- إنضم
- 8 أغسطس 2022
- المشاركات
- 2,999
- مستوى التفاعل
- 4,247
- العمر
- 27
- نقاط
- 11,698
- الجنس
- أنثي
- الدولة
- مصر
- توجه جنسي
- انجذب للذكور
انهارده فيه واحده جارتى عزمتنى عندها على الفطار فعل مكنتش ابدا اتوقعه و وافقت مع تخوف بسيط
جارتى دى فى اول الاربعينات جوزها اكبر منها بشويه و كلامى معاه يادوب السلام و بس عندها ولدين و بنت اعمارهم مابين 8 و 13
قعدت معاهم على الفطار الاكل كان لزيز و حلو بس مركزتش فيه اوى و شد اهتمامى اكتر جو الفرحه و السعاده و الحب و الهزار بين العيال و بعضهم و بينهم و بين ابوهم و امهم الابتسامه العريضه وشوشهم البشوشه و صوت الضحك و نظرات الحب و الالفه و الطمئانينه و جو عائلى مبهج بطريقه مثاليه خلانى سرحت فى طفولتى و انا فى سنهم مفيش ام و اب يا اما غايب او حاضر بمشاكل و زعيق و مخدرات و شرب و دخان و قرف و ضرب بقسوه بسبب و بدون على اتفه حاجه و استغلال و استهلاك و عذاب جسدى و نفسي و افتكرت اختى اللى توهنا عن بعض و افتكرت و حضنها بعد وصله طويله من الضرب الاهانه و الخوف و الالم و الصريخ و البكاء سرحت فى مواقف كتير كنت اتمنى اعيش جو الاسره المسالمه السعيده و لو يوم واحد اعيش على ذكراه
كسر تفكيرى جارتى و هى بتخبط على كتفى و بتقول مالك ياسمر مش بتاكلى ليه بصتلها و الدموع فى عينى و قلتلها شبعت و قومت بسرعه و مقدرتش امسك نفسي و انهارت فى العياط قبل ما اوصل الحمام لحقت نفسي و جريت على الباب الشقه و خدت الجزمه فى ايدى و روحت جرى
انا مش عارفه انا كتبت الكلام دا هنا ليه بس اللى عايزه اقوله اللى عنده اسره اب و ام و اخوات و قرايب بيحبوه و بيحبهم انتو عندكم نعمه كبيره اوووى ياريت تعرفوا قيمتها و حسوا بيها و بمتعتها قبل فوات الاوان
انا اسفه على الاطاله و الكئابه و اسفه لو البوست مخالف مش هزعل لو اتمسح يكفى انى طلعت اللى فى قلبى
جارتى دى فى اول الاربعينات جوزها اكبر منها بشويه و كلامى معاه يادوب السلام و بس عندها ولدين و بنت اعمارهم مابين 8 و 13
قعدت معاهم على الفطار الاكل كان لزيز و حلو بس مركزتش فيه اوى و شد اهتمامى اكتر جو الفرحه و السعاده و الحب و الهزار بين العيال و بعضهم و بينهم و بين ابوهم و امهم الابتسامه العريضه وشوشهم البشوشه و صوت الضحك و نظرات الحب و الالفه و الطمئانينه و جو عائلى مبهج بطريقه مثاليه خلانى سرحت فى طفولتى و انا فى سنهم مفيش ام و اب يا اما غايب او حاضر بمشاكل و زعيق و مخدرات و شرب و دخان و قرف و ضرب بقسوه بسبب و بدون على اتفه حاجه و استغلال و استهلاك و عذاب جسدى و نفسي و افتكرت اختى اللى توهنا عن بعض و افتكرت و حضنها بعد وصله طويله من الضرب الاهانه و الخوف و الالم و الصريخ و البكاء سرحت فى مواقف كتير كنت اتمنى اعيش جو الاسره المسالمه السعيده و لو يوم واحد اعيش على ذكراه
كسر تفكيرى جارتى و هى بتخبط على كتفى و بتقول مالك ياسمر مش بتاكلى ليه بصتلها و الدموع فى عينى و قلتلها شبعت و قومت بسرعه و مقدرتش امسك نفسي و انهارت فى العياط قبل ما اوصل الحمام لحقت نفسي و جريت على الباب الشقه و خدت الجزمه فى ايدى و روحت جرى
انا مش عارفه انا كتبت الكلام دا هنا ليه بس اللى عايزه اقوله اللى عنده اسره اب و ام و اخوات و قرايب بيحبوه و بيحبهم انتو عندكم نعمه كبيره اوووى ياريت تعرفوا قيمتها و حسوا بيها و بمتعتها قبل فوات الاوان
انا اسفه على الاطاله و الكئابه و اسفه لو البوست مخالف مش هزعل لو اتمسح يكفى انى طلعت اللى فى قلبى