انا هنا تقريبا من 2022 بس مكنتش بتفاعل خالص كنت بدخل على الاستشارات الطبية واحيانا الصور العربى وخلاص على كده اول ما ابتديت التفاعل واندمج خدت فكرة خاطئة عن المنتدى بشكل عام وعملت اخطاءوضايقت ناس كتير بعد ما فهمت الدنيا هنا والتعامل هنا احب انى اتأسف لكل واحد وواحدة انا ضايقتهم منى وعلى طريقة فهمى الغلط ليكم ودخولى على الخاص بعض الأوقات للناس واكيد ده برده ضايقهم ف بجد انا اسف ليكم جدا حاليا وبعد مرور الوقت شوفت ناس كتير اوى محترمين ومع الوقت بقو زى الاخوات وليهم منى كل التقدير والحب والاحترام كل واحد اتفاعلةمعايا وكل من نصحمى نصيحة وكل واحد انا استفدت منه احب اشكره جدا واعتبرته أنه اخ ليا أو اخت
عزيزى العضو المبتدأ ياريت متغلطتش نفس غلطتى وتدخل بصدرك اوى على الناس ايا ما كنت تفهمه عن فكرة المنتدى اتمنى منك قبل صدور اى كلمة أو تصرف انك تعرف طبيعة المكان اللى انت فيه تعرف أن فيه ناس معينة مينفعش تتعامل معاهم بقلة ذوق أو بطريقة معينة عشان صدقنى هتلاقى رد فعل من الناس دى يخليك تندم خليك سلس فى التعامل وخد لفة كبيرة فى المنتدى وشوف الناس بتتعامل ازاى واتعلم من الناس اللى قبلك وبلاش اى كلام جارح أو مهين
عزيزى العضو المبتدئ مافيش هنا شقط وبلاش تكون داخل تتكلم كلام جارح يكون مالوش لازمة وتتعامل مع الناس هنا أن هما اخواتك سواء بنات أو شباب التزم بالقوانين اللى أؤكد ليك انك لازم تقرأها اول حاجة عشان تعرف المنتدى اتعمل ليه وتعرف تتعامل صح متغلطتش غلطتى
وشكرا
