- إنضم
- 15 أغسطس 2023
- المشاركات
- 683
- مستوى التفاعل
- 481
- نقاط
- 3,704
- الجنس
- ذكر
- الدولة
- مصر
- توجه جنسي
- أنجذب للإناث
اهلا انا محمد عندى 25 سنة بشتغل فى بنك محاسب وعندى اخين كريم و سامى سامى 21 سنة وكريم 16 ودلوقتي انا عندى مشكلة ترباوية شوية انا ابويا دقة قديمة قوى وكان مطلع عين امى فى كل حاجة وكنت بتذل علشان اخد منه اى حاجة او طلب منه اى طلب وساعات بيقول ليا حاجة ويرجع يعمل عكسها يعنى حاجة بنت وسخه نفس الى كان بيعمل معايا بيعمله مع اخواتى وهو مش فقير ولا حاجة بالعكس احنا حالتنا مادية مرتاحة يعنى بس هو الى كده مش عارف بخل ولا عناد مش عارف المهم انا من معاملته دى لما دخلت كلية التجارة بداءت اشتغل واعتمد على نفسى وكنت الفلوس الى بخدها من شغلى بالى امى تدخلها فى جمعيات وبعد ما خلصت دراسة اشتغلت على طول بشهادتى وبردو كان مرتبى شغال جمعيات لحد ما بعد سنتين من شغلى قدرت اشترى شقة خاصة بيا انا وكانت مفروشة حديث وجهازة من كل حاجة وكمان جيبت عربية ولسه مخلص القسط بتاعها من قريب ولكن عايش مع اهلى واخويا سامى بيعمل نفس الى بعمله المشكلة بقا ان اخويا كريم دخل ثانوى جديد ومحتاج فلوس كتيرة جدا لدروسه وكتبه وله هو شخصيا لان الولاد بيبصو لبعضهم و كل ما اخويا يطلب حاجة زيو زى زمايله ابويا يزعق فيه ومبيخدش حاجة برضو وبيكسر نفسه ويصعب علية كسرة نفسيته دى لكن مكنتش بقدر اساعده و لكن دلوقتى اقدر ولما كريم دخل مرحلة الثانوي بالذل والإهانة علشان ابويا يوافق فى يوم جه يطلب بأدب من ابويا انو عايز فلوس علشان يشترى كتب خارجية للمواد الى عليه وكمان عايز يحجز للدروس وعايز يشترى لبس جديد وشنطة جديدة علشان الى عندو باظو ابويا فتح فيه الزعيق والإهانة والذل وانا كنت قاعد فى اوضتى انا وامى وطلعنا على صوت الزعيق ولما شوفت زعيق ابويا فى كريم شريته واتخانق مع ابويا ودخلت مع اخويا اوضته وكان زعلان وحزين لكن مش قادر يتكلم حضنته وهونت عليه و دخلت جيبت 3 الف جينه من جوا عندى واديتهم له وقولت يعمل الى هو عايزه وهو مكنش مصدق نفسه وقولت له (اى حاجة تحتاجها انا موجود علشانك ) وفعلا الحاجة إلى بيعوزها بيجى ليا مبقاش بيحتاج ابويا خالص فى حاجة وفى يوم جت ليا وقالت ليا الى انا بعمله ده غلط علشان بعصى كريم على ابوه ومش بخليه يكلمه ف قولت له ان معاملة ابويا دى ممكن تدمر كريم مش تساعده وكريم مبقاش عيل صغير خلاص وعيب قوى لما يتذل على كل حاجة كده احنا زمنا كان غير زمن كريم والوقت غير الوقت والناس غير الناس لازم ابويا يتقبل كده الى نفع معايا انا وسامى مبقاش ينفع مع كريم وامى مصرة انى غلط فهل انا صح ولا غلط .