ايوة زى ما قريت كدة تدفعها للتضخم
بلاش دماغك تروح لبعيد اقصد البروستاتا
اول حاجة اعرفكم على البروستاتا
هى غدة تقع اسفل المستقيم اشبه توصيف لها انها غدة اسفنجية و افتكروا كدة كويس ..
لها وظائف كثيرة اهمها على الاطلاق انها تفرز هرمونات تعمل على تغذية الحيوانات المنوية لتمكنها من متابعة طريقها لتلقيح البويضة اى علاقتها مباشرة اكثر بالخصوبة و ليس القدرة الجنسية و الدليل ان فى ناس بتمارس الجنس عادى و هى شايلة البروستاتا عفانا **** و شفاهم
طيب البروستاتا دى ممكن تتعب او يصيبها امراض ؟
اكيد طبعا
امراض البروستاتا تنقسم لاربعة انواع
اما التهاب بكتيرى مزمن
التهاب بكتيرى حاد
التهاء غير بكتيرى
تضخم البروستاتا
طيب انا النهردة حتكلم عن تضخم البروستاتا
اول حاجة اننا نقدر نقول انه مش مرض على قد ما هو عرض اى انه لا ينتقل بعدوى او بكتيريا مسببة له
لكن هو قصور فى وظائف البروستاتا يعنى مش بتشتغل بكفاءة !!
طيب جينا للمفيد ايه الى ممكن يخلى الغدة دى تعطل مننا
حقولك و ركز معايا
اكتر حاجة ممكن تعمل تضخم و التهاب فى البروستاتا هى
انك تملى الحوض بالسوائل .. مش فاهم ؟ ابسطهالك
يعنى لما حضرتك تعد تتفرج على افلام و تعيش فى حالة استثارة الحوض بتطلع له سوائل زى السائل المنوى
و المصيبة الكبيرة انك تكون مش بتقذف المنى
فالسوائل تفضل متجمعة او ترتد تانى مكانها و انت تكون مفكر انك بطل و عملت حاجة فوق الفظيع.
فده يسبب التهاب او تضخم البروستاتا لانها زى ما قلنا قبل كدة انها غدة شبه اسفنجية يعنى تخيل تجيب اسفنجة و تحطها فى حلة مية شوف حيكون حجمها عامل ازاى
حتلاقيها نفشت و كبرت و هو ده الى بيحصل مع البروستاتا الغلبانة..
طيب ازاى اقدر اعرف انى عندى مشكلة فى البروستاتا
ماشى يا سيدى ححكيلك عن اعراضها
اول حاجة تحس بحرقان فى راس القضيب كل ما تتبول او تستمنى
ممكن كمان وجع فى القضيب نفسه او الخصية
تقطير فى البول و تحس كل شوية عايز تدخل الحمام بس ما تعملش حاجة
ددمم فى البول بس مش حيبان معاك غير لو عملت تحليل للبول و حتلاقى لون البول عندك غامق حبتين .
و على فكرة الاعراض دى مش هينة ده انت حتشوف الويل منها
طيب فى الحالة دى تعمل ايه ؟
لازم زى الشاطر تروح لدكتور امراض ذكورة او مسالك بولية
عشان يقدر يشخص نوع المرض هل بكتيرى او غير بكتيرى و يكتب لك العلاج المناسب
و ممكن كمان يكتب مثبطات الفا عشان تقلل من الاعراض و تدفق السوائل للقضيب و دى يا حبيبى اعراضها الجانبية انها بتعمل ارتجاع فى المنى يعنى تحاول تستمنى تحس انك جبتهم بس متلاقيش حاجة نزلت لان المنى ارتدت و رجع من القناة المنوية .. متخافش حينزل مع البول
و اخيرا الوقاية خير من العلاج حافظ على نفسك يا واد انت و هو الصحة تاج **** ما يجيب لحد حاجة وحشة
اتمنى اكون افدتكم 🙂🙂
