع سؤال سجده ضم حواجبه وهو مستني ردها وعايز يعرف بدور هتقول ايه
بدور : ( بصت قدامها وبصت لعاصي وبكل زعل وغيظ قالت )
بدور : لاء ماعرفهومش
غالب : ( استغرب انها قالت كده بس سكت وماتكلمش )
عاصي : احب اعرفكم بنفسي .. انا مستر عاصي مدرس مؤقت بدل مستر عمر
ميرا : ( وهي بتبصله وحاطه ايديها علي خدها بتنهيده )ياريتك تبقي على طووووول
عاصي : ( ضم حواجبه وسألها ) بمعني ايه ..
ميرا : ( قامت وقفت وهي سانده بأيديها الاتنين علي الdesk وبتتكلم بدلع بمعنى انك لو حابب تبقي موجود علي طول مش بشكل مؤقت انا ممكن اكلم بابي ( شاورت بكتفها ) يخليك هنا دايما
عاصي : ( ابتسملها ) شكراااا .. بس انا لو حابب ابقي موجود بشكل دايم مش هستنى كلمة بابي واتفضلي اقعدي
بدور لفت وشها وبصت لميرا وهي متغاظه منها جدا داست على سنانها وبقت تبص لميرا من فوق لتحت
سجده : ( بهمس)انتي مش واخده بالك من حاجه يابدور
بدور : ( كانت باصه لعاصي وبس ) ________________
بدور : روحتي فين
بدور : ايه .. انا .. هاروح فين يعني معاكي اهوه
لينا ( زميله بدور في ال class وتبع ميرا دايما كل شويه كانت تبص لورا لغالب )
لينا : مستر ممكن اقعد ورا بليز
عاصي : والسبب
لينا : عندي طول نظر ما بشوفش من قدام لازم اقعد ورا ( وبصت لغالب وابتسمت ) عشان اقدر اشوف كويس
عاصي : ( رفع حاجبه وفهم انها عايزه تقعد جنب غالب )
بس معايا مش هتحتاجي تشوفي
لينا : ( باستغراب ) نعععععععم
عاصي : اقصد هتسمعي اكتر ما تشوفي اتفضلي اقعدي
لينا قعدت وهي مضايقه لأن عاصي احرجها قدام زمايلها وبصت لميرا وكريم وكريم شاورلها براسه كده انها تقعد دلوقتي وتهدا
عاصي ابتدا يشرح الlesson اللي عليهم وبقت بدور مستغربه جدا من مهاره عاصي في الشرح وغالب ابتسم لعاصي وهو بيشرح لأنه عارف كويس اوي عاصي كان شاطر قد ايه زمان
-----------------------------( في نفس الوقت )-----------------------
احسان رجعت من المستشفي بدرى اليوم ده
طلعت اوضتها وبقت تلم هدومها من الدولاب
واخيرا خلصت واخدت شنطتها ونزلت وهي ماشيه ولسه هتفتح الباب لاقت باب اوضه عاصي مفتوحه بصت علي الطباخ لاقيته في المطبخ ومش واخد باله دخلت اوضته وقعدت علي سريره وبصت علي صورته اللي على الكومود بتاعه اخدت صورته وهي بتبصلها ودموعها نزلت منها وبقت تكلم الصوره
احسان : ( بتكلم نفسها وبتبص للصوره ) انا عارفه انك مابتحبنيش ولا هتحبني في يوم ياعاصي انت قولتهالي قبل كده الحب عمره ما كان بالعافية انا عملت كل حاجه وأي حاجه عشان تشوفني .. مكنتش اتصور في يوم اني ممكن اتحول لشخص مغرور مش شايف حاجه ولا شايف حد في الدنيا دي غيرك وبعد كل ده برضوا ماشوفتنيش... انا شايفه نظراتك لبدور عامله ازاي... كان نفسي في يوم تبصلي نفس النظره اللي بتبصهالها ياعاصي ( مسحت دموعها من علي خدها بأيديها ) وقالت بس يلاااا... معلش كل واحد بياخد نصيبه من اللحظه دي انا هطلعك خالص من حياتي عشان اقدر اعيش ياعاصي انا مش عارفه اعيش طول ما انا شيفاك قدامي ( باست الصوره واخدتها في حضنها )
احسان : هتوحشني .. هتوحشني اوي ياعاصي
حطت الصوره علي الكومود مره تانيه ولمست بأيديها علي سريره وطلعت قفلت الباب وراها وهي طالعه عبد الرحيم شافها
عبد الرحيم : دكتوره احسان بتعملي ايه في اوضه عاصي بيه
احسان : ( اتوترت) انا .. انا .. كنت .. ( بلعت ريقها ) كنت بس فاكره انه جوه فكنت عايزاه مش اكتر
عبد الرحيم : عاصي بيه مابيجيش دلوقتي
( بص جنبها لقى شنطتها ) ايه الشنطه دي انتي ماشيه ولا ايه يادكتوره ؟
احسان : ايوه افتكر كفايه كده بدور خفت وبقت كويسه وانا لازم ارجع بيتي الشهر اللي بقعده في القاهرة خلص واهلي كده هيبدأوا يسألوا عني
عبد الرحيم : طيب تحبي اقول حاجه لعاصي بيه لما يرجع ويسأل عنك
احسان : ( بابتسامه حزينه) لا لا ابدا ماتقولهووش حاجه مافتكرش انه حتي هياخد باله اني مش موجوده
وبقي بس سلملي على غالب وعلى بدور
احسان مشيت وعبد الرحيم حطلها شنطتها في التاكسي وروحت بيتها
-------------------------( في نفس الوقت )----------------------------
جرس ال break ضرب
بدور خدت شنطتها ونزلت وهي مخنوقه جدا من اللي عاصي وغالب عملوه وطلعت بره ال class
غالب مشي وراها وطلع وراها الطرقه وبقي بينادي عليها
غالب : بدور .. بدوور استني
بدور بصت وراها لاقيته جاي عليها راحت مدت اكتر ودخلت حمام البنات وقفلت الباب في وش غالب
غالب : ( وهو متغاظ منها ) بقي كده يابدور ماشي
لينا : ( جت ورا غالب بكل دلع ) اي ده انت بتعمل ايه هنا
( قربت منه وضربت بأيديها بحنيه علي كتفه ) مش ناوي تقول
غالب : مممممم مافتكرش اني اعرفك حتي عشان اجاوبك
لينا : ( مدت ايدها لغالب ) بس كده مافيش مشكله نتعرف انا لينا .. لينا البشاري
وانت غالب الطالب الجديد معانا هنا ( داست علي شفايفها بسنانها ومدت ايدها مسكت السلسله اللي في رقبه غاالب وقربت غالب من السلسله بتاعته ليها )
لينا : أيه رايك مش بذمتك مافيش اسهل من كده تعارف
غالب نزل ( ابتسم ابتسامه بسيطه ونزل ايد لينا من عليه )
غالب : فعلا مافيش ارخص من كده تعارف
غالب ساب لينا ومشي وبقي مستني بدور في قاعه ال break اللي بياكلوا فيها
-----------------------------( بفي نفس الوقت )---------------------
عاصي طلع من ال class ورايح علي قاعه المدرسين اللي بيجتمعوا فيها
ميرا جريت وراه
ميرا : مستر عاصي .. مستر عاصي
عاصي : في حاجه
ميرا : ( بدلع وهي بتبص في عنيه ) حبيت اشكرك علي شرحك للlesson النهارده حقيقي دي اول مره افهم ال camestry بالمنظر ده
عاصي سابها ومشي
ميرا : ( مشيت وراه وهي بتمد عشان تحصله ) انت مش مصدقني .. انا مش بكذب ابدا .. انا اصلا ما بعرفش اكذب
عاصي : تمام المعلومه وصلت حابه تقولي حاجه تانيه
ميرا : ( وهي مبتسمه وبتبص لعاصي بانبهار ) تؤ.. تؤ .. مابقيتش عايزه اقول حاجه تاني خلاص
عاصي ساب ميرا ومشي وهو بيدور علي بدور
ميرا : ( بتكلم نفسها ) يخربيت تقلك .. بس علي مين وحياتك لا اجيبك
لينا : بتكلمي نفسك ولا ايه
كريم : لاااا هي كده لما بتشوف حد ويدخل مزاجها حالها بيتلخبط كده زي ما انتي شايفه
لينا : شوفتوا غالب اللي جه جديد
كريم: ماله ده كمان
لينا : جمدااااان يابني جمداااااان
كريم : لاااا انتوا اتهبلتوا خالص انتوا نسيتوا بدور ولا ايه ؟
ميرا : ( ضربت بأيديها علي جبينها ) أأأأخ تصدق عاصي نساني نفسي مش بدور بس
كريم : البت دي لازم تسيب المدرسه وفي اسرع وقت انتوا فاهمني طبعا
ميرا : ( رفعت حاجبها ) مابقاش ميرا الا لما اخليها تقول حقي برقبتي
ميرا : هي فين دلوقتي
كريم : اكيد في قاعه ال break
لينا : لا لا لا انا لسه شايفاهه داخله الbath room
كريم : ( شاور لميرا ) تمام مش هوصيكي بقي
ميرا راحت هي ولينا علي ال bath room
واول ما دخلوا بصوا علي الحمامات من تحت لقوا رجلين بدور
ميرا : ( وهي بتعلي صوتها عشان بدور تسمع )
ميرا : مدرستنا لمت اوي ياميرا انا مش فاهمه بنات ايه اللي من الشوارع دي اللي تدخل مدرستنا وتقعد معانا لاء وكمان تبقي قريبه مننا
انا بخاف لا اتعدي ويكون فيها حشرات وكمان جراثيم البنات دي بشرتهم بتبقي معديه جدا
بدور اول ما سمعت ان ميرا عرفت انها جايه من الملجأ قلبها بقي يدق جامد جدا وبقت مستغربه عرفت منين
لينا : ( وهي بتحط روچ قدام المرايه ) ايه ده بتتكلمي جد بقي بدور تربيه شوارع وعرفتي منين
ميرا : باين اوي علي شكلها انتي مش واخده بالك بتسرح شعرها ازاي وريحه شعرها مقرفه اوي يالينا ولا بتمسك الاكل بتاكله بطريقه بشعه .. بشعه جدا يالينا
اللي زي دي لازم تعرف مستواها كويس وان احنا حاجه وهي حاجه تانيه خالص
بدور كانت في الحمام مسكت خصل شعرها وبقت تشم في شعرها وتلمس خدها ماتلاقيش حاجه عليها
دموعها نزلت منها وميرا سمعتها وهي بتعيط
ميرا : ( ابتسمت اول ما سمعت بدور بتعيط ) احنا هنفضل نتكلم عن الزباله دي كتير ولا ايه
يلا .. يلا بينا عشان مانتأخرش يالينا
لينا وميرا طلعوا من الحمام وبدور فتحت الباب وبقت تبص لشكلها في المرايه بدور عاديه هي مابتهتمش بنفسها فعلا بس مش للدرجه اللي هما بيتكلموا بيها عليها
فتحت الحنفيه وبقت تمسح دموعها .. وراحت القاعه لاقت سجده مستنياها هناك
سجده : بدور تعالي انا جيبتلك غداكي معايا
بدور قعدت وعنيها كانت حمراااا جدا
سجده : مالك يابدور انتي كنتي بتعيطي
بدور: لا لا ابدا مافيش مكنتش بعيط ولا حاجه
غالب كان قاعد في الطرابيزه اللي قدامها .. وبيبصلها وكان هيموت ويعرف ايه اللي حصل معاها بس بدور مكانتش مدياله فرصه
بدور : طيب يلا كلي بقي انا مش راضيه أكل الا لما تيجي تاكلي وناكل سوا
بدور: انا فعلا جعانه اوي
بدور لسه هتمد ايدها بتبص لاقت ميرا ولينا وكريم والبنات اللي علي الطرابيزه اللي جنبهم بيبوصلها وبيضحكوا عليها افتكرت كلام ميرا وهي بتتريق علي طريقه اكلها
بدور: ( بعدت الاكل بأيديها ) لا لا.. انا .. انا خلاص مش جعانه
سجده : انتي كنتي لسه بتقولي انك جعانه يابدور
ميرا جت ومعاها كوبايه عصير وقربت من بدور
ميرا : ايه ده انتي مش هتاكلي النهارده يابدور
بدور : لاء مش جعانه
ميرا : طيب ولا عطشانه
ميرا رفعت كوبايه العصير اللي معاها وكبتها علي راس بدور كلها كل اللي كان في القاعه حرفيا بيضحك وكريم كان بيشاور علي بدور وميت علي نفسه من الضحك
غالب اول ما شاف كده قام جرى وراح بسرعه وقف قدام بدور ومسك ميرا من دراعها كان هيكسر ايديها
ميرا : سيبني .. سيب ايدي ياحيوان
بدور : غالب سيبها
كريم بسرعه راح وقف قدام غاالب وجاب ميرا وراه وحطها ورا ضهره
كريم : لما تحب تمد ايدك مدها علي اللي قدك
غالب : وانت بقي اللي قدي
كريم : وقد عشره زيك كمان
غالب : بس كده طب خد
غالب ضرب كريم حته روسيه في راسه جابته الارض وقع في ساعتها علي الارض ودماغه جابت ددمم .
ميرا : قوم اقف ياكريم اوقف ماتسيبهووش
كريم وقف وبقي كريم وغالب في النص والطلبه عملوا ما دايره حواليهم وكله بقي يطلع موبايلاتهم وبيصوروا اللي بيحصل
كريم ضرب غالب بالبونيه بس غالب رجع ورا مره في التانيه
غالب مسك كريم من ايده وتناله ايديه وهو ايديه متنيه
راح ضارب راس كريم علي الطرابيزه مره في التانيه كريم راسه اتفتحت اكتر
ومناخيره بقت تجيب ددمم كريم ضرب غالب برجليه ما بين رجل غالب الضربه دي خلت غالب يبعد ويرجع ورا اتنين من صحاب كريم مسكوا ايد غالب
كل واحد ماسك ايد وكريم قرب من غالب وبقي يضربوا بالبونيه في بطنه ضربه في التانيه بقي غالب بيتألم مش قادر
ولسه كريم بيرفع ايده مره تانيه عشان يضرب غالب راح عاصي مسك ايد كريم وضم ايده جوه ايديه وشويه وكان هيعصر ايد كريم في ايديه ونزل ايد كريم جنبه
غالب اول ما شاف كده راح ضرب الولد اللي كان ماسكه من ايديه في بطنه وجاب الولدين دوول في الارض وبقي يضرب برجليه في بطنهم هما الاتنين لحد ما وقعوا في الارض خالص
وقتها عاصي كان لسه ماسك ايد كريم وكريم بقي راكع في الارض مش قادر
من كتر ما ايده خلاص هتتكسر في ايد عاصي .. عاصي كان دايس علي سنانه وبكل غيظه كان بيعصر ايده المدير جه بسرعه وهو شايف ابنه ايده هتتكسر في ايد عاصي
المدير : مستر عاصي .. مستر عاصي ارجوك
بدور : ( بصوت واطي سيبه ياعاصي سيبه ) غالب قرب من كريم بسرعه لقى الواد عروقه هتطلع منه وعاصي نظراته لكريم حاده وصعبه جدا راح غالب فك ايد عاصي بالعافيه من كريم
كريم اول ما ايده اتشالت من ايد عاصي بقي ماسك ايده ومبقاش قادر
المدير : مستر عاصي ارجوك ياريت تحصلني علي المكتب
ميرا اول ما شافت كده وشافت قد ايه عاصي مابيهزرش بصتله نظره اعجاب اكتر وكلهم راحوا علي مكتب المدير وقتها
المدير دخل وعاصي دخل وراه الاول
المدير : عاصي بيه احنا مااتفقناش علي كده
عاصي : وماتفقناش برضوا ان ابنك يضرب ابن اخويابالطريقه دي
المدير : عاصي بيه احنا منعرفش ان غالب يبقي ابن اخوك ولو نعرف كنا اتعاملنا معاه بطريقه تانيه خالص .. هو جه قدم
في المدرسه علي انه منقول من مدرسه تانيه لو نعرف اكيد هيبقي لينا معامله خاصه معاه
المدير : بس بستأذنك دوول كلهم اولاد مع بعض ماينفعش انت كمدرس تدخل ابدا ما بينهم
عاصي : ( ضرب بأيديه علي المكتب ) لما تبقي تعرف تربي اولادك الاول وقتها بس تبقي تيجي تقولي اذا كان ينفع او ماينفعش
عاصي : انا اديتك شيك تكتب فيه اللي انت عايزه علشان حاجه معينه في دماغي واول ما اتأكد ان الحاجه دي بقت في
امان وقتها هسيب المدرسه وانا مرتاح وطول ما انا هنا حذارى ثم حذارى تقولي اعمل ايه ومعملش ايه فاهمني
المدير : ( باصص عاصي ومابيتكلمش )
عاصي: ( بكل غضب ضرب مره تانيه بأيديه علي الطرابيزه )
عاصي : بقولك فااااااااهمني
المدير : ( بخوف ) فاهمك .. فاهمك ياعاصي بيه
عاصي طلع ورزع الباب وراه وكل الطلبه شايفينه وهو طالع والمدير قاعد علي مكتبه مش مصدق البلوه السودا اللي جابها لنفسه عاصي مش سهل
الطلبه اللي اتخانقت كلهم كانوا واقفين بره منهم بدور وميرا وغالب وكريم السبب في المشكله دخلوا class فاضي زي عقاب ليهم
وانهم هيقعدوا ساعات زياده في ال class ده بعد ساعات المدرسة
واول ما دخلوا بيبصوا لقوا اللي مستنيهم جوه 😳😳
مس فريده المسؤوله عن شؤون الطلبه
مس فريده : ياريت تتفضلوا تقعدوا
غالب بص لمس فريده وابتسم
كانت لابسه skirt قصيره وشعرها طويل وكيرلي لونه كستنائي غالب بصلها نظره اعجاب وهو مبسوط بجمالها كانت حلوه بجد
مس فريده : اتفضلوا اقعدوا وكل واحد قعد علي ديسك ألا غالب كان واقف وهو بيبصلها ومبهور بجمالها
مس فريده لاحظت نظرات غالب ليها وانه مش شايل عنيه من عليها
مس فريده : ( بصت لغالب ) افتكر اني قولت تقعدوا
غالب : ( وهو بيبصلها نظرات غير عاديه ) طيب وانتي
مس فريده : وانا ايه
غالب : مش هتقعدي .. اصل ما ينفعش اقعد وتبقي واحده زي القمر زيك واقفه
بدور : ( بصت كده لغالب واتضايقت )
مس فريده ابتسمت ابتسامه خفيفه
مس فريده : ماتقلقش كلنا هنقعد سوا النهارده عشان نحل المشكله اللي حصلت دي ونتكلم فيها لحد ما نلاقي حل يراضي جميع الاطراف
غالب : ( غمزلها بعنيه ) لو انتي اللي هتحلي المشكله يبقي انا متراضي من دلوقتي
بدور داست علي رجل غالب برجليها
غالب : اااااه .. ( بص لبدور )
بدور شاورتله براسها انه يقعد
غالب قعد وفضل مركز مع مس فريده
مس فريده : ( بقت بتكلمهم كلهم ) احب اوضح اول حاجه 3 حاجات مهمه جدا عشان نقدر نكمل سوا كلنا السنه دي
ابتدت مس فريده تتكلم معاهم
------------------------( في نفس الوقت )-------------------------
المدير : ( نده للفراش ) ياريت تناديلي مستر عاصي
الفراش راح لعاصي
الفراش : مستر عاصي المدير عايز حضرتك
عاصي بص كده للفراش من فوق لتحت
عاصي : ( بكل برود ) بس انا مابروحش لحد
ياريت تبلغه ان عاصي مابيروحش لحد ابدا
الفراش رجع تاني مره للمدير وبلغه باللي عاصي قاله
المدير : طيب امشي انت دلوقتي
المدير راح لعاصي وهو مضايق جدا
المدير : انا كنت حابب نتكلم لوحدنا في المكتب عشان كده ناديت عليك يامستر عاصي
عاصي : اتفضل .. في حاجه
المدير : انا بعلن اعتذارى مره تانيه علشان اللي حصل وعشان نصلح اللي حصل ده في رحله عملناها للاولاد وهيكونوا كلهم فيها سوا
اتمني ان حضرتك تيجي معاهم وتشوف بنفسك مدى تفاهم الاولاد في الرحله دي سوا وانا اضمنلك ان غالب ابن اخو حضرتك هيكون مبسوط معانا جدا
عاصي : ( فكر في بدور وانها لو طلعت الرحله دي ازاي يقدر يخليها تتأقلم مع الطلبه اللي معاها )
عاصي : فكره مش بطاله
المدير : اهم حاجه ان حضرتك ماتكونش زعلان مننا ولا من اللي عمله ابني احنا هنحاول نصلح كل حاجه
عاصي : طيب لما نشوف
----------------------------( في نفس الوقت )--------------------
مس فريده لسه بتتكلم معاهم كلهم
مس فريده : اخر حاجه بقي عايزه اقولهالكم احنا شايفين ان الجو مكهرب اوي بينكم وحاسه ان في فريقين في المدرسه
ايه رايكم نغير الجو ده
كريم : ( بتكبر ورفعه حاجب ) والجو ده ممكن يتغير ازاي
مس فريده : انتوا عارفين ان المدرسه عامله رحله لواحه سيوه هنعمل cambing ( تخييم ) هناك وهنعيش حياه البدويه بالظبط هنغمل خيم بنفسنا وقدامنا المايه والصحرا
وبس هنفصل عن حياه التكنولوچيا وهنقفل موبايلاتنا تماما هنعمل اكلنا بأيدينا
ميرا : ( قامت وقفت وهي مش عاجبها الكلام ) ودي رحله دي فين ال fun في كده
مس فريده : ما هو ده برضوا مش هيمنع من ان احنا بالليل هيبقي في حفلات و d.g ورقص وحاجات تانيه اكتر تخليكم تفهموا بعض اكتر ونقرب كلنا من بعض هااا قولتوا ايه
كريم : انا لا يمكن ابقي مع واحده زي دي ( شاور براسه علي بدور ) في مكان واحد
غالب زق الdesk بتاعه لورا برجليه
وقام وقف وهو كله غضب
غالب : ومالها دي بقي ان شاء **** مش عجباك في ايه
لينا : ( وقفت قدام غالب ) وانت مالك بدافع دايما عنها كده ليه هي تقربلك واحنا مانعرفش
غالب بص لبدور .. بدور سكتت وبقت تشاورله براسها انه مايقولش انه يعرفها
غالب : ( داس علي سنانه ونفخ من كتر زهقه وشد الچاكيت بتاع المدرسه بتاعه من علي الكرسي ومشي )
مس فريده : غالب .. غالب ارجوك استني
مس فريده: ( بصت لكريم ) انت ايه اللي قولته ده باباك عايزك لازم تبقي تروحله ضروري
مس فريده مشيت ورا غالب
مس فريده : استني ياغالب .. غالب استني ( مدت ايدها عشان تمسك دراعه وتوقفه )
غالب : ( زق ايدها ورجعها لورا وكانت هتقع )
غالب : ( وقف ولحقها قبل ما تقع ومسكها من ايديها )
مس فريده : يرضيك كده كنت هقع
غالب : انا اسف مكانش قصدي
مس فريده : ماينفعش تمشي ياغالب دلوقتي
غالب : انا اعمل اللي انا عايزه مافيش حد يقدر يقولي اعمل ايه ومعملش ايه
مس فريده : للدرجه دي بدور غاليه عليك ومابتستحملش عليها كلمه وحشه
غالب : ( بتردد ) ايه .. ايه اللي انتي بتقوليه ده
مس فريده : واضح جدا انها غاليه عليك بدليل ان النهارده اول يوم ليك وعملت كل ده عشانها ..
غالب : انا .. انا معرفهاش اصلا
مس فريده : انا معرفش انت ليه بتنكر انك تعرفها ودي حاجه مش هدخل فيها .. بس لو فعلا عايز بدور تتأقلم علي المدرسه وتندمج معاكم ومع الطلبه الباقيين ولازم كلكم تروحوا الرحله دي مره واحده بيبصوا لقوا الجرس رن
غالب : افتكر كده اقدر امشي
غالب ومس فريده كانوا واقفين في الطرقه والكل ابتدا يطلع من الفصول
(غالب جه يمشي )
مس فريده : فكر في اللي قولتهولك ياغالب
غالب شاور براسه كده وهو ماشي بالموافقه
ومشي ركب عربيته وساق عربيته بأسرع ما يمكن ومشي
بدور اخدت الشنطه بتاعت غالب معاها لانه نسيها وركبت الباص وهي في دماغها الف سؤال
غالب اول ما روح فتح الباب بالمفتاح ورمي المفتاح علي الكرسي بيبص لقي عاصي واقف مستنيه
غالب : طبعا انت مستنيني وعايز تسألني نفس الاسئله اللي هموت واسألهالك
عاصي : كنت بتعمل ايه هناك
غالب : انا اللي عايز اعرف انت اللي كنت بتعمل ايه هناك لاء ومدرس كمان مستر عاصي
انت مش كنت سيبت المهنه دي من زمان يامستر .. استني كده .. انت ماشتغلتهاش اصلا وقررت انك تمسك شركات جدي مع ابويا **** يرحمه
ايه اللي خلاك ترجع وتبقي مستر عاصي من جديد
عاصي : مافتكرش ان انت ممكن تحاسبني علي حاجه انا بعملها المفروض انا اللي اسألك سؤال زي ده طالب ياغالب بقيت طالب كده مره واحده كلت من عمرك 6 سنين مره واحده
بدور دخلت وهي سامعه كلامهم هما الاتنين
رمت الشنطه بتاعت غالب في الارض وهي متنرفزه جدا وبقوا التلاته واقفين في الصاله تحت وعاملين زي مثلث
بدور : افتكر ان المفروض انا اللي اسأل السؤال ده ليكم انتوا الاتنين انتوا بتعملوا ايه في مدرستي .. وازاي قدرت ياغالب تبقي طالب في المدرسه من جديد وليه وعشان ايه ده كله
غالب : اني ابقي في المدرسه دي حاجه سهله جدا مجرد اني ازور شويه ورق واقدم اني جاي من مدرسه تانيه مافيهاش اي مشكله ..
مش قصه يعني وبعدين هيكون ليه .. عشانك طبعا لما كل يوم تيجي معيطه وحزينه من اللي بيحصل معاكي اكيد مش هقف اتفرج عليكي انا كنت ممكن اربي العيال دي من بره
بس انتي حتي مارضتيش تقولي مين دوول مجرد شويه عيال بضايقك وبس فكنت لازم ادخل المدرسه واعرف مين بيضايقك عشان اوقفه عن اللي بيعمله
بدور : ووقفتهم
غالب : هوقفهم .. والدليل اللي حصل النهارده
بدور ( بصت لعاصي ) : وانت ياعاصي بيه زورت ايه
عاصي : ( سابها ومشي وهو ماشي وادالها ضهره ) مافيش حاجه تجبرني اني اشرحلك انا دخلت المدرسه ازاي
بدور : حتي علي الاقل اعرف ليه .. وقفت قدام عاصي
ليه عملت كده ياعاصي
عاصي : طول ما انتي قاعده هنا ومعانا هتبقي تحت حمايتي يابدور مش اكتر
بدور : ( ابتسمت وبصت لعاصي وعاصي بصلها واتنهد كانت في نظره طويله وحلوه اوي ما بينهم قطع النظره دي وعبد الرحيم داخل عليهم وبيقول )
عبد الرحيم : الدكتوره احسان مشيت النهارده وسابت الڤيلا ياعاصي بيه
بدور : ( بصت شمال لعبد الرحيم ) مشيت .. مشيت راحت فين
عبد الرحيم : روحت .. روحت بيتها
غالب : ليه هو حد زعلها
عبد الرحيم : معرفش و**** ياغالب بيه هي ماقالتليش حاجه
عاصي : انا داخل اوضه المكتب لازم اخلص شويه حاجات
بدور : ( راحت لغالب ) احنا هنسيب احسان تمشي
غالب : (هز كتافه ) انا مش عارف هي مشيت ليه ؟ تقريبا مارتاحتش معانا
غالب لسه بيتحرك راحت الكدمه اللي في وشه وعلي عنيه وجعته
بدور : اقعد .. اقعد لما امسحلك الدم اللي علي شفايفك ده
غالب : لا لا مالووش لزوم انا هاروح اغير
غالب طلع اوضته وقلع قميص المدرسه اللي كان لابسه ورماه علي سريره ولسه بيغير لقي الباب بيخبط
غالب : ادخل
بدور دخلت لاقت غالب لابس بنطلون بس من غير القميص من فوق
بدور : انا .. انا اسفه .. مكنتش اعرف انك بتغير هدومك
غالب : ادخلي يابدور انا لسه ماغيرتش
بدور جابت شاش وقطن ومعاها مطهر
غالب : ( بص للي في ايديها ) برضوا مصممه
بدور : ايوه الدم اللي علي شفايفك وحوالين عنيك ازرق .. ممكن تقعد بقي
غالب : ماشي ياستي قعدت
غالب قعد علي الكرسي وبدور قعدت علي ركبها قدامه
وبقت تمسحله الدم اللي علي شفايفه
بدور : مكانش لي لازمه اللي عملته ده كله ياغالب
غالب : يعني كنتي عايزاني اتفرج عليه وهو بيهزقك
بدور : طيل ما انا ممكن ارد يعني هو انا مش فيا لسان الحكايه وما فيها اني عايزه اعدي السنه دي بأي طريقه من غير مشاكل
مش اكتر المشكله انهم بيفضلوا يتكلموا انجليش علي طول وانا ما بفهمش نص كلامهم .. مابحبش ابان قدام غيري اني جاهله ومابعرفش اتكلم زيهم فبسكت وبعدين عرفت ان لو اجتهدت ممكن اخد منحه للجامعه بمصاريفها وكل حاجه ومش اضايقك تاني بمصاريفي وهمي بس كل ده مش هيتحقق لو كنت بعمل مشاكل انت مركزه في دراستي وبس
غالب : ( مسك ايد بدور وهي بتحطله القطنه علي شفايفه وقام وقف وبدور وقفت معاه )
غالب : ( بعتاب ) انتي بتقولي ايه يابدور .. انتي لا يمكن تكوني هم عليا ابدا .. وبعدين كفايه اللي عملتيه علشاني انا وعاصي وانا بردلك جميلك مش اكتر وبعدين تعالي هنا انتي مش عايزه تعرفي العيال دي ان احنا نعرف بعض ليه
بدور : ( ادت غالب ضهرها وبتحط القطنه علي الكومود ) ابدا علشان مش عايزه اعتمد علي حد عايزه اعتمد علي نفسي وبس وعشان مايقولوش ماعرفتش تدافع عن نفسها جابت حد يدافعلها
بدور لسه بتتكلم وبتدي وشها لغالب مره واحده اتكعبلت في شنطته اللي في الارض غالب لحقها ومسكها من ايديها وشدها لي
وقربها منه وبأيديها التانيه سندت علي صدره
غالب بصلها وابتسم وبدور بصيتله وقربت منه واول ماحست بقربها منه بعدت عنه علي طول
غالب : ( وهو مبتسم وبيبصلها ) ايه مش تخللي بالك ..
بدور : اصل .. مكنتش واخده بالي من الشنطه
بدور وشها احمر حرفيا
غالب : اي ده انتي بتتكسفي ولا ايه
بدور : لاء طبعا هتكسف من ايه يعني .. انا ماشيه
غالب : ( وهو بيضحك يبقي بتتكسفي ) بدور اخدت الفوطه من علي السرير ورمتها عليه
بدور : قولتلك لاء مش بتكسف اصلا
بدور مشيت وفتحت باب الاوضه وقالت على فكرة احنا لازم نروح لاحسان
غالب : و**** عارف انك هتقولي كده .. احنا فعلا لازم نروح ناخدها
بدور : تفتكر عاصي هيوافق ييجي معانا
غالب : مممممم افتكر انه يوافق بس لو انتي اللي طلبتيه منه ده... عاصي بعد اللي عمله عشانك النهارده افتكر انه بيعزك اوي
بدور : تفتكر
غالب : اكيد يابنتي .. بيعزك جدا كمان زي ما بيعزني بالظبط انتي زي بنته
بدور : ( باحباط ) زي بنته
غالب : اه طبعا
بدور : طيب .. انا هاروح اقوله ويارب يوافق
بدور نزلت لعاصي
بدور : ( خبطت علي الباب ) تسمحلي ادخل
عاصي : مش فاضي دلوقتي
بدور : مش هاخد من وقتك كتير
عاصي : في ايه
بدور : احسان ..
عاصي : انا ماقولتلهاش تسيب البيت
بدور: بس احسان ليها كرامه انا خفيت ومابقيتش محتاجلها هتقعد تعمل ايه تاني
عاصي : طيب ما فعلا هتقعد تعمل ايه تاني
بدور : انا فاهماك بس .. لازم تحس ان احنا عايزينها معانا
احسان اتغيرت اوي ياعاصي
عاصي : ( شاور بأيديه ) والمطلوب
بدور : تيجي معانا نروح نجيبها .. او حتي نسأل هي مشيت ليه
انا متأكده ان دي حاجه هتفرحها جدا .. وماتنساش ان احسان انقذتك قبل كده من الموت
عاصي : ااااه لما كنتوا عاملين لعبه عليا انتوا الاتنين
بدور : مالهووش لازمه الكلام ده دلوقتي
عاصي : موافق بس بشرط
بدور : ايه هو
عاصي : رحله المدرسه لازم تطلعيها
بدور : ( باستغراب ) ليه يعني
عاصي : ( بصوت عالي وهو متنرفز ) عشان انا قولت كده
بدور : ( بخوف ) طيب .. طيب موافقه
عاصي : وانا موافق اني اروح معاكم
-----
احسان روحت بيتها اخيرا ودخلت اوضتها
ام احسان : مالك يا احسان فيكي ايه يابنتي
احسان : ابدا يا امي مافيش
ام احسان : مابقتيش عجباني ابدا يا احسان
احسان : معلش ممكن تسبيني لوحدي شويه
ام احسان : يابنتي انا خايفه عليكي
احسان : ارجوكي يا امي محتاجه اقعد لوحدي
ام احسان طلعت وابتدت احسان تفتح شنطتها وتطلع هدومها تحطها في دولابها
ومره واحده من غير ما تحس لاقت دمعه نازله منها مسحت بصوابعها دموعها وبقت مستغربه من ان الدمعه دي نزلت منها وقتها اتنهدت وعرفت ان قلبها هو اللي بيبكي من كتر الحزن اللي جواها ومره واحده قعدت علي سريرها وفرضت ضهرها علي السرير وغمضت عنيها زي ما تكون مستنيه حد يخبط عليها وفي نفس اللحظه سمعت صوت خبط الباب فتحت وهي مش مصدقه انها شايفاه قدامها بصلها ومن غير ما تتكلم ولا كلمه حط صوباعه علي شفايفها
عاصي : انا عارف انك اتحملتيني كتير وعارف انك فاكره اني مش حاسس باللي في قلبك من ناحيتي
( قرب منها وحط ايده علي شفايفها وهو بيبص في عنيها العسلي الفاتح )
عاصي : انا بس عايزك تصبري عليا احسان .. اصبري عليا وانا هشيلك جوه عنيا 😍
احسان ابتسمت وبقت مش مصدقه ان عاصي جالها البيت مخصوص
احسان : ( بفرحه ) عاصي .. عاصي انت هنا فعلا
مره واحده احسان صحيت علي صوت امها وهي بتنادي عليها
ام احسان : احسان .. احسان اصحي في ناس جاينلك بره
احسان بصت شمال ويمين وهي بدور علي عاصي في الاوضه وبعدها عرفت انها غصب عنها نامت علي السرير وان عاصي كان حلم مش اكتر اتنهدت بحزن وسرحت مع نفسها
ام احسان : يابنتي سرحتي في ايه بقولك في ناس عايزينك بره
احسان : ناس .. ناس مين دوول
ام احسان : مش هتصدقي
احسان : ( بزهق ) يووووه يا امي مابتقولي بقي
ماما احسان : بدور .. وغالب وعاصي
احسان : ( بفرحه ) انتي بتتكلمي بجد 😍
ماما احسان : اه و**** بره زي ما بقولك كده
احسان : طيب اقرصيني كده لا يطلع ده حلم هو كمان
بدور دخلت عليهم
بدور : تحبي اقرصك انا 😁
احسان : هو .. هو عاصي بجد معاكي بره
بدور : ايوه بره مكانش ينفع ابدا تسبينا كده فجأه
احسان : اصل .. اصل
بدور : من غير اصل ولا حاجه قومي البسي يلا عشان هما مستنيينك بره
احسان : ( قامت من علي السرير ) انا جايه حالا 😍
احسان طلعت وسلمت علي عاصي وغالب
احسان : ده شرف ليا انكم تيجوا النهارده لحد هنا
عاصي : مكانش ينفع نسيبك تمشي كده من غير ما نعرف السبب ايه
احسان : مهمتي وخلصت مافتكرش ان في حاجه تاني اقعد عشانها
غالب : لاء طبعا في .. ان احنا كلنا نكون سوا .. افتكر ان احنا نكون سوا ده اكبر سبب انك تقعدي عشانه معانا
بدور : ايوه بس
غالب : مافيش بس واعملي حسابك في رحله كلنا طلعنها لواحه سيوه
وانتي هتطلعي معانا عشان كلنا نغير جو سوا
بدور : فكره حلوه اوي
احسان بصت لعاصي
عاصي : ياريت تكوني موجوده يا احسان
احسان : ( بابتسامه ) اكيد هبقي موجوده ياعاصي 😊
يتبع...

الجزء الخامس

غالب : مافيش بس واعملي حسابك في رحلة كلنا طلعنها لواحه سيوه وانتي هتطلعي معانا عشان كلنا نغير جو سوا
بدور : فكره حلوه اوي
احسان بصت لعاصي
عاصي : ياريت تكوني موجوده يا احسان
احسان : ( بابتسامه ) : اكيد هبقي موجوده ياعاصي 😊
عاصي : طيب احنا لازم نمشي
ام احسان : ماتستنوا شويه ابو احسان زمانه جاي ونتعشا سوا
غالب : للاسف مافيش وقت ( بابتسامة ) ورانا مدرسه بدرى
احسان : مدرسة .. مدرسة ايه اللي وراك ياغالب
غالب : لااااا دي حكايه طويلة هبقي احكيهالك بعدين
اعملي حسابك عاصي هيعدي عليكي بعربيته علشان تروحوا الرحله سوا
عاصي بص لغالب كده وضم حواجبه
غالب : صح ياعاصي هتفوت على احسان
عاصي : ( ماتكلمش ولا كلمه ) ____________
احسان لاحظت كده ردت بسرعه
احسان : لا لاء بلاش اتعبه معايا انا هبقي اجيلكم بس ابعتولي العنوان
عاصي : مافيش تعب يا احسان ولا حاجه هبقي اكلمك تحضري نفسك
احسان : ( بابتسامه ) اللي تشوفه 😊
عاصي مشي هو واحسان وبدور وركبوا العربية سوا وعاصي فضل سايق مابيتكلمش ولا كلمه
بدور بتبص لاقت الزريبة اللي كانت مستخبيه فيها هي وعاصي
بدور : ( بصت لعاصي بابتسامه ) فاكر الزريبة دي
عاصي : ( بلوم ) اه فاكرها لما ابن اخويا ضربني بالنار في بضهرى اكيد فاكرها
غالب : انت مابتنساش ابدا
عاصي : انا بسامح بس مابعرفش انسى
غالب بص ناحيه الشباك وودي وشه الناحية التانية
بدور : هو ده بس اللي انت فاكره ياعاصي
عاصي : سرح وافتكر وقتها قد ايه هو وبدور كانوا قريبين من بعض ابتسم ابتسامة خفيفة وبص لبدور في المراية بدور بصتله
وهي كمان ابتسمت ورجعت ضهرها لورا وبقت وودت وشها الناحية التانية واتنهدت وبقت تبص من الشباك
------------------------( في نفس الوقت ) ------------------------
ميرا راحت الڤيلا لكريم فتحت باب اوضته لاقيته قاعد على نايم على سريره ولابس البنطلون بس من غير التي شيرت ونايم علي بطنه
بتبص لاقت شفشأ مايه علي الكومود اللي جنبه جابته وكبت المايه كلها عليه وهو نايم
كريم قام وهو مفزوع والمايه كلها عليه وعلى السرير
كريم : ( بعصبية وهو مش مستوعب ) انتي اتجننتي ولا ايه .. ايه اللي انتي بتعمليه ده يامجنونة
ميرا : ما هو ماينفعش بعد اللي قولتهولي في الفون ده تسيبني كده وادخل عليك الاقيك نايم ولا في دماغك
كريم : ( هز راسه شمال ويمين وهو مخنوق جدا من ميرا قام من على السرير وشد فوطة من جنبه وبقي بينشف وشه من المايه )
ميرا : ماتنطق الكلام اللي قولتهولي في الفون ده بجد
كريم : ايوه بجد
ميرا : يعني بدور تبقي بنت شوارع فعلا زي ما كنت متوقعة ومتربية طول عمرها في الملجأ
كريم : ما قولت ايوه . ايوه . ايه اغنيهالك
ميرا : وازاي ابوك وافق بواحدة زي دي تبقي معانا في المدرسة
كريم : ما ابويا ما يعرفش
ميرا : ( قعدت علي الكرسي وحطت رجل على رجل وضمت حواجبها باستغراب )
ميرا : اومال انت عرفت منين
كريم: لااااا دي بقي مصادرى الخاصة
ميرا : ( بنرفزه ) كريم انجز .. عرفت منين
كريم : طيب خلاص ماتتنرفزيش اوي كده في واحدة جت وحاكتلي عنها كل حاااجة .. وباين عليها ايه ... شايله منها كتييير ومن وقتها
وانا مش طايق واحدة زي دي تبقي معانا وفي وسطنا كده عادي
ميرا : مين الست دي
كريم : لااا لحد هنا ومش هينفع اقولك
ميرا : ومش هينفع ليه ؟
كريم : ( بص في الارض ) ليا اسبابي الخاصة .. المهم هنخلص من البت دي ازاي
ميرا : ماتقول لابوك على حقيقتها
كريم : ماينفعش .. وحتى لو قولتله مافتكرش انه هيطلعها من المدرسة ده قابض ومتكيش من واحد اسمه محمود مش عارف ايه كده ..
هو لو مكانش قابض كان دخل واحدة مابتعرفش لغه زي دي المدرسة بتاعتنا
ميرا : طيب وبعدين هنسيبها في وسطنا كده
كريم : لاااا ما احنا هنطلع الرحلة اللي قالت عليها مس فريدة
وهناك هنخليها تقول حقي برقبتي وهي اللي هتسيب المدرسة بمزاجها
ميرا : ( غمزت لكريم ) وانا معاك في الرحله دي
---------------------------( في نفس الوقت) ----------------------
عاصي روح الڤيلا ونزل من عربيته وهو بيقول
عاصي : ياريت تجهزوا نفسكم بكره بدرى عشان الرحله دي
غالب : تمام اوي انا هاروح مشوار وهاجي علي طول
بدور : رايح فين
غالب : رايح اجهز نفسنا للرحله دي
بدور : مش فاهمه
غالب : لما أجي هفهمك
غالب ركب عربيته ومشي
وعاصي طلع علي اوضته
بدور دخلت المطبخ وكانت جعانه جدا ما اكلتش حاجه من الصبح
حضرت العشا وخبطت علي عاصي
بدور : انا عملت العشا لو حابب تتع... ( لسه هتكمل كلامها عاصي قطعها في الكلام )
عاصي : مش جعان
بدور ( بتنهيده ) : بس انت مكلتش حاجه من الصبح
عاصي : ( بصلها ) مافتكرش ان دي حاجه تخصك .. أكل او ما اكلش دي حاجة تخصني انا
بدور : ( اتحرجت ) ممممم ايوه صح انت عندك حق انا اسفة
بدور طلعت ولسه هتقفل الباب وراها
بدور : ( بنبره صوت حاده ) لاء انا مش اسفة ..
انت بتعمل كده ليه .. ليه كل ما احاول اتكلم معاك كلمه واحدة بتصدني دايما .. دايما مكشر في وشي .. عمرك حتي ما بتبتسم قدامي دايما بتشخط فيا وتحرجني وتزعق فيا وبس
انا محتاره ساعات افكر للدرجة دي بتكرهني .. وارجع اقول لنفسي طيب لو بيكرهك مخليكي عنده في بيته كل ده لية ؟
لو علشان الجرح اللي سببتهولي فا انا خفيت خلاص .. ممكن يكون شفقة صح .. اكيد بتشفق عليا ياعاصي
بدور قربت من عاصي اكتر ووقفت قدامه ووشه في وشها بالظبط
بدور : ( ودموعها بتلمع في عنيها ) جاوبني .. خليني ارتاح انا بفكر في اليوم الف مرة .. ليه بتعاملني المعامله دي ياعاصي ليه ؟
عاصي : ( في نفسه وهو باصص في عنيها ) عشان خايف .. خايف اقرب منك اكتر.. احبك اكتر يابدور..
خايف يقوله عاصي الكابر اتعلق ببنت قد ولاده .. خايف يبانلك اللي جوايا .. علشان كده دايما ببعدك عني
بدور : انطق ياعاصي ساكت ليه ؟
عاصي فاق من سرحانه وهو بيكلم نفسه وباصص في عنيها
اداها ضهره عشان مايبصش في عنيها ويضعف
عاصي : تقدرى تقولي شفقة مش اكتر
بدور : ( بصوت حزين ) ولما هي شفقة ايه اللي خلاك تسيب شغلك ومكانك وسط شركاتك وتبقي المدرس بتاعي ياعاصي دي كمان شفقة
عاصي : ( مسكها من دراعاتها الاتنين وبقي يهز فيها جامد ) قولتلك الف مره طول ما احنا الاتنين عايشين تحت سقف واحد انتي في حمايتي وهعمل اي حاجة عشان احميكي مش اكتر
بدور : ( رفعت ايدها وبقت تحاول تنزل ايد عاصي من علي كتافها وعاصي كان ضاغط جدا بأيديه الاتنين على دراعاتها
بدور : ( بدور بقت بتلمس ايد عاصي بحنيه ) عاصي .. عاصي دراعي ياعاصي .. انت بتوجعني
عاصي نزل ايده بالراحه من علي دراع بدور وبدور بقت بتنزل ايديه من عليها وهي لسه ماسكه ايديه
رفعت ايدها وهي ماسكه ايديه وحطتها علي قلبها
بدور : ( وهي بتبص في عنيه وبتتكلم من قلبها بجد ) رغم انك بتقول انك بتشفق عليا بس قلبي ده بيقولي انك بتكذب عليا .. معرفش احساسي صح ولا غلط بس هو ده اللي انا حساه ..
تصبح على خير
بدور سابت عاصي ومشيت وعاصي ابتسم وبقي مش مصدق حس ان بدور ممكن تكون بتبادله نفس شعوره ومش قادرة تقوله باللي هي حاسه بي وحس انه لازم ينادي عليها ويقولها اللي جواه
راح بسرعه عشان يفتح باب اوضته وينادي عليها بيبص لقي حد بيخبط ابتسم وقال
عاصي : بدور
فتح الباب وهو بينطق اسمها ومبسوط
بيبص لقاه غالب
غالب : اي ده انت كنت مستني بدور ولا ايه
عاصي : ( كشر مره واحده اول ما لقاه غالب ) لا لا ابدا
غالب : اومال كنت بتنطق اسمها ليه
عاصي : ( بتوتر ) ابدا .. اصلها كانت بتقول انها عملت العشا
غالب : ايوه فعلا العشا علي السفره تحت تعالي عشان نتعشا وكمان عشان اوريك انا جيبت ايه لبدور
عاصي : وانت تجيبلها ليه ..
غالب : ايه ياعاصي في ايه .. ايه السؤال ده
عاصي : انا مش عايز اتعشا
غالب : انت حر .. انا مش فاهم انت متعصب ليه ؟
غالب نزل علي السلالم وهو نازل بدور كانت مستنياه علي السفرة
بدور : ايه مش هياكل
غالب : لاء مش عايز ياكل ومش فاهم متعصب ليه ؟
بدور : ماتزعلش منه
غالب: طيب يلا كلي بقي عشان اوريكي الهدوم اللي جيبتهالك
بدور : ( ابتسمت لغالب ) انا بجد مهما اشكرك علي اللي بتعمله معايا مش هوفيك حقك
غالب : ايه جو الرومانسيات ده مابياكلش معايا ( قعد علي السفرة ) يلا بس ناكل عشان اشوف الهدوم عليكي بس يارب ذوقي يعجبك
بدور ابتسمت وهي بتقول
بدور : اكيد هيعجبني ☺️
--------------------------------( في نفس الوقت)------------------
ام احسان : بتعملي ايه يا احسان
احسان : زي ما انتي شايفه بحضر شنطتي .. انتي مش سمعتي ان عاصي هييجي ياخدني بكره
ام احسان : طيب وابوكي هنقوله ايه .. هنقوله انك طالعه رحله مع سي عاصي
احسان : ( قعدت امها على السرير وهي مبتسمة ) لاء طبعا ياماما اوعي تقوليله كده
ام احسان : اومال هنقوله ايه بس
احسان : عادي ياماما جالي حالة مستعجلة او اي حاجة ماتقلقيش هعرف اتصرف
ام احسان : يابنتي كفيانه كذب على الراجل وبعدين انا حاسه انك بتتعلقي في حبال دايبه .. عاصي ده حباله دايبه يا احسان
احسان : انا عارفة .. بس انتي متخيله ايه اللي بيحصل عاصي هييجي ياخدني بكره وهقضي طول مده السفر معاه ممكن وقتها يتكلم معايا .. يعرفني .. يقرب مني ارجوكي يا امي دي فرصة كنت مستنياها من زمان واهي اخيرا جت ارجوكي ماتضيعييش الفرصه دي من ايدي يا امي عشان خاطرى
احسان بقت تبوس ايد مامتها وتبوس دماغها
احسان : هااا قولتي ايه ياست الكل
ام احسان : خللي بالك على نفسك يا احسان
احسان : لاااا من الناحية دي اطمني انتي مخلفه راجل
ادعيلي انتي بس **** يحنن قلبه عليا
ماما احسان : **** ينولك اللي في بالك يابنتي
--------------------------------( في نفس الوقت)------------------
بدور لبست الهدوم اللي غالب جابهالها
بدور : أيه رايك
غالب: يابنتي انا مابجيبش حاجه وحشه اساسا ..
بدور : ( بفرحه ) يعني حلو عليا
غالب : ( بصلها وبص لجمالها واول مره ياخد باله انها حلوه اوي كده ) بصراحه هو حلو عشان انتي لبساه
بدور اتحرجت
بدور : طيب انا .. انا هدخل بقي عشان اشيل الهدوم دي في الشنطه عشان اصحي بكره بدرى
غالب : طيب يابدور تصبحي علي خير.
بدور جت تمشي راحت وقفت قدام غالب
غالب : في حاجه يابدور
عايزه تقولي حاجه
بدور : بصراحه اه ..كنت بس عايزاك توعدني انك ماتتخانقش في الرحله مهما حصل ممكن ياغالب
غالب : ايوه بس لو حد ضايقك انا ممكن
بدور حطت ايدها علي شفايف غالب عشان مايكملش كلامه
بدور: ارجوك بلاش ياغالب انا رايحه الرحله دي عشان اندمج وسطهم واقدر اكمل السنه دي معاهم من غير اي مشاكل ..
عشان خاطرى اوعدني انك مش هتعمل اي مشكله هناك
غالب مسك ايد بدور ونزلها بالراحه من علي شفايفه
غالب : ( بابتسامه ) طالما انتي عايزه كده يبقي اللي تشوفيه
بدور ابتسمت
بدور : اه وحاجه كمان
غالب : ماتقلقيش مش هقول لحد اني اعرفك وهتعامل معاكي هناك طبيعي جدا في حاجه تاني
بدور : ( بتنهيده وهي مبتسمه ) تصبح علي خير
-------------------------( تاني يوم الصبح )-------------------------
غالب : وهو بيشيل شنطه
يلا كله جاهز
عاصي : ( وهو نازل من علي السلم ) انا هاروح اخد احسان
غالب : تمام وانا هاخد معايا بدور
بدور : لاء انا هاروح المدرسه بتاكسي احسن
غالب : عشان برضوا مايعرفوش انك معايا
بدور : ايوه ما انت عارف
غالب : تمام
غالب ركب عربيته وراح المدرسه وبدور ركبت تاكسي وعاصي راح لاحسان
عاصي : الوو
احسان : _________
عاصي : جاهزه يا احسان
احسان :______________
عاصي : تمام انا هاجي اخدك بس ياريت تكوني جاهزه
بدور وغالب راحوا المدرسه وركبوا الاتوبيس من هناك
وفي اللي راح من الطلبه بعربيته
عاصي وهو قدام بيت احسان
عاصي : اتأخرت عليكي
احسان : لا لا ابدا ماتأخرتش
عاصي : طيب يلا اركبي
احسان ركبت العربيه مع عاصي وكانت حرفيا طايره من الفرحة
ووصل الجميع للمكان المخصص
مس فريده : غالب ياريت تساعدني في نزول الشنط
غالب بصلها وابتسم وغمزلها
غالب : من عيوني
مس فريده بقت تكلم كل الطلبه
مس فريده : الرحله هتكون 3 ايام زي ما كلنا عارفين بس اللي عايزه اعرفهولكم اكتر ان هي اكتر من انها تكون رحله
فهي هتبقي مشقه عليكم بمعني ان احنا هنعمل كل حاجه هنا بأيدينا ..
ميرا وكريم مره واحده جم بعربيتهم وكريم لف الدركسيون جامد العربيه لفت حوالين نفسها وبقي في تراب في الهوا بقت بدور تكح منه
كريم : ( نزل من عربيته ورزع الباب وراه هو وميرا )
ميرا : بس انا مابعرفش اعمل حاجه بأيدي ابدا دايما الشغالين بتوعنا هما اللي بيعملوها ( بصت لبدور ) الشغلانه دي ليها ناسها
بدور اتنهدت وداست علي سنانها وسكتت
عاصي جه من وراهم بعربيته
ورزع باب عربيته وهو مضايق من كلام ميرا
عاصي : ( بصوت عالي ) الرحله دي مش رحله عاديه احنا جيبنا الطلاب اللي اهليهم ماعرفووش يربوهم كويس ( وبص لميرا ) عشان احنا بقي نربيهم يعني الرحله دي هتبقي رحله اعتماد علي النفس اكتر من انها تكون ترفيهيه
رفع صوته اكتر علشان الكل يسمع وبقي بيشاور بصوباعه
1- هنعمل اكلنا بأيدينا
2- هننصب الخيم بتاعتنا
3- هنحترم بعض وهنتعاون كلنا سوا
عاصي بص لكريم وبقي وشه في وش كريم
حد عنده اعتراض
كريم : ( مسك ايده وبقي يحسس عليها )
هز راسه يمين وشمال من غير ما يتكلم بمعني لاء
عاصي : تمام كده يلا كله يبدأ الشغل ياريت كله ينزل الخيم من الاتوبيس وهنقسم الخيم لتمن مجموعات اربعه شباب واربعه بنات
غالب بص لكريم وابتسم ابتسامه شماته كده وكل الولاد قلعوا القمصان بتاعتهم وبقوا ينصبوا الخيم ..
وابتدا غالب يتعرف علي معظم الطلبه التانيين
ثائر : بالراحه .. بالراحه انت كده شايل كتير هات اشيل معاك
غالب : لا انا تمام اوي حصلني انت بالباقي
ثائر مد ايده : انا ثائر
غالب : وانا غالب
ثائر : عارفك طبعا انت من اول يوم دخلت فيه المدرسه وانت اسمك مسمع في المدرسه كلها
غالب : مش للدرجه دي
غالب مشي وثائر مشي وراه
ثائر : للدرجه دي جدا كمان ☺️
سجده : بدور تعالي معايا انتي هتبقي معايا في خيمتي
بدور : طيب انا هنادي لاحسان واجي معاكي علي طول
بدور جت تنادي علي احسان بتبص لاقيتها واقفه مع عاصي
احسان : هات اخدها منك وانت شوف هتجيب حطب منين
عاصي : تمام بس تقيله عليكي
احسان : لا ابدا مش تقيله ولا حاجه
احسان اخدت العصيان اللي بيثبته بيها الخيمه من عاصي ولسه هتمشي بيهم كانوا تقال عليها جدا وقعت بيهم ماقدرتش تشيلهم
عاصي راحلها بسرعه وشالهم منها ومسك ايدها عشان يقومها من علي الرمله
عاصي : (وهو ماسك ايد احسان ) مش قولتلك تقال عليكي مابتسمعيش الكلام
احسان قربت منه اكتر ومسكت ايديه ليها خلت قلبها كان هيطلع من مكانه
بدور كانت وراهم وشيفاهم اول ما شافت عاصي ماسك ايد احسان اتضايقت جدا وزعلت وراحت لسجده
سجده : مالك يابدور فيكي ايه
بدور : هيكون فيا ايه يعني ولا حاجه تعالي نكمل نعمل الخيمه بتاعتنا
كل اللي موجود كان بيعمل الخيم وبيحضر نفسه وبيحط حاجته
والليل دخل عليهم وابتدوا يولعوا نار في كل مكان بشويه حطب والدى جي ابتدي يشغل اغاني وكله كان بيرق
احسان : مالك يابدور فيكي ايه .. مش ناويه تطلعي مع صحابك
بدور : لاء ازاي .. ( بدور ندهت علي احسان ) احسان
احسان : نعم يابدور
بدور : خللي بالك علي عاصي
احسان : مش فاهمه
بدور : مش مهم
بدور طلعت مع سجده وابتدت تندمج مع اللي حواليها
بدور : قوليلي بقي كل اللي هنا دوول مين علشان انا محتاجه اتعرف علي الكل هنا
سجده : تمام بصي ياستي
( شاورت علي كريم وميرا )
سجده : في الاول طبعا انتي عارفه كريم ابو ددمم تقيل وميرا اللي معاه دي طبعا
بدور : اكيد طبعا عرفاهم
بدور بتشاور علي ولد ماشي
بدور : ومين ده
سجده : لاااا ده ماتحاوليش تعرفيه اصلا دايما ماشي لوحده وتحسي انه عنده توحد
كريم شاف بدور
كريم : بدور هناك اهيه
ميرا : ماتقلقش شيفاهه .. انا مستنيه اللحظه المناسبة عشان اعرفها قيمتها الحقيقية
كريم : بس هي مالها احلوت اوي النهارده كده ليه
ميرا : لا و****
الكل كان متجمع في الصحرا وحوالين النار بيرقصوا وغالب جه ومعاه ثائر اللي اتعرف عليه واتنين كمان معاه وكانوا جايين ناحيه بدور
بدور : هما مين اللي مع غالب دوول
سجده : ممممم ده بقي ثائر حبيبي
سجده ابتسمت وراحت لثائر
سجده : اتأخرت كده ليه
ثائر : غالب هو اللي اخرني
واحد من اللي مع غالب اول ما شاف بدور حب يتعرف عليها
واول كلامه معاها
تعرفي يابدور انك شبه جدتي اوي ( قرب منها ) وكنت بحبها اوي
غالب اول ما شافوه بيقرب منها ضم حواجبه وقطعه في كلامه
وحب يعرف نفسه لبدور قدام الكل زي ما اتفقوا .
غالب : غالب الكابر وافتكر اسمي مايتنسيش
بدور : لا لا .. لا يمكن يتنسي
مره واحده ميرا جت ووقفت قدام غالب
ميرا : غالب مكنتش اعرف انك هتيجي
غالب بص لبدور
ميرا : ( رفعت حاجبها وبصت لبدور ) اي ده انتي هنا .. بدور اللي مانعرفش جاتلنا منين ..
قوليلي ايه رايك في حياه الاغنياء بعد ما كنتي طول عمرك عايشة في الشارع
غالب اتضايق راحت بدور بصيتله انه مايتخانقش معاها
غالب : ( داس علي سنانه ) انتي ليه مؤذية اوي كده
كريم وقف قدامه بسرعة
كريم : وانت ليه دايما بدافع عنها اوي كده
غالب : انا مش عايز اعمل مشكلة
كريم : بس انا بقي عايز
جه ثائر عشان يتخانق مع كريم
غالب : استني انا مش هعمل مشكلة
مره واحده بتاع ال dg ابتدي يتكلم في المايك وهو بيقول
يلا ياشباب المتعه هتبتدي ياريت نتجمع هنا حالا
الكل وقف في النص وابتدوا يفتحوا can bera ويشربوا
وعاصي بقي واقف من بعيد وكان بيبص علي بدور وهي في وسط اصحابها وبتندمج معاهم وهو ده اللي كان عايزه مش عايزها تبقي وحيدة وسابهم ومشي وبقي يتمشي لوحده
غالب راح لبدور
غالب: ياريت ماتقفيش مع سجده كتير
بدور : ليه
غالب : هي علي طول مع ثائر وثائر حواليه شباب كتير
بدور : بتخاف عليا
غالب بصلها كده
غالب : مش عارف
لينا جت بسرعه واخدت غالب من بدور وشدته عشان يرقص معاها وبعد عنها بدور وقتها اتمشت في الصحرا بعيد عنهم وبقت تمشي لوحدها
فضلت تمشي لحد ما لاقت بحيرة صغيرة تحفة جدا والمايه بتاعتها صافية اوي والملح حوالين البحيرة بطريقة غير طبيعية بصت شمال ويمين مالقيتش حد حواليها والمكان فاضي خالص قلعت هدومها بره وبقت من غير هدوم خالص ونزلت البحيره وبقت تعوم فيها وهي مبسوطه جدا غمضت عنيها وبقت سايبه نفسها للمايه ومره واحده سمعت صوت وراها اتعدلت بسرعه ونزلت جسمها كله في المايه
بدور: مين ..
بصت شمال ويمين مالقيتش حد
ادت ضهرها للصوت ولسه هتطلع بتبص وراها لاقت عاصي وراها في المايه معاها
عاصي : ( بصوت حنين ) طيب ينفع تنزلي في مكان زي ده لوحدك بالليل وانتي عريانه كده
بدور : عاصي 😳😳
بدور : ( خبت صدرها بأيديها الاتنين بسرعه ونزلت جسمها كله في المايه وبقت تتكلم وهي متوتره )
بدور: انت .. انت بتعمل ايه هنا
عاصي : ( بابتسامه بسيطه ) ردي عليا .. ينفع حد يعمل اللي انتي عملتيه ده
بدور : ( بدور شافت ابتسامه عاصي ابتدت ترتاح شويه وتهدي ) اصل .. اصل ..
عاصي: ( رفع ايديه وحط في ايديه شويه مايه وبقي بينزل مايه علي شعر بدور .. بدور وقتها غمضت عنيها وميلت رقبتها لورا وهي مغمضه ومبتسمه ابتسامه قمر زيها
عاصي مره تانيه اخد في ايده شويه مايه ورفع ايده وبقي بينزل المايه علي وش بدور وهي مغمضه وقطرات المايه بقت تنزل علي رموشها وخدودها
كأنها حبات لؤلؤ بتنزل علي خدها فتحت عنيها بالراحه اوي وهي بتبص لعاصي ورموشها التقيله اللي كانت حبات المايه بتنزل منها ..
عاصي شاف بدور كده ماقدرش يمسك نفسه اكتر من كده مره واحده وهو باصص في عنيها رفع صوابعه وبقي يرجعلها خصل من شعرها جايه علي جبينها علي ورا
بدور قرب عاصي منها بيخليها تروح في حته تانيه خالص اتنهدت تنهيده طالعه من قلبها بجد عاصي لمس رقبتها بكل حنيه وقربها منه وهو بيبص لملامحها
نظرته ليها مش نظره عاديه نظره عاشق بيعشق من قلبه بجد .. مره واحده وهو بيبص في عنيها بدور داست علي شفايفها بسنانها حاجه بسيطه
عاصي نزل بنظره علي شفايفها وبدور غمضت عنيها وهي بتتمني انه يبوسها ويعترفلها بحبه ليها ..
بدور وهي مغمضه عنيها كان عاصي بيلمس بأيده علي شعرها وبيقربها اكتر منه ميل راسه وكانت شفايفه خلاص هتلمس شفايفها
بدور : ( وهي لسه مغمضه عنيها ) بتحبني ؟
عاصي ابتسم وقلبه دق اوي للكلمه دي وبدور كانت مستنيه تسمع رده وقلبها اكاد اجزم اني شويه وكان هيطلع من مكانه مره واحده عاصي بيبص لقي فلاش ابيض بينور ..
بدور كانت مغمضه عنيها ومكنتش حاسه بنفسها اصلا عشان كده ما اخدتش بالها من الفلاش عاصي بسرعه جدا نزل راس بدور تحت المايه واول ما نزل راسها في المايه
مابقيتش فاهمه هو في ايه ؟
عاصي بص شمال ويمين بسرعه حواليه لقي اللي بيجرى من بعيد ساب بدور وبقي يعوم بسرعه لحد ما طلع علي الشط ولف من الناحيه التانيه عشان يلحقه ويمسكه
بدور : ( بدور طلعت راسها من المايه وبقت تنادي علي عاصي وهو بيجرى ) عاصي .. عااااصي هو في ايه ...عااااصي
بس عاصي طبعا ماردش عليها
بدور بصت شمال ويمين مالقيتش حد طلعت ولبست هدومها بسرعه جدا وفي لحظه عاصي كان اختفي من قدامها ومبقاش موجود ورجعت لوحدها لمكان التخييم بتاعهم وهي بتسأل نفسها هو ايه اللي حصل
---------------------------( في نفس الوقت )----------------------
احسان كانت بتدور على عاصي بتبص لاقت مس فريده قدامها
احسان : هاي ازيك .. ماشفتيش عاصي
مس فريده : هاي لا و**** ماشفتهووش .. ممممم انا شوفتك قبل كده اعتقد انك جايه مع مستر عاصي في عربيته صح كده
احسان : ( بابتسامه ) ايوه انا
مس فريده : اكيد انتي مراته صح ..
احسان : ( اتحرجت وبصت في الارض وهي مبتسمه ) ممم
مس فريده : انا اسفه اني بسأل بس عاصي من وقت ما اشتغل في المدرسه وهو منغلق جدا علي نفسه ومانعرفش حتي اذا كان مرتبط او لاء
احسان : يشتغل في المدرسه .. انا مش فاهمه حاجه
مس فريده : هو مش انتي مراته ازاي ماتعرفيش انه بيشتغل معانا في المدرسه
احسان : ( فهمت بسرعه انه بقي في المدرسه عشان بدور )
ممممم لالا انا مش مراته احنا مجرد اصدقاء مش اكتر
مس فريده : انا اسفه مكنتش اعرف هو عاصي متجوز
احسان : ( بغضب ) لاء مش متجوز
مس فريده : ( بابتسامه ) okay
احسان اخدت نفس عميق واتنهدت بتبص لاقت بدور جايه وشعرها مبلول
احسان : كنتي فين يابدور
بدور : ( بتوتر ) انا .. انا كنت بتمشي شويه مش اكتر
احسان : واللي بيتمشي شعره بيبقي مبلول كده
بدور : ااه .. ااه اصل كان في بحيره حلوه اوي نزلت فيها شويه
احسان : كنتي لوحدك ولا كان معاكي حد
بدور : ( بتوتر وهي بتودي وشها الناحيه التانيه ) اه .. اه طبعا لوحدي
احسان عرفت ان بدور بتكذب عليها عشان ماتجرحهاش
مره واحده ال d.g وقف وقرروا انهم يلعبوا كلهم لعبه سوا
غالب شاف بدور جه عليها
غالب : بدور كنتي فين
بدور اول ما شافته ابتسمت وأكنها كانت عايزه اي حد يبعدها عن احسان عشان ماتجرحش احسان اكتر من كده
بدور: ( بابتسامه ) غالب انا موجوده بس انت اللي مشغول معاهم
غالب مد ايده لبدور ومسك ايدها
غالب : طيب تعالي معانا
بدور : هنروح فين
غالب : ( شد بدور وراه راحت بدور بصت وراها لاحسان ) اسفه يا احسان هسيبك بقي
احسان : طيب يابدور
غالب راح لسجده وثائر وكلهم كانوا واقفين ومره واحده عملوا دايره كلهم سوا وجابوا ورقه
كوتشينه وبيحطوها علي شفايفهم وكل واحد بيمرر ورقه الكوتشينه دي للتاني بس بشفايفه واذا ورقه الكوتشينه وقعت من شفايفه وهو بيمررها للتاني شفايفهم بتتلاقي
بدور وقفت وهي شايفه اللي بيحصل
جه صاحب ثائر اللي كان بيعاكس بدور وقف جنبها
فارس : اي رأيك لو وقفت جنبك
غالب مد ايده بسرعه وحط بدور ورا ضهره
غالب : طيب ايه رأيك بقي لو انا اللي وقفت جنبك 😡😡
بدور : شافت غالب ابتدى يتحول علي الوش التاني راحت لمست دراعه بأيديها
بدور : غالب اهدى انت وعدتني
فارس شاف الشر في عنين غالب راح رجع خطوه ورا وشاف مكان تاني
غالب : تعالي هنا انتي هتقفي في النص بيني انا وسجده انتي فاهمه
بدور : اهدى طيب فاهمه
اللعبه ابتدت وبقي كلهم واقفين في دايره حوالين بعض وبيمرروا ورقه الكوتشينه بشفايفهم بدور بقت تاخدها من غالب وتديها لسجده سجده
وهي بتديها لثائر بشفايفها وقعت منهم وشفايفهم اتلاقوا ..
والكل بقي يصفرلهم والاتنين طلعوا من الدايره غالب بص جنب بدور لقي اللي مكان سجده بنت زيها وابتدوا اللعبه من جديد وهكذا
عاصي رجع للخيمه بتاعته وهو هدومه كلها مليانه مايه واطراف البنطلون كلها رمله لازقه فيها من المايه احسان بصيتله كده فهمت علي طول انه كان مع بدور
دخل وغير هدومه .. وبعدها طلع من خيمته وهو بيبص شمال ويمين علي بدور
احسان عنيها لمعت والدمعه كانت خلاص شويه وهتنزل من عنيها بس اتماسكت واتنهدت واخدت can bera من طالبه واقفه وبقت تشربه
ومع انها اول مره تشرب بس كانت عايزه اي حاجه تنسيها الوجع اللي في قلبها قعدت علي صخره بعيده وبقت تشرب لوحدها
عاصي بقي يدور علي بدور لحد ما لقاها بتلعب معاهم وكان شايفها من بعيد قرب منها بيبص لقاها بتقرب من غالب وبتاخد منه ورقه الكوتشينه
عاصي اول ما شاف كده اتضايق جدا .. بدور مهما كان صغيره ومش عارفه ومش فاهمه عاصي بيحبها قد ايه ؟
عاصي الدم غلي في عروقه واول ما شافها كده قرب منها ولسه كان عايز يجيبها من شعرها لقي احسان وقفت قدامه
احسان : مش هينفع ياعاصي
مش هينفع تخلي الطلبه كلهم يتفرجوا عليك والحب باين في عنيك ليها اوي كده
عاصي قبض علي ايديه وداس علي سنانه والغل كله كان باين علي وشه احسان شدته من ايده
احسان : بص حواليك ياعاصي .. كل المدرسين والطلبه واقفين
عاصي مشي بعيد مع احسان ورجع في كلامه
بدور : غالب انا زهقت من اللعبه دي
غالب : انا كمان زهقت مع اني كان نفسي المس شفايفك بس ماليش حظ المره. دي
بدور : غالب انت علي طول كده
بدور وغالب مشيوا سوا
غالب : يعني ايه علي طول كده مش فاهمك
بدور : يعني علي طول بتعاكس اي حد .. ده انت ناقص تعاكس احسان
غالب : ليه انتي شوفتيني عاكست مين
بدور : مس فريده مثلا
غالب: مس فريده من النوع اللي يتمشي معاها .. تهزرى معاه .. كلمتين حلوين علي ضحكه حلوه اكتر من كده لاء
بدور : طيب ولينا اللي لزقالك
غالب : لينا دي للمزاج لما يبقي ليا مزاج لحاجه ابقي روحلها مش اكتر
بدور : للدرجه دي البنات سهله اوي كده معاك
غالب : ممممم مش كلهم في واحده مغلباني شويه
بدور : بقي غالب في بنت تغلبه ده حتي عيب علي اسمك
وياتري بقي بتحبها
غالب : ( وهو بيقرب من بدور وبيبص في عنيها ) ممممم مش عارف بس كل اللي اعرفه ان لو حد قرب منها ببقي عايز ادفنه مكانه
بدور حست انه بيتكلم عنها اتوترت
بدور : طيب .. طيب انا لازم امشي اصل تعبانه اوي هاروح ارتاح شويه في الخيمه
غالب : ايه هتنامي
بدور : اه بجد تعبانه اوي من الصبح وانا مانمتش
غالب : طيب يابدور تصبحي علي خير
بدور وهي رايحه الخيمه بتاعتها عنيها كانت بتدور علي عاصي في كل حته
بدور : ( دخلت الخيمه بتاعتها وبقت تكلم نفسها ) ياترى سيبتني ومشيت ليه ؟ ممكن عشان سألته اذا كان بيحبني ولا لاء
وبقت تفتكر اللي حصل ما بينهم وهو قريب منها ولما ايديه لمست خدودها وشفايفها غمضت عنيها وبقت بصوابعها تلمس شفايفها المكان اللي عاصي لمسها فيه
وهي بتتنهد ومبسوطه اوي ان عاصي حاسس بيها ضربت بأيديها علي المخده اللي هي بتنام عليها وهي فرحانه جدا وكانت مستنيه النهار يطلع بفارغ الصبر عشان تشوفه ويتكلموا سوا
احسان وعاصي كانوا قاعدين مع بعض علي الصخره بعيد اوي ومكانش في حد معاهم وابتدت كل الطلبه تدخل علي الخيمه بتاعتهم وطفوا النار اللي كانوا مولعينها
احسان : ( وهي قاعده علي الصخره وبتشرب وبتبص للسما )
احسان : ( وابتدت تسكر وماتحسش بنفسها ) الحب ده غريب اوي .. مين فاهمه
عاصي : فعلا عندك حق .. فعلا الحب غريب اوي
احسان : قولتلها انك بتحبها
عاصي : ( كان ماسك ازازته وبيشرب منها ) لاء ماقولتلهاش
احسان : وليه ماقولتلهاش ..
عاصي : ( حط الازازه علي بوقه ) كنت هقول بس حصل حاجه كده خلتني اسيبها وامشي
احسان : طيب وناوي تعترفلها امتي
عاصي : مش لما هي كمان بتحبني ولا لاء
احسان : ( وهي بتضحك والازازه في ايديها ضربت علي كتف عاصي ) وانت في حد ما يحبكش
عاصى : وهو شارب ومش شايف قدامه ابتسم
عاصي: اتحب انا .. هاااا
احسان : عليك شخصيه كده .. وبترسم نفسك قدام الكل بس ايه ليك هيبه مش موجوده عند حد
عاصي : انا مكنتش كده الاول
احسان : ليه حساك خايف انك تقولها انك .. هىء .. بتحبها
عاصي : انا كبيييييييييير اوي عليها
احسان : بس هي بتحبك
وانا كمان بحبك .. هههههه .. وفيروزه كمان كانت بتحبك
عاصي: لاااا .. انتي باين عليكي سكرتي انتي بتشربي ايه
بص كده لقاها can bera ضحك
عاصي: ههههههه انتي سكرتي من دي .. انتي اول مره تشربي ولا ايه اومال لو شربتي من اللي معايا بقي هيحصلك ايه ؟
عاصي بيبص لقي احسان راحت في النوم وراسها علي كتفه
عاصي: ( وهو مش قادر يفتح عينه ) اي ده انتي نمتي
اخدها وهو اصلا بيطوح وبقي ساندها علي كتفه وبتتحرك معاه بالعافيه دخلها خيمته
وهو اصلا مش حاسس بنفسه ونيمها مكانه عاصي لما بيشرب مابيحسش بنفسه
وهي نايمه قعد جنبها ومره واحده اتخيل انها بدور قرب منها ولمسها وهي نايمه واحسان مكانتش حاسه بنفسها واتجاوبت معاه
طلع عليهم النهار تاني يوم ومع اول خيط شمس احسان صحيت بتبص لاقت نفسها نايمه جنب عاصي من غير هدوم
صوتت بسرعه واخدت الملايه وغطت بيها نفسها وفي ددمم جنبها
عاصي صحي بسرعه بيبص لقي احسان عريانه جنبه وبتعيط وهو كمان عريان
عاصي : احسان 😳😳
يتبع...

الجزء السادس

عاصي صحي بسرعه بيبص لقي احسان عريانه جنبه وبتعيط وهو كمان عريان
عاصي : احسان 😳😳
عاصي بسرعه بص جنبه لقي التي شيرت بتاعه لبسه بسرعه ولبس بنطلونه
عاصي : ( بتوتر ) ازاي .. ازاي ده حصل ( رجع شعره لورا وبقي ماسك دماغه وقرب من احسان وكانت لسه عريانه مالبستش يادوبك رافعه ملايه عليها
عشان تداري صدرها وعماله تعيط
عاصي مسك احسان من دراعاتها الاتنين بكل قوته وهو بيهز فيها
عاصي : ازااااي .. ازاااي ده حصل انطقي
احسان والدموع مغرقه عنيها معرفش و**** ما عرف ..
عاصي : ( ساب احسان وقام وقف ) انا .. انا مش فاكر حاجة عاصي بيبص بنظره تحت لقي ددمم علي الملايه غمض عنيه وضرب بأيديه علي جبينه
عاصي : ( وهو دايس علي سنانه ) ياااادي المصيبه .. يادي المصيبه
عاصي ساب احسان وطلع بره الخيمه وضرب برجله في صخره قدامه وأكنه بيطلع كل غضبه علي الصخره دي
ميرا طلعت من خيمتها بتبص لاقت عاصي بيضرب رجله في الصخره ومخنوق جدا طلعت فونها علي طول وبقت تصوره وهو غضبان اوي كده
-----------------------------( في نفس الوقت )----------------------
بدور كانت مانامتش طول الليل حرفيا وبتلبس هدومها
سجده قامت من النوم وهي بتتاوب وبتفتح عنيها بالعافيه
سجده : ( فتحت عنيها واتعدلت في قعدتها ) ايه يابنتي اللي مصحيكي بدرى اوي كده هي الساعه كام
بدور : ( بفرحه ) انا مانمتش اصلا
سجده : وايه اللي مخليكي مانمتيش .. سجده ربعت رجلها وابتسمت
سجده : قوليلي بقي انا شايفه فيكي حاجه متغيره من امبارح
بدور : ( ابتسمت وهزت راسها من فوق لتحت ) ممم بصراحه اه
سجده : ( بابتسامه ) ايوه بقي .. من غير ما تحكيلي
كده احنا مش اصحاب
قوليلي مين هو .. ولا استني انا عارفه مين
بدور استغربت وضمت حواجبها كده
بدور : عرفتيه منين
سجده : باينه جدا يعني ده كفايه نظراته ليكي وكمان باين انه بيغير عليكي
بدور : بجد ونبي ياسجده 😍
سجده : طبعا بجد انتي مش شايفه هو بيدافع عنك ازاي وعمل ايه مع فارس لما كان هيقف جنبك في اللعبه
بدور : ( ضمت حواجبها بعدم فهم ) انتي تقصدي مين
سجده : غالب طبعا هو في غيره
بدور : ( ابتسمت وهزت راسها كدخ يمين وشمال ) انتي اكيد بتهزرى بقي
غالب يعجب بيا انا .. لاء وكمان بيغير عليا بطلي هبل .. غالب مافتكرش ان غالب ممكن يبقي جد معايا في يوم وبعدين غالب غالي عندي جدا بس
مش بالطريقه اللي تقصديها وانا متأكده ان انا كمان بالنسباله مش زي ما انتي فاهمه خالص
سجده : معني كده ان في حد تاني غير غالب
بدور : ( ووشها بينور من الفرحه ) أيوه 😍
سجده : ( مسكت ايد بدور بكل حماس ) طيب مين قوليلي بسرعه
بدور : ممممم مش هينفع بس اول ما اتأكد مع اني بقيت متأكده خلاص بس اول ما اسمعها منه انه بيحبني هقولك هو مين علي طول
سجده : ( تنحت كده ) هو انتي عامله كل ده والفرحه اللي بتنط من عنيكي دي وهو اصلا لسه ماقالكيش انه بيحبك
بدور : ( بابتسامه وهي سرحانه وبتفتكر نظراته ليها وقربه منها ردت عليها بصوت ناعم وبحنيه وهي حاضنه نفسها بأيديها )
ساعات الحب مابيبقاش محتاج كلام عشان نحسه .. نظره العين بتفضحنا وده اللي حسيته وشوفته من نظره عنيه ليا امبارح اه لسانه مانطقهاش بس عنيه فضحته
سجده : ياسيدي .. ياسيدي **** يفرحك دايما يابدور
بدور : ويوفقك انتي كمان مع ثائر ياسجده انتي تستاهلي كل خير و****
سجده : طيب ايه مش هاتروحيلوه ولا ايه
بدور : ( بابتسامه ) اكيد هاروحله ( قامت وقفت ) .. بس قوليلي حلوه كده
سجده : ما شاء **** عليكي زي القمر
بدور طلعت بره الخيمه عشان تروح لعاصي خيمته
عاصي مكانش عارف يفكر حرفيا كان عامل زي المجنون
جه في باله غالب بسرعه
عاصي : الوووو
غالب : _________
عاصي : تعلالي حالا
غالب : __________
عاصي : ( بعصبيه ) بقولك تعالالي حالا في الخيمه بتاعتي انت ايه مابتفهمش
غالب : ________________
عاصي دخل مره تانيه الخيمه لقي احسان قاعده بتعيط
عاصي: ( بعصبيه ) انتي لسه مالبستيش
احسان : ( ودموعها مغرقه وشها من الدموع ) هلبس ..
عاصي بصلها كده اخد نفس وحاول يهدي نفسه
عاصي : طيب ياريت تلبسي بسرعه
انا هطلع واستناكي لحد ما تلبسي عاصي لسه هيطلع بره الخيمه
غالب دخل عليه
غالب : في ايه ياعاصي جايبني علي ملا وشي كده ل... ( لسه هيكمل بيبص لقى احسان وهي مخبيه نفسها بالملايه وبتعيط وشاف بقعه الدم اللي علي الملايه)
غالب: ( ضم حواجبه باستغراب ) يعني ايه الكلام ده
احسان : ( بعياط ) ارجوكم اطلعوا بره عايزه البس هدومي
غالب وعاصي طلعوا بره الخيمه
غالب : اوعي يكون اللي انا فهمته ده صح
عاصي : ( بصوت واطي عشان احسان ماتسمعش ) انا مش فاهم .. مش فاهم ايه اللي حصل ياغالب ..
احنا كنا سوا وكنت شارب بس احنا كنا قاعدين علي صخره مش فاهم ايه اللي حصل بعد كده صحيت الصبح لاقيت نفسي بالمنظر ده وهي جنبي وبتعيط
غالب : طيب تعالي .. تعالي نتكلم في حته بعيده شويه عشان ماتسمعناش
غالب وعاصي مشيوا قدام شويه وبدور جت ودخلت الخيمه
بتبص لاقت احسان بس كانت لبست هدومها احسان اول ما شافتها خبت الملايه بسرعه
بدور : ( باستغراب ) احسان .. احسان انتي بتعملي ايه .. في .. في خيمه عاصي
احسان : مممممممم انا .. انا بس كنت ..
بدور : ( بذهول ) كنتي ايه يا احسان
غالب بسرعه جه ورا بدور
غالب : ( هرش بأيده علي جبينه ) كانت نايمه هنا ياستي .. شربت كتير امبارح ومكانتش حاسه بنفسها خالص راحت دخلت خيمه عاصي بالغلط
بدور : طيب وعاصي نام فين 🥺
غالب: نام عندي طبعا في خيمتي .. يعني هيكون نام فين
بدور اخدت نفسها وزي ما تكون ارتاحت اول ما سمعت الكلمه دي
بدور : ( بابتسامه ) طيب هو فين عاصي
غالب : بره هتلاقيه عند البحيره
بدور : طيب انا ريحاله
بدور راحت لعاصي البحيره وهي قلبها بيدق جامد اوي ووشها كان منور من الفرحه عاصي كان مديها ضهره
خبطت علي ضهره بصوابعها وهي مبتسمه والبراءه كلها في عنيها
بدور : كنت فين من امبارح ☺️ فضلت ادور عليك مره واحده اختفيت
عاصي : (لف و بصلها وبص في عنيها وابتسم ابتسامه بسيطه لملامحها البريئه بدور ابتسمت وكانت مستنيه رده مره واحده جه في باله منظر احسان
وهي نايمه جنبه ملامح وشه كلها اتغيرت)
عاصي : كنتي بدوري عليا ليه ؟
بدور : ( بابتسامه ) يعني .. انت مشيت مره واحده مالقيتكش قدامي .. فكنت اكيد هدور عليك وخصوصا بعد اللي حصل امبارح
عاصي : ( اخد نفس واتنهد واداها ضهره مره تانيه وبقت واقفه وراه بخطوه واحده ) وهو ايه بقي اللي حصل ما بينا امبارح
بدور : عاصي ماتهزرش .. انت عارف كويس ايه اللي حصل ما بينا امبارح
عاصي : ( رجع بصلها وبص في عنيها مره تانيه بس المره دي بصلها نظره حاده ) لاء مش عارف وياريت تعرفيني
بدور : عاصي .. البحيره .. امبارح .. انا وانت
عاصى: اااااااه .. يااااه انتي لسه فاكره ده كان بالليل .. بيقوله كلام الليل مدهون بزبده .. سمعتي المثل ده قبل كده
وبعدين انتي نسيتي اني مشيت وسيبتك .. لما مشيت ده مفهمتيش اني مشيت عشان حاجه معينه
بدور : ( باستغراب وهي مش فاهمه ) حاجه زي ايه انا مش فاهمه حاجه
عاصي: مافهمتيش انك مادخلتيش مزاجي .. وانك اقل بكتير اني حتي اقضي معاكي ليله ..
حسيت انك رخيصه اوي وماينفعش انا عاصي الكابر يقضي ليله مع واحده بالرخص ده
بدور كانت بتسمع كلام عاصي وهي مش مصدقه انه بيقولها الكلام ده
عاصي لف حواليها وهو بيكمل كلامه وبقي واقف وراها بالظبط وقرب من ودنها وبقي يقولها والدمعه شويه هتنزل من عنيه
عاصي : ماتنسيش نفسك يابدور .. مش عاصي الكابر اللي يتنازل في يوم ويفكر في واحده زيك .
بدور مره واحده لفت وشها و بصيتله ودموعها نازله منها ومن غير ما تحس نزلت بالقلم علي وشه ضربته بكل ما فيها من قوه ..
عاصي : ( كان حاطط ايده في جيوبه وماتهزش بلع ريقه وغمض عنيه )
بدور : ( بعياط وهي صوتها بيطلع بالعافيه ) انا صحيح ماليش اهل .. وصحيح طول عمري متربيه في ملجأ بس
عمرى .. عمرى ما كنت رخيصه ولا حد لمسني قبلك ياعاصي في يوم .. انا ماشوفتش منك غير القسوه وبس ورغم كده حبيتك ..
حبيتك حب لو فضلت عمرك كله تدور علي حد يحبك قدي مش هتلاقي ياعاصي
انا .. انا عملت عشانك كتير .. بس انت ماتستاهلش ( شاورت بأيديها علي قلبه بقوه ) عمر قلبك ده .. ما حس بيا في يوم ..
( مسحت بأيديها دموعها من علي خدها ) بس وحياه الحب اللي حبيتهولك لا هطلعك من قلبي ..
وهخليك تعيش اللي انا عيشته وتحس بكسره قلبي اللي اكاد اجزم اني سمعت صوت قلبي وهو بيتكسر دلوقتي
كم انا غبيه
بدور التفتت وادت ضهرها لعاصي ومشيت عاصي ماتكلمش ولا كلمه كان بيسمعها وبس غمض عنيه بيبص لقى في دمعه نازله منه
اخد نفس بسرعه ومسح دموعه ولف ورجع بص للبحيره مره تانيه
بدور رجعت خيمتها وجابت الشنطه وبقت تلم هدومها
سجده : ايه يابدور عملتي ايه احكيلي
بدور : ( دموعها مكانتش راضيه تقف )
سجده : بتعيطي ليه في ايه .. احكيلي
بدور : ( بتهته في الكلام لاقت نفسها بتعيط اكتر ) انا .. انا بحاول ابطل عياط بس مش عارفه
( مسحت بأيديها مره تانيه علي عنيها عشان تبطل عياط بس دموعها كانت بتنزل اكتر )
انا .. انا مش عارفه .. مش عارفه ابطل عياط انا عايزه ابطل عياط بس مش
عارفه ( بصوت من قلبها بجد صوتها بقي عالي اوي ) مش عارفه .. و**** مش عارفه ياسجده مش عارفه
سجده قامت بسرعه واخدت بدور في حضنها
سجده : طيب اهدي .. اهدي ب**** عليكي اهدي
بدور اترمت في حضن سجده وبقت تعيط وبس
غالب راح لاحسان الخيمه
عاصي : قومي عشان هنمشي
غالب : علي فين ياعاصي
احسان : هانروح فين
عاصي : هاروحك بيتك ..
احسان : ايوه بس ..
عاصي : ( بعصبيه ) بقولك قومي
احسان قامت وجابت شنطه هدومها
غالب : عاصي انت هتعمل ايه
عاصي : خللي بالك علي بدور .. بدور امانه في رقبتك ياغالب
غالب : انا مش فاهم حاجه
عاصي : لحد ما انا افهم اللي بيحصل زي ما قولتلك بدور امانه في رقبتك
عاصي اخد احسان وركبوا العربيه بتاعته وراحوا علي مصر
غالب راح لبدور الخيمه بتاعتها لقاها في حضن سجده وبتعيط
غالب : بدور بتعيطي ليه
سجده : مش فاهمه في ايه
بدور وقتها اول ما شافت غالب اترمت في حضنه وبقت جواه حرفيا
غالب اول ما بدور اترمت في حضنه جسمه كله قشعر
اتنهد وغمض عنيه ورفع ايديه وضمها لي اكتر وكان هاين عليه يخبيها ما بين ضلوعه ويحطها جوه قلبه مش في حضنه وبس
بدور : ( وهي بتعيط ) ماتسبنيش ياغالب .. انا ماليش غيرك
ماتسبنيش خليني دايما معاك
غالب : فهميني في ايه .. عرفيني بتعيطي ليه
بدور : ( رفعت راسها وبصيتله ) انا محتجالك اوي .. محتجالك وبس .. اوعدني .. اوعدني انك مش هتسيبني في يوم
غالب : ( بابتسامه ) اوعدك يابدور 😊
-----------------(في نفس الوقت)---------------------
عاصي كان راجع باحسان علي مصر وهما في العربيه
مكانووش بيتكلموا ولا كلمه حرفيا عاصي كان سايق بسرعه رهيبه من غير حتي مايبصلها كان باصص للطريق وبس غير الدبرياچ وزود بنزين اكتر
احسان : بالراحه شويه ياعاصي احنا كده هنتقلب بالعربيه
العربيه بتاعت عاصي كانت مفتوحه من غير سقف واحسان كان شعرها بيطير لورا من كتر ضغط الهوا الشديد
بتبص لاقت عاصي دخل في الصحرا وبعد عن الطريق بتاعه
احسان : ( بخوف ) انت .. انت بتعمل ايه ياعاصي .. احنا .. احنا رايحين علي فين
عاصي مكانش بيرد عليها ومره واحده بيبص وراه لقي شجره علي بعد 500 متر في الصحرا لف الدركسيون بسرعه رهيبه
والكاوتشات بقت تعمل صوت رهيب والرمله طالعه منها واحسان كانت خايفه جدا من عاصي واللي بيعمله ومش فاهمه هو بيعمل ايه ؟

مره واحده بقي قدام الشجره وبينه وبينها اقل من 500متر
داس بنزين اكتر وزود وبقي رايح للشجره عشان يخبط فيها
احسان : ( بخوف ) انت هتعمل ايه .. انت هتعمل ايه
احنا كده هنموت .. هنموت ياعاصي هنمووووووووت
عاصي : ( كان اول مره ينطق من ساعه ما طلعوا علي الطريق ) انا مش فاكر من اللي حصلت وانتي هتحكيلي كل حاجه حالا يا اما
( وهو بيدوس بنزين برجلهاكتر وبيزود السرعه اكتر ) يا اما العربيه دي هتبقي تربتك النهارده
( لف وشه يمين ناحيتها وقلها بزعيق وغضب الدنيا كله علي وشه ) انتي فاااااهمه 😡😡
احسان: ( بعياط ووشها ده بقي احمرررر) و** ما اعرف .. و** ما اعرف ياعاصي
عاصي سرع العربيه اكتر
عاصي : اخر فرصه قدامنا اقل من 100 متر
قولي الحقيقققققه
احسان : ( بزعيق وهي بتعيط ) معررررررفش و**** ما اعرف .. انزل ياعاصي سيب العربيه وانزل نط من العربيه ياعااااصي نط انت مش مهم انا ..
عاصي اول ما سمعها قالت الكلمه دي وهما خلاص اصلا مافيش ما بينهم وما بين الموت خطوه داس فرامل في وقتها العربيه كانت خلاص هتخبط في الشجرة
وقفت علي اخر لحظه الفوانيس اتكسرت واتخبطت حاجه بسيطه من قدام
عاصي نزل من العربيه ورزع الباب ولف ناحيه احسان وفتحبها بابها ونزلها
احسان من كتر الخوف اللي كانت فيه انها كانت خلاص هتموت مابقيتش قادره تقف علي رجلها عاصي مسكها من ايديها عشان ينزلها راحت قعدت علي ركبها
عاصي وهو بيبص لاحسان ومصدوم من اللي سمعه
عاصي : انتي ازاي كنتي عايزاني انط من العربيه مع اني كنت هموتك
احسان : عشان .. عشان لو جرالك حاجه انا مش هعرف اعيش .. ماينفعش اعيش .. و**** ياعاصي ما اعرف اعيش حياتي مش مهمه قد ما حياتك انت مهمه
احسان : ( بعياط والدموع مغرقه عنيها ) بس وحياه **** اللي اغلي من كل شىء ما اعرف ايه اللي حصل ياعاصي ..
اخر حاجه فكراها ان احنا كنا قاعدين علي الصخره كنا سوا وتقريبا حطيت راسي علي كتفك ببص لاقيت نفسي تاني يوم معاك في خيمتك بالمنظر ده
( وهي بتشهق من العياط ومناخيرها بتنزل مايه ) دي مش لعبه مني .. انا خلاص مابقيتش عايزه حاجه من الدنيا كلها غير اني اشوفك مبسوط معايا او مع غيري
ومسكت في عاصي وسندت عليه وقامت وقفت
احسان : اوعي تفتكر للحظه اني عملت كده عشان تتجوزني غصب عنك .. انا عارفه ياعاصي ان مافيش حاجه بتعملها غصب عنك ..
والحب مش بأيدينا انا ماخترتش احبك زي ما انت ماخترتش تحب بدور
وماتقلقش خالص انا دكتوره وعارفه كويس ازاي ارجع بنت تاني .. ( بتمسح مناخيرها بايديها ) انت نفسك لو قولتلي نتجوز عشان تستر عليا انا مش هوافق
( شاورت علي قلبه بأيديها ) علشان ده مش ملكي وعمره في يوم ما هيكون ملكي انا عارفه انه ملك بدور .. بدور وبس واوعدك انك من اللحظه دي مش هتشوفني تاني ..
ارجوك روحني .. وانا هتحمل المسؤوليه كلها لوحدي ابعد انت خالص اللي حصل لا كان بأيدي ولا بأيدك )
عاصي : ( اتأثر جدا بكلام احسان رفع ايده ومسحلها دموعها بأيديه بس ماتكلمش معاها ولا كلمه )
عاصي : اركبي يا احسان
عاصي لف وركب واحسان ركبت جنبه
ومحدش فيهم نطق ولا فتح بوقه بأي حاجه
واخيرا وصلها بيتها
احسان : ( فتحت الباب ونزلت ) مع السلامه ياعاصي
عاصي : ( هز دماغه من فوق لتحت كده وماردش عليها ومشي احسان فضلت واقفه وهي بتبص عليه لحد ما اختفي من قدامها خالص )
قعدت قدام بيتها ومكانتش حابه تدخل البيت عشان اهلها مايشوفهاش وهي بالحاله دي
--------------------(في نفس الوقت)-------------------
بدور كانت قاعده قدام البحيره وبتفتكر اللي حصل هناك
وكانت بعيده عن الكل تماما
غالب جه وقعد جنبها
غالب : مش ناويه بقي تقوليلي مالك
بدور : ( مسحت دموعها بسرعه ) مافيش .. مافيش حاجه
غالب : والدموع اللي بتمسحيها دي كل شويه سببها ان مافيش برضوا
بدور : غالب ارجوك انا حقيقي مش عايزه احكي حاجه
غالب : علي راحتك يابدور انا مش هغصب عليكي في حاجه
بدور : غالب انا كنت عايزه اقولك حاجه وياريت بعد اذنك توافقني علي اللي هقولهولك
غالب : عايزه تقولي ايه يابدور
بدور : انا مش هينفع ارجع معاك الڤيلا مره تانيه
غالب : ( باستغراب ) ليه في ايه؟
بدور : من غير حاجه قعدتي معاكم ملهاش لازمه
غالب : طيب ومدرستك
بدور : ( بتنهيده ) مافتكرش ان هي كمان ليها لازمه خلاص .. انا اصلا دخولي المدرسة دي. كان غلط من الاول
انا اللي زيي عمرها ما هتبقي حاجه في يوم ..
غالب : ومين بقي اللي هيسيبك تنفذي الهبل اللي في دماغك ده يابدور
اسمعيني كويس كلنا بييجي علينا لحظات يأس بتخلينا عايزين نسيب كل حاجه ومش قادرين نكمل .. بس لو عملنا كده واستسلمنا هنفضل نندم طول عمرنا
ان احنا مكملناش ده حلمك لازم تتمسكي بي يابدور مهما كان الضغوط حواليكي .. وبكره تقولي غالب قال
لما اشوفك حاجه كبيره اوي ودكتوره قد الدنيا ( بهزار ) بس يارب بقي ساعتها تتواضعي وتكلمينا
بدور : ( ابتسمت وبصت لغالب ) انا بجد مش عارفه اقولك ايه ؟
غالب : ولا اي حاجه .. عايزك توعديني انك مش هتستسلمي ابدا مهما حصل وتعافري عشان توصلي للي نفسك فيه
بدور : ( ابتسمت وسندت راسها علي صدر غالب وغالب رفع ايده بالراحه جدا واخدها في حضنه وهو مبتسم )
--------------------------(عند عاصي)----------------------
عاصي روح الڤيلا بتاعته
(بكل عصبيه )
عاصي : ( بصوت عالي ) عبد الرحييييييم
عبد الرحيم : ( جه بسرعة وهو بيجرى )
عبد الرحيم : اؤمرني ياعاصي بيه
عاصي : حضرلي الموتوسيكل بسرعه
عبد الرحيم : ده بقاله زمن ماطلعش ياعاصي بيه وكمان مافيهووش بنزين من ساعه اخر مره حضرتك امرت بكده
عاصي : ( مسكه من الياقه بتاعته ) اتصرف يابني ادم نص ساعه الاقيه قدامي
عبد الرحيم : حاضر .. حاضر ياعاصي بيه
عاصي دخل المكتب وهو بيفتكر كلام بدور لي وقد ايه كانت قلبها اتكسر منه
وفي نفس الوقت افتكر احسان وهي قاعده علي ركبها وبتعيط وهي بتقوله انها مالهاش اي ذنب في اللي حصل وقد ايه كان مصدقها ..
رجع راسه لورا وهو دماغه هتنفجر منه ومش قادر يفتكر اللي حصل مره واحده لقي مسيچ جياله علي موبايله من رقم غريب علي الواتساب
فتح الرساله بيبص لقي مكتوب فيها
ماشفتش في سرعتك وانك تطلع من المايه بالسرعه دي انا لولا الحظ ساعدني وركبت عربيتي كنت زماني تحت ايدك بس هنقول ايه بقي **** بيحبني .. اصل انا اتحب اوي
عايزك تشوف الصوره دي كويس ووقتها افتكر ان انت اللي هتكلمني
عاصي فتح الصوره بيبص لقي بدور في الصوره في المايه وهي عريانه وعاصي كان قدامها ولأنهم كانوا باصين لبعض فكان عاصي باين في الصوره بس من ضهره
لكن حظ بدور الاسود كانت باينه جدا في الصوره
اللي باعتله الرساله كان لسه بيكتب
افتكر ان لو بعت الصوره دي لحد من المدرسه عند بدور ويوزعها علي الطلبه كلهم تفتكر بدور هيبقي موقفها ايه ؟
بنت لوحدها في البحيره ومع راجل غريب .. الطلبه هيقولوا عليها ايه ؟ فكر فيها وانا هكلمك تاني
عاصي بسرعه لسه هيكتبله انت مين وعايز ايه ؟ اتعملوا بلوك من علي الواتساب
اتصل بالرقم بسرعه بيبص لقاه غير موجود بالخدمه من عصبيته مسك الفون وحدفه في الحيطه كسره 100 حته
حط ايده علي وشه وهو غضب الدنيا كلها علي وشه زي ما تكون المصايب مابتجيش غير ورا بعض
عبد الرحيم : الموتوسيكل جاهز ياعاصي بيه
عاصي طلع بسرعه واخد الموتوسيكل وبقي يسوق بسرعه جدا وراح مكان مخصص للقتال الحر صاحب المكان اول ما شافووه
صاحب المكان : عاصي بيه عاش من شافك
عاصي : ( بغضب ) حضرلي مكان معاك
صاحب المكان : بس كده من عنيا المكان نور بوجودك
عاصي قلع التي شيرت بتاعه ولبس القفازات بتاعته وابتدت تتعمل دايره حواليهم وكل الموجودين اول ما عرفوا ان عاصي رجع وهيلعب المراهنات زادت وكله بقي يراهن علي عاصي
واتعملت دايره حواليهم وابتدوا يحطوا بنزين علي الدايره دي
صاحب المكان : النهارده اللعبه مالهاش حدود ياقاتل يامقتول من غير اي شروط
الكل ابتدي يشجع وصوت اللي موجودين في المكان وهما بيشجعوا عاصي كان عالي اوي ورغم كده عاصي مكانش سامع ولا شايف حد غير بدور وهي قدامه بيتخيلها في كل مكان
مره واحده الراجل جاب خشبه كبيره متولعه بالنار وحطها علي البنزين وابتدت الدايره تبقي كلها نار وابتدي القتال
عاصي ابتدي القتال بطريقه صعبه جدا لما بيتعصب مابيشوفش قدامه ابتدي يضرب فيه . . يضرب فيه بكل قوته
وكأنه بيطلع غضبه كله عليه
----------------( في نفس الوقت )-------------------
بدور وغالب الليل ليل عليهم و رجعوا الخيمه مره تانيه
ميرا شافتهم وهما جايين وكانت قاعده هي وكريم
ميرا : هتبعتلها الصوره امتي ؟
كريم : مش دلوقتي شويه كده
ميرا : انا مش فاهمه انت ليه مش راضي تبعتلي الصوره ؟
كريم : وانا مجنون عشان ابعتهالك وتبعتيها للطلبه كلهم وابقي كل اللي بخططله يروح كده طيب انتي واحده متهوره ومابتفكريش لكن انا لاء انا مش زيك
ميرا : احنا مش عايزينها تطلع من المدرسه وخلاص فضيحه زي دي تخليها تسيب المدرسه في وقتها
كريم : طيل وليه مااستغلش الوضع ده اسوء استغلال
ميرا : ازاي يافالح
كريم : انتي عارفه مين اللي معاها في الصوره ده
ميرا : لاء طبعا هو انت راضي تقولي وبعدين ده انت مصوره من ضهره هعرفه ازاي يعني ؟
كريم : ده مستر عاصي 😁
ميرا : ( بذهول ) يابنت ال ... مستر عاصي مره واحده
كريم : شوفتي بقي
ميرا : طيب وبعدين هتعمل ايه ..
كريم : بعتله رساله وهطلب منه فلوس طبعا عشان مافضحش بدور
ميرا : طيب ما ممكن يقولك ماتفضحها ومش هيديلك حاجه واهي واحده من الشارع بيقضي معاها يوم وخلاص
كريم : ممممممم مافتكرش وعلي العموم هنشوف .. لما اطلب منه فلوس هيعمل ايه ..
ميرا : ده انت طلعت دماغ و****
كريم : عيب عليكي تلميذك 😉
-------------------------------(في نفس الوقت)--------------------
بدور دخلت الخيمه مع سجده
سجده : بدور عامله ايه دلوقتي
غالب : ماتقلقيش عليها افتكر انها بقت كويسه دلوقتي صح يابدور
بدور : ( ابتسمت ابتسامه يادوبك ظهرت علي شفايفها بالعافيه وهزت راسها فوق وتحت ) ايوه
غالب : طيب انا هسيبك دلوقتي وياريت تنامي وترتاحي شويه عشان عندنا سفر بكره الصبح
بدور اتنهدت وسكتت ونامت علي جنبها وحضنت نفسها ومن غير ما تعيط لاقت الدموع بتنزل منها من غير ما تحس
مسحت دموعها مره بايديها وغمضت عنيها وحاولت تنام
غالب طلع بره
لينا : ( حطت ايدها علي كتف غالب ) غالب فينك مش باين من الصبح
غالب : ( نزل ايد لينا من علي كتفه ) تعبان .. تعبااان وعايز انام
لينا : انت بتعاملني كده
غالب : ( بقرف بصلها من فوق لتحت ) عشان انتي تمامك كده
غالب سابها ومشي
لينا راحت لميرا
ميرا : انتي برضوا لسه بتجرى ورا غالب
لينا : (بغيظ ) مش شايفني ياميرا .. مش شايفني قدامه خالص مش عارفه ليه بيعاملني واكني واحده رخيصه مالهاش قيمه ودايما مع اللي اسمها بدور دي
ميرا : الصبر .. بكره يعرف حقيقتها وهيجيلك بس كله بالصبر
لينا : ( بفرحه ) بجد ياميرا
ميرا : ( اديتها بوسه علي الهوا ) بجد ياقلب
تاني يوم كل الطلبه كانت بتحضر نفسها عشان يسافروا
غالب ركب جنب بدور وثائر وسجده سوا
وطبعا لينا وكريم وراهم واول ما وصلوا القاهره
ميرا : ايه مش ناوي تبعت الصوره بقي
كريم : ممممممممممم كريم عمل تليفون
ميرا : بتكلم مين
كريم : هبعت الصوره لحد يبعتلها الصوره من رقمه
ميرا : وماتبعتلهاش من رقمك ليه
كريم : انتي عبيطه ياميرا ما كده هتعرف ان ده انا ولو عاصي عرف انا مين مش هيسيبني.. وحياه دراعي اللي كان هيكسره في ايده لا اخليه يلف حوالين نفسه
بدور اتبعتتلها الصوره علي الواتساب بس هي مافتحتش المسيج
ميرا : مافتحتش المسيج
كريم : انتي قلقانه ليه اكيد هتفتحها
ميرا : كان نفسي اشوف رد فعلها هيبقي عامل ازاي اول ما تشوفها
كريم : ههههه مالناش نصيب
------------------------------( عند عاصي)--------------------
عاصي روح البيت تاني يوم وهو وشه متخرشم ومش شايف قدامه فك القماشه اللي كان حاططها علي ايده
ودخل المكتب علي طول جاب الخط بتاعه من الفون اللي اتكسر وحطه في فون جديد
وبقي مستني الاتصال يجيله بفارغ الصبر بيبص لقي بدور داخله عليه هي وغالب بدور اول ما شافته شافت وشه وهو متخرشم غصب عنها خافت عليه
لسه هتسأله مالك في ايه راحت رجعت في كلامها وبقت بصاله وهو كمان بقي يبصلها وبس
غالب : في ايه بتبصوا لبعض كده ليه
بدور : انا طالعه اوضتي
عاصي : تعالي ياغالب عايزك
غالب : تليفونك كان مقفول ليه من امبارح اتصلت بيك كتير كان مغلق
عاصي : سيبك من ده كله
غالب : ايه اللي في وشك ده انت عملت حادثه ولا ايه ؟
عاصي : لاء
غالب : يبقي رجعت تلعب تاني
عاصي :سيبك مني .. عملت ايه مع بدور .. هي كويسه
غالب : بس لو تقولولي حصل ايه ما محدش راضي يفهمني حاجه
عاصي سكت وبقي يبص للفون مستني رساله
غالب : طيب علي الاقل قولي عملت ايه مع احسان .. هي اللي عملت اللعبه دي مش كده
عاصي : ( بص في الارض بكل اسف ) للاسف لاء
غالب : انت متاكد
عاصي : ايوه متأكد
غالب : طيب وبعدين هتعمل معاها ايه .. هتسيبها كده
عاصي : لسه ما اخدتش قرار
غالب : احسان بتحبك .. وطالما انت متأكد ان مالهاش ذنب في اللي حصل يبقي ماينفعش تسيبها كده
عاصي : عارف .. بس حاجه واحده اللي مخليني مش مطمن
غالب : ايه هي
عاصي : انا بفتكر كل حاجه لما بصحي .. ان ش**** لو حاجات بسيطه .. الا الحكايه دي مش فاكر اني قربتلها من اساسه
غالب : تلاقيك تقلت في الشرب شويه ولا حاجه
عاصي : مش عارف
غالب تليفونه رن
غالب : الوو
محمود: _______
غالب : ايوه تليفونه كان مقفول
محمود : ------------&
غالب : خلاص انا جاي حالا
بدور طلعت اوضتها وبقت توضب دولابها
واخدت شاور ولبست البورنس بتاعها ولسه بتسرح شعرها لاقتلاالرساله اتبعتتلها تاني
الفون كان علي الكومود فتحت الرساله المره دي
بتبص لاقت الصوره بتاعتها وعاصي من ضهره ومكتوب عليها
شكلك حلو اوي وانتي في المايه ياريتني كنت عرفت اصورك كلك علي بعضك
يلا معلش الجيات اكتر من الريحات
بس تفتكرى لما صورك تتبعت لكل المدرسه ويشوفوكي وانتي بالمنظر ده هيبقي شكلك ايه قدامهم
وياريت تسلميلي علي مستر عاصي 😁
بدور بصت كده وبقت مصدومه من اللي شافته
وهي بترجع لورا عشان تقعد علي السرير خبطت في الطرابيزه الازاز بتاع الطرابيزه اتكسر بقت من كتر الصدمه ماشيه علي الازاز وهي مش عارفه تعمل ايه
عاصي سمع الازاز وهو بيتكسر بالمنظر ده طلع بسرعه لبدور وفتح عليها الباب لقاها ماسكه الفون وهي بتعيط
عاصي : حاسبي .. حاسبي يابدور رجلك
بدور مكانتش بتتكلم كانت ساكته وبس وماسكه الفون وبترفع ايديها بتوريله الصوره
عاصي شاف الصوره وداس علي الازاز برجليه وشالها رفعها طلعها من الازاز وقعدها علي السرير
عاصي مسك ايديها
عاصي : ماتقلقيش كل حاجه هتتحل
ماتقلقيش يابدور
كريم فونه رن
كريم : الووو
اللي بتكلمه : بعت الصوره
كريم : ايوه بعتها
اللي بتكلمه : اول ما تروح المدرسه تبعت الصوره لكل الطلبه
وتفضحها وتخليها تسيب المدرسه حالا
كريم : لاء مش هيحصل كده الا لما اخد حقي من عاصي
اللي بتكلمه : انت مالك بعاصي انت تسمع اللي بقولك عليه وبس
كريم : مش هتعرفي تهدديني والصور اللي بتهدديني بيها .. بليها واشربي مايتها انتي دلوقتي محتجاني
بدور وهفضحها وهخليها ترجع الشارع تاني بس لما ادفع عاصي تمن اللي عمله فيا .. كده الكلام خلص سلام يا دكتوره احسان
احسان : اه ياكريم الكلب 😡😡

السلسله دي هتبقا اجمد بكتير كمل يا برنس مصر متتاخرش ودي دخلت في الاكشن تاني يسطا وهتولع

 

[darkangile]

و**** قلت انها احسان فعلا
وماتنساش بقا فلاش باك حلو زيك كده تبين ايه الى لم الشامى عالمغربى وجمع احسان على كريم

 

[BASM17 اسطورة القصص]

تم أضافة الجزء السابع

 

[rafefq]

احسان احسان يا بنت الحرم

 

[BASM17 اسطورة القصص]

تم أضافة الجزء الثامن

 

[rafefq]

غالب جدع
بس كان المفروض بدور تعيش مع سجدة ورائد يكون لية دور