مكتملة واقعية رواية جعلني انثي - أربعة وعشرون جزء 26/2/2024

[THE GHOAST LOVE]

الجزء الأول من رواية جعلني انثي​

في مكاااان ريفي مكان عندهم عيب بنت تلبس فيلوو (ممكن متصدقوش لكن وحق ربي ف مناطق وف ليبيا حارمين بناتهم من الفيلو) منطقي ريقيه متشددده هلبااااا كذا حاجه عندهم حراااام واني الصراحه نحب ونعشققق الناس المتشددده

(لعند ربي رزقني بشخص متشددد

)
المهم
عيلة من الريف
عيلة العم مصطفى من يكون العم هادا وشن وضيفته ف رواياتي؟!
العم مصطفى شخص متشدد شيخ يخاف ربي وكويس وطيب
متزوج من صبرية
وعنده جوز بنات وحده متزوجه اسمها رجاء مواليد1990 عندها اربعه صغار تلاته بنات وولد
وبنتها التانيه وهادي الكارثه اسمها اينور كاررررثه البنت من الاخير نش**** نوفي حقها واني نتكلم علها

اينور هي بنت حلوة للعلم حنطيه وعندها غمازات ملامحها ناعمه وحلوة عيونها كبار ملينات رموش ع قد مانقول مليانات منوفيش حقهم

المهم مع انها حلوة لكن راسهااا ياببس لوووح وديماا اعصابها ف حكه واعرفو من توا انه اي شخص يغلط معاها ف الكلام او يسبها اديرله كارثه

(ولـ اول مره اني بنحكي بصفتي اينور)
طبعااا اني اينور عمري 22 سنه وقصيرة صح وعصبيه صح وراسي يابس صح بس قدعه ومنسكتش ع حقي حتى ولو كان بابا هو شيخ المنطقه
________
اينور ناضت فتحت عيونه ع عياط ولاد اختها شافت الساعه 2:10 فنصت ف الساعه جيت واقفه طلعت وجت قدامي صفاء واروى بنات اختي التؤام عمرهم سته سنين
اينور: صبح قصدي امكم ياريت ماتزوجت ره شن دارت ف حياتها هي ديما عندنا غير زادت عدد سكان عيلتنا بس
رجاء جت من وراها: تبيني نروح يابايره
اينور شافتله بشك: قصدك كان قتلك روحي بتحقاقيلي اميتي؟!
رجاء: حوش بوي هدا خيرك هك لسانك حار تلزي فيا اني وصغاري

اينور شهقت: امتى لزييتك اني نوضح لبناتك انك كبرتي عدد سكان الاسرة السعيده بس
رجاء شدت ايدين بناتها: اخت القهرة والعازه
اينور مش لـ امها ف المطبخ: يما شن اديري ف العشي
صبريه فنصت فها: نش**** تموتي نرتاح ع الاقل نقول بنتي ميته لا اظم لا تكنس لا تنظظففف
اينور بصوت واطي لانه عارفه ف كف جايها ف الطريق: يماا اهددي قوليلي شن تبي نديرلك ااااي شي شبيك لبيك بنتك بين ايدك
صبرية بتتكلم قاطعتها
اينور: امنيه وحده بس

صبريه تنهدت: بري نزلي الدبش من فوق السطح و واطلعي للحصان شربها وكان معندهاش ماتاكل وكليها… قاطعتها
اينور طالعه: اني لم بنتزوج بناخده الحصان هدا اني تعبت عليه وسهرت ف مرضى نحس في ولدي من دمي … وطلعت لسطح من غير وشاح جمعت الملابس كلهم ف ايدها وطلعت راسها من فوق السطح وشافت رجاء مقعمزه ف الفيرانده ع هاتفها وهووووبها ينزلو علها الملابس ز الكتب السماويه

اينور شافتلها من فوق: هدا وحي وحي نزل عليك
رجاء تنرفزت جمعت الملابس: لم يجي بابا وريني لسانك بعدين
اينور نزلت بتقه
رجاء دخلت الملابس ورجعت شافت اختها ع الكرسي
اينور مقعمزه: اروى من ظافرلك شعرك هكككي

اروى كانت امها ضافرتها شعرها بطريقه حلوة
اروى: حلوو هادي تسريحه
اينور: حليلي مش حلو خيره هكي ضفرتيه ز قرون العنز كان يشوفوك صغار الشارع مش رح يتزوجك حد راه
اروى: اعييي؟! نحولهم؟!
اينور قامت عيونها شافت رجاء مربعه ايدها ابتسمتله لم زبطتها متعصبه لين وجها احمر: حبيبتي اروشه حلوات يهبلو غير اني نحكي ع صفاء متع صفاء مش حلوات
صفاء بسرعه ماتحرج حولت التوكات وبدت تعيط: ماااامااا مش قلتيلي تسريحه حلوة

اينور عيون رجاء علها بعصبيه وجها احمر نزلت عيونها لم حست اختها قرب اطلع دخان من وذانها: اني نقول شن ناسيه… نسيت الحصان بنشربه وبنوكله وكان سخر ربي بنشمله .. وطلعت ببجامتها وبدون وشاح خش الزريبه
اينور: ماكس حصاني الجميل شجوو… وبدت تتلامس فيه شرباته ووكلاته وطلعت رجعت للحوش
اينور خشت تغني شافت رجاء مقعمزه ف مكانها وصفاء شعرها ضفره وحده وحرجانه وساكته
اينور خشت وتكنه مدارت شي: السلام عليكم
رجاء مردتش
اينور قربلتها: ديري ف روحك حرجانه ردي السلام
رجاء شافتها: اقلبي وجهك اينور
اينور بخبث شافت صفاء: صفاااء شعرك المره هادي…. قاطعتها
رجاء: ياوخيتي ياسر
اينورشافتله وفنصت فها: ردي السلام ياكافره
رجاء غمضت عيونها: وعليكم السلام ورحمة **** بركاته
اينور: علمي بناتك يردو السلام تحصلي فيهم اجر وسواب بدل التسريحات لديري فيهم راه
اينور خشت
رجاء صدقت: بنياتي لم حد يقول السلام عليكم نردو عليه باهي ماما نردو عليكم السلام ورحمة **** وبركاته باهي
اروى: باه
اينور طلعت: تعالو تغدو ف الصالة
وخشو تغدو
(اي صح ماتسخفوش ع رجاء لانه لفعة راه

)
وبعد العصر قلقوو وطلعوو للغابة الخضراء ف الريففف

اينور فرشت طرف ع الارض وقعمزت مع امها ورجاء يهدرزو وصغار رجاء يلعبو بعيد الاربعه
صبرية: حق حماتك اطلقت؟!

رجاء: تستاهل يام بايرة ولسانها ملوي ع رقبتها
اينور حست الكلام يمسها فنصت ف اختها
رجاء: ز هلباا ناس نعرفهم لايعرفو يطيبو وينظفو
اينور: يام بلله قوليله يومها شن طيبت احكيلها قداش قعدت ف الكوجينه باش طابت احكيلها ياام
صبرية قلبت عيونها: هدا ياحنه امس دارت مكرونه صالصه وتغدينها قريب العصر
اينور: عطللت باش تجي بنه وصنه

رجاء: اجاااز بنة وصنه ف النهاية بنتها مكرونه صالصه

اروى جت تبكي وصفاء تجري وراها: مااااماااا ف ولاد كبااار شدو محمد غااادي راه
رجاء وقفت بخلعه: حييي عليا من بوه ولاد منو لشدوه
اروى تبكي: كباااار ياماامااا
رجاء عدلت وشاحها: غبااارتي نوضي ياعمري اينور حبيبتي
اينور: ولله مامتحركه من مكاني ولدك هدا تي حتى الدجاجه ادافع ع فلوسها توا بري انتي ودافعي ع فلوسك يادجاجتنا
رجاء ضرب خدودها: كبااار ياينور نوضي
اينور: money
رجاء: ماني؟! شنو نوضي وراس وخيتي
اينور: money ينعي فلوس ادفعي
رجاء شافت بناتها: كبار هلبااا
صفاء: رجاله ياماما شدوه
صبرية: هيييي رجاله
اينور: ادفعي و**** كان يبدو شيابين نمرجهم طريحه ادفعي بس وتعرفيني
رجاء مدتله 15:نووضييي بسرررعه يضربولي ولدي هو راس ولد نحلف براسه

اينور خدت الفلوس وناض: اروى وصفاء قدامي وروني وين خوكم ومشت معاهم
صبرية: ارجعي جاي قتلك رجاله هادم يديرولك شي بالك سكرانين ارجعي
اينور سمعت ومش معدله مشت وهي تعد ف الفلوس ودارتهم ف جيبها
اينور قربت وشافت راجل ومعاه ولد ومحمد مقعمز ع الارض يبكي: خيره يبكي حموودي من ضربه
هشام كان اسمر طويل منظم انيق

هشام: اسف وخيتي ولدي ضربه بحجر ع جبينه
اينور:بلله عليك هدا راس ولد راه (قامت راس محمد وكان منفوخ جبينه ويبكي)اسكت ياحريمه اسككت
هشام:هو قعد يعيط خفت نخليه بروحه نبي نشوف جبينه مباش يقيم راسه
اينور شافت ولد من جيل محمد:انت ضربته؟!
يوسف:حتى هو ضربني

اينور قربت ع يوسف شدتله ودنها:هكي تضربه ياحيوان ع جبينه بحجر وهي امه تحلف براسه
هشام قرب:بعدي ع الولد ارخيه
يوسف يعيط
اينور شافت هشام:ولدك غالللط مفروض تعلمه كيف يتاسف
هشام كتم عصبيته: اني مش من المنطقه واسف ع ضربت خوك
اينور وقفت محمد بعنف:اوقف يادراه
محمد وقف مسح دموعها
اينور تفنص ف هشام:علم ولدك يعتذرر بدل ماجيبه تدهور بيه علمه كيف يتاسف
هشام تعصب:ماما خلوقي ف شيشه الدنيا دايره بيا راه خودي مفرخك وهوينا من هني تربحي
اينور:ف شيشه ف حكه ميهمنيش ولدك يتاسسسف توااا
يوسف قرب:اسف اسف اسف اسف

هشام شاف ولده: اني قداش مره قتلك متخلي حد يظلمك
اينور تعجب ف صوت:ماتخلي حد يظلمك صغار يتعاركو قريب اديرلنا محكمه
هشام يشوف ف يوسف ومتعصب وشاف لـ اينور بنااار:اهو اعتذر هي هويناااا
اينور شدت ايد محمد ومشت
رجاء شافت جبين ولدها منفوخ:غبااارتي من بوك غبااارتي
اينور:حررريمه يامحمد خليك راجللل واضرررب واضرب لين يدهش واحد فيكم عادي المهم ماتبكيش حتى كان كليت طريحه عادي
صبرية:ضمي فمك ديري صغار وربيهم
اينور:هي يام بوي قريب يروح
وناضوو روحو
اينور تتمشا مروحين
اروى شافت تزدان طايح قماته وكانو فيه فلوس وبطاقه وزوز ورقات مطبقات:خويله شوفي شن طايح
اينور خداته شافته وطلعت البطاقه شافت الصورة:حوطك بسورة الكرسي ع هلجمال (كان شخص ابيض طرف شعره بني اشقر)
ورحو
اينور فتحت الورقه فها رقم وضحكت:طرف وبصورته ورقمه

اتصلت ع الرقم
ورد
اينور:ماصدقو يتصل رقم غريب
…..سمعها:عفواا
اينور:نفكر بصوت عالي السلام عليكم
….:وعليكم السلام خيييير مني؟!
اينور:فتش جيوبك كان لقيت حاجه ناقصه قولي

….:شن تخرطي سحاره ولاشني من الاخير شن تبببببي
اينور: غير اشي قلة الربااايه اني سحارة ؟!
صكر الخط
اينور:سيورك تتصل ز الكلب لم تعرف انه بطاقتك عندي وتقعد تتغوووط عند رجليا….احمم مش لدرجه هادي….وناضت طلعت لصالة
تعشوو وهدرزو وروحت رجاء
اينور خشت لدوش وعطول لنت وسهرانه
ـــــــــــــــــــــ
هشام قالب داره : وينهاااا ماصدقت لقيتهاااا
يوسف عمره اربعه سنين وراقد ع سرير بوه
هشام نزل لسيارة يفتش: وين فيتهااا

وبدي يذكرر ف المكالمه قتله فتش حوايجك كان عندك حاجه ناقصه

فتح هاتفه واتصل ع الرقم
اينور ابتسمت بخبث

: الك** مش رح نرد… وصكرت عليه
هشام عاود اتصل تاني وصكرت عليه
هشام فتح تسجيل المكالمه سمع صوتها: فرخه صوتها
عواد اتصللل وترفض ف الاتصال
هشام بعتله مسج (السلام عليكم ممكن تردي لوسمحتي)
وصلاته (اعتذر مني مش بكري سحاره اعتذر ياحيوان)
هشام تنهد: استغفرك ربي واتوب اليك (اسف ممكن تردي عليا حظرتك)
اينور اثقل ف روحها (مش فاضيه توا بكرى نرد)
هشام تعصب بعد شعره للخلف بغغغضضضب( ردي توا واعرفي يافرخه انه لبين ايديك ادله ع جريمه ردي او نبعت رقمك للاستخبارات ويوصلو توا لباب حوشك)

اينور قرت الرسالة وشافت الصورة: غبارتك السوداء مجرم انت واني نقول طرف وبنطيحه هدا اكيد مجرم ويبي بطاقته ويكدب عليا فضح بروحه …. قفلت هاتفها ورقدت عااادي جدا

يتبع ……

الجزء الثاني من رواية جعلني انثي​

اينور رقدت والهاتف مقفل
هشام اتصل وبعت رسايل تهديد لكن شييي مقفللل
اينور ناضت صلة الفجر وطار النوم فتحت الهاتف وبدت نغمة المسخ وراى بعض
مسجاته (يااختي راك ف مشكله افتحي الهاتف وكلميني)
( لو يعرف صاحب البطاقه انها عندك صدقيني يدمرك)
(منبيلكش فضيحه واهو بنصبرك لصببح ولو مااتصلتي الصبح تلقيني قدام باب حوشكم ياانسه نور)
اينور ضحكت: اسمي غلط
وبكل وقاحه اتصلت
هشام كان يصلي والهاتف صامت كمل **** وشافها متصله اتصل بها ردت: الوو صباح الخير
اينور ف داخلها محلاه صوته الناعسس ياامي
هشام: الووو
اينور ف داخلها ياعصبببي

:صباح النور
هشام: بنتي اسمعيني من صوتك واضح صغيره
اينور: عمري 22سنه متقربعات

هشام: بطول العمر تمام اسمعيني بحكم عمرك 22 كبيره وواعيه يعني المهم اعرفي انه البطاقه لبين ايديك لمجرم
اينور: اي وشن عرفني انك مش مجرم وخانب بطاقة حد
هشام: شكرا لتعاونك بس اني شرطي تقدري تصدقي توا
اينور: احلفي بلانجليزي قصدك كان قتلي انك شرطي بنصدق ولا شنو مثلا
هشام تنهد بصوت عالي شوية: يابنتي اسمعي … قطعاته
اينور: يابوي اسمع انت عشان نصدقك انت فاتح فيس؟!
هشام: فاتح

اينور: شن اسمك عشان نشوف مهنتك
هشام: هشام القاضي
اينور دارت بحث: شن صورة البروفايل
هشام: بدون صوره
اينور خشت ع برفايله وكانو فيه داخل صور جت ع صورة هشام وصاحبه منزلها صاحبه ودايرله اشاره فنصت ف صورت هشام: انت العبد لـ ع اليسار؟!
هشام: شن نشوف معاك تحسبيني شن تشوفي
اينور: انت اسمر طويل عيونك عسليات
هشام: اي شن تشوفي
اينور: اااه هدا انتتتت
هشام ناض للمطبخ: تعرفيني؟!
اينور: واضح من لبستك انك شرطي تمام يابوي الصبح نتلاقو ونعطيك التزدان
هشام يجهز ف قهوة: اوكى يومك طيب سلام… صكرالخط
اينور تفرجت ع ايميله وطلعت دارت دوش وطلعت لقت بوها يقرا ف قرآن بصوت مسموع خدت قهوتها وقعمزت تسمع ف تلاوة بوها

جت الساعه 6:30 وهي تفكر وين بتتلاقى مع الشرطي
اينور: اليوم عندي محاظره احسن حل نقوله يجي للكليا معنديش حل تاني
اينور بعتتله رسلة(يابوي اني منقدرش نتلاقى معاك ومعرفتش مني بيوصلك البطاقة حتى خوت معنديش الحل انك تجي لـ كليتي الساعه 9:30)
هشام قراها (مش مشكله وين كليتك؟!)
بعتتله المكان
اينور لبسة عبايتها سوداء وشاربه ددمم غزال وسبيدرو ابيض محلاها لم تكون درياااا ولابسسة عبايه كيوت

جت الساعه 9:10 وخشو للمحاظر ومن ظمنهم اينور خشت
هما يخشو وصل هشام نزل سال ع بنت اسمها نور لانه طلغله رقمها ف الكاشف نور ماحد عرفها قعمز ف الساحه لعند الساعه قريب العشرة خش الادارة

هشام: السلام عليكم
المدير: وعليكم السلام تفضل
هشام طلع بطاقته: شرطه، نبي نستفسر ع محاظره الساعه 9:30 صار منها او تاجلت
المدير: مانعرفش شي ع المحاظرات
دكتور مع المدير: توا سنه رابعه بس عندهم محاظره
هشام شاف الساعه ف ايده: ممكن تاخدني للقاعه مستعجل
والدكتور ناض ووصله للقاعه وسيبه
هشام طق طقتين وخش
الدكتور: خير؟!
هشام شاف القاعه معبيه وزحمه طلع بطاقته: شرطه، وين الطلبة نور مصطفى؟!
الطلبه يعدلوله ممكن نور ويفولو مافيش نور معاهم غير اينور
اينور وقفت: اينور ممكن مش نور
هشام شافله: اطلعي معاي
الدكتور: وين؟!
هشام شافله: خليك ف محاظرتك شرطه.. وطلع
اينور طلعت وراه: بنات عماتي معاي ف المحاظره شكرا ع الفضيحه بنات عماتي ومادراك ماعماتي

هشام مد ايده: لخديتيه
اينور فنصت: كذذاب لقيتهم طايحات مخديت شي
هشام: يابنتي مشغول راني احمدي ربي صابر عليك هاتي المصيبه
اينور طلعت من جيبها التزدان: هاك يابوي
هشام مشي

اينور تسمع فيه:شرطي ع اساس جو متع كبار يابنتي وابصر شني وحتى شكرا مايعرف يقولها
هشام ماشي وعطيها بظهر دار صبعه جنب راسه بمعنى مزاج
اينور خشت وقعمز مكانها نخصتها بنت عمتها من الخلف
عُلا: غير منين ليك طرف المرشملليو هادا
اينور: من محل موزارت

عُلا نخصتها تاني: مني قولي
اينور وقفت جمعت بعضها: دكتور اني بنطلع… وطلعت
اينور طلعت عطول روحت
ــــــــــــــــ
.
.
صبرية: خيررك روحتي بكري
اينور: نبي نعرف الناس لعندها عقده من الاعتذر والشكر شن يحسوو
صبرية: منو هادم ؟!

اينور متعفلقه: اني معاش بنساعد حدد طزز ف امهم كلهم
صبرية بصوت واطي: تسبي بوك داخل ضمي فمك وقولي شن في
اينور: امس لقيت بطاقة طايحه ولقيت معاها رقم اتصلت برقم لانه عشان ياخد بطاقته ورد عليا اوسسسخ عباد **** حقير يايمه وكلب علاش مقالش شكررا بينقص منه يمشي تللل يشحطه… وخشت متعفلقه
غيرت ملابسها وتغدو
مصطفى: قالو الحاج عبد الهادي دار حادث اليوم برو وقيم بـلواجب للمراة
صبرية: امتى اللطف دار حادث
مصطفى: قالو من حوالي اربعه ايام المهم تمشو اليوم وارفعي اينور متخليهاش بروحها

صبرية: نش**** نش****
اينور تاكل وتشوف ف كتابها
بعد العصر
صبرية دوشت ولبسة ومشت مع اينور لحوش جارهم عبد الهادي
اينور اول مخشت شافت يوسف قدامها فنصت فيه: هادا انت
يوسف شافلها وقرب سلم عليهم بـ اذب
صبرية بساته: ولد منو انت
اينور: بوك الحيوان هني
صبرية فنصت ف اينور: ياحشمتي ضميه ضميه عطك حبه فيه
اينور: حبيبي قول لبوك قتلك المراة تعلم التواضع شوية وهو من الغرور قريب يطيح ع وجها… وخشو
ــــــــــــــــ
.
.
هشام ف خدمته
هشام يفتش ف المكتبه: عاادل عااادل
عادل الشرطي خش: نعم
هشام اشر بصبعه ع المكتبه:وين ملف زياد التجار ؟!
عادل:انت تعرف سيدي انه اني منلمس ف شي نجي بعدك ونروح قبلك
هشام: عادل الملف حطيته امس بيديااا هني لونه اسود فيه تسعه وراق وينه دار رجلين وطلللع
عادل نزل عيونه ع الارض:علمي علمك
هشام طلع وقربع الباب وراه خش لغرفه لجنبه:واصف انت واخد ملف اسود من مكتبتي؟!

واصف: شن بندير بيه
هشام طلع ورجع مكتبه قلب المكتبه راسا ع عقد وشي ملقاشي طاح ملف ع الارض
هشام طبس بيقيم الملف شاف لبز ع الزليز: منووين جي لبز وعفسات هني وهما عارفين ممنوع مخلوق يخش لمكتب (سكتت وخده عقله متاحه ف التفكير) لحظه المطر مصبتش واصلا الدنيا صيف منوين جي البز؟! واني متاكد انه مش مني…وقف حط الملفات وصكر المكتب كلعاده وطلع قعد يشوف ف ساحه المركز مافيش اتر لبز غير ف مكتب وكانو اثار بسيطه
طلع واصف:رفيق
هشام سرحان تلفتله:ايواه
واصف:بنمشي للمطعم نتعشو تمشي معاي؟!
هشام سرحان:لا برا
واصف نزل من الدروج ويقرب ع سيارة الشرطه الخاصه بيه
هشام جو عيونه ع كدار واصف وكان ملبز بلبز عقد حواجبه: معقولا يكون خاين؟!
واصف ركب ومشي
هشام ف داخله:مستحيل واصف ظهري معقولا يغدر بيا لو ضاع الملف رح نضيع اني رح يفكروني خاين او بايع الملف لازم نلقاه قبل مايحس حد..وخش
هشام قعمز ف مكتبه بعد شعره للخلف وتنهد: معنديش ادله انه واصف هو لخداه وماعنديش ادله انه نخنب ولو قلت انه نخنب مش رح يصدقني حدد
هشام طلع هاتف واتصل بـ اخر رقم ليه مردش بعتله (اني ف ورطططه مستحيل تنحل الملف بـ الادله بـ لبطاقه بـ الوراق بكلللل شي خنبوهم يامجدي)…وحط هاتفه وهو متوتر
اينور قرت الرسالة حست انه الموضوع جديات وخطير ( من مجدي يابوي اني اينور مش مجدي)
هشام تنهد وفرح فتح الرسالة تعصب:شن الحصله هادي (دارها ف الحظر)
اينور عاودت تقرا ف الرسالة بعتتله (اعتذر مني ممكن نساعدك)
هشام شاف رسالة وصلاته من الحظر فك الحظر واتصل بها صكرت ف وجها

(يابنتي لو اني ننسجن رح يفتشو الهاتف متعي ولو شافوك تتواصلي معاي رح تدبسي معاي فا ريحي مكاسيرك والهي ف قرايتك)….وطلع ركب السيارة روح
ــــــــــــــــ
حوش عبد الهادي هدا شيباني وعزوزته بس معندهمش صغار ديما اينور تمشيلهم لو يبو شي او تساعدهم بشي لانهم جيرانهم وكويسين

اينور لابسة نصكم بيضا وسروال اسود واسع وشعرها ديل مقعمزه مع الصغار ف الفيرانده وفاتحه نت
وصبرية ادير ف العشي لـ عبدالهادي ومرته لانها مرته عزوز كبيرة
اينور قرت رسالته: عمي الشرطي مهتم بقرايتي تي نحلف انه الكليا كلها فضحو بيا انه الشرطه طلبتني غير ربي سترني انه امي وبوي معندهمش هواتف
نفتح الباب الخارجي وهشام خش شاف وحده قصيره جنب يوسف فكرها بنت صغير وكانت عطياته بظهرها
يوسف تلفتت: بابااا
اينور تشوف فلهاتف فنصت قدامها برعبب

وتلفتت ببطىء ووتلاقى عينها ف عينه

يتبع ………

الجزء الثالث من رواية جعلني انثي​

اينور تلفتت ببطىء وتتلاقى عينها ف عينه
هشام لم جت عينها ف عينه فتح عيونه بصدمه: لااا هكي هلبااا اني بنعطي صدقه من غضوا
اينور وقفت: اعطي صدقه تنفعك ف حياتك لكن يابوي لازم تكون انسان قبل وبعدين اعطي صدقه
هشام: وصلاتك الرسالة ولا نتكلم جديات معاك اني راه حدفت رقمك ورسايلك وكل شي واعرفي انه لو مستغنيه ع عمرك ابعتيلي رسالة صدقيني ننسجنو ف نفس الزنزانه
اينور: علاش هكي غبي انت قصدي شن تاكل ماكلتك ماشيه طول وعرض بس شغل عقلك ياعمي الشرطي
هشام: بنتي انتي قعده صغيرة لو انتي حابه المشاكل… قطعاته
اينور: سؤال سؤال انت عن اي ملف تحكي خليك جدي ولو لمره
هشام: ملف زياد…. وسكت…. لا يابنتي معلومات سريه هادم
اينور ابتسمت: زياد التجار صاحب البطاقه صح

هداكا الشاب الابيض لشكله ز الحوت لغاطسه ف الدقيق صح؟!
هشام ابتسم:حوت غاطسه ف دقيق

هشام شاف يوسف: اسمع انت ارقد مع حنينه لطفيه اني عندي خدمه باهي
يوسف: باه بابا… وخش
هشام طلع
اينور لحقاته: استنننى ياشرطي القهره
هشام تعصب تلفتلها: بري خشي يافرررخه
اينور قرنت حواجبها: لكن اني عمري 22سنه مش فرخه قصيره صح لكن كبيرة
هشام: كانك كبيرة راك متكلميش مع حد غريب
اينور: قولي شكرااا تواااا
هشام: لصقه انتي لصصصصقههههه… وطلع قربع الباب ورجع للمركز ف اليل وكان زحمه سيارات دوريات
هشام شك ف القصه خش وكانو كلهم ف مكتبه: خير

النايب: وين ملف التجار وصحابه وصلتني معلومات انك بعت الوراق لصاحبهم
هشام: اوكى تمام اهدى اول شي قولي من قالك
النايب شاف واصف: ماحد
هشام شاف واصف: عارفك خاين راه قصدي اني شرطي وحافظ وجوه الناس ونعرف الشخص من نظره
واصف: انت بعت الملفات واني منقدرش نسكتلك… قاطعه
هشام ضحك شاف النايب : اول مره نعرف انه النيابه غبيه
سيدتك خليك معاي بـلمنطق وركز ف كلامي
اني المجرم هادا قتلي مرتي واني لجمعت الورق هادم عليه ورقه ورقه بدون مانطلب مساعده من حددد واني لتنكرت وخشيت مع جمعت زياد التجار ع اساس تاجر معاه وخنبت بطاقته اني كنت بكللل بساطه نقدر نشده لكن نبي الادله تكتر (ضحك) توا جايين تقولولي انه اني لبايعهمله واساسا ع شنو جايين بتحاسبوني الوراق اني لجمعتهم والبطاقه اني اني لخنبتها يعني اني فتحت القضيه والوراق لنخنبو مسؤوليتي اني وبس

النائب: مش اي واحد بكيفه يجمع الوراق ليبها ياضابط هشام وحني شن عرفنا انه كلامك صح وانك انت لشتغلت بروحك وشن عرفني انك واخد بطاقته علاش واتقه انه اني بنصدقك لو كنت تبيني نصدقك كنت عطيتني علم انه الملف نخنب نزلوه لتحقيق فورااا
تجمعو ع هشام ونزلوه خدو منه اغراضه وصلاته رساله (اسمع اني منحبش الظلم واني نقرا قانون ونعرف شن رح يصير لو فعلا لحكيتلي عليه صار فا اسمع ارجعلي رح نعطيك ادله ووراق تحل مشكلتك وطبعاا المقابل هو انك تشكرني عشان تعرف من توا ياشرطي القهره)
واصف قام الهاتف وقري الرسالة من برا قرن حواجبه
هشام قعمز ف حجرة التحقيق: مش رح نتكلم حرف قبل مايوصل المحامي الخاص بيا
النائب بعياط : مش بكيفك اني وتقت فيك وسلمتك القضه اكبر منك لكن طلعت عيل ومتع فلوووس
هشام عيونه حمممر بعصبيه حط ايده ع الطاولة: شن دليلك انه اني بعت الملف
النائب: اني نائب ونسجن بدون ادله بكيفي وانت تعرف شن يعني نائب
هشام: بما انك واتق ف روحك هكي علاش مستلمش القضة انت او علاش مش ولد خوك واصف هو المستلمها ؟! لانه القصه كبيرة وفها قتللل انتم شفتو مرتي كيف توفت خفتو وكلكم وافقتو انه اني نكون المسؤول واني استلمتها بدون منخاف ولا يهزو فيا شعره
النائب: بما انك هكي فهمني وين الملف وين وراق زياد التجااار وصحابه كيف ادير هكي مع شخص قتلللك مرتككك

واصف طلع بعت رسالة بهاتف هشام(تعالا للمركز وجيب الادلة والصور)
اينور بعتتله( اول شي اعتذر ع درته والكلام لقلته)
واصف مفهمش (اسف هي تعالا)
اينور (اعتذر ع لدرته قتلك اسف ع شنو؟!)
واصف دار الاسم ف الكاشف طلعتله نور (خلاص ياحلوة اسف)
اينور فنص ف الرسالة: حلوة؟! مش اساس بنته؟!
صبرية: هي البسي اينور بنروحو
اينور لبسة وروحو
ــــــــــــــــ
واصف تلبك وخاف وحس انه ف شخص يعرف كل شي رجفف مع بعضه
ترررن تررررن
واصف شاف رقمها يتصل مقدرش يرد رح ينفضح من صوته
اينور كانت تتصل بتقوله يستلمها ع الفيس لكن نردش بعتتله (برا ولله ماك شامهم ياكلب نش**** تعفن ف الحبس)
واصف قفل هاتف هشام ونزل لحجرة التحقيق لقاهم قعدين يتناقشو
واصف: عمي اني نحقق معاه ممكن؟!
النائب وقف: تمام عندك ربع ساعه وبنكمل التحقيق اني بنفسي
هشام خوفه كله ع يوسف لقعد بروحه
طلعوو كلهم واصف تاكد انه الممر فاضي وخش للحجرة: شني ياهشام
هشام: انت صح؟!
واصف ضحك: شنو اني؟!
هشام: مشعارف علاش نسال فيك اني

واصف طلع هاتف هشام من جيبه: وصلوك شوية رسايل واني تصرفت
هشام زادت الدنيا دارت بيه: رسايل شنو وريني
واصف قربله ووراه الرسايل من الخلفيه
هشام غمض عيونه بعصبيه وفداخله كنت عارف راسها لوح..شاف واصف:فرخه هادي واساسا اني منتعاونش مع جنس حواء
واصف: شنو الصور لعند البنت قولي ممكن تساعدك كلمها وقوللها تجي ممكن اطلعك
هشام فداخله، معنديش حل تاني غيرها وخصوصا انها تعرف يوسف…شاف واصف:فكلي ايديا بنكلمها
واصف فرح وفكله الكلبشه
هشام خدي الهاتف واتصل عطول ردت:الوو كيف حالك وحال صغارك
اينور حس بشك:يسلمو عليك الصغار شن حالك صغارك انت والعزيز
هشام ف داخله غضب ابتسم:كويسين تسلم عليك العزيز
اينور:لكن ولدك قال امه ميته ام عزيز لتسلم عليا
هشام تنهد:غير اسمعي يابنتي وصلوني رسايلك متع انه عندك صور اسمعي الصور (شاف واصف)اي الصور متع الحوت لغاطسه ف الدقيق فوتيهم ابعتيلي صور مهمات
اينور: خيرك هكي تتكلم فهمت انك متبيش صور زياد اهااا فهمت فهمت اسمع لو جنبك حد كحح ولا مافي شدوك اعطس
هشام شاف واصف وعطس بلكذب:اي مزكوم وحالتي حاله المهم ابعتي صور لعندك
اينور: لاه لاه يامسكين
واصف جبد الهاتف وصكر الخط:شن قصة الحووت
هشام قرب ع واصف ضربه بوكس وخدي الهاتف ضربه بكلللل قوته ع الحيط ورجع يعفس عليه ادشششدششش
هشام قام واصف من الارض: اني وانت نعرفو كووويس انه الوراق عندك
خشو مجموعه بعدو هشام ع واصف
استمرر التحقيق مع هشام بعنننفففف
واصف محكي لحد قصة البنت لانه خاف تفضحه

ــــــــــــــــــ
تاني يوم الصبح
الساعه 10 طلعت للكليا
فاتت جنب حوش عبدالهادي شافت يوسف يلعب برا
اينور:وسيفا شجو
يوسف قربلها:حيي جيتينا
اينور:وسيفا انت امك وين؟!
يوسف:ف الجهنم قال بوي
اينور فنصت ف يوسف: ميته؟! باهي اسمع تعرف بابا وين يخدم
يوسف: اي نعرف اني نمشي معاه
اينور: اهاا باهي وين يشتغل
يوسف: نعرفش بابهم لونه اسود
اينور: حتى بابنا لونه اسود

اينور خشت سلمت ع لطفيه ورحبت بها بعد هدرزه وهي نست انه عندها محاظره: عمتي لطفيه من يوسف هدا لعندك
لطفيه: هدا ولد ولد سلفي عنده وراق هني يجهز فيهم هني وبيرجع للمدينه دار وراقيه وكل شي وبعدين عمك عبدالهادي دار حادث قال انه بيقعد هني بالك نحتاجو حاجه لعند يطيب عمك عبدالهادي
اينور: اهااا يعني هو يشتغل ف المركز ف المدينه؟!
لطفيه: مدينة شنو نقول هني
اينور ضحكت: اعصابك عمتي .. اني عندي محاظره هي بسلامه..وطلعت
لطفيه: بسلامه
اينور مامشتش للكليا خدت تاكسي ومشت للمركز الموجود ف منطقتهم نزلت وخشت
اينور رجففتتت: السلام عليكم


يتبع ………

الجزء الرابع من رواية جعلني انثي​

اينور خشت: السلام عليكم
عادل: وعليكم السلام تفضلي
اينور خافت بس شافت عادل كبير شوية تنفست بعمق وبصوت واطي: اني المحاميه
عادل: خير؟! ف حد طلبك؟!
اينور فداخلها، غبارتك راك ف مركز شن تكدبي: ياعمي اني نبي شخص هني نتكلم معاه ضابط مثلا
عادل طقطق ع غرفة النائب
النائب: اني قلت ممنوع حد يخش لم نكون مشغول
عادل: استني هني هو توا عنده متهم رح يتبت عليه القضيه ويكلمك
اينور: من المتهم؟!
عادل: الضابط هشام ال،،،،
اينور قربت للباب وفتحاته
النائب شافلها: تفضلي خير
هشام كان عاطي الكرسي بظهره للباب

اينور قربت خشت ووقفت قدام هشام
هشام تلاشؤ عيونه حس روحه لمحها شافلها ونزل عيونه ع اساس ميعرفهاش
النائب: اختي استني برا نتبت قضية للمتهم وت… قطعاته
اينور: ممكن نشوف وراق المتهم
النائب: شن تفضلتي !!!
اينور قربت للمكتب: نبي وراق المتهم هشام
النائب: ممنوع وين تحسابي روحك انتي اطلعي تفضلي
هشام فنص فها ويتكلم ومصكر سنونه: اطلعي يامصيبه
النائب شاف هشام: تعرفها؟
اينور: محاميته
هشام عرف انه لو كذبها ممكن اطيح ف مشكله: محاميتي
النائب شافلها وبدون مايطلب دليل انها محاميه مدلها ورقه
اينور تقرا فها: نعمم؟ مكتوب انه الضابط هشام متعاون مع المجرم زياد التجار وكاتبين انه بايع وراق وملفات ليه نقدر نشوف الدليل؟!
النائب: مافيش ادله ع شي هو ميبيش يتكللم
اينور مدتله الورق: انت عارف لو طلعت متهمه كذب شن يصير فيك رح تدفع فديه لانك ملفقله تهمه كامله وصدقني رح تجي ع راسك
هشام: ضمي فمك هدا النائب وين تخرطي من طلبك انتي
اينور شافت النائب: النائب؟! اي سيدتك وين تبينا نصكرو المحظر هني ولا ف المحكمه
النائب: لحظه فهميني شن عندك انتي لو في شي نتفاهمو هني
هشام: ممكن تخلينا نتكلمو شوية نتفاهم معاها
النائب وقف: تمام عندكم خمسه دقايق
اينور خافت من هشام المتعصب: لااا دقيقتين

النائب طلع
هشام: انتي كيف تخشي انتي بنت تعرفي شن يعني بنت تنسجن ف مجتمعنا
اينور: تبي تنحبس واني ظمير يائنب فيا فكرررت مرقدتش لقيت الحل انه لازم نحل القصة قبل ماتكبر
هشام غمض عيونه بعصبيه وفتحهم: وريني شن الادلة لعندك ولو لقيت ف خطر عليك رح تمشي تسمعي فيا ورح تقولي انك مش رح تستلمي قضيتي وريني شن عندك
اينور فتحت هاتفها: اني لم اتصلت بيا انت خفت انك تكون مجرم وصورت الوراق والبطاقه لكانو عندي
هشام تنفس بعمق: الحمد**** عطيني نشوف
اينور عطاته: هادم
هشام فتح الصور وشافهم وبعدين خش ع الرسايل شاف رسايل هو مش باعتهم
هشام ابتسم:ياشاطره انتي جبتيلي الرسايل هادم اهم من الصور الرسايل اني مرديتش عليك ويعني لرد عليك كان هو يبي لوراق والصور
النائب طق الباب وخش
هشام:سيدتك ف شخص كان عنده هاتفي وكان يتواصل مع المحاميه عشان تجيه وطبعااا هدا واصف ولد خوك هو لـ استلم اغراضي…ووراه الصور والبطاقة
النائب تعصب:واصف…قرب بيطلع
اينور:لحظه متغلطش ضروري تشده بدليل (تلفتت وشافلها) رجاءا ماتتهورش
هشام وقف: اينور
اينور شافتله
هشام: انتي الدليل
اينور عقدت حواجبها بعدم فهم
ــــــــــــــ
واصف ف مكتبه ترررن ترررن
واصف شاف رقم غريب ع هاتف هشام صكرر الخط
وصلاته رسالة(اني غيرت رائيي رح نعطيك الادلة بدون مقابل نتلاقو؟!

اول موعد لينا)
واصف: اول موعدد يعني الشخص ليبعت ف الرسايل مش شايف هشام (وين؟!)
وصلاته(كافي…… الساعه 12 بزبط)
واصف شاف الساعه 11:10(اوكى اني توا طلع للكافي نستناك غادي)
وصلاته (تم)
النائب نصدم: ف الشرطه مافيش واسطات ولد خوي رح ينفصللل فووورااا
هشام شاف اينور: انتي
النائب طلع
هشام حك بين عيونه بتوتر: مش عارف شن جيت بنقولك
اينور ابتسمت: خلاص اني عرفت وحسيت انك شرطي كويس مش ضروري تشكرني
هشام: من قال بنشكرك؟!(تعصب) علاش مهووسه ف التشكرات والاعتذارات انتي؟!
اينور: انت قليل اصللل

بنقص منك كان قتلي شكرااا
هشام بيتكلم قطعاته
اينور: يلي ماتتحشم الحق فيااا
هشام: جهزي روحك لساعه طناش يابطه…عطاها بظهره بيطلع
اينور: بطل تناديني بااسماء عبيطه… بعدين وين طالع انت اقعد هني
هشام تلفت شافلها: اني رح نعطيك شي وسام شكر مثلا او هديه شكرا مش احسن؟!
اينور : اني بنروح باي…. شد عروة الباب
هشام: تبصري انتي؟! وواصف من بيقابل كان انتي بتمشي!
اينور شافتله: وااات تبيني اني نمشي للكافي مصح وجهك

هشام: هي خدمه
اينور تنق : مجرم هادا مقدرش
هشام: لالا انتي قوية كيف وعيطتي عليا ف الجبل ولا نسيتي صياحك يومها
اينور شافة: الساعه 11:20 فهمني شن ندير
هشام ابتسم: لالا ذكيه الباين عليك تصرفي بذكائك
اينور: شكراا

خمسه دقايق ساكتين
هشام: عطلل النائب اي هي يابنتي احكيلي شن بديري غادي اجلطيني بذكائك
اينور: استنى علاش تقولي بنتي انت كم عمرك؟!
هشام: 30سنه
اينور: اي واني 22 معنها شن تقولي بنتي ع اساس جو برستيج وهيبه هئحممم
هشام: عطيتك عمرك 17 او16 منضرك مايوحيش انك طالبة جامعه
اينور: منضري عادي غير قصيرة شوية بس انتم مزودينها
هشام: شوية؟! بنتي انتي قريب يعفسو عليك
اينور تعفلقت: اني شن درت بس ضيعة فرصة انه نشوفك مشنوق ومعفن ف الحبوس
هشام سكتت تنهد
النائب خش وخشو معاه زوز شرطه: اختي هادم الشرطين بيكونو معاك لو صار شي واني متاكد من ولد خوي وعارف مش رح يصير شي
هشام: نكون معاكم؟!
اينور: طبعاا انت اول واحد
النائب: لا هشام انت بتقعد ف الزنزانه عشان مايشك فينا واصف
وطلعو النائب ووالشرطيين

اينور بتطلع
هشام: ردي بالك (ابتسم) يابنتي
اينور شافتله: هو ماشيه لكافي مش لحدود اسرائيل
هشام وجها تغير لغضب: فاضي نتكلم معاك اني… وطلع نزل للزنزانه
وطبعاا الوقت هدا كله وواصف ف الكافي
ركبو ف السيارة واينور

يتبع …………

​

الجزء الخامس من رواية جعلني انثي​

وصلو للكافي بعيييددد عليه نزلت اينور بس بروحها وطبعاا شافت واصف ف الصورة ونزلت وخشت وقربت ع شخص لابسة بدلة شرطه
اينور لابسة سماعه: واخيراا شفتك… هشام صح
واصف ابتسم ومد ايده: اهلين اي
اينور شافت ايده: اسفه مانسلمش.. وقعمزت
واصف قعمز: نطلبلك شي او بتوريني شن عندك
اينور: اممم مستعجله(سكتت لم حست بيه موجه مسدس علها من تحت الطاولة) انت شن ادير
هشام يسمعلهم: في شي؟!
واصف ابتسم ومد ايده: الهاتف
اينور قلبها طاح ف بطنها عطاته الهاتف: هشاام اهدى
واصف خدي الهاتف: ياحلوة مش هشام تقدري تقولي واصف
اينور بلعة ريقها: اوكى واصف
واصف ابتسم: فرخه طلعتي توا ياحلوة بتجي معاي عشان نعرف شن تعرفي ومتقعديليش عائق
هشام سمعه من السماعه فتح عيونه بصدمه: في شي مش تمام بياخد البنت
النائب: خليك هادي متنساش انه معاها زوز شرطه متنكرين في الكافي

هشام بصوت عصبي: البنت صغيرة من صوتها واضح خايفه
عادل: نش**** تجي سليمه
اينور تنهدت بخوف: منعرف شي الهاتف عندك بس
واصف: بس انتي شاهده وقفي بهدؤ واطلعي معاي
اينور فداخلها مش رح نخلي مشيتي تجي ع الفاضي: اوكي رح انوض بس فهمني انت مني (تبي السماعه تسجل)
واصف قام حاجبه: ضمي فمك افضل ونوضي واني بنوض بعدك وانت شايفه اني لابس بدلة شرطه يعني لو انوض توا نقتلك مش رح يخاف مني حد بحكم شرطي رح يفكروك مجرمه فا نوضي منبيلكش البهدله
اينور وقفت وواصف وقف
عطول قربولهم الشرطيين بسلاحهم: اوقف مكانك
اينور تنهدت وبعدت تلفتت بتطلع وقفت مصدمه بشخص ليشوفلها

مؤيد قربلها كان مقعمز ف الكافي: من بكري نكدب في عيوني انتي شن اديري
الشرطي شاف اينور: شكراا ع تعاونك.. وطلعو واصف
مؤيد: شن المسراحيه لصارت؟!
هشام خش مبتسم شاف الناس لفي الكافي: اهدو ياجمعه مافي شي صارت عملية قبض ع شخص خاين وتم الموضوع تقدرو ترتاحو يومكم طيب… قرب ع اينور
اينور عيونها علقو ف مؤيد
هشام لابس السبته ع كثافه وفها مسدس مبتسم: تمت مهمتك هي نرجعك لحوشكم
مؤيد شاف هشام: اينور تكللمي متقعديش تشوفيلي شن اديري هني ومن هدا لمعاك قبضو عليه
اينور تنهدت بخوف وترجف بتتكلم
هشام: لو في شي نفهمك اني لو ممكن
مؤيد: الامر عائلي لو سمححت تمشي
هشام شاف اينور: خوي نوضحلك بس… قاطعه
مؤيد بصوت عالي: تككككككللللللممممي

اينور ترجف بصوت واطي وترجف وتحرك ف ايدها برعب: مؤيد اني درت ه هك لانه ف شخص مظلوم كان رح ينحكم
مؤيد: عُلا قتلي انه جاتك الشرطه ف الجامعه مصدقتش
اينور عيونها تعبو دموع: مؤيد نحكيلك قعمز
مؤيد يشوف ف الشرطه يشوفولهم: انت بين 14ذكر وشرطه شن اديري بين المجرم هادا والشرطه بتنحرفي ولاشني
اينور دموعها نزلو وشفايفها يرجفو
هشام تعصب: اسمع انت عاطي للموضوع اكبر من حجمه الناس تتفرج فضحت بـ البنت
اينور: اول مره مؤيد…. قاطعها
مؤيد شافلها: من ليوم اينور لانعرفك لا تعرفيني باهي ولكان بيني وبينك تنسيه…وطلع
اينور بدت تبكي
هشام فهم انها ع علاقه مع هادا شاف زملائه: انتم تصرفو للمركز اني نلحقكم
طلعوو كلهم
هشام وقف قدام اينور: اينور فهميني شن لصار ممكن نساعدك
اينور شافت هشام ودموعها ينزلو: حتى لو صار هكي اني مدرت شي غلط صح اني ساعدة شخص كان مستقبله رح يضيع صح
هشام: اهدي اني ممنونك ولو نشكرك من اليوم لـ اخر يوم ف عمري مش رح نكافيك ع الشي لدرتيه انتي ساعدتيني ومتنسيش انك ساعدتي ولدي انه مينحرمش من بوه ويتشرد انتي ساعدتيني اني وولدي يوسف
اينور دارت ايدها ع وجها وتبكي
هشام قعمز مقابلها وشاف من المرش السيارة الشرطه مشو كلهم قعدة سيارة وحده متع شرطه
هشام: اسمعي اني مستعد نمشي لحوشكم ونحكي انتي شن درتي صدقيني بوك يفتخر بيك
اينور وقفت ومسحت عيونها
هشام شاف القرسون: كأسة اميه يامعلم بسرعه
القرسون جابها بسرعه
هشام خدها ومدها لـ اينور: اشربي ونوصلك

اينور شربت وطلعت
هشام لحقها ركبو ف السيارة ولع
اينور من الخلف
طول الطريق ساكته
اينور: انت رح تنزل معاي تمام هشام ورح تحكي لـ بوي انه مؤيد فهمني غلط
هشام يسوق: اكيد بدون ماتقولي
بعد سكوت
هشام: كيف فهمك غلط هدا يدور ف سبله شن فهمك غلط قصدي واضح منظرك تساعدي ف الشرطه شفتي نظرات الناس ليك ف الكافي
اينور تعفلقت: انت ولد مدينه عندك عندكم كل شي عادي لكن اني بنت الشيخ حني عندنا عيب بنت تخش للكافي وعيب تقعمز مع حد غريب نش**** بوي يوقف معاي بس
هشام تعصب: اني مش رح نطلع من حوشكم الا بكلمة من بوك وعارف انكم مش ز المدينه
اينور بخوف: يارب
وصلو ونزلت
اينور خشت وتنهدت ف الجنان وهوبا يطلع قدامها مؤيد ملامحها تغيرت
هشام شافله وحس انه القصه تعقدت وكبرت
هشام قرب شد مرفق مؤيد: علاش المشاكل يافتان خش قدامي… ودفها وخشو
مصطفى طلع
اينور شافت بوها خلاااص رجلها يرجفو بطيح
هشام: السلام عليكم
مصطفى: ارجعي منين جيتي
اينور هني حست بدم بيجف ف عروقها
هشام دف مؤيد بقوة: ياحاج كل شي ينحل هادا فهم كل شي غلط

مصطفى: من انت جاي توضح وتشرح بصفتك منو اني نقوللها تطللللع
هشام بصوت عالي: بنتك لـ تلز فها طلعت شرطي من الحبس شرطي كان رح ينحكم عليه سنين بنتك هادي لتلز فها طلعت شرطي من الحبس برائه (شاف مؤيد) ولكذاب هدا ابصر شن مألف قصة
مؤيد: شرطي قتلي اي باهي شن كانت ادير ف الكافي تهدرز مع راجل ف الكافي
مصطفى شاف بنته: اني علمتك ادافعي ع روحك تكلمي انتي دافعي ع روحك
اينور ريقها جفففف اول مره تنحط ف موقف هكي
هشام: اهو تشوف فيا لابس سبته ع كثفي وعندي مسدس اني شرطي غير بطاقتي قعدت ف المركز صدقني بنتك مش كيف ماانت مفكرها هي ساعدتني نشد شخص كان يخنب ف اوراق حكوميه وتزوير
مصطفى ارتاح نوعا ما: شنو تكلمي قوليلي
اينور بسبب سهرها وانها بدون فطور ومن الصبح ف رعايش وخش للمركز ووقفت قدام واصف ورعشت للمسدس ومتحملتش رعشت بوها الدنيا دارت بيها داخت
مصطفى قربلها قام راسها: ياساتر سترك يارب
صبرية كانت تبيت من الشباك شافت بنتها داخت طلعت وطرف المصليه ع راسها
مصطفى شاف صبرية: اميه هاتي اميه
صبرية خشت جابت اميه بلتلها وجها اينور فتحت عيونها وبدت تبكي
اينور تبكي وكلامتها مقطوعات وبصوت واطي: اني مهو هو مظلوم مقدرتش ندير روحي مانعرفش يابوي كان كل شي عندي لو نحبس ربي بيحاسبني لاني سكتت

يتبع ……

الجزء السادس من رواية جعلني انثي​

هشام يشوفلهم: دخلها ياحاج بنتك شانها عالي (شاف مؤيد) معاش تصدق كل شي ينقال قدامك خليك واتق فها
مصطفى وقف ووقفها وخش صبرية دخلت اينور
مصطفى: تفضلو للمربوعه فهمني
هشام خش وحكاله
مؤيد: بنت خالي من حقي نخاف علها
هشام شافله: الناس، تفهم، تسال انت بديت تلعلع
مصطفى: وشخص لقبضتو عليه كيف تعمز معاه؟! يعرفها؟!
هشام:صدقني حني درنا خطه وبنتك صح قعمزت معاه لكن رفضت حتى تسلم عليه قعمزت معاه وجبدت منه دوه وشدينه
(حكاله كل شي لكن محكلاش انه تتصل بيه ليل نهار

)
وفات اليوم ع خير والاب كان متفهم

ـــــــــــــــــ
تاني يوم
ناضت اينور بعدد نووووم وتعببب ورعاييش خشت ع دردشة ال

بعتلله (طحت من عيني،الغريب وقف معاي ودافع عليا وانت سبله ولقيتها ومشيت تنشر ف سمك ف وذان بوي ياحقير ماعمري تخيلتك هكي ادير فيا خسارة الحب لحبيتهولك) حطاته ف البلوك
طلعت شافت بوها يقرا ف قرآن لبسة طرف المصليه وقعمزت جنبه تسمعله لعند كمل
مصطفى ابتسم: مره تانيه اي شي يصير تحكيلي واني نتصرف
اينور: كانو عندي وراق تجار مخدرات قررت وتسرعت سامحني مره تانيه ناخد رايك
مصطفى ضحك:مزال في مره تانيه بتهبليني

توبي واعقلي خيرلك راه
اينور ضحكت
ــــــــــــــــــ

هشام رجع لخدمته ولـ تحقيقه وطبعاا بعد تحقيقات مع واصف عنيف خدو منه الملفات وهشام كمل بحوثه ع زياد التجار
عادل: مش عارف امتى بنقبضو عليهم
هشام:عيلته لقبهم التجاار يعني عيلة وخالها ميلاد يبوو وقت مافي شي يجي بساهل
طققطققق
مؤيد خش
هشام:اهلا
مؤيد:ممكن نتكلم معاك
هشام شاف عادل:عادل
عادل فهم وطلع
هشام قعمز:خير
مؤيد قعمز: من الاخير بنخش ف الموضوع طول
هشام: احسن شي خش من وين ماتبي
مؤيد: نبي نعرف انت علاش
هشام:مفهتش؟!
مؤيد: علاش ساعداتك تعرفك ؟! اني لنعرفه انه اينور…قاطعه
هشام:انت شن دخلك جاي هني ومتوقع مني بنحكيلك؟! بصفتك شنو؟!
مؤيد:كنت رح نخطبها
هشام مفهمش:اي اهي قعده حي خودها من الاخير عندي خدمه توا قولي شن المطلوب مني
مؤيد: اني نكلم فها البنت ومرتبط بها لكن بعد لصار…قاطعه
هشام:اني شن موقعي ف الاعراب جاي تحكيلي صاحبك اني؟! لحظه لحظه قصدك مفكر انه البنت تعرفني لالالا لااا ياولدي انت فاهم الدنيا غلط
مؤيد: يعني متعرفهاش؟!

هشام: توا انت تحبها وظرتبط بها وجاي تسال فيا علها؟!شن شعورك
مؤيد طلع
هشام قام هاتفه واتصل:شن صار ف التوصيل؟!…ميه ميه…وصكر الخط
ــــــــــــــ
مصطفى فتح باب الجنان لـ كان يطقطق ووخش يضحك
اينور طلعت شافت بوها عنده صندوق ف ايده مغلف:مني؟!
مصطفى مدلها الصندوق:هدا بعتوهولك من المركز هدية شكر
اينور ضحكت قربت فتحاته كان لاب توب وورقه صغيرة (من هشام شكرا اي صح انتي قصيرة لاكن ربي معوضك بطولت لسانك موفقه ف حياتك

)
اينور: عمي الشرطي هادا
مصطفى:ربي يبارك فيهم ويبارك فيك
ـــــــــــــــــــــ
هشام عرف انه هديته وصلة قعد غاطس ف خدمته
عادل خش: سلاام
هشام عيونه ف الوراق: مروح؟!
عادل: اليوم مش عليا لتوكه تبي شي
هشام شافله ابتسم: اسف شكيت فيك انك خديت الملفات
عادل: عادي ولا يهمك اعتبري ز عمك الكبير
هشام: تصبح ع خير عم عادل
عادل طلع
هشام وقف جمع الملفات وكل شي يخص القضيه وطلع روح
ـــــــــــــــــ

اينور ضربت يبرة لـ العم عبد الهادي: ريت ياعمي متوجعش
عبدالهادي: سلم يديك
نتفتح الباب: السلام علي(ملامحه تغيرت لم شافها) كم
كلهم وعليكم السلام
اينور: عمي اني بنطلع وقت والدنيا ليل عليا مره تانيه لو تبيني نضربلك كلمني
هشام يشوفلهم: عمي وين يوسف؟!
عبدالهادي: راقد
اينور طلعت من المربوعه : تصبحو ع خير.. وطلعت
عبدالهادي: كان تبي تشوفه برا ممكن قعد مرقدش
هشام طلع وشاف اينور ف الجنان: لحظه
اينور وقفت تلفتت عدلت وشاحها: نعم؟! ليل عليا
هشام: حوشك قريب عادي نتكلم معاك برا احسن ماتشوفنا مرت عمي
اينور ضحكت: نظم مرت عمي واب عمي، اوكي لكن بسرعه
طلعو
اينور: قبل كل شي شكررا ع الاب توب مكانش ليه لزوم
هشام: خلينا من الاب توب توا نبي منك خدمه

اينور: لا بوي خلاص (باسة صبعها اتوبة) الشفاعه يارسول ****
هشام: عليه الصلاة والسلام، انتي فهمتي غلط
اينور: كيف يعني؟!!
هشام تلبك: هئحمم (حك جبينه بتوتر) اني واتق فيك هك مانعرفش كيف تمام انتي اكيد تعرفتي ع يوسف صح؟!
اينور: اي وخديته معاي لحوشي بدي من العيلة

هشام : المهممم الولد نبي ندخله لروضه لكن منحبش النفخخخ متع الابلات وهكي منحبش نتفاهم مع ابلة
اينور: متحبش الابلات؟!
هشام: لا مش هكي اني نتفاهم مع شرطيات مع اي نوع بس ابلات هكي تبظا تقصصقص ز المره لفاتت فهمتي
اينور بستعباط: علاش شن صار المره لفاتت؟!

هشام تنهد: اوووف اني معطل ف منطقتكم بحكم زياد من منطقتكم نبي الولد يخش ف الروضه لجنبكم
اينور فتحت ساعه هاتفها:

ياحليلي الساعه 12:00 اوكى اوكى تو نكلمك ع هاتفك ونتفاهم معاك … ومشت
هشام فداخله: هادي مشت وسيبتني واني مكملتش كلامي؟!
ـــــــــــــــ
اينور روحت وكانو عيلتها يهدرزو ف الجنان
اينور: السلام عليكم
مصطفى: عطلتي!!
اينور: اي ضربت يبرة عمي وجيتكم استاحشتوني ياياولاداي
مصطفى ضحك: عندك قرايا ولا غير فالحه ف كولت اللسان
اينور خش: تصبحو عخير… صكرت الباب تنهد وقامت هاتفها تشوف ف صورة مؤيد

اينور: خسارة وقتي لضيعته
وصلتها رسالة(وصلتي؟!)
اينور ابتسمت( وصلت، اي قولي شن قصة الروضة انت قولي وين تو نسجله)
هشام (منعرفش وين ف روضه عمي قالي ف روضه جنبكم!!)
اينور(اهااا من امتى صكروها قديمه ليها هلباا مصكره)
هشام (اهااا منعطلش عليك بختصار يعني ف المنطقه مافيش روضه اوشي؟!)
اينور(لالا مافيش الحق لو تبي نقريه اني عادي)

هشام (لالا مشكور انتي خليك وراك مشاريع للكليه)
اينور(انت شن عرفك انه نجهز لمشروع؟!)
هشام ( محقق شرطه ولوو)
اينور( عادي مدورش اني رح ندير وقت لـ يوسف واصلا صغار اختي حتى هما نقري فيهم فا عادي )
هشام (بارك **** فيك تمام الصبح نشوفه ونرد عليك)
اينور(تمام، تصبح ع خير)
هشام (قدامك الخير)

يتبع ………

الجزء السابع من رواية جعلني انثي​

هشام قام الصبح بدري توضى وصلاة الصبح شاف الرسالة(بينا الزمن ياهشام رح ناخده رح ناخده ولو نموت)
هشام قفل الهاتف: كان نموت اني مانسلم بيه… وطلع وهو لابس تيشرت اسود وسروال جينز اسود وسبته ع كتافه فها مسدس ولابس سبته شرطه ف سرواله
ــــــــــــــــــ
.
.
اينور طلعت: منبيش نفطر اهو خديت سنتوب بااي… وطلعت وهي تمص ف السنتوب
هشام يشوف ف السياره من قدام زيتها واميتها وكذا
اينور جت وراها: كان ناقصها عصير نصبلها
هشام تلفتت متعفلق: الناس لتفهم تقول احمم دستوور
اينور: دستور سمو السلطان

هشام شاف السنتوب ضحك ع جنب وصكر الصندوق متع السيارة: ف كلية رااك
اينور تمص: اي وكان الدنيا غابةة مايشوف فيا حد
هشام: اهو اني شفتك
اينور: انت عادي … اني تاخرت سلام
هشام: نوصلك؟!
اينور: مربوحه… ومشت
ـــــــــــــــــــ

.
.
هشام وصل للمركز وكان مش ع بعضه خش مكتبه: صباح الخير؟! شن صاير
عادل: الصبح شدو في كلية القانون مراد اخ زياد التجار يعني شدوه
هشام اذكر الاسم لفتل مرته تنهد بكسره ونزل لزنزانه وكانو زحمهههه هشام دفهم وخشله ونزل فيه ضرب قريب قتله ويعيط بصوت عالي يقول ف كلمات مش مفهومه ماحد فاهم شي غير مراد كان فاهمكل شي
هشام بصوت عالي وداهش: شنننن دخلهااااا ياكللللب علاااااش (يتكلم ع مرته)
مراد بدمه: م م مؤيد هو لقتلها مش اني اني اني كنت معاه بببس

وقربو كلهم بعدو هشام وصكرو الزنزانه
….
طارق طقطق
هشام ف مكتبه مترفزز: ادخخل
طارق خش ولابس زي الشرطه: السلام عليكم
هشام بستغراب: وعليكم السلام…. مني؟!
طارق قرب وسلم: اني طارق منتقل جديد وشفتك بكري كيف تضرب ف المتهم ومتنرفز
هشام قام حاجبه: لشنو بتوصل؟!
طارق ابتسم: الباين انه الاخ متنرفز صح
هشام: الاخ… ميحبش الحشريه ولكلك الزايد
طارق: احمم الباين وجودي غير مرغوب بيه نستاذنك… وتلفتت وطلع
هشام ترررفزز اتصل بـ اينور بس رنن وصكرت عليه تعصببب
هشام متعصب حط الهاتف بقوة: مش وقت بصارة ردي
مسج (اني ف المحاظرة)

هشام هددي وطلع خدي دورية ومشي للكلية
كانت فاضيه الساحه فيها شوية طلابه
عادل: كيف تحب نتصرفو
هشام قعد متنرفز: تفتشهم طالب طالب
الدكتور: لهني كملنا تقدرو تكلعو… وقعد ياخد ف اغراضه
والطلابه يطلعو طلعو كلهم
اينور تهدرز مع بسمه: ياسر اني تاخرت تو يعصب عليا الشيخ باي… وطلعت وشافت الدنيا مقلوبه قعدت واقفه تستوعب شن السبب
لعند شافت هشام طالع من غرفة المدير بصوت عالي: اي شي يصير انت المسؤول اسمك مدير…. خودوه
خدو المدير جت عينه ع بنت تشوفله
اينور تشوفله
هشام قرب: للحوش طول انتي
اينور: بس شن صاير؟!
هشام: ف تجار مخدرات ف كليتك
اينور: المدير شن دخله
هشام شافلها

: بتعلميني؟!
اينور: اني محاميه نعلمك علاش لا
هشام: منحبش نحطم معنوياتك بس نقولك انتي (واشر بصبعه من فوق لـ عند لوطى علها من بعيد) وبطولك هادا مستحيل تقبل بيك المحكمه
اينور تنرفزت: بططططل تعلق ع طولي عفكرة طولي طبيعي بس انت ضخم
هشام ابتسم جنب: للحوش… وطلع
اينور طلعت وهي نازله من الدرجات وقفها صوت
كنان بصوت مسموع: اينووور

هشام كان يتكلم مع عادل سمع اسم اينور تلفت وشافت اينور مع شاب
اينور تلفتت: خير؟!
كنان: بكري شفتك كتبتي المحاظرة ممكن نصورها منك
اينور شافت هشام يشوفلهم مدتله المذكرة: صور
كنان فتحها وبدي يصور
هشام شاف لمسؤول: المهم لفهمته انك المسؤوال التاني فا ياريت تهتم بلوضع لانه المدير بيقعد ف ضيفاتي
المسؤوال: اكيد..وخش
هشام رجع شافلها وكانو جنبها اربعة شباب وهي واضح علها منحرجه قربلهم: خير شباب في شي
كنان: نصور ف المحاظرة منها
هشام: اي كويس وانتم (شاف التلاته التانين)
التلاته: بنصورو منها
هشام: مش حلوة اظن وقفت البنوته معاكم فا انت ابعتلهم شن صورت… خدي المدكرة طكره بقوة ومدهالها …. شكرا ع حسن نيتك توا تفضلي من هني
اينور خدتها بعنف وروحت
هشام ركب لـ عادل: تم شن صار؟!
عادل: فتشنهم الشباب عندهم دخان بس نظاف
هشام تعصب: نظاف النمم تعرفه النمم كان هادم نظاف مالا مراد لمن يبيع ف المخدرات
عادل: ممكن واخدين استحيطاتهم
هشام شاف الدورية بصوت عالي اشر بيده: دوووررريه… ونزل ركب السيارة وكلهم ولعو وراه
__________
الساعه 12
صبرين: نوضي سلم بنتي تحصلي اجر

اينور: نمشي لكن متهدرزوش من وراي
رجاء: تي نووضي وقت ع غدي المراة
اينور ناضت لبسة عبايتها وطلعت ومعاها محمد ولد رجاء وصلو وخشت بااندفاع ع اساس بتخلعهم شافت لمقعمز وجمدت
هشام شافلها: شن هادا هكي الناس تفتح الباب ولا القصة مداهمه
اينور: مليكش من الاصل غير امبارح العصر
لطفيه ضحكت: تخلع فيا
اينور شدت ايد محمد: شوفي من جبتلك اي صح يوسف وين؟!
عبد الهادي: ناض التسعه لعب لعب تعب رقد
اينور: اهااا
هشام مقعمز: اي خير مقلتيش شن سبب المدهمه ؟!
اينور: عمي يلز فيا ررره
عبد الهادي ضحك: يبصر تفضلي تعالي هدري عليا
هشام وصله اشعار ع الواتس فتح هاتفه منقص ف الصوت يسمع ف تسجيل صوتي وكان تحقيق مع المدير
هشام يتكلم بصوت واطي فتح الريكورد: سمعته توا اطلقوه وقولوله لو صار شي يتعاون معانا
اينور: عمتي لطفيه بيووووع انتي قبل كل يوم تجني من لم جاك هلبوبريص معاش شفناكم عندنا
هشام يسمع ف التسجيل وقفه تعصب: من البوبريص؟!
لطفيه وعبد الهادي يضحكو
هشام: انتي خديتي وجه الباين مش هكي
اينور تجاهلاته: شن تبيني نساعدك عمتي
لطفيه: شي قعمزي
اينور: اني جاية شفت الفرشه منشورة ع حيط السطح نركب نشوفها… وطلعت

محمد قعمز وصكر وذانه
هشام شافله: خيرك مصكر وذانك
محمد اشر بصبعه ع بر
هشام استغرب ناض طلع
وقدامه بزززبط بووووووووم الفرشه

هشام شافله فوق: نعننن
اينور نزلت تتمختر: نخلعتو … وشافت هشام ف الفيرانده
هشام متعصب: انتي مريضة ولا ملبوسة وشن وضعك بزبط
اينور تعصبت بعكس جوها: انت مليكش علاقة بيا فاهم متوحده يابوي م د خ ل ك ش…. وخشت متنرفزة
هشام خش وراها يكشخ: نااس كبيرة هكي تبلطيييه متعرفيش الاحترام
اينور شفتله وسكتت
هشام: ياعمي شن الربايه هادي هكي تخشلكم بوم وتبلطي المصيبه من فوق ترعش فيكم تي حتى ولد اختها خاف وصكر وذانه تي انتي راك كلية مبعد امك الصراحه
اينور وقفت متنرفزه شدت ايد محمد بعنف وطلعت وهي تمسح ف دموعها بعنف
لطفيه: له عليك هو كبير متقدراش واصلا حتى ني هكي نبزق فيه من فوق شي طبيعي والعيل محمد عارف انه بتبزقه من فوق هي مكنتش تبصر
هشام: شن عرفني اني لكن غريب كيف سكتتلي وبكت!!!
عبد الهادي: جبت سيرة ربايتها وامها ربي يهديك
هشام : المعنى؟!
لطفيه شافت لـ عبد الهادي وسكتو
هشام: فهموني
لطفيه: امها لبنانية واصلا هي شكلة مختلف علينا ف محلامها امها تزوجت هني جابتها وهربت والشيخ مصطفى طلقها قدام الناس مرته الاولة جابت بنت معاش جابت مشي تزوج اللبنانيه
هشام: علاش ماحد وضحلي او سكتني باهي شن جيبها ف القوايل هي

عبد الهادي: تعاون فينا بارك **** فها البنت هادي ايديا ورجليا وفي نهاية اليوم تجي تهدرز واضحكك
لطفيه: له عليك ياهشام كسرة بخاطرها اول مره نشوفها تبكي
عبد الهادي: اول مرة تطلع من حوشي مكسورة الخاطر
هشام: تي باهي خلاص اهو اني ف مكانها شن تبوني نديرلكم
عبد الهادي سكتت
هشام يعدل ف الجو: نغديكم اني تمام.. وناض للمطبخ اتصل بها مردتش بعتلها ( في كتاب اسمه يهوديه كتاب مليح عفكرة قديم لم شريته بس عميق ويحكي ع قوانين وقواعد خيرتهم يهودية ممكن يفيدك بحكم انتي محاميه
اسف رح نبعتلك الكتاب مع يوسف)
اينور روحت تبكي بعبرة وبشهقه لها سنين ماحد فتح قصة امها
صبرية شافتها لحقتها: ياحليلي تعالي جاي خيرك
اينور تلفتت حضنتها تبكي : انتي امي مفروض محكيتولي شي علهاااا (بعدت ودموعها ينزلو) انتي كل ماتتعصبي مني رح تقوليلي اني عشنو متوحمه لم جبتك ديما تقولها هادي تسمعي فيا انتي لجبتيني سامعها…. وخشت غرفتها تجري رن هاتفها تجاهلاته وصلتها رساله تجاهلتها وهي متلوحه ع سريرها وتبكي
_________
هشام يشوف ف المطبخ: المشكله مافي حتى مطعم هني
اني شن عرفني ف الطبخ
لطفيه خشت وهي تعكز: تو ندير اني
هشام: انتي ظهرك بري قعمزي اني بنغديكم (قعد يساير فها تطلع لعند صدقاته وطلعت)
هشام: شن بندير…. قام هاتفه واتصل ردت
هشام: يابنتي اسمعيني اسف بجدد
اينور تعدل ف صوتها: ع شنو انت تتصل فكرتك تبي شي او صار شي
هشام: شن ندير غدي؟!
اينور: هشاام شن تبي؟!

هشام: تي قلنالك اسف النهارات
اينور: اني مبصرتش لم بزقته هو تقيل عليا
هشام ضحك بهدؤ: اي نسيت انت ي**** تقيم روحك
اينور بصوت مندفع: رجعنااااا لطولي
هشام ضحك: لالا اسمعي شن ندير هي بنتغدى
اينور: شن خاطركم انتم
هشام: اي شي سريع
اينور: دير شكشوكة ساهله
هشام: كيف ديرو فها؟!

اينور ضحكت: ووه افرم بصل وصماطم وفلفل وبدنجان واقليهم مع بعض وديرر عليهم بيض وملح وفلفل احمر شوية بس
هشام: اقعدي ع الخط وين البصل؟!
وبدت تقوله ع اماكن الحاجات وهو يدير

اينور: خلاص تميت دير ملح شوية وذوقها
هشام دار ملح وذاقها: هكي تمام منورة
اينور: عوافي هي باي
هشام: باي وصكر الخط وتغدو
بعتلها يوسف ومعاه الكتاب
اينور: وسيفا شجوو
يوسف متحشم قربلها ومدلها الكتاب: هادا بعتهولك بابا
اينور بساته: اهاا شكراا تغديتو؟!
يوسف ضحك: مللححح

اينور ضحكت اهلها يهدرزو ويوسف يلعب مع الصغار بعتلله ( صار ذقتها وقتلي تمام)
هشام ف المركز ضحك( لا كلينا وبعدين قالو سامطه زدتهم ملح كشيك صغيرة)
اينور ضحكت (صار صغيرة شوية كاشيك صغيرة مفروض زدت ع المهم شكرا ع الكتاب نقراه ونبعتهولك)
هشام( العفو…. خودي وقتك قرآءة ممتعه)
(اي صح نسيت اني ف المركز الماعين خليتهملك اغسليهم)
اينور(اهااا تمام تو نمشيلهم)
وفعلا قعمزت شوية ومشت لحوش عبد الهادي غسلتهم ونظفت المكان ورجعت الفرش وهكي لعند جي المغرب قربت ع باب الجنان بتروح فتحاته ويجي قدامها هشام
هشام: اهلا
اينور: اهلين….بعدتله عشان يخش
هشام خش وصكر الباب
اينور: بنروح افتح
هشام فتح اينور طلعت
(فهمتو اللقطه لدارها تكنه صكر الباب يبي يقول شي وتردد )

يتبع ……

الجزء الثامن من رواية جعلني انثي​

روحت اينور وصلتها رسالة عطول (وصلتي؟!)
اينور ابتسمت ( اي شكرا)
#تسريع_الاحداث
بعد مرور اسبوع
هشام واخيييرا شد زياد التجار وصكر ملف القضية ع الشخص لقتل مرته ونحكم ع زياد التجار بـ مؤابد
في حوش عبد الهادي
اينور سيقت الفيرانده وخشت: يوسف كتبت لقتلك عليه
يوسف: اي كتبت
اينور شافت الطنجرة لـ ع النار حركتها وقربت تشوف ف كراسة يوسف لـ كانت كتبتله فيها ارقام 12345678910 وكاتبهم
وهني نفتح الباب
هشام وقف لم شاف اينور بنصكم وشعرها ديل لابسة تيشرت ابيض نصكم فيه كلمة انجليزي وسروال واسع مخطط ابيض واسود
اينور ضحكت: شاطر انت احسن من محمد لـ راسه ز الصطل هي عدلي شن كتبت
يوسف ببرائه يعد ع صوابعه: واحد تنين ثلاثه اربعه خمسسة وسته سبعة تمانية تسعة وعشرة … وضحك
اينور: كويس العب توا لكن كل شوية اذكرهم و عد الارقام ف داخلك… وخشت تجري لطنجرة
لطفيه كانت تحرك جنب الطنجرة: تو نجهز اني خلاص
اينور: لالا اني عادي وبنتغدى معاكم بما انك قلتي انه هشام مش مروح
طقطق
هشام ف ايدهكياس من الباب: عمتي
اينور فنصت فها: هادا شن جابه عبايتي ووشاحي ف الصالة
لطفيه: تو نجيبهن لك.. وطلعت تعكز ع العكوز
دقايق وخش يوسف عطاها العباية والوشاح
اينور بساته: انت احسن واحد … ولبسة وجهزت الغدي وطلعاته لصالة وطلعت
ف الفيرانده
اينور: السلام عليكم
هشام تلفتت: وعليكم السلام كيف الحال
اينور: الحمد****، عمتي غداكم ف الصالة اني بنروح
لطفيه: عيب عليك ظش قلتي بتقعدي
اينور مقعمزة ع الارض ز الصغار وتلبس ف كويشها
هشام: كان متحشمه مني اني مانيش متغدي بنطلع اقعدي معاهم
اينور لبسة ف رجلها ووقفت: لالا بنروح صحتين مسبقا (شافت يوسف) باي يوسف….. وطلعت
لطفيه خشت
هشام قعد مقعمز يذكر فها كيف كانت مع يوسف وتقري فيه وناض خش
_______
.
.
اينور خشت عليهم يتغدو: صحه
مصطفى: يعطيك الصحة تعالي تغدي ولا تغديتي
اينور قعمزت: مخاطريش المهم بنقوللكم ع شي بوي عشاني وافق
مصطفى: خيرر
اينور: في دورة متع تمريض يعني دورة شهر بس
مصطفى: قبل الدورة ودشيش الفاضي هادا اسمعي امك شن بتقولك
صبرين: احمم اينور اسمعيني انت عارفه انه كليتك اكثريتهم ولاد لانه بنات المنطقه لـ من جيلك تزوجو وف اباء رافضين بناتهم ف القانون فا انتي جاك زصيبك وبوك وافق يعطيك
اينور مكانش هادا حلمها كان حلمها تكون انسانه متقفه تعرف هلباا حاجات بس لانها بنت قرية صعب تكون

اينور: لكن يابوي مش وقته انت عا… قاطعها
مصطفى: ياسر عاد يا اينور اني وافقت تكملي قانون بس مش موافق انك توقفي ف محاكم مع حدد لو تبي تكملي حلمك
وبعدين اعرفي وحطي ف راسك انك بنت … وناض متنرفز
اينور شافت امها: اوقفي معاي كيف ماقنعته ع دراستي متخليشي يما يواف… قاطعتها
صبرين: وافق عطي كلمة يااينور يابنتي انتي توا عمرك… قاطعتها
اينور بصوت عالي: اني مانيش بنت حددد… وخشت غرفتها وسرفقت الباب
اينور وقفت قدام المرايا: من هلحمار لبيخرب عليا (قعمزت ع السرير بعبايتها) مستحيلل ندمر كل شي رسمتله عشان نكون الة لتلبيت الطلبات معقولا نكون ست بيت فقط
صبرين خشت: اسمعيني
اينور: يما مانبييش اني بنتزوج اي نعرف اكيد بس مش هكي قطوس ف شكارة لانعرفه لا يعرفني منبيش
صبرين: شوفي رجاء اهي تزوجت حتى هي قطوس ف شكارة
اينور: رجاء شن لستفداته ف زواجها غير انها تكون الة لـ راجلها مجررد الة لتسليه ولتلبيت الطلبات وللانجاب بس فقططط رجاء ماعمرها قالت انه مهتم بها ماعمرها حكتلي ع راجلها بحماس اني اينور منبييشششش
صبرين: اهو بوك وكلميه ماعندي ماندير اني هو عطي كلمه
اينور: فهميني من هلحمار بس لطلبني يطلبه عزرائيل نش****
صبرين: حاتم ولد حميده
اينور هدت: غير اصبري حاتم حاتم نفسه
صبرين ضحكت: نفسه اني بندير لبوك شاهي…وطلعت
مسج من هشام ( تعالي بعد العصر عندي معاك موضوع)
اينور قرت المسج:هي ضروري عمي عبد الهادي يكلم بابا اني منبيش هو صح حاتم كويس وشكله ز العراقي بس طررف
بعد العصر مشت لحوش عبد الهادي مع امها
خشو وكانو الاربعة ف الفيرانده ويوسف يلعب بلهاتف متع بوه
هشام تحشم من صبرين وقف:نستاذنكم خودو راحتكم
صبرين خشت مع لطفيه لصالة
لطفيه:يوسف نادي بوك قوله المراءة خشت لصالة
اينور سحبت الكرسي:عمي عبد الهادي نطلب منك طلب؟!
عبد الهادي:خيرك خير
اينور:بس يقعد بينا عمي اني نبيك تكلم بوي انه ميعطينيش بلله عليك تعرف حاتم ولد لطفي طلبني وبوي عطاه كلمة كلمه انت تربح ياعمي
عبد الهادي:مدامك مش راضيه بيه تو نكلمه حاظر الف طلب زي هلطلب
هشام خش: كيف الحال

اينور وقفت بتخش:حمدلله كيف حالك…وخشت
هشام قعمز بستغراب:في شي خيرها؟!
عبد الهادي بنبرة ضيق:بوها بيعطيها
هشام:مزال صغيرة البنت شن يعطيها فررخه
عبد الهادي:تي ياولدي قصيرة تبان صغيرة وهي تقرا اخر سنه جامعه
هشام:اي صح عارف بس منظرها
عبد الهادي بضيق:بوها شيخ تو كان نكلمه ينبحث عليا
هشام: وين المشكلة البنت واعيه
عبد الهادي: تي البنت تمرمدت ف حياتها
اينور طلعتلهم قهوة
هشام شافله بضحكه:مبروك ربي يتتملك ع خير
اينور فنصت ف عبد الهادي بضيق وتنرفزت فهمها عبد الهادي وخشت
عبد الهادي:نقولك متبيش وانت تباركلهم علاش ربي يصلحك
هشام:تدلع تو توافق فوتها
عبد الهادي شرب قهوته
_________
.
.
هشام طلع للمركز وصله مسج اينور (اسمع صح اني منعرفكش بس اني محتاجه لمساعده منك)
هشام ( ميردك غير لسانك اطلبي بما ان قاعدلكم فترة قصيرة)
اينور(092******* انت رح تتصل برقم هادا وتقولك يفوتني)

هشام نصدم اتصل:شن تفضلتي حظرتك
اينور بترجي:بلله عليكك
هشام:مستحيل شن تقولي انتي اسمعي ديري نظرة شرعيه ممكن ترتاحيله شن عرفني اني
اينور:منبيش نرتاحله اني كله منبيشي افهمني اني نبي نتخرجججج قبل
هشام:بطلي تترجي باه شوفي شن رايك تعطيني عنوانه واني نكلمه نقوله انه اني نقربلك وانك مش موافقه
اينور:غبببي بابا رح يساله علاش غير رايه رح يديرلك مشاكل كلمه ع الهاتف
هشام: انتي امتحاناتك قريبه يعني ف وقت تتخرجي وبعدين اديري عرسك
اينور بنهيار وبعصبيه:علاااش متفهمش اني منبيشششمن الاخير الباين انك متبيش تساعدني تمام…وصكرت الخط
هشام تنرفز اتصل بها: اني منتعاملش هكي تسمعي ولا تحترميني غضب عليك مش صاحبك للعلم
اينور:ياولد الناس افهم اتصل بـ المصيبه قوله يرفض وتمت تي ريتي هلصووت البرستيج لبيضيع
هشام بعصبيه:ضممميه فمك ضميه تو نتصل اسكتي لكن توا مشغول نروح نتصل بيه ف الحوش
اينور:مش مروحه نستنا فيك
هشام:تي باهي… وصكر الخط
عادل دخل: سيدي طلبتني
هشام وقف ابتسم: اي طبعا اكيد تعرف اني جيت هني عشان زياد بس واهو زياد ف سجن يعني اني بنرجع لـ مدينتي

يتبع ………..

​

​

​

​

الجزء التاسع من رواية جعلني انثي​

اينور استنت هلبااا
هشام وصل وخش كانت ف الجنان تستنى فيه قلب غيونه بملل وخش: هاتي الرقم
اينور قربتله: بعتهولك الرقم اتصل
هشام فتح الرقم واتصل رن: يرن انتي تسكتي اني نتفاهم معاه
اينور: اسمع خلي اعصابك ع جنب وتكلم بذوق
هشام نزل الهاتف تعصب: نحب نفهم انه اني عديم ذوق توا
اينور: اهدددى لا غير انت عصبي شوية بس هددي وتكلم
حاتم.: الوو الووو
هشام: الوو السلام عليكم
حاتم: ع س خير مني؟!
هشام: توا السلام بدي ع س رد السلام بلا سحنانت بنات ترا
اينور دارت

حاتم: انت شن دخلك تي فاضي ولا شنو مني انت؟!
هشام حسها تقيله: اني خطيب اينور وفهمك كفايه
حاتم ضحك: حلوة منك
هشام: الباين فهمك ع قدك معليشي لكن اهو نفهمك اني .. قاطعه
حاتم: ياسر تزليز قبل المغرب كنت عند الحاج المصطفى وحددنا التلبيسه ياوهمي
اينور سمعاته فنصت ف هشام
هشام معرفش شن يقول صكر: اءااذا حدادو التلبيسه

اينور طلعت قبل مايكمل كلامه
هشام شاف للباب وسرح شوية وخش شاف يوسف يعدد ف الاعداد بلانجليزي
يوسف: تررري فوور فايف
هشام يفكر فتح هاتفه (اسمعي يابنتي عندي حلل اني نخطبك رسمي من بوك بس انتي عليك ارفضي حاتم وتوافقي عليا نخطبك رسمي وتقعدي خطيبتي لعند ماتكملي دراستك وبعدين نظمن انك كملتي ونفسخ)
اينور قرت الرسالة اتصلت وهي تبكي
هشام: متصله تبكي ولا بتتكلمي؟!
اينور تنفست: اوكي ووعد مني طول الفترة هادي رح ندرس يوسف كويس… قاطعها
هشام: لا فهمتي غلط اني تم شغلي هني راجع للمنطقتي بحكم قضيتي تمت غضوا مروح وطبعا بنكلم بوك قبل
اينور: اممم تمام بس لو عيلتك رفضو ماتغصب حد يعني لو صارت اي مشكله بسببي مدورنيش
هشام: بلعكس رح يفرحو مااني هارب منهم عشان هلموضوع
اينور سكتت وفرحانننه
هشام: تصبحي على خير
اينور: شكرا هشام

(اول مره تقول اسمه)
هشام ابتسم: العفوو… وصكر
هشام ابتسم: هشام

___________
.
نختصرر عليكممم
انه هشام تكلم مع مصطفى بس مصطفى قاله مخطوبه ورجع مصطفى للحوش وحكي لقصة ع سفرت الغدي بس اينور قالت انها ماتبيش حاتم
مصطفى قال وهشام
اينور تحشمت من بوها قالت اي شخص معادا حاتم لاا

ووافق مصطفى ع هشام
بعد مرور اربعه ايام رجع هشام لريف وخدي جواب مصطفى
هشام: تمام الخميس نجيب عيلتي يشوفها
وفعلاا جي الخميس وجاب امه ومرت خوه واخته
عفاف امه: وينها البنيه
ف الغرفة
اينور لابسة قفطان وردي لعند الركبه وشعرها ديل ومكياج بسيط
رجاء: حي العار اطلعي
اينور: خاايفه كان تقولي قصيرة ولا دبدوبه

رجاء: لالا حلوة غير اطلعي
اينور: لااااا يارجاء ولدهم طووويل ي نهاري (تنهدت) اهدى اهدى.. وطلعت
طلعت تسلم عليهم وقعمزت
عفاف وسهام مرت ولدها وهدى اخته شافو ع بعض
عفاف: مش**** مش****

هدى: ربي يبارك ع الزين مش****
سهام رعشت: بس ياعمتي مش تكنه صغيرة البنت
عفاف: اي يناري نحس فها صغيرة ع الزواج
صبرين ضحكت بهدؤ: تشوفي فها هكي عمرها 22
سهام ضحكت: عطيتها عمرها 17او 16
عفاف: حتني مش**** علها تعالي قعمزي جنبي
اينور قربت قعمزت جنبها

عفاف: انتي لتقري ف يوسف ولا؟!
اينور: اي
هدى: اي رجع وهو مش**** حافظ سورة الفاتحه والارقام مش**** وقالنا اينور تقري فيا
اينور تحشمت: وينه علاش مجبتوشي
عفاف: جينا بنجيبوه هشام تعصب قال هي خطبه مش عيد الطفل

هدى: قعد مع بوه ف السيارة
اينور ناضت ضيفتهم وهدرزو وروحو وعفاف فرحانه قريب اطير

هشام يسوق: شفتها
عفاف: مش**** مش**** مش**** مش**** مش****
هشام: متخافيش هادي حتى العين ماتخدها بسبع ارواح
هدى ضحكت: تهبل قصيرونه كيوت البنت
سهام: بس اي شخص بيشوفها بيقول صغيرة هلبااا
عفاف: تبان صغيرة بس عمرها مناسب
سهام: ري يكملك ع خير
هشام: **** يسلمك
___________
.
.
واينور قرت ودار امتحاناتها وتقرا ومعاش تكلمت مع هشام
مرررر اسبوعين وحدادو البيان
هشام: مترفعي معاك حدد تمشي انتي وسهام وهدى وبس لا خالات لاعمات ريحيني

عفاف: يحرجو نهاري اسود
هشام: زمري يااام ز ماقتلك وكان قالو كيف ولا شنو قوليلهم صار ع السريع
عفاف: منقدرش نمشي بروحي
هشام تعفلق طلع
وجي يوم البيان
مشت عفاف وخواتها الزوز وعمته وسهام وهدى
..
..
اينور لبسة قفطان ازرق غامق كتافه طايحات مرشوش منفوخ وشعرها مفتوح تسريحة فلو ومكياج جريىء لانه القفطان مايمشيش معاه مكياج بسيط

وطلعت

ولبسوها
بنات خالته يوشوش وخالاته شادين كلمة صغيرة صغيرة
اينور تشوف الصغار: مجبتوش يوسف
عفاف: سلمها لتبي يوسف بوه مباش يخليه ينزل
هدى: لبسته وعدلته لكن بوه قال لا
اينور ناضت قامت هاتفها وخشت وركبت لدور التاني اتصلت بـ هشام بس ف الاول مردش صكرت
عواد هشام: الوو
اينور: اهلين كيفك
هشام: تمام كويس وانتي
اينور تلبكت: احمم تمام امم هشام قالولي انك مخليتش يوسف ينزل
هشام: عارفه رح يسببلك احراج حوى لو كان خطبة مصلحه بس لو شافو اقاربك وصاحباتك يوسف رح يعرفو انك خطيبت شخص متزوج

اينور: اني شن دخلني واصلا ف النهاية بيعرفو لوسمحت جيبه عرفاتك ف حوش عمي عبد الهادي
هشام: اينور… قطعاته
اينور: لوسمحت هشام جيبه توا
هشام: رح يقولو انه… قطعاته
اينور: اني وافقة اني خطيبتك شن دخلني بكلامهم لو سمحت هشام
هشام ضحك: تمام تو نجيبه
اينور: تمام صحيت
هشام صكر
اينور نزلت
عفاف: بعد التلبيس بتصورا هدى عادي ولا؟!
اينور تلبكت لانه الخطبه مصلحه بس لو رفضت رح ينزعجو:اءااءاا اكيد عادي
رن هاتف هدى وطلعت
اينور فهمت انه جي يوسف بس تاخرت برا هلبااا
اينور تشوف ف الباب طلعت وكان يوسف رافض يخش ويعيط شاد ايده ف الباب
هشام جبد ايده:تو مش قلت بتجي او جبتك خش ولا بنروح بيك رااااه
اينور طلعت بقفطانها نزلت مع الدروج: يوسف
هشام قام عيونه

هدى شافت هشام ابتسمت ونسحبت خشت
اينور مدت ايدها لـ يوسف:وسيفا اني اينور
يوسف مسحت دموعه وشد ايدها
اينور شاف لهشام لـ يشوفلها: خلاص اهو معاي

هشام فاق ع روحه تلبك ف نظراته: تمام
اينور تلفتت ومعاها يوسف وخشت معاه وقفطانها يكرر ع الارض
هشام قعد يشوفلها لعند خشت
يوسف كان لابس سروال اسود وسورية جيشيه ومرقيله شعره فوق وخش ايده ف ايدها
اول ماخشو عفاف شافتهم وزغرطت وبعدين زغرطو وراها كلهم
اينور شاف يوسف وضحكت قربت قعمزت ويوسف لاصق فها تكنه مايعرف حد غيرها
دارو التلبيسة وتعشو وطبعاا يوسف كلي من ايدين اينور وكلهم يشوفولهم

وصورو
ولم بيروحو رفض يوسف يروح
عفاف ضحكت: عيب تو قريب تسكن عندكم وتشبع منها
يوسف شاد ايد اينور:حقه بتجي تسكني عندنا
هدى:ااااي وبتسكن ف حوش بوك
يوسف شاف اينور:حقققه

اينور ابتسمتها تلاشئت هزت راسها بس
وطلع معاهم
ف السيارة هشام وهو ممشتش من باله لم طلعتله بكري

معاه عفاف وهدى اخته ويوسف بس
يوسف من الخلف قرب من كرسي بوه:بابا حقه اينور بتسكن معاناا؟!
هشام مباش يرد
هدى:حق حق
يوسف:بابا حق؟!

هشام داير روحه سرحان بس هو معرفش يرد
وصلها ويوسف رقد ف السيارة
نزلو لحوش العيلة كلهم وخالاته بايتين وهو ركب لحوشه فوق صكر الباب بقوة
هشام:علاش طالعتلي علاااش ..خش لدوش عشان يرتخي ويستريح طلع وفتح نت ويوصلو فيه المباركات من صحابه واقربه
هشام:ناقص اني
قعد ع النت ع حدود النص ساعه
طق طق طق
هشام ناض فتح:ايوواه خير
هدى ومعاها بنت خالتها دعاء من جيل هدى ع 26
هشام:خير شنو
هدى مدتله الكاميرة: قتلك ماما ارفع الكاميرا للمصور غضوا عشان يطلع الصور باش لو جي حد يبارك يشوف الصور
هشام خدي الكاميرا:صور شنو
دعاء عيونها عليه من فوووق للوطى وراكبه بمكياجها

هدى:صور وبس هي باي…ونزلت مع دعاء
هشام خش ولوح الكاميرا ع الصالون بتجاهل
وتلوح بيرقد بعددد معانا رقد
____________
.
.
تاني يوم
هشام طلع لبس عشان يمشي لخدمته شاف الكاميرا خداها ونزل ركب السيارة وحدف الكاميرا للكرسي الخلفي وولع ويسوق
وصل قدام مصوراتي
هشام تلفتت للكاميرا خداها:لكن شن فها…وفتحها اول صورة صورة عائيليه عفاف وهدى واينور جنب الكيكه والتانيه عفاف تلبس ف اينور ف الدبلة والتالته اينور ويوسف

والرابعه خدتها هدى بعفوية يوسف ف حضن اينور وتوكل فيه ف الكيكه…تعصب رجع حدف الكاميراا للخلف ومشي لخدمته
دقايق ووصل لخدمته نزل
عند اينور تااني يوم جتهم عمتهم ام مؤيد ومعاها مؤيد باركولهم
عمتها من راس خمشمها تتكلم: امس بنجي مفضيتش عندي ماندير اي يلا مبروك وخلاص
اينور: يبارك فيك خيره البنات مجوش
عمتها تجاهلت السؤال: اي فاش يشتغل مواليد كم
اينور: شرطي مواليد 91
عمتها: باهي ياحنننه ربي يهنيكم
صبرين: سلمك سلمك
#بعدمرورشهر
بدت اينور ف الفحوص الاخيرة
اتصل هشام
اينور: هشام
هشام: اليوم حفلة تخرجك صح
اينور ابتسمت: اي بتجي هشام؟!
هشام وقف قرب من شباك المكتب: مشغول
اينور اختفت ابتسامتها: اممم نسيت انك مش مغصوب عليا عادي ربي يعاونك .. وصكرت الخط
ولبسة بدلة تخرجها

وطلعت لصاحباتها ومشو للمسرح
ووقف امدير يسمي ف اسماءهم
اينور تشوف ف صاحباتها كل وحده مع شخص امها وبوها واختها وراجلها بس هي بوها متشدد مجاش ومخلاش صبرين تجي قعدت بروحها
من الخلف:كيف مكان اني معاك
اينور تلفتت بصدمه: مؤيد شن جابك انت
مؤيد:حتى اختي بتتخرج شفتك واقفه بروحك جيتك
اينور: بلا عار اقلب وجهك
مؤيد: طالعه تهبلي بلبدله
اينور تعصبت وبتخش للقاعه متع صاحباتها بس وقفت لم سمعت المدير
المدير قدام المايك ع المسرح: والطالبة اينور مصطفى حبينا نكافؤها بسبب بطولتها وقبل ماتتخرج حتى ساعدة شخص نسجن ظلم وفكت اسره تصفيقه حارة لـ الطالبه اينور مصطفى

هشام طلع ع المسرح ببدلته ولابس كبوس شمسيه سوداء قريب من المايك وابتسم ويدور علها بعيونه بس مش موجوده

يتبع ……..

الجزء العاشر من رواية جعلني انثي​

هشام قرب من المايك: السلام عليكم وطبعاا ز محكالكم المدير طالبة اينور طلعت شخص كان من المحتمل ينحكم اقل شي 3سنين ظلم والشخص هدا ظابط شرطه يعني الطالبة اينور ذكائها اجتاز ظاابط شرطى واجتاز محقيقين والشخص هدا لعند اليوم مشكرهاش (شاف المدير) وينها؟!
المدير قرب: اينور مصطفى ال…..
هشام يشوف للمسرح جت عينه ع اينور لواقفه ودموعها ينزلو ابتسم قربتلها صاحبتها
رولا: اينور خيرك اركببي
اينور مسحت دموعها وطلعت من المسرح وهي تبكي
هشام نزل من المسرح لحقها طلع من المسرح شافها نازله لحقها: دريا استني
اينور سرعت خطواتها وخشت للحمامات (اكرمكم ****)
هشام خش وراها شافلها كيف تبكي
اينور مطبسه راسها وايدها ع وجها وتبكي
هشام طبس ع ركبته يشوف وجها لمطبساته: قيمي راسك غير شوفيلي اني من الصبح هني ولم اتصلتي مقدرتش نقولك لاني عارف رح ننكشف
اينور تبكي وبس
هشام: غير بطلي اسمعيني شوفيلي قيمي راسك رقبتي وجعتني شوفيلي
اينور حضناته وهي تبكي
هشام ابتسم حضنها ووقف: فالحه بطولت اللسان بس ومن كلمه تبكي
اينور بعدت بهدؤ قربت من المرايا مسحت دموعها عدلت مسكرتها وشافتله: نطلعو
وطلعو وهما راكبين للمسرح وساكتين
اينور: متحملتش الموقف كنت من الاول متعصبه وقريب نبكي غررت من صاحباتي كلهم مع اقاربهم واني ف كل شي ديما ممعاي حدد متوقعتش هكي يصير
هشام ضحك

اينور شافتله: اني حمارة نحكيلك… وركبت تجري
هشام لحقها: لالا نبصر استني
وخشو للمسرح
المدير شافها: حظرت الطالبه تعالي يااينور
اينور قربت وهي تررججفف وقربت من المايك: احمم مش عارفه حتى شن انقول بجدد شكرا لكل الحظور
المدير قرب وعطاها بوكس متوسط الحجم
اينور: نبي الظابط هشام يعطيهولي
استدعو هشام وركب عطااها البوكس
اينور ابتسم خداته وركبو صاحباتها كلهم المتخرجات وهشام نزل
بعد الحفله
اينور مع رولا ورتاج يهدرزو ويضحكو
اينور: اني قعده نرجف
رتاج: حتى هو طرف حتني حني لم شفناه اذكرناه لم جي للكليا قبل
اينور شافت ع جنب هشام بتكلم ع الهاتف وقفت خدت البوكس وبطاقتها وقربتله
اينور: هشام
هشام: تمام تو نشوف ماشي… وصكر الخط
اينور: خيرك شن في
هشام: يوسف
اينور: خيره تكلم
هشام: مش عارف خيره مكانش هكي مكسر شباك الروضه اليوم والمره لفااتت تاف ولد معاه من الدروج
اينور؛ يوسف هادي مستحيل يدير هكي ممكن في شي صاير معاه

هشام: مش عارف ماشيله اني والف مبروك مره تانيه
اينور: هشام اني تخرجت معاش عندي شي عادي تخلي يوسف عندي فترة
هشام: لا شن تقولي انتي يتربى الولد بلكف مش كيف مايبي هو
اينور: بس هشام الولد حساس لو تضربه او تعيط عليه رح يكرهكك
هشام: اي ع اساس يحبني هو خلي نمشي نشوفه سلام
اينور: باي
هشام: وبعدين انتي خلاص معندك ماديري هني تعالي نوصلك
اينور: لالا حوشي قريب اهو مروحه خلاص امشي لـ يوسف
هشام ابتسم وطلع
اينور روحت فتحت البوكس كان ثمثال

ابتسمت طلعت دراته ف المكتبه
______________
.
.
هشام نزل لروضه خش المدير وشاف شباك المدير مكسر مرشه ويوسف مقعمز ف الادارة
هشام:السلام عليكم
المدير وقف سلم عليه:وعليكم السلام
هشام شاف يوسف:خيرك مكسر المرش ؟!
يوسف شاف بوه وساكت
هشام تعصب: ادووي علاش كسرته
يوسف نزل عيونه وساكت
هشام شاف المدير: اسف ع لصار مش عارف كيف هو هادي ف الحوش بعكس الروضه

المدير: المبلغ لدفعته عشان الروضة لولدك رح نصلحو بيه الشباك معاش نقدر نقبله الولد
هشام شاف يوسف:امشي لسيارة
يوسف طلع يجري
وركب لسيارة
هشام ركب تنهد بعصبيه وتكشيخ :ماتقووولللييش خيررر مصيبتتتكك
يوسف يشوف من الشباك وساكت
هشام ضربه ع راسه:بتتوحدد تكللللم
يوسف شد راسه وبدي يبكي
هشام تعصب ولع ومشي روح وصلوو:اهوو نسمع انك معصب جداك ولا هدى ولا ضارب صغار عمك….قاطعه الهاتف
تررررن ترررررن
اينور:الوو هشام شن صار
هشام:مافي شي مكسر الشباك بس اهو مروح بيه
يوسف سمع صوتها شاف لبوه
اينور:عادي نكلمه
هشام مد الهاتف لـ يوسف
يوسف فرح خدي الهاتف ونزل خشت يجري: نوور
اينور:وسيفاا
يوسف:نور مش قلتي بتسكني عندنا
اينور:وسيفا حبيبي اسمعني قبل انت علاش دفيت صاحبك من الدروج؟!
يوسف: اني مش كذاب
اينور مفهمتش:انت مش كذاب عارفه قولي علاش دفيته

يوسف: هو قال عليا كذاب
اينور: انت عمرك اربعه سنين بس منين تعرف شن يعني كذب منين سمعها الكلمه هادي
يوسف: اني نعرف اني منكدبش
اينور:باهي والمرش علاش كسرته
يوسف: انت من قالك نور
اينور:وسيفا لو تبيني نسكن معاك احكيلي كل شي
يوسف:المدير قال عليا كذاب واني كسرتله المرش تعه
اينور تنهدت: من مني سامعها كلمة كذاب من يقول فها
يوسف: هماااا قالوووو كذاااب

اينور:ماتبكيش ياعمري اسمعني وسيفا
يوسف يبكي
اينور: وسيفاا
هشام قام الهاتف: فوتيه فوتيه بيتوحد هدا
اينور تعصبت:بطلل تجاهل ولدك ف شخص يعبي ف راسه هادي مش حركاته افهم ولد عمره اربعه سنين منين يعرفه الكدب هو…قاطعها
هشام: فوووتيه قلت …وصكر علها
اينور تنهدت بعتتله رسالة( يوسف ف عمر حساس اسمعني هو يحب الحركه صح بس هادي مستحيل يضرب ولايكسر ف شي صاير معاه اسمع منه)
هشام بعتلها( ميكلمش فيا)
عفاف:تعالى تغدى خشو
خشو تغدو
هشام ف حوشه غير ملابسة ونزل كانت عندهم اخته المتزوجه هديل وولدها يقرا وولد اربعة سنين من جيل يوسف صف اول وبنت عمرها شهرين
عسفرة الغدي قعمز هشام

يوسف غيرتله هدى وكلعو لسفرة الغدي
هشام يتغدى وسرحان
هديل وعفاف وهدى يهدرزو ع الغدي
تغدو
وقعمزو ف الصالون
ف المطبخ
هدى قصة الكيك وجهزت قهوة وطلعت لصالون بس ف كاسة طاحت نكسرت منها تمتل انها خايفه:حي عليا تكسرت مش انننني كسرتها بنقوللهم كرم كسرها
يوسف وكرم و انس ضحكوو
وطلعو لصالة
عفاف شافت ع السفرة الكاسة مكسرة:من كسرها هادي
هدى تبصر شافتلها ودارت اشش بصبعها
كرم ضحك: هدا يوسف
انس:اي يوسف
يوسف مقعمز: اميمة مش اني ولله
انس:كذاب هو
يوسف قرب يجري دفه بقوة وهو عاقد حواجبه
انس طاح ع حافت الصالون بدي يعيط
يوسف نزل يضرب فيه:اني مش كذذاب (شاف عفاف)اميمة مش اني
هشام ناض متعصب طربقه كف وبعده ع انس
انس راسه جي ع حافت الصالون نزل شوية ددمم
هشام يكشخ: انت خيرررككك فههممممننني

يوسف شافله وقران حواجبه: اني مش كذاب (شاف كرم) حتى انت قلت عليا كذاب…قرب قعمز ويشوف ف كرم
هشام شافله: نشوف فيك يوسف تمسه كرم تشوف شن نديرلك
كلهم قعمزو وانس هدي وسكت
هدى:خلاص يوسف يبصرو
يوسف قرب خدي كيكه وقعمز ع الصالون لكن مكلاش منها
كرم لاصق ف هديل امه وخايف
انس بكي لعند رقد
كرم خدي هاتف امه وقعمز يلعب بيه
يوسف قرب وف ايده الكيكه كلهم فكرو انه قربله بيشوف اللعب من الهاتف بس نصدمو لم شافو يوسف خدي الكيكه بيده ودارها ع وجه كرم
يوسف حط للصحن:اني منكذبش
هشام ناض قربله طربقه كف يطرش الوذان وطبسله:انت الباين انك تبي تتربى
يوسف ولادمعه

هشام دفه:قدامي اركب للحوش ركبه
عفاف:خلي الولد…وتجبد ف يوسف
هدى:هشام وقف اني لكسرتها الطاسه يوسف مش كذاب نزلها
يوسف شاف بوه: شفت اني مش كذاااب
هشام طبسله:خيرك مفتحتش فمك وقلت انه هدى لكسرت الطاسه
يوسف ركب يجري فوق لحوشهم
عفاف:البنت تخرجت امتى بتاخدها
هشام: مش وقتها
عفاف تعصبت:امتى وقتها

هشام:يام صكريه الموضوع
عفاف: خير غبارتكك
هشام تعفلق ناض:من الفرخ هدا مكانش هكيي
عفاف:حركاته نفسك بززببط تعبتني حتى انت
هشام:اني نضرب من عمري اربعه سنين هكي؟! لا يام هدا يبي عصا الولد تو يمشي القدام
عفاف: ولدك وانت حرر
.
.
.
العيلة مقعمزين يهدرزو مع عبد الهادي ومصطفى ف المربوعه والباقي داخل ف الصالة
لطفيه: اي شن صار ف عرسكك يااينور
اينور شافتلها: اااا منعرفش
صبرين: نوضي شوفي الحصان بالك بيشرب ولابياكل
اينور ناضت وهي تتكلم مع روحها وطلعت
ف الزريبه
اينور قربت تتلامس ف الحصان: ماكس صاحبتك دارت مسرحيه خطوبة ومعاش عرفت لدير نهاية
وكلاته وشرباته وخشت
اينور قعمزت: خيره رجاء معاش تجي كسععععااااد
صبرين: اي باش تهبلها مسكينه

اينور اشرت ع روحها: اني المسكينه اني
صبرين: اي هلباا

لطفيه ضحكت: خلي البنت عروسه
صبرين: يومها طلعت خديتلها شويت ملابس ولم يحدادو العرس نكملو الباقي
اينور: امتى وريني شن خديتي

صبرين: لاااا ماما دسيتهم
اينور:

وصلتها رسالة (لو فاضيه عندي معاك موضوع)
اينور قراته (اي فاضيه)
تررررن تررررن
هشام: الوو
اينور ركبت لغرفتها: اهلين
هشام: كيف الحال
اينور: تمام شنجوك
هشام: ماشيه
سكتوو
هشام: اءا لينا شهرين خاطبك لو تاخرنا اكثر من هكي ممكن نقطع بنصيبك
اينور بلعة ريقها: هو نقطع اساسا
هشام: كيف؟؟
اينور: لاشي شي نكلم ف روحي اي قتلك عادي امتى ماتبي نرجعلك حاجاتك واغراضك وافسخ
هشام: تتهززي عليا ولا شني؟!
اينور: علاش بنتهز شن قلت
هشام: اغراضك شن بندير بيهم بناخدهم بلا هبال زايد هي بنجي لبوك ونقوله مصارش نصيب وبس
اينور: اغراضك دايرتهم ع جنب اساسا حتني ماعندي ماندير بيهم … بابا ف لحوش معاه عمي عبد الهادي
هشام: ميه ميه ماشي… وصكر الخط
.
.
.
ساعة وخش مصطفى
مصطفى ينادي : اينوور يااينور
اينور جاته وقلبها بيطلع عارفه شن بيقول : نعم
مصطفى: البسي واطلعي خطيبكك ف المربوعه وعمك عبد الهادي روح
اينور: حاظر
مصطفى طلع
اينور ركبت وهي تشوف ف دبلتها وقلبها

لبسة عبايتها وطلعت
اينور: السلام عليكم
الزوز: وعليكم السلام
مصطفى: اهو تفاهمو … وطلع
اينور قعدت واقفه: علاش ناديتني؟!
هشام وقف: انتي خيرك مريضه ولا شنو
اينور: خيرني !!
هشام: قبل مانخش تلاقيت مع عمي عبد الهادي قدام الباب

يتبع ……

الجزء الحادي عشر من رواية جعلني انثي​

اينور: السلام عليكم
الزوز: وعليكم السلام
مصطفى: اهو تفاهمو … وطلع
اينور قعدت واقفه: علاش ناديتني؟!
هشام وقف: انتي خيرك مريضه ولا شنو
اينور: خيرني !!
هشام: قبل مانخش تلاقيت مع عمي عبد الهادي قدام الباب وحكيتله اني بنفسخ… قطعاته
اينور: قالك لو فسخت معاش حد يطق بابهم ولا تنخطب تاني
هشام تعصب: هبلتي انتي علاش متكلمتيش
اينور: انت افسخ شن دخلك بيا
هشام بعد شعره للخلف: شن هلمنطقه الجاااههله
اينور: اسمعني…. قاطعها
هشام متعصب: انتي اصغر من اختي افهمي بوك وامك مش دايميلك
اينور: باهي اسمعني… قاطعها
هشام: مع اني متزوج.. بوك وتق فيا… قطعاته
اينور تعصبت: حني متفقين هكي واني نعرف شن ندير
هشام تعفلق تراجع للخلف: استغفر **** العظيم
اينور: هشام.. قاطعها
هشام: ماات هشام.. وقعمز مغلول

اينور تنهددت بصوت واطي: هشام اسمعلي
هشام: اينور اني علاش معرفتش من الاول علاش متكلمتيش؟!… قطعاته
اينور بعصبيه غمضت عيونها: بكككللل بساااطه لاني منبيش حددد… قاطعها
هشام: اني متاكد انك متخلفه
مصطفى خش: خيرك متعصب شن في؟!
اينور كانت متعصبه: بابا اني بنفسخ…
مصطفى بدون مبالاة طربقها كف ردت فعله عادي (لانه بجددد وربببي ف منطقة وفي ليبيا واقسم بلله كلام بجدد واسالو علها انها مانعين بناتهم من لبس الفيلو ومن هلباا حاجات اني نتكلم مش عشان تتشوه صورة المنطقه لا بلعكس عجبتتتني انهم ناس حريصه هلبااا

)
هشام شاف لـ اينور
اينور وجها لجه التانيه وايدها ع خدها
مصطفى متعصب: اني خديت رايك ف الاول خلااص
هشام نزل راسه تنهد وقامه بغرور: بس ياعم
مصطفى: اطلللعععي
اينور شافت لـ هشام بنظره كلهاااا كره وحقد وطلعت
هشام تنهد وقعمز مش عارف كيف يتصررف: العرس بعد شهر
مصطفى: حاظر ومتواخدهاش تو نتفاهم معاها
هشام: بس امنه ياعم مصطفى ماتمد ايدك علها هي معاش صغيرة
مصطفى: اكيد
هشام: ماشي… وطلع
.
.
.
مرر اسبوع واينور مصكره راسها ماتبيش تتزوج بس هل رح تنقلب؟!

في يوم جوهم عماتها يهدرزو
البنات مقعمزات ف الجنان يدردشو
عُلا شاف لـ اينور: اينور مش كأنه عرسك مفركس
اينور بتقه: علاش يتفركس حبيبتي

ايمان اخت مؤيد: يومها ماما تسال ف مؤيد عليك مشي قاللها وهو يبصر هادي فرخه اكيد فركست عرسها
اينور بغرور: الباين انه شاغله بالكم حبيبتي طمنيه مؤيد وقوليله عرسها قريب لا تفركس لاشي
ايمان: اممم به ياحنه
اينور تاكل ف السامينسه وتفكر وهي متعصبه (علاش لا اني حمارة اصلا ناخده هشام ونبدا اني اول بنت تتزوج ف المدينه ونقهرهم وتانيا نقهر هللوحات لقدامي لدايرين رواحهم يحبوني وجو النفاق ): اي علاش لا
ايمان: شنو الفكرة؟!
اينور: اءا لا شي

..
..
ف المغرب
وركبت غرفتها لقت رقم غريب متصل تلاته مرات وباعت رساله(اني عمتك عفاف ام هشام)
اتصلت بها
اينور: ايوواه عميه كيف حالك
عفاف: الحمد**** بخير كيف حالك وحال العيله كلها
اينور: في نعمة **** يسلمك
عفاف: سلمها اي اينور كان جنبك امك اعطيهالي
اينور نزلت: حاظر تواني… ومدت الهاتف لـ امها
صابرين: الوو السلام عليكم

عفاف وعليكم السلام
ووووووووو ومعاش سكتو
بعد مصكرت ام اينور صابرين
اينور: كلماتك ع العرس؟!
صابرين: لالا عزمتنا ع فضانيه هدى بنتها
اينور: نعممم؟! كيف تعزمنا شن هلعيلة
صابرين: مش عارفه حتني قالت بيان الجمعه
اينور: عجججب
بختصاااار شاورو العم مصطفى وقال عيب عزمتكم وماتمشوش وجي يوم الخميس
تررررن تررررن
اينور صوتها رااااقده حرفيا: الوو شنوو
هشام من صوتها شاف لشاشة الهاتف: ايوواه
اينور قعمزت بفجعه شافت المتصل: اسفه نحسابك اختي مش متعوده ع اتصلاتك
هشام ضحك: شنوجو
اينور: تمام شنجوك انت
هشام: ماشيه امي قتلي عزمتكم ع فضانيه غضوا قتلي نتصل بيك بالك ناقص شي
اينور: اهاا لالا مانقصني شي اصلا مستغربه كيف تعزمني واني خطيبتك بس
هشام: ممكن انتم معندكمش بس عندنا عادي
اينور: اممم
هشام: هدى بتاخد رقمك عطيتها
اينور: اهاا تمام شن صار مع يوسف قعمزت معاه فهمت منه خيره

هشام: يوسف تبكش معاش تكلم مع حدد غير امي بس حتى هدى معاش بيكلمها واني يكلم فيا من راس خشمه
اينور: انت مش عارف تتعامل معاه
هشام: القصه مش قصة تعامل الفرخ راسه كبار يبي التكسير المهم اني توا عندي تحقيق فوتيه يوسف خليه عليا
اينور شافت الشاشة لقت رقم غريب: اوكي اصلا ف رقم غريب يتصل اكيد هدي ربي يعاونك سلام
هشام: سلامات… وصكر الخط
اينور ردت: الوو
هدى: هاي
اينور: هايات
هدى: ليا عام نتصل وانتي ف الانتظار
اينور: بلعوطه دقيقتين بس نتكلم
هدى ضحكت: اممم هدا اكيد العاشق الولاهان
اينور: ضحكت: اي
هدى: يلا ماعلينا المهم غضوا بتجيك ارتست عطيتها العنوان
اينور: مليهاش لزوم
هدى: انتي تستعبطي صح فضانيتي بس حبيبتي العيون رح يكونو عليك
اينور: عارفه بس مش لهدرجه
هدى: دخلكش انتي المهم غضوا تجيك بعد العصر
اينور:بطلي هدى الغي موعدها مش لهدرجه تبعتيلي كوفيرة لباب الحوش
هدى بتتكلك قاطعتها
اينور:لو سمحتي هدى الغي ونش**** ربي يهنيكم ويكملك ع خير..وصكرت الخط
اينور تنرفزت:بنت ريف بس مش فقيره مبردهممم هما وفلوسهم ربي يصبرني ع تقلت دمهم
.
.
تاني يوم

طبعاا رجاء ارتست مبدعه جت ومكيجة اينور ولبسة قفطان احمر لعند الركبه كمام طوال شفافات ومنفوخ ومرشوش مع كعب نظام خيوط اسود طلققققه طلعه
ووصلهم العم مصطفى
هشام كان لبس زبون ددمم غزال

كان ف حوش خوه بس لم شاف سيارة العم مصطفى ولع سيارته ولحقه
نزلو وكانت اينور ***** سلمو عليه وخشو
هشام:تفضل لحوش خوي عم مصطفى احسن ماتقعد تستنى
مصطفى: لالا متشغلش بالك عندي صاحبي هني مكلمه بنتلاقى معاه
هشام:اهاا تمام غير قلت احسن مايقعد بروح
مصطفى:بارك **** فيك هي وصي
هشام:سلامتك
مصطفى مشي
هشام خش وركب لحوشه شاف دار يوسف مقلوبه والملابس ع الارض ويوسف مقعمز ومنزل راسه ع رجليه
هشام:هدا شني
يوسف قام راسه برعب
هشام:خيرررك
يوسف بدي يبكي:من الصبح لابس خادم وكرم وانس بدلو ملابسهم بدو يعزرو فيااا

هشام :وضربتهم؟!
يوسف يمسح ف دموعه: مضربت حدد اليوم
هشام تعصب من منظر الغرفة: البس اي شي وانزل ولا نصكر عليك الحوش
يوسف تلوح ع السرير:منبيش ننزل هكي
هشام تعصب:ارقد مالا احسسن.. وطلع وقربع الباب
يوسف طول حياته مافي حددد يدوره لو اختفي نهااائيا وهشام عارف انه امه وخواته واقاربه مايبوشي لانه شطان وشي هدا ظايقه انهم يكرهو ولد
اينور خشت وعطول جتهم عفاف وسهام يرحبو بيهم وبدت عفاف اتزغرط

خشو قعمزو والعيون ع اينور بسسسس وكلهم مفكرينها صغيرة بس تهبلل

اينور قعمزت شويه وبعدين خدتها عفاف تعرف فها ع الجيران وكانت فضانيه كبيرة تحسها عرس مش فضانيه

اينور قعمزت جنب سهام: يوسف وين
سهام شافت صغارها: كان مع صغاري ابصر وينه
اينور طلعت هاتفها ( وين يوسف؟!)
هشام ف السرير بيولعها مردش ع المسج
اينور: اكيد مسمعش المسج اتصلت بيه
هشام: ايوواه
اينور: اتصلت عشان يوسف من اول موصلت مشفتاش
هشام ضحك بهزوه: تصدقي لو نقولك انتي والحيده لمعبرتيه الولد
اينورسكتت
هشام: معزرينه لانه مغيرش ملابسه مشي ركب بيغير ملابسه تو ينزل
اينور:؛ اهاا لو انت قعد هني اركب شوفه
هشام: شوفي وقتك مدوريشي كان نزل نزل كان مانزلش اكيد رقد
اينور: اني منسمعش فيك كويس
هشام صكر الخط بعتلها ( لو منزلش اكيد رقد)
اينور شافت المسج وجت هديل قعمزت جنبها
هديل سلمت علها: انستينا
اينور: ابتسمت: **** يأنسك
هديل: كنت مع هدى توا وصلتي ولا من بكري
اينور: توا

هديل: اممم اني بنوض او تبي شي كلميني
اينور: امم كلمت هشام ع يوسف قالي ركب يغير ملابس نتعبك لو قتلك تركبي تشوفيه هدا صغير مايعرفش
هديل ابتسمت: اهاا تمام دقيقه ونركب نشوفه… ومشت للمطبخ
اينور قامت عيونها ف بنات وشافتلهم يشوفولها وبعدين شافت هديل طالعه عرفتها بتمشي لحوش هشام
هديل طقطقت فتحلها يوسف : خيرك ملبستش
يوسف خش يجري وسيبها رقد ع سريرها ع بطنه
هديل خشت شافت الدار مقلوبه : تعلا نلبسك
يوسف: بنرقددد
دقايق ونزلت هديل وقربت لـ اينور
هديل: اينور ركبت شفتها قالب الحوش كله ملابسه قال بيرقد مايبيش ينزل
اينور: لالا بلله زيدي معاه مرات يمرض حاولي تنزليه قوليله اينور جت بالك ينزل
هديل: تعالي اركبي معاي
عفاف قربتلهم: شنو
هديل: يام بنركب اينور تشوف حوشها وتنزل يوسف مباش ينزل
اينور تحشمت: لالا
عفاف: بري اركبي وشوفي الحوش وكان معجباتكش حاجه كلمي هشام يغيرها
اينور تحشمت ورفضتت وفي الوقت ليقنعو فيه ف اينور
هشام سخفه ولد تنهد وبيركب
اينور ركبت مع هديل
طقطقو وفتح يوسف
اينور ابتسمت: وسيفاا
يوسف ابتسم : نوور
اينور بساته: استاحشتك انيي
يوسف ضحك
اينور: خيرك ملبستش
يوسف سكت
هديل: ارفعها لدارك تختارلك لبسة ، اهو اينور انتي لبسيه وانزلو اني بننزل نشوف هدى شن صار معاها
اينور: تمام
هديل نزلت
اينور ويوسف خشو لغرفة يوسف المقلوبه ملابسه قربت تشوف فيهم لبساته سروال اسود وسورية بيضا وقولف متع بدله اسود
اينور مدتله ملابسة: لو تتحشم مني امشي لدار تانيه البسى وتعلا
يوسف خدي الملابس وخش غرفة بوه يبدل
واينور قعمزت ع الارض اطبق ف الملابس لـ ع الارض
هشام فتح الباب وتوقعه راقد شاف باب غرفة يوسف مردود خش وكانت اينور عطياته بظهرها فكر انه ممكن تكون هديل بس هديل اخته شعرها قصير وهادي شعرها طويل
يوسف طلع من غرفة بوه وخشلها: شوفي ورااك

يتبع …….

الجزء الثاني عشر من رواية جعلني انثي​

اينور تلفتت مبتسمه وشافت هشام اختفت الابتسامه ووقفت بدون مبالاة
هشام يحمي ف الموقف: توقعته رقد ركبت بنشوفه
اينور تلبكت: ااا اي لبس
هشام: يوسف بتقعد معاهم ولا بتمشي معاي
اينور شافت يوسف
يوسف: بنقعد مع نوور
اينور متلبكه: اا مش عارفه شن بنقول بس هديل ركبتني عشان يوسف
هشام: اهاا مدوريش.. وطلع نزل
اينور برت شعر يوسف وقامتهوله فوق
يوسف: حلو اني؟!
اينور تمشطله ف شعره: تهبلل انت مش حلو بس.. وبساته
يوسف خش لغرفة بوه رش عطر بوه

ونزلو
خشوو مع بعض
بس استغربت ف يوسف انه قعمز جنبها وهدا الشي لخلا المعازيم كلهمم يشوفولهم

يوسف: اقعدي عندنا
اينور ضحكت: اي مزال شهر ونسكن معاكم
يوسف ناض لـ ولد سهام عليوة من جيله وقعدو يلعبو
ووصلو متاعين هدى ونزلت هدى لابسة قفطان موف طلعه حلوة

يوسف تعب من اللعب قرب وقعمز جنب اينور: شعري مساوي؟!

اينور عدلتله شعره بيدها وابتسمت: اي حلو
يوسف لمس شعرها: حلو شعرك انتي

اينور ضحكت: شعري بس؟!
يوسف ضحك: وقفطانك
اينور ضحكت: اممم باه
يوسف تلفتت ومشي لـ صابرين سلم علها
صابرين سلمت عليه وبساته
هدى مقعمزة ف جهة بروحها اشرة لـ اينور
اينور قربتلها: تهبلي

هدى: مش زعلانه مني يعني
اينور: بلا نكدد مش زعلانه لاشي
هدى ضحكت: سلمها القصيرونه
اينور ضحكت: شن اسمه عريس الغفله؟!
هدى: حسن

اينور: ربي يكمللكم ع خير
قربو بنات خالت هشام يستغلو الفرصة
خالاته كريمه وبناتها الزوز سحر عمرها24وفدوى ع23
وخالته سارة بنتها صفاء ع23
فدوى: طلعه قنينه هدى
هدى: طبعاا

سحر تشوف ف اينور من تحت لتحت

صفاء: حتى كنتنا حلوة مش****
سحر بصوت سحنون: كم عمرك انتي؟!
اينور ابتسمت: 22سنه
سحر ضحكت: قصيرة نحسابك فرخه
اينور ناضت: خودو راحتكم.. ومشت لكرسها
صفاء شافت سحر: مبردككك تهبل البنت
فدوى: حلوة بلعكس حتى عيونها كبار ورموشها كثيفات تهبلي
صفاء: غمازات وعيون وشعر كثيف تهبل غير سحر ذوووق مش****
سحر: انتم ذوقكم كناسة
هدى: سحر ساكتتلك راني احترمي نفسك مرت خوي مش كناسة التزمي حدودك
سحر: اقعدو فها الحق فيا… ومشت لكرسها
هدى: صفاء بري لـ اينور قوليلها تجي
صفاء مشتلها: قتلك هدى تعالي
اينور: لالا خودو راحتكم عادي
صفاء: نوضي سحر هكي ديما راه
اينور: لا مش ع البنت اني عادي
صفاء ابتسمت: عمري 23 سنه نوضي بسرررعه
اينور ضحكت وناضت قعمزت معاهم جوهم حلو
لعند ماخشت زوز
هدى: قالت لماما متعزمهمش

اينور محبتش تدخلل شافت لزوز لخشو

صفاء: قداااااد
فدوى: مرزززن دمهااا
هدى ضحكت بخفه: هادي من كاذب علها مقايالها قفطانها حلو
صفاء ضحكت: استغفر **** ياربي
لخشو كانت مرآة ومعاها بنت لابسة قفطان وصابغه شعرها اصفففر وهي سمراء لابسة قفطان ازرق قصير كللله يلمع ولاصق ع جسمها

قربت البنت لـ هدى وسلمت علها:اللف مبروووك حبيبي
هدى:سلمك عقبالك نسرين
نسرين ع 26 جسمها كارثه قصدي سمراء وشعرها اصفر تخيلتو المنظظر

لو حنطيه وشعرها اصفر عادي بس سمررراء

قعمزت جنبهم بدون ماتسلم ع فدوى وصفاء واينور ع اساس غرووور وجوو
هدى ابتسم شدت ايد اينور:نعرفك هادي مرت هشام
نسرين ضحكت ضحكة عاهرات:غير تتزوجه هي
هدى:لالا بتتوجه ارتاحي انتي
نسرين تشوفله من فوق لعند لوطى
اينور ف داخلها(ياسر حاولة نكون مؤذبه بس الباين انه اني والاذب متعاركين توا خلاص)شافت لـ نسرين بنفس النظرة:خيرك فيا شي
نسرين: نقارن فيك بـ اختي
هدى وصفاء وفدوى

اينور بعدم فهم:مفهمتش شن دخل اختك تقارنيني بها؟!
نسرين:اختي اسمها رتاج اظن سمعتي بيه اسمها !!!
اينور: من رتاج اني نعرفها؟!
هدى:حبيبتي من كثر مااختك لـ **** يرحمها محشمتنا حتى اسمها معاش ذكرناه

اينور شافت هدى
نسرين: هددى متخلينيش انكد عليك
هدى اندفعت: علاش كلامي كذب وحده ساقطه لبسببها بابا مات
اينور نصدمت:هدى اهدي بلله عليك..قاطعتها
نسرين: بوك مات مجلوط ياسر كذذب اختي مليهاش دخلل كله افتراااء
هدى عيونها حمر:ياسر كذب شفت بعيوونني ماحد قالي
نسرين:لو مش افتراء كانت امك ماعزمتنا اليوم وكلنا نعرفو انه رتاج ماتت بسبب حادث بسس وخوك داير روحه محقق وجو كذاب
هدى ناضت وكلهم شافولها
اينور جمدت: شن دخل هشام؟!
نسرين سكتت
صفاء:رتاج مرت هشام
نسرين تشوف لردة فعل اينور
اينور: انتي شن طينتك جايه هني عشان تنكدي علها؟!
نسرين:لابلعكس هي فتحت اموضوع
اينور ناضت لحقت هدى
هدى تغللي ف دارها ومتعصبه
اينور:هدى كان تبكي نضربك راه نووضي اطلعي
هدى بنبرة باكيه: نكرهااا هي واختها هلكلبه
اينور حضنتها وبعدت:اسمعيني شوفي كيف هي اول ماخشت جاتك منبيش نعبي راسك بس مهضمتهاش هادي جاي تنكد عليك وانتي ز الحماتي الحلوة اديري ودن كرشه خلها تنبح مش بس هي اي شخص يضايقك متخليشي ينجح لو شافوك مهزوزه او تبكي رح يفرحو بس انتي تقوي عشان تركبهاا نار
هدى ابتسمت تنهدت :هي …وطلعوو

ورجعو لتقعميزتهم وبكلل وقاحه قعده مقعمزه نسرين
صفاء بصوت واطي : وين الكلبة سحر
فدوى بصوت واطي :اي كان تجي سحر تقتلها
سحر هي المشهورة بطولت السااان ومستحيل تسمح لحد يزعل حد تحبه
نسرين: وين ولد اختي
سكتين
نسرين شفاته اشرتله يجي بس يوسف تجاهلها: تعالى نعطيك هاتفي
يوسف كان جنب انس وكرم مردش علها
نسرين: اي حقه يومها بعتت رسالة لـ هشام قتله يعطيني يوسف مباش اليوم كان صار بنكلمه
هدى: الولد ميبيكمش مش بسيف كل شي الا حبني يابنادم
نسرين: متخافيش بناخده
اينور شافتله بكبرياء: تبي ولد اختك انتي اوينه مقعمز خوديه
نسرين: اهاا تبيني ناخده عشان يفظالك الجو؟!
اينور ضحكت: حاله
نسرين تعفلقت شافت يوسف وناضت قربتله بس مشافهاش لعند شدت ايده تلفتت يوسف وجبد ايده وشافلها
نسرين طبستله: خالتك اني نسرين
يوسف شاف اينور ومشالها
اينور: علاش متحبهاش خالتك هادي
هدى: مره خداته بسيف وبات عندهم تاني يوم مشي هشام العشيه بياخده طلعله يوسف امكيج مكيجاته ومدايرتله زمالطو الساقكه هادي تتعلم ف وجها من هديكا هو كرهم
يوسف يحرك ف شعر اينور: خليه هكي شعرك
اينور ابتسمت قعمزاته ف حجرها: وسيفا قول لـ عميمه هدى مبروك

يوسف:علاش
اينور ضحكت: بتتزوج مبنفتكو منها
هدى صحكت ضربتها: قرده

يوسف ضحك: مبروك
نسرين قربتلها: انتي شن تخاولي اديري
اينور شافتلها: انتي من الاخير خيرك لبستيني؟!
نسرين: ههااااي اني بنلبسك انتي مش مقاااسي قطاطيس فرخه متخلينيش نغلط فيك
سحر:قطاطيس؟!يعني مصره انه فصيلتك حيوانيه
نسرين شدت ايد يوسف:نوض معاي
يوسف شد ف قفطان اينور:لاااااا
اينور شافت ايدها كيف شاده ايد يوسف بنبرة حاده:اررخيه
نسرين تجبد ف ايده :وكان منبيش
اينور قامت يوسف ف حضنها وقربت من نسرين واقفت قدامها مباشرتنا وعفست ع رجل نسرين بنبرة حاد: ارخي قلت
نسرين من الوقع طبست لـ رجلها: اااه
اينور بغرور شافتله وهي راكعه: ننصحك متوصليش فيا… وبعدت رجلها
هدى وصفاء وفدوى وسحر يشوف ف اينور تفاجؤ بـ شخصيتها

نسرين مشت لـ امها ع اساس انها محستش العفسه
اينور قعمزت
هدى: حي علمك
سحر: توا عرفت انه اني ذوقي كناسه تبردي ع قلب يابنت
اينور: كلمنتها حاولت نوصللها الفكرة بس ف ناس متفهمش الا هكي

فدوى خوافه: ياماما هادي دراه تو تحطك ف راسها
اينور: عادي
واني حطيتها تحت كندرتي
صفاء ضحكت: خفت نغلط فيك ياغابرتي
اينور ضحكت: لالا انتي من العيلة المهم ماحد يوصل ف غزالي (باسة يوسف لفي حضنها)
هدى: غزالك هشام ولا يوسف؟!

اينور ضحكت ردتلها النظرة: حسن

هدى

سحر: لالا المره هادي الباين خترتو كنه مقومه
هدى: صقع عليك
اينور: لالا اسكتو تو تسمعكم سهام تحرج
صفاء: اي حوى سهام كويسه
نسرين بعتت رسالة لـ هشام(يوسف بناخده ووريني شن بدير واعلا مابخيلك اركبه)
هشام بعت رسالة لـ اينور( عيونك ع يوسف متخلي حد ياخده)
اينور شافت الرسالة بعتتله(اهو ف حظني مدورش اساسا اني نزلته رح يقعد عندي امانه لعند مانروح)
هشام ( منبيش نشغل بالك بس خالته باعتتلي انها بتاخده بلغصب ف ردي بالك…وطبعاا عارفك قدها)
اينور شافت لـ نسرين من بعيد: الحيوانه تهدد ف هشام انها بتاخد يوسف
سحر:تاهد قهرتها كانها مراة تمسه
اينور بهزوة: مصدقه روحها هلباا
هدى: قداااد
صفاء: خلي يوسف ف حظنك
اينور شافت يوسف:بتقعد معاي ولا بتلعب
يوسف:بنلعب
صفاء:لالا اقعد هني
اينور نزلات:برا العب وكانها بنت امها تلمسك
ومشي يوسف يلعب
اينور تهدرز مع البنات وكل شويه تشوفلها لعند قربت امها
صابرين: اتثلي ببوك حني بعاد ونبو وقت باش نوصلو خلي نطلعو بكري
اينور تتصل بـ بوها وكلماته وبعده بعدت عن البنات اتصلت بـ هشام:الووو هشام
هشام طلع برا:شن صار
اينور: مصار شي اني بنروح وقت علينا حني بعاد والفرخه من بكري تشوفله فا تعالى خوده يقعد معاك
هشام: ميا ميا اني قريب تو نجي نتصل بيك طلعيه
اينور:تمام…وصكرت الخط ورجعت
اينور قربت لـ يوسف:وسيفاا انت تحبني صح
يوسف:ااممم
اينور:حبيبي بابا جي بياخدك تقعد معاه وهو وعدني انك لو قعدت مع بابا وتسمع كلامه رح ياخدلك باكو شكلاطه بروحك
يوسف: باه لكن تو نعطيك منه الشكلاطه باهي
اينور ابتسمت: باه…وشدت ايده ولبسة عبايتها ووشاحها قربت لـ امها
اينور:ماما اني بنطلع نشوف بابا جي ولا
صابرين: باهي بسرعه راهو يشوفك حد
اينور:اهو معاي يوسف…وطلعوو لحقتها نسرين ف الجنان
نسرين لبسة عبايتها ووشاحها وطلعت وراها: وين رافعتيه
اينور تلفتت
نسرين قربتلها: بالك تحسبيه ولدك وبتربيه انتي بري ربي روحك الاول
اينور: اني مش عشان ساكتتلك تفكري خايفه منك بس الناس مقامات اول شي وقبل الربايه تعلمي تتكلمي وتتعلمي ادير منطق وذوق ف كلامك

يتبع ………

​

​

​

​

​

​

​

​

الجزء الثالث عشر من رواية جعلني انثي​

نسرين ضحكت:صححح انتي قلتها بروووحك مقاماات منزلش مستواي لناس زباله
اينور: انت خليك ف مستواك بس وتوا اني نصفرلك من فوق باش تعرفيني اني وين وانتي وين

..وغمزتلها
نسرين شافتلها بنظرة من فوق للوطى: لسانك اطول منك فاا حبيبي لميه احسن مانقصه
يوسف يجبد ف ايد اينور:هياا
اينور سيبتها وبتطلع مع يوسف تلفتت
نسرين شدت مرفقها ولفتها بعنف وقربت من وجها: انتي صغيرة حبيبتي بري شوفي حياتك نصيحه لاني اني مش رح نسمح بوحده غيري تربي ولد اختي
اينور بحركه سريعها لفتلها ايدها وراها بعنف بنظرة ونبرة حاد: لانك خالته منبيش نغلط فيك قدامه تواا وز بنت الناس تخطيني….وللعلم اني مش مستنيه موافقتك باش نربي يوسف…وبعدت شافتله بنظرة وطلعت وكان هشام جنب الباب وطبعاا سمع كل شي بسبلة انه يستنى ف ولده قدام الباب
اينور ابتسمت: امانتك
هشام بصوت هادي: اينور برآيي انك لو تبطلي مشاكلكك
اينور شافت لداخل وكانت نسرين خاشه ورجعت شافتله: نعجبك اني تو نربها ف ظرف اسبوع بس نخلها بنت مؤذبه
هشام ضحك ع جنب وشاف الشارع ورجع شافلها:وخيرك انتي متكونيش مؤذبه وعاقله
اينور ضحكت: طلعلي ظرس العقل بس حولته

هشام ضحك:خشي خشي تو يجي حد ويشوفنا
اينور شافت يوسف:بااي وسيفاا اسمع كلام بابا باهي …اي حقه هشام يوسف اليوم كان هادي وحلو خودله باكو شكلاطه
هشام شاف يوسف:حاظر
اينور: تصبح على خير ..وبتصكر الباب بس وقفها
هشام:لحظظه نسيت قصة العرس كيف نتصرف؟!
اينور تحشمتت بس مش مبينه: اني راضيه بيك

هشام ضحك بهزوه ع جنب:نعم رااضيه بيا اني اساسا بلغصب رضيت بيك
اينور:ع الاقل اني حلوة وعسل و اسلوبي يهبلل خير منك

هشام: اي هلبااا لن خلاااص
اينور فنصت فيه: شن قصدككك اني مش حلوة؟!
هشام:حلوة ياودي حلوة ماقلت شييي
اينور: احمم بسلامه راجلي
هشام شد ايد يوسف وماشي من راس خشمه :بسلاامه
اينور خشت
صابرين قربتلها:شنو جيي؟!
اينور:من هو

(اذكرت)اااا بابا ا لا مجاش نسيت
صابرين:ارزني
عفاف قربتلهم: وين خيركم لابسين ؟!
صابرين:اي حني بعااد نبو وقت ف الطريق بستاذنو نستنو ف مصطفى
هديل قربت نخصت اينور بصوت واطي:شنو عجبك الحوش
اينور بصوت واطي: كان تعرف ماما تقتلني استريني
هديل ضحكت بصوت واطي: بالك ف حاجه بتغيرها ف الحوش
اينور: اي غيرولي العريس

هديل ضحكت:ههههه خيره مسكين ف حاله
اينور ضحكت: اني المسكينه
هديل ماتت

وجي العم مصطفى وروحو

مصطفى يسوق:شنجو اينور
اينور :تمام وانت
مصطفى:كويس
صابرين:وخيرني اني

مصطفى ضحك:شن حالك باهي
صابرين: باهي

تيكك رسالة وصلت اينور( صبية النمم شن الكلام ليقول فيه يوسف هدا غير اوصلي بس)
اينور بلعة ريقها (شن في شنو كلام)
مردش علها
وبعدددددددددد عام وصلو

اينور ركبت دارها والفظول قاتلها بعتتله رسالة(اني وصلت شن الكلام) وخشت الحمام غيرت ومسحت مكياجها استرختت
تررررن تررن
اينور: هاا
هشام:شن لدرتيه مع نسرين انتي هدا قصيرة وبريئة طلعتي شيطان
اينور: من كاذب عليك اني مش بريئه شن قال يوسف
هشام: فرحان مجرد سؤال سالته شن جوك مع اينور قالي انه حظرتك ولفهمته انه نسرين ركعتلك وقدام الكل
اينور عدلت تقعميزتها: عشان تعرف انه اني منسكتش لحدد يغلط فيا….قاطعها
هشام بتكشخ: تتعاركي معااااهاا قدااام الناااس
اينور:اهددى مشافها حد راكعتلي طبست ماحد ركزز
هشام تنهد بنبرة متعصب:اني منخلي حد قدره يطيح ف حوشي فاهممااا ولو يكون عدوي ف حوشي تحترمي امها
اينور باانفعال : حبيبي وصلت فيا وسكتت بس لـ مسعتاش من يوسف انه الرخيصه نسرين شدت ايد ولدك بلغصب تبيه يجها بس ولدك حضني كلمتها بذوق انها ترخي ايده بس رفضت وانت اكثر واحد تعرفني

هشام تعصب: تمام كويس انك مسمحتيلهاش تاخده بس مش هكي تتصرفي
غلط لدرتيه اينور
اينور:اني ماحد يعلمني كيف نتصرف… قاطعها
هشام باانفعال:متهبلينيش ف عقاب اليلل اينور نكلم فيك بلعقللل المره هادي وصارت بس ف الجديد لو نعرف انك…قطعاته
اينور: اني دافعة ع ولدك شن دخلك بها انت تركع ولا تملح وجعاتك هشام؟!
هشام بعد شعره للخلف بعصبي: يارسول **** ع هلبنت اني منحبش حد قدره يطيح ف حوشي وصلت
اينور: تمام فهمنا مره تاني نربها ف الجنان برا حوشك باهي
هشام ف وسط عصبيته ضحك ع جنب: تي وااااك
اينور ابتسمت: هشام

هشام لم يسمع اسمه

:نعمم
اينور: نسالك سؤال تجاوبني بصراحه؟!
هشام:اكيد
اينور:اممم رتاج….عادي تحكيلي علها
هشام تححم:احمم ماعندي مانحكي ربي يرحمها وبس مليهاش اهميه بنسبه ليا
اينور اتكت ع سريرها: كيف يعني؟!
هشام:انسي شي
اينور: يوسف رقد؟!
هشام ابتسم شاف يوسف جنبها:ياكل ف شكلاطه خديتله الباكو لطلبتيه عشان يوسف
اينور: هشام خيرك ليل توا شن شكلاطه ف اليل عطيه طرف بس
هشام ناض طلع للمطبخ حط البكرج ع النار:انتي

انتي هكي مع الكل ولا معاي بس؟!

اينور عضت شفايفها التحتيات:كيف يعني؟!
هشام: حنينه وولا مش عارف كيف (ضحك ضحكه تجنن) بس متصدقيش روحك راك مريضة ومجنونه

اينور ضحكت : علاش مجنونه واخد عليا فكرة اني مجنونه؟!
هشام: لم جيتك ف الكليا عشان البطاقة وقتها متعصب الدم واصل لراسي كيف بنت تمشي فيا ع كيفها وطبعاا نصدمه انك نفس البنت لشفتها ف الجبل بس خليت روحي عادي
اينور:اي باه
هشام:وقتها طلعتك خديت البطاقه فكرتك خايفه مني بس طلعت نضحك لم قلتيلي ياعمي الشرطي علاش مشكرتنيش
اينور ضحكت
هشام: واحلا شي انك دافعتي عليا قدام النائب

اينور:احمم بش تعرف اني محاميه شاطرة مش بس حلوة بوس ايدك واشكر ربي ليل نهار
هشام: ريتي هلموناليزاا
اينور: شدير
هشام:قهوة
اينور:اممم ادير فها توا؟!
هشام: ع النار
اينور: صحتين
هشام: الساعه 2:00 بري ارقدي
اينور: رقده الفرخ تو يتسوسو سنونه
هشام ابتسم:حاظر يعرف هو اصلا اكيد رقد
اينور:وانت؟؛
هشام: عندي خدمه نكملها ونرقد
اينور:اهاا ربي يعاونك سلام

هشام:سلامات..وصكر الخط خدي مق القهوة وخدي الملف ولاب توب وشاف يوسف لـ راقد ع سرير بوه هشام طفى الضي عليه وطلع لصالة بدي يشتغل
.
.
#بعدمرورشهر
وطبعاا مزال يومين ع العرس
والمل ف المربوعه يجهز ف ضيافة اليله السهرية يستفو ف حلويات وهكي
ايمان: امك فهماتك كل شي؟!
اينور فداخلها (السؤال المقررف): اي فهمتني تبيني نشرحلك

ايمان: شن فهماتك
اينور فنصت فها: فهمتني الراجل يجيب الولاد واني نجيب البنات.. وناضت متعفلقه ركبت غرفتها عطول رن الهاتف
اينور: ايوواه
هشام ف صوته فرح: قرو الفاتحه

اينور ضحكت: تو بيدفنو يعني

هشام ضحك: الحق فيا متصل كلهم يشوفولي بنظرة عارفين نكلم فيك
اينور ضحكت
هشام: بنصكر خلاص باي
اينور ضحكت: باي.. وصكر الخط
ومررر الايام وجت ليلة الحفلة
اينور ف الكوافير وطبعاا ز ماقلت مدينتهم مانعينهم يلبسو فيلو فا لبسة قفطان كبير رمادي بس هادددي يعني قريب للابيض ومع تسريحه ملكيه وميك اب ملكي

ولانه معندهاش خوت طلعها هشام لـ كان لابس بدلة سوداء ستايل

بس مش داير عرس يعني دايره عائلي بس لانه ارمل محبش يدير عرس

اينور ركبت مع هشام وعطول فتحت الشباك
هشام صكرة: بلا هبل من اولها ريحيني
اينور: ف وحده حمارة قربتلي البخارة نخنقت بنتنفسس
هشام نزل ف للشباك شويه: مريضه؟!
اينور: لا بس عندي ضيق تنفس من الرواح القوية
هشام: بسيطه
اينور صكرت الشباك واتكت ع الكرسي: هشام
هشام يسوق: نعمم
اينور سكت سكتتت: اتصلت بـ ماما سمعت صوتها
هشام شافلها: لبنانيه صح
اينور: امم
هشام: اي شن قتلك
اينور تنهدت: مكلمتهاش قالت الوو صكرت الخط(وتتكلم بتهزيب) وصحححت الوجه رصيدي مشي ف كلمت الوو
هشام ضحك: مش طبيعيه اني متاكد
ووصلو ونزلو
وكان عندهم صالة كبيرة نفسها لدارو فيها بيان هدى دخلها هشام وقربو يسلمو عليهم وزغاريط
يوسف فرحان: حقه بتسكني عندي
هشام ضحك: عينك هادي ليا انت مزال

اينور ضحكت: تعاركو عليا ونبي
وبعدد سلمو وهدرزو
هشام جي طالع

عفاف:وين وين؟!
هشام استغرب:بنركب نغير
عفاف: ركب مرتك
هشام: يام من الاخير فوتيه جو عروس وعريس اني مش بنقعد رابطها فيا تبي تركب مرحبتين
اينور ضحكت: اي شاكرة بصل اني
كلهم ضحكو
هدى ضحكت: طنجرة ولقت غطاها
هشام: قصدك اني نشبه لهادي
عفاف:لا ياودي هي قعده احسن
اينور ضحكت:زيدو امدحوني زيدو
كلهم ضحكو
هدى:ماتتعوديش حبيبتي
هشام : هي نوضي
اينور ناضت سلمت عليهم وركبت
اينور تشوف ف الحوش:علاش هكي مكانش هكي علاش غيرته
هشام خش طول: مزاج..وخش دار النوم
اينور تتفرج ع الحوش كان متغير كلللله كلله خشت المطبخ تشوف ف السفرة لـ الطاولة طلعت قربت لـ غرفة النوم ونفتح ف وجها
هشام لابس توتة سوداء:خشي…ومشي لصالة
اينور حولت الكاب والكعب فتحت الخيوط متع قفطانها لكن السلسال مباش يتحول غيرت ملابسها لبسة بيجامه مستورة بيضاء وطلعت بمكياجها:هشام
هشام شاد الهاتف:هااا
اينور شدت السلسال:مباش ينفتح تفتحهولي
هشام فكها ضحكه بهستريا
اينور تعصبت: ف شي يضحك
هشام:هههع جو اغراء وهكي
اينور تعصبت شدت السلسال قطعاته وحدفاته عليه:اغراء قهرتك ياكلب شد هدا سلسال امك هدتهولي وكان قتلي خيره بنجاوب بصددق وبنقوللها شن قتلي
هشام قام السلسال: هدية من امي وهكي تقطعيه؟!
اينور: الصكارة متعه قعده مصكره اوينه افتحها ولا العب بيه شكشاكه..وخشت للغرفة
هشام تعفلق خشلها وكانت تمسح ف مكياجها عيونها سوود
اينور شافتله كيف يشبحلها ضحكت
هشام: مشاء **** ستوك صافي
اينور خشت للحمام غسلت وجها كويس وطلعت:اينور الاصليه تراا تراااا
هشام ضحك:كان خليتيه احسن ساتر الحبوب والشامات والارهاق
اينور: برا اغسل عيونك بـ ديتول
هشام قلب عيونه بملل: تعشيتي؟!
اينور بكسل:لا
هشام:تمام نطلع نشوف شي ناكلو والحقيني

يتبع ………

الجزء الرابع عشر من رواية جعلني انثي​

اينور خشت للحمام غسلت وجها كويس وطلعت:اينور الاصليه تراا تراااا
هشام ضحك:كان خليتيه احسن ساتر الحبوب والشامات والارهاق
اينور: برا اغسل عيونك بـ ديتول
هشام قلب عيونه بملل: تعشيتي؟!
اينور بكسل:لا
هشام:تمام نطلع نشوف شي ناكلو والحقيني.. وطلع للمطبخ
اينور فتحت الدرج تحط ف مكياجها ف الدرج بس شافت روج لـ شراته غالي

اينور: هدا علاش غالي (فتحته ودارت منه) يهبلل … لكن مش وقته (خدت المزيل تبي تحوله مباش

اينور فنص ف المرايا) مش وقت تقيس غلاك .. حاووولت حاولتت وهو شييي مباش يتنحى

طلعت للمطبخ دايره روحها عاديه
هشام واقف جنب التلاجه يشرب ف مشروب ويشوف لتلاجه يطلع ف حاجات عشان يتعشو
اينور قربت لتلاجه تشوف فها فها حاجات خفيفه يعني تلاجة عريس
اينور: شن هدا انا مانشبعش بلعفن هدا
هشام يطلع ف بريوش وحطهم ع الطاولة
اينور: اسمع انا جعانه ومايمشيش معاي جو الاتراك هدا
هشام شافلها بدون تركيز: انا هني راجلك مش خادم (ونزلو عيونه ع الروج) شن العفن هدا انتي مسحتي الاول ودرتي ستوك تاني و… قاطعاته
اينور تعصبت: بطلل تقول ستوكك لو سمحت… قاطعها
هشام قام حاجبه: شن اسمه مالا
اينور شافتله نظرة حاده وقعمزت ع الرخام وتهز ف رجلاها بستفزاز
هشام شافلها تعصب: ف كرسي تقمزي عليه الرخامه ميقعمزوش علها انزلي

اينور: اهاا ز ماقالت هدى انت شخص تحب النظام وتتقررف بسرعه صح؟!
هشام غمض عيونه بعصبيه: انزلي
اينور: افتح عيونك وقولي انزلي نتزل
هشام تنهد ومتعصب شافلها واشر ع الكرسي بصبعه: انزلي وقعمزي ع الكرسي
اينور قامت حواجبها فوق بعفويه: انت تأمر فيا؟
هشام تعصب ضرب ايده ع الخامه: انزززلي … وقرب بيجبدها من فوق الرخامه
اينور شدت ف الرخامه وقال بسرعه: لو تمسني نعييط (هشام وقف شافلها) بعدين يسمعونا عيلتك يقولو انك تغتصب فيا

هشام خدي نفس بعنف: تمام مش لامسك انزلي وقعمزي ع الكرسي
اينور تشوفله: تحساب روحك ف المركز تتامر عليا؟؟
هشام شافلها: انا مافيش بنت تعاملني… قطعاته
اينور نزلت وشافتله: لم انا نقول مانبيش بريوش تقولي حاظر وتشوفني شن نبي ناكل
هشام: بلله عليك هدا لناقص و****
اينور: انا بنت ريف ونبي ناكل توا سندوتش ومعاه مشرب الاسود لفي اكس الاحمر
هشام ضحك ع جنب: بنتي هدا مشروب ولاد
اينور قامت شعرها دراته كعكه فوق قربت لتلاجه فتحتها ووقعدت تشوف: هدا هو المشروب… خداته حطاته ع الطاولة
اينور شافتله:نبي خبزة
هشام يشوفلها بعصبيه: راك بنت تعلمي الاونوثه
اينور شافتله: الخبززه وين؟؟
هشام تعصب حط البريوش بقوه ع الطوله وطلع
اينور قعدت ادور ف خبزة لقت خبزة تورتيلا بس

خدتها دارت سندوتش جبنه وطلعت كانت بتخش لغرفة النوم بس سمعت التلفزيون ف الصالة خشت الصالة

هشام كان غفيان ع الكنبه شافها خشت
اينور بلطافه تاكل: تصبح ع خير

هشام غفيان: اينور طفي الشاشه
اينور نقلب مزاجها وتعصبت: بطلل تتامرر
هشام فتح عيونه: وين التامر ف الموضوع لو قتلك طفي المصيبه
اينور شافتله بستفزاز: مش تامر صح وله؟؟ خلاص معناها طفي الشاشه… وطلعت بستفزاز
هشام شافها طلعت ابتسم مع ضحكه خفيفه.. ناض طفى الشاشه ورقد ف الصالة
اينور اتكت ف دار النوم لكن مقدرتش ترقد قعدت تتقلب تتقلب لعند جت الساعه 4:10 طلعت للصالة لقاته راقد جابت شرشاف غطاته ورجعت لدار رقدت
..
لعند تاني يوم
هشام للمره المليون ينوض ف اينور
هشام لابس ومتانق تعصب: تعرفي بنطربقك كف راه نوضي بلا مياعه
اينور مغمضه عيونه: جرب اضرب
هشام: راهو صباحيتك اليوم انا انوض فيك لانه صباحيتك مش باش تمشي للمدرسة نكلمم فيكك
اينور فتخت عيونها متعصبه: باهي شن بندير ف هليوم السعيد شنوو
هشام شافله بتفنيصه تخوف
اينور شافتله بلعت كلامها: اهاا اي انا تزوجت نضت نضت.. نضت وقف
هشام قرب للمرايا رش عطره: تلبسي وتنزلي(قرب للباب بيطلع) بعتولنا فطور ف المطبخ.. وطلع
اينور: هدا خيره لابس اسود تقول متزوج ساحره
هشام علباب يعدل ساعته ضحك وطلع
اينور خشت لدوش ولبسة ونزلت لابسة قفطان قفطان وردي هادي لونه مع وشاح ابيض وكندره بيضه و مكياج خفيف

نزلت شافت يوسف يلعب ف الجنان
اينور: وسيفا
يوسف جاها يجري: نور
اينور شدت ايده تعلا نخشو شمس عليك العب ف العشيه ف الظل باهي
يوسف شد ايدها
وخشو
كانو يهدرزو ف الصالة ومنسجمين هدى اخته وهشام وهديل اخته وسهام مرت خوه وعفاف امه قعدو يشوفو ف اينور خاشه مع يوسف وفرحو
بس هشام خطرت ف باله عطول رتاج مرته المتوفيه ناض: انا ماشي لجامع… وطلع
هشام ركب ف السياره شد الدومان: علاش شفتها رتاج معقولا تكون ز رتاج معقولا تطلع ز اللفعه رتاج خاينه وكذابه وساقطه ووسخه (ضرب الدومان) ويكون هدا كله تمثيل (تنفسس) معقولا !!
..
وفي اماكن تانيه اشخاص ركباتهم ناار
نسرين لتخطط
ومؤيد لـ نايض راسه مصدع لانه شارب امبارح لين مطفي
..
رجع هشام من الصلاة
حطو غداهم مع بعض ع سفره وحده عفاف و هدى واينور وهشام ويوسف والباقي روحو طبعا
يوسف ياكل بس يطيح ع ملابسه
اينور: نوكلك انا باهي
يوسف حط كاشيكه وبدت توكل فيه اينور
هشام رجع شافها رتاج توتررر ناض قبل ماياكل وطلع
كلهم شافوله

عفاف: خيره
هدى: رجع وجها مقلوب من الجامع
اينور توكل ف يوسف
عفاف: اينور سلم بنتي نتعبك اركبي شوفيه بعد ماتكملي غدي
اينور توكل ف يوسف لعند قاللها شبعت ناضت وركبت بس بجدد كانت مهتمه تعرف خيره خشت لقت المزهريه لفي الممر مكسورة خشت ببهدؤ: هشام
هشام كان ف الصالة متعصب مجرد مسمع صوتها طلع ز المتوحش ضربها ع كثفها لصقها ف الحيط وجهاا احمرر عيونه مدمعات حمرر: انتي لشني تبي توصلي
اينور خافت بجدد وتشوف ف عيونه سكتت تواني وقالت بهدؤ: انا شن درتت !!
هشام متعصب بس فاق ع روحه بعد شوية من علها مسح عيونه بعنف بكمه تنهدد
اينور اول مره تشوفه هكي قربت لمست كتفه: انت كويس؟
هشام شافلها: انا تزوجتك لاني شفتك بريئه بحركاتك الطفوليه هدا لخلاني نوتق انك مش رح تغدري بيا
اينور نصدمت من كلامه نزلت ايدها: هشام خيرك انت متعصب من… قاطعاها
هشام بصوت عالي: بطططلي تتكلمي هكككي معاشش تشووفيلي بنظظظرات… وسكت
عفاف وهدى لوطى يسمعو ف عياطه بس مش مفهوم شن يقول
هدى: اول يوم هكي
عفاف: ماتدخليش بينهم
يوسف: نور مكلتش هو يعيط علها نمشي نجيبها.. وركب
هدى مشت بتشد يوسف متخليشي يركب بس هرب وركب
عفاف خافت: خليه خلاص خشي
اينور خافت ايدها رجفو: فهمني انا بشنو ضايقتك احكيلي ووعد معاش نعاودها بس ماتتعصبش انت
هشام عيونه حمررر تكلم بصوت واطي وبعصبببيه: بطلللي تتكلمممي بطريقه هادي بس
اينور عيونها دمعو: انت ماتبينيش صح !!

هشام قعد يشوفلها
يوسف فتح الباب وخش: بابا
هشام شاف يوسف: مع اني بوه بس صدقيني (شافلها) لو نقولك نكرهاا ف ددمم نتمناه يموت اليوم قبل غظوا
اينور بدون مبالاه حطت ايدها ع فمها ونزلو دموعها وسكتت
هشام طلع وقربع الباب
اينور حولت الكندر وخشت لغرفة النوم قعمزت ع السرير ونزلو دموعها يوسف خش
يوسف يشوفلها: نور شن درتي علاش ضربك
اينور تشوف ليوسف بدت تبكي مدتله ايدها وجاها حضناته وقماته ف حضنها وتبكي
يوسف يشوفله كيف دموعها يطيحو: ماتبكيش خلاص بعدين نكلمه انا باهي
اينور باسته وتبكي: ياعمري انت نحبكك انا وسيفاا
يوسف قعمز يمسحلها ف دموعها بيديه الصغار: باه خلاص ننزل نحرش فيه حنينه باهي
اينور تبكي: ياعمررري
وقعد ف حضنها لعند رقد
اينور غيرت ملابسها لبسة بيجامه مستوره سروال ونصكم وفتحت شعرها وقرباته لها وحاولت ترقد وهي تذكر ف كلمة هشام لزي السمم (مع اني بوه بس صدقيني نكلها ف الدم نتمناه يموت اليوم قبل غظوا)
قعدت الكلمه ادور ف راسها لعند رقدتت
وقعدو راقدين ركبت هدى طقطق بس ماسمعاه حد نزلت
لعند جي المغرررب
هشام روح خش لقي المزهرية قعده مكسره ف مكانها خش شاف الضي مطفي كله فكرهم لوطى خش غرفة النوم ولع الضي وشاف ولد يوسف راقد ف حضن اينور ركابته نارر قرب بدون عقل بيقيمه بياخده من جنبها بس فاقت اينور
اينور بصوت ناعس وقعده مش فايقه كويس:خليه
هشام شافلها تعفلق قامه وبعد ببيطلع بيه
اينور فاقت قربت جت قدامه: انت جنييت وين واخد الولد.. قاطعها

هشام متعصب: هدا ولدي
اينور عيونها دمعو قربت بتاخد يوسف: انا نخليه معاي ووعد مايضايقكش بس متاخداش حرام عليك
هشام تجاهلها وطلع من الدار
اينور بدت تبكي لحقاته ف الممر: هشام بلله عليك خليه هدا ولدك
يوسف بدي يبكي
هشام تعصب شافلها بنظره

: ولدي خلاص هدا ولدي انتي مليكش علاقه بي فيته بعدي
اينور تبكي: باه اسمعني الولد خايف عطيهولي نعشيه وانزل يبات مع هدى بس متلوحاش بطريقه هادي بلله عليك
هشام متعصب: انتي شن ليك علاقه انتي متزوجتيني انا بس مليكش علاقه بيه ماحد طلب منك تهتمي بيه اساسا مش رح يكون بينا
اينور تعصبت حاولة تاخد يوسف منه ليبكي بس دفها
هشام نزل يوسف شده من يده بعنف: شوفلي انت تمشي تنزل لـ هدى ترقد عندها سامع وجهك معاش نشوفه
يوسف يبكي شد اينور: نوور

هشام بصوت عالي: انزززل .. قرب فكه من اينور فتح الباب طلعه وصكر الباب
اينور حاولة تشد يوسف بس هشام دفها للارض وصكر الباب ع يوسف
اينور وقفت وهي تبكي هجمت ع هشام ضربته كف: نفس الكلاام ونفس الحركااتتت ونفس الوساخهه (هشام شافلها نتعصب) لصار اليوم نفس لدارتهولي امي نفس كل شي ياهشاام
هشام: عيشته معاي خمسه سنين من ولادته معاي نكرهاا بسبب امه .. قاطعاته
اينور تبكي: واني امي لوحتني وربتني ام مش امي (قامت صبعها بتهديد) ومش رح نخلي السيناريو يتكرر مع يوسف سامعني
هشام: تطلقي وتتلوحي ميهمنيش ردي بالك تفكري انك عندك قيمه عندي ف الدقيقه هادي مستعد نعطيك كلمتكك سامعه
اينور نصدمت من صرامته: انت كنت معيشه عندك ومعتبره ولدك بجدد علاش لم انا جيت نقلبت وتغيرت
هشام شافلها: اظميه فمكك.. وخش
اينور لحقاته: امك واختك رح يفكرو مني بتكرهم فياا
هشام: انتي من قالك بتقعدي اصلا

اينور تشوفله: انا مش هامني شي سامع … وطلعت من الحوش نزلت من حوشهم قربت بطقطق ع باب اهل هشام بس سمعت شهقات يوسف تحت درج حوشهم قربت حضناته قماته
هشام نزل يجري ووقف ف الدروج يسمع ف اينور
اينور قماته تمسح ع شعره: ياعمري ماتبكيش اسفه اسفه اسفه سامحني وسيفاا شوفلي (شافلها ويبكي) بابا متعصب مني ف حاجه انا درتها مش كويسه وهو مفكر انك انت درتها
يوسف يشهق من البكي
اينور قماته ووقفت ركبت بيه هشام ركب بسرعه خش للمربوعه
اينور خشت لغرفة النوم وصكرتها بلمفتاح
هشام صكر باب الحوش وقرب للمكتبه خدي مفتاح الاحتياط متع الغرفة قرب بيفتحها بس وقفه صوت يوسف
بعد ماهدي يوسف ومسحلتها دموعه
اينور: وسيفا انت راجل وكبير توا انت تعرف انه بابا يشتغل عشانك وكبرك وقراك بروحه
يوسف بصوت واطي بطريقه بريئه: باه قوليله معاش يعيط عليا
هشام يسمع فيهم
اينور: لم تشوفه يعيط علينا احظنه باهي
يوسف: امممباه
هشام رجع لصالة وحط المفتاح ع الطاولة قدامه وتكى يشوف لسقف

فداخله يقول: علاش لم تزوجها بديت خايف انها تكون ز رتاج… وقعد يفكررر لعند مارقدد

يتبع…….

الجزء الخامس عشر من رواية جعلني انثي​

هشام خداه النوم
بس اينور مرقدتش ويوسف حاضنها وخايف
يوسف: نور
اينور ابتسمت: عيونها نور
يوسف: مش كويس هشام صح؟
اينور سكتت تواني: عيب تقول هشام
يوسف: هو يقولي قول هشام وحنينه عفاف تقولي قول بابا
اينور معرفتش توصله الفكره لانه عيل
من الملل لـ ساعات ف الدار عطت لـ يوسف هاتفها يلعب لانه مللل وفتحت الباب توضت وتجهزت لصلاة صلة وطلعت للمطبخ تجهز شي ياكله يوسف بهدؤ عشان مايفيقش هشام وتتحرك بشوية
شافت الساعه ع الممر كانت الساعه 2:40 ف اليل
يوسف تصكر عليه رمز الهاتف ناض يجري وينادي بصوت عالي: نووور
اينور خافت ينوض هشام مشت تجري لـ دار: بابا راقد يوسف معاد تعيط.. فتحتله الهاتف ورجعت شافت هشام رجعت لدار جابت غطا غطاته
هشام فتح عيونه فاق
اينور غطاته وطلعت بدون ولا حرف رجعت للمطبخ خدت عشي لـ يوسف خلاته يتعشي ع السرير ورقدت ع جيها التانيه وعاطيه ليوسف وللباب بضهره ومتغطيه كلهااا
وجعها خاطرها ليش من اول يوم هكي
هشام لم غطاته ناض قعد سرحان دقايق ف السقف بعدين ناض لدار النوم وقف جنب الباب تواني ساكت
هشام معرفش شن يقول قعد يدور بعيونه ف الدار وكانه كلامه رايح منه ويدور ع كلمه وحده بس كفيله انها تفهم اينور ليش يتصرف هكي قعد ساكت ويشوفلها كيف متغطيه كلها وجنبها يوسف ع السرير ياكل ويلعب بهاتفها
يوسف كمل اكله طبطب ع ضهر اينور: تميت يانور
اينور بعدت الغطاء وتلفتت قامت السفرة من السرير كانت ماتبكيش صح بس عيونها حمر انتبهة انه هشام ع الباب بس نزلت عيونها وطلعت عادي جدا وهو بعدلها خلها تطلع
هشام تنهد ببطىء قرب ليوسف: هات الهاتف ليل امشي ارقد
يوسف مدله الهاتف وناض طلع

اينور شافت يوسف طلع من الدار: وسيفا
يوسف ابتسم: بنرقد انا حطيت هاتفك عند بابا
اينور ابتسمت: اممم تمام تصبح ع خير
يوسف خش داره
اينور لحقاته ولعت الضي غطاته كويس وطلعت
هشام كان متكي ع السرير ويتصفح ف هاتف اينور
اينور خشت مجرد مشفاته تعصبت: انت شن تحس؟!
هشام استغرب عدل تقعميزته: اسف لو ضايقك الشي هدا… وسيب الهاتف حطه ع جنب
اينور (عرفتو الشعور كيف تبدي تبي تتكلمي بقوة بدون دموع وتحاول بكل مافيك تحبسي دمعتك ويفضحك صوته وتنزل دمعتك

) حاولة تسيطر ع صوتها ودموعها ف البداية: انا نبي شي واحد بس منك تمام وتنفده بضمير مش لاني انا طلبته
هشام متكي بهزوة قام حاجبه: ضمير؟!
اينور تفست بعمق عشان تحبس صوتها: اول مره شفتك فها لم دافعة ع ولدك مني انا حسدت يوسف فيك ولم زدت الصدف تجمعني بيك وقتها بديت نتعلم منك كيف نتقوى ووقت سمعت بـموت مرتك وقتها بس حسيتك رااجل انك مظلمتش ولدك (خسرة اينور ونزلت دمعتها) بس لم بديت فرد من عيلتك وقتها عرفت انه قداش وحده غبيه … قاطعها
هشام يشوفلها كيف تبكي تغير صوته عدل تقعميزته: فهميني انتي شن واجعك الولد يقربلك ولدددك؟؟؟
اينور قربت وقفت قدامه: ولدك مليشي علاقه بـ لدراته امه افهم ومع هدا انا تزوجتك ومانعرفش ولا حرف ع رتاج مرتك المتوفيه ومهما كانت دايره رااك اب
هشام تعفلق وقف: انا حسيت انه انا تصرفت غلط وكنت بنعتذر ع اول يوم معاي لكن الباين انه… قاطعاته
اينور مسحت دموعها: نقولك حاجه انا مش غصباتك تتصرف كيف مانبي انا بلعكس نبيك تتصرف برااحتك بس اذكر الكلمه هادي لم تبي تظلم ولدك كيف مانظلمت انا مش رح نوقف معاك
هشام قعد ساكت ويشوفلها
اينور تبكي: لو انت قوي ووواوو وانا راااجل وابصر شني اظلمه واضربه ولوحه بس
هشام: اينور ماتدخليش افضل
اينور كانت تبي اديرله اي لقطه تخليه يحس بولده: بوك **** يرحمه هكي رباك؟!

هشام تعصب: انتي شن ليك علاااقه
اينور شافتله نظرة حاده: حيططط حيططط.. خدت هاتفها وطلعت لصالة
فتحت الضي قعمزت ف الصالة دموعها ينزلو فتحت الهاتف لقت رسايل من اختها رجاء بدت تقرا فيهم
هشام بعد شعره للخلف بعنف: انا كنت متريح .. طلع لصالة
هشام وقف ع باب الصالة يشوفلها
اينور شافتله ونزلت عيونها للهاتف
هشام واقف ع الباب: اااءءء فاتو تلاته شهور وهكي او اربعه مانعرفش
اينور تبكي: امبحح هشام
هشام يحك ف لحيته بثوثر: قالتلي وقتها رتاج انها حامل وفرحت هلباا وقتها (اينور بدت تسمع وعيونها فلهاتف) وبعد ايام يومين ولا تلاته تعاركت مع امي وقعد لليوم مفهمتش منهم من الغالط يومها طلبت مني نمشو لتونس وانها مضايقه وهكي وتتوحم ومش عارف شني وخديتها لتونس (شاف اينور) شوفيلي
اينور شافتله وساكته
هشام يشوفلها: ومن لم وصلنا تونس صكرت راسها مبتش تطلع ولا لمكن قعدت ف الشقه ف عمارة والشقه مافاها شي يعني اثاث بس كل يوم انا نطلع نجيب حاجات نكلوها اوهي توصيني ع شي وهكي وكان جنب العمارة بزبط ف محل وكان فيه شيباني كبير هلبااا ومعاه شاب المهم تعرفت عليهم وهكي وارتحتلهم لنمم (تغير صوته) اححممم المهم حكيتلهم انه انا ليبي وهكي لكن محيتلهم شي من معاي او حاجه خفت ع مرتي وقتها وفي يوم كنت محصلها مرضه قعدت ف الشقه ومطلعتش رتاج بدت تنق وجاعت وهكي وعبتلي راسي انه خاطرها ع حاجات. وهكي وطلعت نشري ف الحاجات لطلبتها اتصلت بيا ف الطريق وانا مروح قتلي انت مروح قتلها اي تبي شي تاني قتلي لا بس تاخرت عليا وصكرت علها وانا خاش للعمارة جاني الشاب ليخدم ف المحل لجنب العمارة وقالي انه العمارة هادي جديدة مايسكن فها حد غيرك انت وانا وبوي وامي وخواتي انا استغربت جاني الشيباني قالي انه كل مانطلع اني ف واحد يخش للعمارة ولم انا بنروح يطلع الشخص هدا يومها لو نقولك كرهت الشيباني والشاب وحسيتهم ناس وسخه وركبت لشقه كانت عادية جداا كذبت الاشخاص هادم وصدقت مرتي بسس مجانيش النوم وانا طول اليله هديكا وانا نتفرج ع رتاج معقولا؟!
تاني يوم الصبح ناضت رتاج نضت لبسة حاولة بكلل الطرق نطلعها معاي بس تسبله انها مريضة ورجلها ودشيشه فاضيه قلتلها انه بندهور اليوم وبنتغدى برا ومرات نروح المغرب وقعدت مركز ف ملامحه مشكيتش فها بككل بككل ونزلت وخشيت للمحل متع الشيباني قتله بنقعد عندك وبنشوف كلامك
الشيباني وقتها قالي كنت تقدر تكدبني وماتصدقني بس العمارة هادي جديدة ومايسكن فها غيرك انت وعيلتي بس وشاب ليجي ف غيابك رح يكون قريبك
وقعدت ف المحل دخان ورا دخان لعند الظهر اتصلت رتاج قتلي انا ستاحشتك ودلاع $$$$$ وماتتاخرش قلتلها معطل بنروح المغرب قتلي باهي وقتها سكرت علها المهم بعد المكالمه بنص ساعه مقعمز ف المحل خداني النوم ع الكرسي لعند نوضني الشيباني ووراني الولد لخش العمارة كان من جيلي ف فمه دخان

قالي الشيباني انت معاك العويله ولا بروحك وقتها نسخططت قتله مرتي فوق
الشاب لمعا الشيباني قالي زيد شوية واركب عطول وقفت وركبت للعماره فتحت الباب بلمفتاح عادي واول ماخشيت ناديتها كنت مش شاك فها بكل كيف قربت من الصالة لمحته مقعمز بس جامدد ف مكااانه وهي جنبه
اينور قررفتت وقفت: خلاص خلاص معاش نبي نسمع الباقي خلاص
هشام عل صوته: الولد لشديته معاها كان من عيت التجار يعني خو الشخص لخديت بطاقته منك تذكري ف زياد التجار متع المخدارات
اينور رمشت عيونها: هدا تشبيه؟! تشبه فيا بـ رتاج؟!
هشام: ابدا بعدين لو حسيت 1%انكتشبهي رتاج مكنتش غلطت نفس غلطتي الاولة وخديتك
اينور شافتله بنظرة حاده: قصتك متغفرلكش ومع هدا كله يوسف مليشي علاقه
هشام ضحك بـ ابتسامه: لعند اليوم نربي ف ولد مانعرفش هل هو ولدي اولا وهدا كله عشان كلام الناس
اينور: كيف يعني؟ نفس الحركات والشبه وقعد شااك
هشام: خديته من لم شفته ف الحضانه مش مستني نشوف حركاته او شبه لبينا ومش عارف شن لخلاني نشوفه ونمشيله يومها
هشام ابتسم: وجعك تكشيخي ع يوسف لو كنت منحباش او مش معتبره ولدي كنت خليت نسرين خالته تاخده ومع هدا امه سبب وفاة بوي يعني بوي متوفي بسبب رتاج نجللط بسبب ام يوسف وتجيني انتي وتعلميني كيف نربي ولدي
اينور تشوفله وساكته
هشام ابتسم: قالك انه هشام قالي معاش تناديني بابا لانه لم نتعارك معاه ومايسمعش كلامي نقوله معاش يكلمني ومعاش يناديني بابا (ضحك) حلوة منك كيف ادافعي ع يوسف كنت نستفز فيك
اينور مسحت دموعها: نحس ف روحي ف برنامج الصدمه

هشام ضحك: التفاهة
اينور قامت هاتفها تلبكت: جاييني رسايل من رجاء من بكري بكرا نكلمها
هشام: بس مع هدا خايف منك
اينور ضحكت: مرتك ذكيه كان بنخونك انا ننفح .. قاطعها
هشام يتكلم بجديه: هي مهمتنيش ومقتلتهاش وماتت موتت ربها بس انتي نقتلك
اينور شافتله حساته يتكلم بجديه من نظراته من الخوف : بااه
هشام ربط يديه ببعض: انتي بديتي مرتي توا ياحلوة الباردة وخفت الدم الهبال تم

اينور فتحت عيونها ع وسعهم: صحح ف شنطه امي عطتهالي فها هداية ليا مشفتهمش… مشت تجري خشت لدار
هشام لحقها: الساعه قريب التلاته الفجر غضوا شوفيهم ارقدي توا
اينور قعمزت ع لارض وقدامها الشنطه فتحتها فها بوكسات بدت تفتح فتحت الاول لقاته تاكم متع كاسات عصير
هشام ضحك
اينور شافتله: اضحك اضحك الذوق متعهم محروق طالعه ريحته
فتحت البوكس التاني وطلع تاكم كاسات قهوة
هشام ضحك من قلبه
اينور شافتله متعصبه
هشام ضحك: متزعليش روحك تو نشريلك دولاب ونحطوهم ف المطبخ تحف

اينور فتحتهم كلهم وكلهم هداية ع الفاضي
هشام سكت طبس: عادي المهم مذكرينك
اينور شافتله: خيرك تتسهوك انت قصدي عادي حلوات هما
هشام يشوفلها ضحك: حاولي انك تحبيهم

اينور وقفت متعصبه: ف حد ف الدنيا يهدي صحون وكاسات ياربي ف اي عصر هادم
هشام: و قدم المشكلة معليشي نرفعوهم نحطوهم ف المتحف
اينور شافتله: انت بديت راجلي بدل ماتوقف معاي وتخليني نتقبلهم
هشام ضحك: انا كان نندري علها الشنطه هادي فها هداية هكي كنت لوحتها ف الطريق
اينور تعصبت شافتله: نننننن كملت برا ارقد هي
هشام شاف لدار: انا ف داري
اينور: باه عارفه بس انا قعده متعودتش عليك
هشام رمش عيونه: كيف كيف؟!

اينور قربت وقفت قدامه: اي نعم شوف انت مش رح تقربني لعند مانقتلو نسرين

هشام: شن دخل نسرين
اينور: و**** انا شن عرفني انك ماتسيبني عشان نسرين
هشام ضحك : الحق بيدك
اينور: اخرتها تحب وحده سوداء وصفراء ضااقت كان بتحب حب وحده حلوة مش نحلة ز نسرين
هشام: بس النحله اطلع ف عسل
اينور: انت وسخ

هشام: الالفاظ هادم ماينقالوش ليا ينقالو لـ حبيبك حاتم الاول
اينور: اممم انت متحبش حااتم
هشام قرب رقد ع السرير: ميت ع منظره
اينور تلفتت شافت هشام: شن قلة الذوق هادي نوض
هشام: بجديات انا جسمي يتعضل يابنتي لو تبي ترقدي وجهك وصالة
اينور قربت لقاته مغمض عيونه طبطبة ع كثفه: اسمع سلمك لمك يوم بعد يوم راه
هشام مغمض عيونه وع اساس راقد
اينور علت صوتها: غضواا انااا تسمع فيا افتح عيونك قول باهي
هشام

اينور شافت طاسة المياه ع كوميدينه من عشي يوسف خدتها صبتها ع وجها وطلعت
هشام قعمز متعصب: يلعنن… وناض لصالة
هشام: بلا حركاتك مفرخ راك متزوجه
اينور: شن يعني متزوجه قصدك بتبدو تاندولي فها شن دخل زواجي بشخصيتي
هشام: ريت هلموناليزا شخصيه و****

اينور هربت لدار تجري: بنبدل حويجي بلله
هشام دف الباب: لصالة
اينور: نوووو ببنبددل
هشام خودي حوايجك ووللحمام
اينور قربت لدولاب خدت قفطان نوم واسعع لعند الركبة نص كم: مانحبش نبدل ف الحمام اطلع
هشام: دقيقه بس .. وطلع
اينور بدلة وطلعت لابسة القفطان وفاتحه شعرها وقصيرة

هشام شافها ضحك: كيوت ناقصه الشخشير متع الرفرف متع ******* وتوكه بودريه
اينور: اقعد هني انا بنرجع… جت بترجع ناض جدها
هشام: لصالة طيري نوم العوافي.. وغمزلها وجي بيخش
اينور شدت ايده: اسمع يوم بعد يوم باهي
هشام: اممم لو بديتي انثى وبلا هبال حاظر.. وخش
اينور مشت لصالة دارت منبه الساعه 10:00
.. تعالو تاني يوم
ع الساعه 10:00 بدي المنبة يضرب هلبااا
فاق هشام من داره
وعفاف تسمع ف المنبه من لوطى
ويوسف فاق
واينور قعد راقده
هشام انزعج
يوسف مشي لـ اينور حاول يصكره بس مايتصكرش الا ببصمة اينور رفعه لبوه
يوسف خش لبوه ينق: يابابا صككررره
هشام قعمز متعفلق خداه بس مباش يتصكر ناض متعصب خش الصالة بتكشيخ: يامصيبببه
اينور راااقده

هشام شد يدها دار المنبه وسكت قعد يشوفلها شاف يوسف: جيب طاسة اميه
يوسف مشي جاب طاسة اميه ورجع عطاه
هشام شرب منها وصب الباقي بتدريج ع وجه اينور
فاقت مخلوعه طاحت من ع الكنبة وقفت متعصبه: شن هداااا ياعم
هشام بتكشيخ اشر ع يوسف: شوفي الولد نوضتيه من نومه
اينور شافت يوسف وشاف هشام: انت مش عجان الولد انت ترد ف الميه تو تشوف باه… وخشت لدار فتحت الدولاب تاخد ف حوايج خدتهم وخشت لدوش
…
نسرين قعمزت مع امها: ماما نمشو نباركو لـ عفاف عشان… قاطعتها
فايزة: هبلللتي
نسرين: ماما مهبلتش بس بنشوف يوسف ولد اختي النم ماستاحشتيش ولد بنتك ونكلموهم يعطوهولنا
فايزه: مره تاني مش ليوم
….
هشام خش المطبخ: تعالا يوسف تفطر
يوسف خش: في روضه اليوم
هشام: الروضة لكسرتلهم المرش لزوك بنسجلك ف وحده تانيه تعالا افتح التلاجه خود عصير
يوسف عاطي بضهره وياخد ف عصير
اينور خشت للمطبخ شعرها مبلول لابسة قفطان لركبة ابيض نصكم
هشام شافلها شاف يوسف انه مشافهاش طلع وجبدها لدار النوم وصكر الباب
اينور: اااي ايدي
هشام: انتي متزوجتيني انا مش يوسف
اينور: شن تقول انت
هشام معرفش شن يقول: كيف بنقولك انا نقولها وانتي حاولي تفهمي صح اوك
اينور: نشاء**** خير
هشام: انتي مرت اب فهمتي يعني يوسف لم بيكبر بيذكر شن لتلبسي فيه ليا
اينور ضحكت: لااا ووتق م نفسك حبيبي البنات كلهم يلبوس ف قفاطين لو اول مره تحضر بث مباشر يعني مشكلتك
هشام ايده التفت وراى ضهرها: عيب اسمه بث مباشر او ريلز او ستوري فهمتي ياحلوة
اينور تتحسس ف ايده لـ وراى ضهرها: صح عيب نسيت
هشام: البسي اطول منه وواسع يكون
اينور دقاته: حول حول شن هدا عيل هدا مايعرفش
هشام: نعررف باش تفهمي الولد مش فاهم حتى انتي ليش تباتي عندنا خليه. يستوعب انك مرتي بعدين ساهل نتكلم بنقلاديشي انا
اينور: اهااااا صح صح لايك
هشام تعصب: لايك شني االنم… وطلع للمطبخ
رجعت لبسة توتة صيفيه وردية تيشرت وسروال وشعرها كوده مع روج وردي

رجعت للمطبخ
اينور: صباح خير
يوسف مقعمز يفطرضحك: صباح النور
هشام يفطر بستفزاز: حلوة النومه؟!
اينور: حسبي ونعم الوكيل ف لـ كان السبب
هشام شرق بدي يكحح
اينور شافتله بصوت واطي: لجهنم
كملو فطور
هشام: اليوم بعد العصر جايين متعاين هدى مش تنزلي ببجامه
اينور: قالتلي هدى كان تسكت خير انت
هشام ناض
اينور غسلت الماعين وتهدرز مع يوسف
اينور: انت استاحشتهم
يوسف: اي خيره ماجو قعدو عندنا معاك
اينور ضحكت: لم يتزوج بوك مره تانيه نشاء****
طقطق طق
هشام طلع من الدار خش المطبخ: انا طالع مش جاي ع الغدي تغدو لوطى مع امي لو تبو
اينور سرحت فيه وهي ع الكرسي ادخل ف الكاسات ف الدولاب: سؤال؟!
هشام بهتمام: نعم
اينور: انت لبسك كله اسود ز نيتك
هشام: مفضاني واقف نسمعلك

يتبع …….

الجزء السادس عشر من رواية جعلني انثي​

اينور: انت لبسك كله اسود ز نيتك
هشام: مفضاني واقف ونسمعلك.. طلع

دقايق
طقطق الباب
اينور فتحت: ياهلا
هدى: شجو
اينور: تمام خشي
هدى خشت: مستعجله نبي نطلب طلب من مرت وخيا
اينور ضحكت: احححمم نسيت انه انتي بديتي حماتي تفضلي اطلبي
هدى ضحكت: مش طالعه عليا كلمة حماتي المهم اسمعي بعدين نبي نطلع انا ف حاجات نبي طالبتهم لضيافه وهكي ومافيش توصيل انا بنمشي ناخد الطلبية لكن نبي منك تنزلي تلهي امي لاني ماشيه بدون علمها لانه لو قلتلها مش رح تخليني
اينور: بس ياهدى مذكره انه خوك شرطي يعني يدورو ف شعره عشان يلوو ايد هشام باها
هدى: نعرف بس انا قد روحي كبيرة بناخد الطلبية ونجي
اينور خافت: هدى انا مش خايفه من هشام صدقيني بس خايفه عليك انتي
هدى: عارفه هي دقايق بسرعه ونجي بلله عليك
اينور: بنقعد مع امك لوطى شن بنقولها هي مش صغيرة عشان نضحك علها
هدى: اسمعي الحل هو انه انا نقوللها انه انا وانتي بنديرو كيكه وانتي تقعدي فوق فهمتي لعند مانجي انا نركبلك
اينور خافت هلبااا ع هدى بس اقنعتها انها كبيرة وتقدر تتصرف ولبسة عباية من عبايات اينور لـ شبه قصيرات شوية

وطلعت لتاكسي

اينور قعدت تراقب فها من فوق من الشباك وهي بتموت من الخوف
وعشان تبين انه القصة بجدد مشت تجهز ف كيك لانه ممكن يصير شي وعشان ماينكشفوش
..
حاتم: شن تقول انت شن تنبح فهمني
فارس صاحبه: تزوجت البنت افهم لم كانت تحبك وتحبها رخيت بها وتوا غلللت
حاتم: تي نشبح فها بسراويل واسعه بلبس ز القهرة النم لعند مره شفتها بنصكم وبلاوشاح تجلللط يافارس
فارس ضحك: خامر قول هكي من الاول انت متحبهاش خاطرك فها بس شهوة يعني
حاتم: مش مستوعب احلا بنت ف منطقه كلهاا اينور احلاا وحده ره وخداها هضاك الارمل المعفن
فارس: حلوة معاك لكن طايشة مريضه
حاتم: تي شن بنعالجها انا نقوله نبها يقولي مريضه
..
هشام ركب مع صاحبه لؤي: كيف يعني شن قصدك
لؤي: شن شن قصدي واضحه
هشام: شن مصلحتهم معاها فهمني

لؤي تعصب: انت خيرك غبي انا شرحتلك بجميع الطرق لكن شنو انت لـ ماتبيش تفهم
هشام وقف متعصبةبصوت عالي: لانه القصة كبيرة مش لعب فروخ لازم نتاكد القصة فها سمعت عيلتي افهم
لؤي فاصل حك لحيته بثوثر ويتكلم بترجي: اسمعني… قاطعه
هشام ضرب الطاولة: انا منقتنعش بكلام ودوه فاضيه نبي ادله وانا تو نشوف ونتصرف .. تلفتت بيطلع متعصب
لؤي بصوت عالي: تم ياهشام تو ندورلك ع اي شي (هشام تلفتت شافله) مش طالب منك تصدقني انت تحسابني نفتن بينكم؟!
ياودي ماتصدقنيش باهي لكن انا بنتصرف
هشام هجم عليه شده من رقبة سوريته: تي شنن دخل فيتكك من طللب منك تتجسس اصلا شن ليك علاااقه… قاطعه
لؤي دف هشام بعنف: تي انت راقد ع وذانكك سمعت موافقة البنت وانت فرحان وتهز ف راسك و**** ماعارف حاجه
هشام هجم عليه لصقه فلحيط: كان تزيد حرف تاني معاد جايه بينا كلمه يالؤي.. ونفض ايديه
لؤي متعصب يشوفله: ياراجل بتريس… قاطعه
هشام بصوت عالي: قلنا خلاااص
لؤي تنهد بعصبيه: وطلع من المكتب
(ع منو يتكلمو؟!)
..
اينور جهزت الكيك طيباته وبدت تجهز ف الكريمه عشان تزين وهي قلبها بيطلع من الخوف وعينها ع الساعه
مررت ساعه ع غياب هدى
سمعت الباب نفتح مشت تجري بس نصدمت بـ هشام
هشام استغرب: خيرك تبحلقي
اينور: لاا شي نحسابك يوسف.. وخشت المطبخ وهي تعض ف الشفايفها من الخوف
هشام: علاش وين بعتيه؟
اينور: لالا مبعتاش نزل لوطى لـ صغار هديل جو قبل شوية
هشام: اهاا نحسابك بعتيه للمحل او لمكان برا الجنان رد بالك.. وخش الصالة
اينور من الخوف صكرت باب المطبخ وعيونها دموعو من الخوف قامت هاتفها وتتصل بـ هدى لكن ماحد يرد
لعند سمعت هديل تنادي من لوطى
هشام ناض للبلاكونه: ايوواه
هديل: قول لـ هدى اهو هاتفها هني شكلها ادور عليه

هشام: وينها هدى هني؟
هديل: اي فوق ايديرو ف كيكه
هشام: تمام.. وخشت
هشام: هاتف هدى لوطى قوليلها
اينور شافتله وسكتت
هشام مدورش رجع قعمز يتاكد من معلومات لؤي
اينور نهارت ع الارض فاتو ساعتين والضهر اذن
هشام بدي يشم ف ريحة شي محروق: اينووورر
اينور وقفت وهي عقلها ياخد ويجب ودموعها ينزلو من الخوف ترررجفف مجرد ماتتذكر انهم قتلو خوه ومن لم تذكر شن صار من مشاكل مع هشام بسبب تاجر المخدرات
هشام ناض للمطبخ وكانت عطياته بضهرها: البندق نحررق يابنت
اينور تلفتت: هشام
هشام قرب شدها: خيرك دايخه ولا شن فيك… طفى الغاز
اينور تبكي
هشام مسحلها دموعها وطبسه عشان يقابل وجها: خيرك وجهك مولي احمر من البكي ادووي
اينور شافت البندق ع النار محروق: نحرررق
هشام: عشان البندق؟! اينور فيك شي ادوويلي احكي
اينور تشوفله تبي تقوله لكن فكرة انها ممكن ترجع
اينور خدت شهيق عشان تتحكم ف عبرتها: خايفه ماتجيش
هشام: شن تخررفي؟
اينور عيونها دموع ضرباته: خايفه ماتجيش حلووة
هشام بعد قعد يشبحلها ابتسم بضحكه
اينور طلعت للحمام غسلت وجها ورجعت
هشام قعد يضحك ف الكوجينه
اينور خشت متعصبه: اسكت اسكت انا خايفه ونرجف وانت تضحك
هشام شافلها ومبتسم: تي شن هدا انتي قالبه وجهك من لم خشيت عشان هل خمسه دحيات وطاسة السكر؟
اينور تعصبت: خليني ف حالي هشام ربي يروف بحالي انا… وبدت تجهز ف الكريمه شدت الطاوة وبزعة البندق ف الكناسة متعصبة وتضرب ف سلة متع الكناسة (اكرمكم ****)
هشام واقف ويشوفلها ويضحك بهدؤ لانه حسها مضايقه بجدد
اينور تلفتت شافتله وعيونها دموع وواضح علها الخوف: باه خيرك هكي اول مره تشوف حد خايف ويبكي بطل ضحك حراام عليككك.. وضربت الرخامه بيدها
هشام وقف ضحك حسها جديه قرب مسح ع كثفها: سامحيني خلاص
اينور شافتلها وعيونها حمرر ودمووع: خااايفه
(كان الدموع كلها عشان هدى والخوف كله بس تبي حد يهديها وتبي تبكي عشان ماتنفجرش وتحججت بـ لكيك)

هشام لمس خدها: مكنتش نعرف انك حساسه لدرجة انك خايفه ع طرف باسطي
اينور صوتها عبره وخرت وشغلة الخلاط ع الكريمه عشان تخفقها: خليني ف حالي يابارد
هشام تنحنح مدله كينكس: بطلي بكي
اينور تجاهلاته
هشام: وين هدى مش ع اساس بتعاونك؟
اينور تلفتتله بعصبيه: اختك هادي غير تجي لمنسح بها الارض نزلت بتاخد حاجه معاش ركبت
هشام طلع من المطبخ: تو انادي علها بالك نشغلت… شداته اينور بخوف
اينور مفنصه فيه: تو تركب تعالا ساعدني انت لعند ماتركب
هشام ابتسم: انا؟! شن فهمني ف الكريمات والكيكات
اينور شدت ايده سحباته للمطبخ عطاته فازو نوتيلا: شوفلي انا توا بنقولك صب تصب تمام ف الحشوة ف الدائر
هشام فتح الفازو: اوك
اينور حطت طبقة كيك ودارت الحوشي شانتي: هي صب شكلاطه… وسمعت الباب يطقطق
هشام يصب ف الشكلاطه
اينور: انت صب انا نفتح
مشت فتحت وكانت هدى دخلتها للمربوعه حولة العباية وخشوو للمطبخ عادي جدا
هشام حط الفازو: زودي كملي تمرميدك
اينور: خلي من ايدك تو تكمل هدى
وجهزو الكيك وفهمت من هدى انها كل شي فات تمام وجهزو الكيك ف الفريزز وهدى نزلت
اينور خشت فرحان لصالة: كملتت
هشام غاطس يجيب ف معلومات ع كلام لؤي شافها ضحك: مبروك

اينور قعمزت: علاش جايين حقاا اليله
هشام صكر الاب توب: نفخخ تي ماهو داير عرس عائلي مشي قالو لـ امي بنجو نباركو وبنحدادو للعرس
اينور: انا فكرت جايين عشان هدى كنت مانبيش ننزل عظامي مكسرات
هشام: متجيش انزلي نص ساعه واركبي بكري وخلي يوسف يبات لوطى تفاهمي مع هدى تخليه عندها
اينور مفهمتش: علاش!

هشام حك لحيته بضحكه: قصص زوجيه
اينور نزلت راسها ع اساس سرحانه: اهاا
هشام ناض طلع وهو يضحك

يتبع……

الجزء السابع عشر من رواية جعلني انثي​

هشام نزل طقطق وخش: السلام عليكم
هديل وسهام: وعليكم السلام
هشام خش المطبخ: يما
عفاف: خيرك
هشام: كلمي محمود يقعد مع حسن ف المربوعه انا بنطلع
عفاف فنصت فيه: انت ومحمود الزوز مشغولين وانتم الزوز غصبا عليكم بتقعدو معاه يلا هكي باش نعدل بينكم الزوز بتقعدو معاه
هشام: يما انا تو نكلم محمود تي محمود عنده خدمه ف محل اما انا عندي خدمه ف المركز
عفاف: هي ساعه اقعدو فها مع الراجل
هشام شاف هدى
هدى تكنطت طلعت من المطبخ
هشام: زمرر تمام بنقعد معاه نص ساعه وبنستاذن نطلع مدخليش
عفاف: هو جاي عشانك بـ يباركلك وبيحدد عرس اختك
هشام: نتفاهم معاه بعدين… وطلع
اينور نزلت منزله الكيك لبسة مصلية
هدى طلعت: جبتها
اينور عطتها لـ هدى: اي حطاها ف الفريز
هدى: تمام بري اركبي بدلي
اينور: تمام
هدى خشت بـ لكيك
اينور ركبت
هشام ركب: حتني بنغير بنقعد مع المصايب شوسة وطالع

اينور: نسيبك تقول عليه مصيبه؟!
هشام ضحك وخش المطبخ
اينور خشت لدوش وطلعت لبسة قفطان طويل محزم موف لونه هادي بسيط كمامه واسعات شعرها دراته ديل مع مكياج بسيط

هشام فتح الباب: اينور (شافلها مقعمزه قدام الزيانه) مسرع بدلتي
اينور وقفت: اي نادي ع يوسف قبل مايوصلو
هشام ضحك بهدؤ
اينور شافتله: خيرك
هشام: نسبة التغير 180 درجه
اينور تتكلم بجديه: ف الايام هادي 24 ساعه تشوف فيا ببجامه وشعري بكماشه عندك حق ماشفت شي
هشام فتح الدولاب: بكل الاحول طالعه حلوة

اينور قربت قدامه: شن رايك انا نختارلك المره هادي وياسرنا من الاسود
هشام: لا مره تانيه يامرتي لم يكون الضيف عنده قيمه نخليك تختاري بس هدا عادي اي شي يمشي معاه
اينور بستغراب: كيييف؟!
هشام ابتسم بجدية: لسمعتيه.. وقرب ع بلاكونة الدار: يووسف يوووسف (يوسف طلع من الحوش شافله)
يوسف: هااا
هشام: اركب اجرري
يوسف ركب يجري
اينور طلعت لغرفة يوسف
هشام طلع فتحله الباب: برا لـ نور لدارك
يوسف مشي
وهشام وقف ف الممر يعدل ف شعره ونزل

اينور غيرت ليوسف ونزل ووصلو
خش حسن مع محمود للمربوعه ولقو هشام فاها شاد هاتفه سلمو ع بعض وقعمز
والباقي خشو داخل
ونزلت اينور ويوسف خشو مع بعض سلمو ويوسف طلع يلعب برا مع صغار عمته هديل وصغار عمه محمود
وباركو لـ اينور وهكي وضيفوهم
.
.
محمود وحسن يهدرزو ع خدمه ويتعرفووو اكثررر
هشام قاطعهم: باه ياسركم كذبع بعض لهني
محمود وحسن شافوله
هشام: ماتتحملوش للبصار الباين
حسن: وانت طبعا شرطي .. قاطعه
هشام: انا ضابط مش مجرد شرطي
حسن حس بضغط تضحك ضحكه صفره: نفس بعض المهم شرطي
هشام شافله بنظره جديه: في فرق بين الشخص الينظف ف الزبالة وبين الشخص لـ ياخد ف الزبالة
حسن ضحك: بلحالتين زبال اسمه
هشام يشوفله بنظارات نااار: لو ركزت ف كلامي ولو 25% راك لميت كرامتك وروحت

حسن شاف محمود
محمود: هشام شن تخرط
حسن: انا مش جاي نقارن حد بشغل حد جاي ننوي حلال في اختكم
محمود بيتكلم قاطعه

هشام: حسن عادي تعاودلي شن تشتغل؟!
حسن اضايق: نشتغل ف الحقول النفطيه يعني نغيب ع حوشي بشهوور حاول شهر او شهرين
محمود: ربي يعاونك
هشام: شن رايك لو نقولك مشيت سالت عليك (حسن يشوفله) وحكولي قالولي انك صح تغيب بشهرين بشهر ع حوشك لكن ماحد ذكر انك تشغل ف الهندسه النفطيه
حسن ضحك بهزوه: شن مفكرني ليجي قدامي بنقوله وين نشتغل ولا كيف .. قاطعه
هشام: باه شوف انا من بكري نجبد ف الكلام منك ونوضحلك لاعلا وعسى انك تعترف بروحك لكن انت مستمر
حسن: شن تقول وضحلي باش ندوي معاك
محمود شاف هشام: ف شني مستمر؟!
هشام شاف خوه: الاخ يغيب بشهور ع حوشه يشتغل صح وماقلنا شي فها ومشنا لشارع حوشك وسالنا وعطونا كلام عليك يرفعع الراس للامانه ويشكرو ف اخلاقك وكل شي فيك تبارك **** ومش هدا موضوعنا محمود انت بنسالك سالت عليه؟!
محمود: هشام الكلام هدا مش وقته
هشام: محممود سالت عليه اولا؟
محمود تعصب: سالت عليه ياهشام
هشام: وين
محمود: هشااام
هشام: وين محمود؟
محمود تنهد: ف شارعه وجيرانه والمحلات لجنبهم وهكي وربي يبارك عليه
هشام ضحك: قوية ربي يبارك ومن برا اسال عليه الجيفه لجنبه وتعلا قولي ربي يبارك
حسن: شن المنطق هدا انت
هشام: المنطق نتكلمو عليه بعدين.. قاطعه
محمود: هشااام

هشام شاف محمود: هدا غيب ع حوش بشهور عشان يجيب العفن متعه من جمعه ف الجنوب ويجيبه ويبعيه لـ الجيفه جيرانه الشارع بلكااامل مفيهمش واحد عنده صفحه بيضة
محمود فنص ف حسن
حسن: انا مش.. قاطعه
هشام وقف: حرف واحد لا توا تنادي ع عيلتك وتطلع بكراامتك ومش كان سكتتتلك معناها خايف منك ولا من الكللابب لمعاك لا حسن عشان امك لداجل لـ ماتندري ع شي
وفعلا
قبل مايتعشو روحو وكلهم مستغربين
هشام طقطق ونادى ع امه وخشو التلاته للمربوعه عفاف وهشام ومحمود
وفهموها شن صار
وعفاف خشت فهمت هدى
هدى: باه عادي منعرفاش انا انتم لجبتهولي لكن الناس شن بنقووللهم لم بيسمعو
سهام: تي احمدي ربي لفضحوه قبل ماياخدك
هدى مصدومه وساكته
.
.
هشام ساكت
محمود: من قالك كيف زبطت
هشام: لؤي كان حابسه وشاده ع الدوه هادي
محمد: الدوه قديمه يعني
هشام: قديمه ولا جديده المهم حشاش
محمود: تي يارااجل… قاطعه
كرم ولد هديل خش… ياخالي راهو يوسف معاش لقيته

هشام ناض طلع بسرعه شد اوس الكبير فيهم: شن صار وين يوسف
اوس خايف: ياخالي نلعبو بكورة طاحت برا طلع بيجيبها
هشام تعصب قرب بيطلع شاف الكورة: اهي الكورة
كرم: يوسف طلع وجتنا الكوره من فوق السور لكن يوسف ماخشش
هشام طلع برا ويشوف
وطلعو محمود وكرم واوس برا
هشام: من وين طاحت الكورة
كرم: منعرفش
اوس: حني مطلعناش
هشام تعصب شاف محمود: دخلهم هادم
محمود دخل الصغار وخشو
هشام قعد ينادي لكن مافيش ردد قعد يدور برا ملقاشي وطلع محمود يدور معاه برا
الصغار خشو يجرو لـ هديل
اوس خايف: ياماما يوسف راح
هديل: خيركم لاصقين فيا
كرم: يوسف طلع برا ومعاش خش ياماما
عفاف طلع لجنان وتنادي ع هشام
اينور كانت ف المطبخ مع هدى يجهزو ف نسكافيه: مدوري شي احمدي ربي لحماك من واحد وسخ
هدى: اي و****
اينور: خيره كرم يبكي
هدى: خل نمشي نشوف كرم خيره والحقيني انتي لم تكملي

اينور: تمام
هدى طلعت
اينور تجهز ف النسكافيه
خشلها حد من وراها: بووم
اينور تلفتت تضحك: هدا انت
يوسف: جيعان انا من بكري هيا نروحو
.
.
هشام خش متعصب جبد كرم واوس بعنف: تعالو جاي من امتى طلع يوسف
كرم واوس يتعايطو: من بكري
هشام جي بيطلع سمع صوته
يوسف يضحك: باه نقولو لـ بابا ياخدنا لحوشكم باهي
هشام خش المطبخ: انت بتهبلني (قرب وقربعه كف)
يوسف بدي يعيط بصوت عالي
اينور تعصبت بس معرفتش شن بدير قدام عفاف وهدى لخوشو للمطبخ قامت وشاحها من كتفها لبساتها شدت يد يوسف وركبت بيه وهو شاد خده ويعيط
عفاف: لاش تضرب فيه هكي وانت تسمع ف ضحكته
هشام: مزال نوريه شن طلعه… ولحقهم
اينور دخلاته لصالة
يوسف يعيط هرب لـ داره وسيبها وقعمز وراى باب داره
هشام ركب: يوووسف
يوسف زاد صوت عياطه
اينور طلعت من الصالة: خيرك انت
هشام تجاهلها قرب من دار يوسف دف الباب وخش جبده من وراى الباب من يده: انا شن قايل؟! انا قلت ماحد يطلع برا الباب برا وله؟!
يوسف يده ع خده ويعيط
اينور قربت شدت هشام: خلاص هشام والولد خايف
هشام شافلها ومتعصب: تي نحسابه خطفوه النمم الف مره مقايل ماحد يطلع برا الباب بدون علمي وهادي تالت مره يطلع (شده من يده) جرب اطلع مره تانيه تعرف شن ندير تلاقى روحك ملوح عند خالتك الخامره سااامع
اينور تهدي فيه: هشام خلاص مصار شي
هشام شافلها متعصب: انتي مش فاهم شي خمسه دقايق لقعدتهم برا وانا ندور عليه قريب هبلت عقلي بدي ياخد ويجب مش رح تفهمي شي لانه معندكش كبدد
اينور: معنديش كبد لكن نحس
هشام طلع من الدار وهو يسب ويلعن ف يوسف
يوسف شاد خده ويبكي
اينور قعدت تهدي ف يوسف حولت كندرتها ووشاحها قماته حطاته ع السرير بدت تمسح ع شعره
هشام ف الصالة متعصب
اينور راقده ع سرير يوسف وهو ف حضنها : بابا قالك ماتتطلعش وسيفا
يوسف هدي: طلعت جبت الكوره وخشيت بسرعه من الجيهة التانيه جعتت
اينور: ياقلبي
هشام من الصالة: تعااالى
يوسف شد ف اينور
هشام: يوسسف
يوسف ناض مشي ووقف جنب باب الصالة
هشام شافله: اليوم اخر يوم ليك معاي
اينور سمعاته من الدار كانت ماتبيش تدخل بس لم سمعاته ناضت وقفت جنبه
هشام متعصب: انا علاش نحرق ف دمي وصابر ومتحملك ماهو من الاول نحدفك لـ خالتك ونرتاح مش خير يايوسف
يوسف: تمكيج فيااا
هشام شافله: و**** خل تمكيجك مدام ماتبيش تسمع الكلام شن بنديرلك نستنك لين تجيني غارق بدمك باش نقول ياريتني عطيته لـ خالته… وناض خش دار النوم
اينور قامت يوسف: تعالا نخشو وانت قوله اسف باهي ومعادش تعاودها
يوسف: كلميه مانبيش نسرين
اينور دخلت يوسف وهي قيماته نصدمت لم لقاته محول سوريته
اينور قربت: هشام سامحه المره هادي
يوسف: مانبيش نسرين انا

هشام شاف اينور: عند خالته امان اكثر ردي لداره
يوسف بيتكلم
هشام: حرف منسمعاش انا لميسمعش كلامي مانسمعش كلامه
اينور قربت بترجي ويوسف ف حضنها: اخرر مره
هشام شاف يوسف
يوسف قرب تشبك ف رقبت بوه
هشام شده: كان تعودها من تانيه؟
يوسف: اخر مره وعد
هشام ابتسم: تمام اجري لنوم .. ونزله
يوسف طلع لداره يجري
اينور بتلحق يوسف بس شدها هشام: وين
اينور: نلبسه بيجامته .. وطلعت
غيرت ليوسف بيجامته ورجعت لدار النوم
اينور خشت قربت لدولاب
هشام طلع بدون مقدامات
هشام خش الصالة فداخله: خايف ندير حاجه ونندم علها وتلف الدنيا وتغدر بيا ز المره الاولى

بديت نركز ع حركاتها ونقارن ل حركاتها وكلامها برتاج

اينور غيرت ملابسها ووقفت قدام المرايا ف داخلها: مانبيشي يلمسني لاني مجرد مرته ع ورقه وهو مش مدايرلي لا قيمه ولا اعتبار
هشام خش قام وساده وغطا من ع السرير قرب من اينور لمس خدها: مش رح يصير شي لعند ماترتاحيلي
اينور ابتسمت
هشام طلع
اينور: بعيد عن كل شي صار حني علاش بنرقدو من توا الساعه 10:00 وبودن مانتعشو… وطلعت لقت هشام ف المطبخ
اينور: حتى انا جيعانه
هشام ضحك بهدؤ: حركي ايديك
اينور قربت سندويتش لها ولـ يوسف بس كان راقد
في الصالة
هشام ياكل
اينور خشت: يوسف رقد
هشام: حني شن حكينا ع قفاطين قدام يوسف
اينور سكتت
هشام: عرفه صغير ومايعرفش بس يكبر ويذكر وفي النهاية انتي مراة بوه
اينور: نعرف
هشام: وبنسبه لـ كلمتي متع بكري اسف لاني قتلك معندك كبد
اينور ضحكت: علاش اشف هو فعلا معندايش صغار

هشام ضحك: بررااااده
#بعدمرورشهر
الساعه 9
اينور تلبس في يوسف: تبي بريوش ولا كيكه
يوسف يلبس: كيكه
اينور: عصير عنب او فواكه مشكله
يوسف يلبس: مشكله
اينور مشطتله شعره: تبي شعرك فوق او لوطى
يوسف: فوق
اينور: معاش تحلقه تحليقت الشياطين هادي… قامت الشنطه حطتله كيكه وعصير ونزل لـ عمه محمود لانه مع صغار ف الروضه
اينور اتصلت بهشام: ايوواه عمي شرطي
هشام ابتسم: صباح الورد عمي شنجو
اينور: تمام يوسف توا طلع اليوم الساعه كم طلعت؟!
هشام مبتسم طول المكالمه: طلعت 8:10
اينور: اممم تمام اسمع ز مااتفقا امبارح تمام
هشام سكت
اينور: هشاام تمام
هشام: قداش يوم قررتي
اينور: يومين
هشام سكت
اينور: هشام عارفاتك تسمع فيا
اينور: اليوم وجمعه وسبت نروح اصلا عطله ع يوسف
هشام: تمام نتفاهمو لم بنروح
اينور: باي
هشام صكر
رجعت اينور لنوم
لعند ماسمعت الظهر اذن ناضت
جهزت رز ابيض وسلاطه لعند ماخش يوسف
يوسف: اينور
هشام خش: شديري
اينور: شي درت رز وسلاطات
يوسف متحمس: بنمشوو
هشام: انت لا هي بس
اينور: يوسف برا غير حوايجك باش تتغدى
يوسف خش داره
اينور: هشام بنرفعه معاي امبارح كله ينق
هشام ببرود: وخليه ينق مشي معاك مافيش.. خش يغير ف ملابسه
اينور تجهز ف الغدي
يوسف خش المطبخ: هيا
اينور تجهز ف السلاطات: كليت فطورك
يوسف قعمز ع الطاولة: اي
اينور: شافت الابله كراستك
يوسف: اي قتلي حلوات رسمتي
هشام واقف ف الممر ويسمعلهم
اينور تحط ف الميه: شاركت اليوم
يوسف: هلبااا
اينور قعمزت: شن بندير حني توا؟!
يوسف: شنو؟! اااه بنتغدو
اينور: اي كيف بينتغدو؟!
يوسف: have lunch
اينور ضحكت: كان قلتها غلط راني غسلتك
هشام خش قعمز تغدو وكملو
ناضو لصالة
هشام يتكلم ع الهاتف ويوسف يفتق ف شنطه يطلع ف كتباته وكرساته واللون واللعاب وسيارات ف كل الصالة
اينور نظفت المطبخ خشت الصالة: وسيفا خيرك قالب الحوش شن ادور
يوسف: البيرو متع الطقه وينه
اينور: انا حولته متع بابا البيرو وسيفا
هشام يتكلم ع الهاتف قرب متعصب حط ايده ع فمها وقعد يتكلم لعند مكمل مكالمته
هشام: توا انا نتكلم ع الهاتف وانتي تدويلي معاه
اينور: عيب ولا حرام
هشام: انا مخلوق مانحبش نتكلم وتبدا دوش جنبي جربي انتي وياه ف جديد
اينور: انا بنمشي مخليتهالك طويله عريضه.. بدت اضم ف السيارات متع يوسف
هشام قعد يشوفلها
اينور مشت لدار يوسف بتجيب سلة الالعاب
هشام خش وصكر الباب: حرجتي؟!
اينور ضربت السلة : الف مره نقول معاش تعيط عليا قدام حد
هشام شد يدها جبدها ليه بتوشويش: ماتمشيش خليك
اينور تحشمت: بنشوف امي وبوي عيب
هشام بتوشويش وهو محاوطها: انا ناخدك ونروحو ف نفس اليوم ماتباتي غادي
اينور: ماهو بنشوف رجاء
هشام بتوشويش: ونرفعك لـ اختك ونروحو ف نفس اليوم
اينور شافتله بتتكلم بس باسها

سمعو صوت سيارة يوسف تقرب من الباب بعدت وخش يوسف وهو يمشي بسيارته بلريموت
اينور خدت السله الطلعت
هشام طبس لولده: لم نبدا نتكلم ع الهاتف معاش تكلم اينور وتهدى
يوسف: هي تكلمت الاوله
هشام: برا ضم العابك معاها
يوسف طلع
هشام طلع لصالة: شن قلتي تروحي ف نفس اليوم؟!
اينور اضم ف الالعاب: انت طول يومك برا تنسرف ولم بنطلع انا نغلا
هشام حدف علها وسادة الصالون: وين انسرف انا ف المركز النم
اينور تشوفله بستفزاز وبحركت ايدها: يومين هشام

هشام: بلا سماطه من الاخير
اينور: يومين
هشام: نوضي البسي نوضي انا مريض لنشاور فيك اصلا
اينور ناضت لدار يوسف
هشام: يوسف معنده لاش ماشي
اينور: علاش
هشام: فوتيه يقعد مع هدى .. خش بياخد المفاتيح
يوسف ساكت يشوف لـ اينور
اينور لحقاته: ععلاش هشام
هشام: شنهو لـ علاش ولدي مانبيشي يمشي شنو علاش
اينور: اهاا القصة فها ولدي وولدك قعد شاك فيا نديرله حاجه ز نساوين الاب مت… قاطعها
هشام: بلاسلاطه بترفعيه بيبدا يدير ف مشاكله وينق وبيروح ويبي الف حاجه
اينور: ععادي
هشام: لا مره تانيه يمشي
اينور: الولد.. قاطعها
هشام تعصب حدف المفتاح ع الارض: ندوي طلياني قلنا لا
اينور طلعت وسيباته
هشام قام المفتاح وطلع
يوسف قعد يبكي: اقعدي معاي
اينور لابسة عبايتها: تو نكلمك بلهاتف
يوسف غطا وجها بلوساده ويعيط
اينور: وسيفا اسمعني لم تبيني قول لبابا يتصل بيا وكلمني
يوسف يعيط ومغطي وجها
اينور: مش معطله انا شوفني
يوسف يعيط: اقعدي
اينور سمعت كلاكس طلعت
ركبت ف السيارة
هشام يسوق
اينور هاتفها يرن: ايوواه هدى
هدى: نسمع ف عياط يوسف خيره
اينور: انا مشيت روحت ياهدى بلله اركبيله نزليه خليه معاك
هدى: اهااا تمام
اينور: عنده مرهم ف داره متع حساسيه لو بات عندك ديريله منه
هدى: تمام باي
اينور صكرت
هشام: معاش تعدلي عليه بدي يدلع بزياده هو اصلا
اينور: شن هدا الولد عيل تي تعامل فيه تقول عسكري عندك بصرامه
هشام: ااي شن رايك نمشي نبكي معاه معنده شي غادي علاش بيمشي
اينور سكتت
لعند موصلوو

يتبع ……

الجزء الثامن عشر من رواية جعلني انثي​

وصلت اينور وخش هشام سلم وقعمز دقايق وناض لحوش قريبه الشيباني عبدالهادي (لو مذكرينه) سلم عليهم ورجع للمدينه
اينور خشت دارها: يامربوعة قلبي وربي من الهم ومن عياطي فيك قلت اكيد نهدمت شوق

اتصلت بـ اختها قتلها تجي
.
.
هدى راكبه من دروج حوش هشام بتزل يوسف لـ قاعد فلحوش بروحه وهي راكبه من الدروج وهضاكا الهاتف من لم لزو حسن وهو يرن برقم حسن
هدى تنهدت بعصبيه: نعممم خيررر
حسن سكتت
هدى متعصبه: شنوو شني خيركك تتصلل ليل نهار شن مزال تبي
حسن ركب سيارته قربع الباب: نبيك تسمعيني .. قطعاته
هدى: حسن طريقكك بيضه… قاطعها
حسن بصوت واطي بس واضح يتكلم مغلول: انا منتصلش من ليلتها باش تقوليلي ليلتك بيضه .. قطعاته
هدى: اطلع من راسي حس.. قاطعها
حسن بصوت عالي ف السيارة: ماننكرشش باهي سكررت اي تاجرت اي كنت واحد حقير اي واناني اي وصدقيني لو جي شخص خطب بنتي او اختي بنفس اخلاقي وكل شي فيا كنت نلزه ومايحلم يناسبني بس ياهدى يشهد ربي القصة لها سنتينن الكلام هدا من وفات بوي لحكيتلك عليه ومعاك صح حكيتلك ع ماضيا بس مجبدتش اقصص هادي صح دسيت عليك.. قطعاته
هدى: بااه المطلووب من الدرامتكك؟!
حسن تنهد تكلم بغصه: **** ياخدني لو كانت نيتي خامره معاك تي نيتي صافيه طلبت الحلال خوك حاسبني ع ماضيا… قاطعاته
هدى: بلله تي خوي محمود سأل الشارع من الطقه لـ طقه وكلهم كلاب ياخدو ويمدوح فيك شارع كله كذااب جاي تبيني انا نصدقك
حسن: نعتررف بـ انه شارع حشاشين وكلاب وكلهم يتعاملو معاي وخافو معاك بس انا .. قاطعته
هدى: وبكل وقاحه تقول فها شارع كاامل هاف مالا انا شن يصير فيا برا من عليا انا مايمشيش معاي… قاطعها
حسن تعصب : انا ميندواش معاي هكي انا مغلطش متقعديش تطنفري عليـ##### اتصلت نوضح حاجه بس وبتسمعيني… قاطعاته

هدى تعصبت: مش بلغصب طول ايام خطبتنا تكلم فيا كنت تقدر تدويلي بما انك معتبرني مرتك بجدد .. قاطعها
حسن بعصبيه صوته

: راني انادي فيك مرتي تحسبي جد امها ساهله الكلمه فها شرف اجداد اجداي لو كنت ضحك عليك مانقولها ومانجيب امي
هدى سكتت
حسن تنهد وقف السيارة: احححم عارفك متعفلقه مني تمام واسكتي متدوي شيي لين نكملل انا لحكيت كله ليك رسمي مافيش ولا كذبه بس انا بجدد خطر عليا ندويلك ماضيا بس فكرت انه كتاب ونحرق خلاص مراهقه سكرتت صح وجبت بضعه لشارع صح وهكي بس تعاليلي جاي ليش خوك ماسحبني وسجني ليلتها ليش خوك مااعتقلني وحاسبني مش ع اساس ضابط… قطعاته
هدى تعصبت بتتكلم بس مخلاهاش تدوي علا صوته
حسن علا صوته: لاني خوك شاف ملفي كامل مش ناقصه ولاحرف وفي الملف مكتوب انه انه نسجنت وتحاسبت ودفعت فديه ودخلوني مصحح خشيتله واحد بعقلي طلعت من واحد متقربع اكتر من قبل بس الشرب انتسى
كنت فرخ نشرب اي وفيش حد شد ايدي او قالي انه غلط مافيش من نصحني لكانو معاي يمدولي بس يضحكولي ويضحكو فيا بس … سكت تنهد
هدى سكتت تواني بهدؤ: امك وين؟
حسن: شن بديرلي نروح طينه غير الدعاوي ليسودو الوجه حصلتهم وشدتها ف جرتي بكلمه بوك عقب راجل بوك عقب راجل اسمعيني انا بكلامي مش معناها خوك غلط فيا او حاجه لا بكلل وبلعكس لو كنت مكان خوك راني طلعته من حوشي ومخليت بحدد بيسمعش بقصته بس خوك وقف معاي راجل واحترم طولي ونقدره وربي احترامه لـ امي
هدى: اهم شي معترف
حسن ضحك بشويه: حبيتك بس متقوعتش هكي بيصير فيا (عدل صوته

) هدا هو يابنت الناس وربي يكتبلك لفيه الخير وشكرا لـ استماعك و… قطعاته
هدى غمضت عيونها بقوة: لم كنت تسكر… وسكتت
حسن سكتت لكن مافهمش كلامها
هدى فتحت عيونها: كيف بنقولها قصدي استراحات (سكتت وحسن يحاول يفهم كلامها) اممم يعني بنات.. قاطعها
حسن تصعب بصوت ينرفزز: لاااعع عاد مش لهدرجه عندي خوات انا كنت حيوان وسافل اي لكن ردي بالك مش قليل شرف اعرفي روحك شن تخرطي
هدى خفت: تي سؤال هو فهمنا
حسن متعصب: هدا ماناقص انا ندوي ع… قطعاته
هدى بصوت واطي: بس مع كل كلامك حسيت بيك بس بما انك قتلي مرتي وز ماقلت الكلام صعبه ياريتك حسيتني بجدد بنكون مرتك ف كل الاحوال كنت بنسمع يعني
حسن: يلاا اهو سمعتي من غيري مصار شي مجاش يوم وكلمتيني ومجاش اليوم لذبلتي خشت صبعك

هدى: ساهله؟ من اول الطريق هكي
حسن: شن نفهم !!
هدى: لم تبدا تحب شخص تبدا تركبله ف اعذار ع اغلاطه فما بالك يتصل هو يعترف بغلطته ع كل حال معرفه طيبه سلام… وصكرت الخط
حسن قعد حاط الهاتف ع وذنه

.
.
هشام ف الدوام بين زملائه فداخله: زعما مهبولتي شن ادير؟!
لؤي: شن هشام سمعنا خططك
هشام شافله: خططو لتبوه ياراجل مصددع معنديش خلوق نفكر ف شي
لؤي: اموركك
هشام ناضت سيبهم وطلع لساحه المركز
لؤي لحقه
هشام تلفتت: خيرك لحقتني
لؤي: نبي نعرف خيرك
هشام ضحك ع جنب: كلب وفي ياصاحبي راك
لؤي ضحك: انا كلب تم ياهشام دورني.. وجي بيخش
هشام ضربه ع كثفه: دويت مع امي بدوتك
لؤي خش بعضه
هشام: انت لدافعت ع اختي وجبتلي معلومات الفساد #### توا خلاص امتى ماتحب تعالى
لؤي: شهورتني شهر لهاا
هشام شافله نظره حاده

لؤي: بنولي بونسيب
.
.
جي اليل
حسن فاصل : شن شن نتكلم مع حيط انا تي اول وحده نشوفها بنظرات مراة ليا ال####
معاذ صاحبه: شن ندير قلنالك ساهله برالها ف كليتها ز المره الاوله
حسن: لتحرق انهم لزوني بسبب مااضي مم ااا ضضض ييي وهي شن تقولي… قاطعه
معاذ تعصب حدف باكو الدخان: راسي منفوخ متقعدش تنق ع راسي تبي جدها براااله من الاخير
حسن شافله بعصبيه وعاض ع سنونه
معاذ شافله ابتسم بخوف زبط صاحبه راسه دخن: شن ذنبي انا باه

حسن عدل تقعمزته ويخدنن وسكتت
.
.
اينور تكلم ف يوسف: مانعرفش
يوسف: تعاليلنا ماتعطليش
اينور: ياعمرررري حاظر ستاحشتك راني
يوسف سكت شاف عفاف: احنينه تسلم عليك
اينور: سلملي عليهم كلهم وع يوسف
يوسف ضحك
اينور: ياحليلي من ضحكته
هشام خش: يوسف بترقد هي اركب

يوسف: بابا جي بنصكر
هشام شاف هدى: مع مني يدوي؟!
هدى: مرتك
يوسف صكر وركبو
.
.
هشام ركب غير ملابسه ودوش وطلع تعشو مع يوسف وهما مروحين ف السيارة اتصل بـ اينور
اينور: ايوواه راجلي
هشام ابتسم لا اراديه: اليوم فات نكد يامرتي
اينور: مش تعرف ياابو الشباب ضح القدر
هشام ضحك:رسمي غاب القدر قعدو الطناجر

يوسف ياخد فيه النوم
اينور: صوت زحمه جنبك
هشام: نسوق ويوسف راقد
اينور: وبن تنسرف بلولد ف عقاب اليالي
هشام: كنا ف مطعم نكدد اليوم مش طبيعييي
اينور: استاحشتني هشام وله؟!
هشام: لالا متصل نشوف رصيدي قعد ولا تم
اينور: لكن انا فاتت يووم يجلطط ف الجبلل
هشام: خلاص معناها نروح بيك غضوا باهي
اينور: معاش بنروح

هشام: لاه لاه خيرك من كاسر بخاطرك عندنا تحسابي بشورتك بتروحي ولا بتقعدي ندرس سيارتي قدام بابكم وبوك يطلعك
اينور اضايقت: هشام بطل تتكلم عليا هكي مش عنز انا بنت راني شن يطلعني هادي
هشام سكت ثواني: استاحشتك باهي شن ندير
اينور: تعالا روح بيا يوم الاحد عشي… قاطعها
هشام ضحكت: احلمي مدامه الحلم ببلاش
اينور: هشااام
هشام: تبي اخطيني ونبي حوشكم بعيد فهمنا لكن مش للاحد عاد السبت عشيه تكوني عندي
اينور تعصبت: اععععبى … وصكرت عليه
هشام روح حط يوسف ف مكانه ورقد
.
.
حسن يدخنن ومعاذ ع الهاتف ويوزع ف ابتسماته مره مره
حسن قام الطفايه حدفها ع الحيط: تي شن هداااا النمممم
معاذ نلخع: #### خلعتني ملبوس رسمي انت حتني عصبي ونعرف لكن نحمد ربي مش زيك النم تقول تتكهرب مره مره ياراجل
حسن: يركبني عفريت لم نذكر روحي ماشي لحوشهم ف بياني نكلكس وقالب الدنيا تقول ولد الرئيس وفي الاخير يطلعلي واحد راسه مربع يقود لخوها ع ماضيا
معاذ يشوفله: انت كان تمشي تتعالج خيرك من هدى وتعرررف لو تسمع نصيحتي وتمشي تتعالج يلزززوك ويقوللولك مزالك تلاته ايام وتودر
حسن قعمز: تي قبل درت كل شي وتحسنت عشان مستقبلي وتوا ف مستقبلي نتمنى نولي ولد الحرام الاول متع السكير شعب يحاسبو عشي مذفووون تي البنت بححح ال#### خيرككك يامعاذ افهم النم
معاذ: ودررر

يتبع …….

الجزء التاسع عشر من رواية جعلني انثي​

حسن مضايق ناض طلع من المربوعه
معاد سيب الهاتف من ايده ولحق صاحبه
حسن يشوف ف الدنيا ليل ظلام دامس ربع ايديه واتك بكثفه وسند راسه ع الحيط
معاد قربله بصوت هادي لانه عارف صاحبه متعصب ومش ناقص: شوف غيرها خلاص اعتبرها مهناش ومشفتهاش… قاطعه
حسن ع نفس وضعيته: مش قصة غيرها وغيرتها خيرككك انت كان ع الشكل ف مليون وحده احلا منها وكان ع الاخلاق ف بنات متربيات خير منها لكن انا اخترتها هي افهم ياجاهل
معاد تعصب علا صوته: تي هي بنت درتلنا بها البطاطا
حسن تعصب دفه من كثافه لصقه ف الحيط: انت مش تقعد تلعلع هني
معاد تعصب تنهد بصبر: انت تقدر بالف دينار بس تجيب راسها وتكسر راس خاها ونفس الشي تقدر تدمر البنت لانها موقفتش معاك
حسن قام حاجبه بهزوه: البنت هادي ياتاعب لداير حقها الف دينار هادي شرف قبيله كامله مش بس شرف خوها
معاد سكت
حسن: الولد لم يجي يحمل اسم قبيلته بس يحمل الاسم فقط
لكن البنت لم تجي تحمل شرف قبيله كامله خيرك سكتت يامعاد كلامي ينفهم ماينحفظش ياصاحبي… حسن طلع روح
.
.
كانت ليلة طويـله وكلهـا ذكريـات
حسن لـ كانت سيارته مصفوفه قدام مكان لـ كان سبب خرابه المكان لكان يشرب فيه وينسى اي شي يديره فيه كان محتار ينزل او يكون اقوى

وهدى لـ اول ماحطت راسه ع الوساده اذكرت كلام حسن لنقال ع الهاتف وسرحت ف صوته كيف يتكلم ع الهاتف ناضت قعمزت قامت هاتفه وجي خاطرها تسمع القصه كامله

قعدت ز اي بنت ضعيفه معرفتش تتصرف غير انها كذبت ع اهلها انه مش مضايقه من لصار قعدت تذكر ف فرحته ف خطوبتهم وكل وماتذكر شي كان شي يقويه تتصل مع انها الساعه متاخره
وشخصين يخطاطو لخرااب عيلة

حسن متكي ع الكرسي ويشوف استراحه صاحبه اتصل بيه: وين ويبا
ايوب بصوت راقد: راقد

حسن: الاستراحه مطفيه الاضاة متعها من فاها؟!
ايوب: حد
هدى اتصلت خشت انتظار بس صكرت لم لقاته انتظار بدت تبكي: فمن يكلم والدنيا فجار كذاب كذااب
حسن: نبي لفاها
ايوب: المفاتيح تلقاهم ف الورده معلقات ف العود داخل .. قاطعه
حسن صكر الخط ونزل من سيارته وخش للاستراحه وخش ف الوردة خدي المفاتيح وهو والع فلاش هاتفه خش الاستراحه قرب للفريز عطول ونو يشوف ف الفريز ومحتار ويذكر ف ايام الحبس قام هاتفه بيسكر الفلاش شاف مكالمه من هدى ابتسم بعفوية طلع من القبو ركب قعد ساعه تلوح ف الصالة واتصل
هدى بسرعه حطت الهاتف صامت ردت ودارت كتم:
حسن ضحك يغني: طمني عليك إذا حسيت بأي اذى
هدى دايره كثم ابتسمت
حسن: ليش متصله الساعه اربعه
.
.
تاني يوم السبت
الساعه 12
اينور تفطر مع رجاء وصغارها وبوها وصابرين ع سفره وحده عيلتهم ملتمه جت عمتهم تعزمهم ع عرس بنته لـ كانت تقرا مع اينور
رجاء واينور ناضو خشو لانه عارفين ولدها هو جابها وبيخش
وفعلا خش حاتم
اينور لبسة وشاحها ورجاء لبسة وشاحها وطلعو
اينور: تفظلو افطرو معانا
وقعمزت عمتها وولدها يهدرزو ع عرس بنتها وهكي

ورجاء واينور قعمزو ع جنب يهدرزو بهدؤ
هشام طقطقطق ع الباب الخارجي فتحله محمد ولد رجاء وخش وهو مبتسم اختفت ابتسامته لم شاف حاتم بينهم ورجع شاف اينور
اينور حبتتت خشت هشام وخصوصا قدام حاتم
ناض مصطفى يرحب بنسيبه وصابرين سلمت عليه
واهل وسهلو بيه
وقعدو يهدرزو
عمت اينور: جيب اينور خلها تحظر عرس بنت عمتها
هشام سكت ثواني حط عينه ف عين حاتم: بنروح بها مشغول الايام هادي مانقدرش نرجعها
اينور حطت ايدها ع فمها ع فمها كانت بتضحك خشت تجهز اغراضها
وفعلا جهزت روحها وهي فرحانه بلموقف وطلعت سلمت عليهم من غير حاتم ولد عمتها وطلعت
.
في طريق ساكتين
هشام فتح الشباك لجنبه: ليش كنتي تبي تقعدي ليوم الاحد
اينور شفتله ابتسمت: ليش مضايق
هشام مدلها ايده مفتوحه حطت ايدها: لانك بنتي

اينور: قلبي منلوماش لو يوقف

هشام: بنمشو نفطرو
..
حسن يسوق ف السيارة ويدور ف الشوارع رد ع هاتفه لـ يرن: هاااا هااااااااا
معاد: وينك انت خيرك هكي بديت
حسن: في واحد هو لـ ## عليا لخوها شرطي يخدم معاه قالتلي انه بيطلبها اليوم … قاطعه

معاد: لحظه نفهم وين انت وين
حسن يسوق: ماشي لخدمته
معاد ركب سيارته ولع: وين وين اصبر جاي وين هو
حسن صكر الخط
وكمل سواقه
وووصل ونزل
رن هاتفه
حسن رد ساكت
معاد: ردد بالك البنت خوها يقتلها رح يعرفو انها تتواصل معاك وبيعرفو انها قتلك وبيعرفو انك تكلم فها فكر ف هدى واركب سيارتك وارجع
حسن قدام المركز: بيخطبوها اليوم
معاد ضحك: نرجعو لصنعتنا عشانك ومافيش خطبه اتم بدون العريس
حسن قعد يشوف ف المركز: نرجعو ليش مانرجعو… وركب سيارته ودار تصطريبه قدام المركز ورجع للكافي ليتلاقو فيه هو
.
.
هدى ع الهاتف: كيف؟
زهراء اخت حسن: اي انتي قلتيله وهو مشي للمركز
هدى: صكري صكري… صكرت الخط
هدى اتصلت بـ حسن وقعدت تستناه يرد: انت شني مررريض
حسن تعصب: خيرنااا شن درت خيرناا
هدى: انت بتقطع بنصيبي؟! شن رفعك للمركز.. قاطعها
حسن: مش قاطع نصيبك انا بنقطع صبعه

هدى: خيرك هكي تفكيرك كله ددمم
حسن: مانبصرش
هدى تعصبت بصوت عالي: حسن تبيني ناخد واحد بستعه صوابع معااق
حسن تعصب على صوته: بتاخدي المجرم لبيقصله صبعه
..
..
هشام درس السيارة قدام كافي
اينور ونزلو فطرو ورجعو ركبو وروحوو وخشو لحوش العيله
اينور: السلام عليكم
عفاف: وعليكم السلام تفظلي
يوسف طلع من الصالة يجري يضحك اوووبااا وحضنها
اينور قماته يضحكو
عفاف ضحكت عليهم: كيف حال اهلك
اينور تضحك ع يوسف: كويسين الحمد**** يسلمو عليكم
هشام ركب الشنطتها ونزل لحوش العيله قعمزو ف الصالة
اينور: وين هدى
هشام شاف امه
عفاف وجها تقشرر
هشام: يما وين بنتك
عفاف: تو تجي
هشام ناض يجري ركب مع الدروج لدارها لقاها فاضيه

اينور: عمتي وين هدى
عفاف: قالت بتطلع قعدت تبكي وطلعت
اينور حطت ايدها ع فمها بصدمه
هشام خش لصالة يشوف ف امه وجها سم: انا مش مسؤول ع اي شي نديره سامعه…. وطلع
اينور لحقاته: استنى هشامم
هشام ماشي ركب سيارته
اينور تضرب ف سيارة: افتح اسمعني
هشام طلع عطول معبرهاش
هشام يسوق يتصل بـ لؤي ماحد يرد وقف لم شاف هدى قدامه جنب حوشهم
هشام نزل من السيارة: وين كنتي
هدى: كنت نتنفس شنو بالك بيقتلني حتى هو
هشام: ارجعي للحوش وخليك ف المربوعه نشوف شن وضعك
هدى خشت
وهشام لحقها
اينور كانت داخل مع عفاف
هشام خش وقف قدامها شبك ايديه: ادوي هي
هدى: شن بندوي شن فها طلعت دقيقه قدام الباب نخنقتت ره فهمنا انك تشد ف متاعين مخدرات فهمناها فهمناهااا… وبدت تبكي
هشام نقص صوته واندفع: خايف عليك لانه كل لقراب مني ماتو بسبب خدمتي وانتي امانه عندي
هدى تنهد مسحت دموعها: هشام نحكيلك حاجه تسمعني !!

يتبع ……

الجزء العشرون من رواية جعلني انثي​

هدى: عادي تسمعني
هشام تنهد وطلع وسيبها ركب سيارته ومشي
هاتفه رن برقم لؤي
هشام تجاهل المكالمه: بديت نشك ف الناس لتوقف معاي وتبي تساعدني الناس اللتحاول تقرب مني تخوف اكثر من الاعداء نفسهم

لؤي: مباش يرد
….: تو يعاودلك بتبدا نسيبه انت
لؤي سكت
هشام يسوق وقف قدام المركز نزل خش يدور ف الاقسام ف المركز ملقاش لؤي
هشام وقف ف نص القسم: وينه هدا… طلع هاتفه اتصل بيه لكن مردش
.
.
حسن مقعمز ع بلوكه ومعاه شخصين: وريتهولكم انا هدا هو بس ساهله عليكم
معاد بهزوه: تي ايحح مافها شي عاديه ف نص الطريق لما يجي نفتحو قدام السبته وعجل سيارة يطربو بسيطه
حسن: لكن القصة مش هني القصة انه ممكن يطلب سيارة تانيه بلهاتف وكيف بنعرفو انها ف شخص جايه القصة انه معاد وصهيب بديرو دعكه ف نص الطريق متخلوش ولا مخلوق يفوت من الطريق اصلا الدنيا بتكون ليل يعني الطريق فاضيه
معاد: تم
حسن وقف: نوريه خطبة الليل هلوسخ … بعد عليهم وقف جنب سيارته
اتصل بـ هدى يغني : وتعبيرا عن الحاله لجوايا
اقول كل الكلام دلوقتي لعنيكي
وجودك بنسبالي ده كفايا
موافق اعمل اي حاجه ترضيكي

هدى ضحكت : وحان الان
حسن بصوت واطي: البسي وجهزي روحك عشان الاخ مايشكش
هدى: لالا هشام طلع
حسن اتكى ع سيارته: جميل ماتتوتريش لانه مش رح يوصلو لعندكم القصة مش فيه هو بس حتى امه
هدى: انت وعدتني انه مش رح ادير شي ره متنساش وعدك
حسن: هما مش رح يصيرلهم شي بس السيارة هي لبيصيرلها المهم صكري وبري الاهي ف روحك جاني واحد
هدى صكرت الخط
حسن قرب: خيررر
هشام يشوفله: شن قصة الملف لوصلني لشني تبي توصل؟!
حسن بتكلم بثباث: اي ملف
هشام يشوفله بشك: يعني انت مبعتش ملف؟
حسن قام حاجبه وشاف ع جنب ضحك ببطىءوشافله: حطها ف راسك انا مانبعتش انا لو بنعطيك حاجه نخليك تشوف وجهي
هشام بهزوه: حركات عواويل المعنى من الملف انه لؤي جاب عليك معلومات وانت جايبلي معلومات ع لؤي وحده بوحده
حسن بهزوه: بنسبالي انا لؤي كله مانحطاش ف ملف

برا دور من لاعب معاك
هشام قعد يشبح ف معاد ولمعاه وبعدين رجع شاف حسن قام ايد حسن وحط فها الملف: الكلام جميل بس اهو الملف سوا ليك او لغيرك بس بصفتي وبطبيعة مهنتى طريقة الجمع المعلومات متعكم بلعكس
حسن فتح الملف: لؤي عادل……..
مواليد 1993
… وكمل يقرا ضحك
هشام بيمشي
حسن: استنى (حدفله الملف) مش فاتحله كناسه هني لجبته معاك خوده

هشام لوح الملف ع الارض ببرود: تعرف الفرق بيني وبينك
انت تشتغل بوسخ وبقلة وعي وانا لنظف وسخكم ونربيكم
حسن: كويس انك اعترفت بانك زبال بس انا مع هدا انت مزال تدوي معاي بشي دايره من عامين
هشام بصوت عالي: عامين او شهر ليهمني انك انت درته انت كنت اوسخ تاجر شرب ومافيش شخص متعاملش معاك انت لوسخت شارعك انت لـ كل امهااات الشارع يدعو عليك ف صلاتهم
حسن حسها

هشام بنبره حاده يشوفله: لم ادير حاجه وسخه ماتحاولش تغطيها بالايام وسنين حاول تغطيها باعمالك
حسن سكت
هشام: مش جاي نحاسبك واضح من عيونك نادم نصيحه لو تبي تصلح شي صلحه بـ اعمالك متقولش كل شي يتصلح مع الايام
حسن يشوفله: انا .. قاطعه
هشام: انت امورك…. قام الملف وطلع
حسن قعد سرحانه فيه لعند ماطلع
هشام ركب سيارته ورجع
.
.
اينور خشت غرفة هدى: لبستي
هدى كانت سرحانه: اي
اينور كانت لابسه فستان بني
وهدى شعرها ديل حصان وفستان ازرق غامق
رن هاتفها
هدى ردت بهدؤ ونقصت ف الصوت
حسن: نقلب كل شي قلته رح تتقابلي مع امه

هدى نصدمت: كييف
حسن تعصب: اسمعيني مش راخي بيك القصة فها حاجه افهميني انت بتقابلي امه وترفضي تقابلي لؤي بس وكله بيمر تمام تسمعي فيا
هدى شافت اينور لقدامها: ليش !
حسن: هدى افهميني معاك هشام مش رح يصير شي
هدى صكرت الخط
اينور تعصبت: انتي قعده تكلمي فيه هدا
هدى شافت اينور بعصبيه: انا مش مستوعبه روحي شن لقعده ندير فيه
اينور: هبلتي انتي هدى
حسن اتصل
هدى ردت: انت شن قعد ادير قتلي انه… قاطعها
حسن: فاهم وعارف بس خوك… قطعتها
اينور سحبت منها الهاتف لين طاح ع الارض: يخوف انتي مش خايفه تكلمي فيه
حسن يسمع
هدى بصوت عالي: ماااضي الكلام لقالوه كله مااضي
اينور متعصبه: حني خايفن عليك ننصحو فيك وانت قعد تكلمي فيه
هدى تنهدت: راسي بينفجررر
اينور: انتي اضيعي فروحك
هدى شافتلها: انا مانعرفش شن نحكي لاني اني بروحي مش فاهمه عشان نفهمك و****… لفهمته هو انه انا بنطلع نستقبل ام لؤي
اينور طلعت وسيبتها
هدى قامت الهاتف قفلاته
.
.
بعد ساعتين ..

هدى نزلت سلمت عليهم وضيفتهم ونصدمت بـ اهل لؤي طالعين قبل مايطلبوها
عفاف طلعت شافت محمود ف المربوعه: خيركككم
هديل: تلعبو بـ البنت
محمود: انا مافهمت شي ولدك هدا
سهام شدت هدى
هدى تعفلقت: حولي مشلدرجه هادي تحسبيني زعلانه ولافرحانه لا بس نبي نفهم شن التجار لصايره بيا
هشام خش: خشوو شنو طالعين كلكم
عفاف:خيرره الولد ليش طلع
هشام شاف هدى: لزيته خلاص خشوو… وركب لحوشه
عفاف: اينور الحقي راجلك شوفيه هبل ولا مزال
اينور ركب وسيبت يوسف يلعب
هشام ع الهاتف: هكي نوريه اللعب والتفويت ع منو… وحط الهاتف بقوة
اينور قربت: خيرك
هشام متعصب: شي… خش لدوش
اينور غيرت ملابسها وقعدت تستنى فيه
هشام طلع مدوش لابس تيشرت وسروال يمسح في شعره بعنف
اينور قربت سبحت المنشفه منه: انا نتكلم معاك ولم انا نتكلم انت ترد
هشام متعصب سحب منها المنشفه: تي هاتي انت كان نضربك بها تلصقي ف لحيط
اينور نصدمت: حشرة انا !!
هشام تجاهلها يمسح ف شعره
اينور فتحت الدرج طلعت استشوار ركبت ع الكرسي: حول خلي انجففلك شعرك

هشام حول يده وهي ولعاته ع سخون ولمست بيه رقبته وخر هشام من الكويه
هشام تعصب: شوف العيله شوف عييللله
اينور: تستاهل الحق فيا لحقاتك بنشوفك خيرك تقول عليا حشره
هشام: تي القصة انه الحيوان كذب عليا جابلي كلام ع خطيب هدى حسن وانا تاكدت من كلام للرئيسي انه متع شرب وهكي وفعلا صح بس الباقي فوته هو قايل انه الولد محبوس ع عمايل خامره ماتنقالش ومهرب فلوس ومش عارف شني دوه فاضي طلع كله كذب الولد انا لزيته لانه كان يبيع في السكير ويتاجر بيه لانه عمامه نصبو ع حق بوه عطوه حوش بس والباقي متع بوه كله خدوه عمامه الولد معرفش يتصرف بدي يبيع ويتاجر بسكير عشان عيلته وبدي تاجرر بعيد وقف الصنعه هادي لم نحكمو عمامه وخدي حقه وتعالج وخش مصح ونحبس ودفع فلوس التجاره المهم الطبيخخه
اينور: قصدك بتعطها لـ حسن؟!
هشام: مش لعب هي انا لزيت لؤي بنفس الطريقه للزيت فها حسن اصلا انا حمار الولد كان هني وكان يبي يتكلم ويوضح انا سكته ولزيته واصلا انا حمار كيف نسمع من هداكا للفاسد
اينور: انت مش حمار انت بغل كيف تصدق اي كلام واختك وبيانها مسكينه
هشام: بلا خفة ددمم توا كلمته الولد عطيته كلمات جميلات يفهمهم
اينور بتتكلم
هشام قرب شد ايدها وراى ضهرها: بعدين تعالي جاي انتي حصلت عليك
.
.
#بعد_ساعه
رن هاتف اينور
اينور: ايوااه نسيتك
هدى: شن صاير
اينور: قالي انه تقابل مع حسن وحكو كلمتين جميلات مانعرفش شن حكو
هدى: اهاا
اينور: اي

هدى: اسمعي يوسف رقد عندي
اينور: اهاا تمام.. وصكرت

يتبع ………

الجزء الحادي والعشرون من رواية جعلني انثي​

تاني يوم
هشام فاق اول مافتح عيونه جت قدمه اينور ارقده وشعرها ع وجها بطريقه عفويه ابتسم

ناض شاف الساعه وقف قدام الدولاب خدي ملابس خدمته وخش لدوش
ف الاوقات هادي فاقت اينور غيرت روبها خدت دوش ف حمام تاني
ف الاوقات كان هشام ف الدوش
اينور كملت دوشها وسمعت الباب يطقطق بيدين صغار فتحت لـ يوسف لـ كان راقد لوطى دخلته غيرتله وبدت تجهز ف الفطور وهي قعده لابسة روب وشعرها مبلول يقططر اميه هدا كله عشان مايتاخرو

يوسف خش المطبخ: نبيش سندوتش نبي كيكه او بريوش
اينور: مافيش كيكه وسيفا كول سندوتش انت كبرت ع الكيكه
يوسف طلع من المطبخ متكنطي
هشام لبسة وتعطر يسمع ف عركة بين يوسف واينور طلع لقاهم ف الممر: صبح
يوسف متعصب: حولي
اينور: تبي تقعد من غير فطور اسمعني كول سندوتش ولم تمشي لروضه وتجي بابا يجيبلك كيكه
هشام: يوسف صبحح برا افطر
يوسف مشي معاها متكنطي
اينور حولت تلمس كثفه بس وخر يوسف من علها
اينور سيباته لانه عارفه انه الصغار يتحشمو هلباا فكرت انه لو سيباته رح ياكل بدرقه علها
اينور مشت لهشام: وقت اطلع
هشام قام الورق لفي الدرج
هشام قعد يشبح لحالتها ابتسم قرب لمس كثفها: عندي هلباا كلام صدقيني مش ز اي شخص جاهل مقدر وقفتك معاه وخوفك عليه لدرجة انك بملابس خفيف وممكن تمرضي مع هدا مهتمه بيه شكرا لانك ام لـ ولد

… طبس عطاها بوسه خفيفه ع خدها وطلع
.
.
لعند جت الساعه 12
حسن مع امه واخته وشناطيه لانه يشتغل ف الحقول
رن هاتفه
حسن فات الهاتف وكمل كلامه مع عيلته لكن الهاتف مسكتش لعند رد
حسن طلع: ايوواه

هشام: الكاميرات جبدوك انك جاي للمركز من قبل
حسن زبطه: اي جاي من قبل
هشام: اي شرفنا بزياره تانيه
حسن: عندي طياره توا ضروري؟!
هشام سكت تواني:…. قاطعه
حسن: جاي مزال عندي شوية وقت
هشام: ميا ميا… وصكر الخط
.
.
نسرين: لو سمحتي بسرعه مستعجله
الاستاده مشت دقايق وجت ومعاها يوسف
يوسف قعد ساكت والابله طلعت
نسرين: اهلا بحبيبي الحلو
.
.
حسن ركب سيارته رد ع هاتف لـ يرن: ايوواه معاد
معاد: وين الحلو
حسن: ماشي لجهنم نجيك تسايرني؟!
معاد ضحك: تعالا
حسن فات ع معاد خداه معاه ومشو لـ هشام ونزلو مع بعض للكافي لـ فيه هشام
هشام مقعمز سلم عليهم: تفضلو قعمزو

معاد قعمز
حسن قعد واقف ويشوف ف هشام: مستعجل عندي طياره
هشام شافله اشر ع الكرسي بصبعه: مش رح ناخد من وقتك
حسن سحب الكرسي وقعمز
هشام شاف الساعه ف يده: بدون مقدمات انا جايبك هني لاني شفت ملفك والايام لقعدتهم ف السجن عديتهم بليوم انت نسجنت مرتين مره عشان التجاره والمره التانيه لقو معاك بنت
حسن تعصب علا صوته بعصبيه: جايبني تدويلي ع البنت لها عامين القصه
هشام تعصب ضرب الطاولة بااحكام: نسجنت ع قصة البنت اسبوعين بس وطلعت براءة نبي نعرف القصة منك شن قصة البنت
حسن تعصب تعفلق وقف: اطلع من راسي والنبي مكتوب ف الملف انه البنت كانت كمين ليا وف شهود طلعو وتكلمو وخدو هاتفي شافو الاتصال اتصلو بيا قالولي تعال للاستراحه عشان نعطوك صورك وتدفع فلوس واتم القصة ولم وصلت لقيت البنت جيت بنطلع جت قدامي الشرطه وبس (فنص فيه) هادي هي(شاف معاد) نوض انت
معاد ناض
هشام: انا مفروض مانقولكش بس انت الاشخاص المتعامل معاهم قبل قعدين يلحقو فيك ويصورو فيك
حسن: نعرف عشان يبو يعرفو منين كنت نجيب ف بضعتي ونعرف انه انا جايك توا وقلبي ف ايدي يعني ف اي لحظه وهما يشوفو فيا وانا مانشوف فيهم يصتادوني
هشام شاف معاد: شبوب دير دوره برا شوية
معاد طلع
حسن استغرب
هشام وقف: وانت عارف انه ايامك معدوده ليش تخاطر بحياة اختي قبل ماتفكر تمشي غظوا رح تتخلص بـ الاشخاص لـ يراقبو ف هدى وانت تعرف شن يعني بنت
حسن ضحك بهزوه: التفكير فها بس انا رح نعرف ماتشوفش فيا نطلع ونخش عادي حبيبي ز ماهما يراقبو ويصورو انا رجليا ف اميه بارده لانه عندي شخصين منهم وفيهم يجيبولي ف اخبارهم وز ماانت خايف ع اختك حتني بنسافر وعندي امي واخت
هشام وقف متعصب: انا مننشراش بكلام امك واختك امورك لكن اختي انا… قاطعه
حسن تعصب ضرب الطاولة: متلعبش بلكلام اختك كانت بتكون مرتي وممكن يكون ملفي فيه انه انا مريض وضارب اشخاص ومنزل ددمم ومحبوس وتاجر هدا الاجرام كله لانهم يتكلمو من وراي او انهم يخطوو من وراي او خيانه لكن مافي حد فكر لعند اليوم ينفد لتقول فيه ولو صار…. قاطعه

هشام قام صبعه بتهديد: انا حطيتك ف الصور اما عند دوتك هادي ماينفعني منها شي وقت يطيح الفاس ف الراس
حسن شاف ساعه ايده: انا وقت عليا عطيني رقمك
هشام سكت يشوفله
حسن: اهاا سيادة المحقق ميتعاملش مع مجرمين امورك… وطلع
.
.
حسن ركب ف السيارة: معاد القصة كبرت
معاد: اسمعني امك واختك مستحيل حد يمسهم لكن البنت رح يحطها ف روسهم خصوصا انها كانت بتكون مرتك
حسن يسوق ضرب الدومان: يلحقو فها
معاد: حكتلك؟!
حسن: معاش نحكو
معاد: للعلم هو شاك فيك انت لتراقب ف اخته هدا ليش فتح قصة البنت متع الاستراحه
حسن يسوق ويفكر
معاد: هدى لو صارلها شي حني مش مسؤولين
حسن بعياط ف السيارة: قصة انه يلمسوها مستحيله لانهم يعرفوني كويس لكن لنبيه انهم ينسوها معاش يراقبوها
معاد: تي هما فرحو لحصلو راس خيط ياخدهم ليك
حسن: ميقدر حد يجرب يمسها يعرفو ملفي شن كان فيه ويعرفوني شن داير قبل دايرفيهم الرعب
معاد: شن قالك هشام
حسن: خايف ع اخته شرطي طول ف عرض وجاي يدوي معاي مش قادر يلمهم يعرفو حسن وعمايل حسن بس انا ابسط شي نديره يشدوني… قاطعها الهاتف
يرن
حسن: ايوواه (شد فرينو) شني؟!….. كيف امتى؟! ….. تمام تمام… صكر للخط

معاد: خيرك
حسن ولع السيارة وكمل سواقه: الجمعه لـ يراقبو ف هدى شدوهم وزياد التجار طلقوه
معاد: زياد طلع
حسن: اي طلع
.
.
هشام مشي للروضه خدي يوسف ولده وكرم وانس صغار خوه روحو
كرم وانس مشو حوشهم
هشام ويوسف راكبين من دروج حوشهم
يوسف شاف بوه: جتني خويله اليوم
هشام وقف: نسرين!! جاتك
يوسف هز راسه
هشام: شن قتلك
يوسف بدي يحكيله ف حاجات عاديه انها ادلع فيه وجرتله شكلاطه وهكي
وهشام ويوسف ركبو حوشهم
كانت اينور ف المطبخ
هشام حضنها من الخلف بصوت واطي : حني جينا
اينور بصوت واطي: نورتو
وبدو يسمعو ف صوت رصاص ف الشارع والدنيا مقلوبه برا
هشام طلع من بلكونة الصالة يجري لانه كان رصاص مش طبيعي ونصدم لم شاف زياد طلع من فوق سيارته وف ايده العب نارية وسيارة وراه ويدورو ف الشارع
هشام خش قربع باب الصالة اتصل بلمركز استفسر وفعلا طلقوه لانه دفع

هشام تعصب: وصلنا لمرحله حتى تطلع بسلاحك ف الشارع تتجول عادي وصلنا لمرحله تدفع اكثر تحصل شن تبي
اينور تعصبت: بس هدا رح يتغير لانك مش رح تسكت ز غيرك
هشام تعصب قعمز ف الصالة: تي اقل شي ينحبس تلاته سنين
اينور وقفت جنب الباب : ياريت نقدر نخليك تروق
هشام وقف شد ايدها: انت رح تاخدي تدريبك ورح تشتغلي محاميه ورح توقفي معاي لاني مش دايملك
.
.
وفاتو ايام بسيطه
وتسجلت اينور ف شركة عشان تتعلم القانون ع اصوله
خدالها سيارة علمها السواقه وبدت انثى ف قوتها وسندها لنفسها واعتمدها ع روحها
#بعدمرورعام
اينور وقفت وهي لابس البدله السوداء: ف وفات اسيل كانت متعرضه لخدش ف جسمها وكذالك ف جلد تحت اظافرها وجبت الاكشف من الطبيب الشرعي لكشف علها(قربت مدتله الاوراق)
القاضي يشوف
وكملو صراع ومشاكل بين المحاميين والقاضي للعند مربحت اينور القضية
اينور ركبت مع هشام تضحك: اول نجاح ليا

هشام يشوفلها ابتسم: انتي قضيتي

اينور فرحانه: وانت أماني

يتبع ………

الجزء الثاني والعشرون من رواية جعلني انثي​

اينور شافت هشام: بتعطيني الحلوان لاني ربحت القضيه
هشام ضحك: اي نعطيك ليش لا بس انتي لربحتي انتي لتعطي الحلوان ياشاطره

اينور شافتله ع جنب
.
.
.
حسن: بتمشي انت
معاد: لا شن بياخدني كساد غادي
حسن: قعمز مالا نمشي بروحي… وطلع
معاد لحقه: اهو بنمشي معاك نسايرك.. ولحقه
.
.
ف حفله التخرج ف الكليا
هدى مشت لـ اسماء صاحبتها سلمت علها: وينكم انتم
رنده صاحبتها: خدينا قهوة روسنا بتنفجرر
هدى: اي هلباا
رندة: اي
وخش حسن معاه معاد
معاد: هيا وين اختك
حسن: نفخخخ ويننن نديري علها برا دورهالي
معاد: اناا؟
حسن تعصب: مديرليش روحك تتحشم بنت عمك 24 ساعه قدام خليقتك حتني بندور معاك برا
وتفرقو معاد وحسن

هدى: هشام قريب يجي نمشي ناخد بطاقتي وطاقيتي لـ خليتهم مع زينه ونجي ونطلعو
رندة: تمام
حسن يدور ركب مع الدرج ويدور وصل فوق شاف هدى ادور وتلف تعصب انها بروحها وادور ف الزحمه ف الكليا قربله دكتور لابس بدله يباركلها وهني ركباته نار قعد واقف وعاقد حواجبه لعند مشي الدكتور وسيبها
هدى تشوف بعيونها لعند ماجت عيونها ع الدرج شافتله يشوفلها قعدت ساكته جمدت ف مكانها
حسن يشوفلها كسر عينه وبدي يدور ع اخته من فوق شاف اخته نزل وتجاهل هدى ومشي من الجهه التانيه لـ اخته مع معاد
هدى قعدت تشوفلهم لعند ماتلفت حسن وشافلها
هدى جت بتركب بس نادها زميلها قربتله: خيرك
زميلها حطلها الطاقيه ع راسه وضحك: عشنو ادوري
هدى ابتسمت ابتسامه صفره: ع زينه كانت طاقيتي وبطاقتي معاها
زميلها عطاها البطاقه: زينه روحت قالتلي نعطيهملك
هدى عدلت طاقيتها ع راسها: تمام شكرا
زميلها مبتسم: العفو وين عيلتك مجوش
هدى: لا بروحي ميحبوش الزحمه زي هكي يلا نستاذن انا وشكرا مره تانيه.. بعدت ركبت مع الدروج
حسن نسحب من بين اخته ومعاد بهدؤ وركب لحقها
هدى ماشيه ف الممر متعصبه: شن هدا خشت للحمامات عدلت وشاحها وتعدل ف طاقيتها وطلعت بس نصدمت بحسن واقف ف ممر الحمام متكي ع الحيط مربع ايديه
هدى جمدت شافتله خافت فاتت من جنبه
حسن: استني
هدى وقفت تلفتت وساكته
حسن يشوفلها: مبروك
هدى متلبكها حولت الطاقيه من التلبك: اءء **** يبارك فيك ومبروك ع اختك
حسن: خيرك خايفه ومتلبكه لم وقف معاك الدكتور و زميلك متلبكتيش هكي

هدى: انت شن تبي؟
حسن شاف ع جنب ورجع شافها: سلامتك بنقولك مبروك بس
هدى: خلاص وصلت وربي يبارك فيك سلام… ومشت
حسن تعصب: بري سلمي ع دكتورك وزميلك قبل ماتطلعي
هدى تجاهلاته وكملت طريقها ونزل
حسن نزل متعصب قعد ايدور ع الشاب للبس بدلة تخرج لـ كان يضحك مع هدى لعند شافه مقعمزين شباب جنب السيارات ويهدرزو ويضحكو
حسن قرب من معاد وامه واخته: يما بروح بيكم معاد
معاد شافله
حسن: معاد بتاخد سيارتي وتروح بيهم وترجعلي
وطلعو امه واخته ومعاد قعد واقف
معاد: شوفير عندك تحسابني
حسن: بتريس روح بيهم
معاد طلع متعفلق روح بيهم ورجع لقي دور ع حسن ملقاشي
حسن واقف مع دكتور يهدرز فيه ع اخته ودوه متع درجات وهكي لعند ماجي معاد
حسن شاف معاد: تمام بارك **** فيك
الدكتور: العفو بسلامه
حسن طلع مع معاد متعصب: نفخهم
معاد: خيرك
حسن قعد يدور ع الشاب ملقاشي ودنيا زحمه.. لعند ما حسه روح: قبل نبي واحد وشكله روح
معاد: روح روح… وطلعو
بس كانت ف سيارة مصكره عليهم

معاد: خيرهم هكي ف حد يدرس سيارته قدام الناس وينه للحمار هدا
حسن شاف نفس الشاف مقرب لسيارة
زميلها؛ ليا اهو بنبعدها
حسن تعصب خدي المفاتيح ركب سيارته: لااا خلها… ولع سيارته وقربعهاله من الخلف لعند ماتحركت القدام
معاد ق، ب من شباك حسن: حسنن خربتله سيارته
زميلها نزل من سيارته ويشوف ف سيارته من الخلف: ليش هكي انا كنت بنحولها
حسن نزل متعصب: كفرر هكي عشان معاش تجرب تعاودها حول السيارة
حسن شاف الساحه لقي هدى تشوفله متعصبه
رن هاتفه
حسن: خيررر
هدى: عرفاتك شن ادير عفكره ليش تنكددد عليه ف حفلته ربي يكسر بخاطرك حرام عليك
حسن نصدم ف كلامها
هدى متعصبه: مريض انت مفكر لو ضربتله سيارته ونكدت عليه ف حفلته بيتغير لصار حسن بتسمعني ز الشاب الفاهم بتاخد سيارته وتصلحها انت
حسن نصدمم: نصلحها ونرجعها احسن من قبل بس بشرط
هدى سكتت
حسن قرب لساحه يدور بعيونه: نتلاقى معاك ف الممر وتجاوبيني ع سؤال واحد ووعد شرف ياهدى اش مكان الجواب نصلحها السيارة ونعتذر
هدى: تمام.. وصكرت الخط
حسن قرب لشاب: استنى هني جايك (شاف معاد) متخليشي يمشي بنصلحوله الضربه متع السيارة… وخش
ركب مع الممر وكانت هدى واقفه ف الممر
هدى: شن شعورك حركات عواويل ره
حسن تعصب: نصيحه لو ماتغير اسلوبك و**** ماشايف فيك ذكر ره اول مره حد يتجرىء ونطقها كلمة عيل وعليا انتي خديتي راحتك بزياده

هدى: اي وشن بدير اهو قلتها بتضربني ولا بتخطفني اهااا لا خلينا نقولو تاخدني للاستراحه ز الناس الوسخه
حسن تعصب علا صوته: هدا الكلام مليشي اي معنى من الصحه ف تعاملي فاهمه مش نظامي
هدى رمشت عيونها: اهاا مش نظامك قتلي والبنت لشدوها معاك ف الاستراحه بروحكم هديكا مش نظامك تعرف لم عرفت بماضيك صدقني وقفت معاك ومكنتش نبي نرخي بيك لاني عرفتك راجل وعرفتك تشوف فيا كنت تقدر تغلط معاي وتفضحني او تقول لهشام انه ان نتواصل معاك بس لخلاني نكرهك ومعاش نرد ع الاتصالاتك لم سمعت بقصة السقاطه(ريتو الكلام لـ يبدا طلع من العرووق بحرقه من الكتم وتطلع معاه دمعه

نزلت دمعتها وخانها صوتها بعبرتها) لصارت معاك ف الاستراحه مع وحده سادجه زيك… قاطعها
حسن تعصب يشوفلها كيف تبكي:ياسر… قطعاته
هدى تبكي بعبرتها: ز ماانتو الاولاد ماتحبوش البنت الوسخه نفس الشي البنات مانبوش الشي المستعمل
حسن ربط يديه بعصبيه معرفش يتصرف وهي تبكي قدامه
هدى تشوفله مسحت دموعها عدلت صوتها تحاول تكون اقوى: لو تزوجتها مكنتش رح ننهار هكي لو تزوجتها كان ارحم … وتلفتت بتنزل
حسن شد مرفقها جبدها: هووب هوب وين
هدى تعصبت تلفتت نفضت ايدها: بعد مكسورتك
حسن سيب ايدها: مصارش من السؤال بس توضيح انتي قاريه القصة بدون نقاط
هدى تشوفله بشمزاز: عذر اقبح من الذنب، مش رح تخسر شي ره لو اعترفت انك…. قاطعها
حسن جبدها للحمام لصقها ف الحيط حط ايدها فمها بعنف ونتعصب: ضميه فمك ضميه لم تبدي مش فاهمه شي ومعندكش دليل ع كلامك تبلعي امه وتسكتي كنت تقدري تردي عليا وتساليني انا مكذبتش قبل عشان نكذب توا
هدى دفاته: انت كيف تجبدني هكي خوي جاي ف الطريق شن تحسابني وحده من فسداتك
حسن طربقها كف وقف قدامها: هدا عشان وقاحتك (شافلها بنظره حاده) لم بتفهمي القصة ع المزبوط رح تعرفي انه الكف هدا مجاش نقطه ف بحر وقاحتك…. فتحت الباب بعنف وطلع وقربعه بكللل قوته
حسن نزل ركب سيارته ومشي عطول
معاد قربله من بعيد بس مشي
حسن اتصل بـ معاد وهو معصب: اركب مع الشاب وصلحله الخربه متعه وتعالى للحوش نتحاسبو … وصكر الخط
هدى قعدت ف الممر متجمده وتراجع ف نظارات حسن والكف وكلامه رن هاتفها برقم هشام نزلت
اينور خشت الكليا سلمت علها: مبرووك خيرك

هدى شدت اينور بدت تبكيوصوتها ضايع : اسمعي بنركبو لسيارة تغطي عليا اقعدو هدرزو مانبيش هشام يدوي معاي
اينور عقدت حواجبها: خيركك فهميني
هدى مسحت دموعها عدلت روحها: ف الحوش نحكيلك وعد
وطلعو
ركبو
هشام تلفتت لـ هدى: اليوم نجحات
هدى ابتسمت
هشام عقد حواجبه: خيره وجهك مقلوب
اينور: هيا برا برا شن خيرها ودعت صاحباتها
هشام ولع: دلاع زايد
هدى فتحت هاتفها بلغصب وكانت تبي تبعتله رسالة بس مقدرتش
اينور شافت الساعه: زعما الصغار روحو
هشام يسوق: اي محمود روح بيهم
اينور شافت هدى ف المرايا لـ الباب وتلاقو عيونهم
هدى عطول حطت ايدها ع عيونها ونزلت راسها
وصلو ونزلت
هدى خشت للحوش متعصبه وتبكي خشت غرفتها وكان الحوش فاضي قعدت تبكي ع سريرها ومتعصبه (عرفتو العصبيه لتجي مع البكي وف ناس تتهور ومتتحكمش ف عصبيتها وقتها هدا لصار) قامت الهاتف بعصبيه اتصلت مره وتنين وتلاته واربعه لعند ومارد
حسن بصوت عالي بعصبيه: هاااااا هااااااااااا شننننن تببببي
هدى تبكي: انت خربتلي حياتي من لم تلاقيت معاك ضحكتي معاش حسيت بها الكلام لسمعته كلمه مش مني صدقني حكولي ع البنت وحكولي ع قصة انتحارك وقصة حرق ايد ولد جيرانكم مجرددد ماانت روحت ودبلتي عندك كل اقاربك ضافوني وخشولي يحكولي عليك الكلام لسمعته كله من بنات عمك (تبكي صوتها نقص) شن دخلي انا كيف نتصرف وكل وحده خشتلي بقصة

حسن: البنت لتدوي علها كانت كمين ليا ف الاستراحه يعني انه مشيت مع صاحبي للاستراحه لكن لصار انه كان كمين وصارت كبسه وطلعت البنت معاي ف الاستراحه من الوساخه كنت متكسر كل همي نرتاح بس وقتها كنت طالع من المصح ف ايام ونبي نرقد بس لصار مجرد محطيت راسي ف الصالة جتني الكبسة وخدوني وطلعت البنت قدامي ولمو الخمر لفي الاستراحه ونعادت القصة ونحبست لاني وتقت ف صاحبي نحبست لاني كنت خاش نبي نرقد ونريح راسي
(صوته نخفض) وقصة الولد لحرقتله ايده هدا نقز ع اختي ف الحوش وكان سكران كان سكران بسكير لـ انا عطيهوله كان بيتعدى ع اخته لكانت ف الجنان توكل ف القطوس وكانك ع قصة الشرطي لدمغله راسه ف الحبس هدا قالي وهو يشوف لـ قال انت خاش طالع علينا باين عليك ولد عاهره وهدا قصة الشرطي
وكان ع نساوين عمي ليش هكي يحكو عليا وليش ماجو في البيان لانه الولد لكان صاحبي وخداني للاستراحه هو نفسه ولد عمي وهو نفسه جمعتي ركبوله الرعب لدرجة انه مات وهو ماتعاطي جرعه كبيرة ف الحمام مات ف مكان نجاسه زيه
(سكت دقايق) شن مزال تبي تعرفي
هدى لين معاش قدرت تستوعب وف الف حاجه مافهمتش قصتها منه والف كلمه عقلها مستوعبهاش سكتت
حسن: انا حسن الولد لفقد بوه وخوه ف انفجار الكليا العسكاريه لـ كانت عزي لكل ليبيا

هدى سكتت دقايق: انت كيف قادر متحمل

حسن ضحك:لـ صار معاي شوية وجاش نقطه ف بحر باقي الشباب لفي المصح في ناس هبلت بسبب خمرر يشربو فيه في شباب تنتحر وفي شباب تقتل عشان تشرب مانبيش ندوي دوه توسخي دماغك
هدى ساكته
حسن ساكت تواني: ماتلوميش روحك لاني كنت عارف انك رح تسمعي سوا توا او بعدين مشاء**** اعدايء اكثر من احبابي
هدى سكتته
حسن ضحك بشوية بهدؤ يعدل الجو لتعكر: خوك عنده ملف ليا حاولي تاخديه لو مزال عنده تلقي فيه كل شي حتى بصمتي
هدى بصوت واطي: مزال ف تاني
حسن: لا تم سمعتي كل شي بس لو مافيش مصداقيه تقدري تتاكدي
هدى سكتت
حسن ابتسم تنهد: صكري
هدى: تو نرباها بنت عمك

حسن ضحك فوسط عصبيته: ديري لـ يريحك
هدى: الايام بينا سلام.. وصكرت الخط
.
.
اينور غيرت ملابسها جت بتطلع شدها هشام
هشام يضحك جبدها: وين وين نازله
اينور شافتله: بنجيب يوسف من حوش سهام
هشام لفي ايديه علها: يلعب فوتيه بعدين
اينور ادف فيه: هشام الولد قاعد بملابس المدرسة نجيبه نغيرله وينزل
هشام قرب من البلكونه ينادي ع يوسف من جنان خوه: يوووسف
يوسف شاد الكورة شافله فوق: نعم
هشام: اركب جررري
يوسف نفخ بملل حدف الكورة لصغار عمه وخدي شنطه وركب
ركب خش
اينور كانت ف غرفته تختارله ف ملابس
يوسف خش خلعها: بوووووم
اينور تضحك: لم بتخلع خش ساكت مش خاش تهدرز مع بوك ف الممر وبعدين جاي بتخلعني
يوسف ضحك حط الشنطه ويحول ف قرنبيوله: كملتي خدمتك
اينور طلعت تيشرت اصفر وشورت اسود: اي كملتها وقالولي شاطره خود الملابس هادم البسهم خلي نحط الغدي لـ بابا
يوسف: باه
اينور طلعت خشت المطبخ: شن بنتغدو الساعه 2
هشام: انتي مش كليتي ف المطعم مزال بتتغدي
اينور فتحت التلاجه: هشام خيرك تنقى ع ماكلتي
هشام يجهز ف قهوته: امورك ياودي كولي… وطلع بقهوته
اينور جهزت غدت جاف
وقعمزو يوسف واينور يتغدو
يوسف شاف هشام: ترا قول من جاني ف المدرسة
هشام يشرب فقهوته ويقلب ف النت: مني
اينور: هشام وقت قهوة توا ولا وقت غدي
هشام: المزاج مليشي وقت عشان يتعدل
يوسف: ياباااباا ترا قول من جاني جابلي شكلاطه انا وصحابب عطيت منها لـ انس وكرم
اينور: مني جابلك شكلاطه
يوسف: خويله نسرين جابتلي شكارة كنا نلعبو ف كورة كلينا كلنا
هشام شافله: شن قتلك
يوسف ياكل ف نصه: قتلي تروح معاي نمشو لجديده بس
هشام: اي وانت شن قلت
يوسف شاف اينور: اينور قتلي ماتمشي مع حد
هشام: اينور قتلك ماتمشي مع حد سمعت كلامها وانا لم نقولك ماتمد ايدك لحد ليش ماتسمع كلامي انا شن قايل
يوسف: مش فلوس شكلاطه بس
هشام علا صوته: انا قلت ايدك ماتمدهاش سوا شكلاطه او حلوى او فلوس كله ز بعض اهو نسمع بيك مره تانيه واخد حاجه من حد انا منتكلمش ع خالتك انا نتكلم ع اي شخص
اينور: وسيفا… قاطعها
هشام: اينور حاجه بينا ماتنصحيشي بشي خليه يجرب يعاودها.. وناض
يوسف حط سندوتشه يتكلم بصوت واطي: بننزل لـ انس باهي
هشام من الصالة بصوت عالي: قايله العب ف دارك
اينور: حبيبي شمس برا تمرض
يوسف رجع قعمز مكانه قعد ينق بصوت واطي يهز ف الطاولة: كلميه
طاحت الطاسه تكسرت لانه يوسف كان عصبي يهز ف الطاولة
هشام سمع صوت الطاسه تكسرت
اينور: علاش هكي ياوسيفا شمس تمرض اهو حني كبار ونخافو نطلعو ف الشمس عشان مانمرضوش
يوسف تعصب: مانمرضش نبي ننزل
اينور طبست تلم ف الكاسه المكسره وهي تلم فها
يوسف جي وراها هزها: كلميه يخليني نننزل
اينور عيطت لم هزها يوسف كان تلم ف الزجاج ونجرحت: اااه يايووسف
هشام ناضله: باش تفهمم انت
يوسف هرب لداره
اينور مشت المطبخ ايدها ددمم
هشام لحقها: نجرحتي
اينور تعصبت: كلامك غلط هدا عيل لازم تتحكم ف كلامك ممكن يخاف ولو جاته نسرين مره تانيه معاش يقولك لانه رح يخاف تعيط عليه… قاطعها
هشام: نتفاهم معاه انتي متدخليش
اينور تغسل ف ايدها: الولد يقرا وشاطر ويسمع ف الكلام طلعه معاك هدرز معاه مش كل شي اوامر راهو مش شرطي عندك هدا عيل
هشام: ماتمشيش معاي ربايت الدلاع هادي انا نعرف مايسمعش الكلام العصا
اينور: مافي واحد يبي العصا الا انت
هشام: انا عندي خدمه طالع وهضاكا الحيوان ميطلعش لعند يأذن العصر… وطلع
.
.
هدى كانت ف دارها وقعده بملابس التخرج لعند خشت امها
عفاف: نوو برا شنو جو الحفله
هدى قعمزت: كنتي عند سهام
عفاف: اي
هدى ناضت: انا بنخشش لدوش بعدين نحكيلك ع الحفله… وخشت لدوش
.
.
ماريا: ماما قصدي مش صغيره انا نعرف ولدك خلاني نروح مع معاد عشان يبي يشوف خطيبته هدى
وصال امه:خوك مش متع بنات اسكتي ترا
ماريا: كانت خطيبته ياماما يعني ولد شن عندمايصنع غادي بروحه
حسن كان يسمعلهم بعدين خش: سلام عليكم
ماريا ووصال: وعليكم السلام
حسن خش داره
ماريا بصوت واطي: متوحد ولد ره انطوائي
.
.
هدى طلعت من الدوش شافت رساله (االسلام عليكم انا ماريا اخت حسن لو سمحتي ممكن نحكو)
هدى تجاهلت الهاتف قعمزت تفكر
قعدت اضم ف الغرفة وملابس التخرج دقايق قعمزت تفكر واتصلت
من اول رنه رد ف نهايتها
حسن : ايوواه
هدى: هلا راقد؟
حسن: لا خير
هدى: لاشي بس بنقولك شي بس تفهمني قبل
حسن: الاهو !!
هدى: اممم اختك بعتتلي رساله انها تبي تكلمني شنو نقول لو اتصلت
حسن: شن وضعي ف السؤال؟! امورك تبي تردي ردي
هدى بتتكلم قاطعها
حسن: ولو كانت عيلتي مسببتلك ازعاج نطلع ونكلمها معاش تتواصل معاك.
هدى: لا متكلمهاش عادي رح نرد علها
حسن: امورك
هدى تنهدت: انا متخلفه اصلا لاني اتصلت… وصكرت الخط

يتبع ……..

الجزء الثالث والعشرون من رواية جعلني انثي​

هدى تعصبت من حسن ورنت ع ماريا وردت
ماريا: ايواا السلام عليكم
هدى: وعليكم السلام
حسن جاه فظول يعرف شن بتقول طلع لصالة وقعمز جنب اخته
ماريا استغربت: اسفه ع الازعاج
هدى: مافيش ازعاج عادي
ماريا: اممم اليوم مشفتكش كانت زحمه
هدى: اي انا اصلا نص البنات لمعاي كنت نبي نشوفهم ملقيتهمش
ماريا: اممم حاله، اسمعي مانعطلش عليك انا نبيك ف موضوع لو ماجنبك حد نبيك تكوني بروحك
هدى: انا بروحي نشاء**** خير
ماريا ناضت خشت المطبخ ومعرفتش شن بتقول: مش عارفه شن بنقول بس ياريت تحاولي تفهميني انا نشوف ف خوي متشتت وشفته اليوم كيف نسحب وخلاني نروح مع ولد عمي وعرفت انه بـ يقابلك (سكتت تواني) مررت سنه عرفه….. قاطعها صوت الباب الخارجي ليتقربع
ماريا خشت لصاله: حسن الباب يتقربع
حسن طلع
هدى: ماريا انا مش مسؤوله ع تصرفت خوك ف النهاية انا بنت غريبه عليه يعني شن ياكدلك انه حسن قابلني انا ف الكليا ممكن ف بنت غيري
ماريا بصوت يرجف: اسمعي نكلمك بعدين حسن دار عركه برا متهجمين عليه… وصكرت الخط
.
حسن تعصب: تاخد خوتك وتهوي من هني
صفوان ولد جيرانهم: المبلغ لعطيتهولك مش صغير حسن وين باقي الفلوس
حسن علا صوته: انا الظرف لبعتهولي عرفت فيه فلوس لكن رجعت ومانعرفش حتى المبلغ كم سامع وانت ماتنكرش انه فلوسك رجعولك ف نفس اليوم
صفوان: وصلووو لكن ناقصات

حسن عقد حواجبه: كم ناقص؟
.
.
ماريا اتصلت بـ معاد وقاللها انه مش ف الحوش وانه جاي
دقايق وخش حسن فاصل ركب داره واتصل بـ معاد لكن مباش يرد
حسن طلع طلع
وصال شداته: شن في خيركم
حسن بعصبيه: شن في مافي شي الولد لدايره ز خوي مأمنه ع اخته خليته يروح بها اليوم طلع يخنب فيا شن مزال مصارش معاي
ماريا نصدمت: معاد خنبك !!
حسن متعصب طلع
رن هاتف ماريا: ايووا ياهدى
هدى: ماريا شغلتيني ف شي صاير معاك
ماريا: مش معاي مع حسن ف وحدين جايين شكلاهم من لشارع التاني صايره مشكله المهم بينهم توا طلع حسن متعصب
هدى سكتت
ماريا: هدى انا مش صافيه توا بعدين نكلمك
هدى: تمام بس نشغلت… وصكرت الخط
هدى رنت ع حسن بعد الف صراع بين قلبها وعقلها اتصلت
حسن رد يسوق: ايوواه ياهدى
هدى: حسن ملياش علاقه عارفه بس لو سمحت عشان امك المرعوبه ماتتهورش
حسن يسوق: ولد عمي التاني يخنب فيا ياهدى مدخله حوشي ومخليه مع امي واختي مدايره ز خوي بسببه كمشة كلاب يطقو بابي
هدى: ماتتعصبش افهم منه قبل ماتتصرف

حسن تنهد تنهيده طويله ويسوق
هدى: خليك عادي افهم منه لو سمحت
حسن شد فرينو وقف السيارة ف نص الطريق بدي يتكلم بصوت واطي: اسمعيني هدى ف تلاته سيارات قدامي
نزل زياد من وحده من للسيارات
حسن: احفظي الاسم معاهم واحد اسمه زياد التجار توا صكري هاتفك
هدى خافت: حسن
حسن: انا… وصكر الخط
زياد قرب من السيارة فتح الباب جبد حسن من وسطها: توا مش حصلت
حسن دفه: معاش نبي نتعامل معاك شن بلغصب تبي نجيبلك بضعتك حول
زياد ضربه بوني ع وجها: انا لخليتك راجل
حسن تعصب دفه وضربه ع خشمه
زياد طبس وخشمه ينزف طلع سكين ضرب حسن بها ع بطنه
.
.
هدى معرفتش تتصرف قعد ادور ف الدار وتعض ف اظافرها من الخوف
.
.
ونفس الشي ماريا لـ تتتصل بـ معاد ويعطي فها مقفل
.
.
عفاف خشت: ليا ساعه انادي عليك تطلعي تتعشي

هدى هدت: مخاطريش بنرقد
عفاف طلعت
هدى بعد الف فكره: انا بنتصل ولـ بيصير يصير
قعدت تتصل تتصل تتصل مافيش رد
حسن لقعد ملوح ف الطريق لعند مرتت سيارة ونزل الراجل قعد يشوف ف حسن ورن هاتف حسن
الراجل خش السيارة رد
هدى: حسن
الراجل: اختي الشاب لقيته مضروب ملوح ف الطريق
هدى: شن تكذب مني انت وين حسن
الراجل: الشاب بنسعفه ينصكر لخط… وصكر علها
وقرب حسن لسيارته وسعفه
هدى قعدت شاكه بـ انه مقلب مش مستوعبه شي
لعند مررت نص ساعه
ورنت ع رقمه
ورد الراجل: ايووا
هدى: وين حسن
الراجل: في مستشفى…..
هدى: نقدر نكلمه
الراجل خش لغرفة حسن لقاه راقد ع السرير وجنبه لممرضه: في وحده تتصل
حسن حرك ايده بمعنى اطلع
هدى: قوله ريفان (اسم كان يحبه حسن

الراجل: ريفان تتصل
حسن عيونه مرخيات فتح ايده وخدي الهاتف والراجل والممرضة طلعو
هدى سكته
حسن بصوت واطي: ريفان !!
هدى سكتت
حسن تنهد: ليش قلتيله ريفان
هدى: شن صاير معاك لمعاك قالي انك ف المستشفى
حسن سكت
هدى: حسن… قاطعها
حسن: شنو مصار شي مافي حد خنب مني فلوس كان فخ لـيا الناس لكنت نتعامل معاهم من قبل ف التجارة الوسخه طلعو من الحبس من فتره ولاني كنت مغير عنواني بس لقوني
هدى: انت كويس
حسن تنهد: كويس
خشت الدكتورة: هي بنخدروك عشان الخياطه لجرحك
هدى سمعتها: حسن خياطة شني
حسن: بعدين نكلمك… وصكر الخط
هدى مجرد مصكر حطت ايدها ع فمها بدت تبكي
بعد ساعتين
ترن عليه مقفل مقفل

لعند فاتو الساعتين واستجوبو الدكاتره وهكي بس هو سكر الدوه وقال انه صار حادث وبلغلط وميبيش يشكي ولا يفتح محظر وكملت الدوه هادي واتصل بـ هدى
هدى ردت تبكي: مصكر الهاتف ولا كانه ف بنت معبراتك ولا كانه ف حد ساهر يستنى… قاطعها
حسن ابتسم: خلاص خلااص مصار شي اهدي

هدى تبكي
حسن: ليش تبكي
هدى تمسح ف دموعها ويرجعو ينزلو تاني
حسن: ماتبيش تتكلمي
هدى تنهد: شن كانو يخيطو
حسن ضحك ع طريقة السؤال: جرح صغير
هدى: حسن بنتصل فيديو انا نصكر الكاميرا لكن انت تفتحها
حسن: اسمعيني … قاطعاته
هدى: ونبي

حسن تنهد: مش لابس شي من فوق يابنت افهمي اسمعيني مافيا شي
هدى بدت تبكي: مالبس شي من فوق وتقولي جرح صغير
حسن تعصب: نشاء**** نودر نهبل باهي قلنا مافيا شي نكدب عليك
هدى مسحت دموعها وسكتت
حسن ابتسم: انتي بتهبليني؟
هدى ساكته
حسن ضحك يخفه: هدا كله وماتحبينيش هدى؟ كان تحبيني كيف
هدى عدلت صوتها: شن دخل انا ردت فعلي طبيعيه خفت
سكتو دقايق
هدى: بنصكر
حسن: تمام
هدى صكر الخط

حسن تنهد ونفتح الباب وخش معاد
معاد: شن صارلك
حسن حاول يقعمز تعصب: صفوان وخوته كان مانمسحهم من ع لارض انا معاش نتسمى حسن نوريهم ع منو يكدبو
معاد ضحك: متاخر حبيبي مشيت للحوش وماريا قتلي عليهم مشيتلهم وصفوان حصل رصاص ف رجله
حسن ابتسم: صدقتهم وشكيت فيك ره
معاد قعمز ع حافه السرير: صفوان دار المسرحيه هادي وحصل فلوس من زياد المهم لم شفت صفوان ف الطريق كان معاه واحد عطاه فلوس خديت الفلوس منه وعطيته رصاصه
حسن نفخ بعصبيه: ياحبيبي توا هشام ماعنده مايصنع تتوا بيقولي كيف صار هكي
معاد: الحق معانا.. قاطعه
حسن تعصب: تي قالي بيض صفحتك لو تبي نسبي يعني لو بعدت ع المشاكل كان بيعطيني اخته قالي بيض صفحتك ياراجل عاااام واني نزوق في امها الصفحه
معاد: هو زابط انه اخته تبيك ره غير هكي مستحيل يعطيهالك
حسن تعصب: معااد ماتنفخهمش
معاد: كلمتني ماريا قلتلها شديته مع الشباب يهدى ومصار شي المهم صدقت اختك
حسن: اتصل بـ امي قوللها انه انا مع الشباب وخداني النوم
معاد: تمام
حسن: سمعتني شن قلت امي مش ماريا
معاد: تي امك باهي.. وطلع
.
.
تاني يوم

هشام طلع لشغله مع يوسف بيوصله للمدرسة
اينور غيرت ملابسها ونزلت لحوش عزوزتها صبحت عليهم
هدى: لابسه عندك محكمه اليوم؟
اينور: لا ماشيه بندير تحليل حمل
هدى: غايبه عليك ال$$$$$
اينور: اي هدا وتغيرت طريقة ماكلتي بديت ناكل بشكل يخوف حتى هشام قالي خيرك تاكلي بشكل هدا
عفاف: انشاء**** يااينور
اينور: نبي هدى تمشي معاي مانقدرش نمشي بروحي
هدى بملل: معنديش خلوق للمستشفيات يمرضو
عفاف ناضت للمطبخ
اينور: ماشيه بسيارتي بدون علم هشام خايفه نقوله ونطلع مش حامل
هدى: مصحكك يقتلنا لو نطلعو بدون علمه
اينور: لو نمشو بسرعه ونجو مايحسش بينا هيا

هدى سكتت
اينور بترجي: هدى وقت اضيعي فيه هيا

هدى ضحكت: دراه محلاك تترجي فيا… ركبت دارها واذكرت حسن ف المستشفى اتصلت بيه وفرحت
هدى ترن
حسن فاق من نومه: ايوواه
هدى: نوضتك من نومك
حسن بصوت واطي ورااقد: اي
هدى: حسن انت ف اي مستشفى؟
حسن: مستشفى $$$$ لعصر بنطلع ليش
هدى: شي… وصكرت الخط عليه
لبسة عباية سوداء واسعه نظام خليجيات ووشاح ستيل ابيض وكويش ابيض وطلعو
وطلعو واستاذنو من عفاف
هدى: بري لمستشفى $$$
اينور: عينك شن بيوصلني غادي اهو نمشو للمصحة قريبه
هدى: المصحه مافيهاش دكاترة كويسين بري للمستشفى قلنا
اينور: ف وراك قصه انتي
ووصلو خشو لقسم التحليل وخشت اينور للحجره التحليل
هدى: نمشي ناخد عصير او سن توب ممكن ادوخي او شي تمام؟
اينور: تمام متعطليش
هدى طلعت خشت لقسم الاسعاف وقعدت تسال ف الممرضات انه ف شخص جي مصاب مبارح لعند دلوها ع غرفته قربت للباب تنفست وسالت الممرض واستفسرت لو عنده حد او بروحه وقالولها بروحه طقت طقتين وخشت كان راقد لابس توب خفيف متع معاد
هدى قعدت جامده شن بدير وهو راقد قربت ابتسمت طاسات الميه لجنبه صبت ف ايدها شوية وملت ايدها تقطر ع حسن
حسن فتح عيون وسب سبه كبيرة: يا#####
هدى فتحت عيونها ع وسعهم
حسن شافلها معاش فهم قعمز بصعوبه : انتي شن اديري هني (تعصب) هبلتي من جابك؟ كيف تجي هني؟ انت مريضه؟
هدى: جايه بندير تحليل
حسن هدي وسيب عصبيته ع جنب: اهاا انتي مريضه؟ طلع تحليلك (حاول يوقف ووقف) انتي جيتك هني غلط (شد مرفقها) تعالي نغيرو الحجره ممكن يخش علينا حد ويشوفوك عندي
طلعو وقعدو يمشو ف ممر حسن شاف حجرة كشف فاضيه شافلها: تعالي
خشو وصكر الباب
حسن قعد يشبحلها لعند ماضحك
هدى ضحكت لضحكته
حسن قعد متكي ع الباب: طلع تحليلك؟
هدى تنهدت: شن اصابتك؟
حسن شاف ع جنب ضحك ورجع شافلها: خايفه عليا؟
هدى: مبردك لا جايه نلقي خطاب بس

حسن ضحك: تي واااك
هدى: حسن شن اصابتك
حسن: ضربت سكين ع جنبي بس صغير ماينحكاش بيه
هدى رن هاتفها برقم اينور: انا بنمشي ماتشوف شر
حسن بعد من ع الباب: شكرا ع الزياره انتي اطلعي مانبيش نطلعو مع بعض
هدى وصلت للباب ورجعت تلفتت: موجوع؟
حسن ابتسم ع لطافتها: كنت موجوع توا لا بشوفتك نسيت حتى وين اصابتي

هدى ابتسمت: سلام… طلعت وسرعة خطواتها للكافيتيريا خدت كيكه سن توب لـ اينور وسرعت خطواتها لقسم التحليل
هدى: انا جيت
اينور: وينك ساعتين هيا بنطلعو وغظوا بناخدو التحليل قالو
هدى: ليش مش توا
اينور: صايره عركة بين الدكتورة والممرضة قالو غضوا فوتيهم غضوا نجو هيا… وطلعت
ركبو ف السيارة
اينور تسوق
هدى طلعت منها ابتسامه عفوية مجرد ماذكرت شن قاللها

اينور تسوق شافت هدى: ابتسمي ابتسمي حسابك ف الحوش قعدتي تبكي ف الكليا وماحكيتيلي خيرك واليوم جبتك مضايقه وروحت بيك فرحانه وتوزعي ف ابتسماتك
رن هاتف اينور
اينور ردت: ايووا ياعمتي
عفاف: راكم تعطلو
اينور: حاظر مروحين
عفاف: كويس.. وصكرت
رن برقم هشام
اينور خافت ضربت روحها كف: كلينا هواء
اينور درست السيارة عشان ميسمعش صوت السواقه وصكرت الشبابيك: ياحليلي بيسمع صوت السيارات
هدى: صكري ابعتيله رسالة نجهز ف الغدي شوية ونكلمك
اينور: نجهز ف الغدي ونكتب ف رسالة خيرك انتي غبيه بديتي
الزوز يشوفو ف الهاتف يشرين
اينور: هدا شرطي ياهمي اكيده عرف
هدى: غبارتي اني
اينور تعض ف صبعه بتوتر وردت: ايوواه
هشام: وين ماكنتي تلفي وترجعي
اينور: هشام… قاطعها
هشام: تلفي وترجعي توا تنبتي قدامي… صكر الخط
اينور خافت: صوته يخووف اول مره نخاف منه هكي… ولعت وبدت تجري بسيارة
هدى: هووب هوووب انتي شن تحسبها فيراري راهو ف اول كوبري نديرو جوله ف الجو بسيارة
اينور تجري لعند ماوصلو وزوز ف السيارة خايفين
هدى: انزلي
اينور خايفه: انا بنركب لحوشي
هدى: انتي مرته حاولي تهديه قوليله ع الحمل
اينور تنهدت: انزلي انزلي واستشهدي
نزلو وخشو
رن هاتف اينور ردت
هشام: اركبي وقوليلي لـ هدى تخش تو ننزللها
اينور صكرت: قالك خشي لحوشكم حسابك بعدين
هدى: ربي يعون ف عونك خوي هدا مانوده لـ عدوي
اينور ركبت وهي تمشي ف الدروج ببطىء لعند وصلت ف الباب وفتحلها وخشت ساكته حطت المفاتيه والهاتف ع المدخل
اينور تلفتت: هشام نفهمك ماتتعصبش
هشام قربع الباب يتكلم بعصبيه: مش خاسره شي لو سالتيني انك بتطلعي انا دايرلك سيارة واتق فيك ومدرتهاش لعند ماتاكدت كويس انك بطلتي هبال وهديتي عن قبل ورح تكوني قد المسؤوليه
اينور: كان ف المستشفى المشوار ضروري كان

هشام ضرب الباب بيده: امي قتلي انك بتمشي للمستشفى ورافعه هدى تعرفي مني كان مدرس قدام المستشفى لكنتو فيه تعرفي مني كان متصاوب وف المستشفى
اينور خافت ساكته
هشام تنهد بعد شعره للخلف: اينور زياد كان مع جمعته قدام المستشفى يستنو ف حسن حسن لمتصاوب وفي المستشفى
اينور كانت بتقوله كانت بدير التحليل ف للمصحه بس اصرت هدى ع المستشفى بس سكتت لانه القصة فها حسن واينور فهمت انه سبب تاخير هدى هو حسن
هشام: يهمي راك كبرتي ع الهبال الاستهتار هدا تعرفي شن لصار انتي خشيت لتحليل ولحقك زياد وصارت مشكله دار عركه مع الدكتورة وممرض عشان يبي يشوف تحليلك قبل ماتشوفيه انتي
اينور سكتت تواني: اسفه صح صارت عركه غادي
هشام تنهد: كان وراكم شرطي من جمعتي وكان يعرف هدى اتصلو بيا عطوني موصفات سيارتك ولم لحقكم زياد قتله يلحق زياد عشان يحميكم فهميني لو صار شي كيف بنتصرف انا؟! ادووي وينه لسانك الملوي ع رقبتك
اينور بدت تبكي: باه انا شن ذنبي كان لحقوني انا كنت غافله ع هدا كله كنت نبي ندير تحليل ونروح بس
هشام تعصب: ماتبكيش كنت مسؤوله ع تلاته ارواح انتي حسن وهدى وانتي لكن ف المركز كانو هامتهم روح حسن بس سامعه
اينور شبعت تبهديل كانت بتخش
هشام شد مرفقها ومدلها ايده: مفتاح السيارة
اينور سحبت ايدها وقربت عطاته المفاتيح
هشام خداهم وطلع وقربع الباب
هشام وهو نازل وصل لباب حوش امه رن هاتفه برقم حسن: ايووا ياحسن
هدى كانت ف الصالة والشباك مفتوح وسمعاته لانه الشباكيطلع للجنان
هشام: رد بالك ز ماقتلك توا كلموني قالولي زياد ف الكافيتيريا والسيارة لـ برا فها نفرين
حسن: تمام حلو خلي عادل يركبلي وننزل معاه مدورنيش
هشام: تمام ميا ميا لكن لو حسس روحك مش تمام من الاصابه نجيبولك دكتور تاني ف حوشك
حسن: لالا صغير مدورش المهم نتلاقو ف حوشي ع اذان العصر
هشام: ف حوشك امك بتطلعلك وبتشوفك ومش ناخدو راحتنا تعال لحوشي اصلا الوراق عندي
حسن: تمام
هشام: تمام نستنى فيك.. وصكر الخط
(حسن لانه كان يعرف معارف ف الشغل هدا هشام عرض عليه يتعاون مع الشرطه ووافق)
حسن صكر الخط ووصلاته رساله ع الواتساب وفتحها كان رقم زياد باعتله فويس
زياد: شن ياقميل انت شن قصة اخت الشرطي لتتجول انت وياها ف المستشفى من غرفة لغرفة
حسن نصدم: ### العبي ياهدى العبي… ضرب الطاوله

يتبع ……….

الجزء الرابع والعشرون من رواية جعلني انثي​

اينور صح كانت طيوبة هلباا ودمها عسل بس الناس ولسانها طويل وشخصيتها نعتبروها قوية لكن هادي قلبها قزازز من لو حد من الناس لتحبها يزعلها

اينور مجرد مطلع هشام متعصب من تصرفها انها مشت للمستشفى مجرد مطلع وقربع الباب بدت تبكي قعمزت ع الارض ف الممر

.
.
هشام خش: يماا يمااا
هدى طلعت من دارها: انت تبيني انا مش امي
هشام شافلها: عارفه تصرفك من تصرفات الصغار
هدى علت صوتها: انا مش صغيره عشان ع طالعه وع الخشه نجيك وياهشام نبي وياهشام بنمشي متنساش موضعك هشام انت خوي مش بوي ف النهاية انا كبيره
هشام تعصب: انا يتكلم معاي بطريقه هادي وين هدى لـ صوتها هادي ونبدا نعيط علها عشان تعلي صوتها من امتى هدا؟
هدى نزلت راسها وسكتت
هشام عل صوته: مرات توصلي لمراحله انه يفوت ايام منسمعش صوتك توا تعلي ف صوتك عليا لا جديده هادي
عفاف جتهم تجري من غرفتها بلبسة الصلاة: خيركم بلعياط تتكلمو ياميمتي شن جاكم
هدى قامت راسها بضيق بصوت هادي : مش لدرجه هادي انت حابسني راك حتى لفي الحبس عندكم مره مره يطلعو فيهم من زنزاناتهم
هشام تعصب: اينور غيراتك؟! نفس التصرفات بدت نسخخخ لصقق
هدى بصوت هادي: لا مغيرني حد بس انا كبرت وانت اكيد مش متوقع نقعد طول عمري ع كيفك اي شي تبيه نديره لكن سجنن ساجنه انت
عفاف قاطعتها: باه خلااص امكم قدامكم قولي هشام شن صار ف المجرم لحكيتلي عليه
هشام تنهد: مصار شي توا كلمت حسن وحكينا فيه… وطلع
هدى داخلها: لو كان نفس حسن لخطبني كان مش رح يجبد اسمه قدامي اكيد تشابه اسماء اصلا شن جاب حسن لـ هشام وهما مش متحابين.. وركبت غرفتهالقت اتصالين من حسن
هدى تلوحت ع السرير وندمت ع كلامها مع هشام لعند خداها النوم

.
.
هشام طلع ركب سيارته واتصل: تعرف انهم يراقبو فيك ولو تلاقينا بيزبطو انك متعامل معاي
حسن: اي طلعت من المستشفى انا وفي سيارة لاحقتني كيف جيت بنتصل بيك
هشام يسوق: اسمع وركز بتمشي لكافي $$$$$ توا ف واحد يستنى فيك غادي لابس تيشرت ابيض وسروال اسود بأي شكل تحاول تقعمز جنبه هو بيحاول يستفزك ف الكافي تنوضله اديرو عركه انت وياه وهو طبعا بيطلع بطاقته لانه شرطي ويشحطك للمركز ونتلاقو
حسن تعصب: يشحطني عدل كلامك
هشام يسوق متعصب: مش طايق روحي عشان نطيقك.. وصكر عليه
حسن يسوق رن هاتفه برقم زياد تعصب حسن ورد لانه معنداش حل تاني: ايوواه هااااا شنييي بالك تحساب روحك راجل وبتفوتها الضربه ورحمت خوك يازياد لو مانخليكش تتقطع عرق عرق انا معاش نتسمى الحسن
زياد: غير لااا ياالحسن شكلك مش متغدي
حسن يسوق: شن شعورك وانت تلجق فيا ز الجرو وراي حركات مافيا وجو تي انت راك بجمعتك هادي مش شكل جمعت عصابه راكم عقاب كلاب شوارك بس
زياد: لسانك طاول اي احكيلي من القمر لخاش من حجره طالع من حجره معاها منحصلوش اختها
حسن زاد السرعه: ز ماانت مرعوب بمجرد انك توصل ف امي واختي نفس الشي ماننصحكش تحلم بلقمره لشفتها
زياد ضحك: احححا ياحبيبها واكل بسبوسه ولا واكلها
حسن تعصب: شن تبي بلا سماطه
زياد ضحك: واكل خراا
حسن: مخاطريش فيك
زياد: لسانك طاول يامتوحد قبل كنت ساكت تكلم فيا انا ومعاد بس توا مولي راجل وداير حبيبه… قاطعه
حسن: الناس المتوحده مش صفه للشتم او للقب برا اسمع شن تقول
زياد ضحك: غير لاا يا دكتور هدا تعلمته من المصح العقلي لـ كنت فيه؟! حبيبتك تعرف بلمصح؟! وبلجرايم والبنات والاستراحات والسكير والتجاره والتوحد وسجنك ووهروبك من المصح ولم جنيت وتاخد ف مهديأت تعرف بـ انك متواحد ومعندكش صحاب غير المطرشق معاد

حسن: انت مع كل لـ سميته موصلتش ف نص اعمالي فا عن تجربه وانت تعرفني شني وصدقني لو توصل ف هادم التلاته ننهيك سامع وراني مش خاسر شي ماوراي شي نخسره وككل ادوات التعديب مجربها سجن ومصح وتخدير ومهدأت… قاطعه
زياد: منحبش نوصل ف الحاجات هادي انا
حسن صكر عليه وزاد سرعته وكل شويه يشوف ف المرايا ويشوف ف السياره لـ تلحق فيه
لعند موصل للمركز وكان بجدد متعصب خش طرب نص نص لكن كان زحمه قرب الشخص هدا لتيشرته ابيض وطلب نص نص
تواني وحطلهم طلباتهم الزوز
الشرطي للباس ابيض خدي طلبه ونصدم لم شاف حسن
حسن حس بدوخه تصفرر ف راسه لم نزل عيونه لقي تيشرته معبي ددمم
زياد هني خش بكل برود شافه وقرب خدي طلبية حسن
حسن قعمز وقربوله زوز شباب خيرك ياخوي وهكي
الشرطي معرفش يتصرف وعرف زياد قرب لـ حسن: لاباس خوي تعالى نسعفك
حسن شافله وشاف زياد لمبتسم ببرود
الشرطي شاف الشباب: شباب نطلعوه لسيارتي نسعوه دايخ شكله
حسن قرر ينسحب من الخطه حس انه ف شي بيصير ف هدى خاف يديرلها زياد شي او يطلبها قعد متمسك ف الحيط وطلع
الشرطي للبس ابيض لحقه: خليني نسوق عليك نوصل
حسن بعكس الخطه حط ايده ع كثف الشرطي: بارك **** فيك انا نرجع بروحي… وطلع
زياد يشرب ف طلبيت حسن: لاباس عليك حبي
حسن تلفتت شافله دارله حركت إشارة هما يفهمو ف بعض

يمين يسار معنها ياويلك او نهايتك قربت وطلع
الشرطي رجع مكانه
وزياد طلع وراى حسن
الشرطي اتصل بـ هشام

هشام: ايووا
الشرطي: الشخص طلع ينزف
هشام: كيف ينزف خليته بروحه شن صار كيفف
الشرطي: مانعرفش بس باين عليه خش متعصب مانعرفش ممكن يمثل المهم لم قمت عيوني فيه تيشرته ددمم ممكن مش منتبه هو
هشام: تمام صكر خلي نفهم منه
الشرطي: بس كان ف شخص يستفز فيه وخدي منه قهوته وقعد يشوفله بنظرات مستفزه ولم جي طالع قاله ببرود لاباس حبي
هشام: تمام… وصكر اتصل بحسن
حسن مجرد مطلع من الكافي ركب سيارتها ركب الدم لراسه زاد تعصب وقعد يسوق ويضرب ف الدومان ويرن عليه هشام رن وتانيه رد
حسن وقف السياره ع جنب تنهد ورد: وصل كل شي لـ الشرف وانا نعرف زياد ومعاشره المره هادي تغيرت الموازين انا مش رح نحكيلك ولا شي ع زياد….
.
.
هدى ركبت لـ اينور طقطقت
اينور فتحت ببجامه وجها منفخ باين من وجها مش رايقه: هلا خشي
هدى خشت وصكر الباب
اينور خشت الصالة ولعت التلفزيون وقعمزت: واااك تعرفي فصل عليا فصله حمارة
هدى ابتسمت ابتسامه صفراء
اينور لمسة كثف اينور: اسفه
هدى: انا متعوده ع شنو تتاسفي
اينور سكتت
يوسف خش الصاله مبتسم: مامتي
اينور نصدمت فيه ابتسمت: ياعمري شن قلت

يوسف قرب شد خدودها: مامتي اليوم صحابي قالولي شفنا امك تذكري ف مره جيتي مع بابا انا بنقولك مامتي
اينور شداته بقوة بساته: انا منتحمل هلجمال ياعيون مامتك
يوسف يضحك
هدى ضحكت: احمم احترمو مشاعري اتو تنوض عليكم رومانسيتكم قدامي
اينور ضحكت
يوسف: شن تبي انتي
هدى قامت حاجبها: مستاحشاتك
يوسف ضحك شاف اينور: شن تبي منك هادي
اينور حركت شعرته اطوال شويه: وسيفا انت كملت الجواب لـ قتلك اكتبه
هدى: لو مش فاضيه ننزل
اينور: لا خليك كساد غير يوسف عنده واجب عربي بس لكن يعرف يكتب بروحه كبير
يوسف مشي لداره يحب من يدعمه
هدى فتحت نت ف هاتفها
اينور اتكت تسطحت لعند هووب خداها النوم
هدى دقايق مش منتبها وهي ع النت شافتها راقده ناضت خشت ليوسف: يوسف حبيبي اينور رقدت ماتنوضهاش تو ينوضها بابا
يوسف: عندي واجب نبها تنوض
هدى قربتله: يوسف هي مريضه انت اكتب ولم تنوض بعدين وراها شن كتبت او تعالى انزل نقريك انا وانادو ع انس وكرم يقرو معاك
يوسف وقف: باه
هدى: هي
يوسف ضم كتبه ف الشنطه ولبسها ونزلو
وفعلا نادت ع انس بس وكرم كسدت عليهم وبدت تحفظ فيهم ف الانجليزي مع بعض مع انه كرم اصغر منهم بـ سنه وتخلي فيهم يغارو ن بعض ف القراية

وبعدين طلعتهم يلعبو
دقايق
اينور فاقت حسن بحرارة من الصالون الانه اسفنجه وهكي والدنيا صيف المهم هلباا فينا الحركه هادي ناضت ورقدت ع فتحت الشباك ورقدت ع الارض من الحراره

.
.
هشام طلع ركب سيارته وللحوش وصل للحوش الدنيا العشاء قريب يأذن لقي كرم وانس ويوسف يلعبو
يوسف جي لـ بوه: بابا
هشام: هاا
يوسف شد ايده: متنوضش اينور باهي
هشام: هي راقده
يوسف: اي مريضه
كرم: ياعمي قالتنا عمتي مريضه اينور
انس: اي ماما وعمتي هديل وعمتي هدى وحنينه لوطى لكن اينور بس ف حوشها مريضه
هشام: انتو التلاته توا تمشو اطقو ع الباب مع بعض ع الحوش وتقولولها تنزل لـ حوش حنينه وانه عميمه هديل لوطى لكن ماتقولش انا قلتلكم وماتقولوش انه انا جيت
التلاته دارو سباق وركبو مع بعض يطقطقو طقو طقتين ونزلو وهي ف الصالة راقده ع الارض
ونزلو الاتلاته جري
يوسف خاف: يابابا شكلها متقدرش تنوض
انس: طقطقنا شكلها ماتت
هشام شافله دفه بشويه: تحرك من مكانك لسانك ز الخراره انت اعود بلله
كرم: مريضه هلباا تبي المستشفى
هشام بعد عليهم وركب بس لم وصلل للباب فتحه بقوة بلمفتاح يطلع ف صوت

تجاهلها وكان يبي يتجاهل دار النوم شافه مردوده يعني مش مصكر مزينه (يادوي انتم من الغرب والشرق اكيد تفهمو فيا

) المهم الباب مردود تجاهل دار انوم وخش الدار التانيه حول سورته من النو قعد ف كناتيرة خش المطبخ وهو يقربع جهز قهوته كلعاده
هشام قرب لصالة بيفتح التلفزيون نصدمه بها ملوحه ع الارض يحسابها دايخه حط القهوة ع جنب بحركه سريعه وقعمز ع الارض جنبها قام راسها بخوف يمسح ف جبينها: اينور اينوور
اينور فتحت عيونها بنعاس: هاا
هشام مسح خدها: خيرك نوضي نكلم فيك
اينور فتحت عيونها تواني شافتله ادكرت تهزيبه دفاته بنعف ووقفت: حوول م عليا بكري تهزب فيا توا جاي تنوض فيا
هشام تعصب وقف: ملبوسه لابس انتي شن هدا انت غالطه بكري شي طبيعي نهزبك تبي علها حتى طريحه
اينور: ياسر خديت قلبي مني
هشام: بطلي حركات بكل حالاتك السيارة معاش تحلمي تقعمزي فها هادي لتقوليلي علها قلبي
اينور قعمزت ع الكنبه وبدت تبكي حطت ايدها ع وجها: كارته درتها لاني بندير تحليل (ماتقولوليش دلاع نفس حالتك بتكون لو امك خدت منك الهاتف

)
هشام بعد شعره للخلف بعصبيه: تعيط ع خاطر طروف حديد يارب صبرك
اينور قامت وجها هي وتبكي وتعصبت وقفت قدامه: هات مفاتيح سيارتك يومين بس ترا ماتقدرش شفتت
هشام يشوفلها متحملش وجها دموع وقصيره ومتعصبه وتعيط عليه ضحك بهستيريا
اينور متعصبه مسحت دموعها: تضحك ع خيبتك
هشام بعد ولع التلفزيون وخدي قهوته: هادي سيارة وهكي صار لو حرموك مني كيف اديري
اينور متعصبه: ونبي انت كان يحرموني منك لياخدك من عليا ناخدله بوكس هديه وخمسمية دينار… طلعت من الصاله
هشام سيف الريموت ولهي ف الهاتف وكل شوية يوصله اشعار
اينور غيرت ملابسها وقامت شعرها غسلت وجها ودارت ومشت لصالة قعمزت وكل شوية تسمع اشعار مسنجر: هشام
هشام متسطح شافله بدون رد
اينور: نطلبو من المطعم
هشام قعمز والاشعارات مستمره: احسن من ماكلتك لابنه لا صنه

اينور قلبت عيونها قربت قعمزت جنبه: اطلب
هشام رن وطلب وصكر حط الهاتف ونادى ع يوسف من البلاكونه
اينور قامت الهاتف تشوف الاشعارات بس الهاتف مصكر رمز
هشام شافلها من البلكونه تلفتت: حطي المصيبه من ايدك احسن مانجي نحدفك من هني
اينور حطاته ورجعت قعمزت بعيد: نشوف ف الساعه تل
هشام شافلها وهو ع البلاكونه: يشحط رقبتك نبيهالك كان نجيك نوري فيتك لمن التل
اينور طلعت من الصاله مشت رنت ع امها قعدو يهدرزو لساعات ومعاها ف المكالمه رجاء كل مره يتكلم حد
هشام قعد يراسل ف $$$$
يوسف ركب طقطق
اينور جت من الدار التانيه وفتحتله وهي تتكلم ع الهاتف
يوسف خش بحماس بصوت عالي: ماااميي
اينور ابتسمت لضحكته قرصت خدها بلطف ورجعت للغرفة تتكلم ع الهاتف
يوسف خش لـ بوه قعمز جنبه: امي قعده مريضه
هشام شافله ابتسم لـ كلمته: كويسه
يوسف قرب خدي الريموت وفتح رسوم وقعمز بدي يتفرج… قرب من لتلفزيون وقعمز قدامه
هشام حط الهاتف: يوسف تعالى نبيك ف موضوع
يوسف تلفتت ووقف قرب قعمز جنب بوه: شن
هشام: ليش بديت تناديلها امي تحبها
يوسف ضحك: يابابا تذكر يوم جيتني ومعاك اينور وخشتلي اينور طلعتني وقتها تاني يوم ولاد معاي قالولي شفنا امك امس جاتك بتروح بيك
هشام بهدؤ: بس ليش ماقلت انه مش امك
يوسف استغرب: ليش نقول هي ز عميمه سهام تقري ف ولادها وادوشلهم وتحفظلهم وتوكل فيهم وتخاف عليهم يطلعو لشارع نفسها
هشام ابتسم: تحبها انت اينور؟!
يوسف: اي اصلا هي تعرف
هشام ركز ف كلام يوسف: تقري فيك كويس وانت بديت اشطر من قبل وتمشي للمدرسة بملابس نظاف وتعطر فيك قبل ماتطلع وراهو يومها لم عندك تسميع ف الارقام بنجليزي خافت هي قالت نشاء**** مايتوترش غزالي وتوكل فيك ف اكلات حلوة ونظيفه وركز علها هي ماتحبنيش نعيط عليك تحبني ديما نسامحك
اينور كانت مصكره المكالمه وكانت بتخش الصاله وسمعاته وقفت ف الممر
هشام ضحك بخفه حرك شعرات يوسف: لو في يوم صارت اي مشكله بيني وبين اينور خليك ديما مع امك مهما نكون انا غالط انت اوقف معاها وتعالى خليني نسامحها باهي
يوسف: باه
اينور خشت الصاله ساكته
هشام انتبهلها: كيف حال بوك قعد مريض
اينور شافتله: احسن من قبل قالت طلعوه ف نفس اليوم من المستشفى
هشام: مايشوف شر بعد بكرى نمشو نشوفوه
اينور طلعت من الصاله
هشام عقد حواجبه لحقها خش دار النوم كانت مقعمزه ع السرير وقرب تبكي
هشام قرب قعمز جنبها قام ايدها شد ضغط علها: خيرك
اينور شافتله:….

يتبع ………

اضغط لقراءة المزيد...

 

[BASM17 اسطورة القصص]

تمت أضافة الأجزاء

 

[BASM17 اسطورة القصص]

تمت أضافة الأجزاء

 

[THE GHOAST LOVE]

تمت أضافة الأجزاء

تسلم إيدك 🌹