مساء الورد والياسمين على حبايبى
فيه شوية اسئلة كده بجد مش بحبها خالص وبتقفل منها وتقريبا معظمنا بيسألها ومش فاهم هو هيبقى متوقع الإجابة هتكون ايه ولا انا عارف هى بتتسئل ليه اصلا خد عندك بقى
انت خلاص يومك خلص ودخلت الاوضة بتاعتك طفيت النور ونمت على السرير وفجاءة. تلاقى حد فتح عليك الباب وولع النور ويسالك
ايه ده 😱😱😱 انت نمت !!!!!!
لا يا حبيبى منمتش انا بس بشوف مين فينا اطول انا ولا السرير 😒😒
جى من مشوار والجو حر ومفرهد وبتفتح الباب تلاقى اللى فى وشك يقولك انت جيت
احا بقى لا لسه مجتش انا فى لسه بره واللى انت شايفه ده تهيؤات مش اكتر 🤨🤨
لابس ومتشيك ورايح مشوار اللى يشوفك ايه ياعم الحلاوة دى هو انت خارج
لا و**** يا معلم انا بس زهقان قولت هلبس واتمشى فى الشقة شوية يلعن ابو ام غباءك ما اكيد نازل يعنى 😡😡
قاعد وبتتفرج على التلفزيون ومندمج وحد يطلع زى الخازوق ايه ده انت هنا
لا يا روحى انا هناك واللى انت شايفه ده جيرافيك فوتو شوب ابو شكلك 👺👺
انت فى الحمام بتاخد شاور أو بتلبى لنداء الطبيعة أو اى كان اللى بتعمله حد يخبط عليك انت فى الحمام بتعمل ايه
بحط خطة للاستيلاء على العالم يا سيدى بلعب ماتش كورة يا بن التيييييييييييييييت 😭😭
تدخل تعمل كوبيا شاى وتسأل حد فى البيت هو الشاى فين يقولك بتسال ليه
مافيش واحشنى وعايز اخده بالحضن 🤦🤷
قاعد بتاكل وحد يشوفك ايه ده انت بتاكل
يادى المرار الطافح
لا ياباشا بتمرمجح بس متشغلش بالك انت
ليه الاسئلة دى بجد بتستفيدو منها ايه يا جدعان حرااااااام مش كده 🥺🥺🥺🥺
الواحد مش ناقص فقع 😭😭😭
