هل تعلم ان مقولة الست نكديه دي كلمه ظالمه تماما و عندي مليون دليل انت أولهم 😁 علي فكره .
و لو مشينا بالمبدأ ده و التعميم و خليت الفكره مبدأ يبقي انا اسفه كل الرجاله خاينيين و كل الرجاله مالهاش امان مش كده ولا ايه .
الفكره ببساطه ان الست مهما كانت قويه هي مخلوق حساس بطبعه بتتأثر بكل تفاصيل من افعالك و تصرفاتك و تفاصيل علاقه بينكم .
تعالي أسألك بقي
مش دي الست اللي انت أخترتها و كانت لذيذه و عسل و سكر و بتهزر و تضحك ؟
ولا هي كده من الاول و انت عملت فيها الجامد اللي هتغيرها و لا انت اخترتها كده و راجع تشتكي ؟
طب ممكن تسألك نفسك هل وجودك حقيقي باسطها و هي ظالمه و مفتريه و كارهه نفسها و مش عايزه تكون مبسوطه ؟
طب بتشوف لما بتخرج مع صحابها بتكون مبسوطه ازاي و طايره ازاي و بتضحك و بتهزر و عادي ؟
ممكن بس اقولك حقيقه ان مفيش بشر بيحب النكد خصوصا الست بس لازم تاخد بالك ان دي مشاعر سلبيه اتكونت من تراكمات ممكن ببساطه تكون انت نفسك اساسها و ممكن تراكمات حياه برده و انت دورك تهون عليها في وقت زي ما هي بتهون عليك في وقت ماتعيش دايما دور الضحيه بس الست ممكن ماتعرفش تعبر بشكل كبير عن تفاصيل كتير جواها و لو هي مابقتش زي الاول و لا نفس الطاقه و المشاعر و الضحكه اكيد عشان في اسباب بدل فكرة انك شقيان و تعبان و تضحياتك العظيمه انك تقدر المشاركه بينكم و ماتنساش انك الراجل المصنف الاقوي و الاقدر علي التحمل .
البوست مش قاصده خالص غير نقطة مراجعه ممكن مايكونش حاله عامه بس الاكيد انها الحاله الاكبر .
**** يسعدكم جميعا و اتمني النقاش في السياق من غير هجوم بدل ما أنكد عليكو 😁
