فضفضه نقاش حد خد باله من الحواديت اللى اتربينا عليها ؟

[aahmedegypt]

​

طيب تعالوا أفسد براءة قصص أحلامكم وانتوا صغيرين
الحكايات اللى أتربينا عليها ليها جانب آخر مريب.. يعني مثلًا ليه كل ما حد يلاقي مصباح ويدعكه يطلع عفريت المصباح بلبوص وهو بيضحك؟ إيه الشيء المنطقي اللي يخليك تطلع لحد أول مرة تشوفه وانت عريان ومسخسخ من الضحك؟
وإيه سنووايت دي كمان؟ واحدة هربت من بيت أهلها وراحت تعيش مع 7 رجالة عُزاب أغراب.. لأ ولما فكروها ماتت بتفاحة الساحرة الشريرة وحطوها في تابوت قزاز راح عدي أمير فاقعها بوسة بق فصحيت.. هار إسود ! هو عادي كدة إنك تبقى أمير عليك القيمة وتصادف جثة في الغابة تقوم بايسها في بقها؟إيه النكروفيليا دي؟! وبعدين بيقول لك لما باسها التفاحة اللي واقفة في زورها طلعت.. دة كان بيبوس ولا بيشفط هلقلقلقلق؟ بوسة إيه اللي تعمل كدة؟ بيبوس بجهاز طرد مركزي ابن الجزمة؟
وإيه بقى سندريللا؟ في أمير محترم يلف على بيوت البلد ويدور يقفش في رجلين بنات الناس قال إيه بيجرب الجزمة؟ انت عندك فووت فيتيش يا بني ولا مصاحب تارانتينو؟ وبعدين ازاي طول الليل بيرقص مع سندريللا ورغم كدة مش عارف شكلها؟ ما هو حاجة من الاتنين يا هو وسخ وكانت عينيه مركزة على حتة تانية غير وشها يا هي الساحرة جابت لها ميك أپ أرتيست من بتوع اليومين دول عملت لها وشها بوية وصنفرة من اللي بتحول قرد البابون لنسخة من مارلين مونرو..
وطبعا مش حتكلم عن ذات الرداء الأحمر والديب لأن العنوان لوحده بيدي إيحاءات وسخة وفي الآخر حنلاقي حد كدة لا داعي لذكر اسمه بيقول "ما هي اللي غلطانة عشان لابسة أحمر وماشية في الغابة لوحدها فاستفزت ذكورة الديب"
فاضل إيه؟چاك وحبة الفاصوليا؟ قصة عن عيل دعك حبة فاصوليا فطولت وبقت شجرة؟ لأ شكرًا لحد كدة عشان أنا نيتي هنا مش سالكة


منقولة من الفيس بوك

اضغط لقراءة المزيد...

 

[Ibrahiem yYass]

تفكيرك منحرف

 

[Yasmin55]

و عندك بيلا بتاعة الجميلة و الوحش و ستوكهولم سيندروم
و اريال الي راحت بتاعت صوتها وعلشان تبقي بشرية علشان واحد ميعرفهاش ولا هي تعرفه
+ اغلب الاميرات كان عندهم ١٦ سنة

بعيدا عن الهزار افلام الاميرات القديمة كانت من اسوأ الحاجات الي اتعملت و القصص الي كانت بتتقدم كانت فعلا غريبة

 

[aahmedegypt]

تفكيرك منحرف

😂 😂 😂 😂 😂 😂 😂

 

[aahmedegypt]

و عندك بيلا بتاعة الجميلة و الوحش و ستوكهولم سيندروم
و اريال الي راحت بتاعت صوتها وعلشان تبقي بشرية علشان واحد ميعرفهاش ولا هي تعرفه
+ اغلب الاميرات كان عندهم ١٦ سنة

بعيدا عن الهزار افلام الاميرات القديمة كانت من اسوأ الحاجات الي اتعملت و القصص الي كانت بتتقدم كانت فعلا غريبة

تفكير صحيح

 

[salemsoly]

دمرتلي قصص الطفولة يا كبير

 

[Eden 123]

عندك حق بس اللى شاغلنى مالقصص دى قصة سندريلا من وانا صغيرة كنت بسأل سؤال واحد هى الجزمة دى كان مقاسها على سندريلا بس مفيش واحدة فى البلد نفس المقاس مفيش رجلين زى بعض يعنى

 

[ramadan416]

عندك حق بس اللى شاغلنى مالقصص دى قصة سندريلا من وانا صغيرة كنت بسأل سؤال واحد هى الجزمة دى كان مقاسها على سندريلا بس مفيش واحدة فى البلد نفس المقاس مفيش رجلين زى بعض يعنى

يعني هي دي اللي فارقه معاك يا راجل كبر دماغك