فضفضه تنمية بشرية

[Zeko1]

كان في لقاء لباسم يوسف في بودكاست من بتوع اسعي وعافر واحفر في الارض وكسر ف السقف وانفخ في النار ومتنمش.

المذيع كالعادة دخل من حتة قد ايه انت موهوب يا باسم وعافرت بس باسم خبطهاله في وشه وقاله انا مش موهوب المذيع كمل بس اكيد كنت مميز في حتة واشتغلت عليها باسم برضه رد عليه ولا مميز

المذيع قال امال كان عندك ايه واتشغلت عليه وباسم في لحظة صراحه وتجلي قاله معنديش ومعرفش انا نجحت ازاي هتقولي انت موهوب في ناس موهوبه قدي ۱۰ مرات هتقولي انت كاريزما في ناس قدي ألف مرة هتقولي افيهاتك حلوه في ناس اكثر مني الف مره

برضه وكلهم بيسعوا ويعافروا.

التنمية البشرية لوقت كبير جداً بتشتغل علي نقطة السعي والمعافرة والذي منه وانك تبقي فاشل لو مبقتش مليونير قبل سن التلاتين والمليون مفيش بينك وبينه غير انك تجتهد ودا للأسف بينمي شعور بعدم الرضا واحساس بالنقص وانك مقصر وفكرة وجود deadline دي بتشغلهم وتخلي الناس تجري ع الكورسات عديمة القيمه عشان تلحق نفسها وتاخد روشتة النجاح.

باسم يوسف مش أول واحد يقول كدا قبله بيل غيتس كان قال ان الحظ

سبب نجاحه ، وارن بافت اغني وانجح مستثمر في العالم كمان قال ان الحظ ساعده وانه لو رجع بيه الزمن وارد مينجحش تاني ، ستيف جوبز اللي بيتم الترويج ليه كمثال للنجاح والمعافرة بكل كتب التنميه البشرية

تغافلوا عن حاجه مهمه وهي انه كان من عائلة ثريه أصلا و دا ساعده يدخل مدرسة امريكيه كانت من اول المدارس اللي تدخل كومبيوتر في العالم دا بالإضافة لاعترافه نفسه بانه كان محظوظ لانه اتولد في الجهة الصحيحة

من الكوكب (دولة امريكا الغنية ولعائله ثريه وبدأ ف مدرسة كانت من اوئل المدارس لادخال الكمبيوتر و عاش ف الفترة الزمنية الصحيحة مع بداية ثورة الكومبيوتر .

الموضوع طبعاً مع كونه نسبي لكن جماعة التنمية البشرية بتتجاهل تماماً أي عوامل محيطه وبتنسي ان في أقدار مكتوبة فما عليك الا ان تحاول وتسعي فقط وترضي بالنتيجة او بحظك بلغتهم.

Or should we call it ... Destiny

محتاج توفيق من ربناا كبييير عشان تنجح... يبقي تجتهد وتعمل اللي عليك وتسعي ل رضا **** وتوفيقه