نقاش ثقافة فترة العصيان

[فارس بلا جواد١]

فترة العصيان الجنسى عند الرجال
هى فترة الخمول الجنسى
اللى بعد القذف مباشرة حتى الشعور بالشهوة الجنسية طبيعياً بدون اى وسائل للأثارة
الفترة دى بتختلف من واحد للتانى
بس هى ما بتقلش عن نصف ساعة
وفى الغالب ما بتزيدش عن ٢٤ ساعة

أنواع الأثارة
نقدر نقسمهم لإثارة طبيعية تلقائية بعد فترة العصيان والنوع التانى اثارة بمختلف الطرق
عن طريق المداعبة والتلامس
أو عن مشاهدة البورن او اى وسيلة تانية حتى لو الكلام الجنسى
النوع الثانى مع انه منتشر بس دكاترة كتير مش بينصحوا بتكراره عشان بيسبب إحتقان وبيأثر بالسلب على البروستاتا
وبيطول فترة العصيان الجنسى
الأفضل لو هتعتمد على النوع التانى يبقى على الاقل فيه فترة راحة ولو قصيرة

هل ممكن نقصر من مدة العصيان الجنسى
ايوا ممكن تقصرها بس الموضوع مش سهل ومش هيجى من يوم وليلة ودى شوية نصائح عامة التقصير من المدة وتعجيل الاثارة الطبيعية
١. لازم تحافظ على صحتك
البدنية
إلعب رياضة وظبط أكلك
خفف من التدخين ولو تقدر بطله
لأن صحتك لو كويسة هتفرق جدا فى الاثارة الطبيعية

٢.فيه تمرين لقاع الحوض
اسمه تمرين كيجل ده بينشط وظائف البروستاتا
وبيحسن من المستوى الجنسى
بس فيه دكاترة بتنفى الموضوع ده وفيه دكاترة بتقول مش بينفع مع كل الناس

٣. زى ما لازم تحافظ على صحتك البدنية
ما تهملش صحتك النفسية
روق بالك وخفف الضغوط زما تخليهاش تأثر عليك فيما يتعلق بالجنس

٤. الإعتماد على منشطات جنسية طبيعية وليس العقاقير والادوية عشان آثارها الجانبية
زى الاسماك عشان بتحتوى على اوميجا ٣ وفسفور
والمكسرات والاطعمة الحارة وبعض انواع الفواكه
والاطعمة دى بتنشط بس مش بالدرجة اللى انت متخيلها يعنى مش هتبقى زى الفياجرا وما شابه
بس على الاقل مالهاش آثار جانبية

واخيرا نصيحة شخصية الصحة اغلى من الفلوس
ولو راحت صعب تعوضها
فمن الاول حاول تظبط جسمك وتحافظ على صحتك عشان شريكك هو كمان هيتضرر

وهبقى انزل حاجة شبه كدا عن البرود الجنسى للستات مستقبلا