النهاردة بقى هنتكلم عن المتعرف الخبوء
الخبوء عادة بيكون عضو جديد فى المنتدى تخيل من الإسم إنه داخل سوبر ماركت يفرغ فيه طاقاته المكبوتة
أول الخبوء ما بتوصله رسالة الترحيب بيه فى المنتدى بيقوم مشمر وداخل على أكونتات البنات ( او المشتبه فى كونها أكونتات بنات ومعاهم المسكين أخونا علاء) ويبدأ يكتبللهم على ملفاتهم الشخصية بالترتيب
فى الأول بتكون أكونتاته عبارة عن إيه ؟؟؟؟
عاملة إيه يا دودو أو عاملة إيه يا سوسو أو أخبارك يا ريرى .... على أساس طبعا إن البنت لما تقرا الكلمتين دول بإسم الدلع ( اللى هو متخيل إن الناس بينادوها بيه ) هتفتكر إنه صاحبها و زميلها من أيام كى جى تو وهترد عليه ويفتح معاها سكة للكلام ... طبعا الهبل ده كل البنات عارفاه وحركة اتهرست مليون مرة فمفيش حد بيعبره
المرحلة التانية بقى وبتكون بعد إسبوع تقريبا من دخول الخبوء المنتدى إنه بيبقى جاى فى أى مصلحة ... لو بنت كاتبة إنها ميلف يبقى بيحب الميلفات لو بنت كاتبة إنها أندر إيدج يبقى هو وحش الأندر إيدج لو بنت كاتبة إنها كيرفى يبقى عاشق للكيرفى و لو بنت بتشتكى إنها فلات يبقى هو بيموت فى البنات الفلات ... حتى لو واحدة كاتبة إنها ماتت من سنتين يبقى هو بيعشق الحياة بين المقابر
يابنى مانت كاتب الكلام ده عالعام والكيرفى اللى كاتبلها إنك عاشق للبنات الكيرفى شايفة إنك بعد سطرين اتنين كاتب إنك بتموت فى الفلات ... حدد موقفك يا حبيبى وحدد هدفك يمكن تلاقى ... لكن نقول إيه ... أصحاب العقول فى راحة
المرحلة التالتة بقى من رحلة الخبوء معانا فى المنتدى لما يقع فى سكته بنت كاتبة إنها سحاقية وبتحب البنات ... طب دى بقى هتدخلها إزاى يا عم الخبوء ... عم الخبوء بيشغل دماغه ويقوم هوب عامل أكونت تانى بإسم بنت ويكتب إنه بنت سحاقية وعايز يتعرف بيها وكده ... طبعا البنات فيه عندهم حاجات إحنا كرجالة منعرفش عنها حاجة فالخبوء بيكون بالنسبة لهم عيل مفضوح
لغاية لما صاحبنا الخبوء يلاقى أكونت بنت سحاقية بيرد عليه ... هوبااااا السنارة غمزت يا خبوء وأخيرا بنت ردت عليك
مسكين ميعرفش إن اللى بيتكلم معاه خبوء تانى بس سبقه فى الطريق بكام يوم .... طبعا إسبوع والتانى وكل شئ إنكشفٍ وبان وعم الخبوء بيتصطدم وغالبا بيقوم كاتب بوست شاتم فيه المنتدى والأعضاء والمشرفين والكل كليلة وحسابه بتاع البنت السحاقية يتحظر والبنات تستريح منه
وبكده بتكون رحلتنا مع الخبوء إنتهت مؤقتا ونتكلم بكرة عن متعرف تانى وغالبا بيكون الخبوء بعد الصدمة اللى بيتحول بعدها غالبا للمتعرف الدُغف
أشوفكم بكرة مع حلقة جديدة من مسلسل "الحكاكون" مع المتعرف الدُغف"
وبرضه محدش يسألنى يعنى إيه دُغف علشان ماعرفش