- إنضم
- 4 يناير 2024
- المشاركات
- 85
- مستوى التفاعل
- 81
- نقاط
- 1,228
- الجنس
- ذكر
- الدولة
- مصر
- توجه جنسي
- عدم الإفصاح
- علي هو انت متجوز عليا ؟
= إيه الكلام اللي انتي بتقوليه دا يا إنچي ، انتي سكرانة وللا إيه عالصبح
- طب اقولك السؤال بطريقة أحسن ، انت كنت بايت فين امبارح ؟
= ما انتي عارفة يا حبيبتي ان مصطفى صاحبي كان تعبان شوية وكلنا كنا بايتين معاه في المستشفى ، حتى لو مش مصدقة كلمي اي حد من اصحابي واسأليه
- اصحابك مين اللي هكلمهم يا علي دا انتو تشكيل عصابي ، فاكر لما قولتلي انك بتزور قبر باباك واتصلت بيك وواحد من اصحابك رد عليا وقالي ايوه يا بنتي ، انا حماكي **** يرحمه وعلي قاعد معايه شوية ، مش هسأل حد من اصحابك ، انا امبارح بالليل كنت ماشية في ابو الفدا وشوفتك راكب عربيتك وقاعدة جنبك واحدة شقرا كدا وكانت نايمة على كتفك ..
= وانتي ايه اللي نزلك ابو الفدا بالليل يا هانم ، مفيش احترام للراجل اللي متجوزك ، طبعا ، ما انتي لسه لاسعالي القميص الموڤ وانتي بتكويه
- لا لا لا ، علي ، فكك ، متفسحنيش ، كنت فين امبارح ؟
= ممممم ، هو انتي متأكدة أوي انك شوفتيني يا إنچي ؟
- طبعا متأكدة
= متأكدة كويس اني انا مش حد تاني ؟
- متأكدة يا علي ، مش هتوه عن جوزي
= ويا ترى متأكدة من إيه تاني يا إنچي
- مش فاهمة
= عشان جاهلة ، عمرك سمعتي عن حاجة اسمها تأثير مانديلا ؟
- يعني ايه
= هفهمك ، في ٢٠١٣ مات الزعيم نيلسون مانديلا رئيس جنوب إفريقيا والدنيا اتقلبت من ساعتها لإن ملايين الناس على مستوى العالم أكدوا على إنهم فاكرين كويس أوي ان نيلسون مانديلا مات في سجنه في التمانينات وانهم شافوا جنازته في التليفزيون بعينيهم ، لكن الحقيقة كانت غير كدا تماما ، الراجل خرج من السجن ومسك الحكم ومات سنة ٢٠١٣ ، مفيش اي حد في العالم قدر يثبت أنه مات في التمانينات مع ان كلهم فاكرين مشهد جنازته كويس اوي
- ودا إيه علاقته بموضوعنا
= هقولك ، الرئيس الأمريكي چون كيندي اللي اتضرب بالنار عالهوا وكل العالم شاف ڤيديو اغتياله ، كل الناس كانت متأكدة ان اللي كانوا راكبين العربية مع كيندي ٣ ، مراته والحارس والسواق ، لكن الحقيقة بقى اللي هتكتشفيها لما ترجعي للڤيديو انهم كانوا ٦ ، كان معاهم حاكم ولاية تكساس ومراته
- غريبة فعلا ، دا انا كمان كنت فاكراهم ٤ بس
= مش كدا بس ، انتي فاكرة اعلان جبنة لاڤاش كيري
- فاكراه
= فاكراه كويس ؟
- جدا ، دا انا كنت عايشة عليها وانا صغيرة
= اوصفيلي صورة البقرة اللي كانت في الإعلان
- لونها احمر وفي مناخيرها حلق
= وفي مناااااخيرها حلق ، شوفتي ، أحب اقولك ان البقرة اللي كانت في إعلان لاڤاش كيري عمر ما كان في مناخيرها حلق
- ازاي يا علي انا متأكدة
= مش لوحدك ، العالم كله كان فاهم انه متأكد من حاجات كتير لحد ما طلعنا كلنا مش متأكدين ، تقدري تقوليلي فيروز عايشة وللا ميتة ؟
- بص هو انا كنت فاكراها ماتت لحد ما شوفت صورها مع رئيس فرنسا
= كل العالم كان فاكرها ميتة لحد ما شاف صورها مع رئيس فرنسا ، طب سؤال تاني ، وانتي في الابتدائي لما كنتي بتكتبي التاريخ الهجري في الكراسة كل يوم ، فاكرة كان سنة كام هجريا ؟
- دي بقى متأكدة منها ، ١٤٣٩
= ازاي إذا كنا احنا دلوقتي سنة ١٤٤٢ ، معنى كدا انك كنتي في الابتدائي من ٣ سنين ، متتخضيش ، برضو اللخبطة دي كانت حاصلة مع ناس كتير مش انتي بس ، طب اقولك حاجة كمان ، هجيبلك جمل وانتي تقوليلي اتقالت في افلام ايه
- ايوه دا ملعبي بقى
= لما حد بيموت بنزعل عليه شوية وبنقدر ننساه ، لكن لما حد بيسيبنا مبنقدرش ننساه ، غريبة ان الفراق يكون اصعب من الموت ، يمكن عشان الموت نهائي أما الفراق فيه احتمالات
- فيلم الغول
= براڤو ، طول ما قلبك ابيض يا يوسف حياتك هتبقى سودا
- الكيت كات
= هايل .. بس المحافظ قال الأجرة اتنين جنيه .. خلاص روح اركب المحافظ
- أربعة في مهمة رسمية
= شطوووورة ، ولا إجابة صح ، كله غلط ، الجمل دي ما اتقالتش في ولا فيلم من دول
- مش معقول انا متأكدة
= زي ما انتي متأكدة انك شوفتيني في ميدان الفلكي مع واحدة سمرا ، دي بقى نظرية الأكوان المتعددة
- ايه نظرية الأكوان المتعددة دي
= الكون بتاعنا دا فيه منه نسخ كتير ، اكوان كتيرة جدا فيهم نفس الأشخاص اللي عندنا بس بتفاصيل مختلفة ، يعني في كون موازي نيلسون مانديلا مات في التمانينات ، وفي كون موازي البقرة اللي على علبة الجبنة كان في مناخيرها حلق ، وفي كون موازي انتي كنتي في الابتدائي سنة ١٤٣٩ هجريا ، وفي كون موازي كل الجمل دي اتقالت في الافلام دي ، وفيه علماء كانوا شغالين على النظريات دي ، وعملوا حاجة غلط في التجارب بتاعتهم وتسببوا في إحداث ثغرة بقت تسربلنا ذكريات من عند نظائرنا اللي في الأكوان التانية ، يعني الراجل اللي شبهي اللي انتي شوفتيه مع واحدة دا ، دا نظيري في عالم تاني ، والست دي اكيد مراته .. كل دي مجرد تهيؤات
- يا حبيبي يا علي ، كنت هظلمك ، سامحني انا اول مرة اسمع عن حكاية الأكوان الموازية دي
= ولا يهمك ، دا واجبي اني انور عقول المتخلفين اللي زيك
- بس انا عايزة أسألك سؤال
= في الأكوان الموازية ؟
- لا ، في البودي لانجويچ ، سمعت عنها قبل كدا ؟
= لا
- وانت بتديني المحاضرة اللي فاتت دي ، إيدك لمست مناخيرك لا إراديا اكتر من ١٦ مرة ، ودي حركة بيعبر بيها جسمك عن اعتراضه على الكدب اللي انت بتقوله ..
= لا دا انا عندي برد بس
- الشخص اللي بيكدب عينه بترمش وهو بيتكلم اكتر من ضعفين المعدل الطبيعي بتاع اي حد ..
= لا دا فيه تراب دخل في عيني وانتي بتنفضي السجادة
- طول ما انت بتحكي حكاية الأكوان الموازية بتاعتك بتشرب سجاير وبتنفخ الدخان لتحت ، ودا انعكاس لحالة عدم ثقة في نفسك ولا في كلامك
= يعني أنفخ في وشك وانتي عندك حساسية ؟
- اول ما عملت نفسي مصدقاك بدأت تنفخ دخانك لفوق ، ودي إشارة لرجوع ثقتك في نفسك واحساسك بالأمان والسيطرة ..
= لا دا انا زهقت من النفخ لتحت ..
- لما قولتلك في أول كلامي اني شوفتك في ابو الفدا مع واحدة شقرا ، دا كان مجرد طعم ، انا شوفتك في ميدان الفلكي مع واحدة سمرا ، وانت كلت الطعم ووقعت بلسانك وقلت الحقيقة ، ليييه ، عشان عقلك الباطن استدعى الصورة الحقيقية وصورها زي ما حصلت وهو معتقد أنها نفس الصورة المزيفة اللي انا ضللتك بيها ، حيلة نفسية قديمة جدا كانوا بيعملوها المحققين الألمان مع أسرى الحلفاء في الحرب العالمية التانية ..
= ..............
- تاخد القاضية في الحتة الفاضية بقى ؟
= إديني
- امبارح قبل ما تنزل كنت لابس آندر شيرت تحت القميص ودلوقتي انت مش لابسه ، و دا معناه انك قلعت هدومك برا البيت .
= امممممممم ، إنچي سمعتي عن نظرية **** أمر بالستر ..
= إيه الكلام اللي انتي بتقوليه دا يا إنچي ، انتي سكرانة وللا إيه عالصبح
- طب اقولك السؤال بطريقة أحسن ، انت كنت بايت فين امبارح ؟
= ما انتي عارفة يا حبيبتي ان مصطفى صاحبي كان تعبان شوية وكلنا كنا بايتين معاه في المستشفى ، حتى لو مش مصدقة كلمي اي حد من اصحابي واسأليه
- اصحابك مين اللي هكلمهم يا علي دا انتو تشكيل عصابي ، فاكر لما قولتلي انك بتزور قبر باباك واتصلت بيك وواحد من اصحابك رد عليا وقالي ايوه يا بنتي ، انا حماكي **** يرحمه وعلي قاعد معايه شوية ، مش هسأل حد من اصحابك ، انا امبارح بالليل كنت ماشية في ابو الفدا وشوفتك راكب عربيتك وقاعدة جنبك واحدة شقرا كدا وكانت نايمة على كتفك ..
= وانتي ايه اللي نزلك ابو الفدا بالليل يا هانم ، مفيش احترام للراجل اللي متجوزك ، طبعا ، ما انتي لسه لاسعالي القميص الموڤ وانتي بتكويه
- لا لا لا ، علي ، فكك ، متفسحنيش ، كنت فين امبارح ؟
= ممممم ، هو انتي متأكدة أوي انك شوفتيني يا إنچي ؟
- طبعا متأكدة
= متأكدة كويس اني انا مش حد تاني ؟
- متأكدة يا علي ، مش هتوه عن جوزي
= ويا ترى متأكدة من إيه تاني يا إنچي
- مش فاهمة
= عشان جاهلة ، عمرك سمعتي عن حاجة اسمها تأثير مانديلا ؟
- يعني ايه
= هفهمك ، في ٢٠١٣ مات الزعيم نيلسون مانديلا رئيس جنوب إفريقيا والدنيا اتقلبت من ساعتها لإن ملايين الناس على مستوى العالم أكدوا على إنهم فاكرين كويس أوي ان نيلسون مانديلا مات في سجنه في التمانينات وانهم شافوا جنازته في التليفزيون بعينيهم ، لكن الحقيقة كانت غير كدا تماما ، الراجل خرج من السجن ومسك الحكم ومات سنة ٢٠١٣ ، مفيش اي حد في العالم قدر يثبت أنه مات في التمانينات مع ان كلهم فاكرين مشهد جنازته كويس اوي
- ودا إيه علاقته بموضوعنا
= هقولك ، الرئيس الأمريكي چون كيندي اللي اتضرب بالنار عالهوا وكل العالم شاف ڤيديو اغتياله ، كل الناس كانت متأكدة ان اللي كانوا راكبين العربية مع كيندي ٣ ، مراته والحارس والسواق ، لكن الحقيقة بقى اللي هتكتشفيها لما ترجعي للڤيديو انهم كانوا ٦ ، كان معاهم حاكم ولاية تكساس ومراته
- غريبة فعلا ، دا انا كمان كنت فاكراهم ٤ بس
= مش كدا بس ، انتي فاكرة اعلان جبنة لاڤاش كيري
- فاكراه
= فاكراه كويس ؟
- جدا ، دا انا كنت عايشة عليها وانا صغيرة
= اوصفيلي صورة البقرة اللي كانت في الإعلان
- لونها احمر وفي مناخيرها حلق
= وفي مناااااخيرها حلق ، شوفتي ، أحب اقولك ان البقرة اللي كانت في إعلان لاڤاش كيري عمر ما كان في مناخيرها حلق
- ازاي يا علي انا متأكدة
= مش لوحدك ، العالم كله كان فاهم انه متأكد من حاجات كتير لحد ما طلعنا كلنا مش متأكدين ، تقدري تقوليلي فيروز عايشة وللا ميتة ؟
- بص هو انا كنت فاكراها ماتت لحد ما شوفت صورها مع رئيس فرنسا
= كل العالم كان فاكرها ميتة لحد ما شاف صورها مع رئيس فرنسا ، طب سؤال تاني ، وانتي في الابتدائي لما كنتي بتكتبي التاريخ الهجري في الكراسة كل يوم ، فاكرة كان سنة كام هجريا ؟
- دي بقى متأكدة منها ، ١٤٣٩
= ازاي إذا كنا احنا دلوقتي سنة ١٤٤٢ ، معنى كدا انك كنتي في الابتدائي من ٣ سنين ، متتخضيش ، برضو اللخبطة دي كانت حاصلة مع ناس كتير مش انتي بس ، طب اقولك حاجة كمان ، هجيبلك جمل وانتي تقوليلي اتقالت في افلام ايه
- ايوه دا ملعبي بقى
= لما حد بيموت بنزعل عليه شوية وبنقدر ننساه ، لكن لما حد بيسيبنا مبنقدرش ننساه ، غريبة ان الفراق يكون اصعب من الموت ، يمكن عشان الموت نهائي أما الفراق فيه احتمالات
- فيلم الغول
= براڤو ، طول ما قلبك ابيض يا يوسف حياتك هتبقى سودا
- الكيت كات
= هايل .. بس المحافظ قال الأجرة اتنين جنيه .. خلاص روح اركب المحافظ
- أربعة في مهمة رسمية
= شطوووورة ، ولا إجابة صح ، كله غلط ، الجمل دي ما اتقالتش في ولا فيلم من دول
- مش معقول انا متأكدة
= زي ما انتي متأكدة انك شوفتيني في ميدان الفلكي مع واحدة سمرا ، دي بقى نظرية الأكوان المتعددة
- ايه نظرية الأكوان المتعددة دي
= الكون بتاعنا دا فيه منه نسخ كتير ، اكوان كتيرة جدا فيهم نفس الأشخاص اللي عندنا بس بتفاصيل مختلفة ، يعني في كون موازي نيلسون مانديلا مات في التمانينات ، وفي كون موازي البقرة اللي على علبة الجبنة كان في مناخيرها حلق ، وفي كون موازي انتي كنتي في الابتدائي سنة ١٤٣٩ هجريا ، وفي كون موازي كل الجمل دي اتقالت في الافلام دي ، وفيه علماء كانوا شغالين على النظريات دي ، وعملوا حاجة غلط في التجارب بتاعتهم وتسببوا في إحداث ثغرة بقت تسربلنا ذكريات من عند نظائرنا اللي في الأكوان التانية ، يعني الراجل اللي شبهي اللي انتي شوفتيه مع واحدة دا ، دا نظيري في عالم تاني ، والست دي اكيد مراته .. كل دي مجرد تهيؤات
- يا حبيبي يا علي ، كنت هظلمك ، سامحني انا اول مرة اسمع عن حكاية الأكوان الموازية دي
= ولا يهمك ، دا واجبي اني انور عقول المتخلفين اللي زيك
- بس انا عايزة أسألك سؤال
= في الأكوان الموازية ؟
- لا ، في البودي لانجويچ ، سمعت عنها قبل كدا ؟
= لا
- وانت بتديني المحاضرة اللي فاتت دي ، إيدك لمست مناخيرك لا إراديا اكتر من ١٦ مرة ، ودي حركة بيعبر بيها جسمك عن اعتراضه على الكدب اللي انت بتقوله ..
= لا دا انا عندي برد بس
- الشخص اللي بيكدب عينه بترمش وهو بيتكلم اكتر من ضعفين المعدل الطبيعي بتاع اي حد ..
= لا دا فيه تراب دخل في عيني وانتي بتنفضي السجادة
- طول ما انت بتحكي حكاية الأكوان الموازية بتاعتك بتشرب سجاير وبتنفخ الدخان لتحت ، ودا انعكاس لحالة عدم ثقة في نفسك ولا في كلامك
= يعني أنفخ في وشك وانتي عندك حساسية ؟
- اول ما عملت نفسي مصدقاك بدأت تنفخ دخانك لفوق ، ودي إشارة لرجوع ثقتك في نفسك واحساسك بالأمان والسيطرة ..
= لا دا انا زهقت من النفخ لتحت ..
- لما قولتلك في أول كلامي اني شوفتك في ابو الفدا مع واحدة شقرا ، دا كان مجرد طعم ، انا شوفتك في ميدان الفلكي مع واحدة سمرا ، وانت كلت الطعم ووقعت بلسانك وقلت الحقيقة ، ليييه ، عشان عقلك الباطن استدعى الصورة الحقيقية وصورها زي ما حصلت وهو معتقد أنها نفس الصورة المزيفة اللي انا ضللتك بيها ، حيلة نفسية قديمة جدا كانوا بيعملوها المحققين الألمان مع أسرى الحلفاء في الحرب العالمية التانية ..
= ..............
- تاخد القاضية في الحتة الفاضية بقى ؟
= إديني
- امبارح قبل ما تنزل كنت لابس آندر شيرت تحت القميص ودلوقتي انت مش لابسه ، و دا معناه انك قلعت هدومك برا البيت .
= امممممممم ، إنچي سمعتي عن نظرية **** أمر بالستر ..
