اللي عاوز يمشي بيمشي ، واللي عاوز يفضل معاك بيكمل ، ومحدش بيندم على حد إلا لو الفراق كان بسبب ظروف قهرية عالإتنين ، او انك نجحت لما سيبتهم واثبت للجميع انك قادر تعيش لوحدك .
طول ما انت رابط نفسك في ماضي ، ومعلق نفسك بقصة خلصت ، وطول ما انت مستضعف نفسك وقاعد تدور على حد يسمعك ويفهمك ويطيب بخاطرك هتتعب أكتر ، وهتضيع من عمرك أكتر ، وكإنك بتلف حبل مشنقة حوالين رقبتك وبتنفذ حكم إعدام بطيء .
الشخصيات السامة ، أو النرجسية ، أو أي كان صفاتهم ، اللي باعوك أو خانوك أو مقدروش وجودك ، كل فرحتهم في الحياة انهم يشوفوك ضعيف وقاعد بتبكي عليهم ، والانتقام الوحيد اللي ممكن يتعمل أو الرد الوحيد عليهم عشان أكون أدق في المعنى انك تنجح .
النجاح مش بس بالفلوس ، وفعلاً أنا واحد من الناس آمنت انها آخر درجات الرزق ، لما بدأت أهتم بنفسي وصحتي وديني قبل أي شيء تاني ، عرفت ان الفرحة الحقيقية في راحة البال وانك تكون عايش سليم معافى .
غير طريقة تفكيرك ، وامسح الذكريات ، امسحها كإنها لم تكن ، وابدأ من جديد ، مش مهم سنك كام ، ولا مهم ضاع قد إيه .
المهم دلوقتي ، واللحظة الجاية ، هتقوم من غفلتك ، ولا حبيت الإنهزام ؟!
فضفضه نقاش الحريه في حياتك و حياة غيرك
مشكله اجتماعييه نصيحة ازاي تتغلب علي عقدة الطف*وله
استشارة مناطق الإثارة في جسم الرجل
