- إنضم
- 4 يناير 2024
- المشاركات
- 85
- مستوى التفاعل
- 81
- نقاط
- 1,233
- الجنس
- ذكر
- الدولة
- مصر
- توجه جنسي
- عدم الإفصاح
- وصلك الرصيد يا أستاذ ؟
= وصل يا آنسة
- تمام، تخلصهم كلهم في مكالمات السعد والهنا يا رب
= ****، دا إيه الدعوة الحلوة دي، الحساب كام بقى ؟
- ١٥٠ جنيه يا أستاذ، وخلي عن حضرتك خالص
= تصدقي فكرة، إيه رأيك ؟
- رأيي في إيه ؟
= انا كدا كدا رصيدي وصلني، ايه اللي هيحصل لو ضربت الفلوس في جيبي وقلت اني دفعتهملك، ايه اللي يثبت اني مدفعتش ؟
- ولا حاجة
= طبعا انتي هتزعقي ومش بعيد تصوتي، فالناس تتلم على صوتك
- الناس هنا ما بتصدق طبعا
= هتقولي انك شحنتيلي رصيد وانا مدفعتش فلوس، الناس هتسخن على كلامك شوية
- أيوه عشان انا بنت وكدا
= بس آخرتها إيه يعني، كلمتي قصاد كلمتك، وهقول انك خدتي الفلوس وناسية
- الناس هتصدقك فعلا وهيقولولي **** يعوض عليكي وهتخلص ببلاش
= طب ما دي فكرة حلوة أوي، ما تيجي نجرب
- طب وعلى إيه كل دا، رصيدك في تليفونك يا باشا واعتبر الحساب وصل
= بالسهولة دي، هتسيبيني انصب عليكي ؟
- بالعكس دا انت كدا هتعمل معايه واجب
= ازاي بقى ؟
- أصل الفلوس دي انت هتدفعها هتدفعها، مفيش حاجة بتضيع
= هدفعها فين لو معندكيش إثبات ؟
- هتدفعها في الآخرة، تخيل معايه المنظر دا كدا، أنا واقفة معايه على حسنة وادخل الجنة، تيجي حضرتك وتديني الحسنة دي تمن الرصيد، فيه واجب أكتر من كدا ؟
= انتي بتحسبيها كدا يعني ؟
- شايف الاتنين الشباب اللي واقفين عالناصية اللي هناك دي ؟
= شايفهم اه
- دول جايبين في سيرتي دلوقتي
= في سيرتك انتي ؟
- آه، عشان طولت معاك شوية في الحوار، فبيقولوا لبعض انك بتشقطني
= وانتي طبعا متقدريش تعملي معاهم حاجة عشان عيال لبش
- بالعكس، أنا اقدر ابلغ عنهم القسم ييجوا ياخدوهم فورا، العيال دي معاها مطاوي وحشيش، يعني قضية متقفلة
= طب ليه مبتعمليش كدا ؟
- يا باشا بقولك كل يوم بيجيبوا في سيرتي، دي حنفية حسنات متعبتش فيها، أقفلها بإيدي ليه
= مش عارف ليه مش مصدقك، حاسس انك بتمثلي، بتحوري، بتبالغي
- انت مين أصلا عشان أمثل عليك، انت ولا حاجة يا باشا اصحى، دا حتة ڤيروس تافه لو لطشك دلوقتي هتقلب سوسن
= طب حيث كدا بقى انا هاخد جراب للموبايل
- هتدفع فلوس وللا حسنات ؟
= لا حسنات
- ماشي، مش عايز تغير سكرينة بالمرة
= نغير، وعايز وصلة شاحن تايب سي **** يكرمك
- تاخد المصري وللا المستورد ؟
= لا خلينا في المصري بقى عشان حسناتي مش هتكمل
- ولا يهمك يا باشا شيل من سيئاتي
= شغال يعني ؟
- شغال طبعا
= لا لو كدا بقى انا املا الشنطة اللي معايه دي جرابات على اكسسوارات على كروت شحن
- عيش يا ريس، خد كل اللي يكفيك
= اه يا خلبوصة، شكلك عاملة سيئات كتير انتي
- **** يغفرلنا جميعا يا باشا
= بس فيه حاجة غريبة أوي
- ايه بقى ؟
= ازاي محل موبايلات مفيهوش موبايلات
- دا سؤال ذكي كنت مستنياه من بدري
= بس متقوليش، طلعتي الموبايلات بحسنات صح ؟
- لا يا باشا مش كدا خالص
= أمال ايه
- شايف الاتنين اللي هناك دول ؟
= اللي بيخوضوا في شرفك اه فاكرهم
- دول اخواتي، انا سلكت الموبايلات معاهم من بدري، ووقوفهم هنا معناه ان الموبايلات اتباعت وفلوسها جاهزة
= وبعدين ؟
- هخبط راسي في الاستاند دا، وهرقع بالصوت وهقول انك ضربتني، وسرقت المحل
= وفين الموبايلات اللي انا سرقتها ؟
- اديتها لزميلك اللي كان مستنيك بمكنة صيني، ووقفت تلم بقية البضاعة، واديك شايلها اهو في الشنطة، وصاحب المحل مش ممكن يشك فيا انا شغالة معاه من زمان
= أبوس ايدك انا مش وش بهدلة، دا انا كنت بهزر معاكي
- ال ١٦٠ جنيه بتوع الرصيد يالا
= مش كانوا ١٥٠ ؟
- دا كان قبل التعويم اخلص
= طب خدي ٢٠٠ وهاتي الباقي
- ممعايش فكة، ابقى خد بيهم حسنات
= وصل يا آنسة
- تمام، تخلصهم كلهم في مكالمات السعد والهنا يا رب
= ****، دا إيه الدعوة الحلوة دي، الحساب كام بقى ؟
- ١٥٠ جنيه يا أستاذ، وخلي عن حضرتك خالص
= تصدقي فكرة، إيه رأيك ؟
- رأيي في إيه ؟
= انا كدا كدا رصيدي وصلني، ايه اللي هيحصل لو ضربت الفلوس في جيبي وقلت اني دفعتهملك، ايه اللي يثبت اني مدفعتش ؟
- ولا حاجة
= طبعا انتي هتزعقي ومش بعيد تصوتي، فالناس تتلم على صوتك
- الناس هنا ما بتصدق طبعا
= هتقولي انك شحنتيلي رصيد وانا مدفعتش فلوس، الناس هتسخن على كلامك شوية
- أيوه عشان انا بنت وكدا
= بس آخرتها إيه يعني، كلمتي قصاد كلمتك، وهقول انك خدتي الفلوس وناسية
- الناس هتصدقك فعلا وهيقولولي **** يعوض عليكي وهتخلص ببلاش
= طب ما دي فكرة حلوة أوي، ما تيجي نجرب
- طب وعلى إيه كل دا، رصيدك في تليفونك يا باشا واعتبر الحساب وصل
= بالسهولة دي، هتسيبيني انصب عليكي ؟
- بالعكس دا انت كدا هتعمل معايه واجب
= ازاي بقى ؟
- أصل الفلوس دي انت هتدفعها هتدفعها، مفيش حاجة بتضيع
= هدفعها فين لو معندكيش إثبات ؟
- هتدفعها في الآخرة، تخيل معايه المنظر دا كدا، أنا واقفة معايه على حسنة وادخل الجنة، تيجي حضرتك وتديني الحسنة دي تمن الرصيد، فيه واجب أكتر من كدا ؟
= انتي بتحسبيها كدا يعني ؟
- شايف الاتنين الشباب اللي واقفين عالناصية اللي هناك دي ؟
= شايفهم اه
- دول جايبين في سيرتي دلوقتي
= في سيرتك انتي ؟
- آه، عشان طولت معاك شوية في الحوار، فبيقولوا لبعض انك بتشقطني
= وانتي طبعا متقدريش تعملي معاهم حاجة عشان عيال لبش
- بالعكس، أنا اقدر ابلغ عنهم القسم ييجوا ياخدوهم فورا، العيال دي معاها مطاوي وحشيش، يعني قضية متقفلة
= طب ليه مبتعمليش كدا ؟
- يا باشا بقولك كل يوم بيجيبوا في سيرتي، دي حنفية حسنات متعبتش فيها، أقفلها بإيدي ليه
= مش عارف ليه مش مصدقك، حاسس انك بتمثلي، بتحوري، بتبالغي
- انت مين أصلا عشان أمثل عليك، انت ولا حاجة يا باشا اصحى، دا حتة ڤيروس تافه لو لطشك دلوقتي هتقلب سوسن
= طب حيث كدا بقى انا هاخد جراب للموبايل
- هتدفع فلوس وللا حسنات ؟
= لا حسنات
- ماشي، مش عايز تغير سكرينة بالمرة
= نغير، وعايز وصلة شاحن تايب سي **** يكرمك
- تاخد المصري وللا المستورد ؟
= لا خلينا في المصري بقى عشان حسناتي مش هتكمل
- ولا يهمك يا باشا شيل من سيئاتي
= شغال يعني ؟
- شغال طبعا
= لا لو كدا بقى انا املا الشنطة اللي معايه دي جرابات على اكسسوارات على كروت شحن
- عيش يا ريس، خد كل اللي يكفيك
= اه يا خلبوصة، شكلك عاملة سيئات كتير انتي
- **** يغفرلنا جميعا يا باشا
= بس فيه حاجة غريبة أوي
- ايه بقى ؟
= ازاي محل موبايلات مفيهوش موبايلات
- دا سؤال ذكي كنت مستنياه من بدري
= بس متقوليش، طلعتي الموبايلات بحسنات صح ؟
- لا يا باشا مش كدا خالص
= أمال ايه
- شايف الاتنين اللي هناك دول ؟
= اللي بيخوضوا في شرفك اه فاكرهم
- دول اخواتي، انا سلكت الموبايلات معاهم من بدري، ووقوفهم هنا معناه ان الموبايلات اتباعت وفلوسها جاهزة
= وبعدين ؟
- هخبط راسي في الاستاند دا، وهرقع بالصوت وهقول انك ضربتني، وسرقت المحل
= وفين الموبايلات اللي انا سرقتها ؟
- اديتها لزميلك اللي كان مستنيك بمكنة صيني، ووقفت تلم بقية البضاعة، واديك شايلها اهو في الشنطة، وصاحب المحل مش ممكن يشك فيا انا شغالة معاه من زمان
= أبوس ايدك انا مش وش بهدلة، دا انا كنت بهزر معاكي
- ال ١٦٠ جنيه بتوع الرصيد يالا
= مش كانوا ١٥٠ ؟
- دا كان قبل التعويم اخلص
= طب خدي ٢٠٠ وهاتي الباقي
- ممعايش فكة، ابقى خد بيهم حسنات
