((ازيكم يارجااله..قصه جديده بشارك بيها في المسابقه..فلو متعرفنيش ف انا اخوك ابراهيم واسمي في المنتدي""البروفيسور"""ركز معايا عشااان انا بحب العب بالالغاز..ف خلينااا نقووووول....•
♪يا أهلاً وسهلاً بيكم فـــــي حكايه[لأخـــــــر نـفــــــس{نـهـــايـــة الـعــالــم}]♪
."نهايه العالم؟؟دي كلمه اخر كام سنه انته سمعتها كتير صح؟؟قصص!!ومسلسلات وافلام..ثم ان الناس برده بتحب تتفرج علي حجات من دي..أنا بقولك الكلام ده لان احنا دلوقت في سنه 2112..ف زمان اوي كانت البلاد كل ما يمر عليها الزمن بتتقدم وتتطور...لاكن دلوقت الوضع اختلف اعداد البشر زادت ومن بعد""الحرب العالميه الخامسه"""وهو في حروب اسبابها الموارد..ثم اخر كام شهر في تحذيرات ان الفضائيين بيحاولو يدخلو البلد..ومهددين بالدمار..وللأسف ممكن معاه نهااية البشريه..والإنقراض التام""
[•الجــــــــــــزء الأول•]
((أعرفكم بنفسي..أنا الدكتور "نوح سماره البليهلي" عندي 26سنه دكتور في زمن أوشك علي النهايه.."الوصف لأي شخصيه هتظهر في نهايه الجزء"أنا الإبن الوحيد معنديش آخوات كنت عايش مع آبويا سماره وآمي سلمي قبل ميموت آبويا وحالياً عايش مع أمي سلمي لوحدنا..آبويا مات مقتول من عصابات واشبآه الرجال اللي انتشرو في البلد..منعرفش مين اللي قتلو تحديداّ..بس هيا عصابه طلعت علي عربيته قتلته وخدت كل اللي معاه وخدو العربيه..أما والدتي سلمي ف هياً كفيفه"فاقده البصر"عايش معاها وبرعاها ومليش غيرها..أنا دكتور معنديش عياده..شغال في مستشفي حكوميه في البلد شغال بقالي ٣ سنوات ايوه متستغربش كليه الطب بقت ٥ سنوات بس مش سبعه))
[{•مــبـنــــي آلـمــــيـريـــا•}]
"ده زي شركه كبيره ضامه كبارات العالم دول اللي بسببهم بتقوم وقايمه حروب الموارد دول اللي لو حد هيعيش بعد النهايه ف مفيش حد اكثر فرصه منهم للعبور من الهلااك القادم..طب وفين الجيش وازاي ميكنش هو اللي بالقوه دي.؟؟قولت مسيطرين علي كل حاجه فيها موارد تساعد علي العيش من طعام لشرب لغاز لبترول كل حاجه تحت ايدهم..وبيطلعو جرعه بسيطه للجيش اللي بيحكم الخمس دول عشان يفضلو تحت طوعهم..خمس دول..خمس دول اي..؟؟بعد الحروب والهلاك اصبح العالم منعدم والدول لا تصلح للعيش فبقت الهجره طبيعه ولابد منها في دول اختفت لا معظم الدول اختفت..ومعظم الناس متجمعين حالياً في(آسيا..آوروبا..آفريقيا..آمريكا..آلمانيا الشماليه)قاره اسيا اصبحت دوله آسيا وليست قاره وكذالك آوروبا وآفريقيا اللي اختفت فيها جميع دول شمال آفريقيا وعلي رآسهم مصر أما أمريكا فهيا كانت ومزالت الأقوي في العالم ومازلت دوله لواحدها ولاكن يسكنها من جميع انحاء العالم وكذالك آلمانيا الشماليه..الدول ملهاش رؤساء..فيها مجموعه من البشر..بيوهمو الناس بالحمايه وده عشان يبقو في مرتبه اعلي نسبياً عن السكان..ولاكن الحكام اللي بجد موجودين في مبني آلميريا الموجود في دوله""آسيا"".
-::الـــــــــوقــــــت الحــــــــــــالــــــــــــي::-
[{•نـــــــــــوح•}]
"في مستشفي في دوله"آمريكا"الناس ماليه الأرض وطرقه المستشفي علي نور خافت جداً ولمبه في أخر الطرقه بتولع وتنطفئ وصوت الكحه من سيده عجوز تنام في أرض طرقه المستشفي مرتفع جداً..داخل من باب المستشفي اربع رجال يرتدون ملابس تشبهه اللبس العسكري وعلي صدرهم يرتدون صديري بلاستيك واقي رصاص مصنوع من مواد متقدمه..وعلي كتفهم حزام السلاح اللي نازل في جمبهم..كانو شايلين واحد لابس شبهمم ووشه كان غرقان ددمم ورقبته وداخلين بيزعقو وبيدوسو في الناس اللي مرميه في الأرض..بيجري عليهم ممرض بيشيل معاهم بس المعامله حتي مع الممرض كانت صعبه"
شخص١"كبيرهم".:فين..فين الجراح اللي هنااااا
الممرض:في العمليات..وارجوك تفهم احنا في مستشفي
شخص١:هتتهد لو اللي علي ايدي ماات"بيزعق في الممرض"فين اوضه العمليات
الممرض:حضرتك سلمنا المريض واحنا نقوم باللازم لحد م الدكتور يخرج..انته شايله ودمه بيتصفي ف ايدك
شخص١:."بيرفع ايد وبيناول الممرض بالقلم"سالتك فين اوضه العمليات
""الممرض بينخ وبيخاف لما بيشوف الأسلحه ف جمبهم وبيشاور وبيوصف مكان غرفه العمليات""
[{•غـــرفـــه الـعـمـلـيــــات•}]
"واقف نوح لابس الكمامه والجوانتي وقدام منه مريض بطنه مفتوحه مصاب داخلي بالرصاص وواقف معاه ممرضه بتساعده والمريض مبين الحياه والموت وفي لحظه من اللحظات باب الغرفه بيتكسر وبيدخلو الأربعه اللي علي ايدهم زميلهم المصاب الغرقان في دمه"
انا"نوح".:اي اللي بيحصل اي ده في اي
شخص١:لبسنا عرفك احنا مين لو اللي علي دراعي مات هتموت وراه
أنا:انته مجنون ولا تعبان لو مخرجتوش من هنا اللي علي السرير هيقطع النفس اطلعو بره
شخص١:اللي علي السرير خلاص مات شوف شغلك يا دكتور""بيسيب ال٣ يشيلو زميلهم وبيسحب خنجر من جزمته ام رقبه طويله""بياده الجيش""وبيقرب من السرير وبيرشق الخنجر في رقبه المريض اللي كان بيتعمله العمليه الممرضه بتحط ايده علي بوقها من الخوف وكانت هتعيط حرفياً ظلم في ظلم مستني اي منهم بيشد الأجهزه اللي كانت متوصله في المريض وبيقلبو من علي السرير في الأرض وبطنه مفتوحه ليسقط ما بداخل بطنه بجواره علي الأرض وبيحطو علي السرير زميلهم المصاب"
شخص١:شوف شغلك يا دكتور
((انا واقف ببص للمريض اللي وقع في الارض وبطنه مفتوحه قدامه وشايفه روحه بتطلع منه..شخص٢ بيقرب مني وبيخبطني ف كتفي فببصله))
شخص٢:الكبير قلك شوف شغلك..لو مات هتموت
أنا:عمر شغلي مكان بالطريقه اللي حصلت دي.؟؟
شخص١:معلش وبلاش تلعب في عداد عمرك
""خوفت علي نفسي وخوفت علي الممرضه اللي معايا فخرجت الرصاص اللي مصاب بيه واتنقل في اوضه تانيه مزدحمه ولاكن بقوتهم فضيت الأوضه وبقت ملك ليه هوه وبس""
[{•بـيــــــت نــــــــوح•}]
""بيت متواضع جداً جداً في صاله البيت تجلس أم نوح"سلمي"علي كنبه وجمب منها راديو لاسلكي بينقل الآخبار"راديو صناعه متقدمه"موطيه ودنها علي السماعه وبتسمع الآخبار وعينها مفتوحه ولاكن كفيفه لا تري بعينها شيئ..صوت الباب بيخبط مره واتنين وتلاته بتقوم سلمي ام نوح وبتسند بإيدها علي الحيطه وبتمشي في اتجاه الباب علي الصوت لحد مبتسند علي الباب من جوه""
سلمي:مين..؟؟
أنا:نوح ياست الكل أنا نوح متقلقيش افتحي
""سلمي بتحسس علي الباب لفوق وبتفتح ترباس وبتنزل لتحت سيكا وبتفتح ترباس تاني ولتحت شويه ترباس تالت الباب بيتفتح وبيدخل نوح بيسلم علي أمه وبيدخل وبيتربس الباب بال٣ ترابيس تاني""
أنا:أكلتي ولا لسه
سلمي:هاكل معاك لما تغير هدومك
أنا:الراديو بيقول ايه النهارده""بقرب منها وبحط ايدي ورا ودنها وبشيل زي سماعه بجهاز تسجيل صغير وبحط ايدي ورا ودني وبشيل نفس السماعه بالجهاز من عندي وبحطهم في الحمام وبفتح جمبهم المايه بحيث ان الصوت يبقا كلو مايه""السماعات دي حكومه البلد لكل عضو في البلد بحيث يسمعو كل اللي بيتقال ويلحقو الخطر قبل ميحصل واللي بيتمسك ماشي من غير الجهاز بيبقا متمرد ضد البلد""طلعت قعدت جمب سلمي ومسكت ايدها"
سلمي"أم نوح".:انته خلعت الأجهزه لي
أنا:عايزين نمشي من البلد
سلمي:نمشي..؟؟نمشي نروح فين مفيش استعمار افضل من هنا
أنا:أسيا دوله أسيا هناك مكتب ألميريا الناس هناك مش بتتعرض للظلم بالكتره زي هنا
سلمي:هو في اي لي عايز تهاجر وفجأه كده
أنا:الكل بيمشي الكل بيدور علي الحياه أمريكا الأفضل والأقوي بس ده كان الأول دلوقت الأعداد زادت ف بقا القتل سهل الحكومه بتصفي الناس
سلمي:القتل طول عمره كان سهل ولو مشينا من هنا مش هنعيش فوسط الناس اللي هناك
انا:احنا من بعد موت ابويا واحنا مش عايشين يا ماما
""بقوم بدخل الحمام بقفل المايه وباخد اجهزه السماعات وبرجع بقعد جمب سلمي وبلبسها الجهاز في ودنها وبطبع بوسه علي خدها.وبلبس جهازاي لنفسي""
أنا:عايزه تكلي اي يا حبيبتي
[{•حـكـــــومـــــه آمــــــريـكـــــــا•}]
""في مبني الحكومه مبني ضخم ولاكن مش جديد او مبهر من بره لا تحسه مدرسه اكتر من انه مبني حكومه واقف عليه حرس من بره لابسين لبس الجيش في البلد وعلي صدرهم واقي الرصاص وعلي بوقهم لحد نصف ووشهم ورأسهم بالكامل مغطي مش ظاهر منهم غير عينيهم ويحملون الأسلحه..في داخل المبني في حاله من الهمجيه والركض المستمر ويوجد في جوانب المبني زنزانات يتواجد بها المساجين منظرهم يحسسك اننا في العصور الوسطي ازاي شكلهم متبهدل والمكان متأخر للدرجه دي وده عزيزي القارئ بسبب الحروب والنزاعات المستمره..شخص عسكري منهم يحمل سلاحه ويخطو خطوه تلو الأخري بسرعه لحد مبيوصل قدام غرفه بابها حديد ومكتوب علي الباب""الرائيس""بيخبط وبياخد إذن الدخول فبيدخل"
العسكري:قاسم باشا في كائنات غريبه ظهرت شمال البلد والطائرات بتاعتنا لقطتها بالكاميرات
الرائيس قاسم:كائنات..؟؟الكلام ده احنا بنقوله للناس عشان نخوفهم وانا الفضائيين هيحتلو الأرض..انما تقول كائنات..آمر مني الطياره اللي ارصدت الكائنات تهبط وصاحب التقرير يجيلي علي مكتبي باللقطات اللي ارصدتها الكاميرات
العسكري:تحت آمرك قاسم باشا
قاسم:وتاخد قوه وتتحرك علي شمال البلد تنشطلي المنطقه هناك وفي غضون ١٢ ساعه تكون جايبلي تقرير علي مكتبي بالأحداثيات..يلاا
[{•نـــــــــــــوُُُر•}]
"'في بيت ماا من بيوت البلد"أمريكا"يوجد بيت يعيش فيه فتتان "نور وصديقتها آنيتا"نور تبلغ من العمر 22عام وآنيتا تبلغ من العمر 25عام""في صباح اليوم كانت نور واقفه في نصف صاله المنزل النضيف لو هنقارن بينه وبين منزل نوح كانت تقف نور وهي ترتدي بنطلون واسع قماش وتيشيرت كات ضيق وتمسك في ايدها سيف طويل جدا وبتلف وبتدرب بيه وفي ظل التدريب والخبط آنيتا صديقتها بتخرج من الأوضه وكان علي وشها علامات الصحيان من النوم نور بتشوفها بتقف"'
آنيتا:بقالك سنتين بتدربي وبتصحيني من غير فايده
نور:الأول كنت بتدرب عشان انتقم من اللي قتلو اهلي كلهم ويتموني..بس بعد معرفت امسك الأسلحه اكتشفت ان انا اصلا معرفش مين اللي عمل كده.بس انا اتعودت علي التدريب وبحبه ف بقا جزء من يومي
آنيتا:انتي بتتدربي عشان تنتقمي لأهلك""بتتحرك وهيا بتتكلم وتقعد تلي الكنبه""انا سيبت ألمانيا الشماليه وهربت لأمريكا مع واحد كان ضاحك عليا بالحب والكلام الفاضي ده حتي بعد مكشفت حقيقتو مش قادره ارجع لأهلي خايفه ارجع ملقاهمش
مريم:يا حبيبتي"بتقعد جمبها"انتي اختي وانا اختك احنا اهل لبعض وقادرين نعيش وخلاص مش هتدرب تاني وانتي نايمه متعيطيش بقا
أنيتا:انتي اجمل حد في الدنيا دي""بتخش في حضنهااا""
[{•مــبـنــــي آلـمــــيـريـــا•}]
"في مكتب رائيس المبني ورائيس كل حاجه نقدر نقول الراجل اللي حاكم العالم وهو العبقري""جوناثان""قاعد في مكتبه ومعاه مدير فرع من فروع المبني راجل ذو شأن كبير برضه وهو""كارلوس"".
كارلوس:الوضع في ألمانيا الشماليه غير مستقر ياباشا في ثورات شعبيه ضد المجموعه اللي حاكمين البلد
جوناثان:ده طبيعي لما يبقا الاكل قليل الشغل مفيش حتي الهوا ملوث واللي بيتعب من الهوا المستشفيات قليله ولو روحتها الناس فيها فوق بعضها ومعظمهم ميت يبقا لازم الشعب تثور لازم الناس تحس بالخطر
كارلوس:بس ده بيصعب حكم البلد
جوناثان:يقتلو بعض انا هبني عالم نضيف عالم مفيهوش كدب وخداع وحروب بس قبل ده لازم العالم القديم ينضف وكل اللي علي الأرض يموت
كارلوس:طب والفضئيين اللي دخلو الكوكب
جوناثان بيضحك بسخريه:مفيش الكلام ده..الكلام ده احنا بنضحك بيه علي الناس.
كارلوس:ازاي وجاي اخباريه من أمريكا انهم ظهرو في شمال البلد
("بتزول الإبتسامه من علي وجهه جوناثان")
[{•مـــوقــــــــــــع الحــــــــــــدث•}]
"في شمال البلد في طياره خاصه بحكومه البلد تلتقط بكاميراتها المشهد التالي..سفينه فضائيه كبيره علي الأرض في مكان خالي تماماً من البشر..يوجد امام السفينه اشخاص مش زي البشر دماغهم كبيره وعينهم كبيره اوي معندهمش شعر عندهم ٤ صوابع بس""
((شكلهم))"
"عددهم بيزيد مع نزولهم من السفينه الفضائيه بقو حوالي ٧٠ فرد ومازال بعضهم منزلش وطياره الجيش واقفه بترصد اللي بيحصل""
[{•بـيــــــت نـــــــــــوح•}]
""قاعد نوح وأمه بيأكلو وجمب منهم الراديو اللي مشغل موسيقي""
سلمي أم نوح:هو الواد اللي بيتكلم في الراديو ده مهمش عارفين يمسكوه
أنا:هيمسكوه قريب انشاء **** الحكومه عارفه تعمل كده""خايف من تسجيل السماعه بحط ايدي باخد سماعه سلمي اللي فودنها وكذالك سمعتي وبحطهم في الحمام وبشغل مايه جمبهم عشان الصوت وبرجع اقعد مكاني تاني""
سلمي:انته شيلت السماعات لي؟؟
أنا:عشان اقولك انهم عمرهم مهيمسكوه لان ده صوتنا ده اللي بيقول اللي احنا نفسنا نقولوه ده اللي بيتكلم علي ظلمهم لينا
سلمي:بس ده تمرد ولو اتمسك هيتقتل
أنا:هيموت شريف أشرف من كل فرد فيهم
""الراديو واحد مجهول بيتكلم فيه علطول وبيهاجم حكام البلد وبيكشفهم وبيقف مع الشعب والحكومه بتدور عليه بقالها اكتر من سنه بس مش عارفه توصله واللي هيتمسك بيسمعله بيتسجن""
سلمي:وبعد ميموت هيبقا استفاد ايه انتو ك شباب لي بتتمنو الموت لنفسكم
أنا:لاننا تعبنا مش قادرين نعيش اتولدنا في الحرب ومازالت الحرب مستمره هنعيش امته
الراديو بيفصل اغاني وبيتكلم الشاب:ازيكم أنا المتمرد اللي الحكومه بتدور عليا بس انا لو متمرد فكل اللي بيسمعني متمرد بس ده مش موضوعنا احنا مازلنا عايشين في غابه مفيش نظام مفيش عدل الشباب في آلمانيا الشماليه بدأو يتحركو وعلي بعد خطوات من طرد حكومه البلد برا منها وبعدها يختار اللي يحكمهم بمزاجهم مش يبقا بيحكمهم غصب عنهم في كل بلد شعبها يقدر يعمل كده كلامي لشعب آسيا انتو مصدقين نفسكم انتو بتوهمو نفسكم انكم ضعاف انتو عندكم مبني آلميريا منظم كل ده لو الناس اللي ف المبني ده وقعو العالم اتساوي من تاني لاكن انتو خايفين لاكن مش ضعاف ام شعب افريقيا ف هتفضلو مستعبدين طول م الخوف مالي قلوبكم بالمناسبه آمريكا وحادثه المستشفي الحكومه اقتحمت غرفه عمليات دكتور اثناء العمليه كانت بطن المريض قدامه مفتوحه مسكوه ورموه في الأرض وحطو زميلهم المصاب مكانه علي السرير وهددو الدكتور بالموت لو زميلهم منجاش وعاش الظلم مش هيخلص طول ممبني آلميريا موجود..وقبل مختم الحكومه خافيه خبر دخول الفضائيين البلد فعلا الفضائيين هبطت سفينتهم شمال آمريكا الخراااب جاي جاي ونهايه العالم مسأله وقت خلي اخر مشهد ليك علي الأرض بكرامتك.
انا:دخلو البلد ازاي انته كمان بقيت بتتكلم شبهم كده لي
سلمي:اي موضوع المستشفي ده
انا:محصلش الكلام ده في المستشفي عندي ممكن ف مكان تاني ولا حاجه
سلمي:طب كويس طمنتني عليك
انا:انا ال٣ ساعات الراحه خلصو ولازم ارجع المستشفي
سلمي:خود بالك من نفسك بس
انا:تمام متفتحيش لأي مخلوق هقفلك الشبابيك وكل حاجه وانتي معاكي الراديو اسمعي موسيقي وروقي اعصابك لحد مرجع يا حبيبتي يلا في رعايه ****.
[{•نـــــــــور+آنـيـتــــــــا•}]
"'آنيتا واقفه ماسكه سكينه شكلها غريب وبتقشر بيها بطاطس..بتدخل نور وبتلف ايدها علي وسط آنيتا وبتحضنها من ورا وبتقرب من ودنها"'
نور:هتأكلينا ايه..؟
آنيتا:بطاطس وعيش
نور:هنغير الأكله دي أمته.؟؟
آنيتا:لما نلاقي غيرها
نور:طب انا هروح الشغل وأنا راجعه هجيب العيش
آنيتا:خدي بالك من نفسك بس
""نور بتنزل من البيت وبتروح آنيتا تقفل وراها بتطلع نور علي الطريق في نفس الوقت كان نوح لسه واصل المستشفي وكان في حاله من الخوف بسبب التسجيل بتاع الراديو اللي نور وآنيتا مسمعهوش نزلت نور بتشتغل في محل خضار وفواكهه تبع الحكومه الموزع الرأيسي للمنطقه""المواطن بيشتري منها بعملات معدنيه لونها اصفر تشبهه الجنيه الذهب بس هيا مش ذهب اسمها شيك""بتوصل موزع الخضار وبتاخد لبسها بتاع الشغل وبتدخل تغير وبتخرج ومع زبون في زبونه بيجيلها واحد شاب من شكله تحسه خطر اصلا.
الشخص:عايز ب٢ شيك بطاطس
نور:حاضر ثواني
""نور بتلف وشها وبتجيب شنطه ورق وبتحط فيها ٤ بطسطيات ومع لفه عينها بتشوف الشخص اللي بيشتري ده بيخبي تفاح من المعروض في قلب هدومه""
نور:انته بتسرق ايه.؟؟
الشخص:بتسرق ايه اي انا ايدي في جمبي اهو انتي دماغك مش معاكي ولا اي
نور:انته خدت تفاح وحطيته في قلب هدوومك طلع اللي انته اخدته
الشخص:خلصي اللي انا عايزه عشان امشي هاا يلا
نور:مش هتاخد حاجه غير لما تطلع اللي انته اخدته""بتمد ايدها تطلع اللي هو مخبيه بيزق فيها وشده من هنا علي شده من هنا الشاب بيطلع سكينه صغيره وبيشقلها دراعها نور بتمسك دراعها والواد بياخد كيس البطاطس وبيطلع يجري بتشوفه كاميرات طيرات المراقبه اللي في الشارع اللي بتلف وبتراقب اللي وراها.
((شكل الطيااره))
[{•نـــــــــــوح•}]
""نوح في المستشفي في وسط الناس مقعد واحد متعور في دماغه وبإبره وخيط بيلمله الجرح في نفس اللحظه داخله نور بطولها لافه دراعها بقماشه والدم بيسيل علي كف ايدها بتجري عليها ممرضه بتشوفه بتندهلي بشاورلها تدخلها اوضه لحد مخلص الراس اللي ف ايدي دي""
الممرضه بترجعلي:جرح غويط وطويل
أنا:طهري الجرح لحد مجيلك طيب يلا
الممرضه:ماشي يا دكتور
""بكمل خياطه وبلصقله الجرح بالشاش واللصق الطبي وبتجهه للأوضه بلاقي نور قاعد علي السرير قاعده مش نايمه والممرضه قاعده وماسكه دراعها الممرضه بتشوفني بتقوم من علي الكرسي مكانها وبمسك دراع نور اللي كانت بتتوجع جامد وكان جرح غويط وكبير فعلا""
أنا:كنتي بتتخانقي عشان ايه.؟؟
نور:اهه كان بيحاول يسرقني فباخد حاجتي راح معورني
أنا:عرفاه ولا اي
نور:لو شوفته اعرفه بس انا معرفهوش ومشفتهوش قبل كده
أنا:هيحرقك شويه عشان الجرح كبير
""نور بتهزلي دماغها ويخرااابي علي جمالها بحط مطهر علي قطنه وبطهر في الجرح وحاسس بتوجع نور وانا ماسك ايدها جبت ابره وخيط وشكيت وبقيت بخيطلها الجرح وانا بحاول اتكلم معاها بخفف عنها الوجع لحد مخلصت وبدأت الفلها شاش علي ايدها""
أنا:بصي بقا انتي هتخدي المرهم ده هتدهني منو عادي جداً وبعد يومين هتجيلي او لاي حد هيكون موجود هيغيرلك علي الجرح
نور:شكراً جداً يا دكتور..حضرتك عايز كام عمله مني
أنا:كده كلو ٦٠ شيك
نور:٦٠ شيك.؟؟فكلي الجرح تاني
أنا:لما انتي مش معاكي عملات مقولتيش من الأول لي
نور:مكنتش فاكره غالي كده
أنا:هو اصلا ببلاش بس انا بشوف رد فعلك
نور بتبتسم:بجد انا اتخضيت جامد كنت هفك الجرح تاني
أنا:مش للدرجه يعني هو بس حساب المرهم ٥٠ شيك
نور بتضحك:لا مش كل مره خلاص مش هتعملها تاني
أنا:خلاص الصرف بره المرهم ب اتنين شيك بس هتدفعيهم بره
نور:ميش حاجه ببلاش خالص
أنا:انا كشفي وكلو ببلاش اهو العلاج خاص بالمستشفي
نور:شكراً ليك جدا يا دكتور...
أنا:اسمي نوح دكتور نوح مش نوح بس
نور مبتسمه:اكيد دكتور نوح يعني
الممرضه:في حاله حرجه في الأوضه ٦ يا دكتور
أنا:حاضر حاضر جاي وراكي
[{•مـــركـبـــه الـفـضـائـيـيــــن•}]
""الجميع يراقب تحرك الفضائيين اللي واقفين مكانهم مش بيحاولو يدخلو البلد طيارات المراقبه متابعاهم..الي حين اللحظه اللي معاها بينكتب اول سطر من سطور النهايه..بيحصل زي هزه أرضيه قويه مصدرها غير معلوم بتستمر لمده ١٩ ثانيه في اللحظه دي الكل خرج من بيوته يجري البيوت وقعت ولعت هزه قويه جداً دمرت العالم الهزه كانت في الكوكب كله في الخمس دول البيوت وقعت اصلب مبني اللي هو مبني آلميريا انهار الجزء العلوي منه النار مشتعله بقوه في كل مكان نوح خرج من المستشفي اللي وقعت في قلب بعضها نور بتجري في الشارع زي المجنونه عايزه توصل لصحبتها ام نوح علي ضهرها في قلب البيت ووشها غرقان بالدم بعد مسقف البيت وقع عليها وماتت في لحظه من اللحظات بيطلع حوالي ٧ صواريخ من المركبه اللي دخلت من الفضاء في الجو وبيفرقعو في الجو وكل من ينظر لهم يسقط في الأرض نوح بيجري وتعبان عايز يوصل لأمه خايف تروح منه في لحظه اطلاق الصواريخ بينظر للسما ثواني وعينه بتقفل لوحدها وبيسقط علي الأرض وبتسود في عينه...........................
[{•نهــــــــــــايــــــــــــة الجــــــــــــزء الأول•}]
[{•ســنـــة 2025•}]
""في برنامج تلفزيوني مذيع مشهور يستضيف راجل سياسي معروف داخل دوله ""مصر""وبيناقشو القضايه المطروحه علي الساحه""
المذيع:ورجعنالكم من الفاصل لنستكمل حلقتنا الإستثنائيه مع الاستاذ احمد بسيوني..استاذ أحمد قبل الفاصل قولت ان الدول الأوروبيه علي وشك حروب بسبب الموارد طب هل من الممكن الحروب دي توصل لأخواتنا العرب في آسيا دول الخليخ وده بسبب كثره البترول عندهم
أحمد بسيوني:طبعاً لو قامت الحروب اللي بنتكلم عنها هتوصل لأي دوله واقفه علي رجليها وفيها اسثمار ومستثمرين..استاذ سعد احنا مش كعرب مش هناخد خطوه في اتجاه الحرب وده لسببين اولهم ان الدول العربيه حالياً من انشط الدول السياحيه ف مش هناخد خطوه ضد الخراب..ثانيهم وده الأهم ان الدول الأوروبيه اقوي مننا ودي حقيقه شيل حكايه ترتيب الجيوش وان ده في المرتبه دي والحجات دي..لا وقت الحرب الذكي بينتصر مش الأكتر ولا الاقوي..والتاريخ يشهد مصر مكسبتش حروبها بسبب قوتها.
المذيع(خالد).:طب منتا بتقول ان الحرب بالذكاء اهو..اي بقا هنخسر بسبب انهم اقوي مننا لما هيا بالذكاء.؟؟
احمد بسيوني:ده دليل انهم اذكي مننا لان انا مقصدش قوه جيوشهم قد مقصد قوه عقولهم
المذيع(خالد).:معانا خبر عاجل علي الهواء..من يومين ظهر كائن مرعب في بحر آمريكا العالم كله بيتكلم عنه والكل عارف وفاهم خطوره الموقف..بعدها بدآت المراكب والسفن في آمريكا تغرق وتنفجر في قلب البحر وده اسبابه غير معلومه ولاكن بسبب ظهور الكائن الكل معتقد ان هو من ورا ذالك..آمس اختفت في مصر سفينه بطاقمها..الكل يعلم هذه المعلومات وتحدثنا عنها مع الاستاذ احمد قبل قليل..الخبر اللي معانا ان ظهرت علي شاطئ اسكندريه رأس بدون جسد واثبتت إنها رأس فرد من أفراد طاقم السفينه""
[{•شــكــــل الـكـــــائـــن•}]
[{•الـجـــزء الـثــــانـــــي•}]
♪يا أهلاً وسهلاً بيكم فـــــي حكايه[لأخـــــــر نـفــــــس{نـهـــايـــة الـعــالــم}]♪
""نوح بيجري وتعبان عايز يوصل لأمه خايف تروح منه في لحظه اطلاق الصواريخ بينظر للسما ثواني وعينه بتقفل لوحدها وبيسقط علي الأرض وبتسود في عينه."
[{•مــبـنــــي آلـمــــيـريـــا•}]
”"قبل دقايق من اطلاق الصواريخ وحصول الهزه الأرضيه..قاعد كارلوس مدير فرع من فروع المبني وصديقه فارس مدير فرع اخر من فروع المبني"”
فارس:انا دلوقت اللي فهمته انا جوناثان ناوي يدمر العالم كله لأجل بناء عالم جميل وألطف وزهري ليه هوه وزوجته
كارلوس:الخير والشر موجود من ايام قابيل وهابيل ف مش هينتهي الخير ولا هينتهي الشر الا بقيام الساعه لاكن البشر طماع ومهما دمرت وبنيت لازم يبقا في خير وفي شر..وطول م جوناثان مسيطر علي المبني والصاروخ يبقا في ايده تدمير الجزء الفاضل من العالم
فارس:هو هيضرب الصاروخ امته.؟؟
كارلوس:لسه((المبني بيتهز بسرعه اوي وبتبدأ الحجات تقع من مكانها والمبني بيتشقق وبيقع من فووووق))
فارس:المبني بيقعع
((بيبدأو يجرو ويخرجو بره المبني الكل بيجري والبيوت كلها بتنفجر..ملحوظه:اعضاء المبني مبيلبسوش اجهزه سماعات التسجيل عشان كده بيتكلمو عن الإنقلاب ودماغهم مرتاحه))
[{•الــ~ـــــــوقــ~ــــت الحـــــــ~ـــــالــــــ~ــــــي•}]
[{•نــــــــــــور•}]
""بعد الصورايخ اللي انضربت في السما ونظرت اليها نور وفقدت الوعي بتستفيق وبتفتح عينها واحده واحده ولاكن في نور قوي جداً ضارب في عينيها لحد معينها بتركز وبتلمح اربع فضائيين واقفين حوالين السرير اللي نايمه عليه وفي ايديهم مقصات ومشارط وآدوات الدكاتره في غرفه العمليات ويرتدون الكمامات"'
((الـمـنـظـــــر))
""شكلهم كان مرعب جامد مش فاهمه هيا فين ولا بتعمل اي ولا مين دول كل اللي كان ظاهر علي وشها هو الخوف وفي علامه غرز فوق حاجبها وتمت الخياطه بإيد النرم اللي حاطت صباعه علي بوقه ده بترفع جسمها وبتقعد بتلاقي نفسها عريانه ملط بترفع ايدها بتداري بيها صدرها وبتضم رجليها لتختبئ اعضائها وبتبص حواليها بتلاقي نفسها قاعده علي سرير فوسط مئات السراير في مكان تحسه معمل كده تحاليل وبتاع هو حقيقه جزء من المركبه الفضائيه من الداخل بتلاحظ نور ان كل من علي السراير مفيش حد لابس هدوم خالص رجاله او ستات كله كما ولدته أمه وفي جزء مستيقظ والجزء الأكبر لسه مش فايق...خلينا نفكركم ان الزلزال والصواريخ انضربو في آمريكا ولاكن انتشرو في كل العالم وكانو مؤثرين جامد ولاكن الفضائيين في آمريكا ومبني آلميريا في آسيا ف يلا بينا نروح نشوف الوضع هناك إيه اخباره
[{•مــبـنــــي آلـمــــيـريـــا•}]
""البلد هاديه جداً المباني متدمره والرمال طاغيه علي معظم الأماكن مبني آلميريا اصبح متدمر ولا يصلح..داخل المبني قاعد جوناثان علي كرسي كله حطام وتراب ويرتدي نضارته ويمسك في يده قلم وأمامه ورقه ويكتب بهاا {{النهارده اليوم السادس عشر ومازالو الناس لم يستفيقو في عالم اصبح متهالك وبدون أكسجين وقد حان وقت بناء الأمبراطوريه}}بيقف وبيمشي بحزر لان المبني بيقع حرفيا لحد مبيوصل قدام كراتين كبيره ومرصوصه فوق بعضها بيفتح واحده منها بتبقا كلها مليانه قناعات أكسجين من دي""
((الـشـكـــل))
""ازاي جوناثان مفقدش الوعي زي باقي الناس ازاي جوناثان عرف ان العالم اصبح من غير اكسجين القناعات دي كانت معاه بتعمل اي اي خطته للي جاي ده هنعرفو قدام""
[{•نـــــــــــوح•}]
""نايم علي سرير عريان ملط في قلب المركبه وجمب منه فضائي حاطت ايده علي دماغ نوح اللي ثواني وبتبدأ رموش عينه تهتز وعينه تفتح واحده واحده لحد مبيشوف الفضائي واقف جمب منه وحاطط ايده علي رأسه بيتخض من شكله الفضائي بيشيل ايده وبيحط صباعه علي بوقه بمعني اسكت"شششش"نوح قاعد ملاحظ انه ملط بس شايف كل السراير عليها بشر زيه والكل عريان..علي الجانب الأخر نور قاعده علي سريرها وبتحاول تداري بإيدها اعضائها اللي باينه ومكشوفه وحاسه بصداع رهيب تحس دماغها هتنفجر انا قاعد ونفس الموضوع صداع رهيب في دماغي ملاحظ ان كل اللي علي السراير فايق مفيش حد لسه نايم لحد مبينفتح باب للمكان اللي احنا فيه وبتدخل فضائيه""
((صورتها))
"وبتقف قدام الباب اللي دخلت منه اللي بعد مدخلت بيتقفل وراها لوحده علطول..وبتقف بتتكلم بلغه غريبه بس المفاجئ بالنسبالي ان في صوت في دماغي بيترجملي اللي هيا بتقولو هل ده سبب الصداع هل زرعولنا حاجه في دماغنا بقيت خايف اي اللي بيحصل ده هو في اي..هقول الكلام المترجم علطول يعني لما اقول الفضائيه قالت كذا اقصد انها اتكلمت والترجمه اللي فدماغي ترجمته كذا فاهم"
الفضائيه:اهلاً بيكم يا اهل الأرض..أنا "سيماج"زوجه قائد المركبه..وجع الرأس الذي عندكم فهو دقائق معدوده وهيختفي..كوكب الأرض اصبح ملك لنا الي حين أخذ الشئ الذي جئنا لأجله وسنرحل فيجب ان تتعاونو معنا لنرحل في أسرع وقت إن أمكن..احنا راجعين ناخد اللي اخدتوه مننا من سنين.
بنت في حدود ١٧ سنه:محتاجين مساعدتنا؟؟ازاي واحنا مش عارفين نساعدكم في ايه اصلا
سيماج الفضائيه:الكائنات بتاعتنا اللي أختفت من علي كوكب""زحل""في ظل وجود أفراد الأرض لإستكشاف الكوكب..في سنه 2019.
""أنا قاعد مش فارقلي كل اللي بيتقال قد ممستغرب هيا ازاي فهمت البنت ولغتها في حاجه غلط بتحصل""
نور:طب طب ممكن ترجعولنا ملابسنا
سيماج:لا..انتو تحت سلطتنا وحكمنا وهتلبسو ملابسنا احنا..زي اللي انا لبساها كده(ارجع للصوره).
نور:طب هيا فين أي حاجه فين ملابسكم دي
سيماج:مش ده المهم الأهم ان صواريخنا نشرت غازات في الجو وانعدم الأكسجين اللي هيطلع بره المركبه هيموت..لي نشرنا الغازات دي عشان تخافو وتفضلو تحت ايدنا..البلاد الاخري اللي هيفوق هيموت من كتم النفس بعد ميفوق انتو اللي يهمنا فيكم ذاكرتكم اللي وقت منا بكلمكم بتتنسخ منكم عايزه الماضي عايزه تاريخ اللي كانو علي كوكب"زحل"عايزين وحوشنا وحراس كوكبنا
[{•جـــــونــــاثـــــان•}]
""بعد مشاف قناعات الأكسجين في الكراتين جوناثان بيخرج من المبني من غير قناع اكسجين وبيتنفس طبيعي في ظل عدم وجود اكسجين علي الكوكب وده المخاطر بتعتو كتيره جداً جوناثان نازل علي سلم في قلب مبني آلميريا المتهالك بعد الهزه الآرضيه اللي حصلت لحد مبيوصل قدام باب زي باب الاسانسير وجمب منه علي الحيطه صندوق متعلق مقفول بيمد ايده بيفتح الصندوق بيبقا جواه لوح قزاز صغير قد الموبايل كده بصباعه الكبير بيفضل ضاغط عليه لحد مبيظهر علي اللوح ده أرقام وحروف بيكتب رمز مكون من أرقام وحروف بيتفتح الباب اللي قدامه وبيرجع اللوح مكانه وكان ورا الباب موجود عربيات ٣ عربيات بيقرب لوحده منهم وبيركب وبيجيب السلوك وبيلمس بيهم العربيه بتدور وبيخرج بيها في ساحه المبني من تحت وبيبدأ يطلع ويحدف كراتين قناعات الأكسجين ويحملها في العربيه"
((شكل العربيه))
""ركب العربيه واتحرك وبقا كل حد يشوفه واقع علي الأرض يلبسه قناع ويسيبله رساله التوجهه قبل الي مبني الميريا قبل ما اكسجين القناع ينفذ وهكذا لبس كارلوس وصديقه فارس وناس كتير الغرض مش انقاذ كل البلد لان ده مستحيل الغرض بناء بلد كلها خاضعه ليه بمزاجها وبعد الأكسجين اللي معاه اللي هنعرف مصدره قدام اظن هو الملجأ الوحيد لكل سكان الأرض مش البلد بس""
[{•نـــــــــــوح•}]
""كان التحرك في قلب المكان عادي كانت الستات لبسو لبسهم اللي زي زوجه قائد المركبه مكانت لابسه عباره عن برا وآندر ولاكن مش قماش لا شبه البلاستيك كده كان واضح في الصوره اما الرجاله فلبسو من نفس الماده حاجه مبين البوكسر والشورط كده اقصد في الطول علي الفخد يعني...كنا لبسنا وقعدنا كنت اعرف ناس من اللي موجودين منا دكتور وداخل وخارج عليا ناس معظم الوقت انا كنت بلف علي السىراير بأمل اني اقابل سلمي""والدتي""مع اني عارف انه صعب جداً في نفس الوقت كانت نور بتدور علي صحبتها آنيتا وملقتهاش ورجعت قعدت مكانها فاقده الآمل وعينها مدمعه انا خدت بالي منها وهيا بتدور بس مردتش اتكلم لاني كمان كنت بدور بس ملاحظ لهفتها في التدوير وهيا بتبص علي وشوش البنات اللي معانا..لاحظت كمان اننا من علي اول ضهرنا من فوق مكتوب ارقام علي الجلد ونفس الرقم مكتوب علي طقم او لبس كل واحد فينا...يعني علي سابيل المثال نور علي اول ضهرها مكتوب 48 ونفس الرقم مكتوب علي اندرها من ورا انا الشورت اللي لابسه مكتوب عليه 112 بس مش عارف ضهري مكتوب عليه كام دماغي بدأت تجمع اللي بيحصل ولو بصوره مشوشه ومش ضقيقه بس ملهاش تفسير تاني قربت خطوات من سرير نور وقعدت قدامها""
نور:دكتور نوح انته كمان هناا
أنا:دراعك اخباره ايه؟؟
((نور بترفع دراعهاالشاش واللصق متشالين ولاكن الغرز موجوده لسه))
أنا:هو انا ضهري مكتوب علي رقم كام؟"بلفلها جسمي"
نور:112 بس رقم ايه ده
أنا:مش عارف احنا كلنا مرقمين ورقمنا اللي علي هدومنا هو اللي علي جسمنا
نور:أنا مش فارقلي حاجه انا عايزه اخرج اشوف صحبتي فين
أنا:احنا هنا بقالنا فتره اقلها خال عشر ايام الغرز اللي في دراعك دي من فتره مش من امبارح
نور:أنا مش فاهمه حاجه يعني احنا بقالنا قد اي في البتاعه دي
أنا:انا اللي فارقلي هفضل فيها قد اي انا معرفش هما عايزين ايه ولا اقدر اساعدهم
نور:طب هو احنا هنفضل محبوسين هنا؟؟
صوت من ورانا:لا هتخرجو مش هتفضلو هنا""بنبص ورانا لقينا الباب مفتوح وواقفه""سيماج""زوجه قائد المركبه.
نور:طب هنمشي أمته.؟
سيماج:اسمها هنخرج مش هنمشي انتو هتطلعو من هنا طول النهار وعند الغروب هترجعو تنامو هنا تحت عنينا واللي مش هيرجع افتكر الشريحه اللي فدماغك اللي فلحظه هنوقفلك بيها حياتك ده لحد منوصل للي احنا عايزينه وبما أن الوقت دلوقت مش ليل ولسه الغروب مظهرش فتقدرو تخرجو من المركبه.
""الكل بيقف وبيبدأ يتحرك ناحيه سيماج اللي بتعدي من سكه الباب عشان يعدو ""
أنا:استنو لو نزلنا هنموت انتي في كلامك من شويه قولتي ان في الخارج مفيش اكسجين هنخرج بره ازاي.؟؟
سيماج مبتسمه:مكنتش هسيبكم تنزلو بس بشوف قدره ذكاء البشر اللي اكتشفت انكم مش بتفكرو اصلا..كل واحد علي مكانه سريرك مترقم مع رقم ملابسك""ببص للسراير عليها فعلا ارقام مكنتش واخد بالي منها يعني القصد من الرقم اني اعرف مكان سريري يعني مظنش انهم بالغباء ده الرقم ده زي مفكرت هو رقم الشريحه عشان يعرفو مين اللي غايب ويوقفو شريحته علي ما اعتقد""كل واحد راح قعد علي سريره ودخلو فضائيين يجي 3 وبيوزعو علينا اقنعه ولاكن مش شبه بتاعه""جوناثان""لا دي من غير خرطوم وتحسها حديد كده او نحاسيه"
(((الشكل)))
""خدنا كل واحد قناعه ونزلنا من المركبه اللي اول مشوفتها من بره اتخضيت كبيره اوي ضخمه ده قد المكان اللي كنا فيه جوده يجي ٢٠ مره وكان قدامها طائرات صغيره وعربيات شكلها غريبه عجلها جنزير مش كوتش عربيات""خاصه بالمركبه" اللي مش فاهمه ان احنا ف صحراء ولا في آمريكا ولا اي انا اعرف ان شمال امريكا فاضيه بس مش صحراء لا ده في مباني واقعه ومتدمره قدامي اهي الرمال طاغيه علي البلد كلها بدأت امشي خطوه في التانيه وببص ورايا شايف ناس كتير احنا عددنا كتير مفيش مواصلات مفيش اي حاجه العالم فاضي قدامي لابس قناعي وشايف الكل واقف تايهه جمب بعضه الكل بيفكر هل هيلحق يوصل بيته يشوف اهله اللي هو مقتنع انهم ماتو ويرجع تاني هنا قبل غروب الشمس لحد ملقيت نور جات وقفت جمبي""
نور مدمعه:هو مفيش أمل ان حد يبقا لسه فاضل حي؟؟
أنا:انا مش عارف بس المفروض اللي عايش في العالم كله موجود هنا
نور:عايزه اشوف صحبتي
أنا:الاهم ارجعي هنا قبل الغروب لو ماتت ف انتي عيشي عشانها
نور:........""لسه هتتكلم سمعنا صوت طياره مش عارف ازاي طايره فوق مننا مش تبع الفضائيين باب المركبه اتفتح بسرعه والناس بدأت تدخل لما شافو الطياره الهيلكوبتر اللي بتحلق فوقنا بتضرب صواريخ علي الناس والمركبه بتضرب علي طيارات وعربيات الفضاييين اللي قدام المركبه وبدأو فعلا ينفجرو مين اللي في الطياره مين دول في لحظه من اللحظات بعد مكنت بجري انا ونور والطياره بتضرب صواريخ علي الأرض والناس بتموت والمركبه قويه لاكن طياراتها الصغيره وعربياتها بينفجرو من صواريخ المركبه كنت بجري انا ونور ببص جمبي مش لاقيها بصيت ورايا لقيت راجل مكان الصاروخ منضرب نص رجله طارت انقطعت ونايم في الأرض بيصوت وماسك في رجل نور وهيا بتحاول تفلت منه مش عارفه قربت عليه وبشدها ولاكن الراجل مكلبش فيها بعزم ما عندي وروحت مناوله بوش رجلي في وشه ساب نور اللي جريت معايا ولاكن كان فات الأوان لاننا كنا ابعد ناس عن المركبه والراجل عطلنا بنجري ف اتجاه المركبه وشايفين الباب بيتقفل قدامنا لحد موصلنا وكان اتقفل بالفعل قربت من عربيه من بتاعه الفضائيين وركبت ونور ركب معايا مش عارف بتدور ازاي بس كان في زرار احمر كبير وواحد تاني باللون الأخضر ضغط علي اللي باللون الأخضر سمعتها اشتغلت وكان جمبي زي فتيس عربيه ده اللي بيحركها جبته لقدام طلعت العربيه ومشيت لقدام وكل مجيبو لقدام اكتر بتمشي اسرع الهيلكوبتر شافنا بنتحرك بيعدل نفسه في اتجاهنا وبدأ يمشي فوقنا بيظبط السلاح علينا واحنا مسرعين جامد في الصحرا وهو طاير فوقنا وهوب بينضرب صاروخ بينهي كل حاااااجه.........................ُ
[{•نهــــــــــــايــــــــــــة الجــــــــــــزء الثـــانــــي•}]
