الجزء الثالث..........................................
صحيت بعدها وانا فأوضتي وجابر كان واقف على الباب
جابر : اخيرا صحيت
انا بصوت مبحوح : نور فين
جابر : فأوضتها وكلمت ناس علشان الغسل والدفن يلا فوق
انا بغضب : محدش هيعملها حاجة ومش عايز منك حاجة انا ال هغسلها وادفنها روح شوف انتا هتعمل اية مش عايز اشوف وشك
جابر بنفاذ صبر : اعمل ال انتا عايزوا بس اخلص معانا شغل كتير مش هنقعد نبكي العمر كلوا دا نصيبها يلا
ومشي جابر وانا قومت بخطوات بطيئة لاوضة نور وكانت على سريرها متغطية حضنتها تاني ودموعي نزلت وانا حاضنها وكنت بشيلها علشان احطها على سرير الغسل وانا بشيلها لمحت ورقة جواب تحت المخدة اخدتوا وحطيتوا فجيبي وغسلت نور وروحت دفنتها لوحدي فمقابر صدقة
وبعدها رجعت وفتحت الجواب
{الجواب}
آدم حبيبي اه حبيبي زي ما قولتك قبل كدا انا اتعاملت معاك فالأول انك ابني او اخويا الصغير بس بعد ما كبرت مقدرتش ابعد عنك وحبيتك علشان كدا سلمت نفسي ليك واتجوزنا مع ان جابر كان رافض وكان هيقتلني بس انا اقنعتوا انى انا وسيلة الضغط الوحيدة عليك علشان ميبعدناش عن بعض وفضلت معاك لغاية ما جالي المرض الوحش وانا كنت حامل فطفلنا ال جابر خلاني انزلوا واداني حبوب تنزلوا بحجة انو هيتولد بالمرض دا ولما رفضت وكنت هقولك خدرني وصحيت لقيتوا جاب دكتور ونزل الطفل وقلى لو قلتلك هيقتلك ويقتلني فسكت وخوفت عليك لاني كدا كدا هموت وفالاخر سبب الجواب دا الرئيسي انك تعرف ان جابر هوا السبب فموت ابوك وامك هوا ال قتل ابوك وامك زمان وحاول يقتلك مرتين مره معاهم ومره وانتا فالدار بس انتا نجيت معادك كان لسة مجاش كان لسة ليك نصيب انك تعيش علشان تاخد حق ال ماتوا انا لما جيت هنا عند جابر زمان كان علشان اراقبوا فمهمة لشخص ممكن انتا تقابلوا قعدت فترة ولما انتا كبرت طلب مني انسحب خلاص وهيجيب حد مكاني لان وجودي خطر فوسطكم لانوا مكنش يعرف اننا حبينا بعض بس انا رفضت امشي وكملت علشان افضل معاك وفالاخر فضلت معاك عمري كلو يا حبيب عمري واحسن حد عرفتوا انتقم من جابر يا آدم وخد حق ابوك وامك ونور ال حبتك اكتر من اي حد......
التوقيع نور،،، }
كرمشت الجواب فأيدي وبعدها حرقتوا وانا كل ال فعقلي جملة واحده بس جابر ال قتل ابوك وامك
وسؤال هوا ليه قتلهم
طلعت من اوضة نور ونزلت تحت ودخلت أوضة المكتب بتاعت جابر والاوضة طاغي عليها اللون الاسود والنور مطفي واصلا نور المكتب دا هادي جابر عامل تصميموا كدا ومحدش بيدخل المكتب دا غيرو اصلا وملهوش قيمة ليا اني ادخلو لان انا فاهم جابر حتى لو عندو معلومات مهمة مش هيشيلها فدرج او خزنة فالمكتب اكيد ليه مكان تاني علشان كدا مكنتش بدخل المكتب اصلا
بس دخلت وبصيت على ركن ضلمة وقعدت فية وقعدت مستني جابر
وبعد فتره دخل جابر ومشغلش نور المكتب اصلا لانو كان مستعجل وطبعا مخدش بالوا مني ومسك التليفون ورن على رقم
جابر : اي المطلوب دلوقتي سعادتك
المجهول : المطلوب تخلي الولد دا تحت ايدك هوا ملوش غيرك دلوقتي
جابر: بس ممكن يحاول ينتقم مني ويتهمني بقتل نور وانا متأكد انو عارف اني اهملتها على الاقل بس لغاية دلوقتي ميعرفش اني السبب فموتها اصلا
المجهول : مش هيكون اكتر من ال كنت السبب فموتهم يا جابر متخفش احنا هنحميك ولو الولد دا حاول يعمل معاك حاجة هيموت انتا بس ركز ازاي هتخليه تحت ايدك
جابر : تمام يا فندم ( وقفل السكة)
روحت انا حاطط سجاره فبوقي ودوست الولاعة مولع السجارة وجابر اتنفض من مكانوا ونور النور وبص نحيتى
جابر بيبلع ريقوا : آدم انتا هنا من امتا
انا بهدوء قاتل: من زمان يا جابر بيه
وروحت قايم بسرعه ومسكتوا من الكرفتة وطفيت السجارة فرقبتوا ورميتوا على الكرسي وانا ماسكوا من الكرفتة ووشي فوشوا
انا : قتلت امي وابويا ليه يا جابر
جابر مرعوب : مين ال قلك الكلام دا يا آدم محصلش
انا بغضب : الميتين مبتكدبش يا جابر وانا عارف انك مش هتقول بالساهل بس انا عارف ازاي اخليك تتكلم عيب عليك دنا تربيتك (وابتسمت بشر) وسحبتوا من الكرافتة وماشي بية للبدروم وحطيتوا هناك ( والبدورم دا ملينا أسلحة وادوات تعزييب كانت مع جابر،، والأسلحة للمهمات بتاعتي) ورميتوا على كرسي وربطتوا،،، كدا نبدأ الحفلة يا جبورتي هتقول مين ال خلاك تعمل كدا ومين ال انتا كنت بتكلموا من شوية دا واي علاقتوا بيا ولا تحب نلعب مع بعض شويه الأول
جابر : صدقني الكلام ال فدماغك دا كلو كدب
انا بزعيق : هتفضل طول عمرك كداااب
ونزلت فية ضرب بكل غل السنين وبعدها قعدت أعذب فيه ٣ ساعات وقطعت ليه كف ايدو الشمال واغمى عليه وعالجتوا وفوقتوا وهوا فمكانوا ومسكت حقنة ادرينالين
انا : انتا راجل كبير وانا فشختك بصراحة بس دي حقنة ادرينالين هتاخدها وطبعا مش هيغمي عليك وهفضل اقطع فيك لغاية ما تموت لو مقولتليش مين ال وراك
جابر بتعب : واقولك ليه منا كدا كدا هموت
انا : انا مش هقولك اني هسيبك لا ابقا كداب بس هتموت بسرعة ومن غير عذاب لو اتكلمت لكن لو متكلمتش هفضل افشخ فيك باقي عمرك ومش هسيب فيك حتة سليمة وانتا عارف تعذيبي دنا متعلموا على ايدك واشرافك وهطبقوا عليك معاك نص ساعة تفكر فيها وبعدها قرر تحب تموت ازاي
وسبتوا وطلعت فوق اكلت وولعت سجاره ونزلت ليه
انا : قررت اية يا جبورتي
جابر : موافق هحكيلك بس متقتقلنيش دا شرطي
انا : لو ال قلتوا منطقي وقولت الحقيقة هفكر انى اسيبك
جابر : تمام هحكيلك كل حاجه بصدق ومين ال كان السبب فموت امك وابوك وليه عملوا كدا
انا : عملوا ليه هما كام واحد
جابر : كانو ٣ وانا كنت الدمية ال بيحركوها الحكايه بدأت من زمان اوي من قبل منتا تتولد اساسا يا آدم وهقولك كل حاجه بالتفصيل........................................ نهايه الجزء الثالث
