انا شاب عندى 30 سنة مش متجوز منعزل جدا فى شغلى ومليش اصحاب ولا بروح عند حد عشان كده قولت اخد رأيكم لانى مش لاقى حد اتكلم معاه انا شغلى فى بيتى عشان كده تقريبا مبطلعش من البيت الا اذا كنت محتاج طلب وده مخلينى مش عارف اتجوز لانى مش عارف اتعرف على واحدة المهم من سنتين كده اتعودت ان انا اكلم بنت عمى فى التليفون كلام عادى جدا هى عندها 39 ومتجوزة وعندها 4 اولاد المهم ابتديت احس انها عايزة تعرف كل تفاصيل حياتى وبتقرب منى وانا بصراحة مكنش فى بالى اى حاجة بس اللى اعرفه انها على مشاكل دايمة بجوزها فكانت لما بتحب تعرف اى حاجة عنى كنت بقولها عادى لحد ما فاجأتنى مرة وقالتلى انها بتحبنى انا اتصدمت واستغربت مبقتش عارف ارد عليها ازاى حاولت اقولها ان ده مينفعش وغلط لكن مفيش فايدة بعدها على طول صارحتنى وقالتلى احنا لازم نعمل علاقة مع بعض فى الاول رفضت بس بعد ضغط منها وافقت وحصلت بينا علاقة كتير المهم انا بقى عندى 30 سنة ولازم اتجوز قررت انى ابعد عنها هى طبعا انهارت ومش عايزانى ابعد عنها مع انى كنت صريح معاها من الاول وكنت بقولها انى مسيرى هتجوز وانى مش هفضل معاها على طول طبعا فى زعل كبير دلوقتى بينى وبينها لانها عايزانى افضل معاها وانا مش عارف اعمل ايه والمشكلة انا احنا اصلا مش هننفع لبعض لانها ام لاربع اولاد وانا لسه حتى مش عارف ادور على عروسة اصلا يا ترى اللى عملته صح ولا غلط ؟