بعد ما قريت كلامك و معظم التعليقات احب ارد و اشكرك على عرضك للموضوع دا و احترامي لك و اسمحلى ارد عليك كصفتى نموذج شاب كان ناوى يروح بيت دعارة بس تراجعات بسبب الخوف.
أولاً: انا عمري ما كنت هفكر اروح لو كان عندى حد اكلموا و يبقى فى كلام و حب مبينا لأن اصلا سبب انى رايح انى انسان عندى شهوة جامده و الأهم انا مش عارف اتعرف على حد و إنسان خجول و عندى جفاف عاطفي، و من هنا ممكن تحدد مين الى ممكن يروح المكان دا (شباب عندو شهوة - ناس مش عارفة تتعرف و خجولين - ناس عندها مشاكل مادية - ناس عندها جفاف عاطفي - ناس عندها مشاكل) طلع بس الناس الى متجوزة و بتخون بمزاج عشان اخطر فئة هم فئة الشباب الى ممكن تلاقيهم راحين هناك.
ثانياً: انا كشخص معرفش ممكن اعمل ايه بعد شهر ممكن تلاقينى فى بيت من البيوت دى، بس هسئلك سؤال لو انا قريبك او صحبك او حتى ابنك تفتكر هتبقى مبسوط و تشجعني انى اعمل كده ولا هتحاول تحل مشاكلى و تطلعنى بحل بحيث انى اكون ليا حياة جنسية سليمة بعيد عن السكة دى.
انا مش هقلك تقبلها على محرمك (امك - اختك - مراتك - بنتك) عشان دى اتهرست و اتقالت كتير، بس انت مبيصعبش عليك الناس الى بيعملوا كده سواء شباب أو شابات ؟!
ثالثا: انا مليش دعوه مين ناك مين و مين اتناكت من مين، بس لما بسمع نفسى بتصعب عليا انى فى الأخر رايح ادفع فلوس عشان خاطر وحده عايزه قرش و مش فارقه معاها انا مين و بعد عشر دقائق نلبس و نخرج من الأوضة ولا كأن شيئاً لم يكن.
رابعا: انا بصراحه مش فارقه معايا بيت دعارة فتح بيت دعارة قفل، كدا كدا هما موجدين والى عايز يروح يروح و مين يعرف ممكن فيوم أيأس و اروح انا كمان عشان مش عارف اوصل لحاجة بس نفسى مرحش ولو رحت اخرج من هناك بسرعه و مأستمرش على كدا عشان دا اصلا جنس مش صحى لنفسية الواحد بعيد عن الدين.
اخيرا: تقدر تفهم انك ممكن تحل مشاكل الناس بأنك تتقرب اليهم و توعيهم عشان ميشردوش و نبطل طلب طلابات و مواصفات مبالغة فى الجواز، و نحسن من المعيشة الاجتماعية، و كل أسرة تشوف ولادهم و بناتهم مشاكلهم ايه(عندهم جفاف - خجولين - شهوة زيادة) و يقربوا ليهم و ينصحهم لأن فى الأخر هما المفروض الى يرشدوهم فى الحياة، الشباب ممكن يشردوا و يمارسوا ممارسات و يستغل انه محدش مركز معاه فيعمل الى هوا عايزة بسبب التجاهل دا.