متسلسلة فانتازيا وخيال حياتي بلا خوف | السلسلة الاولي | ــ حتي الجزء الخامس 17/10/2023

[العنتير]

عاش يابوب ومستنينك في الجديد

 

[Hussain AlJaziri]

ازيكم عاملين ايه في البدايه حابب اقولكم ان دي اول مره اكتب قصه واخترت انها تكون بدون جنس لاني محبش القصه بتاعتي تكون قصه جنسيه

نبدأ قصتنا

اعرفكم بنفسي
انا حازم عندي 18 سنه في ثانويه عامه وبدرس في مدرسه عاديه جدا
بابا محمد راجل موظف ع قد حاله عنده 49 سنه
ماما ساره 45 سنه ست بيت محترمه ومش بتشتغل
اختي رنا ودي بقى حته من قلبي دلوعة البيت اختي الصغيره 15 سنه
احنا عيله صغيره انا وابويا وامي واختي الصغيره
حياتي عاديه جدا زي اي حياة طالب باختلاف اني مهتم بجسمي شويه بروح الجيم وبنزل كل يوم الصبح اجري
وبلعب كوره باختصار شويه انا شخص بحب الرياضه وبمارسها
نبدأ قصتنا

الصبح صحيت بدري زي عادتي نزلت اجري الساعه اللي بجريها بعد ما بصلي الفجر
رجعت البيت صحيت امي وابويا عشان ماما تجهز الفطار وبابا يروح شغله واختي تصحى تفطر وتروح المدرسه عشان اخدها في طريقي لان مدرستنا قريبين من بعض

انا : صباح الخير يا ست الكل​

ماما : صباح الخير يا حبيبي
انا : ايه هتجهزيلنا فطار طيب ولا ننزل من غير اكل يا ست ماما
ماما : لا يا حبيبي ربع ساعه ويكون الاكل جاهز روح صحي اختك بس عقبال ما اكون جهزت الاكل
انا : حاضر يا ست الكل رايح اهو

فتحت الباب ودخلت على اختي صحيتها
اختي : ما براحه يا عم حد يصحي حد كده
انا : ده جزاتي يعني اني بصحيكي ماشي يا ست رنا براحتك
رنا : انت زعلت ولا ايه يا حبيبي انا مقصدش بس كنت في حلم جميل قوي 😂
انا : حلم ايه يا مفعوصه
رنا : لا متقلقش انا احلامي كلها محترمه ههههه
انا : طيب المهم قومي عشان تفطري ونروح المدرسه انا داخل اخد دش
رنا : حاضر يا حبيبي قايمه اهو
خدت بعضي ودخلت اخد دش وخرجت قعدت افطر وطبعا الجو الاسري الجميل وبقينا نضحك ونهزر
بابا : ايه بقى يا ولاد ناوين على ايه السنادي وانت يا عم حسام هتشد حيلك بقى عشان السنه الجايه جامعه عايزك تشرفني
انا : متقلقش يا بابا هشرفك
يلا يا رنا خلصي بقى عشان اتأخرنا
رنا : حاضر اهو خلاص خلصت يا حسام
وطبعا كلنا عارفين الثواني بتاعت البنات بنص ساعه
انا : كل ده يا رنا بقالك ساعه بتلبسي
وخدتها ونزلنا واحنا في طريقنا قابلت صاحبي احمد واخته احمد صاحبي المقرب واخته في نفس سن اختي رنا وصحاب كمان
انا : ايه يا ابو حميد مروحتش التمرين ليه امبارح
احمد : طب قول صباح الخير الاول يا عم
انا : لا صباح ولا انغام مروحتش ليه يا عم
اخت احمد علياء : ايه يا عم حسام انت جاي نافخ ريشك ع الصبح ليه
انا : يادي النيله وحد كلمك انتي يا ام لسان بفرعين 😂
علياء بقى انا بلسان بفرعين نهارك مش فايت
انا : حوش اختك عني يا احمد انا مش قد لسانها
احمد : انا مالي يا عم مش انت اللي لسانك بيحدف طوب
رنا : ما تهدو بقى احنا داخلين ع المدرسه في ايه
انا : ما انتي شايفه صاحبتك بالعه كلب ع الصبح
علياء : انا بالعه كلب طيب وحيات ..... رنا حطت ايدها ع بوقها وسحبتها من ايدها ودخلو المدرسه
وكملنا انا و احمد لمدرستنا
انا : ايه يا صاحبي مالك قولي بقى ايه اللي حصل ليه مجيتش معايا التمرين امبارح
احمد : لا ابدا مفيش بس كنت تعبان شويه
انا : عليا انا بردو يا احمد ماشي هعمل نفسي مصدقك بس هتيجي وتحكيلي وهتشوف
احمد : يا عم مفيش حاجه لو في كنت قولتلك
انا : طيب يا احمد هتروح انهارده ولا ايه نظامك ومتنساش درس انهارده الساعه ٣ العصر
احمد : مش ناسي متقلقش يلا بينا ندخل عشان شكلنا اتأخرنا
دخلنا وحضرنا الطابور وعدى اليوم الدراسي عادي جدا مفيش اي جديد وطبعا انا واحمد من المتفوقين وديما بنجاوب على الاسئله اللي بيسألوها الاساتذه لاننا اصلا سابقين المدرسه بكتير في المزاكره
وخرجنا وروحنا كل واحد بيته
انا : مساء الفل يا اجمل ام في الدنيا
ماما : مساء الفل يا حبيب قلبي يا نور عيوني
انا : ايه الرضا ده بقى
رنا : واشمعنا هو بقى يا ست ماما
امي ضحكت : انتي وهو حبايبي وروحي وعايشه عشانكم
انا : يديكي الصحه وطول العمر يا ماما
ماما : روحو يلا غيرو هدومكم ع ما اكون جهزت الغدا
انا : هو بابا هيرجع امتى يا ماما
ماما : لسه كمان ساعه كده يا حبيبي ليه في حاجه ولا ايه
انا : لا ابدا بس كنت عايز اكلمه على فلوس الدرس انهارده اول يوم في الشهر انا مش عارف ليه انتو مش سايبيني انزل شغل انا راجل يا ماما واقدر اساعدكم
ماما : احنا عارفين يا حبيبي انت راجل وقد الدنيا بس احنا عايزينك تهتم بمزاكرتك وبس وبعدين خلص دراسه واشتغل براحتك يا سيدي
انا : طيب انا هدخل اخد دش عقبال ما تكوني خلصتي الاكل
ماما : تمام يا حبيبي حمام الهنا
وخلصت دوش وطلعت اتغدينا و شربت كوباية قهوه نسيت اقولك انا مدمن قهوه ههههه
انا : ماما انا هنزل عشان اروح التمرين وبعد كده هروح الدرس وبعد الدرس هتأخر شويه لان معايا ماتش كوره
ماما : تمام يا حبيبي خد بالك من نفسك
انا عايزه حاجه يا رنا انا نازل
رنا : لا تسلم يا حبيبي خد بالك من نفسك
نزلت روحت الجيم وطبعا فحتت نفسي تمرين وخلصت وطلعت ع الدرس قابلت احمد هناك قولتله ليه مجيتش يبني التمرين
احمد : يا حسام انا حاليا الدنيا مزنقه معايا ومش عارف اجدد الاشتراك بتاع الجيم عشان كده مروحتش
انا : طيب يبني مش كنت تقولي الكابتن هناك حبيبي وكان عادي هيدينا مهله نجدد الاشتراك هو سألني عليك انهارده ع فكره
احمد : يا عم خير هشوف الدنيا هتمشي ازاي
انا : تمام
جم شله بنات كده سلمو علينا معانا في الدرس
سلمى و هدى ونور و علا سلمنا عليهم وسلمنا على باقي الشباب محمود و نادر و سامح و دخلنا الدرس والاستاذ شرح لنا كانت مادة كيمياء وخلصنا وطلعنا على ماتش الكوره واحنا بنلعب باصي يا احمد و باص الكوره ليا وهوب واحد متزحلق قلبني على ظهري كان عايز يكسرني قومت مسكت فيه وكنت هضربه حاشونا عن بعض بالعافيه وشتمني وقالي لو راجل يا كسمك استناني بعد الماتش
طبعا استنيته لان الناس مخلتناش نطول بعض واستنيت برا الملعب واول ما خرج استلمته ضرب فشخته لقيت واحده جايه من بعيد بتصوت وتقول اخويا ابعد عنه بصيت فيه كانت بنت جميله جدا مشوفتش في جماله قبل كده سبته وبعدت عنه وهي اخدت اخوها وفتحت باب العربيه وركبت اخدته المستشفي انا روحت البيت امي شافت وشي
ماما : ايه اللي عامل فيك كده طبعا اتخانقت يبني انا مليش غيرك انت واختك وابوك ليه بتعملو فيا كده متتخانقش تاني يا حسام ارجوك
انا : يا ماما ده شتمني وانا محبش حد يجيب سيرتك لو هموت فيها
ماما : بعد الشر عليك يا حبيبي ان شاء **** عدوينك
يا رنا انتي يا بنت هاتي قطن ومطهر وتعالي اعملي وش اخوكي متعور
رنا : جت جري وتقولي في ايه مالك بس
انا : مفيش حاجه خناقه بسيطه
رنا طيب ليه يا حبيبي خناقات عشان خاطري متتخانقش تاني
انا اتعصبت : يوووووه بقا انتي وماما تقوليلي نفس الكلام ورميت القطن وسبتها ودخلت الحمام
وانا متعصب ومش شايف قدامي وقفلت الباب وبغسل وشي ولقيت نفسي كأن النور بيطفي تدريجيا واغم عليا
...........................................................................
والى هنا ينتهي الجزء الاول والمقدمه والقاكم على خير في الحزء القادم

صباح الخير او مساء الخير ع حسب الوقت اللي هتقرأ فيه محبيتش اتأخر عليكم وابقى الكاتب الرخم 😂
حابب اقول حاجه الاول قبل ما نبدأ
متخليش الدنيا اكبر همك متخليش جمع اكبر قدر من المال هدف ليك متبصش في حاجة غيرك لان انت متعرفش هو عمل ايه عشان يوصلها متفكرش كتير وتعترض على حالك الا لو انت فعلا شخص وحش ومش بتسعى ديما اسعى واتحرك لان لكل مجتهد نصيب

نبدأ قصتنا بقى

الجزء الثاني​

وقفنا الجزء اللي فات لما النور بدأ يظلم تدريجيا واغم عليا
شوفت نفسي طاير في فراغ غريب اول مره اشوف مكان بالشكل ده بقيت اصرخ و ازعق عشان الاقي حد ملقيتش حاجه
وفضلت طاير في الفراغ ده لحد ما لقيت بيت قديم يبدو من شكله الهيبه والرعب على تصاميم بناءه
قربت من البيت ده وانا حاسس اني عارف المكان ده كويس
اول ما قربت من الباب اتفتح لوحده دخلت لقيت المكان مترب كأن محدش ساكن فيه والاثاث عليه ملايات بيضاء كأن اصحابه سافرو وراجعين
وفجأه طلعلي واحد من العدم كده
انا اترعبت بس مبينتش
الشخص ده كان شكله غريب الا انه ظهره متني شويه تحسه احدب
الشخص : اهلا بعودتك مولاي دراجون كنت في انتظار عودتك
انا : دراجون مين يا عم انت ايه الهبل اللي انت بتقوله ده انا حسام
الشخص : كيف اتيت الى هنا اذا لم يستيقظ مولاي
انا : مش عارف انت بتتكلم عن ايه بس هقولك
فلاش باك
كنت في البيت ........ وحكيتله اللي حصل بالتفصيل
الشخص : اذا انت وريث سيدي دعني اقص عليك بعض الاشياء ربما تفهم او تدرك ما انت مقبل عليه

انت في عالم الان لا يحكمه سوى القوه والقوه هنا تعني السحر فيما مضى كان سيدي دراجون يحكم هذا المكان من هذا القصر المتواضع يحمي الضعيف و يحاسب القوي اذا اجرم لم يكن يفرق بين غني او فقير فقط العدل والعفو عند المقدره والقصاص اذا وجد

لقد رأيت من سيدي حكمة مطلقه وعدالة رائعه
لم ارى منه سوى كل خير لقد كان حكيما مرتبا لم ادري انه سينجب ابناء ويصبح له احفاد ولكن يبدو انه اختار ان يصبح فانيا

انا : انت بتقول ايه يا عم انا مش فاهم حاجه من اللي انت بتقوله
الشخص : اسمي داريوس خادم سيدي المطيع
انا : طيب يا داريوس انا مش فاهم حاجه ممكن تفهمني براحه
داريوس : ساخبرك سيدي بكل ما ستسأل عنه ولكن قبل ذلك اريدك ان تأتي معي سأريك شئ ما
انا : طيب يا داريوس تعال لما اشوف اخرتها معاك ايه
داريوس مسك ايدي وانتقلنا لمكان كان فيه قصور وبيوت كتير الا ان البيوت دي شبه متهدمه ومفيش حد عايش فيها وكلاب ووحوش وذئاب بتاكل في جثث الناس الميته وريحة الموت في كل مكان
انا سألت : ايه المكان ده يا داريوس وايه الخراب ده كله والناس الميته دي كلها
داريوس : انها يا سيدي فيما مضى كانت من اجمل البلدان واكثرها حضارة و تقدما علميا وفكريا وهناك الكثير من البلدان اقترب ان يصبح حالها هكذا
انا طيب ليه كل ده فهمني ناس متحضره ومثقفه يعملو كده في بعض
داريوس : عندما اختفى سيدي دراجون اختل ميزان العدل واصبح الحكم متزعزع ولم يوجد من يحكم العالم فنشأ النزاع بين الاقوى لكي يحصل على الحكم وقد كان وحصل على الحكم فاران ابن سارون ولكنه لم يكن مثل سيدي فقد كان حاكما فاسدا اهم شئ عنده هو ارضاء نفسه وغروره و ارضاء اتباعه و مواليه
انا : طيب وسيدك ده راح فين وليه اختفى. وساب كل ده
داريوس : سأخبرك سيدي تعال معي
انا : سيدك ؟!!
داريوس : اجل سيدي ستفهم كل شئ قريبا جدا

انا : طيب خليني معاك ولما اشوف اخرتها

مسكت ايد داريوس وانتقلنا للبيت القديم من تاني وبس في غرفه كده فيها براويز وصور متغطيه

داريوس : الان سوف اريك صورة سيدي انا على يقين انك ستعرفه

وكشف غطاء عن صورة قديمه ومسح التراب من عليها
اول ما شوفت الصوره صعقت و مكنتش مصدق اللي انا شايفه طيب ازاي طيب ليه انا دماغي عملت ايرور

انا : انت متأكد يا داريوس ان ده سيدك
داريوس : نعم انه سيدي والحاكم الشرعي للبلاد وانت وريثه والاولى بالحكم من فاران ابن سارون
انا : انت بتقول ايه بس ازاي جدي يبقى الحاكم واحنا اصلا يدوب ع قد حالنا واول مره اشوف العالم بتاعكم ده ازاي كل ده يحصل
داريوس : لقد اخبرتك سيدي عندما اختفى سيدي دراجون يبدو انه اختار الحياة الفانيه وقد تزوج وانجب والدك ثم انجبك انت
انا طيب فهمني بقى ليه ابويا مبقاش هو الحاكم مش انا
داريوس : سأخبرك الان اذا كان والدك يستحق الحكم او يستطيع حكم هذا العالم كان قد استيقظ واتى الى هنا ولكنه يبدو انه ورث الكثير من والدته ولكنك انت تحمل دماء سيدي دراجون انا اشعر بذلك واشعر بقوتك
انا طيب يا داريوس انا عايز ارجع لاهلي وناسي وحياتي انا مش بتاع الكلام ده
داريوس : ستعود يا سيدي فإنك لم تأتي بعد فقط روحك هي التي هنا الا تلاحظ انك تطفو ولا تلامس الارض
انا : اتجننت انت بتقول ايه يا عم انت ازاي روحي
داريوس: انها قدرة من قدرات سيدي دراجون كان يستطيع ان يخرج من جسده و يتنقل ولم يكن يشاهده احد سواي
انا : طيب يا داريوس رجعني عشان انا عايز ارجع
داريوس ستعود سيدي و لكن دعني اخبرك نحن بحاجتك فكر قليلا في ما اخبرتك اياه و في البلدان والأرواح التي ستزهق والدماء التي ستسيل في كل مكان اذا لم تعود إلى هنا
انا : حاضر يا داريوس هفكر اوعدك

وبعده داريوس حط صباعه على دماغي لقيتني فوقت وانا على سريري وامي واختي جنبي على كرسي ونايمين
صحيت امي
انا : ماما ماما اصحي انتي ليه نايمه كده يا حبيبتي تعب عليكي
ماما صحيت : انت كويس يا حبيبي بردو كده يا حسام تخضني عليك وعيونها دمعت وقومت حضنتها

انا : متعيطيش يا حبيبتي عشان خاطري بس قوليلي هو ايه اللي حصل بس

ماما : بعد ما اتخانقت معايا انا واختك دخلت الحمام وسمعنا صوت خبطه في الحمام دخلنا نجري لقيناك واقع ومغمى عليك مالك يا حبيبي بس ايه حصلك انت كويس طيب دلوقتي

انا : اه يا حبيبتي انا كويس متقلقيش عليا هو بس شوية ارهاق متخافيش

ماما : مخافش ازاي انت كنت عامل زي الميت بقالك ساعتين مفيش نبض ولا في نفس واتصلت على ابوك وجاي هو والدكتور معاه

ودخل ابويا بالدكتور عشان يشوف ايه حصلي وبابا مخضوض وخايف يكون حصلي حاجه

بابا : حسام انت كويس يبني فيك حاجه

انا : مفيش حاجه يا بابا شوية ارهاق بس

الدكتور : طيب هنكشف عليك عشان نتطمن

انا : اتفضل حضرتك

بعد ما خلص كشف الدكتور وعمل كل الفحوصات اللي يقدر يعملها قال لا انت كويس الحمد لله هما بس شوية ارهاق بس باين عليه عمل مجهود كبير انهارده ارتاح انهاردة وبكره
( وفجأه لون عيون الدكتور اتغيرت ومحدش لاحظها غيري )
وقال متنساش بس تفكر كويس في اللي قولتهولك واهتم بصحتك واكلك ورجع طبيعي و خرج هو وبابا

ماما : هحضرلك اكل يا حبيبي انت كنت جاي جعان وتعبان
انا : ماشي يا ماما خدي راحتك

مددت على السرير وبفكر في كل ده وكل اللي حصل هل ده حلم ولا انا اتجننت ولا ده عشان لما اتخبطت في الحمام ولا ايه بالظبط وسمعت صوت في دماغي

الصوت : لا انه حقيقه ولكن لا تريد تقبل ما انت عليه

انا : انت مين انت كمان

الصوت : انا سيلينا مساعدتك ومستشارتك عندما اخبرني داريوس ان الوريث قد عاد اردت ان اتحدث معك ولكنك قد عدت

انا : طيب يا سيلينا مش ينفع تظهري انا محبش حد يدخل دماغي

سيلينا : انا اعتذر سيدي ولكنني لا استطيع ان اضطلع على شئ في رأسك ف انت الشخص الوحيد الذي لا استطيع ان ارى ما الذي يدور برأسه ولا ادري ما السبب انت وجدك سيدي دراجون فقط لا استطيع ان اعرف ما برأسكم

انا : طيب يا سيلينا اظهري بس مش عايز حد يشوفك غيري

وظهرت سيلينا كانت اية في الجمال ولابسه فستان جميل وطويل يبدو عليه الوقار مع جمال ملامحها مخليها حاجه فوق الخيال

انا : انتي سيلينا انتي جميله اوي يخربيتك 😂

سيلينا : اشكرك سيدي على مجاملتك هذه

انا : طيب يا سيلينا ايه هنعمل دلوقتي انا مش فاهم حاجه ولا عارف اعمل ايه وعايز اكلمك بالتخاطر عشان لو حد شافني بكلمك هيفتكروني اني اتجننت وبكلم نفسي

سيلينا : حسنا سيدي سوف افعل ذلك

وحطت ايدها على دماغي وبقيت تقول كلام مش مفهوم وبعدها شالت ايدها ومحركتش شفايفها لقيت نفسي سامعها
وانا كمان كلمتها لقيتها ردت عليا قولت حلو كده

انا : طيب يا سيلينا دلوقتي بقينا نتكلم حلو هل في حاجه هنعملها نعم سيدي سوف اقوم بتدريبك الى ان تصبح جاهز لاستعادة الحكم وإعادة الاستقرار الى المملكه

انا : طيب يا سيلينا سيبيني دلوقتي ارتاح ولو احتجتك هتواصل معاكي عن طريق التخاطر

سيلينا: سمعا وطاعه يا سيدي

و اختفت سيلينا وانا رجعت تاني لنفس التفكير طيب وبعدين يا حسام في اللي انت فيه ده انت داخل على حجات انت مش قدها ولا انت فاهم فيها حاجه الايام هتبين اللي جاي وانا قوي ومش هخاف من اللي جاي

والى هنا ينتهي الجزء
الثاني
القاكم على خير حال اصدقائي واتمنى لو في اي تعليق او خطأ تقولولي عليه متنسوش اني اول مرة بكتب


ازيكم عاملين ايه اتمنى مكونش اتأخرت عليكم
قبل ما نبدأ حابب اقول كلمتين
من أحبَّك في عسرِك ويُسرك دون أن ينتَظر منك معروفاً واحتمَلك في غضبِك وسرُورك دُون أن يُضمِر لك سوءاً، فذلِك هو الصَّديق. اجعل نفسك ميزاناً فيما بينك وبين غيرك.

قبل ما نبدأ بردو في ناس طلبت صوره لسيلينا و دي صوره ليها



نبدأ بقى الجزء الثالث
​

وقفنا الجزء اللي فات لما كان حسام ممدد ع السرير وبيفكر في اللي اتحط فيه ده وكمية الحجات الغريبه اللي حصلت معاه وهل هو قدها ولا لا وايه اللي هيحصل في المستقبل

واثناء ما حسام نايم على السرير عينه غفلت ونام
وحلم انه موجود على قمة جبل او هضبه عاليه والغيوم حاسسها وشايفها جنبه من ارتفاع المكان اللي هو فيه والجبل ده او الهضبه دي كلها ابيض في ابيض من الثلج اللي ع ارضها موجود حسام شاف المكان ده جميل جدا وعجبه

واثناء ما هو بيلف ويشوف المكان ده شاف قلعه من بعيد عجبه شكلها الا ان هو حاسس بنفور منها
قال في نفسه اما اشوف ايه المكان ده كمان
ومشي في اتجاه القلعه دي وراح وصل هناك لقى جنود واقفين قرب منهم ورفعو عليه عصايتين صغيرين زي الصولجان كده

الجنود : من انت وما الذي اتى بك الى هنا وماذا تريد

حسام : انا مش جاي اضر حد انا بس لقيت نفسي هنا وشوفت القلعه دي قولت اشوف في ايه

الجنود : كيف هذا لا يستطيع احد الصعود الى هنا لان هذا سجن ومن يصعد الى هنا لا يكون سوى الملك او وزيره وانت لست احد منهم ولست هاربا ايضا لان من يهرب من هنا لا ينجو ان بقى به عقل ايضا لان هذا المكان يسلب العقول

حسام : انا مش جاي ااذي حد انا بس شوفت القلعه بس قولت استكشف

الجنود : اذا انت جاسوس وسوف نقبض عليك

حسام : انا و**** مش جاسوس ولا حاجه انا بس مجرد عابر سبيل

الجنود : وما الذي يجعلنا نصدقك ربما تكون تكذب علينا ولسه هيعملو تعويذة هجوم عليه حسام لقى سيلينا و داريوس وراه و صدو الهجوم اللي كان عليه و هزمو الجنود

الجنود : ااااااه ماذا فعلت من انت

رد داريوس : انا داريوس خادم الملك الشرعي دراجون و من اردتم ان تهاجموه انه حفيد الملك والوريث الشرعي للمملكه

ركع الجنود على رجليهم وقالو : نحن نعتذر عن ذلك جلالتك روحنا رهن يديك افعل بنا ما تشاء نحن نستحق العقاب

حسام : قوم يا ابني انت وهو انا مش هعاقب حد انتو كنتو بتعملو شغلكم ومكنتوش تعرفو المهم انتو ازاي ولائكم مش للملك الحالي فهموني

الجنود : سيدي انت في سجن الملك دراجون وكل من هنا ولائه للملك السابق لاننا في منطقه منعزله عن المملكه ولا يخطوها اي كائن ولا يقترب منها احد

حسام : طيب خلاص حصل خير
سيلينا انتي و داريوس جيتو ازاي وعرفتو ازاي اني هنا

سيلينا : لقد كنت قريبة منك ولا تنسى اننا بيننا رابطة خواطر وانني اذا شعرت بالخطر ستجدني جانبك وروحي فدائك
وداريوس ايضا قد اخبرتها تخاطريا انك في خطر وجئنا لانقاذك وهناك الكثير ايضا يتمنون ان يخدمونك ولكنهم لم يعلمو بعد بعودتك اتريد ان تجتمع بهم سيدي

انا : لا سيبيها لما اكون مستعد وقوي عشان باين اني محتاج تدريب لاني معرفتش حتى ادافع عن نفسي بس الاول قوليلي ازاي ارجع وازاي جيت هنا انا

سيلينا : يبدو انك سيدي تقوم بتفعيل قدرة الانتقال الاني بدون ان تدرك ذلك

انا : طيب يا سيلينا انا عايز اقدر اتحكم في القدره دي عشان مروحش حته غلط غصب عني

داريوس : اتدرك ان ما فعلته والانتقال الاني هذا الذي فعلته لقد قمت بالتدريب ثلاث سنوات حتى اتقنه وانت تفعله بدون ان تدرك هذا دليل على انك ورثت الكثير من قدرات سيدي دراجون

انا : : وباين ان دي حاجه كويسه يا داريوس هتسهل عليا تعليم و وقت

داريوس : يبدو ان سيلينا لن تأخذ وقتا كثيرا في تدريبك

سيلينا : يبدو ذلك يا داريوس

انا : طيب يا سيلينا انا عايز اتقن قدرة الانتقال الاني

سيلينا : حسنا سيدي سوف اعلمك كيف تتقنها

انا : هقولك على حاجه انتي وداريوس وده تعتبروه امر انا مش عايزكم تقولولي سيدي دي تاني عشان مش بحبها

سيلينا وداريوس معا : نحن لا نستطيع سيدي انت ملكنا

انا : بصو هقولكم على حل لما نكون لوحدنا متقولوش سيدي تمام كده

سيلينا وداريوس : حسنا كما تشاء اذا ماذا نقول لك

انا : اسمي حسام يا داريسوس انت وسيلينا من هنا ورايح تنادوني باسمي

حسنا سيدي نعتذر نقصد حسنا يا حسام

انا : ايه هنفضل كتير هنا مش هروح ولا ايه انا جعان وامي زمانها بتدور عليا 😂😂

سيلينا : كما تريد

ومسكت ايدي واختفينا ظهرنا في البيت في اوضتي

انا : سيلينا عايز اتعلم

سيلينا : كما تريد حسام وابتسمت

فتحت بوابه ودخلت فيها وجابت كتابين قديمين و كل كتاب حوالي 5000 صفحه واديتهوملي

سيلينا : خذ هذاين الكتابين اقرأهم الان وعندما تنتهي منهم اخبرني

انا شوفت الكتابين وقولت : لا خلاص يا سيلين علام ايه بس انا كنت بهزر انا مش هتعلم حاجه روحي شوفيلك مصلحه اعمليها انا اقرأ كل دول يا عم حرام عليكي ده انا من يوم ما دخلت التعليم مقرأتش الكم ده كله 😂

سيلينا انفجرت في الضحك وقالت : اعتذر سيدي عن الضحك انا لا استهذئ بك ولكنك اضحكتني حقا

انا : وبعدين بقى ما قولت بلاش سيدي دي

سيلينا : اعتذر ولكني لم اعتاد بعد على ذلك ربما مع الوقت اعتاد علي مناداتك باسمك المهم الان يجب ان تقرأهم واذا انتهيت منهم لك عندي مكافأة سوف تعجبك كثيرا

انا : لا اذا كان كده ماشي

ودخلت امي الاوضه عليا

ماما : كنت فين يبني بدور عليك بقالي ساعه الاكل جاهز وبرد

انا : معلش يا ماما بس كنت في الحمام عندي مغص

ماما : طيب انت كويس دلوقتي ولا اجيبلك انتينال

طبعا كلنا عارفين الامهات الانتينال مش بيخلى من اي بيت وعلاج عندهم لاي مغص 😂😂

انا : لا يا ماما انا بقيت كويس خلاص وجاي اكل اهو يلا بينا

خرجت واكلت ورجعت بدأت اقرأ في الكتب اللي ادتهملي سيلينا ولقيت لغتهم مفهومه بالنسبالي مع انها رسم اول مرة اشوفه بس انا فاهمه كأني اتولدت في المكان اللي اتكتب فيه الكتب دي معرفش اذا كان دي كمان قدرة ورثتها من جدي ولا ايه قعدت اقرأ لغاية ما تعبت وحبيت انام

نمت وصحيت الصبح اليوم المعتاد وكنت عايز اروح المدرسه امي وابويا قالولي ريح انت بس انهارده

انا : طيب هوصل رنا المدرسه وارجع

فطرنا وخرجت انا ورنا وفي الطريق قابلنا صاحبي احمد وسألني

احمد : ايه يا عم في ايه ليه مش لابس لبس المدرسه انت مش رايح ولا ايه انهارده

انا : لا مش رايح انهارده تعبان شويه

علياء اخت احمد : سلامتك الف سلامه يا حسام

انا : **** يسلمك يا علياء هو بكره بس وهتلاقوني معاكم رايح المدرسه

احمد : طيب هتروح الدرس انهارده ولا مش هتقدر

انا : لا رايح ورايح الجيم كمان واحتمال معانا ماتش كوره كمان

احمد : مش بتقول تعبان يبني هتروح دول ازاي وليه براحتك ع صحتك

انا : متقلقش بس انا بابا وماما هما اللي مش عايزين اروح المدرسه انهارده انا مكنتش عايز اغيب وقعدت عشان ميزعلوش

احمد : طيب تمام اشوفك بعدين سلام عشان الحق الطابور

انا : سلام
يلا يا رنا عشان تدخلي مدرستك وانا هرجع محتاجه اي حاجه

رنا : لا يا حبيبي سلامتك انا هدخل سلام يا قلبي

انا : سلام يا حبيبتي خدي بالك من نفسك

رجعت البيت ومسكت الكتب تاني وكملت قرأه لغاية ما جاء ميعاد الدرس خدت دوش و لبست هدومي ونزلت

وروحت عند الدرس وانا وداخل بشاور لاحمد من بعيد

لقيت احمد بيجري عليا و بيزعق ويقولي حااااااااسسب يا حسام

وانضربت على دماغي اغم عليا

هتقولي فين سيلينا ولا داريوس من الكلام ده 😂
هقولك حاضر هفهمك الجزء اللي جاي ازاي ده حصل وليه

الى هنا ينتهي الجزء الثالث

اتمنى الجزء ده يعجبكم واسف لو الاجزاء صغيره بس زي ما قولتلكم انا اول مره اكتب ف كل جزء هيكون اكبر من اللي قبله

الى اللقاء في جزء اخر
.....................
.............
.........
...
.​

كمل يا صديقي وكبر الاجزاء💖

 

[STroNG a👑]

عاش يابوب ومستنينك في الجديد

حبيبي تسلم

 

[STroNG a👑]

كمل يا صديقي وكبر الاجزاء💖

يسطى انا بعوضها في عدد اجزاء اكثر

 

[STroNG a👑]

جميل جدا بس عايزه خيال اكتر
مثلا الجنود وشكلهم وكانوا لابسين ايه ولا أسلحتهم عامله ازاي والهجمات شكلها ايه

تمام حاضر متنسيش اني اول مره اكتب 😂

 

[STroNG a👑]

جميله امتي الجديد

تسلم يا غالي

 

[STroNG a👑]

طب كمان جزء والنبى ياعم 😂😂

حاضر

 

[العنتير]

حبيبي تسلم

حبيبي اخوك

 

[Eslam Sawed]

عظيمه امتي الجديد

 

[STroNG a👑]

الرابع نزل

عظيمه امتي الجديد

لسه ما اتدمجش

 

[Eden 123]

تم اضافة الجزء الرابع

 

[STroNG a👑]

طريقة السرد جميلة جدا بتمني كل التوفيق وبعدين بقي هو حسام ولا حازم ايه اللغبطه دي 😂😂

الجزء الرابع نزل

 

[STroNG a👑]

عاش يابوب ومستنينك في الجديد

الجزء الرابع نزل يا بوب

 

[STroNG a👑]

تم اضافة الجزء الرابع

شكرا يا غالي

 

[STroNG a👑]

كمل يا صديقي وكبر الاجزاء💖

الجزء الرابع نزل

 

[العنتير]

عاش يابوب ومستنينك في الجديد

 

[عابر]

فين الجزء الرابع يا غالي مش موجود القصه روووعه بصراحه

 

[STroNG a👑]

فين الجزء الرابع يا غالي مش موجود القصه روووعه بصراحه

موجود اخر جزء نزل انهارده

 

[STroNG a👑]

عاش يابوب ومستنينك في الجديد

حبيبي تسلم يا غالي

 

[STroNG a👑]

😂نزل في الوقت المناسب انقذتني من الملل الفظيع

شايفك مش متابعه شكلها القصه معجبتكيش 😞