سؤال مشكلة مشاكل بين الاخوات

[mrwan tawfik rabia]

دى مشاكل بعض الناس مع اخواتهم وهى مشاكل حقيقة ممكن تساعدني اصحابها ببعض الحلول لمشاكلهم


انا طاهر عندى 28 سنة وعندى اخت عندها 25 سنة وبابا رجل اعمل ناجح وحالنا مرتاح يعنى ف انا بشتغل مع بابا فى الشركة وساعات بضطر انا وهو نسافر اوقات كتير بلاد تانية لاتمام صفقات يعنى وساعات امى كمان ف انا ابويا كنا مسافرين ألمانيا علشان نخلص صفقة يعنى وبابا قال انو هيقضى وقت هنا وبعت لامى علشان تسافر تقعد معاه وانا مارضيتش اسيب اختى فرجعت واتحركت على بيتنا لقيت اختى نايمة مع حد غريب وكان عريانين ف انا زعقت ومسكت الواد ده عدمته العافية وحبست اختى فى الاوضة و قعدت معاه وهو قار ليا انو بيحب اختى ومستعد يتجوزها ف انا مضيته على وصل بعشرة مليون جنيه علشان اضمن انو يرجع وسيبت و قولت لها بعد ما أهلى يرجعو يتقدم لاختى وهو وافق ودخلت أوضة اختى ضربتها ونفختها وبعد اسبوعين أهلى رجعو وفعلا الشاب ده أتقدم والموضوع مشى لحد ما اتجوزت وقطعت الوصل وطول الفترة كلها كنت مقاطع اختى ومش بتكلم معاها خالص واهلى شكو انى نتخانق معاها وعدى سنتين على الموقف ده والراجل بقى شخص محترم وكويس ناجح ولكن انا برضو مش بتكلم مع اختى فهل انا ليا حق انى مكلمه اختى لان الى عملته حاجة مش صغير ة ولا ارجع كلامها


انا محمد عندى اخ تؤام اسمه مصطفى انا واخويا فى نفس كلية دلوقتى والحمدلله متفوقين فيها لكن هو ساعات بيجيب تقدير أعلى منى ومن زمان وساعات انا بجيب أعلى منه المهم بابا على طول يقارنونى بيه ويقولو ليا اتعلم من اخوك اخوك بيعمل اخوك بيسوى خليك زيو سبحان **** من نفس البطن وشوف الاختلاف وشوية شوية زمايلىبقو بيقولو ليا نفس الكلام وانا مش عايز اسمع كلامهم علشان مكرهش اخويا لانى بحبه بس الموضوع وسع قوى فخايف يكونو عندهم حق وكمان خايف لو سمعت كلامهم اكره اخويا ممكن تنصحوني

انا ريم 24 سنة وأخويا الكبير اسمه شريف عنده 28 سنة متجوز ومخلف وانا بصراحة مبرتحش لمراته دى حرباية وعلى طول بتخليه يتخانق معايا وساعات كان بيضربوا بس بابا كان بيزعل معاه ويضربه على تصرفاته دى وانا مش بعمل حاجة وحشة ولا غلط انا محجبة ومتدينة بس هو الى على طول بيتخانق معايا بسب مراته و ابويا من سنتين وشوية كده اتوفى وكان ابويا عنده محلات سوبر ماركت كتير ده غير حسابه الى فى البنك ف ابويا قبل ما يموت قسم كل حاجة بالنص بينى وبين اخويا ف بعد ما بابا اتوفى بشوية كده اخويا اقترح ان كل حاجة تفضل زى ما هى وخصوصا لانههو الى كان بيدير كل حاجة وانا وافقت و المحاسب بتاعنا كان صاحب بابا ف كل اخر شهر يتصل بيا ويقول ليا يا بنتى احنا حققنا ربح كذا انتى ليكى نصه وشريف كان بيبعت مراته تجيب ليا الفلوس كانت بتيجى ناقصة بس مش كتير يعنى الف الفين تلاتة كده ف انا كنت بسكت علشان معملش مشاكل وانا كنت فى اخر سنة ليا فى طب أسنان ف محتاجة اركز ف أتقدم ليا عريس من طرف الحرباية وانا قولت لاخويا يا شريف انا محتاجة اركز فى دراستى ممكن تخلى موضوع الجواز بعدين هى بقا قعدت تقول البنت ملهاش غير بيت جوزها والكلام الاهبل دهومرة روحت لشريف المكتب بتاعه وكان الباب مفتوح ف سمعت بنت الجزمة بتقول لها احنا عايزين نفض الشراكة دى انتا لازم تعمل اى حاجة وتبعدها عنك بدل ما هى زحماك بمشاكلها وهى على قلبها قد كده ف اخويا رفض بس انا عرفها زنزانة وانا مش عارفة اتصرف ازاى اسكت وارضى ومخسرش اخويا الى فاضل ليا ولا اتكلم ويزعل منى

انا عمرو عندى 27 سنة متجوز ومخلف بنتى رقية ومستقر وعايش بعيد عن أهلى لكن على طول بروح لهم لوحدى وساعات مع مراتى علشان والدى متوفى وعندى اخ صغير عنده 16 سنة و اخويا بيتصرف تصرفاتمراهقين مش بتذاكر مهمل فى دراسته وكمان مرة قفشته وهو بيتفرج على افلام سكس بس هو لحق نفسه وكمان اخويا مش بياخد فلوس منى خالص وانا مش عارف اتكلم معاه ازاى انصحه ازاى اخليه يبعد عن الحجات الوسخة دى ازاى وانا كل ما اجى اتكلم معاه الموضوع يقلب معانا بخناقة ف ممكن تنصحوني

انا احمد عند 22 سنة عندى اخ اكبر منى اسمه مالك 28 سنة ومالك عنده خبرة فى كل حاجة اكتر منى ف كنت بستشيره فى حاجة بعملها وديما كنت بكون كسبان وخطبت من شهرين وان اصلا كل حاجتى جاهزة شقتى شغلى عربيتى وكده وحددت فترة الخطوبة دى للتعارف بس فكل مكان بروحه او كل حاجة بعملها بستشير اخويا زى عادى فمرة خطيبتي اقترحت عليا نخرج فى مكان جديد كده بس فى كلام عليه كتير واخويا علشان شغله فى الناحية دى نصحنى مروحش وقوات لها ولكن هى اضايقت واتخانق معايا وقالت ليا انها مش هتعرف تكمل معايا لو فضلت بسأل اخويا فى كل حاجة فى حياتى مع ان المكان طلع فعلا فيه حاجة والبوليس جه ف انا مش عارف اعمل ايه اخويا بينصحنى وانا بستفيد منه مش عارف هى عايزة تفرق بينى وبينه ولا انا غلطان فعلا

انا كريم عندى 25سنة وعند اختى تؤام وأخ أصغر من بسنتين وانا لسه شاب سافرت إيطاليا تهريب وانا عندى 18 سنة وهناك اشتغلت وعيشت و اتعلمت ومن كتر القعدة مع الطاليان نسيت شوية العادات بتاعتنا ف لما اخدت الإقامة واشتغلت وكونت فلوس حلوة جدا رجعت مصر ورجعت بقيت مبعرفش اتعامل مع اختى زى زمان مش عارف اتكلم معاها ولا هى حتى بتحكي ليا حاجة حتى اخويا الصغير مش بيتكلم معايا وكمان عرفت انهم مكنوش بسيرفر الفلوس الى كنت ببعتها لهم ف مش عارف اعمل ايه علشان اكسر الحاجز الى بينى وبين اخواتى

اضغط لقراءة المزيد...