مكتملة واقعية تاجر السعادة ـ | السلسلة الثالثة | ـ عشرة أجزاء 16/9/2022

[THE BLACK HORSE]

هههههه بينى وبينك انا كنت ناوى اعمل كده بس تلعشاء بتاع امبارح والتكييف خلانى اغير رائى

بس طلع المشهد عظمة برضوا وخلاني دمعت لان كان نفسي في عيلة ذي كدا بس اشطا يعني اديني عايش مع عيلة صقر 😂

 

[The king soliman]

بس طلع المشهد عظمة برضوا وخلاني دمعت لان كان نفسي في عيلة ذي كدا بس اشطا يعني اديني عايش مع عيلة صقر 😂

ناس كتير نفسها تنضم لعيلة صقر

 

[THE BLACK HORSE]

**** يسترها على فاتن فى اللى جاى

شكرا كدا طمنتني ان البنت راحت وقلبي هيوجعني علي فراقها 🙂💔

 

[The king soliman]

شكرا كدا طمنتني ان البنت راحت وقلبي هيوجعني علي فراقها 🙂💔

لا يا عم مش للدرجه دى

 

[THE BLACK HORSE]

ناس كتير نفسها تنضم لعيلة صقر

دي حقيقة بعيدا عن الفلوس ولا السلطة يولع كل ده بس الحب بينهم غريب والصحوبية الي بين محمد صقر واحمد صقر دي متعلق بيها جدا وحبيت لما شوفتها بتتعاد بين عمر وعبدالرحمن اخوات وصحاب وسند لبعض
وده من اسباب حبي لقصصك انك بتعرف اذاي تظهر المشاعر الانسانية الحقيقة من حب وتعاون او حتي كره وغيره بعيدا عن القصص الي مهمتها الشهوة بس

 

[THE BLACK HORSE]

لا يا عم مش للدرجه دى

شكرا ليك يا احمد انك بتهتم براي القارئ وتعلقه ببعض الشخصيات 🙂❤

 

[The king soliman]

شكرا ليك يا احمد انك بتهتم براي القارئ وتعلقه ببعض الشخصيات 🙂❤

لازم طبعا اهتم برأى القارئ ... انا بكتب القصه دى للناس مش لنفسى .... انا احيانا كتير بكون كاتب حاجات واغيرها علشان بحس انها مش مناسبه للناس او القارئ مش هيتقبلها

 

[THE BLACK HORSE]

لازم طبعا اهتم برأى القارئ ... انا بكتب القصه دى للناس مش لنفسى .... انا احيانا كتير بكون كاتب حاجات واغيرها علشان بحس انها مش مناسبه للناس او القارئ مش هيتقبلها

الف شكر ليك علي ده انا كدا كدا بحبك وبحترمك جدا ع المستوي الانساني بعيدا عن جو القصة وانت بتزود حبي واحترامي ليك كل شوي بردودك واحترامك ❤

 

[الفشخنجيي]

الجزء الجديد هينزل امتاا

 

[معلم جامد]

ابداع وتألق كالعادة
ننتظر جديدك
فلا تكن إلا في الريادة

 

[{رحيم}→↑←]

عاش اوي الجزء نزل

 

[BASM17 اسطورة القصص]

تم أضافة الجزء الخامس

 

[حاكم الشاات]

قبل ما اقراء الجزء حبيت اقولك جمعتك مباركه ياقلب اخوك احييك واشكرك على تعبك يديمك تاج على راسي ياغالي

 

[برنس الكون]

الجزء فاجر يا كينج عاااااش بجد و**** بس حرام عليك القفلات دى مش بتخلينا ننام 😂

 

[Ehab Demian]

جزء متكلف و مليان احداث كتير و يستاهل ان الواحد يستناه بس مكنش ليها لازمه القفله الرخمه دى .
يمكن عشان انا متعاطف مع سليم صقر اوى فمش متقبل اى مشاكل تحصله .
متتاخرش علينا يا فنان

 

[Hatem muhaabb]

كل قفله اروع من الي اقبلها

 

[العقرب وحسب]

شكرا على الابداع والتميز انا بعيش فى القصه شكرا جزيلا وياريت ماتأخرش كتير علينا

 

[الجنيـّــّــّــّرال]

دايما في إبداع بعدين معاك كل مره تشوق اكتر من الاول مع سليم والين 🤍 شابو علي العظمه

 

[امير العاشق]

لومازلت السلاسل السابقة​

تاجر السعادة | السلسلة الأولي |​

تاجر السعاده | السلسله الثانيه |​

الفصل الأول​

السعاده ..... اخيرا عرفت معنى السعاده ..... السعاده ماهى الا وهم كبير عشت طول عمرى ادور عليه وللاسف كان قصادى ومش شايفه ..... وانا صغير كنت فاكر ان السعاده فى العيله واللمه والاصحاب ...... بعدها قولت جايز تكون فى الفلوس والمركز الكبير ...... كنت كل ما اوصل لحاجه اكتشف ان هى مجرد شكل من اشكال السعاده لكن مش هى دى السعاده اللى انا كنت بحلم بيها ..... لحد ما جيه اليوم اللى عرفت فيه المعنى الحقيقى للسعاده ...... السعاده الحقيقيه هى الرضا عن حالك مهما كان حالك صعب ..... السعاده ممكن تكون فى روتين الحياه الطبيعى اللى انت كنت شايفه ممل ..... السعاده فى شغلك اللى انت كنت شايفه متعب وبتتمنى تسيبه ..... السعاده فى كل حاجه انت شايفها عاديه مع ان فى غيرك بيحلم يبقى عنده ولو ربع اللى عندك ..... السعاده الحقيقيه فى الرحله نفسها ..... فى الايام المره قبل الايام الحلوه ...... السعاده الحقيقيه فى نومه بعد يوم طويل ومتعب ومليان بالمشاكل والصراعات ..... السعاده فى اكله حلوه بعد جوع ..... السعاده فى فسحه حلوه بعد شغل وتعب ايام وليالى ..... السعاده الحقيقيه لما تلاقى هدف تعيش علشانه وتموت فى سبيل تحقيقه ...... هو ده المعنى الحقيقى للسعاده واللى عرفته بعد رحلة بحث طويله ..... انا تاجر السعاده واللى عشت طول عمرى اوزع السعاده على الناس من غير ما اعرف ايه هى السعاده ولا حتى احس بطعمها بس جيه الوقت اللى اجرب فيه السعاده ..... انا سليم الجراح اللى عيشت حياتى كلها بدور على معنى السعاده واخيرا عرفته ...... يلا بينا نبدأ قصتنا من بعد ما وقفنا

• بعد فرح شرين بنت عمى بكام شهر كانت الامور مستقره ..... صحيت الصبح بدرى كالعاده علشان اروح شغلى ..... مريم كانت نايمه مارضيتش اقلقها لانها طول الليل صاحيه علشان الحمل تاعبها ..... بس وانا خارج بتسحب من الاوضه مريم صحيت

مريم : برضه خارج تتسحب زى الحراميه على الصبح
انا : صباح الورد يا حبيبتى
مريم : صباح الخير يا حبيبى
انا : انا ماكنتش عاوز ازعجك علشان تنامى براحتك خصوصا انك مش بتعرفى تنامى بالليل كويس
مريم : اعمل ايه ابنك تاعبنى الليل كله عمال يرفص
انا : خليه يرفص براحته
مريم : طبعا وانت حاسس بحاجه ما انا اللى تعبانه
انا : يعنى هترتاحى لو بطل ترفيص
مريم : لا طبعا ..... ده لو سكت ساعه واحده انا بخاف واجرى على لمياء علشان اتطمن
انا : حرام عليكى تعبتى لمياء معاكى امبارح اتصلت بيا وبتقولى انها بتفكر تقفل العياده بسببك واحتمال تسيب البلد كلها
مريم : اعمل ايه يا سليم ما انا بقيت بخاف ..... خايفه ان اللى حصل قبل كده يتكرر تانى
انا : احنا قولنا ايه ..... مش اتفقنا ان احنا ننسى اللى فات
مريم : انا بحاول انسى بس خايفه
انا : متخافيش يا حبيبتى طول ما انا جمبك
مريم : هى دى الحاجه الوحيده اللى مطمنانى ..... وجودك جمبى عوضنى عن حاجات كتير
انا : وانا هفضل طول عمرى جمبك
مريم : خدنى فى حضنك يا سليم
انا : بس كده ..... تعالى يا حبيبتى فى حضنى

• اخدت مريم فى حضنى وقعدنا ساكتين اكتر من ربع ساعه لحد ما مريم راحت فى النوم عدلتها على السرير وغطيتها .... ودخلت الحمام اخدت الشاور بتاعى ولبست هدومى ونزلت ...... وانا خارج فى الجنينه شوفت عمى روحت اصبح عليه
انا : صباح الورد على اجمل عم فى الدنيا كلها
عمى : صباح الفل يا حبيبى
انا : ايه اللى مصحيك بدرى كده
عمى : الواحد حاسس بملل بعيد عنك
انا : مش انت اللى قررت تسيب الشغل وتعيش حياتك ورميت كل حاجه عليا انا ودياب
عمى : بناتى كانوا وحشونى ومحتاج اعيش معاهم الباقى من عمرى ده غير ان الصحه معادتش زى الاول ومابقتش استحمل الشغل زى الاول
انا : **** يديم عليك صحتك يا عمى
عمى : طمنى على الشركه يا سليم
انا : كل شئ ماشى تمام ومفيش اى مشاكل
عمى : والشغل التانى
انا : برضه تمام واحنا سابقين بخطوات كتير جدا والجماعه اياهم مش هيعرفوا يحصلونا خلاص
عمى : الحمد لله ..... طب عرفت مين الشخص الجديد اللى مسك الملف بتاعنا
انا : خلاص قربت اوصله
عمى : مش عارف ليه شاكك انك عارف مين الشخص ده ومخبى
انا : هههههههه انت بقيت تشك فيا كتير الايام دى
عمى : اصل اللى انا شوفته منك مش قليل
انا : ههههههههه انت برضه مش عاوز تنسى اللى فات
عمى : هو اللى فات ده حاجه بسيطه علشان يتنسى
انا : على العموم سيبك من ده كله وقولى ..... انت مش ناوى تيجى الشركه ولو حتى زياره ..... كل الموظفين هناك بيسألوا عليك
عمى : ماشى يا سليم اهرب براحتك ..... انا فعلا بقالى يومين بفكر اروح الشركه اتطمن على الشغل بنفسى واشوف خط الانتاج الجديد
انا : طب ما تعمل كده ايه اللى مانعك
عمى : احتمال كبير اروح الشركه النهارده بعد الضهر بس ماتقولش لحد انى رايح الشركه
انا : ليه يعنى
عمى : عاوز اعملها مفاجأه
انا : هتبقى احلى مفاجأه

• واحنا بنرغى دخل علينا يوسف

يوسف : صباح الخير يا عمى ..... صباح الخير يا سليم
انا وعمى : صباح الخير يا يوسف
يوسف : خير كده قاعدين فى الجنينه الصبح بدرى
انا : انا كنت رايح الشركه وشوفت عمى قاعد قولت اقعد معاه
عمى : انت رايح شغلك يا يوسف
يوسف : ايوا يا عمى خير فى حاجه
عمى : بلغ الثعلب ان الاجتماع بتاع الشهر ده هيكون هنا فى مصر علشان كده لازم يرتب اوضاعه ويأمن مكان مناسب للإجتماع
يوسف : حاضر يا فندم انا هبلغه ..... فى حاجه تانيه تحب ابلغه بيها
عمى : لا خلاص كده مفيش حاجه تانيه بس عاوزكم تكونوا جاهزين للاجتماع ده كويس جدا
يوسف : انا عن نفسى جاهز ومحدد اكتر من مكان ينفع للإجتماع مش ناقص غير ان حضرتك وسليم تدولنا الموافقه علشان نبدأ فورا
عمى : جهز تقرير بالاماكن واعرضه على الثعلب وبعد كده نتجمع كلنا ونقرر
يوسف : حاضر يا عمى
انا : طب انا اتاخرت ويادوب اروح اشوف شغلى
عمى : الساعه لسه سبعه يا سليم والشركه على بعد ربع ساعه بالعربيه
انا : حضرتك عارف انى بحب اروح شغلى بدرى يا عمى
عمى : انت فطرت ولا زى عادتك
انا : هفطر فى الشركه
عمى : لا استنى نفطر كلنا مع بعض
انا : حاضر يا عمى

• فطرت مع عمى ويوسف بعدها روحت الشركه ..... اول ما وصلت لقيت عربية دياب موجوده طلعت على طول وروحت المكتب عند دياب

انا : صباح الفل يا دياب
دياب : صباح الخير يا سليم
انا : انت خلاص اتعودت انك تيجى الشركه بدرى
دياب : اعمل ايه بقى ..... منه لله واحد صاحبنا هو اللى عودنى على كده
انا : هههههههه ماشى يا دياب ..... طمنى عليك
دياب : الحمد لله كويس والامور مستقره
انا : وايه اخبار ليندا وريهام
دياب : كويسين جدا والامور مستقره على الاخر
انا : يارب دايما
دياب : طمنى انت على مريم
انا : كويسه بس خايفه
دياب : خايفه من ايه
انا : الظروف اللى احنا مرينا بيها خلت مريم خايفه من المستقبل واللى ممكن يحصل فيه
دياب : سيبها على ربك هيعدلها
انا : طمنى على شغلنا
دياب : كل شئ ماشى تمام وامبارح سلمنا شحنه السلاح للجماعه
انا : كويس جدا
دياب : وبالنسبه لشحنة الادويه اتحركت النهارده الفجر وفى طريقها لسيناء علشان تعبر الانفاق النهارده بعد نص الليل
انا : اخبارك كلها زى الفل
دياب : مش ناوى تريحنى وتقولى مين الشخص اللى مسك بعد استر
انا : انتوا ليه مصممين ان انا عارف مين الشخص ده
دياب : يا سليم انا عارفك كويس ومتاكد انك عارف مين الشخص ده
انا : ايه بقى دليلك على الكلام ده
دياب : دليلى هو اللى انت عملته الاسبوع اللى فات فى شحنة القمح اللى كانت المفروض تسافر وانت وقفتها بعد ما خرجت وامرت انها ترجع فى نص الطريق وامرت كمان بأعدامها
انا : كان لازم يحصل كده لان شحنة القمح كانت مسرطنه
دياب : مين اللى قالك المعلومه دى
انا : عرفتها من مصادرى الخاصه
دياب : معنى كلامك ده ان احنا اتكشفنا واتعرف ان احنا بنبعت معونات لفلسطين ودى فى حد ذاتها كارثه
انا : لا متخافش احنا ماتكشفناش وعلشان كده سيبت شحنة السلاح تتحرك امبارح فى معادها عادى جدا
دياب : امال ايه حكاية القمح المسرطن
انا : دى كانت ضربه لشركاتنا مش اكتر ..... الجماعه اياهم بقالهم فتره بيحاولوا يلاقوا ثغره يضربوا فيها شركاتنا وقدروا فعلا يوصلوا للمورد اللى احنا بنتعامل معاه وعملوا الحركه دى على اساس ان احنا نبيع القمح والناس يحصلها مصايب واسم شركتنا يتهز فى السوق
دياب : ده كده اللعب احلو على الاخر
انا : ولسه هتشوف اللعب اكتر فى الفتره اللى جايه
دياب : مش عارف ليه شاكك ان استر هى اللى وراء الموضوع ده
انا : استر مين يا دياب .... استر ماتت من بدرى
دياب : وانا مش بالع قصة موتها دى خصوصا بعد اختفاء جثتها من المشرحه فى نفس يوم القبض عليها
انا : لا يا دياب انا متاكد من موت استر زى ما انا متاكد انى شايفك قصادى
دياب : طالما ماتت يبقى جثتها راحت فين والسؤال اللى اهم من ده ... لو كانت استر ماتت فعلا يبقى مين اللى بيلعب بنفس اسلوبها
انا : شخص كان عايش مع استر فتره كبيره وبيشتغل معاها من غير ما اى مخلوق يعرفه ولا يحس بيه .... شخص راجع ينتقم لأستر ويكمل شغلها
دياب : وانت عارف الشخص ده
انا : اكيد طبعا عارفه
دياب : مين بقى الشخص ده
انا : هتعرف فى الاجتماع اللى جاى كل اللى انت مش عارفه
دياب : ماشى يا سليم انا هصبر بس خليك فاكر كويس ان احنا كلنا فى مركب واحده
انا : مش محتاج تفكرنى يا دياب وماتفتكرش انى مخبى عليك مين يبقى الشخص ده علشان مش واثق فيك لانى زى ما انا مخبى عليك انا كمان مخبى على عمى
دياب : هو ده كمان اللى انا مش فاهمه انت ليه مخبى السر ده على عمك .... انت ناسى ان عمك يبقى رئيس المجموعه
انا : لا مش ناسى بس عمى واثق فيا وعارف انا هتعامل ازاى ومستحيل اعمل اى تصرف من غير ما ارجعله
دياب : كلنا واثقين فيك يا سليم
انا : سيبك من الكلام ده وطمنى ايه اخر اخبارك مع عيلة صقر
دياب : مفيش جديد ..... انا من بعد اللى عملته معاهم يعتبر قاطع علاقتى بيهم
انا : وامل صقر
دياب : امل صقر بتتجنبنى نهائى حتى لما بتيجى سيرتى قصادها مش بتنطق خالص وبتفضل ساكته وده اللى محيرنى
انا : وايه اللى يحيرك فى حاجه زى دى
دياب : امل صقر مش من الناس اللى ممكن تصفى بسهوله ..... امل صقر الموت اهون عليها من انها تتهزم
انا : بس برضه اللى انت عملته معاهم مش قليل ..... علية صقر شافوا وشك التانى بعد اللى عملته مع سالم وامينه وشافوا برضه انت ازاى انقذتهم من الفقر والسجن يعنى هيفكروا الف مره قبل ما يغدروا بيك
دياب : انا مش بتكلم على غدر يا سليم ..... انا عارف ومتاكد انهم مش هيقدروا يغدروا بس برضه مش عارف امل صقر بتفكر ازاى ..... امل صقر اكتر شخصيه تعبتنى فى حياتى عمرى ما قدرت اعرف هى بتفكر ازاى ولا عاوزه ايه
انا : ازاى يعنى
دياب : يعنى شئ منطقى انها تكره ابويا وامى بعد اللى حصل من ابويا وبرضه شئ طبيعى انها تكرهنى وترفض جوازى من ريهام لكن يوصل بيها الحال انها تحاول تسقط ليندا
انا : كلامك فيه شئ من المنطق بس ممكن يكون الغضب اللى جواها هو اللى كان بيتحكم فيها وفى تصرفاتها
دياب : مش عارف بقى
انا : على العموم طالما عيلة صقر قفلوا ابواب الشر يبقى احنا كمان لازم نسامحهم
دياب : السماح مش بالساهل يا سليم
انا : قصدك ايه يا دياب .... اوعى تكون ناوى على حاجه
دياب : لا طبعا انت اتجننت .... انا وعدتك ووعدت ريهام وسليم انى ابعد عن عيلة صقر كلها
انا : ايوا كده طمنتنى
دياب : مش باقى غير حاجه واحده بس هعملها
انا : حاجة ايه
دياب : سعد صقر
انا : يادى سعد اللى انت مش قادر تطلعه من دماغك ..... سعد فى السجن واتحكم عليه بالإعدام وكلها شوية وقت والحكم بتنفذ
دياب : مش هرتاح غير لما الحكم يتنفذ وسعد يموت لكن طول ما سعد عايش انا مش عارف ايه اللى ممكن يحصل
انا : ماتقلقش مفيش حاجه هتحصل انشاء ****
دياب : سيبك من الرغى ده ويلا على مكتبك شوف شغلك انا معايا شغل هنا
انا : بتطردنى من مكتبك يا دياب
دياب : ايوا بطردك يلا بقى ورينى عرض كتافك علشان اخلص شغلى واروح معايا مشوار مهم بالليل
انا : مشوار ايه ده
دياب : وانت مالك يا اخى
انا : ماشى يا دياب خليك فاكرها
دياب : حاضر هفتكرها يلا بقى اطلع بره

• من ناحيه تانيه فى فيلا احمد صقر ..... احمد صقر قاعد فى اوضته لوحده ودخل عليه سليم .... احمد صقر من بعد ما رجله اتقطعت ركب طرف صناعى مكان رجله المقطوعه وبيتحرك عادى فى كل مكان بس برضه اللى حصله كان صعب وفوق طاقته وحالته النفسيه متدمره وعلى طول حابس نفسه فى اوضته

سليم : صباح الخير يا بابا
احمد : صباح الخير يا حبيبى
سليم : عامل ايه النهارده
احمد : هعمل ايه يعنى اهو قاعد زى ما انت شايف
سليم : حاول يا بابا تخرج من اللى انت فيه ده
احمد : اخرج ليه ولمين
سليم : اخرج لينا .... يا بابا احنا كلنا محتاجينلك
احمد : محتاجينلى فى ايه انا خلاص مبقاش عندى حاجه اديها لحد
سليم : ازاى بقى انت لسه عندك كتير ..... انت برضه احمد صقر ..... احمد صقر هو روح البيت ده ومن غيرك البيت ملهوش طعم ولا فيه اى روح
احمد : ده كان زمان ..... زمن احمد صقر راح وانتهى
سليم : ماعاش ولا كان اللى يقول كده واللى يفكر بس يقول نص كلمه عليك هيشوف الجحيم على ايدى
احمد : لا يابنى مش عاوز اسمع منك الكلام ده تانى ..... انسى الدم والموت والخراب ده كله انا عاوزك تعيش حياتك زى اى حد فى سنك وتتمتع بشبابك ..... ماتبقاش زيى وتضيع حياتك من ايدك علشان كلام فارغ ..... عاوزك تحب وتتجوز وتخلف وتعيش الحياه
سليم : فى حاجات كتير فى الحياه اهم من الجواز والحب والكلام الفاضى ده
احمد : يبقى انت كده ماشى فى الطريق الغلط يا سليم
سليم : بالعكس يا بابا .... انا بالنسبالى الجواز مجرد وسليه علشان اخلف مش اكتر من كده لكن عمرى ما هحب اى واحده ولا اتعلق باى بنت مهما كانت ..... بنات حواء غدارين وانا مش مستعد اخسر نفسى علشان واحده
احمد : مين اللى حط فى دماغك الكلام الفاضى ده
سليم : اللى شوفته يا بابا مكانش قليل
احمد : اللى انت شوفته مايجيش 1% من اللى انا شوفته بس انا برضه حبيت واتجوزت ومامتك وعمتك امانى طلعوا بنات اصول وواقفين جمبى وعمرهم مافكروا مجرد تفكير انهم يغدروا بيا حتى بعد اللى حصلى
سليم : وهى فين اللى زى ماما ولا زى طنط امانى
احمد : لا فى كتير يا حبيبى بس انت شيل الكلام الفارغ ده من دماغك
سليم : مش وقته الكلام ده انا مركز دلوقتى فى دراستى ومستقبلى ده غير ان انا لسه صغير على التفكير فى الجواز
احمد : صغير ايه ده انت خلاص هتدخل الجامعه
سليم : برضه لسه صغير
احمد : ده وانا فى سنك كنت خاطب والدتك واتجوزتها فى تانيه كليه ودى كانت الحاجه الوحيده اللى عملتها صح فى حياتى
سليم : وهى فين الست اللى زى ماما ..... الزمن اختلف يا بابا خلاص وماما وطنط امانى نوعيتهم خلصت خلاص
احمد : ماتقولش كده يابنى ..... البنات الكويسه كتير بس مستخبيه
سليم : لما الاقى واحده كويسه هبقى افكر فى موضوع الجواز ده لكن لحد ما الاقيها يبقى من الاحسن اقفل على الموضوع ده
احمد : طب ماعندك العيله مليانه بنات كويسه
سليم : انسى الموضوع ده خالص انا عمرى ما هفكر اتجوز واحده من العيله لو انطبقت السماء على الارض
احمد : ليه كده يابنى
سليم : ده قرار انا اخدته من زمان ومستحيل ارجع فيه ابدا وياريت ماتكلمنيش تانى على اى واحده من العيله
احمد : سيبك من بنات العيله ..... طب عندك اصحابك هنا وشلة المدرسه معقول مفيش اى واحده فيهم لفتت نظرك
سليم : لا خالص
احمد : انت هتكذب عليا يا سليم
سليم : انت عارفنى كويس يا بابا وعارف انى مش بكذب بس ليه بتقول كده
احمد : لان الحراسه بتاعتك بلغتنى انك دايما كنت بتزور واحده زميتلك فى بيتها
سليم : قصدك مين يا بابا
احمد : مليكه صاحبتك
سليم : ههههههههه
احمد : بتضحك ليه دلوقتى
سليم : علشان مليكه دى لعبه وراحت لحالها خلاص
احمد : لعبه ازاى يعنى مش فاهم
سليم : لان مليكه ووالدتها كانوا مزوعين فى حياتى بالقصد من استر علشان يعرفوا يلعبوا مع دياب مش اكتر
احمد : ازاى ده ..... مين اللى قالك الكلام ده
سليم : محدش قالى انا اللى اكتشفت الكلام ده بنفسى يوم ما استر حاولت تخطفنى عن طريق مليكه ووالدتها
احمد : امتى ده حصل وانت ازاى ماتقوليش حاجه زى كده
سليم : الكلام ده حصل فى اليوم اللى واجهتك فيه وقولتلك انى عارف علاقتك بأستر
احمد : يوم ماكنت متعصب ومشيت الحراسه بتاعتك
سليم : ايوا يا بابا فى اليوم ده استر بعتت ناس علشان يخطفونى من عند مليكه
احمد : طب ليه ماقولتليش اللى حصل ده قبل كده
سليم : اقولك ايه وانا شايفك حاطط ايدك فى ايد استر ومسلملها دماغك تلعب فيها براحتها
احمد : سامحنى يابنى على كل اللى انت شوفته بسببى
سليم : انا عمرى فى حياتى ما زعلت منك يا بابا ..... انا كنت زعلان عليك
احمد : انت شوفت بسببى حاجات كتير صعبه اثرت عليك وعلى تفكيرك وعلى حياتك كلها
سليم : مقدر ومكتوب .... سيبك من الكلام ده ويلا بينا ننزل تحت كفايه حبسه فى الاوضه
احمد : مش قادر يا سليم سيبنى هنا انا مرتاح
سليم : لا طبعا مش هسيبك ..... انا وعدتهم تحت انى مش هنزل من غيرك ..... يرضيك اطلع مش قد كلمتى
احمد : ماعاش ولا كان اللى يكسر كلمتك يا سليم حتى لو كنت انا
سليم : خلاص يلا بينا ننزل مع بعض وبعدين انا جعان وعاوز افطر ومش هاكل من غيرك
احمد : حاضر يا حبيبى

• نزل احمد مع سليم وكان كلهم منتظرين تحت

سليم : يلا بقى حضرولنا الفطار انا جعان وعاوز اخرج معايا يوم طويل النهارده
امانى : دقايق واحلى فطار يكون جاهز يا سليم باشا
فاتن : طلعت قد كلامك يا سليم
سليم : ليه يا ماما هو انتى فاكرانى عيل ولا ايه
فاتن : قطع لسان اللى يقول كده
سليم : عاوزين بقى ننسى كل اللى فات ونبص على المستقبل كفايه اللى حصل
فاتن : علشان ننسى اللى فات بجد ونرميه وراء ضهرنا بجد فى حاجه مهمه لازم انت اللى تعملها مش حد تانى
سليم : حاجة ايه يا ماما وانا اعملها فورا علشان خاطرك
فاتن : جدتك يا سليم
سليم : ياريت مانتكلمش فى الموضوع ده تانى
فاتن : لا هتكلم تانى وتالت ورابع والف ومليون .... يا سليم انت بقالك شهور مخاصم جدتك ومش بتكلمها وبتتجنب اى مكان هى موجوده فيه وهى كمان مجرد ما بتسمع صوتك وانت داخل البيت بتقوم تجرى
سليم : هى اللى عملت فينا كده ووصلتنا للحاله اللى احنا فيها
فاتن : طب علشان خاطرى انا سامحها ..... ماتقول حاجه يا عمى
عمر صقر : اقول ايه يا فاتن
فاتن : عقل سليم وفهمه ان اللى بيتكلم عنها دى مهما كانت جدته ومايصحش الحال يوصل بينهم لكده
عمر : سليم كبير وعاقل بما فيه الكفايه علشان يعرف انها جدته ومايصحش يعمل اللى هو بيعمله ولو حد طلب منه يصالحها يبقى ملهاش لازمه ..... لازم القرار يبقى بإرادته
فاتن : هو ده يا عمى اللى **** قدرك عليه ..... ماتقول حاجه يا احمد
احمد : انا قولت كتير بس الظاهر مفيش فايده
سليم : خلاص يا ماما ارجوكى كفايه كده
فاتن : لا مش كفايه يا سليم وهفضل اتكلم لحد ما تسمع كلامى
سليم : خلاص انا بقى هسيبلكم البيت كله وامشى علشان ترتاحوا

• قام سليم سابهم وخرج اخد عربيته ومشى ..... فاتن خرجت تجرى وراه بس مالحقتهوش ..... بعد كده رجعت تانى للجماعه ومسكت تليفونها وقعد تتصل على سليم فى الاول مكانش بيرد بعد كده قفل تليفونه

فاتن : سليم قفل تليفونه
عمر : قولتلك من الاول الموضوع ده بالذات لازم يتاخد بهدوء وبدون ضغط
فاتن : اعمل ايه يا عمى ..... عمتى صعبانه عليا واليومين دول صحتها على قدها ودايما حابسه نفسها فى اوضتها وبتعيط وانا خايفه عليها
احمد : انا هتكلم مع سليم لما يرجع
فاتن : وتفتكر هيسمع كلامك
احمد : احنا نعمل اللى علينا
امانى : انا شايفه ان احنا نكلم دياب وهو هيعرف يتصرف مع سليم ..... سليم مش بيقدر يكسر كلام دياب
فاتن : عندك حق يا امانى ..... بس تفتكرى دياب هيوافق يصالح سليم على عمتى .... اذا كان دياب نفسه رافض يصالحها
امانى : اهى محاوله وممكن تنجح
فاتن : انا هتصل بدياب بعد اذنك يا احمد
احمد : كلميه يا فاتن ولو انى شايف ان ده غلط ومش لازم نكسر امى اكتر من كده لان ده هيأثر عليها
فاتن : انا هتصرف فى الموضوع ده وهحاول احل الحكايه من غير ما حد يعرف
احمد : ماشى يا فاتن لما نشوف

• مسكت فاتن تليفونها واتصلت بدياب

فاتن : صباح الخير يا دياب
دياب : صباح النور يا فاتن اخبارك ايه وايه اخبار احمد دلوقتى
فاتن : كلنا كويسين يا دياب وبخير
دياب : بنت حلال انا لسه كنت هكلمك
فاتن : خير يا دياب فى ايه
دياب : رنيت على سليم دلوقتى لقيت تليفونه مقفول وقولت اكلمه على تليفون البيت عندك
فاتن : هو ده الموضوع اللى بكلمك علشانه
دياب : خير يا فاتن ..... سليم حصله حاجه .... طمنينى ارجوكى
فاتن : اهدى كده ماتقلقش سليم كويس وبخير
دياب : امال ايه فى وليه قافل تليفونه
فاتن : كنا قاعدين معاه من شويه وكنا بنحاول نصالحه على عمتى بس هو اتعصب وساب البيت ومشى وقفل تليفونه
دياب : انا دلوقتى فهمت
فاتن : وانا كنت بكلمك علشان تساعدنا فى الموضوع ده وتحاول تقنع سليم يصالح عمتى ..... انا عارفه ان سليم مش بيقدر يكسر كلامك انت بالذات
دياب : من غير ما تطلبى منى يا فاتن انا حاولت كتير مع سليم بس هو رافض الكلام فى الموضوع ده بس انا باخده بالهداوه علشان مايقفش .... انتى عارفه ان سليم عنيد ودماغه ناشفه ومش بيجى بالعصبيه بتاعتكم
فاتن : طب والحل ايه دلوقتى
دياب : سيبى الموضوع ده عليا وانا هتصرف فيه بنفسى
فاتن : مش عارفه اقولك ايه يا دياب ..... شكرا بجد على كل حاجه انت بتعملها
دياب : بتشكرينى على ايه يا فاتن ..... سليم ده ابنى زى ما هو ابنك انتى واحمد واى حاجه فى مصلحته انا هعملها بدون تفكير
فاتن : هو ده العشم يا دياب

• فجأه سليم دخل على دياب المكتب

دياب : اهو سليم وصل عندى اقفلى انتى يا فاتن وانا هكلمك بعد ما اشوفه
فاتن : بجد سليم عندك
دياب : ايوا .... هتكلم معاه وبعد كده اكلمك
فاتن : طب سلام يا دياب

• بعد ما قفلت فاتن مع دياب

عمر : سليم راح لدياب يا فاتن
فاتن : ايوا يا عمى لسه واصل عنده
امانى : طب كويس انك كلمتى دياب فى الوقت المناسب وفهمتيه اللى حصل
فاتن : بس ياريت دياب يعرف يعمل حاجه خصوصا بعد ما قالى انه حاول كتير مع سليم بس بدون فايده
امانى : انشاء **** المره دى هينجح
فاتن : ياريت

• من ناحيه تانيه عند دياب وسليم

دياب : ازيك يا مغلبنى
سليم : انت كنت بتكلم ماما
دياب : ايوا يا سيدى بكلم مامتك
سليم : ليه فى ايه
دياب : اتصلت بيا تحكيلى اللى انت عملته من شويه
سليم : ياريت مانتكلمش فى الموضوع ده
دياب : امال انت جايلى ليه لما مش عاوز تتكلم فى الموضوع ده
سليم : حسيت نفسى مخنوق قولت اجيلك .... انت الوحيد اللى بتعرف تخرجنى من اللى انا فيه
دياب : ايه اللى خانقك يا سليم
سليم : هتصدقنى لو قولتلك مش عارف
دياب : هسألك سؤال واحد وتجاوبنى بصراحه زى ما اتعودنا طول عمرنا
سليم : انا هجاوبك يا دياب من غير ما تسأل .... ايوا يا دياب انا عاوز اصالح جدتى بس كل ما احاول الاقى حاجز بينى وبينها ومش عارف ايه فى
دياب : وانت عرفت من فين انى هسألك السؤال ده
سليم : عيب عليك يا دياب لو بعد العمر اللى بينا مش هعرف انت بتفكر فى ايه ولا عاوز ايه
دياب : انت بقيت خطر يا سليم
سليم : ههههههههه سيبك منى وخلينا فى المهم
دياب : ماشى يا سيدى ..... تقدر تقولى ايه اللى مانعك انك تصالح جدتك
سليم : صدقنى مش عارف
دياب : ممكن يكون بسبب اللى بينى وبين جدتك انت مش قادر تصالحها
سليم : لا خالص .... انت ملكش علاقه بالموضوع
دياب : امال ايه السبب
سليم : صدقنى مش عارف ..... انا زى ما قولتلك حاولت كتير اصالحها بس برجع فى كلامى فى اخر لحظه
دياب : طب اسمع منى الكلمتين دول وحطهم حلقه فى ودنك ..... امل صقر فى الاول ولا فى الاخر جدتك ولو حصلها حاجه وماتت قبل ما تتصالحوا هتعيش طول عمرك ندمان انك ضيعت فرص كتير كان ممكن تصالحها فيها والندم ده هيضيع حياتك ..... انت جايز ماتحسش بكلامى دلوقتى لكن بكره لما تكبر هتعرف يعنى ايه الانسان يندم على فرصه كانت فى ايده ..... زى ما انا بندم على حاجات كتير ضاعت منى ومش عارف اعوضها
سليم : ايه الحاجات اللى انت ندمان عليها يا دياب
دياب : حاجات كتير فى منها اللى قدرت اعوضها وفى اللى مستحيل تتعوض
سليم : زى ايه
دياب : ندمان على كل لحظه بعدت فيها عن ابويا ...... وانا فى سنك او اصغر منك بشويه كنت شايف ان ابويا ده شئ طبيعى فى حياتى ومش ممكن هيفارقنى ابدا علشان كده كنت بقضى معظم وقتى مع اصحابى وماكنتش بقعد مع ابويا كتير لحد ما صحيت فى يوم على خبر وفاته ..... ودلوقتى بندم على كل لحظه انا ضيعتها بعيد عن ابويا ..... وبعدها ندمت على ناس كتير دخلتها حياتى وكانوا سبب رئيسى فى مصايب كتير حصلتلى ولسه بتحصلى ..... وندمت على علاقتى بعمتك ريهام اللى كنت هضيعها بغبائى وبسبب غبائى ده ضيعت من حياتنا سنين كان ممكن نقضيها مع بعض ..... علشان كده يا سليم انا مش عاوزك تندم زى ما انا ندمت
سليم : عمرى يا دياب ما هعرف معنى الندم طول ما انت معايا وفى ضهرى
دياب : طب لو ليا خاطر عندك زى ما بتقول حاول تتغلب على اى حاجه جواك وصالح جدتك
سليم : حاضر يا دياب بس ادينى شوية وقت
دياب : خد الوقت اللى يريحك بس ياريت ماتتاخرش
سليم : حاضر يا دياب
دياب : بس انا حاسس ان فى حاجه تانيه تاعباك غير موضوع جدتك
سليم : الحلم اللى ملازمنى بقاله اكتر من سنه دلوقتى
دياب : انت مش قولت بطل يجيلك
سليم : فعلا قعدت فتره مش بحلم الحلم ده ..... لكن بقالى اسبوع تقريبا رجع نفس الحلم من تانى وبشكل اقوى وافظع ..... بقيت كل ما اغفل ولو خمس دقايق اشوف نفس الحلم
دياب : كده فعلا فى مشكله
سليم : المشكله ان انا مش عارف مين البنت اللى بتظهرلى فى احلامى وعاوزانى انقذها ..... انا حاسس انى اعرفها كويس وشوفتها قبل كده بس مش قادر افتكر شوفتها فين
دياب : تحب اوديك لدكتور نفسى
سليم : انت شايفنى مجنون يا دياب
دياب : سلامتك من الجنون يا حبيبى ..... انا بقول ان الدكتور ممكن يكون عنده تفسير للحلم ده
سليم : لا الحكايه مش محتاجه دكتور ..... تقريبا من الضغط العصبى اللى احنا كنا فيه الفتره اللى فاتت
دياب : طب ابه رائيك اجهزلك رحله تسافر وتتفسح وتفك عن نفسك وتريح اعصابك شويه يمكن المشكله دى تتحل
سليم : مش هينفع دلوقتى خالص
دياب : ليه كده
سليم : انت ناسى ان بكره اول يوم فى الدراسه .... بكره اول يوم ليا فى الجامعه
دياب : تصدق نسيت ..... السنين جريت يا سليم .... والطفل الصغير كبر خلاص وهيدخل الجامعه
سليم : ههههههه ..... سنين ايه اللى جريت يا دياب انت خايف تعجز ولا ايه
دياب : انت مش هتبطل لماضه ياد انت
سليم : قول انك عجزت يا دياب
دياب : انا غلطان انى بتكلم مع واحد زيك اصلا
سليم : وانت ليك مين غيرى علشان تتكلم معاه
دياب : بصراحه مفيش
سليم : ايوا كده اتعدل .... همشى انا بقى
دياب : رايح فين انت هتتغدى معايا وتقضى اليوم كله معايا
سليم : انت مش معاك شغل ولا ايه النهارده
دياب : فى داهيه الشغل واى حاجه ممكن تشغلنى عنك يا باشا
سليم : انت ايه يا جدع انت
دياب : ايه فى يا سليم
سليم : انا بحبك اووووى يا دياب .... مش عارف حياتى من غيرك كانت هتبقى ازاى
دياب : انا اللى مش عارف حياتى من غيرك كانت هتبقى ازاى
سليم : طب شوف شغلك انت دلوقتى وانا همشى لانى معايا حاجات مهمه لازم اعملها
دياب : حاجات ايه دى
سليم : بسام صاحبى هيسافر النهارده الامارات وكنت رايحله اسلم عليه واوصله للمطار لانى مش هشوفه غير فى اجازة الصيف اللى جاى لانه زى ما انت عارف انه عايش فى الامارات مع اهله ومش بينزل هنا غير فى الاجازه
دياب : ماشى يا سليم براءه المره دى روح شوف صاحبك وسلم عليه
سليم : يلا سلام وياريت تبلغ كريم انه يخف عليا شويه مش كل فتره يغير طقم الحراسه قولتلك الف مره قبل كده انى بعرف احمى نفسى كويس
دياب : اموت واعرف بتكشفهم ازاى
سليم : عيب عليك لما تسأل سؤال زى ده وانا تربيتك
دياب : هههههه ماشى يا لمض يلا روح الحق مشوارك ...... استنى قبل ما انسى
سليم : خير فى ايه
دياب : خد ده كارت الفيزا بتاعك بدل اللى وقف
سليم : تصدق كنت ناسى .... وياترى اخبار الرصيد ايه
دياب : امشى يا جزمه من قصادى
سليم : هههههه حاضر
دياب : ياريت قبل ما يخلص الرصيد تبلغنى مش زى كل مره تعملنا فضايح فى المولات والمطاعم ويقولوا عليك شحات
سليم : هههههه و**** مش باخد بالى من الرصيد اصلا انا بحاسب وبمشى على طول
دياب : على العموم كلها 3 سنين وتكمل 21 سنه ساعتها هتقدر تتصرف فى حساباتك فى البنوك من غير ما تحتاجنى
سليم : حتى لو قدرت اتصرف فى فلوسى برضه هفضل اخد فلوس منك
دياب : امشى ياض من قصادى بدل ما امد ايدى عليك

• خرج سليم من عند دياب ..... وهو خارج عدى على سكرتارية دياب وكان فى المكتب بنتين مروه السكرتيره ولبنى زميلتها ..... سلم على مروه ومشى

لبنى : مين سليم ده اللى بيدخل مكتب مستر دياب بدون استئذان ..... انا شوفت صورته على مكتب مستر دياب واللى انا عارفاه ان اولاد مستر دياب صغيرين
مروه : سليم ده الخط الاحمر اللى ممنوع اى حد يقربله ..... انا فاكره اول ما استلمت الشغل سليم جيه لمستر دياب بس مستر دياب كان معاه اجتماع مهم وطلبت من سليم يستنى لحد ما الاجتماع يخلص ..... سليم قعد مستنى ولما الاجتماع خلص ومستر دياب خرج وشاف سليم مستنى وقتها خرب الدنيا وكان هيرفدنى لولا تدخل سليم ..... مستر دياب يومها قالهالى بوضوح ممنوع نهائى اى حد مهما كان يتعرض لسليم او يفكر يوقف فى طريقه
لبنى : للدرجه دى
مروه : واكتر من كده ..... مستر دياب بكل قوته وهيلمانه بينسى كل حاجه قصاد سليم
لبنى : ليه ده كله يطلع مين سليم ده
مروه : هو قريب مستر دياب ويبقى ابن اخو مراته
لبنى : بس اللى اعرفه ان مستر دياب متجوز اتنين واحده مصريه والتانيه امريكيه
مروه : سليم يبقى ابن اخو مدام ريهام وعلى فكره مدام ليندا برضه ممكن تخرب الدنيا لو حد اتعرض لسليم
لبنى : طب ازاى دى بقى
مروه : دى حاجه انا معرفهاش ولا اعرف ايه سر العلاقه اللى بين مستر دياب وسليم ..... كل اللى اعرفه ان سليم ده خط احمر عند مستر دياب والحاجات دى عرفتها من دردشة الموظفين مش اكتر ..... ولو عاوزه تحافظى على شغلك هنا لازم تعرفى الخطوط الحمراء واياكى تفكرى تقربى منها لان مستر دياب مش بيسامح فى الخطوط الحمراء اللى من اهمها سليم
لبنى : حاضر يا ستى هاخد بالى كويس

• مر اليوم بعد كده بشكل طبيعى ...... عمى جيه زياره للشركه والموظفين فرحوا لما شافوه واخدنا اليوم كله نلف فى الشركه والمصنع لحد ما خلصنا ورجعنا الفيلا
• سليم بعد ما وصل صاحبه للمطار رجع الفيلا وكان كلهم متجمعين معادا امل صقر اللى قاعده فى اوضتها

احمد : كنت فين يا سليم
سليم : روحت لدياب قعدت معاه شويه بعد كده روحت لبسام صاحبى قعدت معاه ووصلته للمطار علشان راجع الامارات بعد كده روحت مكان بحب اقعد فيه مع نفسى
احمد : وليه قافل موبايلك من الصبح
سليم : كنت محتاج اقعد مع نفسى وافكر فى شوية حاجات بهدوء بعيد عن كل الدوشه
احمد : انت كده كل ردودك جاهزه
سليم : علشان بقول الحقيقه شئ طبيعى ان كل ردودى تبقى جاهزه
احمد : ماشى يا سليم
سليم : طب عن اذنكم انا محتاج اطلع انام علشان معايا جامعه بكره الصبح
فاتن : مش هتتعشى يا سليم
سليم : اتعشيت بره ..... انا عاوز اطلع انام
فاتن : براحتك يا سليم

• سابهم سليم وطلع ..... وهو فى طريقه لأوضته مر من قصاد اوضة امل .... وقف شويه قصاد الاوضه وخبط على الباب

امل : مين
سليم : انا سليم
امل : .......
سليم : ممكن ادخل
امل : .......
سليم : لو مش عاوزانى ادخل قولى وانا هسيبك على راحتك
امل : ادخل يا سليم

• دخل سليم الاوضه وكانت امل قاعده على السرير

سليم : ازيك يا جدتى
امل : ههههههه جدتك انت لسه فاكر
سليم : دى حاجه عمرى ما نسيتها ولا هقدر اغيرها لا انا ولا انتى
امل : عاوز ايه يا سليم
سليم : مش عارف ..... وانا جاى كان فى كلام كتير جوايا كنت مرتبه علشان اقولهولك بس كل الكلام ده راح من دماغى .... كل اللى انا طالبه منك اننا ننسى اللى فات ونفتح صفحه جديده
امل : بسهوله كده عاوزنا ننسى الماضى .... وازاى ننسى الماضى وهو مترتب عليه المستقبل .... الماضى اللى انت عاوز تنساه هو الاساس .... فى الماضى هتلاقى اصلك وعيلتك وجدودك
سليم : هههههه جدودى واصلى وعيلتى ..... تقدرى تقوليلى مين جدودى .... واحد من جدودى مات من غير ما اشوفه او اعرفه بس كل الناس اجمعت انه كان راجل محترم وده معنديش اى مشكله معاه .... وواحد تانى حاول يقتلنى وكان السبب فى انى اعيش بعيد عن عيلتى لسنين كتير ..... والتالت كان طمعان فى البنت اللى ابنه حبها وبسببها قاطعه وسابه يموت غريب ..... ده غير حسين عمك واللى عمله مع ابويا لما حاول يرجع ارضكم اللى كان واخدها منكم ..... ولا اخوكى اللى حاول يقتلنى اكتر من مره وقبلها خطف بنتك .... ولا عيال العاصى واللى عملوه مع دياب .... دياب !! يا عينى عليك يا دياب عشت طول عمرك بتحاول تبعد عن العيله لكن هما اللى كانوا مصممين يحطوك فى حرب انت مش عاوزها ..... كلكم بتكرهوا دياب وانا مش عارف ايه سبب الكره ده ..... دياب اللى انقذنى من جدى وعيشت فى ضله وحمايته سنين كتير ..... دياب اللى علشان يحمينى ضحى بكل حاجه وبعد عن العيله علشان يعيش ليا وبس ..... دياب اللى يوم ما تعبت قطع حته من جسمه علشان اوقف على رجلى من تانى .... دياب اللى انقذنى من اخوكى وقبلها انقذ بنتك .... دياب اللى انقذنا كلنا من الفقر والخراب بعد ما ابويا والعيله اتورطوا فى تجارة الاثار ..... دياب اللى انتى هددتى امه وهو صغير وبسببها ماتت .... دياب اللى انتوا خوضتوا فى شرف امه ..... دياب اللى انتى حاولتى تقتلى ابنه وهو لسه جنين فى بطن امه ..... دياب اللى ابويا حاول يدمره فى شغله وضربه بالنار ومع ذلك لما ابويا وقع ملقاش غير دياب فى ضهره ..... وبرغم كل اللى بقولهولك دياب حاول كتير يبعدنى عن مشاكل العيله وحاول يصلح بينى وبينك ..... انا بقالى شهور عاوز اصالحك ومش قادر فى حاجه جوايا بتمنعنى اعمل كده .... انا فى كل المشاكل اللى اتعرضتلها كنت عارف انا عاوز ايه وايه القرار اللى هاخده لكن معاكى انتى تايه ومش عارف اخد قرار ..... النهارده بس قدرت اخد القرار
امل : وايه بقى القرار ده
سليم : القرار ده انك انتى جدتى اللى مش عاوز اخسرها .... جدتى اللى بحبها واللى عيشت معاها اجمل ايام طفولتى .... جدتى اللى مش عاوز افتكرلها غير كل خير ..... انا هسيبك تفكرى فى كلامى كويس وياريت تحسبيها صح المره دى عن اذنك

• قام سليم خرج من الاوضه وساب امل لوحدها ودخل اوضته اترمى على السرير وقعد يفكر لحد ما راح فى النوم
• تانى يوم الصبح بدرى دخلت عليه فاتن علشان تصحيه لقيته بينازع فى سريه زى ما يكون بيحلم بكابوس وبيتكلم وهو نايم

سليم : انتى مين .... انقذك ازاى
فاتن : اصحى يا حبيبى .... اصحى يا سليم

• قام سليم مفزوع
سليم : انا فين
فاتن : انت نايم يا حبيبى فى اوضتك ..... شكلك كنت بتحلم بكابوس
سليم : حلم غريب بيتكرر بقاله فتره
فاتن : حلم ايه ده يا حبيبى اللى يخليك بالشكل ده
سليم : هى الساعه كام دلوقتى
فاتن : الساعه 6.30 كفاياك نوم هتتاخر على الجامعه
سليم : حاضر يا ماما انا صحيت خلاص
فاتن : ايه اللى نيمك بهدومك كده
سليم : كنت قاعد على السرير والظاهر راحت عليا نومه
فاتن : طب يلا قوم خد الشاور بتاعك على ما اجهزلك الفطار
سليم : لا مليش نفس وكمان هتاخر على الجامعه
فاتن : مفيش الكلام ده اخلص بسرعه خد الشاور بتاعك على ما اجهز الفطار
سليم : حاضر يا ماما

• قام سليم اخد الشاور بتاعه وجهز ونزل تحت كان كلهم متجمعين وبيفطروا قعد سليم معاهم يفطر

احمد : النهارده اول يوم ليك فى الجامعه يا سليم
سليم : انا عارف انها مرحله جديده بس انا قدها
احمد : انا عارف انك قدها
امانى : تصدق يا سليم الجامعه بتاعتك وحشتنى اووووى
سليم : عارف يا طنط انك انتى وبابا كنتوا فى نفس الجامعه
امانى : كانت اجمل ايام

• فجاه الباب خبط وراحت الشغاله تشوف مين بعدها دخل دياب وريهام .... سليم اول ما شافهم قام سلم عليهم

دياب : صباح الخير يا جماعه
احمد : صباح الخير يا دياب تعالى افطر
دياب : لا انا سبقتكم انا وريهام
احمد : طب اقعد اشرب الشاى بتاعك
دياب : شكرا يا احمد انا شربت الشاى بتاعى قبل ما اجيلك
فاتن : ايه الزياره المفاجأه دى
دياب : ايه يا فاتن عاوزانى امشى ولا ايه
فاتن : لا بس مش متعوده انك تيجى الصبح بدرى كده
سليم : سيبيه يا ماما انا عارف ايه سبب الزياره المفاجأه دى
فاتن : وايه سببها يا سيدى
سليم : لا متاخديش فى بالك دى حاجه بينى وبين دياب وهو فاهمنى كويس
دياب : هههههههه ماشى يا لمض .... طب يلا خلص فطارك بسرعه علشان ماتتاخرش على الجامعه
سليم : انا فطرت خلاص ..... يلا بينا علشان مانتأخرش
فاتن : انتوا رايحين فين فهمونى
سليم : رايحين الجامعه يا ماما
فاتن : انتوا الاتنين
سليم : ايوا يا ماما ..... دياب متعود اول يوم فى الدراسه لازم يروح معايا
فاتن : اه انا كده فهمت .... طب يلا علشان متتأخروش

• خرجوا كلهم علشان يوصلوا سليم ودياب لحد الباب

دياب : استنى يا سليم انت رايح فين
سليم : هنزل الجراج اطلع العربيه علشان نروح الجامعه
دياب : لا يا سليم سيبك من العربيه دى
سليم : امال هروح الجامعه ازاى
دياب : هتروح بعربيتك الجديده
سليم : فين دى بقى
دياب : اهى مركونه قصادك يا غبى
سليم : انت بتتكلم بجد يا دياب دى عربيتى
دياب : ايوا يا سيدى وصلت امبارح بالليل

• كانت عربيه دودج موديل السنه ..... كل اللى كانوا واقفين مندهشين من اللى بيحصل

• دخل سليم فى حضن دياب

سليم : انا مش عارف اقولك ايه يا دياب
دياب : علشان الفرحه اللى فى عيونك دى مستعد ادفع عمرى كله
سليم : **** يخليك ليا يا دياب
دياب : طب يلا بينا احنا اتاخرنا على الجامعه
سليم : يلا بينا

• مشى سليم ودياب وراحوا الجامعه
• اول ما وصلوا الجامعه دياب سرح شويه

سليم : مالك يا دياب سرحان فى ايه من اول ما وصلنا
دياب : افتكرت ذكرياتى فى الجامعه دى ..... هنا كان فى ذكريات جميله وذكريات وحشه ..... هنا قابلت يمنى وهنا برضه قابلت ريهام .... فى المكان اللى هناك ده جوبا صاحبى حب وعبر للى بيحبها عن حبه ..... فى المطعم اللى هناك ده كنت بتجمع انا وباسم والشله نفطر الصبح ونتغدى بعد المحاضرات .... فى الجامعه دى قابلت اجدع ناس عرفتهم فى حياتى بس للاسف علاقتى اتقطعت بيهم من زمان ومعرفش اى حاجه عنهم ..... الشغل اخدنى من عشرة العمر وافترقت عن اصحابى
سليم : طب ما تسأل عليهم وتشوف هما فين وحاول ترجع علاقتك بيهم
دياب : هو ده اللى ناوى اعمله ..... مفيش غير باسم صاحبى بس اللى بكلمه من وقت للتانى بس الباقى هحاول اوصلهم
سليم : انت علاقتك مستمره بباسم علشان اتجوز من العيله
دياب : طب ادخل انت الجامعه دلوقتى وانا لازم اروح شغلى علشان اتاخرت
سليم : ماشى يا دياب هخلص واكلمك

• نزل سليم ودياب وكل واحد راح يشوف مصلحته

• من ناحيه تانيه فى فيلا احمد صقر كلهم قاعدين بيتكلموا مع بعض

احمد : كلنا ظلمنا دياب
امانى : عندك حق يا احمد
ريهام : دياب بيحب سليم اكتر من اولاده
عمر : وسليم كمان متعلق بدياب جدا وده خطر
فاتن : خطر ليه يا عمى
عمر : علاقة دياب وسليم بقت ملفته للنظر وكل الناس بتسأل ايه سر الحب ده كله
احمد : سليم ظهر فى حياة دياب فى وقت كان كاره فيه الدنيا وكان يعتبر وحيد علشان كده دياب متعلق بسليم بزياده شويه
فاتن : انا كمان قلقانه على سليم من تعلقه الزياده بدياب ..... خايفه دياب يحصله اى حاجه ساعتها سليم ممكن يتدمر وخصوصا كلنا عارفين ان فى ناس كتير مصلحتها تخلص من دياب
امانى : او ممكن الناس دى يستغلوا سليم علشان يضغطوا على دياب خصوصا ان سليم هو نقطة ضعف دياب
امل : متخافوش على سليم ..... دياب بيحرس سليم كويس جدا ومش هيسمح لأى مخلوق انه يمس ولو شعره منه .... دياب اكتر واحد فينا كلنا بيحب سليم وبيحبه اكتر من نفسه
احمد : هههههههه مين اللى بيقول الكلام ده ..... معقول تكون انتى امى اللى عاشت عمرها كله ماتكرهش غير دياب
عمر : ايه اللى حصل فى الدنيا
امل : حصل كتير يا عمر بس انا اللى كنت مغمضه عيونى ومش عاوزه اشوف الحقيقه
عمر : وايه هى الحقيقه
امل : الحقيقه ان دياب انضف شخص ممكن تعرفه فى حياتك ..... الحقيقه ان دياب ورث من ابوه وامه الحنيه وطيبة القلب .... الحقيقه ان دياب طول عمره كان واقف فى صف الخير واحنا اللى كنا واقفين فى صف الشر ..... الحقيقه ان دياب طول عمره كان بيسامح واحنا كنا فاكرينه ضعيف لكنه كان اقوى واحد فينا ..... كان قوى علشان واقف فى صف الحق وهو كده دايما اللى واقف فى صف الحق قوى ..... احنا قوتنا كانت فى الفلوس والعيله كنا اقوياء على ناس ضعيفه مايملكوش فى حياتهم اى شئ اتعودوا يعيشوا تحت رحمة الاقوى منهم ..... لكن دياب كان قوى على ناس العن من الشياطين .... هو ده الفرق اللى بينا وبين دياب
ريهام : دلوقتى جايه تقولى الكلام ده يا امى بعد ما دمرتى حياتنا
امل : سامحينى يا بنتى السكينه كانت سارقانى .... انا عارفه انك مش بسهوله هتسامحينى
ريهام : عمرى ما قدرت ازعل منك علشان اسامحك ..... يوم ما دياب خيرنى بينك وبينه انا اختارتك انتى لانك امى

• قامت ريهام واخدت امل بالحضن واشتغل الاتنين يعيطوا

فاتن : خلاص يا اخوانا كفايه عياط
ريهام : خلاص يا ماما كفايه كده
امل : حاضر يا بنتى

• من ناحيه تانيه فى الجامعه عند سليم .... دخل الجامعه وبيتمشى فيها وكان سرحان وخبط فى واحده وقعت منها الكتب ونزل التنين يلموا الكتب

سليم : انا اسف بس كنت سرحان ومش واخد بالى
البنت : ولا يهمك مفيش حاجه

• فجأه دخل عليهم ولد

الولد : ايه يا حنين اللى انت عملته ده ..... ده انت قديم جدا وشكلك غاوى تتفرج على افلام هابطه
سليم : انت بتكلمنى انا
الولد : ايوا بكلمك انت يا امور
سليم : ههههههههه
الولد : بتضحك على ايه
سليم : طب ابعد عن طريقى بدل ما ازعلك
الولد : تزعلنى انا ..... طب ورينى ازاى
البنت : خلاص يا حازم الاستاذ مايقصدش واعتذرلى
حازم : انتى تخرسى خالص وماسمعش صوتك

• فجأه كام واحد اتلم عليهم ودخل ولد تانى مع حازم

الولد : ايه فى يا حازم
حازم : ابعد يا يوسف انت ..... ده حتة عيل وانا هعرف اتصرف معاه
سليم : خلصتوا لعب العيال بتاعكم ده .... انا معايا محاضره عاوز احضرها

• سابهم سليم ولسه هيتحرك حازم مسكه من ايده

سليم : انت قد اللى بتعمله ده
حازم : لو مش قده ماكنتش عملته
سليم : الظاهر كده انك مش هترتاح غير لما اعرفك انا ابقى مين
حازم : انا بقى عاوز اعرف انت مين

• لف حازم دراع سليم جامد بس الغريبه ان سليم مش متأثر من الحركه

سليم : ههههههههه هو ده اخرك

• حازم مخضوض من شكل سليم ..... فجأه سليم عمل حركه وعرف يفك نفسه من حازم وعمله كام حركه جابه على الارض .... فى كام واحد من اصحاب حازم اتدخلوا وحاولوا يضربوا سليم بس سليم ضربهم كلهم .... كل الطلبه اتلمت على اللى بيحصل وكمان امن الجامعه اتدخلوا ومسكوا سليم وطلعوا بيه على مكتب عميد الكليه ومعاه الطلبه اللى اتضربت ..... دخل الامن للعميد وشرحله كل اللى حصل بعد كده دخل سليم والطلبه للعميد

العميد : انت بقى الفتوه اللى بتضرب زمايلك
سليم : يا دكتور انا مش هدافع عن نفسى بس هما اللى بدأوا ولو مش مصدقنى تقدر تراجع الكاميرات ولو طلعت انا اللى غلطان مستعد اتحمل اى عقاب حضرتك تقرره
العميد : انت اسمك ايه
سليم : اسمى سليم احمد عمر صقر
العميد : انت ابن احمد صقر بتاع الاقصر
سليم : ايوا يا دكتور
العميد : واضح
سليم : حضرتك تعرف والدى
العميد : عز المعرفه ..... ابوك كان تلميذى هنا فى الجامعه .... على العموم انا هراجع تسجيل الكاميرات دلوقتى ولو طلعت انت غلطان انا هفصلك من الجامعه النهارده الحكايه مش ناقصه احمد صقر جديد فى الجامعه
سليم : زى ما حضرتك شايف
العميد : انت مش خايف من الرفد
سليم : انا عمرى فى حياتى ما عرفت معنى الخوف
العميد : لا ابن احمد صقر بصحيح .... على العموم كل حاجه هتبان دلوقتى

• شاف العميد تسجيلات الكاميرا وحقق مع البنت وعرف الحقيقه

العميد : طلعت فعلا مظلوم يا سليم
سليم : قولت لحضرتك

• بعد كده بص على الطلبه التانيين اللى كانوا خايفين من اللى هيحصل

العميد : اما بالنسبه ليكم انتوا هتاخدوا رفد اسبوع
سليم : مفيش داعى يا دكتور هما خلاص عرفوا غلطهم وبعدين انا اخدت حقى منهم
العميد : انت اه اخدت حقك بس لازم يتعلموا الادب
سليم : على ما اظن بعد اللى حصل هما اتعلموا الدرس كويس ومش هيكرروها تانى
العميد : ماشى يا سليم علشان خاطرك سماح المره دى بس لو اتكرر ده تانى حسابى معاكم هيكون عسير
حازم : اوعدك يا دكتور مش هتسمع حاجه عننا تانى
سليم : بعد اذنك يا دكتور ممكن امشى علشان المحاضره بدأت من خمس دقايق
العميد : يلا كلكم روحوا الحقوا محاضراتكم

• مشى سليم والطلبه على المحاضره وطلع كلهم مع بعض فى نفس المحاضره .... اول ما دخلوا الدكتور وقفهم

الدكتور : كده تاخير من اول يوم ..... سماح المره دى علشان احنا لسه فى اول يوم بس ده تنبيه للكل اى حد يتاخر عن المحاضره يستحسن مايفكرش يدخل لان زى ما انا بحترم معادى وبكون هنا فى المعاد بحب الطلبه كمان تكون ملتزمه
سليم : انا اسف يا دكتور مش هتتكرر تانى
الدكتور : انت اسمك ايه
سليم : اسمى سليم يا دكتور
الدكتور : طب ادخل انت وهو علشان نبدا المحاضره

• دخل سليم والطلبه للمدرج ..... سليم قعد فى البنش الاول

الدكتور : يلا بينا نبدأ ..... انا الدكتور جمال عبدالجليل اللى هدرسلكم رسم هندسى التيرم ده
سليم " بصوت واطى " : جوبا !!!
الدكتور " بدهشه " : مين اللى قال الاسم ده

• الطلبه اللى قاعدين جمب سليم بصوا عليه

الدكتور : انت اللى قولت الاسم ده يا سليم
سليم : انا اسف يا دكتور بس
الدكتور : استنى بس .... انت تعرف الاسم ده من فين
سليم : انا من اول ما دخلت وانا بشبه على حضرتك بس مجرد ما عرفتنا عليك انا عرفتك على طول وماحسيتش بنفسى غير وانا بقول الاسم ده من غير قصد
الدكتور : انا مش زعلان منك لانى بحب الاسم ده جدا بس اللى انا عاوز اعرفه انت عرفت الاسم ده ازاى وتعرفنى من فين
سليم : فعلا صدفه غريبه ..... انا لسه من شويه كنت فى سيرة حضرتك مع شخص حضرتك تعرفه جدا
الدكتور : مين الشخص ده
سليم : دياب
الدكتور : اوعى يكون قصدك دياب العاصى
سليم : ايوا يا دكتور
الدكتور : انت سليم اللى كنت عايش مع دياب
سليم : ايوا يا دكتور
الدكتور : وانا بقول انى حاسس انى اعرفك

• نزل جوبا لسليم واخده بالحضن فى وسط دهشه من كل الطلبه

جوبا : ازيك يا سليم ..... ايه اخبارك واخبار دياب
سليم : كويسين جدا يا دكتور
جوبا : ياترى دياب هنا فى مصر ولا لسه فى امريكا
سليم : لا هنا فى مصر
جوبا : على العموم خلينا فى المحاضره دلوقتى وبعد المحاضره لينا كلام مع بعض
سليم : حاضر يا دكتور

• رجع جوبا تانى للسبوره وبص على الطلبه

جوبا : نكمل المحاضره ..... الهندسه الميكانيكيه قسم جميل جدا .... فى ناس كتير هتخوفكم منه ويقولولكم ده قسم صعب .... بس الجميل فى القسم ده صعوبته .... شئ عظيم جدا لما تشوف ماكينه ضخمه مليانه تروس ومسامير وقطع كتير جدا راكبه مع بعضها فى تشكيله غريبه وبيشتغلوا مع بعض بكفاءه عاليه علشان ينفذوا مهمه محدده .... ولو جزء بسيط جدا حصله عطل الماكينه كلها بتوقف .... زى جسم الانسان كده بالظبط ..... جسم الانسان عباره عن المخ وهو زى جهاز التحكم فى الماكينه بالظبط لو حصل عطل ولو بسيط ممكن الجسم ده لا قدر ** يوقف .... زمان وانا فى سنكم كده اصحابى كانوا بيخوفونى من القسم ده وكانوا دايما بيشبهوه بالمقبره لان فى طلبه كتير بعد ما بتدخله بيسقطوا وبيشيلوا مواد وممكن ياخدوا السنه فى سنتين واحيانا تلاته .... انا فى الاول كنت خايف وكنت هيأس واشوف قسم تانى يكون اسهل علشان انجح وما اسقطش خصوصا ان والدى ** يرحمه عمل المستحيل علشان اقدر ادخل الجامعه .... انا كنت طالب فى الكليه دى وزى ما انتوا شايفين الكليه مصاريفها غاليه وابويا كان زى اغلب اولياء الامور اللى هنا فى منهم اللى استلف واخد قروض وفى منهم اللى عمل جمعيات ملهاش حصر علشان يقدر يدخل ابنه الكليه اللى بيحلم بيها بعد ما اتحرم منها فى التعليم الحكومى .... وقتها كنت محتار مابين اختار القسم اللى انا بحبه وحاسس انى هبدع فيه وما بين انى ادخل اى قسم سهل علشان انجح وخلاص .... كان اختيار صعب جدا وهيحدد مستقبلى فى الحياه ..... وقتها قعدت مع واحد صاحبى كان ليه فضل كبير عليا فى اللى انا فيه دلوقتى .... صاحبى ده وقتها قالى كلمه مهمه جدا قالى اجرى وراء شغفك هتلاقى ابواب النجاح مفتوحه قصادك ..... وقالى كمان الانسان بيعيش الحياه مره واحده بس يبقى حرام يعيشها فى حاجه هو مش بيحبها ..... النهارده انا جاى اقولكم نفس النصيحه .... عيشوا الحياه وحبوها ..... ماتخلوش اى حد مهما كان يحدد مستقبلكم ..... ماتسمعوش لكلام الناس طالما مش بتعملوا اى حاجه غلط ..... اختاروا اصحابكم بس يكونوا اصحاب بجد مش مجرد اصحاب للفسح والتسليه واللعب .... صاحبك اللى بجد هو اللى هتلاقيه وقت شدتك زى ما برضه هتلاقيه وقت اللعب والهزار ..... جايز كتير منكم مايعرفش معنى كلامى لكن مسير الحياه هتعلمكم ..... ولو فتحتوا اول صفحه فى الكتاب بتاعى هتلاقوا انى عامله اهداء خاص .... انا متعود فى اول محاضره اقراء الاهداء بنفسى لكن النهارده فى شخص تانى هيقرأ الاهداء ده ..... افتح يا سليم الكتاب واقرأ الاهداء بنفسك

سليم : انا يا دكتور
جوبا : ايوه يا سليم انت .... خد المايك واقراء الاهداء
سليم : حاضر يا دكتور

• اخد سليم المايك وفتح الكتاب على صفحة الاهداء

سليم : اهداء .... الى اخى وصديقى .... الى الشخص الذى منحنى معنى الحياه .... الى الشخص الذى ارشدنى الى طريق السعاده ...... لقد فرقتنا الدنيا بأشغالها وذهب كل منا الى طريقه .... افتقدك كثيرا .... افتقد نصائحك .... افتقد ضحكنا معا .... اليوم ابعث لك شكرى وتقديرى على كل نصائحك الغاليه التى لولاها لما وصلت لأى شئ مما انا فيه الان .... اتمنى كثيرا ان اجلس معك واحكى لك كل ما حدث معى فى غيابك ..... لولا نصائحك لكانت انتهت حياتى بدون جدوى .... انا اعلم انك لا تقرأ هذا الاهداء ولكنى اتمنى ان يصل لك فى يوم من الايام .... اهداء الى دياب العاصى

• سليم اول ما قرأ اسم دياب ابتسم وعيونه دمعت من الفرحه وحضن الكتاب

جوبا : خلاص يا سليم ارجع مكانك
سليم : شكرا يا دكتور
جوبا : النهارده انا اسعد انسان فى الدنيا لان اخيرا امنيتى هتتحقق والاهداء هيوصل .... يلا بينا نبدأ اول محاضره

• اشتغل جوبا يشرح للطلبه باستمتاع والطلبه كمان كانوا مستمتعين بالمحاضره .... بعد ما خلصت المحاضره الطلبه خرجوا من المدرج وقعد سليم مكانه

جوبا : تعالى معايا يا سليم المكتب انا عاوز اتكلم معاك
سليم : حاضر يا دكتور

• خرج سليم مع جوبا وراحوا للمكتب

جوبا : طمنى على دياب يا سليم
سليم : كويس جدا بس مفتقدكم كلكم .... النهارده لما وصلنى للجامعه افتكر ذكرياته فى الجامعه وافتكر حضرتك
جوبا : انا بقالى سنين معرفش عنه حاجه .... اخر حاجه عرفتها عنه انه سافر امريكا من كام سنه وقطع علاقته بكل الناس هنا فى مصر
سليم : لا ده حصل حاجات كتير فى الفتره اللى فاتت
جوبا : وياترى اتجوز ولا لسه رافض
سليم : اتجوز اتنين
جوبا : اتنين مره واحده ..... ايه اللى حصل وخلاه يغير رائيه بالشكل ده
سليم : اهو اللى حصل بقى
جوبا : وياترى اتجوز مين
سليم : اتجوز طنط ليندا وعمتى ريهام
جوبا : معقول بعد السنين دى اخيرا دياب اتجوز ريهام
سليم : شوفت بقى
جوبا : لا واضح ان فى حاجات كتير اتغيرت فى الفتره اللى فاتت ..... طب هو بيشتغل فين دلوقتى
سليم : فى الشركه بتاعته
جوبا : بس اللى انا عارفه انه باع شركة المقاولات بتاعته قبل ما يسافر امريكا
سليم : هو دلوقتى شريك فى مجموعة شركات الجراح وشغال نائب رئيس مجلس ادارة المجموعة الاقتصاديه
جوبا : مش شركة الجراح دى بتاعة الادويه
سليم : شركة الجراح بتشتغل فى حاجات كتير ..... بتشتغل فى الادويه والمقاولات والاستيراد والتصدير والماس وحاجات تانيه كتير
جوبا : طب دى اخبار كويسه ..... هات رقم تليفونه علشان عاوز اكلمه
سليم : انا شايف من الاحسن تعملها مفاجأه وتقابله على طول هو هيفرح جدا
جوبا : انت شايف كده
سليم : ايوا طبعا ..... انا بعد الجامعه هروحله الشركه ايه رائيك تيجى معايا
جوبا : كده تمام ..... انا هخلص محاضراتى واقابلك ونروح مع بعض
سليم : وهو كذلك
جوبا : طب هات رقم تليفونك علشان اكلمك بعد ما اخلص
سليم : اتفضل يا دكتور

• خرج سليم من عند جوبا وتزل الكافتريا قعد على طرابيزه سرحان مع نفسه بيفكر ..... كل الطلبه بيبصوا على سليم ومندهشين منه ..... فجأه الكافتريا اتقلبت لما دخل دياب فى وسط الجاردات بتوعه

سليم : ايه اللى جابك تانى يا دياب
دياب : اعمل ايه لسيادتك طالما غاوى مشاكل
سليم : هى الاخبار لحقت توصل
دياب : ليه انت فاكر انى سايبك كده فى الجامعه من غير حراسه
سليم : ياعم دى حكايه عبيطه وخلصت
دياب : حاول يا سليم تتحكم فى اعصابك شويه
سليم : حاضر يا دياب

• فجأه دخل جوبا الكافتريا وراح على طرابيزة دياب وسليم

جوبا : تصدق انك طلعت واطى يا دياب

• التفت دياب وراه واتفاجئ بجوبا

دياب : جوبا

• قام دياب واخد جوبا بالحضن وسط دهشه من كل الطلبه الموجودين فى الكافتريا

جوبا : وحشتنى يا صاحبى
دياب : انت اللى وحشتنى اكتر يا صاحبى ..... انت بتعمل ايه هنا
جوبا : انا دكتور هنا فى الجامعه
دياب : بتتكلم بجد
جوبا : ايوه بتكلم بجد ..... وقابلت سليم النهارده وكنت هعملهالك مفاجأه واجيلك الشركه بعد الجامعه ..... وحشتنى بجد يا صاحبى ..... وحشتنى قعدتنا مع بعض ..... فى كلام كتير عاوز احكيهولك
دياب : انت كمان وحشتنى ..... انا لحد دلوقتى مش مصدق انى شوفتك ولا مصدق اصلا انك دكتور فى الجامعه
جوبا : كل اللى انا فيه ده بفضلك .... انت السبب فى كل اللى انا وصلتله
دياب : ازاى بقى
جوبا : بسبب نصايحك ..... انت اللى خلتنى اجرى وراء حلمى واصدقه ..... انت اللى ساعدتنى فى علاقتى برنا لحد ما اتجوزنا وعايشين احلى ايام حياتنا .... انت اللى لولاك كان زمانى تايه لحد النهارده
دياب : انا معملتش معاك غير الواجب ..... واجب على الصاحب انه يساعد صاحبه ويقدمله النصيحه لما يحتاجها
جوبا : طمنى على اخبارك
دياب : بص الكلام مش هينفع هنا ..... انت خلص شغلك وعدى عليا بالليل نتعشى مع بعض ونرغى
جوبا : تمام وانا هجيبلك معايا مفاجأه
دياب : مفاجأة ايه انت عارف انى بقلق من المفاجآت
جوبا : لا متخافش المفاجأه هتعجبك
دياب : ماشى يا سيدى ..... هات رقم تليفونك وانا هكلمك علشان اظبط معاك
جوبا : اتفضل يا سيدى الرقم وانا بعد العصر هكلمك .... انا اخدت رقمك من سليم
دياب : ماشى يا جوبا
جوبا : طب اسيبك دلوقتى علشان معايا محاضره

• مشى جوبا وقعد دياب سرحان ومبتسم

سليم : بقالى كتير ماشوفتش الفرحه فى عنيك
دياب : النهارده من اسعد ايام حياتى
سليم : يارب دايما ايامك تبقى كلها سعاده
دياب : انا دايما سعيد بسببك يا سليم ..... لولاك ماكنتش شوفت صاحب عمرى
سليم : طب يلا روح شوف شغلك وانا هطلع اكمل محاضراتى
دياب : اول ما تخلص كلمنى
سليم : حاضر

• قام سليم ودياب وكل واحد راح يشوف مصالحه ...... دياب رجع الشركه وسليم رجع للمحاضرات بتاعته ..... خلص اليوم وكل واحد رجع بيته

• اول ما دياب وصل الفيلا شاف ريهام وليندا قاعدين مع بعض

ريهام : شكلك مبسوط يا دياب
دياب : النهارده انا اسعد انسان فى الدنيا
ليندا : يارب دايما .... بس ايه السبب
دياب : النهارده قابلت جوبا صاحبى
ريهام : ياه .... قابلته فين وازاى
دياب : جوبا بقى دكتور فى الجامعه عند سليم
ريهام : بجد
دياب : شوفتى الصدفه
ريهام : فعلا صدفه حلوه
دياب : اعملوا حسابكم انا عزمته على العشاء النهارده
ريهام : احلى عشاء يا حبيبى .... هجهز العشاء بنفسى
دياب : طب انا هطلع انام شويه علشان اسهر براحتى بالليل معاه
ليندا : روح يا حبيبى وانا وريهام هنجهز العشاء ونصحيك بعد ما نخلص
دياب : **** ما يحرمنى منكم ابدا
ريهام : طب هو جاى لوحده ولا معاه حد
دياب : مش عارف بس ممكن يجيب رنا مراته معاه علشان كده اعملوا حسابكم
ريهام : روح نام انت وماتقلقش كل حاجه هتكون جاهزه

• سابهم دياب وطلع اوضته بعدها ريهام وليندا دخلوا المطبخ علشان يشوفوا هيعملوا ايه

ليندا : ادم النهارده مبسوط اووووى بقالى كتير ماشوفتش الفرحه دى فى عيونه
ريهام : دياب كان متعلق بشلة الجامعه بتاعته وخصوصا جوبا وباسم وابراهيم
ليندا : طب يلا بينا نجهز العشاء

• اشتغل ريهام وليندا فى تجهيز العشاء وعلى الساعه 7 كانوا قربوا يخلصوا

ريهام : احنا كده يعتبر خلصنا
ليندا : انا هطلع اصحى ادم علشان يجهز

• فجاه دخل عليهم دياب

دياب : مفيش داعى يا حبيبتى انا صحيت خلاص
ريهام : انت لحقت تنام
دياب : انا نمت ساعه واحده بس حاسس انى نايم بقالى كتير ..... اول مره من سنين كتير احس انى شبعان من النوم
ريهام : طب اتصل بجوبا شوفه هيوصل امتى
دياب : اتصلت بيه وقال قدامه ساعه ويوصل
ريهام : كده كويس جدا لسه فى وقت علشان نلحق نجهز
دياب : انا هطلع اخد شاور واجهز وانتوا كمان اجهزوا

• طلع دياب وريهام وليندا يجهزوا .... بعد ساعه اتصل جوبا بدياب وبلغه انه قدامه دقايق ويوصل الفيلا .... خرج دياب علشان يستقبله وهنا كانت المفاجأه .... جوبا مش لوحده .... جوبا كان معاه رنا مراته وابراهيم وفريده مراته اللى هى اصلا من شلة الجامعه بتاعة دياب ..... دياب اول ما شاف ابراهيم جرى عليه واخده بالحضن .... كان لقاء مؤثر جدا حتى ريهام اخدت فريده بالحضن لان بقالها كتير ماتعرفش حاجه عنها ..... بعد السلامات دخلوا كلهم الفيلا

ريهام : وحشتينى يا جزمه
فريده : لو كنت واحشاكى بصحيح كنتى اتصلتى بيا ولا عبرتينى ..... انتى من بعد الجامعه اختفيتى
ريهام : معلش بقى الظروف
دياب : هى دى المفاجأه يا جوبا
جوبا : بس ايه رائيك
دياب : اجمل مفاجأه ..... وحشتنى يا ابراهيم
ابراهيم : انت اللى وحشتنى بجد يا دياب .... عامل ايه وايه اخبارك واخبار شغلك
دياب : نتعشى الاول علشان انا جعان وبعد العشاء نقعد مع بعض واعرف اخباركم وتعرفوا اخبارى
ابراهيم : ماشى يا سيدى
ليندا : انا هروح ابلغ الشغالين يحطوا العشاء يا ادم

• كل اللى قاعدين اول ما سمعوا اسم ادم استغربوا

فريده : ايه حكاية ادم دى كمان
دياب : لا دى حكايه طويله بعدين هحكيهالكم
فريده : انت كده يا دياب كل حكاياتك طويله
دياب : هههههه انتى عارفانى بقى

• جهز العشاء وقام الكل علشان يتعشوا فى جو من الفرحه والهزار وبعد العشاء دياب اخد ابراهيم وجوبا علشان يقعدوا براحتهم وساب ليندا وريهام مع فريده ورنا
• عند جوبا ودياب وابراهيم

دياب : طمنونى عليكم ايه اخباركم
ابراهيم : مش لما تطمنا عليك انت الاول وتقولى ازاى اتجوزت ريهام بعد كل اللى كان بينك وبين العيله وايه حكاية ادم دى كمان
دياب : ياه دى قصه طويله جدا
جوبا : احكى يا سيدى احنا سامعين

• حكى دياب كل اللى حصل معاه بس طبعا بحدود لان فى حاجات مينفعش تتحكى

ابراهيم : كل ده حصل فى الكام سنه اللى فاتوا واحنا مانعرفش
دياب : اهى جات كده
جوبا : بس اكتر حاجه مستغربلها قصة موتك دى
دياب : كان لازم وقتها اعمل كده علشان اعرف اكمل
جوبا : بس مش عارف ليه حاسس انك لسه مخبى حاجات كتير
دياب : فى حاجات مش مسموحلى اتكلم فيها ..... سيبكم منى انا وطمنونى عليكم
جوبا : انا وابراهيم سافرنا اليابان فى بعثه هناك واخدنا الدكتوراه وبعد كده سافرنا لندن مع بعض وبعد كده رجعنا تانى هنا وشغالين فى الجامعه ..... رنا مراتى بتشتغل فى شركة الفهد الاسود بتاعة البرمجه
دياب : انت بتتكلم بجد ..... يعنى رنا بتشتغل فى شركة الفهد الاسود
جوبا : ايوه فيها ايه دى كمان
دياب : علشان انا صاحب شركة الفهد الاسود
جوبا : ايه الصدفه الغريبه دى .... بس ازاى رنا ماتعرفش انك صاحب الشركه دى
دياب : انا مش صاحب الشركه بالظبط .... انا شريك فيها بنسبة 50% بس مش بروح هناك خالص وكل شغلى فى شركة الجراح
جوبا : اه علشان كده
دياب : وانت يا ابراهيم ايه اخر اخبارك
ابراهيم : بعد ما رجعت من لندن وانا بشتغل فى الجامعه ده غير شغلى فى المصانع وفريده كمان كملت دراسات عليا بعد الجامعه وبرضه اشتغلت معانا فى الجامعه
دياب : ايه هو شلتنا كلها اشتغلت فى الجامعه ولا ايه
ابراهيم : الظاهر كده
جوبا : طب ما انت اتعرض عليك تبقى معيد فى الجامعه ورفضت
دياب : انت عارف انى معنديش دماغ للتدريس ..... التدريس ده موهبه مش لازم يعنى علشان الواحد شاطر فى الدراسه هيبقى كمان شاطر فى التعامل مع الطلبه
جوبا : عندك حق فى دى ..... يا ما فى دكاتره كتيره فاشلين فى التعامل مع الطلبه
دياب : اهو انا كنت هبقى من الدكاتره دول لو كملت واشتغلت فى الجامعه
ابراهيم : اجمل حاجه فيك يا دياب انك متصالح مع نفسك وعارف قدراتك كويس علشان كده بقيت ناجح فى حياتك
دياب : رحم **** امرئ عرف قدر نفسه
جوبا : انا فرحت جدا لما شوفت سليم النهارده علشان حسيت انى اخيرا لقيتك
دياب : سليم .... سليم ده احلى حاجه حصلت فى حياتى كلها ..... عاوزكم تاخدوا بالكم منه كويس جدا فى الجامعه مش عاوز اى حد يضايقه او يتعرضله
جوبا : ماتقلقش على سليم احنا كلنا معاه
دياب : مقلقش ازاى والخطر محاوطنى من كل ناحيه
جوبا : ليه بتقول كده يا دياب
ابراهيم : انا من ساعة ما جيت وانا مستغرب من كمية الحراسه الموجوده فى الفيلا .... واللى زود قلقى اكتر المواضيع اللى انت حكيتها .... مش انت دياب صاحبنا بتاع الجامعه .... فى حاجات كتير متغيره فيك
دياب : هى دى سنة الحياه يا ابراهيم ..... مفيش حاجه بتفضل على حالها
ابراهيم : احكيلنا يا صاحبى احنا ممكن نساعدك
دياب : مش كل حاجه ينفع تتحكى يا ابراهيم .... مش علشان مش واثق فيكم بس لان فعلا مش مسمحولى اتكلم فى حاجه
ابراهيم : انا عارف انك واثق فينا ومش مخونا بس احنا عاوزين نساعدك
دياب : لو عاوزين تساعدونى بجد خلوا بالكم من سليم
ابراهيم : ماتقلقش يا دياب على سليم واعتبره من النهارده زى ابنى بالظبط وهخاف عليه زى ما بخاف على اولادى
جوبا : زى ما ابراهيم قالك يا دياب اعتبر سليم زى اولادنا بالظبط واحنا هنعرف نحميه كويس
دياب : هو ده العشم
ابراهيم : ولو الخطر اللى انت خايف منه بخصوص شغلك فى شركات الجراح والفهد الاسود فمتخافش احنا عارفين انك قدها ولو احتاجت اى مساعده احنا معاك
دياب : استنوا هنا انتوا تعرفوا من فين مشاكل شركات الجراح والفهد الاسود
ابراهيم : انت عارف انى من ايام ما كنت طالب بشتغل فى المصانع .... اشتغلت فى مصانع صقر وفى مصانع الجراح وكنت دايما بسمع عن المشاكل اللى كانت بين الدكتور سليم الجراح ومافيا الادويه لكن بعد ما سافرت لندن عرفت ان الحكايه اكبر بكتير من مجرد مافيا ادويه ..... وقتها قابلت جوبا وحكيتله كل اللى بسمعه وعرفت منه وقتها حاجات اكتر
دياب : ايه الحاجات اللى عرفتها
جوبا : قصده مشاكل الدكتور سليم مع الصهاينه
دياب : انتوا بقى عارفين كل حاجه
جوبا : لا طبعا مش كل حاجه بس بحكم شغلى وعلاقاتى عرفت حاجات كتير ..... اهمها ان الدكتور سليم الجراح من انضف الناس اللى ممكن تقابلها فى حياتك
ابراهيم : انا قابلت الدكتور سليم الجراح مرتين بس .... مره كانت قبل محاولة قتله والمره التانيه كانت بعد ما رجع تانى وصدم الناس كلها برجوعه ايام ما كان ابن اخوه فى الغيبوبه
دياب : لا واحده واحده كده فهمونى ايه علاقتكم بالدكتور سليم الجراح
ابراهيم : صدقنا يا دياب مفيش اى علاقه بينا وبين الدكتور سليم الجراح ..... كل الحكايه ان انا وجوبا كنا مسئولين عن خطوط انتاج مصانع جديده كانت بتتفتح فى لندن واليابان والدكتور سليم كان شريك فيها
دياب : ايوا عارف المصانع دى بس دى اول مره اعرف ان انتوا اللى كنتوا مسئولين عنها
جوبا : الدكتور سليم الجراح طلبنا بالاسم علشان نكون مسئولين عن المصانع دى
دياب : غريب الكلام اللى انتوا بتقولوه ده
ابراهيم : مش غريب ولا حاجه بس من معرفتى بالدكتور سليم الجراح بأكدلك انه بيعرف يختار رجالته كويس
دياب : انا عارف ان الدكتور سليم بيعرف يختار رجالته كويس
ابراهيم : على العموم زى ما قولتلك اعتبر ان سليم صقر فى حمايتنا من النهارده وبرضه لو محتاجنا معاك احنا موجودين

• فجأه دخل كريم عند دياب واول ماشاف ابراهيم وجوبا اندهش وهما كمان اندهشوا

دياب : واضح كده انكم تعرفوا بعض
كريم : ازيك يا دكتور جمال .... ازيك يا دكتور ابراهيم
جوبا وابراهيم : ازيك يا استاذ كريم
دياب : واضح فعلا انكم تعرفوا بعض كويس جدا كمان
كريم : حضرتك تعرف الدكتور جمال والدكتور ابراهيم
دياب : اعرفهم جدا ..... دول اصدقاء من ايام الجامعه يا كريم
كريم : اول مره اعرف حاجه زى دى
دياب : مش مشكله ..... خير يا كريم فى حاجه
كريم : الدكتور سليم الجراح بيبلغ حضرتك انه مسافر دلوقتى علشان معاه شغل مهم وكان عاوز يشوفك قبل ما يسافر لانه بيتصل بحضرتك وحضرتك قافل تليفونك
ابراهيم : طب نستأذن احنا دلوقتى يا دياب علشان تشوف شغلك
دياب : على العموم احنا لسه كلامنا ماخلصش
جوبا : لسه الايام جايه كتير يا دياب

• مشى ابراهيم وجوبا ورنا وفريده ..... ودياب وكريهم وصلوهم للعربيات بتاعتهم

دياب : ايه حكاية سفر الدكتور سليم ده يا كريم وبعدين انا مش قافل تليفونى
كريم : الدكتور سليم مش مسافر بس انا اضطريت اقول كده لان فى موضوع مهم كان لازم ابلغك بيه
دياب : والموضوع ده مكانش ينفع يتأجل يا كريم لحد ما الناس تمشى .... وبعدين مش تقولى ان ابراهيم وجمال هما اللى كانوا مسئولين عن خطوط انتاج المصانع اياها فى اليابان ولندن
كريم : انا ماكنتش اعرف انهم يبقوا اصحابك اصلا
دياب : طب ايه الموضوع المهم اللى بسببه قطعت قعدتى مع الناس
كريم : استر يعقوب ظهرت يا دياب
دياب : انت بتقول ايه ..... دى مصيبه

ياترى ايه هيحصل تانى ده اللى هنعرفه الجزء اللى جاى .... اشوفكم بخير



الفصل الثانى


• وقفنا الجزء اللى فات بعد ما مشى ابراهيم وجوبا ورنا وفريده ..... ودياب وكريم وصلوهم للعربيات بتاعتهم

دياب : ايه حكاية سفر الدكتور سليم ده يا كريم وبعدين انا مش قافل تليفونى
كريم : الدكتور سليم مش مسافر بس انا اضطريت اقول كده لان فى موضوع مهم كان لازم ابلغك بيه
دياب : والموضوع ده مكانش ينفع يتأجل يا كريم لحد ما الناس تمشى .... وبعدين مش تقولى ان ابراهيم وجمال هما اللى كانوا مسئولين عن خطوط انتاج المصانع اياها فى اليابان ولندن
كريم : انا ماكنتش اعرف انهم يبقوا اصحابك اصلا
دياب : طب ايه الموضوع المهم اللى بسببه قطعت قعدتى مع الناس
كريم : استر يعقوب ظهرت يا دياب
دياب : انت بتقول ايه ..... دى مصيبه
كريم : لازم دلوقتى نقعد كلنا ونشوف هنتصرف ازاى
دياب : انت مين اللى قالك ان استر ظهرت
كريم : ابراهيم كان بيراجع تسجيلات الكاميرات بتاعة مطار اسبانيا وشاف استر خارجه من المطار هناك من يومين
دياب : طب يلا بينا نروح للدكتور سليم نبلغه باللى حصل ونشوف هنتصرف ازاى
كريم : الدكتور سليم عرف ومنتظرنا دلوقتى
دياب : يلا بينا

• بعد ربع ساعه كنا متجمعين فى الفيلا انا وعمى ودياب وكريم ويوسف

كريم : هنتصرف ازاى يا دكتور فى المصيبه دى
عمى : انا بلغت رجالتنا فى اسبانيا يقلبوا الدنيا لحد ما يلاقوا استر
كريم : انا عندى حل احسن من كده واسرع
عمى : ايه هو الحل ده
كريم : بنت استر اللى عايشه فى لندن .... البنت دى هى اللى هتوصلنا لاستر
عمى : عندك حق يا كريم .... البنت دى هى طريقنا الوحيد
دياب : مالك يا سليم ساكت كده ليه
انا : بفكر فى كلامكم
دياب : انت الوحيد اللى عارف طريق البنت دى
انا : للاسف البنت اختفت من لندن من اسبوعين ..... بعد ما ابراهيم بلغنى بظهور استر انا عملت اتصالاتى وعرفت انها سابت شقتها هناك ومحدش عارف يوصلها والغريبه ان اسمها مش موجود هناك فى اى فندق ولا حتى خرجت من لندن
كريم : جايز تكون خرجت باسم مزيف
انا : كل شئ وارد
دياب : طب هنتصرف ازاى دلوقتى
عمى : مفيش غير ان احنا ننشر رجالتنا كويس علشان نعرف نوصل لاستر
انا : احنا هندور على استر بس من غير ما نعرفهم احنا بندور على ايه
عمى : ازاى يعنى مش فاهم
انا : احنا لازم نكتم على الخبر ده ونتعامل عادى ونخلى رجالتنا يدوروا على أى شئ غريب يحصل كأننا لسه بندور على بديل استر
كريم : انا فهمتك يا سليم ..... انت عاوز تطمن استر ان احنا لسه مش عارفين بوجودها
انا : انت كده فهمتنى يا كريم ..... وعاوزكم كمان تبلغوا المجلس بظهور استر وبلغهم كمان ان احنا هنأجل اجتماع الشهر ده لحد ما نوصل لأستر وخليهم يتعاملوا طبيعى جدا
عمى : نأجل الاجتماع ليه دلوقتى
انا : اى اجتماع ممكن يتعمل دلوقتى هيبقى فى خطوره من اننا نتكشف خصوصا ان احنا مش عارفين مكان استر ولا عارفين هى كانت بتعمل ايه طول الشهور اللى فاتت .... ده غير ان احنا مش عارفين مين اللى ساعدها فى الهروب بالشكل ده ..... اللى حصل ده بيأكد ان احنا فى عندنا ثغره وفى خاين وسطنا يا اساتذه ولازم نوصله ..... الخاين ده هو اللى بلغ استر بكل اللى هيحصل وقدر يقنعنا ان استر انتحرت
عمى : عندك حق يا سليم
يوسف : بس استر انتحرت قصاد العقيد فؤاد الضبع وهو اتاكد من موتها
انا : لما هو اتاكد من موتها تقدر تقولى استر ظهرت ازاى يا يوسف
يوسف : مش عارف يا سليم
انا : يبقى لحد ما احنا نعرف الحقيقه لازم نوقف اى شغل
عمى : انا هبلغ المجلس بكل التطورات اللى حصلت وهبلغهم كمان بتأجيل الاجتماع
انا : كده تمام ..... فى حاجه اخيره لازم نزود الحراسه فى الفتره اللى جايه
كريم : سيبوا موضوع الحراسه ده عليا انا هتصرف فيه
انا : بلغوا ابراهيم يفتح عينه كويس وربنا يستر
كريم : حاضر يا سليم انا هبلغه
دياب : تفتكر استر ناويه على ايه يا سليم
انا : ناويه على الجحيم يا دياب
دياب : روح يا شيخ **** يطمنك
انا : هههههههه ايه يا دياب خايف
دياب : انت عارف كويس انى مش بخاف بس كل الحكايه ان انا زهقت وقرفت .... حاسس انى بلف فى دايره مفرغه مش عارف اولها من اخرها
انا : حاسس بيك يا دياب
عمى : مالك يا دياب فى ايه .... دى اول مره تتكلم فيها بالطريقه دى
دياب : لانى تعبت يا دكتور ..... انت اكتر شخص فى الدنيا عارفنى كويس .... انا عايش فى مشاكل وصراعات من اول ما عينى فتحت على الدنيا ..... والفتره الاخيره كلنا اتحطينا فيها تحت ضغط ما يعلم بيه الا ** وما صدقنا نكسب جوله فى الحرب بتاعتنا تقوم استر ترجع من جديد و اعلم كانت بتهبب ايه طول الشهور اللى فاتت وياترى ظهورها ده غلطه ولا هى اللى قاصده ..... لانها لو غلطه يبقى كويس وفى مصلحتنا اما بقى لو مقصوده يبقى ** يستر من الايام اللى جايه
عمى : انا عارف انك تعبت يا دياب زى ما كلنا تعبنا بس برضه لازم نكمل
دياب : عارف يا دكتور
عمى : خدلك اجازه يا دياب كام يوم ريح فيهم اعصابك
دياب : لا يا دكتور انا مش عاوز اجازه .... انا راحتى فى الشغل
عمى : انت مش هتعرف تشتغل ودماغك مشوشه كده ..... خد كام يوم اجازه وسافر غير جو واتفسح شويه علشان تعرف تكمل
دياب : بعدين يا دكتور هاخد اجازه واسافر براحتى لكن دلوقتى مش هينفع اسيب مصر ولا ينفع اسيب مكانى وانا مش عارف استر ناويه على ايه
عمى : ماتقلقش يا دياب كلنا مكانك هنا
دياب : انا عارف الكلام ده كويس يا دكتور بس صدقنى انا مش هعرف ارتاح ولا اخد نفسى طول ما المشاكل دى موجوده
عمى : خلاص يا دياب زى ما تحب بس انا حاسس ان مش موضوع استر اللى مضايقك لان احنا كنا متوقعين انها ممكن تكون عايشه
دياب : امال ايه اللى هيضايقنى يا دكتور
عمى : قعدتك مع جوبا وابراهيم فكرتك بذكريات الجامعه ايام اللعب والهزار لما كانت اقصى مشاكلك هى مشاكل العيله
دياب : جايز يكون عندك حق يا دكتور بس فى حاجه انا مش قادر افهمها
عمى : قصدك ليه انا خبيت عليك ان جوبا وابراهيم من رجالتى
دياب : ايوه يا دكتور لانى اللى عرفته منهم انك طلبتهم بالاسم علشان يشتغلوا فى مصانع اليابان ولندن
عمى : انا فى الاول ماكنتش اعرف انهم اصحابك ..... انا اخترتهم بناء على ترشيحات جهاز المخابرات ولما عملنا عليهم التحريات محدش فينا قدر يعرف علاقتك بيهم كل اللى احنا عرفناه انهم متخرجين من نفس الجامعه بتاعتك ونفس دفعتك مش اكتر وانا معرفتش بعلاقتك بيهم غير فى الفتره اللى انت كنت ميت فيها وانا كمان حصلتك فمكانش فى فرصه اقولك فيها
دياب : ماشى يا دكتور
عمى : جوبا وابراهيم كانوا مفتقدينك فى الفتره اللى فاتت وعلى ما اظن انك انت كمان كنت مفتقدهم دلوقتى هتقابلهم وترجع ذكرياتك معاهم وتعيش حياتك شويه
دياب : هى فين حياتى اللى هعيشها ..... انا كنت فاكر لما قابلت جوبا النهارده ان احنا هنقعد مع بعض نحكى ونرجع ذكريات زمان لكن اتفاجأت اننا بنتكلم فى الشغل والمشاكل .... انا تقريبا نسيت يعنى ايه حياه .... خلاص دماغى بقيت مشغوله بالشغل بس .... حاسس انى بقيت محبوس فى المشاكل والصراعات ومش لاقى وقت اعيش فيه زى ما ابسط عامل عندى عايش حياته
انا : انت محتاج دكتور نفسى يا دياب
دياب : ليه انت شايفنى اتجننت يا سليم
انا : لا يا دياب انت مش مجنون بس الضغط العصبى اللى انت فيه ممكن يوصلك للجنون ..... انت فى الفتره الاخيره بقيت تتعصب من اقل حاجه
دياب : انا عارف كلامك ده كويس يا سليم وريهام وليندا لفتوا نظرى للموضوع ده
انا : علشان كده عمى بيقولك خد اجازه وريح اعصابك
دياب : انتوا ليه مش عاوزين تفهمونى .... انا راحتى فى الشغل مش فى اى حاجه تانى .... فى الشغل بقدر اخرج طاقتى
انا : خلاص يا دياب زى ما تحب بس خليك فاكر حاجه مهمه جدا وهى ان احنا كلنا بنحبك وبنخاف عليك ومش عاوزين اى مشكله تأثر عليك
دياب : انا فاهم كلامك يا سليم
كريم : فى موضوع مهم يا دياب لازم نتكلم فيه علشان بقى ملفت للنظر وكده غلط
دياب : موضوع ايه تانى يا كريم
كريم : علاقتك بسليم صقر
دياب " بعصبيه " : مالها بقى علاقتى بسليم
كريم : اهدى شويه يا دياب واتكلم بالعقل ..... علاقتك بسليم بقت ملفته للنظر زياده عن اللزوم .... كل الناس بتسأل ايه سر العلاقه دى .... الموظفين فى الشركه بيسألوا وبيتكلموا بينهم وبين بعض على علاقتكم .... الموظفين فى الشركه بقيوا يقولوا على سليم انه الخط الاحمر اللى مش مسموح لحد يتعرضله ..... يا اخى ده حتة خناقه عبيطه بين سليم وشوية عيال عنده فى الجامعه خلتك تسيب اجتماع مهم جدا وتروح لسليم بالرغم من انى قولتلك ان الخناقه بسيطه وسليم اخد حقه وخلصت ..... انا مش بقولك ابعد عن سليم ولا متحبهوش بس بالطريقه دى حبك لسليم بقى خطر عليك وعليه فى نفس الوقت
دياب : حبى لسليم بقى خطر
كريم : ايوا يا دياب خطر .... الناس كلها بقت عارفه ان سليم نقطة ضعفك وبكده انت بتعرض حياة سليم للخطر وكمان انت ناسى حاجه مهمه وهى ان سليم
عمى : خلاص يا كريم كفايه
دياب : لا يا دكتور سيب كريم يكمل .... ماله سليم كمان يا كريم
كريم : لازم تاخد بالك من حاجه مهمه جدا وهى ان سليم مش ابنك يا دياب
دياب : انا مش هرد عليك يا كريم علشان لو رديت ردى هيزعلك .... محدش فيكم ليه علاقه بعلاقتى بسليم واى حد مهما كان هيفكر يتعرض لسليم او يتكلم فى علاقتى بيه مش هيلاقى عندى رد غير رصاص مسدسى وهو بيسكن فى دماغه

• قام دياب سابنا ومشى

انا : قولتلك يا كريم بلاش تفتح الموضوع ده مع دياب .... انت عارف ان الموضوع ده حساس جدا ولازم يتاخد بهدوء
كريم : اعمل ايه يا سليم .... دياب زودها جدا فى علاقته بسليم وكده غلط
عمى : انت برضه اتسرعت يا كريم ده غير ان الحاله النفسيه لدياب النهارده بالذات ماكنتش تسمح بالكلام فى الموضوع ده
كريم : اهو اللى حصل بقى
انا : انا شايف ان دياب لازم يروح لدكتور نفسى فى اسرع وقت
عمى : بس هو اللى لازم يوافق الاول
كريم : مشكلة دياب مش محتاجه دكتور نفسى ولا حاجه .... دياب مضغوط شويه ومحتاج يهدى ويخرج اللى جواه
انا : وهيخرج اللى جواه ازاى يا كريم
كريم : سيبوه عليا انا هعرف اتصرف معاه
انا : بلاش انت يا كريم احسن تعك الدنيا
كريم : متخافش يا سليم انا عارف بتعامل ازاى مع دياب .... دياب ده عشرة عمرى وانا اكتر واحد فيكم عارفه وعارف بتعامل معاه ازاى واذا كان على اللى حصل دلوقتى انا كنت قاصده
انا : قاصده ازاى مش فاهم
كريم : انا كنت قاصد اوصل دياب لأقصى درجات الغضب علشان اعرف اخرج منه كل اللى انا محتاجه
انا : انت هتعمل نفسك دكتور نفسى يا كريم ولا ايه
كريم : انا فعلا دارس طب نفسى وده اللى محدش فيكم يعرفه عنى
انا : ازاى ده
كريم : يا سليم احنا شغلنا بيحطنا فى مواقف صعبه على اى شخص ولازم نواجهها وانا بحكم شغلى مسئول عن ناس كتير لازم احميهم علشان يعرفوا يشوفوا شغلهم كويس وفى نفس الوقت مش هقدر اثق فى اى دكتور نفسى علشان يعالجهم لان زى ما انتوا عارفين ان الدكتور النفسى محتاج يعرف كل المعلومات والاسرار عن الحاله علشان يعرف يعالجها كويس وده خطر علينا وعلى شغلنا ..... تخيلوا كده لما شخص واحد يعرف كمية الاسرار دى ممكن يعمل بيها ايه
انا : كلامك منطقى يا كريم
كريم : ومن خبرتى اقدر اقولكم ان دياب مش محتاج دكتور نفسى ولا حاجه .... دياب محتاج صديق يفضفضله مش اكتر .... وعلى فكره علاقة دياب بسليم مفيهاش اى خطر زى ما انتوا فاهمين .... بالعكس علاقة دياب بسليم هى اللى هتعمله توازن نفسى بس لو عرفنا نستغلها صح
انا : هنستغلها ازاى بقى
كريم : دى بتاعتى انا بقى وانا هعرف اتصرف فيها
عمى : شوف يا كريم انت عاوز ايه واحنا هنساعدك واعتبر ان معاك كل الصلاحيات اهم حاجه عندى ان دياب يخرج من الازمه دى على خير
كريم : حاضر يا دكتور .... هسيبكم انا دلوقتى واروح لدياب علشان اهديه لانه اكيد دلوقتى شايط وعلى اخره وممكن يحصله حاجه
عمى : روح يا كريم

• سابنا كريم وراح الفيلا عند دياب وهناك قابل ريهام وليندا

ليندا : كويس انك جيت يا كريم انا لسه كنت هكلمك
كريم : خير فى حاجه
ليندا : ادم من اول ما رجع وهو حابس نفسه فى اوضته وشكله متضايق على عكس ما كان خارج معاك .... هو ايه اللى حصل بالظبط
كريم : مفيش يا فندم هى بس مشاكل الشغل وحضرتك عارفه ان دياب بياخد كل حاجه على اعصابه
ريهام : انا قولت اخيرا دياب رجع زى زمان خصوصا بعد ما شاف اصحابه بس شكلها كده المشكله اكبر بكتير
كريم : مفيش مشكله ولا حاجه انا هقعد معاه دلوقتى واخرجه من اللى هو فيه
ليندا : هتقعد معاه ازاى وهو دخل صومعته وانت عارف ان مستحيل اى حد يقدر يدخله هناك مهما كان مين
كريم : متخافيش يا فندم انا هدخله وهعرف اتعامل معاه
ريهام : ياريت يا كريم تعرف تخرجه
كريم : انا هطلعله دلوقتى
ليندا : روح يا كريم

• طلع كريم الاوضه عند دياب وقعد يخبط

دياب : قولت 100 مره محدش يخبط عليا وانا هنا يا ليندا
كريم : انا كريم يا دياب مش ليندا
دياب : سيبنى يا كريم دلوقتى انا مش عاوز اتكلم
كريم : هتفتح الباب ولا اكسره وادخل اكسر دماغك الناشفه دى وانت عارف انى مش بقول اى كلام وخلاص
دياب : عاوز ايه يا كريم
كريم : بقولك افتح الباب احسن اكسره

• قام دياب فتح الباب ودخل كريم وقفل الباب وراه

كريم : مالك يا زفت انت عامل جو دراما هندى علينا ليه
دياب : عاوز ايه يا كريم
كريم : لا اتعدل فى الكلام كده وافهم
دياب : يا كريم انت عارف كويس انى مش بستحمل اى كلام فى موضوع سليم
كريم : يا دياب افهم احنا مش متضايقين من علاقتك بسليم بالعكس بقى .... احنا خايفين عليك انت بقيت مش بتستحمل اى كلمه على سليم وكده غلط
دياب : سليم ده حته منى وانا عارف ان علاقتى بيه زايده عن اللازم وكل مره بقول لازم اتحكم فى نفسى شويه بس بضعف مجرد ما اشوفه وانسى كل حاجه انا مرتبها واتعامل معاه بقلبى وعقلى بيوقف ..... واكتر كلمه بتضايقنى لما حد يقولى ان انا مش ابوه ..... انا عارف كويس ان انا مش ابوه اللى خلفه بس انا ابوه اللى رباه .... انا ابوه اللى عيشت معاه كل لحظه فى حياته .... انا ابوه اللى علمه كل حاجه هو يعرفها ..... الاب يا كريم مش هو اللى خلف لا الاب هو اللى ربى وسهر وعالج وعلم .... الاب تفاصيل كتير انت جايز ماتعرفهاش علشان لسه ما اتجوزتش ولا خلفت بس مسيرك هتبقى اب وتعرف احساسى
كريم : انا عارف كل كلامك ده ومقدره كويس بس يا ما اهالى كتير ضيعوا عيالهم بحبهم الزياده ..... انا مش بقولك الكلام ده علشان ماتحبش سليم بالعكس بقى حب سليم بس حبه الحب الصح .... حبه الحب اللى مايضيعهوش من ايدك .... حب سليم وعيش معاه زى ما انت عاوز بس حكم عقلك فى تعاملك معاه علشان ماتخسروش انتوا الاتنين
دياب : انت عاوزنى اعمل ايه دلوقتى
كريم : عاوزك تحكم عقلك .... ادى لسليم جزء من حياتك مش حياتك كلها .... سيب سليم يشوف الدنيا من وجهة نظره هو مش من وجهة نظرك انت ..... سليم دلوقتى شاب من حقه يستكشف الحياه ويجرب يغلط مره وينجح مره لكن طول ما انت فى طريقه عمره ما هيتعلم وبكده انت هتقضى عليه .... امال هتعمل ايه لو جالك سليم بعد كام سنه وقالك انه عاوز يتجوز ويسافر مع مراته علشان يجرب الدنيا
دياب : يسافر ويسيبنى
كريم : انا بقولك افرض وده من حقه ..... بلاش يا سيدى يسافر .... افرض حب يفتح مشروعه بنفسه ويشتغل ويستقر ويعمل اسره واولاد اكيد هياخدوا من وقته ساعتها هتحس انك وحيد وهتحس ان عمرك كله ضاع ..... يا دياب انا عارف احساسك كويس ومريت بيه لان ابويا كان متعلق بيا زياده عن اللزوم وانا كمان كنت متعلق بيه .... بس ابويا لما حس ان الحب ده ممكن يأذينى بعدنى عنه ودخلنى المدرسه العسكريه وانا صغير علشان اتعلم بجد واجرب الحياه بنفسى ولما والدى مات انا كرهت الدنيا وكنت هنتحر اكتر من مره على ايدك لحد ما الدكتور سليم الجراح ظهر فى حياتى واخدنى من المدرسه العسكريه وعلمنى ووصلنى لكل اللى انا فيه وعوضنى عن والدى ..... والدكتور سليم نفسه لما حس ان وجوده مع بناته فيه خطر عليهم بعد عنهم ومارجعش غير بعد ما قدر بتغلب على الخطر ده ..... الدكتور سليم ساب بناته الاتنين يتجوزوا من غير ما يحضر فرحهم علشان يحميهم
دياب : خلاص يا كريم انا فهمتك وهحاول احكم عقلى فى علاقتى بسليم
كريم : وبعدين يا دياب ارجع شوف حياتك .... قابل اصحابك بتوع زمان واخرج معاهم وانسى شويه الشغل وقرفه .... خد ريهام وليندا وسافروا واتفسحوا ..... خرج شويه الضغط اللى جواك واللى هيخليك تنفجر
دياب : حاضر يا كريم
كريم : يا دياب انت صاحبى الوحيد اللى طلعت بيه من الدنيا البخيله دى وخايف عليك بجد
دياب : **** يخليك ليا يا صاحبى
كريم : ويخليك ليا يا دياب .... يلا بقى انزل علشان ريهام وليندا خايفين عليك ومش عارفين ايه حصلك فجأه وغيرك ..... انا قولتلهم حصلت مشكله فى الشغل وانت قاعد مع نفسك تفكر فى حل للمشكله
دياب : كويس انك قولت كده علشان ارتاح من الصداع اللى ممكن يعملوه علشان يعرفوا فى ايه
كريم : عيب عليك انا برضه بعرف اتعامل فى المواقف اللى زى دى

• نزل كريم ودياب مع بعض .... ريهام وليندا كانوا قاعدين على احر من الجمر مستنيين كريم يخرج يطمنهم لكن لما شافوا دياب اتطمنوا اكتر .... كريم سابهم مع بعض وخرج
• تانى يوم الصبح فى فيلا احمد صقر قاعدين كلهم بيفطروا ونزل عليهم سليم

سليم : صباح الخير يا جماعه
الكل : صباح النور يا سليم

• راح سليم ناحية امل صقر ومسك ايدها وباسها فى وسط دهشه من كل الموجودين

سليم : صباح الخير يا جدتى
امل : صباح النور يا سليم
فاتن : ايه الرضا ده كله يا عم سليم
سليم : ايه مش جدتى
امانى : ماشى يا عم
عمر : طب اقعد علشان تفطر قبل ما تروح الجامعه
سليم : لا يا جدى مليش نفس .... يادوب الحق الجامعه .... هناك هبقى افطر
احمد : اقعد يابنى افطر الوقت لسه بدرى
سليم : صدقنى يا بابا مليش نفس
فاتن : طب خد الساندويتش ده افطر بيه فى العربيه علشان خاطرى
سليم : حاضر يا ماما علشان خاطرك هاخد الساندويتش .... يلا سلام
احمد : هتتاخر يا سليم بره
سليم : لا يا بابا هخلص كليه وارجع على طول
احمد : تمام يا حبيبى

• خرج سليم اخد عربيته وطلع على الجامعه .... اول ما وصل طلع على المدرج على طول علشان يلحق المحاضره .... دخل المدرج قبل الدكتور بشويه .... مسك سليم موبايله بيقلب فيه وسرحان فجأه قعدت جمبه البنت اللى كانت سبب فى المشكله

البنت : صباح الخير يا بشمهندس
سليم : صباح .... ايه ده هو انتى
البنت : قبل ما تقول اى حاجه انا اسفه على اللى حصل امبارح بسببى
سليم : مفيش حاجه حصلت علشان تعتذرى ده موضوع اهبل وخلص
البنت : انا عارفه ان انت ملكش ذنب فى اللى حصل بس اعمل ايه حازم طول عمره جايبلى المشاكل
سليم : هو خطيبك
البنت : لا مش خطيبى بس قريبى ويعتبر متربيين مع بعض بس هو كده بيحب يعمل مشاكل دايما
سليم : باين عليه بيحبك وبيغير عليكى
البنت : لا انا وحازم عمرنا ما كنا بنحب بعض طول عمرنا زى الاخوات مش اكتر
سليم : جايز يكون من ناحيتك لكن من ناحيته هو بيحبك وبيعشقك كمان بس انتى اللى مش واخده بالك
البنت : وانت عرفت منين بقى
سليم : خبرة السنين بقى وبعدين لو ركزتى عليه من اول ما قعدتى جمبى وهو عينه بتطق شرار ونفسه يقوم يولع فيا بس مش قادر يعمل حاجه علشان خايف من العميد
البنت : جايز
سليم : صحيح احنا بقالنا كتير بنتكلم وانا معرفش اسمك
البنت : ياه انت لسه فاكر ..... انا اسمى سلمى
سليم : وانا اسمى سليم
سلمى : عارفه
سليم : وانتى عرفتى اسمى من فين
سلمى : انت ناسى انك عرفت بأسمك فى المحاضره بتاعة الدكتور جمال امبارح
سليم : معلش ماخدتش بالى
سلمى : ده غير ان الجامعه كلها بتسأل عليك من امبارح وعاوزين يعرفوا انت مين
سليم : ليه يعنى كل ده
سلمى : بسبب اللى حصل امبارح ده غير الشخص اللى جالك الكافتريا امبارح ومعاه جاردات كتير .... والدك ده
سليم : لا مش والدى بس يعتبر كل حاجه بالنسبالى يعنى تقدرى تقولى والدى وصاحبى واخويا مع بعض
سلمى : للدرجه دى
سليم : واكتر من كده

• فجأه دخل ابراهيم للمدرج

سليم : اهلا انت كمان هنا
سلمى : انت تعرف ده كمان
سليم : عز المعرفه

• طلع ابراهيم عند السبوره وحط الشنطه بتاعته

ابراهيم : صباح الخير يا بشمهندسين
الطلبه : صباح الخير يا دكتور
ابراهيم : بصوا كده من الاول لازم تعرفوا نظامى علشان احنا قاعدين مع بعض طول السنه ده غير اللى هيتجنن منكم وامه تبقى دعت عليه فى ساعة استجابه وباب السماء كان مفتوح وقرر يدخل قسم ميكانيكا هيبقى مشواره معايا طويل .... بصوا كده انا ولا بحب الالقاب ولا الكلاكيع دى .... انا اسمى ابراهيم وبعدين انا لسه شاب يعنى ياريت بلاش تحسسونى ان انا قطر العمر فاتنى
سليم : اقسم ب**** طول عمرى بقول عليك انك زى العسل
ابراهيم : ماشى يا سليم على العموم لينا كلام مع بعض بعدين انا وانت
سليم : الظاهر كده انى غلطت لما قررت ادخل الجامعه دى بالذات
ابراهيم : هههههه ليه بتقول كده
سليم : يعنى اخلص من دياب بره ادخل الجامعه الاقى اصحابه عندى ده انا كده بقيت محاصر من كل ناحيه
ابراهيم : ده لسه الايام الجايه هتشوف الحصار اللى بجد
سليم : انا هريح دماغى وادخل عماره بعيد عنكم
ابراهيم : هههههههه عبيط
سليم : ليه يعنى
ابراهيم : علشان الدكتوره فريده موجوده فى قسم عماره
سليم : حسبى **** ونعم الوكيل
ابراهيم : انت لسه شوفت حاجه .... لسه التقيل كله جاى
سليم : انا من اول ما شوفتك وانا مش متفائل
ابراهيم : ههههههه .... على العموم خلى الكلام ده لبعدين وخلينا دلوقتى فى المحاضره ..... كلامى ده ليكم كلكم .... انا قولتلكم مش بحب الالقاب ده غير انى معنديش عقد الدكاتره التانيه لكن عندى مشكله بسيطه جدا وهى انى مش بسامح اللى بيغلط ابدا ..... اعتبرونى من النهارده صاحبكم نضحك مع بعض نهزر مع بعض عادى لكن وقت ما اقول كفايه يبقى كفايه .... واهم حاجه عندى انكم تكونوا مرتاحين فى المحاضره علشان تقدروا تستوعبوا وتفهموا ..... بخصوص المحاضرات انا مش بدى اى درجات على الحضور والغياب وبالنسبه للكويزات انا هعملها جدول واوزعه عليكم ..... انا اهم حاجه عندى ان الطلبه تحضر علشان تفهم مش علشان مجبره بسبب الدرجات ..... بالنسبه للطلبه اللى بتتاخر فى المحاضره يدخلوا على طول من غير استاذان علشان مايضيعوش وقت المحاضره ...... واللى فيكم حس انه تعبان ومش قادر يستوعب اى شرح يقدر يخرج برضه من غير استأذان يغسل وشه ويفوق ويرجع يكمل تانى عادى ..... واللى فيكم بيدخن وخرمان عاوز يشرب سجاره انا اسف جدا ممنوع التدخين فى المدرج ممكن الخرمان منكم يخرج يشرب سجاره ويرجع يكمل محاضره تانى
واحد من الطلبه : ايه الحلاوه دى
ابراهيم : ماشى يا سيدى ..... بس زى ما قولتلكم ان اهم حاجه عندى ان الطلبه يكونوا فى كامل تركيزهم علشان يستوعبوا السواد اللى داخلين عليه .... انا كنت طالب زيكم فى يوم من الايام وكنت قاعد هنا فى نفس المدرج كطالب مش دكتور وكنت بتخنق من الدكاتره اللى بيتحكموا فى الطلبه ويعاملوهم معاملة العبيد .... علشان كده هتلاقوا نظامى مختلف .... اتمنى تكونوا عند حسن ظنى فيكم وماتخذلونيش قصاد باقى الدكاتره
واحد من الطلبه : واحنا هنكون عند حسن ظنك
ابراهيم : اتمنى .... دلوقتى المفروض نبدأ فى المحاضره بس انا متعود ان اول محاضره تبقى تعارف اتعرف عليكم وتتعرفوا عليا قبل ما ندخل فى المفرمه ..... اى حد فيكم عنده اى سؤال
واحده من البنات : انا يا دكتور
ابراهيم : ادى اول غلطه
البنت : ليه كده يا دكتور
ابراهيم : انا قولت مش بحب الالقاب
البنت : اسفه يا ابراهيم
ابراهيم : ايوا كده .... انتى اسمك ايه الاول
البنت : بسنت
ابراهيم : اسألى يا بسنت
بسنت : انت عندك كام سنه
ابراهيم : ليه جايبالى عروسه
بسنت : وماله نشوفلك عروسه يا دكتور
ابراهيم : ايوه علشان الدكتوره فريده تولع فينا احنا الاتنين
بسنت : هههههه بعد الشر ..... انا بسأل على سنك لان انا شايفاك صغير على انك تبقى دكتور
ابراهيم : انا عندى 37 سنه يا ستى
بسنت : شكلك اصغر من كده
ابراهيم : علشان عرفت حقيقة الحياه اللى احنا عايشين فيها من زمان .... مفيش حاجه تستاهل ان احنا نزعل عليها ..... مفيش حاجه تستاهل نعيش بسببها فى قلق .... جدتى **** يرحمها كانت دايما بتقول ان القلق يورث العجز .... وفى حاجه مهمه لازم تعرفوها .... طول ما انت بتعمل الصح ماتقلقش .... طول ما انت عامل اللى عليك ماتخافش .... عيشوا الحياه ببساطه لانها ابسط مما تتخيلوها
سليم : مش كلام فلسفه زياده شويه ده يا ابراهيم
ابراهيم : سبحان **** كنت متاكد انك انت بالذات هتقول كده ..... لكن نقول ايه واحد عاش معظم حياته مع دياب العاصى يبقى هنتظر منه يبقى متفائل ازاى ..... يا بنى عيش حياتك العمر لسه قصادك .... انا عارف يا سليم انك شوفت كتير فى حياتك وعارف ان حياتك كانت صعبه بس صدقنى الحياه لسه فيها حاجات حلوه كتير تستاهل انك تعيش علشانها
سليم : انا عارف ان الحياه فيها حاجات حلوه كتير بس للاسف الوحش اكتر بكتير
ابراهيم : انا مش هجادلك فى الموضوع ده لان عارف انك عنيد ودماغك ناشفه بس مسير الايام هتثبتلك كلامى
سليم : انت عارف انى مش بسيب الايام تتحكم فيا بالعكس انا اللى بتحكم فيها
ابراهيم : بس انت كده هتتعب يا سليم وانت لسه الدنيا قصادك وفى حاجات كتير لازم تعيشها
سليم : وشياطين الانس كتير جدا مستكترين عليا الحياه وشايفين ان موتى من اسعد الاخبار اللى ممكن يسمعوها
ابراهيم : الشياطين دول موجودين فى كل زمان وكل مكان لحد ماتقوم القيامه
سليم : ليه الناس كلها مش زيك
ابراهيم : مش زيى ازاى يعنى
سليم : مش عارفين ان الحياه اقصر بكتير من اننا ندخل فيها فى صراعات ملهاش لازمه
ابراهيم : علشان الناس بطبعها طماعه .... الطمع اكبر عدو للأنسان .... الطمع بيقتل اى احساس بالنجاح .... مهما وصلت للى انت عاوزه لو طماع عمرك ما هتحسله بطعم .... فى شعره ضعيفه جدا بين الطمع والطموح ..... الطموح هو انك تحقق حلمك وتسعى علشانه بشرف لكن الطمع هو انك توصل لحلمك ومش مهم بقى الطريقه اذا كانت صح او غلط او فى سبيلها ممكن تضحى بايه او بمين
سلمى : بس اغلب الناس بقوا طماعين مش طموحين يا دكتور
ابراهيم : علشان كده عاوز اعلمكم الفرق بين الطمع والطموح
سليم : مهما حاولت تعلمهم لما هيواجهوا الحياه هيلاقوا الطمع اللى جواهم بيطغى على اى مبادئ انت او غيرك حاولتوا تعلموهالهم
ابراهيم : انت ليه يا سليم شايف ان الدنيا سوداء اوووى كده
سليم : انا مش شايف ان الدنيا سوداء انت اللى شايفها ورديه زياده عن اللزوم لكن انا شايفها على حقيقتها واللى اتمنى ان كل الناس تشوف الحقيقه دى
ابراهيم : وايه هى الحقيقه اللى عاوز الناس تشوفها
سليم : الحقيقه هى ان الفيضان جاى وهيدمر كل شئ فى طريقه علشان كده لازم نكون مستعدين علشان نعرف نواجهه
سلمى : قصدك ايه يا سليم
سليم : قصدى ان احنا لازم نفوق بسرعه قبل فوات الأون .... نفوق ونعرف الحقيقه ونواجهها قبل ما نلاقى نفسنا متورطين فى مصايب اكبر مننا ..... احنا اللى لازم نلاقى الحل لكل المشاكل اللى ماخترنهاش وبقينا مضطرين نواجهها .... لازم نرجع نتجمع ونوقف فى وش الشياطين اللى عاوزين يدمرونا ..... الشياطين دول نجحوا يفرقونا عن بعض ومش باقى غير شوية وقت علشان يدمرونا تدمير تام .... العالم كله دلوقتى بيتكلم على اعادة الاعمار كلام من بره متزوق وشكله جميل لكن بيخبى جواه المرار .... اعادة اعمار ايه بالظبط ..... اعادة اعمار شوية طرق وبيوت ومصانع هما فى الاساس اللى دمروها .... طب ليه محدش بيفكر فى اعادة اعمار العقول .... ليه محدش بيتكلم فى اعادة اعمار الشباب اللى هما المستقبل .... ليه محدش بيتكلم فى اعادة اعمار التعليم والصحه .... ليه محدش بيتكلم فى اعادة اعمار الوحده العربيه .... عارف ليه يا ابراهيم محدش بيتكلم عن كل ده
ابراهيم : ليه يا سليم
سليم : علشان الكلام فى المواضيع دى بيزعل اوووى الجماعه اياهم اللى انا وانت عارفينهم كويس ومن حق كل الناس تعرفهم ..... والجماعه دول زعلهم وحش اوووى انا مجربه وعارفه .... الجماعه دول هما اللى شايفينى نقطة ضعف لشخص عاش عمره بيواجههم .... الجماعه دول هما السبب فى اللى حصلى من سنين كتير لما كنت مجرده * عنده 5 سنين مايعرفش حاجه .... الناس دول هما اللى خلوا ابويا يعيش بحسرته عليا لما كان فاكر انى ميت .... ولما رجعت لابويا كانوا خلاص قدروا يغيروا افكاره ولما بدأ يفوق لنفسه حاولوا يدمروه لولا ستر ** .... الناس دول اللى خلونى اشك فى اى انسان بتعامل معاه ..... الناس دول اللى بسببهم بنام وحاطط سلاحى تحت مخدتى لانى مش عارف هصحى على ايه ..... الناس دول اللى خلونى اعيش قلقان على كل اللى حواليا لانى عارف غدرهم شكله ازاى ..... الناس دول اللى مش هيرتاحوا غير لما يقضوا علينا كلنا
ابراهيم : عندك حق يا سليم فى كل كلمه انت قولتها
سليم : عارف يا ابراهيم انى عندى حق فى كلامى بس يا ترى مين اللى هيسمع الكلام اللى انا بقوله بقالى سنين ..... الناس خلاص دخلت فى مفرمة الحياه ومابقاش عندهم اى وقت يفكروا ولا يسمعوا ..... حتى الطلبه دول اللى سامعين كلامى مجرد ما كل واحد فيهم يروح بيته هيتشغل فى مليون حاجه تانى غير انه يفكر فى كلامى ده غير اللى منهم هيقول عليا بستعرض واقول كلام كبير علشان ابقى مهم فى نظر الناس

• قام واحد من الطلبه اسمه معتز

معتز : يعنى انت عاوزنا نحارب قوه اكبر مننا بمراحل تفوق الخيال علشان تبقى مبسوط
سليم : انا مطلبتش من اى حد انه يحارب انا كل اللى طلبته ان الناس تتجمع ويبقى قلوبهم على قلوب بعض علشان يواجهوا الخطر ..... اى حد هيفكر فى حرب دلوقتى يبقى حاجه من الاتنين يا اما غبى يا اما مش عارف قدرته الحقيقيه ..... من 100 سنه النازى حول العالم كله لجحيم ايام ما كان مجرد ظابط فى الجيش وقت الحرب العالميه الاولى وبعد كده لما كبر فى المناصب وبقى المستشار الالمانى والحاكم الفعلى للبلد قوم الحرب العالميه التانيه وبسبب جنونه دمر المانيا بالكامل وخلاها تحت الانقاض بسبب جنونه وغروره ..... الناس كانوا بيشبهوا اللى حصل فى المانيا بانه زى يوم القيامه .... بعد انتحار هتلر ودخول دول الحلفاء وقعت المانيا تحت الحصار .... حصار من كل ناحيه .... حصار عسكرى لما قسموا المانيا وحصار اقتصادى لما ورطوها فى ديون الحرب يعنى بمعنى اصح المانيا مينفعش توقف على رجليها من تانى ..... لكن حصلت المعجزه والمانيا قدرت تخرج من الحصار بعد ما اشتغلوا على نفسهم وبقيوا ايد واحده واستغلوا الحرب البارده اللى كانت بين الامريكان والسوفيت وقدروا فى اول السبعينات انهم يسددوا كل ديونهم اللى كانت وقتها اكتر من مليار دولار يعنى بما يساوى اكتر من 100 مليار دولار دلوقتى وبعدها هدموا سور برلين ورجعوا شعب واحد وانتوا شايفين المانيا عامله ازاى دلوقتى وشايفين اقتصادها ..... المانيا تعتبر الدوله الوحيده اللى خرجت من كارثة 2008 بسرعة الصاروح واتربعت على القمه ومحدش قادر يخرجها منها
معتز : يعنى انت عاوزنا نعمل زى المانيا ..... ده انت بتحلم
سليم : وماحلمش ليه ..... هما الالمان احسن مننا فى ايه .... المانيا بعد ما اتدمرت فى الحرب مكانش عندها اى موارد طبيعيه ولا حتى اقتصاديه تخلى عندها حياه مش تقولى تبقى قوه اقتصاديه بالشكل اللى هى فيه ده ..... المانيا مكانش عندها غير اهم مورد فى الوجود اللى من غيره مكانتش هتقوملها قومه حتى لو كان عندها ايه
ابراهيم : ايه المورد ده يا سليم
سليم : المورد البشرى ..... الالمان كانوا واثقين من قدراتهم وواثقين من حلمهم علشان كده قدروا يحققوا المستحيل ده غير ان كان عندهم الحلم اللى يقدروا يعيشوا علشانه
واحد تانى من الطلبه : دى ناس عندها احلام
سليم : وانت ليه ما يبقاش عندك حلم تعافر علشان توصله .... فى شخص عزيز عليا كان دايما يقولى لو معندكش حلم تعيش علشان تحققه يبقى القبر اولى بيك لان خساره فيك شوية الهواء اللى بتتنفسهم

• اشتغل الحوار بين ابراهيم وسليم وباقى الطلبه طول فترة المحاضره وكلهم كانوا بيتناقشوا مع بعض لحد ما خلص الوقت وكل واحد راح لحاله
• نزل سليم للكافتريا وسط نظرات كل الطلبه اللى كانوا معاه فى المحاضره ..... قعد سليم على طرابيزه لوحده بعيد عن باقى الطلبه .... فجأه دخلت عليه سلمى

سلمى : تسمحلى اقعد معاك
سليم : اه طبعا اتفضلى
سلمى : انت ايه حكايتك بالظبط وايه الكلام الكبير اللى انت قولته من شويه .... الكلام اللى انت قولته مايطلعش من واحد يادوب عنده 18 سنه لا ده كلام كبير
سليم : حكايتى طويله جدا اطول من ان الاقى وقت احكيها لكن المهم فى حكايتى هو الكلام اللى انا قولته فى المحاضره .... الكلام ده خلاصة اللى حصلى فى الحياه ياريت تفهموا كلامى كويس
سلمى : عارف يا سليم انت بتفكرنى بمين
سليم : مين يا ستى
سلمى : بتفكرنى بوالدى .... كان دايما بيتكلم زيك كده وانا كنت دايما اتفرج عليه وهو بيتكلم وعمرى ما زهقت من كلامه .... احيانا كتير ماكنتش ببقى فاهمه كلامه بس كنت بحس انه بيقول كلام مهم
سليم : **** يخليهولك
سلمى : **** يرحمه
سليم : انا اسف ماكنتش اعرف
سلمى : والدى اتوفى من فتره كان عنده سرطان فى الدم

• فجأه عيون سلمى دمعت

سليم : خلاص يا ستى اعتبرينى من النهارده والدك
سلمى : هههههههه مش للدرجه دى يعنى انت لسه صغير برضه
سليم : كويس انك ضحكتى
سلمى : عاوزه اسألك على حاجه بخصوص الكلام اللى انت قولته قبل دخول الدكتور ابراهيم للمحاضره
سليم : قصدك على ان حازم بيحبك
سلمى : ايوه .... انت عرفت ازاى ان حازم بيحبنى ده عمره ما فكر يلمحلى بحاجه
سليم : جايز علشان خايف ترفضيه ويخسرك بس اللى انا متاكد منه انه بيحبك بجنون

• فجأه كريم دخل الكافتريا

سليم : شكلها كده فى مصيبه
سلمى : مصيبة ايه دى
سليم : استنى لما نشوف

• دخل كريم على سليم وقعد على الطرابيزه

كريم : صباح الخير يا سليم
سليم : يا اخى انا مش بخاف غير من زيارتك دى بحس ان فى مصيبه هتحصل بعدها
كريم : ههههههه ليه بتقول كده يا اخى ده انا بحبك
سليم : مش كفايه على رجالتك اللى ملازمينى زى ضلى ومش عارف اخلص منهم وكل ما اكشفهم تغيرهم فى لمح البصر
كريم : انت حياتك غاليه علينا ولازم نحميك
سليم : ماشى يا كريم .... خير بقى ايه سبب الزياره المفاجأه دى
كريم : ابدا يا سيدى انا كنت قريب من هنا قولت ادخل اشوفك
سليم : حد قالك يا كريم ان انا حمار ولا حاجه
كريم : قطع لسان اللى يقول كده
سليم : يبقى ادخل فى الموضوع على طول
كريم : طب مش تعرفنى الاول
سليم : يعنى عاوز تقنعنى انك ماتعرفش سلمى ماشى يا سيدى دى تبقى سلمى زميلتى وسبب المشكله اللى حصلت امبارح واللى رجالتك بلغوك بيها وفجأه لقيت دياب قصادى
سلمى : طب عن اذنكم انا اسيبكم تتكلموا براحتكم .... اشوفك فى المحاضره يا سليم
سليم : ماشى يا سلمى اتفضلى

• قامت سلمى وسابتهم

كريم : بس ايه موزه تستاهل اللى انت عملته امبارح
سليم : طب ايه رائيك نتصل بهبه وناخد رائيها فى الموضوع ده
كريم : خلاص يا عم انت
سليم : خير يا كريم ايه اللى جابك وماتقولش انك كنت قريب من هنا والجو القديم ده
كريم : بصراحه انا جايلك مخصوص
سليم : ايوه كده وجايلى مخصوص ليه بقى ما احنا فى وش بعض اليوم كله فى الفيلا
كريم : عاوزك تنزل تشتغل فى شركة المقاولات اللى هنا فى المقطم
سليم : وايه اللى حصل خلاكم تغيروا رائيكم ما انا يا ما قولت لدياب انى عاوز انزل اتدرب فى الشركه واتعلم الشغل ودياب كان بيرفض
كريم : دياب مكانش عاوز الشغل يأثر على دراستك لكن طالما دخلت هندسه يبقى من الافضل انك تتعلم الشغل على ارض الواقع وبعدين انت ناسى ان انا المسئول عن تعليمك وكل الدورات اللى انت اخدتها طول السنين اللى فات
سليم : لا مش ناسى يا سيدى ..... على العموم انا مستعد انزل الشغل من بكره
كريم : انا كلمتهم فى شركة المقاولات ومن اول الاسبوع اللى جاى هتنزل الشغل .... لازم يا سليم تتعلم كل حاجه فى الشغل بسرعه لانك هتقعد كام شهر بس فى شركة المقاولات تتعلم فيها كل حاجه وبعد كده هتغير الشركه وتروح لمكان تانى تتعلم فيه برضه
سليم : ليه كل ده
كريم : لانك بعد 3 سنين هتستلم شركاتك بشكل رسمى ولحد ما يجى اليوم ده لازم تكون مستعد استعداد تام
سليم : ماشى يا سيدى فى حاجه تانى
كريم : يا سليم انا مخططلك تخطيط مهم جدا لو مشى زى ما فى دماغى انا كده هبقى نجحت معاك
سليم : ايه التخطيط ده
كريم : بلاش نسبق الاحداث وخلينا ماشيين كل خطوه بترتيب
سليم : حاضر يا كريم
كريم : انا بقالى فتره ملاحظ انك قاعد لوحدك وبعدت عن اصحابك ليه كده يا سليم
سليم : بعدت عنهم علشان خايف عليهم يا كريم .... الحكايه مش ناقصه حد منهم يموت بسببى
كريم : ليه بتقول كده يا سليم
سليم : شوفوا مين اللى بيقول كده ..... انت ناسى يا كريم اللى احنا فيه
كريم : انا عارف انك اكتر واحد تعبت فينا فى كل اللى بيحصل بس تقول ايه قدرك كده
سليم : انا عمرى ما اعترضت على اللى بيحصل يا كريم لانى عارف ان احنا كلنا مغصوبين على ده بس انا مش عاوز حد ملهوش ذنب يتأذى بسببى
كريم : سيبك من الكلام ده واسمع نصيحتى بلاش تحبس نفسك جوه الحياه الصعبه بتاعتنا لان هيجى اليوم اللى هتدخل فيه الحياه دى غصب عنك علشان كده عاوزك تلحق تستمتع بالشويه اللى انت عايشهم دول قبل ما العمر يسرقك ..... الحق اعملك اصحاب .... سافر وحب واستمتع
سليم : ده انت ناقص تقولى اتجوز
كريم : وماتتجوزش ليه ..... على فكره انا كنت زيك معارض فكرة الجواز لحد ما قابلت الانسانه اللى غيرت رائى ..... الانسانه اللى مقدرش اتصور حياتى من غيرها
سليم : فينك يا هبه تسمعى الكلام الحلو ده
كريم : انا بتكلم بجد يا سليم
سليم : سيبك من الكلام الفاضى ده وروح شوف شغلك علشان معايا محاضره بعد 10 دقايق لازم احضرها
كريم : ماشى يا سليم اهرب براحتك روح شوف دنيتك وبعدين لينا كلام تانى مع بعض

• من ناحيه تانيه عندى فى الشركه قاعد بخلص شغل ودخل عليا دياب

انا : صباح الفل يا ديبو
دياب : صباح الخير يا سليم
انا : طمنى عملت ايه
دياب : كله تمام ونفذت الخطه بالظبط
انا : كده حلو جدا .... نقعد بقى ونستنى السمك ياكل الطعم
دياب : انت ليه خليتنا نعمل كده
انا : لازم يا دياب نعرف الثغره الموجوده عندنا فى اسرع وقت
دياب : بس مش مخاطره كبيره اننا نكشف طريق مخزن الدهب
انا : كده ولا كده احنا لازم نغير مكان الدهب بعد التطورات الاخيره انا قولت نستغل الحكايه دى فى كشف الثغره
دياب : طب انت شاكك فى حد معين
انا : كل الرجاله اللى انا خليتك تكلفهم بحراسة المخازن انا شاكك فيهم
دياب : بس دول رجالتنا من زمان واحنا مجربينهم كتير جدا قبل كده
انا : اهى محاوله وجايز تنجح
دياب : ماشى يا سيدى لما نشوف اخرتها
انا : كل خير يا دياب .... خلاص هانت
دياب : خير فى حاجه جديده
انا : فى حاجات كتير حصلت ..... رجالتنا بلغونا انهم خلاص قربوا يخلصوا كلها شوية وقت وساعتها هنبقى بنملك القوه ومفيش مخلوق على ضهر الارض هيقدر يواجهنا
دياب : بس لسه المرحله الاخيره واللى لحد دلوقتى مش عارفين هنحلها ازاى
انا : من هنا لحد ما الرجاله يخلصوا هنلاقى مليون حل
دياب : خلينا مانسبقش الاحداث
انا : شغلنا فى الماس سهل ووفر علينا وقت ومجهود كبير جدا
دياب : دى كانت فكرتى وكلكم كنتوا معارضينها
انا : احنا كنا معارضين علشان الشغل فى الماس هيعرضنا لصدام مباشر بالجماعه وبكده ممكن نتكشف
دياب : علشان كده قولتلكم نسيبلهم شوية اسهم فى شركة الجراح هما هيفرحوا ومش هياخدوا بالهم من اللى احنا مخططينله
انا : مش قادر انسى شكل عمى لما انت اقترحت عليه الاقتراح ده
دياب : اسكت ماتفكرنيش ده انفعل وقتها وكان هيضربنى بالجزمه
انا : اصل انت اقترحت عليه الاقتراح بمنتهى البساطه وهو عاش طول عمره بيحاول يبعدهم عن الشركه
دياب : بس الحمد لله انه فكر فى الاقتراح وعرف ان انا عندى حق
انا : عاوزك بقى تشغل دماغك دى وتشوفلنا حل للمرحله الاخيره
دياب : بحاول و**** بس مش لاقى اى فكره .... على العموم احنا لسه عندنا شوية وقت

• فجأه تليفونى رن وكانت شرين

انا : صباح الورد يا شيرى
شرين : انت فين يا سليم
انا : انا فى الشركه خير فى حاجه صوتك مخضوض
شرين : مريم بتولد يا سليم
انا : انتى بتتكلمى بجد
شرين : احنا فى طريقنا للمستشفى
انا : مسافة السكه واكون عندكم ..... سلام يا احلى بنت عم فى الدنيا

• بعد ماقفلت مع شرين

دياب : خير يا سليم طمنى
انا : مريم بتولد
دياب : الف مبروك يا صاحبى ..... طب يلا بسرعه روحلها
انا : خايف
دياب : خايف من ايه يا سليم
انا : خايف اللى حصل قبل كده يتكرر تانى
دياب : تف من بوقك يا اخى انت ايه مش عارف تفرح
انا : انا بقيت اخاف من الفرح
دياب : ماتقولش كده يا سليم ويلا روح علشان تطمن على مراتك
انا : انت مش هتيجى معايا
دياب : اسبقنى انت وانا هحصلك على طول
انا : حاضر يا دياب
دياب : انا جاى وراك على طول

• خرجت على طول وروحت المستشفى وكانت مريم دخلت اوضة العمليات ومعاها لمياء وكان عمى وشرين قاعدين قصاد اوضة العمليات

انا : طمنى يا عمى ايه الاخبار
عمى : لسه يا بنى مفيش جديد
انا : هى دخلت امتى
عمى : من ربع ساعه كده
انا : **** يعديها على خير
عمى : اهدى يا سليم ماتتوترش وانشاء **** خير

• من ناحيه تانيه فى الجامعه عند سليم قاعد فى المحاضره والدكتور بيشرح وسلمى قاعده فى الكرسى اللى جمبه فجأه سليم اتخض

سلمى : مالك يا سليم فى ايه
سليم : مش عارف بس **** يستر
سلمى : ايه اللى حصل وغيرك بالشكل ده
سليم : ارجوكى يا سلمى اسكتى دلوقتى انا مش عارف اتحكم فى اعصابى
سلمى : حاضر حاضر بس اهدى انت

• نرجع تانى للمستشفى عندى كلنا قاعدين متوترين

انا : وبعدين بقى دول بقالهم كتير فى العمليات
عمى : اهدى يا سليم علشان انا على اخرى ومش مستحمل

• فجأه خرجت لمياء من اوضة العمليات

لمياء : يا ساتر ده انا مشوفتش فى حياتى ولاده صعبه بالشكل ده
انا : طمنينى يا لمياء على مريم وبعد كده استغربى براحتك
لمياء : اتطمن يا سيدى مفيش حاجه وحشه بس مراتك وعيالك طلعوا عينى
انا : الحمد لله .... يعنى مريم والطفل كويسين
لمياء : متخافش يا سليم التلاته كويسين وبخير كمان
انا : تلاتة ايه قصدك الاتنين
لمياء : لا تلاته يا سيدى مراتك كانت حامل فى توأم
انا : انتى بتتكلمى بجد
لمياء : وانا اهزر معاك ليه يا بتاع انت
انا : طب لمى لسانك بدل ما اقطعه
لمياء : ماشى يا سليم انا هعرف اربيك كويس
انا : يعنى مريم خلفت توأم بجد
لمياء : ايوا يا سيدى جابت ولد وبنت زى القمر مش عارفه طالعين لمين مع ان امها وابوها يلا **** امر بالستر .... اه عرفت هما اكيد طالعين حلوين لخالتهم

• كلنا ضحكنا على لمياء واسلوبها

انا : طب بطلى استفزاز يا جزمه وقوليلى مريم هتخرج امتى
لمياء : عشر دقايق وتخرج يا سيدى
انا : **** يطمنك
• بعد شويه خرجت مريم وراحت اوضتها ومعاها الاولاد .... اول ما فاقت وشافتنا فى وشها

مريم : طمنى يا سليم
انا : حمد **** على سلامة القمر
مريم : يعنى مفيش حاجه وحشه حصلت
انا : هو مفيش غير حاجه واحده بس اللى وحشه وهى لمياء
لمياء : كده يا سليم طب **** يسامحك
انا : اخرسى بقى محدش عارف يقول كلمتين على بعض منك
لمياء : ماشى يا سليم انا هسيبلكم المكان كله علشان ترتاحوا
انا : رايحه فين يا جزمه بنهزر
لمياء : ليه هو انت فاكرنى زعلانه منك ماتخافش ياخويا انا بس معايا شغل هخلصه وارجع اقعد على قلبكم
انا : طب يلا من غير مطرود

• بعد ما خرجت لمياء

مريم : ابنى فين يا سليم
انا : نايمين على السرير جمبك
مريم : مين دول اللى نايمين
انا : ابننا وبنتنا .... انتى خلفتى توأم يا حبيبتى
مريم : انت بتتكلم بجد ولا بتهزر
انا : لا و**** بتكلم بجد
مريم : اشكرك يارب على نعمتك ورحمتك بيا
عمى : الف مبروك يا حبيبتى .... النهارده انا اسعد انسان فى الدنيا كلها
مريم : **** يباركلى فيك يا اجمل اب فى الدنيا كلها
شرين : قولولى بقى هتسموهم ايه
انا : بصراحه مش عارف .... عمرى ما فكرت فى الموضوع ده
مريم : انا هسمى البنت وانت هتسمى الولد
انا : هتسميها ايه بقى
مريم : هسميها نانسى على اسم ماما **** يرحمها
انا : اسم جميل جدا يا حبيبتى
عمى : طب والولد هتسموه ايه

• فجأه دخل علينا دياب

دياب : الف مليون مبروك يا قمر انتى
مريم : **** يبارك فيك يا دياب
دياب : الف مبروك يا دكتور
عمى : **** يباركلى فيك يا حبيبى
دياب : الف مبروك يا سليم
انا : **** يبارك فيك يا اخويا ..... تصدق يا دياب انك جيت فى وقتك
دياب : طول عمرى يا حبيبى باجى فى وقتى بس ليه
انا : كنا بنفكر نسمى الولد ايه ومحتارين بس انا خلاص عرفت
مريم : هتسميه ايه بقى
انا : دياب
مريم : اسم جميل خلاص يبقى نسميه دياب
دياب : مش عارف اقولكم ايه بتحرجونى بصراحه
شرين : نانسى ودياب .... اسماء حلوه بصراحه

• قعدنا مع بعض نضحك ونهزر .... بصراحه كنا محتاجين الفرحه دى
• من ناحيه تانيه فى الجامعه عند سليم بعد ما خلص المحاضره خرج بسرعه اخد عربيته ومشى بسرعه ..... سلمى حاولت تلحقه بس ماعرفتش .... وقفت سلمى مش عارفه تعمل ايه ودخلت عليها واحده صاحبتها اسمها يارا

يارا : مالك يابنتى واقفه سرحانه كده ليه
سلمى : لا مفيش حاجه
يارا : مفيش حاجه ازاى ده انتى واقفه مش حاسه بالدنيا
سلمى : قولتلك مفيش حاجه يا يارا .... انا ماشيه
يارا : رايحه فين يا بنتى
سلمى : هرجع البيت انا فى محاضرات اليوم كله وماصدقت خلصت
يارا : بس انا عاوزه اتكلم معاكى
سلمى : خليها بكره فى الجامعه
يارا : لا مش هقدر استنى لبكره كلامى مهم جدا وبخصوص اللى انتى سرحانه بسببه
سلمى : قصدك مين ده
يارا : قصدى سليم صقر
سلمى : وانتى مين قالك انى بفكر فى سليم
يارا : بقولك ايه يا سلمى انا عارفاكى كويس وعارفه بتفكرى ازاى
سلمى : خلاص يا يارا انا تعبانه دلوقتى ومش قادره اتكلم
يارا : خلاص براحتك بس نصيحه منى ابعدى عن سليم صقر .... عن اذنك
سلمى : استنى هنا
يارا : عاوزه ايه
سلمى : انتى تعرفى ايه عن سليم علشان تقوليلى ابعد عنه
يارا : اعرف حاجات كتير جدا
سلمى : ايه بقى اللى انتى عارفاه
يارا : مش هينفع على الواقف كده تعالى اقعدى وانا اعرفك كل اللى اعرفه
سلمى : ماشى يا ستى تعالى نقعد فى الكافيه اللى جمب الجامعه لما اشوف انتى عاوزه تقولى ايه

• خرجت يارا مع سلمى وراحوا للكافيه وقعدوا

سلمى : ممكن تفهمينى ايه اللى فى دماغك وايه اللى خلاكى تتصورى ان فى حاجه بينى وبين سليم ..... كل ده علشان شوفتينى قعدت معاه مره ولا اتنين
يارا : يا سلمى احنا اصحاب من زمان وانا عارفاكى كويس ياريت بلاش نلف وندور على بعض لانى بجد خايفه عليكى
سلمى : ممكن تقولى اللى فى دماغك
يارا : حاضر يا ستى .... انتى طبعا عارفه ان انا اصلا من الاقصر بس بسبب شغل بابا استقرينا هنا فى القاهره من سنين كتير بس دايما بنزل الاقصر فى الاعياد والمناسبات
سلمى : وايه علاقة انك من الاقصر بسليم
يارا : هو انتى مش عارفه ان سليم من الاقصر اصلا
سلمى : لا دى اول مره اعرف فيها حاجه زى دى انا كنت فاكراه من هنا من القاهره .... معنى كده انك عارفه سليم كويس
يارا : طبعا اعرفه كويس جدا كمان
سلمى : يعنى انتى عارفه معنى الكلام الغريب اللى قاله فى محاضرة الدكتور ابراهيم النهارده
يارا : ايوه عارفاه بس فى حاجات طبعا معرفهاش
سلمى : ايه بقى اللى انتى عارفاه
يارا : سليم ده يبقى من عيلة صقر ..... عيلة صقر دى تبقى اللعنه .... اى حد بيقرب من العيله دى بيبقى مكتوب عليه انه يعيش فى عذاب طول عمره واول اللى داق العذاب ده كان سليم
سلمى : ازاى يعنى
يارا : سليم اتخطف وهو *** عمره 5 سنين واترمى فى الشارع واختفى سنين كتير .... وفى حد بعت لابوه وامه هدومه وعليها ددمم ومعاها جواب بيقول ان سليم اتقتل .... لحد ما ظهر فجأه واتضح انه كان عايش عند شخص من العيله بينه وبين العيله مشاكل كتير والشخص ده يبقى دياب العاصى
سلمى : مش ده صاحب الدكتور جمال والدكتور ابراهيم واللى جيه الجامعه امبارح وسط جيش جاردات
يارا : ايوه هو ده دياب العاصى واللى داق المر من عيلة صقر
سلمى : وازاى سليم وصل لدياب وانتى بتقولى ان دياب مقاطع العيله
يارا : فى حاجه مش مفهومه حصلت فى النص محدش يعرفها غير سليم ودياب واحمد صقر والد سليم بس الاغرب من كده لما تعرفى مين اللى امر بقتل سليم
سلمى : هيكون مين يعنى
يارا : جده او بمعنى اصح جد ابوه
سلمى : انتى بتخرفى صح
يارا : لا مش بخرف وجده ده ليه حكايه هو كمان ..... كل اللى احنا نعرفه ان هو مات من زمان لكن فجأه اكتشفنا انه عايش وهو نفسه مكانش يعرف ان سليم عايش مماتش زى ما امر ..... يوم الحفله الكبيره اللى عملها احمد صقر وجاب جده متكتف وظهره للناس كلها فى الحفله وقتها الكل اتخض وفى نفس الحفله ظهر دياب ومعاه سليم والكل متفاجئ من اللى بيحصل .... وقتها احمد صقر حكى اللى حصل قصاد الناس
سلمى : وبعدين ايه حصل
يارا : والدة سليم قتلت جده
سلمى : ايه اللى انتى بتقوليه ده
يارا : وبعدها دياب اتعرض لمحاولة قتل والمفروض انه مات لحد ما ظهر تانى بعد 3 سنين واكتشفنا انه لسه عايش بس مفيش مخلوق فى الدنيا يعرف دياب كان بيعمل ايه طول السنين دى غير سليم وبس ..... بعد رجوع دياب اتعرض سليم لأكتر من محاولة قتل لانه معروف انه نقطة ضعف دياب الوحيده
سلمى : نقطة ضعفه ازاى يعنى ده يادوب قعد معاه كام سنه بس ده غير انك بتقولى ان دياب فى مشاكل بينه وبين العيله
يارا : ايوه دياب فى مشاكل بينه وبين العيله بس مابيحبش فى حياته قد سليم و ريهام اخت احمد صقر واللى هى مراته دلوقتى .... وحطى تحت اسم سليم مليون خط .... دياب ممكن يحرق الدنيا كلها لو حد فكر مجرد تفكير انه يتعرض لسليم
سلمى : غريب اللى انتى بتقوليه
يارا : دياب شاف من العيله دى كتير جدا وكان ساكت وبيطنش علشان خاطر سليم وريهام صقر لحد ما زودوها معاه ساعتها وراهم الجحيم على الارض
سلمى : ايه اللى حصل
يارا : والد دياب خالف قواعد العيله واتجوز واحده مش من مستواهم اللى هى فى الاساس تبقى ام دياب ساعتها قاطعوه ولما مات والد دياب .... العاصى جد دياب رفض انه يدفن ابنه فى مدافن العيله
سلمى : ايه الجحود ده
يارا : بسبب الموضوع ده دياب قعد مقاطع العيله لسنين كتير لحد من سنتين تقريبا لما عملوا اكبر مصيبه
سلمى : هو لسه فى مصايب اكتر من كده
يارا : عم دياب وعمته طلعوا فى برنامج من سنتين وبيتهموا دياب فى نسبه وان امه قال ايه كانت بتخون ابوه وان دياب يبقى ابن حرام
سلمى : ايوه انا فاكره حاجه زى دى شوفت من فتره برنامج زى كده وكانوا بيتكلموا فى قضية قتل الدكتور سليم الجراح وقتها والدى **** يرحمه قال ان دى مؤامره علشان يدمروا شركات الجراح
يارا : بالظبط كده هو ده اللى حصل فعلا
سلمى : قصدك ان دياب هو اللى عمل كده فى الراجل والست دول وفضحهم فى البلد كلها
يارا : كويس انك عارفه اللى حصل
سلمى : ايوه عارفه موضوع الفيديوهات اللى اتنشر فى مصر كلها
يارا : ده غير ان دياب فتح قبر جده واخد جثته ودفنها فى مكان محدش يعرفه غيره هو بس كل اللى قاله دياب انه دفنه وسط الكللابب والخنازير
سلمى : للدرجه دى انتقام دياب شديد
يارا : واكتر من كده كمان ..... دياب وقف لعيلة صقر فى بيتهم وهددهم قصاد الناس كلها وقال ان اللى هيفكر فيهم يغدر ساعتها هتبقى العيله كلها فى خبر كان ومش هيخلى حد فيهم عايش على وش الارض وهيمسح ذكرهم من الوجود كانهم ماجوش الدنيا اصلا
سلمى : ايه كل ده
يارا : علشان كده بقولك ابعدى عن سليم احسنلك لو عاوزه تعيشى فى امان .... العيله دى ملعونه واى حد بيقرب منها بيتصاب بلعنتهم
سلمى : خلاص كفايه مش عاوزه اسمع حاجه تانى
يارا : انا عملت اللى عليا ونصحتك وانتى عاقله بما فيه الكفايه علشان تعرفى مصلحتك
سلمى : خلاص فهمت وعرفت كل اللى انا محتاجاه
يارا : طب اسيبك انا وامشى علشان اتاخرت على البيت
سلمى : وانا كمان ماشيه

• من ناحيه تانيه عند سليم بعد ما خرج من الجامعه طلع على طول على البيت وشافهم كلهم قاعدين متضايقين

سليم : فى ايه يا ماما .... مالكم كده شكلكم بيقول ان فى مصيبه
فاتن : جدك تعب شويه
سليم : تعب ازاى يعنى .... انا سايبه الصبح وكان كويس
فاتن : الدكتور لسه ماشى من شويه وقال انه لازم يعمل عمليه فى اسرع وقت ممكن
سليم : عملية ايه دى
فاتن : عملية قلب مفتوح ..... عنده انسداد فى الشرايين ده غير ان عضلة القلب ضعيفه ومحتاج يركب صمام
سليم : طب والعمليه دى فيها خطر عليه
فاتن : الدكتور بيقول انها عمليه صعبه ونسبة نجاحها ضعيفه خصوصا فى حالة جدك
سليم : نشوف دكتور تانى ولو حتى اضطرينا نسفره بره مصر
فاتن : الدكتور بيقول ان احنا لازم نتحرك فى اسرع وقت لان التأخير مش كويس
سليم : انا هطلعله
فاتن : اطلعله يابنى هو مستنيك فوق وقال اول ما ترجع اطلعله

• طلع سليم الاوضه عند عمر

سليم : ايه يا جدى انت بتدلع علينا ولا ايه
عمر : تعالى يا حبيبى
سليم : مالك يا جدى فى ايه
عمر : مفيش حاجه يا حبيبى دول شوية تعب وهيروحوا لحالهم
سليم : انشاء **** يا حبيبى تقوم بالسلامه
عمر : اسمعنى كويس يا سليم فى الكلام اللى هقولهولك
سليم : سامعك ياجدى
عمر : عاوزك تاخد بالك من نفسك وتحافظ على العيله .... العيله اللى ابوك ضيعها من ايده بتهوره وغروره .... لم العيله حواليك من تانى .... ابقى كبيرهم .... كبيرهم بجد مش زى ابوك اللى كان بيفرض سيطرته عليهم بالفلوس والخوف ..... انت الامل يا سليم ..... انت الوحيد اللى هتقدر تعمل اللى مقدرناش نعمله انا وابوك واخويا ومن قبلنا ابويا ..... العيله مش عاوزه شخص يتحكم فيها .... العيله محتاجه شخص يحكمها وعلى ما اظن انت عارف الفرق بين الكلمتين يا سليم
سليم : عارف يا جدى بس سامحنى مش هقدر اعمل كده .... العيله اللى انت بتتكلم عليها دى كانت سبب فى كل الخراب اللى احنا شوفناه طول السنين اللى فاتت .... العيله دى كان منها العاصى وعياله وانت عارف هما عملوا ايه ..... العيله دى كان منها حسين وحسنيه وعيالهم وانت برضه عارف هما عملوا ايه فى ابويا .... العيله دى كان منها سعد صقر وانت عارف برضه هو عمل ايه مع ابويا وعمتى ريهام ووالد دياب وبعدهم انا ومش بس كده انت عارف هو عمل ايه فى البلد وكلها ايام ويتنفذ فيه حكم الاعدام علشان يموت ويسيب للعيله عار جديد هيعيشوا بيه طول عمرهم .... العيله دى منها جدتى وانت عارف اللى عملته فى دياب زمان ولسه بتكرهه وبتكرهنى انا كمان علشان بحبه .... العيله دى كان منها جدى اللى امر بقتلى وانا *** عندى يادوب 5 سنين .... العيله دى لعنه على كل الناس مش بس على نفسها
عمر : علشان كده انت الوحيد اللى هتقدر على شرهم وهتعرف تحافظ عليهم كويس
سليم : وحضرتك جايب الثقه دى فيا من فين
عمر : انا عارف انك هتقدر .... انت شوفت فى حياتك الصغيره دى كتير جدا ..... ودياب علمك كل حاجه ..... دياب كان بيحبك بجد وكان عاوز يعملك مستقبل ..... دياب خلاك مثقف وعندك خبره فى كل نواحى الحياه ..... انت لو بقيت كبير العيله دياب هيساعدك زى ما بيعمل طول عمره ..... دياب ماسابكش ولا لحظه حتى فى الفتره اللى كان عامل فيها ميت كان دايما على اتصال بيك وانت الوحيد اللى كنت عارف انه عايش وموجود
سليم : وحضرتك عرفت من فين المعلومه دى
عمر : يوم ما عرفنا ان دياب لسه عايش انت وقتها اتفاجأت بس اللى انا شوفته على وشك بيقول انك كنت عارف المعلومه دى من بدرى .... محدش لاحظ عليك الحكايه دى غيرى
سليم : حتى لو كان زى ما بتقول .... دياب عمره ما هيساعدنى مع العيله لانه زى ما انت عارف انه مش بيكره فى حياته حاجه قد ما بيكره العيله دى
عمر : بس برضه مش بيحب حد فى حياته قد ما بيحبك انت علشان كده هيساعدك

• فجأه تليفون سليم رن

سليم : دياب بيتصل
عمر : رد عليه وخليه يجى انا عاوزه
سليم : حاضر يا جدى

• رد سليم على دياب

سليم : ايوا يا دياب
دياب : مالك يا سليم صوتك متغير
سليم : مفيش حاجه
دياب : مفيش ازاى هو انا هتوه عن صوتك
سليم : جدى تعبان شويه
دياب : عم عمر تعبان .... حصله ايه انا لسه شايفه امبارح بالليل وكان كويس
سليم : اهو اللى حصل بقى
دياب : طب اقفل انا جايلك حالا
سليم : تعالى بسرعه علشان جدى عاوزك
دياب : مسافة السكه واكون عندك

• قفل دياب مع سليم ونزل بسرعه اخد عربيته وطلع على فيلا احمد صقر واول ما وصل كان الكل موجود تحت

ريهام : الحقنى يا دياب بابا تعبان اوووى
دياب : اهدى يا حبيبتى انشاء **** خير
ريهام : انا خايفه على بابا اوى
دياب : متخافيش يا حبيبتى .... خير يا احمد عم عمر ماله

• حكى احمد كل حاجه لدياب

دياب : ماتقلقش ابوك هيقوم منها بالسلامه انشاء ****
احمد : انا خايف عليه يا دياب
دياب : قولتلك متخافش .... انشاء **** خير
ريهام : بابا لازم يعمل عمليه كبيره فى اسرع وقت
دياب : هنعمله العمليه بسرعه وفى احسن مكان وعلى ايد احسن دكاتره فى العالم
فاتن : هتعمل ايه يا دياب
دياب : ثوانى يا فاتن وهتعرفى

• طلع دياب تليفونه واتصل بكريم

دياب : ايوا يا كريم انت فين ..... قدامك كتير .... طب كويس تعالى على فيلا احمد صقر بسرعه ..... لما تيجى هفهمك .... سلام

• بعد ما قفل دياب المكالمه مع كريم

احمد : هتعمل ايه يا دياب
دياب : لما يوصل كريم هفهمكم كل حاجه ..... هو قدامه نص ساعه ويوصل .... بعد اذنك انا هطلع اتطمن على ابوك لحد ما كريم يوصل
احمد : اتفضل يا دياب البيت بيتك
دياب : بعد اذنكم

• طلع دياب الاوضه وكان موجود عمر وسليم

دياب : سلامتك يا عمى ايه اللى حصل
عمر : **** يسلمك يا دياب بابنى .... شوية تعب بس جامدين شويه
دياب : ** يطمنا عليك انشاء **
عمر : اسمعنى يا دياب فى اللى عاوزك فيه
دياب : خير يا عمى
عمر : انا عارف انك بتحب سليم اكتر من نفسك ومش محتاج اوصيك عليه
دياب : ايه اللى بتقوله ده يا عمى .... سليم ده ابنى
عمر : بس انا هطلب منك طلب وانا عارف انه صعب عليك
دياب : طلباتك كلها اوامر يا عمى انت عارف ان معزتك عندى زى والدى **** يرحمه
عمر : ** يرحمه يا بنى .... ابوك ** يرحمه كان اكتر من اخويا .... علشان كده لو بتعتبرنى زى والدك عاوزك تساعد سليم فى اللى انا طلبته منه
دياب : ايه اللى انت طلبته من سليم يا عمى
عمر : هقولك بس عاوزك توعدنى ان الكلام ده يفضل سر ما بينا احنا التلاته لحد ما يجى وقته
دياب : اوعدك يا عمى
عمر : انت عارف ان من بعد الحادثه اللى حصلت لأحمد وهو يعتبر رمى العيله وراء ضهره ومحمد ابن عمه رفض انه يبقى كبير العيله من بعد احمد وقال انه لا يمكن يحل محل صاحب عمره مهما حصل واكتفى بشغله ومراته واولاده وانا اللى رجعت مسئول عن العيله من تانى
دياب : عارف يا عمى
عمى : علشان كده انا هوصى ان سليم يبقى كبير العيله من بعدى
دياب : بعد الشر عليك يا عمى **** يديك الصحه وطولة العمر
عمر : يابنى العمر طال ولا قصر مسيره هيخلص .... علشان كده انا عاوز اتطمن على العيله من بعدى .... وانا مش هتطمن غير لما سليم يبقى هو الكبير وسليم مش هيقدر لوحده على العيله ولازمله ضهر يحميه ويوجهه وانت اللى هتساعد سليم يا دياب وهتوقف معاه وتوصله لبر الامان زى ما طول عمرك بتعمل
دياب : سامحنى يا عمى انا مش هقدر اوافق على الطلب ده .... انت اكتر واحد عارف علاقتى بالعيله عامله ازاى
عمر : لا يا دياب انت لازم توافق ..... الوقت ده مش وقت اختيار
دياب : اسمعنى يا عمى
عمر : ارجوك يابنى وافق خلينى اموت وانا متطمن على سليم وعلى العيله من بعدى
دياب : حاضر يا عمى
عمر : عيلتنا عيله ملعونه ولو اتسابوا لنفسهم هيخربوا البلد ومحدش هيعرف يوقف قصادهم علشان كده لازملهم واحد قوى يخافوا منه ويعملوله الف حساب .... وانت يا دياب الشخص ده .... العيله كلها بتخاف منك وانا كنت عاوزك انت اللى تبقى الكبير بس عارف انك هترفض علشان كده اختارت سليم وانا عارف انك هتوقف معاه والعيله كلها عارفه علاقتك بسليم وهيخافوا منه ويعملوله الف حساب
دياب : بس انت عارف ان العيله دى بتكرهنى
عمر : عيلتنا كلها بتكره بعض مش بس بيكرهوك انت
دياب : وليه تعب القلب ده ما تسيب كل واحد فى حاله
عمر : العيله دى لو اتسابت فى حالها فجرهم هيزيد وهيخربوا البلد .... يرضيك يا دياب ان البلد تخرب مش كفايه الخراب اللى حصل قبل كده
دياب : عندك حق يا عمى
عمر : خلاص يبقى تسمع كلامى وتنفذه
دياب : حاضر يا عمى
عمر : كده انا استريحت
دياب : طب اسيبك تستريح دلوقتى وهرجعلك تانى
عمر : روح يا بنى وخد سليم معاك انا عاوز انام شويه
دياب : حاضر يا عمى .... تعالى يا سليم

• نزل دياب وسليم للجماعه وسابهم وعمل كام تليفون ورجعلهم تانى وكان كريم وصل

دياب : كويس يا كريم انك جيت بسرعه
كريم : خير يا فندم
دياب : تعالى معايا يا كريم عاوزك

• اخد دياب كريم على جنب

كريم : خير يا دياب فى ايه
دياب : عاوزك تكلم المطار وتطلب منهم يجهزوا طياره طبيه خاصه على النهارده بالليل
كريم : حاضر بس ليه
دياب : عم عمر تعبان شويه ومحتاج يعمل عمليه خطيره
كريم : وتحب نسفره فين
دياب : انا اتصلت بعمر الالفى فى امريكا وهو هيجهز كل حاجه هناك وكلمت السفاره الامريكيه والتأشيرات هتكون جاهزه فى خلال ساعة زمن .... انت هتاخد جواز السفر بتاع عم عمر واحمد وامل صقر ومدام ابتسام وتطلع على السفاره هتقابل هناك مستر مارك وهو هيخلص كل حاجه انا كلمته واتفقت معاه
كريم : تمام .... فى حاجه تانى
دياب : لا يا كريم اتحرك انت دلوقتى علشان تلحق وقتك
كريم : طب انا عاوز جوازات السفر علشان اتحرك
دياب : يا ريهام
ريهام : ايوا يا دياب
دياب : هاتى جوازات السفر بتاعة والدك ووالدتك ومدام ابتسام واحمد اخوكى
ريهام : ليه كده
دياب : علشان اخلص تأشيرات سفرهم لأمريكا
ريهام : انت بتتكلم بجد يا دياب
دياب : هو الكلام ده فيه هزار .... انجزى يلا بسرعه علشان الراجل فى السفاره مستنى
ريهام : طب ممكن اسافر معاهم
دياب : لا مش هينفع دلوقتى .... سفرك محتاج تأمين وانا مستعجل ومفيش وقت ... بعد يوم ولا اتنين ابقى سافرى بس لما اجهزلك رحله
ريهام : حاضر يا دياب بس اوعدنى انك تخلينى اسافر
دياب : اوعدك .... يلا بسرعه علشان كريم يتحرك
ريهام : حاضر يا حبيبى دقايق واجيبلك الجوازات

• طلعت ريهام جابت جوازات السفر ورجعت تانى اخدها كريم ومشى بعد كده دياب رجع للجماعه

احمد : انت هتسفر ابويا فين يا دياب
دياب : هسفره امريكا .... انا عملت اتصالاتى هناك وجهزت كل حاجه وكريم راح يخلص التأشيرات فى السفاره وهيجهز طياره خاصه علشان يسافر النهارده بالليل
احمد : مش عارف اقولك ايه يا دياب .... انت عملت كتير اوووى
دياب : بلاش هبل والنبى يا احمد .... ابوك ده زى ابويا ولولا ان انا معايا شغل كتير هنا ومش هعرف اسيبه كنت سافرت معاكم بس ملحوقه هحاول اظبط شغلى واحصلكم
احمد : عارف ومقدر يا دياب
دياب : طب اسيبكم انا تجهزوا نفسكم ولما اخلص هرجع تانى علشان اوصلكم للمطار
احمد : اتفضل يا دياب

• سابهم دياب وخرج ورح ظبط كل حاجه ورجع تانى ومعاه كريم بعد ما نفذ المطلوب منه واخدوا عمر واحمد وامل وابتسام ووصلوهم للمطار وكان معاهم ريهام وسليم وفاتن وامانى ..... بعد ما اتحركت الطياره رجع دياب والجماعه للفيلا بتاعته وخلص اليوم
• مر يومين بعد كده من غير اى جديد .... عمر صقر وصل امريكا واتحجز فى المستشفى لحد ما يحددوا معاد العمليه .... انا ودياب شغالين فى الشركه ومش عارفين نوصل لأستر .... مريم خرجت من المستشفى وقاعده فى الفيلا وسط الاولاد ورافضه انها تتحرك من جمبهم
• سليم غاب يومين من الجامعه وحابس نفسه فى اوضته بيفكر فى كلام جده ومش عارف يعمل ايه .... اخر ما تعب من التفكير راح فى النوم وشاف الكابوس بيتكرر تانى

سليم شاف نفسه فى صحراء كبيره ملهاش اخر وفى عتمة الليل فجأه ظهر قصاده بنت قاعده على كرسى فرعونى من الدهب ولابسه هدوم ملكه فرعونيه ومربوطه بجنازير وفى تعابين كتير بتحوم حوليها والبنت خايفه وبتعيط وبتنادى على سليم

البنت : الحقنى يا سليم

• كل ما سليم يحاول يقرب من البنت التعابين تهجم عليها كأنها عاوزه تبعدها عن سليم .... وكل ما يبعد التعابين تبعد اكتر

البنت : الحقنى يا سليم
سليم : انا كل ما اقرب منك التعابين بتهاجمك تانى
البنت : انت الوحيد اللى هتقدر تنقذنى منهم
سليم : انتى مين .... شكلك مش غريب عليا .... انا حاسس انى اعرفك
البنت : .....
سليم : ساكته ليه .... ردى عليا ..... انا بشوفك فى احلامى على طول وعاوزانى انقذك ..... انقذك من ايه ومن مين
البنت : انت الوحيد اللى هتقدر تنقذنى
سليم : انا عاوز انقذك بس مش عارف
البنت : فكر وهتلاقى الطريق
سليم : طب انتى مين
البنت : انا الماضى انت ماعشتهوش .... انا الحاضر اللى انت ماختارتهوش .... انا المستقبل اللى انت ماتملكهوش
سليم : انتى ليه بتتكلمى بالالغاز
البنت : فكر يا سليم وهتلاقى الطريق

• فاق سليم من حلمه مفزوع وجسمه بيتنفض وعرقان .... مجرد ما فاق دخلت عليه فاتن الاوضه

فاتن : انت صاحى يا سليم
سليم : ايوا يا ماما .... معايا جامعه ويادوب اجهز
فاتن : مالك يا سليم عرقان وبتتنفض كده ليه
سليم : الكابوس تانى
فاتن : ايه حكاية الكابوس ده يا حبيبى
سليم : مش عارف
فاتن : طب احكيلى يا حبيبى انت بتشوف ايه
سليم : هى الساعه كام دلوقتى
فاتن : الساعه 7
سليم : انا كده هتاخر على الجامعه يادوب الحق اجهز
فاتن : مالك يا حبيبى ايه اللى تاعبك احكيلى
سليم : ليه بتقولى كده يا ماما
فاتن : شوف شكلك عامل ازاى .... انت بقالك يومين مش بتروح الجامعه وحابس نفسك فى اوضتك .... ده غير الكوابيس اللى بتشوفها
سليم : لا مفيش حاجه يا ماما ومكانش معايا محاضرات مهمه فى الجامعه علشان كده كنت غايب
فاتن : انت قلقان على جدك يا سليم
سليم : طبعا خايف عليه بس انا بكلمهم كل شويه وعمر الالفى طمنى وبيقول ان الحاله مستقره وفى خلال ايام هيعملوا العمليه
فاتن : امال ايه اللى مضايقك
سليم : مفيش حاجه مضايقانى بس دماغى مشغوله شويه
فاتن : وايه بقى اللى شاغلك يا حبيبى .... ايه فى جو جديد فى الجامعه ولا ايه
سليم : ههههههه جو ايه بس يا ماما هو انا فيا دماغ للهبل ده
فاتن : ليه بتقول كده يا سليم .... يابنى انت لسه صغير على اللى انت عامله فى نفسك ده
سليم : انا كل اللى فى دماغى دلوقتى دراستى وبس مش اكتر من كده لكن الحب والجواز ده يجى فى المرحله التانيه
فاتن : انا عارفه ان الدراسه مهمه بس انت شاطر يا سليم وهتعرف تستغل وقتك وتوفق بين الدراسه والحب
سليم : على العموم لو فى حاجه هقولك .... دلوقتى بقى عن اذنك يادوب اجهز علشان الحق الجامعه
فاتن : ماشى يا سليم

• قام سليم جهز وبعد كده اتحرك .... وصل الجامعه وكانت المحاضره خلاص هتبدأ وكانت محاضرة ابراهيم ..... سليم وهو داخل المحاضره كان ابراهيم داخل وراه ووقفه قصاد باب المدرج

ابراهيم : ايه اللى اخرك كده يا سليم
سليم : معلش يا ابراهيم بس الطريق كان زحمه والدائرى واقف
ابراهيم : ماشى يا سليم .... بس ليه ماحضرتش سكاشن الورش اول امبارح
سليم : جدى كان تعبان وسافر وكنت بوصله للمطار
ابراهيم : عم عمر تعبان ليه الف سلامه
سليم : اهو اللى حصل بقى
ابراهيم : طب سافر فين
سليم : سافر امريكا علشان يعمل عمليه
ابراهيم : الف سلامه عليه انشاء **** يقوم بالسلامه
سليم : انشاء ****
ابراهيم : على العموم خلينا ندخل المحاضره دلوقتى علشان متاخرين وبعدين اتطمن على جدك
سليم : حاضر

• دخل سليم مع ابراهيم المدرج .... قعد سليم فى الصف الاول واشتغلت المحاضره .... بعد المحاضره سليم خرج من المدرج نزل الكافتريا .... كان معاه ساعتين فاضيين قبل المحاضره اللى بعد كده .... بعد ما قعد سليم دخلت عليه سلمى

سلمى : ازيك يا سليم
سليم : الحمد لله بخير وانتى
سلمى : كويسه بس كنت قلقانه عليك اليومين اللى فاتوا
سليم : قلقانه عليا ليه
سلمى : بقالك يومين غايب من الجامعه ده غير انك قبلها مشيت بطريقه غريبه
سليم : مفيش حاجه بس كان معايا حوارات فى العيله وخلصت
سلمى : طب كويس انها خلصت
سليم : ايه اخبار الكليه فى اليومين اللى فاتوا
سلمى : مفيش جديد .... وبالنسبه للمحاضرات اللى فاتتك ابقى خدها منى صورها ولو فى حاجه مش فاهمها انا هشرحهالك
سليم : شكرا يا ستى .... بعد اذنك هروح الحمام وارجع تانى
سلمى : اتفضل

• قام سليم راح الحمام ورجع تانى بس شاف ان فى واحده واقفه مع سلمى عند الطرابيزه ..... هو شايفها من ضهرها ..... دخل سليم عليهم واتفاجئ مفاجأه كبيره لان اللى كانت واقفه مع سلمى تبقى مليكه

سلمى : تعالى يا سليم اعرفك على مليكه

• مليكه اول ما شافت سليم اتخضت وجريت بسرعه خرجت من الكافتريا

سلمى : ايه اللى حصل بالظبط
سليم : لا متاخديش فى بالك
سلمى : ازاى يعنى .... ده مليكه اول ما شافتك كأنها شافت عفريت وخرجت تجرى من الكافتريا
سليم : وانتى تعرفى مليكه من فين
سلمى : مليكه تبقى جارتى وساكنين فى نفس العماره
سليم : اه قولتيلى .... انتى ساكنه فى الشيخ زايد
سلمى : كنت ساكنه فى الشيخ زايد بس بعد وفاة بابا مقدرناش نقعد هناك علشان كده جينا شقتنا التانيه فى المعادى .... انت بقى تعرفها من فين
سليم : ابدا كنا زمايل فى المدرسه
سلمى : زمايل وبس .... اللى حصل بيأكد ان كان فى حاجه اكبر من كده
سليم : هى مليكه معانا هنا فى الكليه
سلمى : لا هى فى كلية صيدله
سليم : طب تمام
سلمى : مش هتقولى ايه فى بالظبط
سليم : انا ومليكه كنا بنحب بعض ايام ثانوى وكنا مرتبطين بس محصلش نصيب
سلمى : وياترى انت اللى سيبتها ولا هى اللى سابتك
سليم : مش هتفرق اذا كنت انا اللى سيبتها ولا هى اللى سابتنى كلها محصله بعض
سلمى : ماشى يا سليم
سليم : هى مليكه لسه ساكنه فى شقة الشيخ زايد ولا سابتها
سلمى : ايوه ساكنه هناك .... ليه عاوز تشوفها ولا ايه
سليم : لا بسأل عادى

• قعد سليم ساكت لمدة ربع ساعه ..... فجأه تليفون سليم رن وكان كريم

سليم : الظاهر كده الاخبار وصلت اسرع مما كنت اتصور
سلمى : اخبار ايه اللى وصلت
سليم : ثوانى ارد

• رد سليم على كريم

سليم : ايوا يا كريم .... انا كنت متاكد انك بتكلمنى علشان الموضوع ده ..... لا متخافش انا مش متهور علشان اعمل اى حاجه .... انت عارف كويس ان مليكه صفحه واتقفلت .... لا متخافش مش هتعرضلها .... بس عاوز منك تعرفلى كل اللى حصل طول السنه اللى فاتت .... عاوز اعرف كل حاجه .... وبعدين عاوز منك خدمه ..... ياريت تخف مراقبه عنى مش لدرجة انك تزرع رجاله فى وسط امن الجامعه وعمال النضافه يا كريم ..... عيب عليك انا عارفهم من اول لحظه بس ياريت ماتغيرهمش زى كل مره ..... هههههههه انا مهما كنت سليم صقر يا كريم تربية دياب العاصى ..... ماشى يا كريم وبالنسبه للشغل انا هنزل الشركه النهارده بعد الجامعه ..... ياريت ماتقولش لدياب حاجه عن مليكه .... سلام يا كريم

• قفل سليم مع كريم

سلمى : واضح ان موضوع مليكه كبير اكبر من موضوع ارتباط او قصة حب
سليم : ماتشغليش بالك ده موضوع اهبل واتقفل خلاص
سلمى : مش واضح انه اتقفل
سليم : سيبك من الموضوع البايخ ده
سلمى : حاضر يا سليم .... بس ايه حكاية الشغل اللى بتتكلم عليها مع كريم دى .... هو انت هتنزل تشتغل
سليم : ايوا هنزل شغل من النهارده فى الشركه بتاعتنا
سلمى : وهتعرف توفق بين الشغل والدراسه
سليم : عادى انا متعود على كده وبعدين ده طلب دياب وانا مقدرش ارفض اى طلب لدياب مهما كان
سلمى : ليه بقى
سليم : دياب ده اغلى شخص فى حياتى وبحبه اكتر من نفسى والموت اهون عندى من انى ارفضله اى طلب مهما كان
سلمى : للدرجه دى بتحب دياب
سليم : كلمة بحبه دى كلمه قليله جدا ..... دياب هو اللى مصبرنى على حياتى الصعبه .... دياب هو الحياه بالنسبالى .... انا عايش النهارده وواقف على حيلى بفضل دياب .... لولا دياب كان زمانى ميت من زمان او على الاقل عيشت باقى عمرى بتعالج وبتعذب
سلمى : تتعالج من ايه مش فاهمه
سليم : لما كان عندى 10 سنين كنت فى المدرسه وتعبت ونقلونى على المستشفى وطلع عندى فشل كلوى ومكانش فى قصادى وقتها غير حلين .... الحل الاول جلسات الغسيل الكلوى او اعمل عملية زراعة كليه وهنا كانت المشكله لان فصيلتى نادره جدا ومفيش حد يتبرعلى .... وقتها دياب هو اللى اتبرع لانه كان نفس الفصيله .... عرفتى بقى انا ليه مستحيل ارفض اى طلب لدياب مهما كان
سلمى : عرفت يا سليم .... بس برضه لسه عاوزه افهم قصة مليكه
سليم : زى ما قولتلك كانت قصة حب وفشلت
سلمى : ماشى يا سليم
سليم : سيبك منى وخلينا فيكى انتى .... عملتى ايه مع حازم
سلمى : هعمل ايه يعنى ولا حاجه
سليم : الواد بيحبك
سلمى : انا بقالى كام يوم بفكر فى الموضوع ده ومش عارفه اخد فيه اى قرار ده غير ان حازم عمره ما حاول يلمحلى بحاجه زى دى
سليم : علشان خايف من ردك وخايف يخسرك
سلمى : يعنى انت عاوزنى اعمل ايه
سليم : انا شايف انك تتكلمى معاه وتديله فرصه .... حازم انسان طيب بس عيبه الوحيد انه عصبى شويه
سلمى : وانت عرفت ده كله من فين
سليم : انا برضه ليا نظره فى الناس وعمر نظرتى دى ما خيبت

• فجأه تليفون سليم رن

سليم : ده دياب .... ثانيه ارد عليه

• رد سليم على دياب

سليم : صباح الفل يا ديبو
دياب : صباح الفل يا حبيبى .... ايه كده غاطس بقالك يومين
سليم : كنت بفكر فى اللى حصل وفى كلام جدى
دياب : ووصلت لأيه
سليم : لسه مش قادر اخد قرار .... انا محتار .... عمرى يا دياب ما كنت محتار زى دلوقتى
دياب : سلامتك من الحيره يا سليم
سليم : انت عارف ان طول عمرى بعرف اخد قراراتى كويس والموضوع ده بالذات انا كنت حاسمه حتى لما ابويا فاتحنى فى موضوع الجواز رديت عليه رد حاسم
دياب : بس جدك مكانش بيطلب منك انك تتجوز
سليم : انا عارف ان جدى مطلبش منى انى اتجوز لكن طلبه كان اصعب بكتير من موضوع الجواز وفى نفس الوقت لو رفضت طلب جدى كان هيتعب وانت شايف الظروف اللى احنا فيها
دياب : سيب كل حاجه للظروف
سليم : حاضر يا دياب .... الا قولى انت كنت بتتصل ليه
دياب : اه صحيح كنت هنسى ..... انت هتسافر النهارده
سليم : اسافر فين وليه
دياب : امريكا
سليم : امريكا .... هو معاد العمليه اتحدد خلاص
دياب : ايوه .... الدكاتره حددوا المعاد على بكره بالليل
سليم : طب انا هرجع دلوقتى الفيلا علشان اجهز قبل معاد السفر
دياب : طب تمام علشان هنتحرك قبل المغرب
سليم : هو انت هتسافر معايا
دياب : انا وريهام وليندا مسافرين وفاتن وامانى هتسافر معانا
سليم : ليه كل ده
دياب : ليندا عاوزه تشوف والدتها علشان وحشتها وفاتن كلمتنى وطلبت منى تسافر معانا هى وامانى
سليم : انت فين دلوقتى
دياب : فى الشركه بخلص شوية شغل قبل السفر
سليم : طب تمام .... انا هتحرك دلوقتى وارجع الفيلا علشان اجهز
دياب : اوك .... وانا هخلص شغلى واكلمك .... سلام
سليم : مع السلامه يا ديبو

• قفل سليم مع دياب

سليم : انا لازم امشى دلوقتى
سلمى : انت مسافر امريكا ليه
سليم : جدى هيعمل عمليه بكره بالليل ولازم اكون معاه
سلمى : الف سلامه عليه ..... **** يقومه بالسلامه
سليم : يارب يا سلمى ادعيله
سلمى : هتتاخر هناك
سليم : مش عارف لسه بس اتطمن على جدى وارجع على طول
سلمى : تروح وترجع بالسلامه
سليم : **** يسلمك

• اتحرك سليم ورجع البيت علشان يجهز

• من ناحيه تانيه عندى قاعد فى مكتبى بخلص شغل ودخل عليا دياب ومعاه كريم وشكلهم مخضوض

انا : شكلكم كده بيقول ان فى مصيبه
دياب : كل مخازن الدهب اتسرقت
انا : انت بتهزر ولا بتتكلم بجد
دياب : وهو الكلام ده فيه هزار يا سليم .... احنا فى مصيبه
انا : لا يا حبيبى دى مش مصيبه ..... دى كارثه بكل المقاييس
كريم : احنا لازم نتصرف بسرعه
انا : خلاص خلصت يا كريم وملهاش حل

ياترى ايه اللى هيحصل وهنعمل ايه فى المصيبه الغير متوقعه بالمره .... ده اللى هنعرفه فى الجزء اللى جاى



الفصل الثالث

• وقفنا الجزء اللى فات لما كنت قاعد فى مكتبى بخلص شغل ودخل عليا دياب ومعاه كريم وشكلهم مخضوض

انا : شكلكم كده بيقول ان فى مصيبه
دياب : كل مخازن الدهب اتسرقت
انا : انت بتهزر ولا بتتكلم بجد
دياب : وهو الكلام ده فيه هزار يا سليم .... احنا فى مصيبه
انا : لا يا حبيبى دى مش مصيبه ..... دى كارثه بكل المقاييس
كريم : احنا لازم نتصرف بسرعه
انا : خلاص خلصت يا كريم وملهاش حل
دياب : هنتصرف ازاى دلوقتى
انا : ولا حاجه هنستنى النقله الجديده ونشوف ايه اللى هيحصل
كريم : مالك كده بتتكلم ببرود
انا : ليه بتقول كده يا كريم
دياب : ياترى ايه فى تانى فى جرابك يا حاوى
انا : ههههههههه فى كتير
دياب : طب فهمنى
انا : مفيش حاجه اتسرقت يا دياب
كريم : ازاى مفيش حاجه اتسرقت وانا لسه راجع من المخازن وكانت فاضيه والرجاله اللى بتحرسها اختفت
انا : زى ما بقولك يا كريم مفيش حاجه اتسرقت
دياب : فهمنى طب اللى بيحصل
انا : من ساعة التطورات الجديده اللى حصلت وانا قررت انى مش هخسر اى جوله فى الحرب اللى بينا تانى ولازم احط نفسى مكان خصمى علشان اعرف انتصر عليه
دياب : والدهب
انا : مفيش جرام واحد من الدهب اتسرق ..... والدهب اللى اتسرق من المخازن ده دهب مغشوش مفيش فيه ولا جرام واحد دهب
دياب : ازاى يعنى وانا كنت مع الرجاله اللى حملت الدهب من المخازن القديمه وكريم كان مستنى فى المخازن الجديده واستلم منهم
انا : علشان فى نص الطريق انا غيرت الدهب ..... انا كنت مجهز عربيات شبه العربيات اللى محمله الدهب بالظبط ومفيش فيها اى اختلاف غير الدهب المغشوش اللى محملاه وفى نص الطريق حصل التبديل ..... يعنى كريم استلم الدهب المغشوش مش الاصلى
كريم : طب ليه مقولتلناش على خطتك
انا : علشان انتوا الاتنين مخترقين وكان لازم اعرف الثغره اللى عندكم
دياب : طب وهنعمل ايه دلوقتى
انا : ولا حاجه ..... هنستنى ونشوف رد فعل مستر جون
دياب : مين مستر جون ده كمان ...... اوعى يكون قصدك ده اللاعب الجديد
انا : بالظبط كده
دياب : وايه حكايته ده بقى
انا : جون ده ظابط سابق فى الموساد .... كل شغله فى المنطقه العربيه ..... حبيب استر اللى الموساد فرقهم عن بعض ومنع جوازهم علشان يقتل اى نقطة ضعف عندهم لكن هما اتفقوا بينهم وبين بعض ان بعد ما يخلصوا مهمتهم يرجعوا لبعض ويتجوزا علشان كده يا دياب لما انت روحت لأستر علشان تنتقم منها لقيتها محافظه على عذريتها ..... بعد فشل استر فى مهمتها استلم جون الملف بتاعنا
دياب : وانت ايه اللى يخليك متأكد ان جون هو اللى ماسك الملف بتاعنا دلوقتى
انا : انا لاحظت ان الشخص اللى بيلاعبنا بيلعب بنفس اسلوب استر علشان كده شكيت ان استر لسه عايشه بس مفيش عندى دليل على كده علشان كده راجعت ملف استر كويس جدا وفتشت وراها ورصدت كل الناس اللى كانت على علاقه بيها لحد ما اكتشفت ان سيرينا وديفيد اللى كانوا واجهة استر فى امريكا وهما اللى كانوا حلقة الوصل بينا وبين استر فى الاول سافروا تل ابيب اكتر من مره فى الشهور اللى فاتت معنى كده انهم بيرتبوا لحاجه وامرت الرجاله يراقبوهم كويس لحد ما رصدنا مقابلاتهم مع مستر جون ولما عملت تحرياتى على مستر جون عرفت انه حبيب استر وهو الشخص الوحيد اللى عارف كل اسرار استر وعارف اسلوبها
كريم : بس برضه ده مش دليل على ان جون هو اللى بيلعب دلوقتى
انا : امال انا عملت حركة الدهب دى ليه ..... انا عملت اختبارات لكل الناس اللى كان ليها علاقه بأستر لحد ما صفصقت فى الاخر على جون وسيرينا وديفيد
دياب : وجون ده موجود فى مصر ولا فين
انا : جون وصل مصر من يومين ..... لكن سيرينا وديفيد بقالهم شهرين موجودين فى مصر
كريم : يعنى جون راجع يكمل شغل استر
دياب : قصدك جون واستر راجعين مع بعض ..... انت نسيت ان استر لسه عايشه
كريم : طب مفيش لسه اخبار عن استر
انا : الرجاله قالبين الدنيا عليها بس لسه مش عارفين نوصلها
دياب : وبنتها
انا : دى بقى فص ملح وداب ملهاش اى اثر
دياب : طب من وجهة نظرك يا سليم ظهور استر غلطه ولا مقصوده
انا : لازم يا دياب نتوقع اسوأ سيناريو علشان نعرف نشتغل صح
دياب : قصدك نتعامل على ان ظهورها مقصود
انا : بالظبط كده
دياب : طب هنتحرك ازاى دلوقتى
انا : هقعد انا وكريم مع عمى ونشوف هنتصرف ازاى فى الفتره اللى جايه
دياب : وليه مقعدش معاكم
انا : انت ناسى انك مسافر النهارده امريكا علشان عملية عمر صقر
دياب : تصدق نسيت خالص الموضوع ده بسبب اللى حصل
انا : سافر انت وماتشيلش هم حاجه واحنا هنا مكانك
دياب : على العموم كلها كام يوم وارجع بس اتطمن على عم عمر
انا : لا يا دياب خدلك كام يوم اجازه علشان تريح اعصابك وتعرف تفكر والكلام ده امر غير قابل للنقاش ..... احنا داخلين على مفرمه وعاوزك فى كامل تركيزك
دياب : حاضر يا سليم
انا : طب يلا بينا نمشى
كريم : طب اسبقونى انتوا وانا هخلص حاجه واحصلكم
انا : حاجة ايه اللى تخلصها
كريم : المفروض كنت عازم هبه على الغداء بس بسبب الحركه اللى انت عملتها اضطريت الغى المعاد واكيد زمانها شايطه على الاخر وعاوز الحق اهديها قبل ما تنفجر فيا
انا : طب الحقها يا عم
كريم : انا عارف يا سليم انك قدرى ومش هترتاح غير لما اضربك بالرصاص
انا : ههههههه يا عم انا غلبان
كريم : انت غلبان .... اقولك ايه بس ..... امشى من قصادى قبل ما اتهور واضربك بالرصاص
انا : خلاص يا عم همشى وروح لخطيبتك وراضيها بكلمتين .... هبه بتحبك وهتسامحك

• خرجنا كلنا من المكتب
• كريم راح لهبه المكتب ملقهاش موجوده طلع تليفونه رن عليها وكان تليفونها مقفول ..... وهو خارج من المكتب قابل سمر السكرتيره بتاعتى

كريم : ماشوفتيش هبه يا سمر
سمر : خلصت شغلها ومشيت يا فندم
كريم : مشيت امتى
سمر : من ساعه تقريبا
كريم : طب تمام
سمر : محتاج منى حاجه يا فندم قبل ما امشى
كريم : لا اتفضلى انتى

• بعد ما سمر مشيت كريم مسك تليفونه واتصل بوالدة هبه

زينب : ازيك يا كريم
كريم : الحمد لله بخير ..... انتى اخبار حضرتك ايه
زينب : انا لسه كنت هكلمك دلوقتى
كريم : خير يا فندم
زينب : هبه رجعت من بره شكلها متعصب ومتضايق ..... انتوا اتخانقتوا مع بعض ولا ايه اللى حصل
كريم : لا خالص
زينب : مش المفروض كنتوا خارجين مع بعض تتغدوا بره
كريم : ايوه بس حصلت معايا مشكله فى شغلى واضطريت الغى الخروجه فى اخر لحظه
زينب : علشان كده هى متعصبه
كريم : طب تسمحيلى اجى البيت اصالحها لانها قافله تليفونها
زينب : طبعا يا حبيبى البيت بيتك تشرف فى اى وقت
كريم : شكرا لحضرتك .... مسافة السكه واكون عند حضرتك
زينب : تمام يا كريم
كريم : مع السلامه

• نزل كريم من الشركه وراح اشترى هديه وراح لهبه البيت
• نرجع عندى انا خرجت من الشركه ورجعت الفيلا لقيت مريم قاعده فى الريسبشن

مريم : انت فين يا سليم وقافل موبايلك ليه كده
انا : كان معايا اجتماع مهم وقفلته وبعد ما خلص الاجتماع نسيت افتحه تانى
مريم : طب ادخل لبابا بسرعه لانه قال انك اول ما توصل تدخله المكتب على طول وشكله متعصب خالص
انا : ليه كده
مريم : مش عارفه فى ايه وانا اتصلت بيك لقيتك قافل تليفونك
انا : طب انا هدخله دلوقتى
مريم : روح يا حبيبى وانا هبلغهم يجهزوا العشاء
انا : طب تمام ..... عن اذنك
• سيبت مريم ودخلت المكتب عند عمى

انا : مساء الفل على اجدع عم فى الدنيا
عمى : تعالى يا زفت اترزع
انا : ليه كده يا عمى مالك فى ايه
عمى : تقدر تفهمنى ايه اللى انت عملته ده ..... وازاى تعمل كده من غير ما ترجعلى
انا : هو حضرتك مش واثق فيا ولا ايه
عمى : انا لو مش واثق فيك ماكنتش سلمتك كل حاجه تمشيها بدماغك
انا : انا مش قولت لحضرتك انى هعمل لعبه فى موضوع الدهب علشان اكشف الثغره
عمى : انا كنت فاكر ان اللعبه هى نقل الدهب مش تبديله
انا : وانا قولت لحضرتك انى مش مستعد اخسر جرام واحد من الدهب
عمى : برضه كان لازم تعرفنى الخطه بتاعتك
انا : حضرتك لو كنت عرفت كنت هتبلغ كريم ودياب بالخطه وانا كنت عاوز اعرف الثغره اللى عندهم
عمى : وعرفت الثغره
انا : انا كنت عارفها من الاول بس كان لازم اتاكد ..... كريم معندوش اى ثغرات لكن ثغرة دياب فى واحد من الرجاله اللى بيشتغلوا عند عمر الالفى فى امريكا وانا بلغته وهو هيتصرف فى الموضوع ده
عمى : هيتصرف ازاى يعنى
انا : هنتعامل طبيعى كاننا مش عارفينه وهنستغله فى اللعبه لصالحنا ونخليه يوصل الاخبار اللى احنا محتاجين نوصلها
عمى : طب والدهب وديته فين
انا : خرايط المخازن الجديده انا شفرتها وحطيتها فى خزنة حضرتك السريه من اول يوم
عمى : انت عاوز تقنعى انك حاطط الخرايط عندى من اول يوم
انا : طبعا يا عمى ..... يا عمى انا مش ضامن عمرى وفى اى لحظه ممكن اموت علشان كده لازم خيوط اللعبه كلها تبقى فى ايدك فى لحظه
عمى : بعد الشر عليك يا حبيبى
انا : الموت مش شر يا عمى ..... الموت هو الراحه للى زينا
عمى : انا عارف يا سليم ان اللى انت شوفته الفتره اللى فاتت كان صعب عليك وغير كتير فى افكارك
انا : سيبنا من اللى فات وخلينا فى اللى جاى
عمى : صحيح مستر جون هو البديل
انا : ايوا يا عمى وانا اتاكدت من الموضوع ده
عمى : جون ده ملعون انا عارفه كويس
انا : علشان كده لازم نرتب اوراقنا كويس جدا لان الفتره اللى جايه اللعب هياخد شكل تانى خالص خصوصا بعد حركة الدهب بتاعة النهارده
عمى : عندك حق يا سليم ..... على العموم خلينا ماشيين طبيعى ومانسبقش الاحداث علشان مانلفتش النظر
انا : حاضر يا عمى
عمى : طب روح انت ارتاح دلوقتى وبعدين نقعد ونفكر ونشوف هنتصرف ازاى
انا : انا هطلع اخد شاور واغير هدومى وانزل علشان نتعشى مع بعض
عمى : طب اسبقنى يا حبيبى وانا هحصلك
انا : حاضر يا عمى

• خرجت من عند عمى وطلعت اوضتى ومريم كانت مستنيانى فوق
مريم : خير يا سليم بابا ماله
انا : مفيش يا ستى دى مشكله بسيطه فى الشغل وانتى عارفه عمى ميقدرش يستغنى عن الشغل حتى لو كان قاعد فى البيت
مريم : انا خوفت عليك لتكون عامل مصيبه ولا حاجه من مصايبك
انا : هتفضلى دايما ظالمانى
مريم : طب يلا خد الشاور بتاعك وانزل علشان نتعشى
انا : حاضر يا حبيبتى

• من ناحيه تانيه عند هبه فى البيت قاعده فى اوضتها ومامتها دخلتلها

زينب : يلا يا هبه الراجل قاعد بره بقاله عشر دقايق
هبه : قولتلك قوليله نايمه يا ماما
زينب : انا قولتله صاحيه وبتحهز ..... قدامك خمس دقايق وتكونى بره لحد ما اجهزله القهوه بتاعته
هبه : حاضر يا ماما

• بعد شويه خرجت هبه لكريم اللى كان قاعد فى الريسبشن

هبه : خير .... عاوز ايه يا استاذ
كريم : استاذ !!! .... لا ده كده شكله الموضوع كبير
هبه : عاوز ايه
كريم : انا عارف انى غلطان واستاهل كل اللى بتعمليه بس اعمل ايه ظروف شغلى كده
هبه : وايه هى ظروف شغلك دى ولا انت بتشتغل ايه اصلا ..... يا كريم انا مش عارفه عنك اى حاجه
كريم : فاكره يا هبه قبل ما نخطب قولتلك ايه ..... قولتلك ظروفى مش بأيدى وفى قوه اكبر منى بتحركنى وانتى مش هتستحملى حياتى بس انتى اللى صممتى
هبه : .......
كريم : ساكته ليه ردى عليا
هبه : انا عارفه كل الكلام ده بس من ابسط حقوقى اعرف انت بتشتغل ايه
كريم : وانا مش مسموحلى اتكلم عن شغلى اطلاقا .... يا هبه انا بحبك وعاوزك تكونى واثقه فيا شويه
هبه : انا واثقه فيك وكل حاجه بس اعذرنى الوضع صعب عليا
كريم : انا عازرك يا هبه وعلشان كده جيت اصالحك وجبتلك ورد مع انى عمرى فى حياتى ما اشتريت ورد
هبه : بس بصراحه زوقك حلو اووووى فى الورد
كريم : بصراحه هو مش زوقى ده صاحب محل الورد
هبه : يا باى عليك يا اخى طب اضحك عليا
كريم : هههههههه معرفش اضحك عليكى يا حبيبتى
هبه : ماشى يا كريم هعديهالك المره دى

• فجأه دخلت عليهم زينب
زينب : ايه الاخبار يا اولاد ..... يارب تكونوا اتصالحتوا
كريم : ماتقلقيش كله تمام حضرتك
زينب : طب الحمد لله
هبه : خلاص يا ماما مفيش حاجه
كريم : خلاص يا ستى وبدل عزومة الغداء اللى اتضربت دى هعوضهالك يوم الخميس
هبه : بس يارب مايحصلش تانى زى النهارده
كريم : لا انشاء **** مفيش حاجه هتحصل
هبه : ماشى يا سيدى لما نشوف
كريم : طب استاذن انا واشوفك بكره فى الشركه
زينب : تمشى فين انت هتتعشى معانا انا بجهز العشاء جوه
كريم : معلش يا فندم بس انا مش بتعشى اصلا
زينب : مجاتش من مره يا بنى
هبه : علشان خاطرى يا كريم اتعشى معانا لو عاوز تصالحنى بجد
كريم : حاضر يا ستىى هتعشى معاكى

• من ناحيه تانى فى مزرعه مستر جون قاعد مع سيرينا وديفيد

ديفيد : طلعت مش ساهل يا جراح
سيرينا : هو لو كان ساهل كان تعبنا بالشكل ده
جون : مفيش حد من عيلة الجراح ساهل
سيرينا : هنتصرف ازاى دلوقتى ..... سليم ضربنا ضربه جامده .... انا قولت من الاول بلاش حكاية الدهب دى ..... كده احنا كشفنا نفسنا وخسرنا كتير وبقينا قصاد سليم فى موقف ضعف
جون : معلش يا سيرينا مسير الايام بينا .... لازم دلوقتى نرتب ورقنا من تانى علشان نعرف نكمل
ديفيد : فى حاجه غريبه بتحصل اليومين دول ومش فاهمها
جون : حاجة ايه يا ديفيد
ديفيد : رجالة الجراح فى اسبانيا شغالين بنشاط غريب وقالبين اسبانيا شكلها كده فى حاجه حصلت فى اسبانيا او فى حاجه هتحصل هناك
جون : ونفس الحكايه فى لندن
سيرينا : رجالة الجراح فى لندن قالبين الدنيا على جاسمين ومش عارفين يوصلولها
جون : انا مش هسمح لاى مخلوق يقرب من جاسمين حتى لو اضطريت اقتل عيلة الجراح كلها ومش هيهمنى الشغل ولا اى حاجه تانى
ديفيد : متخافش يا مستر جون .... جاسمين فى عنينا وهنفديها بحياتنا لو حكمت
سيرينا : طب ايه اللى يخلى الجراح يقلب الدنيا على جاسمين من بعد موت استر
ديفيد : سليم شاكك ان استر لسه عايشه خصوصا بعد اختفاء جثتها من المشرحه
سيرينا : انا برضه مش عارفه ازاى جثة استر اختفت ومين اللى اخدها
جون : ده مش مهم دلوقتى ..... المهم دلوقتى حماية جاسمين .... الجراح اكيد عرف علاقتى باستر وعارف ان جاسمين هى نقطة ضعفنا علشان كده بيحاول يوصلها
سيرينا : معنى كده ان سليم كشف حضرتك
جون : بنسبه كبيره
ديفيد : طب ازاى
جون : مش مهم ازاى ..... المهم دلوقتى هنتعامل ازاى فى الموضوع ده
ديفيد : اللعبه طولت ولازملها نهايه
جون : النهايه قربت خلاص ولازم نكسب بأى شكل
ديفيد : هنتحرك ازاى دلوقتى
جون : هنتعامل بطريقة فرق تسد
ديفيد : يعنى لازم نفرقهم كلهم عن بعض ونتعامل مع كل شخص لوحده
جون : بالظبط كده
سيرينا : طب هنعمل كده ازاى
جون : لازم نضرب العلاقه اللى بين سليم الصغير وعمه وبنات عمه .... لازم نفصل دياب عن الجراح
ديفيد : صعب اللى حضرتك بتطلبه ..... العلاقه بينهم متشابكه ومعقده ومش بسهوله نفككها
جون : صعب بس مش مستحيل
سيرينا : طب هنتحرك ازاى
جون : اول حاجه لازم نرجع دياب لمشاكله مع عيلة صقر
ديفيد : ده مستحيل .... عيلة صقر دلوقتى بتترعب من حاجه اسمها دياب
سيرينا : عيلة صقر دلوقتى مقسومين نصين .... نصهم خايف من دياب بعد ما شافوا الوش التانى لدياب والنص التانى مش ناسيين ان دياب هو اللى انقذهم من الفقر والسجن
جون : لسه فى كارت مهم نقدر نلعب بيه
سيرينا : ايه الكارت ده
جون : سعد صقر
ديفيد : صعب نلعب بالكارت ده خصوصا ان استر قبل كده لعبت بيه وخسرت
جون : احنا مش هنلعب بسعد تانى بس ممكن نستغله
سيرينا : ازاى
جون : سعد لازم يموت قبل ما يتنفذ فيه حكم الاعدام ولازم تبان انها قتل مش انتحار
سيرينا : وبكده هيبقى المتهم الرئيسى دياب خصوصا ان العيله كلها عارفه اللى بين سعد ودياب
جون : وامل صقر هترجع تانى نار الانتقام جواها تزيد وهيبقى معاها عيال سعد اللى منهم امنيه بنته مرات طارق صقر
ديفيد : هى فكره بس لازم تتنفذ بحذر
سيرينا : انا هجهز خطه لقتل سعد فى اسرع وقت ممكن
جون : اتحركى فى الموضوع ده وقبل التنفيذ بلغينى
سيرينا : حاضر
ديفيد : نيجى بقى لكريم
جون : كريم ده اكتر شخصيه غامضه فى الليله كلها
ديفيد : المعلومه اللى عندى ان كريم بيحب خطيبته وممكن تكون نقطة ضعف ليه
جون : وتضمن من فين لو ضغطنا على نقطة الضعف دى ماتنفجرش فى وشنا ..... احنا مع كريم بنتعامل زى اللى ماشى فى حقل الغام بدون خريطه اى خطوه مش محسوبه ممكن يحصل انفجار كبير فى اى لحظه
ديفيد : يعنى هنتجنب كريم فى الفتره دى
جون : مؤقتا لحد ما نلاقى طريقه نتعامل بيها مع كريم
سيرينا : يعنى دلوقتى هنشتغل على دياب بس لحد ما نشوف هنعمل ايه مع الباقى
جون : بالظبط كده .... وانت يا ديفيد عاوزك تسافر اسبانيا وتعرف ايه اللى بيحصل بالظبط هناك
ديفيد : حاضر ..... انا هتحرك بكره على اسبانيا واقابل رجالتنا هناك واتابع كل حاجه بتحصل
سيرينا : وانا هتحرك فى موضوع سعد من الليله دى
جون : طب يلا اتحركوا وتابعونى بالتفاصيل

• مر يومين بعد من غير اى جديد
• جون وجماعته بيرتبوا اوراقهم وخططهم
• انا شغال فى الشركه
• دياب سافر امريكا مع سليم وريهام وليندا وفاتن وامانى
• فى امريكا فى المستشفى العيله كلها متجمعه وعمر صقر فى اوصة العمليات
ريهام : هما اتاخروا ليه فى العمليه
دياب : يا حبيبتى دى عملية قلب مفتوح مش حاجه ساهله
ريهام : انا قلقانه على بابا اوووى يا دياب
دياب : ابوس ايدك ما تقلقنيش علشان انا على اخرى ومتوتر اكتر منك
احمد : مش عارف اقولك ايه يا دياب على كل اللى انت بتعمله ده ..... واحد غيرك كان رمانا من زمان وقعد يشمت فينا لكن انت انقذتنا من العك اللى انا عكيته وسفرت ابويا يتعالج فى احسن مكان
دياب : بلاش والنبى يا احمد الهبل اللى انت بتقوله ده .... ابوك ده زى ابويا ومهما عملت معاه مش هيوفى حقه
امل : للدرجه دى بتحب عمر يا دياب
دياب : واكتر مما تتخيلى يا امل ..... ابويا **** يرحمه كان دايما بيحكيلى عن عم عمر وازاى هو الوحيد اللى كان واقف معاه فى العيله وهو الوحيد اللى كان بيحاول يصلح بين ابويا والعاصى وكان دايما بيساعد ابويا بالفلوس ايام ما كان محتاج .... بس الغضب ونار الانتقام اللى جوايا نستنى عم عمر يبقى مين بس فوقت فى الوقت المناسب وقولتهالكم قبل كده انتوا عايشين فى امان بسبب عم عمر مش اكتر ..... يا احمد ابوك زرع فى حياته خير كتير وانتوا دلوقتى بتحصدوا الخير ده

• فجأه دخل عليهم الدكتور اللى كان بيعمل العمليه لعمر صقر

دياب : طمنى يا مارك ايه الاخبار
مارك : كل شئ تمام والعمليه نجحت
احمد : يعنى ابويا كويس يا دكتور
مارك : احنا قطعنا 90% من المشوار .... يعدى بس ال 48 ساعه اللى جايين على خير وكل شئ هيبقى تمام
دياب : **** يطمنك يا مارك ..... انا مش عارف اشكرك ازاى
مارك : تشكرنى على ايه يا دياب انا بعمل شغلى وبعدين ده حق الصداقه اللى بينا عيب عليك ما تقولش الكلام ده تانى علشان ما ازعلش منك
دياب : ماشى يا صاحبى
مارك : وبعدين انت ناسى انك صاحب المستشفى اعتبرنى يا سيدى بنافقك علشان اتقرب منك
دياب : هههههههههه ماشى يا رخم
مارك : على العموم كلها شويه وعمك يخرج من الافاقه ويدخل العنايه طبعا الزياره ممنوعه بس انا هسمحلكم بزياره سريعه لكل واحد لوحده ومن غير اى ازعاج انت فاهمنى يا دياب
دياب : تمام يا مارك
ريهام : يعنى يا دكتور بابا هيبقى كويس
مارك : ادعيله بس يعدى اليومين اللى جايين على خير وساعتها مش هيبقى فيه اى خطر
ريهام : يارب يا دكتور
مارك : طب استاذن انا يا دياب وشويه كده وهجيلكم علشان ادخلكم للزياره
دياب : اتفضل يا مارك

• خرج مارك وقعد دياب مع الجماعه

دياب : اتطمنتى يا ريهام
ريهام : مش هتطمن غير لما بابا يوقف على رجيله واشوفه بعينى
دياب : يا حبيبتى كلها يومين ويرجع احسن من الاول
احمد : هو الدكتور مارك ده صاحبك يا دياب
دياب : ايوه يا احمد .... مارك ده صاحبى من اكتر من 20 سنه
ريهام : انا شوفت صور كتير ليه فى مجلات طبيه وليه ابحاث كتيره بالرغم من سنه الصغير
دياب : مارك طول عمره بيحب دراسة الطب وكان شاطر جدا فى المدرسه معانا وكان بيحب يساعد الناس
ريهام : **** يوفقه ..... انا سمعت عنه كتير
دياب : مالك يا سليم ساكت ليه من الصبح
سليم : انت عارفنى لما بكون متوتر او قلقان بفضل السكوت
دياب : خلاص يا حبيبى كل حاجه خلصت
امل : ممكن يا دياب كلمه على انفراد
دياب : خير يا امل فى ايه تانى
امل : لو سمحت يا دياب عاوزه اتكلم معاك لوحدنا
دياب : شكلها كده حكاياتك مش هتخلص يا امل .... على العموم انا ليا مكتب هنا فى المستشفى تعالى معايا لما نشوف اخرتها

• خرج دياب مع امل

احمد : ياترى ايه فى تانى معاكى يا امى
سليم : اسرار امل صقر ملهاش اخر وياخوفى عليها من نهايتها
فاتن : انا حاسه ان مش هى دى عمتى اللى اتربيت على ايدها
احمد : انا طول عمرى شايف ان امى اطيب واحده فى الدنيا بالرغم من شدتها وقوتها لكن كنت شايف حنيتها لحد ما ظهر دياب وساعتها شوفت واحده تانيه خالص .... واحده انا مش عارفها
امانى : انا صحيح معرفش طنط امل غير من بعد جوازنا وكان دياب موجود لكن دايما عندى احساس انها فى حاجه جواها بتصارع علشان تطلع وهى بتمنعها .... حاجه اكبر منها واكبر من قدرتها على التحمل
سليم : انا قولت من الاول .... امل صقر بير اسرار ملهوش اخر
ريهام : **** يستر

• من ناحيه تانيه فى المكتب عند دياب وامل

دياب : خير يا امل عاوزه ايه تانى
امل : انت طبعا فاكر ان انا بكرهك
دياب : دى حاجه انا متاكد منها
امل : يبقى انت مش شايف الحقيقه يا دياب
دياب : وايه بقى الحقيقه اللى انا مش شايفها
امل : الحقيقه ان انا عمرى ما حبيت حد قدك
دياب : ههههههههه لا حلوه دى
امل : ليك حق تتريق وماتصدقش ..... اكرهك ازاى وانت ابنى
دياب : يا سلام
امل : انت طبعا عارف قصة الحب اللى كانت بينى وبين والدك **** يرحمه
دياب : ايوه عارف الموضوع ده
امل : بس اكيد انت مش عارف ان انا اللى اختارت اسمك
دياب : انتى بتقولى ايه
امل : زى ما بقولك كده ..... انا اللى اختارت اسمك بس ده زمان قبل ابوك ما يتجوز والدتك بسنين ايام ما كنا بنحب بعض كنا متفقين لو خلفنا ولد نسميه دياب ..... لكن بعد ما عمك عمر خطبنى وابوك سابنى انا كرهته وكرهت ضعفه ..... وقتها اتجوزت عمك عمر لكن بعدها بكام سنه ابوك حب امك ووقف قصاد العيله كلها علشان يتجوزها وقتها كرهت ابوك اكتر وكرهت نفسى وحسيت قد ايه كنت رخيصه فى نظر ابوك لانه حتى مفكرش مجرد تفكير انه يتمسك بيا .... ومرت الايام وابوك اتجوز والدتك وساب الاقصر ونزل القاهره عرفت بعدها من عمك عمر انه خلف ولد وسماه دياب وقتها حسيت ان الولد ده يبقى ابنى انا ..... ومرت السنين بعد كده وفى يوم ابويا طلب منى اروح لأمك علشان اخليها تبعد ابوك عن العيله ..... وقتها روحتلكم زى ما انت عارف وكنت ناويه اتكلم معاها بالعقل وبالهدوء لكن لما شوفتك فى حضنها وقتها عقلى وقف وافتكرت الماضى اللى كنت بحاول انساه ولقيت نفسى بهددها وقتها شوفتها واخداك فى حضنها ساعتها كنت عاوزه اخدك منها واقولها دى ابنى انا مش ابنك انتى وحسيت ساعتها انها انتصرت عليا تانى واخدتك منى زى ما اخدت ابوك منى ..... بعدها رجعت البلد وبعدها على طول امك ماتت ..... وقتها والدك قرر يصالح جدك ساعتها فرحت وقولت ان سبب العداوه انتهى وهترجع مع والدك للعيله وساعتها انت كمان هترجع لحضنى بس اكتشفت ان ده وهم وانا الوحيده اللى كنت عايشه فيه ..... بعد اللى حصل بين ابوك وجدك ابوك ساب مصر كلها واخدك وسافر امريكا ...... ومرت السنين بعد كده وكنت خلاص اناقلمت على الواقع ورضيت بيه ..... لحد ما صحيت فى يوم على خبر موت ابوك وقتها زعلت عليه وبكيت ودى كانت المره الوحيده فى حياتى ابكى ..... انا عمرى فى حياتى ما عرفت معنى البكاء ولا الدموع الا على ابوك ..... يوم ما ابويا وامى ما ماتوا انا مابكيتش ..... ابوك بس اللى بكيت عليه ..... وقتها حصلت مشكلة دفن ابوك وانت دفنت ابوك مع امك وعرفت كمان ان ابوك كان موصيك تدفنه مع امك ..... ساعتها حسيت ان امك انتصرت عليا للمره التالته اخدت ابوك منى وهو عايش واخدتك انت كمان وبعدها رجعت اخدت ابوك بعد ما مات .... ومرت السنين بعد كده وانا جوايا نار مش قادره اسيطر عليها والباقى انت عارفه
دياب : .....
امل : ساكت ليه يا دياب
دياب : بسمعك
امل : سامحنى يا بنى على كل اللى انت شوفته منى ..... انا عارفه انك شوفت بسببى كتير بس عارفه ان قلبك لسه نضيف
دياب : انا بقالى كتير بحاول انسى اللى انتى عملتيه وبحاول اطفى النار اللى انتى شعلليتها فى قلبى ..... اقفلى على الماضى وسيبى المستقبل لربك وهو هيدبرها
امل : انا عندى امل كبير انك تسامحنى بس ياريت اكون عايشه فى اليوم ده
دياب : قولتلك سيبى المستقبل لربك
امل : طب اسيبك انا واروح اتطمن على عمك
دياب : اتفضلى

• خرجت امل وسابت دياب لتفكيره وذكرياته مع والده ووالدته ..... قعد دياب مع نفسه وافتكر الماضى
• فلاش باك من سنين كتير يوم ما دياب رجع من الحضانه فرحان وكانت والدته قاعده لوحدها

ابتسام : مالك يا حبيبى مبسوط اوووى كده
دياب : النهارده الميس فى الحضانه ادتنى 10 من 10 ونجمه وخلت كل العيال يسقفولى علشان كتبت اسمى بالكامل من غير ما اغلط
ابتسام : شاطر يا حبيبى
دياب : يا ماما انتوا ليه سمتونى دياب
ابتسام : ليه يا حبيبى الاسم مش عاجبك
دياب : لا عاجبنى
ابتسام : ابوك اللى سماك كده وقال انه بيحب الاسم ده
دياب : اشمعنا الاسم ده
ابتسام : و**** يا حبيبى مش عارفه بس هو اللى كان مصمم وقال لو خلفنا ولد هنسميه دياب ولو بنت هنسميها ريهام
دياب : حلو اسم ريهام
ابتسام : ايوا يا شقى علشان ريهام بنت الجيران اللى بتلعب معاها
دياب : لا بس اسم ريهام خفيف كده مش زى دياب اسم تقيل
ابتسام : ماشى يالمض ..... طب يلا ادخل الحمام خد الشاور بتاعك وغير هدومك على ما اجهزلك الغداء
دياب : لا يا ماما مش جعان دلوقتى هستنى بابا اتغدى معاه
ابتسام : ماشى يا حبيبى روح ارتاح دلوقتى
دياب : حاضر يا ماما

• فاق دياب على موقف تانى بعد سنين كتير كان قاعد فى امريكا ..... كان قاعد فى الصاله وماسك كتاب بيقلب فيه ودخل عليه والده

عبدالرحمن : ابه يا حبيبى مش خارج النهارده ولا ايه
دياب : لا يا بابا مش نازل
عبدالرحمن : غريبه يعنى ..... هما اصحابك مش خارجين النهارده ولا ايه
دياب : لا خارجين وكلمونى بس قولتلهم مش هخرج النهارده
عبدالرحمن : مالك يا حبيبى انت تعبان ولا حاجه
دياب : لا مش تعبان
عبدالرحمن : امال ليه مش هتخرج ده انت كل يوم بتخرج مع اصحابك
دياب : انا حسيت انى مقصر معاك علشان كده قولت اقعد معاك النهارده .... مش كفايه انت صممت انى انزل مصر اكمل دراستى هناك ومش بشوفك غير فى الاجازه
عبدالرحمن : حبيبى انت يا دياب ..... انتى عوضى عن الدنيا دى كلها
دياب : احنا الاتنين عوض بعض
عبدالرحمن : طب ايه رائيك بالمناسبه الحلوه دى نقوم نجهز عشوه حلوه ونسهر على فيلم حلو كده مع بعض ..... ولا ايه رائيك نخرج نتعشى بره وندخل سينما زى زمان .... انا كده ولا كده بكره اجازه وقافل تليفونى علشان الازعاج بتاع الشغل
دياب : لا خلينا هنا فى البيت ..... ولا انت عاوز تخرج ..... لو عاوز تخرج يلا بينا عادى
عبدالرحمن : لا يا حبيبى انا عاوز اخرج علشانك انت
دياب : لا انا مش طالبه معايا خروج خلينا هنا فى البيت نتعشى ونسهر مع بعض
عبدالرحمن : ماشى يا حبيبى ..... يلا بينا على المطبخ نجهز العشاء مع بعض
دياب : انا شكلى كده غلطت لما قررت اقعد معاك وشكلك هتتعبنى
عبدالرحمن : يلا يالمض قدامى على المطبخ
دياب : هههههههه حاضر يا سيدى يلا بينا

• دخل دياب مع والده المطبخ

عبدالرحمن : قطع انت السلطه وانا هقطع الكبده واعمل المكرونه
دياب : ماشى يا بابا

• اشتغل الاتنين فى تجهيز العشاء

دياب : صحيح يا بابا فى سؤال عاوز اسأله لحضرتك بقالى سنين وبنسى
عبدالرحمن : سنين مره واحده ..... وايه اللى سكتك كل ده
دياب : عادى مجاتش مناسبه
عبدالرحمن : وايه هو السؤال ده يا فالح
دياب : انت ليه سميتنى دياب ..... انا سالت ماما زمان وقالتلى انك كنت مصمم على الاسم ده
عبدالرحمن : عادى الاسم كان عاجبنى
دياب : الاسم كان عاجبك ولا ده الاسم اللى كنت مختاره مع حبيبتك القديمه
عبدالرحمن : .......
دياب : انت ساكت ليه شكلى كده جيت على الجرح وكلامى طلع صح
عبدالرحمن : بطل يالمض
دياب : ماما قالتلى انك كنت مصمم على اسم دياب ولو كنتوا خلفتوا بنت هتسميها ريهام .... اوعى تكون ريهام دى اللى كنت بتحبها قبل ماما يا شقى
عبدالرحمن : ههههههه لا يا لمض
دياب : امال ايه
عبدالرحمن : عادى يا سيدى .... اسم دياب وريهام سمعتهم قبل كده فى مسلسل وعجبونى
دياب : وانا هحاول اصدقك
عبدالرحمن : ايه اخبار الدنيا فى الاقصر
دياب : اهرب اهرب ماشى بس مسيرى هعرف .... عادى مفيش جديد فى الاقصر
عبدالرحمن : وانت مفيش جديد معاك
دياب : قصدك ايه بالظبط
عبدالرحمن : انا سمعتك من يومين بتكلم واحده اسمها ندى وشكلها كده من الاقصر
دياب : انت بتتصنت على مكالماتى يا راجل انت
عبدالرحمن : اتصنت على ايه يا غبى ده صوتك اللى كان جايب لأخر الشارع انا خوفت الجيران يعملوا فينا محضر ازعاج
دياب : لا بس الشبكه فى الاقصر وحشه علشان كده كنت بعلى صوتى علشان ندى تسمعنى
عبدالرحمن : ومين ندى دى كمان

• فجاه الباب خبط

دياب : نكمل كلام بعدين وهروح اشوف مين على الباب

• خرج دياب يفتح وكان عمى هو اللى بره

عمى : ايه ده دياب هنا .... حمد **** على السلامه
دياب : ازيك يا دكتور واحشنى

• اخد عمى دياب بالحضن ودخلوا وقفلوا الباب

عمى : رجعت امتى من مصر
دياب : رجعت من 10 ايام
عمى : حمد **** على السلامه
دياب : **** يسلمك يا دكتور ..... انت رجعت من ايطاليا امتى
عمى : لسه راجع من كام ساعه ..... ابوك فين
دياب : جوه فى المطبخ بيجهز عشاء
عمى : ده انا جيت فى وقتى
دياب : طب يلا معايا على المطبخ ساعدنا
عمى : انت هتذلنى علشان تعشينى
دياب : هو ده النظام عندنا لو مش عاجبك اطلب دليفرى
عمى : هو ابوك عامل ايه عشاء
دياب : مكرونه وكبده وسلطه
عمى : دليفرى ايه ده انا قتيل العشاء ده ..... ابوك عليه طبق كبده حكايه
دياب : طب يلا حصلنى على المطبخ
عمى : يلا بينا

• دخل دياب مع عمى المطبخ

عمى : ازيك يا عبدالرحمن
عبدالرحمن : ايه ده سليم عندنا .... ازيك يا سليم

• واخد عبدالرحمن عمى بالحضن

عبدالرحمن : وصلت امتى من السفر
عمى : لسه واصل من شويه ..... يادوب وصلت البنات للفيلا واتصلت بيك لقيت تليفونك قولت اجيلك نلعبلنا دورين شطرنج
عبدالرحمن : حمد **** على السلامه
عمى : **** يسلمك يا صاحبى ..... بس انت قافل تليفونك ليه
عبدالرحمن : ابدا .... انا قولت ان بكره اجازه وقولت اقعد مع دياب من غير ازعاج الشغل
عمى : افهم من كده انت بتطردتى علشان الزفت ده
عبدالرحمن : عيب عليك يا سليم الكلام اللى بتقوله ده
عمى : حتى لو بتطردنى انا مش همشى من هنا قبل ما اتعشى واكل من الكبده بتاعتك ..... لانى بصراحه مش بقدر اقاوم الكبده بتاعتك
عبدالرحمن : هههههههه بالهنا والشفاء يا خويا ..... على العموم كلها نص ساعه والاكل يكون جاهز
عمى : وانا هقلع الجاكت ده واساعدكم
عبدالرحمن : اذا كان كده ماشى

• جهز العشاء وخرجوا مع بعض يتعشوا

عمى : ايه اخبار الدنيا فى الاقصر يا دياب
دياب : عادى ..... بس فى حاجه غريبه بتحصل هناك
عمى : حاجة ايه دى
دياب : عيلة صقر بيعملوا حاجات غريبه انا مش فاهمها
عمى : قصدك عيلتك
دياب : عمرها ما كانت عيلتى
عمى : طب اهدى كده وفهمنى قصدك ايه
دياب : من سنه ونص تقريبا احمد صقر كان بيطالب بحق امه واخواتها من ميراث جده لان جده كان سايب كل حاجه لاخوه ولما راحوا يطالبوه حصلت مشكله كبيره وخناقه واحمد صقر اتهان فى القعده من حسين صقر وبعدها بكام ساعه الشرطه قبضت على حسين وعياله وبعدها بكام ساعه خرجوا بيبوسوا على رجل احمد وسلموه الارض .... بعدها بفتره احمد خطب بنت عمه وفى يوم الخطوبه اتقبض على احمد ولقيوا عنده مخدرات فى بيته بس احمد خرج بعدها بكام ساعه مش عارف ازاى ..... وفجأه اتخطف حسين وعياله وتانى يوم لقيوهم مقتولين وجثثهم مرميه فى اول البلد
عمى : قصدك ان احمد صقر قتلهم
دياب : بنسبه كبيره
عمى : انت تعرف حاجه عن الموضوع ده يا عبدالرحمن
عبدالرحمن : لا اول مره اسمع الكلام ده
عمى : ازاى .... انت مش بتكلم عمر صقر والعلاقه بينكم كويسه
عبدالرحمن : ايوه بكلمه كل فتره بس مجابليش سيره عن الموضوع ده كل اللى اعرفه انه احمد ابنه خطب فاتن بنت عبدالرحمن ابن عمى ..... لكن الكلام ده اول مره اسمعه
عمى : شكلها كده فى حاجات كتير حصلت فى عيلة صقر
دياب : ياريت نقفل كلام على العيله الزفت دى انا بكره اسمع سيرتهم
عبدالرحمن : دول مهما كان عيلتك يابنى وانا مش عاوز اسمعك بتقول الكلام ده تانى
دياب : العيله دى عمرها ما كانت ولا هتكون عيلتى وياريت يا بابا مانتكلمش فى الموضوع ده تانى
عمى : سيبك يا دياب من العيله دلوقى وقولى انت اخبارك ايه .... انت مفيش واحده كده ولا كده هناك
دياب : انتوا ايه حكايتكم النهارده معايا من شويه بابا ودلوقتى حضرتك
عمى : ايه ده هو ابوك كان بيقررك ولا ايه
عبدالرحمن : قبل انت ما تيجى كنت بدردش معاه وقال ان فى واحده بس مالحقتش اعرف لانك جيت
عمى : ده انا كده جيت فى وقتى ..... احكى يا دياب انا بحب اووووى اسمع الحكايات دى
دياب : انتوا حالا خليتوها حكايه ..... دى يا دوب واحده زميلتى فى الدروس وكل الحكايه ان فيه استلطاف ما بينا مش اكتر من كده
عبدالرحمن : من عيلة مين دى
دياب : هى تقرب لاتنين صاحبى واحد اسمه يوسف العصار والتانى سليم
عمى : يوسف ده يقرب للحاج اكرم العصار
دياب : ايوه يبقى ابنه ..... بس انت تعرف العمده من فين يا دكتور
عمى : انت ناسى ان انا اصلا من بلدكم ولا ايه
دياب : تصدق نسيت
عمى : انت بتقول ان يوسف معاه واحد قريبه اسمه سليم
دياب : ايوه قريبه من ناحية والدته ومتربيين مع بعض بس انا علاقتى بيهم مش قويه اوووى يادوب فى المدرسه والدروس ..... بس ليه حضرتك بتسأل
عمى : تعرف اسم سليم بالكامل
دياب : اسمه سليم احمد صفوان
عمى : ياه ..... بعد السنين دى كلها
عبدالرحمن : اوعى يكون قصدك اللى فى بالى يا سليم
عمى : شكلها كده يا عبدالرحمن
دياب : فهمونى انتوا الاتنين قصدكم ايه علشان مش فاهم حاجه منكم
عمى : انا هفهمك .... بس احكيلى الاول كل اللى انت عارفه عن سليم
دياب : انا معرفش عنه حاجات كتير ..... كل اللى اعرفه ان فى مشاكل بينه وبين عيلته ومقاطعهم من زمان بس معرفش ايه المشاكل دى بس عادى يعنى ياما فى مشاكل فى العائلات ومقاطعين بعضهم وفى اب بيطرد ابنه واخوات مقاطعين اخوهم ومش بيسالوه فيه ولا فى ابنه
عمى : شكلى كده فكرتك بالجرح القديم
دياب : هو انا نسيت علشان افتكر
عمى : المهم دلوقتى كلمنى عن سليم
دياب : زى ما قولت لحضرتك ..... سليم مقاطع عيلته وملهوش غير اتنين صحاب قريبين منه جدا ويعتبر متربيين مع بعض واحد اسمه اسامه الهوارى والتانى يوسف العصار .... بس سليم معروف فى البلد كلها والناس هناك بتحبه
عمى : والده بيشتغل ايه ومعاه اخوات ولا لا
دياب : والده اتوفى من كام سنه

• فجأه عيون عمى دمعت

دياب : انت بتبكى يا دكتور
عمى : يعنى والد سليم اتوفى
دياب : ايوه اتوفى من كام سنه كده بس قبلها كان تعبان وراقد فى البيت كام سنه علشان كده سليم كان بيشتغل من صغره علشان يصرف على والده وعلاجه وتعليمه
عمى : وسليم دلوقتى عايش مع والدته
دياب : لا سليم والدته اتوفت وهى بتولده زمان
عمى : ياه يا دنيا ..... بقى سليم شاف كل ده
دياب : فهمنى يا دكتور ايه علاقتك بسليم علشان انا مش فاهم حاجه
عمى : سليم ده يبقى ابن اخويا يا دياب
دياب : ايه ده بجد ..... طب تحب اقوله انى عارف حضرتك
عمى : اياك تعمل كده
عبدالرحمن : انت بتفكر فى ايه يا سليم
عمى : بعدين هفهمك كل حاجه يا عبدالرحمن ..... المهم دلوقتى يا دياب عاوزك تقرب من سليم على قد ما تقدر من غير ما تعرفه انك تعرفنى خالص ولو احتاج اى مساعده منك اوقف جمبه وماتسيبهوش
دياب : ليه يا دكتور
عمى : بعدين هفهمك كل حاجه بس اسمع الكلام اللى بقولهولك ده وافهمه كويس
دياب : حاضر يا دكتور

• اخد عمى قعدته مع دياب ووالده وبعدين مشى
• عوده للحاضر .... فجأه فاق دياب من ذكرياته فى مكتب المستشفى على الباب بيخبط ودخلت ريهام

ريهام : ايه يا دياب انت قاعد هنا ليه
دياب : ابدا يا حبيبتى كان معايا شوية شغل بخلصه
ريهام : طب تمام
دياب : شوفتى والدك واتطمنتى عليه
ريهام : اه لسه خارجه من عنده دلوقتى
دياب : طب كويس يا حبيبتى
ريهام : ماما كانت عاوزاك فى ايه
دياب : كانت عاوزه تصفى اللى بينا
ريهام : بجد يا دياب ..... يعنى انت وماما هتتصالحوا خلاص
دياب : صعب يا ريهام انا وامك نتصافى لبعض
ريهام : ليه كده يا دياب هترجع تخوفنى منك تانى انا ماصدقت اتطمنتلك
دياب : ما تقلقيش يا حبيبتى ..... قلبى اللى اتوصل بقلبك مستحيل يأذيكى
ريهام : امال ايه قصدك بصعب تتصافى انت وماما ..... سامح يا دياب خلينا نعيش زى اى عيله طبيعيه
دياب : وانتى شايفه ان احنا عيله طبيعيه
ريهام : بصراحه لا بس عندى امل ان احنا نحل مشاكلنا ونعيش فى سلام
دياب : عارفه يا ريهام ..... امك دى اكتر شخصيه فى حياتى حيرتنى وتعبتنى .... انا بكره امك وده شئ مش هجادل فيه بكرهها يمكن اكتر من الناس اللى بحاربهم .... بس فى حاجه جوايا عاوزه تعذرها .... فى الاول كنت فاكر ان الحاجه دى تبقى انتى ووالدك ..... لكن اكتشفت ان انا بعذر امل علشانها مش علشانك انتى ولا علشان والدك
ريهام : وايه الحاجه دى
دياب : حاجه مش عارفها .... بس كل اللى انا عارفه ان صعب اسامح والدتك
ريهام : صعب بس مش مستحيل
دياب : عندك حق
ريهام : اول مره توافقنى على حاجه
دياب : الحياه بتتغير كل يوم عن اليوم اللى قبله
ريهام : ويا ترى ايه اللى اتغير معاك يا دياب
دياب : صدقينى مش عارف
ريهام : انت مالك بتتكلم بالالغاز كده ليه
دياب : لانى بجد مش فاهم اللى بيحصل لكن اوعدك اول ما افهم هفهمك كل حاجه
ريهام : ماشى يا دياب وانا هصبر لحد ما تفهمنى بنفسك
دياب : طب يلا بينا نرجع للجماعه
ريهام : يلا بينا يا حبيبتى

• رجع ريهام ودياب للجماعه

دياب : اتطمنت على والدك يا احمد
احمد : ايوه الحمد لله اتطمنت عليه

• فجأه وهما قاعدين سليم كان باصص على الشباك وارتبك وقام خرج من الاوضه بسرعه

فاتن : فى ايه يا سلبم
• خرجت فاتن ومعاها الجماعه وراء سليم .... اللى كان ببجرى فى الممر زى المجنون والجماعه مستغربين

دياب : خليكم هنا انا هروح اشوفه

• سابهم دياب ومشى فى الاتجاه اللى كان ماشى فيه سليم .... لحق سليم فى الدور اللى تحت وكان سليم واقف محتار وبيبص فى كل الاتجاهات

دياب : ايه فى يا سليم
سليم : شوفتها يا دياب
دياب : هى مين دى اللى انت شوفتها
سليم : البنت اللى بشوفها فى الحلم
دياب : شوفتها ازاى يعنى
سليم : لما كنا قاعدين فوق كنت باصص على شباك الاوضه فجأه شوفتها معديه ووقفت قصاد الشباك وبصت عليا وعنيها جات فى عنيا وبصتلى كام ثانيه ومشيت بسرعه
دياب : تعالى معايا لغرفة المراقبه نشوف مين دى
سليم : يلا بينا بسرعه

• مشى سليم مع دياب وراحوا لغرفة المراقبه وطلبوا منهم بعرضوا تسجيل الكاميرات بس مكانش فى اى حاجه من اللى سليم بيقولها

سليم : ازاى يعنى .... انا متاكد انى شوفتها
دياب : ما احنا راجعنا تسجيل الكاميرات مفيش اى حاجه يا سليم .... جايز يكون بيتهيألك
سليم : انا مش مجنون يا دياب
دياب : يا حبيبى انا مش بقول عليك مجنون بس جايز بيتهيألك
سليم : لا يا دياب مش بيتهبالى
دياب : طب ايه تفسيرك للى حصل
سليم : مش عارف
دياب : هى جليله بتظهرلك يا سليم
سليم : لا جليله اختفت من حياتى من يوم الحادثه اللى حصلت لأبويا فى اسوان وانا مش عارف ايه السبب
دياب : الموضوع فعلا محير
سليم : انا لازم اعرف مين البنت دى باى شكل
دياب : هى حلوه يا سليم
سليم : تصدق ان انا غلطان انى بحكيلك .... انا فى ايه وانت فى ايه
دياب : يا عم انت ماتتحمقش كده وجاوبنى .... هى حلوه
سليم : هى حاجه كده ولا فى الخيال ..... حاجه عمرى ما شوفت ولا هشوف زيها .... من كتر جمالها ماتقدرش تركز فى ملامحها ..... الشمس والقمر اتجمعوا مع بعض وكونوها ..... جميله جمال تخاف تقربله وفى نفس الوقت ماتقدرش تبعد عيونك عنها
دياب : ايه اللى انت بتقوله ده كله ..... انت ولا كأنك مش بتوصف بشر .... انت بالطريقه دى بتوصف إله من آلهة الجمال
سليم : هو ده الوصف الصحيح ..... بس دى مش مجرد إله .... دى عباره عن كل آلهة الجمال اتحدوا مع بعد واتكونوا فى جسم البنت دى
دياب : طب لما كنت بتشوفها فى حلمك هيئتها كانت إزاى
سليم : كانت بتبقى قاعده على كرسى فرعونى ضخم من الدهب ولابسه لبس ملكه فرعونيه ..... حتى الجنازير اللى مربوطه بيها عباره عن جنازير من دهب
دياب : حاجه غريبه فعلا .... طب لما انت شوفتها دلوقتى كانت لابسه لبس فرعونى برضه
سليم : لا كانت لابسه لبس عادى
دياب : بصراحه مش فاهم ايه ده
سليم : يلا بينا نرجع للجماعه لانهم اكيد محتارين ومش فاهمين ايه اللى حصل
دياب : طب هنقولهم ايه اللى خلاك تعمل كده
سليم : فعلا دى مشكله وخصوصا محدش فيهم عارف موضوع الحلم ده وانا مش عاوز اعرفهم
دياب : خلاص احنا نطلع ونقولهم انك اتهيألك انك شوفت واحد صاحبك وخرجت تشوفه
سليم : تمام كده

• رجع سليم ودياب للجماعه

فاتن : ايه اللى حصل يا سليم وروحت فين كده
سليم : مفيش يا ماما بس انا اتهيألى انى شوفت واحد صاحبى معدى من قصاد الاوضه وخرجت اشوفه
فاتن : وايه اللى يجيب صاحبك هنا
سليم : لا ده طلع شبهه .... بس الشبه ما بينهم غريب جدا
فاتن : عادى يا حبيبى يخلق من الشبه اربعين
سليم : فعلا

• فجأه تليفون دياب رن ورد عليه

دياب : ايوا يا كريم ..... انت بتقول ايه ..... ده حصل امتى وازاى .... والتحقيقات بتقول ايه ..... طب تابع التحقيقات وبلغنى بالتفاصيل .... عاوزك تفتح عينك كويس ..... شدد كمان الحراسه على الشركات عندك وزود الحراسه على عيلة الجراح وخصوصا مريم الجراح واولادها ..... مريم واولادها هما نقطة ضعف سليم الجراح وعمه فى نفس الوقت ..... شوف هتعمل ايه وتابعنى بالتفاصيل .... سلام دلوقتى

• قفل كريم مع دياب

احمد : خير يا دياب ايه اللى حصل
دياب : مش خير خالص
ريهام : ايه اللى حصل
دياب : خالك
امل : اخويا ماله يا دياب
دياب : اخوكى اتقتل يا امل

• اشتغلت امل عياط والجماعه حاولوا يسكتوها لحد ما هديت وبصت على دياب

امل : انت اللى عملت كده يا دياب
دياب : لا طبعا مش انا ..... انا لو كنت عاوز اقتل سعد كنت قتلته من بدرى لما كان فى ايدى وماكنتش سلمته للشرطه ومحدش كان هيقدر يمنعنى ولا يوقف فى طريقى
احمد : امال مين اللى عمل كده
دياب : لسه مش عارف
احمد : انت متاكد انها قتل مش انتحار
دياب : تقرير الطب الشرعى المبدأى اثبت انها قتل
احمد : وبعدين دلوقتى
دياب : انا لازم اتحرك دلوقتى والحق اتصرف قبل ما خيوط اللعبه تفلت من ايدى
ريهام : هتعمل ايه يا دياب
دياب : انا ماشى دلوقتى وهرجعلك تانى بس لازم الحق اتصرف

• مر يومين بعد كده من غير اى جديد غير ان التحقيقات شغاله وكل فريق بيحاول يرتب ورقه كويس
• نرجع عندى كنت قاعد مع عمى وكريم ويوسف

عمى : تفتكروا ايه اللى يخليهم يقتلوا سعد وهو اصلا محكوم عليه بالاعدام والحكايه كلها شوية وقت ويموت مش اكتر
كريم : اكيد عاوزين يورطوا دياب فى الحكايه دى
عمى : يورطوه ازاى يعنى
انا : كريم قصده يقلبوا عيلة صقر على دياب من تانى
عمى : بس هما عارفين ان سعد كان تحت ايد دياب وكان يقدر يقتله بس هو سلمه للشرطه وعيلة صقر كمان عارفين الحكايه دى
يوسف : الجماعه دلوقتى متخبطين ومفيش فى ايديهم كروت كتير يلعبوا بيها علشان كده بيحاولوا باللى يقدروا عليه
انا : الجماعه دلوقتى كل هدفهم يشتتونا ويفرقونا عن بعض علشان يبقى سهل عليهم التعامل معانا
عمى : يعنى ماشيين بسياسة فرق تسد
انا : بالظبط كده
عمى : وهنتصرف ازاى دلوقتى
يوسف : بالطريقه دى لازم نفتح عنينا كويس جدا الفتره اللى جايه ..... الجماعه دلوقتى مش بس هيشتتونا فى معارك جانبيه لا هيعملوا الالعن من كده
عمى : قصدك ايه يا يوسف
يوسف : قصدى انهم هيزرعوا الفتن بينا وبين بعض علشان يفرقونا عن بعض
عمى : عندك حق يا يوسف
انا : ايه التفكير ده يا يوسف ..... لا ده انت كده يتخاف منك بجد
يوسف : الحكايه مش محتاجه تفكير يا سليم ..... هو ده اسلوب الصهاينه وتاريخهم مليان بالقذاره دى
انا : عندك حق يا يوسف
يوسف : علشان كده الفتره اللى جايه لازم نفكر كويس فى اى حاجه ممكن تحصل
عمى : اهم حاجه دلوقتى نلاقى طريقه نزرع بيها جاسوس عند جون
انا : انا درست ملف جون كويس وللاسف دى مهمه شبه مستحيله ولو قدرنا نزرع جاسوس هناك هيبقى فى عقبه كبيره على ما اظن حضرتك عارفها يا عمى
عمى : قصدك علشان جون مش بيثق فى اى حد من اللى بيشتغلوا معاه
انا : بالظبط كده ..... جون شكاك لأبعد الحدود لدرجة انه ممكن يشك فى نفسه
كريم : احنا نعمل اللى علينا ونحاول
عمى : هو ده اللى لازم يحصل
انا : عاوزك كمان يا كريم تزود الحراسه خصوصا على دياب ..... دياب دلوقتى فى خطر
كريم : انا ناوى فعلا اعمل كده
انا : وعاوزك كمان تحط عيلة صقر تحت عنيك باستمرار وخصوصا عيال سعد وعيال العاصى لان احنا مش ضامنين رد فعلهم الفتره اللى جايه
كريم : فعلا دياب حذرنى من الموضوع دع وانا اتحركت خلاص وعيلة صقر كلها تحت عنيا متخافش
عمى : كده تمام ..... وانت يا سليم حاول توصل لبنت استر
انا : الرجاله شغالين على الموضوع ده
عمى : عاوزكم كمان ترتبوا لاجتماع طارئ علشان نرتب ورقنا ونشوف هنتصرف ازاى
يوسف : فعلا ده اللى لازم يحصل
عمى : انا هبعت لأعضاء المجلس وارتب معاهم وانتوا جهزوا مكان مناسب للإجتماع
يوسف : انا هرتب مكان مناسب
عمى : يلا اتحركوا وشوفوا هتعملوا ايه

• من ناحيه تانيه فى الاقصر فى فيلا محمد صقر .... محمد كان قاعد فى جنينة الفيلا سرحان ودخلت عليه هدير مراته

هدير : مالك يا حبيبى سرحان فى ايه
محمد : سرحان فى الحرب اللى هتقوم ولازم نلحق نتصرف
هدير : قصدك موت خالى سعد
محمد : خالك اتقتل وعياله مش هيسكتوا .... اى نعم زياد وامنيه مقاطعين ابوهم لكن برضه فى الاول ولا فى الاخر هيفضل ابوهم
هدير : مين اللى ممكن يعمل كده
محمد : مش عارف ..... بس اللى انا متاكد منه ان دياب برئ وملهوش علاقه بقتل سعد
هدير : وايه اللى يخليك متاكد من براءة دياب
محمد : دياب لو كان عاوز يقتل سعد كان عملها من زمان ولا انتى ناسيه ان دياب كان خاطف سعد وهو اللى سلمه للشرطه بمزاجه
هدير : **** يعدى الايام اللى جايه على خير
محمد : امال الاولاد فين
هدير : اتصلت بعمر وقالى انه جاى فى الطريق ومعاه عبدالرحمن
محمد : العيال دول مش ناويين يتلموا بقى ويشوفوا مستقبلهم ومذاكرتهم .... الاتنين السنه دى ثانويه عامه
هدير : انا خلاص تعبت معاهم
محمد : انا ليا كلام معاهم لما يرجعوا
هدير : انت كلمت الجماعه فى أمريكا
محمد : بكلمهم كل يوم
هدير : وايه اخبار عمى دلوقتى
محمد : عمك بخير وعمل العمليه
هدير : كان لازم تسافر وتبقى مع احمد فى الظروف دى
محمد : حاولت اسافر بس احمد رفض وقال الحكايه مش مستاهله
هدير : طب ماتعرفش هيرجعوا امتى
محمد : لسه الدكاتره محددوش
هدير : خير انشاء **** ... طب كنت عاوزاك فى موضوع مهم بخصوص بنتك
محمد : مالها فاتن
هدير : متقدملها عريس
محمد : مرفوض
هدير : طب مش تعرف هو مين الاول
محمد : مش عاوز اعرفه .... احنا قولنا قبل كده مليون مره نقفل الكلام فى الموضوع ده لحد ما فاتن تخلص دراسه .... انا مش هشغل فاتن بحاجات لسه وقتها
هدير : حتى لو كان العريس ده يبقى ابن اللواء فهمى
محمد : حتى لو كان ابن وزير الداخليه برضه مرفوض
هدير : يا محمد ماينفعش كده انت كل يوم ترفض عريس الف واحده تتمناه
محمد : انا مش هشغل بنتى بحاجه دلوقتى غير دراستها ومستقبلها بعد كده نفكر فى موضوع الجواز
هدير : يا محمد بنتك شاطره فى دراستها وعارفه مستقبلها كويس ولا انت ناسى انك خطبتنى وانا اصغر منها واتجوزنا وانا فى الكليه
محمد : اقفلى كلام فى الموضوع ده يا هدير
هدير : طب انت ناوى تجوزها من العيله ولا بره العيله
محمد : اللى هتختاره بنتى هعمله .... عمرى فى حياتى ما هغصبها على حاجه
هدير : علاقتك بفاتن غريبه يا محمد
محمد : فاتن دى بنتى وحبيبتى وكل حاجه ليا فى الدنيا
هدير : انت بتحبها اكتر من اولادك
محمد : واحبها اكتر من نفسى .... دى بنتى الوحيده
هدير : بس خليك فاكر ان انا بغير
محمد : انتى عارفه ان حبى ليكى حاجه وحبى لفاتن حاجه تانى
هدير : عارفه يا حبيبى بس انا بحب انكشك

• فجأه دخل عليهم عمر وعبدالرحمن اولادهم

عبدالرحمن : صباح الفل على اجدع اب وام فى البلد كلها
محمد : تعالى يا صايع انت وهو
عمر : ايه فى يا بابا
محمد : تقدروا تقولولى كنتوا فين من الصبح .... انتوا خرجتوا الساعه 7 الصبح والساعه دلوقتى 1 الضهر
عبدالرحمن : كان معانا دروس وخلصناها وقعدنا شويه مع اصحابنا ورجعنا
محمد : انتوا هتشتغلونى على الصبح ..... دروس ايه الصبح بدرى كده
عبدالرحمن : هو احنا عمرنا كدبنا عليك قبل كده .... اولاد محمد صقر عمرهم ما يكدبوا
عمر : وهنكدب ليه اصلا .... بس احنا فعلا كنا فى درس
محمد : ماشى وانا هحاول اصدقكم
عبدالرحمن : ايه ده انت بتكذبنا يا محمد يا صقر
محمد : احترم نفسك يا جزمه وراعى ان انا ابوك
عمر : لا انا مصدوم فعلا ومش قادر اصدق اللى بسمعه .... بقى بعد العمر ده كله تيجى على اخر الزمن وتكذبنا
عبدالرحمن : خلاص يا عمر كفايه كده .... شكرا يا محمد باشا على ثقتك
عمر : كفايه على ايه ولا ايه بس يا عبدالرحمن .... ابوك على اخر الزمن بيكذبنا

• قام محمد وضرب عياله كل واحد على قفاه بهزار

محمد : ايه يا جزمه انت وهو الأشتغاله اللى انتوا عاملينها دى
عبدالرحمن : حبيبى يا محمد باشا احنا بس بننكشك
عمر : يا باشا انت تعمل اللى يريحك
محمد : طب اظبط نفسك انت وهو وإلا انتوا عارفين وشى التانى
عمر وعبدالرحمن : هو احنا نقدر على زعلك برضه
هدير : هههههههه ناس تخاف ماتختشيش
عبدالرحمن : كده برضه يا قمر ده احنا ولادك
هدير : طب يلا اطلعوا غيروا هدومكم وانزلوا على ما اجهز الغداء
عبدالرحمن :لا احنا هنغير هدومنا وخارجين مشوار
محمد : رايحين فين
عبدالرحمن : رايحين قنا
محمد : اشمعنا
عبدالرحمن : حضرتك عارف ان الدراسه فى الجامعه بدأت بقالها عشر ايام ومن وقت ما فاتن راحت الجامعه مانزلتش البلد علشان لسه الدنيا مشدوده عندها وامبارح كنا بنكلمها وحسينا انها متضايقه شويه علشان كده قولنا نروحلها نطمن عليها ونفسحها شويه علشان تفك كده وتعرف تكمل مذاكره
محمد : انا كده اتطمنت انى مخلف رجاله بيحبوا اختهم وخايفين عليها
عبدالرحمن : ليه هو انت كنت شاكك
محمد : بصراحه شويه كده
عبدالرحمن : لا انت كده غلطاتك زادت .... طب عقابا ليك فلوس الفسحه بتاعة النهارده على حسابك
عمر : واحنا كنا ناويين ناخد عربية ماما بس عقابا لحضرتك هناخد عربيتك
محمد : ياولاد النصابه عاوزين تقلبونى
عبدالرحمن : احنا هنطلع نجهز وننزل نلاقى الفلوس جاهزه ومعاها مفاتيح العربيه
محمد : امشى يا جزمه انت وهو من قصادى احسن اقوم اضربكم بالرصاص
عبدالرحمن : احنا ماشيين بس زى ما قولنا لحضرتك ننزل نلاقى الفلوس ومفاتيح العربيه

• قام محمد من على الكرسى بتاعه .... وفجأه قام عمر وعبدالرحمن جريوا من قصاد ابوهم
هدير : الولاد كبروا يا محمد
محمد : عندك حق .... كبروا اوووى وبقوا رجاله
هدير : النهارده اتبسطت لما شوفتهم بيفكروا فى اختهم وعاوزين يسعدوها
محمد : ماتصدقيش فرحتى بيهم عامله ازاى
هدير : هتديلهم عربيتك يعنى
محمد : ومستعد كمان اديلهم عنيا لو يطلبوها
هدير : **** يخليك ليهم
محمد : ويخليكى لينا يا حبيبتى وما يحرمنا منك ابدا
هدير : صحيح كنت عاوزه اطلب منك طلب
محمد : كل طلباتك اوامر يا حبيبتى
هدير : كنت عاوزه اسافر القاهره ابارك لمريم الجراح وبصراحه كمان لمياء وحشتنى وبقالى كتير ماشوفتهاش كل اللى بينا مكالمات تليفون من وقت للتانى
محمد : اصبرى يوم ولا اتنين لما اكلم احمد واعرف هيرجعوا امتى علشان نسافر كلنا بالمره
هدير : حاضر يا حبيبى

• من ناحيه تانيه فى المستشفى فى امريكا كلهم متجمعين مع عمر صقر فى الاوضه

عمر : دياب فين يا ريهام
ريهام : كلمنى من شويه وقال بيخلص حاجه معاه وهيجى علشان يتطمن على حضرتك
امل : انت عاوز دياب ليه يا عمر
عمر : عاوز اتطمن عليه خصوصا بعد اللى حصل فى الايام اللى فاتت
امل : **** يحميه من كل شر

• كل اللى قاعدين اتصدموا من امل

عمر : من امتى الحب ده لدياب
امل : دياب اتظلم كتير هو وابوه وامه ..... واحنا اللى ظلمناهم
عمر : وايه اللى اتغير
امل : اللى اتغير انى ماكنتش شايفه الحقيقه او بمعنى اصح ماكنتش عاوزه اشوف الحقيقه
عمر : اتمنى من كل قلبى انك تكونى فوقتى لروحك

• فجأه الباب خبط ودخل دياب

دياب : حمد **** على سلامتك يا عمى
عمر : **** يسلمك يا حبيبى
دياب : انا قابلت الدكتور دلوقتى وطمنى عليك وقال ان احنا عدينا مرحلة الخطر
عمر : الحمد لله على كل حال ..... طمنى عليك يا بنى
دياب : ماشى الحال يا عمى
عمر : مين اللى عمل كده فى سعد
دياب : مفيش غير الكللابب اللى كانوا مشغلينه
عمر : وايه اللى يخليهم يعملوا كده دلوقتى
دياب : انا المقصود بالضربه دى .... عاوزين يشتتونى فى معارك شخصيه علشان يعرفوا يخلصوا منى
ريهام : احنا هنفضل عايشين كتير فى الهم ده
دياب : الهم ده مش هينتهى غير بموتى
امل : بعد الشر عليك يا بنى
سليم : بلاش كلامك ده يا دياب علشان خاطرى
دياب : الموت مش شر يا امل ..... الموت ده الراحه الوحيده بالنسبالى
سليم : قولتلك بلاش كلام عن الموت يا دياب
دياب : افهمها بقى يا سليم .... علشان تعرف معنى الحياه لازم تعرف معنى الموت ..... بس انا مش ناوى اموت دلوقتى لسه فى حاجات كتير لازم اعملها الاول وبعد كده اموت
سليم : كفايه علشان خاطرى
دياب : حاضر يا سليم
احمد : انت ناوى على ايه يا دياب
دياب : متخافش يا احمد خيوط اللعبه لسه فى ايدى وانا هعرف ارد عليهم كويس رد هيوجعهم
احمد : ده بقى فى تار ودم وضرب نار
دياب : وفى كمان حصان اسود بين الناحيتين ينفع يعدل او يغير فى المسار
احمد : قصدك ايه يا دياب
دياب : ايه يا احمد انت اخدت على قعدة البيت ولا ايه ..... ماوحشكش اللعب .... مش آن الاوان الحصان الاسود ينزل الملعب من تانى
احمد : زمن الحصان الأسود خلص وانتهى مش باقى منه غير شوية ذكريات
دياب : وانا بقولك ان الحصان الاسود لسه قادر على اللعب بس اهم حاجه يكون عارف هو هيلعب فى صف مين
احمد : صدقنى يا دياب مش هقدر
دياب : على العموم انا مش مستنى منك رد دلوقتى .... فكر مع نفسك وبهدوء ورد عليا
احمد : حاضر
ريهام : انت كنت فين يا دياب بقالك يومين مختفى حتى مارجعتش الفيلا عند ليندا ولا حتى رجعت الفيلا بتاعتنا
دياب : كنت قاعد فى شقتى القديمه ..... برتاح هناك وبعرف افكر
ريهام : احنا متجوزين بقالنا كتير وسافرت معاك امريكا اكتر من مره لكن عمرك ما اخدتنى شقتك
دياب : عادى مجاتش مناسبه هبقى اخدك هناك بس بعدين ..... على العموم همشى دلوقتى لانى لازم ارتب كام حاجه قبل ما ارجع مصر بكره
ريهام : احنا راجعين بكره
دياب : لا يا حبيبتى انا هسافر لوحدى ..... وانتى ابقى ارجعى مع الجماعه براحتك بعد ما تطمنى على عمى
عمر : لا يا دياب كلنا هنسافر معاك
دياب : ازاى يا عمى انت محتاج رعايه ومش هينفع تسافر دلوقتى
عمر : اللى هيتعمل هنا يتعمل فى مصر
دياب : خلاص زى ما تحب انا هكلم الدكاتره وارتبها
احمد : هتعمل ايه يا دياب
دياب : هجهز طياره طبيه وطقم تمريض ودكاتره علشان انقل عم عمر لمصر
احمد : بس دى تكاليف جامده عليك يا دياب
دياب : مش مهم الفلوس ..... اهم حاجه راحة عمر صقر
ريهام : مش عارفه اقولك ايه يا دياب ..... **** يخليك لينا
دياب : ماتقوليش حاجه يا ريهام ..... انا هتحرك دلوقتى واجهز كل حاجه وانتوا كمان اجهزوا علشان ممكن نتحرك فى اى وقت
ريهام : حاضر يا حبيبى

• من ناحيه تانيه عمر وعبدالرحمن اولاد محمد اخدوا العربيه من ابوهم وطلعوا على قنا عند الجامعه بتاعة فاتن .... فاتن فى كلية صيدله.... وصل الاتنين عند الجامعه ووقفوا قصاد البوابه

عمر : هنعمل ايه دلوقتى
عبدالرحمن : اتصل بفاتن شوفها خلصت محاضرات ولا لسه
عمر : انا لما كلمتها امبارح قالت هتخلص محاضرات الساعه 4 يعنى لسه بعد ربع ساعه
عبدالرحمن : طب نستنى ربع ساعه ونكلمها

• بعد ربع ساعه من الانتظار

عبدالرحمن : دلوقتى الساعه 4 انا هكلمها

• طلع عبدالرحمن تليفونه واتصل بفاتن

عبدالرحمن : ازيك يا تونه .... فينك يا حبيبتى .... خلصتى محاضرات .... طب كويس .... لا ياستى مفيش حاجه حصلت ..... اطلعى بس بره بوابة الجامعه الرئيسيه هتلاقينا مستنينك .... انا واخوكى .... ياستى تعالى وهنفهمك .... متخافيش مفيش حاجه وحشه .... اخلصى يا جزمه وبطلى رغى .... يلا سلام

• بعد عشر دقايق خرجت فاتن ومعاها واحده صاحبتها ..... فاتن شافت اخواتها وراحتلهم بسرعه وسابت صاحبتها واقفه عند البوابه

فاتن : خير يا عبدالرحمن فى ايه ..... ايه اللى جابك فجأه انت وعمر كده
عبدالرحمن : مفيش يا ستى .... احنا لما كنا بنكلمك امبارح حسينا انك متضايقه ومخنوقه قولنا نجيلك نفسحك ونخرجك من مود المذاكره الكئيب

• فاتن اول ما سمعت كلام اخوها دخلت فى حضنه

عبدالرحمن : كده الناس هتفهمنا غلط
فاتن : ظز فى اى حد
عمر : طب يلا بينا علشان كده هنتاخر
فاتن : حاضر يا حبيبى .... بس ثوانى هقول لصاحبتى واجى معاكم
عبدالرحمن : طب يلا بسرعه

• سابتهم فاتن وراحت لصاحبتها

فاتن : معلش يا نسمه هسيبك دلوقتى
نسمه : خير يا بنتى فى ايه
فاتن : اخواتى جايين يقضوا اليوم معايا .... كلمونى امبارح وحسوا انى متضايقه قالوا بجوا يخرجونى شويه
نسمه : يابختك بيهم .... واضح ان اخواتك بيحبوكى اوووى
فاتن : دول اولادى مش بس اخواتى
نسمه : ماشى يا حبيبتى .... روحى معاهم ونتقابل بكره فى الجامعه
فاتن : ماشى يا حبيبتى .... مع السلامه

• رجعت فاتن لاخواتها وركبت معاهم العربيه واتحركوا

فاتن : يلا بقى هتودونى فين
عبدالرحمن : يا باشا اليوم كله بتاعك اختارى اى مكان واحنا تحت امرك .... بس فى الاول لو حابه ترجعى الشقه تاخدى شاور وتغيرى هدومك احنا برضه تحت امرك
فاتن : لا يا حبيبى مش محتاجه يلا بينا نتفسح مفيش وقت بس الاول نروح اى مطعم نتغدى مع بعض لانى جعانه جدا
عمر : طلباتك اوامر يا قمر
فاتن : بس انتوا اخدتوا عربية بابا ازاى
عمر : ههههههه ده احنا عملنا عليه لعبه وورطناه واخدنا منه العربيه من غير ما يقدر ينطق
فاتن : عملتوا ايه
• حكولها كل اللى حصل

فاتن : يخرب عقلكم .... انتوا مش ناويين تعقلوا
عبدالرحمن : هو فى احلى من الجنان
فاتن : بصراحه انا بحب جنانكم
عمر : واحنا بنحبك يا قمر انتى
فاتن : **** يخليكم ليا ومايحرمنى منكم ابدا
عبدالرحمن : ويخليكى لينا يا قمر انت
فاتن : طمنونى ايه اخبار البلد
عمر : كله كويس
فاتن : مفيش اخبار عن جدكم عمر
عبدالرحمن : عمل العمليه وبقى كويس وكلها كام يوم ويرجع مصر تانى
فاتن : يرجع بالسلامه

• خرجت فاتن مع اخواتها وقضوا اليوم مع بعض وبعد كده وصلوها شقتها ورجعوا للبلد
• مر يومين بعد كده من غير اى جديد
• دياب رجع مع الجماعه
• نرجع عندى انا كنت قاعد فى مكتبى فى الشركه ودخل عليا دياب

انا : ايه يابنى اللى جابك النهارده ..... انت لسه راجع من السفر وملحقتش ترتاح
دياب : مفيش وقت للراحه يا سليم ..... احنا دلوقتى فى مرحله خطيره من اللعبه
انا : ماتقلقش يا دياب خيوط اللعبه لسه فى ايدينا
دياب : ايه اخبار التحقيقات
انا : لسه التحقيقات شغاله مع انها ملهاش لازمه لان احنا عارفين مين اللى وراء الموضوع
دياب : تفتكر ايه الضربه اللى جايه
انا : مع شخص زى جون ماتقدرش تتوقع اى حاجه لازم نكون جاهزين لكل الاحتمالات
دياب : عندك حق
انا : احنا بنرتب دلوقتى لإجتماع طارئ علشان نناقش اللى حصل ونرتب اوراقنا
دياب : هو ده اللى لازم يحصل .... وانا مستعد وجاهز لأى حاجه
انا : بس انا مش عاوزك معانا يا دياب
دياب : قصدك ايه يا سليم بالكلام ده
انا : انا عاوز مستر ادم مش عاوز دياب
دياب : وايه الفرق بين الاتنين
انا : لا الفرق كبير .... دياب شخص مندفع ومش بيحسبها ..... لكن مستر ادم شخص بيفكر كويس ويخطط الف مره قبل ما يتحرك ..... مستر ادم اللى كان عارف بالقصر من زمان وعارف ان سعد هو الباشا بس خطط كويس ونفذ اللى هو عاوزه من غير ما اى حد يحس بيه
دياب : انت عرفت ازاى الموضوع ده
انا : عيب عليك تسألنى سؤال زى ده وانت اكتر واحد عارف انى بهتم بالتفاصيل
دياب : بس انا ماعملتش اى تصرف يبين انى عارف حاجه
انا : فعلا انت مابينتش وده اللى عاجبنى فيك
دياب : امال انت عرفت ازاى
انا : عارف يا دياب لو كان الباشا ده اى حد تانى غير سعد كان ممكن اصدقك بسهوله ..... لكن مش معقول يكون سعد اللى بينك وبينه تار قديم وانت بتعد الليالى علشان تنتقم منه يبقى الباشا وانت متعرفش ده مستحيل لانك اكيد كنت مراقب سعد وبتعد عليه انفاسه علشان تعرف تاخد بتارك .... لكن لما لقيت الموضوع كبر واتطور انت اتبعت سياسة النفس الطويل .... عملت زى الصقر اللى بيراقب فريسته من بعيد وبهدؤ لحد ما يلاقى اللحظه المناسبه علشان ينقض عليها ..... عرفت بقى ليه بقولك انى محتاج مستر ادم مش دياب
دياب : ومستر ادم جاهز من دلوقتى
انا : على العموم احنا مش عاوزين نسبق الاحداث .... انا عاوزك دلوقتى تركز مع عيلة صقر لان احنا مش ضامنين بيفكروا فى ايه دلوقتى
دياب : عندك حق .... لازم اركز معاهم
انا : ايه اخبارك مع امل صقر
دياب : امل صقر متغيره .... فى الايام اللى فاتت قعدت معايا وبتحاول تصفى الخلاف وكلام من ده
انا : وانت رائيك ايه
دياب : مش عارف بصراحه انا قولت اخد رائيك يمكن تساعدنى اخد قرار
انا : سامح يا دياب
دياب : بسهوله كده يا سليم
انا : لا مش بسهوله .... بس انت خلاص اخدت حقك وخلصنا ..... سامح يا دياب واوقف مع سليم ابنك ..... سليم داخل على مرحله جديده ومحتاجلك معاه توقف جمبه وتساعده ..... سليم مش هيقدر يبقى كبير العيله لوحده
دياب : وانت عرفت من فين الموضوع ده كمان وماتقولش انك بتهتم بالتفاصيل
انا : لا يا سيدى مش كده ..... كل الحكايه ان سليم كلمنى وحكالى اللى طلبه منه عمر صقر وكان محتار ومش عارف ياخد قرار
دياب : الموضوع ده بالذات محيرنى ومش عارف اتصرف فيه

• فجأه تليفون دياب رن ورد عليه

دياب : ايوه يا دكتور ..... اه انا فى الشركه ... خير فى حاجه ..... خلاص مسافة السكه واكون عندك ..... سلام

• قفل دياب

انا : عمى اللى كان بيكلمك
دياب : ايوه .... عاوزنى دلوقتى فى الفيلا مش عارف ليه
انا : عاوزك لوحدك ولا عاوزنى معاك
دياب : لا مجابش سيرتك
انا : هو قالى الصبح انه عاوز يقعد معاك يدردش شويه فى اللى حصل
دياب : طب انا هروح اشوفه
انا : تمام ..... وانا موجود هنا ولو احتاجتونى فى اى حاجه كلمونى
دياب : ماشى يا سليم ..... سلام دلوقتى

• من ناحيه تانيه عند سليم صقر فى الجامعه ..... قاعد فى الكافتريا لوحده وسرحان ..... دخل عليه حازم قريب سلمى واللى كان عان سبب الخناقه

حازم : ممكن اتكلم معاك شويه يا بشمهندس
سليم : اتفضل يا حازم
حازم : اول حاجه انا جاى مخصوص علشان اعتذرلك على الموقف اللى حصل فى اول يوم
سليم : مفيش حاجه يا حازم انا مش زعلان منك
حازم : انا كنت فاهمك غلط ولما قعدت مع يارا فهمتنى ..... انا عارف انى على طول متسرع وعصبى وبسبب عصبيتى بعمل مشاكل كتير
سليم : يا حازم احنا اكبر من الكلام الفاضى ده
حازم : ممكن اسألك سؤال
سليم : اتفضل
حازم : يارا قالتلى انك قولت لسلمى ان انا بحبها
سليم : ايوه حصل
حازم : انت عرفت من فين
سليم : غيرتك عليها اكبر بكتير من غيرة واحد على واحده قريبته .... ده غير نظراتك ليها ..... انا بفهم كويس جدا الانسان اللى قصادى من نظرة عنيه .... بس اللى انا مش فاهمه لحد دلوقتى طالما انت بتحبها كده ليه ساكت
حازم : خايف اخسرها
سليم : وانت باسلوبك ده اكيد هتخسرها ..... اسمع نصيحتى واعترفلها بحبك وافضلك تخسرها دلوقتى احسن ماتعلق نفسك بسراب
حازم : يعنى انت شايف كده
سليم : ايوه يا حازم وياريت تسمح نصيحتى .... سلمى دلوقتى مفيش حد فى حياتها يعنى بسهوله هتقدر تدخل حياتها لكن لو قعدت كده على حالك جايز يظهر حد فى حياتها وساعتها هتخسرها للابد
حازم : عندك حق

• فجأه دخلت عليهم سلمى

سلمى : حازم !!! ايه اللى مقعدك مع سليم
سليم : مفيش حاجه يا سلمى ...... حازم اعتذر على الموقف اللى حصل وكنا قاعدين مع بعض عادى
سلمى : غريبه يا حازم اول مره فى حياتك تعتذر
حازم : وده كويس ولا وحش
سلمى : لا اكيد طبعا كويس
سليم : طب اقعدى ولا هتفضلى واقفه كده كتير
سلمى : ماخدتش بالى ..... انا خوفت ليكون فى مشكله تانيه علشان كده جيت بسرعه الحقكم
سليم : مفيش مشكله ولا حاجه
سلمى : طب كويس
سليم : ايه اخبار الجامعه فى الكام يوم اللى غيبت فيهم
سلمى : مفيش جديد .... بس الدكتور جمال والدكتور ابراهيم سالوا عليك لما انت غيبت وقولتلهم انك سافرت مع جدك علشان بيعمل عمليه
سليم : اتصلوا بيا وانا مسافر واتطمنوا عليا
حازم : انت كنت مسافر فين
سليم : كنت فى امريكا ولسه راجع امبارح
حازم : حمد **** على السلامه
سلمى : ايه اخبار جدك
سليم : الحمد لله كويس والدكاتره طمنونا عليه
سلمى : طب الحمد لله
حازم : صحيح يا سليم انا كنت عاوز اسألك على حاجه
سليم : اتفضل اسأل يا حازم
حازم : هو فعلا والدك كان بيدرس هنا فى الجامعه
سليم : مش والدى بس ..... ده اكتر من نص عيلتنا كانوا بيدرسوا هنا فى الجامعه ..... والدى وعمتى وجوز عمتى ومرات ابويا وناس كتير تانى .... بس ليه بتسأل
حازم : علشان العميد كان عارف والدك وكان متحامل عليك وقت المشكله وكان عاوز يرفدك
سليم : احنا كده عيلة صقر لما بندخل مكان بنسيب ورانا علامه
حازم : علامة ايه مش فاهم
سليم : لا متاخدش فى بالك
سلمى : فى حاجه انت قولتها انا مش فاهماها
سليم : حاجة ايه
سلمى : انت قولت ان والدك ومراته كانوا بيدرسوا هنا فى الجامعه
سليم : ايوه
سلمى : هو والدتك اتجوز على والدتك ولا والدتك هى الزوجه التانيه
سليم : لا امى هى الزوجه الاولى
سلمى : وايه اللى يخلى والدك يتجوز على والدتك
سليم : لا دى قصه طويله بس هحكيلك ..... والدى خطب والدتى قبل ما يدخل الجامعه وكان بينهم اجمل قصة حب فى العيله واتجوزها بعد سنتين تقريبا ..... بعد الجواز قعدوا سنتين مش بيخلفوا
سلمى : يعنى والدك اتجوز علشان يخلف
سليم : لا هما خلفونى قبل موضوع جواز والدى ده بفتره كبيره
سلمى : طب ليه يعنى يتجوز طالما خلف
سليم : والدتى تعبت جامد وهى بتولدنى واضطروا يشيلوا الرحم علشان صحتها ..... امى وقتها زعلت جامد بس تقبلت الوضع وقالت انها طالما خلفت يبقى خلاص ..... لكن بعدها بكام سنه امى كانت شايفه ان انا وحيد وهى مكانتش عاوزه كده علشان كده هى غصبت على والدى يتجوز تانى
سلمى : هى والدتك مش بتغير على والدك ولا ايه
سليم : لا طبعا بتغير عليه جدا ومش بتستحمل اى واحده تقرب من والدى
سلمى : هو فى ست تغير على جوزها تغصب عليه علشان يتجوز
سليم : والدتى عملت كده ..... ابويا فى الاول اضطر ياخدها على قد عقلها لحد ما تنسى الموضوع ده .... بس امى كانت مصممه والكلام وصل للعيله وكلهم غلطوها بس هى وقفت للكل وقتها وصممت على رائيها واكتشفنا كمان انها مختاره العروسه وراحت مع والدى علشان تخطبها
سلمى : ايه العبث ده
سليم : مش عبث ولا حاجه ..... بس امى كانت عارفه ان طنط امانى بتحب والدى من ايام ما كانوا بيدرسوا مع بعض وعارفه ان والدى ميال ليها ووقتها طنط امانى كانت بتمر بظروف صعبه علشان كده امى عملت اللى عملته
سلمى : يعنى امك مش بس غصبت على ابوك يتجوز لا دى كمان جوزته واحده عارفه انها بتحبه ومياله ليه
سليم : اهو ده اللى حصل وعلى فكره انا كمان بحب طنط امانى وكلنا عايشين مع بعض فى سعاده
سلمى : اول مره اشوف واحد متجوز اتنين وعايشين مع بعض فى سعاده
سليم : هى دى حياتنا ..... وبعدين والدى مش اول واحد يتجوز اكتر من واحده ..... احنا معظم عيلتنا متجوزين اتنين وتلاته واربعه كمان ..... بس لو ركزتى فى كل الجوازات دى هتلاقى ليها ظروف خاصه
سلمى : ظروف خاصه ازاى
سليم : يعنى جدى اتجوز على جدتى بعد اكتر من 25 سنه جواز بسبب مشكله حصلت .... دياب ساب عمتى وسافر وهو بيحبها علشان الظروف وقتها كانت تمنع جوازهم واتجوز هناك طنط ليندا ورجع بعد كده اتجوز عمتى وبرضه عايشين مع بعض فى سعاده
حازم : انتوا عيله غريبه
سليم : جايز يكون عندك حق
سلمى : وانت بقى ناوى تعمل زى عيلتك وتتجوز اكتر من واحده
سليم : ههههههه لا يا ستى انا مش ناوى اتجوز اساسا
سلمى : ليه كده
سليم : ياريت والنبى مانتكلمش فى الموضوع ده انا ماصدقت قفلت الكلام فى الموضوع ده مع العيله ..... ابويا بقاله فتره بيزن عليا وامى وطنط امانى كل كام يجيبولى عروسه
حازم : بس انت لسه صغير على موضوع الجواز ده
سليم : احنا عاداتنا فى العيله بنتجوز بدرى وانا بمقاييس العيله دى اتاخرت اوووى ..... ثم انا مش هتجوز بطريقتهم ..... ولا هتجوز اى واحده علشان جميله او من عيله كبيره وخلاص
سلمى : قصدك عاوز تتجوز عن حب مش جواز صالونات
سليم : لا مش ده قصدى
حازم : امال ايه قصدك
سليم : مش اى واحده تنفع تكون مرات سليم صقر .... مرات سليم صقر ليها مواصفات خاصه ماشوفتهاش لحد دلوقتى فى اى واحده عرفتها .... مراتى دلوقتى قاعده فى مكان بعيد بتعانى فيه زى ما انا كمان بعانى
سلمى : هو انت عارفها
سليم : لا مش عارفها بس حاسس بيها ..... حاسس بكل المشاكل اللى بتواجهها ..... بشوفها كل يوم فى احلامى وبتقولى انا مستنياك ومش هكون لحد غيرك .... بتقولى مع بعض هنقدر نواجه
سلمى : انت مالك كده بتتكلم بالالغاز كده
سليم : مش الغاز ولا حاجه بس هى دى حياتى

• فجأه تليفون سليم رن

سليم : اهلا .... شكلها كده فى مصيبه جديده
سلمى : مصيبة ايه
سليم : ثوانى هرد على التليفون بس مش عاوز صوت

• رد سليم على التليفون

سليم : ازيك يا كريم ..... خير ايه المصيبه الجديده ..... انا عارف انك مش هتكلمنى غير لما يكون فى مصيبه ..... وايه اللى يوديها لدياب اصلا ..... لا انا معملتش اى حاجه من ساعة ما شوفتها وتقريبا نسيتها ..... انا قولتلك يا كريم دى صفحه واتقفلت ..... طب هى قابلت دياب ..... امال قابلت مين ..... قابلتك انت ..... قالتلك ايه ..... يعنى هى مرعوبه دلوقتى ..... خلاص انا هتصرف فى الموضوع ده ..... متخافش انا مش محتاج اهدد ..... هى شافت الوش التانى خلاص ...... انا هتكلم بهدوء ..... سيبك منها وخلينا فى المهم ..... عاوزك تشدد على الحراسه بتاعتك ..... ده فى واحد حاطط عينه عليا من اول ما دخلت الكافتريا ..... شكله مفضوح اوووى وكده هيتكشف ده غير العربيه اللى ماشيه ورايا من الصبح ..... ههههه ليه هو انت فاكر انك لما تغيرهم انا مش هعرفهم ده انا برضه ده انا برضه سليم صقر ...... قولتلك انا بعرف احمى نفسى كويس ..... انا مش عاوز حد تانى يموت بسببى كفايه اللى ماتوا قبل كده ..... متخافش سلاحى معايا مش بيفارقنى ..... انت لو عاوز تحرس حد بجد .... احرس سليم الجراح ودياب .... خصوصا دياب ..... بعد اللى حصل فى الايام اللى فاتت هتلاقى ناس كتير عينها على دياب ومستنيه اللحظه المناسبه علشان يخلصوا منه ..... فتح عينك يا كريم الفتره اللى جايه احنا داخلين على حرب كبيره ..... حرب كبيره فى العيله وبره العيله ..... انا عارف ان دياب اكيد حكالك على اللى طلبه جدى منى ومنه ..... ده غير اللى حصل بين دياب وجدتى فى امريكا ودياب بيتوه منى ومش راضى يحكيلى ايه اللى حصل بينهم ..... انا وانت عارفين كويس اللى بين جدتى ودياب ..... وانت عارف انتقام امل صقر شكله ازاى ..... علشان كده عاوزك تزود الحراسه ..... وبالنسبه لموضوع مليكه انا هتصرف فيه النهارده ..... الصفحه دى لازم تتقفل بأى شكل ..... سلام يا كريم دلوقتى

• قفل سليم مع كريم

سليم : هى مليكه فعلا غايبه من الكليه يا سلمى
سلمى : مليكه مجاتش الكليه من يوم ما شافنك وانا بكلمها بس قافله تليفونها باستمرار
سليم : طب تمام
سلمى : مش ناوى تقولى ايه اللى بينك وبين مليكه ..... الحكايه شكلها اكبر من قصة ارتباط وفشلت
سليم : متاخديش فى بالك .... يلا بينا نلحق المحاضره كلها ربع ساعه والمحاضره تبدأ والدكتور جمال مش بيسامح فى التاخير
سلمى : ماشى يا سليم يلا بينا

• قام سليم مع الجماعه واتحركوا وعلى باب الكافتريا وقف سليم قصاد واحد

سليم : ياريت ماتبصش عليا كتير كده انت هتتكشف
الراجل : واضح فعلا ان حضرتك مش ساهل زى ما مستر كريم بلغنا
سليم : اسيبك تشوف شغلك
• مشى سليم وراح للمحاضره
• من ناحيه تانيه فى الفيلا عند عمى ..... دياب دخل المكتب لعمى

دياب : ازيك يا دكتور
عمى : تعالى يا دياب اقعد
دياب : خير يا دكتور فى ايه
عمى : لا مفيش حاجه كنت عاوز ادردش معاك شويه واتطمن عليك
دياب : و**** يا دكتور مش عارف اقولك ايه
عمى : مالك يا حبيبى
دياب : الدنيا واللى بتعمله فيا .... انا حاسس انى تايه ومش عارف ارسى على بر ..... الدنيا مش عاوزه تدينى فرصه اتنفس
عمى : ايه اللى حصل لكل ده
دياب : لما كنت فى امريكا امل صقر قعدت معايا وقالتلى كام حاجه حيرتنى
عمى : قالتلك ايه
دياب : كلام كتير عن الماضى وعن علاقتها هى وابويا وليه ابويا كان مصمم يسمينى دياب
عمى : قالتلك ان ده الاسم اللى هى اختارته مع ابوك ايام ما كانوا بيحبوا بعض .... قالتلك انهم كانوا مقررين لو خلفوا ولد يسموه دياب ولو بنت يسموها ريهام
دياب : ايوه فعلا قالتلى كده بس حضرتك عرفت ازاى
عمى : انت ناسى ان انا وابوك كنا اصحاب وقريبين جدا من بعض
دياب : يعنى فعلا الكلام ده حقيقى
عمى : ايوه حقيقى
دياب : معنى كلامك ده ان ابويا كان لسه بيحب امل حتى بعد ما اتجوز امى
عمى : ابوك كان بيحب امل لحد اليوم اللى مات فيه
دياب : امال ايه حكاية حبه لأمى اللى بسببها واجه العيله كلها ودخل نفسه فى حرب اكبر منه
عمى : ابوك فعلا كان بيحب امك
دياب : ازاى يعنى
عمى : طب انا هسألك سؤال واجابته هتوضحلك كل حاجه
دياب : اتفضل يا دكتور
عمى : انت بتحب ريهام ولا ليندا
دياب : بحب الاتنين
عمى : طب بتحب مين فيهم اكتر
دياب : ......
عمى : ساكت ليه
دياب : مش عارف اقول لحضرتك ايه
عمى : انا اقولك ..... انت زى ما قولت بتحب الاتنين وماتقدرش تستغنى عن اى واحده فيهم .... ولو لا قدر ** سيبت واحده فيهم سعادتك هتبقى ناقصه ومفيش واحده فيهم هتقدر تحل محل التانيه .... كل واحده فيهم ليها شخصيتها .... حتى علاقتك بكل واحده فيهم ليها ظروف مختلفه ..... انت حبيت فى ليندا علاقة الصداقه اللى بينكم من صغركم وازاى كنتوا قريبين من بعض فى طفولتكم ومراهقتكم وشبابكم .... وحبيت فى ريهام طيبتها وبرائتها بالرغم من الجو اللى كانت عايشه فيه كنت شايفها مختلفه عن عيلتها ..... وفوق ده كله حبيت فى الاتنين حبهم ليك ..... ابوك برضه كان كده ..... ابوك حب امل اللى اتربت معاه فى طفولته ومراهقته بس القدر منعهم عن بعض .... وحب والدتك الست الطيبه بنت الاصول بالرغم من فقرها ..... ابوك كان عارف ان حبه لوالدتك كان هيقوم حرب فى العيله وبسببها هيبعد عن العيله ..... ابوك كان قاصد يحب واحده اقل من مستوى العيله علشان يسيبهم ..... ابوك كان عاوز يبعد عن طريق امل .... كان شايف فى حبه ليها خيانه ..... خيانه لنفسه وخيانه لعمر صقر صاحب عمره ..... ابوك حب والدتك بعقله قبل قلبه ..... وعاش طول عمره يحب الاتنين علشان كده بالرغم من موت امك مفكرش يتجوز تانى بالرغم من انه كان لسه شاب والعمر لسه قصاده ..... ابوك فعلا حب الاتنين ..... احنا كده الرجاله ** خلقنا نقدر نحب اكتر من واحده
دياب : طب ما حضرتك بعد موت مراتك رفضت تتجوز او تحب وبرضه الدنيا كان قصادك
عمى : فى حالتى انا فيه اختلاف .... بعد موت نانسى انا قررت اعيش لبناتى ده غير انى كنت دخلت فى مفرمة الشغل بتاعنا والحرب اللى عايشين فيها ..... مكانش ينفع اسيب كل ده واروح ابدأ من جديد واحب واتجوز
دياب : انا خلاص مش عارف افكر
عمى : عارف يا دياب انت مشكلتك ايه
دياب : ايه يا دكتور
عمى : مشكلتك انك حبست نفسك فى سجن انت اللى عامله بأيدك ..... زمان حبست نفسك فى سجن العيله وتارك معاهم ودلوقتى زودت على السجن ده مشاكل شغلنا ..... انت تقريبا بقيت حابب السجن ده ومش عاوز تخرج منه .... ضيعت فى السجن ده طفولتك ومراهقتك ولسه عاوز تكمل فيه وتضيع شبابك .... بس انا مش هسمحلك تعمل فى نفسك كده ولازم اخرجك من السجن ده بأى شكل
دياب : خلاص يا دكتور مبقاش ينفع ..... السجن اللى حضرتك بتتكلم عنه ده بقى جوايا ومن الصعب الخروج منه
عمى : وهتفضل فى السجن ده لحد امتى
دياب : كفايه كلام فى الموضوع ده علشان بيتعبنى اكتر
عمى : انا هسيبك براحتك دلوقتى بس لينا كلام تانى مع بعض بعدين
دياب : حاضر يا دكتور ..... خلينا فى الشغل دلوقتى
عمى : حاضر يا دياب ..... من وجهة نظرك ايه اللى ممكن يعمله جون دلوقتى
دياب : فى معلومه وصلتنى ان ديفيد سافر اسبانيا من كام يوم
عمى : عرفت المعلومه دى .... تفتكر راح يقابل استر
دياب : احتمال
عمى : على العموم رجالتنا راصدينه من اول ما وصل اسبانيا ولحد دلوقتى مفيش جديد
دياب : جون ده شخصيه حويطه لأبعد الحدود ومش بسهوله هيوصلنا لمكان استر بالشكل ده ..... اكيد فى وسيلة اتصال خاصه بينه وبين استر محدش يعرفها
عمى : عندك حق خصوصا ان جون عارف كويس ان احنا عارفين ديفيد وعارفين علاقة استر وديفيد
دياب : امال ديفيد بيهبب ايه فى اسبانيا
عمى : هو قابل ناس كتير هناك وكل اللى قابلهم احنا حاطينهم تحت عنينا
دياب : **** يستر من الايام اللى جايه
عمى : على العموم احنا بنجهز لإجتماع طارئ علشان نرتب اوراقنا
دياب : سليم قالى على الاجتماع ده ..... احنا فعلا لازم نتجمع ونعيد ترتيب اوراقنا خصوصا مع شخص زى جون
عمى : عارف يا دياب جون ده بيفكرنى بمين فى شخصيته
دياب : اكيد سليم
عمى : بالظبط كده ..... الاتنين يشبهوا بعض فى حاجات كتير واهم حاجه ان الاتنين شكاكين لأبعد الحدود ومش بيثقوا فى اى حد مهما كان قريب منهم .... الاتنين بيفاجئونا بلعبهم وصعب تتوقع هما بيفكروا فى ايه
دياب : عندك حق يا دكتور ..... بس فى حاجه انا مستغربها
عمى : حاجة ايه يا دياب
دياب : سليم عمره ما كان كده ..... مش هو ده سليم اللى انا اعرفه من ايام ما كنا زمايل فى المدرسه ..... مش هو ده سليم اللى كنت بحميه بعد قصة موت حضرتك
عمى : لا يا دياب هو ده سليم ..... سليم كده من زمان ..... انا حاطط عينى على سليم بقالى سنين كتير من يوم ما عرفت بوجوده ..... سليم اللى صور احمد صقر وهو بيبيع الاثار ويادوب كان لسه عيل صغير وبالرغم من كده فضل مخبى الكارت ده للوقت المناسب .....سليم اللى ذكاءه وصله لحب كل اهل البلد ..... سليم اللى فى فتره بسيطه من شغله مع طايع قدر يبقى دراعه اليمين ولولا مشكلة قمر كان زمانه فى حته تانيه ..... سليم اللى بذكاءه قدر يكسب ثقة بناتى ويخليهم مايقدروش يستغنوا عنه ..... سليم بالرغم من قلبه الطيب كان بيشك فى كل حاجه ..... لما عرف من يوسف ان احمد صقر يبقى صاحب القصر فضل السكوت واتفرج من بعيد ..... لما انت خليت ليلى تقوله ان احمد صقر ساعده فى القضيه برضه فضل ساكت ومكلمش احمد فى الموضوع ده ..... ولما سعد خطف مريم وريهام وهايدى قالهالك بصراحه انت واحمد صقر انه معندوش اى ثقه فيكم ..... سليم طول عمره كده يا دياب
دياب : بس انا خايف عليه من كل ده ..... سليم قلبه اضعف بكتير من اللى هو عامله فى نفسه
عمى : لا يا دياب متخافش مع سليم ..... اللى حصل فى الفتره اللى فاتت قوى قلبه وخلاه شديد
دياب : هو ده اللى انا خايف منه .... خايف من كتر الصدمات اللى بيتعرضلها قلبه يموت
عمى : متخافش يا دياب ..... قلب سليم زى قلبك نضيف وطاهر ومستحيل يتلوث او يموت ..... جايز يبقى شديد وقاسى لكن يموت لا مستحيل
دياب : **** يستر من الايام اللى جايه
عمى : فى حاجه كنت عاوز اعملها بس طبعا لازم اخد رائيك فيها قبل ما انفذ زى ما طول عمرى متعود
دياب : حاجة ايه يا دكتور
عمى : بفكر اتنازل عن الكرسى بتاعى فى المجلس لسليم
دياب : وتفتكر المجلس هيوافق على الحكايه دى
عمى : انا جسيت نبضهم ومحدش معترض خصوصا بعد ما شافوا اللى عمله سليم فى الفتره الاخيره ..... انا فى الاول كنت عاوزك انت تحل مكانى بس عارف انك هترفض
دياب : حضرتك عارف ان طول عمرى بفضل دور الراجل التانى ..... عمرى ما حبيت ابقى القائد ..... طول عمرى دورى كان فى الضل ..... انا مكانى فى الكواليس مش على المسرح
عمى : انا عارف كده كويس علشان كده اختارت سليم
دياب : وانا موافقك على قرارك بس مش دلوقتى ..... دلوقتى احنا فى مرحله صعبه مش لازم نشتت نفسنا ونربك صفوفنا
عمى : يعنى انت شايف نصبر شويه على موضوع رئاسة المجلس
دياب : بالظبط كده ..... لحد ما نرتب ورقنا ونستقر بعدها ننفذ على طول
عمى : حاضر يا دياب انا هسمع كلامك

• من ناحيه تانيه سليم صقر خلص محاضراته وخرج من الجامعه وركب عربيته واتحرك على الشيخ زايد تحديدا عند شقة مليكه ..... رن الجرس وفتحت مليكه الباب اللى اتخضت اول ما شافته

مليكه : سليم !!!
• جميله والدة مليكه اتصدمت لما سمعت بنتها وخرجت بسرعه

جميله : عاوز ايه يا سليم
سليم : كده من على الباب .... مش هتقوليلى اتفضل ..... على فكره دى مش اول مره ادخل الشقه
جميله : عاوز ايه يا سليم
سليم : متخافيش انا مش ناوى على شر بس مش هينفع اتكلم من على الباب كده
جميله : اتفضل يا سليم

• دخل سليم وقعد

جميله : انت جاى ليه دلوقتى
سليم : ممكن اعرف ايه اللى خلاكى تروحى لدياب
جميله : خايفه على بنتى منك
سليم : وانتى شوفتينى اتعرضت لبنتك من اخر موقف بينا
جميله : انت اخر مره هددتنا لو شوفت اى واحده فينا هتقتلنا .... ومليكه من ساعة ما شافتك فى الجامعه وهى خايفه ومش عاوزه تروح الجامعه علشان كده كان لازم اتصرف ..... انا عارفه علاقتك بدياب وعارفه ان هو الشخص الوحيد اللى انت ممكن تسمع كلامه
سليم : طب اسمعوا الكلمتين اللى انا جاى اقولهم وامشى .... انا شيلتكم من دماغى من اللحظه اللى خرجت فيها من الشقه دى ساعة الموقف الاخير ..... انا مش هتعرضلكم تانى لا بخير ولا بشر ..... وده مش علشان خاطركم ..... لا ده علشان انتوا بقيتوا كروت محروقه عند اللى كانوا مشغينلكم .... انا هديلكم فرصه اخيره للحياه بس اتمنى انكم تستغلوا الفرصه دى صح وماتضيعوهاش من ايديكم لان المره اللى جايه انا مش ههدد ولا هاجى ازوركم زى دلوقتى .... المره اللى جايه هتشوفوا رد فعل انتوا مش هتحبوه او بمعنى اصح مش هيبقى فاضل فى حياتكم وقت تحبوه
جميله : انت جاى تهدد تانى يا سليم
سليم : بالعكس انا مش جاى اهدد لانى بمنتهى البساطه مش محتاج اهدد وابسط دليل على كده الحاله اللى انتوا فيها .... انا جاى اقدملكم نصيحه مش اكتر
جميله : نصيحتك وصلت
سليم : انا ماشى واوعدكم انى مش هتعرضلكم تانى وبالنسبه لمليكه تقدر ترجع الجامعه من تانى ..... مع السلامه

• سابهم سليم وخرج ورجع الفيلا بتاعتهم ..... اول ما وصل شاف امه وامانى قاعدين مع بعض

سليم : ازيكم
فاتن : حمد **** على السلامه يا حبيبى
امانى : ايه اخبار الجامعه يا سليم
سليم : كله تمام
فاتن : اطلع خد الشاور بتاعك وغير هدومك على ما اجهزلك الغداء
سليم : لا انا اكلت فى الجامعه ..... ايه اخبار جدى
فاتن : جدك كويس وكنا عنده من شويه وسبناه علشان ينام
سليم : امال بابا فين
امانى : ابوك قاعد فى اوضة المكتب من الصبح
سليم : غريبه ..... ده بقاله كتير مادخلش اوضة المكتب
فاتن : مش عارفه يابنى .... ابوك من اول ما صحى دخل المكتب على طول ولما حسيت انه اتاخر دخلتله لقيته قاعد على اللابتوب ومركز جامد وقالى اسيبه لوحده
سليم : طب انا هدخله
فاتن : روح ياحبيبى

• قام سليم وراح ناحية اوضة المكتب .... خبط على الباب

سليم : ولا بعوده الايام يا احمد باشا
احمد : انت رجعت من الجامعه يا حبيبى
سليم : لسه راجع دلوقتى وسالت عليك قالولى انك فى مكتبك من الصبح
احمد : تعالى يا حبيبى اقعد
سليم : شكلها كده احمد صقر رجع من تانى
احمد : لسه مش عارف يا سليم ..... بفكر ومش قادر اخد قرار
سليم : انا ممكن اساعدك فى القرار ده
احمد : تفتكر يا سليم انا اقدر ارجع تانى
سليم : يا بابا طول ما الانسان بيتنفس يقدر يعمل اى حاجه هو عاوزها
احمد : يعنى من وجهة نظرك اسمع كلام دياب وارجع
سليم : انا مش هقولك اسمع كلامى ولا كلام دياب ولا كلام اى حد ... انا هقولك حاجه واحده بس ..... اسمع كلام قلبك وعقلك وهما اللى هيوصلوك للطريق الصحيح
احمد : عندك حق يا سليم
سليم : انا متاكد انك هترجع تانى وهترجع اقوى من الاول بس اهم حاجه تعرف كويس انت هتلعب مع مين وضد مين
احمد : خلاص يا سليم الطريق بقى واضح ومش محتاج افكر علشان اعرف مين الصح ومين الغلط
سليم : اتمنى من كل قلبى انك تكون عارف
احمد : متخافش يا سليم عارف
سليم : حضرتك قاعد على اللابتوب من الصبح بتعمل ايه
احمد : بشوف كل اللى حصل فى فترة غيابى ..... انا غايب عن الملعب بقالى كتير ولازم اعرف كل اللى فاتنى علشان اعرف اخد القرار الصح
سليم : حضرتك كده ماشى فى الطريق الصح

• فجأه الباب خبط ودخل محمد صقر ابن عم احمد ..... دخل محمد وسلم على احمد وسليم وبعد كده قعد

احمد : محمد ..... وحشتنى
محمد : انت اللى وحشتنى يا جزمه
احمد : طب ليه الغلط دلوقتى
محمد : بقالك كتير مش بترد عليا ومطنشنى
احمد : سامحنى يا صاحبى نفسيتى كانت وحشه
محمد : هنتكلم فى الموضوع ده بعدين
احمد : هتصدقنى لو قولتلك انك جيت فى وقتك
محمد : كل حاجه يا احمد بتيجى فى وقتها بس احنا اللى لازم نصبر
احمد : عندك حق يا محمد
محمد : ايه اخبارك يا سليم
سليم : الحمد لله يا خالى كويس
محمد : عامل ايه فى الكليه
سليم : كله تمام
محمد : مش ناوى يا سليم تنزل البلد وتزورنا
سليم : قريب يا خالى هجيلك البلد ..... طمنى على البلد وعلى شغلك
محمد : كله تمام يا حبيبى
سليم : وايه اخبار طنط هدير وفاتن وعمر وعبدالرحمن
محمد : كلهم موجودين بره مع مامتك يا حبيبى
احمد : ايه ده انتوا كلكم جيتوا من البلد
محمد : اكيد طبعا .... هو ينفع عمى يرجع من السفر من غير ما نيجى نتطمن عليه
احمد : الحمد لله هو كويس دلوقتى
سليم : انا هخرج اسلم عليهم
احمد : روح يا حبيبى واحنا هنحصلك على طول

• بعد ما خرج سليم

محمد : خير يا احمد .... انا قلقت لما كلمتى وانت فى امريكا وقولتلى اجيبلك كل الورق اللى انت شايله معايا
احمد : هقولك كل حاجه بس اهم حاجه دلوقتى عاوز اسالك سؤال وبناء على اجابة السؤال هنقرر
محمد : اسأل يا احمد
احمد : عندك استعداد توقف فى ضهرى تانى زى زمان
محمد : انت عارف يا احمد ان انا طول عمرى فى ضهرك
احمد : بالرغم من كل اللى انا عملته
محمد : احنا بشر يا احمد ومعرضين فى لحظه للغلط .... بس اهم حاجه نعرف ان احنا غلطانين ونصلح الغلط
احمد : كده اقدر اقولك انا محتاجك فى ايه
محمد : احكى يا احمد
احمد : مش دلوقتى ..... النهارده بالليل بعد ما كلهم يناموا هنقعد مع بعض وهحكيلك كل حاجه
محمد : ماشى يا احمد

• ياترى احمد ناوى على ايه .... ده اللى هنعرفه الجزء اللى جاى



الفصل الرابع

قبل ما ابدأ فى الجزء الحديد فى كام حاجه محتاج اوضحها .... هتلاقوا فى الاجزاء اللى شوية حاجات خياليه بتحكى عن فتره فى حياة مصر الحاجات دى ملهاش اى اساس واعتبروها خياليه او فانتازيا او اى حاجه احنا هنا مش فى حصة تاريخ علشان يطلع حد يقولى اللى انت بتحكيه ده غلط او ما ينفعش يحصل والهرى اللى بيحصل علشان نبقى متفقين من الاول .... تانى حاجه فى ناس معترضه على موضوع جزء كل اسبوع .... انتوا مش عارفين كم الضغط اللى الواحد بيتعرضله علشان يقدر يكتب كام صفحه من الجزء لأنى بحاول ابعد عن الجنس وكمان يكون الجزء طويل ومليان افكار .... انا الجزء بالنسبالى لو مكانش فيه اكتر من 5 او 6 احداث مهمه يبقى اى كلام ..... اقل جزء بعمله 60 صفحه .... الجزء اللى فات كان 75 صفحه والجزء ده 68 صفحه ..... ومستحيل تقدر تحس بملل طول ما انت بتقرأ لأن كل صفحه بتتكتب بيكون فيها حدث جديد .... وفوق كل ده انا معايا شغلى اللى باكل منه عيش واقبض مرتبى اخر كل شهر ..... يعنى كتابة القصص دى مجرد تسليه وعلى ما اظن انى من يوم ما بدأت انشر قصص على المنتدى من 3 سنين عمرى ما بدأت قصه وسبتها متعلقه علشان كده ياريت الناس تعذرنى .... اسف انى طولت عليكم .... يلا اسيبكم مع الجزء الجديد


• من زمن بعيد جدا ... من اكتر من 4000 سنه وتحديدا فى طيبه عاصمة مصر على ارض الفراعنه ..... الحياه فى الزمن ده ماتختلفش كتير عن الحياه دلوقتى ..... الناس مقسومه مابين اسياد وعبيد .... الاسياد نفسهم متقسمين لطبقات .... الطبقه الاولى والاقوى وهى طبقة الأسره الحاكمه ومن بعد الأسره الحاكمه طبقة الوزراء .... والطبقه اللى بعدهم هى طبقة كهنة المعابد .... بعدهم طبقة قادة الجيش والأثرياء .... نظام رأسمالى بحت .... نظام فيه عامة الشعب عايشين علشان يخدموا اسيادهم
• مصر ايامها كانت اقوى دوله فى العالم .... دوله ليها نظام وحضاره ومفيش قوه على وجه الارض تقدر توقف قصادها
• تعالوا نشوف اللى كان بيحصل فى مصر فى الوقت ده
• فى قصر فرعون مصر وقتها ..... الفرعون قاعد على العرش .... وعلى الكرسى اللى يمينه قاعده زوجته ( الملكه ) .... وعلى شماله قاعده بنته (الاميره) .... دخل عليه الحاجب
الحاجب : مولاى .... عزيز مصر يطلب اذن الدخول

• رفع الفرعون ايده وسمحله بالدخول
• دخل عزيز مصر ..... اول ما دخل انحنى للفرعون

الفرعون : شكلك غضبان يا سنفرو
سنفرو : سيدى .... الحكيم إنى بلغنى ان فى برديات وكتب اتسرقت
الفرعون " بغضب " : ازاى ده حصل
سنفرو : النهارده كان الحكيم سننموت بيراجع بعض البرديات فى المكتبه الخاصه بالقصر واكتشف غياب البرديات والكتب مع انه بيقول انها كانت موجوده من يومين فى مكانها
الفرعون : واللى اتسرق كان عباره عن ايه
سنفرو : برديات خاصه بمجالات كتير منها الطب والهندسه والفلك والتاريخ
الأميره : يعنى بيسرقوا العلم
الفرعون : اللى عمل كده عاوزنا نعيش فى الظلام
سنفرو : بالظبط كده
الفرعون : مين من مصلحته يعمل كده
سنفرو : مفيش غيرهم .... كهنة الشر
الفرعون : كهنة المعبد
سنفرو : مفيش غيرهم ..... الكهنه بقالهم كتير بيخططوا علشان يبقوا اكبر قوه فى البلد وظلمهم وطغيانهم زاد عن الحد
الفرعون : لازم نقضى عليهم ونرجع كل اللى سرقوه
سنفرو : ازاى
الفرعون : بالحرب يا سنفرو
الأميره : خطأ يا مولاى ..... اقرار الحرب على الكهنه مش بسهوله ..... الناس بتقدس الكهنه زى ما بيقدسوا الآلهه .... الكهنه عندهم القوه اللى يقدروا يواجهونا بيها ..... عندهم جيش قوى وعندهم الأموال الكافيه اللى يقدروا يحشدوا بيها الناس ضدنا ..... ده غير ان معظم الجيش بتاعنا ولائهم للكهنه والمعبد ..... يعنى قرار الحرب مش فى صالحنا بأى حال من الأحوال
الفرعون : والحل ايه دلوقتى
الأميره : الحيله ..... لو عاوزين ننتصر على الكهنه لازم نخسرهم كل حاجه .... تقديس الناس والأموال وولاء الجيش وقتها بس نقدر ننتصر
الفرعون : اجمعوا كل العلماء وحاولوا تعوضوا كل اللى اتسرق
سنفرو : امر مولاى

• من ناحيه تانيه فى المعبد الكهنه مجتمعين

الكاهن الأعظم : الحرب هتبدأ فى اى لحظه .... الفرعون اكيد دلوقتى هيشك فينا
كاهن 1 : عيونا فى القصر راصدين كل حركه وبلغونا ان الفرعون امر بجمع كل العلماء علشان يعوضوا البرديات اللى اتسرقت
الكاهن الأعظم : مش هيلحقوا
كاهن 2 : انا شايف ان احنا لازم نقتل الفرعون وزوجته وبنته ومعاهم سنفرو
الكاهن الأعظم : صعب فى الوقت الحالى
كاهن 2 : قتل اربعه اسهل بكتير من الدخول فى حرب هيرح فيها الالاف ونتيجتها مش مضمونه
كاهن 1 : ولو فشلت محاولة القتل وقتها الفرعون هيقدر يقبض علينا ويقتلنا من غير ما يدخل فى اى حرب
الكاهن الأعظم : لازم نرتب اوضاعنا الأول قبل اى شئ
كاهن 3 : لازم نتخلص من كل أعوان الفرعون قبل المواجهه
الكاهن الأعظم : اول شخص لازم نخلص منه هو الحكيم سننموت
كاهن 1 : صعب .... الحكيم سننموت من اقرب الناس للفرعون وعليه حراسه مشدده ولو حصله اى حاجه واتكشفنا وقتها الفرعون هيقضى علينا
الكاهن الأعظم : بالتخطيط والحيله هننجح زى ما نجحنا فى سرقة البرديات
كاهن 2 : اهم حاجه دلوقتى نخفى البرديات اللى اخدناها فى مكان بعيد
الكاهن الأعظم : هو ده اللى لازم يحصل ..... وفى حاجه كمان لازم نعملها .... لازم نعرف مين العلماء اللى هيقوموا بأعادة كتابة البرديات من تانى ..... لازم نخلص منهم قبل اى حاجه
كاهن 1 : عيونا فى القصر هيبلغونا بكل المعلومات اللى عاوزينها
الكاهن الأعظم : لازم نتحرك بسرعه قبل ما اى حد يحس بينا ..... لو قدرنا ننفذ خطتنا هنحكم مصر ولو حكمنا مصر يبقى حكمنا الدنيا كلها
كاهن 1 : حلم بعيد
الكاهن الأعظم : بالعكس ده حلم قريب جدا واقرب مما تتصور

• من ناحيه تانيه بعد يومين عند الأميره مانيسا بنت الفرعون بعد نص الليل خرجت فى حديقة القصر كانت بتتمشى ودخلت غرفه كان موجود فيها شخص اول ما شافها قام وقف وانحنى ليها

الشخص : مولاتى
مانيسا : قولتلك قبل كده لما نكون لوحدنا ماتنحنيش ليا ولا تقولى مولاتى يا سنب .... لما نكون مع بعض لوحدنا انا حبيبتك ما مانيسا .... مانيسا وبس
سينب : صعب يا مولاتى
مانيسا : انت مش بتحبنى يا سينب
سينب : احبك .... ده انا عايش على نظرة عنيكى
مانيسا : وانا كمان بحبك
سينب : والحب ده ايه اخره
مانيسا : ......
سينب : سكتى ليه ..... لأنك عارفه ان اخره زى اوله مفيش حاجه هتحصل .... انا وانتى مش المفروض نحب بعض ..... العلاقه الوحيده اللى بينا هى انك انتى مولاتى وانا عبد من عبيدك
مانيسا : فى حل يا سينب
سينب : ايه هو الحل ده
مانيسا : نهرب يا سينب ..... نسيب طيبه ونهرب او حتى نسيب مصر كلها ..... انا مقدرش اعيش من غيرك
سينب : ده قرار خطير يا مانيسا
مانيسا : انا بقالى كتير بفكر ومفيش قصادنا غير الحل ده
سينب : وانتى هتقدرى تعيشى فى الفقر .... هتقدرى تعيشى طول العمر مطارده وخايفه ..... فى عواقب كتير انت مش حاسباها
مانيسا : اعمل ايه يا سينب ..... انا عاوزه اعيش معاك بأى طريقه
سينب : الصبر يا منيسا .... جايز يجى اليوم اللى نقدر نعيش فيه مع بعض قصاد كل الناس من غير فقر او خوف
مانيسا : امتى يجى اليوم ده يا سينب
سينب : مش عارف
مانيسا : الأيام دى الدنيا مقلوبه والحرب بين القصر والكهنه فى اى لحظه هتبدأ
سينب : بسبب البرديات اللى اتسرقت
مانيسا : ده مجرد سبب من اسباب كتير .... الكهنه نفوذهم زاد وظلمهم بقى اكبر
سينب : بس قرار الحرب ده قرار خاطئ جدا خصوصا فى الوقت الحالى
مانيسا : انا قولت كده للفرعون بس الظاهر كده انه مصمم على الحرب

• فجأه سمع الاتنين صوت حركه بره ..... خرج سينب علشان يشوف فى ايه وطلعت قطه

سينب : متقلقيش دى طلعت قطه
مانيسا : انا لازم امشى قبل ما اى حد يحس بينا
سينب : هشوفك تانى
مانيسا : اكيد

• خرجت مانيسا ورجعت غرفتها وبعد ما قعدت على سريرا بصت على الشباك

مانيسا : اظهرى يا جليله
• فجأه نطت القطه ودخلت من الشباك واتحلوت لصوره آدميه

مانيسا : ايه اللى عملتيه تحت يا جليله
جليله : كان لازم الحقك يا مولاتى .... الحرس كانوا بيقربوا من غرفة سينب
مانيسا : كنتى تقدرى تبعديهم
جليله : انا خايفه عليكى يا مولاتى
مانيسا : انتى مش عارفه انا بتعب قد ايه علشان اعرف اقابل سينب
جليله : وايه اخرة كل ده
مانيسا : انتى هتعملى زى سينب يا جليله
جليله : انتى عارفه من الأول ان قصة الحب دى مكتوب نهايتها من قبل ما تبدأ
مانيسا : الحب مش بايدينا
جليله : بس فى عندنا عقل بيفكر ولازم العقل والقلب يمشوا فى نفس الطريق
مانيسا : كلام صعب تنفيذه
جليله : لازم تختارى ما بين القلب والعقل ولازم تعرفى حاجه مهمه
مانيسا : حاجة ايه
جليله : من اراد كل شئ يخسر كل شئ
مانيسا : طب ايه المطلوب منى دلوقتى
جليله : مطلوب منك تختارى ما بين قلبك وعقلك
مانيسا : اختيار صعب
جليله : خلينا فى المهم دلوقتى
مانيسا : فى ايه تانى
جليله : قدرت اعرف مكان البرديات اللى اتسرقت
مانيسا : فين
جليله : موجوده فى مخبأ سرى فى المعبد
مانيسا : طب ماجبتيهاش ليه
جليله : انتى عارفه ان انا ممنوعه من دخول المعبد ومش مسموحلى اقرب من المبعد نهائى
مانيسا : طب والحل ايه دلوقتى
جليله : مش عارفه .... محتاجه افكر يمكن الاقى طريقه
مانيسا : فكرى وانا معاكى
جليله : هسيبك دلوقتى وارجعلك بعدين

• عوده للوقت الحاضر
• وقفنا الجزء اللى فات لما محمد صقر سافر القاهره مع هدير مراته واولاده وراحوا عند احمد صقر
• فى الفيلا مع فاتن وامانى وهدير والاولاد قاعدين مع بعض

فاتن : و**** وحشتينى يا جزمه
هدير : انتى واحشانى بجد يا فاتن .... طمنينى عليكى
فاتن : الحمد لله كويسه .... انتى اخبارك ايه واخبار البلد
هدير : البلد ملهاش طعم من غيركم
فاتن : بينى وبينك انا نفسى ارجع البلد بس خايفه على نفسية احمد .... خايفه عليه يتعب لو رجع البلد دلوقتى
هدير : هو عامل ايه دلوقتى
فاتن : دلوقتى احسن بكتير ..... الحمد لله خرج من الحاله اللى هو فيها .... وبصراحه لولا دياب وسليم كان زمانه لسه حابس نفسه
هدير : بصراحه دياب طلع اصيل بجد ووقف مع احمد وقفة رجاله ..... ومش مع احمد بس لا ده وقف مع كل الناس
امانى : دياب طيب وراجل بجد .... وقف مع احمد وبيحمى سليم وبيخاف عليه .... ووقف مع عم عمر فى مرضه
هدير : دياب ورث الطيبه من ابوه **** يرحمه .... مع انى كنت خايفه منه خصوصا بعد اللى عمله مع سالم وامينه والعاصى ..... انا قولت انه ما هيصدق يشمت فينا ويرمينا ويتفرج علينا .... بس طلع اصيل ووقف معانا
فاتن : ليه انتى مش فاكره بعد ما الحكومه حطت ايديها على فلوسنا وشركاتنا دياب قدر يقنع الحكومه ان انا وانتى ملناش علاقه بموضوع الاثار ومنعهم من مصادرة نصيبنا انا وانتى اللى احمد ومحمد كتبوهم لينا وفوق ده كله اشترى كل اللى اتباع فى المزاد وكتبه كله لسليم ابنى ..... لولا دياب كنا هنشحت بالمعنى الحرفى
هدير : عندك حق .... انا فاكره كويس يوم ما دياب جالنا البيت فى البلد وادى لمحمد عقود الشركات والفلوس بتاعتنا
امانى : ده اكتر موقف حيرنى ..... واحد غيره كان اخد كل حاجه وقعد يتفرج علينا واحنا مذلولين

• فجأه دخل عليهم سليم

سليم : ياترى جايبين فى سيرة مين .... انا عارف قعدة الستات كلها نميمه
هدير : سليم حبيبى .... تعالى يا جزمه ياللى مش بتسأل
سليم : سامحينى يا عمتى انا عارف انى مقصر معاكى بس انتى شايفه الظروف اللى كنا فيها
هدير : طمنى عليك يا حبيبى
سليم : كله تمام يا عمتى
هدير : يارب دايما يا حبيب عمتك
سليم : ماقولتوليش جايبين فى سيرة مين
هدير : كنا بنتكلم على دياب
سليم : ماله دياب
هدير : كنا بنتكلم على رجولته معانا وازاى طلع اصيل ووقف جمبنا
سليم : هو ده دياب طول عمره كده بس العيله اللى كانت ظالماه
هدير : انت الوحيد يا سليم اللى كان عارف دياب على حقيقته
سليم : علشان انا الوحيد اللى اتربيت بعيد عن العيله وقلبهم الاسود وكرههم لكل حاجه مش دياب بس ..... انا الوحيد اللى اتربيت على ايد دياب وشوفت حنيته وقلبه الطاهر النضيف .... حتى بعد ما رجعت للعيله دياب كان مصمم يبعدنى عن مشاكله معاكم ومع جدتى .... دياب كان بالرغم من مشاكله مع جدتى عمره ما قالى عنها كلمه وحشه وكان بيحاول يصلح بينى وبينها ..... واحد غيره كان غسل دماغى وكرهنى فيها لكن دياب عمره ما عمل كده ..... دياب اللى كان عارف كل البلاوى اللى بيعملها ابويا بس عمره ماقالى حاجه علشان مايكرهنيش فيه
هدير : عندك حق يا سليم فى كل اللى انت قولته
سليم : امال فين فاتن وعمر وعبدالرحمن
هدير : طلعوا فوق ياخدوا شاور ويغيروا هدومهم
سليم : وحشونى و****
هدير : انت كمان وحشتهم
سليم : اخبارهم ايه
هدير : كويسين يا حبيبى بس عمر وعبدالرحمن مطلعين عينى
سليم : ليه كده
هدير : مش مهتمين بمذاكرتهم ولا دروسهم والاتنين السنه دى فى ثانويه عامه
سليم : ياستى بكره يعقلوا ويعرفوا مصلحتهم ..... كفايه عليكى فاتن شاطره وعارفه مستقبلها وكل سنه بتطلع الاولى وكلها 3 سنين وتبقى معيده فى كلية صيدله زى ما طول عمرها بتحلم
هدير : فاتن انا مش خايفه عليها ..... فاتن عارفه مصلحتها ..... الدور والباقى على جوز البهايم التانين اللى انا مخلفاهم اللى مش عارفين مصلحتهم .... الاتنين دماغهم متركبه شمال ومتعرفش بيفكروا فى ايه ..... وعلشان الاتنين تؤام اسرارهم مع بعض وكل ما احاول استدرج واحد فيهم واوقعه فى الكلام مش بعرف
امانى : هى دى مشكلة التؤام بيبقوا قريبين من بعض بزياده وكل اسرارهم بتبقى مع بعض
هدير : ده فى الألعن من كده
سليم : فى ايه تانى
هدير : الاتنين عاملين سيم مشترك مابينهم وممكن يتكلموا قصادك عادى جدا وانت لو راجل افهمهم .... انا ومحمد بنبقى قاعدين وسطهم ومش فاهمين اى حاجه وهما بيضحكوا علينا
فاتن : ايه العيال دى
هدير : ده انا فاضلى تكه وانتحر بسببهم
سليم : مش المفروض فاتن اختهم الكبيره ليه ماتقعدش معاهم وتعقلهم
هدير : قعدت كتير لحد ما كانوا هيجننوها
امانى : بس فاتن كبرت وبقت عروسه وزى القمر
هدير : فاتن دى حبيبتى وروح قلبى من جوه ..... تصدقى خايفه من اليوم اللى هتتجوز فيه وتسيبنى
فاتن : وهو محمد هيسيبها تتجوز بعيد عنكم
هدير : اسكتى يا فاتن اخوكى اتجنن على الاخر
فاتن : ليه كده
هدير : بيغير عليها جدا ومش بيستحمل حد يجيب سيرة جواز فاتن قصاده .... وكل عريس يتقدملها بيرفضه من بره من غير ما ياخد رائيى وبيتحجج ان البنت لسه بتدرس ..... ده الاسبوع اللى فات الدكتوره سميره مرات اللواء فهمى العصار كلمتنى علشان عاوزه فاتن لكريم ابنها وكريم ده ظابط طيار وليه مستقبل كبير لما قولت لمحمد رفض من قبل ما يعرف مين العريس وحتى لما عرف برضه رفض
فاتن : هو الموضوع اتطور للدرجه دى
هدير : واكتر من كده ..... انتى عارفه من بعد ما خلصت ثانويه عامه جاتها منحه من الجامعه الامريكيه واكتر من جامعه خاصه فى مصر وبره مصر علشان كانت من الأوائل فى الثانويه بس محمد رفض وصمم ان فاتن تدخل الجامعه فى قنا
فاتن : ايوه عارفه الموضوع ده حتى انا استغربت وقتها من موافقة فاتن على قرار محمد ومفكرتش حتى تتناقش معاه
هدير : محمد وقتها اشترى لفاتن شقه قريب من الجامعه علشان تعيش فيها وجابلها واحده تخدمها علشان ماتشغلش نفسها غير بمذاكرتها .... ومن يوم ما فاتن راحت الجامعه ومحمد مش طايق يقعد فى البلد وكل يومين بياخد عربيته ويطلع على قنا يقعد مع فاتن شويه ويرجع تانى
امانى : وفاتن كمان متعلقه بابوها
هدير : دى لازم كل يوم الصبح قبل ما تروح الجامعه تتصل بمحمد تصبح عليه وبعد ما ترجع من الجامعه بتتصل بيه وقبل ما تنام كمان ده غير شات الواتساب اللى مفتوح ما بينهم طول اليوم ولو محمد اخد كام يوم من غير ما يروحلها بسبب شغله تلاقيها جات البلد علشان تقعد مع محمد ..... الاتنين بيقعدوا مع يرغوا ولا كانهم اتنين حبيبه
سليم : للدرجه دى
هدير : واكتر من كده .... الاتنين متعلقين ببعض بزياده ..... دى فاتن لما عرفت ان احنا جايين هنا وممكن ناخد اسبوع او اكتر اصرت انها تيجى معانا وسابت جامعتها ومحمد ماعترضش خالص
فاتن : وانا اللى فاكره ان دياب وسليم متعلقين ببعض بزياده اتارى علاقتهم طبيعيه جدا بالنسبه للى انتى بتقوليه
هدير : محمد وفاتن مفيش حد زيهم
فاتن : يا ما كان نفسى فاتن تكون اصغر سنتين تلاته كنت جوزتها لسليم
هدير : وانا كمان كان نفسى
سليم : طب الحمد لله انها اكبر منى
هدير : ليه يا جزمه وانت تطول تتجوز فاتن
سليم : انا على اخر الزمن اتجوز فاتن دى تبقى ليله سوده

• فجأه دخلت عليهم فاتن وهنسميها تونه علشان اللخبطه

تونه : ومالها فاتن يا جزمه انت
سليم : ملهاش يا كبيره ..... انا اقدر برضه اغلط فيكى
تونه : ايوه كده اظبط
سليم : ازيك يا فاتن وحشتينى بجد
تونه : باين يا اخويا انى واحشاك طب اسأل يا اخى .... هان عليك العيش والملح والمذاكره اللى كنت بذاكرهالك
سليم : معلش بقى انتى عارفه ظروفى
تونه : ومالها ظروفك بقى مانت زى البغل اهو
سليم : ولما امد ايدى عليكى هترتاحى
تونه : لا يا عم الطيب احسن انا هسكت ..... ماتلمى ابنك يا عمتى
• كلهم ضحكوا على فاتن

هدير : لا بجد يا سليم ايه اللى مش عاجبك فى فاتن
سليم : يا ستى فاتن حلوه وكل حاجه بس انا وهى دماغنا عكس بعض وانا مش هخسر خالى علشانها ..... انا لو اتجوزت فاتن هنولع فى بعض خلينا كده حبايب احسن

• فجأه دخل عليهم محمد واحمد

احمد : ازيك يا هدير
هدير : الحمد لله بخير يا اخويا .... طمنى عليك وعلى عمى
احمد : الحمد لله عدت على خير
هدير : **** يطمنا عليه
احمد : ازيك يا تونه وحشتينى
تونه : الحمد لله يا عمى كويسه
احمد : كبرتى يا فاتن وبقيتى عروسه
تونه : **** يخليك ليا يا عمى
احمد : هما رجالة البلد اتعموا ولا جالهم حول فى عنيهم ولا ايه
تونه : ليه كده يا عمى
احمد : ازاى سايبين واحده كده زى القمر
تونه : شايف يا بغل الناس اللى بتفهم مش زيك ..... اتعلم من ابوك
سليم : برضه بتغلطى يا جزمه
هدير : خلاص يا واد انت وهى بطلوا مناقره
احمد : هو انتوا لسه فيكم العاده دى
سليم : ما انت شايف يا بابا لسانها عامل ازاى
محمد : حاسب عندك يا سليم انا بحبك اه بس دى فاتن اغلى عندى منك انت وجوز البهايم اللى انا مخلفهم
تونه : حبيبى يا بابا يا رافع راسى دايما
سليم : ماشى يا خالى .... ما هو على رأى المثل يا داخل بين البصله وقشرتها
تونه : بقى انا بصله يا سليم
محمد : شكلى همد ايدى عليك يا سليم .... بقى العسل دى بصل ..... طب قول ماتجه فروله

• راحت فاتن لحضن ابوها

تونه : هو انا بحبك من قليل يا راجل انت
محمد : حبيبة ابوها انتى يا قمر
تونه : حبيب فاتن يا قلب فاتن من جوه
سليم : مش كفايه محن وتلزيق بقى
تونه : هما مالهم متغاظين مننا ليه
محمد : سيبك منهم يا قمر انت احنا براحتنا

• اخدوا قعدتهم فى ضحك وهزار
• نرجع عندى انا بعد ما خلصت شغلى فى الشركه رجعت الفيلا وكان دياب لسه قاعد مع عمى

انا : ايه ده انتوا لسه قاعدين مع بعض
دياب : ايه يا سليم انت هتطردنى ولا ايه
انا : تصدق همد ايدى عليك
عمى : تعالى يا سليم اقعد
انا : حاضر يا عمى
عمى : ايه الاخبار ف الشركه
انا : كله تمام يا عمى مفيش جديد
عمى : عملت ايه فى موضوع الاجتماع
انا : بلغت كل المجلس بمعاد الإجتماع .... ويوسف كلمنى النهارده وجهز المكان خلاص .... وكريم دلوقتى هناك علشان يأمن المكان كويس
عمى : عرفت حاجه عن ديفيد واللى بيعمله فى اسبانيا
انا : طبعا عرفت
عمى : وبيهبب ايه هناك
انا : فى معلومه وصلت للجماعه ان رجالتنا منتشرين فى اسبانيا وقالبين الدنيا هناك علشان كده مستر جون بعته اسبانيا علشان يعرف احنا بنعمل ايه هناك
عمى : وانت عرفت الكلام ده ازاى
انا : فى جاسوس انا زارعه وسط رجالة ديفيد وسيرينا من بعد اجتماعنا معاهم انا ودياب فى امريكا ساعة موضوع الماس واسهم الشركات
عمى : طب دى حاجه كويسه
انا : مش اوى يا عمى
عمى : قصدك ايه يا سليم
انا : المشكله مش فى ديفيد وسيرينا ..... المشكله الحقيقيه فى جون وده اللى لحد دلوقتى مش عارف ازرع حد عنده ..... جون عارف كويس ان احنا كاشفين ديفيد وسيرينا علشان كده مش هيعتمد عليهم جامد واكيد عنده ناس تانيه احنا منعرفهاش
دياب : عندك حق يا سليم فى كلامك ..... وعلى ما اظن ان اكيد فى وسيلة اتصال سريه بين جون واستر محدش يعرفها غيرهم واكيد ديفيد وسيرينا مش عارفين الوسيله دى
انا : دى كمان نقطه مهمه لازم ناخد بالنا منها
دياب : وبنت استر لسه مش عارفين نوصلها
انا : البنت دى زى ما تكون الارض انشقت وبلعتها ..... ملهاش اى اثر حتى مدرستها مش بتروحها
عمى : تفتكر يا سليم البنت دى لسه موجوده فى لندن ولا خرجت منها
انا : انا متاكد انها خرجت من لندن بس مش عارف ممكن تكون فين
دياب : ممكن تكون فى اسبانيا مع استر
انا : لا استر دايما بتبعدها عنها علشان تعيش فى امان ..... استر بتعشق البنت دى ومش بتسمح لأى مخلوق يقرب منها .... مستحيل استر تعرضها للخطر ده وتخليها عايشه معاها
عمى : على العموم خلينا كده زى ما احنا لحد ما نعمل الاجتماع ووقتها نشوف ايه اللى ممكن يتعمل
انا : تمام كده .... عن اذنكم بقى انا عاوز اطلع اخد شاور وارتاح شويه
دياب : وانا كمان ماشى عاوز انام شويه لأنى مصدع

• بالليل فى فيلا احمد صقر .... محمد قاعد فى الجنينه سرحان وبيفكر دخلت عليه بنته فاتن

فاتن : ايه اللى مصحيك لحد دلوقتى بتفكر فى ايه
محمد : تعالى يا حبيبتى فى حضنى

• دخلت فاتن فى حضن ابوها

فاتن : مالك يا بابا ايه اللى مضايقك
محمد : مفيش حاجه يا حبيبتى بس بفكر فى الشغل شويه
فاتن : خير فى مشكله معاك فى شغلك ولا ايه
محمد : لا يا حبيبتى المشاكل العاديه
فاتن : عاوزه منك طلب
محمد : كل طلباتك اوامر يا قمر
فاتن : عاوزاك تاخد بالك من نفسك انا مليش غيرك
محمد : ليه بتقولى كده يا حبيبتى
فاتن : قلبى حاسس انك بتخطط لحاجه وعمر قلبى ما كذب عليا .... انا مش هسألك على الحاجه دى ولا هعرف امنعك بس علشان خاطرى خد بالك من نفسك انا مش هقدر اعيش ثانيه واحده من غيرك
محمد : ولا انا يا حبيبتى اقدر اعيش من غيرك ..... يا فاتن انتى حياتى كلها
فاتن : **** يخليك ليا وما يحرمنى منك يا احلى اب فى الدنيا
محمد : ياويله اللى هيفكر ياخدك منى
فاتن : مفيش مخلوق على وش الارض يقدر ياخد فاتن من ابوها
محمد : قوليلى يا فاتن بصراحه ومن غير ما تخافى
فاتن : من غير ما تسأل يا بابا ..... مفيش اى حد فى حياتى لا فى الجامعه ولا بره الجامعه ..... حياتى كلها مفيهاش غيرك انت وماما واخواتى ودراستى وبس كده
محمد : يعنى عاوزه تقنعينى ان جامعه طويله عريضه مفيهاش حد لفت نظرك او قلبك اتحرك لحد من زمايلك
فاتن : صعب جدا حد يلفت نظرى وممكن اقولك مستحيل
محمد : ليه كده
فاتن : انا لازم اتجوز واحد شبهك وللأسف مفيش غير نسخه واحده من محمد صقر وماما اخدتها علشان كده شكلى مش هعرف اتجوز يا بابا
محمد : لا يا فاتن لا يا حبيبتى اوعى تقولى كده ..... ده انا بحلم باليوم اللى اسلمك فيه لعريسك .... بحلم باليوم اللى اشيل فيه ابنك او بنتك ..... انا جايز دلوقتى برفض اى عريس يتقدملك علشان دراستك مش عاوز حاجه تعطلك عن مستقبلك لكن اياكى يا بنتى تنسى قلبك .... انا عاوزك تحبى وتتجوزى وتعيشى حياتك بس ياريت يا حبيبتى تختارى صح ..... وماتعلقيش نفسك بواحد لمجرد انه قالك كلمتين حلوين او عمل موقف قصادك بهرك
فاتن : الكلام ده لو كنت محتاجه لحب وحنان لكن انا شبعانه منهم يعنى لو مش بس قال كلمتين ده لو حتى اتكلم ل 1000 سنه عمر الكلام ما هيلفت نظرى ولا يحرك شعره من دماغى ..... فاتن اللى اتربت على ايد محمد صقر عمرها ما تتهز بحركات المراهقين
محمد : طمنتينى يا حبيبتى
فاتن : اتطمن يا حبيبى
محمد : عاوز اطلب منك طلب اخير
فاتن : طلباتك كلها اوامر يا حبيبى
محمد : مش عاوز اى حاجه تاثر على دراستك ومستقبلك مهما كان .... حتى لو جالك خبر موتى فى اى لحظه
فاتن : بعد الشر عليك يا حبيبى .... **** يخليك ليا وما يحرمنى منك
محمد : يابنتى الموت مش شر وكلنا هنموت فى يوم من الايام
فاتن : انا عارفه ان الموت مش شر .... بس محمد وفاتن زى ما عاشوا مع بعض هيموتوا كمان مع بعض
محمد : لا يا حبيبتى انتى هتعيشى من بعدى وهتشوفى الدنيا وتفرحى .... صدقينى يا حبيبتى لما هتكونى مبسوطه انا كمان هكون مبسوط
فاتن : علشان خاطرى بلاش الكلام ده
محمد : حاضر يا حبيبتى .... بس علشان خاطرى عاوزك تهتمى بمستقبلك وتحققى حلمك
فاتن : حاضر يا حبيبى
محمد : مامتك واخواتك ناموا
فاتن : ايوا طلعوا من شويه علشان يناموا
محمد : طب يلا يا حبيبتى اطلعى انتى كمان نامى
فاتن : وانت مش هتطلع تنام
محمد : شويه كده يا حبيبتى بس معايا كام مكالمة شغل هخلصهم وبعد كده هطلع انام
فاتن : تصبح على خير يا حبيبى
محمد : وانتى من اهله با قمر

• قامت فاتن وباست دماغ محمد وايده وخده وطلعت علشان تنام ..... بعدها بشويه خرج احمد صقر بيتمشى فى الجنينه وراح لمحمد قعد معاه

احمد : اخيرا الجماعه ناموا علشان نعرف نتكلم براحتنا
محمد : انت بتفكر فى ايه يا احمد
احمد : هتعرف كل حاجه دلوقتى بس ثوانى اعمل مكالمه
محمد : اتفضل يا اخويا لما نشوف اخرتها

• طلع احمد تليفونه واتصل بحد

احمد : كله تمام .... انا مستنيكم ... مع السلامه

• قفل احمد التليفون بعد كده

محمد : كنت بتكلم مين يا احمد وايه فى بالظبط فهمنى
احمد : اصبر يا محمد خمس دقايق وهتعرف كل حاجه

• بعد شويه دخلت فيلا احمد صقر انا ودياب

انا : حمد **** على السلامه يا محمد
محمد : **** يسلمك يا سليم
دياب : ايه اخبارك يا محمد واحشنى و****
محمد : انا كويس وكله تمام .... ممكن بقى تفهمونى ايه اللى بيحصل بالظبط
انا : انا هفهمك كل حاجه يا محمد
محمد : اتفضل يا سليم
انا : الحكايه ببساطه عاوزين نحط ايدينا فى ايد بعض ونتحد ضد الشر .... ابن عمك غلط قبل كده بس الحمد لله فاق لنفسه ..... احمد عاوز يشتغل معانا علشان يصلح كل الغلط اللى عمله قبل كده ..... بس أحمد شرط انك تعرف كل حاجه من الاول علشان كده احنا قاعدين مع بعض دلوقتى
محمد : وانا معاكم وهعمل كل اللى هقدر عليه
دياب : انا كنت متاكد ان ده هيكون قرارك يا محمد
محمد : قولولى محتاجين منى ايه وانا هنفذ على طول
انا : كل اللى مطلوب منك تفتح عينك كويس فى العيله وتعرف هما بيفكروا فى ايه لدياب .... بعد اللى حصل لسعد اكيد فى ناس هتفكر فى الانتقام وعلى ما اظن انك فاهم كلامى كويس
محمد : انا فاهم قصدك بخصوص زياد وامنيه عيال سعد ..... هما فعلا كارهين دياب وعاوزين ينتقموا منه .... زياد وامنيه شايفين ان دياب هو اللى سجن ابوهم فى الاول وبعد كده قتله
دياب : زياد وامنيه معذورين ومن حقهم يكرهونى بس انا فعلا مليش اى علاقه بموضوع قتل سعد
محمد : عارف يا دياب ومتاكد انك برئ من قتل سعد بس اللى هيجننى مين اللى قتله وليه ..... سعد كان كلها ايام ويتنفذ فيه حكم الاعدام
دياب : اللى عمل كده يا محمد عاوز يورطنى وعاوز يقلب العيله ضدى من تانى
محمد : كلامك منطقى بس ايه السبب لكل ده
دياب : عاوزين يشتتونى ويبعدونى عن حربى معاهم
محمد : انا كده فهمت
انا : خلينا فى المهم
احمد : المهم عندى انا يا سليم
انا : اتفضل يا احمد
احمد : الورق ده فى الحاجات اللى انتوا مش عارفينها عن استر واللى جون مكافى نفسه مكانش يعرفها عنها
انا : الورق ده فيه ايه
احمد : الورق ده هتلاقى فيه كل حاجه عن استر .... هتلاقى فى الملف ده كل الأماكن اللى ممكن تكون استر مستخبيه فيها ..... انا شاكك بنسبه كبيره ان استر لسه عايشه
انا : ايه اللى يخليك تشك فى كده يا احمد
احمد : اختفاء جثتها اكبر دليل على كلامى
دياب : وانت وصلت للورق ده ازاى يا احمد
احمد : يوم ما انت روحت لأستر علشان تنتقم منها بعد اللى عملته معاك وقت موضوع سالم وامينه .... بعد ما انت مشيت استر طلعت اوضتها منهاره .... بعدها انا كنت قايم علشان امشى بس لفت نظرى وقتها ان اللابتوب بتاع استر شغال .... وقتها قعدت على الجهاز وقلبت فيه ولقيت بلاوى طلعت فلاشه من جيبى واخدت اللى اقدر عليه من الجهاز ورجعت كل حاجه لمكانها ومشيت
انا : وتفتكر استر معرفتش بعد كده ان انت فتشت فى حاجتها
احمد : لا ما اعتقدش لان الحاله اللى كانت فيها تمنعها من التفكير .... على العموم الورق اللى معاكم فيه كل حاجه عن استر وكل الناس اللى كانت بتتعامل معاهم فى السر وفيه كمان كل حاجه عن جاسمين بنتها
انا : على العموم يا احمد احنا هنراجع الورق ده كويس ونشوف هنتصرف ازاى
احمد : انا كده عملت اللى عليا وضميرى مستريح
انا : طب نستأذن احنا دلوقتى ونسيبك تستريح وهنكمل كلامنا بعدين
احمد : اتفضلوا .... على العموم اى وقت هتحتاجونى هتلاقونى موجود

• مشيت انا ودياب ورجعنا الفيلا وكان عمى صاحى ومستنينا

عمى : عملتوا ايه عند احمد
دياب : كله تمام يا دكتور
انا : اخدنا من احمد شوية ورق عن استر وعن الناس اللى كانت بتتعامل معاهم فى السر وعن جاسمين بنتها
عمى : وهنتصرف ازاى دلوقتى
انا : هنشتغل على المعلومات اللى فى الملف ده يمكن نعرف نوصل لأستر او حتى بنتها
دياب : انت ليه يا سليم ماقولتش لأحمد ان استر لسه عايشه
انا : لا يا دياب ماينفعش .... مايبقاش عندك ثقه جامده كده فى احمد .... احمد فى الاول ولا فى الاخر كان حاطط ايده فى ايد استر وعارف انها غلط
دياب : يعنى انت شاكك فى احمد
انا : انا بقيت بشك فى كل حاجه وفى كل الناس يا دياب معادا طبعا انت وعمى ويوسف وكريم
دياب : فاهم قصدك يا سليم
انا : على العموم بالورق ده احمد قدر يثبت انه فاق لنفسه واكيد هنعرف نستفاد كويس من الورق ده
عمى : على العموم احنا هندرس الورق ده كويس وبعد كده نتصرف
انا : تمام كده
عمى : الوقت اتاخر يلا علشان تناموا وبكره نشوف هنعمل ايه
انا : تصبح على خير يا عمى
دياب : انا همشى ... يلا تصبحوا على خير

• تانى يوم الصبح بدرى فى فيلا احمد صقر .... فاتن صحيت على صوت المنبه لقيت احمد صاحى جمبها

فاتن : صباح الخير يا حبيبى .... ايه اللى مصحيك بدرى كده
احمد : بالعكس انا حاسس انى شبعان نوم ..... بقالى سنين كتير ماحسيتش بالراحه فى نومى زى النهارده
فاتن : يارب دايما يا حبيبى ..... انا هروح اصحى سليم علشان يلحق يروح الجامعه بتاعته
احمد : روحى يا حبيبتى وانا هحصلك على تحت اكيد الجماعه صحيوا .... انتى عارفه انهم بيصحوا بدرى
فاتن : حاضر يا حبيبى

• بعد ما خرجت فاتن ..... احمد مسك تليفونه واتصل بشخص

أحمد : صباح الخير ... كله تمام .... انا عملت اللى عيا ونفذت الاتفاق .... حاضر هستنى ..... مع السلامه
• خلص احمد تليفونه ونزل لقى الكل موجودين تحت بما فيهم ابوه وامه

احمد : صباح الخير عليكم جميعا
الكل : صباح النور يا احمد
احمد : امال محمد فين مش ظاهر كده
هدير : لسه نايم فوق
احمد : غريبه .... محمد دايما بيصحى بدرى
هدير : شكله كده سهر جامد امبارح معاك
احمد : فعلا احنا سهرنا شويه مع بعض

• من ناحيه تانيه فاتن دخلت الاوضه عند سليم واتفاجأت بيه بيتنفض على السرير وجسمه كله عرقان وبيخرف بالكلام وهو نايم بس مش فاهمه منه اى حاجه .... مجرد ما لمست سليم قام مفزوع من النوم بس قام وماسك مسدسه موجهه ناحية امه بس اول ما فاق وركز وشاف فاتن قصاده نزل مسدسه تانى وحطه على الكومود جمب السرير
فاتن : مالك يا حبيبى فيك ايه طمنى عليك
سليم : متخافيش يا ماما انا كويس
فاتن : بقى ده شكل واحد كويس
سليم : خلاص يا ماما ماتعمليهاش حكايه علشان خاطرى
فاتن : انا خايفه عليك يا حبيبى
سليم : متخافيش يا ماما قولتلك ..... هى الساعه كام دلوقتى
فاتن : الساعه 7 يا حبيبى
سليم : يادوب اقوم علشان الحق الجامعه
فاتن : انا هجهزلك الفطار على ما تاخد الشاور بتاعك
سليم : حاضر يا ماما

• بعد شويه نزل سليم تحت وكان محمد صحى من النوم وقعدوا كلهم يفطروا مع بعض

محمد : مالك يا سليم ساكت كده ليه
سليم : معلش يا خالى بس لسه مافوقتش
احمد : انت رايح الجامعه دلوقتى يا سليم
سليم : شويه كده وهتحرك لسه بدرى على معاد المحاضره
احمد : هتتاخر فى الجامعه
سليم : لا مش هتاخر ..... انا معايا محاضره واحده ومعنديش سكاشن النهارده .... ايه رائيك يا فاتن تيجى معايا وبعد الجامعه نتفسح شويه
تونه : ممكن يا بابا اروح مع سليم الجامعه
محمد : لازم يعنى
تونه : علشان خاطرى ..... محتاجه اخرج شويه
محمد : خلاص يا حبيبتى روحى بس خدى بالك من تليفونك علشان لو حبيت اكلمك اتطمن عليكى
تونه : حاضر يا حبيبى
محمد : خد بالك منها يا سليم
سليم : فى عنيا يا خالى .... يلا يا فاتن اجهزى بسرعه علشان نتحرك
تونه : ربع ساعه واكون جاهزه

• قامت فاتن علشان تجهز

سليم : وانتوا بقى هتعملوا ايه النهارده
هدير : انا شويه كده وهروح فيلا الجراح لمياء وحشتنى وعاوزه اقعد معاها شويه
سليم : طبعا ما انتوا اصحاب من ايام الجامعه
هدير : عارف يا سليم بالرغم من فرق السن بينى وبين لمياء بس صاحبتى جدا وبحسها اختى الصغيره
سليم : وانت يا خالى هتعمل ايه
محمد : هستنى جوز البهايم اللى انا مخلفهم يصحوا من النوم علشان اخدهم ونخرج عاوزين يشتروا هدوم وحاجات كده
سليم : هما لسه نايمين لحد دلوقتى
محمد : لا لسه بدرى دول مش بيصحوا قبل الساعه 11
سليم : تمام يا خالى

• بعد شويه فاتن نزلت

تونه : انا جاهزه يا سليم
سليم : طب يلا بينا
محمد : خد بالك منها يا سليم
سليم : قولتلك متخافش يا خالى

• اتحرك سليم مع فاتن وركبوا العربيه

تونه : جديده العربيه دى يا سليم
سليم : ايوه جديده .... دياب جابهالى هديه فى اول يوم فى الجامعه
تونه : مبروك عليك
سليم : **** يبارك فيكى .... بس مالك كده يا فاتن شكلك متغير المره دى زى ما يكون فى حاجه مخبياها
تونه : مش عارفه يا سليم .... بقالى فتره حاسه انى مخنوقه ومتضايقه بدون سبب علشان كده طلبت من بابا انى اجى معاهم هنا قولت يمكن لما اسافر واغير جو الخنقه دى تروح بس برضه مفيش حاجه
سليم : يمكن بس ضغط المذاكره والجامعه كان عامل فيكى كده
تونه : جايز برضه ..... انت بقى ايه اخر اخبارك
سليم : مفيش جديد ..... كل حاجه ماشيه زى ما هى

• قعد الاتنين ساكتين لحد ما وصلوا الجامعه ودخلوا الكافتريا وقعدوا

تونه : حلوه الجامعه بتاعتك يا سليم
سليم : تشربى حاجه
تونه : لا مليش نفس اشرب حاجه
سليم : هو احنا ليه بقينا حاسين بملل
تونه : عارف يا سليم بالرغم من روتين الحياه الممل بس انا كده مرتاحه ..... مش عاوزه مشاكل تانى كفايه اللى حصل
سليم : ليه هو انتى فاكره المشاكل خلصت خلاص ده لسه المشاكل اللى بجد هتظهر قريب ولا انتى فاكره ان ابويا وابوكى دلوقتى قاعدين بيتفرجوا على التلفزيون ولا بيلعبوا بلايستيشن
تونه : انا عارفه ان المشاكل مخلصتش ومتاكده ان ابويا وابوك بيرتبوا لحاجه بس كان عندى امل ان فترة الهدوء دى تطول شويه
تونه : تفتكر يا سليم المشاكل دى ليها علاقه بدياب
سليم : هو احنا من ساعة ما اتولدنا فى ام العيله الملعونه دى عمرنا شوفنا مشكله فيها ملهاش علاقه بدياب ده لو مكانش اصلا دياب طرف اساسى فى المشكله
تونه : عندك حق .... ده كفايه اللى عمله الفتره اللى فاتت لما قتل سعد
سليم : هو انتى مصدقه ان دياب قتل سعد
تونه : امال هيكون مين اللى قتله ..... دياب قتل سعد علشان ينتقم منه
سليم : وانا بقولك ان دياب برئ من قتل سعد
تونه : امال هيكون مين اللى قتل سعد
سليم : اى حد غير دياب يا فاتن
تونه : انت علشان بتحب دياب بتدافع عنه
سليم : لا يا فاتن انا بدافع عن دياب علشان هى دى الحقيقه ..... دياب خطف سعد عنده لشهور وكان قادر يقتله ومفيش مخلوق فى العيله كان هيوقف قصاده ..... وزير الداخليه بنفسه كان بيترجى دياب علشان يسلمه للشرطه وكان مصمم انه يقتل سعد لكن بعد اللى حصل فى العيله دياب سلم سعد للشرطه بمزاجه
تونه : مش جايز تكون دى لعبه من دياب علشان محدش يقدر يثبتها على دياب
سليم : وتفتكرى دياب خايف من اى حد علشان يعمل لعبه زى دى
تونه : مش عارفه بقى انا بقيت محتاره وبقيت اشك فى كل حاجه حواليا
سليم : اللى احنا شوفناه كان كتير ومن حقك تشكى .... انا بقيت اشك فى الهواء اللى بتنفسه
تونه : صحيح يا سليم ايه اللى انت عملته الصبح
سليم : عملت ايه يا فاتن
تونه : انا سمعت مامتك بتتكلم مع ماما وبتقولها انك رفعت عليها مسدسك وهى بتصحيك
سليم : يا ستى و**** من غير قصد .... انا كنت وقتها بحلم بكابوس غبى وعمتك دخلت تصحينى فجأه وبغباء محسيتش بنفسى غير وانا بسحب مسدسى من تحت المخده وموجهه فى دماغ امى
تونه : طب حاسب يا فالح السلاح المره اللى جايه يطول
سليم : انا فعلا بعد اللى حصل النهارده قررت اقفل باب اوضتى بالترباس من جوه قبل ما انام لانى بجد خايف المره اللى جايه اقتل اى حد وانا مش حاسس
تونه : طب خد بالك بقى علشان ماما اقترحت على عمتى انهم يعرضوك على دكتور نفسى
سليم : انا عارف كويس ان امك مايجيش من وراها حاجه كويسه ابدا ..... ليه هما شايفينى اتجننت ولا ايه
تونه : لا يا اخويا بس عمتى بتقول انك بتحلم بكوابيس كتير الفتره اللى فاتت وامى قالتلها جايز مضغوط شويه بس عمتى قالت على حالتك الصعبه وانت بتحلم بكوابيس وبعد اللى عملته النهارده امى قالت كده لازم دكتور نفسى
سليم : شكلى كده هسيبلكم البيت وارتاح
تونه : طب وفيها ايه يا سليم لما تروح لدكتور نفسى .... على فكره المرض النفسى مش معناه انك مجنون
سليم : علشان نقفل الكلام فى الموضوع ده انا مش هروح لدكتور نفسى
تونه : اسمعنى بس يا سليم
سليم : لا مش هسمع يا فاتن وعاوزك توصلى رساله لأمى وامك
تونه : رسالة ايه
سليم : لو فكروا يجيبوا دكتور نفسى علشان يشوفنى من غير ما اعرف ساعتها هقتل الدكتور ده وانتى عارفه ان انا ممكن اعملها ما انا مجنون بقى
تونه : خلاص يا سليم انا هتصرف فى الموضوع ده وابلغهم
سليم : انا جايب اخرى وفيا اللى مكفينى وممكن فى اى لحظه اهد المعبد على دماغ اللى فيه

• فجأه دخلت عليهم سلمى

سلمى : مالك يا سليم متعصب كده ليه اهدى يا عم
سليم : ازيك يا سلمى
سلمى : الحمد لله كويسه .... مالك متعصب كده وصوتك عالى
سليم : لا متاخديش فى بالك .... اعرفك دى فاتن بنت خالى ويعتبر متربيين مع بعض
سلمى : اهلا وسهلا
سليم : اتفضلى يا سلمى اقعدى
سلمى : مش عاوزه اكون بضايقكم
سليم : لا مفيش مضايقه اتفضلى

• قعدت سلمى معاهم

سليم : عاوز اسألك على حاجه يا سلمى
سلمى : خير يا سليم
سليم : مليكه رجعت الجامعه النهارده
سلمى : انت عرفت ازاى
سليم : انا مش عارف .... انا بسألك نزلت ولا ايه الدنيا
سلمى : ايوه شوفتها من شويه بس الغريبه انها سلمت عليا بسرعه ومشيت زى ما يكون خايفه تشوفك
سليم : تمام كده
تونه : مين مليكه يا سليم
سليم : مليكه اللى كانت معايا فى المدرسه ايه مش عارفاها
تونه : انت مش قولتلى قبل كده ان موضعها اتقفل خلاص
سليم : ايوه طبعا مليكه صفحه واتقفلت
تونه : امال ايه اللى رجعها تانى
سليم : بعدين هحكيلك
تونه : ماشى يا سليم لما اشوف اخرتها معاك
سليم : كل خير
تونه : طب مفيش جو جديد اليومين دول ..... امك وابويا كانوا ببتكلموا امبارح فى موضوع جوازك
سليم : انا عارف ان مفيش خير من وراء امك وابوكى
تونه : ماسمحلكش تجيب سيرة ابويا والا اقسم ب**** انت عارف وشى التانى كويس
سليم : خلاص يا كبيره السماح
تونه : ايوه كده اظبط
سلمى : اهدى يا بنتى سليم بيهزر
سليم : سبيها يا سلمى هى عارفه ان انا بهزر بس هى كده مش بتستحمل حد يتكلم على خالى وحش ولو حتى بهزار
تونه : انت عارف يا سليم بابا خط احمر ومش بستحمل عليه اى كلمه
سلمى : للدرجه دى بتحبى والدك يا فاتن
تونه : بابا ده النفس اللى بتنفسه .... بخاف عليه من الهواء الطاير ومش بستحمل فيه ولو خدش بسيط
سلمى : **** بخليهولك
تونه : يارب .... خلينا بقى فى موضوعنا .... انت مش ناوى تتجوز وتخلصنا
سليم : ايه اللى فتح الموضوع ده تانى انا مش قفلته مع امى
تونه : موضوع ايه يا حبيبى اللى انت قفلته ..... ده امى وامك بقالهم فتره بيدوروا على عروسه ليك
سليم : خليهم براحتهم لكن انا مش هتجوز كده .... امى وامك زمان اختاروا بنفسهم مش هيجوا النهارده يغصبونى
تونه : انت عارف كويس ان محدش يقدر يغصبك بس هما شايفين ان موضوع الجواز مش فى دماغك علشان كده عاوزين يختاروا عروسه كويسه لكن محدش هيغصبك
سليم : طب ما انتى كمان موضوع الجواز مش فى دماغك
تونه : مين قالك ان موضوع الجواز مش فى دماغى
سليم : امال ليه قافله على نفسك ومش بتدى فرصه لأى حد يتقدم وبترفضى اى عريس يتقدملك
تونه : لأن كل اللى اتقدمولى مفيش فيهم ولا واحد مناسب ..... انا بحلم بحد زى محمد صقر .... هاتلى واحد فيه مواصفات محمد صقر وانا مستعده اتجوزه النهارده
سلمى : انا اسفه لو بتدخل هو مين محمد صقر ده
سليم : ده يبقى ابوها ..... شوفتى الهم اللى احنا فيه
سلمى : انتى مجنونه بوالدك يا فاتن
تونه : انا عارفه كده كويس .... بس اعمل ايه لقيت نفسى بحب ابويا ومش قادره اشوف اى حد غيره
سليم : طب ايه رائيك فيا انا ..... كل الناس بتقولى انى شبه خالى جدا
تونه : هههههههه لا حلوه دى
سليم : ايه مش مصدقانى
تونه : انت جايز تكون شبه بابا فى الشكل وواخد شويه من طبعه لكن انا وانت عكس بعض تماما .... انا عاوزه اعيش فى هدوء وانت غاوى مشاكل ..... انا عيشت عمرى اللى فات قلقانه على ابويا من اللى بيعمله عاوزنى كمان اعيش اللى باقى من عمرى وانا قلقانه على ابويا وجوزى
سليم : عرفتى بقى انا ليه رافض فكرة الجواز
تونه : بس مش هينفع تعيش عمرك كله كده
سليم : لا متخافيش انا هتجوز وقريب جدا كمان انا حاسس انى خلاص قربت اوصلها
تونه : هى مين دى اللى قربت توصلها
سليم : الحلم يا فاتن
تونه : هو انت لسه بتحلم بالبنت اياها يا سليم
سليم : الحلم رجع يتكرر تانى ولما عمتك صحتنى النهارده كنت بحلم بيها تانى ونفس الحلم
تونه : علشان كده رفعت مسدسك على عمتى
سلمى : انت رفعت السلاح على والدتك يا سليم
سليم : و**** من غير قصد بس امى هى اللى صحتنى بغباء وانا كنت بحلم بحرب ومصايب
سلمى : ومين بقى يا سيدى اللى بتحلم بيها دى
سليم : واحده مش عارفها بس حاسس انى شوفتها قبل كده بس فين مش عارف
سلمى : بتحلم بيها من امتى
سليم : بقالى اكتر من سنه تقريبا ..... بس قعدت فى النص كام شهر مش بتظهرلى فى الحلم لكن الفتره اللى فاتت رجعت تانى
تونه : طب ايه اللى خلاك تقول انك قربت توصلها
سليم : لانها بدأت تظهرلى فى الحقيقه
تونه : ازاى يعنى مش فاهمه
سليم : ظهرتلى فى المستشفى فى امريكا ( وحكى سليم كل اللى حصل فى امريكا )
تونه : جايز يكون كلام دياب صح وانت بيتهيألك
سليم : لا انا متاكد انى شوفتها
سلمى : طب مش بتقول راجعتوا تسجيلات الكاميرا ومفيش حاجه
سليم : ايوه
سلمى : يبقى اكيد بيتهيألك
سليم : بكره لما اعرفها واوصلها هثبت للكل انها حقيقه مش تهيآت
تونه : **** معاك ياخويا
سلمى : طب مش يلا بينا نحضر المحاضره الوقت سرقنا والمحاضره فاضلها 5 دقايق وتبدأ
سليم : تصدقى الوقت سرقنا ..... طب يلا بينا بسرعه
تونه : انتوا هتسيبونى لوحدى هنا
سليم : لا تعالى معانا

• نرجع عندى انا قاعد فى مكتبى فى الشركه ودخل عليا دياب وكريم

انا : تصدقوا بقيت اخاف من دخلتكم عليا انتوا الاتنين
دياب : بعتنا الرجاله لكل الاماكن الجديده اللى من المحتمل نلاقى فيها استر او حتى بنتها بناء على الورق اللى اخدناه من احمد
انا : تمام .... وايه الاخبار
كريم : مفيش اى اثر لأستر او بنتها
انا : طب ما ده شئ متوقع
دياب : معنى كده ان كل الورق اللى اخدناه من احمد صقر مضروب .... يعنى احمد رجع يغشنا تانى وانت كان عندك حق لما مرضيتش تديله الثقه تانى
انا : ايه اللى دخل فى دماغك ان احمد صقر بيغشنا
دياب : انت مش سامعنا لما بنقولك ان استر مش موجوده فى اى مكان من اللى قال عليهم احمد
انا : يا عم سمعتك ..... بس انت نسيت حاجه مهمه اوووى
دياب : ايه الحاجه اللى انا نسيتها
انا : استر بعد اللى حصل فيها بقيت تشك فى كل شخص كانت بتتعامل معاه يعنى مستحيل تلجأ لأى شخص من دايرة علاقاتها القديمه ومستحيل تستخبى فى اى مكان ممكن بسهوله اى حد يكون وصله ولا انت ناسى الهجمات الالكترونيه اللى احنا عملناها على استر ورجالتها فى اخر فتره قبل موضوع موتها
دياب : معنى كلامك ده ان انت كنت متاكد ان احنا مش هنلاقى استر فى اى مكان من الاماكن اللى قال عليها احمد
انا : طبعا متاكد
دياب : طب ليه سيبتنا نبعت رجالتنا اصلا
انا : لسببين مهمين جدا
دياب : سمعنى اسبابك
انا : السبب الاول ان لو كان احمد عامل اللعبه دى مع استر يبقى كده ببينلها ان احنا بلعنا الطعم ومشينا وراهم مع ان ده احتمال ضعيف جدا ويكاد يكون مستحيل لأن احمد صقر خلاص اتعلم الدرس ده غير ان استر مش غبيه للدرجه دى علشان تلعب بكارت احمد صقر من تانى وخصوصا ان احمد ساعدنا لما انت طلبت منه يعنى مجاش من نفسه
دياب : والسبب التانى
انا : كان عندى امل بسيط ان احنا ممكن نوصل لطرف الخيط اللى ممكن يوصلنا لأستر
دياب : انا خلاص بقيت محتار ومش عارف افكر كل ما احس ان احنا خلاص قربنا اكتشف ان الطريق لسه طويل
انا : اهدى على نفسك يا دياب
كريم : فى حاجه عاوز اسألك عليها يا سليم
انا : خير يا كريم
كريم : كنت بتمم على رجالتى ولقيتهم ناقصين ولما سألت عرفت انك بعتهم فيلا المقطم يجهزوها علشان فى ضيف هيوصل النهارده
دياب : مين الضيف ده يا سليم وايه الحكايه بالظبط
انا : دى مفاجأه وكمان شويه هاخدكم معايا علشان نستقبل الضيف مع بعض وترحبوا بيه
دياب : مش عارف ليه مش مرتاحلك يا سليم
انا : انت بالذات هتفرح لما تقابل الضيف ده
دياب : اشمعنا
انا : سيب كل حاجه لوقتها ..... يلا على شغلكم وشويه كده وهنتحرك على المقطم
دياب : ماشى يا سليم خلينا وراك لحد ما نشوف اخرك

• من ناحيه تانيه فى الفيلا عندى لمياء قاعده فى الجنينه ودخلت عليها هدير مرات محمد صقر

هدير : كده برضه يا واطيه هانت عليكى العشره
لمياء : هدير وحشتينى اخبارك ايه

• اخدوا بعض بالحضن وبعد كده قعدوا

هدير : لو كنت بجد واحشاكى كنتى سألتى عليا
لمياء : سامحينى يا هدير الفتره اللى فاتت كنت مضغوطه جدا .... الصبح فى المستشفى وبعد المغرب فى العياده مش برجع قبل الساعه 12 بعد نص الليل
هدير : ليه يا بنتى كل ده ..... انا يا دوب بشتغل فى المركز الطبى بتاعى وبس
لمياء : انا فى الاول كنت زيك كده بس لقيت يوسف بياخد اليوم كله فى شغله وانا بقعد لوحدى اضطريت ارجع اشتغل فى المستشفى تانى علشان اضيع وقتى
هدير : وابنك بتسبيه لوحده
لمياء : لا يا ستى اسامه اليوم كله يا اما مع بابا بيلعب يا اما مع اختى مريم بيلعب معاها ومع عيالها
هدير : بس برضه ابنك اكيد محتاجك
لمياء : انا بحاول على قد ما اقدر افضى نفسى شويه كل يوم واقعد معاه
هدير : انا لما لقيت شغلى فى المستشفى هيعطلنى عن اولادى سيبت المستشفى واستكفيت بالمركز ومقسمه شغلى فى المركز ايام ببدأ الساعه 9 الصبح واخلص الساعه 5 المغرب وايام تانيه ببدأ الساعه 5 المغرب واخلص الساعه 12 بالليل وباقى اليوم لمحمد والاولاد
لمياء : يا بختك عارفه تنظمى وقتك
هدير : الحكايه كلها انك لازم تحددى اولوياتك وتتعاملى على اساسها
لمياء : ياه فكرتينى بأيام الجامعه لما كنتى بتعمليلنا جداول للمذاكره علشان الوقت ما يسرقناش
هدير : كانت ايام حلوه .... كان لسه البال رايق والواحده فينا مش شايله هم اى حاجه غير دراستها ومستقبلها
لمياء : بالرغم من انك كنتى متجوزه واحنا فى الجامعه
هدير : انتى اصلا عرفتينى وانا متجوزه ومخلفه فاتن وتقريبا كنت حامل فى عمر وعبدالرحمن
لمياء : ايوه عرفتك وانتى كنتى فى سنه خامسه وانا لسه كنت جديده فى سنه اولى وقتها كنت لسه راجعه من ايطاليا ومش عارفه اى حاجه ولا عارفه اى حد وتايهه فى الكليه
هدير : شكلك كان يضحك وانتى تايهه
لمياء : انا فى الاول كنت فاكراكى معيده فى الجامعه ولا حاجه وسألتك على اماكن المدرجات ..... وانتى يومها لما عرفتى ان انا لوحدى ساعدتينى لحد ما فهمت الدنيا ماشيه ازاى وبقيتى تذاكريلى لما اكون مش فاهمه حاجه
هدير : اعتبرتك اختى الصغيره .... انتى عارفه ان انا معنديش اخوات بنات لكن طول عمرى بعتبر فاتن اختى ولما شوفتك انتى كمان اعتبرتك اختى
لمياء : **** يخليكى ليا يا اجدع اخت فى الدنيا
هدير : طمنينى على احوالك
لمياء : و**** احوالى زى ما هى مفيش جديد ..... يوسف اليوم كله فى شغله وانا كمان فى شغلى بنتقابل تقريبا بالصدفه ..... الوقت اللى ببقى فاضيه فيه يا اما قاعده مع اسامه يا اما نايمه
هدير : وانتى بتسمى دى حياه **** يخرب عقلك .... ده انا لازم كل يوم بالليل اقعد مع محمد واحكيله كل اللى حصل طول اليوم واسمع منه ..... لازم كل يوم اقعد مع اولادى واحكى معاهم وفى نفس الوقت بشتغل
لمياء : الفرق بينى وبينك ان جوزك مساعدك على كده ..... لكن يوسف اليوم كله فى شغله ولما اقوله انا محتاجه اقعد معاك يقولى انا بشتغل ظابط شرطه يعنى وقتى مش ملكى
هدير : تقومى انتى تعندى معاه وتقضى كل وقتك فى الشغل واللى هيضيع فى النص ابنكم ..... يابنتى الواحده مننا مهما اشتغلت ونجحت فى شغلها هيبقى نجاحها ده ملهوش اى لازمه لو فشلت فى حياتها مع جوزها او فشلت فى تربية ابنها .... المجتمع بيبص على الاولاد الفاشله على انهم من عيله مش محترمه مش هيبص مين ابوهم او امهم .... وفى نفس الوقت المجتمع بيبص على ******* الناجحه على انهم من عيله محترمه حتى لو كان عيلتهم زى الزفت
لمياء : عند حق يا هدير
هدير : بس مش معنى كلامى انك تهتمى بجوزك وابنك على حساب شغلك ومستقبلك علشان ماترجعيش تندمى بعدين ..... لازم تحاولى توفقى بين عيلتك وشغلك
لمياء : حاضر يا ستى .... طمنينى على اخبارك انتى واخبار اولادك هما معاكى هنا ولا فى الاقصر
هدير : الحمد لله كلنا بخير .... فاتن خرجت مع سليم وراحت معاه الجامعه علشان يفسحها شويه ..... وعمر وعبدالرحمن خرجوا مع ابوهم علشان عاوزين يشتروا شوية حاجات وانا قولت انتهز الفرصه واجيلك اقعد معاكى شويه لانك واحشانى
لمياء : و**** انتى اللى واحشانى بجد ..... ياترى هتقعدى فى القاهره لحد امتى
هدير : لسه مش عارفه بس ممكن اسبوع او عشر ايام
لمياء : حلو اووووى انا كده هشبع منك ونرجع ايام الجامعه تانى نخرج مع بعض ونتفسح زى زمان
هدير : قلبك ابيض يا لمياء ليه هو انتى فاكره محمد هيوافق على الكلام ده ..... ده انا اخرى اجى اقعد معاكى شويه
لمياء : متخافيش يا ستى انا هقنعه ولو نشف دماغه هخلى سليم ويوسف يكلموه وهو بيحبهم وبيسمع كلامهم
هدير : ماشى يا ستى خلينى وراكى

• نرجع عندى انا خلصت شغلى فى المكتب وعملت مكالمه وبعدها روحت المكتب لدياب وكان قاعد مع كريم

انا : كويس ان انتوا الاتنين مع بعض
دياب : خير يا سليم فى حاجه
انا : يلا بينا علشان المفاجأه اللى قولتلكم عليها
دياب : مش ناوى تقولنا ايه المفاجأه
انا : خلاص يا دياب شويه وهتعرف
دياب : انت عارف انى بقلق من المفاجآت
انا : لا متقلقش المفاجأه دى هتعجبك
كريم : مش عارف ليه مش مرتحالك يا سليم بس ماشى خلينا وراك للاخر
انا : طب يلا بينا على المقطم وهناك هتعرفوا كل حاجه

• اتحركت مع كريم ودياب لفيلا المقطم .... وصلنا الفيلا ووقفنا قصاد البوابه

دياب : فين الضيف بتاعك يا سليم
انا : فى الطريق يا دياب دقايق ويوصل
دياب : ومالو نصبر عليك دقايق

• بعد شويه دخلت علينا عربية اسعاف

دياب : ايه الاسعاف دى
انا : متخافش ده الضيف بتاعنا وصل
دياب : ياترى فى ايه فى جرابك يا حاوى
انا : اصبر دلوقتى وهتعرف كل حاجه

• نزل الدكتور من عربية الاسعاف وجالنا

انا : حمد **** على السلامه يا دكتور
الدكتور : **** يسلمك يا فندم
انا : ايه اخبار الراجل بتاعنا
الدكتور : كله تمام يا فندم وصحته اتحسنت على الاخر وكلها يومين او تلاته بالكتير ويقدر يوقف على رجله زى الاول واحسن
انا : تمام يا دكتور
دياب : انا مش فاهم اى حاجه خالص
انا : ثوانى يا دياب هفهمك .... المهم يا دكتور انت عارف نظام شغلنا كويس
الدكتور : طبعا يا مستر سليم عارف .... لا ارى لا اسمع لا اتكلم
انا : تمام يا دكتور ..... دلوقتى بقى نزل الحاله من العربيه ودخلها الفيلا
الدكتور : حاضر يا فندم

• فتح الدكتور باب العربيه ونزل الراجل وهنا كانت المفاجأه اللى بسببها دياب كان هيتشل ..... الراجل اللى نزل من العربيه كان سعد صقر

دياب : طب ازاى
انا : ازاى دى بقى تعالى جوه هفهمهالك

• دخلنا سعد للفيلا ....سعد كان واخد مهدئ ونايم ..... بعد كده دخلت مع دياب وكريم اوضة المكتب

دياب : ممكن بقى تفهمنى اللى بيحصل دلوقتى
انا : كل الحكايه بدأت لما كلمونى فى السجن وقالولى ان سعد اتعرض لمحاولة قتل فى السجن

• فلاش باك ليوم محاولة القتل .... اول ما كلمونى كنت نابم فى الفيلا وصحيت على الخبر واتحركت بسرعه على السجن ..... وصلت السجن وقابلت مدير السجن

انا : ايه اللى حصل بالظبط يا سيادة اللواء
اللواء : فى عسكرى من اللى شغالين هنا دخل على سعد وضربه بسكينه وهو نايم فى العنبر بتاعه
انا : انا مش منبه على حضرتك قبل كده من الموضوع ده
اللواء : انا عارف انى قصرت فى تنفيذ الاوامر بس انا فعلا عملت اللى عليا وكنت مخلى كام واحد من العساكر اللى شغاله هنا يحرسوا سعد بس الظاهر ان العسكرى ده عرف يتسلل من وسطهم
انا : وسعد عامل ايه دلوقتى
اللواء : سعد فى اوضة العمليات اللى تحت فى البدروم
انا : والعسكرى اللى عمل كده فين
اللواء : احنا مارضيناش نمسكه ونلفت نظره ان احنا كشفناه بس حاطين عنينا عليه لحد ما حضرتك تقولنا نتصرف ازاى
انا : عظيم جدا اللى حضرتك عملته ده ..... حد شافكم وانتوا بتنقلوا سعد للعمليات
اللواء : لا خالص ..... احنا نقلنا سعد من مخرج سرى محدش يعرفه ومفيش اى حد شافنا خالص
انا : تمام كده
اللواء : هنتصرف ازاى دلوقتى
انا : خلينا زى ما احنا كده لحد ما سعد يخرج من العمليات وبعدها هقولك تعمل ايه بالظبط
اللواء : تمام يا فندم
انا : هو مين الدكتور اللى مع سعد فى العمليات
اللواء : الدكتور مهاب الوكيل
انا : عظيم .... الدكتور مهاب الراجل بتاعنا وعارف شغله كويس

• بعد شويه خرج سعد من العمليات والدكتور مهاب جالنا المكتب

انا : ايه الاخبار يا دكتور
مهاب : كل شئ تمام يا فندم .... احنا لحقناه فى اخر لحظه لو كنا اتاخرنا عشر دقايق بس كان ممكن يروح فيها
انا : انا عارف انك دكتور شاطر يا مهاب وعلشان كده نقلتك السجن ده علشان انت الوحيد اللى كنت هتعرف تتصرف فى موقف زى ده
اللواء : هنتصرف ازاى دلوقتى
انا : بعد كام ساعه هتنشر فى السجن كله خبر موت سعد
اللواء : ازاى يا فندم
انا : زى ما بقول لحضرتك ..... هتنشر خبر موت سعد ..... وانا هاخد سعد من هنا بس بعد ما يخف
اللواء : بس كده مسئوليه كبيره يا فندم
انا : ما تقلقش انا هرتب كل حاجه ..... دلوقتى يا دكتور مهاب هتجهز تقريرك وتقول ان سعد اتعرض لمحاولة قتل ومات فيها ..... انت طبعا فاهمنى يا مهاب
مهاب : فاهمك يا فندم وهعمل كل حاجه بنفسى ماتخافش
انا : انا مش خايف يا مهاب لانى عارف انى بعتمد فى شغلى على رجاله عارفه بتعمل ايه بالظبط
اللواء : طب هنبلغ الدكتور سليم ولا هنعمل ايه بالظبط
انا : انا هتصرف مع عمى بس مش دلوقتى ..... لازم الناس كلها وبما فيها عمى يعرفوا حاجه واحده بس وهى ان سعد اتقتل
اللواء : اكيد اهله هيطلبوا استلام الجثه هنعمل ايه وقتها
انا : نشوف اى جثه محدش عارفلها صاحب ونسلمهالهم وممنوع اى حد من اهله يشوف الجثه هما مسموحلهم بس يحضروا الجنازه مش اكتر
اللواء : حاضر يا فندم
انا : انا همشى دلوقتى وانتوا نفذوا الاتفاق

• عوده من الفلاش باك

دياب : يابن الجنيه ..... ايه الدماغ دى
كريم : لا استاذ بجد ..... بس ايه اللى خلاك تعمل كده
انا : وقتها الخبر نزل على دماغى زى الصاعقه وماكنتش عارف افكر ولما مدير السجن قالى على اللى حصل عقلى وقف ومكانش فيه قصادى غير ان انا امشى على نفس خطة جون وابينله ان سعد مات علشان اشوف هو هيتصرف بعد كده ازاى وبالمره اخد فرصه ولو لكام يوم علشان اعرف ارتب دماغى
دياب : طب ليه خبيت علينا
انا : كان لازم اتحرك لوحدى لحد ما اتطمن ان خطتى ماشيه تمام وبعد كده ابلغكم ونقعد مع بعض نشوف هنعمل ايه
كريم : طب والدكتور سليم عارف اللى حصل
انا : لا لسه مش عارف ..... انتوا بس اللى عرفتوا
دياب : طب انت ناوى على ايه دلوقتى
انا : بصراحه مش عارف ..... من ناحيه عاوز اظهر سعد علشان اخلصك من مشاكل عيلة صقر ومن ناحيه تانيه مش عاوز اخسر كارت مهم زى ده
دياب : بص يا سليم هى كده ولا كده مشاكلى مع عيلة صقر مش هتخلص
انا : قصدك ايه يا دياب
دياب : قصدى نكتم على الخبر ونشيل الكارت المهم ده للزمن ..... ولو قصدك على زياد وامنيه اولاد سعد لو حسينا منهم خطر وقتها نبقى نعرفهم ان ابوهم لسه عايش ونخليهم يشوفوه بس يحافظوا على السر وساعتها مش هيبقى قصادهم غير انهم يسكتوا علشان هيخافوا على ابوهم
انا : هى وجهة نظر .... طب لو امل صقر هى اللى عملت المشكله
دياب : لا متخافش ..... امل صقر مش هتعمل مشاكل تانى وهى متاكده ان انا مليش اى علاقه بقتل اخوها ولما كنا فى امريكا قولتهالها بوضوح انى لو كنت عاوز اقتل سعد كنت قتلته من غير ما اى حد يوقف فى طريقى
انا : تمام كده
كريم : لازم مستر جون يحس انه فى مركز قوه ساعتها هيتطمن ولما يتطمن هيغلط وساعتها هتبقى فرصتنا
دياب : كريم بيتكلم صح
انا : بالنسبه لباقى المجلس احنا مش هنبلغهم بموضع ان سعد لسه عايش
دياب : عندك حق خلى الموضوع فى اضيق الحدود لحد ما نشوف الدنيا ماشيه ازاى
انا : خلينا فى المهم دلوقتى
دياب : خير يا سيدى
انا : عملت ايه يا دياب فى الخطه الاساسيه اللى احنا شغالين عليها ..... الجماعه كلمونى وقالوا انهم خلاص قربوا يخلصوا وهيدخلوا فى المرحله الاخيره فى خلال شهر بالكتير
دياب : انا عصرت دماغى ومش لاقى غير فكره واحده بس الدكتور سليم اعترض عليها وقال نسبة المخاطره فيها كبيره جدا
انا : ايه الفكره دى
دياب : نعمل زى ما حصل فى باكستان من اكتر من 40 سنه ورجالتنا فى الصين وهولندا والامارات هيساعدونا والمصانع فى اليابان ولندن جاهزه
انا : مش عارف اقولك ايه يا دياب ..... من ناحيه شايف ان خطتك مناسبه ومن ناحيه تانيه شايف ان عمى عنده حق وبكده احنا بنجازف وممكن نتكشف
دياب : يا سليم احنا من يوم ما اشتغلنا الشغلانه دى ومعرضين ننكشف فى لحظه .... لولا ان احنا بنغامر كان زمانا خسرنا كتير وماتحركناش ولا خطوه
انا : خلاص سيبنى اتكلم مع عمى واحاول معاه مره تانيه يمكن يقتنع
دياب : تمام كده
كريم : وبالنسبه لأحمد صقر هنتعامل معاه ازاى فى الفتره اللى جايه
انا : عادى جدا لو احتاجنا منه حاجه هنكلمه ..... وخليكم فاكرين كويس ان انا مش بشك فى احمد صقر بسبب اللى حصل ..... انا بشك فى كل الناس يعنى يا دياب اتعامل مع احمد طبيعى جدا ولو سألك عملنا ايه فى الورق قوله ان احنا دورنا وملقناش اى حاجه توصلنا لاستر او حتى بنتها
دياب : تمام يا سليم
انا : بلا بينا نمشى
دياب : اسبقونى انتوا وانا هخلص حاجه وبعد كده احصلكم
انا : مش وقته يا دياب ..... خلينا فى اللى احنا فيه وبعدين اعمل اللى فى دماغك
دياب : وانت عرفت اللى فى دماغى من فين يا سليم
انا : سيب سعد دلوقتى .... لما يفوق ابقى شوفه لكن دلوقتى هو تعبان
دياب : انا كده اتاكدت انك مخاوى عفاريت بتعرفك كل حاجه
انا : الحكايه مش محتاجه عفاريت علشان افهمك يا دياب
دياب : ماشى يا سليم يلا بينا

• من ناحيه تانيه جون قاعد فى مكتبه مع سيرينا وديفيد

جون : عملت ايه فى اسبانيا يا ديفيد
ديفيد : مفيش جديد ..... الرجاله هناك نفسهم مش عارفين حاجه
جون : ازاى يعنى
ديفيد : التعليمات اللى عندهم من الجراح انهم يفتشوا اسبانيا كلها ويرصدوا اى حركه غريبه بتحصل
جون : انت متاكد من الناس دى
ديفيد : الرجاله دى انا قدرت ازرعها الفتره اللى فاتت وسط رجالة الجراح من بعد اللى حصل معانا الفتره اللى فاتت
جون : معنى كده ان فى حاجه حصلت فى اسبانيا والجراح مكتم عليها حتى رجالته مش عارفين ايه فى
ديفيد : بالظبط كده
جون : واضح ان ده شغل الجراح الصغير ..... سليم الصغير عكس عمه تماما مش بيثق فى اى حد حتى رجالته
سيرينا : واضح
جون : على العموم لسه اللعبه فى اولها والشاطر اللى يعرف يلعب للاخر
سيرينا : هنتحرك ازاى دلوقتى
جون : انتوا مش ملاحظين ان عيله صقر ساكتين من بعد موت سعد ومعملوش اى رد فعل
سيرينا : ده شئ متوقع اكيد خايفين من دياب
جون : طب ايه رائيكم نقلب دياب على العيله من تانى
ديفيد : ونعمل كده ازاى
جون : محاولة قتل فاشله لدياب
ديفيد : طب ما ممكن دياب يشك فينا احنا مش فى عيلة صقر
جون : علشان كده لازم يتقبض على اللى هيعمل كده
سيرينا : وطبعا لما يتقبض عليه هيعترف ان اللى حرضه واحد من عيلة صقر
ديفيد : ساعتها دياب هيقلب عليهم من تانى
جون : بالظبط كده
سيرينا : خلاص انا هرتب للموضوع ده واحط خطه مناسبه
جون : تمام كده ..... وبالنسبه للى بيحصل فى اسبانيا تابع يا ديفيد مع رجالتك هناك واى جديد يحصل بلغنى بيه فورا
ديفيد : حاضر
سيرينا : فى حاجه تانيه عاوزه ابلغها لحضرتك
جون : خير
سيرينا : الدكتور النفسى اللى بيتابع حالة جاسمين فى لندن كلمنى النهارده
جون : اوعى يكون جاسمين حصلها حاجه
سيرينا : لا بالعكس ده طمنى عليها وقال انها ابتدت تتقبل الصدمه بس هى طالبه تقابل حضرتك ضرورى
جون : بس انا مش هعرف اسافر لندن دلوقتى
سيرينا : حضرتك عارف كويس ان جاسمين متعلقه بيك وحضرتك الوحيد من بعد استر اللى هتقدر تخرج جاسمين من حالة الاكتئاب اللى هى فيها
جون : انا عارف الكلام ده كويس بس الظروف اللى احنا فيها تمنعنى من السفر
سيرينا : مش لازم حضرتك تسافر ممكن نجيبلك جاسمين لحد هنا
جون : لا طبعا خطر جدا ..... رجالة الجراح ممكن يعرفوها وساعتها مش هنضمن الظروف
سيرينا : انا ممكن اجهزلها رحله بعيد عن عيون الجراح وهخرجها من لندن فى طياره خاصه وهعرف ادخلها المطار من غير ما اى مخلوق يشوفها
جون : طب جهزى خطه واعرضيها عليا قبل التنفيذ وساعتها اقرر
سيرينا : حاضر
جون : هما رجالة الجراح لسه قالبين الدنيا على جاسمين فى لندن
سيرينا : لا تقريبا هما شاكين ان جاسمين خرجت من لندن علشان كده الدنيا هاديه هناك
جون : كده تمام ..... روحوا شوفوا شغلكم وسيبونى لوحدى

• من ناحيه تانيه فى المول عند محمد واولاده عمر وعبدالرحمن قاعدين مع بعض فى مطعم بعد ما اشتروا كل اللى محتاجينه

محمد : مبسوطين يا حبايبى ..... اهو جيبتلكم كل اللى انتوا محتاجينه
عمر : **** يخليك لينا يا اجمل اب فى الدنيا
محمد : ويخليكم ليا يارب ومايحرمنى منكم ابدا
عبدالرحمن : بس ايه الرضا ده كله ..... مش متعودين على الدلع ده
محمد : انا عارف يا ولاد انى بشد عليكم بس علشان عاوزكم تطلعوا رجاله ..... انتوا يا ولاد اللى هتحافظوا على امكم واختكم من بعدى
عمر : بعد الشر عليك يا بابا **** يخليك لينا ومايحرمنا منك ابدا
محمد : يا حبيبى العمر طال ولا قصر لازم هيخلص وانا عاوز لما اموت اكون متطمن عليكم من بعدى
عبدالرحمن : اتطمن علينا يا بابا ..... احنا رجالة محمد صقر مش بس اولاده
محمد : طول عمرى يا اولاد بعتبركم ضهرى وسندى فى الدنيا ..... محمد صقر من غيركم ولا حاجه
عمر : لا يا بابا احنا اللى من غير محمد صقر ولا حاجه ..... انت الاب والاخ والصاحب ..... انت كل حاجه بالنسبالنا ..... عمرنا فى حياتنا ماخوفنا منك بالعكس طول عمرك قريب مننا .... الناس من بره هتشوف انك بتحب فاتن اختنا اكتر مننا لكن احنا عمرنا ما شوفنا ده
محمد : بالنسبه لفاتن انا عارف انى بحبها وعارف الناس بتقول ايه بس اللى الناس مش عارفاه او مش واخده بالها منه ان فاتن هى اول فرحتى فى الدنيا ..... فاتن هى بنتى الوحيده ..... فاتن ملهاش اخت بنت ..... على عكسكم انتوا الاتنين اخوات تؤام وقريبين من بعض ..... فاتن هى قلبى وانتوا ضهرى فى الدنيا ..... الانسان مننا من غير قلب يموت ومن غير ضهر يوقع وكل الناس تدوس عليه
عبدالرحمن : يا بابا احنا عارفين كلام حضرتك كويس ولو حتى حبيت فاتن اكتر مننا احنا مش زعلانين بالعكس ده شئ يبسطنا لان احنا كمان بنحب فاتن ونفديها بعمرنا لو حكمت ..... فاتن زى ما هى قلب حضرتك هى كمان قلبنا ..... مش عيال محمد صقر على اخر الزمن اللى يكرهوا بعض او يغيروا من بعض ..... احنا اتربينا ان احنا نكون ايد واحده ومفيش حاجه تفرقنا
محمد : انا مبسوط اووووى بيكم يا اولاد وفرحان بحكم لبعض
عمر : واحنا بنحبك اووووى يا بابا
محمد : فى حاجه انا هعملها النهارده وعاوز اخد رائيكم فيها علشان اتطمن عليكم من بعدى
عمر : خير يا بابا
محمد : انا قررت اكتبلكم كل حاجه املكها من دلوقتى علشان ماتتخانقوش على الورث من بعدى
عمر وعبدالرحمن : بعد الشر عليك يا بابا
محمد : ده قرارى يا اولاد والعقود جاهزه وبكره الصبح هتتسجل فى الشهر العقارى والمحامى بيخلص كل حاجه
عمر : طالما حضرتك واخد القرار ومصمم عليه بتقولنا ليه
محمد : علشان فى حاجه عاوز اخد رائيكم فيها واتمنى ان انتوا توافقونى عليها
عمر : واحنا سامعينك يا بابا وتاكد ان احنا هنوافق على اى حاجه انت تختارها
محمد : انا عارف ان الشرع بيقول ان الواحد فيكم يورث قد فاتن اختكم مرتين بس انا كنت عاوز فاتن تورث زيكم علشان كده بستأذنكم قبل ما اعمل اى حاجه
عمر : وكلام محمد صقر فى حد ذاته شرع واحنا موافقين عليه
محمد : وانت يا عبدالرحمن رائيك ايه
عمر : تغور فى داهيه الفلوس اللى تخسرنا بعض ..... اعمل يا بابا اللى يريحك واتاكد تماما ان احنا دايما فى ضهرك ..... رجالتك وسندك زى ما بتقول
محمد : النهارده انا اسعد انسان فى الدنيا ..... مبسوط انى عرفت اربيكم احسن تربيه وقدرت اخليكم تحبوا بعض وتخافوا على بعض ..... بس ليا طلب اخير عندكم
عمر : طلباتك كترت يا محمد يا صقر
محمد : ماشى يا جزمه اعتبروه اخر طلب
عمر : اوامرك يا سيدى اتفضل
محمد : انا شايف انكم مطنشين مذاكرتكم ودورسكم ..... عاوزكم يا اولاد تهتموا بدروسكم ومستقبلكم
عمر : اهو جينا للكلام البايخ
محمد : بقى المذاكره كلام بايخ
عمر : يا بابا يا حبيبى احنا عاوزين نشتغل معاك ونتعلم منك ..... احنا مش غاويبن طب ولا هندسه ولا الكلام ده
محمد : ما انتوا بتشتغلوا معايا فى الاجازه بتاعتكم ..... حتى فى ايام الدراسه لما بحتاجكم فى شغل بقولكم
عبدالرحمن : عمر قصده ان احنا عاوزين نشتغل معاك على طول
عمر : انا قصدى يا بابا ان احنا نشتغل ونكمل دراستنا ..... ندخل كلية تجاره منها نتعلم ومنها نساعدك
محمد : خلاص يبقى تهتموا بدروسكم السنه دى وتخلصوا ثانويه عامه وبعد كده تيجوا عندى تشتغلوا بس زى ما قولتلكم تنجحوا السنه دى اهم حاجه عندى وتجيبوا مجموع كبير
عمر : واحنا موافقين على عرض حضرتك واعتبرنا هنجيب مجموع اكبر من 95%
محمد : عارفين وقتها انا هعمل ايه
عبدالرحمن : خير يا بابا
محمد : وقتها هشترى لكل واحد فيكم عربيه هديه وانتوا اللى هتختاروا العربيه اللى انتوا عاوزينها وهخليكم تشتغلوا معايا على طول
عمر : ايه كل ده ..... عربيه جديده لكل واحد فينا
محمد : ايوه يا سيدى علشان تبطلوا تسرقوا عربيتى انا وامكم تانى
عمر : ايه ده هو حضرتك عرفت
محمد : عيب عليكم ده انا محمد صقر برضه ..... انا عارف انكم عاملين نسخه من مفتاح عربيتى انا وامكم بس ساكت ومطنش بمزاجى
عمر : واضح كده ان احنا اتفضحنا
محمد : طب يلا يا جزمه انت وهو نرجع البيت انا تعبت من اللف معاكم وعاوز ارتاح

• من ناحيه تانيه عند سليم صقر فى الجامعه خلص المحاضره ونزل مع فاتن وسلمى وقعدوا فى الكافتريا

تونه : دراستكم ممتعه برضه
سليم : لا ده بس علشان انتى حضرتى محاضرة الدكتور ابراهيم
تونه : هو بصراحه دكتور دمه خفيف جدا وشكله كده يعرفك كويس وكل شويه يهزر معاك فى المحاضره ويرخم عليك
سليم : ابراهيم يبقى صاحب دياب من ايام الجامعه وكانوا دفعه واحده
تونه : عينى عليك يابن عمتى تخلص من دياب بره تدخل الجامعه تلاقى صاحبه دكتور عندك
سلمى : ههههههههه
تونه : بتضحكى ليه يا سلمى
سلمى : لأن سليم قال نفس الكلمه لإبراهيم لما شافه فى اول محاضره
تونه : لا من حقك تضحكى
سليم : المشكله اللى بواجهها مع دياب انه على طول خايف عليا ومن كتر خوفه زارع الحراسه بتاعته فى كل مكان حواليا علشان يحمينى وانا بتخنق من الحراسه
تونه : فين الحراسه دى ..... احنا من ساعة ما خرجنا الصبح واحنا لوحدنا
سليم : تصدقى انك ساذجه يا فاتن ..... رجالة دياب مش بيتشافوا
تونه : انت عاوز تقنعنى ان هنا فى حراسه
سليم : الكافتريا لوحدها فيها 3 رجاله ده غير اللى شغالين فى امن الجامعه ده غير العربيات اللى راصده كل حركه ليا
تونه : انت بتتكلم جد ولا بتهزر
سليم : لا طبعا بتكلم بجد
تونه : وليه كل ده
سليم : لان الناس عارفه ان انا نقطة ضعف دياب الوحيده
تونه : عندك حق ..... دياب طول عمره بيحبك يمكن بيحبك اكتر من اولاده
سليم : وانا كمان بحب دياب يمكن اكتر من نفسى
تونه : **** يخليكم لبعض
سليم : بقولك ايه انا معايا محاضره كمان ساعه بس مش مهمه وكنت ناوى اطنشها من الصبح ايه رائيك اخدك نتفسح ونتغدى وبعد كده ندخل سينما
تونه : وانا موافقه بس بشرط
سليم : انتى كمان هتتشرطى
تونه : ده اذا كان عاجبك
سليم : قولى شروطك يا ستى
تونه : سلمى تيجى معانا
سليم : انا عن نفسى موافق .... ايه رائيك يا سلمى
سلمى : لا انا مليش نفس للخروج اصلا ..... يادوب ارجع البيت
تونه : علشان خاطرى يا سلمى تعالى معانا
سلمى : و**** مليش نفس خالص للخروج
سليم : طب ايه رائيك اقول لحازم ويجى معانا وبالمره تقعدوا مع بعض
تونه : مين حازم ده
سليم : ده ابن عمها ومعانا هنا فى الكليه ..... ايه رائيك يا سلمى
سلمى : مش عارفه يا سليم
سليم : يابنتى ادى فرصه للواد وبعد كده قررى
سلمى : اديله فرصه ازاى يعنى ..... هو نطق ولا جاب سيره اصلا وانا مش عارفه وجهة نظرك دى صح ولا غلط
سليم : لا ياستى وجهة نظرى صح وهو قالى امبارح انه بيحبك بس مش لاقى طريقه يقولك بيها لانه خايف يخسرك
سلمى : يعنى هو قالك كده
سليم : يعنى انا هضحك عليكى
سلمى : لا مش فكرة تضحك عليا بس انا مستغربه
سليم : خلاص ايه رائيك اكلمه ونخرج مع بعض يمكن ينطق
سلمى : خلاص كلمه
سليم : طب قبل ما اكلمه تحبوا نروح فين
تونه : انا عاوزه ازور الاهرامات وابو الهول
سليم : وانتى يا سلمى
سلمى : اوك مفيش مشكله
سليم : تمام كده ..... هكلم حازم واشوفه

• طلع سليم تليفونه واتصل بحازم

سليم : ايوه يا حازم ..... فينك .... طب كويس تعالى الكافتريا علشان عاوزك .... يلا بسرعه

• قفل سليم مع حازم

سلمى : قالك ايه
سليم : قال انه فى كافتريا صيدله مع جماعه اصحابه وجاى دلوقتى
سلمى : طب تمام

• بعد عشر دقايق وصل حازم

حازم : ازيك يا سليم ..... خير فى حاجه
سليم : طب اقعد الاول
حازم : ماشى يا سيدى قعدت اهو
سليم : اعرفك الاول دى فاتن بنت خالى
حازم : اهلا وسهلا بيكى يا فاتن
تونه : اهلا بيك
سليم : انا كنت هاخد فاتن افسحها لانها عاوزه تروح الاهرامات وكانت عاوزه سلمى تيجى معانا بس انا قولت اقولك انت كمان تيجى معانا ونقضى كلنا اليوم مع بعض ..... ايه رائيك
حازم : لو سلمى موافقه انا تمام اعتبرنى معاكم
سليم : خلاص تمام كده ..... يلا بينا نتحرك
حازم : يلا بينا

• اتحرك سليم مع الجماعه
• نرجع عندى انا رجعت مع دياب وكريم للفيلا وعمى كان قاعد فى الجنينه بيقرأ فى كتاب
عمى : انتوا التلاته مع بعض شكلها كده فى مصيبه
دياب : نعمل ايه فى حركات ابن اخوك اللى مش بتخلص
عمى : عملت ايه تانى يا سليم
دياب : سعد صقر
عمى : ماله سعد مش خلاص مات وخلصنا من حكايته
دياب : سعد لسه عايش
عمى : انت بتقول ايه يا دياب
دياب : زى ما بقول لحضرتك سعد لسه عايش

• وحكى دياب تفاصيل كل اللى حصل

عمى : انا خلاص تعبت وجبت اخرى منك يا سليم
انا : ليه كده يا عمى
عمى : احنا مش هنخلص من اللعب بتاعك
انا : بس ايه رائيك فى اللعب معايا بذمتك مش فيه متعه وتشويق واثاره
عمى : بصراحه عندك حق
انا : بس لو جينا للحق موضوع سعد ده جيه بالصدفه لصالحنا وانا ماكنتش مرتبله
عمى : ماشى يا سليم .... بس ابوس ايدك بعد كده ابقى قولنا على اللى انت بتعمله بلاش تخلينا نتفاجئ زى جون ده احنا فى مركب واحده يا اخى
انا : حاضر يا عمى .... بس قولنا نتصرف ازاى فى موضوع سعد .... دياب بيقول خلينا مكتمين على الموضوع لحد مانعرف نستغله وكمان نشوف جون هيتصرف ازاى فى الفتره اللى جايه بعد ما اتاكد من موت سعد
عمى : وانا كمان شايف ان هو ده الصح
انا : تمام كده
عمى : فى حاجه تانى معاكم
انا : فى اهم حاجه فى موضوعنا كله والخطه اللى شغالين عليها بقالنا سنين كتير واللى انت بدأتها يا عمى من اكتر من 15 سنه
عمى : خير فى حاجه حصلت
انا : كلها شهر بالكتير ونبدأ فى المرحله الاخيره ولحد دلوقتى احنا معندناش اى تصور للى ممكن نعمله علشان نقدر نبدا فى المرحله الاخيره ..... ومن غير المرحله الاخيره هيبقى شغل السنين اللى فاتت راح على الفاضى
عمى : فاهمك يا سليم
انا : انا شايف ان كلام دياب منطقى ونعمل زى ما حصل فى باكستان زمان وساعتها محدش هيحس بينا
عمى : ماهو بسبب اللى حصل فى باكستان بقيت حركه مكشوفه والجماعه مفتحين عنيهم كويس وخصوصا علينا وعلى رجالتنا ولو عملنا كده هنتكشف قبل ما نعمل اى حاجه ويبقى برضه كل شغل السنين اللى فاتت راح على الفاضى
انا : ماتخافش يا عمى لا احنا ولا رجالتنا هنظهر فى الصوره واللى هينفذ الحكايه دى ناس تانيه خالص محدش يعرفها غيرنا احنا طبعا
عمى : وتضمن من فين ان الناس دى ما يكشفوناش زى ما بتقول
انا : لان محدش فيهم هيعرف اى حاجه وكل واحد هيبقى شغال فى بلد غير التانى والشغل هيتقسم على ناس كتير ساعتها هيبقى مستحيل رصدهم والموضوع نفسه هيتم على مراحل يعنى احنا بنتكلم فى سنه او اكتر كمان
عمى : خلاص يا سليم نناقش الكلام ده فى الاجتماع اللى جاى وناخد القرار
انا : تمام يا عمى

• من ناحيه تانيه محمد صقر رجع الفيلا مع اولاده .... كانت هدير وفاتن وامانى قاعدين مع بعض ومعاهم احمد

احمد : ايه التاخير ده كله يا محمد
محمد : اعمل ايه بقى البشوات طلعوا عينى
احمد : طب اتغديتوا ولا لسه
محمد : لا احنا اتغدينا بره
هدير : بس فاتن اتاخرت ولا انا متهيالى
محمد : لا هى كلمتنى من شويه وقالتلى هتروح الاهرامات مع سليم وبعد كده هيدخلوا سينما
هدير : طب كويس خليها تفك عن نفسها لانها كانت مضغوطه فى المذاكره الفتره اللى فاتت
محمد : علشان كده انا وافقت انها تسافر معانا ..... المهم انتى عملتى ايه النهارده
هدير : روحت عند لمياء الجراح قعدت معاها شويه ورجعت وعلى فكره سالتنى عليك انت والاولاد وقالتلى اعزمكم على الغداء فى اى يوم انت تختاره
محمد : شويه كده وهبقى اروح ازورهم واسلم على يوسف وهبقى اشوف موضوع العزومه
هدير : طب تمام
محمد : مالك يا احمد سرحان كده ليه
احمد : مش عارف يا محمد قلبى اتقبض كده مره واحده وحاسس ان فى حاجه وحشه هتحصل
محمد : يا عم تف من بوقك مفيش حاجه وحشه
احمد : اتمنى

• من ناحيه تانيه فى الهرم سليم مع الجماعه بيتفسحوا وبيضحكوا مع بعض

تونه : شكلك مبسوط يا سليم
سليم : بقالى كتير ماحسيتش الاحساس اللى انا حاسس بيه دلوقتى
سلمى : من يوم ما شوفتك وانت جد شويه عمرى ما كنت اتخيل انك بتضحك وتلعب زى الناس الطبيعيه
سليم : انا نسيت معنى اللعب من زمان .... نسيت معنى اللعب فى اليوم اللى كنت فاكر فيه انى هتحرم من دياب ..... دياب رجع بس اللعب مرجعش
سلمى : المهم انك مبسوط
سليم : ايه رائيكم ندخل الهرم الاكبر من جوه
تونه : لسه كنت هقولك
سليم : طب يلا بينا

• اتمشى سليم مع الجماعه لحد ما وصلوا لبداية الممر اللى بيدخل جوه الهرم بص سليم فوق عند باب الهرم واتصدم لما شاف البنت اللى بتظهرله فى الحلم واقفه عند المدخل وباصه على سليم وبتشاورله وفجأه دخلت جوه الهرم

سليم : مش معقول .... ياترى بجد المره دى ولا خيال زى المره اللى فاتت
سلمى : فى ايه يا سليم

• سليم ماردش على سلمى زى ما يكون مش سامعها اصلا وطلع يجرى بسرعه فى اتجاه البنت والجماعه بيجروا وراه .... سليم عامل زى المجذوب مش حاسس بأى حاجه ولا فاهم حاجه ..... كان بيجرى بأقصى سرعه لدرجة ان الناس استغربت وفاتن واللى معاها بيجروا وراه بس مش قادرين يحصلوه ..... دخل سليم جوه الهرم وشاف البنت تانى بس كانت بتتمشى وكل شويه تبص عليه هدى سليم من خطوته وبقى يمشى وراها تدخل من ممر وتطلع من ممر تانى وسليم ماشى وراها لحد ما دخلت غرفه ودخل وراها فجأه حس بخلل فى التوازن بتاعه وحس بخبطه على دماغه ووقع على الارض بس وهو بيوقع عينه جات فى عين البنت وشافها باصه عليه وعنيها بتدمع وغاب عن الدنيا
• ياترى ايه اللى هيحصل بعد كده .... ده اللى هنعرفه الجزء اللى جاى

الفصل الخامس ​

• من 4000 سنه .... فى قصر الفرعون .... الاميره مانيسا قاعده فى مكتبة القصر مع الحكيم سنموت

مانيسا : انا عرفت مكان البرديات والكتب اللى اتسرقت
سنموت : فى مخبأ سرى فى المعبد
مانيسا : عرفت ازاى
سنموت : وجليله قالتلك ايه تانى
مانيسا : انت تعرف جليله ازاى
سنموت : انا اللى حضرت جليله من زمان علشان تحرسك
مانيسا : من امتى الكلام ده
سنموت : من يوم ولادتك .... شفت رؤيه بتقول انك هتكونى فى خطر علشان كده استعنت بالجن والارواح علشان يحموكى
مانيسا : طب هنعمل ايه مع الكهنه
سنموت : للأسف الكهنه قدروا يحصنوا نفسهم ويحصنوا المعبد ومش هقدر لا انا ولا اتباعى دخول المعبد .... الامل الوحيد دلوقتى فى العلماء اللى كلفناهم باعادة كتابة البرديات والكتب
مانيسا : بس اللى اتسرق كان كتير وصعب تعويضه .... وتضمن من فين ان العلماء اللى هيشتغلوا مايكونش ولائهم للكهنه والمعبد ووقتها ممكن يكتبوا اللى على مزاج الكهنه
سنموت : ماتخافيش يا مانيسا هناخد كل الاحتياطات والتدابير اللازمه
مانيسا : انا بكره الكهنه والمعبد وامون
سنموت : اياكى حد يسمعك بتقولى الكلام ده تانى وقتها الدنيا كلها هتتقلب عليكى
مانيسا : لازم نخلص من الكهنه فى اسرع وقت
سنموت : الصبر يا مانيسا
مانيسا : لحد امتى
سنموت لحد مايبقى الخير فى قوة الشر وقتها بس تحصل المواجهه والخير ينتصر على الشر لكن طول ما الشر اقوى يبقى المواجهه مستحيله
مانيسا : الشر كل يوم قوته بتزيد اكتر واكتر
سنموت : ( زى ما فينا اسود فينا ابيض وزى ما فى تنظيم بحجم وقوة الكهنه اكيد ليهم رد فعل .... حراس موجودين حوالينا بيحاولوا يمنعوهم انهم يسيطروا علينا .... النهارده مانعرفش للحراس اسم .... جايز يكون الزمن حور الكلمه ومحتاجين نقرأها بطريقه تانيه .... الصراع ده هيفضل موجود لحد اخر الزمن .... لو شر البشريه كسب المعركه وقدر يرجع من تانى ساعتها لازم كلنا نكون الحراس ) فيلم الكاهن
مانيسا : وفين الحراس دول
سنموت : موجودين فى مكان بيحاولوا يبنوا قوتهم علشان يقدروا يواجهوا الكهنه
مانيسا : انا عاوزه انضم للحراس
سنموت : انتى بالفعل واحده منهم بس لسه وقتك مجاش
مانيسا : انا بقيت محتاره ومش عارفه افكر
سنموت : علشان قلبك مشغول
مانيسا : قصدك ايه
سنموت : حب سينب مسيطر على قلبك وعقلك وبسبب الحب ده مش عارفه تفكرى
مانيسا : انت عرفت من فين حبى لسينب
سنموت : يا مانيسا انا اللى مربيكى على ايدى وعارفك بتفكرى ازاى
مانيسا : انصحنى
سنموت : لو عقلك قبل النصيحه ياترى قلبك كمان هيقبلها
مانيسا : مين فينا يقدر يسيطر على قلبه
سنموت : يبقى لازم تختارى بين القلب والعقل .... وخليكى فاكره ... من اراد كل شئ يخسر كل شئ
مانيسا : نفس كلام جليله
سنموت : ده كلام المنطق
مانيسا : طب انا اعمل ايه دلوقتى
سنموت : محدش يقدر يقولك تعملى ايه .... لازم انتى اللى تقررى بنفسك

• من ناحيه تانيه فى المعبد .... الكهنه قاعدين مع بعض

الكاهن الأعظم : لازم نتحرك بسرعه
الكاهن 1 : احنا قدرنا نعرف مين العلماء اللى كلفهم الملك بكتابة البرديات والكتب
الكاهن الأعظم : لازم نخلص منهم فورا
الكاهن 2 : بس كده مخاطره كبيره
الكاهن الأعظم : اى حرب فى الدنيا لازم يبقى فيها شئ من المخاطره
الكاهن 1 : نتحرك ازاى دلوقتى
الكاهن الأعظم : العلماء موجودين فين
الكاهن 2 : موجودين فى قصر من قصور الملك
الكاهن الأعظم : مين من الخدم هناك تبعنا
الكاهن 1 : جزء من حراس القصر ده غير طباخ القصر
الكاهن الأعظم : عظيم جدا ..... انا عاوز طباخ القصر عندى فى اسرع وقت ممكن
الكاهن 2 : حاضر

• بعد يومين فى المعبد الكاهن الاعظم كان قاعد ودخل عليه طباخ القصر الموجود فيه العلماء .... اول ما دخل ركع قصاد الكاهن وبعدها الكاهن امره بالجلوس على كرسى جمبه

الكاهن الأعظم : ازيك يا ابوبيس
ابوبيس : فى خير حال يا سيدى
الكاهن الأعظم : انا سمعت انك اتنقلت من قصر سنفرو عزيز مصر ورحت قصر تانى
ابوبيس : جناب سنفرو امرنى انى اروح قصر تانى علشان اخدم بعض الناس هناك
الكاهن الأعظم : وانت تعرف مين الناس دول
ابوبيس : لا معرفش
الكاهن الأعظم : دول اهل الشر اللى جايين يدمروا مصر ويخربوها
ابوبيس : ازاى وسيدى سنفرو سايبهم
الكاهن الأعظم : سنفرو طمعان فى حكم مصر وعاوز يقضى على الفرعون وعلى الأسره كلها علشان يستولى على الحكم
ابوبيس : ومين اللى قال الكلام ده
الكاهن الأعظم : سيدى الإله آمون هو اللى جالى وقالى وطلبت منه المساعده علشان نقضى على الخونه واللصوص وقتها سيدى الإله آمون طلب منى اكلفك بالمهمه دى
ابوبيس : ازاى
الكاهن الأعظم : بالدم
ابوبيس : عاوزنى اقتل
الكاهن الأعظم : انت هتقتقل خونه ولصوص عاوزين يدمروا البلد ويخربوها
ابوبيس : انا اخاف اعمل حاجه زى دى
الكاهن الأعظم : انت لو عملت كده هتحمى بلدك والفرعون والمعبد والإله آمون
ابوبيس : بس لو اتكشفت جناب سنفرو هيقتلنى
الكاهن الأعظم : احنا هنساعدك
ابوبيس : ازاى
الكاهن الأعظم : بعد ما تخلص هتيجى هنا للمعبد وساعتها هديلك دهب كتير جدا .... اكتر مما تتصور وههربك من طيبه كلها وتعيش فى أمان بعيد عن سنفرو
ابوبيس : انا محتار
الكاهن الأعظم : انت عاوز تعصى أوامر الإله آمون
ابوبيس : لا مش هعصى الأوامر بس خايف
الكاهن الأعظم : قولتلك متخافش .... خد الزجاجه دى
ابوبيس : فيها ايه
الكاهن الأعظم : سم قوى المفعول هيشتغل بعد الأكل بشوية وقت تقدر فى الوقت ده تهرب من القصر وبعد ما تهرب من القصر هتروح لمكان هينتظرك هناك بديامون قائد حرس المعبد وهو اللى هيخرجك من طيبه
ابوبيس : .....
الكاهن الأعظم : يلا ما تفكرش كتير .... بكره تكون خلصت
ابوبيس : حاضر .... حاضر

• اخد ابوبيس السم ورجع القصر وتانى يوم نفذ المطلوب منه وحط السم للعلماء فى الغداء وبعد كده قدر يخرج من القصر وجرى بسرعه للمكان اللى اتفق عليه مع الكاهن الأعظم واول ما وصل شاف بديامون ومعاه كام واحد من حرس المعبد

ابوبيس : اهلا جناب بديامون
بديامون : عملت ايه
ابوبيس : نفذت كل المطلوب ... حطيت السم فى الطعام وقدمت الطعام وهربت من القصر
بديامون : حد شافك او حس بيك
ابوبيس : إطلاقا
بديامون : عظيم جدا ..... دلوقتى تقدر تاخد المكافأه اللى وعدك بيها الكاهن الأعظم

• ظهرت الفرحه على وش ابوبيس لكن فجأه اختفت تانى لما شاف بديامون خرج سيفه ووجه ناحيته .... ضرب بديامون ابوبيس بالسيف اكتر من مره ووقع ابوبيس ميت .... بعد كده بص بديامون على الحرس اللى معاه

بديامون : انتوا عارفين هتعملوا ايه
حارس : هنتخلص من الجثه
بديامون : يلا اتحركوا

• بعد ساعات كان الخبر هز المملكه كلها والفرعون كان قاعد غضبان على الاخر

سنفرو : بهدوء يا سيدى
الفرعون : مين اللى عمل كده يا سنفرو
سنفرو : اللى سرق البرديات هو نفسه اللى عمل كده فى العلماء
الفرعون : الكهنه .... الكهنه مفيش غيرهم
سنفرو : الحل ايه دلوقتى
الفرعون : جهز الجيش يا سنفرو انا للزم اقضى على الكهنه
مانيسا : يا مولاى احنا اتفقنا قبل كده ان خيار الحرب مش بالساهل
الفرعون : يعنى هنفضل نتلقى الضربات من الكهنه لحد امتى
مانيسا : الصبر يا مولاى
الفرعون : امشوا وسيبونى لوحدى دلوقتى

• خرج الكل وسابوا الفرعون لوحده
• بالليل متأخر خرجت مانيسا بتتسحب وراحت لسينب

سينب : مالك يا مانيسا ايه اللى مضايقك
مانيسا : انت مش شايف اللى بيحصل
سينب : قصدك علشان العلماء اللى اتقتلوا
مانيسا : الكهنه طغيانهم زاد ومحدش قادر يوقفهم
سينب : ايه دليلك على ان الكهنه اللى عملوا كده
مانيسا : مفيش غيرهم اللى يعمل خصوصا بعد ماقدروا يسرقوا البرديات
سيتب : برضه ايه دليلك على ان الكهنه سرقوا البرديات
مانيسا : لأن البرديات موجوده فى مخبأ سرى فى المعبد
سينب : وانتى عرفتى ازاى
مانيسا : ده كلام الحكيم سنموت وهو متاكد بس المشكله ان محدش من اتباع الحكيم سنموت يقدر يدخل المعبد
سينب : ليه محدش يقدر
مانيسا : معرفش .... كل اللى قالى عليه انه مايقدرش يدخل المعبد لا هو ولا اتباعه
سينب : انا اقدر ادخل المعبد واجيبلك كل البرديات اللى اتسرقت
مانيسا : انت بتتكلم بجد يا سينب
سينب : طبعا يا حبيبتى
مانيسا : طب هتعمل كده ازاى
سينب : هى محتاجه تخطيط وترتيب سبينى افكر واخطط وبعد كده اقولك
مانيسا : بس انت كده بتعرض حياتك للخطر
سينب : مش مهم حياتى .... المهم عندى اسعدك
مانيسا : انا بحب يا سينب

• فجأه سمعوا صوت خبط بره الاوضه وطلع سينب يشوف فى ايه وكانت قطه

مانيسا : اوف برضه القطه
سينب : انا هقتلها القطه دى بس اشوفها
مانيسا : طب همشى انا بقى علشان ماحدش يحس بغيابى
سينب : هشوفك تانى امتى
مانيسا : سيبها للظروف

• رجعت مانيسا اوضتها ورمت نفسها على السرير وبصت على الشباك

مانيسا : ادخلى يا جليله

• فجأه نطت القطه من الشباك واتحولت فى صورة انسيه

جليله : ازيك يا مولاتى
مانيسا : ايه اللى عملتيه تحت ده ..... هتقولى ان كان فيه حراس قريبين
جليله : لا يا مولاتى
مانيسا : طب ايه اللى حصل
جليله : كلامك مع سينب كان خطر وكان لازم اقطع الكلام ده بأى شكل
مانيسا : ليه بتقولى كده
جليله : وانتى تضمنى من فين ان سينب مايكونش عين من عيون الكهنه اللى فى القصر وحتى لو مكانش عين تضمنى من فين ان العيون اللى القصر مش راصدينك انتى كمان .... يا مولاتى لازم تركزى كويس
مانيسا : حاضر يا جليله
جليله : حاولى تبعدى عن سينب وخصوصا الايام دى
مانيسا : مقدرش يا جليله
جليله : لو انتى مابعدتيش انا هبعده عنك بطريقتى
مانيسا : لا يا جليله علشان خاطرى بلاش سينب .... لو بتحبينى ابعدى عن سينب
جليله : يا مولاتى انا مكلفه بحمايتك ووجود سينب فى حياتك هيسببلك خطر كبير ولازم احميكى مته
مانيسا : لو اتعرضتى لسينب انا هنتحر وهتبقى فشلتى فى حمايتى
جليله : حاضر انا مش هتعرضله بس انتى حاولى تبعدى عنه ولو بشكل مؤقت الايام دى لحد ما نعرف اللى بيحصل
مانيسا : حاضر هحاول
جليله : نامى دلوقتى علشان الوقت اتاخر
مانيسا : حاضر

• بعد يومين فى المعبد الكهنه قاعدين مع بعض

الكاهن الأعظم : بعد ما خلصنا من العلماء وابوبيس دلوقتى تيجى الخطوه اللى بعد كده
الكاهن 1 : ايه الخطوه دى
الكاهن الأعظم : نقضى على الحكيم سنموت
الكاهن 2 : ازاى ده بس .... الحكيم سنموت متحصن بحراسه شديده من حرس الملك
الكاهن 1 : انا عندى الطريقه
الكاهن الأعظم : قول اللى عندك
الكاهن 1 : فى فارس من فرسان المعبد سريع جدا وذكى وماهر فى التنكر والتخفى .... ممكن نخليه يتخفى ويوصل لجناح سنموت ويقتله وبعد كده يهرب
الكاهن الأعظم : فكره منطقيه
الكاهن 1 : انا هرتب كل شئ وابلغك بالخطه يا مولاى قبل التنفيذ
الكاهن الأعظم : كده تمام يلا اتحركوا

• عوده للوقت الحاضر ..... وقفنا الجزء اللى فات لما اتمشى سليم مع الجماعه لحد ما وصلوا لبداية الممر اللى بيدخل جوه الهرم بص سليم فوق عند باب الهرم واتصدم لما شاف البنت اللى بتظهرله فى الحلم واقفه عند المدخل وباصه على سليم وبتشاورله وفجأه دخلت جوه الهرم

سليم : مش معقول .... ياترى بجد المره دى ولا خيال زى المره اللى فاتت
سلمى : فى ايه يا سليم

• سليم ماردش على سلمى زى ما يكون مش سامعها اصلا وطلع يجرى بسرعه فى اتجاه البنت والجماعه بيجروا وراه .... سليم عامل زى المجذوب مش حاسس بأى حاجه ولا فاهم حاجه ..... كان بيجرى بأقصى سرعه لدرجة ان الناس استغربت وفاتن واللى معاها بيجروا وراه بس مش قادرين يحصلوه ..... دخل سليم جوه الهرم وشاف البنت تانى بس كانت بتتمشى وكل شويه تبص عليه هدى سليم من خطوته وبقى يمشى وراها تدخل من ممر وتطلع من ممر تانى وسليم ماشى وراها لحد ما دخلت غرفه ودخل وراها فجأه حس بخلل فى التوازن بتاعه وحس بخبطه على دماغه ووقع على الارض بس وهو بيوقع عينه جات فى عين البنت وشافها باصه عليه وعنيها بتدمع وغاب عن الدنيا
• من ناحيه تانيه فى نفس المكان فاتن واقفه مع سلمى وحازم ومش عارفين سليم راح فين

تونه : انا خايفه على سليم .... احنا بقالنا اكتر من ربع ساعه بندور عليه ومش عارفين نوصله
سلمى : انا برن عليه تليفونه مقفول
تونه : المشكله ان المكان يعتبر فاضى ومفيش ناس كتير يعنى صعب يتوه مننا
حازم : ايه اللى حصل وخلاه يجرى ويسيبنا بالشكل ده
سلمى : ما احنا كنا معاك ومحدش فينا فاهم حاجه
تونه : انا خايفه ليكون اتخطف ولا حاجه
سلمى : اتخطف ازاى يعنى
تونه : مش عارفه بقى انا هكلم بابا واقوله يمكن يعرف يتصرف
سلمى : ماتعمليش مشكله يا فاتن وشويه كده وسليم هيظهر

• فجأه دخل عليهم راجل اتخضوا لما شافوه لأنه كان عباره عن حاجه ضخمه طول بعضلات كده حاجه ترعب

الراجل : مستر سليم فين يا دكتوره فاتن
فاتن : مين حضرتك وتعرفنى من فين
الراجل : انا المسئول عن حماية مستر سليم .... رجالتى بلغونى انهم شافوه بيجرى ودخل الهرم من شويه ومن ساعتها وهو اختفى عن الانظار حتى الموبايل اتقطع عن الشبكه ومش قادرين نرصد موقعه على ال GPS
فاتن : انا مش عارفه سليم اختفى فين ولا عارفه ايه اللى حصل احنا كنا داخلين الهرم وتقريبا شاف حاجه وراح يجرى ناحيتها واحنا حاولنا نجرى وراه لكنه اختفى

• بص الراجل على اتنين واقفين وراه

الراجل : عاوزكم تقلبوا المكان كويس لحد ما تلاقوا مستر سليم
الاتنين : حاضر يا فندم

• اتحرك الرجاله وطلع الراجل جهاز لاسلكى

الراجل : ايوه يا مارك لقيت حاجه
مارك : لا مش قادر ادخل على موبايل مستر سليم ولا عارف احدد موقعه
الراجل : كل الرجاله تنتشر وعاوزهم يفتحوا عنيهم كويس مش عاوز اى حد يخرج من الهرم غير لما يتحققوا من شخصيته
مارك : بس المكان كبير وصعب السيطره عليه
الراجل : انا طلبت قوة دعم .... احنا هنحاول نسيطر على الموقف لحد ما الدعم يوصل
مارك : انا قدرت اخترق الكاميرات الموجوده فى المكان واخترقت كل الموبايلات اللى شغاله حوالينا
الراجل : طب فتح عينك يا مارك
مارك : انا شايف ان احنا لازم نبلغ مستر كريم او مستر دياب
الراجل : انا بلغت مستر كريم وهو هيتصرف
مارك : انا شايف ان الحركه طبيعيه جدا حوالينا ومفيش اى خطر
الراجل : طالما مش قادرين نوصل لمستر سليم الخطر هيبقى موجود

• من ناحيه تانيه فى فيلا احمد صقر الجماعه كلهم قاعدين بيرغوا مع لعض وتليفون محمد رن

محمد : ايوه يا حبيبتى فينك ..... مال صوتك كده مخضوضه ليه ..... سليم حصله ايه ..... طب انتوا فين دلوقتى ..... مسافة السكه واكون عندك .... سلام

• بعد ما قفل محمد مع فاتن

فاتن : ابنى حصله ايه يا محمد
محمد : مش عارف يا فاتن ..... كان مع فاتن وجماعه اصحابه فى الهرم فجأه سابهم وطلع يجرى دخل الهرم وبعدها اختفى وفاتن خايفه ومش عارفه تتصرف وبتقول ان فى كام واحد من جاردات دياب شافوا اللى حصل وقالبين الدنيا على سليم ومش عارفين يوصلوا لأى حاجه
احمد : ده نفس اللى حصل فى امريكا
محمد : ايه اللى حصل فى امريكا
فاتن : انا عاوزه ابنى يا محمد
محمد : انا هتحرك دلوقتى على هناك واشوف ايه فى
فاتن : انا جايه معاك
محمد : لا يا فاتن خليكى ولما هوصل لحاجه هكلمك
احمد : خليكى هنا يا فاتن وانا رايح مع محمد

• اتحرك احمد ومحمد للهرم
• بعد مرور اكتر من نص ساعه بدون فايده وصل الدعم وكان معاهم دياب وكريم والمكان كله اتقلب وامن المكان دخلوا الهرم وراء دياب ..... دياب وصل للجماعه

فاتن : الحقنا يا دياب ..... سليم اختفى وانا خايفه عليه
دياب : اهدى يا فاتن وانا هتصرف ..... ايه اللى حصل يا توماس

• حكى توماس كل اللى حصل

دياب : وانت كنت فين انت ورجالتك لما سليم تاه منكم بالطريقه دى
توماس : الموضوع كله حصل فى ثوانى يا فندم وملحقناش نتصرف
• انفعل دياب ومسك توماس من رقبته

دياب : انطق وقولى سليم راح فين ..... مين اللى دفعلك علشان تعمل كده
الراجل بيتكلم بصعوبه وبيتخنق : صدقنى يا فندم مفيش حاجه من اللى حضرتك بتقولها حصلت
كريم : اهدى يا دياب وسليم هيظهر دلوقتى ..... الرجاله محاصره المكان ده غير الرجاله اللى دخلوا الهرم يفتشوه

• طلع دياب مسدسه وحطه فى دماغ توماس وفاتن واللى معاها واقفين مخضوضين

دياب : عارف لو سليم حصله حاجه انا هقتلك بأيدى
توماس : اقسملك يا فندم انا معرفش ايه اللى حصل
كريم : اهدى يا دياب علشان نعرف نفكر وسيب الراجل

• ساب دياب توماس

دياب : اتصل بسليم الجراح واعرفلى طريق الجماعه فين ..... انا هروح اولع فيهم كلهم
كريم : اهدى يا دياب انت مش عارف تفكر ولا عارف انت بتقول ايه
دياب : سليم لو اتخدش انا هحرق البلد كلها واهدها على دماغ اللى فيها

• فجأه دخل عليهم احمد صقر ومعاه محمد صقر وفاتن لما شافته من خوفها جريت عليه ودخلت فى حضنه وعيطت

محمد : اهدى يا حبيبتى ومتخافيش
فاتن : انا خايفه على سليم
محمد : متخافيش يا حبيبتى هنوصله دلوقتى
احمد : ايه اللى بيحصل يا دياب
دياب : مش عارف يا احمد

• فجأه صوت مارك ظهر من اللاسلكى اللى مع كريم

مارك : مستر كريم
كريم : ايوه يا مارك
مارك : انا قدرت القط اشاره من تليفون سليم هو قريب جدا من حضرتك جوه الهرم

• كل اللى واقفين انتبهوا للكلام

كريم : ابعتلى الاحداثيات وانا هتحرك
مارك : انا بعتها لحضرتك

• رن تليفون كريم برساله فتحها كان فيها الاحداثيات .... اتحرك كريم ووراه الجماعه .... دخلوا ممر ومشيوا فيه لحد ما وصلوا لغرفه ودخلوها شافوا سليم واقع فى الارض مغمى عليه ومفيش اى حد فى الغرفه ..... جرى عليه دياب وحاول يفوقه
جارد : ازاى ده حصل احنا دخلنا الغرفه دى اكتر من مره ومكانش فيها حد
دياب : سليم .... فوق يا سليم
• فاق سليم وهو بينطق اسم واحده

سليم : الين .... الين .... الين
دياب : الين مين **** يخرب بيتك
سليم : دياب !!! ايه اللى جابك هنا
دياب : نشفت دمى منك لله
سليم : ايه اللى حصل وايه اللى جابكم هنا .... انا اخر حاجه فاكرها انى شوفت الين عند مدخل الهرم جريت وراها علشان احصلها لحد ما وصلت الغرفه دى فجأه توازنى اختل ودوخت وماحسيتش بالدنيا شوفت حاجات كتير بس مش فاكر اى حاجه منها لحد ما جيت انت وصحيتنى
دياب : مين الين دى اللى بسببها قلبت الدنيا كده وخليتنى هقتل رجالتى
سليم : الحلم يا دياب
دياب : وبعدين بقى فى الحلم اللى مش هيخلص ده ..... انت من بكره هتروح لدكتور نفسى
سليم : قولتلك يا دياب انا مش مجنون
احمد : طب يلا بينا نخرج من هنا دلوقتى وبعدين نشوف الموضوع ده
سليم : يلا بينا
دياب : يا كريم
كريم : ايوه يا فندم
دياب : جمع الحرس وامن الطريق قبل ما نخرج
كريم : حاضر يا فندم

• خرج الجماعه من الهرم
دياب : يا كريم
كريم : اوامرك يا فندم
دياب : خلى عربيه توصل زمايل سليم فى المكان اللى يحبوه
حازم : مفيش داعى يا فندم احنا هنتصرف ونمشى من هنا لسه الوقت بدرى
دياب : لا مايصحش .... فى عربيه هتوصلكم لمكان ما انتوا عاوزين
حازم : شكرا لحضرتك
دياب : وانت يا سليم ادى مفاتيح عربيتك لكريم هيجيبها وتعالى اركب عربيتى
سليم : لا يا دياب انا هركب عربيتى عاوز ابقى مع نفسى شويه
دياب : بقولك اسمع الكلام
سليم : ارجوك يا دياب سيبنى براحتى دلوقتى انا مش قادر اتكلم .... لما احس انى تمام هجيلك واتكلم معاك
دياب : حاضر يا سليم هسيبك براحتك دلوقتى

• رجع الجماعه كل واحد لببته
• سليم اول ما دخل الفيلا شاف الكل متجمع وفاتن جريت عليه اخدته فى حضنها

فاتن : مالك يا حبيبى فيك ايه طمنى عليك
سليم : انا كويس يا ماما متخافيش عليا
فاتن : كويس ازاى يا سليم انت مش شايف اللى بيحصل
سليم : بعد اذنك يا ماما انا تعبان ومش قادر اتكلم هطلع اوضتى ومش عاوز اى حد يدخل عليا
فاتن : مش هتاكل حاجه يا حبيبى
سليم : مليش نفس دلوقتى

• سابهم سليم وطلع اوضته رمى نفسه على السرير بيفتكر اللى حصل
• فلاش باك للى حصل بعد ما سليم اغمى عليه فى الهرم .... فجأه شاف نفسه ماشى فى الصحراء وظهرت قصاده البنت تانى بس المره دى مش لابسه فرعونى ولا مربوطه فى جنازير

سليم : انتى مين وحكايتك ايه بالظبط
البنت : ما انا قولتلك قبل كده
سليم : انتى قولتيلى كلام غريب انا مش فاهمه ... قولتيلى ماضى وحاضر ومستقبل وحاجات انا مش فاهمها
البنت : انا الماضى انت ماعشتهوش .... انا الحاضر اللى انت ماختارتهوش .... انا المستقبل اللى انت ماتملكهوش
سليم : برضه هترجعى تكلمينى بالالغاز ..... طب انتى اسمك ايه
البنت : الين .... اسمى الين
سليم : اسم جميل اول مره اسمعه
البنت : اسمى معناه جميلة المظهر والانيقه .... وفى ثقافات تانيه معناه اجمل نساء الارض
سليم : بصراحه اسم على مسمى
الين : انت بتعاكسنى يا سليم
سليم : لا انا بقول الحقيقه
الين : دور عليا يا سليم وحررنى .... انت الوحيد اللى هتقدر تنقذنى
سليم : ادور عليكى ازاى وفين
الين : انت اللى هتقدر تعرف طريقى
سليم : طب ساعدينى
الين : انت صاحب الامانه .... انت الحارس
• فجأه حطت ايدها على قلب سليم وحس زى ما يكون فى نار مكان ايدها .... صرخ سليم من الالم ووقع فى الارض وهى اختفت ..... فجأه فاق على دياب والجماعه حواليه
• عوده من الفلاش باك ..... سليم لسه ممدد على السرير بيفكر فى اللى حصل حس بالم فى صدره مكان لمسة الين ..... قام سليم من على السرير ودخل الحمام قلع هدومه علشان ياخد شاور فجأه بص على المرايه واتصدم لانه شاف على صدره وشم بصورة البنت وجمبها مفتاح شكله غريب ..... دخل استحمى وحاول يمسح الوشم بس بدون فايده .... بعد ما خلص سليم الشاور بتاعه لبس هدومه وخرج اترمى على السرير نام وطول ما هو نايم بيحلم بنفس الكابوس تانى لحد ما صحى تانى يوم الصبح وشاف امه نايمه جمبه على السرير ..... فاتن اول ما حست ان سليم صحى قامت قعدت على السرير

فاتن : صباح الخير يا حبيبى
سليم : صباح النور يا ماما .... ابه اللى نيمك جمبى
فاتن : دخلت بالليل اتطمن عليك لقيتك زى ما تكون بردان وبتتنفض اخدتك فى حضنى حسيت انك هديت شويه وفضلت سهرانه جمبك لحد ما روحت فى النوم
سليم : **** يخليكى ليا وما يحرمنى منك
فاتن : ايه اللى بيحصلك يا حبيبى
سليم : معلش يا ماما انا مش قادر اتكلم دلوقتى
فاتن : براحتك يا حبيبى بس انا عاوزه اتطمن عليك
سليم : اتطمنى يا ماما انا كويس وبخير
فاتن : يارب دايما يا حبيبى تبقى كويس
سليم : انا اتاخرت على الجامعه
فاتن : لو حاسس انك تعبان خد اجازه النهارده
سليم : لا انا مش تعبان ..... وبعد الجامعه هطلع على الشركه لانى هبدأ شغل
فاتن : شغل ايه دلوقتى يا سليم .... استنى شويه لحد ماتفوق من اللى بيحصل وبعد كده انزل الشركه براحتك
سليم : فى الشركه هقدر اشغل وقتى واخرج من اللى انا فيه
فاتن : براحتك يا حبيبى اعمل اللى يريحك
سليم : انا هجهز واتحرك
فاتن : وانا هجهزلك الفطار
سليم : مليش نفس يا ماما
فاتن : لازم تفطر يا سليم انت على فطار امبارح الصبح
سليم : حاضر يا ماما بس بسرعه

• نزل سليم تحت وكان كلهم متجمعين

احمد : تعالى يا سليم عاوز اتكلم معاك
سليم : ممكن ناجل الكلام لبعد ما ارجع من الجامعه
احمد : انا مش هاخد من وقتك كتير
سليم : حاضر يا بابا
احمد : تعالى معايا المكتب

• دخل سليم مع احمد للمكتب

احمد : اتكلم يا سليم انا سامعك
سليم : الحكايه باختصار ان بقالى فتره كبيره فى واحده بتظهرلى فى الحلم وعاوزانى انقذها ..... انا حاسس انى اعرفها او شوفتها قبل كده بس مش عارف شوفتها فين .... امبارح انا شوفتها فى مدخل الهرم وجريت وراها علشان اعرف هى مين لحد ما وصلت للغرفه لقيتها واقفه وانا فجأه دوخت واغمى عليا وشوفتها تانى وانا نايم وقعدت تقولى دور عليا وانقذنى ولما سالتها هى مين قالتلى كلام غريب
احمد : قالتلك ايه
سليم : قتلتلى انا الماضى انت ماعشتهوش .... انا الحاضر اللى انت ماختارتهوش .... انا المستقبل اللى انت ماتملكهوش
احمد : وبعدين
سليم : كل مره كنت بسالها على اسمها مكانتش بتقولى بس امبارح قالتلى والغريبه انى عمرى ما سمعت الاسم ده
احمد : اسمها الين
سليم : حضرتك عرفت ازاى
احمد : امبارح واحنا بنفوقك كنت بتنطق باسمها
سليم : ايوه افتكرت
احمد : كمل يا سليم
سليم : قعدت تقولى ان انا الوحيد فى الدنيا اللى هقدر احررها وانا الحارس وانا صاحب الامانه وكلام كتير انا مش فاهمه وبس كده
احمد : تمام يا سليم
سليم : فى تفسير عند حضرتك للكلام ده
احمد : فى حاجات كتير فى الدنيا دى ملهاش تفسير او بمعنى اصح لسه وقتها مجاش علشان نعرف تفسيرها
سليم : عندك حق يا بابا ..... عن اذنك انا لازم امشى لأنى اتاخرت على الجامعه
احمد : اتفضل يا حبيبى

• خرج سليم وساب احمد غرقان فى تفكيره وذكرياته بيفتكر الطريق اللى مشى فيه من سنين وبيفتكر النهايه .... هو عارف موضوع الامانه بس مش قادر يحكى لسليم على اللى حصل
• بعد ما خرج سليم من الفيلا ركب عربيته واتحرك على الجامعه .... وصل الجامعه وحضر المحاضره الاولى والتانيه بعد كده كان عنده بريك ساعه نزل الكافتريا وقعد لوحده سرحان وبيفكر ..... شارد فى الدنيا ومش فاهم ايه اللى بيحصل حاسس بسخونيه مكان الوشم ومش فاهم ده حصل ازاى ..... فجأه دخلت عليه سلمى وحازم

سلمى : مالك يا سليم قاعد كده ليه
سليم : بفكر
حازم : بتفكر فى ايه
سليم : بفكر فى الدنيا اللى مش عاوزانى ارتاح ولو لكام يوم
حازم : انت مين بالظبط يا سليم وايه حكايتك ..... وايه علاقتك باللى اسمه دياب ده اللى كان هيحرق الدنيا امبارح من خوفه عليك
سليم : مش مهم كل الكلام ده .... مش مهم انا مين ولا ايه حكايتى .... مش مهم اى حاجه دلوقتى
سلمى : امال ايه المهم يا سليم
سليم : انا عاوز اعرف انا عاقل ولا مجنون ..... عاوز اعرف انا ماشى صح ولا غلط .... انا حاسس انى بقيت تايه ..... انا عمرى ما اختارت حاجه فى حياتى .... طول عمرى حياتى مفروضه عليا .... سيبت ابويا وعيلتى زمان غصب عنى وعشت بعيد عنهم سنين ولما رجعتلهم برضه كان غصب عنى .....مفروض عليا اعيش بطريقه معينه .... لازم اخد بالى من اى حاجه حواليا ..... اى حد بيدخل حياتى بيبقى فى موضع شك ..... الخروج بحساب وكل حاجه فى حياتى بحساب
سلمى : ليه كل ده
سليم : قدرى كده .... قدرى انى ابقى محروم من كل حاجه مع انى فى نفس الوقت معايا كل حاجه .... طول عمرى عايش الحاجه وعكسها فى نفس الوقت
حازم : ازاى يعنى
سليم : حاسس بالفقر بالرغم من كل الفلوس اللى عندى .... حاسس بالخوف بالرغم من انا متاكد انه مش بسهوله حد يتعرضلى ..... حاسس بالوحده بالرغم انى عايش وسط اهلى واصحابى وكل اللى بيحبونى ..... حتى البنت اللى بحبها موجوده ومش موجوده ..... عرفت بقى يا حازم ازاى انا عايش كل حاجه وعكسها
سلمى : طب انت حاسس بايه دلوقتى
سليم : حاسس ان النهايه قربت وشامم ريحة الموت فى مكان حواليا
حازم : هو الموت ليه ريحه
سليم : طبعا يا حازم اى حاجه **** خلقها ليها ريحه وطعم كمان .... السعاده ليها ريحه والحزن كمان ليه ريحه ..... وزى ما الحياه ليها ريحه فالموت كمان ليه ريحه ..... بس ريحة الموت فى انفاسه وزى ما قال عمكم ابو هيبه '' للموت انفاس خفيفه زى النسمه مايحسهاش الا المقصود " والمره دى انا المقصود
حازم : قصدك ايه يا سليم
سليم : فى حاجه هتحصل وربنا يستر منها

• فجأه تليفون سليم رن وكان دياب

سليم : ثانيه واحده محدش يتكلم هرد على دياب

• رد سليم على دياب

سليم : ازيك يا دياب
دياب : ايه اللى خلاك تنزل الجامعه النهارده .... انت لسه تعبان يا حبيبى
سليم : متخافش عليا يا دياب انا كويس وعارف بعمل ايه
دياب : على العموم انا كنت بكلمك علشان اتطمن عليك روحت الفيلا الصبح مامتك قالتلى انك نزلت الجامعه اتصلت بيك لقيت تليفونك مقفول
سليم : اتطمن يا دياب انا كويس وبخير
دياب : يارب دايما تكون بخير يا حبيبى
سليم : امال انت لحقت تغير الحراسه انا شايف وجوه جديده النهارده
دياب : انت لحقت تكشفهم يا سليم
سليم : عيب عليك ده انا برضه سليم
دياب : ماشى يا سيدى .... انا غيرتهم بعد اللى حصل امبارح
سليم : اللى حصل امبارح مكانش ذنب الحراسه دى حاجه اكبر من امكانياتهم بكتير
دياب : ازاى يعنى
سليم : قلبى حاسس ان اللى حصل ليه علاقه بجليله بس مش قادر اربط الاحداث ببعض
دياب : على العموم نقعد بعدين ونتكلم ونشوف ايه اللى بيحصل بالظبط
سليم : ماشى يا دياب
دياب : طب سلام دلوقتى علشان معايا شغل هخلص واكلمك
سليم : انا هخلص جامعه واجيلك الشركه
دياب : تنور يا باشا فى اى وقت
سليم : طب سلام دلوقتى

• قفل سليم المكالمه وقعد شويه مع سلمى وحازم وبعد كده كمل المحاضرات بتاعته وبعد ما خلص طلع على الشركه عند دياب وقعد معاه

دياب : انا سامعك يا سليم احكى

• حكى سليم كل اللى حصل

دياب : طب انت متاكد انك شوفت البنت دى ولا متهيألك زى ما حصل قبل كده
سليم : اقسملك شوفتها طب انا هثبتلك

• وقف سليم وقلع القميص اللى كان لابسه وبيفرج دياب على الوشم

دياب : فين ده انا مش شايف حاجه

• بص سليم على الوشم وكان موجود .... قعد يشاور لدياب بس تقريبا محدش يقدر يشوف الوشم ده غير سليم

دياب : اهدى يا حبيبى وكل حاجه ليها حل
سليم : يعنى انا خلاص اتجننت
دياب : لا يا حبيبى انت مش مجنون بس جايز يكون كلامك صح وده ليه علاقه بجليله علشان كده انا مش عارف اشوف الوشم اللى انت بتقول عليه
سليم : انا خلاص حاسس ان دماغى هتنفجر ومش عارف افكر علشان كده جيتلك يمكن تعرف تساعدنى
دياب : قولى انا ممكن اساعدك ازاى
سليم : انا عاوز اروح لدكتور نفسى
دياب : لو انت شايف ان هو ده الحل انا مستعد اشوفلك احسن دكتور
سليم : انا خلاص مش شايف حاجه ولا عارف اى حاجه
دياب : قولتلك يا سليم انت مضغوط شويه ومحتاج ترتاح علشان كده عاوزك تسافر تتفسح .... خد اصحابك واطلع على شرم او الغردقه او العين السخنه ..... خدلك كام يوم بعيد عن الضغط اللى انت فيه وصدقنى ساعتها هتلاقى كل مشاكلك اتحلت
سليم : لا يا دياب انا عاوز انزل الشغل ..... عاوز اشغل وقتى علشان مايبقاش عندى وقت للتفكير ..... عاوز اشتغل كل يوم لحد ما اتعب واترمى على سريرى واروح فى النوم
دياب : انت كده بتنتحر يا سليم ...... انت ايه عاوز تموت نفسك
سليم : ياريت اموت واخلص
دياب : كده يا سليم عاوز تموت وتسيبنى طب انا اعيش لمين بعدك
سليم : انت الحاجه الوحيده اللى بسببها قادر اقاوم واعيش ..... بس انا خلاص تعبت ومش قادر ..... من صغرى وانا عايش حياه مش من اختيارى ..... بعدت عن عيلتى غصب عنى ورجعتلهم برضه غصب عنى ..... دخلت فى مشاكل مفروضه عليا .... انا ليه مش زى باقى اصحابى اللى عايشين حياتهم ببساطه كل همهم الفسح واللعب وخلاص
دياب : قدرك تكون انسان مختلف ومفيش انسان يقدر يهرب من قدره
سليم : عندك حق بس انا فعلا تعبت
دياب : اسمع كلامى سافر وابعد عن الضغط ولما ترتاح ارجع
سليم : مش هقدر دلوقتى
دياب : ليه كده
سليم : مش هقدر اسيب جدى دلوقتى وهو تعبان زى ما انت شايف .... مش هينفع اهرب واسيب الحكايه من غير ما اعرف ايه اللى بيحصل بالظبط .... انا حاسس ان فى مصيبه هتحصل ولازم اكون موجود
دياب : مصيبة ايه يا سليم
سليم : مش عارف بالظبط علشان كده لازم اكون موجود

• قعد سليم مع دياب شويه يتناقشوا بعد كده مشى ورجع الفيلا
• من ناحيه تانيه خالص فى شقه فى المقطم فى بنت اسمها دارين قاعده فى بتشرب نسكافيه وبتذاكر .... فجأه تليفونها رن اول ما شافت الرقم ابتسمت جامد وردت على طول

دارين : الين حبيبتى وحشتينى جدا
الين : انتى اكتر يا جزمه
دارين : فينك يا بنتى مختفيه بقالك فتره مش بتسالى وحاولت كتير اكلمك دايما تليفونك مقفول
الين : معلش يا حبيبتى انا عارفه انى مقصره معاكى بس كان عندى ظروف صعبه فى الفتره اللى فاتت
دارين : خير يا بنتى فى ايه
الين : لما اقابلك هبقى احكيلك
دارين : اوعى تقولى انك هتنزلى مصر
الين : لسه مش عارفه بس احتمال كبير انزل مصر .... واحتمال اقعد فتره كده فى مصر
دارين : وايه سبب القرار المفاجئ ده
الين : عادى بقى الظروف كده
دارين : ليه كل ده .... بقى حد يسيب لندن ويرجع مصر
الين : انتى ناسيه يا جزمه انى برضه من اصل شرقى .... ده غير انى مش مرتاحه فى لندن وفى حاجه جوايا رافضاها
دارين : انا عارفه انك كارهه لندن من زمان
الين : سيبك منى انا وطمنينى عليكى
دارين : مفيش جديد حياتى كلها ما بين الجامعه والبيت من ساعة ما رجعت مصر واستقريت هنا مع ماما ومش بعمل اى حاجه حتى مش عارفه اعمل اصحاب ولا عارفه اخد على الجو
الين : ليه كده يا بنتى
دارين : مش عارفه بقى بس مش قادره اتاقلم على الجو هنا
الين : ومامتك فين من كل ده
دارين : ماما اليوم كله فى شغلها ..... انا احيانا ممكن اخد بالايام مش بشوفها
الين : يخرب عقلك ده انتى ضايعه خالص ..... طب مفيش قصة حب كده ولا كده معاكى
دارين : ده انا بقولك مش عارفه اعمل اصحاب تقوليلى قصة حب
الين : ده لما كنتى عايشه معانا هنا كنتى كل شويه فى قصة حب شكل
دارين : دى كانت فترة مراهقه وراحت لحالها ..... انتى بقى لسه برضه رافضه علاقات الحب
الين : ما انتى عارفه بقى ان الموضوع ده مش فى اهتماماتى
دارين : انا عارفه دماغك المصفحه دى ..... طب خلينا فى المهم وقوليلى هتنزلى مصر امتى
الين : لسه مش عارفه بس ممكن فى الايام اللى جايه
دارين : طب اول ما تقررى بلغينى قبلها علشان استقبلك فى المطار
الين : حاضر يا حبيبتى .... طب سلام دلوقتى وهكلمك بعدين
دارين : سلام

• من ناحيه تانيه عند مستر جون وسرينا وديفيد

جون : ايه اخر الاخبار
سرينا : انا جهزت كل حاجه بخصوص محاولة قتل دياب والراجل بتاعى جاهز على التنفيذ
جون : تمام كده
سرينا : انفذ ولا ايه النظام
جون : لا اصبرى شويه كده وخلى دياب تحت عنيكم لحد ما اديلك اشاره بالتنفيذ
سرينا : تمام
جون : فى معلومه وصلتنى بتقول ان فى تحركات غريبه اليومين دول هنا فى مصر وتقريبا الدكتور سليم بيرتب لحاجه
ديفيد : الراجل بتاعى عندهم بيقول نفس الكلام وبيقول كمان ان دياب وسليم وكريم زى ما يكونوا بيرتبوا لحاجه ودايما قاعدين مع بعض سواء فى الشركه او الفيلا واحيانا يوسف العصار بيبقى حاضر الاجتماعات دى
جون : ويوسف ده اتنقل لجهاز المخابرات من كام شهر
ديفيد : ايوه واخد ترقيه استثنائيه قبل ما يتنقل
جون : يبقى المعلومه اللى وصلتنى صحيحه وفعلا فى مصيبه بتدبر
سرينا : طب هنتصرف ازاى دلوقتى
جون : لازم نعرف ايه المصيبه اللى بيرتبوها
ديفيد : وهنعرفها ازاى واحنا مش قادرين نخترقهم حتى الرجاله اللى زارعينها عندهم معندهمش الصلاحيه اللى تخليهم يعرفوا حاجه زى دى
سيرينا : فى معلومه وصلتنى بتقول ان فى شغل بين عيلة الجراح والمقاومه الفلسطينيه
جون : مصيبه لو كنتى لسه عارفه المعلومه دى ..... كده انا مشغل معايا مجموعة اغبياء ..... هو انتى فاكره احنا مجتمعين مع بعض علشان نقضى على الجراح ليه
سيرينا : علشان مهمتنا نقضى على اى كيان عربى ..... لازم العرب يبقوا دايما تحت جزمتنا علشان نقدر نسيطر
جون : يبقى انتى لسه محتاجه تتعلمى يا سرينا .... ده سليم صقر طلع يعرف اكتر منك بكتير
سيرينا : قصد حضرتك ان الموساد عارف بعلاقة الجراح بالمقاومه الفلسطينيه
جون : الجراح على علاقه بالمقاومه من اكتر من 15 سنه وبيبعتلهم مساعدات كتير مابين فلوس وادويه وغذاء واحتمال كبير يكون بيبعتلهم سلاح كمان
سيرينا : وازاى الموساد ساكت طول السنين اللى فاتت
جون : لأن للاسف اكتشفنا العلاقه دى متاخر ..... الجراح طول السنين اللى اشتغلها كان شغال فى الضل لحد ما عرفنا حقيقة شغله وساعتها دبرنا لمحاولة قتله من كام سنه وكنا فاكرين ان احنا نجحنا فيها لحد ما صدمنا بعدها بسنتين وطلع لسه عايش ومفيش حد فينا عارف هو كان بيعمل ايه فى فترة اختفاءه ولا انتوا فاكرين ان يوسف اتنقل لجهاز المخابرات صدفه كده ..... لا يا هانم الموضوع اكبر من كيان اقتصادى عربى عاوزين ندمره
سيرينا : كده وجود الجراح فيه خطر كبير جدا علينا ولازم نخلص منه
جون : مش قبل ما نعرف ايه حدود العلاقه بينه وبين المقاومه وياترى بيساعدهم بفلوس بس ولا العلاقه اعمق من كده ..... ولازم كمان نعرف مين اللى بيساعده سواء فى مصر او بره مصر
ديفيد : وهنعرف كل ده ازاى
جون : ده مش اختصاصكم .... فى ناس تانيه مهمتها تعرف كل ده ..... انتوا مهمتكم تدمير الجراح اقتصاديا ونفسيا مش اكتر من كده
سيرينا : وهنعمل كده ازاى بعد ما قدر يخبى الدهب واحنا مش عارفين نوصله وحضرتك عارف كويس ان الدهب ده هو اللى مقوى مركز الشركات ده غير علاقات الجراح بالمسئولين هنا فى مصر وامريكا كل ده مخليه فى مركز قوه
جون : انتى كده بدأتى تفكرى بطريقه مظبوطه .... لازم ندمر العلاقات دى ونعرف طريق الدهب باى طريقه ومهما كلفنا الامر
ديفيد : انا هحاول اعمل حصر بكل علاقات الجراح بالمسئولين سواء هنا فى مصر او امريكا ونشوف ممكن نتصرف ازاى فى الموضوع ده
جون : كده تمام .... يلا روحوا شوفوا هتعملوا ايه
سيرينا : حاضر يا فندم بس قبل ما امشى كنت عاوزه ابلغك بخطة تهريب جاسمين من لندن ودخولها لمصر
جون : جهزتى الخطه
سيرينا : جاهزه يا فندم ومش ناقص غير ان حضرتك توافق عليها
جون : وايه خطتك
سيرينا : رجل اعمال اماراتى فى لندن هيرجع الامارات بكره بالليل فى طيارته الخاصه وجاسمين هتركب معاه على اساس انها بنته وانا جهزت كل الاوراق اللى بتثبت كده وهتلبس نق اب اس لامى بحيث ان محدش هيقدر يتعرف عليها فى المطار ورجالتنا فى مصلحة الجوازات هيخلصولهم كل حاجه وبعد ما توصل الامارات وهى لسه فى المطار فى واحد من رجالتنا هيكون مستنيها هناك هيستلمها ويركبها طياره تانيه فيها فوج سياحى جاى مصر رحله سياحيه تبع شركه سياحيه تبعنا عامله رحله لشرم الشيخ وهتركب الطياره بجواز سفر اماراتى باسم جديد وهتكون تبع عيله طالعه الرحله واول ما توصل مطار شرم الشيخ رجالتنا هيستلموها من المطار ويجيبوها للمكان اللى حضرتك تختاره
جون : وانتى جهزتى المكان اللى هتقعد فيه
سيرينا : فى اكتر من مكان
جون : فين بالظبط
سيرينا : فى فيلا فى التجمع وفيلا فى الزمالك وفيلا فى المقطم .... وكل الفلل دى جديده انا اتاجرتها امبارح عن طريق صديق من هنا ومفيش اى مخلوق يعرف علاقته بينا .... جاسمين هتقعد فى مصر باسم جديد وبيانات جديده خالص لحد ما تخلص زيارتها وتسافر تانى
جون : جاسمين مش هينفع تسافر تانى فى الفتره اللى جايه .... هنا المكان الوحيد اللى مش هيخطر على بال اى حد من عيلة الجراح مستحيل يتوقعوا ان جاسمين موجوده فى مصر
سيرينا : افرض رفضت تقعد فى مصر وحبت ترجع
جون : انا هعرف اقنعها
سيرينا : طب ودراستها فى لندن
جون : رتبى كل حاجه بحبث انها تكمل دراسه هنا فى مصر بشكل مؤقت لحد ما نشوف الايام اللى جايه هنتصرف فيها ازاى
سيرينا : تمام يا فندم .... طب هقعدها فى اى فيلا
جون : ابعديها عن فيلا المقطم لان وارد يكون سليم صقر يعرف شكلها ولو شافها فى المقطم هيبلغ دياب وحتى لو سليم مش عارفها وارد جدا دياب يروح المقطم لسليم ويشوفها هناك ولو بالصدفه وساعتها هتتكشف
سيرينا : يبقى انسب مكان فى الزمالك بعيد عن عيلة الجراح نهائى
جون : كده تمام

• من ناحيه فى فيلا احمد صقر قاعدين كلهم مع بعض بيرغوا ودخل عليهم سليم

سليم : ايه ده كلكم متجمعين كده
فاتن : حمد **** على سلامتك يا حبيبى
سليم : **** يسلمك يا ماما
تونه : اتاخرت ليه كده يا سليم
سليم : بعد ما خلصت محاضرات روحت لدياب الشركه قعدت معاه شويه
فاتن : اتغديت يا سليم ولا اجهزلك غداء
سليم : اتغديت مع دياب يا ماما ..... طمنونى ايه اخبار جدى
فاتن : اتطمن يا حبيبى جدك كويس وكان قاعد معانا ولسه طالع اوضته من شويه علشان ينام
سليم : طب كويس هطلع انا اوضتى علشان اخد شاور واذاكر شويه قبل ما انام
احمد : طب ما تقعد معانا شويه
سليم : هذاكر شويه وبعد كده انزل نتعشى مع بعض ونقعد

• طلع سليم اوضته اخد شاور وبعد ما خرج من الحمام شاف جليله قاعده

سليم : انتى
جليله : ازيك يا سليم
سليم : ايه اللى جابك
جليله : جايه اتطمن عليك
سليم : ليه اختفيتى
جليله : كله مقدر ومكتوب
سليم : ايه اللى بيحصلى ده
جليله : قدرك كده ..... قدرك تشيل مسئولية امانه كبيره .... قدرك تشيل مسئولية الماضى وتربطه بالمسقبل
سليم : ايه الامانه اللى عاوزانى اشيلها
جليله : كله بوقته
سليم : وامتى الوقت ده
جليله : ربك وحده اللى عارف
سليم : وايه حكاية الين وياترى حقيقيه ولا بيتهيالى ولا انا اتجننت
جليله : انت مش مجنون يا سليم
سليم : يعنى اللى حصل فى الهرم كان حقيقى
جليله : ايوه يا سليم كل اللى انت شوفته كان حقيقى والوشم اللى على صدرك حقيقى بس مفيش حد هيقدر يشوفه غيرك انت وهى
سليم : طب هى مين دى
جليله : كله بوقته يا سليم
سليم : طالما كله بوقته انتى جايه ليه دلوقتى
جليله : حسيت انك تعبان ومحتاج ترتاح وكتر التفكير ممكن يوصلك للجنون او الانتحار
سليم : انا عقلى كان قرب ينفجر
جليله : اهدى يا سليم على نفسك
سليم : طب انتى تعرفى فين الين دى
جليله : معرفش مكانها ومش مسموحلى اعرف .... فى جدار بينى وبينها كل ما احاول اخترقه ابواب الجحيم بتتفتحلى
سليم : ليه كل ده
جليله : انا ممنوعه منها بسبب غلطه غلطتها زمان وبسببها اتبنى جدار بينى وبينها .... لكن بتظهرلك ليه انا مش عارفه ايه سبب ظهورها دلوقتى ولسه بدرى على ميعاد الامانه .... كل اللى انا عارفاه انها مستنياك زى ما انت كمان مستنيها
سليم : طب هى انسانه زيى ولا جنيه زيك
جليله : انسانه زيك واللى ظهرلك فى الهرم كان قرينها وهيظهرلك تانى وتالت لحد ما ربك ياذن وتشوفها فى الحقيقه بس امتى مش عارفه ومش مسموحلى اعرف
سليم : وايه حكاية الجدار اللى بينك وبينها
جليله : كل اللى قدرت اعرفه ان الين محصنه من الجن والبشر مفيش مخلوق فى الدنيا دى يقدر يوصلها غيرك وانت اللى لازم تعرفها وتوصلها ويوم ما توصلها الجدار اللى بينى وبينها هيختفى
سليم : وايه المطلوب منى دلوقتى
جليله : حافظ على نفسك وعلى قلبك لحد ما توصلها ..... انا عارفه انك بتحبها وهى كمان بتحبك ومستنياك ..... قصة حبكم اتكتبت من الالاف السنين ..... قصة الحب اللى اتمنعت من اكتر من 4000 سنه دلوقتى جيه وقتها ..... من 4000 سنه كان ممنوع ان سليم والين يحبوا بعض ويعيشوا فى سلام لكن دلوقتى مفيش قوه على الارض هتقدر تمنع الحب ده
سليم : انا مش فاهم ولا كلمه من كلامك
جليله : مش مهم تفهم دلوقتى بس هيجى اليوم اللى تفهم فيه كل حاجه .... مع السلامه يا سليم وزى ما قولتلك حافظ على نفسك

• فجأه اختفت جليله وسابت سليم سرحان فى كلامها
• مر يومين بعد كده من غير اى جديد
• بالليل فى فيلا احمد صقر كلهم قاعدين مع بعض ومعاهم سليم

محمد : يا هدير
هدير : ايوه يا محمد
محمد : جهزى نفسك علشان هنرجع الاقصر بكره
فاتن : ليه كده يا محمد خليكم قاعدين شويه كمان
محمد : لا كفايه كده .... انا معايا شغل والاولاد معاهم مدارس ودروس ده غير فاتن اللى غايبه من الجامعه
فاتن : الولاد يذاكروا هنا .... وفاتن قاعده اليوم كله مع ريهام بتذاكرلها ولا انت ناسى ان ريهام اصلا خريجة صيدله
محمد : بس انا معايا شغل كتير فى البلد ولازم اكون موجود بنفسى
عمر : سافر يا محمد علشان فى حاجه مهمه عاوزك تعملها اول ما توصل
محمد : خير يا عمى
عمر : عاوزك تبلغ العيله كلها ان فى اجتماع بعد اسبوعين وعاوز الكل يبقى حاضر الاجتماع
محمد : حاضر يا عمى بس ايه المناسبه
عمر : فى الاجتماع هتعرفوا كل حاجه ..... كلكم هتنزلوا معايا البلد علشان تحضروا الاجتماع
احمد : شكلها كده فى حاجه خطيره يا ابويا
عمر : هتعرف كل حاجه فى الاجتماع يا احمد ..... وانت يا سليم هتحضر الاجتماع وبلغ دياب علشان يجهز نفسه ويحضر الاجتماع
سليم : حاضر يا جدى بس انا شايف ان هيبقى خطر على دياب حضور الاجتماع ده خصوصا ان فى ناس كتير شاكه فى دياب ان هو اللى قتل سعد
عمر : لازم نقفل كل حاجه فى الاجتماع ده
احمد : طارق كلمنى وقالى ان امنيه وزياد اولاد خالى مقتنعين ان دياب هو اللى عمل كده
عمر : علشان كده عاوز دياب يحضر الاجتماع
امل : زياد مش هيقتنع بكلامك ده ابن اخويا وانا عارفاه كويس وعارفه بيفكر فى ايه
سليم : لو حد فيهم فكر يقرب من دياب انا هقتله بايدى ومش هعمل حساب لاى حد مهما يكون
عمر : حكم عقلك يا سليم وماتتصرفش بتهور وراعى ان زياد زيك قلبه محروق على ابوه
سليم : ده لو كان ابوه شخص كويس ومحترم
عمر : مهما كان برضه هيفضل ابوه
احمد : على ما اظن يا سليم انت لما عرفت اللى كنت بعمله مقدرتش تكرهنى وكنت خايف عليا
عمر : اولاد سعد برضه زيك يا سليم بيحبوا ابوهم مهما عمل
سليم : براحتكم بس برضه مش هسمحلهم يقربوا من دياب مهما حصل
امل : ولا انا كمان هسمحلهم بحاجه زى دى .... كلنا هنحمى دياب
سليم : اتمنى يا جدتى تكونى بتتكلمى بجد وتكونى فعلا نسيتى اللى بينك وبين دياب ..... انا لحد دلوقتى مش عارف ايه سبب العداوه ولا عارف انتى اتغيرتى ازاى بس مفيش فى ايدى حاجه غير انى اصدقك
امل : خلاص يا سليم العمر مش باقى فيه كتير للكره والعداوه
سليم : **** يديكى الصحه والعمر الطويل علشان تكفرى عن كل الغلط اللى غلطتيه ..... وبالنسبه لدياب قالى انه بيحاول يسامحك بس انتى عارفه ان اللى حصل مش بسهوله يتنسى
امل : كل شئ هيتصلح يا سليم ..... وامل صقر اللى كانت واقفه لدياب وعاوزه تدمره هى برضه اللى هتوقف فى ضهره وتحميه لحد اخر يوم فى عمرها
عمر : انا مش هسالك على سبب التغيير يا امل بس انا اكتر واحد مبسوط بالتغيير ده لانى هموت وانا متطمن عليكى يا امل
امل : بعد الشر عليك يا عمر **** يخليك ليا ومايحرمنى منك ويجعل يومى قبل يومك ..... من غيرك يا عمر انا اموت

• فجأه دخل عليهم دياب وريهام

دياب : ايه الرومانسيه دى يا امل .... تصدقى عمرى ما شوفتك بالحنان ده
امل : قصدك ايه يا دياب
دياب : يا ستى ماتفهميش غلط انا بس بنكشك
امل : اذا كان كده ماشى
دياب : ازيك يا عمى
عمر : الحمد لله يا بنى .... كويس انك جيت فى وقتك انا كنت عاوزك
دياب : خير يا عمى
عمر : كل خير ..... انا عاوزك ترتب نفسك علشان هتسافر معانا الاقصر بعد اسبوعين
دياب : اشمعنا
عمر : هعمل اجتماع فى العيله وعاوزك تحضر الاجتماع فى اكتر من موضوع لازم يتقفل واهمهم موضوع قتل سعد لازم احميك من العيله
دياب : متخافش عليا يا عمى انا بعرف احمى نفسى كويس
عمر : انا عارف انك تقدر تحمى نفسك بس برضه لازم الاجتماع ده
دياب : طب بعد اذنك يا عمى عاوز حضرتك واحمد ومحمد وسليم وامل فى موضوع لوحدنا
عمر : خير يا دياب
دياب : لما نقعد لوحدنا هفهمك كل حاجه
احمد : تعالوا ندخل اوضة المكتب ونتكلم براحتنا
ريهام : فى ايه يا دياب
دباب : متخافيش يا حبيبتى بعدين هفهمك كل حاجه

• دخل الجماعه اوضة المكتب

عمر : خير يا دياب عاوز ايه
دياب : قبل ما اقول الكلام اللى عندى لازم تعرفوا ان ده سر ومش عاوز اى كلمه تطلع بره
امل : متخافش يا دياب كل كلمه هتقولها هتبقى بينا مش هتخرج ابدا
دياب : الموضوع اللى عاوزكم فيه بخصوص سعد
امل : سعد اخويا .... ايه اللى حصل تانى يا دياب
دياب : سعد اخوكى لسه عايش يا امل

• كلهم اتصدموا من الخبر

امل : انت بتتكلم بجد يا دياب
دياب : والكلام ده فيه هزار يا امل
احمد : امال مين اللى اتدفن ده ..... اوعى يكون قصدك ان خالى هو دبر الموضوع ده علشان يهرب وينتقم
دياب : لا يا احمد مش هو ده اللى حصل
احمد : امال ايه اللى حصل بالظبط
دياب : سعد فعلا اتعرض لمحاولة قتل واحنا لحقناه منها باعجوبه والدكاتره قدروا ينقذوه لان احنا كنا عاملين حساب حاجه زى دى وبالنسبه للى اتدفن دى جثه مجهوله محدش يعرف صاحبها بس كان لازم نعمل كده علشان نربك اللى عمل كده ونخليه متصور انه نجح فى خطته
امل : وسعد اخويا فين دلوقتى يا دياب
دياب : متخافيش يا امل سعد اخوكى عندى فى الحفظ والصون .... بعد ما خرج من المستشفى انا خبيته فى مكان بعيد مستحيل اى مخلوق يقدر يوصله
امل : انا عاوزه اشوفه يا دياب
دياب : مش هينفع دلوقتى يا امل لكن ممكن تكلميه فيديو علشان تطمنى
امل : اى حاجه بس اتطمن على اخويا

• طلع دياب تليفونه وعمل مكالمه فيديو ورد عليه كريم

كريم : ايوه يا دياب
دياب : دخل التليفون لسعد علشان اخته عاوزه تكلمه
كريم : حاضر يا دياب

• دخل كريم الاوضه عند سعد اللى كان نايم على السرير

كريم : قوم يا سعد علشان تكلم اختك

• امل اول ما شافت اخوها دمعت من الفرحه

امل : سعد .... اخويا .... طمنى عليك
سعد : انا كويس يا امل ماتخافيش
امل : ايه اللى حصلك يا سعد
سعد : كله مقدر ومكتوب
امل : يعنى انت كويس يا سعد
سعد : انا كويس يا امل متخافيش عليا .... طمنينى على امنيه وزياد
امل : كلهم كويسين متخافش عليهم
سعد : ياترى زعلانين عليا ولا فرحوا بخبر موتى زى ناس كتير
امل : امنيه وزياد متقطعين عليك
سعد : قوليلهم يسامحونى ..... انا عارف ان اللى عملته كان صعب بس انا خلاص دفعت التمن غالى ولسه هدفع
امل : مسامحينك يا اخويا
سعد : معلش يا امل انا مش قادر اتكلم تانى هقفل دلوقتى
امل : مع السلامه يا اخويا

• قفل دياب المكالمه

دياب : اتطمنتى يا امل وعرفتى ان انا برئ من موضوع اخوكى
امل : انا اتطمنت بس زياد وامنيه لازم يعرفوا الحقيقه
دياب : عرفيهم الحقيقه بس كمان لازم يحافظوا على السر ده لو خايفين على ابوهم
عمر : انا هتكلم معاهم وافهمهم كل حاجه ..... بس اللى انا عاوز اعرفه انت عملت كده ازاى .... وازاى قدرت تاخد سعد من السجن
دياب : زى ما اخدته منهم قبل كده ..... الحكومه قبضت على سعد لما انا وافقت ولو كنت قتلته مفيش مخلوق على وش الارض كان هيقدر يحاسبنى .... انا بعمل اللى انا عاوزه فى اى وقت يعجبنى
امل : طمنى يا دياب وقولى انك مش ناوى على شر من ناحية اخويا
دياب : انا لو كنت ناوى على شر ماكنتش قولتلك انه لسه عايش .... انا اخدت حقى من سعد خلاص وخسرته كل حاجه .... خسرته فلوسه اللى سرقها من ابويا وخسرته مراته اللى بيحبها وحرمته من اولاده بعد ما كشفت حقيقته وهيعيش الباقى من حياته فى سجن لحد ما اخلص اللى انا بعمله وبعدها هسلمه بنفسى للحكومه علشان ينفذوا فيه حكم الاعدام زى ما عملت قبل كده .... واذا كنا انقذناه من الموت المره دى فده علشان شغلنا مش اكتر
امل : انت لسه مصمم على موضوع الاعدام يا دياب .... ابوس ايدك يابنى سامحه واحنا ممكن نخرجه بره البلد
دياب : ماتفكريش فى الكلام ده تانى يا امل .... سعد خلاص فى حكم الميت ومفيش مخلوق على وش الارض هيقدر يغير حاجه فى الحكم ده .... ابويا اللى قلبه اتحرق على فلوسه وعلى امى من حقه دلوقتى يرتاح .... امى اللى خاض فى شرفها لازم هى كمان ترتاح ..... سعد اخوكى ملعون وعلاجه الوحيد هو الموت
عمر : خلاص يا دياب كفايه كلام فى الموضوع ده
دياب : حاضر يا عمى
عمر : زى ما قولتلك عاوزك تجهز نفسك علشان تسافر معانا البلد
دياب : انا شايف ان ملهاش اى لازمه لسفرى معاكم
عمر : اسمع كلامى يا دياب علشان خاطرى
دياب : حاضر يا عمى

• تانى يوم محمد سافر البلد مع هدير واولاده .... اول ما وصل البلد بدأ يجهز للاجتماع .... فاتن رجعت الجامعه
• بعد اسبوع فى فيلا فى الزمالك جون قاعد فى الجنينه ودخلت الفيلا عربيه فيها جاسمين .... اول ما نزلت من العربيه جريت ودخلت فى حضن جون ... بعد كده اخدها ودخلوا الفيلا قعدوا مع بعض

جون : جاسمين حبيبتى وحشتينى
جاسمين : انت اللى وحشتنى اوى يا اونكل
جون : طمنينى على اخبارك يا حبيبتى
جاسمين : عايشه
جون : ماك يا حبيبتى كده
جاسمين : ضهرى اتكسر يا اونكل
جون : ما تقوليش كده تانى طول ما انا موجود
جاسمين : عملت ايه يا اونكل فى تار ماما
جون : متخافيش يا حبيبتى انا شغال ومش هرتاح غير لما اخد بتارها
جاسمين : انا مش هرتاح غير لما اقضى على عيلة الجراح كلها .... سليم الجراح ودياب لازم يدفعوا التمن غالى
جون : ماتفلقيش يا حبيبتى انا هدمرهم وهخليهم يتمنوا الموت من اللى هعمله فيهم
جاسمين : انا اللى هقتلهم بايدى
جون : حاضر يا حبيبتى هجيبهملك تحت رجلك واسيبك تعملى فيهم اللى يريحك
جاسمين : هما فين دلوقتى
جون : حاططهم تحت عينى وبدبرلهم فى مصايب هتقضى عليهم
جاسمين : وانا هستنى واشوف
جون : اطلعى دلوقتى ارتاحى من السفر وبعدين نتكلم
جاسمين : انا مش تعبانه يا اونكل .... انت واحشنى وعاوزه اقعد معاك شويه
جون : الايام جايه كتير وهنقعد مع بعض لحد ما تشبعى .... انتى اصلا هتستقرى فى مصر الفتره دى
جاسمين : استقر ازاى فى مصر .... انا لازم ارجع لندن تانى علشان دراستى هناك
جون : انا رتبت كل حاجه هنا علشان تقعدى هنا الفتره دى ..... فى خطر عليكى فى لندن الفتره دى ..... عيلة الجراح قالبين عليكى الدنيا هناك
جاسمين : بس انا مش هعرف اعيش هنا
جون : معلش يا حبيبتى استحملى الفتره دى بشكل مؤقت
جاسمين : حاضر يا اونكل
جون : اطلعى ارتاحى وانا همشى دلوقتى وابقى اشوف طريقه علشان نتقابل بيها بعيد عن هنا علشان المكان ما يتكشفش
جاسمين : حاضر
جون : هتلاقى هنا كل حاجه ممكن تحتاجيها وفى ناس هتخدمك وسايبلك جاردات علشان يحرسوكى لو حبيتى تخرجى
جاسمين : لا يا اونكل انا مش هينفع اخرج ومعايا جاردات
جون : ازاى يعنى
جاسمين : خروجى بجاردات ممكن يلفت النظر .... انا ممكن اخرج مع السواق مش اكتر من كده
جون : بس كده خطر
جاسمين : ماتقلقش يا اونكل مفيش حد يعرف بوجودى فى مصر علشان كده لازم اتعامل طبيعى
جون : بعدين نتكلم فى الموضوع ده .... اطلعى دلوقتى ارتاحى ولو احتاجتى اى حاجه اتصلى بيا على الرقم اللى معاكى
جاسمين : حاضر يا اونكل
جون : مع السلامه يا حبيبتى

• من ناحيه تانيه عندى فى الفيلا كنت قاعد مع عمى

عمى : انا شايف الخطه اللى انت حاططها مع دياب خطه كويسه بس خطرها كبير
انا : مفيش حل تانى يا عمى غير كده .... احنا بقالنا كتير بنفكر ومش لاقيين اى حل
عمى : على العموم هتناقش مع المجلس النهارده فى الاجتماع وناخد قرار
انا : تمام يا عمى
عمى : جهز نفسك يا سليم علشان هتحضر الاجتماع
انا : اشمعنا
عمى : انت ودياب هتحضروا الاجتماع ..... لازم نتناقش كلنا مع بعض وكل واحد يقول وجهة نظره
انا : حاضر يا عمى
عمى : اطلع ارتاح دلوقتى علشان هنتحرك بالليل
انا : حاضر يا عمى

• سيبت عمى وطلعت اوضتى .... كانت مريم بتنيم نانسى ودياب اولادنا

انا : الظاهر كده انى اتركنت على الرف خلاص ومبقاش ليا لازمه
مريم : وطى صوتك يا سليم انا ما صدقت نيمتهم
انا : حاضر يا ستى
مريم : ليه بتقول انك اتركنت على الرف يا حبيبى
انا : من يوم ما الهانم والاستاذ شرفوا للدنيا وانتى على طول معاهم وواخدينك منى
مريم : انت يا استاذ اللى سايبنا وقاعد اليوم كله فى شغلك
انا : ههههههه ماشى يا ستى .... عرفتى تركبينى الغلط
مريم : بس ماقولتليش ايه اللى رجعك بدرى من الشغل كده
انا : معايا شغل بالليل قولت ارجع ارتاح شويه واقعد معاكى انتى والاولاد وبعدين انزل تانى
مريم : شغل ايه اللى بالليل ده يا حبيبى
انا : شغل عادى يعنى
مريم : اوعى تكون بتخونى يا سليم
انا : يا شيخه هو انا معايا وقت اهرش فى دماغى لما اخونك
مريم : يعنى لو معاك وقت هتخونى
انا : مش عارف بقى وقتها ايه اللى هيحصل
مريم : شكلك كده بتلعب فى عداد عمرك يا سليم
انا : ههههههه .... مقدرش يا حبيبتى .... حد برضه يبقى معاه القمر ويبص للنجوم
مريم : ايوه كده خد بالك من كلامك
انا : انتى عارفه انى بحب انكشك
مريم : لو على النكش براحتك لكن لو فكرت تلعب بديلك هقطعهولك
انا : طب ايه رائيك العب بديلى معاكى دلوقتى
مريم : انت اتجننت يا حبيبى .... انت عارف الساعه كام دلوقتى .... الساعه دلوقتى 12 الضهر
انا : وفيها ايه دى بقى .... يلا يا رخمه انتى واحشانى
مريم : انت بتتكلم بجد
انا : انا هدخل اخد شاور واجهز واجيلك
مريم : لا واضح انك بتتكلم بجد
انا : يلا بقى ما تضيعيش الوقت احسن ابوكى يطلبنى
مريم : طب يلا ادخل الحمام وانا هجهز
• سيبت مريم ودخلت الحمام اخدت شاور وجهزت وخرجت لقيت مريم قاعده على التسريحه بتظبط نفسها

انا : انتى وديتى نانسى ودياب فين
مريم : صحيوا بعد انت ما دخلت الحمام ونزلتهم عند لمياء يلعبوا معاها ومع اسامه
انا : طب كويس جدا .... كده نعرف ناخد راحتنا ..... تعالى يا قمر انتى علشان واحشانى
مريم : انت اللى واحشنى يا حبيبى

• اخدت مريم وروحنا على السرير
• بعد ما خلصنا اخدتها فى حضنى واحنا ساكتين

مريم : كنت واحشنى اووووى يا حبيبى
انا : انا عارف انى مقصر معاكى سامحينى يا حبيبتى
مريم : انا كفايه عندى اوووى احس انى فى قلبك وانى بوحشك
انا : انتى بتوحشينى وانتى فى حضنى
مريم : انت مالك النهارده يا سليم
انا : فى ايه يا حبيبتى
مريم : يعنى سايب شغلك وجيت قعدت معايا وواخدنى فى حضنك وبتقولى كلام حلو .... انت جرالك ايه بالظبط
انا : يعنى لا كده عاجب ولا كده عاجب اعمل ايه يعنى
مريم : لا يا حبيبى انت دايما عاجبنى
انا : طب يلا خدى شاور علشان ننزل نتغدى
مريم : لا يا حبيبى خد الشاور بتاعك وانا هجبلك الغداء لحد عندك زى الباشا
انا : لا ده انتى راضيه عنى بقى
مريم : انتى حبيب قلبى
انا : ماشى يا ستى .... انا هدخل الحمام اخد شاور

• دخلت الحمام اخدت شاور وخرجت واتغديت ونمت شويه وبعد كده صحيت جهزت ونزلت لعمى واتحركت معاه وكان دياب معانا ووصلنا الفيلا اللى فيها الاجتماع وقعدنا كلنا مع بعض كان موجود فى الفيلا مجموعه من رجال الاعمال العرب ومجموعه من رؤساء اجهزة المخابرات وهما عباره عن
1. رئيس جهاز المخابرات المصريه ( الثعلب )
2. رئيس جهاز المخابرات الفلسطينيه ( النمر )
3. رئيس جهاز المخابرات الليبيه ( الصقر )
4. رئيس جهاز المخابرات التونسيه ( الديب العجوز )
5. رئيس جهاز المخابرات اليمنيه ( الضبع )
6. رئيس جهاز المخابرات العراقيه ( الطاووس )
7. رئيس رجال الاعمال ( العقرب )

عمى : اهلا بيكم جميعا .... انا عارف ان الاجتماع المره دى اتاجل اكتر من مره بس انتوا اكيد مقدرين وعارفين الظروف اللى حصلت
النمر : احنا فاهمين كل حاجه يا فندم
الصقر : بس اللى مش قادرين نفهمه لحد دلوقتى ازاى استر لسه عايشه
عمى : احنا كنا متوقعين حاجه زى دى من بدرى ..... خلينا دلوقتى فى المهم واللى احنا متجمعين النهارده علشانه
الطاووس : خير يا فندم
عمى : اكيد وصلتكم الاخبار ... احنا هنبدا دلوقتى فى المرحله الاخيره
الديب العجوز : ايوه يا فندم عرفنا
عمى : وطبعا انتوا عارفين ان دى اصعب مرحله واخطر مرحله فى اللعبه كلها
العقرب : انا عندى فكره ولو اتنفذت صح ساعتها هنخلص كل حاجه من غير ما اى حد يعرف حاجه عننا
عمى : قول فكرتك
العقرب : نعمل زى اللى حصل فى باكستان قبل كده
عمى : دى نفس فكرة دياب
دياب : عرفت يا فندم ان ده انسب حل
عمى : المشكله ان الفكره دى اتعملت قبل كده والصهاينه عرفوها كويس ومفتحين عنيهم
العقرب : احنا ممكن نقسمها على مراحل وفى نفس الوقت نلعب مع الامريكان والصهاينه بطريقة بص العصفوره
عمى : ازاى يعنى وضح كلامك
العقرب : الايام اللى جايه امريكا مشغوله بانتخابات الرئاسه عندهم والوضع هناك متوتر على الاخر احنا ممكن نلعب معاهم ونزود التوتر اكتر هناك ... ده غير التوترات بين الأمريكان وايران خصوصا من بعد مقتل قاسم سليمانى من سنتين .... والتوترات بين الامريكان والصين وروسيا من الناحيه التانيه احنا بقى نستغل التوترات دى ونشعللها اكتر علشان محدش يركز معانا
انا : بس فى مشكله فى كلام حضرتك
عمى : تقصد ايه يا سليم
انا : فى الوقت الحالى العالم بيمر بظروف صعبه واى توتر يحصل فى امريكا العالم كله هيتأثر بيه .... وفى عالم الاقتصاد والمال امريكا لما بتعطس العالم بيجيله برد
العقرب : انا فاهم كلامك يا سليم بس هو ده الحل الوحيد .... لازم نشغل امريكا علشان ننفذ خطتنا
عمى : حتى لو قدرنا نشغل امريكا .... هيبقى قصادنا عقبة الصهاينه اللى صاحيين ومركزين معانا
النمر : دى امرها بسيط
عمى : فهمنى قصدك
النمر : المقاومه الفلسطينيه تزود نشاطها وعملياتها ضد الصهاينه ونشغلهم هما كمان
دياب : كده صح .... واحنا مش محتاجين اكتر من شهر ونص علشان نخلص كل حاجه
عمى : يعنى افهم من كلامكم ده ان انتوا موافقين على الخطه بتاعة دياب والعقرب
دياب : يا فندم هى دى انسب خطه
عمى : اللى موافق على الخطه يرفع ايده

• كل المجلس رفع ايده

عمى : يعنى موافقه بالاجماع .... يبقى كده نرتب اوضاعنا ونحط الخطه

• قعدنا فى الاجتماع اكتر من 3 ساعات بنرتب للخطه

عمى : احنا كده يعتبر رتبنا كل حاجه وهنبدأ فى التنفيذ فورا .... انتوا كلكم هتسافروا بكره عاوزكم تفتحوا عنيكم كويس جدا
• خلصنا الاجتماع ومشينا
• مر كام يوم بعد كده من غير اى جديد
• دياب سافر الاقصر مع عمر صقر والجماعه .... دى كانت اول مره احمد ينزل الاقصر من بعد الحادثه اللى حصلتله فى اسوان ..... وصلوا كلهم ودخلوا القصر ومن اول ما دخلوا واحمد قاعد سرحان

دياب : مالك يا احمد سرحان كده من اول ما وصلنا
احمد : افتكرت الماضى وكل اللى حصل
عمر : انسى يابنى
احمد : انسى ازاى يا ابويا .... انا دمرت كل حاجه بغبائى
عمر : كله مقدر ومكتوب
دياب : اهم حاجه يا احمد تتعلم من اخطاء الماضى
احمد : فى حاجه انا مش فاهمها يا دياب
دياب : حاجة ايه يا احمد
احمد : انت ازاى قدرت تشترى كل حاجه اتباعت فى المزاد
دياب : قولتلك يا احمد انا بقدر اعمل اللى انا عاوزه فى اى وقت .... انا اتفاهمت مع الحكومه وسويت معاهم كل حاجه ومدفعتش غير حاجات بسيطه
احمد : ازاى يعنى
دياب : اتفقت مع الحكومه انها هتاخد نسبه معينه من ارباح الشركات والمصانع كل سنه لتسوية الديون اللى كانت عليك .... انا دفعت 25% من قيمة الديون ده غير انى قدرت اثبت ان محمد وهدير وفاتن وامانى بعيد عن شغلك علشان كده الحكومه بعدتهم ولغت الحراسه اللى على املاكهم .... والحاجات اللى انا اشتريتها من المزاد كتبتها كلها بأسم سليم وريهام وده لأكتر من سبب .... السبب الاول انه مينفعش الحاجه دى ترجع باسمك تانى لان الحكومه رفضت .... والسبب التانى انا مليش حق اخد حاجه منك علشان كده كتبت الحاجات دى باسم اختك وابنك ..... اما بالنسبه للفلوس اللى انا دفعتها مش عاوزها ومتنازل عنها لسليم وريهام
عمر : بس الفلوس دى حقك يا بنى ولازم ترجعلك
دياب : لا يا عمى .... الفلوس دى حق سليم وورثه
عمر : ورثه ازاى يعنى
دياب : انا عارف ان سليم شرعا وقانونا مش ابنى وبالتالى ملهوش حق يورث فيا بعد ما اموت بس سليم ده ابنى اللى ربيته علشان كده شايف ان من حقه يورثنى زى ما اولادى هيورثونى بعد موتى
سليم : بعد الشر عليك من الموت يا دياب .... انا مش عاوز فلوس ولا شركات انا محتاجلك انت
دياب : وانا هفضل جمبك لحد اخر يوم فى عمرى
ريهام : قصتكم مع بعض دى قصه غريبه جدا عمرى ما شوفت زيها
دياب : الحكايه ببساطه يا ريهام ان سليم ظهر فى حياتى فى اصعب وقت كنت بمر بيه وعوضنى عن كل حاجه بعد ما كنت عايش وحيد عشنا مع بعض سنين مستغنيين عن الدنيا واللى فيها .... علشان سليم بعدت نفسى عن العيله وانتقامى منها علشان معرضش نفس لأى خطر ممكن يبعدنى عن سليم .... قبل ظهور سليم فى حياتى كنت بايع الدنيا كلها ومش فارقه بالنسبالى اعيش او اموت لكن لما ظهر سليم فى حياتى اتمسكت بالحياه وكنت مصمم اعيش لان لو حصلى حاجه سليم كان هيضيع .... لكن دلوقتى انا خلاص اتطمنت على سليم وعلى اولادى من بعدى وواثق ان سليم هيحميهم ويدافع عنهم وبكده اقدر اموت وانا متطمن لانى سايب من بعدى راجل .... راجل علمته كل حاجه اعرفها .... راجل ربيته كويس
عمر : بعد الشر عليك من الموت يا حبيبى .... انت لسه هتعيش وتفرح بسليم واولادك .... لسه يا دياب العمر قصادك طويل
دياب : مافتكرش انى هعيش لليوم اللى افرح فيه باولادى واشوفهم بيكبروا قصاد عينى ..... الحكايه كلها شوية وقت وقصة دياب تنتهى وهينتهى معاها تعبى وارتاح بقى
عمر : انت فى حاجه مخبيها يا دياب
دياب : لا يا عمى مفيش حاجه .... بس انا حاسس ان الحكايه كلها شوية وقت مش اكتر من كده ..... وانا احساسى عمره ما خيب
عمر : انت بس مضغوط وكل دى اوهام فى دماغك
سليم : اقفلوا كلام فى الموضوع ده وكفايه يا دياب
دياب : حاضر يا سليم
احمد : انت مش ناوى يا ابويا تقولنا ايه سبب الاجتماع بتاع النهارده
عمر : كلها ساعتين زمن وتعرف كل حاجه يا احمد
احمد : حاضر يا ابويا

• بعد كام ساعه وصلت العيله للقصر وبعد السلامات والترحيب قعدوا كلهم

عمر : طبعا كلكم مستغربين من الاجتماع بتاع النهارده
كارم : خير يا حاج عمر ..... محمد كلمنا وقال انك عاوزنا كلنا
عمر : طبعا كلكم عارفين ان انا تعبت الفتره اللى فاتت وعملت عمليه خطيره
عزام : وربنا نجاك منها الحمد لله وبقيت احسن من الاول
عمر : اللى حصلى ده نبهنى لحاجه مهمه جدا
عزام : ايه الحاجه دى يا حاج عمر
عمر : ان الموت بقى قريب جدا واقرب مما كنت اتصور
كارم : **** يديك الصحه والعمر الطويل
عمر : العمر طال ولا قصر مسيره هيخلص
كارم : قولنا انت عاوزنا فى ايه واحنا تحت امرك
عمر : انتوا عارفين ان احمد سحب نفسه من العيله ومحمد ابن اخويا رافض انه يبقى كبير العيله .... علشان كده انا قررت ان سليم حفيدى هو اللى هيبقى كبير العيله من بعدى
احمد : ايه اللى انت بتقوله ده يا ابويا
عمر : ده قرار نهائى يا احمد وغير قابل للنقاش
كارم : ازاى يا حاج عمر هتخلى سليم كبير العيله وهو صغير والعيله فيها رجاله كبيره
عزام : انا موافق على اللى انت تختاره يا حاج عمر
عمر : يا كارم كبير العيله مش بالسن .... كبير العيله ده حاجه اكبر من كده .... سليم هو الوحيد اللى هيقدر يحمى العيله ويوقف جمبها
كارم : بس ازاى سليم هيحكم ناس اكبر منه فى السن
عمر : زى ما ابويا حكمها وكان اصغر اخواته ومن بعده اخويا عبدالرحمن **** يرحمه وبرضه كان فى ناس اكبر منه .... العيله مش محتاجه للعواجيز .... العيله محتاجه للشباب .... الشباب هو جيل المستقبل اللى هيوصل العيله لبر الامان

• اشتغل الاجتماع اكتر من ساعتين بيتناقشوا فيها وفى الاخر فى ناس كتير وافقت على سليم وفى شويه رافضين .... خلص الاجتماع والعيله كلها مشيت
• بعد ما العيله مشيت قعد الجماعه مع بعض

احمد : ايه ده اللى انت عملته يا ابويا
عمر : ده اللى كان لازم يحصل يا احمد
امل : انت عملت ايه يا عمر
احمد : ابويا وصى ان سليم يبقى كبير العيله من بعده
امل : وايه المشكله
احمد : حتى انتى يا امى موافقه على الكلام ده .... انا عاوز ابعد سليم عن العيله باى طريقه تقوموا تخلوه كبير العيله
عمر : العيله لازملها كبير وانت سحبت نفسك ومحمد ابن عمك رافض ودياب بسبب مشاكله مع العيله مش هينفع مش باقى غير سليم .... سليم هو الوحيد اللى هيجمعكم من تانى ... سليم هيخليكم تساعدوه علشان ينجح ....انت يا احمد هتساعد ابنك .... وانت يا يا دياب انا متاكد انك هتساعد سليم .... و انت يا محمد هتساعد ابن اختك وابن صاحب عمرك واولادك كمان بيحبوا سليم وهيوقفوا جمبه ويساعدوه ..... كلكم بالاجماع بتحبوا سليم وهتساعدوه
احمد : بس حضرتك كده بتحط سليم فى وش المدفع والناس اللى رفضت النهارده مش هيسكتوا
عمر : دول ناس طماعه وانا هعرف اوقفهم عند حدهم
فاتن : كده فى خطر على سليم يا عمى
دياب : اى حد هيفكر مجرد تفكير يقرب من سليم انا همحى اسمه من الدنيا كلها
فاتن : انا عارفه يا دياب انك هتعمل كده بس انا قصدى ليه نفتح على نفسنا اكتر من جبهه
عمر : متخافيش على سليم يا فاتن .... سليم راجل وهيعرف يسد فى المكان اللى انا حطيته فيه
فاتن : يا عمى انا عارفه كلامك ده كويس ومتاكده ان سليم راجل .... بس سليم ده ابنى الوحيد اللى طلعت بيه من الدنيا
عمر : انا مقدر خوفك على ابنك بس انا عارف بعمل ايه كويس
سليم : خلاص يا جماعه كفايه كلام فى الموضوع ده
فاتن : بس انا شايفه يا سليم انك مش متفاجئ من الموضوع ده زى ما تكون كنت عارف باللى هيحصل
عمر : انا اتكلمت مع سليم ودياب فى الموضوع ده قبل ما اسافر امريكا
فاتن : علشان كده دياب وافق بسهوله على حضور الاجتماع مع ان دياب عمره ما حضر اى اجتماع للعيله ودايما كان بيرفض حضور الاجتماعات
محمد : على العموم يا عمى كل كلامك اوامر واولادى هيبقوا فى ضهر سليم زى ما انا طول عمرى فى ضهر احمد ولا ايه يا اولاد
عبدالرحمن : كلام محمد صقر فرمان غير قابل للنقاش ومن النهارده سليم اخونا واحنا على طول فى ضهره
محمد : وانت يا عمر ايه رائيك
عمر : مفيش اى كلمه تتقال بعد كلامك يا ابويا
محمد : اولاد محمد صقر ورجالته بصحيح
عمر : عرفت تربى يا محمد وخلفت رجاله زى ابوهم وجدهم **** يرحمه
عبدالرحمن : ليه انت عندك شك يا جدى فى الموضوع ده ولا ايه
عمر : لا يا حبيبى انا طول عمرى متاكد من كده
محمد : طب كفايه كده يا عمى ويلا بينا نمشى علشان نسيبك ترتاح اكيد تعبت من اليوم الطويل ده
عمر : بالعكس يا محمد انا حاسس انى رجعت بصحتى احسن من الاول وحاسس انى خفيف كده
محمد : **** يديك الصحه والعمر الطويل يا عمى
عمر : انا حاسس انى النهارده هعرف انام وارتاح
محمد : طب نسيبك تنام وترتاح يلا بينا
دياب : يلا بينا
محمد : تعالى معايا يا دياب عاوزك فى كلمتين لوحدنا
دياب : تعالى نخرج فى الجنينه علشان عاوز اشم شوية هوا

• خرج محمد ودياب يتمشوا مع بعض

دياب : خير يا محمد
محمد : انا قعدت مع زياد وامنيه اولاد سعد وفهمتهم كل اللى حصل
دياب : وانت شايف انهم مصدقين
محمد : هما شاكين وعلشان كده طلبوا يشوفوا ابوهم وانا قولتلهم انك هتخليهم يكلموه فيديو علشان زيارتهم ليه هيبقا فيها خطر عليه وهما وافقوا
دياب : ماشى يا محمد وانا هخليهم يكلموه علشان يتطمنوا

• فجأه محمد بص على حاجه وراه دياب وشكله مليان غضب وبسرعه طلع مسدسه وزق دياب بعيد .... دياب وقع فى الارض .... وفجأه صوت ضرب نار ورصاصه صابت محمد ووقع فى الارض .... الجاردات جريوا ناحية الراجل اللى ضرب النار ومسكوه
• مع صوت ضرب النار خرج الكل يجرى من القصر .... خرجوا وشافوا محمد غرقان فى دمه وفى حضن دياب
• ياترى ايه اللى هيحصل تانى ده اللى هنعرفه الجزء اللى جاى



الفصل السادس

* اول حاجه انا بعتذر عن التأخير النهارده بس انا فعلا كنت مجهز الجزء من امبارح ومش باقى غير انى اراجعه وانزله على طول بس للأسف نمت وحلمت بافكار جديده خالص للجزء خلتنى اغير نص الجزء تقريبا وامسح حاجات وازود حاجات .... يعنى ببساطه كده اكتر من نص الجزء بتاع النهارده ده كان حلم امبارح بالليل يعنى ياريت تسامحونى لو كان الجزء مش قد كده .... الجزء ده نتيجة عشوه تقيله ونوم فى التكييف .... يلا اسيبكم مع الحلم

• وقفنا الجزء اللى فات لما محمد صقر اتضرب بالنار وهو بيفدى دياب من اللى بيحاول يقتله
• خرج الجماعه من القصر على صوت ضرب النار وشافوا اللى حصل .... شافوا محمد غرقان فى دمه وفى حضن دياب ..... فاتن بنت محمد اول ما شافت ابوها كده جريت عليه وهى بتصرخ واخدته من حضن دياب

تونه : لا يا بابا اوعى تسيبنى .... انا اموت من غيرك
محمد : بعد الشر عليكى يا حبيبتى
عمر : لا يا بابا ارجوك
عبدالرحمن : اهدى يا عمر .... محمد صقر مش هيموت دلوقتى
تونه : حد يطلب الاسعاف بسرعه ارجوكم
دياب : انا طلبتهم وهما فى الطريق
عبدالرحمن : قولتلك اهدى يا فاتن ابوكى كويس وهيقوم منها وهدفع اللى عمل كده التمن غالى
محمد : يا عمر يا عبدالرحمن قربوا منى عاوز اقولكم على حاجه
عمر : ايوا يا بابا
محمد : خلوا بالكم من امكم واختكم يا اولاد
عمر : لا يا بابا ارجوك اوعى تسيبنا
عبدالرحمن : اهدى يا بابا .... الحكايه كلها مسألة وقت وهتوقف تانى على رجلك .... اهدى يا حبيبى الكلام مش كويس علشانك
هدير : ابعدوا يا اولاد خلينى اشوف شغلى
عبدالرحمن : اتفضلى يا ماما
هدير : استحمل يا محمد علشان خاطرى ..... شويه كده وهتقوم بالسلامه
محمد : خلاص يا حبيبتى مفيش فايده من اللى انتى بتعمليه
هدير : ارجوك يا محمد سيبنى اساعدك

• حاولت هدير تعمل لمحمد الاسعافات اللازمه لحد ما وصلت عربية الاسعاف واخدت محمد وركبت هدير وبنتها عربية الاسعاف مع محمد .... والباقى حصلوهم على المستشفى ..... دخل محمد اوضة العمليات
• بعد ساعتين خرج الدكتور من اوضة العمليات

هدير : طمنى يا دكتور ايه الاخبار
الدكتور : احنا عملنا اللى علينا وقدرنا نخرج الرصاصه ..... الرصاصه جات فى منطقه حساسه جدا قريب جدا من القلب ..... القلب وقف اكتر من مره فى العمليه .... للأسف دخل فى غيبوبه بس دى شئ وارد وطبيعى المسأله كلها شوية وقت ويقوم من الغيبوبه ..... يعنى الحاله مش خطيره
هدير : هيفوق امتى من الغيبوبه يا دكتور
الدكتور : حضرتك دكتوره وعارفه ان موضوع الغيبوبه ده مش فى ايدينا
عبدالرحمن : اهم حاجه دلوقتى يا دكتور ابويا كويس
الدكتور : اتطمن يا بنى ابوك كويس ولولا الاسعافات اللى اتعملته قبل ما الاسعاف توصل كان زمان الحاله بقيت صعبه ولاقدر **** كان ممكن يروح فيها
تونه : هو هيخرج امتى من اوضة العمليات
الدكتور : دلوقتى هيخرج بس الزياره ممنوعه لمدة 48 ساعه لحد ما الحاله تستقر بس انا هسمحلكم بزياره سريعه لكل واحد لوحده
دياب : شكرا يا دكتور ..... اهم حاجه تكون الحاله مستقره
الدكتور: كل حاجه مستقره ومفيش داعى للقلق ..... بس انا مضطر ابلغ الشرطه على اللى حصل
عبدالرحمن : هو ايه اللى حصل يا دكتور
الدكتور : انت مش عارف ايه اللى حصل ..... ابوك اتضرب بالنار
عبدالرحمن : ابويا اتصاب وهو بينضف سلاحه يا دكتور

• كل اللى واقفين اتصدموا من كلام عبدالرحمن

الدكتور : بس انت عارف كويس ان مش ده اللى حصل
عبدالرحمن : بس ده اللى هيتكتب فى تقرير المستشفى ومش عاوز نقاش فى الموضوع ده
هدير : انت بتقول ايه يا عبدالرحمن
عبدالرحمن : بعد اذنك يا امى مش عاوز كلام تانى فى الموضوع ده ..... وانت يا دكتور احسنلك تسمع كلامى وتكتب التقرير زى ما قولتلك والا انت عارف كويس ايه اللى ممكن يحصل
الدكتور : انت بتهددنى
عبدالرحمن : العفو يا دكتور .... بس دى نصيحه اتمنى انك تسمعها
الدكتور : ولو ما سمعتهاش
عبدالرحمن : براحتك يا دكتور بس ساعتها ماتلومش حد على اللى هيحصل
الدكتور : انا مقدر غضبك على اللى حصل لوالدك بس كفايكم ددمم يا عيلة صقر خلاص البلد خربت والحكايه مش ناقصه
عبدالرحمن : انا نصحتك وهكرر النصيحه لأخر مره ..... ابويا اتصاب وهو بينضف سلاحه واعمل اللى يريحك
الدكتور : انتوا احرار اعملوا اللى يريحكم حتى لو هتخربوا البلد اكتر ما هى خربانه

• سابهم الدكتور ومشى وبعدها بشويه خرج محمد من اوضة العمليات وطلع الاوضه بتاعته وبعد شويه دخل كل واحد لوحده علشان يتطمن على محمد وبعدها خرجوا كلهم قعدوا فى الاستراحه

عبدالرحمن : يا عمر
عمر : خير يا عبدالرحمن
عبدالرحمن : خد امك واختك وروحهم البيت
تونه : لا انا هقعد مع بابا لحد ما يقوم بالسلامه ويرجع بيته
عبدالرحمن : لا يا فاتن انتى هتروحى البيت دلوقتى ومن بكره هترجعى الجامعه بتاعتك كأن مفيش حاجه حصلت
تونه : ايه اللى بتقوله ده يا عبدالرحمن
عبدالرحمن : زى ما سمعتى يا فاتن ..... كلام محمد صقر لازم يتنفذ مش معنى انه راقد فى المستشفى يبقى نكسر كلامه ..... من بكره انتى هترجعى الجامعه ومش هتنزلى البلد غير كل اسبوع زى ما انتى متعوده ..... وانا وعمر هنرجع لدراستنا وشغلنا عادى ...... محمد صقر لما يقوم لازم يلاقى كل حاجه ماشيه طبيعى فاهمين
تونه وعمر : فاهمين
هدير : ابن محمد صقر بصحيح
عبدالرحمن : يلا امشوا دلوقتى وانا هسهر مع بابا النهارده وانت بكره يا عمر .... كل يوم واحد فينا هيبات معاه
عمر : اوامرك يا اخويا
عبدالرحمن : بعد اذنك يا دياب عاوزك فى كلمتين
دياب : تعالى يا عبدالرحمن

• قعد دياب وعبدالرحمن لوحدهم على جمب

عبدالرحمن : فين اللى عمل كده فى ابويا
دياب : اللى عمل كده كان قاصدنى انا مش ابوك ..... ابوك اتصاب بالغلط
عبدالرحمن : الكلام ده مايخصنيش ..... انا عاوز الكلب اللى عمل كده
دياب : اهدى يابنى الحكايه مش عافيه كده ..... انا هحقق معاه واعرف مين اللى بعته
عبدالرحمن : انا هسيبك تعرف براحتك مين اللى بعته وبعد كده هستلمه منك
دياب : ناوى على ايه يا عبدالرحمن
عبدالرحمن : هرجع حق ابويا يا دياب
دياب : حاضر يا عبدالرحمن .... انا هسلمك اللى عمل كده
عبدالرحمن : وانا مستنيك يا دياب

• مشى الجماعه من المستشفى بعد ما سابوا عبدالرحمن قاعد لوحده زى ما طلب .... بس سليم رفض يمشى وصمم يقعد فى المستشفى مع عبدالرحمن
• رجع دياب الفيلا وكان موجود كريم

دياب : فين الزفت اللى عمل كده يا كريم
كريم : حابسه فى البدروم
دياب : حققت معاه
كريم : ايوه
دياب : وعرفت حاجه
كريم : بيقول ان زياد ابن سعد صقر هو اللى حرضه علشان يقتلك
دياب : الواد ده بيكذب .... زياد عرف ان ابوه عايش من كام يوم يعنى مستحيل يحرض على قتلى
كريم : ما احنا عارفين ان الواد ده من طرف مستر جون واكيد هو قاصد يتقبض عليه علشان يقوم حرب تانى فى العيله ويشغلك بيها
دياب : انت كده فهمتنى
كريم : وهتعمل ايه دلوقتى
دياب : انا هنزله واتكلم معاه بس قبل ما اعمل كده فى حاجه عاوزك تفهمها كويس وتنفذها بدقه
كريم : عاوز ايه يا دياب
دياب : عاوزك تروح لزياد البيت وتجيبه وتيجى
كريم : اجيبه ليه واحنا متاكدين انه برئ
دياب : اسمع اللى بقولك عليه كويس وفى حاجه تانى عاوزك تعملها
كريم : حاجة ايه تانى
دياب : هتنفذ خطة الخدعه يا كريم ..... لان من الواضح ان الراجل ده مش هينطق بسهوله
كريم : فهمتك يا دياب .... انا هتحرك دلوقتى

• مشى كريم وبعدها بشويه رجع مع زياد .... نزل دياب البدروم وكان الراجل متكلبش فى كرسى

دياب : هاه بقى قولى مين اللى حرضك تعمل كده
الراجل : انا قولت كل اللى عندى
دياب : وماله قول تانى ..... انا حابب اسمعك
الراجل : واحد اسمه زياد صقر
دياب : وحرضك ليه تعمل كده
الراجل : ده شئ مايخصنيش .... انا بقبض وبنفذ لكن عمرى ما سألت قبل كده عن السبب
دياب : ماشى يا سيدى وانا همشى معاك للآخر .... زياد ده قابلك ازاى ولا يعرفك من فين
الراجل : فى وسيط عرفنا على بعض وقابلنى من يومين واتفقنا على كل حاجه
دياب : وايه الدليل على كلامك
الراجل : دليل ازاى يعنى مش فاهم
دياب : يعنى تسجيل مكالمه او تصوير للمقابله اللى تمت بينكم
الراجل : معنديش حاجه زى دى .... احنا اتقابلنا فى مكان تبع زياد وقبل ما اقابله رجالته فتشونى واخدوا تليفونى
دياب : لا حلوه وملعوبه يا زياد .... بس انا عندى فكره ممكن تكشف زياد
الراجل : فكرة ايه
دياب : اواجهكم ببعض ولو كلامك طلع صحيح هسيبك
الراجل : هاه
دياب : مالك ارتبكت كده ليه
الراجل : لا مارتبكتش ولا حاجه .... هاتوا وانا مستعد اواجهه

• طلع دياب تليفونه ورن على كريم

دياب : ايوه يا كريم هات زياد وتعالى

• بعد دقيقه دخل كريم

دياب : ازيك يا زياد
زياد : ايه اللى بيحصل يا دياب وجايبنى بالطريقه دى ليه
دياب : معقول يا زياد مش فاهم ولا بتستهبل
زياد : ركز فى كلامك يا دياب
دياب : انا مركز كويس فى كلامى .... طب انت مش واخد بالك من الراجل اللى قصادك ده
زياد : مين ده كمان
الراجل : ايه يا زياد باشا لحقت تنسانى ولا ايه
زياد : هو انا شوفتك قبل كده ولا اعرفك علشان انساك
دياب : الراجل ده بيقول انك حرضته على قتلى ودفعتله فلوس كمان
زياد : وانا اعمل كده ليه
دياب : انا مش عارف بس ده كلامه
زياد : محصلش يا دياب
الراجل : كده يا زياد باشا بتتخلى عنى
زياد : وانا اعرفك من فين علشان اتخلى عنك يا زفت انت
دياب : الموقف صعب بصراحه
الراجل : صدقنى يا باشا هو اللى حرضنى
دياب : هههههههههه .... انا كنت واثق من غباء اللى باعتينك ..... ده مش زياد يا غبى .... ده مروان واحد من رجالتى

• الراجل اول ما سمع الكلمه ارتبك واتصدم

مروان : اى خدمه تانى يا دياب باشا
دياب : لا يا مروان تقدر ترجع مكانك
مروان : عن اذنك يا باشا

• خرج مروان وبعد كده دياب بص على الراجل

دياب : مش هتقولى مين اللى بعتك
الراجل : الراجل اللى خرج هو اللى بعتنى وانا متاكد جايز يكون غير اسمه بس انا متاكد منه
دياب : برضه مصمم على الكذب .... يا كريم
كريم : اوامرك يا فندم
دياب : نفذ
كريم : حاضر يا فندم

• طلع كريم من جيبه حقنه وراح ناحية الراجل وثبته كويس وضربله الحقنه فى رقبته ..... الراجل كان بيقاوم لكن كريم كان اقوى منه وقدر يثبته كويس

دياب : عارف ايه الحقنه دى
الراجل : قديمه .... هتقولى سم وهيموتك فى خلال ساعات لو ما اخدتش المصل بتاعه
دياب : لا مش سم ماتخافش
الراجل : امال ايه الحقنه دى
دياب : الحقنه دى وظيفتها تموت الاعصاب .... وللأسف ملهاش مصل .... الحقنه دى هتشل اطراف جسمك واحده واحده والعضو اللى هيتشل مش هيرجع تانى كل اللى اقدر اعمله انى اديلك حقنه تانى علشان توقف مفعولها لكن العضو اللى هيتشل مش هيرجع ..... دلوقتى قصادك حل من اتنين يا اما تعترف بسرعه قبل ما الحقنه تشتغل يا اما تستنى لما كل جسمك بتشل

• الراجل سمع كلام دياب واتصدم

دياب : على العموم معاك ربع ساعه من دلوقتى لحد ما الحقنه تشتغل فكر كويس وقرر
الراجل : صدقنى انا قولتلك الحقيقه
دياب : براحتك

• بعد ربع ساعه مفعول الحقنه بدأ يشتغل والراجل حس بتنميل فى جسمه ومش قادر يحرك رجله

الراجل : انا مش حاسس برجلى اليمين
دياب : ما انا قولتلك وانت اللى فاكرنى بهزر معاك
الراجل : انا هعترف بكل حاجه بس ابوس رجلك ارحمنى وادينى الحقنه
دياب : اعترف وانا اديلك الحقنه
الراجل : ادينى الحقنه الاول
دياب : الحقيقه الاول وبعدها هتاخد الحقنه وبسرعه لان بعد عشر دقايق المفعول هيبقى اشد وياعالم ايه اللى هيتشل تانى
الراجل : انا معرفش مين اللى حرضنى بالظبط .... بس كل اللى حصل انهم قالولى اضرب عليك نار بس من غير ما تتصاب واسيب رجالتك يقبضوا عليا وادونى صوره للراجل بتاعك على اساس انها صورة واحد اسمه زياد واعترف عليه واقول ان هو اللى حرضنى ..... اقسملك هى دى كل الحقيقه وانا معرفش مين اللى حرضنى بالظبط انا كل تعاملى عن طريق وسيط هو اللى بيتفق وانا بنفذ الاوامر ومعنديش القدره على الاعتراض لانى لو اعترضت هتقتل فورا .... ابوس ايدك ادينى الحقنه
دياب : ههههههه انت صدقت موضوع الشلل ده .... دى حقنه وظيفتها تشل اعصابك بس لفتره محدده يعنى كلها كام ساعه ومفعول الحقنه يروح وتقدر توقف على رجلك من تانى ..... وعلى فكره الراجل اللى اتعرفت عليه ده يبقى زياد فعلا بس انا لعبت فى دماغك ووترتك علشان ماتقدرش تفكر لأن اكيد انت جاى وعارف شكل زياد

• ساب دياب الراجل محبوس فى البدروم وخرج لكريم وزياد

زياد : ممكن تفهمنى يا دياب ايه اللى بيحصل بالظبط
دياب : اقعد يا زياد وهفهمك كل حاجه

• قعدوا مع بعض وحكى دياب كل اللى حصل
زياد : اقسملك انى معرفش الراجل ده .... دى اول مره اشوفه
دياب : انا عارف ومتاكد انك برئ
زياد : طالما متأكد انى برئ ايه اللى يخليك تجيبنى بالطريقه دلوقتى
دياب : علشان اتاكد من اللى كنت بفكر فيه
زياد : وايه اللى بتفكر فيه
دياب : اللى بعت الراجل ده هو نفسه اللى حاول يقتل ابوك فى السجن .... الراجل ده بيقول انك انت اللى حرضته على قتلى علشان اقلب عليك وعلى العيله من تانى وانسى الحرب الاساسيه اللى انا فيها
زياد : خلاص فهمت .... بس انا عاوز اشوف ابويا يا دياب
دياب : اضبر يا زياد شويه وانا هخليك تقابله
زياد : اصبر لحد امتى
دياب : ادينى بس شوية وقت علشان ارتب كل حاجه
زياد : حاضر يا دياب

• من ناحيه تانيه فى المستشفى ..... سليم قاعد مع عبدالرحمن .... عبدالرحمن قاعد ساكت ومش بينطق

سليم : هتفضل ساكت كده كتير يا عبدالرحمن
عبدالرحمن : عاوزنى اقول ايه يا سليم
سليم : قول اى حاجه .... اصرخ .... زعق .... خرج اللى جواك
عبدالرحمن : اللى جوايا كتير .... اكتر من انى اقدر اخرجه
سليم : حاول وانا معاك
• فجأه نزلت دموع عبدالرحمن وانفجر فى العياط

سليم : ايوه كده يا عبدالرحمن .... عيط وحاول تخرج الغضب اللى جواك
عبدالرحمن : احنا ليه بيحصل فينا كده
سليم : قدرنا كده
عبدالرحمن : من اول ما عينى فتحت على الدنيا وشايف المصايب اللى فى العيله حاولت كتير ابعد ابويا بس دايما كان رافض بسمع كلامى .... بعدها حاولت ابعد اخويا واختى لكن للأسف اكتشفت ان الموضوع ده مستحيل ..... ودلوقتى بقى مطلوب منى ادخل الحرب دى .... من ناحيه علشان تار ابويا ومن ناحيه تانيه علشان احمى امى واخواتى
سليم : كلنا جمبك ومش هنسيبك
عبدالرحمن : وانا مش هرتاح غير لما احاسب اللى عمل كده .... بس علشان اقدر اعمل كده لازم اصلب طولى
سليم : شوف انت عاوز ايه بالظبط وكلنا معاك
عبدالرحمن : **** يخليك ليا يا سليم .... انت فعلا اخويا ومش عارف من غيرك كنت هعمل ايه
سليم : ماتقولش كده يا عبدالرحمن انت قبل ما تكون ابن خالى انت كمان اخويا وابوك زى ابويا وتارك تارى
عبدالرحمن : لازم اقتل اللى عمل كده
سليم : اللى عمل كده مكانش يقصد ابوك وانت عارف كده كويس ده غير انه مجرد سلاح فى ايد كلاب بيستخدموه
عبدالرحمن : مهما يكون هقتله يعنى هقتله
سليم : نطمن على خالى الاول وبعد كده هنعمل كل اللى انت عاوزه
عبدالرحمن : حاضر يا سليم
• تانى يوم الصبح وصل الجماعه كلهم المستشفى ومعاهم عمر صقر

عمر : ايه الاخبار يا عبدالرحمن
عبدالرحمن : ايه اللى خلاك تتعب نفسك يا جدى وتيجى لحد هنا
عمر : ايه اللى بتقوله ده يا عبدالرحمن .... ابوك ده ابنى
عبدالرحمن : **** يخليك لينا يا جدى ومايحرمنا منك
عمر : طمنى على ابوك
عبدالرحمن : لسه مفيش جديد
هدير : انا روحت للدكتور وقال ان الحاله مستقره وشوية وقت ويقوم من الغيبوبه
عمر : انشاء **** خير
عبدالرحمن : انتى ايه اللى جابك يا فاتن مش المفروض ترجعى الجامعه
فاتن : انا جيت اتطمن على ابويا قبل ما ارجع الجامعه
عبدالرحمن : اتطمنى يا فاتن .... محمد صقر هيقوم بالسلامه .... ارجعى انتى للجامعه وانا هكلمك كل شويه واطمنك
فاتن : حاضر يا كبيرنا .... انا هرجع الجامعه زى ما طلبت
عبدالرحمن : لا يا فاتن انا مش كبيركم .... كبير بيتنا هو محمد صقر وكبير العيله هو سليم ..... ومحمد صقر هيرجع تانى وانا واثق من كلامى
فاتن : **** يخليك لينا يا اخويا .... راجل يا عبدالرحمن
عمر : طبعا راجل مش اخويا يبقى لازم يكون راجل .... محمد صقر مش بيخلف غير رجاله
عبدالرحمن : ماشى يا فالح .... يلا خد اختك ووصلها للجامعه وخد الليله معاها فى شقتها وتعالى بكره
عمر : حاضر يا عبدالرحمن
فاتن : هدخل اسلم على ابويا وبعد كده امشى

• بعد شويه جالهم الدكتور

عبدالرحمن : ايه الاخبار يا دكتور
الدكتور : كل شئ تمام وابوك ممكن يفوق من الغيبوبه فى اى وقت
فاتن : ممكن ادخله يا دكتور
الدكتور : انا اسف بس الزياره ممنوعه دلوقتى
عبدالرحمن : معلش يا دكتور خمس دقايق بس تطمن على ابوها علشان مسافره
الدكتور : حاضر بس هتدخل لوحدها وخمس دقايق مش اكتر
فاتن : شكرا يا دكتور
الدكتور : تعالى معايا هدخلك

• مشيت فاتن مع الدكتور ودخلت الاوضه عند محمد اللى كان نايم على السرير .... فاتن اول ما دخلت الاوضه وشافت ابوها عيطت

الدكتور : احنا قولنا من غير ازعاج لو سمحتى
فاتن : اسفه يا دكتور

• راحت فاتن عند السرير ونزلت على ركبتها ومسكت ايد ابوها وباصه فى وشه

فاتن : ليه كده يا ابويا .... ليه عاوز تسيبنى .... انا قولتلك انى مقدرش اعيش من غيرك .... فاتن تموت من غير محمد .... كده يا محمد عاوز تسيب فاتن وتمشى .... لا انا مش هسمحلك تمشى وتسيبنى

• نزلت فاتن على دماغ ابوها وباسته ولسه هتبوس ايده .... فجأه ايده اتحركت وضمت ايد فاتن

فاتن : الحق يادكتور ابويا بيتحرك

• جرى الدكتور على محمد وشاف ايده اللى ماسكه ايد بنته .... كشف الدكتور على محمد

فاتن : طمنى يا دكتور
الدكتور : اتطمنى ..... اللى حصل ده معناه ان ابوكى بيتحسن وزى ما قولت فى اى لحظه هيفوق من الغيبوبه
فاتن : **** يطمنك يا دكتور

• بعدها خرجت فاتن وراحت للجماعه وحكتلهم اللى حصل

عبدالرحمن : طب الحمد لله .... دلوقتى ترجعى الجامعه بتاعتك وانتى متطمنه
فاتن : انا مش هتطمن غير لما اشوف ابويا واقف على رجله زى الاول
عمر صقر : ماتقلقيش يا بنتى .... ابوكى هيقوم منها
فاتن : يارب يا جدى
عبدالرحمن : طب يلا يا فاتن امشى دلوقتى .... يلا يا عمر خد اختك وزى ما قولتلك بات معاها الليله
عمر : حاضر يا اخويا
فاتن : انا همشى يا عبدالرحمن زى ما طلبت بس ارجوك تطمنى على بابا كل شويه ولو حصل اى حاجه كلمنى حتى لو فى نص الليل
عبدالرحمن : حاضر يا فاتن .... يلا بقى

• من ناحيه تانيه عند جون فى الفيلا بتاعته .... جون قاعد فى مكتبه ودخل عليه ديفيد وسيرينا

جون : طمنونى ايه الاخبار
سيرينا : فى اخبار كتير وكلها اخبار هايله
جون : ايوه كده ..... قولولى ايه اللى عندكم
سيرينا : الراجل بتاعنا راح علشان يضرب دياب بس لحسن الحظ اتدخل محمد صفر وحاول ينقذ دياب بس اتصاب محمد صقر ودخل المستشفى وفى غيبوبه دلوقتى
جون : هايل
ديفيد : وبعدها بشويه رجالة دياب راحوا بيت زياد واخدوه من هناك زى اللى مقبوض عليه قعد فى الفيلا عند دياب ساعة زمن وبعدها رجع بيته تانى بس شكله زى اللى مرعوب وفى رجاله من عند دياب قاعدين عند زياد ومانعينه من الخروج تقريبا كده دياب بلع الطعم
جون : طب ما ممكن يكون دياب صدق زياد وبيحميه
سيرينا : الراجل بتاعنا عند دياب بلغنا ان دياب شاكك فى زياد بس لسه مش متاكد .... ودياب كلم سليم الجراح وعمر الالفى وحكالهم اللى حصل وطلبوا منه يحط زياد تحت عينه لحد ما يعرفوا هيعملوا ايه
جون : عظيم جدا
سيرينا : وفى خبر اجمد من كل ده
جون : لسه فى اخبار تانى
سيرينا : طبعا يا فندم ..... امبارح كان فى اجتماع فى عيلة صقر وعمر صقر وصى ان سليم ابن احمد صقر يبقى كبير العيله من بعده وفى ناس كتير فى العيله اعترضت على القرار ده وفى منهم اللى ساب الاجتماع ومشى
جون : ده خبر مايتقدرش بتمن ..... ده كنز
سيرينا : بكده سليم هيتورط فى مشاكل العيله وطبعا دياب هيبقى معاه
جون : عاوزكم تعملوا تحريات عن الناس اللى اعترضت وتعرفوا عنهم ادق تفاصيل حياتهم من اول ما اتولدوا لحد دلوقتى
ديفيد : حاضر يا فندم بس ليه
جون : نفذ الكلام بدون نقاش
ديفيد : حاضر يا فندم
جون : عاوزكم كمان تتابعوا الاخبار فى عيلة صقر وتعرفوا ايه اللى بيحصل عند اولاد سعد واولاد محمد صقر
ديفيد : حاضر يا فندم

• من ناحيه تانيه فى شقه فى المقطم دارين قاعده فى اوضتها وجرس الشقه رن قامت تفتح الباب وشافت قصادها الين .... اول ما شافتها اخدتها بالحضن وبعد كده دخلتها اوضتها وقعدوا مع بعض

دارين : الين حبيبتى ..... وحشتينى
الين : انتى اللى وحشتينى يا جزمه .... اخبارك ايه
دارين : وصلتى امتى من السفر
الين : وصلت من كام يوم
دارين : طب ليه ماقولتليش كنت استنيتك فى المطار
الين : حبيت اعملك مفاجأه
دارين : اجمل مفاجأه يا حبيبتى .... طب ناويه تقعدى هنا قد ايه
الين : قررت استقر هنا فى مصر الفتره دى وقدمت اوراقى فى مدرسه هنا فى القاهره
دارين : ايه كل ده
الين : عادى بقى .... انا تعبت من الحياه فى اوروبا واتكلمت مع اهلى علشان اعيش فى مصر
دارين : دى اخبار جامده
الين : انا متاكده انك هتفرحى بالخبر ده
دارين : طبعا يابنتى .... انتى مش عارفه انا بعانى ازاى من الوحده هنا ومش لاقيه حد يخرجنى منها بس خلاص انتى رجعتى ووداعا للوحده
الين : بمناسبة الوحده .... امال فين مامتك مش شايفاها من ساعة ما وصلت
دارين : ماما فى شغلها ولسه مش هترجع دلوقتى
الين : هى لسه بتشتغل فى البنك
دارين : لا ماما سابت شغل البنك
الين : ليه كده
دارين : جالها شغل احسن فى مجموعة شركات الجراح
الين : مش دى الشركات بتاعة الدكتور سليم الجراح ولا تشابه اسماء
دارين : ايوه هو .... انتى عارفه ان ماما بتربطها علاقه قويه بالدكتور سليم الجراح من ايام ما كانت فى لندن وبعد مارجعت مصر اشتغلت شويه فى البنك لحد ما الدكتور سليم طلبها معاه فى الشركه علشان خبرتها الكبيره فى البنوك والبورصه والاقتصاد بوجه عام
الين : وبتشتغل ايه فى الشركه
دارين : رئيسة القسم المالى ومحللة بيانات
الين : دى حاجه كويسه
دارين : من الناحيه الماديه هايل جدا لكن الشغل هناك متعب جدا واحيانا كتير مش بشوف ماما بالايام
الين : هى الحياه كده كلها تعب وكفايه ياستى ان فى عائد مادى كبير
دارين : عندك حق
الين : سيبك من الرغى الفاضى ده وطمنينى عليكى
دارين : زى ما قولتلك من فتره مفيش اى جديد حياه فاضيه وممله
الين : عامله ايه فى دراستك
دارين : كله تمام ..... انتى عارفه انى بحب الهندسه من زمان وبحلم ابقى مهندسه زى بابا **** يرحمه
الين : وياترى الدراسه هنا زى لندن
دارين : لا طبعا فى فرق كبير جدا بس انا خلاص اتعودت عليها وبكره انتى كمان تتعودى عليها
الين : الجامعه بتاعتك فين
دارين : هنا فى المقطم .... جامعة MTI
الين : طب كويس قريبه يعنى
دارين : ايوه بعد شارعين من هنا
الين : الدكاتره والمعيدين اخبارهم ايه هنا
دارين : عاديين يعنى باستثناء اتنين دكاتره ... دكتور ابراهيم ودكتور جمال .... حاجه كده ولا فى الخيال
الين : اشمعنا
دارين : الدكتور جمال بالرغم من انه شديد وحازم كده لكن الطلبه بتحبه وبصراحه دكتور عبقرى جدا .... على عكس منه الدكتور ابراهيم شخص كده فاكك وبيهزر مع الطلبه وبالرغم انه مش بيدى اى درجات على الحضور والغياب لكن تلاقى الطلبه كلها بتحضر وبتركز فى محاضراته وزى ما قولتك انه بالرغم من انه شخص فرى كده لكن وقت الجد مفيش هزار
الين : احب الناس اللى زى دى .... تحسيهم ناس عمليه وعارفه قيمة كل حاجه حواليها
دارين : فعلا عندك حق وده اللى مخليهم بالرغم من سنهم الصغير لكن مناصبهم كبيره فى الجامعه جايز علشان سافروا بره مصر كتير واتعلموا حاجات غيرهم مش عارفها
الين : انتى حببتينى فى الهندسه وشكلى كده هكمل جامعه هنا كمان
دارين : ياريت
الين : واخبار الشباب هنا ايه
دارين : لا الشباب هنا معظهم دماغ فاضيه ومش عارفه هما عايشين ليه من الاساس مفيش فى دماغهم غير اللعب والهزار واى كلام فاضى
الين : ايه التفاهه دى
دارين : عندك حق هما فعلا تافهين بس ده مايمنعش ان فيهم برضه شباب تحسيهم اكبر من سنهم بكتير وفاهمين الدنيا يمكن اكتر من ناس كتير كبيره فى السن
الين : عادى يعنى ده فى كل مكان
دارين : عندك مثلا فى طالب معانا فى الدفعه بتاعتنا عباره عن غموض ولو شوفتيه هو بيتكلم تحسى انك واقفه قصاد شخص كبير .... شخص مثقف وواعى وفاهم كل حاجه بتدور حوالينا
الين : للدرجه دى
دارين : واكتر من كده ..... شخص تحسه طالع من روايه
الين : شكلها كده قصة حب
دارين : لا خالص ماتخليش دماغك تروح لبعيد
الين : وفيها ايه لما تكون قصة حب
دارين : مفيهاش حاجه بس انا فعلا مفكرتش فيه على انه حبيب خالص
الين : جايز .... مع ان كلامك غير كده
دارين : ليه بتقولى كده .... هو يعنى علشان معجبه بشخص او افكاره عاجبانى يبقى لازم يكون فى قصة حب
الين : عندك حق .... جايز اكون فهمتك غلط

• من ناحيه تانيه فى قنا .... وصل عمر وفاتن الشقه .... دخلت فاتن غيرت هدومها وعمر كمان اخد شاور وغير هدومه وقعدوا مع بعض

عمر : مالك يا فاتن
فاتن : مالى يا عمر
عمر : ساكته من اول ما اتحركنا من البلد
فاتن : قلقانه على بابا وخايفه عليه
عمر : يا ستى متخافيش بابا هيبقى كويس ويقوم بالسلامه ده برضه محمد صقر ولا انتى ناسيه ان محمد صقر مش بسهوله يوقع كده
فاتن : اللى مطمنى انه مسك ايدى وزى ما يكون حاسس بكل حاجه من حواليه معنى كده انه بيقاوم علشان يرجع
عمر : خلاص بقى .... اهم حاجه دلوقتى تركزى فى دراستك ومستقبلك .... مينفعش بابا يرجع يلاقينا تايهين وضايعين
فاتن : عندك حق يا عمر .... انت عارف ايه اكتر حاجه مستغرباها
عمر : خير يا ستى
فاتن : عبدالرحمن اخوك .... شوفت عمل ايه مع الدكتور وبعد كده معانا
عمر : لا بالعكس انا مش مستغرب من الموضوع ده .... اللى عمله عبدالرحمن مع الدكتور ده شئ طبيعى واى حد فى مكانه كان هيعمل كده ولا انتى ناسيه ان تارنا بناخده بايدنا مش بنسيب اى حد ياخدلنا تارنا
فاتن : ماشى يا سيدى وانا همشى وراك فى اللى انت بتقوله لكن شوفت عبدالرحمن بيتعامل بقوه ازاى وقادر يسيطر على اعصابه ومايضعفش حتى معانا والغريبه ان انا وانت وماما سمعنا كلامه من غير نقاش
عمر : عبدالرحمن من زمان عاوز يبقى كبير وليه كلمته بس بالاصول .... عبدالرحمن شخصيه قياديه وابوكى ربانا نسمع لبعض وطالما واحد فينا قال كلمه لازم الباقى يسمعله ويديله فرصه
فاتن : امبارح اول مره اشوف محمد صقر جديد .... اول ما كان عبدالرحمن بيتكلم كنت شايفه ابويا اللى بيتكلم مش اخويا الصغير
عمر : هو ده عبدالرحمن اخويا اللى انا اعرفه اكتر من اى حد فى الدنيا
فاتن : وانت نظامك ايه فى الدنيا دى
عمر : انا ضهر اخويا وسنده فى الدنيا .... احمى اخويا واحميكى من اى حاجه .... مش حابب ابقى كبير العيله ولا حابب ادخل فى صراعات ماتخصنيش .... عاوز اعيش اليومين اللى قاعدهم فى الدنيا بعيد عن المشاكل والحروب .... عاوز اعيش فى سلام
فاتن : انا حاسه انى بعرفك انت واخوك لأول مره
عمر : اشمعنا
فاتن : على طول شايفاكم ***** صغيره كل همها تعيش حياتها ومش شايلين اى مسئوليه وضاربين الحياه بالجزمه لكن من امبارح عماله اتصدم فيكم وفى طريقة تفكيركم
عمر : الظروف اللى بتواجهنا هى اللى بتحكم تصرفاتنا
فاتن : عندك حق
عمر : طب كفايه كلام لحد كده وقومى ذاكرى شويه وانا هدخل الاوضه اريح
فاتن : حاضر يا اخويا

• قامت فاتن مع عمر .... فجأه فاتن اخدت اخوها بالحضن .... كان حضن جامد ودمعت وهى فى حضنه

عمر : مالك يا حبيبتى
فاتن : انا بحبك اوووى يا عمر .... النهارده بس اتاكدت ان ليا ضهر غير بابا .... **** يخليك ليا ومايحرمنى منك
عمر : وانا كمان بحبك اوووى يا فاتن ..... انتى مش اختى الكبيره لا انتى بنتى
فاتن : حبيبى يا اخويا
عمر : طب كفايه كده ويلا شوفى هتعملى ايه

• من ناحيه تانيه فى المستشفى عند محمد صقر كلهم موجودين فى المستشفى

احمد : يا عبدالرحمن
عبدالرحمن : ايوه يا عمى
احمد : انت سهران هنا من امبارح .... ارجع البيت ريح شويه وارجع تانى
عبدالرحمن : صدقنى يا عمى مش هقدر اسيب ابويا وامشى
احمد : يابنى كلنا موجودين ولو حصل اى جديد هنكلمك

• فجأه باب الاوضه خبط ودخلت انا مع عمى ومعانا لمياء .... لمياء اول ما شافت هدير راحتلها على طول واخدتها بالحضن

لمياء : ايه اللى حصل ده يا هدير
هدير : كله مقدر ومكتوب
لمياء : مين اللى عمل كده وليه
عمى : مش وقت الكلام ده دلوقتى يا لمياء
احمد : ليه تتعبوا نفسكم كده يا دكتور
عمى : تعب ايه يا احمد اللى بتقول عليه .... معقول حاجه زى دى تحصل ونقعد ساكتين
احمد : كفايه اتصال حضرتك
انا : اتصال ايه يا احمد .... هو فى بينا الكلام ده برضه .... معلش يا احمد اذا كنا اتاخرنا ومعلش كمان يوسف معاه شغل ومش هيقدر يجى
احمد : ايه اللى بتقوله ده يا سليم هو احنا اغراب علشام يبقى بينا الكلام ده
عمى : طمنونى ايه اخبار محمد
احمد : ادعيله يا دكتور
عمى : **** يقومه بالسلامه
انا : امال دياب فين مش موجود معاكم
احمد : جاتله مكالمه وخرج علشان يرد عليها ودلوقتى يرجع
عمى : انت عبدالرحمن ابن محمد
عبدالرحمن : ايوه يا دكتور
عمى : طلعت راجل زى ابوك .... محمد صقر عرف يخلف رجاله بصحيح
عبدالرحمن : شكرا يا دكتور
انا : بس ايه اللى عملته مع الدكتور ده يا عبدالرحمن
عبدالرحمن : ده اللى كان لازم يحصل
انا : يابنى الحياه مش بتتاخد عافيه كده .... حكم عقلك شويه
عبدالرحمن : يعنى حضرتك عاوزنى اسيبه يبلغ الشرطه علشان يقبضوا على اللى عمل كده واسيب حد تانى ياخد تارنا
انا : انت فهمتنى غلط ..... انا قصدى انك تسايس امورك مع الناس علشان تعرف تاخد حقك
عبدالرحمن : اهو اللى حصل بقى
انا : خلاص موقف وعدى بس لازم تتعلم للمستقبل
عبدالرحمن : حاضر

• فجأه دخل علينا دياب

دياب : حمد ** على السلامه يا دكتور .... حمد ** على السلامه يا سليم
انا وعمى : **** يسلمك يا دياب
عمى : كنت فين يا دياب
دياب : كان معايا مكالمه
عمى : عملت ايه فى محضر الشرطه
دياب : كله تمام يا دكتور .... كل حاجه اتقفلت والمحضر اتظبط
عبدالرحمن : شرطة ايه .... هو انتوا بلغتوا الشرطه
عمى : الدكتور هو اللى بلغ الشرطه امبارح بعد كلامك معاه
عبدالرحمن : بس مفيش حد حقق معانا
عمى : احنا قفلنا كل حاجه مع الداخليه متقلقش
عبدالرحمن : تار ابويا انا اللى هاخده بايدى بس اتطمن عليه الاول
انا : حاضر يا بنى متخافش هنعملك كل اللى انت عاوزه

• اخدنا قعدتنا فى المستشفى ومشينا ومعانا دياب رجعنا الفيلا بتاعة دياب .... اول ما وصلنا الفيلا دخلنا المكتب

عمى : ايه اللى حصل ده يا دياب وازاى الراجل ده قدر يخترق الحراسه كده
دياب : الراجل ده من طرف مستر جون .... والقصر بتاع احمد صقر مكانش فيه تأمين كفايه والراجل قدر يخترق الحراسه ودخل علشان يحاول يقتلنى بس لما حققت معاه عرفت انه كان المفرض يضربنى بالرصاص من غير ما اموت وكمان يتقبض عليه ويعترف ان زياد ابن سعد صقر هو اللى محرضه
انا : عاوزين يشغلوك ويقلبوك على العيله ويشتتوك فى حربك
دياب : بالظبط كده ..... مستر جون عمل اللى احنا كنا متوقعينه
انا : طب هنتصرف ازاى دلوقتى
دياب : انا عملت خطه وبينت لمستر جون انى بلعت الطعم وسايب رجاله بتراقب زياد دلوقتى علشان مستر جون يتأكد ان انا شاكك فى زياد فعلا
عمى : كده كويس .... اهم حاجه دلوقتى نتطمن على محمد صقر
دياب : الدكاتره طمنونى وبيقولوا ان فى اى وقت هيفوق
انا : على فكره يا دياب رجالتنا بدأوا اول خطوه فى الخطه
دياب : عظيم جدا .... ده انسب وقت .... جون فاكر انه بيشتتنا ومشغول بمشاكلى مع عيلة صقر ومش واخد باله من اللى احنا بنخططله
عمى : علشان كده انا امرت بتنفيذ الخطه فورا
دياب : لسه مفيش اخبار عن استر او بنتها
انا : للأسف مفيش اى اخبار
دياب : ياترى استر بتهبب ايه دلوقتى
عمى : للأسف مش قادرين نعرف
انا : سيبكم من استر دلوقتى وخلينا مركزين مع جون .... جون هو المهم بالنسبالنا
عمى : مش عارف ليه يا سليم قلبى حاسس انك عارف حاجه عن استر
انا : ليه بتقول كده يا عمى
عمى : لأنك بتتعامل بهدوء .... مش انت سليم اللى كان مصمم ياخد بتاره من استر بعد اللى عملته فى مريم وابنك
انا : لا يا عمى انا سليم اللى كان مصمم ياخد بتاره بس زى ما بيقولوا لكل وقت اذان ودلوقتى مش وقت انتقام شخصى والحرب اللى بينى وبين استر لسه بدرى على نهايتها
عمى : وانا هحاول اصدقك
انا : حاول يا عمى تصدقنى زى ما انا حاولت اصدق انك ماكنتش تعرفنى قبل ماشوفتك فى غيبوبة السكر ساعة ما اتقابلنا اول مره

• دياب وعمى اتصدموا من كلامى

عمى : انت بتقول ايه
انا : انا عارف انك عارف بوجودى من زمان وعارف كمان انك كنت حاطط عينك عليا فى كل لحظه من حياتى .... عارف انك دايما بتراقبنى وبتجهزنى علشان لما ابقى مكانك اكون قد المكان ده .... على فكره انا مش زعلان منك بالعكس لان اللى انت عملته كان هو ده الصح .... كان لازم اتبهدل فى الدنيا واتفرم فيها لوحدى علشان عودى ينشف واقدر اواجه
عمى : وانت عرفت الكلام ده من امتى يا سليم
انا : بعد حكاية موتك بحاجه بسيطه
عمى : وعرفت ازاى
انا : بعد موضوع موت حضرتك حصل موضوع الغش فى اساسات البناء فى المرحله التانيه للإسكان المتوسط وقتها روحت شركة المقاولات علشان اتطمن على اللى بيحصل هناك من مصطفى وهناك قابلت مدير ال HR وقعدنا نرغى مع بعض والراجل كان بيحبنى من ايام ماكنت بشتغل فى الشركه .... وقتها قالى حاجه غريبه
عمى : قالك ايه
انا : قالى انى لما قدمت فى الشركه اول ما نزلت القاهره وقتها بعت الورق للمركز الرئيسى لان حضرتك كنت مصمم ان اى حد يقدم لأى وظيفه فى اى شركه لازم الورق يروح للمركز الرئيسى .... وقتها قالى انك كنت قالب الدنيا عليا بطريقه غريبه .... ساعتها افتكرت لما قابلتك واستغربت انك عارف بوجودى وبالرغم من كده عملت نفسك مش عارفنى وامرتنى اسيب الشركه علشان اشتغل معاك .... وقتها قولت اكيد انك كنت عارفنى من قبل كده بس اللى كنت مستغربه انت ليه عملت الحكايه دى كلها لحد ما ظهر دياب تانى وعرفت علاقتك بدياب وقتها رجعت بذاكرتى ايام ما كنت مع دياب فى المدرسه وقتها كانت علاقتى بدياب علاقه سطحيه جدا لكن فى مره سافر امريكا وبعد ما رجع لقيته بيتقرب منى اكتر واكتر بطريقه غريبه بس وقتها قولت جايز علشان دياب غريب عن البلد ومايعرفش حد بيحاول يعمل اصحاب لكن بعد ما قابلت دياب تانى ايام ما كان عامل شخصية مستر ادم وقتها ربطت الاحداث ببعض وعرفت ان دياب كان داخل حياتى بتوصيه من حضرتك
عمى : انت ازاى قدرت تربط كل الأحداث دى ببعض
انا : التفاصيل ..... اهم حاجه يا عمى تركز فى التفاصيل .... وانا شخص مش بصدق كتير فى موضوع الصدفه خصوصا لو كانت مجموعة صدف مرتبطه ببعض .... اصل مش معقول عمى على علاقه قديمه بواحد صاحبى ومايعرفنيش او حتى دياب مالفتش نظره تشابه الأسماء اللى بينا وخصوصا ان انا كان اسمى فى البلد سليم الجراح وده نفس اسمك يا عمى
دياب : انت دماغك دى ايه يا سليم
سليم : بس فى حاجه واحده مش فاهمها
عمى : حاجة ايه
سليم : حضرتك ليه عملت عقود بيع كل حاجه لبناتك خصوصا فى عز المشاكل اللى كانت عندى
عمى : ده كان اخر اختبار لبناتى ..... كنت عاوز اشوف هما قدروا يحبوك ولا ما هيصدقوا يخلصوا منك بالورق ده
سليم : وافرض كانوا صدقوا الورق وبلغوا عنى
عمى : وقتها كان هيظهر دليل برائتك وكنت هتخرج منها
سليم : تمام يا عمى
عمى : اهم حاجه انك ماتكونش زعلان منى
انا : مقدرش ازعل منك يا عمى ..... هو فى حد يزعل من ابوه
عمى : يعنى افهم من كلامك ده انك عارف طريق استر
انا : جايز اه .... وجايز لا
عمى : هنفضل نلعب مع بعض كتير يا سليم
انا : سيب اللعبه تستوى وكل حاجه هتيجى فى وقتها
عمى : **** يسترها من اللعب بتاعك

• من ناحيه تانيه فى قنا ... فاتن صحيت وراحت الجامعه حضرت اول محاضره وبعد كده كان معاها بريك ساعه نزلت قعدت فى الكافتريا .... بعد شويه دخلت عليها نسمه زميلتها

نسمه : ايه يابنتى اللى سمعته ده .... ايه اللى حصل لابوكى .... انا بقالى يومين بكلمك ومش بتردى على التليفون
فاتن : مقدر ومكتوب
نسمه : طب هو كويس دلوقتى
فاتن : ادعيله يا نسمه
نسمه : **** يقومه بالسلامه ..... بس مين اللى عمل كده
فاتن : لسه مش عارفين
نسمه : انا من ساعة ما عرفت الخبر وانا مصدومه وكنت عاوزه اجيلك البلد بس مش عارفه الطريق وحاولت اكلمك انتى مش بتردى
فاتن : معلش يا نسمه دماعى كانت مشغوله وخايفه على بابا
نسمه : انا قولت انك مش هتيجى الجامعه النهارده
فاتن : انا فعلا ماكنتش هاجى بس عبدالرحمن اخويا طلب منى ارجع الجامعه واهتم بدراستى علشان بابا ..... حتى اخويا عمر جابنى امبارح وبات معايا فى الشقه علشان مايسبنيش لوحدى
نسمه : تعرفى يا فاتن انا مش عارفه اذا كنت اتعاطف معاكى على اللى بيحصلك ولا احسدك على اخواتك
فاتن : ليه بتقولى كده
نسمه : اخواتك بيحبوكى وخايفين عليكى ودايما بيفكروا فيكى وفى مصلحتك بالرغم من انهم اصغر منك على عكس اخواتى اللى كل واحد فيهم مش بيفكر غير فى نفسه ومصلحته .... انا ممكن اقعد بالشهر فى الجامعه من غير ما اى حد فيهم يفكر يتصل بيا او يتطمن عليا
فاتن : ابويا اللى ربانا على كده .... احنا اتربينا على ان احنا واحد ولازم نبقى قريبين من بعض ونحب بعض ونخاف على بعض
نسمه : يا شيخه ده انتى حتى ابوكى كان بيتصل بيكى كل شويه ومن وقت للتانى بيجيلك يتطمن عليكى .... لكن انا علاقتى بابويا تحسيها علاقه سطحيه يادوب بيكلمنى مره كل اسبوع يادوب يسأل عليا ويعرف اذا كنت محتاجه حاجه ولا لأ
فاتن : دى غلطتك انتى .... لازم انتى اللى تحاولى تقربى من ابوكى واخواتك وتعوضى النقص ده
نسمه : خلاص مبقاش ينفع .... انا مستنيه اخلص دراستى وانجح وبعدها هسيب البلد كلها واسافر
فاتن : تسافرى فين
نسمه : اى مكان بعيد .... المهم ابعد واكون حياتى ومستقبلى .... بفكر اسافر القاهره واشتغل فى اى مصنع ادويه بعيد عن البلد واى حد اعرفه
فاتن : لو على الشغل بسيطه بس اهم حاجه اهلك .... اياكى تفكرى تبعدى عنهم
نسمه : لا مش هبعد عنهم بس محتاجه اعيش لوحدى
فاتن : ياستى خلصى دراستك وموضوع الشغل بسيط
نسمه : بسيط ازاى يا فاتن .... انتى شايفه حال البلد بصى حواليكى وشوفى معظم الخرجين قاعدين على القهاوى
فاتن : ياستى سيبى موضوع الشغل ده عليا وانا هشغلك فى اكبر مصنع ادويه فى البلد
نسمه : يا سلام
فاتن : ليكى عليا بعد ما نخلص دراسه تشتغلى فى مصنع الجراح
نسمه : مصنع الجراح مره واحده انتى بتحلمى ولا ايه .... اى نعم انتى من عيله كبيره وكل حاجه بس مش لدرجة انك تشغلينى فى مصنع الجراح
فاتن : لا يا ستى مش بحلم .... بس اللى انتى مش عارفاه ان عمى يبقى شريك فى مجموعة شركات الجراح
نسمه : انتى بتتكلمى بجد
فاتن : هو الكلام ده فيه هزار
نسمه : اول مره اعرف الموضوع ده
فاتن : طب انتى عارفه مين كان بيزور بابا فى المستشفى النهارده
نسمه : عمك اللى بتقولى عليه
فاتن : مش عمى لوحده
نسمه : امال مين تانى
فاتن : كان معاه الدكتور سليم الجراح وابن اخوه
نسمه : انتى بتتكلمى بجد
فاتن : اصلا بابا اتضرب بالنار علشان كان بيدافع عن عمى اللى كان مقصود
نسمه : لا ده طلع الموضوع كبير
فاتن : على العموم انا قابلت الدكتور سليم الجراح لما كنت فى القاهره وطلبت منه اتدرب عنده فى المصنع فى الاجازه وهو رحب جدا ووافق وطلبت منه كمان اجيبك تدربى معايا وقالى ان المصنع بتاعه مفتوح ليا فى وقت انا واى حد من طرفى
نسمه : انا كده لازم احضنك وابوسك
فاتن : يا هبله انتى اختى وانا بحبك ولا انتى فاكره انى هسافر اتدرب من غيرك
نسمه : **** يخليكى ليا .... بس انتى قابلتى الدكتور سليم الجراح ازاى
فاتن : كنا معزومين فى الفيلا .... لأن ابويا يبقى صاحب ابن اخو الدكتور سليم اللى هو رئيس مجلس ادارة الشركه حاليا وماما تبقى صاحبة بنت الدكتور سليم
نسمه : لا ده انتى طلعتى معديه جامد
فاتن : عيب عليكى يا بنتى ده انا برضه فاتن بنت محمد صقر
نسمه : ماشى يا ستى

• فجأه الكافتريا اتقلبت .... ودخل طالب ومعاه جاردات .... قعد الطالب لوحده على طرابيزه والجاردات منتشرين فى الكافتريا

فاتن : ايه حكاية الواد ده .... من اول يوم فى الدراسه بيجى وسط حراسه وبيحضر المحاضرات وقاعد لوحده على طول
نسمه : محدش يعرف عنه اى حاجه .... كل اللى احنا نعرفه اسمه وبس لكن ايه حكايته محدش يعرف
فاتن : شكلها كده وراه حكايه .... هو اسمه ايه
نسمه : اسمه سيف عبدالرحمن
فاتن : اللى مش قادره افهمه ازاى الجامعه موافقه انه يدخل بالجاردات دى كلها
نسمه : شكله كده ابن حد تقيل فى البلد
فاتن : لا ده شكله مش من الصعيد اصلا
نسمه : بس انا فى حاجه ملاحظاها ومش عارفه اذا كنتى واخده بالك منها ولا ايه الدنيا
فاتن : حاجة ايه
نسمه : من اول ما وصل سيف للجامعه وهو حاطط عينه عليكى
فاتن : حاطط عينه عليا ازاى
نسمه : دايما بيبص عليكى
فاتن : لا انا ما اخدتش بالى من الموضوع ده
نسمه : انتى لو ركزتى هتلاقيه دايما بيبص عليكى
فاتن : طب بطلى هبل
نسمه : يابنتى اقسملك انه عينه منك
فاتن : انتى عارفه انى مش بفكر فى الكلام الفارغ ده
نسمه : لحد امتى .... ده اكتر من نص الجامعه عينها منك وكلها شباب زى الورد ده غير المعيدين
فاتن : اهم حاجه بالنسبالى دلوقتى مستقبلى ودراستى بعد كده افكر فى موضوع الارتباط والجواز .... وكفايه كلام لحد كده ويلا بينا علشان فاضل ربع ساعه على المحاضره
نسمه : ماشى يا ستى يلا بينا

• مر اسبوع بعد كده من غير جديد .... انا رجعت القاهره علشان الشغل وعمى قعد مع دياب فى الاقصر .... محمد صقر حالته مستقره بس لسه فى الغيبوبه .... جون بيعمل اجتماعات باستمرار مع سيرينا وديفيد وبيرتبوا للجديد
• من ناحيه تانيه فى المستشفى كلهم قاعدين مع محمد فى الجناح بتاعه

احمد : وبعدين بقى فى اللى احنا فيه ده .... محمد بقاله اسبوع فى غيبوبه
دياب : ماتنساش يا احمد ان فى الاسبوع ده محمد فاق اكتر من مره ودى حاجه كويسه
هدير : دياب بيتكلم صح يا احمد .... الحكايه محتاجه شوية صبر
عبدالرحمن : ابويا هيقوم بالسلامه وقريب جدا

• بعد ساعه وصلت فاتن المستشفى ودخلت الأوضه عند محمد وكان كلهم موجودين .... سلمت عليهم وراحت عند ابوها مسكت ايده باستها وباست دماغه وقعدت جمبه وهى ماسكه ايده

فاتن : وبعدين معاك يا محمد يا صقر .... هتفضل سايب فاتن كده كتير .... الحياه ملهاش طعم من غيرك ..... اليوم بعيد عنك ممل وكئيب ومفيش حاجه ليها طعم .... كل يوم ببعتلك رسايل على الواتساب زى ما انا متعوده ومستنيه ترد عليا .... على فكره انا زعلانه منك ومخاصماك ومش هكلمك .... بقى يجيلك قلب تبعد عنى كل ده .... اصبر عليا بس تفوق وانا هعرف شغلى معاك

• فجأه فاتن دموعها غلبتها واشتغلت عياط وقامت هدير تحاول تهديها

هدير : اهدى يابنتى ماتعمليش فى نفسك كده
فاتن : بابا وحشنى اوووى ومش قادره اعيش من غيره
هدير : طب سيبيه يرتاح وتعالى معايا
فاتن : مش قادره اسيبه يا ماما
هدير : تعالى بس معايا

• فاتن وهى قايمه حست بايد محمد ضاغطه عليها ومش عاوزه تسيبها

فاتن : الحقى يا ماما .... بابا ماسك ايدى
محمد : فاتن حبيبتى
فاتن : بابا حبيبى انت فوقت
محمد : ايه اللى حصل .... وانا فين
هدير : احنا فى المستشفى يا حبيبى
محمد : انا اخر حاجه فاكرها لما كنت واقف مع دياب وشوفت واحد عاوز يضرب دياب بالنار

• فجأه محمد حس بصداع رهيب ومسك دماغه

هدير : اهدى يا حبيبى على نفسك

• طلبت فاتن الدكتور اللى وصل على طول وكشف على محمد

فاتن : خير يا دكتور
الدكتور : اتطمنوا .... خلاص فاق والصداع ده طبيعى من الغيبوبه اللى كان فيها .... انا هديله حقنه وكل شئ هيبقى تمام

• بعد ما محمد اخد الحقنه بشويه كان فاق وبقى تمام وحالته استقرت

دياب : حمد **** على سلامتك يا محمد
محمد : **** يسلمك يا دياب
دياب : مش عارف اقولك ايه لولاك كان زمانى ميت
محمد : مين اللى عمل كده يا دياب
دياب : مش مهم الكلام ده دلوقتى .... اهم حاجه نتطمن عليك
محمد : انا بقالى قد ايه فى الغيبوبه
هدير : بقالك اسبوع يا حبيبى
محمد : اسبوع كامل بعيد عنكم
هدير : ايوه يا حبيبى اسبوع ومافوقتش غير لما الجزمه دى جاتلك
فاتن : ليه كده يا ماما ده انا حبيبتك
هدير : لأن كلنا قاعدين جمبه وهو نايم ومجرد ما انتى وصلتى قام على طول
محمد : هى فاتن كانت فين طول الاسبوع
فاتن : عبدالرحمن اخويا امر انى ارجع الجامعه .... قال ايه مش علشان بابا تعب شويه يبقى كل حاجه تبوظ
محمد : عبدالرحمن فين
هدير : عبدالرحمن بينام جمبك كل يوم والصبح بيروح يتابع الشغل ويحضر دروسه وبيرجع تانى بالليل
محمد : عبدالرحمن عمل كل ده
هدير : واكتر من كده كمان .... طول الاسبوع اللى فات ماحسيتش بغيابك يا محمد .... لأنى كنت شايفه محمد صقر قصادى فى صورة عبدالرحمن .... عبدالرحمن طول الاسبوع اللى فات واخد باله من مذاكرته ودروسه والشغل وكل حاجه ..... يامحمد احنا عرفنا نربى عيالنا صح
محمد : انا عارف انى مخلف رجاله تسد من بعدى .... وعمر كان بيعمل طول الاسبوع اللى فات
هدير : عمر وصل فاتن للجامعه واخد معاها يومين اتطمن عليها ورجع تانى وبيقضى معظم اليوم هنا فى المستشفى مش بيسيبك غير علشان يحضر دروسه
محمد : وهو فين دلوقتى
هدير : مشى من شويه علشان معاه درس وقال انه هيخلص ويروح مع عبدالرحمن الأرض علشان محتاجه معاه هناك وهيخلصوا ويرجعوا على هنا تانى
محمد : الولاد تعبوا اوووى فى غيابى
فاتن : ولادك رجاله وقد المسئوليه
محمد : كلميهم يا هدير وبلغيهم باللى حصل وخليهم يسيبوا الشغل ويجوا على المستشفى
هدير : حاضر يا حبيبى
محمد : الولاد وحشونى وعاوز اشوفهم

• اتصلت هدير بعبدالرحمن اللى اول ما سمع الخبر ساب كل حاجه وطلع بسرعه على المستشفى ومعاه اخوه .... اول ما دخلوا الأوضه وشافوا ابوهم جريوا عليه ودخلوا فى حضنه وعبدالرحمن انفجر فى العياط

محمد : ايه يا ابنى بتعيط ليه دلوقتى .... انا خلاص رجعت
عبدالرحمن : دى الدموع اللى حابسها بقالى اسبوع ومش قادر اخرجها لان كان لازم ابقى قوى فى غيابك لكن خلاص انت رجعت بالسلامه ومن حقى ارتاح شويه واخرج كل اللى جوايا
محمد : الدموع عمرها ماكانت ضعف يا عبدالرحمن .... الإنسان الطبيعى هو اللى بيتأثر وبيحزن ويفرح
عبدالرحمن : وحشتنى يا ابويا
محمد : انت اللى وحشتنى يا حبيبى .... طمنى عليك وعلى الشغل .... مامتك كانت بتقول انك كنت بتابع الشغل فى غيابى وكنت كمان بتحضر دروسك
عبدالرحمن : انا وعدتك قبل كده انى اخد بالى من دراستى ومن امى واخواتى
محمد : راجل يابنى .... وانت يا عمر اخبارك ايه
عمر : انت لسه فاكر يا محمد يا صقر .... طبعا فاتن وعبدالرحمن واكلين الجو كله
محمد : هههههه ماشى يا جزمه
عمر : وحشتنى يا بابا
محمد : انت اللى وحشتنى يا حبيبى طمنى عليك
عمر : انا كويس يا ابويا ومكانش ناقصنى غيرك
دياب : برافوا عليك يا محمد عرفت تخلف رجاله
محمد : دول رجالة محمد صقر يا دياب
دياب : **** يخليهملك ويخليك ليهم
محمد : طب انا عاوز اخرج من المستشفى .... شوفوا الدكتور خليه يكتبلى على خروج
هدير : انا اتكلمت مع الدكتور وقال انك تقدر تخرج فى اى وقت
محمد : طب تمام .... انا عاوز اخرج دلوقتى

• خرج الجماعه من المستشفى ورجعوا كلهم على فيلا محمد صقر
• عبدالرحمن اخد دياب على جمب

دياب : عاوز ايه يا عبدالرحمن
عبدالرحمن : عاوز الكلب اللى عندك
دياب : اهدى يا عبدالرحمن دلوقتى
عبدالرحمن : محمد صقر مش هيبات الليله قبل ما اخد بتاره يا دياب
دياب : اسمعنى يا عبدالرحمن
عبدالرحمن : مش هسمع اى حاجه يا دياب .... انا عاوز الكلب ده دلوقتى
دياب : حاضر يا عبدالرحمن .... ارجع للجماعه دلوقتى وانا هبعت اجيبلك الراجل

• بعد شويه كان الجماعه كلهم قاعدين مع بعض ودخل عليهم دياب ومعاه الراجل اللى حاول يقتل دياب وكان متكلبش ..... محمد اول ما شافه بان على شكله ملامح الغضب

محمد : ايه اللى انت جايبه ده يا دياب
دياب : ده اللى ضربك بالنار يا محمد
محمد : انا عارف بس انت جايبه ليه دلوقتى
دياب : اسأل عبدالرحمن
محمد : ايه فى يا عبدالرحمن
عبدالرحمن : انا اللى قولت لدياب يجيبه .... كنت مستنى حضرتك ترجع بالسلامه علشان اقتل الكلب ده قصاد عينك

• فجأه عبدالرحمن خرج سلاحه ووجهه ناحية الراجل

محمد : نزل سلاحك يا عبدالرحمن
عبدالرحمن : لازم اقتله يا ابويا
محمد : اسمع الكلام يا عبدالرحمن ونزل السلاح .... انا مش هكرر كلامى

• نزل عبدالرحمن سلاحه

محمد : ايوه كده يا عبدالرحمن .... تارى مش عند الكلب ده .... ده مجرد سلاح فى ايد اللى بيستخدمه .... تارنا عند ناس تانيه اول ما هوصلهم هخليك تقتلهم بايدك ومش همنعك
عبدالرحمن : حاضر يا ابويا وانا هسمع كلامك
محمد : يا دياب
دياب : ايوه يا محمد
دياب : خد الزفت ده وانت هتعرف هتتصرف
دياب : حاضر يا محمد ..... يا كريم رجع الراجل مكانه
كريم : حاضر يا فندم

• كريم اخد الراجل ومشى

دياب : انا بقالى اسبوع كل شويه بتفاجئ بحاجه جديده من عيالك خصوصا عبدالرحمن
محمد : اشمعنا يا دياب
دياب : عبدالرحمن كان مصمم يقتل الراجل ده ومش راضى يسمع كلام اى حد لكن مجرد ما انت قولتله لا سمع كلامك من غير نقاش
محمد : اولادى مستحيل يكسروا كلامى مهما حصل يا دياب

• اخد الجماعه قعدتهم مع بعض وبعد كده مشيوا كلهم
• دياب واحمد صقر والباقيين رجعوا القاهروا علشان يشوفوا حياتهم .... فاتن بعد ما اتمنت على ابوها رجعت الجامعه تانى .... محمد صقر رجع يتابع شغله من تانى
• جون وسيرينا وديفيد شغالين فى خططهم
• مر تقريبا 10 ايام بعد كده من غير جديد
• عندى فى الشركه كنت قاعد فى مكتبى بخلص شغل وجاتلى مكالمة تليفون رديت عليها

انا : الووووو ..... ايه الاخبار .... انتى كويسه .... لا انا فى الشركه .... طمنينى عليكى .... يعنى مش محتاجه اى حاجه .... لا صعب جدا مش هقدر اجيلك اليومين دول خالص .... لا اياكى تخرجى من الفيلا اليومين دول بالذات .... يا ستى استحملى شويه اخلص الشغل اللى معايا وبعد كده هجيلك على طول

• فجأه باب المكتب خبط وفتح ودخل عليا عمى

انا : ايه ده عمى .... ايه النور ده كله
عمى : قولت اعملك مفاجأه واجيلك الشركه
انا : اجمل مفاجأه يا عمى
عمى : انت بتتكلم فى التليفون
انا : تصدق ما اخدتش بالى .... ثانيه هخلص مكالمتى وافضالك يا عمى

• بعد كده مسكت التليفون
انا : ايوه يا بشمهندس .... لا زى ما اتفقنا .... عاوزك تروح للوزاره وتشوف موضوع المناقصه وياسيدى انا كلها يومين واجيلك الشركه واقعد معاك ونشوف كل حاجه وساعتها اقولك المفيد ..... اسمع بس انت كلامى وماتتصرفش من دماغك .... سلام دلوقتى وهكلمك تانى

• قفلت التلبفون وسيبته على المكتب

انا : ايه المفاجأه الجامده دى يا عمى
عمى : حسيت بملل من القعده فى الفيلا وقولت انزل الشركه واشوف ايه الاخبار هنا
انا : منور الشركه يا عمى
عمى : ده بنورك يا حبيبى .... خير فى مشاكل فى الشغل
انا : لا خالص ليه بتقول كده
عمى : سامعك بتتكلم فى التليفون وبتقول على مناقصه وحاجات كده
انا : اه كنت بكلمهم فى شركة المقاولات بخصوص مناقصه جديده هندخلها لكن مفيش مشاكل ولا حاجه
عمى : طب تمام .... المهم ايه اخبار مصنع الأدويه
انا : كله تمام يا عمى .... وبالنسبه لخط الانتاج الجديد كلها كام يوم ويبقى جاهز
عمى : عظيم جدا
انا : فى حاجه كده بفكر فيها وعاوز اخد رائيك فيها
عمى : خير يا سليم
انا : عاوز ادخل فى مشاريع جديده غير شغل الادويه والمقاولات والاستيراد والتصدير
عمى : مشاريع زى ايه يا سليم
انا : عاوز ادخل فى استصلاح الأراضي الصحراويه وتربية الدواجن والثروه الحيوانيه بشكل عام
عمى : بس دى مشاريع عاوزه خبره ومحتاجه تفرغ يا سليم
انا : بالنسبه للخبره موجوده الحاجات دى كلها انا اشتغلت فيها زمان وفاهمها كويس وبالنسبه للتفرغ فى ناس كتير محتاجه شغل وانا هعرف استفيد من كل ده
عمى : طب هتبدأ ازاى
انا : فى حتة ارض مساحتها 10000 فدان الحكومه عاوزه تعرضها للأستصلاح لكبار المستثمرين بحيث انها تبقى قطعه واحده انا هاخدها وهعمل عليها مدينه كامله
عمى : مدينه كامله ازاى يعنى
انا : المعلومه اللى عندى ان الحكومه عاوزه تقسم الارض لجزء زراعى وجزء صناعى خاص بالمنتجات الزراعيه .... بس بشرط ان الجزء الصناعى مايتعداش 500 فدان .... فى الجزء ده انا هعمل مصنع علف ومصنع اسمده ومجزر آلى وهعمل مدرسه صغيره لتعليم الشباب الشغل فى كل الكلام ده .... ده غير مساحة 2000 فدان هتتعمل مزعة دواجن ومزعة عجول .... وباقى الأرض هزرع جزء منها قمح والباقى هزرع فيه فول صويا وذره علشان مصنع العلف غير الفاكهه والخضار .... وهنا فى مصنع الادويه هعمل خطوط انتاج ادويه بيطريه علشان المزارع
عمى : بس ده مشروع ضخم جدا يا سليم وهيكلف مليارات
انا : عارف يا عمى .... المشروع ده استثمار طويل الأجل والحكومه هتدى فرصه للى هياخد المشروع 10 سنين ده غير انها هتقدم مساعدات كتير ده غير البنوك اللى هتفتح ابوابها للمستثمرين
عمى : انت ناوى تاخد قرض
انا : مش فى البدايه يا عمى بس اكيد مع الوقت هنحتاج سيوله كبيره لأنى عاوز المشروع يبقى جاهز بالكتير بعد خمس سنين مش عشره زى ما خطة الحكومه بتقول .... المشروع ده مكاسبه كتير جدا .... اول حاجه هيوفر فرص عمل كتير للشباب ده غير انه هيقلل العجز اللى فى السوق ولو حضرتك ملاحظ ان احنا بنستورد كل الحاجات دى يعنى مهما انتجنا احنا برضه لسه محتاجين .... يعنى ببساطه المشروع ده مكسب للكل حكومه وشعب واحنا كمان
عمى : اعمل دراسة جدوى للمشروع وبعد كده نشوف هنعمل ايه
انا : الدراسه جاهزه والملف ده فيه كل التفاصيل
عمى : من الواضح انك متحمس جدا للمشروع ده
انا : طبعا يا عمى .... المشروع ده زى ما هيكلفنا مليارات هيكسبنا برضه مليارات ملهاش اخر
عمى : ماشى يا سليم .... انا هدرس المشروع ده وبعد كده اقولك رائى
انا : تمام يا عمى

• من ناحيه تانيه عند هبه خطيبة كريم قاعده فى مكتبها بتخلص شغل ودخل عليها كريم

كريم : صباح الخير يا حبيبتى
هبه : كنت فين يا استاذ غاطس بقالك يومين
كريم : كنت بخلص شغل مهم كان مكلفنى بيه الدكتور سليم
هبه : اموت واعرف ايه الشغل ده
كريم : بعد الشر عليكى يا حبيبتى
هبه : انا كده مش هعرف اخد منك حق ولا باطل
كريم : سيبك من الكلام ده كله .... ايه رائيك اعزمك على العشاء النهارده فى اى مكان انتى تختاريه
هبه : وايه المناسبه اللى هتخلى كريم باشا يتعطف ويتنازل ويسيب شغله الغامض ويعزمنى على العشاء
كريم : فى مناسبه كبيره جدا
هبه : خير يا سيدى
كريم : المناسبه هى ان انا بحبك
هبه : اموت واعرف بتعرف تاكل بعقلى حلاوه كده ازاى
كريم : ببساطه علشان بحبك
هبه : ماشى يا سيدى وانا موافقه على العزومه بس اعمل حسابك لو لغيت العزومه لأى سبب تنسى اى حاجه ما بينا لأنى انا خلاص جيبت اخرى منك
كريم : ماتقدريش تسيبينى
هبه : ليه بقى
كريم : علشان انتى بتحبينى وبتقولى الكلام ده من وراء قلبك وعارفه كويس ان ظروفى صعبه وانتى مقدراها
هبه : ماشى يا كريم .... يلا روح شوف شغلك وسيبنى اخلص شغل ونتقابل بالليل
كريم : حاضر يا حبيبتى

• من ناحيه تانيه فى الفيلا عندى .... مريم قاعده فى الجنينه سرحانه ودخلت عليها لمياء

لمياء : الجميل سرحان فى ايه
مريم : خضتينى يا لمياء
لمياء : من الواضح كده فى حاجه مهمه شاغله تفكيرك
مريم : انتى ليه ماروحتيش المستشفى لحد دلوقتى
لمياء : لا انا خلاص مش رايحه المستشفى تانى
مريم : ليه كده
لمياء : هكتفى بالعياده بتاعتى وبس على الاقل فى الفتره اللى جايه
مريم : اشمعنا
لمياء : ابنى محتاجنى يا مريم .... فى الفتره الأخيره انا اهملت اسامه جدا حتى يوسف بقيت مهمله معاه علشان كده قررت افضى وقت ليهم وقررت اشغل العياده خمس ايام فى الأسبوع وهجيب معايا دكتوره زميلتى علشان تشيل معايا شويه فى الشغل .... انا عاوزه اتفرغ شويه لجوزى وابنى
مريم : انتى كده بتفكرى صح
لمياء : ماقولتليش كنتى سرحانه فى ايه
مريم : سرحانه فى سليم
لمياء : ماله سليم .... فى حاجه حصلت
مريم : مش عارفه يا مريم بس احواله اليومين دول غريبه شويه .... على طول سرحان ومش مركز معايا ده غير ان الفتره اللى فاتت بتجيله تليفونات كتير غامضه ومش عارفه ايه اللى بيحصل بالظبط
لمياء : جايز يكون فى مشاكل فى الشغل
مريم : مش عارفه بقى .... بس انا حاسه ان سليم بقى بعيد عنى .... حاسه زى ما يكون فى عازل مابينا .... هنقولى الشغل هقولك فى عز ما كان سليم مشغول بمشاكل الشغل والحروب ايام ما كان بابا مش موجود سليم كان بيلاقى الوقت اللى يقعد فيه معايا ويعرف اخبارى .... انا بقالى كام شهر مش بكتب اى روايه وسليم مايعرفش .... انا حاسه ان سليم بقى غريب عنى او فى حد تانى فى حياته
لمياء : ماتخليش دماغك تروح لبعيد .... سليم بيحبك ومش ممكن يخونك .... سليم كان عنده استعداد يعيش من غير ***** ساعة ما كان فى تأخير فى الخلفه
مريم : انا خلاص تعبت من التفكير والحيره
لمياء : تحبى اتكلم مع سليم
مريم : لا يا لمياء
لمياء : يبقى انتى اللى لازم تتكلمى معاه .... الحاجه اللى بتدمر اى علاقه هى السكوت .... لو فضلتى ساكته كده واستسلمتى لإحساسك ساعتها علاقتك بسليم هتوصل لنهايتها
مريم : حاضر يا مريم انا هتكلم مع سليم

• فجأه تليفون مريم رن

مريم : ده سليم بيتصل
لمياء : طب ردى عليه
مريم : حاضر

• ردت مريم على التليفون

انا : ازيك يا حبيبتى
مريم : تمام
انا : مالك يا مريم
مريم : عادى مفيش حاجه
انا : هو انا مش عارف صوتك .... ايه اللى مضايقك يا مريم
مريم : صدقنى يا سليم مفيش حاجه بس جايز زهقانه شويه ..... انت بتتصل ليه فى حاجه
انا : بتصل لسببين .... السبب الأول انى خرجت الصبح وانتى كنتى نايمه ومرضيتش ازعجك علشان كده قولت اكلمك علشان اصبح عليكى
مريم : ماشى يا سيدى ..... والسبب التانى
انا : السبب التانى هو انى عازمك النهارده على العشاء .... انا حجزت النهارده بالليل فى مطعم حلو اتمنى ان ذوقى يعجبك
مريم : طبعا ذوقك بيعجبنى مش اختارتنى
انا : يبقى انتى كده ذوقك وحش جدا
مريم : ليه بتقول كده
انا : لأنك اختارتينى هو فى ذوق اوحش من كده
مريم : ماتقولش كده يا سليم
انا : سامحينى يا مريم
مريم : اسامحك على ايه يا سليم
انا : انا عارف انى كنت مقصر معاكى فى الفتره اللى فاتت بس ضغط الشغل والمشاكل اللى معايا مأثره شويه
مريم : وانا هستحملك يا سليم مهما كان الشغل والمشاكل
انا : بحبك يا مريم
مريم : وانا كمان بحبك
انا : طب اسيبك دلوقتى علشان معايا شغل وبالليل هنخرج نتعشى مع بعض زى ما اتفقنا
مريم : حاضر يا حبيبى وانا هكون جاهزه ومستنياك
انا : وبعد العشاء عاوز نسهر مع بعض براحتنا علشان كده عاوزك تخلى نانسى ودياب مع لمياء
مريم : انت كده عاوز تسهر للصبح
انا : واحنا ورانا ايه
مريم : وراك شغل يا استاذ
انا : فى داهيه الشغل يا حبيبتى .... انا اهم حاجه عندى سعادتك
مريم : ماشى يا حبيبى
انا : مع السلامه دلوقتى
مريم : مع السلامه يا حبيبى

• قفلت مريم معايا

مريم : سليم ده مخاوى جن ولا بيتجسس عليا ولا ايه بالظبط
لمياء : ليه بتقولى كده
مريم : سليم عازمنى على العشاء النهارده وبيقولى اسامحه لانه مقصر معايا ومضغوط فى الشغل
لمياء : شيلى التخريف ده من دماغك .... سليم بيحبك وهو عارف ان الشغل مأثر عليه وبيحاول يهتم بيكى
مريم : ماشى يا ستى .... طب انتى رايحه العياده النهارده
لمياء : لا العياده اجازه النهارده .... بتسألى ليه
مريم : حلو جدا .... انا هسيبلك نانسى ودياب النهارده وخليهم يباتوا عندك
لمياء : دى شكلها مش عزومة عشاء وبس دى شكلها فيها سهره كمان
مريم : اتلمى يا جزمه
لمياء : هههههه ماشى يا ستى بس انا كده ليا عندك واحده
مريم : ما انتى كل كام يوم تسربى اسامه عندى فى مره اشتكيت
لمياء : ماشى يا ستى
مريم : صحيح قبل ما انسى انتى بتكلمى اختك
لمياء : اخر مره كلمت شرين كان من يومين بس ليه بتسألى
مريم : بكلمها من الصبح وتليفونها مقفول
لمياء : شرين مسافره مع طارق العين السخنه
مريم : طبعا مهيصه فى السخنه وقافله تليفونها
لمياء : هى سافرت مع طارق فسحه وشغل مع بعض .... طارق اشترى حتة ارض فى السخنه وعاوز يبنى عليها قريه سياحيه وسافر علشان يرتب الدنيا هناك وشرين سافرت معاه
مريم : بس طارق اشترى الأرض دى من فتره كبيره وكان ناوى يسيبها فتره لأن السياحه مش مستقره
لمياء : لا هو كان سايبها علشان مش معاه سيوله كفايه للمشروع ده دلوقتى
مريم : يعنى مشكلة السيوله اتحلت
لمياء : طارق خلى شرين تدخل معاه شريكه فى المشروع بفلوسها والباقى هياخد بيه قرض من البنك
مريم : طب ده شئ كويس .... وجوزك مش ناوى يسيبه من شغل البوليس ويبعد عن الخطر ويفتحله مشروع
لمياء : يوسف مايعرفش يشتغل حاجه غير فى البوليس .... من فتره اتكلمت معاه فى الموضوع ده اتعصب وقالى انا ظابط شرطه هعيش وهموت ظابط شرطه
مريم : طالما حابب شغله يبقى خلاص
لمياء : بس انا هفضل طول عمرى قلقانه عليه .... انتى عارفه انى اتخانقت معاه من كام يوم
مريم : ليه كده
لمياء : كنا بنتكلم عن اسامه ومستقبله وقال انه عاوزه يدخل كلية الشرطه لما يكبر بس انا رفضت .... انا مش هعيش طول عمرى قلقانه على ابنى
مريم : يا ستى محدش عارف بكره فى ايه
لمياء : انا مليش علاقه ببكره .... انا كل اللى يهمنى اتطمن على ابنى

• من ناحيه تانيه فى قنا عند فاتن فى الجامعه قاعده فى الكافتريا لوحدها ودخل عليها الواد اللى اسمه سيف اللى معاه جاردات كتير .... مجرد ما سيف راح عند فاتن كل الطلبه اللى فى الكافتريا اندهشوا وبصوا عليهم

سيف : ازيك يا دكتوره
فاتن : الحمد لله .... خير فى حاجه
سيف : كنت عاوز اتطمن على والدك عرفت انه اتضرب بالنار وفى غيبوبه
فاتن : وانت ايه علاقتك بوالدى
سيف : لا مفيش علاقه بينى وبين والدك بس انا شوفته اكتر من مره لما كان بيجيلك الجامعه
فاتن : عموما هو كويس وفاق من الغيبوبه
سيف : عرفتوا مين اللى عمل كده
فاتن : وانت ايه يخصك اصلا فى الموضوع ده
سيف : انا اسف اذا كنت بتدخل فى شئ مايخصنيش بس حسيت انى عاوز اتطمن عليكى ..... عن اذنك
فاتن : استنى يا دكتور
سيف : خير يا دكتوره
فاتن : انا اسفه لو كنت كلمتك بطريقه بايخه بس انا فعلا مضغوطه شويه
سيف : لا ما يهمكش بس انا فعلا كنت عاوز اتطمن عليكى بقالى فتره ومش عارف خصوصا انك دايما قاعده مع صاحبتك وما صدقت لقيتك لوحدك
فاتن : وانت تعرفنى من فين علشان تطمن عليا
سيف : صدقنى انا مش عارف عملت كده ازاى .... انا طول عمرى فى حالى ومليش علاقه بأى حد وعمرى ما اتعرضت لأى واحده .... انا لحد دلوقتى مش عارف كلمتك ازاى
فاتن : غريبه دى
سيف : ولا غريبه ولا حاجه بس انا ظروفى صعبه شويه بس ده مش موضوعنا .... اهم حاجه بالنسبالى دلوقتى انى اتطمنت عليكى وعلى والدك .... عن اذنك

• سابها سيف ومشى .... بعدها بشويه دخلت عليها نسمه

نسمه : ايه اللى حصل ده يا فاتن
فاتن : حصل ايه
نسمه : انا شوفت سيف واقف معاكى وبيكلمك
فاتن : بيقول انه عاوز يتطمن على بابا وعليا
نسمه : غريبه .... ده سيف من اول ما وصل للجامعه وملهوش علاقه بأى حد هنا نهائى
فاتن : مش عارفه بقى اهو ده اللى حصل
نسمه : زى ما قولتلك قبل كده سيف عينه منك
فاتن : من بعد ما قولتيلى الموضوع ده وانا لاحظت حاجه غريبه
نسمه : خير يا ستى
فاتن : دايما بشوفه حواليا هنا فى الجامعه وفى الشارع وفى المطاعم .... ده انا حتى اكتشفت انه ساكن فى شقه فى نفس الشارع بتاعى وتحديدا فى العماره اللى فى وشى
نسمه : ده كده الموضوع كبير فعلا
فاتن : انا بجد مش فاهمه فى ايه ولا عارفه سيف يطلع مين بالظبط .... اول مره فى حياتى اركز مع حد بالشكل ده
نسمه : شكلها كده قصة حب يا مزه
فاتن : بطلى الهبل اللى بتقوليه ده يا نسمه .... انا كل الحكايه محتاره شويه
نسمه : الحقى يا نسمه مش ده ابوكى اللى داخل من الكافتريا
فاتن : ايه ده فين ده .... اه ده بابا

• دخل محمد عليهم واخد فاتن بالحضن وسلم على نسمه وقعد معاهم

فاتن : ايه المفاجأه الحلوه دى
محمد : كان معايا شغل هنا وقولت اعدى عليكى بالمره واشوفك اذا كنتى محتاجه حاجه
فاتن : تنور الدنيا يا حبيبى
محمد : ازيك يا نسمه
نسمه : الحمد لله يا عمو
محمد : ايه اخبار الدراسه معاكم يا بنات
فاتن : كله تمام يا بابا
محمد : مش محتاجين حاجه
فاتن : لا يا حبيبى كله تمام
محمد : على العموم انا احتمال كبير اسافر القاهره اخر الاسبوع قوليلى لو محتاجه حاجه قبل ما اسافر
فاتن : خير يا بابا فى حاجه
محمد : لا مفيش حاجه بس معايا شوية شغل هناك هخلصه وارجع وكنت عاوز اروح للدكتور سليم الجراح الراجل خبط مشوار جامد لما كنت فى الغيبوبه علشان يتطمن عليا
فاتن : طب هتتأخر فى القاهره
محمد : لا مش هتأخر الحكايه كلها يومين وراجع
فاتن : تروح وترجع بالسلامه
محمد : مش عاوزه حاجه من القاهره
فاتن : ابقى فكر الدكتور سليم بالموضوع اللى انا كلمته فيه
محمد : موضوع ايه بالظبط
فاتن : كنت متفقه معاه انى هسافر القاهره فى اجازة نص السنه علشان اتدرب فى المصنع انا ونسمه
محمد : ماشى يا ستى انا هكلم الدكتور سليم

• من ناحيه تانيه على طربيزه قريبه من فاتن وابوها .... فى اتنين شباب قاعدين مع بعض واحد اسمه حسام والتانى اسمه مازن حاطين عينهم على فاتن

مازن : وبعدين معاك يا حسام انت مش ناوى تشيل البنت دى من دماغك
حسام : مش هسيبها يعنى مش هسيبها
مازن : انت مش حاولت معاها ورفضتك
حسام : لسه ما اتخلقتش اللى ترفض حسام ابو اليزيد .... هى بس بتتقل شويه
مازن : انت شوفت الواد سيف من شويه كان واقف معاها
حسام : ادفع نص عمرى واعرف مين سيف ده كمان وحكايته ايه بالظبط
مازن : انا شايف انك تشيل فاتن من دماغك احنا مش ناقصين مشاكل
حسام : لو كانت خايف اسحب نفسك لكن انا مش هسيبها لو انطبقت السماء على الأرض
مازن : ليه كل ده .... هو اللى خلقها مخلقش غيرها
حسام : انا بقى مش شايف غيرها ومش هرتاح غير لما اتجوزها
مازن : تتجوزها مره واحده
حسام : امال انت فاكر ايه
مازن : انا فاكرك عاوز تتسلى شويه بيها وتسيبها زى اللى قبلها
حسام : مش مع اللى زى فاتن .... فاتن مش بتاعة تسليه والكلام ده
مازن : الموضوع كده بيوسع يا حسام
حسام : الحكايه محتاجه تكتيك وترتيب
مازن : تكتك يا اخويا براحتك لما نشوف ايه اخرتها معاك
حسام : اخرتها هتشهد على كتب كتابى على فاتن صقر
مازن : انت مصمم بقى
حسام : عيب عليك ده انا حسام اليزيد يعنى لما احط حاجه فى دماغى لازم اعملها وانا دخلت رهان بينى وبين نفسى على البنت دى ولازم اكسب الرهان

• من ناحيه تانيه فى المقطم بعد كام ساعه فى شقة دارين .... دارين كانت قاعده مع الين بيرغوا مع بعض

الين : وبعدين فى الملل ده
دارين : انتى لحقتى تحسى بالملل
الين : انا مش بعمل اى حاجه غير انى بروح المدرسه الصبه وبعد كده ارجع اتغدى وانام شويه وبعد كده اذاكر واتعشى وانام تانى واليوم بيتكرر من غير اى جديد
دارين : علشان تصدقينى
الين : شكلها كده هرجع لندن تانى
دارين : لا وحياتى عندك اوعى تسبينى انا مصدقت انك معايا
الين : كده ولا كده مش هقدر اسافر لندن دلوقتى
دارين : بس انتى ما قولتليش ايه حكاية الحلم اللى قولتيلى عنه من يومين فى التليفون
الين : ده حلم غريب بقالى فتره كبيره بحلم بيه ومش فاهمه ايه نهايته ولا ايه المطلوب منى .... كل اللى انا فهمته انى المفروض ارجع مصر وساعتها هفهم كل حاجه
دارين : طب الحلم ده عباره عن ايه
الين : بشوف نفسى قاعده على كرسى فرعونى من الدهب وشكلى خايف ومخضوض وفى تعابين كتير حواليا وفى واحد بيحاول ينقذنى بس كل ما يقرب منى التعابين بتقرب منى اكتر وكأنها عاوزه تبعدنى عنه وبشوف الشخص ده بيكلمنى وانا كمان بكلمه بس مش بسمع اى حاجه كل اللى بسمعه كلمتى وانا بقوله انت اللى هتقدر تنقذنى .... والمشكله ان الحلم بيتكرر كل يوم
دارين : حاجه غريبه فعلا
الين : الأغرب من كده انى بقيت اشوف الشخص ده فى الحقيقه .... انا حاسه انى اعرفه بس مش عارفه شوفته فين قبل كده
دارين : بتشوفيه فى الحقيقه ازاى يعنى
الين : من شهر تقريبا كنت تعبانه شويه ودخلت المستشفى فى لندن ... كنت قاعده فى اوضتى على سريرى وببص على شباك الأوضه وشوفته واقف وباصص عليا قومت علشان الحقه بس كان اختفى بسرعه
دارين : لا ده كده الموضوع كبير فعلا
الين : وفى حاجه كمان بس محدش يعرفها خالص
دارين : حاجة ايه تانى
الين : من فتره كده صحيت من نومى على الم جامد وحراره فى صدرى ناحية القلب قلعت هدمى علشان اشوف فى ايه واتفاجأت بوشم على صدرى مرسوم فيه صورة الشخص ده
دارين : بدانا فى التخريف
الين : صدقينى هو ده اللى حصل
دارين : ورينى الوشم ده
الين : لا اتكسف
دارين : يابنت انتى ماتجننيش معاكى وورين الوشم ده
الين : قولتلك لا يعنى لا .... انا عمر ما حد شاف جسمى ومش هيحصل ابدا ولو على جثتى
دارين : يا ستى انا مش هشوف جسمك .... انا هغمض عينك وانتى هتكشفى الجزء اللى فيه الوشم وبس .... وخدى الفوطه دى غطى جسمك بيها
الين : طب غمضى عينك
دارين : حاضر يا ستى لما نشوف اخرتها

• غمضت دارين عيونها .... والين قلعت التيشرت وغطت نفسها كويس معادا الجزء اللى فيه الوشم

الين : فتحى عنيكى
• فتحت دارين عينها

دارين : فين الوشم ده
الين : اهو يا بنتى انتى مش شايفاه
دارين : انا مش شايفه اى حاجه
الين : ازاى ده بقى
دارين : صدقينى زى ما بقولك انا مش شايفه حاجه
الين : اقسملك الوشم موجود
دارين : خلاص البسى هدومك

• الين لبست هدومها بس دماغها مشوشه ومش فاهمه اى حاجه ... قعدت الين شويه مع دارين بس الين كانت سرحانه ومش مركزه
• نرجع عندى خلصت شغلى ورجعت الفيلا اخدت شاور وغيرت هدومى واخدت مريم وخرجنا نتعشى مع بعض .... وصلنا المطعم وقعدنا

انا : ايه رائيك فى المكان
مريم : مكان جميل جدا
انا : انا عارف يا مريم انك تعبتى معايا الفتره اللى فاتت واى كلام هقوله مش هيوفيكى حقك
مريم : انسى يا سليم كل الكلام ده وخلينا فى اللحظه الجميله دى
انا : حاضر يا حبيبتى
مريم : بس ما قولتليش انت عرفت المطعم ده من فين
انا : بصراحه كده ومن غير لف ودوران دياب هو اللى قالى على المطعم ده .... كنت قاعد مع دياب الصبح وقولتله انى مقصر معاكى ومش بخرجك بسبب ضغط الشغل علشان كده رشحلى المطعم ده
مريم : اكتر حاجه بحبها فيك يا سليم انك صريح ومش بتعرف تكذب
انا : انا لو كذبت على الدنيا كلها مش بقدر اكذب عليكى

• فجأه تليفونى رن خرجته من جيبى وكنسلت على اللى بيتصل

مريم : مين اللى بيتصل
انا : لا متاخديش فى بالك ده الشغل
مريم : اوعى تقول انك هتسيبنى وتروح الشغل
انا : لا طبعا .... انا معاك يا باشا للصبح
مريم : اه .... احسب

• فجأه دخل كريم ومعاه هبه من باب المطعم اول ما شافونا راحوا ناحيتنا

كريم : ايه الصدف السعيده دى
انا : كريم !! .... انت بتعمل ايه هنا .... هو انا هخلص منك فى الشركه والفيلا تقوم تيجى ورايا
كريم : لا يا عم انا مش جاى وراك .... انا جاى مع هبه
انا : ازيك يا هبه
هبه : ازيك يا سليم .... ازيك يا مريم
مريم : وحشتينى يا جزمه بقالى كتير مش بشوفك
هبه : اعمل ايه فى جوزك اللى مطلع عينى فى الشغل
انا : خلاص يا هبه اعتبرى نفسك مرفوده من بكره
هبه : هو انا اقدر على زعلك يا سليم ..... انا بهزر معاك يا اخى
انا : ماشى يا ستى .... طب يلا روحوا شوفوا نفسكم هتقعدوا فين سيبونى لوحدى مع حبيبتى
هبه : سهره رومانسيه وكده .... ماشى يا سيدى هنسيبكم براحتكم

• مشى كريم وهبه وراحوا قعدوا على طرابيزه لوحدهم

مريم : هو انت كنت عارف ان كريم وهبه جايين يسهروا هنا
انا : وانا لو كنت عارف كده كنت جيت هنا اصلا
مريم : صدفه غريبه

• من ناحيه تانيه عند الين ودارين فى الشقه

الين : انا اتخنقت وهنزل اتمشى شويه فى الشارع وبعد كده هروح
دارين : طب استنى هنزل معاكى
الين : سيبينى شويه يا دارين انا عاوزه اتمشى لوحدى شويه
دارين : مش هينفع اسيبك فى الحاله دى .... انا هتمشى معاكى ومش هتكلم خالص
الين : طب يلا بينا ومش عاوزه اسمع صوتك
دارين : حاضر يا ستى

• نزل الاتنين مع بعض يتمشوا .... فجأه وقفوا قصاد باب العماره

دارين : تعالى نركب عربيتى ونلف شويه فى الشارع
الين : حاضر ياستى

• قعد الاتنين يلفوا مع بعض فى الشوارع لحد ما وصلوا قصاد كمين شرطه معمول بعد الهضبه الوسطى قصاد نزلة السبعين .... الكمين كان زحمه وفى عربيات كتير .... وقف البنتين فى الكمين مستنيين يعدوا

الين : شكلها كده فى مشكله هناك اا هنزل اشوف فى ايه
دارين : تنزلى ايه يا مجنونه استنى هنا

• الين ماسمعتش الكلام ونزلت من العربيه ودارين وراها .... مجرد ما اتمشوا كام خطوه اتصدموا من اللى شايفينه
• فى نفس الكمين كان سليم صقررواقف مستنى يعدى وفجأه الظابط وقفه

الظابط : روينى رخصك
سليم : اتفضل يا فندم
الظابط : لوسمحت انزل من العربيه علشان هنفتشها
سليم : تفتشها ليه يا فندم

• الجاردات اللى بيحرسوا سليم من بعيد اول ما شافوا اللى بيحصل اتدخلوا على طول

سليم : خير يا فندم فى ايه
الظابط : جالنا بلاغ عن العربيه انا بتستخدم فى تهريب المخدرات
الجارد : مخدرات ايه يا فندم
الظابط : مين انت كمان
الجارد : الجارد بتاع مستر سليم
الظابط : الظاهر كده البلاغ مظبوط
سليم : مخدرات ايه وزفت ايه
الظابط : دلوقتى هنفتش العربيه وكل حاجه هتبان
سليم : العربيه قصادك فتشها

• فتح العساكر العربيه وفتشوها وفتحوا التابلوه بتاع العربيه وطلعوا كيس هيروين

الظابط : عرفت بقى مخدرات ايه اللى بندور عليها .... اقبضوا عليه
سليم : يا فندم انا معرفش اى حاجه عن المخدرات دى
الظابط : وماله فى القسم هنعرف كل حاجه

• قبض الظابط على سليم وهو وبيركبه البوكس سليم عينه جات فى عين الين .... لكن مالحقش يعمل حاجه لأن العربيه اتحركت بيه بسرعه
الين بصوت عالى : لا مستحيل ده يحصل مستحيل
دارين : انتى تعرفى سليم صقر
الين : انتى بتقولى مين
دارين : الشاب اللى بيتقبض
الين : ده الشخص اللى بحلم بيه وحكيتلك عنه .... معقول الشخص ده يطلع سليم صقر فى الاخر
دارين : انتى تعرفى سليم صقر من فين
الين : انا لازم امشى دلوقتى
دارين : تمشى تروحى فين
ازلتالين : سيبينى يا دارين دلوقتى ارجوكى .... انا لازم امشى دلوقتى حالا

• يا ترى ايه اللى هيحصل تانى .... استونى الجزء اللى جاى .... اشوفكم بخير

وبعدين معاك بقا يا مبدع هتفضل كده ع طول مع كل جزء تشوقنا بابداعك جميل جداً استمر بس ياريت متتاخرش في الجزء الجديد

 

[Ana loka]

الين هي نفسها چاسمين 🤔🤔