مشكلة مشكلة اليوم

[زينة البراري]

في حاجة اسمها رصيد الستر و الشخص دا رصيده من الستر خلص و دا الي خلي صاحبتك تقفشه و في الحالة دي بيبقي الشخص محتاج فرصة و بعدها بيعمل حاجة من الاتنين
الاولي انه يبطل القرف دا و ميعملش كدا تاني
و التانية انه يرجع اسوء من الاول و يعملها تاني و ساعتها هيقع في ناس مش هترحمه
لكن تصرف صاحبتك مش غلط

وليه ميكونش اصلا خد فرصة قبل كدة والمرة دي كانت تاني مرة بعد اول فرصة

 

[DARK LEVEL]

وليه ميكونش اصلا خد فرصة قبل كدة والمرة دي كانت تاني مرة بعد اول فرصة

لو دي تاني فرصة كان راح القسم و اتبهدل و اكيد مكنش هيبقي موجود كمية الصور الي اتمسح من علي موبايله دا غير ان واحد زي دا متعود انه يلقط صور و اكيد بيعمل حسابه في كل مرة يقفل فلاش الموبايل لكن المرة دي **** نساه علشان يتقفش ويتعظ

 

[bibo88]

مشكلة لسه طازة وطالعة من الفرن حالا قولت الحق احكيها قبل ما الجبنة تبطل تمط هههههههه وهي بختصار ان في زميلة عمل كانت قاعدة امبارح في كافية المفروض محترم وكل الل بيقعدوا عليه محترمين وفجاه اكتشفت ان الشخص اللي قاعد على التربيزة اللي جمبها بيصورها ولوا انها خدت بالها من الفلاش بالصدفة مكنتش عرفت والدنيا قامت مقعدتش وبعد ما ادارة المكان اتدخلت وفتحوا فون الشخص دة وشافوا الصور اتضح انه مصور بنات وستات كتير فى اوضاع مقرفة من غير ميعرفوا ولا ياخدوا بالهم فى الشارع والمترو والمواصلات والكافية وفي كل حتة تقريبا ولولا ان زميلتي دي هبلة وقلبها طيب اكتفت ان الناس يعملوا فورمات لتليفونة وسابوة يروح وانا كان رائ واضح وصريح وهي انها كان لازم تبلغ الشرطة والشخص الزبالة ده كان لازم يتحبس ويتبهدل عشان يبقي عبرة لغيرة وهي بكل هبل الدنيا بتقولي حرام مستقبلة يروح وهو حلف انه مش هيعمل كدة تاني فمين فينا بقي الصح ومين الغلط ؟

مش بقولك بقيت اخاف من مشاكلك 😂