فضفضه نصيحة شويه نصايح بسيطه لو بتقدم على شغل

[elzabarty222]

في مجال زي السيلز بتفرق وخدمة العملاء بتفرق
وحاجات كتير
بس في مجال المحاسبة عندنا مش بتفرق

السيلز اوت دول ممكن انما خدمه العملا الكول سنتر هعمل اي بشكله ؟ وبعدين مهو هيجي كله واشوفه ع الطبيعه 😂

 

[elzabarty222]

سيلز اوت دور***

 

[متحرش تويتر]

انا عملت البوست و خرجت و رجعت و خرجت تاني و رجعت و كلت و نمت و فكرت محدش هيهتم بالموضوع كالعاده بس لقيت العكس تماماً وفي ناس كمان جوه المجال أو حتى بره و عندها شويه خبرات قدمتها للناس و دي حاجه معتقتدش اني الالقيها هنا .. شاركوا خبراتكم يا شباب و فيدوا بعض في ناس بتبقى تايهه ومش لاقيه حد يدلها و سيبكم من الهزار و الخيالات و الكلام الفراغ لا بيودي ولا بيجيب ولا بينفع صاحبه

المنتدي مليان خبرات مدفونه وعمر ما حد هيبخل علي التاني بمعلومه الا لو كان جواه وحش ودا بيكون جوا وبرا المنتدي كدا عشان كدا اول كومنت كتبتهولك قولتلك برافو

 

[elzabarty222]

المنتدي مليان خبرات مدفونه وعمر ما حد هيبخل علي التاني بمعلومه الا لو كان جواه وحش ودا بيكون جوا وبرا المنتدي كدا عشان كدا اول كومنت كتبتهولك قولتلك برافو

اتفق وبشده

 

[elzabarty222]

في ناس كتير هنا كليات قمه وحاجات عاليه جدا ودماغ عاليه جدا كان في حد خريجه اعلام وصحفيه انا بفتح مخصوص ادور عليها عشان الكيك بتاعي اتمسح 😂😂😂

 

[elzabarty222]

اكمل نصايح طيب ولا اي ؟

 

[متحرش تويتر]

اكمل نصايح طيب ولا اي ؟

كمل كمل هنتابع

 

[I'm Klein]

اكمل نصايح طيب ولا اي ؟

كمل .. اكيد في حد محتاجها

 

[elzabarty222]

علي البركه ، لو انت مؤهل عالي وكدا اهتم ب الاكسيل والاوفيس عموما لو محتاج دورات ممكن MOS هتنفعك وكويسه فالسي في

 

[elzabarty222]

لو حد حابب مجال الاتش ار ممكن تاخد دبلومه ومن وجهه نظري في اماكن كتير بس اكتر مكان الناس بتشكر فيه HR winners ويجي بعدهم HR passport, وممكن تتابع بردو اماكن تانيه

 

[I'm Klein]

المنتدي مليان خبرات مدفونه وعمر ما حد هيبخل علي التاني بمعلومه الا لو كان جواه وحش ودا بيكون جوا وبرا المنتدي كدا عشان كدا اول كومنت كتبتهولك قولتلك برافو

تسلم **** يخليك ♥️
المنتدى مليان خبرات و ناس مثقفه و متعلمه و محترمه و ده حقيقي لكن فيهم شويه ناس بتحاول تبوظ اي حاجه كويسه ممكن الواحد يحاول يعملها بالانتقاد أو أنه المكان مش مناسب ل ده او انك بتعمل كده ك واحد مدعي عشان تلم الناس حواليك و يعجبوا بيك

 

[elzabarty222]

وطبعا في سؤال سيبت شغلك القديم ليه ؟ او هتسيبه ليه. ؟ هو هنا طبعا مش بيصاحبك هو بيشوف هل الي هتقوله دا عنده كعيب فخلاص انت ريجيكتيد او هتقول كلام مش كويس بردو ريجيكتيد

 

[elzabarty222]

ممكن تقول حبيت اخوض تحدي جديد. لو انت بتعمل شيفت كارير او ممكن تقول بيئه العمل عندكم اصحابي بيشكرو فيها جدا وكان المكان الي انا فيه خطوه عشان اشتغل فالصرح العظيم دا لو هي شركه كبيره, طيب لو قولت عشان في ضغط وكدا هقول مانا كمان عندي ضغط اجيبك وتمشي من عندي زي ما مشيت من هناك ؟

 

[elzabarty222]

خلي دايما السبب منطقي وميتحسبش عليك .

 

[متحرش تويتر]

تسلم **** يخليك ♥️
المنتدى مليان خبرات و ناس مثقفه و متعلمه و محترمه و ده حقيقي لكن فيهم شويه ناس بتحاول تبوظ اي حاجه كويسه ممكن الواحد يحاول يعملها بالانتقاد أو أنه المكان مش مناسب ل ده او انك بتعمل كده ك واحد مدعي عشان تلم الناس حواليك و يعجبوا بيك

لا بالعكس انا انبهرت بالمنشور كلو وهندلته وترتيبه مش عشوائي ودا ال خلاني ادي علي قد معرفتي ف المجال وربنا يوفق الجميع

 

[elzabarty222]

بالنسبه للفريش جراديويت بيخش لينكد ان بيتعقد ويقفل ويمشي ، نصيحه حاول فالاول تدور ف البوستات مش الوظائف ليه بقي

 

[elzabarty222]

الوظائف دي بتكون شركات الي حد ما عاليه وعاوزين حد عالي اصلا ، عكس المنشورات بتكون حاطه متوسطه ومحترمه بردو بس هتوافق بيك وتديك الخبره تروح بيها المكان التاني. ومحدش يضحك عليك الكول سنتر مش خبره فاي حاجه

 

[متحرش تويتر]

ممكن تقول حبيت اخوض تحدي جديد. لو انت بتعمل شيفت كارير او ممكن تقول بيئه العمل عندكم اصحابي بيشكرو فيها جدا وكان المكان الي انا فيه خطوه عشان اشتغل فالصرح العظيم دا لو هي شركه كبيره, طيب لو قولت عشان في ضغط وكدا هقول مانا كمان عندي ضغط اجيبك وتمشي من عندي زي ما مشيت من هناك ؟

فعلا لما سيبت المجال ودخلت مجال مختلف تماما معنديش في اي خبره قلت كدا محتاج ادخل مجال اتحدي فيه نفسي اني اقدر اضيفه لحياتي العمليه وفعلا ف مده قصيرة جدا قدرت اثبت نفسي ولصاحب المكان انو اختار اضافه كويسه ولما مشيت قدملي اكتر من عرض يفوق زمايلي ال شغالين من زمان اني اكمل ف المكان بس انا اخترت المجال الحالي واستقريت فيه

 

[elzabarty222]

واهم حاجه فالانترفيو حاول متبقاش متوتر ، متحطش ايدك فبعض متكلبش ايدك , حاول تبقي عادي صوتك متوسط لا واطي ولا عالي

 

[elzabarty222]

الفورمال هو قميص ابيض وجرافته ساده او نقش خفيف وبنطلون وجاكيت بدله من غير صديري ، وشراب ساده طويل والوان البدل هي اسود وكحلي ورمادي (الون الي فاتح اتمني اكون قولت اسمه صح عشان بنسي اسمه رمادي او رصاصي 😂)