لمتابعة السلسلة الأولي علي هذا الرابط
السلسلة الثانية
الجزء الأول
ازيكم يا رجالة عاملين ايه؟
اتمني تكونوا كلكم كويسين
دي بداية السلسلة التانية من المتسلسلة
أحداث السلسلة دي هتغير نظرتكم لكل الشخصيات اللي كانت في السلسلة الأولي و يمكن تغير نظرتكم للكاتب نفسه اللي هو أنا
بس متخافوش نوعية القصة هتفضل زي ما هي
أصل جو إن البطل فشيخ و جامد و بين*ك كل حاجة حية في القصة و أول ما يشاور لواحدة ف ثانية تبقي ملط ف حضنه دا جو بعيد جدا عن الواقع و ف الغالب بيبقي عباره عن أحلام المؤلف مش أكتر
و لإن قصتنا بتمثل واقع بيحصل باستمرار ف هتكون واقعيه بحته و الكاتب مش هيزود ولا هينقص هيحكي بس بحيادية
بلاش أطول عليكم اكتر من كده و يلا نخش في الأحداث علطول
بعد ما نزلت من الشركه ركبت عربيتي و روحت الفيلا الجديدة بتاعتي
اتفرجت عليها اكتر من مره و كانت عاجباني جدا و خاصه الجيم الصغير اللي فيها دا
غيرت هدومي و اتمرنت شويه و كان بقالي كتير اوي مشلتش حديد
بعدها خدت دش و طلبت أكل
و نصيحة لو عايز تبني عضلات بسرعه فأحسن طريقه إنك تهلك نفسك ف التمرين و بعدها علطول تديها أكل و خاصه التونه و الفراخ و السمك و اللحوم و بعد التمرين مش قبله
المهم بعد ما خلصت أكل شربت قهوه و كالعاده ولعت سيجاره
فضلت افكر ف شركات الدايم اللي بقت بتاعتي دلوقتي و اللي راس مالها بملايين
هعمل ايه بالفلوس دي كلها؟
و هل لما يبقي عندي شركاتي الخاصه بعيدا عن شركات المرشدي اللي مليش فيها جنيه هتغير؟
بس الفلوس بتغير الناقص و الجعان بس
قعدت افكر ف مروه و رنا و لبني حتي سحر منسيتهاش
لحد ما روحت ف النوم و انا قاعد علي الكرسي
* في فيلا اسماعيل الدايم*
إسماعيل: ايوه ايوه فاهمك دا عارف عني كل حاجه و مش بعيد يكون عارف كمان الناس اللي شغاله معايا ف البلد
شخص: اسمع يا إسماعيل انا مليش دعوه انت اللي وسخ و ديلك نجس و انا ياما نصحتك اشرب بقا
إسماعيل: يعني ايه
شخص: يعني حل مشاكلك بنفسك و مش كل ما تعمل مصيبه تيجي تجري عليا زي العيل الصغير
إسماعيل: انا لو وقعت مش هقع لوحدي يا علي يا صواف
علي الصواف: لو فكرت بس تقول كلمه واحده بس هتطربق فوق دماغك انت اكتر ما هي متطربقه
إسماعيل: يا علي ابوس ايدك انت تعرف ناس كبار كتير و ممكن تساعدني
علي الصواف: مش هعمل كده لإني نصحتك كتير قبل كده لحد ما خليت حته عيل يعرف بلاويك اتصرف بقا يا ترعه المفهومية
إسماعيل: طب قلي اعمل ايه طيب عشان اطلع من المصيبه دي
علي الصواف: مفكرتش ليه كويس قبل ما تعمل كل المصايب و البلاوي دي
اسمع انا مليش دعوه
و قام قافل السكه ف وشه
إسماعيل: يا علي علي
***يخرب بيتك يا علي
حنان: (مرات إسماعيل التانيه طلعت من الأوضة عالصوت)
فيه إيه يا إسماعيل بتزعق ليه
اسماعيل: بزعق علي بختي المايل و شقايا اللي هيروح لغيري روحي يا شيخه دا كان يوم نحس يوم ما اتجوزتك
و فضل إسماعيل يكلم اي حد من الكبار ممكن يساعده بس كلهم باعوه عشان فضايحه اللي ما بتخلصش
الناس دي اول ما تحس بأي حاجه ممكن تهدد سمعتها او مصالحها بتبقي مستعده تبيع أهلها حتي عشان تحمي نفسها
لحد ما خلاص اسماعيل فهم إن محدش هيساعده
أدي آخرة الوساخه و قله القيمه
* ف نفس الوقت ف فيلا المرشدي*
رنا صحيت من النوم معرفتش تنام كويس من كتر القلق كانت خايفه نديم يعرف علاقتها مع عمرو و ف نفس الوقت عايزاه يعرف عشان تقهره
قامت خدت دش و طلعت لقت اسماء صحبتها بترن عليها
رنا: الو يا اسماء
اسماء : ايه يا بنتي انتي روحتي فين
رنا: انا ف الفيلا
اسماء : انا قولت هتقعدوا طول الليل ههههه
رنا: اسكتي بلا قرف متجيبيليش سيره الموضوع الزفت دا تاني
اسماء: ليه بس ايه اللي حصل
رنا: هو كده و خلاص
اسماء: هو انتي لسي بتحبيه
رنا: تقصدي مين
اسماء: انتي هتستعبطي
رنا: بلاش نتكلم ف الموضوع دا خلاص هو بيحب مروه و هي بتحبه نقفل الموضوع بقي
اسماء: ما تقولي لنفسك
رنا: خلاص يا اسماء بقي هقفل ف وشك و ***
اسماء: خلاص خلاص تعالي نتكلم ف حاجه تانيه زي الكليه اللي انتي ما بتخطيهاش بقالك فتره دي عندنا محاضره بكره الصبح الساعه ٩ جايه و لا ايه
رنا: خلاص خلاص جايه يخربيتك دا لو حد عرف إن انا مبروحش هيقتلوني
و فضلوا يهروا بقي هري البنات دا
* نسيبهم و نرجع تاني لنديم*
صحيت مخضوض من صوت الموبايل
نمت و انا ماسكه في إيدي لحد ما صحيت علي صوته و هو بيقع من ايدي و بيتكسر
مش عارف ازاي روحت ف النوم مكنش ف نيتي انام خالص دلوقتي
الدنيا ضلمت و انا نايم عالكرسي
قومت غيرت هدومي و قفلت الفيلا كويس و خدت العربيه و روحت الشركه عشان اوصل مروه الفيلا زمانها خلصت شغل
استني هرن عليها علشان ممكن تكون روحت
انا: الو يا مروه
مروه: الو يا نديم (ياسمين يا ياسمين بقولك متنسيش تراجعي الورق اللي هناك عالمكتب دا... ايوه الفايل الأحمر اللي هناك دا )
الو يا نديم انت معايا معلش كنت بكلم ياسمين
انا: انتي لسي ف الشركه؟
مروه: ايوه كان ورايا شغل كتير
انا: طب قدامك كتير؟
مروه: ليه ؟
انا: عشان اعدي عليكي اخدك نروح الفيلا سوا انا كمان لسي بره
مروه: طيب ماشي انا قدامي نصايه كده
انا: ماشي هاجي استناكي لحد ما تخلصي
مروه: ماشي مستنياك
انا: يلا سلام
قفلت معاها عشان ميجيش ظابط مرور دلوقتي يظرفني غرامه عشان بتكلم و انا سايق و هما اصلا من غير حاجه بيتلككوا عشان ياخدوا اي فلوس
المهم وصلت الشركه و طلعت المكتب
ملقتش ياسمين زمانها روحت
خبطت علي باب مكتبها و الشركه كانت فاضيه اصلا
مروه: ( بصوت عالي) ادخل
دخلت لقيتها قاعده متنحه قدام اللابتوب
مروه: اي دا جيت بسرعه يعني
انا: انا كنت ف العربيه اصلا لما كلمتك
مروه: طب اقعد اقعد لحد م اخلص فاضلي شويه صغيرين
بدل ما اقعد روحت ورا المكتب و حضنتها من ورا
مروه: ( بتضحك) بتعمل ايه يا نديم
انا: ايه بحضنك
حبيبتي بقي بتعمل ايه كل دا و وطيت بوستها من خدها
مروه: ( لسي بتضحك) بظبط شويه حاجات كده عشان الشركه الجديده بتاعه الدايم
انا: اللي كانت بتاعه الدايم لو سمحتي
مروه: ماشي يا سيدي اللي كانت بتاعه الدايم
انا: و بعدين متشغليش بالك بيها خالص انا هظبط الدنيا بكره
مروه: لوحدك؟
انا: ركزي بس ف الشركه دي لسي عندنا شغل كتير اوي و بعدين كاترين جايه بكره عشان تقابلني
مروه: و دي جايه ليه دي؟
انا: ايه دا هو انا مقلتلكيش؟
مروه: علي ايه؟
انا: كاترين هتشاركنا
مروه: ازاي يعني
انا: يعني هتبقي شريكه ف الشركه رسمي و عضو مجلس إدارة
مروه: ازاي تثق فيها و تدخلها بينا تاني بعد اللي حصل؟
انا: هي أكدتلي كذا مره إن ملهاش علاقه بموت الباشا *** يرحمه
مروه: طب ما هي ممكن تكون بتكذب عليك
انا: مروه لو ليها يد ف اللي حصل كنت عرفت انا مش عيل صغير
مروه: و ايه اللي مخليك متأكد اوي كده
انا: عشان انا عارف كويس مين اللي قتل الباشا و كاترين دي تحديدا هي اللي هتساعدني اجيب حقه ( طبعا انا كنت ف اللحظه دي غبي جدا لإن مارك قتل كاترين نفسها ف ثواني )
مروه: ماشي يا نديم اعمل اللي انت شايفه صح بس متجيش تندم بعد كده
انا: متخافيش انا عارف انا بعمل ايه
( اكتشفت بعدها إن انا كنت مغفل جدا و محسبتهاش صح و هنشوف بعدين ازاي )
انا: يلا بقي عشان نروح
مروه: ماشي يلا بينا
و خدتها و نزلنا تحت ركبنا العربيه و وصلنا الفيلا
مروه: انا هنزل بقي تصبح علي خير
انا: مفيش بوسه طيب
مروه: أحلي بوسه
و قربت مني و باستنى ف خدي
مروه: تصبح علي خير
انا: و انتي من أهله
و نزلت من العربيه و طلعت فوق
و انا ركنت العربيه و نزلت لقيت لبني قاعده ف الجنينه لوحدها شاورتلي من بعيد
لبني: تعالي يا نديم
روحتلها و سلمت عليها و قعدت
انا: عامله ايه يا لبني من زمان مقعدناش مع بعض
لبني: ما انت اللي ناسيني خالص
انا: و انا اقدر انا بس مشغول شويه
لبني: ايوه ما هي مروه قالتلي علي موضوع شركات الدايم
بس انا مش فاهمه لحد دلوقتي ازاي قدرت تخلي إسماعيل الدايم يتنازل عنها دا راجل صعب اوي
انا: لأ دي بتاعتي انا دي
لبني: ماشي يا عم الجامد
انا: هههه يا ستي لا جامد و لا حاجه كل الحكايه إني بعرف استغل الفرص كويس
لبني: بس انت هتعمل ايه اصلا ف الشركات دي
انا: و لا حاجه انا فضيتها كلها من الموظفين القدام و هعين بدلهم موظفين تبعنا
غير كده كل حاجه هتفضل زي ما هي
يعني كل الطلبيات و الالتزامات و العقود بتاعتهم هتفضل زي ما هي بس احنا اللي هنفذها و هناخد مكاسبها فهمتي ؟
لبني: اه فهمت يعني انت هتحول الاداره ليك بس بدل ما كانت ل إسماعيل الدايم
انا: بالظبط كده
غير إن انا ناوي اغير اسم المجموعه بدل الدايم تبقي الإسكندراني انا اصلا من اسكندريه زي ما انتي عارفه
لبني : تمام هي هتبقي بتاعتك اعمل بقي فيها اللي انت عايزه
انا: سيبك من الكلام دا انا زهقت من الكلام ف الشغل بقولك ايه تعالي اعاكسك شويه
لبني: هههههه تعاكسني انا
انا: لأ متفضحيناش
يرضيكي مروه تقطعني حتت و تحطني ف اكياس؟
لبني: ههههه لا ميرضينيش
انا: بقولك صحيح هي رنا مختفيه فين النهارده
لبني: اهي مرزوعه فوق اهي
انا: هي عملتلك حاجه و لا ايه
لبني: أسلوبها بقي زفت خالص اليومين دول
انا: ليه كده
لبني: مش عارفه بتتعصب من اقل حاجه و صوتها عالي علطول
انا: (بفكر) طب سيبيهالي انا هتصرف معاها
لبني : يا ريت يا نديم
انا: ماشي اسيبك أنا بقي هدخل اوضتي تصبحي علي خير
لبني: و انت من أهله
و سبت لبني و دخلت اوضتي
مسكت موبايلي اقلب فيه شويه مكانش جايلي نوم و كنت حاسس إن بقالي كتير ممسكتش موبايلي إلا مكالمات بس
لقيت سحر رنه عليا كتير و بعتالي رسايل بتقول انت فين و بتاع و رد عليا ضروري
مش عارف اقولها ايه عشان كده بهرب منها
لحد ما لقتها بترن
مش عارف ارد و لا لأ
لحد ما فتحت عليها علي اخر لحظه قبل الرنه ما تخلص
سحر: الو يا نديم
انا: الو يا سحر
سحر: ايه يا ابني مبتردش عليا ليه حتي مبتشوفش رسايلي ( اصلي كنت شايل السين بتاع الواتساب )
انا: معلش يا سحر غصب عني و *** مشغول جامد أنا حتي مش فاضي امسك موبايلي
سحر: حساك بتتهرب مني
انا: لأ طبعا و انا هتهرب منك ليه يعني
سحر : اصلك بقالك كتير اوي مبتسألش مع إنك كنت كل يوم بتكلمني
انا: معلش بقي يا سحر غصب عني
سحر: طب مش فاضي بكره تعدي عليا ف البيت أصلك وحشتني اوي
انا: معلش يا سحر مش فاضي بكره و ***
سحر: كده هتزعلني منك
انا: غصب عني معلش هعوضهالك بعدين
سحر: بعدين امتي؟
انا: قريب و ***
سحر: ماشي يا نديم بس متغيبش عليا انت مش متخيل انت واحشني قد ايه
انا: ماشي يا سحر
سحر: ايه دا هو انا مش وحشاك و لا ايه
انا: ( بتردد) لا طبعا واحشاني
سحر: بجد؟
انا: اه اه طبعا
سحر: و انت كمان
انا: ماشي يا سحر هبقي اكلمك اقولك انا هاجي امتي عشان عايز اكلمك ف موضوع مهم
سحر: موضوع ايه ؟
انا: لما اشوفك هقولك
سحر : ماشي
انا: سلام يا سحر..... سلام
قفلت معاها و انا ناوي لما اقابلها اقولها إني بحب واحده تانيه عشان تسبني ف حالي بقي
و لو إنها صعبانه عليا بس لازم اقولها إني بحب مروه و عايز اكون معاها هي
المهم قعدت اتقلب ف السرير شويه و معرفتش انام
ببص ف الموبايل لقيت الساعه ١١
الوقت ف السرير بيعدي بسرعه جدا تقعد تتقلب خمس دقايق تلاقي عدي ساعه!!
كنت مخنوق و مش عارف اتنفس مش عارف ليه
قومت لبست تيشيرت و شورت و طلعت بره
طبعا لبني كانت طلعت من بدري و مفيش غير الجاردات
قولت اولع سيجاره هي شكلها كده مفيهاش نوم
و طبعا سيجاره جابت التانيه ف التالته...
لحد ما لقيت حد نازل من علي السلم
و الدنيا كانت ضلمه الي حد ما لإن اغلب الانوار مطفيه
ف مكنتش شايف كويس
لحد ما نزلت ف النور و شفتها
شوفت رنا نازله من عالسلم و قعدت ف الجنينه
و لإني كنت بعيد عنها مشافتنيش
مخدتش بالها مني غير لما شافت دخان السجاير
و اتفاجئت لما شافتني
قومت روحتلها و قعدت جنبها
انا: ايه اللي مصحيكي لحد دلوقتي يا رنا؟
رنا: لأ و لا حاجه معرفتش انام بس
انا: و معرفتيش تنامي ليه
رنا: اصلي نمت شويه بالنهار ف مش جايلي نوم
انا: زيي يعني ماشي
و قعدنا شويه بنبص لبعض و مبنتكلمش و الصمت مخيم عالمكان و الدنيا اصلا شبه ضلمه ف قولت اتكلم ف اي حاجه بدل القعده اللي تخوف دي
انا: و انتي عامله ايه ف كليتك يا رنا
رنا: كويسه مفيش جديد
انا: طيب
مش عارف ليه كنت حاسس الجو متوتر كده و مش لاقي حاجه اتكلم فيها
انا: لبني بتشتكيلي منك كتير يا رنا
رنا: ليه يعني؟
انا: بتعلي صوتك عليها و خلقك بقي ضيق و مش طايقه حد خالص
رنا: مخنوقه بس شويه اليومين دول
انا: من ايه
رنا: لا متشغلش بالك
انا: قولي بس يا بنتي حد ضايقك ف الجامعه
رنا: لا طبعا محدش يقدر متشغلش بالك انت بس
انا: ماشي انتي حره بس لما تحبي تتكلمي انا موجود
المهم فضلنا قاعدين شويه لحد ما هي قالتلي هطلع انام و انا كمان دخلت اوضتي و نمت
* في امريكا*
شخص: مش عارف هو ناوي علي ايه
مارك: بس حركه ذكيه إنه يهدد اسماعيل بفضايحه و ياخد شركته
شخص: قولت لحضرتك هو ذكي جدا
مارك: هيبان
شخص : طب هنعمل ايه المرحلة الجايه؟
مارك: راقبوه من بعيد لبعيد بس
و طبعا مش لازم اقولك إنه لازم ميحسش بحاجه
الرجاله اللي معاه مش ساهلين برضه ف خدوا بالكم
شخص: تمام يا باشا
و خرج و ساب مارك لوحده
مارك مد ايده و جاب قزازه تيكيلا من علي الترابيزه اللي جنبه
و التيكيلا دي اختراع روسي كده بس حاجه جامده فشخ
المهم مارك شرب كاس واحد بس
و مد ايده ل نفس الترابيزه جاب موبايله
و كتب رقم معين و اتصل فضل يدي جرس شويه لحد ما رد و شكله كده صوت انثي
شخص: الو
مارك: عامله ايه يا حبيبتي
شخص: انا مش حبيبتك متكلمنيش كده
مارك: ههههه لسي عصبيه زي ما انتي اهدي ماي سويت هارت
شخص: عايز ايه مني
مارك: عشان اكون دقيق انتي اللي عايزه مش انا
شخص: هات من الاخر
مارك: انا بس مش عايزك تنسي إن احنا شركاء ف كل حاجه حصلت
و متنسيش إن انتي اللي طلبتي مني اقتل احمد المرشدي
مع إن دا مكنش ف نيتي
شخص: اومال ليه لبستها لكاترين
مارك: هي فعلا مرضتش تقنعه يسيب الشركه مع إن لو كانت اتحايلت عليه شويه كان وافق انتي عارفه العلاقه اللي كانت بينهم
شخص: مارك انا فاهماك كويس انت قتلته عشان الشركه و عشان غيران منه و خايف ياخد منك كاترين و بعديها قتلت كاترين لما كشفتك و واجهتك بالحقيقه دي
بلاش الشويتين دول عليا انا
مارك: من اول ما عرفتك و انا معجب بذكائك
شخص: المهم انت ليه بتجيب سيره الكلام دا دلوقتي
مارك: عشان فيه واحد كان بيشتغل مع احمد المرشدي و عمال يدور ورانا ف حبيت اقولك
شخص: عادي اقتله
مارك: صعب لإنه تقريبا بيدير كل شركات المرشدي و استحوذ برضه علي شركات الدايم للأغذيه
شخص: دا مين دا
مارك: اسمه نديم الإسكندراني و كمان هو قريب جدا من مروه و رنا و لبني
شخص: اتصرف معاه انت
مارك: ماشي انا بس مستني اشوف هيعمل ايه الخطوه الجايه
شخص: ماشي بس طلعني انا من الموضوع دا
مارك: ماشي متخافيش انتي مش هتبقي ف الصوره و دا اتفاقنا من الاول
شخص: ماشي اقفل دلوقتي عشان حد بيناديني سلام
مارك: سلام يا يسرا
و قفل معاها و مسك قزازه التيكيلا و قعد يشرب لحد ما سكر خاالص
دي نهايه الجزء الاول من السلسله التانيه
عايزكم تخمنوا ليه يسرا بنت احمد باشا تطلب من مارك يقتله؟ ازاي و هو ابوها؟
و هل نديم هيضعف قدام سحر لما يقابلها؟
و يا تري رنا بتعمل مصايب ايه تاني؟
هتعرفوا اجابات الأسئله دي الأجزاء الجايه
سلام 🖐️
التعديل الأخير بواسطة المشرف:
