انا مبقتش فاهم الناس ال ع المنتدي دا بنسبة كبيرة
المشكلة اني بشوف ناس كتيير ع المنتدي ... هم محترمين جدااا لما تتعامل معاهم و تكلمهم انا فعلا بنحب الناس ال ع المنتدي ع انهم اخواتي الكبار و كدا انا بنحبكم جدااا و كلكم ع راسي بس فيه ناس بستغربها اوي بصراحة ازاي كل الاحترام دا و ع منتدي جنسي .... كنت مفكري اني بس اتضح ان انا مش فاهم .....
بعيدا عن كل دا بس انا فعلا بنحبكم زي اخواتي الكبار فعلا و كل حد فيكم ليه غلاوته عندي فعلا و كلكم ع راسي .... شاركوني الرأي و النصايح عن الموضوع دا👍🏼👍🏼🤔
هقولك ليه بتلاقي ناس محترمه هنا كتير
بص هي كذا خطوة بتيجي ورا بعضها وانا واحد من الناس اللي الخطوات دي حصلت معايا
اولا قاعد زهقان ومش لاقي حاجة تعملها وبتدور علي حاجة تطلع فيها زهقك ووقت فراغك
ثانيا المنتدي وقع قدامك بالصدفة قولت تخش تشوف الدنيا فيها وتتفرج
ثالثا بتبقا زائر وتتفرج في المستخبي عشان محدش يعرفك لحد ما تعجبك حاجة في المنتدي سواء قصص او ناس معينه
رابعا فضولك بيجبرك انك عايز تشوف اكتر وتشارك
خامسا تعمل عضوية وتشارك في القصص اللي انت حبيتها او في الحاجة اللي انت حبيتها عموما
سادسا تتعلق بالناشر من تعلقك باللي هو بينشره سواء قصة او افلام او صور علي حسب الحاجة اللي خليتك اصلا تكمل في المنتدي
سابعا تخلق صداقة او محبة وهمية جواك بينك وبين الناشر ده من كتر ما بتعلق عنده او بتهزروا مع بعض في العام
ثامنا تزيد الصداقة تدريجيا لحد ما تبقوا بتتكلموا خاص وعام وتبقا مبتفوتش ليهم حاجة
تاسعا المنتدي بالنسبالك ميبقاش منتدي علي قد ما هو يبقا قعدة قهوة
صحبة حلوة وناس جميلة بتحب تتكلم معاهم وتشاركهم وتهزروا وتنكشوا في بعض حتي لو مفيش بينكوا كلام في الخاص بس بتستغل اي فرصة انك تنكشهم وتهزر معاهم في العام
عاشرا تبدأ تتجاهل اي حاجة مش عاجباك في المنتدي او الميول اللي انت مختلف معاها ومش بتعجبك وتفضل حاصر نفسك في الدايرة اللي شبهك وبتحبها و وقتها المنتدي بالنسبالك يبقا القهوة اللي بتنزلها بعد يوم شغل طويل عشان تروق علي حالك.. ✌🏼