بنسمع كتير ان الحب ده في فترة الخطوبة بس انما بعد الجواز كل ده بينتهي💔
بس تفتكروا ايه السبب 🤔 وهي دي قاعدة عامة اصلا🤔
في رأيي الحب ممكن ينتهي لعدة أسباب بس في المجمل نقدر نقولهم في ٣ نقاط:
١- حاجات تتعلق بنظرتنا للجواز نفسه👀: أكون داخل مش مدرك يعني ايه جواز اصلا، مش عارف ايه هي الادوار اللي عليا ومطلوب مني العبها، مش عارف اتحمل مسئولية ومش متعود عليها، ف بالتالي هتحط في ضغط اني مطلوب مني حاجات مش قادر اعملها، هبدأ ألوم الطرف التاني لان بشكل ما هترجم ان هو السبب ودخوله حياتي هو السبب في كل ده وتبدأ الخناقات.💔
٢- حاجات تتعلق باختيارنا لشريكنا👥: اني اختار حد مش مناسب ليا من حيث طريقة التفكير، حد انا مش عارف اكون علي طبيعتي معاه، واقدر اتعري نفسيًا قدامه وأكلمه عن مشاكلي وأوجاعي وهو يستقبل ده بطريقه تداويني ف احس انه جزء مني وكأننا حاجة واحدة.♥️
٣- مبنعرفش نتواصل مع بعض 🗣️: في ناس لما بيتكلموا تحس انهم بيتكلموا بلغات مختلفة عن بعض، مفيش مساحة انهم يسمعوا الاول ويستوعبوا اللي بيتقال، تحس ان كل واحد بيتكلم في وادي غير التاني، كمان مش فاهمين احتياجات بعض ايه، وبيبقي صعب عليهم جدا يتكلموا في مشاعرهم واحتياجاتهم ، وبالتالي طبعا مبيعرفوش يختلفوا مع بعض.
✨ممكن تكون دي الاسباب بشكل مختصر ولو صلحناها هيفضل الحب والود بينا♥️
