النهارده كان آخر يوم شغل ليا هاخد خميس وجمعه و احتمال سبت ك بريك عشان افصل وانزل شغل جديد بعد 23 سنه شغل منهم حوالي 13 سنه شغل موسمي و 10 سنين ف شركات وبما أن المنتدى فيه ناس كتير بتشتغل و ناس لسه بتدرس ف اظن أن دي الحاجات اللي لو طبقتها هتنقلك لمكان افضل ف شغلك بشكل عام
انا مش كبير للدرجه انا 31 سنه بس ده مخلص اللي اعرفه و لو عندك اضافه متتردش ابدا انك تضيف أو حتى تنقد كلامي أو تعدل عليه
نبدء
بقالي 10سنين بشتغل في Multinational company، خرجت من السنين دي بتطور كبير في شخصيتي، شوية هالات سودة، معرفة بناس من أطيب ما **** خلق، وأخيراً الكام نقطة اللي جايين دول، تقدر تعتبرهم كبسولة الشغل في corporate، أو حتى أي مكان في ناس وأقسام كتير، شركات، بنوك، مكاتب أي business:
١-ال corporate life بتحتاج صبر فاتقل عشان تاخد حاجة نضيفة.
٢-ال excel هو العصاية السحرية للوقت الحالي، الحاجة هتاخد منك نص وقتها لو اتعملت على البرنامج العظيم ده.
٣-الشغل كمان فيه موهبة، متفتكرش ان أي حد بايدين ورجلين يقدر ياخد مكانك.
٤-في حاجة انت بس اللي بتعرف تعملها، الحاجة دي بالذات متتعملش ببلاش.
٥-النقطة اللي فاتت متشجعكش تتعامل على انك irreplaceable ، ممكن بدالك يتجاب أربعة يعملوا اللي انت بتعمله لوحدك، وقت وفلوس أكتر بس في الآخر الشغل هيمشي.
٦-مفيش حاجة اسمها فلان اداني فرصة، الفرص لا تُهدى بل تُنتزع.
٧-لا تؤجل عمل اليوم الى الغد، وحب ال deadlines هترتاح.
٨-الناس بتتخانق على التكيف دايماً، ناس بتزعق عشان يوطوه، وناس بتتخانق عشان يعلوه، وناس بتاخد معاها چاكت وتريح دماغها، خليك من الناس دول.
٩-نقطة رقم ٨ مبتتطبقش عالتكيف بس.
١٠-المدير الكويس مش هو اللي بيريحك ويديك أجازات، المدير الكويس هو اللي بيعلمك حاجة جديدة.
١١-لو مديرك مش كويس هتلاقي ألف من يعلمك برضه، بس انت دور.
١٢-انت ترس في مكنة كبيرة اه، بس افتكر ان الترس اللي بيلمع غصب عن الكل بيخطف العين.
١٣-أسلوب الحياة في الشغل ده مطحنة، الجدع هو اللي يدخل ويحافظ على اجابة سؤال واحد "هو انت لونك الأصلي كان ايه يا علي؟".
١٤-هيطلعلك في كل نجاح بتححقه حد يحسسك انه أولى منك، متصدقش انت الأولى.
١٥-خلي علاقتك بكل الناس حلوة، ال corporate life قلابة، واللي النهاردة متطيقش وشه، بكرة تحتاج لقفاه، او لapproval منه، وده أسوأ.
١٦-متحكمش على حد، عشان لما تتحط مكانه بس هتفهم.
١٧-أبو قردان صديق الفلاح، وال archive صديقك انت، اياك ومسح الإيميلات.
١٨-هتقابل كارهي نجاحك بلا سبب، انت مفيش بينك وبينه حاجة بس عنده استعداد يشوف نفسه وصلة شاحن ولا يشوفك ناجح متفهمش ليه.
١٩-متجيش عند الهايفة وتتصدر، انت بيتهيألك انك بتفرهد اللي قدامك بس مع الوقت طاقتك انت اللي بتخلص.
٢٠- في الشغل من وسط كل ١٠ هيقولولك انهم بيحبوك، ٢ بيحبوك فعلاً و ٨ انت مريحهم في الشغل بس.
٢١-متخليش حد يعظملك حاجة، انت عارف نفسك كويس، لو في position اتنين قتلوا بعض عليه قدامك وانت شايفه مش مناسب ليك يبقا هو مش مناسب، وخلصت.
٢٢-لم أوردر الفطار موهبة، لو مش عندك متعسفش خلق **** معاك.
٢٣-لو لاقيت حد بيزقك عشان تكبر من غير ما يستفيد، ده انسان نضيف فامسك فيه.
٢٤-متبوظش طبخة بريال عشان بشلن ملح، ميبقاش شغلك كله مظبوط وبتتأخر أو بتعامل الناس وحش عشان النقطة اللي جاية...
٢٥-السمعة اللي بتتطلع عليك في يوم، بتتمسح في سنة.
٢٦-كل الكوارث/المصايب/الفضايح بتطلع من ال smoking area خلي وقتك فيها على قد السيجارة وبس.
٢٧-لازم يكونلك ضهر، عبارة عن صاحب مش باصص على حاجة في ايدك، وده غالباً بيفضل صاحب العمر كله.
٢٨-أول طريق الفشل هو الخوف من التجربة، أحسنلك تتبهدل فشل وتتحرك، ولا انك تفضل بتلمع ومكانك.
٢٩-افقد الذاكرة على باب الشغل كل يوم الصبح، حياتك الشخصية مش لأي حد.
٣٠-في حاجة عايز الناس كلها تعرفها، قولها لواحد ووصيه ميحكيش لحد.
٣١-في حاجة مش عايز حد يعرفها متقولهاش لأي حد، اه اللي بيتقال لواحد بيتقال ل١٠.
٣٢-القطارات كلها بتقف في الجراچ، لكن المحطة بيعدي عليها قطر وعشرة لأ، عايز تعرف كل حاجة؟ وقف الكلام عندك.
٣٣-القلم اللي هتسلفه لحد غالباً هيضيع.
٣٤- الخيال بيبقا هو متنفس الناس الأكبر، فممكن حد يبقا بيفكر يخبط وشك في شاشة الكمبيوتر أو يخنقك بسلك النت، اللي بيمنعه عن ده هو انك تقول صباح الخير وشكراً، فمتبطلش تقولهم.
٣٥-كل ما بتترقى بتبقا شغال عند اللي تحتك، مش العكس.
٣٦- سيبك من الفورمال والسيمي كاچوال، اه مهمين لكن لو لابس شيكارة رز بس مالي مكانك أحسن من لابس ماركات وكلامك عبيط.
٣٧-لو بتشتغل في الأعياد روح أول يوم العيد لابس أي حاجة جديدة حتى لو شراب.
٣٨-لو تعرف تعلم حد حاجة متترددش، ولو عندك معلومة وصلها بتفاصيلها، هتتردلك من غير ما تحس.
٣٩-اتصور مع كل الناس.
٤٠-عادة الناس هتفتكرك بكلمة واحدة، ابذل كل طاقتك عشان تكون كلمة طيبة.
من أهمية النصيحتين دول مقدرتش أحطهم وسط النقط اللي فاتت، لازم تتعلم"ازاي تقول لأ" و " امتى تقول لأ"
انا مش كبير للدرجه انا 31 سنه بس ده مخلص اللي اعرفه و لو عندك اضافه متتردش ابدا انك تضيف أو حتى تنقد كلامي أو تعدل عليه
نبدء
بقالي 10سنين بشتغل في Multinational company، خرجت من السنين دي بتطور كبير في شخصيتي، شوية هالات سودة، معرفة بناس من أطيب ما **** خلق، وأخيراً الكام نقطة اللي جايين دول، تقدر تعتبرهم كبسولة الشغل في corporate، أو حتى أي مكان في ناس وأقسام كتير، شركات، بنوك، مكاتب أي business:
١-ال corporate life بتحتاج صبر فاتقل عشان تاخد حاجة نضيفة.
٢-ال excel هو العصاية السحرية للوقت الحالي، الحاجة هتاخد منك نص وقتها لو اتعملت على البرنامج العظيم ده.
٣-الشغل كمان فيه موهبة، متفتكرش ان أي حد بايدين ورجلين يقدر ياخد مكانك.
٤-في حاجة انت بس اللي بتعرف تعملها، الحاجة دي بالذات متتعملش ببلاش.
٥-النقطة اللي فاتت متشجعكش تتعامل على انك irreplaceable ، ممكن بدالك يتجاب أربعة يعملوا اللي انت بتعمله لوحدك، وقت وفلوس أكتر بس في الآخر الشغل هيمشي.
٦-مفيش حاجة اسمها فلان اداني فرصة، الفرص لا تُهدى بل تُنتزع.
٧-لا تؤجل عمل اليوم الى الغد، وحب ال deadlines هترتاح.
٨-الناس بتتخانق على التكيف دايماً، ناس بتزعق عشان يوطوه، وناس بتتخانق عشان يعلوه، وناس بتاخد معاها چاكت وتريح دماغها، خليك من الناس دول.
٩-نقطة رقم ٨ مبتتطبقش عالتكيف بس.
١٠-المدير الكويس مش هو اللي بيريحك ويديك أجازات، المدير الكويس هو اللي بيعلمك حاجة جديدة.
١١-لو مديرك مش كويس هتلاقي ألف من يعلمك برضه، بس انت دور.
١٢-انت ترس في مكنة كبيرة اه، بس افتكر ان الترس اللي بيلمع غصب عن الكل بيخطف العين.
١٣-أسلوب الحياة في الشغل ده مطحنة، الجدع هو اللي يدخل ويحافظ على اجابة سؤال واحد "هو انت لونك الأصلي كان ايه يا علي؟".
١٤-هيطلعلك في كل نجاح بتححقه حد يحسسك انه أولى منك، متصدقش انت الأولى.
١٥-خلي علاقتك بكل الناس حلوة، ال corporate life قلابة، واللي النهاردة متطيقش وشه، بكرة تحتاج لقفاه، او لapproval منه، وده أسوأ.
١٦-متحكمش على حد، عشان لما تتحط مكانه بس هتفهم.
١٧-أبو قردان صديق الفلاح، وال archive صديقك انت، اياك ومسح الإيميلات.
١٨-هتقابل كارهي نجاحك بلا سبب، انت مفيش بينك وبينه حاجة بس عنده استعداد يشوف نفسه وصلة شاحن ولا يشوفك ناجح متفهمش ليه.
١٩-متجيش عند الهايفة وتتصدر، انت بيتهيألك انك بتفرهد اللي قدامك بس مع الوقت طاقتك انت اللي بتخلص.
٢٠- في الشغل من وسط كل ١٠ هيقولولك انهم بيحبوك، ٢ بيحبوك فعلاً و ٨ انت مريحهم في الشغل بس.
٢١-متخليش حد يعظملك حاجة، انت عارف نفسك كويس، لو في position اتنين قتلوا بعض عليه قدامك وانت شايفه مش مناسب ليك يبقا هو مش مناسب، وخلصت.
٢٢-لم أوردر الفطار موهبة، لو مش عندك متعسفش خلق **** معاك.
٢٣-لو لاقيت حد بيزقك عشان تكبر من غير ما يستفيد، ده انسان نضيف فامسك فيه.
٢٤-متبوظش طبخة بريال عشان بشلن ملح، ميبقاش شغلك كله مظبوط وبتتأخر أو بتعامل الناس وحش عشان النقطة اللي جاية...
٢٥-السمعة اللي بتتطلع عليك في يوم، بتتمسح في سنة.
٢٦-كل الكوارث/المصايب/الفضايح بتطلع من ال smoking area خلي وقتك فيها على قد السيجارة وبس.
٢٧-لازم يكونلك ضهر، عبارة عن صاحب مش باصص على حاجة في ايدك، وده غالباً بيفضل صاحب العمر كله.
٢٨-أول طريق الفشل هو الخوف من التجربة، أحسنلك تتبهدل فشل وتتحرك، ولا انك تفضل بتلمع ومكانك.
٢٩-افقد الذاكرة على باب الشغل كل يوم الصبح، حياتك الشخصية مش لأي حد.
٣٠-في حاجة عايز الناس كلها تعرفها، قولها لواحد ووصيه ميحكيش لحد.
٣١-في حاجة مش عايز حد يعرفها متقولهاش لأي حد، اه اللي بيتقال لواحد بيتقال ل١٠.
٣٢-القطارات كلها بتقف في الجراچ، لكن المحطة بيعدي عليها قطر وعشرة لأ، عايز تعرف كل حاجة؟ وقف الكلام عندك.
٣٣-القلم اللي هتسلفه لحد غالباً هيضيع.
٣٤- الخيال بيبقا هو متنفس الناس الأكبر، فممكن حد يبقا بيفكر يخبط وشك في شاشة الكمبيوتر أو يخنقك بسلك النت، اللي بيمنعه عن ده هو انك تقول صباح الخير وشكراً، فمتبطلش تقولهم.
٣٥-كل ما بتترقى بتبقا شغال عند اللي تحتك، مش العكس.
٣٦- سيبك من الفورمال والسيمي كاچوال، اه مهمين لكن لو لابس شيكارة رز بس مالي مكانك أحسن من لابس ماركات وكلامك عبيط.
٣٧-لو بتشتغل في الأعياد روح أول يوم العيد لابس أي حاجة جديدة حتى لو شراب.
٣٨-لو تعرف تعلم حد حاجة متترددش، ولو عندك معلومة وصلها بتفاصيلها، هتتردلك من غير ما تحس.
٣٩-اتصور مع كل الناس.
٤٠-عادة الناس هتفتكرك بكلمة واحدة، ابذل كل طاقتك عشان تكون كلمة طيبة.
من أهمية النصيحتين دول مقدرتش أحطهم وسط النقط اللي فاتت، لازم تتعلم"ازاي تقول لأ" و " امتى تقول لأ"
