بما اني اجازه ف قررت اخنقكم بقصه طويله من الحاجات اللي بحب اتعمق فيها
ثانيا سؤال مهم ..
ايه حوار جزيرة ابستين دي وتريند ستيفن هوكينج المنتشر اليومين دول عالسوشيال ميديا؟
الموضوع عباره عن ملياردير امريكي اسمه جيفري ابستين، وصاحبته شخصية اجتماعية بريطانية اسمها غيسلين ماكسويل، الاتنين شخصيات عامة واغنياء ومن مشاهير "البعدا" وولاد البعدا بردو.
ما علينا ..
الاخ ده كان راجل على باب ****، بدأ حياته فقير ومدرس رياضيات غلبان لحد ما دخل القطاع المصرفي، واشتغل في الاستشارات المالية وبعدين بقا يشتري المديونيات ويسددها لحد ما انشأ شركته الخاصة اللي هيا عبارة عن صندوق تحوط، بمعنى انه بيتعامل مع المليارديرات ويستثمر فلوسهم بطريقة تحقق ربح اكتر من السوق.
الفلوس الكتير دي غيرت حياته، وحولته لواحد من اهم الاغنياء في نيويورك، عنده ممتلكات لا تعد ولا تحصى، مباني في منهاتن وجزيرة في جزر فيرجن الامريكية ومنتجع في بالم بيتش وقصة كبيرة كدة، وبالاضافة لممتلكاته كان صديق لزعماء ورؤساء العالم، يعني عادي يعمل حفلة يكون فيها بيل كلينتون وترامب عادي جدا .
راجل مشهور ودمه خفيف وعلاقاته اقل واحد فيهم يدور دولة بحالها.
لكن كيفه كان موديه في داهية، كيفه بقا كان العيال الصغيرة، ومش ليه لنفسه كمان دا كان مروج للقصة دي بين مشاهير وزعماء العالم، اللي هوا عندي جزيرة بعيد عن الكاميرات لو حابب يتعملك مساچ فيها او تعمل حاجة مش حابب الناس تعرفها تعالى، وشركته بتاعت التمويل دي كانت غطاء، عشان تبقا مبرر لفلوسه الكتير اللي هتيجي بعد كدة.
لحد ما في يوم من ايام ٢٠٠٥ بلاغ من ست بتتهم فيه احد الاثرياء في بالم بيتش انه اعتدى على بنت جوزها اللي عندها ١٤ سنة بس، وبالصدفة عرضوا عليها كام صورة لاغنياء المنطقة فا يطلع المتهم ده هوا حبيب الملايين الميلياردير جيفري بنفسه.
وقامت الدنيا ومقعدتش وقتها، والبلاغ ده جه في ديله بلاغات اكتر من بنات تانية، كلهم تحت السن القانوني، وكل بلاغ بتفاصيل جديدة، واتقال انه كان بيدفع للبنت ٣٠٠ دولار ويديها اكتر لو جابت صاحبتها، واللي كانت بتتفق معاهم مين بقا؟ صاحبته الشخصية العامة اللي هيا ماكسويل نفسها.
الشرطة فتشت بيته لقت فيديوهات وصور وحاجات كلها تدينه، وقامت القضية وقتها، لكن ازاي شخصية كبيرة ومسنودة زي دي تتسجن وتتفضح كدة؟ دا ليه علاقة بالمخابرات يعني
فا المدعي العام للولاية اللي فيها القضية واللي كان خايف منه شخصيا، وصل لاتفاق مع محامي ابستين انه يعترف بجريمة من ال٥٠ جريمة اللي اتهم فيهم، ابسط جريمة اللي هيا تحرش باين، ويتسجن ١٨ شهر في مقابل انه ميقفش قدام محكمة والقضية تتقفل، وفعلا وافق ابستين وقضى سجنه سنة ٢٠٠٨م بالسماح ليه انه يفضل ١٢ ساعة يوميا برة السجن بدعوى انه وراه شغل، ويروح السجن ينام بس، وخرج حسن سير وسلوك بعد ١٣ شهر، وعمل حفلة كبيرة ولا كأن حاجة حصلت، واستمر في شغله عادي زي ما كان.
لحد يوليو ٢٠١٩م، يعني بعد ١١ سنة كاملين، لانه كان محطوط في قايمة الدرجة التالتة اللي فيها بيكون المتهم ممكن يرجع لجريمته تاني، وبسبب القصايا والبلاغات الكتير اللي استمرت طول الفترة دي، فا المكتب الفيدرالي استناه وهوا راجع من باريس على طيارته الخاصة وقبضت عليه في مطار تيتربورو في نيوجيرسي، بس المرادي الجريمة مكانتش تحرش، انما كان اتجار بالبشر.
وفتشوا بيته للمرة التانية، لقوا بقا الاف الصور وفيديوهات وسيديهات وفلوس وبلاوي زرقا، وجواز سفر نمساوي مزور، و٤٨ ماسة، واتوسعت الاتهامات عشان تشمل تهريب القاصرات والاتجار فيهم، يعني الموضوع مكنش جزيرة بس لكن كان كمان بيبعتهم ديلفري، واتفتحت القضية تاني، حاول ابستين انه يدفع كفالة ١٠٠ مليون دولار ويتحدد اقامته بس ميقفش قصاد قاضي، لكن المحكمة رفضت، وقعدته في زنزانة، بعد كام يوم بس من القبض عليه، ملقاش مهرب غير الحبل، وانهى حياته.
اما صاحبته اللي كانت بتجيبله البضاعة، فا اتحكم عليها في ٢٠٢٢ بالسجن ٢٠ سنة، وقاعدة النهاردة في السجن، والقضايا لسة شغالة لحد النهاردة، كواحدة من اكبر قضايا الرأي العام في العالم كله.
طيب ايه اللي جد بقا في القضية دي؟
اللي جد ان من وسط القضايا الكتير دي، كان فيه واحدة من الضحايا اسمها "فيرجينيا جيوفري"، من ضمن مئات القاصرات اللي رفعوا قضية على ابستين، جميل؟
لكن في مرة من المرات غليسين ماكسويل اللي هيا صاحبة ابستين، قالت عالبنت دي انها كدابة، فا فيرجينيا قررت ترفع دعوى تشهير ضدها سنة ٢٠١٥م، وطبعا في القضية دي عشان تثبت صدقها استدعت شهود كتير واتحط اسماء كتير اوي في القضية دي، لكن القضية انتهت بالتسوية سنة ٢٠١٧م يعني ماكسويل دفعت تعويض متقالش رقمه لفيرجينيا والقضية اتقفلت وخلاص.
اللي جد بقا ان صحيفة ميامي هيرالد طلبت من المحكمة الكشف عن وثائق القضية للعامة، وفضلت تضغط اعلاميا وقضائيا عالمحكمة لحد ما القاضية لوريتا بريسكا حكمت في ديسمبر اللي فات بالكشف عن الوثائق دي، وادت مهلة لحد اول يناير يعني من كام يوم بس ان لو حد من الاسماء المطروحة او من الضحايا استأنف او رفض كشف اسمه الحكم يتلغي، وده محصلش، فا بدأت الوثائق دي تتنشر على شكل دفعات، اكتر من ٢٠٠٠ وثيقة "غير مختومين" ..
يعني ايه غير مختومين؟
يعني فيه جزء تاني من الوثائق مختومين فعلا ودي اللي فيها اسماء الشهود والمتهمين الفعليين واسماء امراء وزعماء تودي في داهية، دول اللي مختومين بمعنى انه غير مصرح للعامة بالاطلاع عليهم، واللي اتسمح للعامة انهم يشوفوهم هوا الجزء اللي مفيهوش اتهامات اوي، يعني مليان اسماء لكن مفيش تهمة طالتهم.
مثلا شاهدة من الشهود سمعت اسم فلان اتجاب في الكلام، شاهدة تانية شافت علان في الجزيرة، شاهدة تالتة معرفش لمحت اسم ترتان بيتقال في قاعدة، ايميل بين ابستين وماكسويل بيطلب منها تدفع للشهود يلغوا شهاداتهم او يزوروها، وهكذا.
لكن ليستة الاسماء دي تقيلة فعلا، ١٥٠ اسم واكتر، على سبيل المثال بيل كلينتون، وهيلاري كلينتون، دونالد ترامب، مايكل جاكسون، ستيفن هوكينج، امراء عرب، شخصيات عامة وممثلين، الامير اندرو الابن التاني للملكة اليزابيث، بيل جيتس، ليوناردو ديكابريو، الساحر ديفيد كوبرفيلد، ايهود باراك، ال جور، كيفن سبيسي، كيت بلانشيت، ناعومي كامبل، بروس ويليس، كاميرون دياز، اوبرا وينفري، وغيرهم.
لكن اغلب الاسماء دي مش متهمين دول مجرد شركاء يعني كانوا يعرفوه، او اشتغلوا معاه، او جمعتهم الظروف واتقابلوا، يعني مثلا ديفيد كوبرفيلد مش متهم لكنه حضر حفلة عشاء في بيت من بيوت ابستين وعمل فقرة سحرية، ومايكل جاكسون مثلا اتشاف في حفلة عشاء وكان صديق لابستين، لكن معملش حاجة، واغلب الاسماء كدة.
اما الاسماء التقيلة او المتهمين صراحة فا دول لسة متمش الكشف عنهم، لكن مع الوقت هيتكشفوا زي ما حصل مع ويكيليكس قبل كدة، والفكرة بس في الوقت، والتريند بسبب ان الاسماء المذكورة اسماء تقيلة جدا، ولسة التقيل جي في السكة، كل يوم فيه دفعة وثائق جديدة بتتكشف، ومستنيين المفاجآت.
ثانيا سؤال مهم ..
ايه حوار جزيرة ابستين دي وتريند ستيفن هوكينج المنتشر اليومين دول عالسوشيال ميديا؟
الموضوع عباره عن ملياردير امريكي اسمه جيفري ابستين، وصاحبته شخصية اجتماعية بريطانية اسمها غيسلين ماكسويل، الاتنين شخصيات عامة واغنياء ومن مشاهير "البعدا" وولاد البعدا بردو.
ما علينا ..
الاخ ده كان راجل على باب ****، بدأ حياته فقير ومدرس رياضيات غلبان لحد ما دخل القطاع المصرفي، واشتغل في الاستشارات المالية وبعدين بقا يشتري المديونيات ويسددها لحد ما انشأ شركته الخاصة اللي هيا عبارة عن صندوق تحوط، بمعنى انه بيتعامل مع المليارديرات ويستثمر فلوسهم بطريقة تحقق ربح اكتر من السوق.
الفلوس الكتير دي غيرت حياته، وحولته لواحد من اهم الاغنياء في نيويورك، عنده ممتلكات لا تعد ولا تحصى، مباني في منهاتن وجزيرة في جزر فيرجن الامريكية ومنتجع في بالم بيتش وقصة كبيرة كدة، وبالاضافة لممتلكاته كان صديق لزعماء ورؤساء العالم، يعني عادي يعمل حفلة يكون فيها بيل كلينتون وترامب عادي جدا .
راجل مشهور ودمه خفيف وعلاقاته اقل واحد فيهم يدور دولة بحالها.
لكن كيفه كان موديه في داهية، كيفه بقا كان العيال الصغيرة، ومش ليه لنفسه كمان دا كان مروج للقصة دي بين مشاهير وزعماء العالم، اللي هوا عندي جزيرة بعيد عن الكاميرات لو حابب يتعملك مساچ فيها او تعمل حاجة مش حابب الناس تعرفها تعالى، وشركته بتاعت التمويل دي كانت غطاء، عشان تبقا مبرر لفلوسه الكتير اللي هتيجي بعد كدة.
لحد ما في يوم من ايام ٢٠٠٥ بلاغ من ست بتتهم فيه احد الاثرياء في بالم بيتش انه اعتدى على بنت جوزها اللي عندها ١٤ سنة بس، وبالصدفة عرضوا عليها كام صورة لاغنياء المنطقة فا يطلع المتهم ده هوا حبيب الملايين الميلياردير جيفري بنفسه.
وقامت الدنيا ومقعدتش وقتها، والبلاغ ده جه في ديله بلاغات اكتر من بنات تانية، كلهم تحت السن القانوني، وكل بلاغ بتفاصيل جديدة، واتقال انه كان بيدفع للبنت ٣٠٠ دولار ويديها اكتر لو جابت صاحبتها، واللي كانت بتتفق معاهم مين بقا؟ صاحبته الشخصية العامة اللي هيا ماكسويل نفسها.
الشرطة فتشت بيته لقت فيديوهات وصور وحاجات كلها تدينه، وقامت القضية وقتها، لكن ازاي شخصية كبيرة ومسنودة زي دي تتسجن وتتفضح كدة؟ دا ليه علاقة بالمخابرات يعني
فا المدعي العام للولاية اللي فيها القضية واللي كان خايف منه شخصيا، وصل لاتفاق مع محامي ابستين انه يعترف بجريمة من ال٥٠ جريمة اللي اتهم فيهم، ابسط جريمة اللي هيا تحرش باين، ويتسجن ١٨ شهر في مقابل انه ميقفش قدام محكمة والقضية تتقفل، وفعلا وافق ابستين وقضى سجنه سنة ٢٠٠٨م بالسماح ليه انه يفضل ١٢ ساعة يوميا برة السجن بدعوى انه وراه شغل، ويروح السجن ينام بس، وخرج حسن سير وسلوك بعد ١٣ شهر، وعمل حفلة كبيرة ولا كأن حاجة حصلت، واستمر في شغله عادي زي ما كان.
لحد يوليو ٢٠١٩م، يعني بعد ١١ سنة كاملين، لانه كان محطوط في قايمة الدرجة التالتة اللي فيها بيكون المتهم ممكن يرجع لجريمته تاني، وبسبب القصايا والبلاغات الكتير اللي استمرت طول الفترة دي، فا المكتب الفيدرالي استناه وهوا راجع من باريس على طيارته الخاصة وقبضت عليه في مطار تيتربورو في نيوجيرسي، بس المرادي الجريمة مكانتش تحرش، انما كان اتجار بالبشر.
وفتشوا بيته للمرة التانية، لقوا بقا الاف الصور وفيديوهات وسيديهات وفلوس وبلاوي زرقا، وجواز سفر نمساوي مزور، و٤٨ ماسة، واتوسعت الاتهامات عشان تشمل تهريب القاصرات والاتجار فيهم، يعني الموضوع مكنش جزيرة بس لكن كان كمان بيبعتهم ديلفري، واتفتحت القضية تاني، حاول ابستين انه يدفع كفالة ١٠٠ مليون دولار ويتحدد اقامته بس ميقفش قصاد قاضي، لكن المحكمة رفضت، وقعدته في زنزانة، بعد كام يوم بس من القبض عليه، ملقاش مهرب غير الحبل، وانهى حياته.
اما صاحبته اللي كانت بتجيبله البضاعة، فا اتحكم عليها في ٢٠٢٢ بالسجن ٢٠ سنة، وقاعدة النهاردة في السجن، والقضايا لسة شغالة لحد النهاردة، كواحدة من اكبر قضايا الرأي العام في العالم كله.
طيب ايه اللي جد بقا في القضية دي؟
اللي جد ان من وسط القضايا الكتير دي، كان فيه واحدة من الضحايا اسمها "فيرجينيا جيوفري"، من ضمن مئات القاصرات اللي رفعوا قضية على ابستين، جميل؟
لكن في مرة من المرات غليسين ماكسويل اللي هيا صاحبة ابستين، قالت عالبنت دي انها كدابة، فا فيرجينيا قررت ترفع دعوى تشهير ضدها سنة ٢٠١٥م، وطبعا في القضية دي عشان تثبت صدقها استدعت شهود كتير واتحط اسماء كتير اوي في القضية دي، لكن القضية انتهت بالتسوية سنة ٢٠١٧م يعني ماكسويل دفعت تعويض متقالش رقمه لفيرجينيا والقضية اتقفلت وخلاص.
اللي جد بقا ان صحيفة ميامي هيرالد طلبت من المحكمة الكشف عن وثائق القضية للعامة، وفضلت تضغط اعلاميا وقضائيا عالمحكمة لحد ما القاضية لوريتا بريسكا حكمت في ديسمبر اللي فات بالكشف عن الوثائق دي، وادت مهلة لحد اول يناير يعني من كام يوم بس ان لو حد من الاسماء المطروحة او من الضحايا استأنف او رفض كشف اسمه الحكم يتلغي، وده محصلش، فا بدأت الوثائق دي تتنشر على شكل دفعات، اكتر من ٢٠٠٠ وثيقة "غير مختومين" ..
يعني ايه غير مختومين؟
يعني فيه جزء تاني من الوثائق مختومين فعلا ودي اللي فيها اسماء الشهود والمتهمين الفعليين واسماء امراء وزعماء تودي في داهية، دول اللي مختومين بمعنى انه غير مصرح للعامة بالاطلاع عليهم، واللي اتسمح للعامة انهم يشوفوهم هوا الجزء اللي مفيهوش اتهامات اوي، يعني مليان اسماء لكن مفيش تهمة طالتهم.
مثلا شاهدة من الشهود سمعت اسم فلان اتجاب في الكلام، شاهدة تانية شافت علان في الجزيرة، شاهدة تالتة معرفش لمحت اسم ترتان بيتقال في قاعدة، ايميل بين ابستين وماكسويل بيطلب منها تدفع للشهود يلغوا شهاداتهم او يزوروها، وهكذا.
لكن ليستة الاسماء دي تقيلة فعلا، ١٥٠ اسم واكتر، على سبيل المثال بيل كلينتون، وهيلاري كلينتون، دونالد ترامب، مايكل جاكسون، ستيفن هوكينج، امراء عرب، شخصيات عامة وممثلين، الامير اندرو الابن التاني للملكة اليزابيث، بيل جيتس، ليوناردو ديكابريو، الساحر ديفيد كوبرفيلد، ايهود باراك، ال جور، كيفن سبيسي، كيت بلانشيت، ناعومي كامبل، بروس ويليس، كاميرون دياز، اوبرا وينفري، وغيرهم.
لكن اغلب الاسماء دي مش متهمين دول مجرد شركاء يعني كانوا يعرفوه، او اشتغلوا معاه، او جمعتهم الظروف واتقابلوا، يعني مثلا ديفيد كوبرفيلد مش متهم لكنه حضر حفلة عشاء في بيت من بيوت ابستين وعمل فقرة سحرية، ومايكل جاكسون مثلا اتشاف في حفلة عشاء وكان صديق لابستين، لكن معملش حاجة، واغلب الاسماء كدة.
اما الاسماء التقيلة او المتهمين صراحة فا دول لسة متمش الكشف عنهم، لكن مع الوقت هيتكشفوا زي ما حصل مع ويكيليكس قبل كدة، والفكرة بس في الوقت، والتريند بسبب ان الاسماء المذكورة اسماء تقيلة جدا، ولسة التقيل جي في السكة، كل يوم فيه دفعة وثائق جديدة بتتكشف، ومستنيين المفاجآت.
