قصيرة النفق

[الفاجر☪️✝️]

مساء الخير او صباح الخير على حسب ما هتقرا
انا مش جديد هنا ومش قديم برضو بس اول مره انشر حاجه يارب تعجبكم مش هطول عليكم عشان عارف ان مفيش حد بيقرا المقدمات دى اصلا بس هسيبكم مع القصه
...........
صحيت فى مكان ضلمه جزئيا فى شعاع نور جاى من بعيد نقطه صغيره خالص تكاد ان تكون مختفيه كنت بحسبها مش حقيقه وعشان لسه مفتح عينى شايفها لكن بعد ما فضلت شويه بحاول افتكر انا ايه اللى جابنى هنا مش عارف اخر حاجه كنت فاكرها انى قاعد مع خطيبتى بتقولى عاوزه فلوس عشان اجيب الكولكشن الصيفى الجديد كل اما تشوفنى تطلب منى فلوس مع انها لسه مش مسئوله منى
مش بخل و**** بس احنا كرجاله بنحب البنت القنوعه اللى عينها مليانه وبيبقى نفسنا نجبلها غيمه من السماء وبنعمل اقصى ما عندنا عشان نسعدها عكس المستغله خالص
اتخانقنا مع بعض عشان قولتلها تصبر عليا الاسبوع الجاى عشان مسافر مع اصحابي فاقلتلى يا انا يا هم سبتها ومشيت وروحت اتفرجت على فيلم وكنت لسه هطفيه واقوم انام فجاءه سمعت صوت صريخ حاد وصحيت لقيتنى هنا ولابس كده معرفش ايه ده بس هو اسود وواسع يمكن نقول عليه جلابيه سوداء
المكان باين عليه واسع جدا لدرجه ان الصوت بيسري فيه بغباء
بس ثوانى انا مش شايف اي فتحات هنا الاكسجين جاى منين؟!!!
قعدت حوالى يوم معرفش قد ايه بس خمنت انه يوم مثلا شاغل بالى انا فين وبعمل ايه ايه المكان ده اصلا
كنت لسه بفكر فى كده لحد ما سمعت صوت انين لحد اكنه بيبكى مش قادر احدد اتجاه الصوت بس هنا مفيش جوانب فاكيد يا اما قدامى يا اما ورايا مسكت حجر وحدفته عكس اتجاه نقطه النور عمل صوت وصوت الانين سكت
الصوت رجع تانى بس المره دى كان انعم ده صوت بنت اوائل عشرينات
حد هنا؟
ـ انتى فين؟
ـ مش عارفه بس انا شايفه نقطه نور قدامى
ـ انا كمان شايفها كده صعبه انا مش عارف احدد مكانك
ـ طب بص احنا ممكن نلعب لعبه سخن وساقع
ـ لعبه ايه
ـ بص هفهمك هنفضل تعمل اصوات وانا اقولك سخن او ساقع سخن لو صوتك بيقرب ساقع لو بيبعد امشى عكس اتجاه النور
ـ و**** فكره ماشى انا بتحرك اهو
...سخن
...سخن
...سخن اوى
...انت شكلك بتقرب عليا
مسكت حجر
خليك مكانك كده
وحدفت الحجر
ـ ااااه
ـ ايه اللى حصل
ـ فى حاجه ضربتنى فى وشى
ـ حجر مثلا؟
ـ تقريبا
ـ تعالالي بسرعه انت قريب منى
........رحت وشوفت معرفش ايه ده بس دى غالبا كده مش انسان شبهنا دى تحسها ملاك فى السما دى بشرتها بيضاء اوى مش قادر احدد ملامحها كويس عشان الدنيا ضلمه بس هى تحسها بتلمع فى النور
ـ انا فى حاجه تقريبا مربوطه
جيت بصيت لقيته سلسله غليظه اوى وسميكه جدا موصوله فى الجدار
ـ ايه هنعمل ايه هتحررنى ازاى احنا فين اصلا
ـ مش عارف مش عارف
اتمنيت فى قراره نفسى انه لو بدل ما يبقى جنزير حديد يبقى حبل ساعتها هعرف افكه لفيت شويه لقيت حجر قولت هقعد اضرب قفل السلسله لحد ما يتفك
رحت لقيت اللى مربوط حوالين رجلها حبل مربوط فى سلسله مربوطه فى الجدار
انا بصتلها كده باستغراب
ـ احلفلك بايه انها كانت حديد ومعلم فى رجلى اهو
ـ مش مهم اكيد انتى اتلخبطى دلوقتى انا هسن حجر واقطع...
تنحت شويه لقيت جنب الحجر اللى كنت همسكه موس
ايوه موس ومش تلم لا مسنون
البت بصتلى باستغراب
فكيتها وقومنا مشينا عكس اتجاه النور يمكن نلاقى حد
ـ بص احنا لازم نتبادل مع بعض اللى نعرفه يمكن نفيد بعض
ـ انا فعلا بقول كده انتى بقالك قد ايه هنا
ـ بقالى كام ساعه بس
ـ انا بقالى يوم تقريبا بس مكنتش مربوط
ـ يمكن اللى حطنا حنا عاوز كده؟ انت جيت هنا ازاى
ـ معرفش اخر حاجه فاكرها انى سمعت صوت صريخ حاد جدا بعد كده صحيت هنا
ـ غريبه
ـ ايه هى
ـ انا كمان فاكره صوت صريخ كنت انا هصرخ بس سمعته قبلى لقيت اللى كانوا قدامى وقعوا على الارض وانا وراهم
ـ ثوانى بس قولتى تانين يعنى في غيرنا
ـ ليه متقولش اننا المقصودين اللى بيحدف قنبله بتفجر الكل مع انه بيبقى قاصد واحد بس
ـ طب نعمل ايه
ـ بما اننا معناش اكل يبقي نروح ناحيه النور ده يمكن يكون مخرج بس باين انه بعيد اوى احنا نجري بتعرف تجري؟
ـ اه بعرف
ـ طب يلا نفتح اسبرينت لحد المكان اللى انت لقيت نفسك فيه لان احنا منعرفش بعد كده فى ايه
ـ يلا
.............
ـ كل ده وموصلناش
ـ فى فرق بين الجدارين ده اللى كنت موجود عنده
ـ فى فرق عدى من ٣ دقايق فاتوا
ـ احلفى؟؟
ـ ااااه احنا كده جرينا كتير تعالى نمشى ونشوف يمكن نلاقى اى حاجه تساعدنا
......
ـ احنا تقريبا بقالنا ساعه بنتحرك
ـ انا جعانه
ـ انا كمان
ارنب اللى هناك ده
ـ ايه ده ده ارنب فعلا
الموس لسه معاك؟
ـ اه
ـ حطه تحت لسانك عشان ميقعش مننا على ما نمسك الارنب ده وندبحه بيه
بس هو جه هنا ازاى
ـ ربك لما يريد يا ستى احنا هنعترض
حط الموس تحت لسانه
..... خمس دقايق ولسه ممسكوش الارنب
ـ قطع نفسي **** يحرقه
ـ يلا اجمدى هانت اهى
..... اتمسك
بعد ما خلصوا
ـ متحكيلى عنك شويه
ـ عاوز تسمع اى
ـ مش عارف
ـ ده اللى هو ازاى
ـ معرفش بس انا حاسس انى مشدود ليكى فيكى صفات فتاة احلامى اصلا
خدودها احمرت
ـ طب بص انا اسمى اميرة متخرجه من ٣ سنين من كليه طب وحيده اخواتى مليش غير بابا وماما وشكلى زى مانت شايف كده قصيره وبغمازات عينى زرقاء وبشرتى بيضاء وانت
ـ انا يستى اسمى على اسم نص الشعب المصري احمد متخرج من هندسه بقالى ٥ سنين مليش اخوات بابا وماما اتوفوا وانا طويل نسبيا بشرتى قمحى وعينى لونها بنى غامق يعنى مفيش مميزات قد كده
ـ لا بالعكس انت باين عليك چيم وعضلات وحاجه واو يعنى
ـ **** يجبرك يشيخه
طيب دلوقتى انتى هتنامى شويه وانا هصحى شويه كده وهصحيكى تيجى مكانى وهكذا
ـ طب تمام انا فعلا محتاجه ارتاح بس..
ـ اكيد يعنى احنا مش فى وقته نامى ارتاحى احنا فى ايه ولا اي
........
ـ اميرة اميرة فوقى
ـ ايه فى ايه البيت بيولع
ـ بيت اي بصي لقيت ايه
ـ ايه ده
ـ انا لقيت الصندوق ده تعالى نفتحه
دى ايه الورقه دى انا مش شايف حاجه
ـ مكتوب كلام ورسمه ورا يمكن تكون خريطه
ـ دى مايه معدنيه ده ايه اللى جابها هنا دى
ـ اصبر دلوقتى متشربش
كشافات دى
ـ اه هى خلى واحد معاكى وواحد معايا
ـ طب استنى انا هشوف الورقه دى على متكمل انت اللى فى الصندوق
ـ ده اكل متعلب ودى سكينه ودى ولاعه وبطاريات حبال الصندوق ده فيه كل لوازم النجاه
ـ احمد
ـ نعم
ـ دى خريطه للنفق
ـ طب حلو ايه الكلام اللى ورا
ـ مش عارفه اترجمه ده روسى باين
ـ ولا انا عارف يلا نشيلها ونكمل جري لحد النور
.......
ـ النور بدا يقرب بس لسه ضعيف
ـ ازاى انا نسيت
ـ ايه
ـ انت منمتش بقالك يومين ارتاح شويه وانا هلف لفه واجيلك
ـ ماشى متبعديش
ـ حاضر
.........
ـ احمد
ـ نعم
ـ يلا نكمل جري
ـ ملقيتيش حاجه
ـ للاسف لا
ـ مش شعله اللى هناك دى صح؟
ـ تصدق اه هاتها نولعها
ـ شيلى بقى الكشافات دى نوفر بطاريتها
ـ انا شاكه فى حاجه
ـ اى هى
ـ لا لا خلاص
بقولك ايه
ـ قولى
ـ هو العلب دى كان معاها فتاحه؟
ـ لا نفتحها بسكينه عادى
ـ طب حط ايدك فى جيبك كده
ـ دى فتاحه!!!
ـ يبقى انا صح
ـ صح ايه انا مش فاهم حاجه
حطيت ايدها على جدار
ـ طب معلش فكر فى فتحه على قد عقله صوباع هنا كده بس هات الشعله فكر فى الضلمه
ـ اهى وبعدين
ـ بقولك ايه انت في حاجه غريبه
ـ ايه
ـ اللى بتفكر فيه بيحصل
ـ ازاى
ـ فكر فى موبايل كده
ـ ترن ترن ترن ترن
اميرة جرت
واحمد وراها
ـ ده موبايل انتى عرفتى منين
ـ مش مهم المهم انك هتخرجنا دلوقتى
ـ ازاى
ـ فكر فى باب يوصلنا على وسط البلد
ـ اهو فكرت وادى مفتاحه الباب هناك اهو
ـ يلا بسرعه
فتحوا الباب فاذا هوبا احمد يقع من على الكنبه والفيلم لسه شغال والفجر بياذن
قام صلى الفجر وكمل نوم
صحى الصبح كلم خطيبته تجيله على الكافيه اللى متعودين يتقابله عنده ومش شاغل باله غير "اميرة"
لما راح هناك شد مع خطيبته واديته دبلته وقالت كل شئ قسمه ونصيب لو انت مقدرتش تلبى طلباتى دلوقتى هتعملها امتى
وزى ما يكون القدر حدفه لما مشى فى طريق مختلف وقابل بنت ماشيه و٣ شباب بيضايقوها
احمد عمل صوت صفير الولاد بصوله خبط الاول بطوبه فى دماغه والتانى بالبوكس فى وشه والتالت طلع يجري
ـ انتى كويسه؟
ـ انا بجد متشكره ليك جدا
ـ اميرة!!
ـ انت تعرفنى؟
ـ مش مهم دلوقتى المهم انا عاوز رقم السيد الوالد دلوقتى
اميرة وشها احمر وابتسمت
"مش كل مشكله تحصلك تبقى شر ممكن مشكله تبقى بالنسبه ليك كل فتحه جديده لباب الرزق"

اضغط لقراءة المزيد...