نقاش مشكلة هل تصرفاتى كده صح

[مشاكل وخلافات وعبر]

اهلا انا أسمى رمضان عندى 30 سنة انا بشتغل مدرب رياضى وعندى سلسلة صالات جيم كبيرة جدا لحمد لله وضعى المادى كويس جدا ومتجوز من اتنين زوجتى الأولى اسمها ندى عندها 29 سنة ومخلف منها روضة (4سنين ) ومالك واحمد (7سنين)وهى كانت زميلتى فى الكلية اما زوجتى التانية ف تبقى بنت عمى اسمها حنين عندها 29 سنة برضو وعندى منها توفيق (7سنين) وعايشين فى عمارة كلها بتاعتى وكل واحدة عايشة فى شقة لوحدها اه انا اتجوزت بنت عمى بسبب ضغط ابويا وامى عليا لان بنت عمى ابوها وامها ماتو وأهل امها كانو عايزين ياخدوها عندهم ويتحكم فيها وياخدو ورثها وشوية مشاكل كده يعنى اه صحيح بنت عمى كانت عايشة طول عمرها فى الصعيد ومتربية هناك على عكس انا انام لود هنا فى القاهرة ومتربى هنا ف هنا بقا مشكلتى ان فيه بينى وبينها اختلاف فى التعامل مع اى حاجة يعنى هى عصبية قوى اما انا هادى هى متسرعه اما انا بصبر وكمان تفكيرها قديم قوى وكمان تصرفاتها ساعات بتكون متخلفة شوية والاختلاف ده مكنش واضح قوى لما اتجوزنا فى الاول لانى زى ما قولت ليكم انا انجبرت انى اتجوزها بء لما خلفت منها ابنى توفيق هنا ظهر الاختلاف هى من اول ما الولد كبر وهى بتتصرف معاه بشدة وحزم وعلى طول بتزعق له وبتقسى عليه جامد قوى وبتضربه بالعصاية وبتلسع ايده بالشمعة يعنى تصرفات متخلفة وكانت بتخوف الولد جدا وبتخليه ميقوليش على اى حاجة هى بتعملها فيه علشان كده مكنتش باخد بالى ولما كنت بشوف الولد بيخاف منها كنت بتخانق معاها علشان كده لكن مكنتش بعرف افهمها خالص والكلام معاها على طول بيقلب ب خناقة فكنت بتجنب الكلام معاها وكانت مخرجانى من حياة الولد وعلى طول بتطلب منى ما ادخلش فى تربيته ولا يبقى ليا علاقة بيه لانها شايفة انى بدلعه وبخليه يبوظ وفضلت كده ف الولد بقى متعقد جدا وبقى بيترعب من مامته وانا مكنتش واخد بالى من كدا لحد الأسبوع إلى فات كنت قاعد فى شقة ندى لانى مبحبش اقعد مع حنين الى يوم فى الاسبوع المهم كنت قاعد فى الشقة بتفرج على التليفزيون لقيت الباب بيخبط جامد فتحت الباب لقيت توفيق ودخل الشقة جرى ومسكنى من ورا ضهرى وقال

توفيق: الحقنى يا بابا متخليهاش تمسكنى (انا طبعا مكنتش فاهم حاجة .....وتوفيق كان ماسك فيا جامد )
انا : فيه ايه يا حبيبى مالك.
توفيق: ماما يا بابا ....ماما عايزة تموتنى ولنبى يا بابا متخليهاش تمسكنى (جيت امسك الولد لقيته ايده بترتعش من الخوف وكان ماسك فيا جامد قوى ومتوتر جدا )
انا طب اهدى يا حبيبى تعالى

ودخلته وقعدته على الكنبة وكان متوتر جدا وخايف جدا وكان بيترعش من الخوف وأيده كانت تلج حاولت اهديه معرفتش خدته فى حضنى حسيت بضربات قلبه وحسيت ان قلبه هيقف من كتر الخوف ضميته اكتر فى حضنى لحد ما هدى شوية وقعدت اقوله متخافش انا معاك لحد ما هدى بس مكنش قادر يتكلم جيبت له كوباية ميه لحد ما هدى شوية واتكلم معايا وقال ليا انه كان بيجيب كوباية من النيش ف 3 كوبايات وقعوا اتكسرو فوفى واحدة وقعت عورته فى رجله ف خاف من مامته وجرى عليا وشوفت رجله لقيتها بتنزف د م ف جيبت قطن ومطهر وعملتها له وربط له رجله وكان بيتوجع جامد قوى ولما خلصت له الباب خلط جامد وكانت امه ف الولد مسك فيا تلقائي من الخوف وقال ليا علشان خاطرى يا بابا خبيني منها ولما سمع صوت امه بتزعق عملها على نفسه من الخوف وفضل يعيط انا شوفته كدا زعلت عليه جدا وصعب عليا قوى وحزنت عليها وفتحت الباب لأمه بس مدخلتهاش وقولت ليه تطلع وانا خمسة وهجيب ليها توفيق هى طلعت وخدت توفيق ودخلته الحمام وحميته وجيبت له هدوم من هدوم اخواته وبعد كدا خدته ونيمته مع اخواته وطلعت لحنين فوق ومسكته ضربتها وعدمتها العافية وقولت ليها ابنك مش هتشوفيه تانى وخليت الولد عندى فى بيت ندى وباخده معايا الجيم وفضلت باعده عن امه يومين والولد كان مبسوط وفرحان جدا بس امه فضلت تعيط علشان ارجع ليها ابنها ورضيت ورجعته ليها لكن المرة دى أديت للولد تليفون صغير علشان لو حصل ليا حاجة يتصل عليا وفعلا مكملش يومين والولد اتصل عليا وقال ليا انو امه عايزة تضربه بس هو قافل على نفسه الباب وهى عمالة تخبط ف طلعت وخدته وزعقت ليها جامد وهى اتخانقت معايا بردو وقالت ليا انى بدلعه و ببوظه بس مهتمتش ليها وخدت الولد ونزلت بس لاحظت انو الولد بيخاف من كل حاجة واى حاجة وكمان هو انطوائي قوى ومبيحبش الضلمة وعايز حد يكون حنين معاه وامبارح كنت نايم لقيته بيصحينى وبيقول ليا بابا انا خايف ممكن تنام معايا روحت ونمت معاه وحضنته وكان بيشرب من ولا كأنى فى حد عايز يموته ف انا عايز اعرف منكم ازاى اساعد ابنى ازاى اخلي شخصيته قوية ازاى ابنى فيه الى امه هديته ازاى اساعده ممكن اب يساعدنى فى مشكلتى دى

 

[mrwan tawfik rabia]

قرب من ابنك و احضنه وضمه ليك وحسسه بالامان حسسه انو طول ما هو معاك محدش هيقدر يجى جنبه حتى لو امه حسسه انك ضهره وسنده و اتكلم معاه وقضى معاه وقت كبير وانت بتتكلم معاه اتكلم معاه بخشونة كده وخليه يجمد قلبه ويبقى راجل واتصرف قدامه بقلب جامد علشان يتعلم منك واتكلم مع أمه تخف ضغط عليه ولو معملتش كده احرمه منه .....ومتزعلش منى يا صحبى ابنك لو فضل كده لما يكبر هيضيع وانت بسكوتك وخوفك من الكلام مع أمه ضربته مرة وأمه بضغطها وضربه ضربته مرة تانية حر ام عليكو ابنكم الى هيضيع منكم ده حسو بقيمتو شوية