المقدمه
اسمي ; احمد. عمري 23سنه. متخرج من هندسة اتصالات. وتركيب شبكات.
نبتدي بقا الحكايه. ونخش في الموضوع علشان مبقاش رغاي علي الفاضي
..............
البدايه.
لما اتخرجت. من الكليه وكنت شاب زي اي شاب بحلم اني اشتغل واعمل فلوس علشان اتجوز.
المهم ليا واحد قريب ابويا. بيشتغل في دوله عربيه. بابا كلمه. لقالكي وظيفه في شركة اتصالات.
وجالي عقد العمل وسافرت.
في البدايه اخدت وقت علي ما اناقلمت. وقدرت اثبت وجودي في شغلي. لحد ما عينوني مدير لفرع الشركه لتركيب الابراج. مكنش في دماغي غير الشغل وبس.
لحد ما في يوم. كان مطلوب اننا نركب برج تقويه في منطقه. والبرج ده لازم يكون علي الجبل.
اتصلت بالمهندس المسئول عن المنطقه من فرع الشركه. كان اسمه ماجد
انا: الو صباح الخير يا بش مهندس ماجد.
ماجد: صباح الورد يا بش مهندس احمد. ازيك يا اداره
انا: ورد عليك يا حبيبي. في منطقه تبع دايرتك. محتاجه برج تقويه وجايه منها شكاوي كتير جدا.
ماجد: اي منطقه يا هندسه.
انا: المنطقه ال جنب الجبل.
ماجد ; قصدك جبل. ( الرعب)
انا :جبل رعب ايه يا هندسه. بس
ماجد: اه يا احمد الجبل ده كله بيقول انه مسكون من الجن.
انا: : بس بس. انت راجل متعلم يا هندسه خليت ايه للعيال الصغيره والجهله.
ماجد: طيب ايه المطلوب يا بش مهمندس.
انا. : المطلوب اننا هنركب برج تقويه. فوق الجبل بعمق 250 او 300 متر علشان تلقط من البرج الرئيسي وتغذي المنطقه عندك كلها
ماجد: طيب يا بش مهندس اوامرك
انا: دي اوامر الشغل طلبات البرج هتوصلك بكره وتشوف الرجاله ال عندك وتبتدي تطلعو الحاجه وتركبوها. وخليك علي اتصال معايا اي حاجه تحتاجها كلكمني
ماجد: تمام يا بش مهندس.
تاني يوم وصلت الحاجه. واتصل بيا ماجد وقالي ان الحاجه تمام وهشوف عمال يطلعو الحاجه علشان يبتدي التركيب.
اليوم ال بعده
ماجد: صباح الخير يا هندسه.
انا: صباح الورد يا ماجد.
ماجد: يا هندسه مفيش عمال راضيه تطلع الحاجه الجبل.
انا: ليه يا ماجد
ماجد: كلهم خايفين ومفيش حد راضي يشتغل معانا. ولا يطلع حاجه
انا: بعصبيه ازاي ده يا بش مهندس احنا هنلعب ولا ايه اتصرف
ماجد: اهدي يا هندسه. انا عرضت علي الناس 3اضعاف سعر اليوميه ومحدش راضي. كله خايف اعمل ايه
انا : طيب يا بش مهندس. انا بكره هكون عندك.
ماجد: توصل بالسلامه يا هندسه
قفلت معاه ووضبت هدومي وركبت عربيتي وسافرت وصلت تاني يوم بعد الضهر
وقابلت ماجد وطبعا اخدت سكن قريب من الجبل وقالت صاحب البيت ال هسكن فيه انا وماجد
كان راجل كبير ف السن
انا: مساء الخير يا عم الحج
صاحب البيت: مساء النور. يا ابني.
وبصلي جامد اووي.
انا: مالك يا عم الحج بتبصلي كده ليه
صاحب البيت. واسمه سعد
سعد: انت ياابني جاي تعمل ايه بالظبط هنا
انا : يا حج سعد احنا جايين نركب برج شبكه محمول علشان لما تكلم حد المكالمات تبقي واضحه ومتقطعش منك.
سعد: بصلي جامد وقال هتركبوها فين.
انا: فوق الجبل يا حج سعد بس جوه شويه.
سعد: بلاش الجبل ده يا ماجد يا ابني.
انا: ليه يا حج.
سعد: الجبل ده مسكون ومفيش حد طلع هناك ونزل منه ابداا.
انا وماجد بقينا نبص لبعض وبلمنا. وبعدين قولتله يا حج سعد. ده شغل مطلوب مننا ولازم ننفذه. وانا جاي مخصوص علشان كده
سعد: براحتك يا ابني بس افتكر اني قولتلك.
انا: تمام يا حج سعد.
يا ماجد. فين الدليل ال هيطلعنا الجيل.
ماجد: الدليل جاي يا احمد
انا: طيب العمال فين
ماجد: خلص مع الدليل ونروح للعمال واهو الدليل جه
الدليل. وده معناه الراجل ال عارف اسهل الطرق علشان طلوع ونزول الجبل. بيبقي من اهل المنطقه. وعارفها كويس. جدا
الدليل: ايوه يا بش مهندس ماجد انت طلبتني
ماجد: ال بش مهندس احمد عايز يتكلم معاك.
انا: مساء الخير. احنا عايزينك تدلنا علي اقصر واسهل مكان نطلع منه الجبل.
الدليل: بلاش الجبل ده يا بش مهندس. الجبل ده مسكون
انا: مفيش حاجه اسمها مسكون احنا عايزينك تطلعنا الجبل وتدخلنا علي عمق 300 متر وبدل اليوميه هديك 3 ف اليوم
الدليل بصلي باستغراب وقال ; طيب يا بش مهندس علي شرط هطلعكم الصبح وهنرجع بعد العصر علي طول يا اما اسيبكم وارجع لوحدي
انا: ماشي يا سعد هنشوف الدنيا فيها ايه
وخد بعضه ومشي
وروحنا للعمال. وطبعا ضاعفتلهم المبلغ وزياده في مقابل يطلعولنا المعدات بتاعتنا
وتاني يوم صحينا وفطرنا والعمال جت وابتدو يطلعو في الحاجه وطلعوها وطلعنا علي بعد الضهر
وابتدينا في عمل القواعد بتاعة الاعمده
والوقت اخدنا ولقيت الدليل بكلمني ومتستعجل في الكلام
سعد : يابش مهندس يا بش مهندس. يلا بينا بسرعه بسرعه
انا: جري ايه ياسعد لسه بدري
سعد: بدري ايه يا بش مهندس انا متفق معاك يا اما اسيبك وانزل انا مش هفضل لليل هنا مهما حصل
انا : طيب يا سعد استني.
يا ماجد في بنزين عندنا نشغل المولد بتاع الكهربا.
ماجد: تصدق نسينا البنزين تحت الجبل
انا : طيب انزل هاته انت وسعد بسرعه وخلي سعد يروح احنا هنكمل شغل
ماجد: يا احمد مينفعش كده
انا: جري ايه يا بش مهندس ده شغل ومطلوب نخلصه ف اسرع وقت والا هنتجازي.
ماجد :خلاص يا بش مهندس. هنزل اجيبه يلا يا سعد
فضلت شغال.
ومفيش عشر دقايق لقيت سعد جايب البنزين. كانت الشمس غابت.
انا: ايه انت جيت بسرعه يعني ياسعد.
سعد : انا لقيت البنزين سايبينه العمال قريب.
انا: امال ماجد فين.
سعد : اهو جاي ورايا.
انا: طيب تمام. اخدت الجركل وفتحته. وجيت اكب بنزين لقيته. ددمم. ببصي. علي سعد ملقتيش. حد حواليا. ...............
الي اللقاء في الجزء. التاني.
