احكلينا موقف سوءت الظن فيه في حد و طلعت ظالمو..
وهبدأ انا
كنت اوقات كتير بروح اقعد مع صاحبي في البيت بحكم صحبيتنا و كدا و كان اللي سكنين قصاد صحبي واحدة فرس بصراحة و عرفت انها متجوزة و شفتها هي و جوزها في مرة ولا اتنين
المهم في مرة كنت رايح لصحبي و عادي شفتها بتفتح لواحد غريب بشعرها و بنص كم
انا بصراحه شكيت انها بتخون جوزها.. و حصلت الحكاية دي تاني لما كنت نازل من عند صاحبي و لاقيت الرجال دا طالع علي السلم.. استنيته يطلع و سمعت صوت باب شقتها برضه بيتفتح... و انا خلاص اتأكد ان هي شمال
لغاية ما فب مرة كنت عند صحبي و سمعت صوت علي السلم بصيت من العين السحرية و شفت الست دي و جوزها و الراجل اللي بتفتحله و سمعت الراجل دا بيقول لجوزها.. طيب فكر بس تعملها و انا اعرفك ان اخوها راجل و ضحكو و الراجل دا مشي
وانا اتكسفت اني سوءت ظني فيها بالطريقة دي
وانت/ي. سوءت الظن بمين و عرفت/ي الحقيقة ازاي
