✨✨✨✨✨✨✨✨✨✨✨✨✨✨✨✨✨✨✨
الجزء الخامس
بقي رين في غرفته قلبه يعصف بمشاعر
القلق ، الذنب ، الغضب ، و الحيرة فيما يجب ان يفعله حيث صار وجوده خطرا على من حوله بسبب وجود كورو
رين : مش مصدق اني سيبته يأذي لونا ، انا فعلا ضعيف ومليش لازمة ، اعمل اي دلوقت ؟ لو حبيت امشي هروح فين ؟مش عاوز اسيب خالي وجدو وتيتا ، وبردوا مش عاوز اسيب صحابي كمان ، المفروض اني اتخلص من كورو ؟
لكن انا حتي مش فاكر ايه اللي حصل بعد ما جرحها ، لازم اسألها عن اللي حصل ، بس انا اللي قولتلها تبعد عني ، اكيد هي متضايقة مني وزعلانه دلوقت ..
هسأل خالي فهو ادري مني في موضوع القوة دا
سمع رين رنين الجرس رفع رأسه قليلا لكنه استلقي مجددا فقد ظن ان جدته ستفتح الباب..
لكن استمر الرنين طويلا..
تذكر ان الجميع ما عاداه خارج المنزل
لذا قام وتوجه ليفتح الفتح..
قام بفتح والباب وظهر علي وجهه علامات الاستغراب مما رأي وقال : انتو بتعملوا اي هنا ؟
كان اقصدقائه ومعهم لونا قادمون اليه
ضيق رين عينيه ونظر نحو لونا وقال : قولتلك....
قاطعته لونا بغضب وقالت : مين قال اني هسمع كلامك
ابتسم جاك وقال : فاكر اتفاقنا اننا نقضي الاجازة عندك ؟
رين لم يبدي اي ردة فعل ولكن بعد ثانيتين
اتسعت عينا رين و فتح فمه و قال : وايه اللي فكرك بيه دلوقتي ، اشمعنا انهارده دونا عن جميع الايام ؟
قاطعاه كلارا وتقدمت نحوه قائلا : ايه يارين هتسيبنا واقفين ع الباب كدا مش هتدخلنا ؟ ولا احنا مش مرحب بينا ؟
كارورا محاولا استفزازه قال بطريقه درامية : بجد يارين ؟ خلاص استغنيت عننا ؟ مش مصدق معقوله معدناش صحاب ونسيتنا ؟
مينا وهي تكاد تبكي : ايه؟ ، بتقول ايه ! اكيد دا مش صح ، صح رين بنفاذ صبر تنهد وقال : طيب طيب فهمت ادخلوا
فكر رين وقال : احنا ف البيت مظنش ان ف حاجة ممكن تحصل ، اكيد هيكونوا في امان
بعد ان دخلوا الى المنزل قال بلا مبالاة : مفيش حد ف البيت غي....
قاطعه جاك بإبتسامه قائلا : عارفين ، احنا اتصلنا بجدتك ، وقالت لنا ان مفيش غيرك في البيت ونقدر نبات معاك عادي ،
رين بإستغراب : وانت من امتي معاك رقمها ؟
ميشيل : انا اللي معايا الرقم ، ادتهولي في مرة وانا جاي هنا
كارورا بسخرية: مش انت بس اللي معاك ارقامهم ، انا كمان معايا رقم الجد والخال
رين تنهد : مكنتش اعرف ، علي اي حال روحوا الاوضة بتاعتي علي ما اجيب شوية حلويات واج....
قاطعته مينا بحماس : ملوش لزوم احنا جايبين كل حاجة معانا اكل و شرب والعاب كمان، كل حاجة جاهزة عشان نستمتع فقط
رين بإستغراب قال بتعلثم : ب..بجد طيب ، فهمت يلا
رين كان شاردا لم يلاحظ نظراتهم التي كانت متوجهة نحوه في قلق
دخلوا لغرفة رين
بعد ان دخلوا قاموا جميعا بالجلوس علي شكل دائرة حول طاولة ، و وضعوا ما أحضروه من اغراض معهم عليها ، كان الجميع صامتا فقام جاك بكسر الصمت وقال بجديه : انا.متأكد انك مستغرب من مجيتنا ليك
رين انتبه ل جاك وقال ف ارتباك : في الحقيقة ايوة
كارورا بمزاح ؛ ايوه ، دا كان واضح علي فكرة، لو شوفت تعابير وشك كانت زي ماتكون شوفت عفريت ولا حاجة
رين تحولت نظراته من الارتباك الي الجدية وقال : لونا بإرتباك ن..نعم
رين ..يحدق بها..وقال : انتي قولتيلهم حاجة عن اللي حصل ؟
لونا تنهدت وتحولت ملامحها الى الحزن وقالت : أنا آسفة ...... بس دا كل اللي ايجا ف بالي مقدرتش اسيبك وحيد وحزين ومعملش حاجة ، و....
قاطعها رين بإستياء : قولتلك اني عاوز اكون لوحدي
قاطعه جاك بغضب: رين انت عارف انها عاوزه تساعدك ، اسمع، قولنا اي اللي حصل معاك ولم متحسنتش اوعدك هنمشي
رين بحزن : انا اسف بجد مكنتش تقصد أجرح مشاعركم ، بس انا مكنتش عاوزكم تتورطوا معايا، كنت عاوز احميكم ، بجد مش عارف ايه اللي المفروض اعمله ..
كارورا بإستياء : رين بجد انا مبحبش اشوفك في الحالة دي
مينا بحزن : ايوة ، علطول كنت قوي ، ايه اللي يخليك حزين بالشكل دا ؟
جاك نظر نحو رين نظرات تملؤخا الحنان ووضع يده علي رأيه وقال : احنا عيلتك صح ؟ طالما احنا عيلتك مش المفروض تشارك معانا حياتك واللي مزعلك او قلقك ؟
حين سمع رين كلمة عائلة شعر بالحزن وكان علي وشك البكاء فوضع كتفه علي رأس جاك ليخفي ذلك وقال بصوت حزين : طيب، هقولكم.علي كل حاجة..
ابتعد عن جاك ، وجلس في مكانه ، واخفض رأسه وضغط علي يده قليلا ، ثم اخذ نفسا عميقا ونظر نحوهم وكانت ملامحه تحمل الحزن ، وكان يواجه صعوبة في الكلام
ميشيل بقلق : لو مكنتش قادر تقول بلاش تتعب نفسك
رين ابتسم محاولا اخفاء حزنه وقال : ولا يهمك... هكون كويس
قص عليهم كل شيء ، امر الصور وكيف عرف القصة بشأن والديه ولما تركاه وتخليا عنه ، كانت ملامح الجميع تحمل الحزن من اجل رين والغضب من تصرف والديه ، والصدمة ايضا فهم لم يتوقعوا ذلك ...
لكنه لم يذكر شيئا عن امر القوة
لونا كانت تعلم بالأمر ولكنها لم تعلم ايجب ان تفتح الموضوع
ام تلزم الصمت ...!
جاك نظر نحو لونا ورآها غارقة في افكارها
تذكر كيف ان لونا اخبرته ان رين طلب منها الابتعاد
فوجه نظره نحو رين وقال: صحيح ، انت لي قولت ل لونا تبعد عنك ؟
لونا بصدمه نظرت نحو جاك ثم نحو رين
رين اتسعت عينيه من الصدمه ، ونظر نحو لونا بإسيتاء وحزن
لونا بحزن خفضت رأسها مجددا وقالت : انا آسفة...
رين بإستغراب : بتتأسفي علي ايه ؟ انا اللى المفروض اتأسف ، اتأذيتي بسببي وجرحت مشاعرك ، و...
قاطعته لونا بعد ان نهضت من مكانها وقالت بإنفعال : انا مش قولتلك مش انت السبب ؟؟! ، معرفش هو مين لكن هو اللي اذاني ، ومتقولش عمل كدا عشان انت كنت معايا ، لان في النهاية هو اللي اذاني مش انت !!
رين كان ينظر نحو لونا الغاضبة بصدمه ، لم يكن وحده فالجميع كان ينظر لها بصدمه كذلك، ومستغربا انفعالها
لاحظت لونا ذلك وشعرت بالخجل فعادت للجلوس وقالت باحراج: آسفة انفعلت !
رين بدأ بالضحك فجأة ثم تلاه الآخرين ،
لونا عقدن حاجبيها وقالت : بتضحكوا علي اي
ولكنها سرعان ما ضحكت هي الاخري
بعد ان توقفوا عن الضحك كانت ملامح رين قد تبدلت الى الاحسن ، فقد شعر ببعض التحسن لقدوم اصدقائه ، ولم يعد يتألم كما كان قبل مجيئهم
ميشيل : مقولتلناش بردوا اي السبب او اي اللي حصل
رين ابتسم وقال : تقريبا كدا عندي ...... قوة خارقة
نظر الجميع بصدمه نحوه عدا لونا
ميشيل بإستغراب : قوة ايه ؟ اي القوة الي عندك ؟
رين بهدوء: ظهرلي جناحين ، وفي شجرة غريبة ظهرت تحت وانا بقع من المنحدر
جاك تحرك تلقائيا بصدمة فضرب قدمه بالطاوله : ااااخ !! ..
رين بقلق : انت كويس ؟
جاك متألما : ايوة ايوة ، قولي وقعت امتي ؟ وازاي ؟
رين نظر نحو الطاولة ثم قال : اليوم الي انا ضعت فيه دا حصل وظهرلي جناحين ، وبعدين الجناحين اتحركوا وقدرت اطير ، بس مقدرتش اسيطر عليهم وخبطت في شجرة و اغمي عليا
في هذه اللحظة دخل خال رين ووضع يده علي كتف رين بسرعة وقال : اللي انت قولته دا صح؟
رين بإستغراب : خالو !! انت جيت امتي مش قولت انك هتتأخر ؟
خال رين بإنفعال : سيبك من دا وجاوبني ، اللى انت قولته دا صح؟
رين بإستغراب وارتباك قال : ايوة بس معرفش اتحكم فيهم بيظهروا ويختفوا لوحدهم
لونا وجهت نظرها نحو خال رين وقالت في قلق: الحقيقة اتحكم في الرياح كمان !!
ازداد خال رين صدمة وقال : انتي متأكدة ؟
لونا تفاجأت من ملامح الخال وقالت : ايوة
رين متقاجيء : اي دا ازاى وامتي ؟
لونا بإستغراب : انت مش فاكر حاجة ؟
رين : لا امتي دا حصل ؟
لونا : لما الراجل الغريب دا هجم علينا
الخال جن جنونه عند سماع ذلك وهو رين بإنفعال : مين اللي هجم عليكم وليه انطق حصل امتي الكلام دا وفين
رين بغضب: واحد عدو والدي ، ظهرلي ف الحلم كذا مرة ، و بعدين هاجمنا انا ولونا وجرحها ، ومش فاكر اي اللي حصل بعد كدا ، واسمه كورو
خال رين بدا مصدوما جدا وبدأ بالتعرق وقال بإنفعال : من امتي الكلام دا ؟ ومقولتليش لي من بدري ؟
رين شعر بالخوف وبدأ بالتراجع للخلف من غضب خاله وقال : كنت مفكره في البداية هلوسه ، وهو اللي قالي عن موضوع عيلتي وأنكم بتكدبوا عليا ، وان اهلي اتخلوا عني ، و وقتها بدأت اشك ان....
خال رين رفع صوته وامسكه من كتفه بقوه وقال : عاوز منك ايه ؟؟؟!!!
رين بخوف : قال انه عاوز ينتقم من والدي عن طريقي ، ولكن لقي حاجة فيا هتفيده
الخال بغضب: ابوه لابو كايتو !! مبيجيبش غير المشاكل !؟
رين بإرتباك : كايتو ؟
الخال نظر نحو رين وظل ممسكا به وقال : اول حاجة لازم تقولي فورا بأي حاجة تحصل بخصوص كايتو دا فاهم ؟ ..
ثم اردف يقول : وتبعد عنه قد ما تقدر ، تاني حاجة انت عاوز تفضل معانا ؟
رين بإستغراب: اكيد طبعا!!
الخال تنهد وقال : طيب ميتوريش قوتك لحد بقي ، ونفذ كل اللي اقولك عليه ، اما الباقي ف سيبه عليا انا ومتقلقش من حاجة
رين بإرتباك : حاضر
كان الجميع ينظرون بإستغراب فهم لا يعرفون ما السبب الذي جعل خال رين يغضب هكذا ويصبح بهذا القلق والتوتر
الخال استعاد هدوءه وقال ل رين : تعالا ورايا
تبع رين والآخرين خاله نحو غرفته
اخرج خاله شيئان احدهما يشبه الكره والآخر يشبه الاساور
طلب من رين ان يمسك الكره بيده فلما فعل
توهجت الكره وظهرت عليها كتابة لم يفهمها احد غير خال رين الذي بدت عليه علامات الصدمة وكأنه غير مصدق لما يقرأ
رين بقلق : في اي ؟
الخال اخفي ملامح القلق وقال : لا .. مفيش حاجة ، اسمع خد السوارين دول حطهم علي ايدك ، واوعي تشيلهم ابدا ، ومتستعملش قوتك تاني
رين بس انا معرفش ازاي استخدمها اصلا هي بتشتغل لوحدها
خاله : ما السوار دا هيخليها متشتغلش لوحدها تاني ، عشان كدا قولت متخلعهمش ابدا ، واحرص ان محدش يعرف بالموضوع دا غيري انا وصحابك وجدتك وجدك
رين نظر نحو خاله وقال بإرتباك : ايه اللي هيحصل لو حد عرف ؟!!!!
لخال نظر نحو رين نظرات جاده وقال : ممكن ياخدوك لمدرسة القوي ووقتها الامر هيكون اجباري ملكش حريه الاختيار ، طالما بتمتلك قوة
رين بصدمه : مين اللي هياخدني ؟
الخال محاولا ازالة قلق رين : متقلقش في العادة هما مش موجودين في الريف هنا ، ومش هيعرفوا بوجودك الا لو استعملت طاقتك ، عشان كدا متستعملهاش ابدا ، طالما عاوز تفضل معانا ومع صحابك هنا ، صحابك كانو قلقانين لي متروحوش تقضوا باقي اليوم مع بعض ؟
رين فهم ما يريده خاله ف ابتسم وقال : حاضر هنخرج ، بس مقولتليش ايه اللي رجعك بدري ؟
الخال بإبتسامة قال : مفيش صحابك اتصلوا عليا وهما جايين وقالولي انك في مشكله وقلقانين عليك ف اضطريت اجي اشوف في ايه ، وكويس ان انا جيت
رين ابتسم وقال : شكرا اسف اني قلقتك
عاد رين واصدقائه الي غرفته
كلارا قالت مازحه : يلهوي علي اليوم دا مش مصدقه ان الامور اتغير تغير جذري كدا انا مصدومة جدا ، بس بصراحة كان نفسي اشوف الجناحين كنت هتكون شبه الملاك ، صح يا مينا ؟
مينا بخجل: ايوة
لونا بقلق : مش عاوزه اشوفهم لو دا كان هيكون سبب ف ان رين يمشي
بدا الجميع مستاء فحاول جاك تلطيف الاجواء
ابتسم وقال : فعلا، احنا هنحرث انه ميستعملهاش
رين وقف ونظر نحوهم ثم ابتسم وقال : في الحقيقة يشباب حابب اشكركم علي وقفتكم جمبي ومساعدتكم ليا وفعلا انتو كنزي وعيلتي وسندي ، وكويس جدا وفرحان انكم موجودين ف حياتي ، وانتو السبب في انب افضل عايش لغاية دلوقت ، وحابب اعتذر ليكم جدا لو تصرفت تصرفات غبيه وجرحت مشاعركم ، لونا اسف لو ضايقتك بكلامي اتمني تسامحيني
بدأ الجميع يشعرون بالراحة الا ان داخلهم كان يشعر بالقلق من ان يحدث شيء ويغادر رين ، ولكنهم قرروا ترك ذلك جانبا والاستمتاع بوقتهم قليلا
ميشيل ببرود : هو احنا مش جايين نقضي وقت حلو ونلعب ، هتفضلوا واقفين زي الصنم كدا ؟
كارورا ضحك وقال : لاول مره يكون عندك حق ، تعالو نلعب بلايستيشن
كلارا بسخريه : الصبيان مبيفكروش غير في البلايستيشن ، انا مبحبهاش ومش هنقدر نلعبها كلنا مع بعض
مينا بحماس : انا عندي فكرة !
جاك بفضول : اي هي؟
مينا: الورق
لونا بانفعال : لا مش هنلعب حظي وحش فيها
كلارا تستفزها : اوك خلاص هنلعب الورق، واللي هيخسر هيقولنا عن اول حب ليه
لونا ومينا بإنفعال : مش موافقه
كلارا بإبتسامة شريرة : ليه؟ ، هو عندكم قصة حب ؟
مينا بخجل : لا طبعااا
لونا اخفت خجلها وتجنبت النظر وقالت : مفيش
كارورا ضحك علي شجارهم وقال : خلاص هنلعب الورق ، قررنا
وافق الجميع لكن بشرط عدم ادراج قصص الحب في اللعبة
لعبوا لعدة ساعات وكانو مستمتعين ولم يشعروا بمرور الوقت وبالفعل لونا كان حظها سيء جدا فلقد خسرت ٤ مرات بينما رين وميشيل خسروا مره واحدة
قرروا النهوض لتحضير الطعام ، قام الشباب بإعداد المائدة بينما اخرجت الفتيات الطعام
كلارا فجأة بصوت مرتفع قال : مش مصدق نسيت الحلويات!!
كارورا بإستياء : لاا اكيد بتهزري ازاى تنسيها
رين ابتسم وقال مطمئنا : متقلقوش تندنا حلويات جوا ثواني هروح اجيب ، حد يجي معايا يساعدني
لونا بحماس : هاجي معاك
في المطبخ اخرج رين العلب وقام بترتيبها مع لونا
رين بإرتباك : لونا انا...حابب اشكرك بفضلك انتي وهما انا بقيت احسن دلوقت شكرا انك قولتلهم
لونا بخجل استدارت ونظرت نحو الاطباق : مفيش داعي للشكر كنت قلقانه عليك وحزينه شوية عشان قولت انك مش عاوز تشوفني وعاوزني ابعد عنك
رين نظر نحوها فوقعت عينه علي الضمادات حول عنقها: فتوجه نحوها ووضع يده علي عنقها وقال بحزن : رقبتك عامله اي دلوقت؟
لونا نظرت نحو الأرض وقالت بخجل : كويسه متقلقش..
رين انتبه انه يضع يده حول عنقها فإحمر قليلا وانزل يده وتراجع قائلا : ا.. اسف كنت عاوز اطمن عليكي ومخدتش بالي غير وانا ...
لونا تعلثمت وقالت : ع..عادي ولا ييهمك...محصلش حاجة
كانت مينا تراقب من خلف الباب وشاهدتهم وبدأت تشعر بالحزن والغيرة ، فدخلت للمطبخ وقالت : انتو فين اتأخرتوا كل دا لي ؟
ارتبكت لونا وكذلك رين فقالوا معا : جايين اهو
صعدوا لغرفة رين وتناولوا الطعام وظلوا يتبادلون الحديث حتي بدئوا يشعرون بالنعاس فقرروا الذهاب للنوم كان الصبية سينامون بغرفة رين والفتيات سينامون في غرفة الجدين والخال في غرفته
رين كان يحدق بالسقف فنظر نحوه ميشيل وقال في قلق: بتفكر في ايه ؟
رين نظر نظرة جانبيه نحو ميشيل ثم نظر الي السقف ثانية وقال: في كلي اللي حصل واللي خالى قاله
رفع رين يديه ونظر نحو السوار واكمل قائلا : عيلتي اتخلوا عني بسبب القوة ودلوقتي وبعد ما امتلكتها ، وبعد اللى حصل مظنش اني هكون محتاجهم طول ما انتو موجودين معايا ، وجدو وتيتا وخالي .. انتو عيلتي واللي باعني مش هشتريه
جاك استدار نحو رين وقال : في رأي انهم ميستحقوش وجودك معاهم ، ومبسوط من سماع الكلام دا منك
كارورا ابتسم بمرح وقال : وانا كمان ، انت مش محتاج ليهم ، ومعرفش لي عندي احساس انهم ناس مش كويسه ورخمة ، فكويس محظوظ انك اتخلصت منهم
رين ابتسم وقال : هو انا قولتلكم انكم احلى عيلة وصحاب قبل كدا ؟
ابتسم الثلاثة وقالو : ايوة
قال ميشيل بهمس : وانا كمان اظن انكم احلي عيلة وصحاب
حل الصمت ثواني فنهض كارورا وجاك من اماكنهم بصدمة وقال كارورا بطريقة درامية : اي ؟ قول تاني كدا ؟
جاك بسخريه : هلا انت مين؟، قول اللي انت قولته تاني دا اعتراف للتاريخ لازم اسجله
رين ضحك.وقال : معتقدتش انك هتعترف بدا ابدا
ميشيل خجل ولكنه اخفي خجله بإدعاء الغضب وقال : اخرسوا ونامو !!
في غرفة الفتيات كانت لونا حزينه بسبب رؤية رين مع لونا فقررت ان تتحدث معها بشأن ذلك وقالت : لونا ممكن اتكلم معاكي ؟
انتبهت لها لونا وقالت : نعم ؟ اكيد طبعا
كلارا اعتدلت ف جلستها وقالت : وانا كمان هسمع
مينا نظرت نحو الارض وقالت : لونا انتي بتحبي رين صح؟
لونا بخجل : اييييييه؟! انا..انا
مينا رفعت نظرها نحو لونا وقالت : انا بحبه ف ارجوكي قوليلي اذا كنتي بتحبيه فعلا ولا لا
لونا قالت بخجل : ايوه...بحبه!
(😉❤️ واخد بالك انت)
كلارا نظرت نحو الفتاتين وقالت بحزم : اسمعي انتي وهي ، شغل الغيرة ودا مبحبوش احنا صحاب وهنفضل صحاب ، ايا كان مين فيكو اللي هيفوز بحبه بس دا مش هيغير شيء ف علاقتنا موافقين ؟
مينا ولونا نظروا نحو كلارا ثم نظروا الي بعضهم البعض وقالت مينا مبتسمه : موافقة وانتي يا لونا؟
ابتسمت لونا وقالت : وانا كمان ، اي كان اللي هيفوز هنفضل صحاب
ثم عدن للنوم
كانت كل من مينا ولونا يشعران بالحزن فلم تتمنيا ان تكونا في مثلت حب مع نفس الشخص، ولكن قررتا ان تبذلا جهدهما لكي لا يتركا مجالا للندم
نام الجميع ليله هادئه بدون مشاكل
ولكن لونا التي راودها كابوس ظهر فيه مجموعة رجال وجهوا اسلحتهم نحوها هي والآخرين فغضب رين ونزع السوار وقتلهم جميعا وحين حاولت الذهاب نحوه ، امسك بها احدهم ومنعها واختفي رين في مكان مظلم ..
استيقظت لونا فزعة في وسط الليل ، وذهبت لشرب الماء ، نزلت ببطيء لكي لا تحدث ضجة ، ولكنها وجدت الضوء مفتوح في المطبخ ..
لما دخلت وجدت خال رين مستيقظا و واقفا يحدق بالكرة التي طلب من رين ان يلمسها ولم يلاحظ وجود لونا ،حتي القت عليه التحية ففزع لانه لم يكن يتوقع ان يكون هناك احد مستيقظ الآن ..
واوقع الكرة ارضا فأمسكت بها لونا وتوهجت الكرة وظهر عليها كتابة مختلفة ..
اخذها الخال وظل يحدق في لونا وينظر لها بصدمة !!
فقالت لونا في قلق : اسفة ، هو في حاجة ؟
الخال بإرتباك : لا .. مفيش حاجة اطلعي اوضتك دلوقتي
لونا بإستغراب: حاضر تصبح علي خير
وظل الخال ينظر ف اثرها وتنهد وقال : يوووه الظاهر ان اليوم دا مليان مفاجئات
.
.
.
.
.
.
استيقظ رين مبكرا وبدأ بإعداد الفطور قبل استيقاظ الآخرين
("اي خدمة يسطا ركزت فيها المرادي اهو 😉")
نزل خاله وكان يفكر بعمق ، ففتح احدهم الباب الخارجي ، كانا الجدان قد عادا لكن لم يلاحظ فلقد كان غارقا في التفكير
رفعت الجدة رأسها وقالت له بعد ان نظرت له وهو واقف في مكانه: انت واقف كدا لي ؟
انتبه الخال اخيرا وقال: ماما معلش مخدتش بالي انكم دخلتم
الجده بقلق : ايوة لاحظت ان بالك مشغول ، خير في حاجة ؟
الخال نظر نظرات جديه وتوجه نحوهما وقال : ايوة، عندي موضوع عاوز اكلمكم فيه بخصوص رين بس مش دلوقتي
الجد بإستغراب : رين ؟ ماله؟ حصله حاجة ؟
الخال تنهد ثم قال بإبتسامة : هقولكم بعدين ، خلينا نروح نجهز الفطار رين وصحابه ممكن يصحوا دلوقتي
بقيت الجده قلقه ولكنها لم تظهر ذلك وتوجهوا نحو المكبخ فسمعوا ضجيجا قادم من هناك، ولما دخلوا وجدوا رين يعد الطعام
فإبتسمت الجده بحنان وقالت : صباح الخير ، شكلك صاحي من بدري انهاردة
استدار رين بسرعة وابتسم حين سمع الصوت وقال : صباح النور ، ايوة فكرت اجهز الفطار قبل ما الباقين يصحوا
الجده توجهت نحوه وقامت بإلقاء حقيبتها علي الكرسي وبدأت بمساعدته وقالت بود : هساعدك في التحضير ، هنفطر مع بعض
ابتسم رين وقال : تسلم ايدك
الجده نظرت له وابتسمت وفكرت : شكله بخير وكويس انهارده ، انا مبسوطة انه مكتئبش بسبب اللي سمعه عن اهله ، بس لسه قلقانه من الموضوع اللي كيد عاوز يكلمنا بخصوصه
رين : تيتا ! تيتا !
الجده انبهت وقالت ل رين بإرتباك : اي ياحبيبي ؟
رين بإستغراب : انتي كويسه ؟
الجده ابتسمت وقالت : ايوة كويسه متقلقش عليا ، انا كنت بفكر ف حاجة بس
رين: بجد؟ علي مل٥حال هكمل انا تجهيز شكرا علي المساعدة روحي غيري هدومك تلاقيكي تعبانه من المشوار ، علي ما اجهز انا الفطار
الجده : طيب
في هذه الاثناء استيقظ كارورا ومينا وقد نزلا الي الاسفل والتقيا بالجده فالقوا التحيه ثم للمطبخ لمساعدة رين في اعداد المائدة
كارورا بضحك : اممم الامل ريحته جامده جدا ، هساعدك في التحضير
كانت مينا تحدق برين في حزن وقد تذكرت ما حدث مع لونا
رين ابتسم ضاحكا : مقدرش اخليك تساعدني انتو ضيوفي روح صحي الباقي بس
لاحظ رين شرود مينا وهي تبدو حزينه بترك الاطباق وتوجه نحوها وحرك يده امام وجهها فإنتبهت مينا وتفاجأت فتراجعت للخلف وقالت ص..صباح الخير
رين حدق بها لثواني ثم قال : انتي بخير ؟ شكلك تعبانه او قلقانه من حاجة ؟
مينا ابتسمت لتخفي حزنها وشبكت يديها وقالت : متقلقش كنت بفكر ف حاجة كدا ، انا كويسه ، هشيل معاك الاطباق
اخذت الاطباق وخرجت من المطبخ بسرعة
كارورا ورين استغربا وظلا ينظران اليها ولكن قطع تحديقهما بها سماع صوت الآخرين كانوا قد استيقظوا وجائوا للمساعدة
قاموا بتحضير الطعام وتناولوه معا برفقة الجدين والخال
وبعد الانتهاء كانوا اهاليهم قد اتصلوا بهم للعودة للمنزل ، فإعتذروا على عدم قدرتهم في المساعدة علي تنظيف المائدة ، رافقهم رين للخارج
جاك ابتسم وقال : شكلك بخير انهارده ، مبسوط من دا احرص على انك متخبيش حاجة علينا تاني تمام ؟، اي حاجة هتحصل هنكون موجودين للمساعدة
ابتسم رين وقال : طيب
انصرفوا جميعا عدا مينا ، طلبت محادثة رين
مينا كانت واقفة غارقة بأفكارها وتشعر بالخجل لا تدري كيف تخبره بما تريد
كان رين ينتظر ان تتحدث وكان يفكر فيما تريده
فتنفست بعمق واستجمعت شجاعتها ثم نظرت نحو رين وقالت : رين ، ممكن اطلب منك خدمة ؟
رين بإستغراب : اكيد، اتفضلي!
خفضت مينا رأسها وقالتلى: الموضوع محرج معرفش هقوله ازاى
رأي رين ارتباكها فوضع يده علي رأسها بلطف وقال : اي الموضوع قولي متقلقش,؟
مينا احمرت خجلا ولكنها لم تتحرك فقد كانت تسعر بالسعاده كونه يهتم لامرها ويعاملها بلطف ، هو داپما يعتملها بلكف ، لكنها تشعر بالسعادة، فإبتسمت وقالت : عاوزاك.تعتمد عليا انا كمان،.حاسه اني فايده ومش بساعدك في شيء،بس بجد انا عاوزه اساعدك ، ارجوك اي حاجة تحصل معاك قولي من هنا ورايح موافق ؟
رين كان يطرف بعينيه مستغربا ولكنه ابتسم وقال : انتي مش بدون فايده ولا حاجة ، انا بعتمد عليكم كلكم ، فمتقوليش الكلام دا تاني ، دايما كنتي الاخت الصغيرة بالنسبة ليا ، مش عاوزك اسمع تقولي انا بدون فايده واضح؟
مينا ابتسمت، ولكن دموعها نزلت علي خدها في صمت ظون ان تستطيع كتمها
رين استغرب وتقدم نحو وقال في قلق : مالك ؟ بتعيطي لي ؟
مينا ضحكت وقالت : انا بس مبسوطة من كلامك، مضطره امشي دلوقتي ، خلي بالك من نفسك باي
ابتسم وقال : وانتي كمان ، باي
لم يدرك زين ان ما ابكاها هو انه قال انها اخته الصغيرة فهذا يعني انه لا يحبها كفتاةولكنها قررت ان لا تستسلم رغم ذلك
(" بتتعب البت مينا دي و****، يلا يخسارتك في الشقي يقرمط 😔💔")
دخل رين ووجد جدته تنظف المائده فركض ليساعدها ورفع اكمام قميصه وبدأ بحمل الاطباق
فقالت الجده: هما.مشيو ؟
رين نظر اليها بينما يحمل الاطباق وقال : ايوة
الجده بسعاده : شكلك مبسوط ، الظاهر ان قلقي مكنش له داعي
ضحك رين ثم قال : اسف اني قلقتكم ، انا بخير ومفيش داعي تقلقوا عليا
.
.
.
.
.
اكمل رين عمله في غسل الصحون وفجأة توجهت نحوه الجدة بسرعة وقالت بإنفعال وهي تمسك بيده : اي دا!! دول بيعملوا اي معاك انطق !!
نظر رين نحوها بإرتباك وقال : اي ياتيتا خضتيني ، خالو اداني السوار دا وقالي متخلعهوش
الجده اقتربت من رين وقالت بصوت اعلي : خالك ؟؟ وخالك اداهولك لي؟
دخل خال رين علي صوت الجد العالي ورآها تنظر الى السوار : ماما ! يبقي عرفتي، دا اللي كنت عاوز اكلمكم بخصوصه انتي وبابا ..
الجده بقلق : يعني ايه ؟ اشرح لي ، انا معنتش فاهمة حاجة
الخال نظر نحو رين وقال له بهدوء : روح اوضتك هكلم ستك عن اللي حصل امبارح
رين بإرتباك نظر لخاله ثم نظر لجدته وقال : انا ماشي
خال الجده وكذلك الجد وذهبوا الى المطبخ هناك وكانت ملامح الجد والجده جديه وقلقه للغايه
تكلمت الجده بلهجه قلقه ونظرت نحو ابنها وقالت :هو اللي انا بفكر في صح ؟ ، قول رين عنده قوه خارقه ؟ ، لو كان عنده مكنش زمانهم اتخلوا عنه !!
قال الجد بهدوء : اشرح لنا الموضوع
تنهد الخال ونظر نحو والديه ثم قال : ايوة رين عنده قوه اختي وقوه تانيه ! قوه الشخص ده ! انا اتصدمت لما عرفت!
الجده بصدمه قالت: مستحيل لو كان عنده قوه ما كانوش يتخلوا عنه، لان وجوده هيكون شرف ليهم!! ، ازاي محسوش بقوته
نظرا الجد لها بنظرات حقد وغضب وقال لها : هو كل اللي بيهمهم اسمهم واسم العيله والقوه وبس ، ما بيفكروش غير في كده
ثم سكت قليلا وظل يفكر ثم وجه نظره الى ابنه وقال له : كيد انت متاكد؟
الخال اغمض عينيه قليلا ثم فتحهما وقال: استعملت بلوره قياس الطاقه عشان اتاكد، على الارجه قوته حماته لو كانت ظهرت وهو لسه *** كان هيموت فيها لان جسد مكنش هيقدر يتحمل كل الطاقه دي ، ده تخميني للي حصل
الجده بحزن : هو انا السنين دي كلها عشان ولا حاجه!!!
الخال قال ببرود : مش مهم ما يستحقوش وجوده اصلا ، وهو مش عاوز يعيش معاهم اصلا ، قال انه حابب يفضل معانا هنا
جد بقلق قال: انت عارف ان هم لو عرفوا مش هيسكتوا
قالت الجده بحزن : صحيح ومش هم بس اللي هيحاولوا ياخدوه لا في ناس ثانيه كمان !!
الخال بنظرات واثقه وقف وقال: مهم انا هحمي وما حدش هيعرف بوجود قوته ، الوحيده اللي قلقاني دلوقتي هي ان كورو هجم على رين
الجد والجده صدم عندما سمعوا اسم كورو
الجده نهضت بفزع من مكانها وقالت : ايه ؟ امتي ؟ وعرف ازاي ؟
بغضب قال الخال : طقم من الزباله كايتو واستعمل رين كوسيله ، فين المصايب اللي بتيجي من ورا راسه
الجد بقلق قال : طب وانت هتحميه ازاى متنساش انك....
قاطعه الخال بنظرات خالية من الخوف : مش مهم ،هعمل كدا عشان رين !!
انتفضت الجده من مكانها وقالت : لا مش هسمح بكده هيعرفوا بموضوعك انت ورين ودا هيخلي الموضوع أسوأ!!
ضرب الخال الطاوله بيده وقال في غضب: طيب اعمل ايه انا قوليلي!! اسيبه ياخد رين !!
الجده بانفعال : لا طبعا ، لو كان عاوز يفضل هيفضل ، احنا هنخفي وجوده زي ما عملنا قبل كدا ومحدش هيقدر يوصله وهنعيش في هدوء زي ما كنا ولا هما ولا غيرهم هيدمروا حياتنا او حياة رين!
نهض الجد وتنهد ونظر الي ابنه وقال : انا بتفق معاها، احنا هنحمي رين كلنا لكن متتصرفش بغباء ، تهورك دا هيقعد الموضوع مش هيحله ، متخليش دا قرارك الأخير ، خلينا نفكر في اللي لازم نعمله ..
ابتسم الخال وقال : طيب طيب ،انا كمان مبحبش اقع في المشاكل ، لكن انا بس عاوز احمي رين منهم ، من اختي وزوجها ،وكمان من العيلة الانانيه ومن كورو !
الجد والجده ابتسما وقالا : هنحميه سوا متقلقش ..
ذهبت الجدة الى رين ودخلت الغرفة فوجدته مستلقيا هناك ، فنهض حين شعر بوجودها فقالت : متقلقش كل حاجة هتكون كويسه
رين دفن رأسه في صدرها الحنون وشعر بالسعادة وان الاطمئنان يغمره وابتسم دون ان يشعر ، وبعد دقائق كان قد غفي بالفعل..
ابتسمت الجده واعادته للسرير وقامت بتغطيته ثم انصرفت
في اليوم التاني كان تلجو غائم ينذر بعاصفة
كانت الجده تنزل الملابس من علي الحبل قبل هطول المطر
صوت : ازيك يا حجه
استدارت الجده لتنظر من جاء ، واتسعت عيناها واسقطت الملابس عندما رأته
فقال الرجل بسخريه : اسف علي المفاجأة دي ، كنا بنتمشي هنا ولكن فجأة حصل عاصفة ، قولنا نيجي نقعد هنا لغاية ما الجو يهدي ممكن ؟
الجده ارتبكت وقالت: آسفة بس مش عاوزين مشاكل
الرجل بإبتسامة جانبيه تقدم نحوها وحمل الملابس : مين قال اننا هنعمل مشاكل، احنا بس هنرتاح شوية !
الخال نادي من بعيد : امي انا طالع
الرجل ضحك بسخريه وقال : ازيك ؟ عامل ايه ؟ عدي وقت طويل جدا
الخال بصدمة وقلق : شيروو ؟! ، بتعمل اي هنا !؟
شيرو ضحك بخبث وتوجه نحو كيد ووضع يده علي كتفه وقال : مالكم يجماعه مصدومين كدا لي ، انا في شغل هنا ومعنديش مكان ابات فيه ، قولت اجي ابات هنا
الخال دفع يده بقوه وقال بغضب : مش مرحب بيك ، اتفضل.اطلع برا !!
شيرو ضحك بخبث وقال: لا هفضل هنا والا هتضطر تواجه الرئيس وهو يتصرف معاك !!
الخال والجده نظرا نحوه بحقد ، فجاء الجد وقال بهدوء ليخفي غضبه : مفيش مشكلك بات ، بس ارجزك متعملش مشاكل !
شيرو ابتسم وقال بتهذيب : ازيك يا حج ، مشوفتكش من زمان ، متقلقش مش هنعمل مشاكل ، وشكرا علي حسن استقبالك مش شكل ناس !!
ونظر نظره جانبيه نحو الخال كيد
انزعج الجميع ولكنه لم يبدوا اي ردة فعل لكي لا تتسبب في المشاكل
(" نائب الرئيس الذي اسس مدرسة القوي وهو شخص ماكر جدا ، يستعمل اي طريقة كانت ليحصل علي يريد، علوقته معقدة مع خال رين بسبب الماضي ولكنه علي علاقة جيدة ب كايتو وصديقه المقرب ")
دخل الخال المنزل بغضب وتوجه نحو غرفة رين دخل هناك فوجده مستلقيا توجه نحوه بعد ان قفل الباب
نهض رين متسائلا عن سبب قدومه وتصرفه الغريب هذا
لكن الخال اشار له بأن يجلس
الخال بقلق شبك يديه بقوه ثم زفر الهواء بعنف زقال : اسمعني كويس! في شخص خطير جدا هنا ، مهما حصل شوفت مهما حصل اوعي تخليه يشوفك، هيحصل مشكله كبيره جدا لو شافك !
رين بقلق : يبقي مين الشخص دا !؟
الخال بإنزعاج : شخص خبيث جدا ، وصاحب ابوك ، لكن ميعرفش بموضوعك وانك ابن كايتو ، لو عرف بوجودك او بأمر قوتك ، هتكون مشكله كبيرة جدا ، عشان كدا خليك بعيد عنه علي قد ما تقدر ، واتجنب الكلام معاه واضح ؟
رين بإرتباك : حااضر
رين في نفسه : خالو متوتر جدا ، معقول الشخص دا خطير للدرجادي !
رين بقلق : طب وهو هيفضل قد اي ؟
الخال بإنزعاج : مش عارف ، بس حاول تقضي اكبر وقت ممكن مع صخابك خليك بعيد عنه ، أو ممكن يكون احسن لو بيت في بيت حد منهم !
رين نظر نظرات جديه وقال: متقلقش انا هدبر اموري ، بس خليني اخرج دلوقتي بسرعة قبل ما يجي ويشوفني
خرج رين والخال بسرعة قبل ان يأتي شيرو ولكن الحظ كان ضدهما وحين خرجوا كان شيرو قد وصل ومعه الجدين و ٤ من الرجال يبدو عليهم القوة
رين شعر بالخوف والخال والجدين بدا عليهم الارتباك
شعر شيرو بذلك وقد استغرب وجود رين
فهو لم يسمع بوجوده قبلا
شيرو ضحك بمكر وتوجه نحو رين الذي لم يبدي اي حركة حتي لا يشك شيرو بشيء اكثر مما يشك به الآن
يتبع...........
😈
متسلسلة منقول فانتازيا وخيال عودة المنبوذ [ الوريث ] | السلسلة الثانية | - حتى الجزء الثامن 18/3/2023
متسلسلة منقول فانتازيا وخيال ورثـة السماوات (للكاتب رائد الأمين) _ حتى الجزء الثاني عشر 9/5/2023
مكتملة واقعية رواية الجريمة الغامضة - أربعة عشر جزء 24/2/2024
مكتملة منقول عشق الجاسر | السلسلة الأولي | (للكاتبة مروى عبد الجواد) خمسة وثلاثون جزء
مكتملة منقول واقعية الفلاحة والذئاب | السلسلة الأولي | تسعة أجزاء 26/5/2024
متسلسلة فانتازيا وخيال إستكمال عربية فصحى رحله الى الجحيم (A TRIP TO HELL) ـ حتي الجزء الثاني 9/5/2024