- إنضم
- 15 مارس 2024
- المشاركات
- 960
- مستوى التفاعل
- 605
- نقاط
- 2,512
- الجنس
- ذكر
- الدولة
- Egypt
- توجه جنسي
- أنجذب للإناث
@قاتل الأساطير
بناء على طلب العضو المحترم ده في نقاش عن فكرة السفر عبر الزمن
تحذير مقال طويل ولو بالك مش طويل اطلع من دلوقتي 😂😂
الثقب الأسود مصطلح بتسمعه كتير اوي
يا ترى هو ايه وموجود فين وبييجي منين اصلا وليه واجعين دماغنا بيه كل شوية
هحاول اختصر الكلام على اد ما اقدر لان الموضوع واسع ومتشعب اوي
عشان تفهم يعني ايه ثقب اسود لازم الاول اعرفك حاجة عن النجوم وحياة النجوم وازاي النجم بيولد الطاقة الجبارة دي لملايين السنين وازاي حياته بنتنهي وبيموت
بص يا سيدي النجم ده عبارة عن تجمع من الغازات بكميات وكتل كبيرة جدا جدا وعشان يكون في توازن وتماسك في النجم ده فهو بيقع تحت تأثير قوتين مختلفتين في الاتجاه ومتساويين في القوة
القوة الاولى هي قوة الجاذبية ودي بسبب كتلة النجم الضخمة جدا وتقدر تقول ان القوة دي أشبه بالقبضة اللي عاوزة تعصر النجم وتطبقه على بعضه (قوة ضغط مركزي بتحاول تضغط النجم على مركزه)
القوة التانية هي قوة الاندماج النووي ودي بتتيجي نتيجة قدرة النجم على دمج ذرات الهيدروجين (يعتبر وقود طاقة النجم) والاندماج ده بينتج عنه حرارة وطاقة عالية جدا والاندماج يمثل القوة الطاردة المركزية للنجم ، قوة بتبقى عاوزة تمدد النجم وتبعثره وتمزقه كمان
وبسبب القوتين دول النجوم بتفضل في حالة توازن
حلو لحد كده يا باشا؟!
بيبدأ الأكشن والسسبنس ايمته بأه ؟!
لما وقود النجم بينتهي والاندماج النووي بيخلص ، في الوقت ده قوة الجاذبية بتبدأ تضغط النجم على نفسه بمنتهى العنف والسرعة وفي أجزاء من الثانية بيبدأ النجم ينهار على نفسه وده بيسبب اضطراب رهيب في الاجزاء الخارجية من النجم فبتنفجر وبيقذف النجم مادته الخارجية للفضاء في انفجار بيسمى المستعر الأعظم(السوبرنوفا) وهو الانفجار الأعظم والأعنف على الاطلاق بعد الانفجار العظيم ، وعشان تتخيل عنف الانفجار ده يكفي اقولك ان الطاقة اللي بتطلع منه بتفوق الطاقة اللي بينتجها نجم زي الشمس طول فترة عمرها كله اللي هو فوق ال ٤ مليار سنة ، وان الانفجار ده لو حصل على مسافة قريبة مننا يعني كم سنة ضوئية كده ( اللي هي بالمناسبة مسافة ابعد من ما بين الشمس وكوكب بلوتو الاف المرات) فهيقدر يمحي كل أشكال الحياة في المجموعة الشمسية وكمان هيخرج الكواكب بره مدارها ويفتتها حرفيا
ده اللي بيحصل في الطبقة الخارجية للنجم
اللي يهمنا بأه هو لب النجم او مركزه
قوة الجاذبية هتمارس عملها وهتفضل المركز والمصير اللي هيئول له المركز ده هيختلف على حسب كتلة النجم نفسه
يعني لو كتلته قليلة فالجاذبية هتبقى مش اعلى حاجة فهيتحول لقزم أبيض
لو كتلته متوسطه فالجاذبية هتبقى نص نص فهيتحول لحاجة اسمها نجم نيوتروني ( كثافته غالية جدا لدرجة ان حجم معلقة شاي منه تعادل كتلة جبل على كوكو الأرض 😅)
الاحتمال الأخير بقى لو كتلة النجم كانت كبيرة فالجاذبية هتبقى عنيفة لدرجة انها هتفضل تضغط النجم لمساحة صغيرة جدا تكاد تكون صفر بكتلة وكثافة عالية جدااا جدااا وجاذبية غير محدودة ( كل ما زادت الكتلة زادت الجاذبية ) وعشان تتخيل مدى كثافة مادة الثقب الاسود هقولك حاجة بسيطة لو قلت لك اننا عاوزين نحول كوكو الأرض الجميل بتاعنا ده لثقب اسود فانت هتحتاج تضغطه على بعضه كده لحد ما تخلي حجمه اد حبة الفول السوداني ( تخيل الكوكو كله بقاراته بمحيطاته بغاباته بكامل كتلته في حجم حبة الفول السوداني )
يعني خلاصة الرغي ده كله ان الثقب الاسود هو عبارة عن جسم في الفضاء بكتلة عالية جدا وكثافة لا نهائية وبالتالي قوة جاذبية لانهائية لدرجة ان الضوء نفسه ( اللي هو اسرع حاجة في الكون 300الف كيلو في الثانية) ما بيقدرش يهرب منه عشان كده الثقب الاسود جسم غير مرئي تماما ومستحيل ترصده
حد محنك هييجي يسأل ويقولي وطالما هو مش مرصود ازاي العلماء عرفوه ؟!!
ببساطة يا سيدي الفاضل احنا بنرصد تأثيرات الثقب الاسود على الفضاء حوالين منه
بمعنى ان بسبب جاذبيته العالية دي فهو بيبلع اي حاجة تقع في نطاق جاذبيته ( غازات غبار كوني نجوم اي حاجة هتقرب هتتشفط) الموضوع ده بيخلي المواد تلف حوالين الثقب بسرعات عالية جداا جدااا قبل ما تتبلع (ابسط تشبيه ليها حوض المطبخ الجميل بتاعنا املاه ماية وفجأة افتح البلاعة بتاعته هتلاقي الماية بتلف بسرعة في شكل دوامة كده وكل ما قربت من البلاعة سرعتها تزيد لحد ما تنزل جواها لان ببساطة ابسط تشبيه لجاذبية الثقب انها قوة شفط )وده بيولد حرارة وضوء واشعاعات في المنطقة دي وبنسميها افق الحدث وهي دي اللي بتترصد يا صديقي المحنك 😊😊
يعني ببساطة انت حدود معرفتك بالثقب هي منطقة افق الحدث وكل ما هو خارجها ، بعد افق الحدث انت ما تعرفش حاجة ومافيش حاجة مؤكدة ،دي منطقة اللاعودة
اللي فات ده كله بيشرح نوع من الثقوب السوداء وهو اشهر نوع واكتر نوع منتشر وهو الثقوب السوداء النجمية اللي بتنشأ من موت نجم بكتلة عالية
في انواع تانية من الثقوب السوداء منها اللي اترصد واتعرف ومنها اللي ما شوفناهوش خالص
النوع الاول بيسموه الثقب الاسود البدائي ( primordial black hole) وده غالبا اتكون نتيجة تواجد منطقة مادة كثافتها عالية جدا وحرارتها عالية جدا وغالبا ده كان متوفر في بداية تكون الكون بعد الانفجار العظيم ودي مش معروف وظايفها ولا ايه لازمتها اصلا 😅
(معلومة كده على جنب بعض العلماء بيفسروا العواصف المستمرة على كوكب المشترى بوحود ثقب اسود بدائي )
النوع التاني من الثقوب بيسموه ثقوب سوداء ضخمة او ثقوب سوداء بالغة الضخامة ( massive , super massive , ultra massive black hole)
ودي بتتواجد في مراكز المجرات وبيعتبر مركز ثقل المجرة
في مجرة درب التبانة مثلا في وحش كتلته ٤ مليون كتلة شمسية ورغم الرقم المهول ده الا انه بيبي صغنن خالص جنب وحوش تانية
يكفي انك تعرف ان فيه وحش تاني اسمه TON618 وده كتلته 66 مليار كتلة شمسية (اد الشمس 66 مليار مرة وده رقم بيفوق كتلة مجرة كاملة) وفي الايام اللي فاتت اكتشفوا وحش تاني انتزع الصدارة من TON اسمه Phoenix A كتلته 100 مليار كتلة شمسية ارقام تجيب صداع لمجرد محاولة استيعابها
الوحوش دي بيكون ليها دور ضخم في توازن المجرة وبتلعب دور في تكون النجوم
وفي أطراف الكون والمجرات البعيدة احيانا بيكون الثقب المهول ده مركز لحاجة اسمها كوازار او نجم زائف زي TON618 وده بيبعد عننا 10 مليار سنة ضوئية ( يعني تاخد مركبتك الجميلة اللي سرعتها ٣٠٠ الف كيلو متر في الثانية وتدخل في سبات صناعي ١٠ مليار سنة يا دوب تكون وصلت له 😂😂)
والكوازار بيعتبر الأجرام الأشد لمعانا والأكثر اضاءة في الكون بالكامل لدرجة انها بتنتج ضوء اكثر من مجرة فيها ٢٠٠ مليار نجم زي الشمس ب ١٠٠٠ ضعف وده السبب اللي خلانا نقدر نرصدها رغم المسافة الرهيبة دي ، والكلام عن الكوازارات يطول اوووي بس مش وقته ولا مكانه
بعض الانواع التانية ممكن تيجي من اندماج جسمين بكتلات عالية زي ان مثلا نجمين نيوترونين وهم بيلفوا حوالين بعض في انسجام وفجأة يزهقوا ويقرروا انهم لازم يقربوا من بعض أكتر من كده ، هوب يحضنوا بعض كده حضن صعايدة ويندمجوا ويكونوا ثقب اسود جميل مع انطلاق موجة عنيفة من موجات الجاذبية
الثقوب السوداء بوجه عام ليها دور مهم في توازن المجرات وتكوين النجوم وبعض العلماء بيشوف ان ليها دور مهم في سيناريو نهاية الكون(نظرية الانسحاق الكبير ) وبعض العلماء بيشوف انها بوابات ومناطق انتقال في الفضاء وحاجات تااانية كتير
انا حاولت اختصر على اد ما اقدر 😂
وكل سنة وانتم طيبين 😂😂
بناء على طلب العضو المحترم ده في نقاش عن فكرة السفر عبر الزمن
تحذير مقال طويل ولو بالك مش طويل اطلع من دلوقتي 😂😂
الثقب الأسود مصطلح بتسمعه كتير اوي
يا ترى هو ايه وموجود فين وبييجي منين اصلا وليه واجعين دماغنا بيه كل شوية
هحاول اختصر الكلام على اد ما اقدر لان الموضوع واسع ومتشعب اوي
عشان تفهم يعني ايه ثقب اسود لازم الاول اعرفك حاجة عن النجوم وحياة النجوم وازاي النجم بيولد الطاقة الجبارة دي لملايين السنين وازاي حياته بنتنهي وبيموت
بص يا سيدي النجم ده عبارة عن تجمع من الغازات بكميات وكتل كبيرة جدا جدا وعشان يكون في توازن وتماسك في النجم ده فهو بيقع تحت تأثير قوتين مختلفتين في الاتجاه ومتساويين في القوة
القوة الاولى هي قوة الجاذبية ودي بسبب كتلة النجم الضخمة جدا وتقدر تقول ان القوة دي أشبه بالقبضة اللي عاوزة تعصر النجم وتطبقه على بعضه (قوة ضغط مركزي بتحاول تضغط النجم على مركزه)
القوة التانية هي قوة الاندماج النووي ودي بتتيجي نتيجة قدرة النجم على دمج ذرات الهيدروجين (يعتبر وقود طاقة النجم) والاندماج ده بينتج عنه حرارة وطاقة عالية جدا والاندماج يمثل القوة الطاردة المركزية للنجم ، قوة بتبقى عاوزة تمدد النجم وتبعثره وتمزقه كمان
وبسبب القوتين دول النجوم بتفضل في حالة توازن
حلو لحد كده يا باشا؟!
بيبدأ الأكشن والسسبنس ايمته بأه ؟!
لما وقود النجم بينتهي والاندماج النووي بيخلص ، في الوقت ده قوة الجاذبية بتبدأ تضغط النجم على نفسه بمنتهى العنف والسرعة وفي أجزاء من الثانية بيبدأ النجم ينهار على نفسه وده بيسبب اضطراب رهيب في الاجزاء الخارجية من النجم فبتنفجر وبيقذف النجم مادته الخارجية للفضاء في انفجار بيسمى المستعر الأعظم(السوبرنوفا) وهو الانفجار الأعظم والأعنف على الاطلاق بعد الانفجار العظيم ، وعشان تتخيل عنف الانفجار ده يكفي اقولك ان الطاقة اللي بتطلع منه بتفوق الطاقة اللي بينتجها نجم زي الشمس طول فترة عمرها كله اللي هو فوق ال ٤ مليار سنة ، وان الانفجار ده لو حصل على مسافة قريبة مننا يعني كم سنة ضوئية كده ( اللي هي بالمناسبة مسافة ابعد من ما بين الشمس وكوكب بلوتو الاف المرات) فهيقدر يمحي كل أشكال الحياة في المجموعة الشمسية وكمان هيخرج الكواكب بره مدارها ويفتتها حرفيا
ده اللي بيحصل في الطبقة الخارجية للنجم
اللي يهمنا بأه هو لب النجم او مركزه
قوة الجاذبية هتمارس عملها وهتفضل المركز والمصير اللي هيئول له المركز ده هيختلف على حسب كتلة النجم نفسه
يعني لو كتلته قليلة فالجاذبية هتبقى مش اعلى حاجة فهيتحول لقزم أبيض
لو كتلته متوسطه فالجاذبية هتبقى نص نص فهيتحول لحاجة اسمها نجم نيوتروني ( كثافته غالية جدا لدرجة ان حجم معلقة شاي منه تعادل كتلة جبل على كوكو الأرض 😅)
الاحتمال الأخير بقى لو كتلة النجم كانت كبيرة فالجاذبية هتبقى عنيفة لدرجة انها هتفضل تضغط النجم لمساحة صغيرة جدا تكاد تكون صفر بكتلة وكثافة عالية جدااا جدااا وجاذبية غير محدودة ( كل ما زادت الكتلة زادت الجاذبية ) وعشان تتخيل مدى كثافة مادة الثقب الاسود هقولك حاجة بسيطة لو قلت لك اننا عاوزين نحول كوكو الأرض الجميل بتاعنا ده لثقب اسود فانت هتحتاج تضغطه على بعضه كده لحد ما تخلي حجمه اد حبة الفول السوداني ( تخيل الكوكو كله بقاراته بمحيطاته بغاباته بكامل كتلته في حجم حبة الفول السوداني )
يعني خلاصة الرغي ده كله ان الثقب الاسود هو عبارة عن جسم في الفضاء بكتلة عالية جدا وكثافة لا نهائية وبالتالي قوة جاذبية لانهائية لدرجة ان الضوء نفسه ( اللي هو اسرع حاجة في الكون 300الف كيلو في الثانية) ما بيقدرش يهرب منه عشان كده الثقب الاسود جسم غير مرئي تماما ومستحيل ترصده
حد محنك هييجي يسأل ويقولي وطالما هو مش مرصود ازاي العلماء عرفوه ؟!!
ببساطة يا سيدي الفاضل احنا بنرصد تأثيرات الثقب الاسود على الفضاء حوالين منه
بمعنى ان بسبب جاذبيته العالية دي فهو بيبلع اي حاجة تقع في نطاق جاذبيته ( غازات غبار كوني نجوم اي حاجة هتقرب هتتشفط) الموضوع ده بيخلي المواد تلف حوالين الثقب بسرعات عالية جداا جدااا قبل ما تتبلع (ابسط تشبيه ليها حوض المطبخ الجميل بتاعنا املاه ماية وفجأة افتح البلاعة بتاعته هتلاقي الماية بتلف بسرعة في شكل دوامة كده وكل ما قربت من البلاعة سرعتها تزيد لحد ما تنزل جواها لان ببساطة ابسط تشبيه لجاذبية الثقب انها قوة شفط )وده بيولد حرارة وضوء واشعاعات في المنطقة دي وبنسميها افق الحدث وهي دي اللي بتترصد يا صديقي المحنك 😊😊
يعني ببساطة انت حدود معرفتك بالثقب هي منطقة افق الحدث وكل ما هو خارجها ، بعد افق الحدث انت ما تعرفش حاجة ومافيش حاجة مؤكدة ،دي منطقة اللاعودة
اللي فات ده كله بيشرح نوع من الثقوب السوداء وهو اشهر نوع واكتر نوع منتشر وهو الثقوب السوداء النجمية اللي بتنشأ من موت نجم بكتلة عالية
في انواع تانية من الثقوب السوداء منها اللي اترصد واتعرف ومنها اللي ما شوفناهوش خالص
النوع الاول بيسموه الثقب الاسود البدائي ( primordial black hole) وده غالبا اتكون نتيجة تواجد منطقة مادة كثافتها عالية جدا وحرارتها عالية جدا وغالبا ده كان متوفر في بداية تكون الكون بعد الانفجار العظيم ودي مش معروف وظايفها ولا ايه لازمتها اصلا 😅
(معلومة كده على جنب بعض العلماء بيفسروا العواصف المستمرة على كوكب المشترى بوحود ثقب اسود بدائي )
النوع التاني من الثقوب بيسموه ثقوب سوداء ضخمة او ثقوب سوداء بالغة الضخامة ( massive , super massive , ultra massive black hole)
ودي بتتواجد في مراكز المجرات وبيعتبر مركز ثقل المجرة
في مجرة درب التبانة مثلا في وحش كتلته ٤ مليون كتلة شمسية ورغم الرقم المهول ده الا انه بيبي صغنن خالص جنب وحوش تانية
يكفي انك تعرف ان فيه وحش تاني اسمه TON618 وده كتلته 66 مليار كتلة شمسية (اد الشمس 66 مليار مرة وده رقم بيفوق كتلة مجرة كاملة) وفي الايام اللي فاتت اكتشفوا وحش تاني انتزع الصدارة من TON اسمه Phoenix A كتلته 100 مليار كتلة شمسية ارقام تجيب صداع لمجرد محاولة استيعابها
الوحوش دي بيكون ليها دور ضخم في توازن المجرة وبتلعب دور في تكون النجوم
وفي أطراف الكون والمجرات البعيدة احيانا بيكون الثقب المهول ده مركز لحاجة اسمها كوازار او نجم زائف زي TON618 وده بيبعد عننا 10 مليار سنة ضوئية ( يعني تاخد مركبتك الجميلة اللي سرعتها ٣٠٠ الف كيلو متر في الثانية وتدخل في سبات صناعي ١٠ مليار سنة يا دوب تكون وصلت له 😂😂)
والكوازار بيعتبر الأجرام الأشد لمعانا والأكثر اضاءة في الكون بالكامل لدرجة انها بتنتج ضوء اكثر من مجرة فيها ٢٠٠ مليار نجم زي الشمس ب ١٠٠٠ ضعف وده السبب اللي خلانا نقدر نرصدها رغم المسافة الرهيبة دي ، والكلام عن الكوازارات يطول اوووي بس مش وقته ولا مكانه
بعض الانواع التانية ممكن تيجي من اندماج جسمين بكتلات عالية زي ان مثلا نجمين نيوترونين وهم بيلفوا حوالين بعض في انسجام وفجأة يزهقوا ويقرروا انهم لازم يقربوا من بعض أكتر من كده ، هوب يحضنوا بعض كده حضن صعايدة ويندمجوا ويكونوا ثقب اسود جميل مع انطلاق موجة عنيفة من موجات الجاذبية
الثقوب السوداء بوجه عام ليها دور مهم في توازن المجرات وتكوين النجوم وبعض العلماء بيشوف ان ليها دور مهم في سيناريو نهاية الكون(نظرية الانسحاق الكبير ) وبعض العلماء بيشوف انها بوابات ومناطق انتقال في الفضاء وحاجات تااانية كتير
انا حاولت اختصر على اد ما اقدر 😂
وكل سنة وانتم طيبين 😂😂
