لم أكن أشعر بالألم قبل أن أدرك أنه أنا المتسبب به!
تفتكر هتتوجع أكتر لما تكتشف إن الألم اللى حاسه و الأذى ده بسبب اللى حواليك ولا بسببك أنت🤔
الحقيقة يا عزيزى أحيانا يمر الإنسان بمرحلة من أكثر المراحل ألمًا وهي الوعي والإدراك أن المُعاناة اللي هو عايش فيها هو السبب فيها 😞
فا بدال ما الدنيا تنكد عليك لا أنت الدنيا ماشي معاك تمام وفي سياقها الطبيعي ولكن أنت تبدأ تشوف انه لا الدنيا أكيد مش ماشية تمام كده أكيد في حاجة هتحصل و تبدأ إنك تخلق أحداث وسيناريو هات سيئة لنفسك
تبدأ أنها تأثر على مشاعرك و سلوكياتك و تبدأ انك تنعزل
وهنا الشخص بيكون وقع فريسة لأفكاره و سايبلها نفسه ما هو سمحلها تلعب بيه🤷🏻♀️
فا للأسف يا عزيزي أكبر وأول حاجة قادرة تخلي حياتك جحيم هي أفكارك💁🏻♀️
وتعاملك معاها صح قادر يخلى منك إنسان ناضج واعي وسوي إلى حد كبير
بس لو سبتها هي اللي تتحكم فيك هتبدا المُعاناة
فاختار عاوز تلعب دماغك ولا هتسيبها هى اللى تلاعبك🤔
