- إنضم
- 15 أغسطس 2023
- المشاركات
- 683
- مستوى التفاعل
- 481
- نقاط
- 3,699
- الجنس
- ذكر
- الدولة
- مصر
- توجه جنسي
- أنجذب للإناث
سلام عليكم واحد صاحبى نصحنى انزل مشكلتى على موقع علشان الناس تنصحني اعمل فيها ايه ف انا أسمى هانى عندى 28 سنة ونص هحكيلكو الحكاية من الاول انا كنت عايش مع أهلى فى البلد وعندى ٣ اخوات ولاد واخت بنت هما محمد اخويا الكبير 30 سنة وعندى رامى29 سنة بعد كدا انا وبعد منى اختى ريهام 24 ثم احمد اخويا الصغير وكمان ابويا راجل عصبى جدا وتقريبا مش بيتفاهم وظالم جدا فى قرارته وامى طيبة متقدرش تعمل حاجة اما احنا ف اخويا محمد ظالم زى ابويا بالظبط اما رامى واختى وانا ف احنا غالية المهم الموضوع ابتدى ان فى راجل اعمل خليجى جه عندنا البلد لما كنت فى الاعدادى وكان عايز يعلم ابنه عندنا هنا لان المحافظة بتاعتنا مستوى التعليم فيها كويس قوى ويا زين مختار صحيح جاى يعلم ابنه عندنا هنا فى مصر يلا على وقتى كان فى تعليم اما دلوقتى ما فيش المهم ابنه كان جارنا وانا وهو اتصاحبنا ف اول ترم لينا ابنه كان ساقط فى كله وانا كنت الاول على المدرسة ف كنت بساعده فى المذاكرة ولما ساعدته ابنه اتحسن ومستواه على ف الراجل كان بيهتم بيا علشان اساعد ابنه ومع كل سنة ابنه كان مستواه بيعلم فى الدراسة يوم عن لدرجة ان الراجل كان بيشتري الكتب الخارجية لابنه وليا علشان كنت بساعده وفضلنا على كده والراجل كان بيعتبرنى كنز وكان بيجيب ليا هدايا علشان بساعد ابنهوكان الموضوع بالنسبة ل اهلى عادى جدا لحد ما جينا ل تالتة ثانوى وابنه جاب مجموع عالى جدا وانا كمان كا واحد فينا جاب 97 فى المية ف الراجل دخل ابنه نفس الكلية بتاعتى وهى كلية طب الأسنان ف كنا ساكنين مع بعض فى شقة ايجار الراجل كان مشتريها لينا بجانب الكلية عدت او سنة وتانى سنة والراجل فجأة قرر انو يرجع على قطر وقبل ما يمشى قعد معايا ومع ابويا وقال ليا انو كان اشترى ارض كده على مساحة نص فدان كده او اقل هيتانازل عنها ليا طبعا محدش ممكن يكون مصدق لكن و لله هو ده الى حصل المهم قال انو هيتنازل عن الأرض ل ابويا ولكن قال لو الأرض دى بتاعتى هو كان فاكر انو ابويا مش هيسرقنى لكن الراجل مشى من هنا وابويا سرقنى من هنا انا بعد ما الراجل مشى رجعت الكليو وانا قبلها كنت بشتغل فى ماركت فى مول قبل كده وكان عندى قناة على اليوتيوب بنزل عليها قصص ***** وكده كان ساعتها حوار اليوتيوب ده جديد المهم انا كنت بكسب كتير جدا جدا جدا الحمد**** يعنى المهم خلصت الى سنين وكان معايا فلوس كتير جدا ولما رجعت كنت ناوى اشغل فلوس وابيع ارضى وافتح عيادة طب أسنان كبيرة مع العلم انى ابويا مكنش بيصرف عليا لما كنت طالب لكن لما جيت اتكلم مع ابويا لقيت انو تقريبا كده سرقني وباع الأرض وعمل مشاريع وكتابها باسم ت خويا الكبير كل ده من ورايا ولما جيت اتكلم ابويا اتخانق معايا وطردني وامى بتعيط واخويا رامى بيترجى ابويا انو يخليني صعبت عليا نفسى وخدت هدومى و فلوسى ورجعت القاهرة وقعدت فى شقة إيجار الفلوس الى كانت معايا تكفى تفتح عيادة ف اشتغلت فى شغلانة واتنين ده غير انى كنت برجع اعمل فديوهات على اليوتيوب ودى كانت بتنجح ده غير اعلانات اليوتيوب لغاية ما قدرت اجمع مبلغ ضخم جدا وبدأت ومشيت فى التراخيص وفعلا فتحت العيادة وخلال سنة قدرت اتميز واشتهرت فى منطقتى كل ده وانا عندى 26 سنة نص لكن الحمد**** **** عوضني وقدرت افتح عيادة واشترى شقة واتنين وجيبت عربية من فلوس اليوتيوب وفلوس العيادة و اتجوزت من دكتورة كانت زميلتى واتجوزت من غير أهلى لانها هى كمان مكنش ليها حد هى كانت وحيدة برضو وو بس عشنا قصة حب جامدة جدا وهى الحمد**** دلوقتى حامل كل الى حصل ده حصل وانا بعيد عن أهلى كل ده حصل وانا مش على اتصال لا ابويا ولا ب امى ولا اخواتى هما حاولو يوصلو ليا لكن معرفوش لغاية تقريبا ما يأسو انهم يلاقونى وانا كمان حتى كنت نسيتهم لحد ما فى يوم كنت فى المول مع مراتى وكنت بشترى لبس ******* ف سيبتها كده وروحت اجيب حاجة ورجعت لقيتها كنت بتتكلم مع واحدة وجوزها وجوزها ده كان رامى اخويا صدفة جميلة صح هو شافنى من هنا راح واخدنى فى حضنه من هنا وهو كمان كان واحشني جدا وفضل يعاتب فيا وانا مكنتش قادر ف روحنا على بيتى وهو كان معايا هو ومراته قعدنا وتكلمنا وقال ليا انو امى تعبت جدا من بعد ما سيبتها وانو الفرح ما دخلت عليهم من بعد ما سيبتهم ومشيت وانا ابوهم جوز اخويا احمد واختى ريهام بفلوس ما عدا رامى مقبلش ياخد حاجة من فلوسى وقعد يترجاني ان ارجع ل امى الى تعبت جدا ف طلبت منو انى اكلمها ف لما كلمتها فى التليفون وسمعت صوتها تعبت جدا وفضلت اعيط ومكنتش قادر واخويا اغانى رقمه وطلب منى انى اكلمه كل شوية حتى اقل حاجة علشان امى وبعد ما مشى مراتى جت وقالت ليا ارجع ل اهلى ف انا فى حيرة ارجع ل اهلى الى سرقونى وخدت حاجة مس ملكهم لا واتصرفو فيها كمان ارجع للناس الى كنت بسببهم كنت بعانى علشان اجمع الفلوس واشتغل شغلانة واتنين وهما هناك بيوزع فى فلوس ارجع للناس الى بسبهم حصلت ليا حاجات كتير وحشة مش عارف اسامحهم وارجع ولا افضل زى ما انا هى ردت عليا وقالت علشان ابننا يكون عنده اهل الكلمة وجعتني شوية ف انا بسأل الناس الى هنا ممكن تساعدوني علشان انا فى حيرة